` i love you, - chitraloka.com | Kannada Movie News, Reviews | Image

i love you,

  • ಉಪ್ಪಿ ಚಿತ್ರದ ಮ್ಯೂಸಿಕ್ ಡೈರೆಕ್ಟರ್ ಯಾರು ಗೊತ್ತಾ..?

    new music director in i love you

    ಉಪೇಂದ್ರ ಮತ್ತು ಆರ್.ಚಂದ್ರು ಕಾಂಬಿನೇಷನ್‍ನ ಹೊಸ ಸಿನಿಮಾ `ಐ ಲವ್ ಯು'. ಈ ಚಿತ್ರಕ್ಕೆ ಇನ್ನೂ ನಾಯಕಿಯ ಹುಡುಕಾಟ ನಡೆಯುತ್ತಿದೆ. ತೆಲುಗು ಮತ್ತು ಕನ್ನಡ.. ಎರಡೂ ಭಾಷೆಗೆ ಓಕೆಯಾಗುವ ನಾಯಕಿಯರಿಗಾಗಿ ಚಂದ್ರು ಹುಡುಕುತ್ತಿದ್ದಾರೆ. ಈಗಾಗಲೇ ತೆಲುಗಿನ ಸ್ಟಾರ್ ನಟಿಯೊಬ್ಬರ ಜೊತೆ ಮಾತುಕತೆಯೂ ನಡೆದಿದೆಯಂತೆ. ಇದರ ಮಧ್ಯೆ ಒಬ್ಬ ಹೊಸ ಸಂಗೀತ ನಿರ್ದೇಶಕರಿಗೆ ಆರ್.ಚಂದ್ರು ಅವಕಾಶ ಕೊಟ್ಟಿದ್ದಾರೆ.

    ಐ ಲವ್ ಯು ಸಿನಿಮಾದ ಮ್ಯೂಸಿಕ್ ಡೈರೆಕ್ಟರ್ ಡಾ. ಕಿರಣ್ ತೋಟಂಬೈಲು. ಯಾರಿವರು ಅಂತಾ ತಲೆ ಕೆಡಿಸಿಕೊಳ್ಳಬೇಡಿ. ನಟಿ ಪೂಜಾಗಾಂಧಿ ಜೊತೆ ವಿವಾದ ಮಾಡಿಕೊಂಡಿದ್ದ ಕಿರಣ್. ಅವರೇ ಇವರು. ಇವರೇ ಅವರು.

    ಕಿರಣ್ ಅವರು ಮಾಡಿಕೊಂಡು ಬಂದಿದ್ದ ಟ್ಯೂನ್‍ಗಳು ಇಷ್ಟವಾಗಿ ಸಂಗೀತ ನಿರ್ದೇಶನಕ್ಕೆ ಅವಕಾಶ ಕೊಟ್ಟಿದ್ದಾರೆ ಚಂದ್ರು. ಅಂದಹಾಗೆ ಚಂದ್ರು ಸಿನಿಮಾದಲ್ಲಿ ಹಾಡುಗಳು ಚೆನ್ನಾಗಿರುತ್ತವೆ. ತಮಗೆ ಅನ್ನಿಸಿದಂತೆ ಟ್ಯೂನ್ ಬರುವವರೆಗೂ ಚಂದ್ರು ಬಿಡೋದಿಲ್ಲ. ಹೀಗಾಗಿ ಐ ಲವ್ ಯೂ ಸಿನಿಮಾದಲ್ಲೂ ಒಳ್ಳೆಯ ಹಾಡುಗಳಿರುತ್ತವೆ ಅನ್ನೋ ನಿರೀಕ್ಷೆ ಇಟ್ಟುಕೊಳ್ಳಬಹುದು.

  • ಉಪ್ಪಿ ಸ್ಫೂರ್ತಿಯಾದ ಚಿತ್ರವೇ, ಉಪ್ಪಿ ಚಿತ್ರಕ್ಕೆ ಪ್ರೇರಣೆ..!

    uppi is an inspiration to his own movies

    ಅರ್ಜುನ್ ರೆಡ್ಡಿ, ಎರಡು ವರ್ಷಗಳ ಹಿಂದೆ ರಿಲೀಸ್ ಆಗಿ, ಇಡೀ ಇಂಡಿಯಾದಲ್ಲಿ ಸಂಚಲನ ಸೃಷ್ಟಿಸಿದ್ದ ಸಿನಿಮಾ. ಹಸಿಬಿಸಿ ಕಾಮ, ಪ್ರೇಮದ ಕಥೆ ಹೊಂದಿದ್ದ ಅರ್ಜುನ್ ರೆಡ್ಡಿ ಸಿನಿಮಾ, ವಿಜಯ್ ದೇವರಕೊಂಡ ಎಂಬ ಸ್ಟಾರ್‍ನನ್ನು ಹುಟ್ಟುಹಾಕಿತು. ವಿಶೇಷವೇನು ಗೊತ್ತೇ..? ಅರ್ಜುನ್ ರೆಡ್ಡಿ ಚಿತ್ರದ ನಿರ್ದೇಶಕರಿಗೆ ಸ್ಫೂರ್ತಿ ನೀಡಿದ್ದುದು ಉಪೇಂದ್ರ ಚಿತ್ರಗಳು.

    ಉಪೇಂದ್ರ ಅಭಿನಯದ ಎ, ಉಪೇಂದ್ರ, ಪ್ರೀತ್ಸೆ ಚಿತ್ರಗಳನ್ನು ನೋಡಿದ್ದ ನಿರ್ದೇಶಕರು, ಅದೇ ಥಾಟ್‍ನ್ನು ಮುಂದುವರಿಸಿ ಅರ್ಜುನ್ ರೆಡ್ಡಿ ಕಥೆ ಮಾಡಿದ್ದಾಗಿ ಹೇಳಿಕೊಂಡಿದ್ದರು. ಅದನ್ನು ನೋಡಿದಾಗಲೇ ಆರ್.ಚಂದ್ರುಗೆ ಅನಿಸಿದ್ದು ಇಷ್ಟು.

    ಅರೆ, ನಮ್ಮ ನಿರ್ದೇಶಕರ ಕಥೆ, ಬೇರೆ ಭಾಷೆಯ ಚಿತ್ರ, ನಿರ್ದೇಶಕರಿಗೆ ಸ್ಫೂರ್ತಿ ಆಗುವುದಾದರೆ, ಅದನ್ನು ನಾವೇ ಏಕೆ ಮಾಡಬಾರದು. ನೋಡೋಣ ಎಂದು ಕುಳಿತುಕೊಂಡೆ. ಉಪೇಂದ್ರ ಅವರನ್ನೇ ಮನಸ್ಸಿನಲ್ಲಿಟ್ಟುಕಂಡು ಬರೆಯಲು ಕುಳಿತೆ. ಕಥೆ ಸಿದ್ಧವಾಯ್ತು. ಅದೇ ಐ ಲವ್ ಯೂ ಸಿನಿಮಾ ಎನ್ನುತ್ತಾರೆ ಆರ್.ಚಂದ್ರು.

    ಐ ಲವ್ ಯೂ ಸಿನಿಮಾ ಈಗಾಗಲೇ ಟ್ರೇಲರ್‍ನಿಂದ ಗಮನ ಸೆಳೆದಿರುವ ಚಿತ್ರ. ರಚಿತಾ ರಾಮ್ ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ನಟಿಸಿರುವ, ಸೋನುಗೌಡ ಗ್ಲಾಮರ್ ತುಂಬಿರುವ, ಉಪೇಂದ್ರ ಫಿಲಾಸಫಿಗಳನ್ನು ಹೊದ್ದುಕೊಂಡಿರುವ ಐ ಲವ್ ಯೂ ತೆರೆಗೆ ಬರುತ್ತಿದೆ. ಗೆಟ್ ರೆಡಿ.

