ಕನ್ನಡಕ್ಕೆ ಬೇರೆ ಭಾಷೆಯ ನಟ, ನಟಿಯರು ಬರುವುದು ಹೊಸದೇನಲ್ಲ. ಆದರೆ ಕೆಲವರು ಬಂದು ಹೋದ ಮೇಲೆ ಕೆಟ್ಟದನ್ನು ಹೇಳೋದೇ ಹೆಚ್ಚು. ಈ ಹಿಂದೆ ಉಪೇಂದ್ರ ಚಿತ್ರಕ್ಕೆ ಬಂದು ಹೋಗಿದ್ದ ರವೀನಾ, ಕನ್ನಡ ಚಿತ್ರರಂಗದ ಬಗ್ಗೆ ಒಳ್ಳೆಯ ಮಾತುಗಳನ್ನೇನೂ ಆಡಿರಲಿಲ್ಲ. ಆದರೆ, ಈಗ ಕೆಜಿಎಫ್ ಚಾಪ್ಟರ್-2ಗೆ ಬಂದಿರೋ ವೀನಾ ಟಂಡನ್, ಚಿತ್ರ, ನಿರ್ದೇಶಕ ಮತ್ತು ನಾಯಕ ನಟನನ್ನು ಹಾಡಿ ಹೊಗಳಿದ್ದಾರೆ.

ಕೆಜಿಎಫ್ 1 ನೋಡೋದಕ್ಕೂ ಮುನ್ನವೇ ಕೆಜಿಎಫ್ 2 ಮತ್ತು ನನ್ನ ಪಾತ್ರದ ಬಗ್ಗೆ ಕೇಳಿದ್ದೆ. ಆನಂತರ ಪ್ರಶಾಂತ್ ನೀಲ್ ಚಿತ್ರಕಥೆಯ ರೀಡಿಂಗ್ ಕೊಟ್ಟರು. ಕಥೆ ಮತ್ತು ಪಾತ್ರ ಇಷ್ಟವಾಯಿತು. ಕೆಜಿಎಫ್ 1 ನೋಡಿದ ಮೇಲಂತೂ, ಸಿನಿಮಾವನ್ನು ಡ್ರಾಪ್ ಮಾಡಲು ಯಾವುದೇ ಕಾರಣ ನನಗೆ ಸಿಗಲಿಲ್ಲ ಎಂದಿರೋ ರವೀನಾ ಟಂಡನ್ ಕಣ್ಣಿಗೆ ಪ್ರಶಾಂತ್ ನೀಲ್ ಸ್ಪೆಷಲ್ ಡೈರೆಕ್ಟರ್.

ಅವರ ಕೂಲ್ ಕಣ್ಣಲ್ಲಿ ಏನೇನೆಲ್ಲ ಓಡುತ್ತೆ ಅನ್ನೋದನ್ನು ಊಹಿಸೋಕೂ ಸಾಧ್ಯವಿಲ್ಲ ಅನ್ನೋ ರವೀನಾ ಟಂಡನ್, ತಮ್ಮ ರಮಿಕಾ ಸೇನ್ ಪಾತ್ರವನ್ನು ನೀವ್ಯಾರೂ ಊಹಿಸೋಕೆ ಸಾಧ್ಯವಿಲ್ಲ ಎನ್ನುತ್ತಾರೆ.

ನಟ ಯಶ್ ಪ್ರತಿಭಾವಂತ, ಅವರ ಜೊತೆ ಕೆಲಸ ಮಾಡುವುದು ವಿಶಿಷ್ಟ ಅನುಭವ ಅನ್ನೋದು ರವೀನಾ ಟಂಡನ್ ಮಾತು.

Yash starrer 'KGF 2' has been officially launched on Thursday in Bangalore and the shooting for the film will start from the month of April. Meanwhile, there is a news that Bollywood actors Sanjay Dutt and Raveena Tandon are likely to be a part of the film.

Yes, Sanjay Dutt and Raveen Tandon have been approached for prominent roles in the second chapter of 'KGF'. While Sanjay has been approached for the role of a gangster, Raveena has been approached for the role of a politician. Though it has not yet been confirmed that they will act in the film, it is being said that they are likely to be a part of the project.

