ನಿರ್ದೇಶಕ ಗುರುದೇಶಪಾಂಡೆಯವರ ಸಿನೆಮಾ ಅಧ್ಯಯನ ಸಂಸ್ಥೆ G ACADEMY ಅದ್ದೂರಿಯಾಗಿ ಉದ್ಘಾಟನೆಗೊಂಡಿತು.  ರೋರಿಂಗ್ ಸ್ಟಾರ್ ಶ್ರೀಮುರಳಿ, ಐಪಿಎಸ್ ಅಧಿಕಾರಿ ಸುನಿಲ್ ಕುಮಾರ್  ಹಾಗು ನಟಿ ತಾರಾ ಅನುರಾಧ ಅವರು ಅಕಾಡೆಮಿಗೆ ಚಾಲನೆ ನೀಡಿದರು.

ಕಾರ್ಯಕ್ರಮಕ್ಕೆ ಕನ್ನಡದ ಖ್ಯಾತ ನಿರ್ದೇಶಕರಾದ ಸುನಿಲ್ ಕುಮಾರ್ ದೇಸಾಯಿ, ವಿ ನಾಗೇಂದ್ರ ಪ್ರಸಾದ್, ಉಮೇಶ್ ಬಣಕಾರ್, ಲೋಕಸಭಾ ಸದಸ್ಯರಾದ ಶಿವರಾಮೇಗೌಡರು, ಸಂಗೀತ ನಿರ್ದೇಶಕ ಎಮಿಲ್ , KFCC ಅಧ್ಯಕ್ಷರಾದ ಡಿ. ಅರ್ ಜಯರಾಜ್  ಮುಂತಾದ ಗಣ್ಯರುಗಳು ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು.

"ಸಿನಿಮಾದಲ್ಲಿ ಏನಾದರೂ ಸಾಧಿಸಬೆಂದವರಿಗೆ ಸರಿಯಾದ ಮಾರ್ಗದರ್ಶನ , ನುರಿತ ತರಬೇತಿ, ಸಿನಿಮಾ ಕುರಿತಾದ ತಂತ್ರಗಾರಿಕೆ ನೀಡಲು ಅಕಾಡೆಮಿ ಸದಾ ಸಿದ್ದವಾಗಿರುತ್ತದೆ" ಎಂದು ಅಕಾಡೆಮಿಯ ಸಂಸ್ಥಾಪಕರಾದ ಗುರುದೇಶಪಾಂಡೆಯವರು ಹೇಳಿದರು.

ರಾಜಾಹುಲಿ ಖ್ಯಾತಿಯ ಗುರು ದೇಶಪಾಂಡೆ, ಒಂದು ಕಡೆ ನಿರ್ದೇಶನ, ಮತ್ತೊಂದು ಕಡೆ ನಿರ್ಮಾಣದಲ್ಲಿ ತೊಡಗಿಸಿಕೊಂಡೇ ಜಿ ಅಕಾಡೆಮಿ ಅನ್ನೋ ಸಂಸ್ಥೆಯನ್ನೂ ಹುಟ್ಟುಹಾಕಿದ್ದಾರೆ. ಇದು ಒಂದು ಪಕ್ಕಾ ಸಿನಿಮಾ ಸ್ಕೂಲ್. ಸಿನಿಮಾ ರಂಗಕ್ಕೆ ಬರಬೇಕು ಎಂದುಕೊಳ್ಳುವವರಿಗೆ ಮಾರ್ಗದರ್ಶನ, ಶಿಕ್ಣ ನೀಡುವ ಸಂಸ್ಥೆ.

ಪಕ್ಕಾ ಶಿಕ್ಷಣ ಸಂಸ್ಥೆಯಂತೇ ಕೆಲಸ ಮಾಡುತ್ತಿದೆ ಜಿ ಅಕಾಡೆಮಿ. ಸ್ವತಃ ಗುರುದೇಶಪಾಂಡೆ ಈ ಸಂಸ್ಥೆಯಲ್ಲಿ ಮಾರ್ಗದರ್ಶನ ಮಾಡ್ತಾರೆ. ಸೇರುವ ಪ್ರತಿ ಬ್ಯಾಚ್ ವಿದ್ಯಾರ್ಥಿಗಳೂ ಒಂದೊಂದು ಶಾರ್ಟ್ ಫಿಲ್ಮ್ ಮಾಡಬೇಕು. ಅಂದಹಾಗೆ ಈ ಅಕಾಡೆಮಿಗೆ ಈಗ ಸುನಿಲ್ ಕುಮಾರ್ ದೇಸಾಯಿ, ಚೂರಿಕಟ್ಟೆ ರಾಘು ಮೊದಲಾದ ಸ್ಟಾರ್ ನಿರ್ದೇಶಕರ ಎಂಟ್ರಿಯೂ ಆಗಿದೆ.