` pavithra lokesh, - chitraloka.com | Kannada Movie News, Reviews | Image

pavithra lokesh,

  • ಅವರ ಬದುಕು ಇನ್ನು ಆರೇ ತಿಂಗಳು : ಸುಚೇಂದ್ರ ಪ್ರಸಾದ್

    ಅವರ ಬದುಕು ಇನ್ನು ಆರೇ ತಿಂಗಳು : ಸುಚೇಂದ್ರ ಪ್ರಸಾದ್

    ಪವಿತ್ರಾ ಲೋಕೇಶ್ ಹೊಸ ಬದುಕಿನ ಕುರಿತಂತೆ ಇದೇ ಮೊದಲ ಬಾರಿಗೆ  ಪತಿ ಸುಚೇಂದ್ರ ಪ್ರಸಾದ್ ಮಾತನಾಡಿದ್ದಾರೆ. ತಮ್ಮ ಪತ್ನಿಯ ಬದಲಿಗೆ ನರೇಶ್ ಅವರ ಮೂರನೇ ಹೆಂಡತಿ ರಮ್ಯಾ ರಘುಪತಿ ಬಗ್ಗೆ ಕಳಕಳಿ ವ್ಯಕ್ತಪಡಿಸಿರುವ ಸುಚೇಂದ್ರ ಪ್ರಸಾದ್ ಆ ಮಕ್ಕಳ ಸ್ಥಿತಿ ನೋಡಿದರೆ ನನಗೆ ಅಯ್ಯೋ ಎನಿಸುತ್ತಿದೆ ಎಂದಿದ್ದಾರೆ.

    ಈಕೆಯದ್ದು ಲಪಟಾಯಿಸುವ ಬುದ್ದಿ, ಅವನದ್ದು ಲಂಪಟ ಬುದ್ದಿ. ನೋಡ್ತಾ ಇರಿ, ಇನ್ನು ಆರೇ ತಿಂಗಳು. ಇದೂ ಕೂಡಾ ಹೆಚ್ಚು ದಿನ ಇರೋದಿಲ್ಲ ಎಂದಿದ್ದಾರೆ ಸುಚೇಂದ್ರ ಪ್ರಸಾದ್. ಅವರ ಕೈಲಿ ನಾನು ನರಳಿದ್ದೇನೆ. ನನ್ನ ಮಕ್ಕಳಿಗೆ ಅರ್ಥ ಮಾಡಿಸಿದ್ದೇನೆ ಎಂದಿರುವ ಸುಚೇಂದ್ರ ಪ್ರಸಾದ್ ನರೇಶ್ ಬಗ್ಗೆಯೂ ಕಿಡಿಕಾರಿದ್ದಾರೆ. ಖಾಸಗಿ ಟಿವಿ ಚಾನೆಲ್ಲೊಂದರ ಜೊತೆ ಮಾತನಾಡಿರುವ ಅವರ ಆಡಿಯೋ ಈಗ ವೈರಲ್ ಆಗುತ್ತಿದೆ.

  • ಆ ಪ್ರಶ್ನೆಗಳಿಗೆಲ್ಲ ಪವಿತ್ರಾ ಲೋಕೇಶ್ ಕೊಟ್ಟ ಉತ್ತರಗಳು ಇವು

    ಆ ಪ್ರಶ್ನೆಗಳಿಗೆಲ್ಲ ಪವಿತ್ರಾ ಲೋಕೇಶ್ ಕೊಟ್ಟ ಉತ್ತರಗಳು ಇವು

    ಇದೀಗ ಸುದ್ದಿಯಲ್ಲಿರುವ ನಟಿ ಪವಿತ್ರಾ ಲೋಕೇಸ್. ತೆಲುಗು ನಟ ನರೇಶ್ ಜೊತೆ ಮದುವೆಯಾಗಿದ್ದಾರೆ ಎಂದು ಸುದ್ದಿಯಾಗಿತ್ತು.ನರೇಶ್ ಅವರ 3ನೇ ಪತ್ನಿ ರಮ್ಯಾ ರಘುಪತಿ ಚಾನೆಲ್ಲುಗಳಲ್ಲಿ ಕುಳಿತು ಪವಿತ್ರಾ ವಿರುದ್ಧ ಹಲವು ಆರೋಪ ಮಾಡಿದ್ದರು. ನಟ ನರೇಶ್ ಕೂಡಾ ಕನ್ನಡ ಟಿವಿ ಚಾನೆಲ್ಲುಗಳಿಗೆ ಬಂದು ಉತ್ತರ ಕೊಟ್ಟಿದ್ದರು. ಆಗ ಎದ್ದಿರುವ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಕೊಟ್ಟಿದ್ದಾರೆ ಪವಿತ್ರಾ ಲೋಕೇಶ್.

    ಪ್ರಶ್ನೆ : ನೀವು ನರೇಶ್ ಜೊತೆ ಮದುವೆ ಆಗಿದ್ದೀರಾ?

    ಪವಿತ್ರಾ ಲೋಕೇಶ್ : ಮದುವೆ ಆಗಿರೋದಕ್ಕೆ ನಿಮ್ಮ ಬಳಿ ದಾಖಲೆ ಏನಿದೆ?

    ಪ್ರಶ್ನೆ : ನೀವು ಸುಚೇಂದ್ರ ಪ್ರಸಾದ್ ಅವರಿಗೆ ಡೈವೋರ್ಸ್ ಕೊಟ್ಟಿದ್ದೀರಾ?

    ಪವಿತ್ರಾ ಲೋಕೇಶ್ : ನಾವಿಬ್ಬರೂ ಮದುವೆಯೇ ಆಗಿಲ್ಲ. ಒಟ್ಟಿಗೆ ಇದ್ದೆವು. ಮದುವೆಯೇ ಆಗಿಲ್ಲ ಎಂದ ಮೇಲೆ ಡೈವೋರ್ಸ್ ಯಾಕೆ?

    ಪ್ರಶ್ನೆ : ನೀವು ನರೇಶ್ ಅವರ ಸಂಸಾರವನ್ನು ಹಾಳು ಮಾಡಿದ್ದೀರಂತೆ..

    ಪವಿತ್ರಾ ಲೋಕೇಶ್ : ಅದು ನನಗೆ ಸಂಬಂಧಪಟ್ಟ ವಿಷಯ ಅಲ್ಲ.

    ಪ್ರಶ್ನೆ : ನಿಮಗೆ ದುಡ್ಡಿನ ಮೇಲೆ ವ್ಯಾಮೋಹ ಜಾಸ್ತಿ ಎಂದಿದ್ದಾರೆ ಸುಚೇಂದ್ರ ಪ್ರಸಾದ್

    ಪವಿತ್ರಾ ಲೋಕೇಶ್ : ನಾನು ಅವರು ಒಟ್ಟಿಗೇ ಇದ್ದಾಗ ಅವರಿಗೆ ಮನೆಯೂ ಇರಲಿಲ್ಲ. ಹಣವೂ ಇರಲಿಲ್ಲ. ಕಾರೂ ಇರಲಿಲ್ಲ. ಅವರನ್ನು ನಾನು ದುಡ್ಡಿನಿಂದ ಅಳೆದಿದ್ದರೆ ಅವರ ಜೊತೆ 11 ವರ್ಷ ಇರುತ್ತಿರಲಿಲ್ಲ.

