` aditi prabhudeva, - chitraloka.com | Kannada Movie News, Reviews | Image

aditi prabhudeva,

  • ಬ್ರಹ್ಮಚಾರಿ ಗೆದ್ದನಲ್ಲ.. ಹಿಡ್ಕೊಳ್ಳೋದು ಹೆಂಗ.

    bramhachari screenings increased post movie release

    ಹಿಡ್ಕ ಹಿಡ್ಕ ಹಿಡ್ಕ ಹಿಡ್ಕ.. ಎನ್ನುತ್ತ ಹಾಡಿನ ಹವಾ ಸೃಷ್ಟಿಸಿದ್ದ ಬ್ರಹ್ಮಚಾರಿ ಗೆದ್ದೇ ಬಿಟ್ಟಿದ್ದಾನೆ. ಸಿನಿಮಾ ರಿಲೀಸ್ ಮಾಡಿದ್ದು 200 ಸೆಂಟರುಗಳಲ್ಲಿ. 2ನೇ ವಾರ ಪೂರೈಸುತ್ತಿರುವ ಬ್ರಹ್ಮಚಾರಿ, ಈಗ 225 ಸೆಂಟರುಗಳಲ್ಲಿ ನಕ್ಕು ನಲಿಸುತ್ತಿದ್ದಾರೆ. ಸಿನಿಮಾ ಗೆದ್ದಿದೆ ಅನ್ನೋದಕ್ಕೆ ಇದಕ್ಕಿಂತ ದೊಡ್ಡ ಸಾಕ್ಷಿ ಬೇಕಿಲ್ಲವೇನೊ..

    ನೀನಾಸಂ ಸತೀಶ್, ಆದಿತಿ ಪ್ರಭುದೇವ ಅಭಿನಯದ ಬ್ರಹ್ಮಚಾರಿ 45 ಸಿನಿಮಾಗಳ ಜೊತೆ ರಿಲೀಸ್ ಆಗಿದ್ದ ಸಿನಿಮಾ. ಅಷ್ಟು ದೊಡ್ಡ ರೇಸ್‌ನಲ್ಲಿ ಗೆದ್ದ ಸಿನಿಮಾ. ಉದಯ್ ಕುಮಾರ್ ಮೆಹ್ತಾ-ಸತೀಶ್ ಕಾಂಬಿನೇಷನ್ ಮತ್ತೊಮ್ಮೆ ವರ್ಕೌಟ್ ಆಗಿದೆ. ಚಂದ್ರಮೋಹನ್ ತುಂಟಾಟ ಆಡಿಸಿ ಮತ್ತೊಮ್ಮೆ ಹಿಟ್ ಹಿಡ್ಕೊಂಡಿದ್ದಾರೆ. 

  • ಮರಾಠಿಗೆ ಹೊರಟ ಶ್ಯಾನೆ ಟಾಪ್ ಹುಡ್ಗಿ

    aditi prabhudeva enters marathi films

    ಕನ್ನಡದಲ್ಲಿ ಇತ್ತೀಚೆಗೆ ಅತ್ಯಂತ ಭರವಸೆ ಹುಟ್ಟಿಸಿರುವ ಪ್ರತಿಭೆ ಆದಿತಿ ಪ್ರಭುದೇವ. ಶ್ಯಾನೆ ಟಾಪಾಗವ್ಳೆ ಚಿತ್ರದ ಹಾಡಿನ ಮೂಲಕ, ಹಿಡ್ಕ ಹಿಡ್ಕ ಹಾಡಿನಲ್ಲಿ ಮ್ಯಾಜಿಕ್ ಮಾಡಿದ್ದ ಆದಿತಿ, ರಂಗನಾಯಕಿ ಚಿತ್ರದಲ್ಲಿ ಬೆಚ್ಚಿ ಬೀಳಿಸುವ ಅಭಿನಯವನ್ನೂ ನೀಡಿದ್ದರು. ಈಗ ಅವರು ಮರಾಠಿ ಚಿತ್ರರಂಗಕ್ಕೆ ಹೊರಟು ನಿಂತಿದ್ದಾರೆ.

    ರಾಹುಲ್ ಶಿಂಧೆ ನಿರ್ದೇಶನದ ಹೊಸ ಮರಾಠಿ ಚಿತ್ರ ಚಾಂಪಿಯನ್ ಚಿತ್ರದಲ್ಲಿ ಆದಿತಿ ಹೀರೋಯಿನ್. ಸಚಿನ್ ಧಮಾಲ್ ಆ ಚಿತ್ರದಲ್ಲಿ ಹೀರೋ.

     

  • ಮಾಫಿಯಾಗೆ ಪ್ರಜ್ವಲ್, ಆದಿತಿ ಎಂಟ್ರಿ

    ಮಾಫಿಯಾಗೆ ಪ್ರಜ್ವಲ್, ಆದಿತಿ ಎಂಟ್ರಿ

    ಪ್ರಜ್ವಲ್ ದೇವರಾಜ್ ಮತ್ತೊಮ್ಮೆ ಪೊಲೀಸ್ ಆಗುತ್ತಿದ್ದಾರೆ. ಇನ್ಸ್ಪೆಕ್ಟರ್ ವಿಕ್ರಂ ನಂತರ ಮತ್ತೊಮ್ಮೆ ಖಾಕಿಧಾರಿಯಾಗುತ್ತಿದ್ದಾರೆ ಪ್ರಜ್ವಲ್. ಪ್ರಜ್ವಲ್ಗೆ ಜೋಡಿಯಾಗಿರೋದು ಬೆಣ್ಣೆ ಬಾಲೆ ಆದಿತಿ ಪ್ರಭುದೇವ. ಲೋಹಿತ್ ನಿರ್ದೇಶನದ ಚಿತ್ರ ಮಾಫಿಯಾ.

    ಇದು ಮಾನವ ಕಳ್ಳಸಾಗಾಣಿಕೆ ಕುರಿತ ಥ್ರಿಲ್ಲರ್ ಕಥೆಯಾಗಿದ್ದು, ಚಿತ್ರದಲ್ಲಿ ದೇವರಾಜ್ ಕೂಡಾ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.

