` amar, - chitraloka.com | Kannada Movie News, Reviews | Image

amar,

  • ಅಮರ್ ಹೀರೋಯಿನ್ ಬೈಕ್ ರೇಸ್

    amar heroine is also a bike racer

    ಅಮರ್. ಅಭಿಷೇಕ್ ಅಂಬರೀಷ್ ಅಭಿನಯದ ಚೊಚ್ಚಲ ಸಿನಿಮಾ. ಈ ಸಿನಿಮಾಗೆ ತಾನ್ಯಾ ಹೋಪ್ ಹೀರೋಯಿನ್. ಅಭಿಷೇಕ್ ತಮ್ಮ ಮೊದಲ ಸಿನಿಮಾದಲ್ಲಿ ಬೈಕ್ ರೇಸರ್ ಎಂಬ ಗುಟ್ಟನ್ನು ನಿರ್ದೇಶಕ ನಾಗಶೇಖರ್ ಬಿಚ್ಚಿಟ್ಟಿದ್ದರು. ಈಗ ಹೀರೋ ಅಷ್ಟೇ ಅಲ್ಲ, ಹೀರೋಯಿನ್ ಕೂಡಾ ಬೈಕ್ ರೇಸರ್ ಅನ್ನೋದು ಬಹಿರಂಗವಾಗಿದೆ.

    ತಾನ್ಯಾ ಹೋಪ್, ಸ್ವತಃ ಡುಕಾಟಿ ಬೈಕ್ ಓಡಿಸೋಕೆ ಕಲಿತಿದ್ದಾರೆ. ಸುಮಾರು 15 ಲಕ್ಷ ರೂಪಾಯಿಯ ಡುಕಾಟಿ 959 ಬೈಕ್‍ನ್ನು ಪಳಗಿಸಿಕೊಂಡಿದ್ದಾರೆ.

    ಅಭಿಷೇಕ್ ಚಿತ್ರಕ್ಕೆ ಸರ್ವರೀತಿಯಲ್ಲೂ ಸಜ್ಜಾಗಿದ್ದಾರೆ. ಚಿತ್ರದ ನಾಯಕಿಗೆ ಕೂಡಾ ಬೈಕ್ ರೇಸ್ ಕಲಿಸಬೇಕಿತ್ತು. ಈಗವರನ್ನು ಅದನ್ನು ಕಲಿತುಕೊಂಡೇ ಬಂದಿದ್ದಾರೆ. ಸಿನಿಮಾ ಚೆನ್ನಾಗಿ ಬರುತ್ತಿದೆ ಎಂದಿದ್ದಾರೆ ನಾಗಶೇಖರ್.

  • ಅಮರ್‍ನಲ್ಲಿ ದಚ್ಚು-ರಚ್ಚು ಕೊಡವರ ಹಾಡು

    darshan and rachita to dance for kodava dance number

    ಅಮರ್ ಚಿತ್ರ ರಿಲೀಸ್‍ಗೆ ರೆಡಿಯಾಗಿರುವಾಗಲೇ, ಆ ಚಿತ್ರದಲ್ಲಿನ ಒಂದು ಹಾಡು ಕುತೂಹಲ ಹುಟ್ಟಿಸುತ್ತಿದೆ. ಅಭಿಷೇಕ್ ಅಂಬರೀಷ್ ಅಭಿನಯದ ಮೊದಲ ಚಿತ್ರದಲ್ಲಿ ದರ್ಶನ್, ರಚಿತಾ ರಾಮ್ ಗೆಸ್ಟ್ ರೋಲ್‍ಗಳಲ್ಲಿದ್ದಾರೆ. ಅವರು ಈ ಚಿತ್ರದಲ್ಲಿ ಜೋಡಿಯೂ ಹೌದು. ಈ ಜೋಡಿಗೊಂದು ಹಾಡಿದೆ. ಆ ಹಾಡು ಕೊಡವರ ಶೈಲಿಯಲ್ಲಿದೆ ಅನ್ನೋದು ವಿಶೇಷ.

    ನಿರ್ದೇಶಕ ನಾಗಶೇಖರ್, ಹಾಡನ್ನು ವಿಭಿನ್ನವಾಗಿ ಚಿತ್ರೀಕರಿಸಿದ್ದು, ಹಾಡಿಗೆ ಬುಲ್‍ಬುಲ್ ಜೊತೆ ಹೆಜ್ಜೆ ಹಾಕಿದ್ದಾರಂತೆ ದರ್ಶನ್. ಹಾಡು ಬರೆದಿರುವುದು ಕಿರಣ್ ಕಾವೇರಪ್ಪ. ಅರ್ಜುನ್ ಜನ್ಯ ಸಂಗೀತ ನಿರ್ದೇಶನದ ಹಾಡಿಗೆ ದನಿಯಾಗಿರುವುದು ಮತ್ತೊಬ್ಬ ಸಂಗೀತ ನಿರ್ದೇಶಕ ಜೆಸ್ಸಿ ಗಿಫ್ಟ್.

    ವಿಶೇಷಗಳ ಸರಮಾಲೆಯನ್ನೇ ಹೊತ್ತು ತರುತ್ತಿರುವ ಅಮರ್ ಚಿತ್ರದ ಬಗ್ಗೆ ಕನ್ನಡ ಚಿತ್ರರಂಗ ಮತ್ತು ಕನ್ನಡಿಗರಿಗೆ ಭಾರಿ ನಿರೀಕ್ಷೆಯಿರುವುದು ಸುಳ್ಳಲ್ಲ.

  • ಅಮ್ಮ ಇನ್ನೊಬ್ಬರಿಗೆ ಅಮ್ಮನಾಗಿ ನಟಿಸುವುದು ಇಷ್ಟವಿಲ್ಲ - ಅಭಿಷೇಕ್ ಅಂಬರೀಷ್

    abishek talks about his mother, debut movie and ambareesh

    ಅಭಿಷೇಕ್ ಅಂಬರೀಷ್ ಅಭಿನಯದ ಮೊದಲ ಚಿತ್ರ ಅಮರ್ ರಿಲೀಸ್‍ಗೆ ಹತ್ತಿರವಾಗಿದೆ. ಹೀಗಿರುವಾಗಲೇ ತಮ್ಮ ಮೊದಲ ಚಿತ್ರದ ಬಗ್ಗೆ ಮಾತನಾಡಿರುವ ಅಭಿಷೇಕ್, ಅಪ್ಪ ಹೇಳಿಕೊಟ್ಟ ನಟನೆಯ ಗುಟ್ಟು ಬಿಚ್ಚಿಟ್ಟಿದ್ದಾರೆ.

