ರುಸ್ತುಂ, ಶಿವರಾಜ್ ಕುಮಾರ್ ಅಭಿನಯದ ಸಾಹಸ ನಿರ್ದೇಶಕ ರವಿವರ್ಮ ನಿರ್ದೇಶನದ ಮೊದಲ ಚಿತ್ರ. ಆ ಚಿತ್ರಕ್ಕೆ ಶ್ರದ್ಧಾ ಶ್ರೀನಾಥ್ ನಾಯಕಿ ಎಂಬ ಸುದ್ದಿ ಹಲವು ಕಡೆ ಹರಿದಾಡುತ್ತಿದೆ. ಈ ಕುರಿತು ನಟಿ ಶ್ರದ್ಧಾ ಶ್ರೀನಾಥ್ ಸ್ಪಷ್ಟನೆ ಕೊಟ್ಟಿದ್ದಾರೆ.

ನಾನಿನ್ನೂ ಸಿನಿಮಾ ಒಪ್ಪಿಕೊಂಡಿಲ್ಲ. ಯಾವುದೇ ಅಗ್ರಿಮೆಂಟ್‍ಗೆ ಸಹಿ ಹಾಕಿಲ್ಲ. ಸಹಿ ಹಾಕಿದ ನಂತರ ಕನ್‍ಫರ್ಮ್ ಮಾಡುತ್ತೇನೆ ಎಂದಿದ್ದಾರೆ ಶ್ರದ್ಧಾ. ಶ್ರದ್ಧಾ ಅವರ ಮಾತು ಕೇಳಿದರೆ, ಒಂದಂತೂ ಗೊತ್ತಾಗುತ್ತೆ. ಚಿತ್ರದ ಆಫರ್ ಶ್ರದ್ಧಾಗೆ ಹೋಗಿರುವುದಂತೂ ಸತ್ಯ.

ರುಸ್ತುಂ. ಶಿವರಾಜ್‍ಕುಮಾರ್, ವಿವೇಕ್ ಒಬೇರಾಯ್, ಶ್ರದ್ಧಾ ಶ್ರೀನಾಥ್, ರಚಿತಾ ರಾಮ್, ಮಯೂರಿ ನಟಿಸುತ್ತಿರು ಸಿನಿಮಾ. ಸಾಹಸ ನಿರ್ದೇಶಕ ರವಿವರ್ಮ ನಿರ್ದೇಶನದ ಮೊದಲ ಸಿನಿಮಾ. ಈ ಸಿನಿಮಾಗೀಗ ಹೊಸ ಐಟಂ ಸೇರ್ಪಡೆಗೊಂಡಿದೆ.

ತೆಲುಗಿನಲ್ಲಿ ಪೋತಗಾಡು, ಜೇಮ್ಸ್‍ಬಾಂಡ್ ಚಿತ್ರಗಳಲ್ಲಿ ನಟಿಸಿರುವ ಸಾಕ್ಷಿ ಚೌಧರಿ ಈ ಚಿತ್ರದ ಐಟಂ ಸಾಂಗ್‍ಗೆ ಹೆಜ್ಜೆ ಹಾಕಿದ್ದಾರೆ. ಈ ಹಾಡಿಗೆ ಕೊರಿಯೋಗ್ರಫಿ ಮಾಡಿರೋದು ರಾಜು ಸುಂದರಂ. ಅಪ್ಪಟ ಮಂಡ್ಯ ಸೊಗಡಿನ ಈ ಹಾಡಿಗೆ ಸಾಹಿತ್ಯ ಬರೆದಿರುವುದು ನಿರ್ದೇಶಕ ಎ.ಪಿ.ಅರ್ಜುನ್.

