The fitness challenge started by Union sports minister has become a trend across India. Two days ago Karnataka Ranji team captain Vinay Kumar completed the challenge and forwarded it to other cricketers like Anil Kumble, Karun Nair and Harbhajan Singh.

The only non-cricketer he tagged was Kiccha Sudeep. Sudeep took up the challenge and in a video he posted a few minutes ago completed the challenge and passed it on to others. Among others he passed it to Ritesh Deshmukh and Sohail Khan of Bollywood.

He also challenged his wife. In Sandalwood he has passed on the challenge to Shivarajkumar and Yash. Shivarajkumar is not on Twitter but Yash is. Sudeep has tagged Yash for continuing the challenge.

ಕಿಚ್ಚ ಸುದೀಪ್, ಯಶ್‍ಗೆ ಫಿಟ್‍ನೆಸ್ ಚಾಲೆಂಜ್ ಹಾಕಿದ್ದೂ, ಅದನ್ನು ಸ್ವೀಕರಿಸಿ ಯಶ್ ಕೂಡಾ ಫಿಟ್‍ನೆಸ್ ವಿಡಿಯೋ ಮಾಡಿದ್ದು ಒಂದು ಹಂತವಾದರೆ, ಆ ವಿಡಿಯೋದಲ್ಲಿ ಸುದೀಪ್ ಅವರನ್ನು ಸುದೀಪ್ ಸರ್ ಎನ್ನಲಿಲ್ಲ ಎಂದು ಕಿಚ್ಚನ ಅಭಿಮಾನಿಗಳು ಸಿಟ್ಟಾಗಿದ್ದು ಇನ್ನೊಂದು ಕಥೆ. ಸ್ವತಃ ಸುದೀಪ್ ತಮ್ಮ ಅಭಿಮಾನಿಗಳಿಗೆ ಯಶ್‍ರನ್ನು ಬಯ್ಯಬೇಡಿ ಎಂದು ಕೇಳಿಕೊಂಡರೂ ವಾರ್ ನಿಲ್ಲಲಿಲ್ಲ. ಯಶ್ ಅಭಿಮಾನಿಗಳೂ ಅತಿರೇಕಕ್ಕೆ ಹೋಗಿಬಿಟ್ಟರು. ಈಗ ತಮ್ಮ ಅಭಿಮಾನಿಗಳಿಗೆ ಯಶ್ ಕೂಡಾ ಬುದ್ದಿವಾದ ಹೇಳಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ಈಗ ನಡೆಯುತ್ತಿರುವ ಬೆಳವಣಿಗೆ ಒಳ್ಳೆಯದಲ್ಲ. ಕೆಲವು ಕಮೆಂಟ್ಸ್‍ಗಳನ್ನೂ ನಾನು ಗಮನಿಸಿದ್ದೇನೆ. ಸುದೀಪ್ ಅವರು ನನಗಿಂತ ಹಿರಿಯರು. ಅವರಿಗೆ ಗೌರವ ಕೊಡಲಿಲ್ಲ ಅಂದ್ರೆ, ನನಗೂ ನೀವು ಗೌರವ ಕೊಡದಂತೆಯೆ. ಘನತೆಯಿಂದ ವರ್ತಿಸಿ. ಇದನ್ನು ದೊಡ್ಡದು ಮಾಡಬೇಡಿ. 

ನಾನು ಸಾರ್ ಅಂತ ಕರೆದರೆ ಮಾತ್ರ ಅವರಿಗೆ ಗೌರವ ಕೊಟ್ಟ ಹಾಗಲ್ಲ. ಅಥವಾ ನಾನು ಅಂತ ಕರೆಯದೇ ಇದ್ರೂ ಅವರ ಮೇಲಿನ ಗೌರವ ಕಮ್ಮಿಯಾಗಲ್ಲ. ನಾನು ಅವರನ್ನ ತುಂಬಾ ಗೌರವಿಸ್ತೀನಿ. ನನ್ನ ಮೇಲಿನ ಅಭಿಮಾನ ತೋರಿಸಿಕೊಳ್ಳೋಎಕ ಅವರನ್ನು ಅಗೌರವದಿಂದ ಕಾಣೋದು ಸರಿಯಲ್ಲ. ಇದನ್ನ ಇಲ್ಲಿಗೆ ಬಿಡಿ.