  • ಉಪ್ಪಿ ಹುಟ್ಟುಹಬ್ಬದ ದಿನ ಕಣ್ಣು ಮುಚ್ಕೋಬೇಡಿ

    i love you uppi birthday poster

    ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಆರ್. ಚಂದ್ರು ಕಾಂಬಿನೇಷನ್‍ನ ಐ ಲವ್ ಯೂ ಸಿನಿಮಾ, ಶೂಟಿಂಗ್ ಹಂತದಿಂದಲೂ ಕುತೂಹಲ ಹುಟ್ಟಿಸುತ್ತಲೇ ಸಾಗುತ್ತಿದೆ. ಅದು ಎ, ಉಪೇಂದ್ರ ಮತ್ತು ಪ್ರೀತ್ಸೆ ಚಿತ್ರಗಳ ಸ್ಟೈಲ್ ಲವ್ ಸ್ಟೋರಿ ಎಂದು ಹೇಳಿದ ಮೇಲಂತೂ, ಚಿತ್ರದ ಮೇಲೆ ಭಾರಿ ನಿರೀಕ್ಷೆ. ಈಗ.. ಆರ್.ಚಂದ್ರು.. ಉಪ್ಪಿ ಹುಟ್ಟುಹಬ್ಬಕ್ಕೆ ವಿಶೇಷ ಕೊಡುಗೆ ಕೊಡುತ್ತಿದ್ದಾರೆ. 3 ಡಿ ಪೋಸ್ಟರ್‍ಗಳ ಮೂಲಕ.

    3ಡಿ ಮೋಷನ್ ಪೋಸ್ಟರ್‍ನ್ನು ಬಿಡುಗಡೆ ಮಾಡಲಿರುವುದು ಉಪ್ಪಿ ಅಲ್ಲ, ಉಪ್ಪಿ ಅಭಿಮಾನಿಗಳು. ಅದು ಆರ್.ಚಂದ್ರು ಸ್ಟೈಲ್. ಚಿತ್ರದಲ್ಲಿ ರಚಿತಾ ರಾಮ್ ಹೀರೋಯಿನ್. ಈ ಹಿಂದೆ ಯಾವ ಸಿನಿಮಾದಲ್ಲೂ ಕಾಣಿಸಿಕೊಂಡಿರದೇ ಇರುವಷ್ಟು ಗ್ಲಾಮರಸ್ ಆಗಿ ನಟಿಸಿದ್ದಾರೆ ರಚಿತಾ ರಾಮ್. ಹೀಗೆ ಸ್ಪೆಷಲ್ಲುಗಳ ಮೇಲೆ ಸ್ಪೆಷಲ್ ಕೊಡುತ್ತಿರುವ ಆರ್.ಚಂದ್ರು, ಉಪ್ಪಿ ಹುಟ್ಟುಹಬ್ಬಕ್ಕೆ ಕಣ್ಮನ ತುಂಬಿಕೊಳ್ಳುವ ಇನ್ನೊಂದು ಸ್ಪೆಷಲ್ ಗಿಫ್ಟ್ ಕೊಡುವುದು ಪಕ್ಕಾ.

    ಸ್ಸೋ.. ದೇವರು ಸೌಂದರ್ಯ ಸವಿಯೋಕೆಂದೇ ಕಣ್ಣು ಕೊಟ್ಟಿದ್ದಾನೆ. ಆದರೆ, ದೇವರ ಮುಂದೆ ನಿಂತುಕೊಂಡಾಗಲೇ ಕಣ್ಣು ಮುಚ್ಚಿಕೊಳ್ತೇವೆ. ಮಂಚದ ಮೇಲೂ ಕಣ್ಣು ಮುಚ್ಚಿಕೊಳ್ತೇವೆ. ಹಾಗಂತ ಉಪ್ಪಿ ಪೋಸ್ಟರ್‍ನ ಕಣ್ಣು ಮುಚ್ಚಿಕೊಂಡು ನೋಡಬೇಡಿ... ಇದು ಐ ಲವ್ ಯೂ ಉಪ್ಪಿ ಸ್ಟೈಲ್.

  • ಉಪ್ಪಿ, ಚಂದ್ರು ಸಿನಿಮಾಗೆ ಬ್ರಹ್ಮಾನಂದಂ

    r chandru's i love you

    ಫ್ಯಾಷನೇಟ್ ಡೈರೆಕ್ಟರ್ ಆರ್.ಚಂದ್ರು ನಿರ್ದೇಶನದ ಹೊಸ ಸಿನಿಮಾ ಐ ಲವ್ ಯೂ. ಕನ್ನಡ ಹಾಗೂ ತೆಲುಗಿನಲ್ಲಿ ಏಕಕಾಲಕ್ಕೆ ತಯಾರಾಗುತ್ತಿರುವ ಚಿತ್ರಕ್ಕೆ ಕನ್ನಡದಲ್ಲಿಯೇ ಬೇರೆ ಕಲಾವಿದರು ಹಾಗೂ ತೆಲುಗಿನಲ್ಲಿ ಬೇರೆಯೇ ಕಲಾವಿದರ ಆಯ್ಕೆ ನಡೆಯುತ್ತಿದೆ. ಕೆಲವು ಪಾತ್ರಗಳಿಗೆ ಎರಡೂ ಭಾಷೆಗಳಿಗೆ ಸಲ್ಲುವವರನ್ನು ಫೈನಲ್ ಮಾಡಲಾಗಿದೆ.

    ಕನ್ನಡದಲ್ಲಿ ಕಾಮಿಡಿ ಕಾಂಬಿನೇಷನ್ ಜವಾಬ್ದಾರಿ ಹೊತ್ತುಕೊಂಡಿರುವುದು ರಂಗಾಯಣ ರಘು ಮತ್ತು ಸಾಧುಕೋಕಿಲ. ತೆಲುಗಿನಲ್ಲಿ ಇದೇ ಕಾಂಬಿನೇಷನ್‍ನಲ್ಲಿ ಕಾಣಿಸಿಕೊಳ್ಳೋದು ಬ್ರಹ್ಮಾನಂದಂ ಮತ್ತು ಪೊಸಾನಿ ಕೃಷ್ಣಸ್ವಾಮಿ. 

    ಇನ್ನು ವಿಲನ್‍ಗಳಾಗಿ ಪ್ರದೀಪ್ ರಾವತ್, ಸಯ್ಯಾಜಿ ಶಿಂಧೆ ಮತ್ತು ರಾಹುಲ್ ದೇವ್ ನಟಿಸುತ್ತಿದ್ದಾರೆ. 

    ಚಿತ್ರದ ಶೂಟಿಂಗ್ ಶುರುವಾಗಿದ್ದು, ಇನ್ನೂ ಹೀರೋಯಿನ್ ಆಯ್ಕೆ ಆಗಿಲ್ಲ. 

     

  • ಉಪ್ಪಿ-ರಚಿತಾ ಬೋಲ್ಡ್ ಸೀನ್ಸ್ ಸೀಕ್ರೆಟ್ ಬಿಚ್ಚಿಟ್ಟ ನಿರ್ದೇಶಕ

    director r chandru talks about the bold scenes in the movie

    ಉಪೇಂದ್ರ ಮತ್ತು ರಚಿತಾ ರಾಮ್, ಇದೇ ಮೊದಲ ಬಾರಿಗೆ ಜೊತೆಯಾಗಿ ನಟಿಸಿರುವ ಚಿತ್ರ ಐ ಲವ್ ಯೂ. ರಚಿತಾ ರಾಮ್ ಇದೇ ಮೊದಲ ಬಾರಿಗೆ ಉಪೇಂದ್ರ ಜೊತೆ ಇಷ್ಟೊಂದು ರೊಮ್ಯಾಂಟಿಕ್ ಆಗಿ ನಟಿಸಿದ್ದು, ಹಲವರ ಹುಬ್ಬೇರಿಸಿದೆ. ಇಷ್ಟಕ್ಕೂ ಇಷ್ಟೊಂದು ಬೋಲ್ಡ್‍ನೆಸ್ ಬೇಕಿತ್ತಾ ಎಂದರೆ, ನಿರ್ದೇಶಕ ಆರ್.ಚಂದ್ರು ಹೇಳೋದಿಷ್ಟು.

    `ಸಿನಿಮಾಗೆ, ಕಥೆಗೆ ಅಂತಹ ದೃಶ್ಯಗಳ ಅವಶ್ಯಕತೆ ಇತ್ತು. ಸಿನಿಮಾ ನೋಡಿದರೆ, ಅದು ನಿಮಗೆ ಅರ್ಥವಾಗುತ್ತೆ. ಜನ ಖಂಡಿತಾ ಆ ದೃಶ್ಯಗಳ ತೀವ್ರತೆ ಅರ್ಥ ಮಾಡಿಕೊಳ್ಳುತ್ತಾರೆ' ಎಂದಿದ್ದಾರೆ ಚಂದ್ರು.