ಮಂಡ್ಯ ಶೈಲಿಯ ಐಟಂ ಸಾಂಗ್ ಮುಗಿಸುವ ಮೂಲಕ ಶೇ.80ರಷ್ಟು ಚಿತ್ರೀಕರಣ ಮುಗಿಸಿದೆ ರುಸ್ತುಂ ಚಿತ್ರತಂಡ. ದೀಪಾವಳಿ ವೇಳೆಗೆ ಸಿನಿಮಾವ.

ಶಿವರಾಜ್‍ಕುಮಾರ್ ಅಭಿನಯದ ರುಸ್ತುಂ ಸಿನಿಮಾ ರಿಲೀಸ್ ಆಗಿದೆ. ಶಿವಣ್ಣನ ಜೊತೆ ಶ್ರದ್ಧಾ ಶ್ರೀನಾಥ್, ವಿವೇಕ್ ಒಬೇರಾಯ್, ರಚಿತಾ ರಾಮ್, ಮಯೂರಿ ನಟಿಸಿರುವ ಚಿತ್ರ ಬಾಕ್ಸಾಫೀಸ್‍ನಲ್ಲಿ ಭರ್ಜರಿ ಸದ್ದು ಮಾಡ್ತಿದೆ. ಸಾಮಾನ್ಯವಾಗಿ ತಮ್ಮ ನಿರ್ಮಾಣದ ಯಾವುದೇ ಸಿನಿಮಾಗಳನ್ನು ನೋಡದ ಜಯಣ್ಣ, ಈ ಚಿತ್ರವನ್ನು ಮಾತ್ರ ರಿಲೀಸ್‍ಗೂ ಮೊದಲೇ ನೋಡಿದ್ದಾರೆ. ಅಷ್ಟೇ ಅಲ್ಲ, ಕುಟುಂಬದವರೊಂದಿಗೆ ಇನ್ನೊಮ್ಮೆ ನೋಡುವ ಆಸೆ ತೋಡಿಕೊಂಡಿದ್ದಾರೆ. 

ಕಾರಣ ಇಷ್ಟೆ, ರುಸ್ತುಂ ಕಲೆಕ್ಷನ್ ಭರ್ಜರಿಯಾಗಿದೆ. ಫೋನ್ ಮಾಡಿದವರು ಪ್ರಾಮಾಣಿಕ ಪೊಲೀಸ್ ಅಧಿಕಾರಿಯ ಕುಟುಂಬದಲ್ಲಿ ನಡೆಯುವ ಸಮಸ್ಯೆಗಳನ್ನು ಚೆನ್ನಾಗಿ ತೋರಿಸಿದ್ದೀರಿ ಎಂದಿದ್ದಾರಂತೆ. 

ಇದೆಲ್ಲದರ ನಡುವೆ ಸಿನಿಮಾವನ್ನು ಇಡೀ ಇಂಡಿಯಾದಲ್ಲಿ ಡಬ್ ಮಾಡಿ ರಿಲೀಸ್ ಮಾಡೋಕೆ ಜಯಣ್ಣ ರೆಡಿಯಾಗುತ್ತಿದ್ದಾರೆ. ಡಬ್ಬಿಂಗ್ ರೈಟ್ಸ್‍ಗೆ ಒಳ್ಳೆಯ ಡಿಮ್ಯಾಂಡ್ ಕೂಡಾ ಇದೆ. ಏಕೆಂದರೆ, ವಿವೇಕ್ ಒಬೇರಾಯ್‍ಗೆ ಹಿಂದಿಯಲ್ಲಿ, ಶ್ರದ್ಧಾ ಶ್ರೀನಾಥ್‍ಗೆ ತಮಿಳಿನಲ್ಲಿ ಬೇಡಿಕೆ ಇದೆ. ಜೊತೆಗೆ ಚಿತ್ರದಲ್ಲಿ ಬಿಹಾರದ ಕಥೆ ಇದೆ. ಈ ಎಲ್ಲದರ ಜೊತೆಗೆ ಚಿತ್ರದ ನಿರ್ದೇಶಕ ರವಿವರ್ಮ, ಬಾಲಿವುಡ್‍ನಲ್ಲಿ ಚಿರಪರಿಚಿತವಾದ ಹೆಸರು. ಇವೆಲ್ಲವೂ ಚಿತ್ರಕ್ಕೆ ಪ್ಲಸ್ ಆದರೆ, ರುಸ್ತುಂ, ಹಿಂದಿ, ತಮಿಳು, ತೆಲುಗಿನಲ್ಲೂ ಭರ್ಜರಿ ಸದ್ದು ಮಾಡಲಿದೆ.

