` prajwal devaraj, - chitraloka.com | Kannada Movie News, Reviews | Image

prajwal devaraj,

  • ಜಂಟಲ್‍ಮನ್ ರಿಲೀಸ್ ಡೇಟ್ ಚೇಂಜ್

    gentleman release date fixed

    ಪ್ರಜ್ವಲ್ ದೇವರಾಜ್ ಅಭಿನಯದ ಜಂಟಲ್‍ಮನ್ ಚಿತ್ರ ಜನವರಿ 31ಕ್ಕೆ ರಿಲೀಸ್ ಆಗಬೇಕಿತ್ತು. ಟ್ರೇಲರ್ ಮೂಲಕ ಭರ್ಜರಿ ಕುತೂಹಲ ಹುಟ್ಟಿಸಿರುವ ಚಿತ್ರ ಜಂಟಲ್‍ಮನ್. ಸ್ಲೀಪಿಂಗ್ ಸಿಂಡ್ರೋಮ್ ಎಂಬ ವಿಚಿತ್ರ ಕಾಯಿಲೆ, ಮಾಫಿಯಾ ಮತ್ತು ಲವ್ ಸ್ಟೋರಿಯ ವಿಭಿನ್ನ ಕಥಾ ಹಂದರ ಹೊಂದಿರುವ ಜಂಟಲ್‍ಮನ್ ಸಿನಿಮಾ ರಿಲೀಸ್ ಒಂದು ವಾರ ಮುಂದಕ್ಕೆ ಹೋಗಿದೆ.

    ಜನವರಿ 31ರಂದು ರಿಲೀಸ್ ಆಗಬೇಕಿದ್ದ ಸಿನಿಮಾ ಫೆಬ್ರವರಿ 07ರಂದು ರಿಲೀಸ್ ಆಗುವ ಸಾಧ್ಯತೆ ಇದೆ. ಪ್ರಜ್ವಲ್ ಎದುರು ನಿಶ್ವಿಕಾ ನಾಯ್ಡು ನಾಯಕಿಯಾಗಿ ನಟಿಸಿದ್ದು, ಜಡೇಶ್ ಕುಮಾರ್ ಚಿತ್ರದ ನಿರ್ದೇಶಕ. ಗುರು ದೇಶಪಾಂಡೆ ನಿರ್ಮಾಣದ ಜಂಟಲ್‍ಮನ್ ಚಿತ್ರದಲ್ಲಿ ಪ್ರಜ್ವಲ್, 18 ಗಂಟೆ ನಿದ್ದೆ ಮಾಡುವ ರೋಗಿ.

     

  • ಜಂಟಲ್‍ಮನ್ ರೀಮೇಕಿಗೆ ಡಿಮ್ಯಾಂಡ್

    gentleman remake rights in full demand

    ಜೆಂಟಲ್‍ಮನ್ ರಿಲೀಸ್ ಆಗುವ ಮುನ್ನವೇ ಭರ್ಜರಿ ಸೌಂಡು ಮಾಡುತ್ತಿದೆ. 18 ಗಂಟೆ ನಿದ್ರೆ ಮಾಡುವ ಹೀರೋ, ವೀರ್ಯಾಣು ಸ್ಮಗ್ಲಿಂಗ್ ದಂಧೆ ಬಗ್ಗೆ ಬರುತ್ತಿರುವ ಜಗತ್ತಿನ ಮೊದಲ ಸಿನಿಮಾ ಎನ್ನುವುದಷ್ಟೆ ಅಲ್ಲ, ಚಿತ್ರದ ಟ್ರೇಲರ್ ಭಾರಿ ಕುತೂಹಲ ಹುಟ್ಟಿಸುತ್ತಿದೆ. ಚಿತ್ರದ ರೀಮೇಕ್ ಮಾಡಲು ಡಿಮ್ಯಾಂಡ್ ಸೃಷ್ಟಿಯಾಗೋಕೆ ಕಾರಣ, ಚಿತ್ರದ ಟ್ರೇಲರ್.