    ಪ್ರಶ್ನೆ :  ಮದುವೆ ಆಗದೆ ಸುಚೇಂದ್ರ ಪ್ರಸಾದ್ ಅವರ ಜೊತೆ ಇದ್ರಾ? ಮದುವೆ ಆಗಬೇಕು ಎನಿಸಲಿಲ್ವಾ?

    ಪವಿತ್ರಾ ಲೋಕೇಶ್ : ನಾನು ಅವರ ಜೊತೆ ಇದ್ದೆ, ನಿಜ. ಆದರೆ ಮದುವೆ ಆಗದೇ ಇರೋದಕ್ಕೆ ಅವರೇ ಕಾರಣ. ಅವರ ಬಗ್ಗೆ ನನಗೆ ಗೌರವ ಇದೆ. ಬಹಳಷ್ಟು ಓದಿಕೊಂಡಿದ್ದಾರೆ. ಆದರೆ, ನಾವಿಬ್ಬರೂ 2017ರಿಂದ ಬೇರೆ ಇದ್ದೇವೆ. ಅವರ ಬಗ್ಗೆ ನಾನು ಹೆಚ್ಚುಮಾತನಾಡಲ್ಲ. ಅದು ಪರ್ಸನಲ್.

    ಪ್ರಶ್ನೆ : ನೀವು ನರೇಶ್ ಅವರ ಜೊತೆ ಹಣಕ್ಕಾಗಿ ಇದ್ದೀರಿ ಅನ್ನೋ ಆರೋಪ ಇದೆ.

    ಪವಿತ್ರಾ ಲೋಕೇಶ್ : ನನ್ನ ಬಳಿ 2 ಕಾರು, ಬಂಗಲೆ, ಚಿನ್ನ ಎಲ್ಲ ಇದೆ. ತೆಲುಗಿನಲ್ಲೇ 150 ಸಿನಿಮಾ ಮಾಡಿದ್ದೇನೆ. ಕನ್ನಡದಲ್ಲೂ ನಟಿಸಿದ್ದೇನೆ.

    ಪ್ರಶ್ನೆ : ನಿಮ್ಮ ಕಾರಣಕ್ಕಾಗಿಯೇ ನರೇಶ್ ಡೈವೋರ್ಸ್ ಪಡೆಯುತ್ತಿದ್ದಾರಾ?

    ಪವಿತ್ರಾ ಲೋಕೇಶ್ : ಗೊತ್ತಿಲ್ಲ. ಅದು ನನಗೆ ಸಂಬಂಧಪಟ್ಟಿದ್ದಲ್ಲ. ನರೇಶ್ ಅವರೇ ಅದನ್ನ ನೋಡಿಕೊಳ್ತಾರೆ.

    ಪ್ರಶ್ನೆ : ನಿಮ್ಮ ಮತ್ತು ನರೇಶ್ ಅವರು ತುಂಬಾ ಕ್ಲೋಸ್ ಅಂತಾರೆ ರಮ್ಯಾ ರಘುಪತಿ. ಇದಕ್ಕೇನು ಹೇಳ್ತೀರಾ?

    ಪವಿತ್ರಾ ಲೋಕೇಶ್ : ಒಂದು ಗಂಡು ಹೆಣ್ಣು ಒಟ್ಟಿಗೇ ಇದ್ರೆ ಮದುವೆ ಆಗಲೇಬೇಕಾ? ಕ್ಲೋಸ್ ಆಗಿ ಇರಲೇಬಾರದಾ? ಅವರ ಗಂಡನ ವಿಚಾರ ಅವರ ಮನೆಯಲ್ಲಿ ಬಗೆಹರಿಸಿಕೊಳ್ಳಬೇಕು. ನನ್ನನ್ಯಾಕೆ ಎಳೆದು ತರ್ತಾರೆ?

    ಪ್ರಶ್ನೆ : ನಿಮಗೆ ನರೇಶ್, ರಮ್ಯಾ ಅವರ ನೆಕ್ಲೆಸ್ ಕೊಟ್ಟಿದ್ದಾರಂತೆ..

    ಪವಿತ್ರಾ ಲೋಕೇಶ್ : ಅದನ್ನು ರಮ್ಯಾ ಅವರ ಗಂಡನ ಜೊತೆ ಕೇಳಬೇಕು. ನನ್ನ ಬಳಿ ಚಿನ್ನ, ಒಡವೆ ಇದೆ. ನಾನು ತೆಗೆದುಕೊಂಡಿರೋ ಪ್ರತಿ ಒಡವೆಗೂ ದಾಖಲೆ ಇದೆ. ನಾನು ಇದುವರೆಗೆ ಮೈಸೂರು ಬಿಟ್ಟು ಹೊರಗೆ ಯಾವುದೇ ಆಭರಣ ಖರೀದಿ ಮಾಡಿಲ್ಲ. ನನಗೆ ಇಲ್ಲಿನ ಕೆಲವು ಚಿನ್ನದಂಗಡಿಯವರ ಮೇಲೆ ನಂಬಿಕೆ ಇದೆ. ಅವರ ಬಳಿಯೇ ಖರೀದಿಸ್ತೇನೆ.

    ಪ್ರಶ್ನೆ : ಹಾಗಾದರೆ ನಿಮ್ಮ ಮೇಲೆ ಯಾಕೆ ಈ ರೀತಿ ಆರೋಪ ಮಾಡ್ತಿದ್ಧಾರೆ?

    ಪವಿತ್ರಾ ಲೋಕೇಶ್ : ನಟಿಸೋದು ನನ್ನ ವೃತ್ತಿ. ನರೇಶ್ ಅವರು ನನಗೆ ನಾಲ್ಕೈದು ವರ್ಷದಿಂದ ಪರಿಚಯ. ಅವರ ಜೊತೆ ನಾಲ್ಕೈದು ಸಿನಿಮಾ ಮಾಡಿರಬಹುದು. ಅವರು ತಮ್ಮ ಹಲವು ನೋವುಗಳನ್ನು ನನ್ನ ಜೊತೆ ಹಂಚಿಕೊಂಡಿದ್ದಾರೆ. ಅಷ್ಟೆ. ನನ್ನ ವ್ಯಕ್ತಿತ್ವದ ಬಗ್ಗೆ ಇಲ್ಲಿನವರಿಗೆ ಗೊತ್ತಿಲ್ವಾ?

    ಪ್ರಶ್ನೆ : ನಿಮಗೆ ಅನ್ಯಾಯವಾಗಿದೆಯಾ?