ಬಾಕ್ಸಾಫೀಸ್‍ನಲ್ಲಿ ಸದ್ದು ಮಾಡ್ತಿರೋ ಚಿತ್ರ ರುಸ್ತುಂ. ಅದರಲ್ಲೂ ಇನ್ಸ್‍ಪೆಕ್ಟರ್ ಅಭಿಷೇಕ್ ಭಾರ್ಗವ್ ಪಾತ್ರದಲ್ಲಿ ಶಿವಣ್ಣನ ಆ್ಯಕ್ಟಿಂಗ್, ಡಾ.ರಾಜ್ ಚಿತ್ರಗಳನ್ನು ನೆನಪಿಸುವಂತಿದೆ. ಹಾಗಂತ ಅಭಿಮಾನಿಗಳು ಹೇಳಿದ್ದನ್ನು ಖುಷಿಯಿಂದ ಹೇಳಿಕೊಂಡಿರೋ ಶಿವಣ್ಣ, ಅದಕ್ಕಿಂತ ದೊಡ್ಡ ಬಹುಮಾನ ನನಗೆ ಬೇಕಿಲ್ಲ ಎಂದಿದ್ದಾರೆ.

ಇತ್ತ ನಿರ್ಮಾಪಕ ಜಯಣ್ಣ, ಆಗಲೇ ಚಿತ್ರದ ಸೀಕ್ವೆಲ್‍ಗೆ ಪ್ಲಾನ್ ಮಾಡುತ್ತಿದ್ದಾರೆ. ಅಭಿಷೇಕ್ ಭಾರ್ಗವ್ ಪಾತ್ರದಲ್ಲಿ ಶಿವಣ್ಣ, ಪತ್ನಿ ಅಂಜು ಪಾತ್ರದಲ್ಲಿ ಶ್ರದ್ಧಾ ಶ್ರೀನಾಥ್, ತಂಗಿಯಾಗಿ ಮಯೂರಿ ನಟಿಸಿದ್ದಾರೆ. ಚಿತ್ರದಲ್ಲಿ ಶಿವಣ್ಣ, ಸೀನಿಯರ್ ಆಫೀಸರ್ ವಿವೇಕ್ ಒಬೇರಾಯ್‍ರಿಂದ ಸಸ್ಪೆಂಡ್ ಆಗ್ತಾರೆ. ನಂತರ.. ನಿರ್ದೇಶಕ ರವಿವರ್ಮ ಸಿನಿಮಾವನ್ನು ಅಲ್ಲಿಗೇ ನಿಲ್ಲಿಸ್ತಾರೆ.

ಕಥೆ ಬರೆಯಲು ಕುಳಿತವರಿಗೆ ಥ್ರಿಲ್ಲೆನಿಸುವಂತ ಐಡಿಯಾಗಳು ಬರುತ್ತಿವೆಯಂತೆ. ಆದರೆ, 2ನೇ ಭಾಗದಲ್ಲಿ ಕೌಟುಂಬಿಕ ಕಥಾಹಂದರ ಹೆಚ್ಚಿರಲಿ ಎಂದಿದ್ದಾರಂತೆ ಜಯಣ್ಣ. ಕಥೆ ಸಿದ್ಧವಾಗುತ್ತಿದೆ. ಸದ್ಯಕ್ಕೆ ಥಿಯೇಟರುಗಳಲ್ಲಿ ಸಿಗುತ್ತಿರೋ ರಿಯಾಕ್ಷನ್‍ಗಳಿಂದ ನಾನು ಹ್ಯಾಪಿ ಎಂದಿದ್ದಾರೆ ಜಯಣ್ಣ. 