    ಕನ್ನಡ ಮತ್ತು ತೆಲುಗು ಎರಡೂ ಭಾಷೆಯಲ್ಲಿ ರಿಲೀಸ್ ಆಗುತ್ತಿರುವ ಐ ಲವ್ ಯೂ, ಕರ್ನಾಟಕ, ಆಂಧ್ರ, ತೆಲಂಗಾಣಗಳಲ್ಲಿ ಏಕಕಾಲಕ್ಕೆ ರಿಲೀಸ್ ಆಗುತ್ತಿದೆ. ಉಪ್ಪಿ ಜೊತೆ ಇನ್ನೊಬ್ಬ ನಾಯಕಿಯಾಗಿ ಸೋನು ಗೌಡ ಕೂಡಾ ನಟಿಸಿದ್ದಾರೆ. ಸೋನು ಗೌಡ ಪಾತ್ರದ ರಹಸ್ಯವನ್ನು ಟ್ರೇಲರ್‍ಗಳಲ್ಲಿ ಹೆಚ್ಚು ತೋರಿಸದೆ, ಗುಟ್ಟಾಗಿಯೇ ಇಟ್ಟಿದ್ದಾರೆ ಚಂದ್ರು. ಈ ಕಾರಣಕ್ಕೇ ಸಿನಿಮಾ ಸಿಕ್ಕಾಪಟ್ಟೆ ಕುತೂಹಲ ಹುಟ್ಟಿಸಿದೆ.

  • ಐ ಲವ್ ಯು'ಗೆ ಬ್ರಹ್ಮಾನಂದಂ

    bramhanandam i upendra's i love you

    ಐ ಲವ್ ಯು. ಆರ್.ಚಂದ್ರು ನಿರ್ದೇಶನದ ಉಪೇಂದ್ರ, ರಚಿತಾರಾಂ ಅಭಿನಯದ ಸಿನಿಮಾ. ಕನ್ನಡ ಹಾಗೂ ತೆಲುಗು ಎರಡೂ ಭಾಷೆಗಳಲ್ಲಿ ತಯಾರಾಗುತ್ತಿರುವ ಸಿನಿಮಾ, ಪ್ರೀತಿಯ ಬಗ್ಗೆ ಹೊಸ ಭಾಷ್ಯೆಯನ್ನೇ ಬರೆಯಲಿದೆ ಅಂತಿದ್ದಾರೆ ಚಂದ್ರು. ಎರಡೂ ಭಾಷೆಯಲ್ಲಿ ನಿರ್ಮಾಣವಾಗುತ್ತಿರುವ ಕಾರಣ, ಎರಡೂ ಭಾಷೆಯ ಕಲಾವಿದರನ್ನು ಸೇರಿಸಲಾಗುತ್ತಿದೆ. ಹೀಗಾಗಿ ಚಿತ್ರಕ್ಕೆ ತೆಲುಗು ಕಾಮಿಡಿ ಕಿಂಗ್ ಬ್ರಹ್ಮಾನಂದಂ ಎಂಟ್ರಿ ಕೊಟ್ಟಿದ್ದಾರೆ.

    ಬ್ರಹ್ಮಾನಂದಂಗೆ ಕನ್ನಡದಲ್ಲಿ ಇದು 2ನೇ ಸಿನಿಮಾ. ಈ ಮೊದಲು ನಿನ್ನಿಂದಲೇ ಚಿತ್ರದಲ್ಲಿ ನಟಿಸಿದ್ದ ಬ್ರಹ್ಮಾನಂದಂ, 2ನೇ ಬಾರಿ ಕನ್ನಡ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಬ್ರಹ್ಮಾನಂದಂ ಅಷ್ಟೇ ಅಲ್ಲ, ಪೋಸಾನಿ ಕೃಷ್ಣಮುರಳಿ, ಸತ್ಯಬಾಬು ಮೊದಲಾದವರು ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ಚಿತ್ರೀಕರಣ ಬಿರುಸಿನಿಂದ ಸಾಗುತ್ತಿದೆ.

  • ಐ ಲವ್ ಯೂ ಅಡ್ವಾನ್ಸ್ ಬುಕ್ಕಿಂಗ್ ಓಪನ್

    i love you advanced booking starts

    ಉಪೇಂದ್ರ, ರಚಿತಾ ರಾಮ್, ಸೋನುಗೌಡ ನಟನೆಯ, ಆರ್.ಚಂದ್ರು ನಿರ್ದೇಶನದ ಐ ಲವ್ ಯೂ ಚಿತ್ರ, ಜೂನ್ 14ಕ್ಕೆ ರಿಲೀಸ್ ಆಗುತ್ತಿದೆ. 1000ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿರುವ ಸಿನಿಮಾಗೆ, ಕರ್ನಾಟಕ, ಆಂಧ್ರಪ್ರದೇಶ ಹಾಗೂ ತೆಲಂಗಾಣದಲ್ಲೂ ಭರ್ಜರಿ ಬೇಡಿಕೆ. ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ಏಕಕಾಲಕ್ಕೆ ತೆರೆ ಕಾಣುತ್ತಿರುವ ಸಿನಿಮಾಗೆ ಈಗಾಗಲೇ ಅಡ್ವಾನ್ಸ್ ಬುಕ್ಕಿಂಗ್ ಶುರುವಾಗಿದೆ.

    ಐ ಲವ್ ಯೂ ಚಿತ್ರದಲ್ಲಿ ರಚಿತಾ ರಾಮ್, ಸಿಕ್ಕಾಪಟ್ಟೆ ಹಾಟ್ ಆಗಿ ಕಾಣಿಸಿಕೊಂಡಿದ್ದು, ಟ್ರೇಲರ್ ಹಾಗೂ ಚಿತ್ರದ ಹಾಡುಗಳು ಕ್ರೇಜ್ ಹುಟ್ಟಿಸಿವೆ. 

  • ಐ ಲವ್ ಯೂ ಆ ಹಾಡು ನೋಡಿದ ರಚಿತಾ ಅಮ್ಮ, ಅಕ್ಕ ಹೇಳಿದ್ದೇನು..?

    rachita ram's mother and sister appreciates her for her role in i love you

    ಉಪ್ಪಿ-ರಚಿತಾರ ಬೋಲ್ಡ್ ಆ್ಯಕ್ಟಿಂಗ್, ಐ ಲವ್ ಯೂ ರಿಲೀಸ್ ವೇಳೆ ಭಾರಿ ಸದ್ದು ಮಾಡಿದ್ದ ವಿಷಯ. ಒಂದು ಹಂತದಲ್ಲಂತೂ ಅದು ಪ್ರಿಯಾಂಕಾ ಉಪೇಂದ್ರ ಮತ್ತು ರಚಿತಾ ರಾಮ್ ನಡುವೆ ಸಣ್ಣದೊಂದು ಸಮರಕ್ಕೂ ಸಾಕ್ಷಿಯಾಗಿತ್ತು. ಪಡ್ಡೆಗಳ ನಿದ್ದೆಗೆಡಿಸಿದ್ದ ರಚಿತಾ ರಾಮ್, ಇನ್ನು ಮುಂದೆ ಇಂತಹ ದೃಶ್ಯಗಳಲ್ಲಿ ನಟಿಸಲ್ಲ ಎಂದಿದ್ದರು. ಇಷ್ಟೆಲ್ಲ ಆಗಿ, ಸಿನಿಮಾ ಹಿಟ್ ಆಗಿದೆ. ರಚಿತಾಗೆ ಅತಿದೊಡ್ಡ ಸರ್ಟಿಫಿಕೇಟ್ ಸಿಕ್ಕಿದೆ. ಅದು ಅವರ ತಾಯಿ ಹಾಗೂ ಅಕ್ಕನ ಮೆಚ್ಚುಗೆಯ ಸರ್ಟಿಫಿಕೇಟ್.

