` abishek ambareesh, - chitraloka.com | Kannada Movie News, Reviews | Image

abishek ambareesh,

  • ಬ್ಯಾಡ್ ಮ್ಯಾನರ್ಸ್ ಅಭಿಷೇಕ್ ಲುಕ್ ಹೊರಬಿತ್ತು

    ಬ್ಯಾಡ್ ಮ್ಯಾನರ್ಸ್ ಅಭಿಷೇಕ್ ಲುಕ್ ಹೊರಬಿತ್ತು

    ಬ್ಯಾಡ್ ಮ್ಯಾನರ್ಸ್ ಚಿತ್ರದಲ್ಲಿ ಅಭಿಷೇಕ್ ಅಂಬರೀಷ್ ಅವರ ಲುಕ್ ಹೊರಬಿದ್ದಿದೆ. ಪಾತ್ರದ ಸೀಕ್ರೆಟ್ ಕೂಡಾ ಹೊರಗಿಟ್ಟಿದ್ದಾರೆ ಡೈರೆಕ್ಟರ್ ಸೂರಿ. ಚಿತ್ರದ ಪೋಸ್ಟರ್ ರಿಲೀಸ್ ಆದಾಗ ಅಭಿಷೇಕ್ ಅವರನ್ನು ಖೈದಿಯ ಲುಕ್‍ನಲ್ಲಿ ತೋರಿಸಲಾಗಿತ್ತು. ಈಗ ಹೊರಬಿಟ್ಟಿರೋ ಸ್ನೀಕ್‍ಪೀಕ್‍ನಲ್ಲಿ ಅಭಿಷೇಕ್ ಪೊಲೀಸ್ ಯುನಿಫಾರ್ಮಲ್ಲಿ ಕಾಣಿಸಿಕೊಂಡಿದ್ದಾರೆ.

    ಅಭಿಷೇಕ್ ಅಂಬರೀಷ್ ಹುಟ್ಟುಹಬ್ಬಕ್ಕಾಗಿ ಚಿತ್ರ ತಂಡ ನೀಡಿರುವ ಸ್ಪೆಷಲ್ ಕಾಣಿಕೆ ಇದು. ಅಮರ್ ಚಿತ್ರದಲ್ಲಿ ಲವರ್ ಬಾಯ್ ಆಗಿದ್ದ ಅಭಿಷೇಕ್, ಇಲ್ಲಿ ಫುಲ್ ಆ್ಯಕ್ಷನ್ ಮೋಡ್‍ನಲ್ಲಿದ್ದಾರೆ. ಸೂರಿ ನಿರ್ದೇಶನದ ಚಿತ್ರಕ್ಕೆ ಸುಧೀರ್ ಕೆ.ಎಂ. ನಿರ್ಮಾಪಕರು.

  • ಬ್ಯಾಡ್ ಮ್ಯಾನರ್ಸ್ ಆಡಿಯೋ ರೈಟ್ಸ್ 1 ಕೋಟಿಗೆ ಸೇಲ್

    ಬ್ಯಾಡ್ ಮ್ಯಾನರ್ಸ್ ಆಡಿಯೋ ರೈಟ್ಸ್ 1 ಕೋಟಿಗೆ ಸೇಲ್

    ದುನಿಯಾ ಸೂರಿ ನಿರ್ದೇಶನದಲ್ಲಿ ಅಭಿಷೇಕ್ ಅಂಬರೀಷ್ ನಟಿಸುತ್ತಿರೋ ಸಿನಿಮಾ ಬ್ಯಾಡ್ ಮ್ಯಾನರ್ಸ್. ಸೂರಿ ನಿರ್ದೇಶನದ ಚಿತ್ರದಲ್ಲಿ ಅಭಿಷೇಕ್ ಸಖತ್ ರಗಡ್ ಆಗಿ ಕಾಣಿಸಿಕೊಂಡಿದ್ದಾರೆ. ಅಮರ್ ಚಿತ್ರದಲ್ಲಿ ಲವರ್ ಬಾಯ್ ಆಗಿದ್ದ ಅಭಿಷೇಕ್ ಲುಕ್ ಮತ್ತು ಸ್ಟೈಲ್ ಕಂಪ್ಲೀಟ್ ಚೇಂಜ್ ಆಗಿರುವ ಚಿತ್ರ ಬ್ಯಾಡ್ ಮ್ಯಾನರ್ಸ್.