ಶಿವರಾಜ್ ಕುಮಾರ್ ನಟಿಸುತ್ತಿರುವ, ಸಾಹಸ ನಿರ್ದೇಶಕ ರವಿವರ್ಮ ನಿರ್ದೇಶನದ ಮೊದಲ ಚಿತ್ರ ರುಸ್ತುಂ. ಶಿವಣ್ಣಂಗೆ ಚಿತ್ರದಲ್ಲಿ ಶ್ರದ್ಧಾ ಶ್ರೀನಾಥ್ ಜೋಡಿ. ಸಿನಿಮಾದಲ್ಲಿ ಇದೇ ಮೊದಲ ಬಾರಿಗೆ ಬಾಲಿವುಡ್ ನಟ ವಿವೇಕ್ ಒಬೇರಾಯ್ ಕೂಡಾ ನಟಿಸುತ್ತಿದ್ದಾರೆ. ಆ ವಿವೇಕ್ ಒಬೇರಾಯ್‍ಗೆ ಜೋಡಿಯಾಗ್ತಿರೋದು ರಚಿತಾ ರಾಮ್.

ಬುಲ್ ಬುಲ್ ರಚಿತಾ ರಾಮ್ ಕೈತುಂಬಾ ಸಿನಿಮಾಗಳಿವೆ. ಅಯೋಗ್ಯ ಶೂಟಿಂಗ್ ಮುಗಿಸಿಕೊಂಡು ರಿಲೀಸ್‍ಗೆ ರೆಡಿಯಾಗಿದ್ದರೆ, ರಾಜಕುಮಾರ, ಸೀತಾರಾಮ ಕಲ್ಯಾಣ, ಐ ಲವ್ ಯೂ ಚಿತ್ರೀಕರಣದಲ್ಲಿವೆ. ಹೀಗಿರುವಾಗಲೇ ರುಸ್ತುಂ ಒಪ್ಪಿಕೊಂಡಿದ್ದಾರೆ ರಚಿತಾ.

ಚಿತ್ರದಲ್ಲಿ ನನ್ನ ಪಾತ್ರ ತುಂಬಾನೇ ಸ್ಪೆಷಲ್. ಇಡೀ ಸಿನಿಮಾಗೆ ತಿರುವು ಕೊಡುವ ಪಾತ್ರ ನನ್ನದು. ಹೀಗಾಗಿ ಸಿನಿಮಾ ಒಪ್ಪಿಕೊಂಡೆ ಎಂದಿದ್ದಾರೆ ರಚಿತಾ ರಾಮ್.

ರವಿವರ್ಮ ನಿರ್ದೇಶನದ ಚಿತ್ರದಲ್ಲಿ ಶಿವರಾಜ್‍ಕುಮಾರ್ ಹೀರೋ ಆಗಿ ನಟಿಸುತ್ತಿರುವುದು ಗೊತ್ತು. ಆ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯಾಗಿ ಶಿವಣ್ಣ ಕಾಣಿಸಿಕೊಂಡಿದ್ದಾರೆ. ಶಿವರಾಜ್‍ಗೆ  ಶ್ರದ್ಧಾ ಶ್ರೀನಾಥ್ ನಾಯಕಿ. ಚಿತ್ರದ ಪ್ರಮುಖ ಪಾತ್ರವೊಂದರಲ್ಲಿ ಬಾಲಿವುಡ್ ನಟ ವಿವೇಕ್ ಒಬೇರಾಯ್ ನಟಿಸಿದ್ದು, ಅವರಿಗೆ ರಚಿತಾ ರಾಮ್ ಜೋಡಿಯಾಗಿದ್ದಾರೆ. ಚಿತ್ರದ ಶೂಟಿಂಗ್ ಮುಗಿಸಿ ತೆರಳಿರುವ ವಿವೇಕ್ ಒಬೇರಾಯ್, ಚಿತ್ರದ ಅನುಭವ ಹಂಚಿಕೊಂಡಿದ್ದಾರೆ.