    `ನಿನ್ನ ಮೇಲೆ ದೊಡ್ಡ ಕ್ಯಾಮೆರಾ ಫೋಕಸ್ ಆಗಿದೆ. ನೂರಾರು ಜನ ನಿಂತು ನೋಡುತ್ತಿದ್ದಾರೆ ಎನ್ನುವುದನ್ನು ಮನಸ್ಸಿನಿಂದ ಆಚೆ ಹಾಕಿಬಿಡು. ಅದು ಭಯ ಹುಟ್ಟಿಸುತ್ತೆ. ನಿನ್ನೊಳಗಿನ ನಟ ಭಯಪಟ್ಟರೆ ನಟನೆ ಕಷ್ಟ. ಅದನ್ನು ಮನಸ್ಸಿನಿಂದ ತೆಗೆದುಹಾಕಿ ನಟಿಸುತ್ತಾ ಹೋಗು' ಎಂದಿದ್ದರಂತೆ ಅಂಬಿ. 

    ನಾಗಶೇಖರ್ ನಿರ್ದೇಶನದ ಚಿತ್ರದಲ್ಲಿ ಅಭಿಷೇಕ್ ಜೊತೆ ತಾನ್ಯಾ ಹೋಪ್ ನಾಯಕಿಯಾಗಿ ನಟಿಸಿದ್ದಾರೆ. ಇದೊಂದು ಯೂತ್‍ಫುಲ್ ಲವ್ ಸ್ಟೋರಿ ಎಂದಿರುವ ಅಭಿಷೇಕ್, ಅಪ್ಪ, ಅಮ್ಮನ ಸಿನಿಮಾಗಳನ್ನು ನೋಡುತ್ತಲೇ ನಟನೆಯತ್ತ ಸೆಳೆತ ಶುರುವಾಯಿತು ಎಂದಿದ್ದಾರೆ.

    ಅಮ್ಮನ ಹಲವು ಚಿತ್ರಗಳನ್ನು ನೋಡಿರುವ ಅಭಿಷೇಕ್‍ಗೆ, ಅಮ್ಮ ಬೇರೆ ಕಲಾವಿದರಿಗೆ ತಾಯಿಯಾಗಿ ನಟಿಸುವುದು ಇಷ್ಟವಾಗುವುದಿಲ್ಲವಂತೆ. ಅವರು ನನ್ನ ಚಿತ್ರದಲ್ಲಿ ನಟಿಸಬೇಕು, ಅಮ್ಮನಾಗಿಯೇ ನಟಿಸಬೇಕು ಎಂಬ ಆಸೆಯೂ ಅಭಿಷೇಕ್ ಅವರಿಗೆ ಇದೆ.

  • ಚಾನ್ಸೇ ಇಲ್ಲ.. ಹೀರೋ ತರಾ ಅಲ್ಲ.. ಹೀರೋನೇ..

    abishek ambareesh's mega mass entry

    ಇವನ್ಯಾರ್ ಗುರು.. ಒಳ್ಳೆ ಹೀರೋ ತರಾ ಪೋಸ್ ಕೊಡ್ತಾವ್ನೆ.. ಅಂತಾನೆ ವಿಲನ್ನು.ಹೀರೋ ತರಾನೇ.. ಚಾನ್ಸೇ ಇಲ್ಲ.. ಹೀರೋನೇ ಅಂತಾ ಅಬ್ಬರಿಸ್ತಾನೆ ಹೀರೋ. ಹೀಗೆ ಅಬ್ಬರಿಸುತ್ತಲೇ ಎಂಟ್ರಿ ಕೊಟ್ಟಿದ್ದಾರೆ ಯಂಗ್ ರೆಬಲ್ ಸ್ಟಾರ್  ಅಭಿಷೇಕ್ ಅಂಬರೀಷ್. ಅಮರ್ ಚಿತ್ರದ ಟೀಸರ್‍ನ ಹೈಲೈಟ್ ಇದು.

    ಗೆಳೆಯನ ಅಗಲಿಕೆಯ ನೋವನ್ನು ತಮ್ಮದೇ ಮಾತುಗಳಲ್ಲಿ ಹೇಳಿಕೊಂಡಿರುವ ನಿರ್ಮಾಪಕ ಸಂದೇಶ್ ನಾಗರಾಜ್, ಇಡೀ ಚಿತ್ರವನ್ನೇ ಅಂಬಿಗೆ ಅರ್ಪಿಸಿದ್ದಾರೆ. ಟೀಸರ್‍ನಲ್ಲಿ ಅಬ್ಬರಿಸಿ ಬೊಬ್ಬರಿಯುವುದು ಅಭಿಷೇಕ್ ಅಂಬರೀಷ್. ಬೈಕ್ ಸ್ಟಂಟ್ ಅಬ್ಬಾ ಎನಿಸುತ್ತೆ. 

    ಒನ್ಸ್ ಎಗೇಯ್ನ್.. ಈ ಹೊಸ ಹೀರೋನನ್ನು ಟೀಸರ್‍ನಲ್ಲಿ ಪರಿಚಯಿಸೋದು.. ಚಿಕ್ಕಣ್ಣ. 

    ನಿರ್ದೇಶಕ ನಾಗಶೇಖರ್, ಟೀಸರ್‍ನಲ್ಲಿಯೇ ಹಬ್ಬದೂಟದ ಸುಳಿವು ಕೊಟ್ಟಿದ್ದಾರೆ. ಅಭಿಷೇಕ್ ಟೀಸರ್‍ಗೆ ಸ್ಯಾಂಡಲ್‍ವುಡ್‍ನ ಬಹುತೇಕ ಎಲ್ಲ ಸ್ಟಾರ್‍ಗಳೂ ಮೆಚ್ಚುಗೆ ಸೂಚಿಸಿದ್ದಾರೆ. ಹೊಸ ಹೀರೋಗೆ ಸ್ವಾಗತ ಕೊರಿದ್ದಾರೆ.

  • ಜ್ಯೂ.ಅಂಬರೀಷ್ ಮೊದಲ ಸಿನಿಮಾ ಸೀಕ್ರೆಟ್ ಏನು..?

    ambareesh son abhishek

    ರೆಬಲ್‍ಸ್ಟಾರ್ ಅಂಬರೀಷ್ ತಮ್ಮ ಪುತ್ರನ ಅಭಿನಯದ ಮೊದಲ ಚಿತ್ರಕ್ಕೆ ಓಕೆ ಎಂದಿರುವುದು, ಆ ಚಿತ್ರಕ್ಕೆ ಅಮರ್ ಎಂದು ಟೈಟಲ್ ಫೈನಲ್ ಆಗಿರುವುದು ಗೊತ್ತಿದೆ ತಾನೇ. ಚಿತ್ರಕ್ಕೆ ನಿರ್ದೇಶಕರಾಗಿರುವುದು ನಾಗಶೇಖರ್. ಸಂಜು ಮತ್ತು ಗೀತಾ, ಮೈನಾ ಖ್ಯಾತಿಯ ನಾಗಶೇಖರ್, ಅಂಬರೀಷ್ ಪುತ್ರನ ಸಿನಿಮಾ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಈಗಾಗಲೇ ಫೋಟೋಶೂಟ್ ಮುಗಿಸಲಾಗಿದೆ. ಆದರೆ, ಅಂಬರೀಷ್ ಕಟ್ಟಾಜ್ಞೆಯಿರುವ ಯಾವುದೇ ಫೋಟೋ ಹೊರಬರುವ ಹಾಗಿಲ್ಲ.