    ಐ ಲವ್ ಯೂ ಸಿನಿಮಾ ನೋಡಿದ ರಚಿತಾ ರಾಮ್ ತಾಯಿ ಹಾಗೂ ಅಕ್ಕ ನಿತ್ಯಾ ರಾಮ್ ಒಟ್ಟಿಗೇ ನೋಡಿದ್ದಾರೆ. ಇದು ನನ್ನ ಮಗಳ ಸಿನಿಮಾ ಎನ್ನುವುದಕ್ಕಿಂತ ಉಪೇಂದ್ರ-ರಚಿತಾ ರಾಮ್ ಸಿನಿಮಾ ಎಂದು ನೋಡೋಕೆ ಹೋಗಿದ್ದೆವು ಎಂದಿರೋ ಇಬ್ಬರೂ ಕೂಡಾ ರಚಿತಾರ ಅಭಿನಯ ಸೂಪರ್ ಎಂದಿದ್ದಾರೆ. ಅದರಲ್ಲೂ ಆ ಹಾಡಿನಲ್ಲಿ  ಅದ್ಭುತ ಪರ್ಫಾಮೆನ್ಸ್. ಎಕ್ಸ್‍ಪ್ರೆಷನ್ಸ್ ಚಿಂದಿ. ಯೂ ಕಿಲ್ಡ್ ಇಟ್ ಎಂದು ಹೊಗಳಿದ್ದಾರೆ.

    ಅಮ್ಮನೇ ಒಪ್ಪಿಕೊಂಡ ಮೇಲೆ ಇನ್ಯಾರು ಏನಂದರೂ ನನಗೆ ಚಿಂತೆ ಇಲ್ಲ ಎಂದಿದ್ದಾರೆ ರಚಿತಾ ರಾಮ್. ನಿರ್ದೇಶಕ ಹಾಗೂ ನಿರ್ಮಾಪಕ ಆರ್.ಚಂದ್ರು ತುಂಬುತ್ತಿರುವ ಗಲ್ಲಾಪೆಟ್ಟಿಗೆ ನೋಡಿ ಖುಷಿಯಾಗಿದ್ದಾರೆ.

  • ಐ ಲವ್ ಯೂ ಉಪ್ಪಿ ಅಂದಿದ್ದು ರಚಿತಾ ರಾಮ್

    rachitha in i love you

    ಐ ಲವ್ ಯೂ. ಆರ್.ಚಂದ್ರು ಮತ್ತು ಉಪೇಂದ್ರ ಕಾಂಬಿನೇಷನ್ನಿನ ಸಿನಿಮಾ. ಕನ್ನಡ ಮತ್ತು ತೆಲುಗು ಎರಡೂ ಭಾಷೆಯಲ್ಲಿ ನಿರ್ಮಾಣವಾಗುತ್ತಿರುವ ಚಿತ್ರಕ್ಕೆ ರಚಿತಾ ರಾಮ್ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. 

    ಈ ಮೊದಲು ಚಂದ್ರು ನಿರ್ದೇಶನದ ಕನಕ ಚಿತ್ರದಲ್ಲಿ ರಚಿತಾ ನಟಿಸಬೇಕಿತ್ತು. ಆಗಿರಲಿಲ್ಲ. ಉಪೇಂದ್ರ ಜೊತೆ ಉಪ್ಪಿರುಪ್ಪಿ ಚಿತ್ರದಲ್ಲಿ ರಚಿತಾ ನಾಯಕಿ. ಚಿತ್ರ ಶೂಟಿಂಗ್ ಹಂತದಲ್ಲಿದೆ. ಈಗ ಉಪೇಂದ್ರ ಮತ್ತು ಆರ್.ಚಂದ್ರು ಜೊತೆಯಾಗಿದ್ದಾರೆ ರಚಿತಾ ರಾಮ್.

    ಜೂನ್ 10ರಿಂದ ಚಿತ್ರೀಕರಣ ಶುರುವಾಗಲಿದೆ. ಪ್ರೀತಿ, ಪ್ರೇಮ ಎಲ್ಲ ಪುಸ್ತಕದ ಬದ್ನೇಕಾಯ್ ಎಂದಿದ್ದ ಉಪೇಂದ್ರ, ಇಲ್ಲಿ ಬೇರೆಯದ್ದೇ ಸಂದೇಶ ಕೊಡಲಿದ್ದಾರೆ. ಎ, ಉಪೇಂದ್ರ ಮತ್ತು ಪ್ರೀತ್ಸೆ.. ಉಪ್ಪಿ ಅಭಿನಯದ ಮೂರು ಚಿತ್ರಗಳೂ ನೆನಪು ಮಾಡುವಂತಾ ಕಥೆ ಚಿತ್ರದಲ್ಲಿದೆಯಂತೆ.

  • ಐ ಲವ್ ಯೂ ಚಿತ್ರದಲ್ಲಿ ಉಪ್ಪಿಯ ಹೆಸರೇನು..?

    speciality of upendra's name in i love you

    ಎ ಚಿತ್ರದಲ್ಲಿ ಉಪ್ಪಿಯ ಹೆಸರು ಉಪೇಂದ್ರ. ಉಪೇಂದ್ರ ಚಿತ್ರದಲ್ಲಿ ನಾನು. ಉಪ್ಪಿ-2 ಚಿತ್ರದಲ್ಲಿ ಅನ್‍ನೋನು. ಪ್ರೀತ್ಸೆ ಚಿತ್ರದಲ್ಲಿ ಚಂದ್ರು. ಅಂದಹಾಗೆ ಐ ಲವ್ ಯೂ ಚಿತ್ರದ ನಿರ್ದೇಶಕ ಕೂಡಾ ಚಂದ್ರು. ಎ, ಉಪೇಂದ್ರ ಮತ್ತು ಪ್ರೀತ್ಸೆ ಚಿತ್ರಗಳ ಸ್ಫೂರ್ತಿಯಲ್ಲೇ ಬರುತ್ತಿರುವ ವಿಭಿನ್ನ ಲವ್ ಸ್ಟೋರಿ ಐ ಲವ್ ಯೂ. ಹೀಗಾಗಿಯೇ ಉಪ್ಪಿ ಪಾತ್ರದ ಹೆಸರೇನು ಅನ್ನೋ ಕುತೂಹಲವೂ ಇದೆ.

    ಉಪೇಂದ್ರ ಪಾತ್ರಕ್ಕೆ ಚಂದ್ರು ಚಿತ್ರದಲ್ಲಿ ಸಂತೋಷ ಅನ್ನೋ ಹೆಸರು ಕೊಟ್ಟಿದ್ದಾರೆ. ಇದು ನಾನು ಮತ್ತು ಅನ್‍ನೋನು ಪಾತ್ರಗಳ ಒಟ್ಟು ಹೆಸರು ಅನ್ನೋದು ಚಂದ್ರು ವಿವರಣೆ. ನಾನು ಮತ್ತು ಅನ್‍ನೋನು ಕ್ಯಾರೆಕ್ಟರ್‍ಗಳು ಒಟ್ಟಾಗಿದ್ದಾಗ ಸಂತೋಷ ತಂತಾನೇ ಬರುತ್ತೆ. ಅದೇ ಕಾನ್ಸೆಪ್ಟ್‍ನಲ್ಲಿ ಉಪ್ಪಿ ಪಾತ್ರಕ್ಕೆ ಸಂತೋಷ ಅನ್ನೋ ಹೆಸರಿಡಲಾಗಿದೆ ಅಂತಾರೆ ಚಂದ್ರು. ಐ ಲವ್ ಯೂ ಚಿತ್ರದ ವಿಭಿನ್ನ ವಿಶೇಷಗಳ ಸರಣಿಯಲ್ಲಿ ಇನ್ನೂ ಹಲವಾರು ಅಚ್ಚರಿಗಳಿವೆ.

  • ಐ ಲವ್ ಯೂ ನೋಡಿ ಮನೆಗೆ ಹೋದ ಮೇಲೆ.. 

    i love you is a tota domesticate love story

    ಐ ಲವ್ ಯೂ ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ಬೋಲ್ಡ್ ಸೀನ್‍ಗಳಿವೆ. ರಚಿತಾ ರಾಮ್ ಹಿಂದೆಂದೂ ಇಷ್ಟು ಹಾಟ್ ಆಗಿ ಕಾಣಿಸಿಕೊಂಡಿರಲಿಲ್ಲ. ಅದೇನದು.. ಸೋನು ಗೌಡರ ಪಾತ್ರ, ಥೇಟು 100% ಗೃಹಿಣಿ. ಆ ಬೋಲ್ಡ್‍ನೆಸ್‍ಗೂ, ಇದಕ್ಕೂ ತದ್ವಿರುದ್ಧ ಇದೆಯಲ್ಲ. ಉಪೇಂದ್ರ ಕಾಲೇಜ್ ಸ್ಟೂಡೆಂಟು, ಕ್ರಿಕೆಟ್ ಪ್ಲೇಯರು, ಬ್ಯುಸಿನೆಸ್‍ಮ್ಯಾನು, ಪ್ರೇಮಕ್ಕೆ ಅಂಗಲಾಚುವ ಯುವಕ.. ಏನಿದೆಲ್ಲ..