ನಾನು ಚಿಕ್ಕ ಹುಡುಗನಾಗಿದ್ದಾಗಿನಿಂದ ಶಿವಣ್ಣರನ್ನು ಬಲ್ಲೆ. ಅವರನ್ನು ನೋಡಿಕೊಂಡೇ ಬೆಳೆದವನು ನಾನು. ಅವರ ಜೊತೆ ನಟಿಸುವ ಅವಕಾಶ ಸಿಕ್ಕಿದ್ದು ನನ್ನ ಅದೃಷ್ಟ. ಚಿತ್ರದಲ್ಲಿ ನನ್ನದು ಅತ್ಯಂತ ಪುಟ್ಟ ಪಾತ್ರವಾದರೂ, ಸಿಕ್ಕ ಅನುಭವ ಅದ್ಭುತವಾಗಿತ್ತು. ಸಾಹಸ ನಿರ್ದೇಶಕ ರವಿವರ್ಮ ಒಳ್ಳೆಯ ಸಿನಿಮಾ ಮಾಡುತ್ತಿದ್ದಾರೆ. ಅವರೆಲ್ಲರ ಜೊತೆ ಕೆಲಸ ಮಾಡುವ ಅವಕಾಶ ಸಿಕ್ಕಿದ್ದು ನನಗೆ ಸಿಕ್ಕ ದೊಡ್ಡ ಗೌರವ ಎಂದು ಹೇಳಿಕೊಂಡಿದ್ದಾರೆ ವಿವೇಕ್ ಒಬೇರಾಯ್. ಅಂದಹಾಗೆ ವಿವೇಕ್ ಒಬೇರಾಯ್, ಕರ್ನಾಟಕದ ಅಳಿಯ ಕೂಡಾ. ಅವರ ಪತ್ನಿ ಪ್ರಿಯಾಂಕಾ ಆಳ್ವಾ ಕನ್ನಡತಿ.

ರುಸ್ತುಂ ಚಿತ್ರದಲ್ಲಿ ಶಿವಣ್ಣನ ಜೊತೆ ಬಾಲಿವುಡ್ ಸ್ಟಾರ್ ವಿವೇಕ್ ಒಬೇರಾಯ್ ಕೂಡಾ ನಟಿಸುತ್ತಿದ್ದಾರಷ್ಟೆ. ಕರ್ನಾಟಕದ ಅಳಿಯನಾಗಿದ್ದರೂ, ವಿವೇಕ್‍ಗೆ ಇದು ಮೊದಲ ಕನ್ನಡ ಸಿನಿಮಾ. ಎಲ್ಲರಿಗೂ ಗೊತ್ತಿರುವಂತೆ ಕಂಪೆನಿ, ವಿವೇಕ್ ಒಬೇರಾಯ್ ಅಭಿನದಯ ಮೊದಲ ಸಿನಿಮಾ. ರಾಮ್‍ಗೋಪಾಲ್ ವರ್ಮ ನಿರ್ದೇಶನದ ಚಿತ್ರದಲ್ಲಿ ವಿವೇಕ್ ಅವರಿಗೆ ಡಾನ್ ಪಾತ್ರ ಕೊಟ್ಟಿದ್ದರು. ಆದರೆ, ಅದಕ್ಕೂ ಮುನ್ನ ವಿವೇಕ್ ಕನ್ನಡ ಚಿತ್ರದಲ್ಲಿ ನಟಿಸಬೇಕಿತ್ತಂತೆ.