    ಬಿ.ಕುಮಾರ್ ನಿರ್ಮಾಣದ ಸಿನಿಮಾ ಈಗ ಸೆಟ್ಟೇರಿದೆ. ಅನೂಪ್ ಸಿಳೀನ್ ಸಂಗೀತ ನೀಡುತ್ತಿದ್ದಾರೆ. ವೀರಂ ಚಿತ್ರಕ್ಕಾಗಿ ಉದ್ದನೆ ಕೂದಲು ಬಿಟ್ಟಿದ್ದ ಪ್ರಜ್ವಲ್, ಈ ಚಿತ್ರಕ್ಕಾಗಿ ಹೇರ್ ಕಟ್ ಮಾಡಿಸಿದ್ದಾರೆ. ಕಟ್ ಮಾಡಿದ ಕೂದಲನ್ನು ಕ್ಯಾನ್ಸರ್ ಸಂತ್ರಸ್ತರಿಗೆ ನೀಡಿದ್ದಾರೆ.

  • ಯೋಗಿಯ ‘ಒಂಭತ್ತನೇ ದಿಕ್ಕು’ ಆದಿತಿಯೇ ಅಧಿಪತಿ

    arya claps for ombattane dikku movie

    ಲೂಸ್ ಮಾದ ಯೋಗಿ ದಯಾಳ್ ಪದ್ಮನಾಭನ್ ಇದೇ ಮೊದಲ ಬಾರಿಗೆ ಜೊತೆಯಾಗಿದ್ದಾರೆ. ನಾಯಕಿ ಆದಿತಿ ಪ್ರಭುದೇವ ರಂಗನಾಯಕಿ ಚಿತ್ರದ ನಂತರ ಮತ್ತೊಮ್ಮೆ ದಯಾಳ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಒನ್ಸ್ ಎಗೇಯ್ನ್ ಒಂದು ಥ್ರಿಲ್ಲರ್ ಕಥೆಯನ್ನಿಟ್ಟುಕೊಂಡೇ ಬಂದಿದ್ದಾರೆ ದಯಾಳ್. ಚಿತ್ರಕ್ಕೆ ಮುಹೂರ್ತ ನೆರವೇರಿದ್ದು, ತಮಿಳು ನಟ ಆರ್ಯ ಚಿತ್ರಕ್ಕೆ ಕ್ಲಾಪ್ ಮಾಡಿದ್ದಾರೆ.

    ಸರಳವಾದ ಕಥೆಗಳನ್ನು ಮನಮುಟ್ಟುವಂತೆ ಹೇಳೋದ್ರಲ್ಲಿ ಯಶಸ್ಸು ಕಂಡಿರುವ ದಯಾಳ್, ರಂಗನಾಯಕಿ ಚಿತ್ರವನ್ನು ಮುಗಿಸಿದ್ದಾರೆ. ಅದು ರಿಲೀಸ್ ಆಗುವ ಮೊದಲೇ ಎಂದಿನಂತೆ ಹೊಸ ಪ್ರಯೋಗಕ್ಕೆ ಕೈ ಹಾಕಿದ್ದಾರೆ. ಅಫ್ಕೋರ್ಸ್, ಈ ಚಿತ್ರದಲ್ಲೂ ದಯಾಳ್ ಜೊತೆ ನವೀನ್ ಕೃಷ್ಣ ಜೊತೆಯಾಗಿದ್ದಾರೆ.

  • ರಂಗನಾಯಕಿ : ಮಹಿಳೆಯರಿಗಾಗಿಯೇ ಸ್ಪೆಷಲ್ ಶೋ

    ranganayaki special show for women

    ದಯಾಳ್ ಪದ್ಮನಾಭ್ ನಿರ್ದೇಶನದ ರಂಗನಾಯಕಿ ಚಿತ್ರದಲ್ಲಿರೋದು ಅತ್ಯಾಚಾರಕ್ಕೊಳಗಾದ ಮಹಿಳೆ, ನ್ಯಾಯಕ್ಕಾಗಿ ಕಾನೂನಿನ ಚೌಕಟ್ಟಿನಲ್ಲಿಯೇ ಹೋರಾಡುವ ಕಥೆ. ಆದಿತಿ ಪ್ರಭುದೇವ ನಟಿಸಿರುವ ಕಥೆಯ ಕೇಂದ್ರ ಬಿಂದು ಮಹಿಳೆ.

    ಕೆಲವು ವರ್ಷಗಳ ಹಿಂದೆ ದೆಹಲಿಯಲ್ಲಿ ನಡೆದಿದ್ದ ನಿರ್ಭಯಾ ಪ್ರಕರಣವೇ ಇದಕ್ಕೆ ಪ್ರೇರಣೆ. ಆ ನಿರ್ಭಯಾ ಬದುಕಿದ್ದರೆ ಏನು ಮಾಡುತ್ತಿದ್ದಳು.. ನ್ಯಾಯಕ್ಕಾಗಿ ಹೇಗೆಲ್ಲ ಹೋರಾಡಬೇಕಿತ್ತು ಎಂಬ ಕಲ್ಪನೆಯಲ್ಲಿ ಅರಳಿರುವ ಕಥೆಯೇ ರಂಗನಾಯಕಿ. ಹೀಗಾಗಿ ಈ ಚಿತ್ರದ ವಿಶೇಷ ಪ್ರದರ್ಶನವೊಂದನ್ನು ಮಹಿಳೆಯರಿಗಾಗಿಯೇ ಏರ್ಪಡಿಸಲಿದ್ದೇವೆ ಎಂದಿದ್ದಾರೆ ದಯಾಳ್.

    ಎಸ್.ವಿ.ನಾರಾಯಣ್ ನಿರ್ಮಾಣದ ಚಿತ್ರ ನವೆಂಬರ್ ರಾಜ್ಯೋತ್ಸವಕ್ಕಾಗಿಯೇ ರಿಲೀಸ್ ಆಗುತ್ತಿದೆ. ಬ್ರಿಡ್ಜ್ ಚಿತ್ರಗಳ ಎಕ್ಸ್‍ಪರ್ಟ್ ಆಗಿರುವ ದಯಾಳ್ ಅವರ ರಂಗನಾಯಕಿ ಇದೇ ಕಾರಣಕ್ಕೆ ಕುತೂಹಲ ಕೆರಳಿಸಿದೆ.