    ಪವಿತ್ರಾ ಲೋಕೇಶ್ : ನನಗೆ ಸಂಬಂಧವೇ ಇಲ್ಲದ ವಿಷಯದಲ್ಲಿ ನನ್ನ ಹೆಸರು ಎಳೆದು ತಂದಿದ್ದಾರೆ. ನನ್ನ ತೇಜೋವಧೆ ಮಾಡುತ್ತಿದ್ದಾರೆ. ಆದರೆ ಅದಕ್ಕಾಗಿ ಯಾರನ್ನೂ ದೂರೋದಿಲ್ಲ. ಮಾಧ್ಯಮಗಳಿಂದ ನ್ಯಾಯ ಕೊಡಿಸೋಕೆ ಆಗಲ್ಲ. ಈಗ ಕಂಪ್ಲೇಂಟ್ ಕೊಟ್ಟಿದ್ಧೇನೆ. ನನ್ನ ಸಮಸ್ಯೆ ನಾನೇ ಹೋರಾಡುತ್ತೇನೆ.

    ಪ್ರಶ್ನೆ : ನಿಮ್ಮ ವಿರುದ್ಧ ಸಂಚು ನಡೆದಿದೆಯಾ?

    ಪವಿತ್ರಾ ಲೋಕೇಶ್ : ನನಗೆ ಈಗ ಜೀವಭಯ ಇದೆ. ರಕ್ಷಣೆ ಬೇಕಿದೆ. ನನ್ನ ಮಾನ ಮರ್ಯಾದೆ ತೆಗೆಯೋದಷ್ಟೇ ಇವರ ಉದ್ದೇಶ.

    ಪ್ರಶ್ನೆ : ನರೇಶ್ ಪತ್ನಿ ರಮ್ಯಾ ರಘುಪತಿ ಆರೋಪಕ್ಕೆ ಏನು ಹೇಳ್ತೀರಿ?

    ಪವಿತ್ರಾ ಲೋಕೇಶ್ : ರಮ್ಯಾ ಅವರ ಬಳಿ ಅವರೇ ನರೇಶ್ ಪತ್ನಿ ಅನ್ನೋದಕ್ಕೆ ಏನಿದೆ ಪ್ರೂಫ್. ಹೋಗಲಿ, ಅವರ ಮನೆಯ ವಿಷಯ. ನನ್ನ ಹೆಸರನ್ಯಾಕೆ ಎಳೆದು ತರ್ತಾ ಇದ್ದಾರೆ? ಅವರ ಮನೆ ವಿಷಯ, ಅವರ ಮನೆಯಲ್ಲಿಯೇ ಬಗೆಹರಿಸಿಕೊಳ್ಳಲಿ.

  • ನಾವಿಬ್ಬರೂ ಮದುವೆಯಾಗಿಲ್ಲ. ಸಹಜೀವನದಲ್ಲಿದ್ದೇವೆ : ನರೇಶ್, ಪವಿತ್ರಾ ಲೋಕೇಶ್

    ನಾವಿಬ್ಬರೂ ಮದುವೆಯಾಗಿಲ್ಲ. ಸಹಜೀವನದಲ್ಲಿದ್ದೇವೆ : ನರೇಶ್, ಪವಿತ್ರಾ ಲೋಕೇಶ್

    ಪವಿತ್ರಾ ಲೋಕೇಶ್ ಮತ್ತು ನರೇಶ್ ಇಬ್ಬರೂ ಮದುವೆಯಾಗಿದ್ದಾರಾ..? ಇಲ್ಲ. ಅವರಿಬ್ಬರೂ ಮದುವೆಯಾಗಿಲ್ಲ. ಸಹಜೀವನದಲ್ಲಿದ್ದಾರೆ. ಈ ಮಾತನ್ನು ಸ್ವತಃ ಅವರಿಬ್ಬರೇ ಒಪ್ಪಿಕೊಂಡಿದ್ದಾರೆ. ಪವಿತ್ರಾ ಲೋಕೇಶ್ ಮದುವೆಯಾಗಿಲ್ಲ. ಈ ಮೊದಲು ನಟ ಸುಚೇಂದ್ರ ಪ್ರಸಾದ್ ಅವರೊಂದಿಗೆ ಸಹಜೀವನದಲ್ಲಿದ್ದರು. ಮಕ್ಕಳಿದ್ದಾರೆ. ಕೆಲವು ವರ್ಷಗಳ ಹಿಂದೆ ಸುಚೇಂದ್ರ ಪ್ರಸಾದ್ ಅವರಿಂದ ದೂರವಾಗಿದ್ದರು. ನಂತರ ನರೇಶ್ ಅವರೊಂದಿಗೆ ಬದುಕು ಹಂಚಿಕೊಂಡಿದ್ದಾರೆ.

    ನನ್ನ ವೈಯಕ್ತಿಕ ಜೀವನದ ಬಗ್ಗೆ ಅನೇಕರು ಪ್ರಶ್ನೆ ಮಾಡಿದ್ದಾರೆ ನೀವಿಬ್ಬರು ಮದುವೆ ಆಗಿದ್ದೀರಾ ಅಂತ ಕೇಳಿದ್ದಾರೆ ನನ್ನ ಪ್ರಕಾರ ಮದುವೆ ಅನ್ನೋದು ಹೃದಯದಲ್ಲಿ ಇದ್ದರೆ ಸಾಕು ಅದನ್ನು ತೋರಿಸಿಕೊಳ್ಳಲು ತಾಳಿ ಉಂಗುರ ಬೇಕಿಲ್ಲ...ನಾನು ಪವಿತ್ರ ಲೋಕೇಶ್ ಲೀವಿಂಗ್ ರಿಲೇಷನ್ಶಿಪ್ನಲ್ಲಿದ್ದೀವಿ ಎಂದು ಹೇಳಿದ್ದಾರೆ ನರೇಶ್. ಸ್ವತಃ ಪವಿತ್ರಾ ಲೋಕೇಶ್ ಅವರ ಎದುರಲ್ಲೇ ಅವರ ಕೈಹಿಡಿದುಕೊಂಡೇ ಈ ಉತ್ತರ ಕೊಟ್ಟಿದ್ದಾರೆ ನರೇಶ್. ಇವರಿಬ್ಬರೂ ಒಟ್ಟಿಗ ನಟಿಸಿರುವ ಇವರದ್ದೇ ಜೀವನಕಥೆ ಮತ್ತೆ ಮದುವೆ ಚಿತ್ರ ಪ್ರೀ-ಈವೆಂಟ್`ನಲ್ಲಿ ಈ ಮಾತು ಹೇಳಿದ್ಧಾರೆ ಪವಿತ್ರಾ.

    ನಾನು ಹಣದ ಹಿಂದೆ ಹೋದವಳಲ್ಲ. ನನಗೆ ಕನ್ನಡ ಚಿತ್ರರಂಗ ಎಲ್ಲವನ್ನೂ ಕೊಟ್ಟಿದೆ. ತೆಲುಗಿನವರು ಕೈತುಂಬಾ ಕೆಲಸ ಕೊಟ್ಟಿದ್ದಾರೆ. ಚೆನ್ನಾಗಿಯೇ ದುಡಿದಿದ್ದೇನೆ. ಹಣಕ್ಕಾಗಿ ತಪ್ಪು ಮಾಡುವ ಅಗತ್ಯ ನನಗಿಲ್ಲ. ನರೇಶ್ ಕೂಡಾ ಸಾಮಾನ್ಯ ಕುಟುಂಬದವರಲ್ಲ. ಸ್ಟಾರ್ ಫ್ಯಾಮಿಲಿಯವರು ಎಂದಿದ್ದಾರೆ ಪವಿತ್ರಾ ಲೋಕೇಶ್.