    ಫೋಟೋಶೂಟ್ ನೋಡ್ತಾ ಇದ್ರೆ, ಪ್ರಭಾಸ್‍ರನ್ನೂ ಮೀರಿಸುತ್ತಾರೆ ಅನ್ನೋದು ಅಭಿಷೇಕ್ ಕುರಿತಂತೆ ನಾಗಶೇಖರ್ ಹೇಳೋ ಮಾತು. ಚಿತ್ರದ ಕಥೆ ತುಂಬಾ ಚೆನ್ನಾಗಿದೆ. ಲವ್ & ಸೆಂಟಿಮೆಂಟ್ ಸಬ್ಜೆಕ್ಟ್ ಎಂದಿದ್ದಾರೆ ನಾಗಶೇಖರ್. ನಿರ್ಮಾಪಕ ಸಂದೇಶ್ ನಾಗರಾಜ್ ಎಲೆಕ್ಷನ್‍ನಲ್ಲಿ ಬ್ಯುಸಿಯಾಗಿರುವ ಕಾರಣ, ಒಂದಿಷ್ಟು ಕೊನೆಯ ಹಂತದ ಸಿದ್ಧತೆಗಳು ಬಾಕಿಯಿವೆ.

    ಅಂಬರೀಷ್ ಹುಟ್ಟುಹಬ್ಬದ ಚಿತ್ರದ ಫೋಟೋ ಟೀಸರ್ ಹೊರತರುತ್ತೇವೆ ಎಂದು ಭರವಸೆ ಕೊಟ್ಟಿದ್ದಾರೆ ನಾಗಶೇಖರ್. ಅಮರ್ ಚಿತ್ರಕ್ಕೆ ಸಂಗೀತ ನೀಡುತ್ತಿರುವುದು ಅರ್ಜುನ್ ಜನ್ಯಾ, ಕ್ಯಾಮೆರಾ ಸತ್ಯ ಹೆಗಡೆ ಅವರದ್ದು. ಕಲಾ ನಿರ್ದೇಶನ ಮೋಹನ್ ಬಿ ಕೆರೆ ಅವರದ್ದು. ಸಂಕಲನದ ಜವಾಬ್ದಾರಿ ದೀಪು ಎಸ್ ಕುಮಾರ್ ಹೆಗಲೇರಿದೆ. 

    ಕನ್ನಡದ ಹುಡುಗಿಯೇ ನಾಯಕಿ ಎಂದಿರುವ ನಾಗಶೇಖರ್, ಸುಹಾಸಿನಿ, ರಂಗಾಯಣ ರಘು, ಸಾಧುಕೋಕಿಲ, ಚಿಕ್ಕಣ್ಣ ಮೊದಲಾದವರು ಚಿತ್ರದಲ್ಲಿ ನಟಿಸಲಿದ್ದಾರೆ ಎಂದು ತಿಳಿಸಿದ್ದಾರೆ.

  • ಜ್ಯೂನಿಯರ್‍ಗೆ ಸೀನಿಯರ್ ಅಂಬಿ ಹೇಳಿದ ಬುದ್ದಿಮಾತು ಇದು..!

    dont be late advice abishek

    ಮೊನ್ನೆ ಮೊನ್ನೆಯಷ್ಟೇ ಅಭಿಷೇಕ್ ಅಂಬರೀಷ್ ಅಭಿನಯದ ಅಮರ್ ಚಿತ್ರದ ಮುಹೂರ್ತವಾಗಿದೆ. ಇಡೀ ಚಿತ್ರರಂಗ ಅಂಬರೀಷ್‍ರನ್ನೂ ಮೀರಿಸುವ ಸಾಧನೆ ಮಾಡು ಎಂದು ಹಾರೈಸುತ್ತಿದ್ದರೆ, ಅಂಬರೀಷ್ ಮಾತ್ರ ಎಂದಿನಂತೆ ಡಿಫರೆಂಟಾಗಿಯೇ ಬುದ್ದಿವಾದ ಹೇಳಿದ್ದಾರೆ.

    ನಾನು ಮಾಡಿದಂತೆ ನೀನು ಮಾಡಬೇಡ. ಸೆಟ್‍ಗೆ ಟೈಂಗೆ ಸರಿಯಾಗಿ ಹೋಗಬೇಕು. ಅದು ಅಂಬರೀಷ್ ತಮ್ಮ ಮಗನಿಗೆ ಹೇಳಿರೋ ಬುದ್ದಿವಾದ ನಂಬರ್ 1. ಅಂಬರೀಷ್ ಸೆಟ್‍ಗೆ ಲೇಟ್ ಆಗಿ ಹೋಗೋದ್ರಲ್ಲಿ ಫೇಮಸ್.

    ಎರಡನೇ ಬುದ್ದಿವಾದ ಏನು ಗೊತ್ತಾ..? ಸೆಟ್‍ನಲ್ಲಿದ್ದಾಗ ನೀನು ಆ್ಯಕ್ಟರ್ ಅಷ್ಟೆ. ಅಂಬರೀಷ್ ಮಗ ಅಲ್ಲ. ಡೈರೆಕ್ಟರ್ ಹೇಳಿದಂತೆ ಕೇಳಬೇಕು. ಹೊರಗೆ ನಿನಗೆ ಆ ನಿರ್ದೇಶಕ ಸ್ನೇಹಿತನೇ ಆಗಿರಬಹುದು. ಆದರೆ, ಸೆಟ್‍ನಲ್ಲಿ ಡೈರೆಕ್ಟರ್ ಡೈರೆಕ್ಟರೇ. ನಟ ನಟಾನೇ. ಅದನ್ನು ಶಿಸ್ತಿನಿಂದ ಪಾಲಿಸಬೇಕು ಎಂದು ಹೇಳಿದ್ದಾರೆ ಅಂಬರೀಷ್.

