` prajwal devaraj, - chitraloka.com | Kannada Movie News, Reviews | Image

prajwal devaraj,

  • ಪ್ರಜ್ವಲ್, ವಸಿಷ್ಠ ಸಿಂಹ ಜೋಡಿ ಎದೆ ನಡುಗುತಿದೆ..

    gentleman lyrical video released

    ನಡುಗುತಿದೆ ಎದೆಗೂಡು.. ಸುಡುಗಾಡು ಬರಿ ಮೌನ.. ತೆವಳುತಿದೆ ವಾತ್ಸಲ್ಯ.. ಬರಿ ಮೋಸ ದ್ವೇಷಾ.. ಇದೇ ಜಮಾನಾ..

    ಇದು ಜೆಂಟಲ್‌ಮ್ಯಾನ್ ಚಿತ್ರದ ಗೀತೆ. ಹಾಡಿರುವುದು ವಸಿಷ್ಠ ಸಿಂಹ. ಅವರ ಕಂಚಿನAತಹ ಕಂಠದಲ್ಲಿ ಹಾಡಿನ ಫೋರ್ಸು ಮತ್ತಷ್ಟು ಹೆಚ್ಚಿದೆ. ಪ್ರಜ್ವಲ್ ದೇವರಾಜ್ ಈ ಹಿಂದೆ ಯಾವ ಚಿತ್ರದಲ್ಲೂ ಕಾಣಿಸಿಕೊಳ್ಳದ ರೋಷಾವೇಷದ ಪಾತ್ರದಲ್ಲಿದ್ದಾರೆ.

    ಧನಂಜಯ್ ದಿಡಿಗ ಸಾಹಿತ್ಯಕ್ಕೆ ಅಜನೀಶ್ ಲೋಕನಾಥ್ ಸಾಹಿತ್ಯ ಕಿಕ್ಕೇರಿಸುತ್ತಿದೆ. ಗುರುದೇಶಪಾಂಡೆ ನಿರ್ಮಾಣದ ಚಿತ್ರಕ್ಕೆ ಜಡೇಶ್ ಕುಮಾರ್ ನಿರ್ದೇಶಕ. 

  • ಪ್ರಜ್ವಲ್‍ಗೆ ಪ್ರೇಮಂ ಪಲ್ಲವಿ

    premam fame sai pallavi

    ಸಾಯಿ ಪಲ್ಲವಿ, ಮಲಯಾಳಂನ ಪ್ರೇಮಂ ಚಿತ್ರದ ನಾಯಕಿ. ಕಣ್ಣುಗಳಲ್ಲಿಯೇ ಆಟವಾಡುವ, ಭಾವನೆಗಳನ್ನು ಮುಖಭಾವದಲ್ಲೇ ವ್ಯಕ್ತಪಡಿಸುವ ಅಪರೂಪದ ನೈಜ ಕಲಾವಿದೆ. ಇವರೀಗ ಕನ್ನಡಕ್ಕೆ ಬರುತ್ತಿದ್ದಾರೆ. ಪ್ರಜ್ವಲ್ ದೇವರಾಜ್‍ಗೆ ನಾಯಕಿಯಾಗುತ್ತಿದ್ದಾರೆ.  ಚಿತ್ರಕ್ಕಿನ್ನೂ ಹೆಸರಿಟ್ಟಿಲ್ಲ. 

    ಚಿತ್ರದ ನಿರ್ಮಾಪಕರು ವಿಖ್ಯಾತ್. ನಿರ್ದೇಶಕ ಶ್ರೀನರಸಿಂಹ ಹೇಳಿದ ಕಾಮಿಡಿ ಬ್ಯಾಕ್‍ಗ್ರೌಂಡ್‍ನ ಕಥೆ ಇಷ್ಟವಾಯಿತಂತೆ. ಬೇಜವಾಬ್ದಾರಿಯ ನಾಯಕ. ಪೊಲೀಸ್ ಆಗಿದ್ದರೂ ತಮಾಷೆಯಾಗಿ ವರ್ತಿಸುವ ಹೀರೋ ಪಾತ್ರದಲ್ಲಿ ಪ್ರಜ್ವಲ್ ಇರುತ್ತಾರೆ. ನಾಯಕಿ ಸಾಯಿಪಲ್ಲವಿ. 

    ಸಾಯಿ ಪಲ್ಲವಿಯವರದ್ದೂ ಫನ್ನಿ ಕ್ಯಾರೆಕ್ಟರ್ ಅಂತೆ. ಇಡೀ ಚಿತ್ರ ನಡೆಯುವುದೇ ಪ್ರಜ್ವಲ್ ಮತ್ತು ಸಾಯಿ ಪಲ್ಲವಿ ಅವರ ಪಾತ್ರದ ಮೇಲೆ ಎನ್ನುತ್ತಾರೆ ನಿರ್ದೇಶಕ ಶ್ರೀನರಸಿಂಹ. 

  • ಫೆಬ್ರವರಿಯಲ್ಲೇ ಥಿಯೇಟರುಗಳಲ್ಲಿ ದರ್ಶನ್ ದರ್ಶನ..!

    ಫೆಬ್ರವರಿಯಲ್ಲೇ ಥಿಯೇಟರುಗಳಲ್ಲಿ ದರ್ಶನ್ ದರ್ಶನ..!

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ರಾಬರ್ಟ್ ತೆರೆಗೆ ಬರೋದು ಮಾರ್ಚ್ 11ಕ್ಕೆ. ಇನ್ನೂ 2 ತಿಂಗಳು ಕಾಯಬೇಕು. ಅಂಥಾದ್ದರಲ್ಲಿ ಫೆಬ್ರವರಿಯಲ್ಲೇ ದರ್ಶನ್ ಥಿಯೇಟರಿಗೆ ಬರ್ತಾರೆ ಅಂದ್ರೆ ದಚ್ಚು ಫ್ಯಾನ್ಸ್ ಥ್ರಿಲ್ಲಾಗೋದು ಪಕ್ಕಾ. ಅಫ್‍ಕೋರ್ಸ್ ದರ್ಶನ್ ಅಭಿಮಾನಿಗಳೆಲ್ಲ ಜೈಜೈಕಾರ ಹಾಕುವಂತ, ಖುಷಿಯಾಗಿ ಶಿಳ್ಳೆ ಹೊಡೆಯುವ ಗೆಟಪ್‍ನಲ್ಲೇ ಬರುತ್ತಿದ್ದಾರೆ, ಅದು ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರದ ಮೂಲಕ.

    ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರಕ್ಕೆ ಹೀರೋ ಪ್ರಜ್ವಲ್ ದೇವರಾಜ್, ಹೀರೋಯಿನ್ ಜಾಕಿ ಭಾವನಾ. ನರಸಿಂಹ ನಿರ್ದೇಶಿಸಿರುವ ಚಿತ್ರಕ್ಕೆ ಎ.ಆರ್. ವಿಖ್ಯಾತ್ ನಿರ್ಮಾಪಕ. ಈ ಚಿತ್ರದಲ್ಲಿ ದರ್ಶನ್ ಪುಟ್ಟ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ, ಸ್ನೇಹಕ್ಕಾಗಿ.

    ಈ ಚಿತ್ರದಲ್ಲಿ ದರ್ಶನ್ ಭಗತ್ ಸಿಂಗ್ ಗೆಟಪ್‍ನಲ್ಲಿ ನಟಿಸಿದ್ದು, ಡಬ್ಬಿಂಗ್ ಬ್ಯಾಲೆನ್ಸ್ ಇದೆಯಂತೆ. ಫೆಬ್ರವರಿಯಲ್ಲೇ ಬರುತ್ತೇವೆ ಎಂದು ಜಾಹೀರಾತು ಕೊಟ್ಟಿದೆ ಇನ್ಸ್‍ಪೆಕ್ಟರ್ ವಿಕ್ರಂ ಟೀಂ. ಡೇಟ್ ಅನೌನ್ಸ್ ಮಾಡಿಲ್ಲ. ಹಾಗೇನಾದರೂ ಆದರೆ, 2021ರ ಮೊದಲ ಸ್ಟಾರ್ ಸಿನಿಮಾ, ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರವೇ ಆಗಲಿದೆ.