    ನರೇಶ್ ಅವರ ವಾದವಂತೂ ಅಲ್ಲಿದ್ದವರಿಗೆಲ್ಲ ಬೇರೆಯದೇ ವಾದವನ್ನು ಪರಿಚಯಿಸಿದ್ದು ಹೌದು. 50% ದಂಪತಿಗಳು ಸಮಾಜಕ್ಕೆ ಹೆದರಿ ಬಲವಂತವಾಗಿ ಒಟ್ಟಿಗೆ ಜೀವನ ಸಾಗಿಸುತ್ತಿದ್ದಾರೆ. ಬಹಳ ಕಿರುಕುಳಗಳ ನಡುವೆಯೂ ಒಟ್ಟಿಗೆ ಜೀವಿಸುತ್ತಿದ್ದಾರೆ. ಕೆಲವರು ಧೈರ್ಯವಾಗಿ ಹೊರ ಬರುತ್ತಿದ್ದಾರೆ  ಕಾನೂನು ನಿಮ್ಮ ಜೀವನವನ್ನು ಸಾಗಿಸುವ ಹಕ್ಕು ನೀಡಿದೆ. ಸುಪ್ರೀಂ ಕೋರ್ಟ್ ಕೂಡ ಇದನ್ನು ಹೇಳಿದೆ. ಇರುವುದು ಒಂದೇ ಜೀವನ ಆ ಒಂದು ಜೀವನವನ್ನು ನೀವು ಖುಷಿಯಾಗಿ ಕಳೆಯಬೇಕು, ಸುತ್ತ ಇರುವವರಿಗೂ ಖುಷಿ ಹಂಚಬೇಕು. ನಮ್ಮನ್ನು ಮದುವೆಯಾಗಿದೆ ಅಂತ ಹೇಳಿದ್ರು ..ಆಗ ನಾನು ಮದುವೆ ಅಂದ್ರೆ ಏನು ಎಂದು ಪ್ರಶ್ನೆ ಮಾಡಿದೆ. ತಾಳಿ ಹಾಕಿಕೊಳ್ಳುವುದು ಉಂಗುರ ಹಾಕಿಕೊಳ್ಳೋದು ಮದುವೆನಾ? ನಮ್ಮ ಸಂಸ್ಕೃತಿ, ಸಂಪ್ರದಾಯದ ಪ್ರಕಾರ ಇದೆಲ್ಲಾ ಸಾಂಕೇತಿಕ ಅಷ್ಟೇ. ಮದುವೆ ಅಂದರೆ ಎರಡು ಹೃದಯಗಳು ಒಂದಾಗಬೇಕು. ನಮ್ಮ ಹೃದಯಗಳಿಗೆ ಮದುವೆ ಆಗಿದೆ. ನಾವು ಖುಷಿಯಾಗಿದ್ದೆವೆ. ನಾವು ಮದುವೆ ಅನ್ನೋ ವ್ಯವಸ್ಥೆಯನ್ನು ಗೌರವಿಸುತ್ತೇವೆ. ಈ ಸಿನಿಮಾದಲ್ಲೂ ಅದನ್ನೇ ಹೇಳಿದ್ದೇವೆ. ಸುಪ್ರೀಂ ಕೋರ್ಟ್ ಕೂಡ ಲಿವಿಂಗ್ಟು ಗೆದರ್ ಮದುವೆಗೆ ಸಮಾನ ಎಂದು ಹೇಳಿದೆ. ಸಮಾಜ ಬದಲಾಗುತ್ತಿದೆ  ಇದು ನರೇಶ್ ವಾದ. ಒಪ್ಪುವುದು ಬಿಡುವುದು ಅವರವರಿಗೆ ಬಿಟ್ಟಿದ್ದು.

  • ಪವಿತ್ರ ಲೋಕೇಶ್ ಮದುವೆಗೆ ಅವಕಾಶ ಕೊಡಲ್ಲ : ರಮ್ಯಾ

    ಪವಿತ್ರ ಲೋಕೇಶ್ ಮದುವೆಗೆ ಅವಕಾಶ ಕೊಡಲ್ಲ : ರಮ್ಯಾ

    ನಟಿ ಪವಿತ್ರಾ ಲೋಕೇಶ್ ಹಾಗೂ ತೆಲುಗು ನಟ ನರೇಶ್ ಇಬ್ಬರೂ ಈ ವರ್ಷದ ಆರಂಭಕ್ಕೆ ಪರಸ್ಪರ ಮುತ್ತು ಕೊಟ್ಟು ಹೊಸ ಜೀವನ ಆರಂಭ ಮಾಡುತ್ತಿದ್ದೇವೆ ಎಂಬ ಸುಳಿವು ಕೊಟ್ಟಿದ್ದರು. ಪವಿತ್ರಾ ಮತ್ತು ನರೇಶ್ ನಡುವಿನ ಬಾಂಧವ್ಯ ಬೀದಿಗೆ ಬಂದಿದ್ದು ಕಳೆದ ವರ್ಷದ ಜುಲೈನಲ್ಲ. ಮೈಸೂರಿನ ಹೋಟೆಲ್ಲೊಂದರಲ್ಲಿ ವಾಸ್ತವ್ಯ ಹೂಡಿದ್ದ ಪವಿತ್ರಾ ಮತ್ತು ನರೇಶ್ ಅವರನ್ನು ಮೀಡಿಯಾಗಳ ಮುಂದೆ ಬೆತ್ತಲು ಮಾಡಿದ್ದರು ನರೇಶ್ ಅವರ ಪತಿ ರಮ್ಯಾ. ಇಬ್ಬರ ಮಧ್ಯೆ ಅನೈತಿಕ ಸಂಬಂಧವಿದೆ. ನಮ್ಮ ಸಂಸಾರಕ್ಕೆ ಪವಿತ್ರ ಹುಳಿ ಹಿಂಡಿದ್ದಾರೆ ಎಂದು ಕೆಂಡ ಕಾರಿದ್ದರು ರಮ್ಯಾ. ನರೇಶ್ ಅವರ ಅಧಿಕೃತ ಪತ್ನಿಯ ಆರೋಪಕ್ಕೆ ಪವಿತ್ರ ಲೋಕೇಶ್ ಕೊಟ್ಟಿದ್ದ ಉತ್ತರವೇ ಬೇರೆ. ಹೌದು ಎಂದು ಕೂಡಾ ಹೇಳಿರಲಿಲ್ಲ. ಸಂಬಂಧ ಇಲ್ಲವೇ ಇಲ್ಲ ಎಂದು ನಿರಾಕರಿಸಿರಲೂ ಇಲ್ಲ. ಈಗ ಮುತ್ತಿನ ಪ್ರಕರಣ ಮತ್ತೊಮ್ಮೆ ಹಳೆದ ವಿವಾದ ನೆನಪಾಗುವಂತೆ ಮಾಡಿದೆ. ಈ ಹಿನ್ನೆಲೆಯಲ್ಲಿ ಮಾತನಾಡಿದ ನರೇಶ್ ಪತ್ನಿ ರಮ್ಯಾ..