ಈಗ ಇಬ್ಬರೂ ಸ್ಟಾರ್‍ಗಳು ತಮ್ಮ ತಮ್ಮ ಅಭಿಪ್ರಾಯ ಹೇಳಿದ್ಧಾಗಿದೆ. ಅತಿರೇಕದ ಅಭಿಮಾನಿಗಳು ಈಗಲಾದರೂ ವಾಸ್ತವ ಅರ್ಥ ಮಾಡಿಕೊಳ್ತಾರಾ..?

ಕಿಚ್ಚ ಸುದೀಪ್ ಅಭಿಮಾನಿಗಳ ಜೊತೆ ನಿರಂತರವಾಗಿರುತ್ತಾರಷ್ಟೇ ಅಲ್ಲ, ಆಗಾಗ್ಗೆ ಬುದ್ದಿವಾದವನ್ನೂ ಹೇಳುತ್ತಿರುತ್ತಾರೆ. ಈ ಬಾರಿಯೂ ಹಾಗೆಯೇ ಆಗಿದೆ. ಕಿಚ್ಚ ಸುದೀಪ್, ಯಶ್‍ಗೆ ಫಿಟ್‍ನೆಸ್ ಚಾಲೆಂಜ್ ಹಾಕಿದ್ದರು. ಅದಕ್ಕೆ ಪ್ರತಿಯಾಗಿ ಟ್ವಿಸ್ಟ್ ಕೊಟ್ಟ ಯಶ್, ತಮ್ಮ ಬಾಲ್ಯಸ್ನೇಹಿತನ ವ್ಯಾಯಾಮದ ವಿಡಿಯೋ ಹಾಕಿದ್ದರು. ಆದರೆ, ಆ ವಿಡಿಯೋದಲ್ಲಿ ಯಶ್ ಆಡಿರುವ ಮಾತು, ಸುದೀಪ್ ಅಭಿಮಾನಿಗಳಿಗೆ ಇಷ್ಟವಾಗಿಲ್ಲ. 

ಇಷ್ಟಕ್ಕೂ ಆಗಿರೋದೇನಂದ್ರೆ, ಯಶ್ ತಮ್ಮ ವಿಡಿಯೋದಲ್ಲಿ ಹಾಯ್ ಸುದೀಪ್.. ಎಂದಿರೋದು. ಇಷ್ಟಕ್ಕೆ ಕೆಲವು ಅಭಿಮಾನಿಗಳು ಯಶ್ ವಿರುದ್ಧ ಮುಗಿಬಿದ್ದರು. ಸುದೀಪ್ ಅವರನ್ನು ಏಕವಚನದಲ್ಲಿ ಕರೆಯೋದು ಸರೀನಾ..? ದೊಡ್ಡವರಿಗೆ ಗೌರವ ಕೊಡಬೇಕು ಎಂದೆಲ್ಲ ಯಶ್ ವಿರುದ್ಧ ಟೀಕೆಯ ಸುರಿಮಳೆಗೈದರು. ಕೆಲವು ಹತೋಟಿ ಮೀರಿಯೂ ಬಂದವು. ಆಗ ಕಿಚ್ಚ ಸುದೀಪ್ ಅವರೇ ಅಭಿಮಾನಿಗಳಿಗೆ ಬುದ್ದಿವಾದ ಹೇಳಿದ್ದಾರೆ.

ನನ್ನ ಅಭಿಮಾನಿಗಳಿಗೆ ನನ್ನದೊಂದು ಮನವಿ. ದಯವಿಟ್ಟು ಯಶ್ ವಿರುದ್ಧ ಯಾರೂ ಕೆಟ್ಟ ಪದ ಬಳಸಬೇಡಿ. ಅವರು ವಿಡಿಯೋದಲ್ಲಿ ನನ್ನ ಹೆಸರು ಹೇಳಿರೋದ್ರಲ್ಲಿ ತಪ್ಪೇನೂ ಇಲ್ಲ. ನನ್ನ ಫಿಟ್‍ನೆಸ್ ಚಾಲೆಂಜ್‍ನ್ನು ಸ್ವೀಕರಿಸಿರುವುದೇ ಅವರು ನನಗೆ ನೀಡಿರುವ ಗೌರವ. ದಯವಿಟ್ಟು ನನ್ನ ಮನಸ್ಸಿನ ಭಾವನೆಯನ್ನು ಅರ್ಥ ಮಾಡಿಕೊಳ್ಳಿ ಎಂದು ಮನವಿ ಮಾಡಿದ್ದಾರೆ ಸುದೀಪ್.

