ದರ್ಶನ್ ಅಭಿನಯದ 55ನೇ ಸಿನಿಮಾದ ನಿರ್ಮಾಪಕರು ಯಾರು..? ಮೆಜೆಸ್ಟಿಕ್ ರಾಮಮೂರ್ತಿನಾ..? ತಾರಕ್ ಪ್ರಕಾಶ್ ಅವರಾ..? ಈ ಗೊಂದಲಕ್ಕೀಗ ತೆರೆ ಬಿದ್ದಿದೆ. ಡಿ 55 ಚಿತ್ರದ ನಿರ್ಮಾಪಕ ಮೆಜೆಸ್ಟಿಕ್ ರಾಮಮೂರ್ತಿ.

ದರ್ಶನ್ ಅವರನ್ನು ಕೇಳಿಕೊಂಡೇ ಡೇಟ್ ಫಿಕ್ಸ್ ಮಾಡಿದ್ದೇನೆ. ಸದ್ಯಕ್ಕೆ ಟೈಟಲ್ ಫಿಕ್ಸ್ ಆಗಿಲ್ಲ. ನಿರ್ದೇಶಕ, ತಾರಾಗಣ, ತಂತ್ರಜ್ಞರ ಆಯ್ಕೆಯೂ ಆಗಿಲ್ಲ. ಎರಡ್ಮೂರು ಕಥೆಗಳಿವೆ. ದರ್ಶನ್ ಮ್ಯಾನರಿಸಂ, ಇಮೇಜ್‍ಗೆ ಅನುಗುಣವಾದ ಕಥೆ ಸಿದ್ಧವಾಗುತ್ತಿದೆ ಎನ್ನುವುದು ರಾಮಮೂರ್ತಿ ಮಾತು.

ಇತ್ತ ದರ್ಶನ್‍ಗೆ ತಾರಕ್ ಸಿನಿಮಾ ಮಾಡಿದ್ದ ದುಶ್ಯಂತ್, ``ಐವತ್ತೈದೋ.. ಐವತ್ತಾರೋ.. ಯಾವುದೇ ಆಗಲಿ, ನಂಬರ್ ಮುಖ್ಯ ಅಲ್ಲ. ಸಿನಿಮಾ ಮಾಡೋದು ಮುಖ್ಯ. ದರ್ಶನ್ ಕಾಲ್‍ಶೀಟ್ ಕೊಟ್ಟಿದ್ದಾರೆ. ತಾರಕ್ ನಿರ್ದೇಶಿಸಿದ್ದ ಮಿಲನ ಪ್ರಕಾಶ್ ಅವರೇ ಡೈರೆಕ್ಷನ್ ಮಾಡ್ತಾರೆ. ಸೆಪ್ಟೆಂಬರ್ ಅಥವಾ ನವೆಂಬರ್‍ನಲ್ಲಿ ಸಿನಿಮಾ ಶುರುವಾಗಲಿದೆ'' ಅಂತಾರೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಹುಟ್ಟುಹಬ್ಬ, ಈ ಬಾರಿ ಸರಳವಾಗಿರಲಿದೆ. ಅದು ದರ್ಶನ್ ಅವರೇ ಮಾಡಿಕೊಂಡಿರೋ ಮನವಿ. ಅದರ ಜೊತೆಯಲ್ಲೇ ದರ್ಶನ್ ಅವರ ಹೊಸ ಚಿತ್ರವೂ ಸೆಟ್ಟೇರುತ್ತಿದೆ. ಅದು ಮೆಜೆಸ್ಟಿಕ್ ನಿರ್ಮಾಪಕರ ಸಿನಿಮಾ.

ದರ್ಶನ್ ಅವರನ್ನು ಹೀರೋ ಆಗಿ ಪರಿಚಯಿಸಿದ ಎಂ.ಜಿ.ರಾಮಮೂರ್ತಿ, ದರ್ಶನ್ ಅವರ 55ನೇ ಸಿನಿಮಾಗೆ ನಿರ್ಮಾಪಕರು. ಸದ್ಯಕ್ಕೆ ಚಿತ್ರದ ಟೈಟಲ್ ಡಿ 55.

ಒಟ್ಟಿನಲ್ಲಿ ಹೇಳಿದಂತೆ ವರ್ಷವಿಡೀ ಬ್ಯುಸಿಯಾಗುತ್ತಿದ್ದಾರೆ ದರ್ಶನ್. 1ಕ್ಕೆ ಯಜಮಾನ ತೆರೆಗೆ ಬರ್ತಾನೆ. ಅದಾದ ನಂತರ ಕುರುಕ್ಷೇತ್ರ ರೆಡಿಯಾಗಿರುತ್ತೆ. ಬೆನ್ನಲ್ಲೇ ಒಡೆಯ ಕಾಣಿಸಿಕೊಳ್ತಾನೆ. ರಾಬರ್ಟ್ ಚಿತ್ರದ ಶೂಟಿಂಗ್ ಕೂಡಾ ಅಷ್ಟೊತ್ತಿಗೆ ಮುಗಿದಿರುತ್ತೆ. ಅದು ಒಂದು ಹಂತಕ್ಕೆ ಬರುತ್ತೆ ಎನ್ನುವಾಗಲೇ ಡಿ55. ದರ್ಶನ್ ಅಭಿಮಾನಿಗಳಿಗೆ 2019ರ ವರ್ಷವಿಡೀ ಹಬ್ಬ.