  • ಬೆಳ್ಳಿತೆರೆಗೆ ಪ್ರಜ್ವಲ್ ದೇವರಾಜ್ ಪತ್ನಿ

    ragini ramachandrappa enters silver screen

    ಪ್ರಜ್ವಲ್ ದೇವರಾಜ್ ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರದಲ್ಲಿ ನಟಿಸುತ್ತಿರೋದು ಹಳೆಯ ಸುದ್ದಿ. ಅದು ಶಿವರಾಜ್ ಕುಮಾರ್-ದಿನೇಶ್ ಬಾಬು ಕಾಂಬಿನೇಷನ್‍ನಲ್ಲಿ ಹಿಟ್ ಆಗಿದ್ದ ಚಿತ್ರದ ಟೈಟಲ್. ಈ ಚಿತ್ರದಲ್ಲಿ ರಮೇಶ್ ಅರವಿಂದ್ ನೆಗೆಟಿವ್ ರೋಲ್‍ನಲ್ಲಿ ನಟಿಸುತ್ತಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅತಿಥಿ ನಟರಾಗಿ ನಟಿಸುತ್ತಿದ್ದಾರೆ. ಇಷ್ಟೆಲ್ಲ ವಿಶೇಷ ಇಟ್ಟುಕೊಂಡಿರೋ ಈ ಚಿತ್ರದ ಮೂಲಕ, ಪ್ರಜ್ವಲ್ ದೇವರಾಜ್ ಪತ್ನಿ ರಾಗಿಣಿ ಚಮದ್ರನ್ ಬೆಳ್ಳಿತೆರೆಗೆ ಬರುತ್ತಿದ್ದಾರೆ.

    ರಾಗಿಣಿ ಚಂದ್ರನ್, ಪ್ರಜ್ವಲ್‍ಗೆ ಹೀರೋಯಿನ್ ಆಗಿಯೇನೂ ಬರ್ತಿಲ್ಲ. ಮೂಲತಃ ಮಾಡೆಲ್ ಹಾಗೂ ನಾಟ್ಯ ಕಲಾವಿದೆಯಾಗಿರುವ ರಾಗಿಣಿ ಚಮದ್ರನ್, ಚಿತ್ರದಲ್ಲೊಂದು ವಿಶೇಷ ಪಾತ್ರದಲ್ಲಿ ನಟಿಸಲಿದ್ದಾರಂತೆ. ರಾಗಿಣಿ ಚಂದ್ರನ್‍ಗೆ ಕ್ಯಾಮೆರಾ ಹೊಸದಲ್ಲ. ಹಲವಾರು ಜಾಹೀರಾತುಗಳಲ್ಲಿ ನಟಿಸಿರುವ ರಾಗಿಣಿಗೆ ವೃತ್ತಿಪರ ಡ್ಯಾನ್ಸರ್. ಶಾರ್ಟ್ ಫಿಲಂಗಳಲ್ಲಿ ನಟಿಸಿರುವ ರಾಗಿಣಿ ಚಂದ್ರನ್‍ಗೆ, ನರಸಿಂಹ ನಿರ್ದೇಶನದ ಈ ಚಿತ್ರ, ಬೆಳ್ಳಿತೆರೆಯಲ್ಲಿ ಮೊದಲ ಸಿನಿಮಾ. 

  • ಭಗತ್ ಸಿಂಗ್ ದರ್ಶನ್

    darshan as bhagat singh in inspector vikram

    ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಭಗತ್ ಸಿಂಗ್ ಅವತಾರ ಎತ್ತುತ್ತಿದ್ದಾರೆ. ಹೌದು, ಕುರುಕ್ಷೇತ್ರದ ಸುಯೋಧನನ ಪೌರಾಣಿಕ ಪಾತ್ರ, ಸಂಗೊಳ್ಳಿ ರಾಯಣ್ಣ ಎಂಬ ಐತಿಹಾಸಿಕ ನಾಯಕನಾಗಿ ಕಾಣಿಸಿಕೊಂಡು ಕನ್ನಡಿಗರ ಮನ ಗೆದ್ದಿರುವ ದರ್ಶನ್, ಈಗ ಭಗತ್ ಸಿಂಗ್ ಆಗುತ್ತಿದ್ದಾರೆ. ಹಾಗಾದರೆ, ಭಗತ್ ಸಿಂಗ್ ಸ್ಟೋರಿ ಸಿನಿಮಾ ಆಗುತ್ತಿದೆಯಾ ಎಂದು ಕೇಳಬೇಡಿ. ಇಲ್ಲ.

    ಪ್ರಜ್ವಲ್ ದೇವರಾಜ್, ಭಾವನಾ ಮೆನನ್ ಅಭಿನಯದ ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರದಲ್ಲಿ ದರ್ಶನ್ ಅತಿಥಿ ನಟರಾಗಿದ್ದಾರಷ್ಟೇ. ಆ ಚಿತ್ರದಲ್ಲಿ ದರ್ಶನ್ ಅವರದ್ದು ಭಗತ್ ಸಿಂಗ್ ಕ್ಯಾರೆಕ್ಟರ್.

    ವಿಖ್ಯಾತ್ ನಿರ್ಮಾಣದ ಚಿತ್ರಕ್ಕೆ ನರಸಿಂಹ ನಿರ್ದೇಶನವಿದ್ದು, ಅನೂಪ್ ಸಿಳೀನ್ ಸಂಗೀತವಿದೆ. ಹುಡುಗಾಟದ ಸ್ವಭಾವ ಆದರೂ ಟಫ್ ಕಾಪ್ ಆಗಿರುವ ಇನ್ಸ್‍ಪೆಕ್ಟರ್ ಪಾತ್ರದಲ್ಲಿ ಪ್ರಜ್ವಲ್ ನಟಿಸುತ್ತಿದ್ದಾರೆ.

  • ಮೂವರು ಹೀರೋಯಿನ್ಸ್ ಜೊತೆ ಪ್ರಜ್ವಲ್ `ಅಬ್ಬರ'ದ ರೊಮ್ಯಾನ್ಸ್

    Prajwal's 'Abbara' Begins

    ಪ್ರಜ್ವಲ್ ದೇವರಾಜ್ ತೆರೆಯ ಮೇಲೆ ಚೆಂದ ರೊಮ್ಯಾನ್ಸ್ ಮಾಡ್ತಾರೆ. ಇಂತಹ ರೊಮ್ಯಾಂಟಿಕ್ ಹೀರೋಗೆ ಮೂರು ಚೆಂದ ಚೆಂದ ಚೆಂದ ಚೆಲುವೆಯರು ಒಟ್ಟೊಟ್ಟಿಗೇ ಸಿಕ್ಕುಬಿಟ್ಟರೆ. ಪ್ರಜ್ವಲ್ ಅಬ್ಬರವನ್ನು ಕೇಳಬೇಕೇ..

    ಡೌಟೇ ಇಲ್ಲ, ಇದು ಪ್ರಜ್ವಲ್ ಅಭಿನಯದ ಹೊಸ ಚಿತ್ರದ ಕಥೆ. ಚಿತ್ರದ ಹೆಸರು ಅಬ್ಬರ. ರಾಮ್ ನಾರಾಯಣ್ ನಿರ್ದೇಶಕ. ನಿಮಿಕಾ ರತ್ನಾಕರ್, ರಾಜಶ್ರೀ ಪೊನ್ನಪ್ಪ ಮತ್ತು ಲೇಖಾ ಚಂದ್ರ ನಾಯಕಿಯರು. ಅವರೆಲ್ಲರ ಜೊತೆಯಲ್ಲೂ ರೊಮ್ಯಾನ್ಸ್ ಮಾಡೋ ಪ್ರಜ್ವಲ್‍ಗೆ ಚಿತ್ರದಲ್ಲಿ ಹಲವು ಶೇಡ್‍ಗಳಿವೆಯಂತೆ. ಚಿತ್ರದ ಟೈಟಲ್ ಅನಾವರಣ ಮಾಡಿದ್ದು ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್. 