'KGF 2' is written and directed by Prashanth Neel and is produced by Vijaykumar Kiragandur. The star cast and technicians of 'KGF' will continue in the second part also. The film stars Yash, Srinidhi Shetty, Tamanna Bhatia, Vasishta Simha, Ananth Nag and others. The film has music by Ravi Basrur and camerawork is by Bhuvan Gowda.

ಮಸ್ತ್ ಮಸ್ತ್ ಹುಡುಗಿ ಎಂದೇ ಫೇಮಸ್ ಆಗಿರುವ ರವೀನಾ ಟಂಡನ್ ಅಜ್ಜಿಯಾಗುತ್ತಿದ್ದಾರೆ. ಅವರಿಗೀಗ ಜಸ್ಟ್ 44. ಮದುವೆಯಾಗಿದ್ದೂ 30 ದಾಟಿದ ಮೇಲೆ. ಇಷ್ಟು ಬೇಗ ಅಜ್ಜಿಯಾಗೋಕೆ ಹೇಗೆ ಸಾಧ್ಯ ಎನ್ನಬೇಡಿ.

ರವೀನಾ ಟಂಡನ್ ಮದುವೆಗೆ ಮುನ್ನವೇ ಇಬ್ಬರು ಮಕ್ಕಳನ್ನು ದತ್ತು ಸ್ವೀಕರಿಸಿದ್ದರು. ಪೂಜಾ ಮತ್ತು ಛಾಯಾ ಎಂಬ ಹೆಣ್ಣು ಮಕ್ಕಳು. ಅವರ ಜೊತೆಗೆ ರವೀನಾ-ಅನಿಲ್ ತಡಾನಿ ದಂಪತಿಗೆ ರಶಾ ಮತ್ತು ರಣವೀರ್ ಎಂಬ ಮಕ್ಕಳಿದ್ದಾರೆ. ಅಲ್ಲಿಗೆ ಒಟ್ಟು 4 ಮಕ್ಕಳ ತಾಯಿ ರವೀನಾ.

ಈ ಮಕ್ಕಳಲ್ಲಿ ಛಾಯಾ ಗರ್ಭಿಣಿಯಾಗಿದ್ದಾರೆ. ನಾನು ಮತ್ತು ನನ್ನ ಸಂಸಾರ. ನನ್ನ ಮಗುವಿನ ಮಗು. ಕೌಂಟ್‍ಡೌನ್ ಶುರುವಾಗಿದೆ ಎಂದು ಖುಷಿ ಹಂಚಿಕೊಂಡಿದ್ದಾರೆ ರವೀನಾ ಟಂಡನ್.

ಉಪೇಂದ್ರ ಚಿತ್ರದಲ್ಲಿ ಕೀರ್ತಿಯಾಗಿ ನಟಿಸಿದ್ದ ಮಸ್ತ್ ಮಸ್ತ್ ಹುಡುಗಿ, ಈಗ ಮತ್ತೊಮ್ಮೆ ಕೆಜಿಎಫ್ ಮೂಲಕ ಕನ್ನಡಕ್ಕೆ ಬರುತ್ತಿದ್ದಾರೆ.

ಆ ಚಿತ್ರದಲ್ಲಿ ಏನಿರುತ್ತೆ..? ಕಥೆ ಏನಿರಬಹುದು..? ಇದನ್ನು ಇಡೀ ಭಾರತೀಯ ಚಿತ್ರರಂಗ ತಲೆಕೆಡಿಸಿಕೊಂಡು ಕಾಯುತ್ತಿತ್ತು. ಒಂದೊಂದು ಪೋಸ್ಟರ್ ಕೂಡಾ ಒಂದೊಂದು ಕಥೆ ಹೇಳುತ್ತಿತ್ತು. ಎಕ್ಸ್ಪೆರಿಮೆಂಟ್.. ಎಕ್ಸ್ಪೆರಿಮೆಂಟ್.. ಎಕ್ಸ್ಪೆರಿಮೆಂಟ್.. ಉಪೇಂದ್ರ ಕಂಪ್ಲೀಟ್ ಎಕ್ಸ್ಪೆರಿಮೆಂಟ್.. ಮಾಡಿ ಗೆದ್ದುಬಿಟ್ಟಿದ್ದರು.