    ವಿಶೇಷ ಅಂದ್ರೆ, ಅಂಬರೀಷ್ ಇವರೆಡನ್ನೂ ಶಿಸ್ತಿನಿಂದ ಪಾಲಿಸಿದವರಲ್ಲ. ಬಹುಶಃ ಪುಟ್ಟಣ್ಣರಂತಾ ನಿರ್ದೇಶಕರನ್ನು ಬಿಟ್ಟರೆ, ಅಂಬರೀಷ್‍ರನ್ನು ಪ್ರಶ್ನಿಸುವ ಅಥವಾ ಬಯ್ಯುವ ಧೈರ್ಯ ಮಾಡಿದ ನಿರ್ದೇಶಕರೂ ಇಲ್ಲ ಎನ್ನಬೇಕು. ಆದರೆ, ಯಾವುದೋ ಒಂದು ಸೀನ್ ಚೆನ್ನಾಗಿ ಬಂದಿಲ್ಲ ಎಂದು ನಿರ್ದೇಶಕ ಹೇಳಿದರೆ, ಬಾಯ್ತುಂಬಾ ಬೈದರೂ ಅಷ್ಟೇ ಪ್ರೀತಿಯಿಂದ ಮತ್ತೊಮ್ಮೆ ನಟಿಸುತ್ತಿದ್ದ ಅಂಬಿ, ನಿರ್ದೇಶಕರಿಗೆ ಇಷ್ಟವಾಗಿದ್ದ ನಟ. ನಿರ್ದೇಶಕರ ಸ್ವಾತಂತ್ರ್ಯದಲ್ಲಿ ಯಾವತ್ತೂ ಮೂಗು ತೂರಿಸದ ಅಂಬರೀಷ್, ತಮ್ಮ ಮಗನಿಗೂ ಅದನ್ನೇ ಹೇಳಿಕೊಟ್ಟಿದ್ದಾರೆ. ಅಭಿಷೇಕ್ ಪಾಲಿಸಬೇಕು.. ಅಷ್ಟೆ.

     

  • ತಮ್ಮನ ಚಿತ್ರಕ್ಕೆ ಕೊಡವರ ಗೀತೆಗೆ ದಚ್ಚು ಡ್ಯಾನ್ಸ್

    darshan rachita's kodava song released

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕೊಡವನಾಗಿದ್ದಾರೆ. ಕೊಡವರೆಂದರೆ, ತಕ್ಷಣ ನೆನಪಾಗುವುದು ಜನರಲ್ ಕಾರಿಯಪ್ಪ, ತಿಮ್ಮಯ್ಯ. ಸಿನಿಮಾದಲ್ಲಿ ಕೊಡವರೆಂದರೆ ತಕ್ಷಣ ನೆನಪಾಗೋದು ಮುತ್ತಿನ ಹಾರ. ಕೊಡವರ ವೀರ.. ಹುಲಿ ಕೊಂದ ಧೀರ ಹಾಡು. ಈ ಬಾರಿ ಕೊಡವನಾಗಿ ಮುಂದೆ ಬಂದಿದ್ದಾರೆ ದರ್ಶನ್. ತಮ್ಮ ಅಮರ್ ಚಿತ್ರಕ್ಕಾಗಿ ದರ್ಶನ್ ರಚಿತಾ ರಾಮ್ ಹೆಜ್ಜೆ ಹಾಕಿದ್ದಾರೆ.

    ಜೋರು ಪಾರು ಆಟ ಆಡೋಣ.. ಎಂಬ ಹಾಡು, ಸಂಪೂರ್ಣ ಕೊಡವ ಭಾಷೆಯಲ್ಲೇ ಇರುವುದು ವಿಶೇಷ. ಕಿರಣ್ ಕಾವೇರಪ್ಪ ಬರೆದಿರೋ ಹಾಡಿಗೆ ಧ್ವನಿ ನೀಡಿರುವುದು ಜೆಸ್ಸಿ ಗಿಫ್ಟ್. ಅರ್ಜುನ್ ಜನ್ಯ ಸಂಗೀತದ ಹಾಡು ಅದ್ಭುತವಾಗಿದೆ ಅನ್ನೋದು ನಿರ್ದೇಶಕ ನಾಗಶೇಖರ್ ಸರ್ಟಿಫಿಕೇಟ್. ನಾಗಶೇಖರ್ ನಿರ್ದೇಶನದ ಚಿತ್ರಗಳಲ್ಲಿ ಹಾಡು ಕೇಳುವಂತಿರುತ್ತವೆ ಹಾಗೂ ಕಣ್ಣು ಮಿಸುಕದೆ ನೋಡುವಂತಿರುತ್ತವೆ. ಹೀಗಾಗಿ ಹಾಡು ಹೇಗೆ ಬಂದಿರಬಹುದು ಅನ್ನೋ ಕುತೂಹಲ ಕನ್ನಡಿಗರಿಗೂ ಇದೆ.

  • ದರ್ಶನ್.. ಅಭಿಷೇಕ್ ಅಂಬರೀಶ್ ಅಣ್ಣ..!

    darshan acts as aboshek's brother in amar

    ಅಂಬರೀಶ್ ಪುತ್ರ ಅಭಿಷೇಕ್ ಗ್ರ್ಯಾಂಡ್ ಎಂಟ್ರಿ ಕೊಡುತ್ತಿರುವ  ಅಮರ್ ಚಿತ್ರದಲ್ಲಿ ದರ್ಶನ್ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ದರ್ಶನ್, ಅಭಿಷೇಕ್‍ಗೆ ಅಣ್ಣನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ದರ್ಶನ್ ಚಿತ್ರದಲ್ಲಿ ಮಲ್ಟಿಮಿಲಿಯನೇರ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಆತ್ಮವಿಶ್ವಾಸ ಕಳೆದುಕೊಂಡಿರುವ ಅಭಿಷೇಕ್‍ಗೆ ಜೀವನೋತ್ಸಾಹ ತುಂಬುವ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

    ದರ್ಶನ್ ಅತಿಥಿ ನಟನಾಗಿ ಕಾಣಿಸಿಕೊಳ್ಳುವುದು ಅಪರೂಪ. ಅರಸು ಚಿತ್ರದಲ್ಲಿ ಪುನೀತ್ ಗೆಳೆಯನಾಗಿ ಕಾಣಿಸಿಕೊಂಡಿದ್ದ ದರ್ಶನ್, ನಂತರ ಚೌಕ ಚಿತ್ರದಲ್ಲಿ ರಾಬರ್ಟ್ ಆಗಿ ನಟಿಸಿದ್ದರು. ಪ್ರಜ್ವಲ್ ದೇವರಾಜ್ ಅವರ ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರದಲ್ಲಿ ಅತಿಥಿಯಾಗಿ ಕಾಣಿಸಿಕೊಳ್ಳುತ್ತಿರುವ ದರ್ಶನ್, ಅಮರ್ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿಯೇ ನಟಿಸಲಿದ್ದಾರೆ. 

    ಅಂಬರೀಶ್ ಮೇಲಿನ ಪ್ರೀತಿಗೆ ದರ್ಶನ್ ನೀಡಿರುವ ಗೌರವ ಇದು. ಸಿನಿಮಾ ಶುರುವಾದಾಗಲೇ ಚಿತ್ರರಂಗದ ಹಲವರು ಚಿತ್ರದಲ್ಲಿ ಗೆಸ್ಟ್ ರೋಲ್‍ನಲ್ಲಿ ನಟಿಸಿ ಪ್ರೋತ್ಸಾಹಿಸುವ ಮಾತನ್ನಾಡಿದ್ದರು. ದರ್ಶನ್ ಪ್ರೀತಿಗೆ ನಾನು ಋಣಿ ಎಂದಿದ್ದಾರೆ ನಿರ್ಮಾಪಕ ಸಂದೇಶ್ ನಾಗರಾಜ್. 