  • ರಂಗನಾಯಕಿ ಚಾಲೆಂಜ್

    ranganayaki is an experiment

    ರಂಗನಾಯಕಿ, ಅತ್ಯಾಚಾರ ಸಂತ್ರಸ್ತೆಯೊಬ್ಬಳ ಕಾನೂನು ಹೋರಾಟದ ಸಿನಿಮಾ. ಬೆಳ್ಳಿತೆರೆಯ ಮೇಲೆ ಅತ್ಯಾಚಾರದ ಸೀನ್ ಹೊಸದಲ್ಲವಾದರೂ, ಅತ್ಯಾಚಾರ ಸಂತ್ರಸ್ತೆಯ ಹೋರಾಟವನ್ನೇ ಸಿನಿಮಾ ಮಾಡಿರುವುದು ಬಹುಶಃ ಬೆಳ್ಳಿತೆರೆಯ ಮೇಲೆ ಇದೇ ಮೊದಲು. ಅಂಥಾದ್ದೊಂದು ಸಾಹಸಕ್ಕೆ ಕೈ ಹಾಕಿ ಗೆಲುವಿನ ಹೆಜ್ಜೆ ಇಟ್ಟಿದ್ದಾರೆ ನಿರ್ದೇಶಕ ದಯಾಳ್ ಪದ್ಮನಾಭನ್.

    ಇದೊಂದು ಪ್ರಯೋಗಾತ್ಮಕ ಚಿತ್ರ. ಈ ತರಹದ ಸಬ್ಜೆಕ್ಟ್ ಇಟ್ಟುಕೊಂಡು ಸಿನಿಮಾ ಮಾಡುವವರೇ ಕಡಿಮೆ ಎನ್ನುವ ದಯಾಳ್, ಇಡೀ ಚಿತ್ರದ ಕತೆ, ಚಿತ್ರಕಥೆಯನ್ನು ಹತ್ತಾರು ಬಾರಿ ತಿದ್ದಿದ್ದಾರಂತೆ. ಗೋವಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕೆ ಪನೋರಾಮದಿಂದ ಆಯ್ಕೆಯಾಗಿರುವ ಏಕೈಕ ಕನ್ನಡ ಸಿನಿಮಾ ರಂಗನಾಯಕಿ. ಚಿತ್ರವನ್ನು ನೋಡಿದವರು ಆಡುತ್ತಿರುವ ಮೆಚ್ಚುಗೆ ಮಾತುಗಳು ದಯಾಳ್ ಅವರಿಗೆ ತೃಪ್ತಿ ಕೊಟ್ಟಿವೆ.

    ಎಸ್.ವಿ.ನಾರಾಯಣ್ ಎಂಟರ್‍ಟೈನ್‍ಮೆಂಟ್ ಬ್ಯಾನರ್‍ನಲ್ಲಿ ಎಸ್.ವಿ.ನಾರಾಯಣ್ ನಿರ್ಮಾಣ ಮಾಡಿರುವ ಚಿತ್ರ ರಂಗನಾಯಕಿ. ಆದಿತಿ ಪ್ರಭುದೇವ ಪ್ರಧಾನ ಪಾತ್ರದಲ್ಲಿದ್ದು, ಜೊತೆಯಲ್ಲಿ ಶ್ರೀನಿ, ತ್ರಿವಿಕ್ರಂ, ಸುಚೇಂದ್ರ ಪ್ರಸಾದ್, ಸಿಹಿಕಹಿ ಚಂದ್ರು, ಸುಂದರ್ ರಾಜ್, ರವಿಭಟ್ ಮೊದಲಾದವರು ನಟಿಸಿದ್ದಾರೆ.

  • ರಂಗನಾಯಕಿ ಹೀರೋ ಯಾರು..?

    who is the hero of ranganayaki ?

    ಇದೇ ವಾರ ರಿಲೀಸ್ ಆಗುತ್ತಿರುವ ರಂಗನಾಯಕಿ ಚಿತ್ರದ ನಾಯಕಿ ಎಲ್ಲರಿಗೂ ಗೊತ್ತಿದೆ. ಆದಿತಿ ಪ್ರಭುದೇವ ಎಂಬ ಸ್ಯಾಂಡಲ್‍ವುಡ್‍ನಲ್ಲಿ ಅರಳುತ್ತಿರುವ ಪ್ರತಿಭೆ ಆದಿತಿ. ವೃತ್ತಿ ಜೀವನದ ಆರಂಭದ ದಿನಗಳಲ್ಲೆ ಸವಾಲಿನ ಪಾತ್ರ ಎದುರಿಸಿದ್ದಾರೆ ಆದಿತಿ. ಅತ್ಯಾಚಾರಕ್ಕೊಳಗಾಗಿ.. ನಂತರ ನ್ಯಾಯಕ್ಕಾಗಿ ಕಾನೂನು ಹೋರಾಟ ಮಾಡುವ ಯುವತಿಯ ಪಾತ್ರ ಆದಿತಿಯದ್ದು. ಇಷ್ಟು ನಾಯಕಿ ಓರಿಯಂಟೆಡ್ ಆಗಿರೋ ಚಿತ್ರದ ಹೀರೋ ಯಾರು..?

    ಟೋಪಿವಾಲಾ, ಬೀರ್‍ಬಲ್, ಶ್ರೀನಿವಾಸ ಕಲ್ಯಾಣ ಚಿತ್ರಗಳನ್ನು ನಿರ್ದೇಶಿಸಿದ್ದ, ನಾಯಕರಾಗಿಯೂ ಗೆದ್ದಿರುವ ಶ್ರೀನಿವಾಸ್, ಈ ಚಿತ್ರದ ಹೀರೋ. ಬೀರ್‍ಬಲ್ ನಂತರ ಮುಂದಿನ ಚಿತ್ರಕ್ಕೆ ರೆಡಿಯಾಗುತ್ತಿದೆ. ಆಗ ದಯಾಳ್ ಈ ಚಿತ್ರದ ಕಥೆ ಹೇಳಿ, ಪಾತ್ರದ ಆಫರ್ ಕೊಟ್ಟರು. ಕಥೆಯೂ ಇಷ್ಟವಾಯ್ತು. ಪಾತ್ರವೂ ಇಷ್ಟವಾಯ್ತು. ಒಂದೊಳ್ಳೆ ಸಂದೇಶ ಹೇಳುವ ಚಿತ್ರ ಮತ್ತು ಪಾತ್ರ ಎಂದಿದ್ದಾರೆ ಶ್ರೀನಿ.

