ರೇಮೋ. ಪವನ್ ಒಡೆಯರ್ ನಿರ್ದೇಶನದ ಚಿತ್ರ. ಸಿ.ಆರ್.ಮನೋಹರ್ ಅವರ ಸೋದರ ಇಶಾನ್ ಮತ್ತು ಅಶಿಕಾ ರಂಗನಾಥ್ ನಟಿಸಿರೋ ಚಿತ್ರ. ಅದ್ಧೂರಿತನಕ್ಕೆ ಕೊರತೆಯೇ ಇಲ್ಲದಂತೆ ಮೂಡಿಬಂದಿರೋ ರೇಮೋ ಟೀಸರ್ ರಿಲೀಸ್ ಆಗಿದ್ದು.. ಕೂಲ್ ಕೂಲ್ ಆಗಿಯೇ ಶುರುವಾಗಿ ಹಾಟ್ ಹಾಟ್ ಎನಿಸಿಕೊಳ್ಳುತ್ತೆ.

ಚಿತ್ರದ ನಾಯಕ ರೇಮೋ ಮತ್ತು ನಾಯಕಿ ಮೋಹನಳ ಪಾತ್ರವನ್ನು ಪರಿಚಯಿಸಿದ್ದಾರೆ ಪವನ್. ಮ್ಯೂಸಿಕಲ್ ರೊಮ್ಯಾಂಟಿಕ್ ಚಿತ್ರದಲ್ಲಿ ಹೀರೋ ರ್ಯಾಪ್ ಸಿಂಗರ್. ಹೀರೋಯಿನ್ ಕ್ಲಾಸಿಕಲ್ ಸಿಂಗರ್. ಅವರಿಬ್ಬರ ಮಧ್ಯೆ ಬೆಳೆಯೋ ಸ್ನೇಹ.. ಪ್ರೇಮಗಳ ಕಥೆಯೇ ರೇಮೋ.

ಪವನ್ ಒಡೆಯರ್ ನಿರ್ದೇಶನವಿರೋ ಕಾರಣ, ಚೆಂದದ ಕಥೆ ನಿರೀಕ್ಷಿಸಬಹುದು. ಮ್ಯೂಸಿಕ್ಕೇ ಪ್ರಧಾನವಾಗಿರೋ ಚಿತ್ರದಲ್ಲಿ ಅರ್ಜುನ್ ಜನ್ಯಾ ಸಂಗೀತವಿದೆ.

ರೆಮೋ, ಪವನ್ ಒಡೆಯರ್ ನಿರ್ದೇಶನದ ಹೊಸ ಸಿನಿಮಾ. ಇಶಾನ್ ಮತ್ತು ಅಶಿಕಾ ರಂಗನಾಥ್ ಪ್ರಧಾನ ಪಾತ್ರದಲ್ಲಿರುವ ಚಿತ್ರ. ಒಂದಲ್ಲ ಒಂದು ಕಾರಣಕ್ಕೆ ಸುದ್ದಿಯಾಗುತ್ತಿರೋ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದೆ. ಚಿತ್ರದ ಹೀರೋ ಒಬ್ಬ ರಾಕ್‍ಸ್ಟಾರ್ ಎನ್ನುವ ಗುಟ್ಟು ಹೊರಬಿದ್ದಿದೆ.

ಲೈವ್ ಕನ್ಸರ್ಟ್ ಮಾದರಿಯ ಸೀನ್ ಮತ್ತು ಹಾಡಿನ ಶೂಟಿಂಗ್ ನಡೆಯಬೇಕಿದ್ದು, ಈಗಾಗಲೇ ಚಿತ್ರದ 80% ಶೂಟಿಂಗ್ ಮುಗಿದಿದೆ ಎಂದು ಮಾಹಿತಿ ನೀಡಿದ್ದಾರೆ ಪವನ್ ಒಡೆಯರ್.

ಸಿ.ಆರ್.ಮನೋಹರ್ ನಿರ್ಮಾಣದ ರೆಮೋ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತವಿದೆ. ಅಂದಹಾಗೆ ಚಿತ್ರದಲ್ಲಿ ಶರತ್ ಕುಮಾರ್ ಕೂಡಾ ನಟಿಸುತ್ತಿದ್ದು, ಅವರಿಗೆ ಜೋಡಿಯಾಗಿ ಮಧು ಎಂಟ್ರಿ ಕೊಟ್ಟಿದ್ದಾರೆ. ರನ್ನ, ಸೀತಾರಾಮ ಕಲ್ಯಾಣ, ಪ್ರೀಮಿಯರ್ ಪದ್ಮಿನಿ ನಂತರ ಮಧು ನಟಿಸುತ್ತಿರುವ ಚಿತ್ರವಿದು.

ರೆಮೋ. ಸಿ.ಆರ್.ಮನೋಹರ್ ನಿರ್ಮಾಣದ ಪವನ್ ಒಡೆಯರ್ ನಿರ್ದೇಶನದ ಈ ವರ್ಷದ ಬಹು ನಿರೀಕ್ಷಿತ ಸಿನಿಮಾ. ಇಶಾನ್ ಮತ್ತು ಅಶಿಕಾ ರಂಗನಾಥ್ ನಟಿಸುತ್ತಿರುವ ಚಿತ್ರದ ಫೈನಲ್ ಶೂಟಿಂಗ್ ಶುರುವಾಗಿದೆ.

