` sri bharatha bahubali - chitraloka.com | Kannada Movie News, Reviews | Image

sri bharatha bahubali

  • ಭರತ ಬಾಹುಬಲಿ ಎಂಬ ಕಾಮಿಡಿ ಥ್ರಿಲ್ಲರ್

    sri bharatha bahuballi image

    ಭರತ ಬಾಹುಬಲಿ ಟ್ರೇಲರ್ ನೋಡಿದವರಿಗೆ ಒಂದು ಅಚ್ಚರಿಯಾಗಿ ಕಾಣಿಸುವುದು ಫಾರಿನ್ ಚೆಲುವೆ. ವಿಶೇಷವೆಂದರೆ ಇಡೀ ಕಥೆಯ ಕೇಂದ್ರ ಬಿಂದುವೇ ಅವಳು. ತನ್ನ ಪೂರ್ವ ಜನ್ಮವನ್ನು ಹುಡುಕಿಕೊಂಡು ಬರುವ ಆಕೆ, ಇಡೀ ಕಥೆಯ ಟರ್ನಿಂಗ್ ಪಾಯಿಂಟ್.

    ಮಂಜು ಮಾಂಡವ್ಯ ನಿರ್ದೇಶನದ ಭರತ ಬಾಹುಬಲಿಯಲ್ಲಿ ಸಕ್ಕತ್ ಕಾಮಿಡಿ ಇದೆ. ಅದರಲ್ಲೂ ನನ್ನ ಮತ್ತು ಚಿಕ್ಕಣ್ಣ ಕಾಂಬಿನೇಷನ್ನಿನ ಕಾಮಿಡಿ ದೃಶ್ಯಗಳು ಅದ್ಭುತವಾಗಿ ಮೂಡಿ ಬಂದಿವೆ ಎನ್ನುತ್ತಾರೆ ಮಂಜು.

    ಮಾಸ್ಟರ್ ಪೀಸ್ ನಂತರ ಮಂಜು ಮಾಂಡವ್ಯ ನಿರ್ದೇಶಿಸಿರುವ ಚಿತ್ರವಿದು. ಚಿತ್ರಕ್ಕೆ ಅವರೇ ಹೀರೋ. ಜನವರಿ 17ಕ್ಕೆ ಸಿನಿಮಾ ರಿಲೀಸ್ ಆಗುತ್ತಿದೆ.

  • ಭರತ ಬಾಹುಬಲಿಯಲ್ಲಿ ಚರಣ್ ರಾಜ್ ಪುತ್ರ

    charan raj's son in bharatha baahubali movie

    ಚರಣ್ ರಾಜ್ ಪುತ್ರ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ಬೇರೆ ಭಾಷೆಯ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿರುವ ಚರಣ್ ಪುತ್ರ ತೇಜ್, ಭರತ ಬಾಹುಬಲಿ ಚಿತ್ರದಲ್ಲಿ ನಟಿಸಿದ್ದಾರೆ. ಆದರೆ, ಹೀರೋ ಆಗಿ ಅಲ್ಲ, ಪ್ರಮುಖ ಪಾತ್ರದಲ್ಲಿ. ಅದೇ ಬಾಹುಬಲಿ ಪಾತ್ರ.

    ನಮ್ಮ ಚಿತ್ರದ ಬಾಹುಬಲಿ ಪಾತ್ರಕ್ಕೆ ಕಟ್ಟುಮಸ್ತಾದ ಯುವಕನ ಹುಡುಕಾಟದಲ್ಲಿದ್ದೆ. ತೇಜ್ ಅವರನ್ನು ಕಂಡು ಖುಷಿಯಾಯಿತು. ನೇರವಾಗಿ ಚರಣ್ ರಾಜ್ ಅವರನ್ನೇ ಸಂಪರ್ಕಿಸಿದೆ. ಚರಣ್ ರಾಜ್ ಖುಷಿಯಿಂದ ಒಪ್ಪಿಕೊಂಡರು ಎಂದಿದ್ದಾರೆ ಮಂಜು ಮಾಂಡವ್ಯ.

