The shooting for Prem's new film 'Ek Love Ya' is near completion. Meanwhile, actress Rakshitha, will be making a special appearance in a song along with Rachita Ram.

Rakshitha making a special appearance in 'Ek Love Ya' is expected from the beginning. The film is not only produced by her, but stars her brother Abhishek alias Rana as a hero. So, there have been speculations that Rakshitha will also be making a comeback in a special appearance. Now it has turned true with the actress ready to dance for a song.

'Ek Love Ya' is written and directed by Prem. The film stars Rana, Reeshma, Rachita and others in prominent roles. Arjun Janya is the music composer, while Mahendra Simha is the cinematographer.

The shooting for Prem's new film 'Ek Love Ya' is in full progress. Meanwhile, Prem has finalized the heroine for the film. This time, Prem is introducing a new actress called Reeshma Nanaiah as the heroine.

Ek Love Ya' stars Prem's brother-in-law Abhishek alias Rana as a hero. From the beginning, Prem has been saying that he will be launching a new heroine opposite Rana. Now Reeshma Nanaiah who is basically from Coorg has been roped in as the heroine of the film. Apart from Rana and Reeshma, Rachita has been selected to play a prominent role in the film.

'Ek Love Ya' is being produced by Rakshitha and the actress has launched a new production company called Rakshitha Film Factory and is producing the film under the banner. Arjun Janya is the music composer, while Mahendra Simha is the cinematographer.

Prem's new film 'Ek Love Ya' which stars his brother-in-law Abhishek alias Rana is all set to start from the 20th of May. Film's producer and Prem's wife Rakshitha has confirmed the news through her twitter account.

'First actual muhurath shot of 'Ek Love Ya' done today at Male Mahadeshwara temple. It was a very good day for the team. With all your love and support we start shoot from 20th of this month. The first schedule' tweeted Rakshitha.

'Ek Love Ya' was launched on the 31st of March on occasion of Rakshitha's birthday. Rakshitha has launched a new production company called Rakshitha Film Factory and is producing the film under the banner. Arjun Janya is the music composer, while Mahendra Simha is the cinematographer.

ಏಕ್ ಲವ್ ಯಾ ಚಿತ್ರದ 4ನೇ ಹಾಡು ರಿಲೀಸ್ ಆಗೋಕೆ ಮುಹೂರ್ತ ಫಿಕ್ಸ್ ಆಗಿದೆ. ಡಿಸೆಂಬರ್ 11ರಂದು ಬೆಳಗ್ಗೆ 11 ಗಂಟೆಗೆ ಹಾಡು ಬಿಡುಗಡೆಯಾಗುತ್ತಿದೆ. ಈಗಾಗಲೇ ಯಾರೇ ಯಾರೇ.. ಹೇಳು ಯಾಕೇ.. ಮತ್ತು ಎಣ್ಣೆಗೂ ಹೆಣ್ಣಿಗೂ ಹಾಡು ಸೂಪರ್ ಹಿಟ್ ಆಗಿವೆ. ಜೋಗಿ ಪ್ರೇಮ್ ಚಿತ್ರದ ಹಾಡುಗಳು ಹಿಟ್ ಆಗೋದು ಅಪರೂಪವೇನಲ್ಲ.

ನಾಲ್ಕನೇ ಹಾಡು ಅನಿತಾ ಅನಿತಾ..

ಈ ಹಾಡಿನಲ್ಲಿ ಅರ್ಜುನ್ ಜನ್ಯಾ, ಜೋಗಿ ಪ್ರೇಮ್ ಮತ್ತು ಶಂಕರ್ ಮಹಾದೇವನ್ ಕಾಂಬಿನೇಷನ್ ಜೊತೆಯಾಗಿದೆ. ವಿಲನ್ ಚಿತ್ರದಲ್ಲಿ ಇದೇ ಜೋಡಿಯ ಐ ಆ್ಯಮ್ ವಿಲನ್ ಹಾಡು ಹಿಟ್ ಆಗಿತ್ತು. ಈಗ ಅನಿತಾ ಅನಿತಾ.. 

ಏಕ್ ಲವ್ ಯಾ ಚಿತ್ರದ ಎಣ್ಣೆಗೂ ಹೆಣ್ಣಿಗೂ ಎಲ್ಲಿಂದ ಲಿಂಕ್ ಇಟ್ಟೆ ಹೇಳೋ ಭಗವಂತ.. ಹಾಡು ಬಿಡುಗಡೆ ವೇಳೆ ಪುನೀತ್ ರಾಜ್ಕುಮಾರ್ ಫೋಟೋಗೆ ಅವಮಾನ ಮಾಡಲಾಗಿದೆ ಎಂಬ ಆರೋಪಕ್ಕೆ ಜೋಗಿ ಪ್ರೇಮ್, ರಕ್ಷಿತಾ ಪ್ರೇಮ್, ರಚಿತಾ ರಾಮ್, ಅಕುಲ್ ಬಾಲಾಜಿ.. ಎಲ್ಲರೂ ಕ್ಷಮೆ ಕೇಳಿದ್ದಾರೆ.

ಕಾರ್ಯಕ್ರಮದಲ್ಲಿ ಹಾಡು ಬಿಡುಗಡೆ ನಂತರ ಅಪ್ಪು ಫೋಟೋ ಎದುರು ಶಾಂಪೇನ್ ಓಪನ್ ಮಾಡಿ ಸಂಭ್ರಮಿಸಿರುವುದು ಅಭಿಮಾನಿಗಳ ಆಕ್ರೋಶಕ್ಕೆ ಗುರಿಯಾಗಿತ್ತು. ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ ಮಾಜಿ ಅಧ್ಯಕ್ಷ ಸಾ.ರಾ. ಗೋವಿಂದು ಚಿತ್ರತಂಡ ಮಾಡಿರುವ ಈ ತಪ್ಪಿಗೆ ಕ್ಷಮೆ ಕೇಳಬೇಕು ಎಂದು ಆಗ್ರಹಿಸಿದ್ದರು. ನಮ್ಮವರೇ.. ನಮ್ಮ ಚಿತ್ರರಂಗದವರೇ ಇಂಥ ಕೆಲಸ ಮಾಡಿದರೆ ನಾವು ಯಾರ ಮೇಲೆ ಆಪಾದನೆ ಮಾಡೋಣ. ದಯವಿಟ್ಟು ಇಂಥದ್ದನ್ನೆಲ್ಲ ಮಾಡಬೇಡಿ. ಪುನೀತ್ಗೆ ಅವಮಾನ ಆಗುವಂತೆ ನಡೆದುಕೊಂಡಿರುವುದು ನಾವೆಲ್ಲರೂ ತಲೆ ತಗ್ಗಿಸುವಂತೆ ಮಾಡಿದೆ ಎಂದಿದ್ದರು ಸಾ.ರಾ. ಗೋವಿಂದು.