ಕಿಚ್ಚ ಸುದೀಪ್ ಸೇರಿದಂತೆ ಸ್ಯಾಂಡಲ್‍ವುಡ್ ತಾರೆಯರು ವೈಯಕ್ತಿಕ ಮಟ್ಟದಲ್ಲಿ ಸ್ನೇಹ, ಸೌಹಾರ್ದತೆ ಕಾಪಾಡಿಕೊಂಡು ಬಂದಿದ್ದಾರೆ. ಅದು ಅಭಿಮಾನಿಗಳಿಗೆ ಅರ್ಥವಾದರೆ ಸಾಕು.

Related Articles :-

ಕಿಚ್ಚನ ಚಾಲೆಂಜ್ ಸ್ವೀಕರಿಸಿದ ಯಶ್, ಪ್ರಿಯಾ ಸುದೀಪ್

ಕಿಚ್ಚ ಸುದೀಪ್ ಹಾಕಿದ್ದ ಫಿಟ್‍ನೆಸ್ ಚಾಲೆಂಜ್‍ನ್ನು ಯಶ್ ಮತ್ತು ಪ್ರಿಯಾ ಸ್ವೀಕರಿಸಿದ್ಧಾರೆ. ಯಶ್‍ರದ್ದು ಒಂಥರಾ ಡಿಫರೆಂಟ್. ಅವರು ತಾವು ವ್ಯಾಯಾಮ ಮಾಡುವ ವಿಡಿಯೋ ಹಾಕೋದ್ರ ಬದಲು, ತಮ್ಮ ಗೆಳೆಯ ಚಕ್ಲಿ ಅಲಿಯಾಸ್ ಚೇತನ್‍ರನ್ನು ವ್ಯಾಯಾಮಕ್ಕೆ ಎಳೆದು ತಂದಿದ್ದಾರೆ. ಲೈಫಲ್ಲೇ ವ್ಯಾಯಾಮ ಮಾಡೋಕೆ ಆಗಲ್ಲ ಎನ್ನುತ್ತಿದ್ದ ಗೆಳೆಯನನ್ನು ಜಿಮ್‍ಗೆ ತಳ್ಳಿದ್ದಾರೆ.

ಹಾಯ್ ಸುದೀಪ್, ನೀವು ನನಗೆ ಚಾಲೆಂಜ್ ಕೊಟ್ಟಿದ್ದೀರ. ಥ್ಯಾಂಕ್ಯೂ. ನಾವು ಆ್ಯಕ್ಟರ್‍ಗಳು ಯಾವಾಗಲೂ ಫಿಟ್ನೆಸ್ ಚಾಲೆಂಜ್ ಮಾಡ್ತನೇ ಇರ್ತೇವೆ. ಹಾಗಾಗಿ ಒಂದು ಟ್ವಿಸ್ಟ್ ಕೊಟ್ಟಿದ್ದೇನೆ. ಲೈಫಲ್ಲಿ ಫಿಟ್ ಆಗೋಕೆ ಸಾಧ್ಯವಿಲ್ಲ ಎನ್ನುವ ನನ್ನ ಬಾಲ್ಯದ ಗೆಳೆಯ ಚೇತನ್ ಅಲಿಯಾಸ್ ಚಕ್ಲಿಯ ಮೂಲಕ ನಿಮ್ಮ ಚಾಲೆಂಜ್ ಮಾಡಿಸುತ್ತೇನೆ ಎಂದು ಹೇಳಿರುವ ಯಶ್, ತಮ್ಮ ಗೆಳೆಯನ ಫಿಟ್ನೆಸ್ ವಿಡಿಯೋ ಅಪ್‍ಲೋಡ್ ಮಾಡಿದ್ದಾರೆ.

ಸುದೀಪ್ ತಮ್ಮ ಪತ್ನಿ ಪ್ರಿಯಾ ಅವರಿಗೂ ಫಿಟ್‍ನೆಸ್ ಚಾಲೆಂಜ್ ಹಾಕಿದ್ದರು. ಪತಿಯ ಚಾಲೆಂಜ್ ಸ್ವೀಕರಿಸಿದ ಪ್ರಿಯಾ, ವೇಯ್ಟ್ ಲಿಫ್ಟ್ ಮಾಡುವ ವಿಡಿಯೋ ಹಾಕಿದ್ದಾರೆ. 

ಇನ್ನು ಸುದೀಪ್ ಹಾಕಿರುವ ಚಾಲೆಂಜ್‍ನಲ್ಲಿ ಬಾಕಿ ಉಳಿದಿರೋದು ಶಿವರಾಜ್ ಕುಮಾರ್ ಮಾತ್ರ.