  • ಪ್ರೇಮಿ, ರೆಬಲ್, ಟ್ರಬಲ್.. ಎಲ್ಲ ಅವರೇ ಅಂತೆ..!

    what is the story line of amar

    ಜ್ಯೂ.ಅಂಬರೀಷ್, ಯಂಗ್ ರೆಬಲ್ ಸ್ಟಾರ್ ಅಭಿಷೇಕ್ ಚಿತ್ರರಂಗಕ್ಕೆ ಅಮರ್ ಚಿತ್ರದ ಮೂಲಕ ಎಂಟ್ರಿ ಕೊಡುತ್ತಿದ್ದಾರೆ. ಈ ಚಿತ್ರದ ಕಥೆ ಏನು..? ಅಭಿಷೇಕ್ ಪಾತ್ರ ಎಂಥದ್ದು..? ಅಂಥಾದ್ದೊಂದು ಕುತೂಹಲ ಸಹಜಾಗಿಯೇ ಅಭಿಮಾನಿಗಳಲ್ಲಿದೆ. 

    ಇದೊಂದು ಯೂತ್‍ಫುಲ್ ಲವ್‍ಸ್ಟೋರಿ. ಬ್ಯೂಟಿಫುಲ್ ಲವ್‍ಸ್ಟೋರಿ. ಈ ಚಿತ್ರದಲ್ಲಿ ಪ್ರೇಮಿಯೂ ಅವರೇ, ರೆಬಲ್ಲು, ಟ್ರಬಲ್ಲು ಎಲ್ಲ ಅವರೇ.. ನಾಗಶೇಖರ್ ನಿರ್ದೇಶನದ ಚಿತ್ರವಾದ್ದರಿಂದ ನಿರೀಕ್ಷೆಗಳೂ ಇವೆ. 

    ದರ್ಶನ್ ಜೊತೆ ಯಜಮಾನ, ಉಪೇಂದ್ರ ಜೊತೆ ಹೋಮ್ ಮಿನಿಸ್ಟರ್ ಚಿತ್ರದಲ್ಲಿ ನಟಿಸುತ್ತಿರುವ ತಾನ್ಯಾ ಹೋಪ್ ಅಭಿಷೇಕ್ ಅಂಬರೀಷ್ ಚಿತ್ರಕ್ಕೆ ನಾಯಕಿ. 

    ಸಂದೇಶ್ ನಾಗರಾಜ್ ನಿರ್ಮಾಣದ ಚಿತ್ರದ ಮೂಲಕ, ಕನ್ನಡಕ್ಕೆ ಮತ್ತೊಬ್ಬ ಆರಡಿ ಎತ್ತರದ ಹೀರೋ ಸಿಗುತ್ತಿದ್ದಾರೆ. 

  • ಮಿಸ್ಸಾಗಿದ್ದ ಚಾನ್ಸ್ ಮತ್ತೆ ಸಿಕ್ಕಿದ್ದು ಹೇಗೆ..?

    nagashekar's lucky chance

    ಅಮರ್. ಅಂಬರೀಷ್ ಪುತ್ರನ ಮೊತ್ತ ಮೊದಲ ಸಿನಿಮಾ. ರೆಬಲ್‍ಸ್ಟಾರ್ ಪುತ್ರನ ಸಿನಿಮಾ ನಿರ್ದೇಶನದ ಅದೃಷ್ಟ ಸಿಕ್ಕಿರುವುದು ನಾಗಶೇಖರ್‍ಗೆ. ನಾಗಶೇಖರ್, ಸಂಜು ಮತ್ತು ಗೀತಾ, ಮೈನಾದಂತಹ ಸೂಪರ್ ಹಿಟ್ ಸಿನಿಮಾ ಕೊಟ್ಟವರು. ಅಂಬರೀಷ್ ಪುತ್ರನ ಸಿನಿಮಾ ನಿರ್ದೇಶನದ ಅವಕಾಶ ಸಿಕ್ಕಿದ್ದು ನನ್ನ ಅದೃಷ್ಟ ಎಂದೇ ಖುಷಿಯಾಗುತ್ತಾರೆ ನಾಗಶೇಖರ್. ಈ ಅದೃಷ್ಟ ಅವರಿಗೆ ಒಲಿದಿದ್ದು 2ನೇ ಬಾರಿ. ಮೊದಲ ಬಾರಿಗೆ ಅದು ಮಿಸ್ಸಾಗಿ ಹೋಗಿತ್ತು.

    ನಾಗಶೇಖರ್‍ಗೆ ತೆಲುಗಿನ ರಾಜಶೇಖರ್ ಪುತ್ರಿಯ ಸಿನಿಮಾ ನಿರ್ದೇಶನದ ಆಫರ್ ಸಿಕ್ಕಿತ್ತು. ರಾಜಶೇಖರ್ ಹಾಗೂ ಅವರ ಮಗಳ ಜೊತೆ ಮಾತನಾಡಿ, ಕಥೆ ಸಿದ್ಧಪಡಿಸುತ್ತಿರುವಾಗ ಒಂದು ದಿನ ನಾಗಶೇಖರ್‍ಗೆ ಸಂದೇಶ್ ನಾಗರಾಜ್ ಫೋನ್ ಬಂತಂತೆ. ಅದೂ ರಾತ್ರಿ 12 ಗಂಟೆಗೆ. ನಾಗಶೇಖರ್ ಫೋನ್ ರಿಸೀವ್ ಮಾಡಲಿಲ್ಲ. ಬೆಳಗ್ಗೆ ಮಾಡ್ತೀನಿ ಅಂತಾ ಮೆಸೇಜ್ ಮಾಡಿದ್ದೆ. ಅಮರ್ ಚಿತ್ರಕ್ಕೆ ನೀವು ಡೈರೆಕ್ಟರ್. ನಾಳೆ ಬನ್ನಿ ಮಾತನಾಡೋಣ ಎಂದು ಮೆಸೇಜ್ ಬಂತು. ಹೈದರಾಬಾದ್‍ನಿಂದ ಬಂದಿಳಿದವನು, ಏರ್‍ಪೋರ್ಟ್‍ನಿಮದ ಸೀದಾ ಹೋಗಿದ್ದು ಸಂದೇಶ್ ನಾಗರಾಜ್ ಆಫೀಸ್‍ಗೆ. ಅಲ್ಲಿ ಹೋಗಿ ಬರಲಿಕ್ಕೆ ಹೇಳಿದ್ರಂತೆ ಅಂದ್ರೆ, ನಾನೇನು ಹೇಳಿಲ್ಲವಲ್ಲ ಎಂದರು. ಮತ್ತೊಬ್ಬ ನಿರ್ದೇಶಕರ ಹೆಸರು ಫಿಕ್ಸ್ ಆಗಿತ್ತು. ಹಣೆಬರಹ ಹಳಿದುಕೊಂಡು ವಾಪಸ್ ಹೋದೆ.