    ತ್ರಿವಿಕ್ರಮ್ ಚಿತ್ರದ ಇನ್ನೊಂದು ಪ್ರಮುಖ ಪಾತ್ರದಲ್ಲಿದ್ದಾರೆ. ಇದೇ ನವೆಂಬರ್ 1ರಂದು ಸಿನಿಮಾ ರಿಲೀಸ್ ಆಗುತ್ತಿದೆ.

  • ರಂಗನಾಯಕಿ.. ಆ ಚಿತ್ರವೂ ಕ್ರಾಂತಿ.. ಈ ಚಿತ್ರವೂ ಕ್ರಾಂತಿ..!!!

    ranganayaki  then and now

    ರಂಗನಾಯಕಿ ಟೈಟಲ್ಲಿನ ಸಿನಿಮಾ ರಾಜ್ಯೋತ್ಸವದ ದಿನ ಪ್ರೇಕ್ಷಕರ ಎದುರು ಬರಲಿದೆ. ಚಿತ್ರದಲ್ಲಿರೋದು ಒಂದು ಕ್ರಾಂತಿಕಾರಕ ಸಬ್ಜೆಕ್ಟ್. ಇಡೀ ಚಿತ್ರ ಅತ್ಯಾಚಾರಕ್ಕೊಳಗಾದ ಹೆಣ್ಣೊಬ್ಬಳು ನ್ಯಾಯಕ್ಕಾಗಿ ನಡೆಸುವ ಕಾನೂನು ಹೋರಾಟ ಹಾಗೂ ಆಕೆ ಸಮಾಜದಲ್ಲಿ ಎದುರಿಸುವ ಸವಾಲುಗಳ ಸುತ್ತ ಇದೆ. ಅದೇ ಆ ರಂಗನಾಯಕಿಯಂತೆ... ಈ ರಂಗನಾಯಕಿಯೂ ಕ್ರಾಂತಿಕಾರಿಯೇ..

    ಆ ರಂಗನಾಯಕಿ ನೆನಪಾಗಿದ್ದು ಈ ಕಾರಣಕ್ಕೆ. ಪುಟ್ಟಣ್ಣ ನಿರ್ದೇಶನದ ಆ ರಂಗನಾಯಕಿಯಲ್ಲಿ ನಾಟಕದ ಕಲಾವಿದೆಯೊಬ್ಬಳು.. ಸಿನಿಮಾ ತಾರೆಯಾಗಿ ಖ್ಯಾತಳಾಗುತ್ತಾಳೆ. ಈ ಹಾದಿಯಲ್ಲಿ ಆಕೆ ತನ್ನ ಪತಿ, ಮಗುವಿಂದ ದೂರವಾಗುತ್ತಾಳೆ. ಖ್ಯಾತಿಯ ಉತ್ತುಂಗದಲ್ಲಿರುವಾಗ ಆಕೆಯನ್ನು ಒಬ್ಬ ಕಾಲೇಜು ಹುಡುಗ ಮೋಹಿಸುತ್ತಾನೆ. ವಿಚಿತ್ರವೆಂದರೆ.. ಆಕೆಯನ್ನು ಮೋಹಿಸುವುದು ಆಕೆಯೇ ಹೆತ್ತ ಮಗ. ತಾಯಿಯೇ ಮಗನನ್ನು ಪ್ರೀತಿಸುವ ಆ ಕಥೆ ಆಗಿನ ಕಾಲಕ್ಕಷ್ಟೇ ಅಲ್ಲ, ಈಗಿನ ಕಾಲಕ್ಕೂ ಕ್ರಾಂತಿಕಾರಕವೇ...

    ಈಗ ದಯಾಳ್ ಪದ್ಮನಾಭನ್ ಕೂಡಾ ಅಂಥದ್ದೇ ಒಂದು ಕ್ರಾಂತಿಕಾರಕ ಸಬ್ಜೆಕ್ಟ್‍ಗೆ ಕೈ ಹಾಕಿದ್ದಾರೆ. ನನ್ನ ಮೇಲೆ ರೇಪ್ ಆಯಿತು ಎಂದು ಹೇಳಿಕೊಳ್ಳುವುದೇ ಅಪಮಾನಕರ ಎನ್ನುವ ಮನಸ್ಥಿತಿ, ಈಗಲೂ ಸಮಾಜದಲ್ಲಿದೆ. ಸಂತ್ರಸ್ತೆಗೆ ಧೈರ್ಯ ಹೇಳುವುದಕ್ಕಿಂತ ಹೆಚ್ಚಾಗಿ ಆಕೆಯನ್ನು ಮಾನಸಿಕವಾಗಿ ಹಿಂಸಿಸುವವರೇ ಹೆಚ್ಚು. ಅಂಥದ್ದರಲ್ಲಿ ಅದನ್ನು ಎದುರಿಸಿ ನಿಲ್ಲುವ ಸಬ್ಜೆಕ್ಟ್ ಹಿಡಿದು ಬಂದಿದ್ದಾರೆ ದಯಾಳ್. ಅದೇ ರಂಗನಾಯಕಿ ಟೈಟಲ್ಲಿನ ಜೊತೆ.

    ಅತ್ಯಾಚಾರದಂತಹ ದೃಶ್ಯದಲ್ಲಿ ನಟಿಸಲು ಹಿಂದೇಟು ಹಾಕುವವರ ನಡುವೆ ಆದಿತಿ ಪ್ರಭುದೇವ.. ಆಗಿನ ರಂಗನಾಯಕಿಯಲ್ಲಿ ಆರತಿ ಮಾಡಿದ್ದಂತಹುದೇ ಧೈರ್ಯ ತೋರಿಸಿದ್ದಾರೆ.