  • ಮೈ ಗಢಗಢ ನಡುಗುವ ಚಳಿಯಲ್ಲಿ..ರಿವರ್ ರಾಫ್ಟಿಂಗ್

    life jothe ondu selfie team

    ರಿವರ್ ರ್ಯಾಫ್ಟಿಂಗ್ ಅನ್ನೋದು ಅದ್ಭುತ ಅನುಭವ ಕೊಡುತ್ತೆ. ಹರಿಯುವ ನದಿಯಲ್ಲಿ ರ್ಯಾಫ್ಟಿಂಗ್ ಮಾಡೋದು ಸುಲಭದ ಕೆಲಸವಲ್ಲ. ಅದಕ್ಕೆ ಮೊದಲು ಧೈರ್ಯ ಇರಬೇಕು. ಈಜು ಗೊತ್ತಿರಬೇಕು. ಈಜು ಗೊತ್ತಿದ್ದವರಿಗಷ್ಟೇ ಧೈರ್ಯ ಬರಲು ಸಾಧ್ಯ. ಸದ್ಯಕ್ಕೆ ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರತಂಡ ಹಿಮಾಲಯದ ತಪ್ಪಲಲ್ಲಿ ರ್ಯಾಫ್ಟಿಂಗ್ ಮಾಡಿದೆ.

    ದಿನಕರ್ ತೂಗುದೀಪ್ ನಿರ್ದೇಶನದ ಈ ಚಿತ್ರದಲ್ಲಿ ಪ್ರಜ್ವಲ್, ಪ್ರೇಮ್, ಹರಿಪ್ರಿಯಾ ಪ್ರಮುಖ ಪಾತ್ರದಲ್ಲಿದ್ದಾರೆ. ಇಡೀ ಚಿತ್ರತಂಡ ಹೃಷಿಕೇಶದಲ್ಲಿ ಗಢಗಢ ನಡುಗುವ ಈ ಚಳಿಯಲ್ಲೇ ರ್ಯಾಫ್ಟಿಂಗ್ ಮಾಡಿರುವುದು ವಿಶೇಷ. ಹರಿಪ್ರಿಯಾ, ಪ್ರಜ್ವಲ್, ಪ್ರೇಮ್.. ಎಲ್ಲರೂ.. ಈಜು ಗೊತ್ತಿದ್ದರೂ, ಹರಿಯುವ ನದಿಯಲ್ಲಿ ರ್ಯಾಫ್ಟಿಂಗ್ ಮಾಡುವುದು ವಿಭಿನ್ನ ಅನುಭವ ಎಂದು ಖುಷಿ ಹಂಚಿಕೊಂಡಿದ್ದಾರೆ.

  • ಮೈಸೂರು ಬಳಿ ದರ್ಶನ್ ಕಾರು ಅಪಘಾತ

    darshan met with an accident in mysore

    ಮೈಸೂರು ಬಳಿ ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಕಾರು ಅಪಘಾತಕ್ಕೀಡಾಗಿದೆ. ಕಾರ್‍ನಲ್ಲಿ ದರ್ಶನ್ ಜೊತೆ ದೇವರಾಜ್ ಹಾಗೂ ಪ್ರಜ್ವಲ್ ದೇವರಾಜ್ ಕೂಡಾ ಇದ್ದರು. ನಿನ್ನೆಯಷ್ಟೇ ಮೈಸೂರಿನಲ್ಲಿ ಗಜಪಡೆಯ ಮಾವುತರೊಂದಿಗೆ ವಿಶೇಷ ಭೋಜನ ಕಾರ್ಯಕ್ರಮ ಹಮ್ಮಿಕೊಂಡಿದ್ದ ದರ್ಶನ್ ಜೊತೆ ಸ್ಯಾಂಡಲ್‍ವುಡ್‍ನ ಹಲವರು ಭಾಗವಹಿಸಿದ್ದರು.

    ಕಾರ್ಯಕ್ರಮ ಮುಗಿಸಿಕೊಂಡು ಬೆಂಗಳೂರಿಗೆ ಬರುವಾಗ ಹಿನಕಲ್ ರಿಂಗ್ ರೋಡ್ ಬಳಿ ದರ್ಶನ್‍ರ ಆಡಿ ಕಾರು ಸ್ಕಿಡ್ ಆಗಿದೆ. ಅಪಘಾತದಲ್ಲಿ ದರ್ಶನ್ ಬಲಗೈ  ಮೂಳೆ ಮುರಿದಿದ್ದು, ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ದೇವರಾಜ್ ಹಾಗೂ ಪ್ರಜ್ವಲ್ ದೇವರಾಜ್‍ಗೂ ಕೂಡಾ ಗಾಯಗಳಾಗಿವೆ.

    ಮುಂಜಾನೆ 3 ಗಂಟೆ ಸುಮಾರಿನಲ್ಲಿ ಈ ಅಪಘಾತ ಸಂಭವಿಸಿದೆ. ದರ್ಶನ್ ಅವರ ಕಾರು ಅಪಘಾತದ ಸುದ್ದಿ ತಿಳಿಯುತ್ತಿದ್ದಂತೆ ಪತ್ನಿ ವಿಜಯಲಕ್ಷ್ಮಿ ದರ್ಶನ್ ಮೈಸೂರಿಗೆ ಧಾವಿಸಿದ್ದಾರೆ.

  • ರಾಗಿಣಿ ಚಿತ್ರಕ್ಕೆ ಪುನೀತ್ ರಾಜ್‍ಕುಮಾರ್ ನಿರ್ಮಾಪಕ

    puneeth to produce ragini's movie

    ರಾಗಿಣಿ ಎಂದರೆ ರಾಗಿಣಿ ದ್ವಿವೇದಿ ಅಲ್ಲ. ರಾಗಿಣಿ ಚಂದ್ರನ್. ಪ್ರಜ್ವಲ್ ದೇವರಾಜ್ ಅವರ ಪತ್ನಿ. ದೇವರಾಜ್ ಅವರ ಸೊಸೆ. ಮೂಲತಃ ಮಾಡೆಲ್ ಆಗಿರುವ ರಾಗಿಣಿ, ನಾಯಕಿಪ್ರಧಾನ ಚಿತ್ರ ವಿಜಯದಶಮಿಯಲ್ಲಿ ನಟಿಸಬೇಕಿತ್ತು. ಎಲ್ಲವೂ ಓಕೆ ಆಗಿ, ಇನ್ನೇನು ಶೂಟಿಂಗ್ ಶುರುವಾಗಬೇಕು ಎನ್ನುವಾಗ ನಿರ್ಮಾಪಕರು ಬದಲಾಗಿದ್ದಾರೆ. ಚಿತ್ರ ನಿರ್ಮಾಣದ ಹೊಣೆಯನ್ನು ಪುನೀತ್ ಅವರ ಪಿಆರ್‍ಕೆ ಪ್ರೊಡಕ್ಷನ್ಸ್ ಹೊತ್ತುಕೊಂಡಿದೆ.

    ರಾಗಿಣಿ ಚಂದ್ರನ್ ಪ್ರಧಾನ ಪಾತ್ರದಲ್ಲಿದ್ದು, ಇನ್ನೊಂದು ಪ್ರಮುಖ ಪಾತ್ರಕ್ಕೆ ಯುಗಳ ಗೀತೆ ಸೀರಿಯಲ್ ಖ್ಯಾತಿಯ ಸಿರಿ ಪ್ರಹ್ಲಾದ್ ಬಂದಿದ್ದಾರೆ. ನಿರ್ದೇಶಕ ರಘು ಸಮರ್ಥ್ ಅವರೇ ಸಿನಿಮಾ ನಿರ್ದೇಶನ ಮಾಡಲಿದ್ದಾರೆ.