    ಅಭಿಷೇಕ್ ಎದುರು ರಚಿತಾ ರಾಮ್ ಹಾಗೂ ಪ್ರಿಯಾಂಕಾ ಮನೋಹರ್ ನಾಯಕಿಯರಾಗಿದ್ದಾರೆ. ಚಿತ್ರಕ್ಕೆ ಚರಣ್ ರಾಜ್ ಮ್ಯೂಸಿಕ್ ಡೈರೆಕ್ಟರ್. ಸುಧೀರ್ ಕೆ.ಎಂ. ನಿರ್ಮಾಣದ ಚಿತ್ರದ ಆಡಿಯೋ ರೈಟ್ಸ್ ಒಳ್ಳೆಯ ಮೊತ್ತಕ್ಕೆ ಸೇಲ್ ಆಗಿವೆ.

    ಆನಂದ್ ಆಡಿಯೋ ಚಿತ್ರದ ಆಡಿಯೋ ಹಕ್ಕುಗಳನ್ನು ಬರೋಬ್ಬರಿ 1 ಕೋಟಿಗೆ ಖರೀದಿಸಿದೆ. ಚರಣ್ ರಾಜ್ ಖುಷ್ ಹುವಾ. ಸೂರಿ ಖುಷ್ ಹುವಾ. ಅಭಿಷೇಕ್ ಖುಷ್ ಹುವಾ. ಸುಧೀರ್ ಕೆ.ಎಂ. ಖುಷ್ ಹುವಾ.

  • ಬ್ಯಾಡ್ ಮ್ಯಾನರ್ಸ್ ಶೂಟಿಂಗ್ ಕಂಪ್ಲೀಟ್

    ಬ್ಯಾಡ್ ಮ್ಯಾನರ್ಸ್ ಶೂಟಿಂಗ್ ಕಂಪ್ಲೀಟ್

    ಅಭಿಷೇಕ್ ಅಂಬರೀಷ್ ನಟಿಸುತ್ತಿರ ದುನಿಯಾ ಸೂರಿ ನಿರ್ದೇಶನದ ಸಿನಿಮಾ ಬ್ಯಾಡ್ ಮ್ಯಾನರ್ಸ್. ಇದೇ ಮಒದಲ ಬಾರಿಗೆ ಸೂರಿ ಚಿತ್ರದಲ್ಲಿ ರಚಿತಾ ರಾಮ್ ನಟಿಸುತ್ತಿದ್ದಾರೆ. ಅಮರ್ ಚಿತ್ರದಲ್ಲಿ ಲವರ್ ಬಾಯ್ ಆಗಿದ್ದ ಅಭಿಷೇಕ್, ಸೂರಿ ಚಿತ್ರದಲ್ಲಿ ರಫ್ & ಟಫ್ ಕಾಪ್ ಆಗಿದ್ದಾರೆ. ಹೆಸರು ರುದ್ರ. ಪ್ರಿಯಾಂಕಾ ಕುಮಾರ್ ಚಿತ್ರದ ಇನ್ನೊಬ್ಬ ನಾಯಕಿ. ಅಭಿಷೇಕ್ ಈ ಚಿತ್ರದೊಂದಿಗೆ ಭರ್ಜರಿ ಗೆಲುವಿನ ಕನಸು ಕಾಣುತ್ತಿದ್ದು, ಚಿತ್ರದ ಚಿತ್ರೀಕರಣ ಈಗ ಮುಕ್ತಾಯವಾಗಿದೆ.

    ಸುಧೀರ್ ಕೆ.ಎಂ. ನಿರ್ಮಾಣದ ಚಿತ್ರ ಫೆಬ್ರವರಿ 16ಕ್ಕೆ ರಿಲೀಸ್ ಆಗುವ ಸಾಧ್ಯತೆ ಇದೆ ಎನ್ನಲಾಗಿದೆ. ಸೂರಿ ಚಿತ್ರಕ್ಕೆ ಮಾಸ್ತಿ ಕಥೆ-ಚಿತ್ರಕಥೆ-ಸಂಭಾಷಣೆ ಬರೆದಿದ್ದು ಟಗರು ಮ್ಯಾಜಿಕ್ ರಿಪೀಟ್ ಆಗುವ ನಿರೀಕ್ಷೆ ಚಿತ್ರತಂಡದಲ್ಲಿದೆ. ತಾರಾ, ದತ್ತಣ್ಣ, ಶರತ್ ಲೋಹಿತಾಶ್ವ, ಕುರಿ ಪ್ರತಾಪ್ ಮೊದಲಾದ ಅನುಭವಿ ಕಲಾವಿದರೂ ಚಿತ್ರದಲ್ಲಿದ್ದಾರೆ. ಚರಣ್ ರಾಜ್ ಮ್ಯೂಸಿಕ್ ಜೊತೆಗೆ ಸೂರಿಯ ರಾ ಸ್ಟೈಲ್ ಮೇಕಿಂಗ್, ಕತ್ತಲು ಬೆಳಕಿನ ಆಟ, ಚಿತ್ರ ವಿಚಿತ್ರ ಪಾತ್ರಗಳು, ಕ್ರೌರ್ಯದ ಜೊತೆ ಜೊತೆಯಲ್ಲೇ ಪ್ರೀತಿಯ ಸೆಳಕು ನೀಡುವ ಸೂರಿ ಸ್ಟೈಲ್ ವಿಜೃಂಭಿಸಲಿದೆ.