    2022ರ ಏಪ್ರಿಲ್‍ನಲ್ಲಿ ನರೇಶ್ ಡೈವೋರ್ಸ್‍ಗೆ ಅರ್ಜಿ ಹಾಕಿಕೊಂಡಿದ್ದರು. ನನ್ನ ಗಮನಕ್ಕೇ ತಾರದೆ ಅದನ್ನು ಎಕ್ಸ್-ಪರೇಟ್ ಮೂಲಕ ಗೆಲ್ಲುವ ಸಂಚು ಹೂಡಿದ್ದರು. (ಎಕ್ಸ್-ಪರೇಟ್ ಎಂದರೆ ಕೋರ್ಟಿನಲ್ಲಿ ಪ್ರತಿವಾದಿಯ ಗಮನಕ್ಕೆ ಬಾರದಂತೆ ಕೇಸು ತಮ್ಮ ಪರ ಆಗುವಂತೆ ಮಾಡಿಕೊಳ್ಳುವುದು. ಹಾಗೆಂದು ಇದು ಕೋರ್ಟ್ ಮಾಡುವ ಪ್ರಕ್ರಿಯೆ ಅಲ್ಲ. ಪ್ರತಿವಾದಿಯ ಗಮನಕ್ಕೆ ಕೋರ್ಟ್ ಆಚರಣೆಗಳು, ನೋಟಿಸುಗಳೂ ಸೇರಿದಂತೆ ಯಾವುದೂ ತಿಳಿಯದಂತೆ ನೋಡಿಕೊಳ್ಳುವುದು. ಒಮ್ಮೆ ಆದೇಶ ಬಂದ ಮೇಲೆ ಪ್ರತಿವಾದಿ ಮೇಲ್ಮನವಿ ಅರ್ಜಿ ಹಾಕಿಕೊಳ್ಳಬಹುದೇ ಹೊರತು, ಹಳೆಯ ಆದೇಶ ಅನೂರ್ಜಿತವಾಗುವುದಿಲ್ಲ.) ಹೇಗೋ ಅದೃಷ್ಟವಶಾತ್ ಅದು ನನ್ನ ಗಮನಕ್ಕೆ ಬಂತು. ಈ ವರ್ಷದ ಮಾರ್ಚ್‍ನಲ್ಲಿ ವಿಚಾರಣೆ ಇದೆ. ಹೀಗಿರುವಾಗ ಇವರು ಈ ರೀತಿ ಮಾಡಿದ್ದಾರೆ. ನಾನು ನನ್ನ ಕುಟುಂಬ ನಿರ್ವಹಣೆಗೆ ಹಣ ಕೇಳುತ್ತಿದ್ದೇನೆ ಅಷ್ಟೆ ಎಂದಿದ್ದಾರೆ ರಮ್ಯಾ  ನರೇಶ್.

    ಇದು ಸಿನಿಮಾ ಪ್ರಮೋಷನ್`ಗಾಗಿ ಮಾಡಿದ ವಿಡಿಯೋ ಅಲ್ಲ. ಹೊಸ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದೇವೆ ಎಂದಿರುವ ಪವಿತ್ರಾ ಲೋಕೇಶ್ ವಿವಾದ ಹೆಚ್ಚುವಂತೆ ಮಾಡಿದ್ದಾರೆ. ಅಧಿಕೃತವಾಗಿ ಡೈವೋರ್ಸ್ ಆಗಿಲ್ಲದ ನರೇಶ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದೇನೆ ಎಂದಿರುವುದು ಕಾನೂನು ಹೋರಾಟದಲ್ಲಿ ಯಾವ ತಿರುವು ಪಡೆಯಲಿದೆಯೋ ನೋಡಬೇಕು.

  • ಪವಿತ್ರಾ ಲೋಕೇಶ್ ಅಲ್ಲಲ್ಲ.. ಪವಿತ್ರಾ ನರೇಶ್ ಮದುವೆಯಾದರಾ?

    ಪವಿತ್ರಾ ಲೋಕೇಶ್ ಅಲ್ಲಲ್ಲ.. ಪವಿತ್ರಾ ನರೇಶ್ ಮದುವೆಯಾದರಾ?

    ಹೊಸ ಪಯಣ. ಶಾಂತಿ ಮತ್ತು ನೆಮ್ಮದಿಯ ಜೀವನಕ್ಕೆ ನಿಮ್ಮ ಆಶೀರ್ವಾದ ಇರಲಿ. ಒಂದು ಪವಿತ್ರ ಬಂಧ. ಎರಡು ಮನಸ್ಸುಗಳು, ಏಳು ಹೆಜ್ಜೆಗಳು, ನಿಮ್ಮ ಆಶೀರ್ವಾದವನ್ನು ಕೋರಿ. ನಿಮ್ಮ ಪವಿತ್ರಾ ನರೇಶ್

    ಹೀಗೊಂದು ಟ್ವೀಟ್ ಮಾಡುವ ಮೂಲಕ ತಮ್ಮ ಮದುವೆಯನ್ನು ಜಗತ್ತಿಗೆ ಸಾರಿದ್ದಾರೆ ಪವಿತ್ರಾ ಲೋಕೇಶ್. ಇವರ ಮದುವೆ ವಿಡಿಯೋ ಕ್ಷಣಮಾತ್ರದಲ್ಲಿ ವೈರಲ್ ಆಗಿದೆ. ದಂಪತಿಗೆ ಎಲ್ಲರೂ ಶುಭಾಶಯ ತಿಳಿಸುತ್ತಿದ್ದಾರೆ. ನರೇಶ್ ಹಾಗೂ ಪವಿತ್ರಾ ಹೈದರಾಬಾದ್ನಲ್ಲಿ ಮದುವೆ ಆಗಿದ್ದಾರೆ ಎನ್ನಲಾಗಿದೆ.

    ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿರುವ ವಿಡಿಯೋದಲ್ಲಿ ಪವಿತ್ರಾ ಲೋಕೇಶ್ ಅವರನ್ನು ಸಂಪ್ರದಾಯಬದ್ಧವಾಗಿ ಮದುವೆ ಮಾಡಿಕೊಂಡಿದ್ದಾರೆ ನರೇಶ್. ಸಪ್ತಪದಿ ತುಳಿಯುವುದರಿಂದ ಹಿಡಿದ ಮದುವೆಯಲ್ಲಿ ಮಾಡಬಹುದಾದ ಎಲ್ಲ ಸಂಪ್ರದಾಯಗಳನ್ನು ಮಾಡಿದ್ದಾರೆ. ಆ ಕ್ಷಣಗಳನ್ನು ವಿಡಿಯೋ ಮಾಡಿ, ಪೋಸ್ಟ್ ಮಾಡಿದ್ದಾರೆ.