ವಿವಾದವಾಗುತ್ತಿದ್ದಂತೆ ಇಡೀ ಚಿತ್ರತಂಡ ಕ್ಷಮೆ ಕೇಳಿದೆ. ಇದು ಉದ್ದೇಶಪೂರ್ವಕ ಅಲ್ಲ. ಅಚಾನಕ್ ಆಗಿ ನಡೆದ ಅಚಾತುರ್ಯ. ಅಪ್ಪು ನಮ್ಮ ಮನಸ್ಸಿನಲ್ಲಿದ್ದಾರೆ. ಹಾಡು ಶುರುವಾಗುವುದೇ ಅಪ್ಪು ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಿ. ಶಾಂಪೇನ್ ಬಾಟಲ್ ಓಪನ್ ಹಾಡು ಬಿಡುಗಡೆ ಕಾರ್ಯಕ್ರಮದ ಒಂದು ಅಂಗವಾಗಿತ್ತು. ಅಪ್ಪು ಅಭಿಮಾನಿಗಳಿಗೆ ಬೇಸರವಾಗಿದ್ದಲ್ಲಿ ಕ್ಷಮೆ ಕೇಳುತ್ತೇನೆ ಎಂದಿದ್ದಾರೆ ಪ್ರೇಮ್.

ಒಂದು ಅಚಾತುರ್ಯವಾಗಿದೆ. ದಯವಿಟ್ಟು ಕ್ಷಮೆ ಇರಲಿ. ಅಪ್ಪು ಅವರಿಗೆ ಅವಮಾನ ಮಾಡುವ ಉದ್ದೇಶ ಯಾವುದೇ ಕನ್ನಡಿಗರಿಗೂ ಇರಲ್ಲ. ನಾನೂ ಚಿತ್ರದ ಭಾಗವಾಗಿರೋದ್ರಿಂದ ಕ್ಷಮೆ ಕೇಳುತ್ತಿದ್ದೇನೆ. ಉದ್ದೇಶಪೂರ್ವಕವಾಗಿ ಅಲ್ಲದೆ ನಡೆದಿರುವ ತಪ್ಪನ್ನು ಅಪ್ಪು ಅಭಿಮಾನಿಗಳು ಕ್ಷಮಿಸುತ್ತಾರೆಂದು ಭಾವಿಸಿದ್ದೇನೆ ಎಂದಿದ್ದಾರೆ ರಚಿತಾ ರಾಮ್.

ಚಿತ್ರದ ನಿರ್ಮಾಪಕಿ ರಕ್ಷಿತಾ ಪ್ರೇಮ್ ಕೂಡಾ ಕನ್ನಡಿಗರ ಕ್ಷಮೆ ಕೇಳಿದ್ದಾರೆ. ಇದು ಉದ್ದೇಶಪೂರ್ವಕ ಅಲ್ಲ. ಅಪ್ಪು ಅಗಲಿಕೆಯ ನೋವಿನಿಂದ ಇನ್ನೂ ಹೊರಬರಲು ಸಾಧ್ಯವಾಗಿಲ್ಲ. ಶಾಂಪೇನ್ ಬಾಟಲ್ ಓಪನ್ ಮಾಡಿದ್ದು ಅಪ್ಪು ಅಭಿಮಾನಿಗಳಿಗೆ ಬೇಸರವಾಗಿದೆ. ಇಡೀ ಚಿತ್ರತಂಡದ ಪರವಾಗಿ ಕ್ಷಮೆ ಕೇಳುತ್ತೇನೆ ಎಂದಿದ್ದಾರೆ ರಕ್ಷಿತಾ ಪ್ರೇಮ್.

ಕಾರ್ಯಕ್ರಮದ ನಿರೂಪಕರಾಗಿದ್ದ ಅಕುಲ್ ಬಾಲಾಜಿ, ತಾಂತ್ರಿಕ ಸಮಸ್ಯೆಯಿಂದಾಗಿ ಶಾಂಪೇನ್ ಬಾಟಲ್ ಓಪನ್ ಮಾಡುವ ವೇಳೆ ಅಪ್ಪು ಫೋಟೋ ಬಂತು. ಆದರೂ.. ಆಗಿರುವ ಅಪಚಾರಕ್ಕೆ ಕ್ಷಮೆಯಿರಲಿ ಎಂದಿದ್ದಾರೆ.

ಜೋಗಿ ಪ್ರೇಮ್ ಮತ್ತೊಮ್ಮೆ ಲವ್ ಸ್ಟೋರಿ ಮೂಲಕ ಕಿಕ್ಕೇರಿಸೋಕೆ ಬರುತ್ತಿದ್ದಾರೆ. ಬಹುಶಃ ಎಕ್ಸ್‍ಕ್ಯೂಸ್ ಮಿ ನಂತರ ಪ್ರೇಮ್ ಸಿನಿಮಾಗಳಲ್ಲಿ ಲವ್ ಸ್ಟೋರಿ ಇರುತ್ತಾದರೂ, ಲವ್ ಸ್ಟೋರಿಯನ್ನೇ ಸಿನಿಮಾ ಮಾಡಿರಲಿಲ್ಲ. ಅದೆಲ್ಲವನ್ನೂ ಮೀರಿಸುವಂತೆ ಏಕ್ ಲವ್ ಯಾ ಚಿತ್ರದ ಮೂಲಕ ಬರುತ್ತಿರೋ ಪ್ರೇಮ್, ಮತ್ತೊಮ್ಮೆ ಹಾಡುಗಳ ಗುಂಗು ಹಿಡಿಸುತ್ತಿದ್ದಾರೆ. ಈಗಾಗಲೇ ರಿಲೀಸ್ ಆಗಿರೋ ಹಾಡುಗಳು ಪ್ರೇಮಿಗಳ ಹೃದಯದಲ್ಲೇ ಟೆಂಟ್ ಹಾಕಿವೆ. ಈಗ 3ನೇ ಹಾಡು ಬರುತ್ತಿದೆ.

