` bramhachari, - chitraloka.com | Kannada Movie News, Reviews | Image

bramhachari,

  • ಸಂಸಾರಿ ಆದ್ರೂ ಬ್ರಹ್ಮಚಾರಿಯಾಗಿ ಇರೋದೇಕೆ..?

    bramhachari waiting to reveal all his problems

    ಬ್ರಹ್ಮಚಾರಿ ಚಿತ್ರ ಭಾರಿ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ. ಇತ್ತೀಚೆಗೆ ಬರುತ್ತಿರುವ ಕಾಮಿಡಿ ಜಾನರ್ ಚಿತ್ರಗಳಲ್ಲೇ ಅತಿ ಹೆಚ್ಚು ಕುತೂಹಲ ಹುಟ್ಟಿಸಿರುವ ಸಿನಿಮಾ, ಟ್ರೇಲರ್, ಹಾಡಿನಿಂದಲೇ ಭರ್ಜರಿ ಸದ್ದು ಮಾಡಿದೆ. ಟ್ರೇಲರ್ ವೀಕ್ಷಿಸಿದವರ ಸಂಖ್ಯೆ ೧೧ ಲಕ್ಷ ದಾಟಿದ್ದರೆ, ಹಿಡ್ಕ ಹಿಡ್ಕ ಸಾಂಗ್ ನೋಡಿದವರ ಸಂಖೆ ೧೦ ಲಕ್ಷ ದಾಟಿದೆ.

    ಒಂದೊಳ್ಳೆ ಲವ್ ಸ್ಟೋರಿಯಿಂದ ಸಿನಿಮಾ ಶುರುವಾಗುತ್ತೆ. ಮದುವೆಯಾಗುತ್ತೆ. ಗೃಹಸ್ಥನಾದರೂ ಬ್ರಹ್ಮಚಾರಿಯಾಗಿಯೇ ಇರುತ್ತಾನೆ ನಾಯಕ. ಏಕೆ ಅನ್ನೋದನ್ನೇ ನಿರ್ದೇಶಕರು ಮಜವಾಗಿ ಹೇಳಿದ್ದಾರೆ ಎನ್ನುವ ನೀನಾಸಂ ಸತೀಶ್, ಸದ್ಯಕ್ಕೆ ಲಂಡನ್‌ನಲ್ಲಿದ್ದಾರೆ. ರಿಲೀಸ್ ಹೊತ್ತಿಗೆ ಭಾರತಕ್ಕೆ ವಾಪಸ್ ಬರುವ ಸಾಧ್ಯತೆ ಇದೆ.

    ಸತೀಶ್ ಜೊತೆ ಸೊಂಟ ಬಳುಕಿಸಿರುವುದು ಆದಿತಿ ಪ್ರಭುದೇವ. ನಿರ್ದೇಶನ ಚಂದ್ರಮೋಹನ್ ಅವರದ್ದು. 

  • ಹಿಡ್ಕ.. ಹಿಡ್ಕ.. ತಡ್ಕ.. ತಡ್ಕ.. ಸುರ್ವಾತು ಹಬ್ಬ..

    bramhachari hidke hidke song goes rending

    ಬ್ರಹ್ಮಚಾರಿ ಚಿತ್ರದ ಹಿಡ್ಕ ಹಿಡ್ಕ ಹಿಡ್ಕ ವಸಿ ಹಿಡ್ಕ ಹಿಡ್ಕ ಹಿಡ್ಕ.. ತಡ್ಕ ತಡ್ಕ ತಡ್ಕ ವಸಿ ತಡ್ಕ ತಡ್ಕ ತಡ್ಕ.. ಹಾಡಿನ ಲಿರಿಕಲ್ ವಿಡಿಯೋ ರಿಲೀಸ್ ಆಗಿದೆ. ಹಾಡಿನ ಮೇಕಿಂಗ್ ದೃಶ್ಯಗಳೂ ಇರೋ ಹಾಡಿನಲ್ಲಿ ಬಿಂದಾಸ್ ಆಗಿ ಕುಣಿದಿರೋದು ನೀನಾಸಂ ಸತೀಶ್ ಮತ್ತು ಆದಿತಿ ಪ್ರಭುದೇವ.

    ಪಡ್ಡೆಗಳ ಹಾರ್ಟಿಗೇ ಬೆಂಕಿಯಿಡುವಂತಿರುವ ಹಾಡಿದು. ಅಬ್ಬರ ಶುರುವಾಗಿದೆ. ಹಾಡಿನ ಸಾಹಿತ್ಯ ನೋಡುತ್ತಿದ್ರೆ.. ಇದು ಇನ್ನೊಂದು ಟಿಕ್ ಟಾಕ್ ಟ್ರೆಂಡ್ ಆಗೋ ಎಲ್ಲ ಲಕ್ಷಣಗಳೂ ಇವೆ. ಭರಾಟೆ ಚೇತನ್ ಸಾಹಿತ್ಯಕ್ಕೆ ಧರ್ಮ ವಿಶ್ ಸಂಗೀತವಿದೆ. ಶ್ಯಾನೆ ಟಾಪಾಗವ್ಳೆ ಹಾಡಿನಲ್ಲಿ ಶ್ಯಾನೆ ಕಿಕ್ ಕೊಟ್ಟಿದ್ದ ಧರ್ಮ ವಿಶ್.. ಇಲ್ಲಿ ತಡ್ಕೊಳ್ಳೋಕೆ ಆಗದಂತಾ ಕಿಕ್ ಕೊಟ್ಟಿದ್ದಾರೆ.