  • ರಂಗನಾಯಕಿಯಲ್ಲೂ ಇದೆಯಾ ನಿರ್ಭಯಾ ಪ್ರಕರಣದ ಭೀಕರತೆ..?

    ranganayaki reminds of delhi's nirbhaya case

    ನಿರ್ಭಯಾ ಪ್ರಕರಣವನ್ನು ಆಧರಿಸಿಯೇ ಸಿದ್ಧವಾದ ಕಾದಂಬರಿ ರಂಗನಾಯಕಿ. ಆ ಕಾದಂಬರಿಯನ್ನೇ ಸಿನಿಮಾ ಆಗಿಸಿದ್ದಾರೆ ನಿರ್ದೇಶಕ ದಯಾಳ್. ಎಸ್.ವಿ.ನಾರಾಯಣ್ ನಿರ್ಮಾಪಕರಾಗಿರುವ ಚಿತ್ರದಲ್ಲಿರೋದು ನಿರ್ಭಯಾ ಪ್ರಕರಣದಂತೆಯೇ ನಡೆಯುವ ಒಂದು ಅತ್ಯಾಚಾರ ಹಾಗೂ ಅದಾದ ಮೇಲೆ ಬದುಕಿದ ಯುವತಿ, ನ್ಯಾಯಕ್ಕಾಗಿ ನಡೆಸುವ ಕಾನೂನು ಹೋರಾಟದ ಕಥೆ. ಚಿತ್ರದಲ್ಲಿ ಆದಿತಿ ಪ್ರಭುದೇವ ನಾಯಕಿ.

    ಚಿತ್ರದ ಬಗ್ಗೆ ಈಗಾಗಲೇ ಮೆಚ್ಚುಗೆ ವ್ಯಕ್ತವಾಗಿದೆ. ಪನೋರಾಮಾಗೂ ಆಯ್ಕೆಯಾಗಿರುವ ಸಿನಿಮಾ ಇದು. ಆದರೆ, ಅತ್ಯಾಚಾರವನ್ನು ಭಯಂಕರವಾಗಿ ತೋರಿಸಿಲ್ಲ ಎನ್ನುತ್ತಿದ್ದರೂ, ಎಲ್ಲರಿಗೂ ಪದೇ ಪದೇ ಕಾಡುತ್ತಿರುವುದು ನಿರ್ಭಯಾ ಪ್ರಕರಣದ ಭೀಕರತೆ.

    ಡಿಸೆಂಬರ್ 16, 2012ರಲ್ಲಿ ನಡೆದಿದ್ದ ಪ್ರಕರಣ ಅದು. ವೈದ್ಯ ವಿದ್ಯಾರ್ಥಿನಿ ಜ್ಯೋತಿ ಸಿಂಗ್ ಎಂಬ ಯುವತಿಯ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆದಿತ್ತು. ಆಕೆಯ ಹೆಸರನ್ನು ನಿರ್ಭಯಾ ಎಂದೇ ಕರೆಯಲಾಯಿತಾದರೂ, ಕೆಲವು ವರ್ಷಗಳ ನಂತರ ಆಕೆಯ ತಾಯಿಯೇ ತಮ್ಮ ಮಗಳ ಹೆಸರನ್ನು ಹೇಳೋಕೆ ಭಯವಿಲ್ಲ ಎಂದಿದ್ದರು. ಇಷ್ಟಾದರೂ ಇಡೀ ಪ್ರಕರಣ ನೆನಪಾಗಿರುವುದು ನಿರ್ಭಯಾ ಕೇಸ್ ಎಂದೇ.

    ದೆಹಲಿಯಲ್ಲಿ ಚಲಿಸುತ್ತಿದ್ದ ಬಸ್ಸಿನಲ್ಲಿ 6 ಮಂದಿ ಕಿರಾತಕರು ನಿರ್ಭಯಾ ಮೇಲೆ ಅತ್ಯಾಚಾರ ಎಸಗಿದ್ದರು. ಅತ್ಯಂತ ದಾರುಣವಾಗಿ ಗುಪ್ತಾಂಗಕ್ಕೆ ಸರಳುಗಳನ್ನು ಚುಚ್ಚಿ, ಮೈಕೈಯನ್ನೆಲ್ಲ ಕಚ್ಚಿ ಭೀಕರಾಗಿ ರೇಪ್ ಮಾಡಿದ್ದರು. ನಂತರ ಆಕೆಯನ್ನು ರಸ್ತೆಯಲ್ಲಿಯೇ ಬೆತ್ತಲೆಯಾಗಿ ಎಸೆದು ಹೋಗಿದ್ದರು. ಸತತ 13 ದಿನ ಆಸ್ಪತ್ರೆಯಲ್ಲಿ ನರಳಿದ ಯುವತಿ, ಕೊನೆಗೆ ಪ್ರಾಣಬಿಟ್ಟರು. ಆಗ ಅದು ಇಡೀ ದೇಶದಲ್ಲೇ ಸಂಚಲನ ಮೂಡಿಸಿದ್ದ ಪ್ರಕರಣ.

    ಆ ಕಥೆಯಲ್ಲಿ ಆಕೆಯೇನೋ ಸತ್ತಳು. ಅಕಸ್ಮಾತ್ ಬದುಕಿದ್ದರೆ.. ಕಾನೂನಿನಲ್ಲಿ ನ್ಯಾಯಕ್ಕಾಗಿ ಹೋರಾಡಲು ಮುಂದಾಗಿದ್ದರೆ.. ಆ ಕಲ್ಪನೆಯೇ ರಂಗನಾಯಕಿ.

  • ರಾಜ್ಯೋತ್ಸವಕ್ಕೆ ರಂಗನಾಯಕಿ

    ranganayak for rajyotsava

    ದಯಾಳ್ ಪದ್ಮನಾಭನ್ ನಿರ್ದೇಶನದ ಹೊಸ ಸಿನಿಮಾ ರಂಗನಾಯಕಿ. ಇದೇ ನವೆಂಬರ್ 1ಕ್ಕೆ ತೆರೆ ಮೇಲೆ ಬರುತ್ತಿದೆ. ಈಗಾಗಲೇ ಭಾರತೀಯ ಪನೋರಮಾಗೆ ಆಯ್ಕೆಯಾಗಿ ಮೊದಲ ಮೆಚ್ಚುಗೆ ಗಳಿಸಿರುವ ಚಿತ್ರವಿದು. ಅಂದಹಾಗೆ ಇದು ಕಾದಂಬರಿ ಆಧರಿತ ಸಿನಿಮಾ. ದಯಾಳ್ ಅವರು ಮೊದಲು ಕಾದಂಬರಿ ಬರೆದು, ನಂತರ ಅದನ್ನೇ ಸಿನಿಮಾ ರೂಪಕ್ಕಿಳಿಸಿದ್ದಾರೆ.