ಎಣ್ಣೆಗೂ.. ಹೆಣ್ಣಿಗೂ ಎಲ್ಲಿಂದ ಲಿಂಕಿಟ್ಟೆ ಹೇಳೋ ಭಗವಂತಾ.. ಅನ್ನೋ ಹಾಡಿದು. ಹಾಡಿನಲ್ಲಿ ಎಣ್ಣೆ ಬಾಟಲಿಯನ್ನು ಬಾಯ್ತುಂಬಾ ಇಟ್ಟುಕೊಂಡು ಮತ್ತೇರಿಸೋದು ಡಿಂಪಲ್ ಕ್ವೀನ್. ಜೊತೆಯಲ್ಲಿರೋದು ಚಿತ್ರದಿಂದ ಹೀರೋ ಆಗಿ ಚಿತ್ರರಂಗಕ್ಕೆ ಬರುತ್ತಿರೊ ರಕ್ಷಿತಾ ಪ್ರೇಮ್ ತಮ್ಮ ರಾಣಾ. ಹಾಡಿಗೆ ಅಷ್ಟೇ ಕಿಕ್ಕು ಕೊಟ್ಟಿರೋದು ಮಂಗ್ಲಿ. 4 ಭಾಷೆಗಳಲ್ಲಿ ರಿಲೀಸ್ ಆಗಲಿರೋ ಚಿತ್ರದ ಈ ಹಾಡು ರಿಲೀಸ್ ಆಗೋದು ನವೆಂಬರ್ 12ರ ಸಂಜೆ 5 ಗಂಟೆಗೆ.

ಜೋಗಿ ಪ್ರೇಮ್ ಚಿತ್ರ ಎಂದರೆ ಹಾಡುಗಳ ಮೇಲೆ ಭಾರಿ ನಿರೀಕ್ಷೆಗಳಿದ್ದೇ ಇರುತ್ತವೆ. ಅದು ಅವರೇ ಸೃಷ್ಟಿಸಿಕೊಂಡಿರೋ ಟ್ರೆಂಡ್. ಏಕ್ ಲವ್ ಯಾ ಕೂಡಾ ಅದಕ್ಕೆ ಹೊರತಾಗಿಲ್ಲ. ರಕ್ಷಿತಾ ಪ್ರೇಮ್ ಸೋದರ ರಾಣಾ ಹೀರೋ ಆಗಿ ನಟಿಸಿರೋ ಚಿತ್ರದಲ್ಲಿ ಇಬ್ಬರು ಹೀರೋಯಿನ್ ಇದ್ದಾರೆ. ರೀಷ್ಮಾ ನಾಣಯ್ಯ ಮತ್ತು ರಚಿತಾ ಪ್ರೇಮ್. ರೀಷ್ಮಾ ಜೊತೆ ರೊಮ್ಯಾನ್ಸ್, ರಚಿತಾ ಜೊತೆ ಕಿಸ್ಸಿಂಗ್ ಸೀನ್ ನೋಡಿರುವ ಪ್ರೇಕ್ಷಕರಿಗೆ ಚಿತ್ರದಲ್ಲಿರೋ ಕಥೆಯ ಬಗ್ಗೆ ಕುತೂಹಲ ಇದ್ದೇ ಇದೆ. ಇದರ ನಡುವೆಯೇ ಇನ್ನೊಂದು ಹಾಡು ಬಿಟ್ಟಿದ್ದಾರೆ ಪ್ರೇಮ್.

ಮುಗ್ಧ ಪ್ರೇಮಿಯೊಬ್ಬನ ವಿರಹ, ಆಕ್ರೋಶ ಎರಡೂ ಇರೋ ಹೇಳು ಯಾಕೆ ಹಾಡು.. ವಿಷಾದ ಗೀತೆಯಂತೆ ಎನಿಸಿದ್ದರೆ ಕ್ರೆಡಿಟ್ಟು ಜೋಗಿ ಪ್ರೇಮ್ ಅವರಿಗೆ. ಎದೆಯೊಳಗಿನ ಪ್ರೀತಿಯನ್ನೆಲ್ಲ ಹೊರಗೆ ಹಾಕುವ ಹಾಡಿನಂತೆ ಕೇಳಿಸಿದ್ದರೆ, ಅದರ ಕ್ರೆಡಿಟ್ಟೂ ಪ್ರೇಮ್ ಅವರಿಗೇ. ಅರ್ಜುನ್ ಜನ್ಯ ಮ್ಯೂಸಿಕ್ಕಿನಲ್ಲಿರೋ ಹಾಡಿಗೆ ಸಾಹಿತ್ಯ ಬರೆದು ಹಾಡನ್ನು ಸ್ವತಃ ಹಾಡಿರುವುದು ಪ್ರೇಮ್.

ಪ್ರೇಮಿಗಳ ದಿನಕ್ಕೆ ಯಾರೇ ಯಾರೇ.. ನೀನು ನಂಗೆ.. ಹಾಡು ರಿಲೀಸ್ ಮಾಡಿದ್ದ ಪ್ರೇಮ್, ಯುಗಾದಿಗೆ ಹೇಳು ಯಾಕೆ ಹಾಡು ಬಿಟ್ಟಿದ್ದಾರೆ.

ಎಣ್ಣೆಗೂ.. ಹೆಣ್ಣಿಗೂ ಎಲ್ಲಿಂದ ಲಿಂಕಿಟ್ಟೆ ಹೇಳೋ ಭಗವಂತಾ..

ಬಾರಲ್ಲಿ ಹೆಣ್ ಹೈಕ್ಳು ಕುಡಿಯೋದು ತಪ್ಪಂತಾ ಯಾರಾನಾ ಬೋರ್ಡ್ ಹಾಕವ್ರಾ..

ಅಯ್ಯೋ ನಮ್ಗೂನೂ ಲವ್ವಲ್ಲಿ ಬ್ರೇಕಪ್ಪು ಆಗೈತೆ.. ಒಂದೆರಡು ಪೆಗ್ ಹಾಕ್ತೀರಾ.. ಶಿವನೇ.. ಒಂದೆರಡು ಪೆಗ್ ಹಾಕ್ತೀರಾ..

ಹೀಗೆ ಸಾಗೋ ಹಾಡು.. ಗುಂಗು ಹಿಡಿಸುತ್ತಾ ಕಿಕ್ಕೇರಿಸುತ್ತೆ. ಒನ್ಸ್ ಎಗೇಯ್ನ್ ಪ್ರೇಮ್ ಹಾಡಿನ ಮೋಡಿಯನ್ನು ಕಂಟಿನ್ಯೂ ಮಾಡಿದ್ದಾರೆ. ಇದು ಏಕ್ ಲವ್ ಯಾ ಚಿತ್ರದ ಎಣ್ಣೆ ಸಾಂಗ್.