ಫಿಟ್‍ನೆಸ್ ಚಾಲೆಂಜ್ ವೈರಲ್ ಆಗುತ್ತಿದೆ. ಸರಪಳಿಯಂತೆ ಬೆಳೆಯುತ್ತಲೇ ಹೋಗುತ್ತಿದೆ. ಪುನೀತ್ ರಾಜ್‍ಕುಮಾರ್ ಹಾಕಿದ್ದ ಫಿಟ್‍ನೆಸ್ ಚಾಲೆಂಜ್‍ನ್ನು ಸ್ವೀಕರಿಸಿರುವ ಶ್ರೀಮುರಳಿ, ಬೆರಗುಗೊಳಿಸುವಂತೆ ವ್ಯಾಯಾಮದ ವಿಡಿಯೋ ಅಪ್‍ಲೋಡ್ ಮಾಡಿದ್ದಾರೆ.

ನಿಮ್ಮ ಚಾಲೆಂಜ್ ಸ್ವೀಕರಿಸಿದ್ದೇನೆ.. ಪುನೀತ್ ರಾಜ್‍ಕುಮಾರ್ ಮಾಮಾ, ಆರೋಗ್ಯವೇ ಐಶ್ವರ್ಯ ಎಂದಿದ್ದಾರೆ. 

ಶ್ರೀಮುರಳಿ, ಈಗ ಫಿಟ್‍ನೆಸ್ ಚಾಲೆಂಜ್‍ನ್ನ ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಪ್ರಜ್ವಲ್ ದೇವರಾಜ್, ಗೋಲ್ಡನ್ ಸ್ಟಾರ್ ಗಣೇಶ್‍ಗೆ ಪಾಸ್ ಮಾಡಿದ್ದಾರೆ.

Related Articles :-

ರಕ್ಷಿತ್, ಧ್ರುವಾ, ಶ್ರೀಮುರಳಿಗೆ ಅಪ್ಪು ಚಾಲೆಂಜ್

ಕೇಂದ್ರ ಕ್ರೀಡಾ ಸಚಿವರಿಂದ ಫಿಟ್‍ನೆಸ್ ಚಾಲೆಂಜ್, ಮೋದಿ, ಕೊಹ್ಲಿ, ಬಾಲಿವುಡ್ ರೌಂಡ್ ಮುಗಿಸಿ ಈಗ ಸ್ಯಾಂಡಲ್‍ವುಡ್‍ನಲ್ಲಿ ಸದ್ದು ಮಾಡುತ್ತಿದೆ. ಕಿಚ್ಚ ಸುದೀಪ್‍ಗೆ ಕ್ರಿಕೆಟಿಗ ವಿನಯ್ ಕುಮಾರ್ ಫಿಟ್‍ನೆಸ್ ಚಾಲೆಂಜ್ ಹಾಕಿದ್ದರು. ಸುದೀಪ್, ಅದನ್ನು ತಮ್ಮ ಪತ್ನಿ, ಯಶ್ ಹಾಗೂ ಶಿವರಾಜ್‍ಕುಮಾರ್‍ಗೆ ದಾಟಿಸಿದ್ದರು. ಈಗ ಫಿಟ್‍ನೆಸ್ ಚಾಲೆಂಜ್ ಹಾಕಿರೋದು ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್.

ಪುನೀತ್ ಅವರಿಗೆ ಚಾಲೆಂಜ್ ಹಾಕಿರೋದು ಡಾ.ಅಶ್ವತ್ಥ್ ನಾರಾಯಣ ಹಾಗೂ ಹೇಮಂತ್ ಮುದ್ದಪ್ಪ ಎಂಬುವವರು. ಅದನ್ನು ಸ್ವೀಕರಿಸಿರುವ ಪುನೀತ್, ತಮ್ಮ ಪುಟ್ಟ ತಂಡದೊಂದಿಗೆ ಎಕ್ಸರ್‍ಸೈಜ್ ಮಾಡಿದ್ದಾರೆ. ಪ್ರತಿಯೊಬ್ಬರೂ ಫಿಟ್ ಆಗಿರಬೇಕು ಎಂದಿರುವ ಪುನೀತ್, ಚಾಲೆಂಜ್‍ನ್ನು ರಕ್ಷಿತ್ ಶೆಟ್ಟಿ, ಧ್ರುವ ಸರ್ಜಾ, ಶ್ರೀಮುರಳಿ ಹಾಗೂ ಡ್ಯಾನಿಶ್ ಸೇಟ್‍ಗೆ ರವಾನಿಸಿದ್ದಾರೆ.