ಈಗ ನಡೆಯುತ್ತಿರೋದು ಹೀರೋ ಇಂಟ್ರೊಡಕ್ಷನ್ ಸಾಂಗ್ ಶೂಟಿಂಗ್. ಈ ಮೊದಲು ರೆಡಿಯಾಗಿದ್ದ ಹಾಡನ್ನು ಚೇಂಜ್ ಮಾಡಿ, ಹೊಸದಾಗಿ ರೆಡಿ ಮಾಡಿಸಿ ಚಿತ್ರೀಕರಣ ಮಾಡಲಾಗುತ್ತಿದೆ. ಕೆಂಗೇರಿ ಉಲ್ಲಾಳ ಬಳಿ ಇರೋ ಸನ್ ಸೆಟ್ ಪಾಯಿಂಟ್ ಗ್ರೌಂಡ್‍ನಲ್ಲಿ ಈ ಹಾಡಿಗಾಗಿಯೇ ಒಂದೂವರೆ ಕೋಟಿ ವೆಚ್ಚದ ಸೆಟ್ ಹಾಕಲಾಗಿದೆ.

ಇದು ಪಾಪ್ ಸಿಂಗರ್ ಸ್ಟೋರಿ. ಹೀಗಾಗಿ ಇಶಾನ್ ಸಖತ್ ಡಿಫರೆಂಟ್ ಆಗಿ ಕಾಣಬೇಕು. ಲಾಕ್ ಡೌನ್ ನಂತರ ರಾಕ್ ಮ್ಯೂಸಿಕ್ ಟ್ರೆಂಡ್ ಕೂಡಾ ಸ್ವಲ್ಪ ಬದಲಾಗಿದೆ. ಹೀಗಾಗಿ ಹೀರೋ ಇಂಟ್ರೊಡಕ್ಷನ್ ಸಾಂಗ್‍ನ್ನೂ ಸ್ವಲ್ಪ ಚೇಂಜ್ ಮಾಡಿದ್ದೇವೆ ಎಂದಿದ್ದಾರೆ ಪವನ್ ಒಡೆಯರ್.

ರೆಮೋ. ಪವನ್ ಒಡೆಯರ್ ನಿರ್ದೇಶನದ ಸಿನಿಮಾ. ಕನ್ನಡ ಚಿತ್ರರಂಗದ ಎರಡು ನಕ್ಷತ್ರಗಳನ್ನು ಒಟ್ಟಾಗಿ ಸೇರಿಸಿ ವಿಲನ್ ಚಿತ್ರ ನಿರ್ಮಿಸಿದ್ದ ಸಿ.ಆರ್.ಮನೋಹರ್, ರೆಮೋ ಚಿತ್ರಕ್ಕೆ ನಿರ್ಮಾಪಕ. ನಾಯಕರಾಗಿರೋದು ಅವರ ಸಹೋದರ  ಇಶಾನ್. ನಾಯಕಿ ಅಶಿಕಾ ರಂಗನಾಥ್. ಈ ಚಿತ್ರದ ಟೀಸರ್ ಲಾಂಚಿಂಗ್‍ಗೆ ಮುಹೂರ್ತ ಫಿಕ್ಸ್ ಆಗಿದೆ. ನ.25ರಂದು ನಡೆಯುತ್ತಿರೋ ಟೀಸರ್ ಲಾಂಚ್ ಕಾರ್ಯಕ್ರಮಕ್ಕೆ ಇಡೀ ಚಿತ್ರರಂಗ ಒಂದಾಗುತ್ತಿರೋದು ಸಂಚಲನವನ್ನೇ ಸೃಷ್ಟಿಸಿದೆ.

ಏಕೆಂದರೆ ಟೀಸರ್ ಲಾಂಚ್‍ಗೆ ಕನ್ನಡ ಚಿತ್ರರಂಗದ ಸ್ಟಾರ್ ನಿರ್ಮಾಪಕ, ನಿರ್ದೇಶಕರೆಲ್ಲ ಒಂದೇ ವೇದಿಕೆಯಲ್ಲಿ ಸೇರುತ್ತಿದ್ದಾರೆ. ಪವನ್ ಒಡೆಯರ್ ಅವರೊಂದಿಗೆ ಯೋಗರಾಜ್ ಭಟ್, ಎ.ಹರ್ಷ, ಚೇತನ್ ಕುಮಾರ್, ಜೋಗಿ ಪ್ರೇಮ್, ತರುಣ್ ಸುಧೀರ್, ಎ.ಪಿ. ಅರ್ಜುನ್. ನಿರ್ಮಾಪಕರಾಗಿ ಕಾರ್ತಿಕ್ ಗೌಡ, ಜಯಣ್ಣ-ಭೋಗೇಂದ್ರ, ಕೆ.ಪಿ.ಶ್ರೀಕಾಂತ್, ಕೆ.ಮಂಜು  ವೇದಿಕೆಯಲ್ಲಿರುತ್ತಾರೆ. ಒಂದು ಸಿನಿಮಾ ಕಾರ್ಯಕ್ರಮಕ್ಕೆ ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ನಿರ್ಮಾಪಕರು, ನಿರ್ದೇಶಕರು ಒಟ್ಟಿಗೇ ಸೇರುತ್ತಿರುವುದು ಇದೇ ಮೊದಲು.