ಕಿಕ್ಕೇರಿಸೋ ಸಾಹಿತ್ಯಕ್ಕೆ ಅಕ್ಷರ ಕೊಟ್ಟಿರೋದು ಶೋಮ್ಯಾನ್ ಪ್ರೇಮ್ ಅರ್ಥಾತ್ ಜೋಗಿ ಪ್ರೇಮ್. ಅದಕ್ಕೆ ಇನ್ನಷ್ಟು ಕಿಕ್ಕೇರಿಸಿರೋದು ಮಂಗ್ಲಿ ಮತ್ತು ಕೈಲಾಶ್ ಖೇರ್. ಕಣ್ಣಿನಲ್ಲೇ ಕಿಕ್ಕೇರಿಸಿರೋ ರಚಿತಾ ರಾಮ್ ಎದುರು ಅಷ್ಟೇ ಕಾನ್ಫಿಡೆಂಟ್ ಆಗಿ ಹೆಜ್ಜೆ ಹಾಕಿರೋದು ರಾಣಾ. ಜನವರಿ 21ಕ್ಕೆ ರಿಲೀಸ್ ಆಗುತ್ತಿರೋ ಏಕ್ ಲವ್ ಯಾ ಚಿತ್ರಕ್ಕೆ ಎಂದಿನಂತೆ ಅದ್ಧೂರಿ ಪ್ರಚಾರ ಶುರು ಮಾಡಿದ್ದಾರೆ ಪ್ರೇಮ್.

ಇದೇ ಜನವರಿಯಲ್ಲಿ ರಿಲೀಸ್ ಆಗಬೇಕಿದ್ದ ಸಿನಿಮಾ ಏಕ್ ಲವ್ ಯಾ. ಜೋಗಿ ಪ್ರೇಮ್ ಡೈರೆಕ್ಷನ್‍ನ ಚಿತ್ರದ ಮೂಲಕ ರಕ್ಷಿತಾ ಪ್ರೇಮ್ ಅವರ ತಮ್ಮ ರಾಣಾ ಹೀರೋ ಆಗಿ ಎಂಟ್ರಿ ಕೊಡಬೇಕಿರುವ ಸಿನಿಮಾ ಏಕ್ ಲವ್ ಯಾ. ಈಗಾಗಲೇ ಚಿತ್ರದ ಎಲ್ಲ ಹಾಡುಗಳು ಹಿಟ್ ಆಗಿದ್ದವು. ಒಂದು ಲೆವೆಲ್ಲಿಗೆ ಪ್ರಚಾರವನ್ನೂ ಮುಗಿಸಿತ್ತು ಪ್ರೇಮ್ ಟೀಂ. ಜೊತೆಗೆ ರಚಿತಾ ರಾಮ್-ರಾಣಾ ಕಿಸ್ಸಿಂಗ್ ಬೇರೆಯದೇ ಸೆನ್ಸೇಷನ್ ಸೃಷ್ಟಿಸಿತ್ತು.

ಇಷ್ಟೆಲ್ಲ ಆಗಿ ಇವತ್ತು ಅರ್ಥಾತ್ ಜನವರಿ 4ಕ್ಕೆ ರಿಲೀಸ್ ಆಗಬೇಕಿದ್ದ ಏಕ್ ಲವ್ ಯಾ ಟ್ರೇಲರ್ ಬಿಡುಗಡೆ ಮುಂದಕ್ಕೆ ಹೋಗಿದೆ. ನೀಡಿರುವುದು ತಾಂತ್ರಿಕ ಕಾರಣಗಳೇ ಆದರೂ, ಕಾರಣ ಬೇರೆಯದೇ ಇದೆ ಎನ್ನಲಾಗಿದೆ. ಅಕಸ್ಮಾತ್ ಸರ್ಕಾರ 50:50 ರೂಲ್ಸ್ ಜಾರಿಗೆ ತಂದರೆ ಏನು ಮಾಡುವುದು ಎಂಬ ಭಯ ಚಿತ್ರ ತಂಡದ್ದು. ಟ್ರೇಲರ್ ರಿಲೀಸ್ ಮಾಡದೆ ಪ್ರಚಾರ ಮಾಡುವುದೂ ಕಷ್ಟ. ಹೀಗಾಗಿ ಚಿತ್ರದ ರಿಲೀಸ್ ಕೂಡಾ ಮುಂದಕ್ಕೆ ಹೋದರೆ ಆಶ್ಚರ್ಯವಿಲ್ಲ.

ಆದರೆ ಸದ್ಯಕ್ಕಂತೂ ಜೋಗಿ ಪ್ರೇಮ್ ಜನವರಿ 21ಕ್ಕೆ ಸಿನಿಮಾ ರಿಲೀಸ್ ಮಾಡುವುದು ಪಕ್ಕಾ ಎಂದಿದ್ದಾರೆ. ಚಿತ್ರದ ಇನ್ನೊಂದು ಹಾಡನ್ನು ರಿಲೀಸ್ ಮಾಡುವುದಾಗಿ ಹೇಳಿದ್ದಾರೆ.

ಹಾಡುಗಳ ಮೂಲಕವೇ ಹೊಸ ಪ್ರಪಂಚ ತೋರಿಸಿದ್ದ ಜೋಗಿ ಪ್ರೇಮ್ ಏಕ್ ಲವ್ ಯಾ ಚಿತ್ರದ ಟ್ರೇಲರ್ ಹೊರಬಿಟ್ಟಿದ್ದಾರೆ. ಎರಡು ಪ್ರೀತಿ.. ಒಂದು ಕುತೂಹಲ.. ಮೂರು ಪ್ರಮುಖ ಪಾತ್ರ.. ಹೀಗೆ ಸಾಗುವ ಏಕ್ ಲವ್ ಯಾ ಚಿತ್ರದ ಕಥೆಯನ್ನು ಕಲ್ಪಿಸಿಕೊಳ್ಳಬಹುದು. ಜೊತೆಗೆ.. ಪ್ರೇಮ್ ಏನು ಹೇಳಿದ್ದಾರೆ ಎಂಬ ಕುತೂಹಲವನ್ನೂ ಹುಟ್ಟಿಸಿದ್ದಾರೆ. ಕಥೆಯನ್ನು ತೋರಿಸಿದಂತೆ ತೋರಿಸಿ ಏನನ್ನೂ ತೋರಿಸದೇ ಇರುವುದು ಪ್ರೇಮ್ ಸ್ಟೈಲ್. ಇಲ್ಲಿಯೂ ಅದು ಕಂಟಿನ್ಯೂ ಆಗಿದೆ.