    ಪವಿತ್ರಾ ಲೋಕೇಶ್ ಅವರಿಗೆ ಇದು ಮೊದಲನೇ ಮದುವೆ. ಸುಚೇಂದ್ರ ಪ್ರಸಾದ್ ಅವರ ಜೊತೆ ಮದುವೆ ಆಗಿರಲಿಲ್ಲ. ಲಿನ್ ಇನ್ ಟುಗೆದರ್`ನಲ್ಲಿದ್ದರು. ಆದರೆ ನರೇಶ್ ಅವರಿಗೆ ಇದು 4ನೇ ಮದುವೆ. ನರೇಶ್ ಅವರು ಈ ಮೊದಲು ಮೂರು ಮದುವೆ ಆಗಿದ್ದರು. ಮೂರನೇ ಪತ್ನಿ ರಮ್ಯಾ ರಘುಪತಿ ಜೊತೆ  ಅವರಿಂದ ಇನ್ನೂ ವಿಚ್ಚೇದನ ಪಡೆದಿಲ್ಲ. ರಮ್ಯಾ ರಘುಪತಿ ಹಾಗೂ ನರೇಶ್ ಪ್ರೀತಿಸಿ ಮದುವೆ ಆದವರು. ಈ ದಂಪತಿಗೆ ಓರ್ವ ಮಗನಿದ್ದಾನೆ. ಮಗನಿಗೋಸ್ಕರ ನಾನು ಎಲ್ಲವನ್ನೂ ಸಹಿಸಿಕೊಂಡಿದ್ದೀನಿ. ಪತಿ ಜೊತೆ ಇರ್ತೀನಿ. ನಾನು ಏನೇ ಮಾಡಿದರೂ ಅವರಿಗೆ ವಿಚ್ಛೇದನ ಕೊಡಲ್ಲ ಎಂದು ಹೇಳಿದ್ದರು ರಮ್ಯ.

    ಕಾನೂನು ಸಮಸ್ಯೆ ಎದುರಾಗಲಿದೆಯಾ?

    ಮದುವೆ ಆಗಿ, ಅದನ್ನು ನೋಂದಣಿ ಮಾಡಿಸಿದ ನಂತರ ಹೆಣ್ಣು/ಗಂಡು ಬೇರೆ ಮದುವೆ ಆಗಬೇಕು ಎಂದರೆ ವಿಚ್ಛೇದನ ನೀಡಲೇಬೇಕು. ಕಾನೂನಾತ್ಮಕವಾಗಿ ಬೇರೆ ಆದ ಬಳಿಕವೇ ಗಂಡು/ಹೆಣ್ಣು ಬೇರೆ ಮದುವೆ ಆಗಬಹುದು. ವಿಚ್ಛೇದನ ಪಡೆಯದೇ ಬೇರೆ ಮದುವೆ ಆದರೆ, ಅದನ್ನು ಮದುವೆ ಎಂದು ಪರಿಗಣಿಸಲು ಕಾನೂನಿಂದ ಸಾಧ್ಯವಿಲ್ಲ. ನರೇಶ್ ಅವರು ಮೂರನೇ ಪತ್ನಿಯಿಂದ ವಿಚ್ಛೇದನ ಪಡೆಯದೇ ಈಗ 4ನೇ ಮದುವೆ ಆಗಿದ್ದಾರೆ. ಈ ಮದುವೆಗೆ ಕಾನೂನಿನ ಮಾನ್ಯತೆ ಇರುವುದಿಲ್ಲ. ಈ ಸಂಬಂಧ ರಮ್ಯಾ ಅವರು ಮಾತ್ರ ದೂರು ಕೊಡಬಹುದು. ಬೇರೆಯವರು ದೂರು ನೀಡಿದರೆ ಆ ದೂರಿಗೂ ಮಾನ್ಯತೆ ಇಲ್ಲ ಎನ್ನಲಾಗಿದೆ. ದೂರು ನೀಡಿದರೆ ನರೇಶ್ ಮತ್ತು ಪವಿತ್ರಾ ಇಬ್ಬರೂ ಅಪರಾಧ ಎಸಗಿದಂತೆ ಆಗುತ್ತದೆ.

    ಈ ಮದುವೆ ವಿರುದ್ಧ ರಮ್ಯಾ ಕೋರ್ಟಿಗೆ ಹೋದರೆ, ಅದು ಸಿನಿಮಾಗಾಗಿ ತಗೆದಿರುವ ದೃಶ್ಯವೆಂದು ಹೇಳಿ ಬಚಾವ್ ಆಗಬಹುದು. ರಮ್ಯಾ ಸುಮ್ಮನಾದರೆ ಅದನ್ನೇ ಮದುವೆ ಎಂದು ಅಂದುಕೊಳ್ಳಬಹುದು ಎನ್ನುವ ಮಾತುಗಳು ಕೂಡ ತೆಲುಗು ಸಿನಿಮಾ ರಂಗದಲ್ಲಿ ಹರಿದಾಡುತ್ತಿದೆ.

  • ಪವಿತ್ರಾ ಲೋಕೇಶ್ ನನಗೆ ಒಳ್ಳೆ ಫ್ರೆಂಡ್ : ನರೇಶ್

    ಪವಿತ್ರಾ ಲೋಕೇಶ್ ನನಗೆ ಒಳ್ಳೆ ಫ್ರೆಂಡ್ : ನರೇಶ್

    ಪವಿತ್ರಾ ಲೋಕೇಶ್ ಅವರ ದಾಂಪತ್ಯ ಜೀವನದಲ್ಲಿ ಎದ್ದಿರುವ ಬಿರುಗಾಳಿಗೆ ಸ್ವತಃ ತೆಲುಗು ನರೇಶ್ ಉತ್ತರ ಕೊಟ್ಟಿದ್ದಾರೆ. ಪವಿತ್ರಾ ಲೋಕೇಶ್ ಜೊತೆ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದೇನೆ. ಅವರು ನನಗೆ ಒಳ್ಳೆಯ ಫ್ರೆಂಡ್ ಎಂದಿದ್ದಾರೆ ನರೇಶ್. ಪವಿತ್ರಾ ಲೋಕೇಶ್ ಅವರ ಜೊತೆ 4 ವರ್ಷಗಳ ಹಿಂದೆ ನಟಿಸಿದ್ದೆ ಎಂದಿದ್ದಾರೆ.

    ಇನ್ನು ತಮ್ಮ ವಿರುದ್ಧ ತಮ್ಮ 3ನೇ ಪತ್ನಿ ರಮ್ಯಾ ರಘುಪತಿ ಮಾಡಿರುವ ಆರೋಪಗಳಿಗೆ ಉತ್ತರ ಕೊಟ್ಟಿರುವ ನರೇಶ್ ನಾನು ರಮ್ಯಾರನ್ನು ಮದುವೆಯಾಗಿ ತಪ್ಪು ಮಾಡಿದೆ. ಅವರನ್ನು ಮದುವೆಯಾಗಿ 10 ವರ್ಷಗಳಲ್ಲಿ ನಾನು ನರಕ ಅನುಭವಿಸಿದ್ದೇನೆ. ಅವಳೊಬ್ಬಳು ದೊಡ್ಡ ಫ್ರಾಡ್. 100ಕ್ಕೂ ಹೆಚ್ಚು ಜನರಿಗೆ ಮೋಸ ಮಾಡಿದ್ದಾಳೆ. ನನಗೆ ಬೆದರಿಕೆ ಇದೆ. ಮಗನ ಮುಖ ನೋಡಿಕೊಂಡು ಸುಮ್ಮನಿದ್ದೆ. ಡೈವೋರ್ಸ್ ಕೊಡುತ್ತೇನೆ. ನನಗೂ ಭಾವನೆ ಇದೆ ಎಂದಿರುವ ನರೇಶ್ ನನಗೂ ಭಾವನೆಗಳಿವೆ. ಕರ್ನಾಟಕಕ್ಕೆ ನಾನು ಬಂದಿದ್ದೇ ಸ್ಪಷ್ಟನೆ ಕೊಡೋದಕ್ಕೆ ಎಂದಿದ್ದಾರೆ.