  • ಭೂಗತ ಜಗತ್ತಿನಲ್ಲಿ ಅಭಿಷೇಕ್ ಅಂಬರೀಷ್

    abishek amavareesh as underworld don in his next film

    ಅಮರ್ ಚಿತ್ರದಲ್ಲಿ ಲವ್ವರ್ ಬಾಯ್ ಆಗಿ, ಪ್ರೇಮ ವಿರಹಿಯಾಗಿ ಗಮನ ಸೆಳೆದ ಅಭಿಷೇಕ್ ಅಂಬರೀಷ್ ಈಗ 2ನೇ ಚಿತ್ರದಲ್ಲಿ ಭೂಗತ ದೊರೆಯಾಗುತ್ತಿದ್ದಾರೆ. ಇದು ಪಕ್ಕಾ ಆ್ಯಕ್ಷನ್ ಮೂವಿ. ಪ್ರಶಾಂತ್ ರಾಜ್ ನಿರ್ದೇಶನದಲ್ಲಿ ಈ ಚಿತ್ರ ರೆಡಿಯಾಗಲಿದೆ.

    ಡ್ರಗ್ಸ್ ಮತ್ತು ಮಾನವ ಕಳ್ಳಸಾಗಣೆಯ ಕಥೆ ಚಿತ್ರದಲ್ಲಿದೆ. ಜರ್ಮನಿ, ಇಟಲಿ, ಸ್ವಿಟ್ಜರ್ಲೆಂಡ್, ಅಬುದಾಭಿ, ಮಲೇಷ್ಯಾಗಳಲ್ಲಿ ಶೂಟಿಂಗ್ ನಡೆಯಲಿದೆ ಎಂದು ಮಾಹಿತಿ ನೀಡಿರುವ ನಿರ್ದೇಶಕ ಪ್ರಶಾಂತ್ ರಾಜ್, ಸದ್ಯಕ್ಕೆ ಚೆನ್ನೆöÊನಲ್ಲಿದ್ದಾರೆ. ಟೆಕ್ನಿಷಿಯನ್ನುಗಳ ಜೊತೆ ಮಾತುಕತೆ ನಡೆಸುತ್ತಿದ್ದಾರೆ. 

  • ಮುನಿರತ್ನ ಚಿತ್ರದಲ್ಲಿ ಅಣ್ಣ ತಮ್ಮ ಫಿಕ್ಸ್

    darshan abishek ambareesh in muniratna's next

    ಅಣ್ಣ ದರ್ಶನ್ ಮತ್ತು ತಮ್ಮ ಅಭಿಷೇಕ್ ಅಂಬರೀಷ್ ಒಂದೇ ಚಿತ್ರದಲ್ಲಿ ನಟಿಸುವುದು ಪಕ್ಕಾ ಆಗಿದೆ. ಅಭಿಷೇಕ್ ಅಭಿನಯದ ಮೊದಲ ಚಿತ್ರದಲ್ಲಿಯೇ ಅತಿಥಿ ನಟನಾಗಿ ಬಂದು ತಮ್ಮನಿಗೆ ಶುಭ ಕೋರಿದ್ದ ದರ್ಶನ್, ಮತ್ತೊಮ್ಮೆ ಅಭಿಷೇಕ್ ಜೊತೆ ನಟಿಸಲಿದ್ದಾರೆ. ಆ ಚಿತ್ರಕ್ಕೆ ನಿರ್ಮಾಪಕ ಮುನಿರತ್ನ.

    ವಿಂಗ್ ಕಮಾಂಡರ್ ಅಭಿನಂದನ್ ಆಗಿ ದರ್ಶನ್ ನಟಿಸಲಿರುವ ಚಿತ್ರವದು. ಆ ಚಿತ್ರದಲ್ಲಿ ಅಭಿಷೇಕ್ ಕೂಡಾ ಇರುತ್ತಾರೆ. ಕಥೆಯ ಎಳೆ ಫೈನಲ್ ಆಗಿದ್ದು, ಕೆಲವೇ ದಿನಗಳಲ್ಲಿ ಚಿತ್ರ ಶುರುವಾಗಲಿದೆ. ಚಿತ್ರದ ಟೈಟಲ್ ವಿಂಗ್ ಕಮಾಂಡರ್ ಅಭಿನಂದನ್. ಕುರುಕ್ಷೇತ್ರ 100ನೇ ದಿನದ ಸಂಭ್ರಮದಲ್ಲಿ ಮುನಿರತ್ನ ಈ ವಿಷಯ ಹೇಳಿಕೊಂಡಿದ್ದಾರೆ.