ಹುಡುಗರ ಬಗ್ಗೆ ನೆಗೆಟಿವ್ ಆಗಿ ಹೇಳೋ ನಾಯಕಿ ರಚಿತಾ ರಾಮ್. ಹುಡುಗರ ಬಗ್ಗೆ ನೆಗೆಟಿವ್ ಹೇಳೋ ನಾಯಕಿ ರೀಶ್ಮಾ ನಾಣಯ್ಯ. ಹೀರೋಗೆ ಟ್ರೇಲರ್‍ನಲ್ಲಿ ಡೈಲಾಗ್ಸ್ ಇಲ್ಲ. ಆದರೆ ಕೊನೆಯಲ್ಲಿ ಸುಚೇಂದ್ರ ಪ್ರಸಾದ್ ಧ್ವನಿಯಲ್ಲಿ ಹೀರೋ ಕ್ಯಾರೆಕ್ಟರ್ ಹೇಳೋ ಪ್ರಯತ್ನ ಮಾಡಿದ್ದಾರೆ ಪ್ರೇಮ್. ಸಿಗರೇಟು ಬಿಡದ ರಚಿತಾ.. ವಿಲನ್‍ಗಳನ್ನು ಪುಡಿಗಟ್ಟುವ ನಾಯಕ.. ಖುಷಿ ಕೊಡುವ ಪ್ರೀತಿ.. ಒಟ್ಟಿನಲ್ಲಿ ಪ್ರೇಮ್ ಈ ಬಾರಿ ಬೇರೆಯದೇ ಆದ ಕಥೆ ಹೇಳೋಕೆ ಸಿದ್ಧವಾಗಿದ್ದಾರೆ. ಫೆಬ್ರವರಿ 24ಕ್ಕೆ ಸಿನಿಮಾ ರಿಲೀಸ್ ಆಗಲಿದೆ.

ಅದು ಚಿತ್ರದ ಹಾಡೂ ಹೌದು.. ಅಭಿಮಾನಿಗಳಿಗೆ ಕಾರ್ಯಕ್ರಮಕ್ಕೆ ಇನ್ವಿಟೇಷನ್ನೂ ಹೌದು.. ಅಪ್ಪ ಅಮ್ಮ ಮದುವೆಯಾಗು ಎನ್ನುತ್ತಿದ್ದರೂ.. ಕಿವಿಗೆ ಬಿದ್ದೇ ಇಲ್ಲ ಎಂದು ಓಡಾಡೋ ಯುವಕ ಯುವತಿಯರ ರಾಷ್ಟ್ರಗೀತೆಯೂ ಹೌದು.. ಅದು ಏಕ್ ಲವ್ ಯಾ ಹಾಡು.. 5ನೇ ಹಾಡು.. ಮೀಟ್ ಮಾಡಣ..

ಈಗಾಗಲೇ ಚಿತ್ರದ 4 ಹಾಡುಗಳು ರಿಲೀಸ್ ಆಗಿವೆ. ನಾಲ್ಕಕ್ಕೆ ನಾಲ್ಕೂ ಹಿಟ್. 5ನೇ ಹಾಡು ರಿಲೀಸ್ ಆಗುತ್ತಿರೋದು ಶಿವಮೊಗ್ಗದಲ್ಲಿ. ರಿಲೀಸ್ ಆಗಲಿರೋ ಹಾಡಿನ ಸಾಹಿತ್ಯದ ಟೋಟಲ್ ಶಕ್ತಿಯೇ ಮೀಟ್ ಮಾಡಣ..

ರಕ್ಷಿತಾ ಪ್ರೇಮ್ ಸೋದರ ರಾಣಾ ಹೀರೋ ಆಗಿ ಎಂಟ್ರಿ ಕೊಡ್ತಿರೋ ಚಿತ್ರದಲ್ಲಿ ರೀಷ್ಮಾ ನಾಣಯ್ಯ ಮತ್ತು ರಚಿತಾ ರಾಮ್ ಹೀರೋಯಿನ್ಸ್. ತುಂಟಾಟ, ತರಲೆ, ರೊಮ್ಯಾನ್ಸ್, ಹಾಟ್ ಕಿಸ್.. ಎಲ್ಲವೂ ಇರೋ ಚಿತ್ರ ಏಕ್ ಲವ್ ಯಾ. ಅರ್ಜುನ್ ಜನ್ಯಾ ಈಗಾಗಲೇ ಗುಂಗು ಹಿಡಿಸಿದ್ದಾಗಿದೆ. ಜೋಗಿ ಪ್ರೇಮ್ ಚಿತ್ರ ಎಂದಮೇಲೆ ಅಷ್ಟು ಸದ್ದು ಮಾಡಲೇ ಬೇಕು. ಓಕೆ.. ಮೀಟ್ ಮಾಡಣ..

ಏಕ್ ಲವ್ ಯಾ ಚಿತ್ರದ ಎಲ್ಲ ಹಾಡುಗಳೂ ಗುನುಗುವಂತಿವೆ. ಒಂದಕ್ಕಿಂತ ಒಂದು ಹಿಟ್. ಪ್ರೇಮ್ ಮತ್ತು ಅರ್ಜುನ್ ಜನ್ಯ ಕಾಂಬಿನೇಷನ್ ಸೂಪರ್ ಹಿಟ್ ಆಗಿದೆ. ಹಾಗಾದರೆ ಏಕ್ ಲವ್ ಯಾ ಸಂಗೀತಕ್ಕೆ ಎಷ್ಟು ಕೋಟಿ ಬಂದಿರಬಹುದು? ಪ್ರೇಮ್ ಮತ್ತು ಜನ್ಯ ಕಾಂಬಿನೇಷನ್ ಇರೋ ಕಾರಣಕ್ಕೆ ದೊಡ್ಡ ಮಟ್ಟದ ಮೊತ್ತವೇ ಸಿಕ್ಕಿರಬಹುದು ಎಂಬ ನಿರೀಕ್ಷೆ ಇದೆಯೇ?

ಏಕ್ ಲವ್ ಯಾ ಚಿತ್ರದ ಆಡಿಯೋ ರೈಟ್ಸ್‍ನ್ನು ಎ2 ಮ್ಯೂಸಿಕ್ 75 ಲಕ್ಷಕ್ಕೆ ಕೊಂಡುಕೊಂಡಿದೆ. ಉಳಿದಂತೆ ಚಿತ್ರದ ಸ್ಯಾಟಲೈಟ್ ಮತ್ತು ಒಟಿಟಿ ರೈಟ್ಸ್‍ನ್ನು ಝೀ5 ಖರೀದಿಸಿದೆ.  

ಹೊಸ ನಟನ ಚಿತ್ರವೊಂದರ ಆಡಿಯೋ ರೈಟ್ಸ್ ಎಷ್ಟಕ್ಕೆ ಹೋಗಬಹುದು. ತುಂಬಾ ದೊಡ್ಡ ಮೊತ್ತವಂತೂ ಸಿಗುವುದು ಕಷ್ಟ. ಆದರೆ, ಆ ಹೊಸಬರ ಚಿತ್ರಕ್ಕೆ ನಿರ್ದೇಶಕ ಪ್ರೇಮ್ ಆಗಿದ್ದು, ಸಂಗೀತ ಅರ್ಜುನ್ ಜನ್ಯ ನೀಡಿದ್ದರೆ.. ಯೆಸ್. ಆಗ ಆ ಚಿತ್ರಕ್ಕೆ.. ಚಿತ್ರದ ಹಾಡುಗಳಿಗೆ ತಂತಾನೇ ಡಿಮ್ಯಾಂಡ್ ಸೃಷ್ಟಿಯಾಗುತ್ತೆ. ಏಕ್ ಲವ್ ಯಾ ಚಿತ್ರ ಆ ದಾಖಲೆ ಬರೆದಿದೆ.