    ಹೀಗೆ ಐ ಲವ್ ಯೂ ಟ್ರೇಲರ್ ನೋಡಿದವರ ಮನದಲ್ಲಿ ಮೂಡುತ್ತಿರೋ ಪ್ರಶ್ನೆಗಳಿವು. ಬೋಲ್ಡ್ ಸೀನ್ ನೋಡಿದವರಿಗೆ ಕಾಡ್ತಿರೋ ಪ್ರಶ್ನೆ ಒಂದೇ. ಫ್ಯಾಮಿಲಿ ಜೊತೆ ಬರಬಹುದಾ ಅನ್ನೋದು. ನಿರ್ದೇಶಕ ಆರ್.ಚಂದ್ರು ಆ ಪ್ರಶ್ನೆಗೆ ಕೊಡೋ ಯೆಸ್. ಆ ಕೆಲವು ದೃಶ್ಯಗಳು ಚಿತ್ರದಲ್ಲಿವೆ.ಅವು ಏಕೆ ಬರುತ್ತವೆ ಅನ್ನೋದು ಸಿನಿಮಾ ನೋಡಿದ ಮೇಲೆ ನಿಮಗೇ ಗೊತ್ತಾಗುತ್ತೆ ಎನ್ನುತ್ತಾರೆ ಚಂದ್ರು.

    ಅಷ್ಟೆ ಅಲ್ಲ, ಸಿನಿಮಾ ನೋಡಿ ಮನೆಗೆ ಬಂದ ಮೇಲೆ ನಾವು ಯಾರನ್ನು ಪ್ರೀತಿ ಮಾಡಬೇಕು, ನಮ್ಮನ್ನು ಪ್ರೀತಿಸುತ್ತಿರೋದು ಯಾರು ಎಂಬ ಬಗ್ಗೆ ನಾವು ಖಂಡಿತಾ ಯೋಚನೆ ಮಾಡ್ತೇವೆ ಎನ್ನುವ ಭರವಸೆ ಚಂದ್ರು ಕಡೆಯಿಂದ ಬರುತ್ತೆ.

  • ಐ ಲವ್ ಯೂ ಬಾಕ್ಸಾಫೀಸ್ ಲೂಟಿ

    i love you successmeet

    2 ವರ್ಷಗಳ ನಂತರ ತೆರೆ ಕಂಡಿರುವ ಉಪೇಂದ್ರ ಅಭಿನಯದ ಸಿನಿಮಾ ಐ ಲವ್ ಯೂ. ಬಾಕ್ಸಾಫೀಸ್‍ನ್ನು ಅಕ್ಷರಶಃ ಲೂಟಿ ಹೊಡೆಯುತ್ತಿದೆ. ಕರ್ನಾಟಕ, ಆಂಧ್ರ, ತೆಲಂಗಾಣ ಎಲ್ಲ ಕಡೆಯಲ್ಲೂ ಒಂದೇ ರೆಸ್ಪಾನ್ಸ್. ಚಿತ್ರ ಸಕ್ಸಸ್.

    ಇದೇ ಕಾರಣಕ್ಕಾಗಿ ಚಿತ್ರತಂಡ ಸಕ್ಸಸ್ ಮೀಟ್ ನಡೆಸಿತ್ತು. ಆರ್.ಚಂದ್ರು ತಮ್ಮ ಆರಂಭದ ದಿನಗಳನ್ನು ನೆನಪಿಸಿಕೊಂಡರೆ, ಉಪೇಂದ್ರ ಎ ಚಿತ್ರ ರಿಲೀಸ್ ಮಾಡುವಾಗ ಅನುಭವಿಸಿದ್ದ ಕಷ್ಟಗಳನ್ನು ಮೆಲುಕು ಹಾಕಿದರು.

    ಇನ್ನು ಬಿಡುಗಡೆಗೆ ಮುನ್ನ ಭಾರಿ ಸಂಚಲನ ಸೃಷ್ಟಿಸಿದ್ದ ಉಪೇಂದ್ರ, ರಚಿತಾ ರಾಮ್ ಹಾಟ್ ಸಾಂಗ್, ನಿರ್ದೇಶಕರು ಹೇಳಿದಂತೆ ಬಿಡುಗಡೆಯಾದ ಮೇಲೆ ತಣ್ಣಗಾಗಿದೆ. ಚಿತ್ರದಲ್ಲಿ ಬಂದು ಹೋಗುವ ಆ ದೃಶ್ಯ, ಚಿತ್ರದ ಕಥೆಗೆ ಬೇಕಿತ್ತು ಎಂದಿದ್ದರು. ಅಷ್ಟೇ ಅಲ್ಲ, ಇನ್ನೊಬ್ಬ ನಾಯಕಿ ಸೋನು ಗೌಡ ಅವರ ಪಾತ್ರವನ್ನೇಕೆ ಬಿಡುಗಡೆಗೆ ಮುನ್ನ ಸೀಕ್ರೆಟ್ ಆಗಿ ಇಡಲಾಯ್ತು ಎಂಬುದಕ್ಕೂ ಚಿತ್ರದಲ್ಲಿ ಉತ್ತರ ಸಿಕ್ಕಿದೆ.

    ಸದ್ಯಕ್ಕೆ ಆರ್.ಚಂದ್ರು ಹ್ಯಾಪಿ ಹ್ಯಾಪಿ. ಉಪೇಂದ್ರ, ರಚಿತಾ ರಾಮ್, ಸೋನು ಗೌಡ ಎಲ್ಲರಿಗೂ ಖುಷಿಯೋ ಖುಷಿ.

  • ಐ ಲವ್ ಯೂ ರಿಲೀಸ್ ಹಬ್ಬದ ಸ್ಪೆಷಲ್

    fans planning a festival celebrations for uppi's i love you

    ಐ ಲವ್ ಯೂ ಚಿತ್ರದ ಬಿಡುಗಡೆಗೆ ಕೆಲವೇ ದಿನಗಳು ಬಾಕಿ. ಉಪೇಂದ್ರ ಅಭಿಮಾನಿಗಳಂತೂ ಜೂನ್ 14ನ್ನ ಹಬ್ಬದಂತೆ ಆಚರಿಸಲು ಸಿದ್ಧರಾಗಿದ್ದಾರೆ. 

    ಸಿನಿಮಾ ಜೂನ್ 14ರಂದು ತ್ರಿವೇಣಿ ಚಿತ್ರಮಂದಿರದಲ್ಲಿ ರಿಲೀಸ್ ಆಗುತ್ತಿದೆ. ಅದೇ ಮೇಯ್ನ್ ಥಿಯೇಟರ್. ಅದಕ್ಕೂ ಮುನ್ನ ಜೂನ್ 10ರಂದು ಚಿತ್ರದ ಸ್ಪೆಷಲ್ ಕಟೌಟ್‍ನ್ನು ಮೆರವಣಿಗೆ ಮೂಲಕ ತಂದು ನಿಲ್ಲಿಸಲಿದ್ದಾರೆ. ಆ ದಿನ ಅಣ್ಣಮ್ಮ ದೇವಸ್ಥಾನದಿಂದ ತ್ರಿವೇಣಿ ಚಿತ್ರಮಂದಿರದವರಗೆ ಕಟೌಟ್ ಮೆರವಣಿಗೆ ನಡೆಯಲಿದೆ.

    ಚಿತ್ರದ ಮೊದಲ ಟಿಕೆಟ್‍ನ್ನು ಹರಾಜಿಗಿಡಲಾಗುತ್ತಿದ್ದು, ಟಿಕೆಟ್‍ನ್ನು ಹರಾಜಿನಲ್ಲಿ ಖರೀದಿಸಬಹುದು. ಆ ಹಣವನ್ನು ಅನಾಥಾಶ್ರಮವೊಂದಕ್ಕೆ ನೀಡಲು ನಿರ್ಧರಿಸಲಾಗಿದೆ.