    ತೆಲುಗಿನಲ್ಲಿ ಸಾಯಿಕುಮಾರ್, ತಮಿಳಿನಲ್ಲಿ ಸಿಂಬು ಮ್ಯಾನೇಜರ್ ಮತ್ತು ಪಿ.ಸಿ.ಗಣೇಶ್, ಮಲಯಾಳಂನಲ್ಲಿ ಸುನಿಲ್ ಹಾಗೂ ಪ್ರತಿಷ್ಠಿತ ತ್ರಿಶೂಲ್ ಬ್ಯಾನರ್ ಅಪ್ರೋಚ್ ಮಾಡಿವೆ. ಫೈನಲ್ ಆಗಿಲ್ಲ ಎಂದು ಹೇಳಿದ್ದಾರೆ ನಿರ್ಮಾಪಕ ಗುರು ದೇಶಪಾಂಡೆ.

    ಪ್ರಜ್ವಲ್ ದೇವರಾಜ್, ನಿಶ್ವಿಕಾ ನಾಯ್ಡು, ಸಂಚಾರಿ ವಿಜಯ್ ಪ್ರಮುಖ ಪಾತ್ರದಲ್ಲಿರೋ ಚಿತ್ರ ಜೆಂಟಲ್‍ಮನ್. ಚಿತ್ರದ ನಿರ್ದೇಶಕ ಜಡೇಶ್ ಕುಮಾರ್. ಒಳ್ಳೆಯ ಕಂಟೆಂಟ್ ಇದ್ದರೆ ಎಲ್ಲಿದ್ದರೂ ಗಮನ ಸೆಳೆಯುತ್ತೆ ಸಿನಿಮಾ ಎಂದು ಖುಷಿಯಾಗಿದ್ದಾರೆ ಡೈರೆಕ್ಟರ್

  • ಜಂಟಲ್‍ಮ್ಯಾನ್ ಚಿತ್ರಕ್ಕೆ ಕ್ರಿಮಿನಲ್ಸ್ ಕಾಟ

    gentleman faces piracy problems again

    ಜಂಟಲ್‍ಮ್ಯಾನ್ ಸಿನಿಮಾ ರಿಲೀಸ್ ಆದ ಹೊತ್ತಲ್ಲಿ ಹಲವರು ಹಲವು ರೀತಿಯ ಕಾಟ ಕೊಟ್ಟರು. ಚಿತ್ರಕ್ಕೆ ಒಳ್ಳೆಯ ರೆಸ್ಪಾನ್ಸ್ ಸಿಕ್ಕಿತ್ತು. ಕಥೆ ತುಂಬಾ ಸ್ಪೆಷಲ್ ಎನಿಸಿತ್ತು. ನಿರೂಪಣೆ ವಿಭಿನ್ನವಾಗಿತ್ತು. ಅಭಿನಯ, ಸಂಗೀತ ಎಲ್ಲವೂ ಚೆನ್ನಾಗಿದ್ದರೂ, ಚಿತ್ರ ಆವರೇಜ್ ಹಂತಕ್ಕಷ್ಟೇ ಹೋಯ್ತು. ಲಾಕ್ ಡೌನ್ ಮುಗಿದ ನಂತರ ಮತ್ತೊಮ್ಮೆ ರಿಲೀಸ್ ಮಾಡುವ ಆಲೋಚನೆಯಲ್ಲಿದ್ದ ನಿರ್ಮಾಪಕರು, ಕೊನೆಗೆ ಆ ನಿರ್ಧಾರ ಕೈಬಿಟ್ಟರು. ಕಾರಣ, ಥಿಯೇಟರ್ ಓಪನ್ ಆಗುವುದು ಸದ್ಯಕ್ಕಂತೂ ಸಾಧ್ಯವಿಲ್ಲ ಎಂಬ ಕಾರಣಕ್ಕೆ. ಕೊನೆಗೆ ಟಿವಿಯಲ್ಲಿಯೂ ಬಂದ ಚಿತ್ರಕ್ಕೆ ಈಗಲೂ ಕ್ರಿಮಿನಲ್ಸ್ ಕಾಟ ತಪ್ಪಿಲ್ಲ.