ಇನ್ನು ಚಾಲೆಂಜ್ ಸ್ವೀಕರಿಸುರವ ರಕ್ಷಿತ್ ಶೆಟ್ಟಿ, ಧ್ರುವ ಸರ್ಜಾ, ಶ್ರೀಮುರಳಿ ಹಾಗೂ ಡ್ಯಾನಿಶ್ ಸೇಟ್, ಮತ್ಯಾರಿಗೆ ಚಾಲೆಂಜ್ ಹಾಕ್ತಾರೆ.. ನೋಡಬೇಕು.

ಕಿಚ್ಚ ಸುದೀಪ್, ಇತ್ತೀಚೆಗೆ ಫಿಟ್‍ನೆಸ್ ಚಾಲೆಂಜ್ ಹಾಕಿ ಸುದ್ದಿ ಮಾಡಿದ್ದರು. ಅದು ಇನ್ನೇನೋ ಕಾರಣಕ್ಕೆ ಸದ್ದೂ ಮಾಡಿತ್ತು. ಪ್ರಬುದ್ಧತೆಯಿಂದಲೇ ಅದನ್ನು ನಿಭಾಯಿಸಿದ್ದ ಕಿಚ್ಚ ಸುದೀಪ್, ಈಗ ಪೈಲ್ವಾನ್ ಚಾಲೆಂಜ್ ಹಾಕಿದ್ದಾರೆ. ಬ್ರಿಂಗ್ ಔಟ್ ದ ಪೈಲ್ವಾನ್ ಇನ್ ಯು (ನಿಮ್ಮೊಳಗಿರುವ ಪೈಲ್ವಾನ್ ಹೊರಬರಲಿ) ಅನ್ನೋ ಚಾಲೆಂಜ್ ಅದು.

ಇದು ಶುರುವಾಗಿರುವುದೂ ಅಷ್ಟೆ ಆಕಸ್ಮಿಕವಾಗಿ. ಪೈಲ್ವಾನ್ ಚಿತ್ರದ ನಿರ್ದೇಶಕ ಕೃಷ್ಣ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದರು ಕಿಚ್ಚ ಸುದೀಪ್. ಆಗ ಕೃಷ್ಣ, ಧನ್ಯವಾದ ಹೇಳುತ್ತಾ, ಪೈಲ್ವಾನ್ ಚಿತ್ರಕ್ಕಾಗಿ ತೂಕ ಕಳೆದುಕೊಂಡು ಫಿಟ್‍ನೆಸ್ ಕಾಪಾಡಿಕೊಂಡ ಸುದೀಪ್ ಅವರ ಕಮಿಟ್‍ಮೆಂಟ್‍ನ್ನು ಹೊಗಳಿದ್ದರು. ಹಾಗೆ ಸುದೀಪ್ ಅವರ ಬದ್ಧತೆಯನ್ನು ಹೊಗಳುತ್ತಲೇ, ನೀವು ಇನ್ನೂ ಸ್ವಲ್ಪ ತೂಕ ಕಳೆದುಕೊಳ್ಳಬೇಕು. ದೇಹದಾಢ್ರ್ಯತೆಯನ್ನೂ ಚೆನ್ನಾಗಿಟ್ಟುಕೊಳ್ಳಬೇಕು ಎಂದು ನೆನಪಿಸಿದ್ದರು.

ಅದನ್ನು ಪ್ರೀತಿಯಂದಲೇ ಸ್ವೀಕರಿಸಿದ ಕಿಚ್ಚ ಸುದೀಪ್, ಪೈಲ್ವಾನ್ ಚಿತ್ರದ ಶೂಟಿಂಗ್ ಮುಗಿಯೋದ್ರೊಳಗೆ ಇನ್ನೂ 5 ಕೆಜಿ ತೂಕ ಇಳಿಸುತ್ತೇನೆ ಎಂದಿದ್ದರು. ಈಗ ಅದನ್ನು ಟ್ರೆಂಡ್ ಮಾಡಿದ್ದಾರೆ ಸುದೀಪ್.