  • ರಾಗಿಣಿ ಪ್ರಜ್ವಲ್ ದೇವರಾಜ್ ಚಿತ್ರದ ಹೆಸರು law

    prk productions next movie name is law

    ದೇವರಾಜ್ ಅವರ ಸೊಸೆ, ಪ್ರಜ್ವಲ್ ದೇವರಾಜ್ ಅವರ ಪತ್ನಿ ರಾಗಿಣಿ ಚಂದ್ರನ್, ಪುನೀತ್ ಬ್ಯಾನರ್ ಚಿತ್ರದಲ್ಲಿ ನಟಿಸುತ್ತಿರುವುದು ಭಾರಿ ಸುದ್ದಿಯಾಗಿತ್ತು. ವಿಶೇಷವೆಂದರೆ, ರಘು ಸಮರ್ಥ ನಿರ್ದೇಶನದ ಚಿತ್ರದ ಚಿತ್ರೀಕರಣವೇ ಮುಗಿದು ಹೋಗಿದೆ. ಚಿತ್ರದ ಟೈಟಲ್ ಈಗಷ್ಟೇ ಹೊರಬಿದ್ದಿದೆ. ಹೆಸರು ಲಾ.

    ಲಾ ಎಂದರೆ ಕಾನೂನು. ರಾಗಿಣಿ ಚಿತ್ರದಲ್ಲಿ ಲಾಯರ್ ಆಗಿ ನಟಿಸಿದ್ದಾರೆ. ಚಿತ್ರದ ಪ್ರತಿ ದೃಶ್ಯವನ್ನೂ ಅವರು ತುಂಬಾ ಚೆನ್ನಾಗಿ ಮಾಡಿದ್ದಾರೆ. ಅವರು ಪ್ರತಿದಿನ ಸೆಟ್‍ಗೆ ಬರುವ ಮುನ್ನ ಸಂಪೂರ್ಣ ಸಿದ್ಧರಾಗಿ ಬರುತ್ತಿದ್ದರು ಎಂದಿದ್ದಾರೆ ರಘು ಸಮರ್ಥ.

    ಜಾಹೀರಾತುಗಳಲ್ಲಿ ನಟಿಸಿದ್ದ, ಮಾಡೆಲಿಂಗ್ ಮಾಡಿರುವ, ನೃತ್ಯ ಕಲಾವಿದೆಯೂ ಆಗಿರುವ ರಾಗಿಣಿ ಚಂದ್ರನ್, ಸಿನಿಮಾ ಮಾತ್ರ ಹೊಸದು.

  • ರೀಮೇಕ್ ಮಾಡಿದಾಗ ಬೈದವರು ಸ್ವಮೇಕ್ ಮಾಡಿದಾಗ ನೋಡ್ತಿಲ್ಲ ಯಾಕೆ..?

    gentlemen image

    ಗುರು ದೇಶಪಾಂಡೆ, ರಾಜಾಹುಲಿಯಂತ ಬ್ಲಾಕ್ ಬಸ್ಟರ್ ಕೊಟ್ಟ ಡೈರೆಕ್ಟರ್. ಅವರೀಗ ಹೊಚ್ಚ ಹೊಸ ಸಿನಿಮಾ ಮಾಡಿದ್ದಾರೆ. ಜಂಟಲ್ಮನ್. ಸ್ವತಃ ನಿರ್ದೇಶಕರಾಗಿದ್ದರೂ, ಇನ್ನೊಬ್ಬ ನಿರ್ದೇಶಕನ ಪ್ರಯತ್ನವನ್ನು ಮೆಚ್ಚಿ, ಹೊಸತನದ ಕಥೆಗೆ ನಿರ್ಮಾಪಕರಾಗಿದ್ದಾರೆ.

    ಕನ್ನಡದಲ್ಲಷ್ಟೇ ಅಲ್ಲ, ಭಾರತೀಯ ಚಿತ್ರರಂಗದಲ್ಲೇ ಅಪರೂಪ ಎನ್ನಿಸುವ ಕಥೆ ಜಂಟಲ್ಮನ್ ಚಿತ್ರದಲ್ಲಿದೆ. ಒಳ್ಳೆಯ ಮೇಕಿಂಗ್, ನಟನೆ, ಚಿತ್ರಕಥೆ ಎಲ್ಲವೂ ಇರುವ ಚಿತ್ರವನ್ನು ನೋಡಿದವರೆಲ್ಲ ಮೆಚ್ಚಿಕೊಂಡಿದ್ದಾರೆ. ಆದರೆ.. ಅವರು ನಿರೀಕ್ಷಿಸಿದಷ್ಟು ಪ್ರೇಕ್ಷಕರ ಬೆಂಬಲ ಸಿಗುತ್ತಿಲ್ಲ.

    ಇದರ ಬಗ್ಗೆ ನಟ ಸಂಚಾರಿ ವಿಜಯ್ ಬೇಸರ ಮಾಡಿಕೊಂಡಿದ್ದರು. ಒಳ್ಳೆಯ ಸಿನಿಮಾ ಮಾಡಿದ್ದೇವೆ. ನೋಡಿ.. ಗೆಲ್ಲಿಸಿ ಎಂದಿದ್ದರು. ಈಗ ನಿರ್ಮಾಪಕ ಗುರು ದೇಶಪಾಂಡೆ ಕೂಡಾ ಬೇಸರ ಹೊರಹಾಕಿದ್ದಾರೆ. ಸ್ವಮೇಕ್ ಮಾಡಿ ಮಾಡಿ ಎಂದು ಬೈತಾ ಇದ್ರಿ. ಈಗ ಸ್ವಮೇಕ್ ಮಾಡಿದ್ದೇನೆ. ಒಳ್ಳೆಯ ಚಿತ್ರ ಎಂದು ಹೊಗಳಿದ್ದೀರಿ. ಆದರೆ.. ಸಿನಿಮಾ ನೋಡೋಕೆ ಬರ್ತಿಲ್ಲ ಯಾಕೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

    ಪ್ರಜ್ವಲ್ ದೇವರಾಜ್, ನಿಶ್ವಿಕಾ ನಾಯ್ಡು, ಸಂಚಾರಿ ವಿಜಯ್ ಅಭಿನಯದ ಜಂಟಲ್ಮನ್ ಚಿತ್ರಕ್ಕೆ ಜಡೇಶ್ ಕುಮಾರ್ ನಿರ್ದೇಶಕ. ಚಿತ್ರಕ್ಕೆ ಎಲ್ಲೆಡೆಯಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

  • ಲೈಫ್ ಈಸ್ ಬ್ಯೂಟಿಫುಲ್

    life is beautiful

    ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರದ ಒನ್‍ಲೈನ್ ಸ್ಟೋರಿ ಏನು..? ನಿರ್ದೇಶಕರು ಹೇಳೋದು ಒಂದೇ ವರ್ಡ್ ಉತ್ತರ. ಲೈಫ್ ಈಸ್ ಬ್ಯೂಟಿಫುಲ್. ಚಿತ್ರದ ಕಥೆ ಇರುವುದು ಹಾಗೂ ಚಿತ್ರಕಥೆಯೊಳಗಿನ ಹೂರಣ ಇದೆ..

    ಜೀವನವನ್ನು ನಾವು ಇಷ್ಟಪಟ್ಟಂತೆ ಬದುಕಬೇಕು ಎಂದು ಕನಸು ಕಾಣುವ ನಾಯಕಿ. ಕಟ್ಟುಪಾಡುಗಳನ್ನೆಲ್ಲ ಧಿಕ್ಕರಿಸಿ ಹೊರಡುವ ಅವಳಿಗೆ, ಯಾವುದೋ ಕಾರಣದಿಂದಾಗಿ ಒಂದು ಸೆಲ್ಫಿಗೆ ಒಂದಾಗ್ತಾರೆ. ಅವರು ಸೆಲ್ಫಿಗೆ ಒಂದಾಗೋದು ಏಕೆ ಅನ್ನೋದೇ ಇಂಟ್ರೆಸ್ಟಿಂಗ್ ಆಗಿದ್ಯಂತೆ. 