    ಉಪೇಂದ್ರ, ರಚಿತಾ ರಾಮ್, ಸೋನು ಗೌಡ ಅಭಿನಯಿಸಿರುವ ಚಿತ್ರಕ್ಕೆ ಆರ್.ಚಂದ್ರು ನಿರ್ದೇಶಕ ಹಾಗೂ ನಿರ್ಮಾಪಕ.

  • ಐ ಲವ್ ಯೂ ಹಾರ್ಟು ನಾನೇ - ಸೋನು ಗೌಡ

    i am the heart of i love you movie

    ಐ ಲವ್ ಯೂ ರಿಲೀಸ್ ಆಗುತ್ತಿದೆ. ಚಿತ್ರದ ಟ್ರೇಲರ್‍ನಲ್ಲಿ ಸೋನು ಗೌಡ ಅವರನ್ನು ನೋಡಿದ ಕಿಚ್ಚ ಸುದೀಪ್, ಏನಿದು ಅಚ್ಚರಿ, ಏನು ಕಥೆ ಎಂದಿದ್ದಾರೆ. ಸೋನುಗೆ ಮೆಚ್ಚುಗೆ ಸಿಕ್ಕಿದೆ. ಆದರೆ, ಚಿತ್ರದ ಮೊದಲ ಟೀಸರ್, ಪೋಸ್ಟರ್, ಟ್ರೇಲರುಗಳಲ್ಲಿ ಸೋನು ಗೌಡ ಇರಲಿಲ್ಲ. ಏಕೆ ಎಂದರೆ, ಅದನ್ನು ನಿರ್ದೇಶಕರು ಹೇಳಿದ್ದರು. ಹಾಗಾಗಿ ನನಗೇನೂ ಬೇಸರವಿಲ್ಲ ಎಂದಿದ್ದಾರೆ ಸೋನು ಗೌಡ.

    ಚಿತ್ರದ ಮುಖ್ಯ ಭೂಮಿಕೆಯಲ್ಲಿರೋದು ಉಪೇಂದ್ರ ಮತ್ತು ರಚಿತಾ ರಾಮ್. ಅವರ ಮೇಲೆಯೇ ಇಡೀ ಕಥೆ ಫೋಕಸ್ ಆಗಿದೆ. ಆದರೆ, ನನ್ನದು ಚಿತ್ರದ ಅತ್ಯಂತ ಪ್ರಮುಖವಾದ ಪಾತ್ರ. ಒಂದು ರೀತಿಯಲ್ಲಿ ನನ್ನದು ಚಿತ್ರದ ಹೃದಯದಂತಾ ಪಾತ್ರ ಎಂಬ ಭರವಸೆ ಸೋನು ಅವರದ್ದು.

    ಸಿನಿಮಾ ನೋಡಿದ ಮೇಲೆ ಪ್ರೇಕ್ಷಕರು ಅತಿ ಹೆಚ್ಚು ನೆನಪಿಸಿಕೊಳ್ಳೋದು ನನ್ನನ್ನೇ ಎಂಬ ಭರವಸೆಯಲ್ಲಿಯೇ ಚಿತ್ರದ ಬಿಡುಗಡೆ ಎದುರು ನೋಡುತ್ತಿದ್ದಾರೆ ಸೋನು ಗೌಡ.

  • ಐ ಲವ್ ಯೂ.. ಉಪ್ಪಿ ಡೈಲಾಗ್‍ನೆಲ್ಲ ಹೇಳಿದ್ದು ರಚಿತಾ..!

    i love you trailer goes viral

    ಎಷ್ಟೇ ಎಷ್ಟೇ ಪ್ರೀತಿಸ್ತೀಯಾ ನೀನು ನನ್ನ.. ತಿಳ್ಕೋ.. ಈ ಪ್ರೀತಿ ಪ್ರೇಮ ಎಲ್ಲ ಪುಸ್ತಕದ್ ಬದ್ನೇಕಾಯಿ..ಇದು ಎ ಚಿತ್ರದಲ್ಲಿ ಉಪ್ಪಿ ಹೇಳುವ ಡೈಲಾಗುಗಳು. ಅದೇ ಉಪ್ಪಿ.. ಡೈರೆಕ್ಟರ್ ಬೇರೆ.. ಚಿತ್ರ ಐ ಲವ್ ಯೂ. ಉಪ್ಪಿಗೆ ಆ ಡೈಲಾಗ್ ಹೇಳೋದು ರಚಿತಾ ರಾಮ್.

    ಪ್ರೇಮ ಕಾಮ ಆ ಭಗವಂತನ ಡ್ರಾಮ.. ಎಂದು ಶುರುವಾಗುವ ಐ ಲವ್ ಯೂ ಟ್ರೇಲರ್, ನೋಡ್ತಾ ನೋಡ್ತಾ ನೋಡುಗರಿಗೆ ಶಾಕ್ ಕೊಡುತ್ತಾ ಹೋಗುತ್ತೆ. ಚಿತ್ರದ ಕಥೆ ಏನು.. ಎಂಬ ಕುತೂಹಲ ಹುಟ್ಟುತ್ತೆ. ಇದು ಉಪ್ಪಿ ಸಿನಿಮಾನೋ.. ಚಂದ್ರು ಸಿನಿಮಾನೋ ಎಂಬ ಪ್ರಶ್ನೆ ಹುಟ್ಟುತ್ತೆ. ರಚಿತಾ ರಾಮ್ ರಗಡ್ ಲುಕ್‍ನಲ್ಲಿ ಬೆಚ್ಚಿಬೀಳಿಸ್ತಾರೆ. ರಗಡ್ ಲುಕ್ ಅಂದ್ರೆ, ಆ ಮಾಸ್ ಡೈಲಾಗ್ಸ್.

    ಇಷ್ಟೆಲ್ಲ ಡೈಲಾಗುಗಳ ನಂತರ ಉಪ್ಪಿ, ರೋಸ್ ತಗೊಂಡ್ ಹೋಗ್ತಾನೆ.. ಐ ಲವ್  ಯೂ ಹೇಳೋಕೆ.. ಯಾರಿಗೆ.. ಏಕೆ.. ಅಲ್ಲಿ ಏನ್ ನಡೆಯುತ್ತೆ.. ರೋಸ್ ತಗೊಂಡ್ ಹೋಗಿ ಐ ಲವ್ ಯೂ ನೇ ಹೇಳ್ತಾನಾ.. ಅಥವಾ..?????

    ಸ್ಟಾಪ್. ಫೆಬ್ರವರಿ 14ಕ್ಕೆ ರಿಲೀಸ್ ಆಗ್ತಿದೆ. ವ್ಯಾಲೆಂಟೈನ್ಸ್ ಡೇಗೆ. ಆ ದಿನ ಉತ್ತರ ಸಿಗುತ್ತೆ.

  • ಜೂನ್ 14ಕ್ಕೆ ಸೆಂಚುರಿ ಸ್ಟಾರ್ V/s ರಿಯಲ್ ಸ್ಟಾರ್

    century star vs real star

    ವರಮಹಾಲಕ್ಷ್ಮಿ ಹಬ್ಬಕ್ಕೆ ದರ್ಶನ್, ಸುದೀಪ್ ಮತ್ತು ರಕ್ಷಿತ್ ಶೆಟ್ಟಿ ಚಿತ್ರಗಳು ಒಟ್ಟಿಗೇ  ರಿಲೀಸ್ ಆಗುತ್ತಿವೆ ಎಂಬ ಸುದ್ದಿ ಮೊನ್ನೆ ಮೊನ್ನೆಯಷ್ಟೇ ಹೊರಬಿದ್ದಿದೆ. ಈಗ ಅದಕ್ಕೂ ಮೊದಲೇ ಮತ್ತೊಂದು ಸ್ಯಾಂಡಲ್‍ವುಡ್ ಸ್ಟಾರ್‍ವಾರ್ ಜೂನ್‍ನಲ್ಲಿ ನಡೆಯಲಿದೆ. 