  • ಪವಿತ್ರಾ ಲೋಕೇಶ್.. ಈಗ ತೆಲುಗಿನಲ್ಲೇ ಬ್ಯುಸಿ ಏಕೆ..?

    pavitra lokesh talks about kannada and telugu films

    ತೆಲುಗಿನ ಯಾವುದೇ ಸ್ಟಾರ್ ನಟರ ಚಿತ್ರ ನೋಡಿದರೂ, ಇತ್ತೀಚೆಗೆ ಅಲ್ಲಿ ಕನ್ನಡಿಗರಿಗೆ ಚಿರಪರಿಚಿತವಾಗಿರುವ ಪವಿತ್ರಾ ಲೋಕೇಶ್ ಇದ್ದೇ ಇರ್ತಾರೆ. ಇತ್ತೀಚೆಗೆ ಪವಿತ್ರಾ ಲೋಕೇಶ್ ಕನ್ನಡದಲ್ಲಿ ಕಾಣಿಸಿಕೊಂಡಿದ್ದು ಇಲ್ಲವೇ ಇಲ್ಲ ಎನ್ನುವಷ್ಟು ಕಡಿಮೆ. ಇದೀಗ ಅವರು ಸದ್ಗುಣ ಸಂಪನ್ನ ಮಾಧವ ಚಿತ್ರದಲ್ಲಿ ರವಿಶಂಕರ್ ಪತ್ನಿಯಾಗಿ ನಟಿಸುತ್ತಿದ್ದಾರೆ. ಚಿತ್ರದ ಆಡಿಯೋ ಬಿಡುಗಡೆ ಕಾರ್ಯಕ್ರಮದಲ್ಲಿ ಪವಿತ್ರಾ ಲೋಕೇಶ್ ಅವರಿಗೆ ಈ ಪ್ರಶ್ನೆ ಎದುರಾಯ್ತು. ಇದಕ್ಕೆ ಪವಿತ್ರಾ ಲೋಕೇಶ್ ಕೊಟ್ಟ ಉತ್ತರ ನೇರವಾಗಿತ್ತು.

    ನನಗೂ ಆಸೆ ಇದೆ. ಕನ್ನಡದಲ್ಲಿ ಅಭಿನಯಿಸಿ ತುಂಬಾ ಕಾಲವಾಯ್ತು. ಆದರೆ ಕನ್ನಡದಿಂದ ದೂರವೇನೂ ಆಗಿಲ್ಲ. ಪೊಗರು ಚಿತ್ರದಲ್ಲಿ ನಟಿಸುತ್ತಿದ್ದೇನೆ. ಸದ್ಗುಣ ಸಂಪನ್ನ ಮಾಧವ ಚಿತ್ರದಲ್ಲಿ ನಟಿಸಿದ್ದೇನೆ. ಆದರೆ, ತೆಲುಗಿನಲ್ಲಿ ಬ್ಯುಸಿ. ಅಲ್ಲಿ ಬ್ಯುಸಿ ಎಂಬ ಕಾರಣಕ್ಕೋ ಏನೋ, ಇಲ್ಲಿ ಅವಕಾಶಗಳು ಸಿಗುತ್ತಿಲ್ಲ. ಅವಕಾಶ ಸಿಕ್ಕರೆ ಖಂಡಿತಾ ನಟಿಸುತ್ತೇನೆ ಎಂದಿದ್ದಾರೆ ಪವಿತ್ರಾ ಲೋಕೇಶ್.

  • ಪೊಲೀಸ್ ಕಂಪ್ಲೇಂಟ್ ಕೊಟ್ಟ ಪವಿತ್ರಾ ಲೋಕೇಶ್

    ಪೊಲೀಸ್ ಕಂಪ್ಲೇಂಟ್ ಕೊಟ್ಟ ಪವಿತ್ರಾ ಲೋಕೇಶ್

    ಇತ್ತೀಚೆಗೆ ದಾಂಪತ್ಯ ವಿವಾದದಿಂದಾಗಿ ಸುದ್ದಿಯಲ್ಲಿರೋ ನಟಿ ಪವಿತ್ರಾ ಲೋಕೇಶ್ ಈಗ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಮೈಸೂರಿನಲ್ಲಿ ಸೈಬರ್ ಕ್ರೈಂ ಪೊಲೀಸರಿಗೆ ದೂರು ಕೊಟ್ಟಿದ್ದಾರೆ. ಅಪರಿಚಿತ ವ್ಯಕ್ತಿಯೊಬ್ಬ ಪವಿತ್ರಾ ಅವರ ಹೆಸರಲ್ಲಿ ಒಂದು ಫೇಸ್`ಬುಕ್ ಖಾತೆ ತೆರೆದು ಅಶ್ಲೀಲ ಸಂದೇಶ ಮತ್ತು ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದಾನೆ ಎನ್ನುವುದು ಪವಿತ್ರಾ ಲೋಕೇಶ್ ಕೊಟ್ಟಿರೋ ದೂರು.

    ಈ ವೇಳೆ ಮಾಧ್ಯಮಗಳ ಜೊತೆ ಮಾತನಾಡಿದ ಪವಿತ್ರಾ ಲೋಕೇಶ್ ಎಲ್ಲಿಯೂ ತಮ್ಮ ಇತ್ತೀಚಿನ ವಿವಾದದ ಬಗ್ಗೆ ತುಟಿ ಬಿಚ್ಚಿಲ್ಲ. ನಟ ಮಹೇಶ್ ಬಾಬು ಅವರಿಗೆ ವಾರಸೆಯಲ್ಲಿ ಅಣ್ಣನಾಗಬೇಕಿರುವ ನಟ ನರೇಶ್ ಅವರೊಂದಿಗೆ ಪವಿತ್ರಾ ಮದುವೆಯಾಗಿದ್ದಾರೆ ಅನ್ನೋ ಸುದ್ದಿ ಇದೆ. ಸುಚೇಂದ್ರ ಪ್ರಸಾದ್ ಅವರೊಂದಿಗಿನ ದಾಂಪತ್ಯ ಜೀವನ ಕೊನೆಯಾಗಿದೆ ಎನ್ನುವ ಸುದ್ದಿ ಸಂಚಲನ ಸೃಷ್ಟಿಸಿದೆ. ಸುಚೇಂದ್ರ ಪ್ರಸಾದ್ ಅವರ ಜೊತೆ ಪವಿತ್ರಾ ಡೈವೋರ್ಸ್ ಆಗಿಲ್ಲ. ಅತ್ತ ನಟ ನರೇಶ್ ಕೂಡಾ ತಮ್ಮ 3ನೇ ಪತ್ನಿ ರಮ್ಯಾ ಅವರಿಗೆ ವಿಚ್ಛೇದನ ಕೊಟ್ಟಿಲ್ಲ. ಡೈವೋರ್ಸ್ ಕೊಡಲ್ಲ ಎಂದಿರುವ ರಮ್ಯಾ, ಪವಿತ್ರಾ ವಿರುದ್ಧವೂ ಆರೋಪ ಮಾಡಿದ್ದಾರೆ.