ಇದನ್ನು ನಾವು ಸಿಂಪಲ್ಲಾಗಿ ಪೈಲ್ವಾನ್ ಚಾಲೆಂಜ್ ಅನ್ನೋಣ. ಇದರ ಪ್ರಕಾರ, ಪ್ರತಿಯೊಬ್ಬರೂ ವ್ಯಾಯಾಮ ಮಾಡುತ್ತಾ, ತಮ್ಮ ದೇದದಾಡ್ರ್ಯತೆಯ ಪ್ರತಿ ತಿಂಗಳ ಫೋಟೋ ಅಪ್‍ಲೋಡ್ ಮಾಡಬೇಕು. ವಿವರ ಕೊಡಬೇಕು. ಅದು ಇನ್ನೊಬ್ಬರಿಗೆ ಸ್ಫೂರ್ತಿಯಾಗಬೇಕು. ಸದ್ಯಕ್ಕೆ ಸುದೀಪ್ ಅನೂಪ್ ಭಂಡಾರಿ, ಕಾರ್ತಿಕ್ ಗೌಡ, ಪವನ್ ಒಡೆಯರ್, ರಾಜೀವ್ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ಮುಂದುವರಿಯಲಿ ಪೈಲ್ವಾನ್ ಚಾಲೆಂಜ್.

ಕೇಂದ್ರ ಕ್ರೀಡಾ ಸಚಿವ ರಾಜವರ್ಧನ್ ಸಿಂಗ್ ರಾಥೋಡ್‍ರಿಂದ ಆರಂಭವಾದ ಫಿಟ್‍ನೆಸ್ ಚಾಲೆಂಜ್ ಈಗ ಸ್ಯಾಂಡಲ್‍ವುಡ್‍ನಲ್ಲಿ ಟ್ರೆಂಡ್ ಆಗಿದೆ. ಪ್ರಧಾನಿ ನರೇಂದ್ರ ಮೋದಿ, ವಿರಾಟ್ ಕೊಹ್ಲಿ ಫಿಟ್‍ನೆಸ್ ಚಾಲೆಂಜ್‍ನ್ನು ಟ್ರೆಂಡ್ ಮಾಡಿದವರಲ್ಲಿ ಮೊದಲಿಗರು.

ಕನ್ನಡದಲ್ಲಿಯೂ ಈಗ ಫಿಟ್‍ನೆಸ್ ಚಾಲೆಂಜ್ ಟ್ರೆಂಡ್ ಆಗಿಬಿಟ್ಟಿದೆ. ಸೋಷಿಯಲ್ ಮೀಡಿಯಾದಲ್ಲಿ ತಾವು ವ್ಯಾಯಾಮ ಮಾಡುತ್ತಿರುವ ವಿಡಿಯೋ ಹಾಕಿ, ಸಹನಟರು, ಸ್ನೇಹಿತರಿಗೆ ಚಾಲೆಂಜ್ ಹಾಕುವ ಈ ಚೈನ್‍ಲಿಂಕ್‍ನ ಉದ್ದೇಶವೇ ಹಮ್‍ತೋಫಿಟ್‍ತೋಇಂಡಿಯಾಫಿಟ್. ಅರ್ಥ ಇಷ್ಟೆ.. ನಾವು ಫಿಟ್ ಆಗಿದ್ರೆ, ಇಂಡಿಯಾನೇ ಫಿಟ್ ಆಗಿರುತ್ತೆ ಅನ್ನೊದು.

ಕಿಚ್ಚ ಸುದೀಪ್ ಶಿವಣ್ಣ, ಯಶ್, ಪತ್ನಿ ಪ್ರಿಯಾಗೆ ಫಿಟ್‍ನೆಸ್ ಚಾಲೆಂಜ್ ಹಾಕಿದ್ರು. ಯಶ್, ಪ್ರಿಯಾ ತಮ್ಮ ಫಿಟ್‍ನೆಸ್ ವಿಡಿಯೋ ಅಪ್‍ಲೋಡ್ ಮಾಡಿದ್ರು.

ಹರ್ಷಿಕಾ ಪೂಣಚ್ಚ ಡಂಬಲ್ಸ್ ಮಾಡಿ ಗಣೇಶ್, ದಿಗಂತ್‍ಗೆ ಚಾಲೆಂಜ್ ಹಾಕಿದ್ದರೆ, ಹಿತಾ ಚಂದ್ರಶೇಖರ್, ಅನುಪಮಾ ಗೌಡ ಅವರಿಗೆ ಚಾಲೆಂಜ್ ಹಾಕಿದ್ದಾರೆ.

ಹೀಗೆ ಸ್ಯಾಂಡಲ್‍ವುಡ್‍ನಲ್ಲೀಗ ಫಿಟ್‍ನೆಸ್ ಚಾಲೆಂಜ್ ಟ್ರೆಂಡ್ ಆಗುತ್ತಿದೆ.