ನಿತ್ಯಾ ಮೆನನ್. ಪಿಯುಸಿ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಬಂದ ಚೆಲುವೆ, ಮೈನಾದಲ್ಲಿ ಮುಗ್ಧ ನಗುವಿನಿಂದಲೇ ಹೃದಯ ಕದ್ದಿದ್ದರು. ಸುದೀಪ್ ಜೊತೆ ಕೋಟಿಗೊಬ್ಬ 2ನಲ್ಲಿ ಈ ಕಿನ್ನರಿ ಈಗ ಏಕಾಂಗಿಯಾಗಿ ಬರುತ್ತಿದ್ದಾರೆ. ಪ್ರಾಣ ಎನ್ನುವ ಚಿತ್ರದಲ್ಲಿ ನಿತ್ಯಾ ಮೆನನ್ ನಟಿಸಿದ್ದಾರೆ. ಇದು ಏಕವ್ಯಕ್ತಿ ಸಿನಿಮಾ. ಅಂದರೆ ಚಿತ್ರದ ಆರಂಭದಿಂದ ಅಂತ್ಯದವರೆಗೆ ಇಡೀ ಚಿತ್ರದಲ್ಲಿ ನಿಮಗೆ ಕಾಣಿಸೋದು ನಿತ್ಯಾ ಮೆನನ್ ಒಬ್ಬರೇ.

ವಿ.ಕೆ.ಪ್ರಕಾಶ್ ನಿರ್ದೇಶನದ ಚಿತ್ರ ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷೆಗಳಲ್ಲಿ ಏಕಕಾಲದಲ್ಲಿ ನಿರ್ಮಾಣವಾಗಿದೆ. ಚಿತ್ರದ ಪೋಸ್ಟರ್ ರಿಲೀಸ್ ಆಗಿದೆ. ಚಿತ್ರಕ್ಕೆ ಸಂಗೀತ ನೀಡಿರೋದು ಆಸ್ಕರ್ ಪ್ರಶಸ್ತಿ ವಿಜೇತ ರಸೂಲ್ ಪೂಕುಟ್ಟಿ.

ಏಕವ್ಯಕ್ತಿ ಚಿತ್ರ ಕನ್ನಡಕ್ಕೆ ಹೊಸದೇನೂ ಅಲ್ಲ. ಈ ಹಿಂದೆ ಶಾಂತಿ ಅನ್ನೋ ಚಿತ್ರದಲ್ಲಿ ಭಾವನಾ ಏಕವ್ಯಕ್ತಿಯಾಗಿ ನಟಿಸಿದ್ದರು. ಅದು ಬರಗೂರು ರಾಮಚಂದ್ರಪ್ಪ ನಿರ್ದೇಶನದ ಚಿತ್ರ. ಚಿತ್ರಲೋಕ ಸಂಸ್ಥೆಯ, ಕೆ.ಎಂ.ವೀರೇಶ್ ನಿರ್ಮಿಸಿದ್ದ, ದಯಾಳ್ ನಿರ್ದೇಶನದ ಆ್ಯಕ್ಟರ್ ಸಿನಿಮಾ ಕೂಡಾ ಬಹುತೇಕ ಏಕವ್ಯಕ್ತಿ ಚಿತ್ರವಾಗಿತ್ತು. ನವೀನ್ ಕೃಷ್ಣ ನಟಿಸಿದ್ದರು. ಬೇರೆ ಭಾಷೆಗಳಲ್ಲೂ ಇಂತಹ  ಪ್ರಯೋಗಗಳು ಈಗಾಗಲೇ ನಡೆದಿವೆ. ಈಗ.. ಮತ್ತೊಮ್ಮೆ ಇಂತಹ ಪ್ರಯೋಗ.. ನಾಯಕಿ ನಿತ್ಯಾ ಮೆನನ್.

ರಾಣಾ ಚಿತ್ರವನ್ನು ಯಶ್ ಮಾಡುತ್ತಿಲ್ಲವಂತೆ. ಅದೇ ಕಥೆಯನ್ನು ಶಿವಣ್ಣಗಾಗಿ ನಿರ್ದೇಶಿಸಲು ಹರ್ಷ ರೆಡಿಯಾಗಿದ್ದಾರಂತೆ. ಶಿವಣ್ಣ ಕಡೆಯಿಂದ ಗ್ರೀನ್ ಸಿಗ್ನಲ್ ಸಿಕ್ಕಿದೆಯಂತೆ ಎಂಬ ಸುದ್ದಿಗಳು ಗಾಂಧಿನಗರದಲ್ಲಿ ಸರಿದಾಡಿದ್ದವು. ಇದಕ್ಕೆಲ್ಲ ನಿರ್ದೇಶಕ ಹರ್ಷ ಅವರೇ ಉತ್ತರ ಕೊಟ್ಟಿದ್ದಾರೆ.

ರಾಣಾ ಚಿತ್ರದಲ್ಲಿ ಯಶ್ ಅವರೇ ನಟಿಸ್ತಾರೆ. ಅದು ಅವರಿಗಾಗಿಯೇ ಸಿದ್ಧಪಡಿಸಿರುವ ಕಥೆ. ಅದರಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದಿದ್ದಾರೆ ಹರ್ಷ.

ನಾನು ಶಿವಣ್ಣನ ದೊಡ್ಡ ಅಭಿಮಾನಿ. ಅವರು ಯೆಸ್ ಎಂದರೆ, ಹೊಸದೊಂದು ಕಥೆಯನ್ನು ಅವರಿಗಾಗಿಯೇ ಸಿದ್ಧಪಡಿಸುತ್ತೇನೆ. ಬೇರೆ ಹೀರೋಗೆ ಮಾಡಿದ ಕಥೆಯನ್ನು ಅವರಿಗೆ ಮಾಡುವುದಿಲ್ಲ ಎಂದಿದ್ದಾರೆ ಹರ್ಷ. 

ಹರ್ಷ, ಶಿವಣ್ಣನ ಎರಡು ಚಿತ್ರಗಳನ್ನು ನಿರ್ದೇಶಿಸಿದ್ದು, ಭಜರಂಗಿ ಹಾಗೂ ವಜ್ರಕಾಯ ಎರಡೂ ಚಿತ್ರಗಳು ಸೂಪರ್ ಹಿಟ್ ಸಾಲಿನಲ್ಲಿವೆ. ಸದ್ಯಕ್ಕೆ ಹರ್ಷ ಅವರ ಸೀತಾರಾಮ ಕಲ್ಯಾಣ ಚಿತ್ರ 25 ದಿನಗಳತ್ತ ಮುನ್ನುಗ್ಗುತ್ತಿದೆ.

Related Articles :-

ರಾಣಾ.. ಯಶ್ ಅಲ್ಲ ಶಿವಣ್ಣ..?