    ಆದರೆ, ಹತ್ತಿಪ್ಪತ್ತು ದಿನದ ನಂತರ ಸಂದೇಶ್ ನಾಗರಾಜ್ ಮತ್ತೊಮ್ಮೆ ಫೋನ್ ಮಾಡಿದ್ರು. ಅಮರ್ ಅಂತಾ ಟೈಟಲ್. ಅದಕ್ಕೆ ತಕ್ಕಂತೆ ಕಥೆ ಬರೆಯಬೇಕು ಅಂದ್ರು. ನೀವೇ ಡೈರೆಕ್ಷನ್ ಮಾಡಬೇಕು ಅಂದ್ರು. ನೇರವಾಗಿ ಅಂಬರೀಷ್ ಅಣ್ಣನ ಮನೆಗೆ ಕರೆದುಕೊಂಡು ಹೋಗಿ, ಸುಮಲತಾ ಮೇಡಂ ಮುಂದೆ ಕೂರಿಸಿದ್ರು. ಒಳ್ಳೆ ಸಿನಿಮಾ ಮಾಡಲು ಹೇಳಿದ್ರು.

    ಅದಾದ ಮೇಲೆ ರಾಜಶೇಖರ್ ಅವರಿಗೆ ಹೇಳಿದೆ. ಅಂಬರೀಷ್ ಮಗನ ಸಿನಿಮಾ ಅಂದೆ. ಅವರಿಬ್ಬರೂ ಫ್ರೆಂಡ್ಸ್. ಮೊದಲು ಆ ಸಿನಿಮಾ ಮಾಡು ಅಂದ್ರು. ಅವರು ಒಪ್ಪಿದ್ದು ನನ್ನ ಪುಣ್ಯ ಅಂತಾರೆ ರಾಜಶೇಖರ್.

  • ಮೇ END.. ಅಂಬರೀಷ್ ಫ್ಯಾಮಿಲಿ ವಾರ

    may month will be ambareesh family week

    ಮೇ 29, ಅಂಬರೀಷ್ ಹುಟ್ಟುಹಬ್ಬ. ಆ ದಿನ ಅಂಬರೀಷ್‍ರನ್ನು ಸ್ಟಾರ್ ಮಾಡಿದ ಸಿನಿಮಾ ಅಂತ ಮರುಬಿಡುಗಡೆ.

    ಮೇ 24, ಸುಮಲತಾ ಅಂಬರೀಷ್ ಅಭಿನಯದ ಡಾಟರ್ ಆಫ್ ಪಾರ್ವತಮ್ಮ ಬಿಡುಗಡೆ. 

    ಮೇ 31, ಅಭಿಷೇಕ್ ಅಂಬರೀಷ್ ಅಭಿನಯದ ಮೊದಲ ಸಿನಿಮಾ ಅಮರ್ ಬಿಡುಗಡೆ. ಅಫ್‍ಕೋರ್ಸ್, ಅದೇ ಚಿತ್ರದಲ್ಲಿ ದರ್ಶನ್ ಕೂಡಾ ಅತಿಥಿ ನಟ. ತಮ್ಮನಿಗಾಗಿ.

    ಅಂಬರೀಷ್ ಇಲ್ಲದೇ ಆಚರಿಸಲಾಗುತ್ತಿರುವ ಮೊದಲ ಹುಟ್ಟುಹಬ್ಬಕ್ಕೆ ಅವರ ಇಡೀ ಕುಟುಂಬವೇ ತೆರೆಯ ಮೇಲೆ ರಾರಾಜಿಸಲಿದೆ. ಹೀಗಾಗಿ ಮೇ ತಿಂಗಳ ಕೊನೆಯ ವಾರವನ್ನು ಅಂಬರೀಷ್ ಫ್ಯಾಮಿಲಿ ವೀಕ್ ಎನ್ನಬಹುದು.

  • ಮೊದಲ ಚಿತ್ರದಲ್ಲೇ ಅಭಿಗೆ ನರಕ ತೋರಿಸಿದ್ದಾರಂತೆ ನಾಗಶೇಖರ್

    director nagashekar praises aishek ambareesh

    ಯಜಮಾನನ ಜೊತೆ ಜೊತೆಯಲ್ಲೇ ಅಮರ್ ಚಿತ್ರದ ಟ್ರೇಲರ್ ಕೂಡಾ ಬಿಡುಗಡೆಯಾಗಿದೆ. ಅಭಿಷೇಕ್ ಅಂಬರೀಷ್ ಮೊದಲ ಅಭಿನಯದ ಅಮರ್ ಚಿತ್ರಕ್ಕೆ ಡೈರೆಕ್ಟರ್ ಆಗುವ ಅದೃಷ್ಟ ಪಡೆದ ನಾಗಶೇಖರ್, ಮೊದಲ ಚಿತ್ರದಲ್ಲಿಯೇ ಅಭಿಷೇಕ್ ಅವರಿಗೆ ನರಕ ತೋರಿಸಿಬಿಟ್ಟಿದ್ದೇನೆ ಎಂದಿದ್ದಾರೆ. ಹಾಗಂತ ಏನೇನೋ ಅಂದ್ಕೋಬೇಡಿ.. ಅಷ್ಟು ಕಷ್ಟ ಕೊಟ್ಟಿದ್ದೇನೆ. ಅಭಿಷೇಕ್ ಅದಷ್ಟೂ ಕಷ್ಟಗಳನ್ನೂ ಇಷ್ಟಪಟ್ಟು ಮಾಡಿದ್ದಾರೆ ಎಂದಿದ್ದಾರೆ ನಾಗಶೇಖರ್.

    ಅಮರ್ ಚಿತ್ರದ ಚಿತ್ರೀಕರಣ 20 ದಿನ ಮಡಿಕೇರಿಯಲ್ಲಿ ಆಗಿದೆ. ಅದೂ ಕೊಡಗು ಪ್ರವಾಹಕ್ಕೆ ಮುನ್ನ. ಅಂದರೆ ಪ್ರವಾಹಕ್ಕೆ ಮುನ್ನ ಕೊಡಗು ಹೇಗಿತ್ತು ಅನ್ನೋದು ಅಮರ್ ಚಿತ್ರದಲ್ಲಿ ತಿಳಿಯಲಿದೆ. ಹೆಚ್ಚೂ ಕಡಿಮೆ ಒಂದು ತಿಂಗಳು ಅಭಿಷೇಕ್ ಮತ್ತು ತಾನ್ಯಾ ಹೋಪ್ ರಿಯಲ್ ಮಳೆಯಲ್ಲಿ ನೆನೆದುಕೊಂಡೇ ನಟಿಸಿದ್ದಾರೆ. ಅದು ಅವರ ಬದ್ಧತೆಗೆ ಸಾಕ್ಷಿ ಎಂದಿದ್ದಾರೆ ನಾಗಶೇಖರ್. ಸಂದೇಶ್ ನಾಗರಾಜ್ ನಿರ್ಮಾಣದ ಚಿತ್ರ, ಅಂಬರೀಷ್ ಪುತ್ರನ ಮೊದಲ ಸಿನಿಮಾ ಎನ್ನುವ ಕಾರಣಕ್ಕೇ ಆಕಾಶದೆತ್ತರದಷ್ಟು ನಿರೀಕ್ಷೆ ಹುಟ್ಟಿಸಿದೆ.