    ದೆಹಲಿಯಲ್ಲಿ ನಡೆದ ನಿರ್ಭಯಾ ಪ್ರಕರಣವೇ ಚಿತ್ರದ ಕಥೆಗೆ ಸ್ಫೂರ್ತಿ. ಅಕಸ್ಮಾತ್ ನಿರ್ಭಯಾ ಆ ದುರಂತದ ನಂತರ ಬದುಕಿದ್ದರೆ, ನ್ಯಾಯಕ್ಕಾಗಿ ಹೋರಾಡುವ ಮನಸ್ಸು ಮಾಡಿದ್ದರೆ ಆಕೆ ಏನೇನೆಲ್ಲ ಸವಾಲು ಎದುರಿಸಬೇಕಾಗಿತ್ತು ಎನ್ನುವುದರ ಸುತ್ತವೇ ಚಿತ್ರದ ಕಥೆ ಇದೆ ಎನ್ನುತ್ತಾಳೆ ದಯಾಳ್.

    ಶ್ಯಾನೆ ಟಾಪಾಗವ್ಳೆ ಹಾಡಿನ ಮೂಲಕ ಕರ್ನಾಟಕದ ಮನೆ ಮಾತಾದ ಆದಿತಿ ಪ್ರಭುದೇವ ಈ ಚಿತ್ರದಲ್ಲಿ ಮೆಚ್ಯೂರ್ಡ್ ಲುಕ್‍ನಲ್ಲಿ ಗಮನ ಸೆಳೆಯುತ್ತಿದ್ದಾರೆ. ಎಸ್.ವಿ. ನಾರಾಯಣ್ ಚಿತ್ರದ ನಿರ್ಮಾಪಕ. ಶ್ರೀನಿ, ತ್ರಿವಿಕ್ರಮ್ ಚಿತ್ರದ ಮುಖ್ಯ ತಾರಾಬಳಗದಲ್ಲಿದ್ದಾರೆ.

  • ಶ್ಯಾನೆ ಟಾಪ್ ಹುಡುಗಿ ಆದಿತಿ ನಿಶ್ಚಿತಾರ್ಥ

    ಶ್ಯಾನೆ ಟಾಪ್ ಹುಡುಗಿ ಆದಿತಿ ನಿಶ್ಚಿತಾರ್ಥ

    ನಟಿ ಆದಿತಿ ಪ್ರಭುದೇವ ಮದುವೆಯಾಗುತ್ತಿದ್ದಾರೆ. ಈಗಾಗಲೇ ನಿಶ್ಚಿತಾರ್ಥವೂ ಆಗಿ ಹೋಗಿದೆ. ಹುಡುಗನ ಹೆಸರು ಯಶಸ್. ರೈತ. ಕಾಫಿ ಪ್ಲಾಂಟರ್. ಚಿಕ್ಕಮಗಳೂರಿನ ಈ ಹುಡುಗನ ಜೊತೆ ಲವ್ ಆಗಿದೆ. ಕೆಲವೇ ದಿನಗಳ ಹಿಂದೆ ನಿಶ್ಚಿತಾರ್ಥವೂ ಆಗಿ ಹೋಗಿದೆ. ಮದುವೆ ಈಗಲ್ಲ. ಅದನ್ನು ದೊಡ್ಡ ಮಟ್ಟದಲ್ಲಿ ಸಂಭ್ರಮದಿಂದ ಮಾಡಿಕೊಳ್ತೇವೆ ಎಂದಿದ್ದಾರೆ ಆದಿತಿ.

    ಕಿರುತೆರೆಯಲ್ಲಿ ಗುಂಡ್ಯಾನ್ ಮದುವೆ ಮತ್ತು ನಾಗಕನ್ನಿಕೆಯಾಗಿ ಪರಿಚಿತರಾದ ಆದಿತಿ ನಂತರ ಧೈರ್ಯಂ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಎಂಟ್ರಿ ಕೊಟ್ಟರು. ಬಜಾರ್, ಸಿಂಗ, ಬ್ರಹ್ಮಚಾರಿ, ಆನ.. ಚಿತ್ರಗಳು ರಿಲೀಸ್ ಆಗಿವೆ. ರಿಲೀಸ್ ಆಗಬೇಕಿರುವ ಚಿತ್ರಗಳ ದೊಡ್ಡ ಪಟ್ಟಿಯೇ ಇದೆ. ಒಂಭತ್ತನೇ ದಿಕ್ಕು, ತೋತಾಪುರಿ ಭಾಗ 1 & 2, ಗಜಾನನ & ಗ್ಯಾಂಗ್, ಓಲ್ಡ್ ಮಾಂಕ್, ತ್ರಿಬಲ್ ರೈಡಿಂಗ್, ಅಂದೊಂದಿತ್ತು ಕಾಲ, ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ, ಮಾಫಿಯಾ.. ಹೀಗೆ ಹಲವು ಚಿತ್ರಗಳಿವೆ.

  • ಸತೀಶ್ ಮ್ಯಾಟ್ನಿಗೆ ಡಿಂಪಲ್ ಜೊತೆ ಟಾಪ್ ಸುಂದ್ರೀನೂ ಎಂಟ್ರಿ

    ಸತೀಶ್ ಮ್ಯಾಟ್ನಿಗೆ ಡಿಂಪಲ್ ಜೊತೆ ಟಾಪ್ ಸುಂದ್ರೀನೂ ಎಂಟ್ರಿ

    ನೀನಾಸಂ ಸತೀಶ್ ಅಭಿನಯದ ಮ್ಯಾಟ್ನಿ ಚಿತ್ರದಲ್ಲಿ ಹೀರೋಯಿನ್ ಆಗಿ ನಟಿಸುತ್ತಿರೋದು ರಚಿತಾ ರಾಮ್. ಅಯೋಗ್ಯ ಸಕ್ಸಸ್ ನಂತರ ಮತ್ತೊಮ್ಮೆ ಒಂದಾಗಿರೋ ಜೋಡಿ. ಚಿತ್ರ ಶುರುವಾದಾಗಲೇ ಇನ್ನೊಬ್ಬ ಹೀರೋಯಿನ್ ಬರುತ್ತಾರೆ ಎಂದಿದ್ದ ನಿರ್ದೇಶಕ ಮನೋಹರ್ ಕಾಂಪಳ್ಳಿ ಚಿತ್ರಕ್ಕೆ ಕರೆತಂದಿರೋದು ಬ್ರಹ್ಮಚಾರಿ ಸುಂದರಿ ಆದಿತಿ ಪ್ರಭುದೇವ ಅವರನ್ನ.