    ಜೂನ್ 14ಕ್ಕೆ ಶಿವಣ್ಣ ಮತ್ತು ಉಪೇಂದ್ರ ಇಬ್ಬರೂ ಮುಖಾಮುಖಿಯಾಗುತ್ತಿದ್ದಾರೆ. ರವಿವರ್ಮ ನಿರ್ದೇಶನದ ರುಸ್ತುಂ ಒಂದು ಕಡೆ ರಿಲೀಸ್ ಆದರೆ, ಆರ್.ಚಂದ್ರು ನಿರ್ದೇಶನದ ಐ ಲವ್ ಯೂ ಕೂಡಾ ಅದೇ ದಿನ ರಿಲೀಸ್ ಘೋಷಿಸಿಕೊಂಡಿದೆ. ವಿಶೇಷವೆಂದರೆ, ಐ ಲವ್ ಯೂನಲ್ಲಿ ರಚಿತಾ ರಾಮ್ ಹೀರೋಯಿನ್ ಆದರೆ, ರುಸ್ತುಂನಲ್ಲಿ ನಾಯಕಿ ಅಲ್ಲದಿದ್ದರೂ, ಪ್ರಧಾನ ಪಾತ್ರದಲ್ಲಿ ನಟಿಸಿದ್ದಾರೆ. 

  • ಡಿಂಪಲ್ ಕ್ವೀನ್ ಹಿಂದೆ ಉಪ್ಪಿ ಅಲೆದಾಟ

    i love you film lyrical video released

    ಎ ಚಿತ್ರದಲ್ಲಿ ಚಾಂದಿನಿ ಹಿಂದೆ, ಪ್ರೀತ್ಸೆ ಚಿತ್ರದಲ್ಲಿ ಸೋನಾಲಿ ಬೇಂದ್ರೆ ಹಿಂದೆ, ಉಪೇಂದ್ರ ಚಿತ್ರದಲ್ಲಿ ರವೀನಾ ಟಂಡನ್, ದಾಮಿನಿ, ಪ್ರೇಮಾ ಹಿಂದೆ ಪ್ರೀತಿಗಾಗಿ ಅಲೆದಾಡಿದ್ದ ಉಪ್ಪಿ, ಈಗ ರಚಿತಾ ರಾಮ್ ಬೆನ್ನು ಬಿದ್ದಿದ್ದಾರೆ. ಪ್ರೀತ್ಸೆ ಪ್ರೀತ್ಸೆ ಎನ್ನುತ್ತಿದ್ದಾರೆ. ಐ ಲವ್ ಯೂ ಎನ್ನುತ್ತಿದ್ದಾರೆ. ಐ ಲವ್ ಯೂ ಚಿತ್ರದಲ್ಲಿ.

    ಐ ಲವ್ ಯೂ ಚಿತ್ರದ ಲಿರಿಕಲ್ ಸಾಂಗ್ ಬಿಡುಗಡೆಯಾಗಿದೆ. ಒಂದಾನೊಂದು ಕಾಲದಿಂದ ಹಿಂದೆ ಬಂದೆ ಅಂದಿನಿಂದ.. ಎಂದು ಶುರುವಾಗುವ ಹಾಡು, ಪ್ರೇಕ್ಷಕರನ್ನು ಥ್ರಿಲ್ಲಾಗಿಸಿದೆ. ಆರ್. ಚಂದ್ರು ಕಥೆ, ಚಿತ್ರಕಥೆ ಬರೆದು ನಿರ್ಮಿಸಿ, ನಿರ್ದೇಶಿಸಿರುವ ಚಿತ್ರ ಐ ಲವ್ ಯೂ. ಆರ್ಯ ದಕ್ಷಿಣ್ ಸಂಗೀತ ಸಂಯೋಜನೆಯ ಹಾಡನ್ನು ಸುಚಿತ್ ಸುರೇಶ್ ಹಾಡಿದ್ದಾರೆ.

  • ಡಿಂಪಲ್ ಕ್ವೀನ್‍ಗೆ ಪ್ರಿಯಾಂಕಾ ಉಪೇಂದ್ರ ಕ್ಲಾಸ್

    priyanka upendra angry over rachita ram

    ನಟಿ ಪ್ರಿಯಾಂಕಾ ಉಪೇಂದ್ರ ಗರಂ ಆಗಿದ್ದಾರೆ. ಅದೂ ತಮ್ಮ ಪತಿ ಉಪೇಂದ್ರ ಅಭಿನಯದ ಐ ಲವ್ ಯೂ ಚಿತ್ರದ ಹೀರೋಯಿನ್ ರಚಿತಾ ರಾಮ್ ಮೇಲೆ. ಹಾಗಂತ, ರಚಿತಾ ರಾಂ & ಉಪ್ಪಿ ಬೋಲ್ಡ್ ಸೀನ್‍ಗಳ ಬಗ್ಗೆ ಕೋಪಗೊಂಡಿದ್ದಾರೆ ಎಂದುಕೊಂಡರೆ ಅದು ತಪ್ಪು. ಆ ಸೀನ್‍ಗಳ ಬಗ್ಗೆ ಪ್ರಿಯಾಂಕಾ ಅವರಿಗೆ ಯಾವ ತಕರಾರೂ ಇಲ್ಲ. ಅವರ ತಕರಾರು ಇರೋದು ರಚಿತಾ ರಾಮ್ ಮೇಲೆ.

    ರಚಿತಾ ರಾಮ್ ಬೇಜವಾಬ್ದಾರಿ ಹೇಳಿಕೆ ನೀಡುತ್ತಿದ್ದಾರೆ. ಆ ಹಾಡಿನ ಚಿತ್ರೀಕರಣ ವೇಳೆ ನಾವಿಬ್ಬರೇ ಇದ್ದೆವು. ಛಾಯಾಗ್ರಹಕರಿದ್ದರು ಎಂದೆಲ್ಲ ಹೇಳಿಕೊಳ್ಳೋದ್ರ ಹಿಂದಿನ ಉದ್ದೇಶವೇ ಅರ್ಥವಾಗುತ್ತಿಲ್ಲ. ಆ ಹಾಡನ್ನು ಉಪೇಂದ್ರ ನಿರ್ದೇಶನ ಮಾಡಿದ್ದಾರೆ ಎನ್ನುತ್ತಿರುವುದು ಸರಿಯಲ್ಲ. ಇದೆಲ್ಲ ಪ್ರಚಾರಕ್ಕೆ ಹೇಳುವ ವಿಚಾರವೇ ಎನ್ನುವುದು ನನ್ನ ಪ್ರಶ್ನೆ ಎಂದಿದ್ದಾರೆ ಪ್ರಿಯಾಂಕಾ.

    ಇನ್ನು ಮುಂದೆ ಇಂತಹ ಪಾತ್ರ ಮಾಡೋದಿಲ್ಲ ಎನ್ನುತ್ತಿದ್ದಾರೆ. ಅವರಿಗೆ ಇಷ್ಟ ಇಲ್ಲ ಎಂದಮೇಲೆ ಮಾಡಿದ್ದು ಏಕೆ..? ಇದರಿಂದ ಫ್ಯಾಮಿಲಿ ಆಡಿಯನ್ಸ್ ಸಿನಿಮಾ ನೋಡೋಕೆ ಬರುತ್ತಾರಾ..? ಸಿನಿಮಾ ಹೇಗಿದೆ ಎಂಬ ಬಗ್ಗೆ ನನಗೆ ಗೊತ್ತಿಲ್ಲ. ಆದರೆ, ಎಲ್ಲರೂ ಅದೊಂದು ಸೀನ್ ಬಗ್ಗೆ ಮಾತನಾಡುತ್ತಿದ್ದಾರೆ. ಇದರಿಂದ ಉಪ್ಪಿ ಇಮೇಜ್ ಹಾಳಾಗಬಾರದು ಎಂದಿದ್ದಾರೆ ಪ್ರಿಯಾಂಕಾ.

    ಐ ಲವ್ ಯೂ ಚಿತ್ರಕ್ಕೆ ಆರ್.ಚಂದ್ರು ನಿರ್ದೇಶಕ. ಚಿನ್ನಿ ಪ್ರಕಾಶ್ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಅದೆಲ್ಲವನ್ನೂ ಬಿಟ್ಟು ಉಪೇಂದ್ರರೇ ಮಾಡಿದ್ದಾರೆ ಎಂದರೆ ಅದು ಕೆಟ್ಟ ಸಂದೇಶ ಕೊಟ್ಟಂತಾಗುತ್ತೆ. ರಚಿತಾ ರಾಮ್ ಬಗ್ಗೆ ನನ್ನ ಅಸಮಾಧಾನವೇನೂ ಇಲ್ಲ. ಆದರೆ, ಇದರಿಂದ ಪ್ರೇಕ್ಷಕರು ತಪ್ಪು ಅರ್ಥ ಮಾಡಿಕೊಳ್ತಾರೆ ಎಂದು ಕಿವಿ ಮಾತು ಹೇಳಿದ್ದಾರೆ ಪ್ರಿಯಾಂಕಾ.