    ಮಂಜು ಮಾಂಡವ್ಯ ಅವರೇ ಚಿತ್ರದ ಹೀರೋ ಮತ್ತು ಡೈರೆಕ್ಟರ್. ಜನವರಿ 17ರಂದು ರಿಲೀಸ್ ಆಗುತ್ತಿರುವ ಚಿತ್ರದಲ್ಲಿ ಚಿಕ್ಕಣ್ಣ ಕೂಡಾ ಪ್ರಧಾನ ಪಾತ್ರ ನಿರ್ವಹಿಸಿದ್ದಾರೆ.

    ತಮ್ಮ ತಂದೆಗೆ ನೀಡಿದ ಪ್ರೋತ್ಸಾಹವನ್ನೇ ನನಗೂ ನೀಡಿ ಎಂದು ಮನವಿ ಮಾಡಿದ್ದಾರೆ ತೇಜ್. ಐಶ್ವರ್ಯಾ ಫಿಲಂಸ್ ಬ್ಯಾನರಿನಲ್ಲಿ ಸಿನಿಮಾ ನಿರ್ಮಾಣವಾಗಿದೆ.

     

  • ಶ್ರವಣಬೆಳಗೊಳಕ್ಕೆ ಬಾಹುಬಲಿ ಮೂರ್ತಿ ರಹಸ್ಯ ಭರತ ಬಾಹುಬಲಿಯಲ್ಲಿ..

    bharatha baahubali has unique story

    ಶ್ರವಣಬೆಳಗೊಳದ ಬಾಹುಬಲಿ ವಿಗ್ರಹದ ಕಥೆ ಗೊತ್ತಲ್ಲ, ಅದನ್ನು ಕಟ್ಟಿಸಿದ್ದು ಚಾವುಂಡರಾಯ. ಅದು ಭರತನ ತಮ್ಮ ಬಾಹುಬಲಿಯ ವಿಗ್ರಹ. ಜೈನ ಧರ್ಮ ಉಚ್ರಾಯ ಸ್ಥಿತಿಯಲ್ಲಿದ್ದ ಕಾಲದಲ್ಲಿ ಚಕ್ರವರ್ತಿ ಚಂದ್ರಗುಪ್ತ ಮೌರ್ಯ ಎಲ್ಲವನ್ನೂ ತ್ಯಜಿಸಿ ಶ್ರವಣಬೆಳಗೊಳಕ್ಕೆ ಬಂದು ಸನ್ಯಾಸಿಯಾಗಿರುತ್ತಾನೆ.. ಇವೆಲ್ಲ ಕಥೆ ಇತಿಹಾಸ ಓದಿದವರಿಗೆ ಗೊತ್ತಿರುವಂಥದ್ದೇ. ಆದರೆ, ಭರತ ಬಾಹುಬಲಿಯಲ್ಲಿ ಇನ್ನೂ ಒಂದು ಕಥೆಯಿದೆ.

    ಶ್ರವಣಬೆಳಗೊಳಕ್ಕೆ ಬಾಹುಬಲಿ ವಿಗ್ರಹ ಬಂದಿದ್ದು ಹೇಗೆ ಅನ್ನೋ ಕಥೆ ಹೇಳಿದ್ದಾರೆ ಮಂಜು ಮಾಂಡವ್ಯ. ಇಡೀ ಚಿತ್ರವನ್ನು ಥಿಯೇಟರಿನಲ್ಲಿ ಆರಂಭದಿಂದಲೇ ನೋಡಿ. ಇಲ್ಲದೇ ಹೋದರೆ ಲಿಂಕ್ ಮಿಸ್ ಆಗುತ್ತೆ. ಹೊಸ ಸ್ಟೈಲ್‍ನಲ್ಲಿ ಚಿತ್ರಕಥೆ ಹೇಳಲಾಗಿದೆ ಎನ್ನುವ ಮಂಜು ಮಾಂಡವ್ಯಗೆ, ಚಿತ್ರವನ್ನು ಜನ ಸ್ವೀಕರಿಸಿದ ಬಗ್ಗೆ ಖುಷಿಯಿದೆ.

    ಶಿವಪ್ರಕಾಶ್ ನಿರ್ಮಾಣದ ಚಿತ್ರದಲ್ಲಿ ಮಂಜು ಮಾಂಡವ್ಯ ಜೊತೆ ಚಿಕ್ಕಣ್ಣ, ಶ್ರೀನಿವಾಸ ಮೂರ್ತಿ ನಟಿಸಿದ್ದಾರೆ