    ಉದಯ್ ಕೆ.ಮೆಹ್ತಾ ನಿರ್ಮಾಣದ ಚಿತ್ರಕ್ಕೆ ಚಂದ್ರ ಮೋಹನ್ ನಿರ್ದೇಶನವಿದೆ. ನವೀನ್ ಸಜ್ಜು ಪಿಂಕಿ ಮೈದಾಸನಿ, ಭಾರ್ಗವಿ ಪಿಳ್ಳೈ ಮಾದಕ ಧ್ವನಿಯ ಹಾಡಿನ ಕಿಕ್ಕನ್ನು ಮಾತ್ರ ಹಿಡ್ಯೋಕೂ ಆಗಲ್ಲ.. ತಡ್ಯೋಕೂ ಆಗಲ್ಲ.

  • ಹಿಡ್ಕಳಿ.. ಹಿಡ್ಕಳಿ.. ಬ್ರಹ್ಮಚಾರಿ ಬರೋ ಡೇಟ್ ಗೊತ್ತಾಯ್ತು

    brahachari release date fixed

    ಹಿಡ್ಕ ಹಿಡ್ಕ ಹಿಡ್ಕ ವಸಿ ಹಿಡ್ಕ ಹಿಡ್ಕ ಹಿಡ್ಕ.. ಹಾಡಿನ ಮೂಲಕ ಪಡ್ಡೆಗಳ ಹೃದಯಕ್ಕೆ ಇಲಿಯನ್ನೇ ಬಿಟ್ಟಿರುವ ಬ್ರಹ್ಮಚಾರಿ ನವೆಂಬರ್ ೨೯ಕ್ಕೆ ಥಿಯೇಟರಿಗೆ ಬರುತ್ತಿದ್ದಾನೆ. ನೀನಾಸಂ ಸತೀಶ್ ಬ್ರಹ್ಮಚರ್ಯಕ್ಕೆ ಸವಾಲು ಹಾಕಿರೋದು ಶ್ಯಾನೆ ಟಾಪ್ ಆಗಿರೋ ಆದಿತಿ ಪ್ರಭುದೇವ.

    ಒಂದು ಯೂತ್ ಫುಲ್ ಕಾಮಿಡಿ ಕಥೆ ಹೇಳಿರೋದು ಚಂದ್ರಮೋಹನ್. ಟಿ.ಆರ್.ಚಂದ್ರಶೇಖರ್ ನಿರ್ಮಾಣದ ಚಿತ್ರದಲ್ಲಿ ಭರಪೂರ ಕಾಮಿಡಿಯಿದೆ. ಆದರೆ, ಇದು ಪಕ್ಕಾ ಫ್ಯಾಮಿಲಿ ಎಂಟರ್‌ಟೈನರ್. ಚಿತ್ರವನ್ನು ಕೆಆರ್‌ಜಿ ಸ್ಟುಡಿಯೋ ಮೂಲಕ ಕಾರ್ತಿಕ್ ಗೌಡ ವಿತರಣೆ ಮಾಡುತ್ತಿದ್ದಾರೆ. ೧೦೦% ವರ್ಜಿನ್ ಅನ್ನೋ ಟ್ಯಾಗ್‌ಲೈನ್ ಇರೋ ಚಿತ್ರ ೨೦೦% ಕಾಮಿಡಿ ಎನ್ನೋದ್ರಲ್ಲಿ ನೋ ಡೌಟ್ ಅಂತಿದೆ ಗಾಂಧಿನಗರ.

     

  • ಹ್ಮಚಾರಿ ಚಾಲಿಗೆ ದಾರ ಕಟ್ಟಿದ್ದೇಕೆ ಆದಿತಿ..?

    bramhachari movie scene leaked

    ಹಿಡ್ಕ ಹಿಡ್ಕ.. ವಸಿ.. ತಡ್ಕ.. ತಡ್ಕ.. ಹಾಡಿನ ಮೂಲಕ ಸೆನ್ಸೇಷನ್ ಸೃಷ್ಟಿಸಿರುವ ಬ್ರಹ್ಮಚಾರಿ ಚಿತ್ರದಲ್ಲಿನ ಸೀನ್‍ವೊಂದು ಲೀಕ್ ಆಗಿಬಿಟ್ಟಿದೆ. ಈ ದೃಶ್ಯದಲ್ಲಿ ನಟಿ ಆದಿತಿ ಪ್ರಭುದೇವ, ಸತೀಶ್ ಕಾಲಿಗೆ ದಾರ ಕಟ್ಟಿ ಕಿಚಾಯಿಸುವ ದೃಶ್ಯವಿದು. ಸಖತ್ ಫನ್ನಿಯಾಗೇನೋ ಇದೆ. ಆದರೆ, ಈ ದೃಶ್ಯ ಲೀಕ್ ಆಗಿದ್ದು ಹೇಗೆ..?

    ಉದಯ್ ಕೆ.ಮೆಹ್ತಾ ನಿರ್ಮಾಣದ ಬ್ರಹ್ಮಚಾರಿ ಚಿತ್ರಕ್ಕೆ ಚಂದ್ರಮೋಹನ್ ನಿರ್ದೇಶಕ. ಧರ್ಮವಿಶ್ ಸಂಗೀತವಿದೆ.