  • ಯಂಗ ರೆಬಲ್‍ಸ್ಟಾರ್ ಚಿತ್ರಕ್ಕೆ ಮೇ 28ಕ್ಕೆ ಮುಹೂರ್ತ

    abhishek's amar movie launch date fixed

    ಮೇ 29ಕ್ಕೆ ಅಂಬರೀಷ್ ಹುಟ್ಟುಹಬ್ಬ. ಅದೇ ದಿನ ಅವರ ಮಗ ಅಭಿಷೇಕ್ ಅಂಬರೀಷ್ ಅಭಿನಯದ ಅಮರ್ ಚಿತ್ರಕ್ಕೆ ಮುಹೂರ್ತ ಮಾಡಬೇಕು ಅನ್ನೋದು ನಿರ್ಮಾಪಕ ಸಂದೇಶ್ ನಾಗರಾಜ್ ಕನಸಾಗಿತ್ತು. ಆದರೆ, ಆ ದಿನ ಮಂಗಳವಾರ. ಹೀಗಾಗಿ ಹಿಂದಿನ ದಿನವೇ ಸಣ್ಣದೊಂದು ಪೂಜೆ ಮಾಡಲು ನಿರ್ಧರಿಸಿದ್ದಾರೆ ಸಂದೇಶ್ ನಾಗರಾಜ್.

    ಅಮರ್ ಚಿತ್ರದ ಫಸ್ಟ್ ಲುಕ್ ಸಿದ್ಧವಾಗಿದ್ದು, ಚಿತ್ರದ ಪೋಸ್ಟರ್ ಡಿಸೈನ್ ರೆಡಿಯಾಗಿದೆ. ಮೈನಾ, ಸಂಜು ವೆಡ್ಸ್ ಗೀತಾ ಖ್ಯಾತಿಯ ನಾಗಶೇಖರ್ ಚಿತ್ರದ ನಿರ್ದೇಶಕ. ತಾನ್ಯಾ ಹೋಪ್ ಚಿತ್ರಕ್ಕೆ ನಾಯಕಿ. ಸಿನಿಮಾ ಪೋಸ್ಟರ್‍ನಲ್ಲಿ ಅಭಿಷೇಕ್‍ಗೆ ಯಂಗ್ ರೆಬಲ್‍ಸ್ಟಾರ್ ಅನ್ನೋ ಬಿರುದನ್ನೂ ನೀಡಲಾಗಿದೆ.

    ಚಿತ್ರದ ಬಗ್ಗೆ ಖುಷಿಯಿಂದ ಮಾತನಾಡಿರುವ ಅಭಿಷೇಕ್, ಸಿನಿಮಾವನ್ನೇ ತನ್ನ ಆದ್ಯತೆ ಕ್ಷೇತ್ರವನ್ನಾಗಿ ಆಯ್ಕೆ ಮಾಡಿಕೊಂಡಿದ್ದೇನೆ ಎಂದಿದ್ದಾರೆ. ನಾನು ಹುಟ್ಟಿದ್ದು, ಕಷ್ಟಪಟ್ಟಿದ್ದು, ಇಷ್ಟಪಟ್ಟಿದ್ದು, ಕಲಿತಿದ್ದು ಎಲ್ಲವೂ ಸಿನಿಮಾಗಾಗಿಯೇ. ಹೀಗಾಗಿ ಸಿನಿಮಾ ಬಿಟ್ಟು ಬೇರೆ ಕ್ಷೇತ್ರಗಳ ಬಗ್ಗೆ ನನಗೆ ಆಸಕ್ತಿಯಿಲ್ಲ ಎಂದಿದ್ದಾರೆ ಅಭಿಷೇಕ್ ಅಂಬರೀಷ್.

    ಅಂದಹಾಗೆ ಮತ್ತೊಮ್ಮೆ ಹೇಳಿಬಿಡ್ತೇವೆ ಕೇಳಿ. ಅಮರ್‍ನಾಥ್ ಅನ್ನೋದು ಅಂಬರೀಷ್ ಅವರ ಮೂಲ ಹೆಸರು.ಅಂಬರೀಷ್ ಅನ್ನೋ ನಾಮಕರಣ ಮಾಡಿದ್ದು ಪುಟ್ಟಣ್ಣ ಕಣಗಾಲ್. ಅಂಬರೀಷ್ ಚಕ್ರವ್ಯೂಹ, ಹಾಂಕಾಂಗ್‍ನಲ್ಲಿ ಏಜೆಂಟ್ ಅಮರ್, ಅಮರ್‍ನಾಥ್ ಸೇರಿದಂತೆ ತಮ್ಮ ಹಲವು ಚಿತ್ರಗಳಲ್ಲಿ ಅಮರ್ ಹೆಸರಿನ ಪಾತ್ರವನ್ನೇ ಮಾಡಿದ್ದಾರೆ. ಈಗ ಅವರ ಮಗನ ಮೊದಲ ಸಿನಿಮಾ ಟೈಟಲ್ ಅಮರ್. 

  • ಯಂಗ್ ರೆಬಲ್‍ಗೆ ಕಿಚ್ಚನ ಸ್ವಾಗತ.. ಸುಮಲತಾ ಸಂತಸ

    sudeep welcomes young rebel star

    ಜ್ಯೂನಿಯರ್ ಅಂಬರೀಷ್ ಅಭಿಷೇಕ್ ಅಭಿನಯದ ಮೊದಲ ಸಿನಿಮಾದ ಟೀಸರ್ ಫೆಬ್ರವರಿ 14ಕ್ಕೆ ಬರುತ್ತಿದೆ. ಟೀಸರ್‍ಗೆ ಮುನ್ನ ಚಿತ್ರದ ಫಸ್ಟ್‍ಲುಕ್ ಹೊರಬಿಟ್ಟಿದೆ ಅಮರ್ ಟೀಂ. ಫೆಬ್ರವರಿ 14ರಂದು ಟೀಸರ್ ಬರುತ್ತಿದೆ ಎಂದು ಬಿಟ್ಟಿರುವ ಪೋಸ್ಟರ್‍ಗೆ ಕಿಚ್ಚ ಸುದೀಪ್ ಶುಭ ಹಾರೈಸಿದ್ದಾರೆ. ಸ್ವಾಗತ ಕೋರಿದ್ದಾರೆ.

    ನಾಗಶೇಖರ್ ನಿರ್ದೇಶನದ ಚಿತ್ರಕ್ಕೆ ಸಂದೇಶ್ ನಾಗರಾಜ್ ನಿರ್ಮಾಪಕ. ತಾನ್ಯಾ ಹೋಪ್ ನಾಯಕಿ. 