ಏಕ್ ಲವ್ ಯಾ ಚಿತ್ರದ ಆಡಿಯೋ ಹಕ್ಕನ್ನು ಎ2 ಸಂಸ್ಥೆ 81 ಲಕ್ಷಕ್ಕೆ ಖರೀದಿಸಿದೆ. ರಕ್ಷಿತಾ ಅವರ ತಮ್ಮ ರಾಣಾ ನಾಯಕರಾಗಿ ಎಂಟ್ರಿ ಕೊಡುತ್ತಿರುವ ಚಿತ್ರದಲ್ಲಿ ರಚಿತಾ ರಾಮ್ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ರೀಷ್ಮಾ ನಾಯಕಿ. ಫೆಬ್ರವರಿ 14ರ ವ್ಯಾಲೆಂಟೈನ್ಸ್ ಡೇಗೆ ಸಿನಿಮಾದ ಟೀಸರ್ ರಿಲೀಸ್ ಆಗುತ್ತಿದೆ.

ಜೋಗಿ ಪ್ರೇಮ್ ನಿರ್ದೇಶನದ, ರಕ್ಷಿತಾ ತಮ್ಮ ರಾಣಾ ಹೀರೋ ಆಗಿ ಎಂಟ್ರಿ ಕೊಡುತ್ತಿರೋ ಏಕ್ ಲವ್ ಯಾ ಚಿತ್ರ ಈಗಾಗಲೇ ಭರ್ಜರಿ ಸದ್ದು ಮಾಡ್ತಿದೆ. ರಾಣಾ ರಚಿತಾ ಲಿಪ್ ಲಾಕ್, ಬಿಡುಗಡೆಯಾಗಿರೋ ಒಂದಕ್ಕಿಂತ ಒಂದು ಸೂಪರ್ ಹಿಟ್ ಹಾಡುಗಳು ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಹುಟ್ಟು ಹಾಕಿವೆ. ಎಲ್ಲವೂ ಪ್ಲಾನ್ ಪ್ರಕಾರವೇ ಆಗಿದ್ದರೆ ಚಿತ್ರ ಜನವರಿ ಕೊನೆಯಲ್ಲಿ ತೆರೆಗೆ ಬರಬೇಕಿತ್ತು.

ಚಿತ್ರದ ರಿಲೀಸ್ ಮುಂದೆ ಹಾಕಿದ್ದಾರೆ ಪ್ರೇಮ್. ಏಕ್ ಲವ್ ಯಾ ಜನವರಿ 21ಕ್ಕೆ ರಿಲೀಸ್ ಆಗುತ್ತಿಲ್ಲ. ಮತ್ತೆ ಯಾವಾಗ? ಹೇಳುತ್ತೇನೆ. ಖಂಡಿತಾ ಒಂದೊಳ್ಳೆ ಡೇಟ್ ಫಿಕ್ಸ್ ಮಾಡ್ತೇನೆ ಎಂದಿದ್ದಾರೆ ಪ್ರೇಮ್.

ರಾಣಾ ಎದುರು ರೀಷ್ಮಾ ನಾಣಯ್ಯ ಹೀರೋಯಿನ್ ಆಗಿದ್ದಾರೆ. ರಚಿತಾ ರಾಮ್ ಅಷ್ಟೇ ಪ್ರಮುಖ ಪಾತ್ರದಲ್ಲಿದ್ದಾರೆ. 

ಜೋಗಿ ಪ್ರೇಮ್ ನಿರ್ದೇಶನದ ಹೊಸ ಸಿನಿಮಾ ಏಕ್ ಲವ್ ಯಾ. ದಿ ವಿಲನ್ ನಂತರ ಪತ್ನಿ ರಕ್ಷಿತಾ ಪ್ರೇಮ್ ಅವರ ಸೋದರ ರಾಣಾನನ್ನೇ ಹೀರೋ ಆಗಿ ಎಂಟ್ರಿ ಕೊಡಿಸುತ್ತಿದ್ದಾರೆ ಪ್ರೇಮ್. ಚಿತ್ರದ ಶೂಟಿಂಗಿಗಾಗಿ ಊಟಿಯಲ್ಲಿರೋ ತಂಡ, ಏಕ್ ಲವ್ ಯಾ ಚಿತ್ರೀಕರಣ ಜಾಗದಲ್ಲಿನ ಪ್ಲಾಸ್ಟಿಕ್ಕುಗಳನ್ನೆಲ್ಲ ಆಯ್ದು ಸ್ವಚ್ಚ ಭಾರತ್ ಅಭಿಯಾನ ಮಾಡಿದೆ.

ದೇಶದ ಹಲವು ಪ್ರವಾಸಿ ತಾಣಗಳಂತೆ ಊಟಿ ಕೂಡಾ ಪ್ರವಾಸಿಗರಿಂದ ಕ್ರೌರ್ಯಕ್ಕೆ ಒಳಗಾಗುತ್ತಿದೆ.. ಹೀಗಾಗಿಯೇ ಏಕ್ ಲವ್ ಯಾ ಟೀಂ ಕೆಲಸಕ್ಕೆ ಭಾರಿ ಮೆಚ್ಚುಗೆ ಪ್ರಾಪ್ತವಾಗಿದೆ. ರಾಣಾ ಎದುರು ರೀಷ್ಮಾ ನಾಯಕಿಯಾಗಿದ್ದು, ರಚಿತಾ ರಾಮ್ ಅತ್ಯಂತ ಪ್ರಮುಖ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ.

ಈ ವಾರ ರಿಲೀಸ್ ಆಗಿರೋ ಏಕ್ ಲವ್ ಯಾ ಚಿತ್ರಕ್ಕೆ ಪ್ರೇಕ್ಷಕರು ಬಹುಪರಾಕ್ ಎಂದಿದ್ದಾರೆ. ಎಕ್ಸ್‍ಕ್ಯೂಸ್ ಮಿ ನಂತರ ಲವ್ ಸ್ಟೋರಿ ಮಾಡಿದ್ದ ಪ್ರೇಮ್, ಗೆದ್ದಿದ್ದಾರೆ. ರಕ್ಷಿತಾ ಪ್ರೇಮ್ ಅವರ ತಮ್ಮ ರಾಣಾ ಈ ಚಿತ್ರದ ಮೂಲಕ ಹೀರೋ ಆಗಿದ್ದಾರೆ. ಬಾವ ಬಾಮೈದ ಅನ್ನೋ ರಿಲ್ಯಾಕ್ಸ್ ಇರಲಿಲ್ಲ. ಬೈಸಿಕೊಂಡಿದ್ದು, ಉಗಿಸಿಕೊಂಡಿದ್ದು ಎಲ್ಲವೂ ಇದೆ. ಪ್ರೇಮ್ ಡೈರೆಕ್ಷನ್ ಮಾಡೋಕೆ ನಿಂತಾಗ ಡೈರೆಕ್ಟರ್ ಮಾತ್ರ. ಅಲ್ಲಿ ಸಂಬಂಧಗಳಿರೋದಿಲ್ಲ ಎಂದಿದ್ದರು ರಾಣಾ.