#UpendraMovie #Prema #Damini #RaveenaTandon #ChitralokaYouTube

ಕೆಜಿಎಫ್ ಚಾಪ್ಟರ್ 2, ರವೀನಾ ಟಂಡನ್ ಬಹಳ ವರ್ಷಗಳ ನಂತರ ಕನ್ನಡದಲ್ಲಿ ಅಭಿನಯಿಸುವಂತೆ ಮಾಡಿದ ಸಿನಿಮಾ. 1999ರಲ್ಲಿ ಬಂದಿದ್ದ ಸಿನಿಮಾ ಸೂಪರ್ ಹಿಟ್. ಆ ಚಿತ್ರದಲ್ಲಿ ಕೀರ್ತಿಯಾಗಿ ನಟಿಸಿದ್ದರು ರವೀನಾ ಟಂಡನ್. ಅದಾದ ನಂತರ 20 ವರ್ಷಗಳ ಬಳಿಕ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ, ಕೆಜಿಎಫ್ ಚಾಪ್ಟರ್ 2 ಮೂಲಕ.

ನಿರ್ದೇಶಕ ಪ್ರಶಾಂತ್ ನೀಲ್ ನನಗೆ ಮೊದಲು ಕಥೆಯ ಒನ್ ಲೈನ್ ಹೇಳಿದ್ದರು. ನಂತರ ಸ್ಕ್ರಿಪ್ಟ್ ಮತ್ತು ಪಾತ್ರವನ್ನು ವಿವರಿಸಿದ್ದರು. ಆಗಿನ್ನೂ ಕೆಜಿಎಫ್ ಚಾಪ್ಟರ್ 1 ಬಂದಿರಲಿಲ್ಲ. ಅದಾದ ಮೇಲೆ ಕೆಜಿಎಫ್ ನೋಡಿದೆ. ಕಥೆ, ಪಾತ್ರ ಇಷ್ಟವಾಯ್ತು. ಚಿತ್ರದಲ್ಲಿ ನನ್ನದು ಅತ್ಯಂತ ಸ್ಟ್ರಾಂಗ್ ಕ್ಯಾರೆಕ್ಟರ್. ಹೀಗಾಗಿ ಒಪ್ಪಿಕೊಂಡೆ ಎಂದಿದ್ದಾರೆ ರವೀನಾ ಟಂಡನ್.

1999ರಲ್ಲಿ ಉಪೇಂದ್ರ ಚಿತ್ರ ಬಂದಾಗ ಅದು ಆಗಿನ ಕಾಲಕ್ಕೆ ತುಂಬಾ ಫಾರ್‍ವರ್ಡ್ ಇತ್ತು. ಹಲವು ವರ್ಷಗಳ ಮುಂದಿನ ಆಲೋಚನೆ ಆ ಚಿತ್ರದಲ್ಲಿತ್ತು. ಈಗ ಕೆಜಿಎಫ್ ಕೂಡಾ ಅಷ್ಟೆ ಎಂದಿದ್ದಾರೆ ರವೀನಾ ಟಂಡನ್. ಶೂಟಿಂಗ್ ಶುರುವಾಗಿದೆ.

ಕೆಜಿಎಫ್ ಚಾಪ್ಟರ್ 2 ಶುರುವಾದ ನಂತರ ಹೊರಬಿದ್ದ ಸ್ಟಿಲ್ಸ್‍ಗಳು ಪ್ರೇಕ್ಷಕರಿಗೆ ಬೇರೆಯದೇ ಕುತೂಹಲ ಹುಟ್ಟಿಸಿದ್ದವು. ಸಂಜಯ್ ದತ್ ಅವರ ಅಧೀರನ ಕಥೆ ಒಂದಾದರೆ, ರಾಕಿಭಾಯ್ ಸ್ಟೋರಿಯೇ ಬೇರೆ. ಇದರ ನಡುವೆ ಕುತೂಹಲದ ಪರ್ವತವನ್ನೇ ಸೃಷ್ಟಿಸಿದ್ದು ರಮಿಕಾ ಸೇನ್ ಪಾತ್ರ.

ರಮಿಕಾ ಸೇನ್ ಎಂದರೆ ಭಾರತದ ಪ್ರಧಾನಿ. ಈ ಪಾತ್ರದ ಲುಕ್ ಹೊರಬಿದ್ದಾಗ ಎಲ್ಲರಿಗೂ ನೆನಪಾಗಿದ್ದು ಇಂದಿರಾ ಗಾಂಧಿ.