    ವಿವಾದ ಎಷ್ಟೇ ಆಗುತ್ತಿದ್ದರೂ.. ತಮ್ಮ ಮತ್ತು ನರೇಶ್ ಅವರ ಕುರಿತ ಸುದ್ದಿಗಳ ಬಗ್ಗೆ ಪವಿತ್ರಾ ಲೋಕೇಶ್ ಮೌನ ಕಾಯ್ದುಕೊಂಡಿದ್ದಾರೆ.

  • ರಿಯಲ್ ಸ್ಟೋರಿಯನ್ನೇ ರೀಲ್ ಸಿನಿಮಾ ಮಾಡಿದ್ರಾ ಪವಿತ್ರಾ ಲೋಕೇಶ್..ನರೇಶ್..?

    ರಿಯಲ್ ಸ್ಟೋರಿಯನ್ನೇ ರೀಲ್ ಸಿನಿಮಾ ಮಾಡಿದ್ರಾ ಪವಿತ್ರಾ ಲೋಕೇಶ್..ನರೇಶ್..?

    ಮಳ್ಳಿ ಪೆಳ್ಳಿ ಅನ್ನೋ ತೆಲುಗು ಸಿನಿಮಾ ಭಾರಿ ಸುದ್ದಿಯಾಗುತ್ತಿದೆ. ಕನ್ನಡದಲ್ಲಿ ಈ ಸಿನಿಮಾ ಮತ್ತೆ ಮದುವೆ ಹೆಸರಿನಲ್ಲಿಯೂ ಬರುತ್ತಿದೆ. ಈ ಸಿನಿಮಾ ಇಷ್ಟು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡೋಕೆ ಕಾರಣ ಚಿತ್ರದ ಟೀಸರ್. ಟೀಸರ್`ನಲ್ಲಿರುವ ದೃಶ್ಯಗಳು  ಡೈಲಾಗ್ಸ್ ಮತ್ತು ಸೀನ್ಗಳನ್ನು ನೋಡಿದರೆ, ಇದು ನರೇಶ್ ಮತ್ತು ಪವಿತ್ರಾ ಲೋಕೇಶ್ ಅವರ ರಿಯಲ್ ಲೈಫ್ ಕಥೆಯೇ ಎಂಬ ಅನುಮಾನ ಮೂಡುವಂತಿದೆ.

    ಟೀಸರ್ ಆರಂಭವಾಗುತ್ತಿದ್ಧಂತೆ ತೆಲುಗು ಇಂಡಸ್ಟ್ರೀಯವರು ಕನ್ನಡದವರ ಮೇಲೆ ಕಣ್ಣು ಹಾಕ್ತಾ ಇದ್ದಾರಲ್ಲ ಅನ್ನೋ ಡೈಲಾಗ್ ಕೂಡ ಇದೆ. ಓರ್ವ ಮಹಿಳೆ ಮಾಧ್ಯಮಗಳ ಎದುರು ಕುಳಿತು ನನ್ನ ಗಂಡನಿಂದ ನನಗೆ ಅನ್ಯಾಯವಾಗಿದೆ ಎಂದು ಆರೋಪ ಮಾಡುತ್ತಿರುತ್ತಾಳೆ. ನನ್ನ ಸಂಸಾರಕ್ಕೆ ಬೆಂಕಿ ಹಾಕಬೇಡ ಎಂದು ಕೇಳಿಕೊಳ್ಳುತ್ತೇನೆ ನನ್ನ ಮಗನ ಭವಿಷ್ಯದ ಜತೆಗೆ ಆಟಬೇಡ ಅಂತ ಬೇಡಿಕೊಳ್ತಿನಿ' ಎಂದು ಮಾಧ್ಯಮಗಳ ಮುಂದೆ ಪವಿತ್ರಾ ಲೋಕೇಶ್ ನಟಿಸಿರುವ ಪಾತ್ರಕ್ಕೆ ಮನವಿ ಮಾಡುತ್ತಾರೆ.

    ಕಳೆದ ವರ್ಷ  ಮೈಸೂರಿನಲ್ಲಿ ನರೇಶ್ ಮತ್ತು ಪವಿತ್ರಾ ಲೋಕೇಶ್ ವಾಸ್ತವ್ಯ ಹೂಡಿದ್ದ ಹೋಟೆಲ್  ಎದುರು ಹೈಡ್ರಾಮಾವೇ ನಡೆದಿತ್ತು. ಅವರಿಬ್ಬರು ಇದ್ದ ಸ್ಥಳಕ್ಕೆ ನರೇಶ್ ಪತ್ನಿ ರಮ್ಯಾ ರಘುಪತಿ ಹೋಗಿ ಗಲಾಟೆ ಮಾಡಿದ್ದರು. ಅದೇ ಥರದ ಯಥಾವತ್ ಸೀನ್ ಈ ಟೀಸರ್ನಲ್ಲಿದೆ. ಅಂದು ನರೇಶ್ ಮತ್ತು ಪವಿತ್ರಾ ಯಾವ ರೀತಿ ನಡೆದುಕೊಂಡಿದ್ದರೋ, ಅದೇ ಥರದ ಸೀನ್ ಅನ್ನು 'ಮತ್ತೆ ಮದುವೆ' ಟೀಸರ್ನಲ್ಲೂ ನೋಡಬಹುದಾಗಿದೆ. ನರೇಶ್ ಮತ್ತು ಪವಿತ್ರಾ ಲೋಕೇಶ್ ಅವರ ಕಿಸ್ಸಿಂಗ್ ಸೀನ್ ಕೂಡ ಇದರಲ್ಲಿದೆ.

    ಈ ಚಿತ್ರಕ್ಕೆ ನಿರ್ಮಾಪಕರೂ ನರೇಶ್ ಅವರೇ. ಎಂ.ಎಸ್.ರಾಜು ಎಂಬ ಖ್ಯಾತ ನಿರ್ದೇಶಕರೇ ಚಿತ್ರಕ್ಕೆ ಆಕ್ಷನ್ ಕಟ್  ಹೇಳಿದ್ದಾರೆ. ನರೇಶ್, ಪವಿತ್ರಾ ಜೊತೆ ಶರತ್ ಬಾಬು, ಜಯಸುಧಾ, ವನಿತಾ ವಿಜಯ್ ಕುಮಾರ್, ಅನನ್ಯಾ ನಗಲ್ಲಾ.. ಹೀಗೆ ಹಲವು ಕಲಾವಿದರು ನಟಿಸಿದ್ದಾರೆ.