ನಂಜನಗೂಡು ನಂಜುಂಡೇಶ್ವರನ ಸನ್ನಿಧಿಯಲ್ಲಿ ಯಶ್ ಮತ್ತು ರಾಧಿಕಾ ಪಂಡಿತ್ ತಮ್ಮ ಮುದ್ದು ಮಗಳ ಮುಡಿ ಹರಕೆ ತೀರಿಸಿದ್ದಾರೆ. ಶ್ರೀಕಂಠೇಶ್ವರ ದೇವಸ್ಥಾನಕ್ಕೆ ಭೇಟಿ ನೀಡಿ ಮುಡಿ ಸಲ್ಲಿಸಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ `ರಾಯ' ದಂಪತಿ.

ಹರಕೆ ತೀರಿಸಿದ ನಂತರ ಮುದ್ದಾದ ಮಗಳು ಐರಾಳ ಫೋಟೋ ಹಂಚಿಕೊಂಡಿರೋ ಯಶ್ ಅವರಿಗೆ ಮಗಳು ಕೇಳುತ್ತಾಳೆ. ಅಪ್ಪ, ಇದು ಬೇಸಗೆ ಅಂತಾ ಗೊತ್ತು, ಹಾಗಂತ ನನಗೆ ಮಾಡಿಸಿರುವುದು ಬೇಸಗೆ ಕಟ್ ಅಲ್ಲ ತಾನೇ ಎಂದು ಐರಾ ಕೇಳುವ ರೀತಿಯಲ್ಲಿದ್ದರೆ, ಯಶ್ ಉತ್ತರವಿಲ್ಲದೆ ತಡಬಡಾಯಿಸುತ್ತಿರುವ ಫೋಟೋ ಅದು.

ರಾಧಿಕಾ ಪಂಡಿತ್ ಮತ್ತೊಮ್ಮೆ ಗರ್ಭಿಣಿಯಾಗಿದ್ದಾರೆ. ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ರಾಧಿಕಾ ಪಂಡಿತ್ ಅವರ ಮೊದಲ ಮಗಳು ಐರಾಗೆ ಈಗಿನ್ನೂ 7 ತಿಂಗಳು. ಐರಾಗೆ ಒಂದು ವರ್ಷ, 2 ತಿಂಗಳಾಗುವಷ್ಟರಲ್ಲಿ ತಮ್ಮನೋ, ತಂಗಿಯೋ ಜೊತೆಯಾಗಲಿದ್ದಾರೆ. ರಾಧಿಕಾ ಪಂಡಿತ್, 4 ತಿಂಗಳ ಗರ್ಭಿಣಿ.

ಮೊನ್ನೆ ಮೊನ್ನೆಯಷ್ಟೇ ಮೊದಲ ಮಗಳಿಗೆ ಐರಾ ಎಂದು ನಾಮಕರಣ ಸಂಭ್ರಮಿಸಿದ್ದ ಯಶ್-ರಾಧಿಕಾ ದಂಪತಿ, ಮತ್ತೊಂದು ಸಂಭ್ರಮಕ್ಕೆ ಜೊತೆಯಾಗುತ್ತಿದ್ದಾರೆ. 

ಸಿನಿಮಾಗಳಲ್ಲಿ ವಿಲನ್‍ಗಳನ್ನು ಚಚ್ಚಿ ಬಿಸಾಡುವ ರಾಕಿಂಗ್ ಸ್ಟಾರ್ ಯಶ್, ಕಣ್ಣೀರಿಟ್ಟಿದ್ದಾರೆ. ಯಶ್ ಕಣ್ಣೀರು ಕಂಡು ರಾಧಿಕಾ ಪಂಡಿತ್ ಕರಗಿ ಹೋಗಿದ್ದಾರೆ. ಇಷ್ಟಕ್ಕೂ ಯಶ್ ಕಣ್ಣೀರಿಗೆ ಕಾರಣ, ಮಗಳು ಐರಾ.

ಐರಾಗೆ ಕಿವಿ ಚುಚ್ಚಿಸಲಾಗಿದೆ. ಈ ಕಿವಿ ಚುಚ್ಚಿಸುವ ವೇಳೆ ಯಶ್ ಕಣ್ಣೀರಿಟ್ಟುಬಿಟ್ಟರಂತೆ. ಇದೇ ಮೊದಲ ಬಾರಿ ಯಶ್ ಕಣ್ಣೀರು ಹಾಕುವುದನ್ನು ನೋಡಿದೆ. ಈ ಬಂಧನ ಎಷ್ಟು ಬೆಲೆ ಬಾಳುವುದು ಎಂಬುದು ಮತ್ತೊಮ್ಮೆ ಭಾಸವಾಯ್ತು ಎಂದಿರುವ ರಾಧಿಕಾ ಪಂಡಿತ್, ಹೆತ್ತವರ ಅತ್ಯಂತ ಕಷ್ಟದ ದಿನಗಳಲ್ಲಿ ಇದೂ ಒಂದು ಎಂದಿದ್ದಾರೆ.

ಅಭಿಮಾನಿಗಳೇ ಡೋಂಟ್‍ವರಿ.. ಯಶ್ ಮತ್ತು ಐರಾ ಇಬ್ಬರೂ ಕ್ಷೇಮ ಎಂದಿದ್ದಾರೆ ರಾಧಿಕಾ ಪಂಡಿತ್.