  • ಡಿಸೆಂಬರ್‍ನಲ್ಲಿ ಯಶ್ V/s ಉಪ್ಪಿ ಫೈಟ್

    kgf and i love you to release simultaneously

    ಡಿಸೆಂಬರ್ 21ಕ್ಕೆ ಕೆಜಿಎಫ್ ರಿಲೀಸ್ ಆಗುತ್ತಿದೆ. ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಅತ್ಯಂತ ಅದ್ಧೂರಿ ನಿರ್ಮಾಣದ ಭಾರಿ ಬಜೆಟ್‍ನ ಚಿತ್ರ ಕೆಜಿಎಫ್. 5 ಭಾಷೆಗಳಲ್ಲಿ ಏಕಕಾಲಕ್ಕೆ ರಿಲೀಸ್ ಆಗ್ತಿರೋ ಕೆಜಿಎಫ್‍ಗೆ ಅದೇ ದಿನ ಉಪ್ಪಿ, ಆರ್.ಚಂದ್ರು ಕಾಂಬಿನೇಷನ್‍ನ ಐ ಲವ್ ಯೂ ಬರಲಿದೆ. ಮೂಲಗಳ ಪ್ರಕಾರ, ಐ ಲವ್ ಯೂ, ಕೆಜಿಎಫ್‍ಗೆ ಎದುರಾಳಿಯಾಗಿ ಬರುವ ಸಾಧ್ಯತೆ ಇದೆ.

    2016ರಲ್ಲೂ ಒಮ್ಮೆ ಹೀಗೆಯೇ ಆಗಿತ್ತು. 2016ರ ಅಕ್ಟೋಬರ್‍ನಲ್ಲಿ ಯಶ್‍ರ ಸಂತು ಸ್ಟ್ರೈಟ್ ಫಾರ್ವರ್ಡ್‍ಗೆ ಎದುರಾಗಿ, ಸುದೀಪ್-ಉಪೇಂದ್ರ ಅಭಿನಯದ ಮುಕುಂದ ಮುರಾರಿ ರಿಲೀಸ್ ಆಗಿತ್ತು. ಈ ಬಾರಿ ಕೆಜಿಎಫ್‍ಗೆ ಐ ಲವ್ ಯೂ ಫೈಟ್ ಕೊಡಲಿದೆ.

    ಕೆಜಿಎಫ್ ರಿಲೀಸ್‍ಗೆ ಒಂದು ವಾರ ಮೊದಲು ರಿಲೀಸ್ ಮಾಡಿದರೆ ಹೇಗೆ ಎಂಬ ಆಲೋಚನೆಯೂ ಚಿತ್ರತಂಡದಲ್ಲಿದೆ. ಅದು ಕ್ರಿಸ್‍ಮಸ್ ರಜೆ ಸಮಯ. ಹಬ್ಬದ ರಜೆ ಇರುವಾಗ ಎರಡು ದೊಡ್ಡ ಚಿತ್ರಗಳು ರಿಲೀಸ್ ಆಗುವುದು ಒಳ್ಳೆಯದೇ ಎನ್ನುತ್ತಾರೆ ನಿರ್ದೇಶಕ ಚಂದ್ರು. ಡಿಸೆಂಬರ್ ಕೊನೆ ವಾರದಲ್ಲಿ ರಿಲೀಸ್ ಆಗುವ ಚಿತ್ರಗಳು ಸೂಪರ್ ಡ್ಯೂಪರ್ ಹಿಟ್ ಆಗುತ್ತವೆ ಎಂಬ ನಂಬಿಕೆ ಚಿತ್ರರಂಗದಲ್ಲಿದೆ. ನೋಡಬೇಕು.

  • ನಾನೆಲ್ಲಿ ಹಾಗೆ ಹೇಳಿದ್ದೇನೆ..? - ಪ್ರಿಯಾಂಕಾ ಉಪೇಂದ್ರಗೆ ರಚಿತಾ ರಾಮ್ ಪ್ರಶ್ನೆ

    rachita clarifies on her statement regarding bold scenes

    ಪ್ರಿಯಾಂಕಾ ಉಪೇಂದ್ರ ರಚಿತಾ ರಾಮ್ ಬಗ್ಗೆ, ಅವರ ಮಾತುಗಳ ಬಗ್ಗೆ ಸಿಟ್ಟಾಗಿರುವುದಕ್ಕೆ ರಚಿತಾ ರಾಮ್ ಹೇಳಿರೋದಿಷ್ಟು. 

    ನಾನು ಎಲ್ಲಿಯೂ ಆ ಹಾಡನ್ನು ಉಪ್ಪಿ ಸರ್ ನಿರ್ದೇಶನ ಮಾಡಿದ್ದಾರೆ ಎಂದು ಹೇಳಿಲ್ಲ. ಆ ಪಾತ್ರ ಮಾಡಬಾರದಾಗಿತ್ತು ಎಂದೂ ಹೇಳಿಲ್ಲ. ಆ ರೀತಿಯ ಹೇಳಿಕೆಗಳನ್ನು ನಾನು ಕೊಟ್ಟಿಲ್ಲ.

    ನಾನು ಹೇಳಿದ್ದು ಆ ಒಂದು ಸೀನ್ ಮಾಡುವಾಗ ಕಂಫರ್ಟ್ ತುಂಬಾ ಮುಖ್ಯ ಎಂದು. ಆ ರೀತಿಯ ಕಂಫರ್ಟ್ ಉಪ್ಪಿ ಸರ್ ಕಡೆಯಿಂದ ಚೆನ್ನಾಗಿದ್ದ ಕಾರಣಕ್ಕೆ ಸುಲಭವಾಗಿ ನಟಿಸಲು ಸಾಧ್ಯವಾಯಿತು ಎಂದಿದ್ದೇನೆ. ಅಷ್ಟೆ.

    ಇನ್ನು ಮುಂದೆ ಬೋಲ್ಡ್ ಪಾತ್ರ ಮಾಡಲ್ಲ ಎಂದಿದ್ದು ಐ ಲವ್ ಯೂ ಚಿತ್ರದ ಪಾತ್ರದ ಕುರಿತು ಅಲ್ಲ. ನನ್ನ ಫ್ಯಾನ್ಸ್‍ಗೆ ಅಂತಹ ಪಾತ್ರ ಇಷ್ಟ ಆಗಲ್ಲ. ಹಾಗಾಗಿ ಇನ್ನು ಮುಂದೆ ಅಷ್ಟೊಂದು ಬೋಲ್ಡ್ ಆಗಿ ಕಾಣಿಸಿಕೊಳ್ಳಲ್ಲ ಎಂದು. ಅಷ್ಟೇ ಹೊರತು ಮತ್ತೇನಿಲ್ಲ.

    ಇದೇ ಶುಕ್ರವಾರ ತೆರೆ ಕಾಣುತ್ತಿರುವ ಐ ಲವ್ ಯೂ ಚಿತ್ರದಲ್ಲಿ ಉಪೇಂದ್ರ & ರಚಿತಾ ರಾಮ್ ಹಸಿಬಿಸಿ ದೃಶ್ಯಗಳು ಹವಾ ಎಬ್ಬಿಸಿವೆ. ರಚಿತಾ ರಾಮ್ ಇದೇ ಮೊದಲ ಬಾರಿಗೆ ಇಷ್ಟೊಂದು ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ. ಆರ್.ಚಂದ್ರು ನಿರ್ದೇಶನದ ಚಿತ್ರ ಟ್ರೇಲರ್‍ಗಳ ಮೂಲಕವೇ ಗಮನ ಸೆಳೆದಿದ್ದು 1000ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ ಹಾಗೂ 3 ರಾಜ್ಯಗಳಲ್ಲಿ ರಿಲೀಸ್ ಆಗುತ್ತಿದೆ.

I Love You Movie Gallery

Rightbanner02_butterfly_inside

Paddehuli Movie Gallery