ನನ್ನದು ಸೌಮ್ಯ ಅನ್ನೋ ಹೆಸರಿನ ಪಾತ್ರ. ಅಮೆರಿಕದಿಂದ ಒಂದು ಕೆಲಸದ ಮೇಲೆ ಇಂಡಿಯಾಕ್ಕೆ ಬಂದಿರ್ತೀನಿ. ಏನೇ ಪ್ರಾಬ್ಲಂ ಬರಲಿ, ಹಿಡಿದ ಗುರಿ ಬಿಡದ ಆಟಿಟ್ಯೂಡ್ ಇರೋ ಹುಡುಗಿಯ ಪಾತ್ರ ಅದು. ಹೆಸರು ಮಾತ್ರವೇ ಸೌಮ್ಯ.

ಹೀಗೆ ಹೇಳೋ ಕಾಶ್ಮೀರ ಪರದೇಸಿಗೆ ಚಿತ್ರದಲ್ಲಿ ನಾಯಕ ಮತ್ತು ನಾಯಕಿ ಇಬ್ಬರ ಪಾತ್ರಕ್ಕೂ ತೂಕವಿದೆ. ಪರ್ಫಾಮೆನ್ಸ್‍ಗೆ ಅವಕಾಶ ಇದೆ. ಅದರಲ್ಲಿ ಮಳೆಯಲ್ಲಿ ನೆನೆಯುವ ದೃಶ್ಯ ನನಗೆ ಫೇವರಿಟ್ ಎನ್ನುತ್ತಾರೆ ಕಾಶ್ಮೀರ ಪರದೇಸಿ.

ವಿಜಯ್ ಕುಮಾರ್ ಕೊಂಡ ಮತ್ತು ನಿಖಿಲ್ ಕುಮಾರಸ್ವಾಮಿ ಅವರ ಸಹಕಾರ ಮರೆಯೋಕಾಗಲ್ಲ. ಚಿತ್ರದ ಮೇಲೆ ಒಳ್ಳೆಯ ನಿರೀಕ್ಷೆಗಳಂತೂ ಇವೆ ಎನ್ನುವ ಕಾಶ್ಮೀರ ಪರದೇಸಿಗೆ ಬೆಂಗಳೂರು ವಾತಾವರಣ ಇಷ್ಟ. ಟ್ರಾಫಿಕ್ ಅಂದ್ರೆ ಸಿಕ್ಕಾಪಟ್ಟೆ ಕೋಪ.

ಲಹರಿ ಸಂಸ್ಥೆ ಸುದೀರ್ಘ ಗ್ಯಾಪ್ ನಂತರ ಚಿತ್ರ ನಿರ್ಮಾಣಕ್ಕೆ ಧುಮುಕಿದೆ. ಲಹರಿ ಸಂಸ್ಥೆಯ ಹೊಸ ಚಿತ್ರಕ್ಕೆ ನಿಖಿಲ್ ಕುಮಾರಸ್ವಾಮಿ ನಾಯಕರಾಗಿದ್ದು, ಈಗ ಚಿತ್ರಕ್ಕೆ ನಾಯಕಿಯ ಆಯ್ಕೆಯೂ ಮುಗಿದಿದೆ. ಚಿತ್ರಕ್ಕೆ ನಾಯಕಿಯಾಗಿ ಕಾಶ್ಮೀರ ಪರದೇಶಿ ಆಯ್ಕೆಯಾಗಿದ್ದಾರೆ.

ಮುಂಬೈ ಮೂಲದ ಕಾಶ್ಮೀರ ಪರದೇಶಿ, ಮಾಡೆಲಿಂಗ್, ರಂಗಭೂಮಿಯಲ್ಲಿ ಸಕ್ರಿಯವಾಗಿರುವ ಹುಡುಗಿ. ಈಗಾಗಲೇ ಹಿಂದಿಯಲ್ಲಿ ಅಕ್ಷಯ್ ಕುಮಾರ್ ಜೊತೆ ಮಿಷನ್ ಮಂಗಲ್ ಚಿತ್ರದಲ್ಲಿ, ತೆಲುಗಿನಲ್ಲಿ ನಾಗಶೌರ್ಯ ಜೊತೆ ನರ್ತನ್ ಶಾಲಾ ಚಿತ್ರದಲ್ಲಿ ನಟಿಸಿದ್ದಾರೆ. ವಿಜಯ್ ಕುಮಾರ್ ಕೊಂಡ ನಿರ್ದೇಶನದ ಚಿತ್ರಕ್ಕೆ ಈಗಾಗಲೇ ಸಂಪದ ಎಂಬ ಕಲಾವಿದೆ ಆಯ್ಕೆಯಾಗಿದ್ದಾರೆ. ಕಾಶ್ಮೀರ ಮೊದಲನೇ ನಾಯಕಿಯಾದರೆ, ಸಂಪದಾ 2ನೇ ನಾಯಕಿ.