    ಬೋಲ್ಡ್ ಹುಡುಗಿಯಾಗಿ ಹರಿಪ್ರಿಯಾ, ಕೋಟ್ಯಧಿಪತಿಯಾಗಿ ಪ್ರಜ್ವಲ್ ದೇವರಾಜ್, ನಿರ್ದೇಶಕನಾಗುವ ಕನಸು ಹೊತ್ತ ಹುಡುಗನಾಗಿ ಪ್ರೇಮ್ ನಟಿಸಿದ್ದಾರೆ. ಇವರೆಲ್ಲರನ್ನೂ ಒಟ್ಟಿಗೇ ನಿಲ್ಲಿಸಿ ಸೆಲ್ಫಿ ತಗೊಂಡಿರೋದು ದಿನಕರ್ ತೂಗುದೀಪ್. ಸೆಲ್ಫಿ ಹೆಂಗಿದ್ಯೋ.. ಇದೇ ವಾರ ನೋಡಿ ಹೇಳಿ.

  • ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರದ ಹೀರೋ ಯಾರು..?

    prajwal devaraj, hari priya, nenapirali prem in life jothondu selfi

    ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರದಲ್ಲಿ ಆನ್‍ಸ್ಕ್ರೀನ್ ಮೇಲೆ ಇಬ್ಬರು ಹೀರೋಗಳಿದ್ದಾರೆ. ಲವ್ಲಿ ಸ್ಟಾರ್ ಪ್ರೇಮ್. ಡೈನಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್. ಹೀರೋಯಿನ್ ಹರಿಪ್ರಿಯಾ. ಇನ್ನು ಡೈರೆಕ್ಟರ್ ದಿನಕರ್ ತೂಗುದೀಪ್ ಕೂಡಾ ಚಿತ್ರದ ಇನ್ನೊಬ್ಬ ಹೀರೋನೇ. ತಮ್ಮ ಹೆಸರಿನಲ್ಲೇ ಚಿತ್ರಮಂದಿರಕ್ಕೆ ಪ್ರೇಕ್ಷಕರನ್ನು ಕರೆತರುವ ಶಕ್ತಿಯಿರುವ ಕನ್ನಡದ ಕೆಲವೇ ನಿರ್ದೇಶಕರಲ್ಲಿ ದಿನಕರ್ ಕೂಡಾ ಒಬ್ಬರು. ಆದರೆ, ನಟ ಪ್ರೇಮ್ ಪ್ರಕಾರ ಇವರಲ್ಲಿ ಯಾರೊಬ್ಬರೂ ಚಿತ್ರದ ಹೀರೋ ಅಲ್ಲ. ಹಾಗಾದರೆ ಹೀರೋ ಯಾರು..?

    ಚಿತ್ರದ ಹೀರೋ ಕಥೆ. ಕಥೆ ಎಷ್ಟು ಫ್ರೆಶ್ ಆಗಿದೆ, ಚಿತ್ರದಲ್ಲ ಪ್ರತಿಯೊಬ್ಬರೂ ಹೈಲೈಟ್ ಆಗುತ್ತಾರೆ. ಕಥೆಯೇ ಹೀರೋ ಅಂತಾರೆ ಪ್ರೇಮ್. ಚಿತ್ರಕ್ಕೆ ಕಥೆ ಬರೆದಿರುವುದು ದಿನಕರ್ ಅವರ ಪತ್ನಿ ದಿವ್ಯಾ.

    ನಮಗೆ ಇಷ್ಟವಾದವರ ಜೊತೆ ಸೆಲ್ಫಿ ತೆಗೆದುಕೊಳ್ಳುತ್ತೇವೆ. ಒಳ್ಳೆಯ ಬ್ಯಾಕ್‍ಗ್ರೌಂಡ್ ಕಂಡಾಗ ಅದರ ಹಿನ್ನೆಲೆಯಲ್ಲಿ ಸೆಲ್ಫಿ ತೆಗೆದುಕೊಳ್ತೇವೆ. ಸುಮ್ಮನೆ ಎಲ್ಲಿ ಅಂದ್ರೆ ಅಲ್ಲಿ ಸೆಲ್ಫಿ ತೆಗೆದುಕೊಳ್ಳಲ್ಲ. ಲೈಫ್ ಕೂಡಾ ಹಾಗೇನೆ ಅನ್ನೋದು ಚಿತ್ರದ ಥೀಮ್. ಹಾಗಾದರೆ ಸೆಲ್ಫಿ.. ಅದರಲ್ಲೂ ಲೈಫ್ ಜೊತೆಗೆ ಹೇಗಿರಬಹುದು. ಅದೊಂದು ಅದ್ಭುತ ಜರ್ನಿ. ಡೋಂಟ್ ಮಿಸ್ ಅಂತಾರೆ ಪ್ರೇಮ್.

  • ವಿಷ್ಣು ಅಭಿಮಾನಿಯಾದ ಪ್ರಜ್ವಲ್ : ಶುಭ ಕೋರಿದ ದರ್ಶನ್

    prajwal devaraj's next titled veeram

    ವಿಷ್ಣುವರ್ಧನ್ ಹುಟ್ಟುಹಬ್ಬದ ದಿನವೇ ಪ್ರಜ್ವಲ್ ದೇವರಾಜ್ ವಿಷ್ಣು ಅಭಿಮಾನಿಯಾಗಿ ಕಾಣಿಸಿಕೊಂಡಿದ್ದಾರೆ. ಪ್ರಜ್ವಲ್ ಅಭಿನಯದ ವೀರಂ ಚಿತ್ರದ ಫಸ್ಟ್ ಲುಕ್ ಹೊರಬಿದ್ದಿದೆ. ವೀರಂ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಮಾಡಿದ ದರ್ಶನ್, ಪ್ರಜ್ವಲ್ಗೆ ಶುಭ ಕೋರಿದ್ದಾರೆ.

    ವೀರಂ ಚಿತ್ರಕ್ಕೆ ಖಾದರ್ ಕುಮಾರ್ ನಿರ್ದೇಶಕ. ಡಾಟರ್ ಆಫ್ ಪಾರ್ವತಮ್ಮ ಚಿತ್ರ ನಿರ್ಮಿಸಿದ್ದ ದಿಶಾ ಎಂಟರ್ಟೈನ್ಮೆಂಟ್ ಮೂಲಕವೇ ವೀರಂ ಸೆಟ್ಟೇರಿದೆ. ಕೈ ಮೇಲೆ ವಿಷ್ಣು ಟ್ಯಾಟೂ ಹಾಕಿಸಿಕೊಂಡಿರುವ ಪ್ರಜ್ವಲ್, ರಗಡ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ.

    ಈ ಮೊದಲು ಯಶ್ ಮಿಸ್ಟರ್ & ಮಿಸಸ್ ರಾಮಾಚಾರಿ ಚಿತ್ರದಲ್ಲಿ ಎದೆಯ ಮೇಲೆ ವಿಷ್ಣು ಟ್ಯಾಟೂ ಹಾಕಿಸಿಕೊಂಡಿದ್ದರು. ಸುದೀಪ್, ವಿಷ್ಣು ಅಭಿಮಾನಿಯಾಗಿ ವಿಷ್ಣುವರ್ಧನ, ಕೋಟಿಗೊಬ್ಬ ಚಿತ್ರಗಳಲ್ಲಿ ಮಿಂಚಿದ್ದರು. ಶ್ರೇಯಸ್ ಮಂಜು ಪಡ್ಡೆಹುಲಿಯಾಗಿ ಪರಾಕ್ರಮ ಮೆರೆದಿದ್ದರು. ಈಗ ಪ್ರಜ್ವಲ್ ದೇವರಾಜ್ ಸರದಿ. ಅಂದಹಾಗೆ ಚಿತ್ರದ ನಿರ್ದೇಶಕ ಖಾದರ್ ಕುಮಾರ್ ಕೂಡಾ ವಿಷ್ಣು ಅಭಿಮಾನಿ.