ಇಂದಿರಾ ಗಾಂಧಿಯವರಿಗೂ ರಮಿಕಾ ಸೇನ್ ಪಾತ್ರಕ್ಕೂ ಯಾವುದೇ ಸಂಬಂಧ ಇಲ್ಲ. ನಾನೂ ಈ ರೀತಿಯ ವಿಶ್ಲೇಷಣೆಗಳನ್ನು ನೋಡಿದ್ದೇನೆ. ಅದು 80ರ ದಶಕದ ಕಥೆ. ಆ ಕಾಲದಲ್ಲಿದ್ದ ಒಬ್ಬ ಪ್ರಧಾನಿಯ ಪಾತ್ರ.  ಅಷ್ಟೆ. ಇಂದಿರಾ ಅವರ ವ್ಯಕ್ತಿತ್ವ, ಪಾತ್ರ, ಹೆಸರು ಯಾವುದಕ್ಕೂ ಇದು ಸಂಬಂಧ ಇಲ್ಲ ಎಂದಿದ್ದಾರೆ ರವೀನಾ ಟಂಡನ್.

ನಾನು ಮತ್ತು ಸಂಜಯ್ ದತ್ ಒಟ್ಟಿಗೇ ನಟಿಸಲು ಹೋದಾಗ ಇಬ್ಬರಿಗೂ ಒಳ್ಳೆ ಚಾನ್ಸ್ ಸಿಕ್ಕಿತು. ತೆರೆಯ ಮೇಲೆ ಅಬ್ಬರಿಸಿಬಿಡೋಣ ಎಂದುಕೊಂಡಿದ್ದೆವು. ಆದರೆ ಡೈರೆಕ್ಟರ್ ಪ್ರಶಾಂತ್ ನೀಲ್ ಕಥೆಯಲ್ಲಿ ನಮ್ಮಿಬ್ಬರಿಗೆ ಒಟ್ಟಿಗೇ ನಟಿಸುವ ದೃಶ್ಯವೇ ಇರಲಿಲ್ಲ. ನಾವು ಕೇಳಿಕೊಂಡರೂ, ಪ್ರಶಾಂತ್ ಒಪ್ಪಲಿಲ್ಲ ಎಂದಿದ್ದಾರೆ ರವೀನಾ.

ಆಕೆ ಡೆತ್ ವಾರೆಂಟ್ ಕೊಡಲು ಬಂದಿದ್ದಾರೆ ಎಂದು ಪ್ರಶಾಂತ್ ನೀಲ್ ಹೇಳಿದ್ದರೆ, ಕೆಜಿಎಫ್ ಚಾಪ್ಟರ್ 1ನಲ್ಲಿ ಕಾಣಿಸಿದ್ದ ಮಹಿಳೆಯ ಪುಟ್ಟ ದೃಶ್ಯಗಳನ್ನು ಇಂದಿರಾ ಗಾಂಧಿಗೆ ಹೋಲಿಸಿ ಪುಳಕಗೊಂಡಿದ್ದರು ಪ್ರೇಕ್ಷಕರು. ಆದರೆ, ಈ ಎಲ್ಲ ಕುತೂಹಲಗಳ ಮೇಲೊಂದು ದೀಪ ಹಚ್ಚಿ ಸಸ್ಪೆನ್ಸ್‍ನ್ನು ಇನ್ನಷ್ಟು ದೊಡ್ಡದು ಮಾಡಿದ್ದಾರೆ ರವೀನಾ ಟಂಡನ್.

ನಾನು ಚಿತ್ರದಲ್ಲಿ ಪ್ರಧಾನಮಂತ್ರಿಯ ಪಾತ್ರ ಪೋಷಿಸಿದ್ದೇನೆ. ಅದೊಂದು ಸವಾಲಿನ ಪಾತ್ರ. ಪಾಸಿಟಿವ್ ಮಹಿಳೆಯ ಪಾತ್ರ. ಪ್ರತಿಯೊಬ್ಬರೂ ಇಂದಿರಾ ಗಾಂಧಿ ಇರಬಹುದು ಎಂದು ಭಾವಿಸಿದ್ದಾರೆ. ಅದು ತಪ್ಪು ಪರಿಕಲ್ಪನೆ. ಅದು ಬಾಂಗ್ಲಾದೇಶದ ಪ್ರಧಾನಿಯಾಗಿದ್ದ ಶೇಖ್ ಹಸೀನಾ ಸಹ ಆಗಿರಬಹುದು ಅಲ್ಲವೇ..