ವಿವೇಕ್ ಒಬೇರಾಯ್ ಅವರಿಗೆ ಬೆಂಗಳೂರಿನಲ್ಲಿ ಹಲವು ಬಂಧುಗಳಿದ್ದಾರೆ. ಅವರ ಚಿಕ್ಕಮ್ಮನ ಮನೆಗೆ ಆಗಾಗ ಬರುತ್ತಿದ್ದರಂತೆ ವಿವೇಕ್. ವಿವೇಕ್ ಅವರ ಚಿಕ್ಕಮ್ಮನಿಗೆ, ಡಾ.ರಾಜ್ ಕುಟುಂಬದ ಜೊತೆ ಒಡನಾಟವಿತ್ತು. ಹೀಗೇ ಒಮ್ಮೆ ಬಂದಿದ್ದಾಗ, ಅದಾಗಲೇ ಸ್ಟಾರ್ ಆಗಿದ್ದ ಶಿವಣ್ಣ, ವಿವೇಕ್ ಒಬೇರಾಯ್‍ಗೆ ಸಿನಿಮಾ ಆಫರ್ ಕೊಟ್ಟಿದ್ದರಂತೆ. ನೋಡೋಕೆ ಸ್ಮಾರ್ಟ್ ಆಗಿದ್ದೀಯ, ನನ್ನ ಸಿನಿಮಾದಲ್ಲಿ ಒಂದೊಳ್ಳೆ ಪಾತ್ರವಿದೆ. ನನ್ನ ತಮ್ಮನ ಪಾತ್ರ, ನಟಿಸುತ್ತೀಯ ಎಂದು ಕೇಳಿದ್ದರಂತೆ.

ಆದರೆ, ಆಗ ನಾನು ಇನ್ನೂ ಓದುತ್ತಿದ್ದೆ. ಅಮೆರಿಕದಲ್ಲಿ ಪಿಜಿ ಮಾಡಲು ಹೊರಟಿದ್ದೆ. ಹಾಗಾಗಿ ಕನ್ನಡದಲ್ಲಿ ನಟಿಸಲು ಆಗಲಿಲ್ಲ ಎಂದಿರುವ ವಿವೇಕ್, ರುಸ್ತುಂ ಚಿತ್ರವನ್ನು ಒಪ್ಪಿಕೊಳ್ಳಲು ಮೊದಲ ಕಾರಣವೇ ಶಿವಣ್ಣ ಎಂದಿದ್ದಾರೆ. ಇದು ಸಾಹಸ ನಿರ್ದೇಶಕ ರವಿವರ್ಮ ನಿರ್ದೇಶನದ ಮೊದಲ ಚಿತ್ರ. ಶಿವಣ್ಣನಿಗೆ ಶ್ರದ್ಧಾ ಶ್ರೀನಾಥ್ ಜೋಡಿಯಾಗಿದ್ದರೆ, ವಿವೇಕ ಒಬೇರಾಯ್‍ಗೆ ರಚಿತಾ ರಾಮ್ ಜೋಡಿ.

ಶಿವರಾಜ್‍ಕುಮಾರ್ ಅಭಿನಯದ ರವಿವರ್ಮ ನಿರ್ದೇಶನದ ಚಿತ್ರ ರುಸ್ತುಂ. ವಿವೇಕ್ ಒಬೇರಾಯ್ ಪ್ರಮುಖ ಪಾತ್ರವೊಂದಲ್ಲಿ ನಟಿಸುತ್ತಿರುವ ಚಿತ್ರದಲ್ಲಿ ಶ್ರದ್ಧಾ ಶ್ರೀನಾಥ್ ನಾಯಕಿ. ರಚಿತಾ ರಾಮ್, ವಿವೇಕ್ ಒಬೇರಾಯ್‍ಗೆ ಜೋಡಿಯಾಗಿದ್ದರೆ, ನಟಿ ಮಯೂರಿ ಶಿವಣ್ಣನಿಗೆ ತಂಗಿಯಾಗಿದ್ದಾರೆ.