     

  • ವ್ಹಾರೆವ್ಹಾ.. Gentleman

    gentlaman trailer released

    ಡೈನಮಿಕ್ ಸ್ಟಾರ್ ಪ್ರಜ್ವಲ್ ದೇವರಾಜ್ ಅಭಿನಯದ ಜೆಂಟಲ್ಮನ್ ಸಿನಿಮಾ ಟ್ರೇಲರ್ ರಿಲೀಸ್ ಆಗಿದೆ. ಟ್ರೇಲರ್ ರಿಲೀಸ್ ಮಾಡಿದ್ದು ಪುನೀತ್ ಮತ್ತು ಧ್ರುವ ಸರ್ಜಾ ಎನ್ನುವುದೇ ವಿಶೇಷ. ಇನ್ನೂ ವಿಶೇಷವೆಂದರೆ ಪ್ರಜ್ವಲ್ ಹೇಳಿದ ಮಾತು. ‘ನನಗೆ ಸಿನಿಮಾ ರಂಗಕ್ಕೆ ಬರಲು ಸ್ಪೂರ್ತಿಯೇ ಪುನೀತ್ ಮತ್ತು ವಯಸ್ಸಿನಲ್ಲಿ ಚಿಕ್ಕವನಾದರೂ ಧ್ರುವ ನನಗೆ ಸದಾ ಪ್ರೇರಣೆ ’ ಎಂದರು ಪ್ರಜ್ವಲ್.

    ಜಡೇಶ್ ಕುಮಾರ್ ನಿರ್ದೇಶನದ ಜೆಂಟಲ್ಮ್ಯಾನ್ ಟ್ರೇಲರ್ ಟೆಕ್ನಿಕಲ್ ಸಖತ್ತಾಗಿದೆ. ಕ್ಯಾಮೆರಾ, ಮ್ಯೂಸಿಕ್, ಡೈಲಾಗ್ ಎಲ್ಲವೂ ಅದ್ಭುತ ಕ್ವಾಲಿಟಿಯಲ್ಲಿದೆ ಎಂದು ಮೆಚ್ಚಿಕೊಂಡರು ಪುನೀತ್. ಅಫ್ಕೋರ್ಸ್.. ಚಿತ್ರದ ಟ್ರೇಲರ್ ನೋಡಿದವರಿಗೆ ಸಿನಿಮಾ ನೋಡಲೇಬೇಕು ಎಂದು ಕುತೂಹಲ ಹುಟ್ಟಿಸುವಂತಿದೆ ಟ್ರೇಲರ್. ಹೆಣ್ಣು ಮಕ್ಕಳ ಕಿಡ್ನಾಪ್ ಕಥೆ, ಒಂದು ಕ್ಯೂಟ್ ಲವ್ ಸ್ಟೋರಿ ಮತ್ತು ಇವೆಲ್ಲದರ ಮಧ್ಯೆ ಸ್ಲೀಪಿಂಗ್ ಬ್ಯೂಟಿ ಸಿಂಡ್ರೋಮ್ನಲ್ಲಿ ಒದ್ದಾಡುವ ಯುವಕನ ಹೋರಾಟ.

    ಗುರುದೇಶ ಪಾಂಡೆ ನಿರ್ಮಾಣದ ಜೆಂಟಲ್ಮ್ಯಾನ್ ಸಿನಿಮಾದಲ್ಲಿ ನಿಶ್ವಿಕಾ ನಾಯ್ಡು ಹೀರೋಯಿನ್.  ಸಿನಿಮಾ ಇದೇ ತಿಂಗಳು ರಿಲೀಸ್ ಆಗುವ ಸಾಧ್ಯತೆ ಇದೆ.

  • ಷೇಕ್ಸ್‍ಪಿಯರ್ ಮ್ಯಾಕ್‍ಬೆತ್‍ಗೂ, ಠಾಕ್ರೆಗೂ ಏನ್ ಸಂಬಂಧ..?

    shakespeare's macbeth is now thakre movie

    ಮ್ಯಾಕ್‍ಬೆತ್. ಷೇಕ್ಸ್‍ಪಿಯರ್‍ನ ಅದ್ಭುತ ಕಲಾಕೃತಿಗಳಲ್ಲಿ ಒಂದು. ಬಾಳಾ ಠಾಕ್ರೆ. ಮಹಾರಾಷ್ಟ್ರದಲ್ಲಿ ಬೆಂಕಿಯನ್ನೇ ಉಗುಳುತ್ತಿದ್ದ, ಮರಾಠಿಗರ ಅಸ್ಮಿತೆಯಾಗಿದ್ದ ನಾಯಕ.  ಈ ಮ್ಯಾಕ್‍ಬೆತ್ ಮತ್ತು ಠಾಕ್ರೆ ಒಟ್ಟಿಗೇ ಬಂದರೆ ಹೇಗೆ..? ಅಂಥಾದ್ದೊಂದು ವಿಭಿನ್ನ ಸಾಹಸಕ್ಕೆ ಕೈ ಹಾಕಿದ್ದಾರೆ ಗುರು ದೇಶಪಾಂಡೆ.

    ಚಿರಂಜೀವಿ ಸರ್ಜಾರ ಸಂಹಾರ ಚಿತ್ರದ ಚಿತ್ರೀಕರಣ ಮುಗಿಸಿರುವ ಗುರು, ಠಾಕ್ರೆ ಚಿತ್ರಕ್ಕೆ ಕಥೆ ಹೊಸೆದಿದ್ದಾರೆ. ಚಿತ್ರಕ್ಕೆ ನಾಯಕನಾಗಿರುವುದು ಪ್ರಜ್ವಲ್ ದೇವರಾಜ್. ಇನ್ನೊಂದು ಪ್ರಮುಖ ಪಾತ್ರಕ್ಕೆ ರವಿಚಂದ್ರನ್ ಅವರನ್ನು ಸಂಪರ್ಕಿಸಿ, ಕಥೆ ಹೇಳಲಾಗಿದೆ. ರವಿಚಂದ್ರನ್ ನಟಿಸುವುದು ಇನ್ನೂ ಪಕ್ಕಾ ಆಗಿಲ್ಲ. ಚಿತ್ರದ ಚಿತ್ರೀಕರಣ ಡಿಸೆಂಬರ್‍ನಲ್ಲಿ ಶುರುವಾಗಲಿದೆ.

    ಷೇಕ್ಸ್‍ಪಿಯರ್‍ನ ಹಲವು ನಾಟಕಗಳು ಸಿನಿಮಾಗಳಾಗಿವೆ. ಆದರೆ, ಕನ್ನಡದಲ್ಲಿ ಅಪರೂಪ ಎನ್ನಬಹುದು. ಷೇಕ್ಸ್‍ಪಿಯರ್‍ನ ಕಾಮಿಡಿ ಆಫ್ ಎರರ್ ನಾಟಕದ ಸ್ಫೂರ್ತಿಯಿಂದಾಗಿ ಉಲ್ಟಾಪಲ್ಟಾ ಚಿತ್ರ ಬಂದಿತ್ತು. ಬಹಳ ಹಿಂದೆ ಅಬ್ಬಾ ಆ ಹುಡುಗಿ ಎಂಬ ಸಿನಿಮಾ ಬಂದಿತ್ತು. ಆ ಚಿತ್ರಕ್ಕೆ ಟೇಮಿಂಗ್ ಆಫ್ ದಿ ಶ್ರೂ ಸ್ಫೂರ್ತಿಯಾಗಿತ್ತು.  ಇನ್ನು ಮ್ಯಾಕ್‍ಬೆತ್ ನಾಟಕವನ್ನಾಧರಿಸಿ ಹಿಂದಿಯಲ್ಲಿ ಮಕ್‍ಬೂಲ್ ಸಿನಿಮ ಬಂದಿತ್ತು. ಕನ್ನಡದಲ್ಲಿ ಅದು ಠಾಕ್ರೆಯಾಗಿ ಬರುತ್ತಿದೆ. 