  • ಮೇ END.. ಅಂಬರೀಷ್ ಫ್ಯಾಮಿಲಿ ವಾರ

    may month will be ambareesh family week

    ಮೇ 29, ಅಂಬರೀಷ್ ಹುಟ್ಟುಹಬ್ಬ. ಆ ದಿನ ಅಂಬರೀಷ್‍ರನ್ನು ಸ್ಟಾರ್ ಮಾಡಿದ ಸಿನಿಮಾ ಅಂತ ಮರುಬಿಡುಗಡೆ.

    ಮೇ 24, ಸುಮಲತಾ ಅಂಬರೀಷ್ ಅಭಿನಯದ ಡಾಟರ್ ಆಫ್ ಪಾರ್ವತಮ್ಮ ಬಿಡುಗಡೆ. 

    ಮೇ 31, ಅಭಿಷೇಕ್ ಅಂಬರೀಷ್ ಅಭಿನಯದ ಮೊದಲ ಸಿನಿಮಾ ಅಮರ್ ಬಿಡುಗಡೆ. ಅಫ್‍ಕೋರ್ಸ್, ಅದೇ ಚಿತ್ರದಲ್ಲಿ ದರ್ಶನ್ ಕೂಡಾ ಅತಿಥಿ ನಟ. ತಮ್ಮನಿಗಾಗಿ.

    ಅಂಬರೀಷ್ ಇಲ್ಲದೇ ಆಚರಿಸಲಾಗುತ್ತಿರುವ ಮೊದಲ ಹುಟ್ಟುಹಬ್ಬಕ್ಕೆ ಅವರ ಇಡೀ ಕುಟುಂಬವೇ ತೆರೆಯ ಮೇಲೆ ರಾರಾಜಿಸಲಿದೆ. ಹೀಗಾಗಿ ಮೇ ತಿಂಗಳ ಕೊನೆಯ ವಾರವನ್ನು ಅಂಬರೀಷ್ ಫ್ಯಾಮಿಲಿ ವೀಕ್ ಎನ್ನಬಹುದು.

  • ಮೊದಲ ಚಿತ್ರದಲ್ಲೇ ಅಭಿಗೆ ನರಕ ತೋರಿಸಿದ್ದಾರಂತೆ ನಾಗಶೇಖರ್

    director nagashekar praises aishek ambareesh

    ಯಜಮಾನನ ಜೊತೆ ಜೊತೆಯಲ್ಲೇ ಅಮರ್ ಚಿತ್ರದ ಟ್ರೇಲರ್ ಕೂಡಾ ಬಿಡುಗಡೆಯಾಗಿದೆ. ಅಭಿಷೇಕ್ ಅಂಬರೀಷ್ ಮೊದಲ ಅಭಿನಯದ ಅಮರ್ ಚಿತ್ರಕ್ಕೆ ಡೈರೆಕ್ಟರ್ ಆಗುವ ಅದೃಷ್ಟ ಪಡೆದ ನಾಗಶೇಖರ್, ಮೊದಲ ಚಿತ್ರದಲ್ಲಿಯೇ ಅಭಿಷೇಕ್ ಅವರಿಗೆ ನರಕ ತೋರಿಸಿಬಿಟ್ಟಿದ್ದೇನೆ ಎಂದಿದ್ದಾರೆ. ಹಾಗಂತ ಏನೇನೋ ಅಂದ್ಕೋಬೇಡಿ.. ಅಷ್ಟು ಕಷ್ಟ ಕೊಟ್ಟಿದ್ದೇನೆ. ಅಭಿಷೇಕ್ ಅದಷ್ಟೂ ಕಷ್ಟಗಳನ್ನೂ ಇಷ್ಟಪಟ್ಟು ಮಾಡಿದ್ದಾರೆ ಎಂದಿದ್ದಾರೆ ನಾಗಶೇಖರ್.