ಹೀಗೆ ಸ್ಪೆಷಲ್ಲುಗಳ ಸರಮಾಲೆಯನ್ನೇ ಹೊಂದಿರುವ ಚಿತ್ರದಲ್ಲಿ ರವಿಶಂಕರ್ ಗಾಯಕರಾಗಿದ್ದಾರೆ. ರವಿಶಂಕರ್, ಶಾಸ್ತ್ರೀಯವಾಗಿ ಸಂಗೀತ ಕಲಿತಿರುವವರು. ಅದ್ಭುತ ಗಾಯಕ. ಸದ್ಯಕ್ಕೆ ನಟನಾಗಿ ಫುಲ್ ಬ್ಯುಸಿ. 

ಅವರೀಗ ರುಸ್ತುಂ ಚಿತ್ರಕ್ಕೆ ಹಾಡೊಂದನ್ನು ಹಾಡಿದ್ದಾರೆ. ಅದೂ ಟೈಟಲ್ ಟ್ರ್ಯಾಕ್. ಎಂಜಾಯ್...

ಈ ಚಿತ್ರವನ್ನೊಮ್ಮೆ ನೋಡಬೇಕು. ರಿಲೀಸ್‍ಗೂ ಮೊದಲೇ ನೋಡಬೇಕು ಎಂದು ಬಾಲಿವುಡ್, ಟಾಲಿವುಡ್ ಸ್ಟಾರ್‍ಗಳೆಲ್ಲ ಕಾಯ್ತಿರೋ ಸಿನಿಮಾ ರುಸ್ತುಂ. ಚಿತ್ರವನ್ನು ನೋಡಬೇಕು ಎಂದು ಸ್ವತಃ ಶಾರುಕ್, ಸಲ್ಮಾನ್, ಅಜಯ್ ದೇವಗನ್, ಪ್ರಭುದೇವ, ನಾಗಾರ್ಜುನ.. ಮೊದಲಾದವರು ಆಸಕ್ತಿ ತೋರಿಸಿದ್ದಾರೆ. ಅದನ್ನು ಚಿತ್ರದ ನಿರ್ದೇಶಕ ರವಿವರ್ಮ ಸ್ಪಷ್ಟಪಡಿಸಿದ್ದಾರೆ.

ರುಸ್ತುಂ, ರವಿ ವರ್ಮ ನಿರ್ದೇಶನದ ಮೊದಲ ಸಿನಿಮಾ. ಆದರೆ, ಸಾಹಸ ನಿರ್ದೇಶಕರಾಗಿ ಬಾಲಿವುಡ್‍ನಲ್ಲಿ ಹೆಸರು ಮಾಡಿರೋ ರವಿವರ್ಮ ನಿರ್ದೇಶನದ ಚೊಚ್ಚಲ ಚಿತ್ರದ ಬಗ್ಗೆ ಬಾಲಿವುಡ್ ಸ್ಟಾರ್‍ಗಳಿಗೂ ಕುತೂಹಲವಿದೆ. ಜೊತೆಗೆ ಚಿತ್ರದಲ್ಲಿ ಬಾಲಿವುಡ್ ನಟ ವಿವೇಕ್ ಒಬೇರಾಯ್ ಕೂಡಾ ನಟಿಸಿದ್ದಾರೆ.

ಶಿವರಾಜ್‍ಕುಮಾರ್, ಶ್ರದ್ಧಾ ಶ್ರೀನಾಥ್, ವಿವೇಕ್ ಒಬೇರಾಯ್, ರಚಿತಾ ರಾಮ್, ಮಯೂರಿ ನಟಿಸಿರುವ ಚಿತ್ರ ಜೂನ್ 28ಕ್ಕೆ ರಿಲೀಸ್ ಆಗುತ್ತಿದೆ.