    ರಚಿತಾ ಮತ್ತು ಆದಿತಿ ಇಬ್ಬರಿಗೂ ಇದು ಸತೀಶ್ ಜೊತೆ 2ನೇ ಸಿನಿಮಾ. ಮೊದಲ ಚಿತ್ರಗಳು ಸಕ್ಸಸ್ ಆಗಿವೆ. ಹೀಗಾಗಿ ಮೂರೂ ಜನ ಒಟ್ಟಿಗೇ ನಟಿಸುತ್ತಿರೋ ಚಿತ್ರವೂ ಯಶಸ್ವಿಯಾಗಲಿದೆ ಅನ್ನೋದು ಚಿತ್ರತಂಡದ ನಂಬಿಕೆ.

    ಚಿತ್ರದಲ್ಲಿ ಆದಿತಿ ಮೆಡಿಕಲ್ ಸ್ಟೂಡೆಂಟ್ ಆಗಿ ನಟಿಸುತ್ತಿದ್ದಾರಂತೆ. ಚೈತ್ರಾ ಅನ್ನೋದು ಅವರ ಪಾತ್ರದ ಹೆಸರು. ಪಾರ್ವತಿ ಎಂಬುವವರು ನಿರ್ಮಾಣ ಮಾಡುತ್ತಿರೋ ಮ್ಯಾಟ್ನಿ ಚಿತ್ರದಲ್ಲಿ ಡಾರ್ಕ್ ಕಾಮಿಡಿ ಕಥೆಯಿದ್ದು, ಲವ್ ಮತ್ತು ಥ್ರಿಲ್ಲರ್ ಅಂಶಗಳೂ ಚಿತ್ರದಲ್ಲಿವೆಯಂತೆ.

  • ಸೂಪರ್ ವುಮೆನ್ ಫಸ್ಟ್ ಲುಕ್ ಲೀಕ್ ಆಗಿದ್ದು ಹೇಗೆ..?

    ಸೂಪರ್ ವುಮೆನ್ ಫಸ್ಟ್ ಲುಕ್ ಲೀಕ್ ಆಗಿದ್ದು ಹೇಗೆ..?

    ಕನ್ನಡದಲ್ಲಿ ಸೂಪರ್ ಮ್ಯಾನ್ ಸಬ್ಜೆಕ್ಟ್ ಸಿನಿಮಾಗಳೇ ಇಲ್ಲ. ಹೀಗಿರುವಾಗ ಇದೇ ಮೊದಲ ಬಾರಿಗೆ ಸೂಪರ್ ವುಮೆನ್ ಕ್ಯಾರೆಕ್ಟರ್ ಇಟ್ಟುಕೊಂಡು ಸಿನಿಮಾ ಬರುತ್ತಿದೆ. ಆದಿತಿ ಪ್ರಭುದೇವ ಸೂಪರ್ ವುಮೆನ್ ಕ್ಯಾರೆಕ್ಟರ್‍ನಲ್ಲಿ ನಟಿಸುತ್ತಿರುವ ಚಿತ್ರ ಆನ.

    ಆದರೆ, ವಂಡರ್ ವುಮೆನ್ ಗೆಟಪ್‍ನಲ್ಲಿರೋ ಆದಿತಿ ಪ್ರಭುದೇವ ಅವರ ಗೆಟಪ್, ಸೆಟ್‍ನಿಂದಲೇ ಲೀಕ್ ಆಗಿದೆ. ಫಸ್ಟ್ ಲುಕ್ ರಿವೀಲ್ ಮಾಡಲು ಮಾರ್ಚ್ 24ರ ಮುಹೂರ್ತ ಫಿಕ್ಸ್ ಮಾಡಿತ್ತು ಚಿತ್ರತಂಡ.

    ಇತ್ತೀಚೆಗೆ ಕೆಜಿಎಫ್ ಚಾಪ್ಟರ್ 2 ಟೀಸರ್‍ಗೂ ಇದೇ ಗತಿಯಾಗಿತ್ತು. ಯಶ್ ಹುಟ್ಟುಹಬ್ಬಕ್ಕೆಂದೇ ಸಿದ್ಧ ಮಾಡಿದ್ದ ಟೀಸರ್‍ನ್ನು ಯಾರೋ ಲೀಕ್ ಮಾಡಿದ ಕಾರಣ, ಒಂದು ದಿನ ಮೊದಲೇ ಟೀಸರ್ ಹೊರಬಿಟ್ಟಿತ್ತು ಕೆಜಿಎಫ್ ಟೀಂ. ತಮ್ಮ ಚಿತ್ರದ ಫಸ್ಟ್ ಲುಕ್ ಲೀಕ್ ಲೀಕ್ ಆಗಿರುವುದಕ್ಕೆ ಬೇಸರ ತೋಡಿಕೊಂಡಿದ್ದಾರೆ ಆದಿತಿ ಪ್ರಭುದೇವ.

  • ಸೆ.9ಕ್ಕೆ ಜಮಾಲಿಗುಡ್ಡ : ಡಾಲಿ, ಆದಿತಿ ಲವ್ ಸ್ಟೋರಿ

    ಸೆ.9ಕ್ಕೆ ಜಮಾಲಿಗುಡ್ಡ : ಡಾಲಿ, ಆದಿತಿ ಲವ್ ಸ್ಟೋರಿ

    ಡಾಲಿ ಧನಂಜಯ್ ಮತ್ತು ಆದಿತಿ ಪ್ರಭುದೇವ ಒಟ್ಟಿಗೇ ನಟಿಸಿರುವ ಮೊದಲ ಸಿನಿಮಾ ಒನ್ಸ್ ಅಪಾನ್ ಎ ಟೈಂ ಇನ್ ಜಮಾಲಿಗುಡ್ಡ. ಸೆಪ್ಟೆಂಬರ್ 9ಕ್ಕೆ ರಿಲೀಸ್ ಆಗುತ್ತಿದೆ.

    ಕುಶಾಲ್ ಗೌಡ ನಿರ್ದೇಶನದ ಚಿತ್ರವಿದು.

    ಬಾಬಾ ಬುಡನ್‍ಗಿರಿ, ಕುದುರೆಮುಖ, ಚಿಕ್ಕಮಗಳೂರಿನಲ್ಲೆ ಹೆಚ್ಚು ಚಿತ್ರೀಕರಣಗೊಂಡಿರುವ ಚಿತ್ರದಲ್ಲಿ ವಿಭಿನ್ನ ಕಥೆಯಂತೂ ಇದೆ. ಡಾಲಿ ಬಾರ್ ಸಪ್ಲೈಯರ್ ಪಾತ್ರದಲ್ಲಿದ್ದರೆ, ಆದಿತಿ ಮಸಾಜ್ ಪಾರ್ಲರ್‍ನಲ್ಲಿ ಕೆಲಸ ಮಾಡೋ ಹುಡುಗಿಯ ಪಾತ್ರ ಮಾಡಿದ್ದಾರೆ. ಇವರಿಬ್ಬರ ಮಧ್ಯೆ ಪ್ರೀತಿಯಾಗುತ್ತದೆ. ಚಿತ್ರದ ಮೊದಲ ಪೋಸ್ಟರ್‍ನಲ್ಲಿ ಡಾಲಿ ಪುಟ್ಟ ಮಗುವಿನ ಜೊತೆ ಕುಳಿತಿರುವ ಪೊಸ್ಟರ್ ತೋರಿಸಿದ್ದರು. ಹಾಗಾದರೆ.. ಕಥೆ ಏನು..? ಆ ಕುತೂಹಲಕ್ಕೆ ಉತ್ತರ ಸೆಪ್ಟೆಂಬರ್ 9ಕ್ಕೆ ದೊರೆಯಲಿದೆ.

    ನಟಿ ಭಾವನಾ ರಾಮಣ್ಣ ಈ ಚಿತ್ರದ ಮೂಲಕ ಕಮ್‍ಬ್ಯಾಕ್ ಮಾಡುತ್ತಿರೋದು ವಿಶೇಷ. ತ್ರಿವೇಣಿ ರಾವ್, ಪ್ರಕಾಶ್ ಬೆಳವಾಡಿ, ಯಶ್ವಂತ್ ಶೆಟ್ಟಿ ಮೊದಲಾದವರು ನಟಿಸಿರೊ ಚಿತ್ರಕ್ಕೆ ಶ್ರೀಹರಿ ನಿರ್ಮಾಪಕರು.

  • ಹಿರೋಷಿಮಾ.. ನಾಗಸಾಕಿ.. : ಜಮಾಲಿಗುಡ್ಡದಲ್ಲಿ 2ನೇ ವಿಶ್ವಯುದ್ಧದ ದುರಂತ ನಗರ ನೆನಪಾಗಿದ್ಯಾಕೆ?

    ಹಿರೋಷಿಮಾ.. ನಾಗಸಾಕಿ.. : ಜಮಾಲಿಗುಡ್ಡದಲ್ಲಿ 2ನೇ ವಿಶ್ವಯುದ್ಧದ ದುರಂತ ನಗರ ನೆನಪಾಗಿದ್ಯಾಕೆ?

    ಹಿರೋಷಿಮಾ ಮತ್ತು ನಾಗಸಾಕಿ. ಈ ಎರಡೂ ಹೆಸರನ್ನು ಜಗತ್ತು ಮರೆಯುವಂತೆಯೇ ಇಲ್ಲ. ಅಮೆರಿಕ ಸೃಷ್ಟಿಸಿದ್ದ ವಿಧ್ವಂಸಕ ಪರಮಾಣು ಬಾಂಬ್ ಪ್ರಯೋಗಕ್ಕೆ ಬಲಿಯಾದ ಜಪಾನ್‍ನ ನಗರಗಳಿವು. ಆ ದುರಂತದ ತೀವ್ರತೆ.. ಭಯಾನಕತೆ.. ಈಗ ನೋಡಿದರೂ ಎದೆ ನಡುಗುತ್ತದೆ. ಆದರೆ.. ಜಮಾಲಿಗುಡ್ಡದಲ್ಲಿ ಹಾಗಾಗಿಲ್ಲ. ಅವು ಪಾತ್ರಗಳಾಗಿ ಬಂದಿವೆ.

    ಹೀರೋ ಡಾಲಿ ಧನಂಜಯ್ ಹಿರೋಷಿಮಾ ಅಂತೆ. ವಿಲನ್ ಯಶ್ ಶೆಟ್ಟಿ ನಾಗಸಾಕಿಯಂತೆ. ಅವರಿಬ್ಬರೂ ಖೈದಿಗಳೇ ಇರಬೇಕು ಅನ್ನೋ ಅರ್ಥ ಡಾಲಿಯ ಸ್ಟೇಟ್`ಮೆಂಟ್`ನಲ್ಲಿದೆ. ಅವಳಿ ಖೈದಿಗಳು ಅವಳಿ ನಗರಗಳ ಹೆಸರಲ್ಲಿ ಅಂದಿದ್ದಾರೆ ಡಾಲಿ.

    ಡಾಲಿ ಜಮಾಲಿಗುಡ್ಡ ಒನ್ಸ್ ಅಪಾನ್ ಎ ಟೈಂ ಚಿತ್ರದಲ್ಲಿ ಬಾರ್ ಸಪ್ಲೈಯರ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಆದಿತಿ ಪ್ರಭುದೇವ ಹೀರೋಯಿನ್. ಕುಶಾಲ್ ಗೌಡ ನಿರ್ದೇಶನದ ಚಿತ್ರಕ್ಕೆ ಶ್ರೀಹರಿ ನಿರ್ಮಾಪಕರು.