    ಅಮರ್ ಚಿತ್ರದ ಚಿತ್ರೀಕರಣ 20 ದಿನ ಮಡಿಕೇರಿಯಲ್ಲಿ ಆಗಿದೆ. ಅದೂ ಕೊಡಗು ಪ್ರವಾಹಕ್ಕೆ ಮುನ್ನ. ಅಂದರೆ ಪ್ರವಾಹಕ್ಕೆ ಮುನ್ನ ಕೊಡಗು ಹೇಗಿತ್ತು ಅನ್ನೋದು ಅಮರ್ ಚಿತ್ರದಲ್ಲಿ ತಿಳಿಯಲಿದೆ. ಹೆಚ್ಚೂ ಕಡಿಮೆ ಒಂದು ತಿಂಗಳು ಅಭಿಷೇಕ್ ಮತ್ತು ತಾನ್ಯಾ ಹೋಪ್ ರಿಯಲ್ ಮಳೆಯಲ್ಲಿ ನೆನೆದುಕೊಂಡೇ ನಟಿಸಿದ್ದಾರೆ. ಅದು ಅವರ ಬದ್ಧತೆಗೆ ಸಾಕ್ಷಿ ಎಂದಿದ್ದಾರೆ ನಾಗಶೇಖರ್. ಸಂದೇಶ್ ನಾಗರಾಜ್ ನಿರ್ಮಾಣದ ಚಿತ್ರ, ಅಂಬರೀಷ್ ಪುತ್ರನ ಮೊದಲ ಸಿನಿಮಾ ಎನ್ನುವ ಕಾರಣಕ್ಕೇ ಆಕಾಶದೆತ್ತರದಷ್ಟು ನಿರೀಕ್ಷೆ ಹುಟ್ಟಿಸಿದೆ.

  • ಯುಗಾದಿಗೆ ಅಮರ್ ಒಲವಿನ ಉಡುಗೊರೆ

    amar song for yugadi

    ಅತ್ತ ಮಂಡ್ಯದಲ್ಲಿ ಬ್ಯುಸಿಯಾಗಿದ್ದರೂ, ಇತ್ತ ಸಿನಿಮಾ ಕೆಲಸಗಳು ನಿರಂತರವಾಗಿ ಚಾಲ್ತಿಯಲ್ಲಿವೆ. ಅಭಿಷೇಕ್ ಅಂಬರೀಷ್ ಅಭಿನಯದ ಮೊದಲ ಸಿನಿಮಾ ಅಮರ್ ಚಿತ್ರದ ಒಂದು ಹಾಡನ್ನು ಯುಗಾದಿಗೆ ರಿಲೀಸ್ ಮಾಡುತ್ತಿದೆ ಚಿತ್ರತಂಡ. ಈಗಾಗಲೇ ಟೀಸರ್ ಮೂಲಕ ಹವಾ ಸೃಷ್ಟಿಸಿರುವ ಅಮರ್ ಸಿನಿಮಾ ಟೀಂ, ಯುಗಾದಿಗೆ ಹೊಸ ಹಾಡನ್ನು ರಿಲೀಸ್ ಮಾಡುತ್ತಿದೆ. ಸಿನಿಮಾದಲ್ಲಿ ಒಲವಿನ ಉಡುಗೊರೆ ಟೈಟಲ್ ಸಾಂಗ್‍ನ್ನು ಬಳಸಿಕೊಳ್ಳಲಾಗಿದೆಯಂತೆ. ಆ ಹಾಡನ್ನೇ ಬಿಡ್ತಾರಾ..? ಗೊತ್ತಿಲ್ಲ. ಅದು ಸಂಚಿತ್ ಹೆಗ್ಡೆ ಹಾಡಿರುವ ಹಾಡು ಎನ್ನುವುದಂತೂ ಪಕ್ಕಾ.

    ಅಭಿಷೇಕ್ ಜೊತೆ ತಾನ್ಯಾ ಹೋಪ್ ನಾಯಕಿಯಾಗಿದ್ದಾರೆ. ದರ್ಶನ್, ರಚಿತಾ ರಾಮ್, ನಿರೂಪ್ ಭಂಡಾರಿ ಪುಟ್ಟ ಪುಟ್ಟ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ದೇವರಾಜ್, ಚಿಕ್ಕಣ್ಣ, ಸಾಧುಕೋಕಿಲ ನಟಿಸಿರುವ ಸಿನಿಮಾದ ಹಾಡು ಆನಂದ್ ಆಡಿಯೋದಿಂದ ರಿಲೀಸ್ ಆಗುತ್ತಿದೆ. 20 ವರ್ಷದ ಸಂಭ್ರಮದಲ್ಲಿರೋ ಆನಂದ್ ಆಡಿಯೋಗೆ ಈ ಯುಗಾದಿ ತುಂಬಾ ಸ್ಪೆಷಲ್.