     

     

  • ಸಿನಿಮಾದಲ್ಲಿ ನಟಿಸುತ್ತಿದ್ದರೂ.. ಸಿನಿಮಾ ನನ್ನ ಆದ್ಯತೆ ಅಲ್ಲ - ರಾಗಿಣಿ ಪ್ರಜ್ವಲ್ ದೇವರಾಜ್

    acting is not my first priority says ragini

    ಪ್ರಜ್ವಲ್ ದೇವರಾಜ್ ಅವರ ಪತ್ನಿ ರಾಗಿಣಿ ಚಂದ್ರನ್, ಪುನೀತ್ ರಾಜ್‍ಕುಮಾರ್ ಬ್ಯಾನರ್‍ನಲ್ಲಿ ನಟಿಸುತ್ತಿದ್ದಾರೆ. ನಂದಿನಿ ಅನ್ನೋ ಲಾಯರ್ ಪಾತ್ರದಲ್ಲಿ, ಪ್ರತಿಯೊಂದನ್ನೂ ಪ್ರಶ್ನಿಸುವ ದಿಟ್ಟ ಹೆಣ್ಣು ಮಗಳ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ ರಾಗಿಣಿ. ಹಾಗಂತ, ಅವರಿಗೆ ಕ್ಯಾಮೆರಾ ಹೊಸದಲ್ಲ. ವೃತ್ತಿಯಲ್ಲಿ ಮಾಡೆಲ್ ಆಗಿರುವ ರಾಗಿಣಿ, ಜಾಹೀರಾತುಗಳಲ್ಲಿ, ಕಿರುಚಿತ್ರಗಳಲ್ಲಿ ನಟಿಸಿದ್ದಾರೆ. ನನಗೆ ಕ್ಯಾಮೆರಾ ಹೊಸದಲ್ಲ. ಆದರೂ ಮೊದಲ ಬಾರಿ ಅಷ್ಟುದ್ದದ ಡೈಲಾಗ್ ಹೇಳುವಾಗ ಕಷ್ಟವಾಯ್ತು ಎಂದಿದ್ದಾರೆ ರಾಗಿಣಿ.

    ಹಾಗಂತ ಮುಂದಿನ ಭವಿಷ್ಯವನ್ನು ಸಿನಿಮಾದಲ್ಲಿಯೇ ಹುಡುಕಿಕೊಳ್ತೀರಾ ಅಂದ್ರೆ ಸ್ಪಷ್ಟವಾಗಿ ನೋ ಅಂತಾರೆ. ನೃತ್ಯ ನನ್ನ ಆದ್ಯತೆ. ಅದು ನನ್ನ ಲೈಫ್. ತಿಂಗಳಲ್ಲಿ 15 ದಿನ ಡ್ಯಾನ್ಸ್ ಶೋ, ಕಥಕ್‍ನಲ್ಲಿ ಬ್ಯುಸಿ ಇರ್ತೀನಿ. ತುಂಬಾ ಒಳ್ಳೆಯ ಸ್ಕ್ರಿಪ್ಟ್ ಬಂದರೆ ಮಾತ್ರ ಸಿನಿಮಾ ಎಂದಿದ್ದಾರೆ ರಾಗಿಣಿ.

  • ಸ್ಟಾರ್‍ಗಳ ನಡುವೆ ಈಗ ಕಿಕ್‍ವಾರ್

    ganesh prajwal devraj

    ಸ್ಟಾರ್‍ಗಳ ನಡುವೆ ವಾರ್ ಶುರುವಾಯ್ತಾ..? ಛೆ..ಛೆ.. ಏನಾಗಿ ಹೋಯ್ತು ಅಂಥಾ ಗಾಬರಿಯಾಗಬೇಡಿ. ಇದು ಕಿಕ್ ವಾರ್ ಅನ್ನೋದೇನೋ ನಿಜ. ಆದರೆ, ಅಭಿಮಾನದ, ಪ್ರೀತಿಯ ಕಿಕ್‍ವಾರ್. ಇದನ್ನು ಶುರು ಮಾಡಿದ್ದು ಗೋಲ್ಡನ್ ಸ್ಟಾರ್ ಗಣೇಶ್.

    ಗಣೇಶ್, ಮವಾಯ್ ಥಾಯ್ ರಾಯಭಾರಿಯಾಗಿರುವುದು ಗೊತ್ತಿದೆಯಲ್ಲ. ಅದರ ಅಂಗವಾಗಿ ಅವರು ಟೀಪ್‍ಎಡೇ ಅನ್ನೋ ಚಾಲೆಂಜ್ ಹಾಕಿದರು. ಹಾಗೆಂದರೆ, ಪುಶ್ ಕಿಕ್ ಅಂತಾ ಅರ್ಥ. ಕಲ್ಲಂಗಡಿ ಹಣ್ಣಿಗೆ ಕಿಕ್ ಮಾಡಿ ಪುಡಿ ಪುಡಿ ಮಾಡಿದ ಗಣೇಶ್, ಪ್ರಜ್ವಲ್‍ಗೆ ಚಾಲೆಂಜ್ ಹಾಕಿದರು. 

    ಚಾಲೆಂಜ್ ಸ್ವೀಕರಿಸಿದ ಪ್ರಜ್ವಲ್ ದೇವರಾಜ್, ಹೆಂಚುಗಳನ್ನು ಪುಡಿ ಪುಡಿ ಮಾಡಿ ದಿಗಂತ್‍ಗೆ ಸವಾಲು ಹಾಕಿದರು. ಗಣೇಶ್‍ಗೆ ಪ್ರತಿ ಸವಾಲು ಹಾಕಿದರು. ಚಾಲೆಂಜ್ ಸ್ವೀಕರಿಸಿದ ಗಣೇಶ್ 4 ಹೆಂಚುಗಳನ್ನು ಹೊಡೆದರು. ದಿಗಂತ್‍ದು ಇನ್ನೂ ಬಾಕಿ ಇದೆ.

    ಇನ್ನು ಸಿಂಪಲ್ ಸುನಿ ಬಲೂನಿಗೆ ನೀರು ತುಂಬಿ ಹೊಡೆದು ರಶ್ಮಿಕಾ ಮಂದಣ್ಣ ಹಾಗೂ ತಮ್ಮ ಪತ್ನಿ ಸೌಂದರ್ಯಗೆ ಚಾಲೆಂಜ್ ಹಾಕಿದ್ದಾರೆ. ರಶ್ಮಿಕಾ ನೆಲದ ಮೇಲೆ ಬಲೂನ್ ಇಟ್ಟು ಒದ್ದು, ರಕ್ಷಿತ್ ಶೆಟ್ಟಿ, ಶೀತಲ್ ಶೆಟ್ಟಿಗೆ ಸವಾಲು ಹಾಕಿದ್ದಾರೆ.

    ಒಟ್ಟಿನಲ್ಲೀಗ ಸ್ಯಾಂಡಲ್‍ವುಡ್‍ನಲ್ಲಿ ಕಿಕ್ ವಾರ್ ಶುರುವಾಗಿಬಿಟ್ಟಿದೆ. `ಗಣೇಶ' ಆರಂಭಿಸಿದ ಮೇಲೆ ನಿರ್ವಿಘ್ನವಾಗಿ ನಡೆಯಲೇಬೇಕಲ್ವಾ..? 