ಪ್ರೇಮ್ ಅವರ ಆ ಎಲ್ಲ ಶ್ರಮದ ಪ್ರತಿಫಲವೇ ರಾಣಾ. ಏಕ್ ಲವ್ ಯಾ ನೋಡಿದವರಿಗೆ ಕನ್ನಡಕ್ಕೆ ಹೊಸ ಹೀರೋ ಸಿಕ್ಕ ಅಂತನ್ನಿಸದೇ ಇರದು. ಎಮೋಷನ್ಸ್, ಆ್ಯಕ್ಷನ್, ತುಂಟಾಟ, ಮುಗ್ದತೆ, ತರಲೆ.. ಹೀಗೆ ಎಲ್ಲದರಲ್ಲೂ ಗೆದ್ದಿರೋ ರಾಣಾ ಹೊಸ ಹುಡುಗ ಅನ್ನಿಸಲ್ಲ ಅನ್ನೋದು ಅವರಿಗೆ ಸಿಕ್ಕಿರೋ ಕಾಂಪ್ಲಿಮೆಂಟು. ವಾಯ್ಸ್ ಮಾಡ್ಯುಲೇಷನ್ ಕಡೆ ಇನ್ನೊಂದಿಷ್ಟು ಗಮನ ಹರಿಸಿದರೆ ಇನ್ನೂ ಒಳ್ಳೆಯದು.

ಕಣ್ಣೂ ಹೊಡಿಯಾಕ ಮೊನ್ನೀ ಕಲಿತ್ಯಾನಿ.. ಹಾಡನ್ನು ಕಣ್ಣೇ ಅದಿರಿಂದಿ.. ಎಂದು ತೆಲುಗಿನಲ್ಲಿ ಹಾಡಿ ಫೇಮಸ್ ಆದವರು ಮಂಗ್ಲಿ. ಅಪ್ಪಟ ರಾ ಲುಕ್.. ರಾ ವಾಯ್ಸ್ ಇರೋ ಮಂಗ್ಲಿ ಈಗ ಜೋಗಿ ಪ್ರೇಮ್ ಚಿತ್ರಕ್ಕೆ ಬಂದಿದ್ದಾರೆ. ಏಕ್ ಲವ್ ಯಾ ಚಿತ್ರದಲ್ಲಿ ಒಂದು ಹಾಡನ್ನೂ ಹಾಡಿದ್ದಾರೆ. ಅದು ಎಣ್ಣೆ ಹಾಡಂತೆ.

ರಕ್ಷಿತಾ ಪ್ರೇಮ್ ಅವರ ತಮ್ಮ ರಾಣಾ ಹೀರೋ ಆಗಿ ಎಂಟ್ರಿ ಕೊಡುತ್ತಿರೋ ಚಿತ್ರ ಏಕ್ ಲವ್ ಯಾ. ರಚಿತಾ ರಾಮ್ ಮತ್ತು ರೀಷ್ಮಾ ನಾಣಯ್ಯ, ಇಬ್ಬರು ಹೀರೋಯಿನ್‍ಗಳು. ಈ ಎಣ್ಣೆ ಹಾಡಿನಲ್ಲಿ ರಕ್ಷಿತಾ ಕೂಡಾ ಹೆಜ್ಜೆ ಹಾಕಿದ್ದಾರೆ.

ಪ್ರೇಮ್ ಚಿತ್ರಗಳಲ್ಲಿ ಹಾಡುಗಳಂತೂ ಬೊಂಬಾಟ್ ಆಗಿರುತ್ತವೆ. ಪ್ರೇಮ್-ಜನ್ಯಾ ಕಾಂಬಿನೇಷನ್ ಈಗಾಗಲೇ ವಿಲನ್ ಚಿತ್ರದಲ್ಲಿ ವ್ಹಾವ್ ಎನ್ನಿಸಿಕೊಂಡಿದೆ. ಅಂತಾದ್ದರಲ್ಲಿ ಮಂಗ್ಲಿಯ ವಾಯ್ಸ್‍ನ ಕಿಕ್ಕೂ ಸೇರಿದರೆ.. ಹಾಡು ಇನ್ನೆಷ್ಟು ಕಿಕ್ಕೇರಿಸಲಿದೆಯೋ..

ಡಿಂಪಲ್ ಕ್ವೀನ್ ರಚಿತಾ ರಾಮ್ ಮತ್ತೊಮ್ಮೆ ಜೋಗಿ ಪ್ರೇಮ್ ಜೊತೆ ಸಿನಿಮಾ ಮಾಡುತ್ತಿದ್ದಾರೆ. ರಕ್ಷಿತಾ ಅವರ ತಮ್ಮನನ್ನು ಪರಿಚಯಿಸುತ್ತಿರುವ ಏಕ್ ಲವ್ ಯಾ ಚಿತ್ರದಲ್ಲಿ ರಚಿತಾ ರಾಮ್ ನಟಿಸುತ್ತಿದ್ದಾರೆ. ಹಾಗಂತ, ರಚಿತಾ ರಾಮ್ ಹೀರೋಯಿನ್ ಅಲ್ಲ, ಅರ್ಥಾತ್ ಹೀರೋನ ಪ್ರೇಯಸಿ ಅಲ್ಲ. ಆದರೆ, ಅತ್ಯಂತ ಪ್ರಮುಖವಾದ ಪಾತ್ರವಂತೆ.

ವಿಲನ್ ಚಿತ್ರದ ಹಾಡೊಂದರಲ್ಲಿ ನಾನು ನಟಿಸಿದ್ದೆ. ಆದರೆ, ಪ್ರೇಮ್ ಅವರ ಡೆಡಿಕೇಷನ್ ಬಹಳ ಇಷ್ಟವಾಗಿತ್ತು. ಅವರು ಬಹಳ ಒಳ್ಳೆಯ ನಿರ್ದೇಶಕ. ಅವರು ನನ್ನನ್ನು ಸೆಟ್‍ನಲ್ಲಿ ಗೌಡ್ತಿ  ಅಂತಾ ಕರೀತಿದ್ರೆ, ನಾನು ಗೌಡಾ ಸರ್ ಅಂತ ಕೂಗ್ತಿದ್ದೆ. ಈ ಚಿತ್ರದಲ್ಲಿ ನನ್ನದು ಅತ್ಯಂತ ಮುಖ್ಯ ಪಾತ್ರ ಎಂದಿದ್ದಾರೆ ರಚಿತಾ ರಾಮ್.