    ಕಿಚ್ಚನ ಸ್ವಾಗತಕ್ಕೆ ಖುಷಿಗೊಂಡಿರುವುದು ಸುಮಲತಾ. ನಿಮ್ಮ ಸ್ಫೂರ್ತಿದಾಯಕ ಮಾತುಗಳು ಸದಾ ಅಭಿ ಹಾಗೂ ನನ್ನನ್ನು ಉತ್ಸಾಹಿಗಳನ್ನಾಗಿಸುತ್ತೆ. ಬಾಂಧವ್ಯ ಹೀಗೆಯೇ ಮುಂದುವರಿಯಲಿ ಎಂದಿದ್ದಾರೆ ಸುಮಲತಾ.

    ಕಿಚ್ಚ ಅಷ್ಟೇ ಅಲ್ಲ, ಚಿತ್ರರಂಗದ ಹಲವು ಗಣ್ಯರು ಅಭಿಷೇಕ್‍ಗೆ ಸ್ವಾಗತ ಕೋರಿದ್ದಾರೆ.

  • ಯಂಗ್ ರೆಬಲ್‍ಸ್ಟಾರ್‍ಗೆ ಕಿಚ್ಚನ ಸ್ವಾಗತ ಹೇಗಿತ್ತು ಗೊತ್ತಾ..?

    kiccha wishes junior rebel star

    ಯಂಗ್ ರೆಬಲ್‍ಸ್ಟಾರ್ ಅಭಿಷೇಕ್ ಅಂಬರೀಷ್ ಮೊದಲ ಚಿತ್ರವನ್ನು ಇಡೀ ಚಿತ್ರರಂಗ ಸಂಭ್ರಮದಿಂದ ಎದುರು ನೋಡುತ್ತಿದ್ದರೆ, ಕಿಚ್ಚ ಸುದೀಪ್ ತಮ್ಮದೇ ಸ್ಟೈಲ್‍ನಲ್ಲಿ ಶುಭ ಕೋರಿದ್ದಾರೆ.

    ನಿನ್ನದೇ ಆದ ಹೊಸ ಅಧ್ಯಾಯ ಸೃಷ್ಟಿಯಾಗಲಿ..

    ನೀನು ಇಡುವ ಪ್ರತಿ ಹೆಜ್ಜೆಯೂ ನಿನ್ನದಾಗಲೀ..

    ನೀನು ಮುಟ್ಟಬೇಕಿರುವ ಗುರಿಯನ್ನು ಮುಟ್ಟಿಬಿಡು

    ನಿನ್ನದೇ ಆದ ಸಾಮ್ರಾಜ್ಯವನ್ನು ನೀನೇ ಸೃಷ್ಟಿಸು

    ನೀನು ಕಟ್ಟಿದ ಆ ಸಾಮ್ರಾಜ್ಯಕ್ಕೆ ನೀನೇ ಚಕ್ರವರ್ತಿಯಾಗು

    ಶುಭವಾಗಲಿ ಅಭಿ

    ರೈಸ್&ಶೈನ್

    ಚಿತ್ರರಂಗದ ಹಾಲಿ ಸ್ಟಾರ್ ನಟನೊಬ್ಬ, ಇದಕ್ಕಿಂತ ಸುಂದರ ಪದಗಳಲ್ಲಿ ಒಬ್ಬ  ಯುವನಟನನ್ನು ಸ್ವಾಗತಿಸಲು ಸಾಧ್ಯವಿಲ್ಲವೇನೋ.. ಕಿಚ್ಚನ ಹಾರೈಕೆಗೆ ಪ್ರತಿಕ್ರಿಯಿಸಿರುವ ಸುಮಲತಾ, ಅಭಿಯ ಕಲಾಜೀವನಕ್ಕೆ ನೀನೇ ಸ್ಫೂರ್ತಿ ಎಂದಿದ್ದಾರೆ.

  • ಯುಗಾದಿಗೆ ಅಮರ್ ಒಲವಿನ ಉಡುಗೊರೆ

    amar song for yugadi

    ಅತ್ತ ಮಂಡ್ಯದಲ್ಲಿ ಬ್ಯುಸಿಯಾಗಿದ್ದರೂ, ಇತ್ತ ಸಿನಿಮಾ ಕೆಲಸಗಳು ನಿರಂತರವಾಗಿ ಚಾಲ್ತಿಯಲ್ಲಿವೆ. ಅಭಿಷೇಕ್ ಅಂಬರೀಷ್ ಅಭಿನಯದ ಮೊದಲ ಸಿನಿಮಾ ಅಮರ್ ಚಿತ್ರದ ಒಂದು ಹಾಡನ್ನು ಯುಗಾದಿಗೆ ರಿಲೀಸ್ ಮಾಡುತ್ತಿದೆ ಚಿತ್ರತಂಡ. ಈಗಾಗಲೇ ಟೀಸರ್ ಮೂಲಕ ಹವಾ ಸೃಷ್ಟಿಸಿರುವ ಅಮರ್ ಸಿನಿಮಾ ಟೀಂ, ಯುಗಾದಿಗೆ ಹೊಸ ಹಾಡನ್ನು ರಿಲೀಸ್ ಮಾಡುತ್ತಿದೆ. ಸಿನಿಮಾದಲ್ಲಿ ಒಲವಿನ ಉಡುಗೊರೆ ಟೈಟಲ್ ಸಾಂಗ್‍ನ್ನು ಬಳಸಿಕೊಳ್ಳಲಾಗಿದೆಯಂತೆ. ಆ ಹಾಡನ್ನೇ ಬಿಡ್ತಾರಾ..? ಗೊತ್ತಿಲ್ಲ. ಅದು ಸಂಚಿತ್ ಹೆಗ್ಡೆ ಹಾಡಿರುವ ಹಾಡು ಎನ್ನುವುದಂತೂ ಪಕ್ಕಾ.

    ಅಭಿಷೇಕ್ ಜೊತೆ ತಾನ್ಯಾ ಹೋಪ್ ನಾಯಕಿಯಾಗಿದ್ದಾರೆ. ದರ್ಶನ್, ರಚಿತಾ ರಾಮ್, ನಿರೂಪ್ ಭಂಡಾರಿ ಪುಟ್ಟ ಪುಟ್ಟ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ದೇವರಾಜ್, ಚಿಕ್ಕಣ್ಣ, ಸಾಧುಕೋಕಿಲ ನಟಿಸಿರುವ ಸಿನಿಮಾದ ಹಾಡು ಆನಂದ್ ಆಡಿಯೋದಿಂದ ರಿಲೀಸ್ ಆಗುತ್ತಿದೆ. 20 ವರ್ಷದ ಸಂಭ್ರಮದಲ್ಲಿರೋ ಆನಂದ್ ಆಡಿಯೋಗೆ ಈ ಯುಗಾದಿ ತುಂಬಾ ಸ್ಪೆಷಲ್.

Geetha Movie Gallery

Prarambha Teaserpra Launch Gallery