ಇದು ರವೀನಾ ಪ್ರಶ್ನೆ. ಅಫ್‍ಕೋರ್ಸ್.. ಅದು ಬೆನಜಿರ್ ಬುಟ್ಟೋ ಆಗಿದ್ದರೂ ಆಶ್ಚರ್ಯವಿಲ್ಲ. ಆದರೆ, ಭಾರತಕ್ಕೆ ಇದುವರೆಗೆ ಮಹಿಳಾ ಪ್ರಧಾನಿಯಾಗಿರುವ ಏಕೈಕ ವ್ಯಕ್ತಿ ಇಂದಿರಾ ಗಾಂಧಿ.

ಸ್ಸೋ.. ರವೀನಾ ಟಂಡನ್ ಅದೇನೇ ಸಸ್ಪೆನ್ಸ್ ಇಟ್ಟರೂ ರಾಕಿ ಭಾಯ್ ಫ್ಯಾನ್ಸ್ ನಾವ್ ಅಂದ್ಕೊಂಡಿರೋ ಸತ್ಯ ಕಣ್ರೋ ಅಂತಾರೆ. ನೋ ಡೌಟ್.

ಆದರೆ, ಎಲ್ಲ ಕುತೂಹಲ, ಸಸ್ಪೆನ್ಸ್, ನಿರೀಕ್ಷೆಗೂ ಉತ್ತರ ಸಿಕ್ಕೋದು ಅಕ್ಟೋಬರ್ 23ಕ್ಕೆ. ಹೊಂಬಾಳೆ ಪ್ರೊಡಕ್ಷನ್ಸ್‍ನ ಮೆಗಾ ಪ್ರಾಜೆಕ್ಟ್ ಸಿನಿಮಾಗೆ ಅಲ್ಲಿಯವರೆಗೂ ಕಾಯದೇ ವಿಧಿ ಇಲ್ಲ.

ಕೆಜಿಎಫ್ ಚಾಪ್ಟರ್ 2 ಚಿತ್ರಕ್ಕೆ ಸಂಜಯ್ ದತ್ ಬರ್ತಾರೆ ಅನ್ನೋ ಸುದ್ದಿ ಇರುವಾಗಲೇ, ಮಸ್ತ್ ಮಸ್ತ್ ಹುಡುಗಿ ರವೀನಾ ಟಂಡನ್ ಬರ್ತಾರೆ ಅನ್ನೋ ಸುದ್ದಿ ಸರಿದಾಡುತ್ತಿದೆ. ಉಪೇಂದ್ರ ಚಿತ್ರದಲ್ಲಿ ಕೀರ್ತಿಯಾಗಿ ನಟಿಸಿದ್ದ ರವೀನಾ ಟಂಡನ್, ಬಾಲಿವುಡ್‍ನಲ್ಲೂ ಕೂಡಾ ತೆರೆ ಹಿಂದಿನ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ.

ಈಗ ವಿಶ್ವಾದ್ಯಂತ ಸದ್ದು ಮಾಡಿದ ಕೆಜಿಎಫ್ ಚಿತ್ರದ 2ನೇ ಭಾಗಕ್ಕೆ ರವೀನಾ ಟಂಡನ್ ಓಕೆ ಎಂದಿದ್ದಾರೆ ಅನ್ನೋ ಸುದ್ದಿಯಿದೆ. ಚಾಪ್ಟರ್ 2 ಪ್ರಿ ಪ್ರೊಡಕ್ಷನ್ ಕೆಲಸಗಳು ಶುರುವಾಗಿದ್ದು, ಶೀಘ್ರದಲ್ಲೇ ಶೂಟಿಂಗ್ ಕೂಡ ಆರಂಭವಾಗಲಿದೆ.

20 ವರ್ಷಗಳ ಹಿಂದೆ ಭಾರತೀಯ ಚಲನಚಿತ್ರರಂಗದಲ್ಲೇ ಸೆನ್ಸೇಷನ್ ಸೃಷ್ಟಿಸಿದ್ದ ಸಿನಿಮಾ ಉಪೇಂದ್ರ. ಮಡಿವಂತರು ಮೂಗು ಮುರಿದಿದ್ದ, ಯುವಕರನ್ನು ಥ್ರಿಲ್ಲಾಗಿಸಿದ್ದ.. ಹೀಗೂ ಸಿನಿಮಾ ಮಾಡಬಹುದೇ ಎಂದು ಚಿತ್ರ ಪಂಡಿತರು ಹುಬ್ಬೇರುವಂತೆ ಮಾಡಿದ್ದ ಸಿನಿಮಾ ಉಪೇಂದ್ರ.

ಉಪೇಂದ್ರ ಅವರೇ ನಿರ್ದೇಶಕ. ನಾಯಕ. ನಾಯಕನ ಹೆಸರು ನಾನು. ಪ್ರೇಮಾ, ರವೀನಾ ಟಂಡನ್, ದಾಮಿನಿ ನಟಿಸಿದ್ದ ಚಿತ್ರದ ಒಂದೊಂದು ದೃಶ್ಯವೂ ವಿವಾದ ಸೃಷ್ಟಿಸಿತ್ತು. ಈಗ ಆ ಚಿತ್ರವನ್ನು ಮತ್ತೊಮ್ಮೆ ರಿಲೀಸ್ ಮಾಡಲು ನಿರ್ಮಾಪಕ ಶಿಲ್ಪಾ ಶ್ರೀನಿವಾಸ್ ಮುಂದಾಗಿದ್ದಾರೆ.

ಹಳೆಯ ಹಿಟ್ ಚಿತ್ರಗಳಿಗೆ ಸಿಗುತ್ತಿರುವ ಪ್ರತಿಕ್ರಿಯೆ, ಇತ್ತೀಚೆಗೆ ಉಪೇಂದ್ರ ಅವರ ಐ ಲವ್ ಯೂ ಚಿತ್ರ ಶತದಿನೋತ್ಸವ ಪೂರೈಸಿದ್ದು ಈ ಬಗ್ಗೆ ಯೋಚಿಸಲು ಕಾರಣವಂತೆ.

ತಾವೇ ನಿರ್ಮಾಪಕರಾಗಿದ್ದರೂ, ನಿರ್ದೇಶಕ ಉಪೇಂದ್ರ ಅವರ ಅಭಿಪ್ರಾಯವನ್ನೂ ಪಡೆಯುತ್ತೇನೆ ಎಂದಿದ್ದಾರೆ ಶಿಲ್ಪಾ ಶ್ರೀನಿವಾಸ್. ಎಲ್ಲವೂ ಓಕೆ ಆದರೆ, ಕನ್ನಡ, ತೆಲುಗು ಅಷ್ಟೇ ಅಲ್ಲ, ತಮಿಳಿನಲ್ಲೂ ಉಪೇಂದ್ರ ದರ್ಶನವಾಗಲಿದೆ

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಪ್ಯಾನ್ ಇಂಡಿಯಾ ಸಿನಿಮಾ ‘ಕೆಜಿಎಫ್: ಚಾಪ್ಟರ್ 2 ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ಬಿರುಸಿನಿಂದ ಸಾಗುತ್ತಿದೆ. ಇತ್ತೀಚೆಗಷ್ಟೇ ನಾಯಕಿ ನಟಿ ಶ್ರೀನಿಧಿ ಶೆಟ್ಟಿ ಡಬ್ಬಿಂಗ್ ಮುಗಿಸಿದ್ದರು. ಈಗ ರಮಿಕಾ ಸೇನ್ ಪಾತ್ರದಲ್ಲಿ ಕಾಣಿಸಿಕೊಂಡಿರೋ ರವೀನಾ ಟಂಡನ್ ತಮ್ಮ ಪಾತ್ರದ ಡಬ್ಬಿಂಗ್ ಮುಗಿಸಿದ್ದಾರೆ.

ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್  ಚಾಪ್ಟರ್ 1 ಭರ್ಜರಿ ಸಕ್ಸಸ್ ಕಂಡಿದ್ದ ಹಿನ್ನೆಲೆಯಲ್ಲಿ ಕೆಜಿಎಫ್: ಚಾಪ್ಟರ್ 2’ ಮೇಲೆ ಭಾರ ನಿರೀಕ್ಷೆ ಇದೆ. ಇದೇ ಏಪ್ರಿಲ್ 14 ರಂದು ಸಿನಿಮಾ ರಿಲೀಸ್ ಆಗಲಿದೆ. ಇದು ಕನ್ನಡದಲ್ಲಿ ರವೀನಾ ಟಂಡನ್ ನಟಿಸಿರೋ 2ನೇ ಸಿನಿಮಾ. ಮೊದಲನೇ ಸಿನಿಮಾ ಉಪೇಂದ್ರ ಕೂಡಾ ಹಲವು ಭಾಷೆಗಳಲ್ಲಿ ರಿಲೀಸ್ ಆಗಿತ್ತು. ಈಗ ಕೆಜಿಎಫ್ ಚಾಪ್ಟರ್ 2 ಕೂಡಾ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ರಿಲೀಸ್ ಆಗುತ್ತಿದೆ.

ಯಶ್ ಜೊತೆ ಸಂಜಯ್ ದತ್, ರವೀನಾ ಟಂಡನ್, ಶ್ರೀನಿಧಿ ಶೆಟ್ಟಿ, ಪ್ರಕಾಶ್ ರೈ ಸೇರಿದಂತೆ ಘಟಾನುಘಟಿ ಕಲಾವಿದರ ತಂಡವೇ ಚಿತ್ರದಲ್ಲಿದ್ದು, 2023ರ ಭಾರೀ ನಿರೀಕ್ಷೆಯ ಚಿತ್ರ ಕೆಜಿಎಫ್ ಆಗಿದೆ.

ಮಸ್ತ್ ಮಸ್ತ್ ಹುಡುಗಿ ರವೀನಾ ಟಂಡನ್ ಈಗ ಸೀನಿಯರ್ ನಟಿ. ಅವರೀಗ ಕೆಜಿಎಫ್ ಟೀಂಗೆ ಎಂಟ್ರಿ ಕೊಟ್ಟಿದ್ದಾರೆ. ಅವರ ಪಾತ್ರದ ಕೆಲಸವೇ ರಾಕಿ ಭಾಯ್‍ಗೆ ಡೆತ್ ವಾರೆಂಟ್ ಕೊಡೋದು.

20 ವರ್ಷಗಳ ಬಳಿಕ ಕನ್ನಡ ಚಿತ್ರರಂಗಕ್ಕೆ ಬರುತ್ತಿರುವ ರವೀನಾ, ಕೆಜಿಎಫ್ ಚಾಪ್ಟರ್ 2ನಲ್ಲಿ ಪ್ರಧಾನಿಯ ಪಾತ್ರ ಮಾಡಿದ್ದಾರೆ. ದೇಶದ ಏಕೈಕ ಮಹಿಳಾ ಪ್ರಧಾನಿ ಇಂದಿರಾ ಗಾಂಧಿ ಅವರಾಗಿದ್ದ ಕಾರಣ, ರವೀನಾ ಪಾತ್ರದಲ್ಲಿ ಇಂದಿರಾ ಛಾಯೆಯೂ ಇದೆ.

ರವೀನಾ ಟಂಡನ್, ಇಲ್ಲಿ ರಮಿಕಾ ಸೇನ್ ಹೆಸರಿನ ಪಾತ್ರ ಮಾಡುತ್ತಿದ್ದು, ಕೆಜಿಎಫ್ ಡೈರೆಕ್ಟರ್ ಪ್ರಶಾಂತ್ ನೀಲ್ ಸ್ವಾಗತ ಕೋರಿದ್ದಾರೆ.

ಯಶ್, ಸಂಜಯ್ ದತ್, ಅನಂತ ನಾಗ್, ಶ್ರೀನಿಧಿ ಶೆಟ್ಟಿ ಅಭಿನಯದ ಕೆಜಿಎಫ್ ಚಾಪ್ಟರ್ 2ಗೆ ವಿಜಯ್ ಕಿರಗಂದೂರು ನಿರ್ಮಾಪಕ. 2020ರ ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ ಆಗಿರುವ ಕೆಜಿಎಫ್ ಚಾಪ್ಟರ್ 2 ಜೂನ್ ಅಥವಾ ಜುಲೈನಲ್ಲಿ ರಿಲೀಸ್ ಆಗುವ ನಿರೀಕ್ಷೆ ಇದೆ.