ರಕ್ಷಿತಾ ಪ್ರೇಮ್ ಅವರ ಸೋದರ ರಾಣಾ  ಏಕ್ ಲವ್ ಯಾ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ರಕ್ಷಿತಾ ಅವರೇ ಚಿತ್ರದ ನಿರ್ಮಾಪಕಿ.

ರಕ್ಷಿತಾ ಪ್ರೇಮ್ ಮದುವೆಯ ನಂತರ ಬೆಳ್ಳಿತೆರೆಯಿಂದ ದೂರವೇ ಉಳಿದುಬಿಟ್ಟಿದ್ದಾರೆ. 2007ರಲ್ಲಿ ರಿಲೀಸ್ ಆದ ತಾಯಿಯ ಮಡಿಲು ಚಿತ್ರವೇ ಕೊನೆ. ಅದಾದ ನಂತರ ರಕ್ಷಿತಾ ಬಣ್ಣ ಹಚ್ಚಿಲ್ಲ. ಈಗ ಮತ್ತೆ ಬರುತ್ತಿದ್ದಾರೆ. ಅದೂ ಡಿಂಪಲ್ ಕ್ವೀನ್ ಜೊತೆ.

ಪ್ರೇಮ್ ನಿರ್ದೇಶನದ ಏಕ್ ಲವ್ ಯಾ ಚಿತ್ರದಲ್ಲಿ ರಕ್ಷಿತಾ ಅವರ ಸೋದರ ರಾಣಾ ಹೀರೋ. ಆ ಚಿತ್ರದಲ್ಲಿ ರಚಿತಾ ರಾಮ್ ಕೂಡಾ ಪ್ರಮುಖ ಪಾತ್ರದಲ್ಲಿದ್ದಾರೆ. ಸಿನಿಮಾದ ಹಾಡೊಂದರಲ್ಲಿ ರಕ್ಷಿತಾ, ರಚಿತಾ ಜೊತೆ ಹೆಜ್ಜೆ ಹಾಕಲಿದ್ದಾರೆ.

ಅಂದಹಾಗೆ ಇದು ಲವ್ ಫೇಲ್ಯೂರ್ ಸಾಂಗ್. ಅದೂ ಹುಡುಗರದ್ದಲ್ಲ. ಹುಡುಗೀರದ್ದು. ಹುಡುಗೀರು ಕುಡ್ಕೊಂಡ್ ಲವ್ ಫೇಲ್ಯೂರ್ ಸಾಂಗ್ ಹಾಡಿದ್ರೆ ಹೆಂಗಿರುತ್ತೆ.. ಅನ್ನೋ ಹುಳ ಬಿಟ್ಟೇ ಹಾಡಿಗೆ ರೆಡಿಯಾಗಿದ್ದಾರೆ ಪ್ರೇಮ್. ಗೆಟ್ ರೆಡಿ ಟು.. ಎಣ್ಣೆಗೂ.. ಹೆಣ್ಣಿಗೂ.. ಎಲ್ಲಿಂದ ಲಿಂಕಿದೆ ಭಗವಂತಾ..

ಏಕ್ ಲವ್ ಯಾ ಚಿತ್ರ ಜನವರಿಯಲ್ಲಿ ರಿಲೀಸ್ ಆಗುತ್ತಿದೆ. 5 ಭಾಷಗಳಲ್ಲಿ ಬರುತ್ತಿರೋ ಚಿತ್ರದ ಹಾಡು, ಟೀಸರ್ ನೋಡಿದವರಿಗೆ ಇದು ಹೊಸ ನಟನ ಚಿತ್ರ ಎಂಬ ಫೀಲಿಂಗ್ ಬರುತ್ತಿಲ್ಲ. ಬದಲಿಗೆ ಇದು ಒಬ್ಬ ಸ್ಟಾರ್ ನಟನ ಚಿತ್ರ ಇರಬೇಕು ಎಂಬ ಭಾವನೆ ಬರುತ್ತಿದೆ. ಜೋಗಿ ಪ್ರೇಮ್ ಮೋಡಿಯೇ ಅಂಥದ್ದು. ಚಿತ್ರದ ಹಾಡು, ಟೀಸರ್‍ಗಳು ಕನ್ನಡದಲ್ಲಿ ಮೋಡಿ ಮಾಡಿವೆ. ಆ ಚಿತ್ರವನ್ನು ತೆಲುಗಿಗೂ ಕೊಂಡೊಯ್ಯೋಕೆ, ತಮ್ಮ ಪ್ರೀತಿಯ ತಮ್ಮನನ್ನು ತೆಲುಗಿನಲ್ಲಿ ಲಾಂಚ್ ಮಾಡೋಕೆ ಹೊರಟಿದ್ದಾರೆ ರಕ್ಷಿತಾ ಪ್ರೇಮ್.

ರಕ್ಷಿತಾಗೆ ತೆಲುಗು ಇಂಡಸ್ಟ್ರಿ ಹೊಸದಲ್ಲ. ಒಂದು ಕಾಲದಲ್ಲಿ ರಕ್ಷಿತಾ ಆಳಿದ್ದ ಚಿತ್ರರಂಗವದು. ಅಲ್ಲಿ ಏಕ್ ಲವ್ ಯಾ ಚಿತ್ರದ ಈವೆಂಟ್ ಮಾಡುವುದು ರಕ್ಷಿತಾ ಯೋಜನೆ. ಇನ್ನು ರಕ್ಷಿತಾಗೆ ಪುರಿ ಜಗನ್ನಾಥ್, ಮಹೇಶ್ ಬಾಬು, ರವಿತೇಜ ಸೇರಿದಂತೆ ತೆಲುಗು ಇಂಡಸ್ಟ್ರಿಯ ದಿಗ್ಗಜರ ಜೊತೆ ಒಳ್ಳೆಯ ಬಾಂಧವ್ಯ ಈಗಲೂ ಇದೆ. ತಮ್ಮ ರಾಣಾನನ್ನು ಪರಿಚಯಿಸುವ ಕಾರ್ಯಕ್ರಮವನ್ನು ಅವರೆಲ್ಲರ ಸಮ್ಮುಖದಲ್ಲಿ ಅದ್ಧೂರಿಯಾಗಿ ಮಾಡೋಕೆ ರಕ್ಷಿತಾ ರೆಡಿಯಾಗಿದ್ದಾರೆ.