  • ಹಂಪಿ ಹುಡುಗ ಜೆಂಟಲ್‍ಮನ್ ಕಥೆ ಬರೆದಿದ್ದು ಹೇಗೆ..?

    gentleman movie image

    ಜೆಂಟಲ್‍ಮನ್, ಟ್ರೇಲರ್ ಮತ್ತು ಸ್ಪೆಷಲ್ ಕಥೆಯ ಮೂಲಕ ಗಮನ ಸೆಳೆದಿರುವ ಚಿತ್ರ. ಪ್ರಜ್ವಲ್ ದೇವರಾಜ್ ಸಿನಿ ಕೆರಿಯರ್‍ನಲ್ಲೇ ಒಂದು ಡಿಫರೆಂಟ್ ಕಥಾ ಹಂದರದ ಚಿತ್ರ ಎನ್ನುವ ಕಾರಣಕ್ಕೆ ಗಮನ ಸೆಳೆದಿದೆ. ಈ ಚಿತ್ರಕ್ಕೆ ನಿರ್ದೇಶಕ ಜಡೇಶ್ ಕುಮಾರ್. ಕಥೆಯೂ ಅವರದ್ದೆ.

    ಜಡೇಶ್ ಕುಮಾರ್ ಮೂಲತಃ ಹಂಪಿಯ ಹುಡುಗ. ಸಿನಿಮಾ ಮಾಡಬೇಕು ಎನ್ನುವ ಹುಚ್ಚಿನಲ್ಲಿ ಗಾಂಧಿನಗರಕ್ಕೆ ಬಂದವರು ಗುರು ದೇಶಪಾಂಡೆ ಕಣ್ಣಿಗೆ ಬಿದ್ದರು. ಅವರ ಜೊತೆ ಅಸಿಸ್ಟೆಂಟ್ ಆದರು. ರಾಜಾಹುಲಿ, ರುದ್ರತಾಂಡವ ಚಿತ್ರಕ್ಕೆ ಸಹ ನಿರ್ದೇಶಕರಾಗಿದ್ದ ಜಡೇಶ್, ರಾಜಹಂಸ ಚಿತ್ರದ ಮೂಲಕ ನಿರ್ದೇಶಕರೂ ಆದರು.

    `ರಾಜಹಂಸ ಚಿತ್ರಕ್ಕೆ, ಕಥೆಗೆ ಮೆಚ್ಚುಗೆಯೇನೋ ಸಿಕ್ಕಿತು. ಆದರೆ, ಪ್ರೇಕ್ಷಕ ಬೆಂಬಲ ಸಿಗಲಿಲ್ಲ. ಗಲ್ಲಾಪೆಟ್ಟಿಗೆಯಲ್ಲಿ ಅದೊಂದು ಫ್ಲಾಪ್ ಸಿನಿಮಾ. ಅದು ನಾನು ಎಲ್ಲಿ ಎಡವಿದ್ದೆ, ಏನು ಮಾಡಬೇಕಿತ್ತು ಎಂಬುದನ್ನು ಚೆನ್ನಾಗಿ ಹೇಳಿಕೊಟ್ಟಿತು. ಆಗ ಹೊಳೆದಿದ್ದೇ ಈ ಸ್ಲೀಪಿಂಗ್ ಸಿಂಡ್ರೋಮ್ ಬ್ಯೂಟಿಯ ಕಥೆ. ಬರೀ ಕಾಯಿಲೆಯಷ್ಟೇ ಆದರೆ ಥ್ರಿಲ್ ಇರಲ್ಲ ಎನ್ನುವ ಕಾರಣಕ್ಕೆ ವೀರ್ಯಾಣು ಮಾಫಿಯಾ ಕಥೆ ಸೇರಿಸಿದೆ. ಆ ಮಾಫಿಯಾ ವಿರುದ್ಧ ದಿನಕ್ಕೆ 6 ಗಂಟೆಯಷ್ಟೇ ಎಚ್ಚರ ಇರಲು ಸಾಧ್ಯವಿರುವ ನಾಯಕ ಹೇಗೆ ಹೋರಾಡಬಹುದು ಎನ್ನುವ ಕಲ್ಪನೆಯನ್ನಿಟ್ಟುಕೊಂಡೇ ಚಿತ್ರಕಥೆ ಹೆಣೆದೆ. ಈಗ ಚಿತ್ರ ಅದ್ಭುತವಾಗಿ ಮೂಡಿಬಂದಿದೆ' ಎನ್ನುತ್ತಾರೆ ಜಡೇಶ್.

    ಶಿಷ್ಯನ ವಿಭಿನ್ನ ಕಥೆ ಮತ್ತು ಸಾಹಸಕ್ಕೆ ಹಣ ಹೂಡುವ ಮೂಲಕ ಬೆನ್ನೆಲುಬಾಗಿರುವುದು ಗುರುದೇಶಪಾಂಡೆ. ಪ್ರಜ್ವಲ್ ದೇವರಾಜ್ ಎದುರು ನಿಶ್ವಿಕಾ ನಾಯ್ಡು ನಾಯಕಿಯಾಗಿ ನಟಿಸಿದ್ದು, ಸಂಚಾರಿ ವಿಜಯ್ ಪೊಲೀಸ್ ಆಫೀಸರ್ ಪಾತ್ರದಲ್ಲಿದ್ದಾರೆ.

  • ಹುಬ್ಬಳ್ಳಿಗೆ ಬರ್ತಾರವ್ವಾ ದರ್ಶನ್, ಪ್ರಜ್ವಲ್

    darshan and prajwal will be in hubbali for inspector vikram audio launch

    ಇನ್ನೂ ಯಾಕ ಬರಲಿಲ್ಲವ್ವಾ ಹುಬ್ಬಳ್ಳಿಯಾಂವಾ ಎನ್ನುವ ಹಾಡು ಯಾವಾಗ ಇವರ ಕಿವಿಗೆ ಬಿತ್ತೋ ಏನೋ.. ಹುಬ್ಬಳ್ಳಿಗೆ ಹೊರಟು ನಿಂತಿದ್ದಾರೆ ದರ್ಶನ್ ಮತ್ತು ಪ್ರಜ್ವಲ್. ಜಂಟಲ್‍ಮನ್ ಚಿತ್ರಕ್ಕೆ ಸಿಗುತ್ತಿರುವ ಭರ್ಜರಿ ಪ್ರತಿಕ್ರಿಯೆಗೆ ಖುಷಿ ಖುಷಿಯಾಗಿರೋ ಪ್ರಜ್ವಲ್ ಅವರ ಇನ್ನೊಂದು ಸಿನಿಮಾ ಇನ್ಸ್‍ಪೆಕ್ಟರ್ ವಿಕ್ರಂ ರಿಲೀಸ್ ಆಗೋಕೆ ರೆಡಿ. ಆಡಿಯೋ ರಿಲೀಸ್ ನಡೆಯುತ್ತಿರೋದು ಹುಬ್ಬಳ್ಳಿಯಲ್ಲಿ.

    ಪ್ರಜ್ವಲ್ ದೇವರಾಜ್ ಅಭಿನಯದ 30ನೇ ಸಿನಿಮಾ ಇನ್ಸ್‍ಪೆಕ್ಟರ್ ವಿಕ್ರಂ. ಫೆ.14ರಂದು ನಡೆಯೋ ಆಡಿಯೋ ರಿಲೀಸ್ ಕಾರ್ಯಕ್ರಮದ ಮುಖ್ಯ ಅತಿಥಿ ದರ್ಶನ್. ಈ ಚಿತ್ರದಲ್ಲಿ ದರ್ಶನ್ ಅತಿಥಿ ನಟರಾಗಿಯೂ ನಟಿಸಿದ್ದಾರೆ. ಅದೂ ಭಗತ್ ಸಿಂಗ್ ಪಾತ್ರದಲ್ಲಿ. ನರಸಿಂಹ ನಿರ್ದೇಶನದ ಚಿತ್ರದಲ್ಲಿ ಪ್ರಜ್ವಲ್‍ಗೆ ಭಾವನಾ ನಾಯಕಿ. 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery