ರ್ಯಾಂಬೋ2, ಶರಣ್ ಅಭಿನಯದ ಈ ಸಿನಿಮಾ, ನೋಡನೋಡುತ್ತಲೇ ದಾಖಲೆಗಳನ್ನು ಚಿಂದಿ ಉಡಾಯಿಸಿಬಿಟ್ಟಿದೆ. ಬಾಕ್ಸಾಫೀಸ್‍ನಲ್ಲಿ ಚುಟು ಚುಟು ಎನ್ನುತ್ತಾ ಮುನ್ನುಗ್ಗುತ್ತಿರುವ ಸಿನಿಮಾ, ಯಶಸ್ವಿಯಾಗಿ 25 ದಿನಗಳನ್ನು ಪೂರೈಸಿ ಮುನ್ನುಗ್ಗುತ್ತಿದೆ.

ಶರಣ್, ಅಶಿಕಾ ರಂಗನಾಥ್, ಚಿಕ್ಕಣ್ಣ ಪ್ರಮುಖ ಪಾತ್ರದಲ್ಲಿರುವ ಸಿನಿಮಾ, ಕಚಗುಳಿಯಿಡುವ ಸಂಭಾಷಣೆ, ಕುಣಿಸುವಂತಾ ಹಾಡುಗಳಿಂದ ಪ್ರೇಕ್ಷಕರ ಮನಗೆದ್ದಿದೆ. ತರುಣ್ ಸುಧೀರ್, ಅಟ್ಲಾಂಟಾ ನಾಗೇಂದ್ರ, ಶರಣ್, ಚಿಕ್ಕಣ್ಣ, ಅರ್ಜುನ್ ಜನ್ಯಾ ಸೇರಿದಂತೆ ತಂತ್ರಜ್ಞರೇ ಈ ಚಿತ್ರದ ನಿರ್ಮಾಪಕರು.

ಕರ್ನಾಟಕದಲ್ಲಷ್ಟೇ ವಿದೇಶದಲ್ಲೂ ಭರ್ಜರಿ ಸದ್ದು ಮಾಡುತ್ತಿದೆ ರ್ಯಾಂಬೋ 2. ಚುಟು ಚುಟು ಅಂತೈತಿ ಹಾಡಂತೂ ಮ್ಯಾಜಿಕ್ ಸೃಷ್ಟಿಸಿದೆ.

ಕಾಮಿಡಿ ಸ್ಟಾರ್ ಶರಣ್, ಚುಟುಚುಟು ಚೆಲುವೆ ಆಶಿಕಾ ರಂಗನಾಥ್, ಸಿಂಪಲ್ ಸುನಿ, ಪುಷ್ಕರ್ ಮಲ್ಲಿಕಾರ್ಜುನಯ್ಯ, ಶ್ರೀನಗರ ಕಿಟ್ಟಿ ಕಾಂಬಿನೇಷನ್ ಸಿನಿಮಾ ಅವತಾರ್ ಪುರುಷ ಯಶಸ್ವಿಯಾಗಿ ಪ್ರದರ್ಶನವಾಗುತ್ತಿದೆ. ಥಿಯೇಟರುಗಳಲ್ಲಿ 25 ದಿನ ಪೂರೈಸಿರುವ ಅವತಾರ್ ಪುರುಷ ಭಾಗ 1, 50ನೇ ದಿನದತ್ತ ದಾಪುಗಾಲಿಟ್ಟಿದೆ.

ಮಾಟ, ಮಂತ್ರ, ದೇವರು, ಕಾಮಿಡಿ, ಥ್ರಿಲ್ಲರ್.. ಎಲ್ಲವನ್ನೂ ಹದವಾಗಿ ಬೆರೆಸಿರುವ ಸಿನಿಮಾ ಅವತಾರ ಪುರುಷ. ಶರಣ್ ಜ್ಯೂನಿಯರ್ ಆರ್ಟಿಸ್ಟ್ ಆಗಿ ನಟಿಸಿದ್ದು, ಚಿತ್ರದ ಕೊನೆಗೆ ಕೊಟ್ಟಿರುವ ಶಾಕ್, ಅದೂವರೆಗೆ ನಗುವ ಪ್ರೇಕ್ಷಕರನ್ನು ಬೆಚ್ಚಿಬೀಳಿಸುವುದು ಸುಳ್ಳಲ್ಲ.  ಚಿತ್ರ ಯಶಸ್ವಿಯಾಗಿದ್ದು, ಶೀಘ್ರದಲ್ಲೇ ಒಟಿಟಿಗೂ ಬರಲಿದೆ.