    ಟಿವಿಯಲ್ಲಿ ಪ್ರಸಾರವಾದ ಚಿತ್ರವನ್ನು ಪೈರಸಿ ಕ್ರಿಮಿನಲ್ಸ್ ಫೇಸ್‍ಬುಕ್‍ನಲ್ಲಿ ಅಪ್‍ಲೋಡ್ ಮಾಡಿದ್ದಾರೆ. ಹೀಗೆ ಸಿನಿಮಾವನ್ನು ಸೋಷಿಯಲ್ ಮೀಡಿಯಾಕ್ಕೆ ಬಿಡುವುದು ಅಪರಾಧ. ಹೀಗಾಗಿ ಚಿತ್ರತಂಡ ಸೈಬರ್ ಕ್ರೈಂ ಪೊಲೀಸರಿಗೆ ದೂರು ಕೊಟ್ಟಿದೆ. ಅತ್ತ, ಟಿವಿ ಚಾನೆಲ್‍ನವರೂ ದೂರು ಕೊಡುತ್ತಿದ್ದಾರೆ.  ಪೈರಸಿ ಕ್ರಿಮಿನಲ್ಸ್.. ಎಚ್ಚರ. ಇಂತಹ ಅಪರಾಧ ಮಾಡಬೇಡಿ. ಕಾನೂನು ಕಠಿಣವಾಗಿದೆ. ಯಾವುದೇ ಚಿತ್ರವನ್ನಾಗಲೀ ಪೈರಸಿ ಮಾಡಬೇಡಿ. ಇದು ಚಿತ್ರಲೋಕದ ಕಳಕಳಿಯ ಮನವಿಯೂ ಹೌದು.

  • ಜೆಂಟಲ್ ಮ್ಯಾನ್ ತಮಿಳಿಗೆ

    gentleman goes to tamil

    ದಿನಕ್ಕೆ "18 ಗಂಟೆ ನಿದ್ದೆ ಮಾಡುವ ವ್ಯಕ್ತಿಯ" ಪಾತ್ರದಲ್ಲಿ ಪ್ರಜ್ವಲ್ ದೇವರಾಜ್ ನಟಿಸಿರುವ  "ಜೆಂಟಲ್ ಮ್ಯಾನ್" ಚಿತ್ರ ತಮಿಳಿಗೆ ರಿಮೇಕ್ ಆಗಲಿದೆ.

    ಶುಕ್ರವಾರ (ಫೆ.7) ತೆರೆಕಂಡ ರಾಜಾಹುಲಿ‌ ಖ್ಯಾತಿಯ ಗುರು ದೇಶಪಾಂಡೆ‌ ನಿರ್ಮಾಣದ, ಪ್ರಜ್ವಲ್ ದೇವರಾಜ್ ನಟನೆಯ  "ಜಂಟಲ್ ಮ್ಯಾನ್" ಚಿತ್ರ ವೀಕ್ಷಕರ ಮನ್ನಣೆ ಹಾಗೂ ವಿಮರ್ಶಕರ ಪ್ರಶಂಸೆ ಪಡೆದಿದೆ.

    ಚಿತ್ರವನ್ನು ಶುಕ್ರವಾರ ರಾತ್ರಿ ಚೆನ್ನೈನ ಲೈಕ ಪ್ರೋಡಕ್ಷನ್ ಪ್ರಿವ್ಯೂ  ಚಿತ್ರಮಂದಿರದಲ್ಲಿ ತಮಿಳಿನ ದೊಡ್ಡ ನಿರ್ಮಾಪಕರಲ್ಲಿ ಒಬ್ಬರಾದ  

     "ಥೇನಾಂಡಾ ಮೂವೀಸ್" ರಾಮನಾರಾಯಣ್ ಅವರ ಪುತ್ರ ಮುರಳಿ ಅವರು, ವೀಕ್ಷಣೆ ಮಾಡಿದ್ದಾರೆ. ಚಿತ್ರ ಅವರಿಗೆ ಬಹಳ ಇಷ್ಟವಾಗಿದೆ. ಚಿತ್ರ ವಿಭಿನ್ನ ಕಥಾವಸ್ತು ಹೊಂದಿದೆ. ಮನುಷ್ಯರನ್ನು ಕಾಡುವ ನಿದ್ರಾಹೀನತೆ ಕಾಯಿಲೆ ಬಗ್ಗೆ ಜನರಿಗೆ ವಿಸ್ತೃತವಾಗಿ ಪರಿಚಯಿಸುವುದರ ಜೊತೆಗೆ ಜಾಗೃತಿಯೂ ಮೂಡಿಸುತ್ತದೆ. ಹಾಗೆಯೇ, ಜನರ ಮನಸ್ಸಿಗೆ ಇಷ್ಟವಾಗುವ ರೀತಿಯಲ್ಲಿ ಚಿತ್ರ ಮೂಡಿಬಂದಿದೆ. ಹೀಗಾಗಿ ಜೆಂಟಲ್ ಮ್ಯಾನ್ ಅನ್ನು ಸ್ಟಾರ್ ನಟರಾದ ಜಯಂ ರವಿ ಅಥವಾ ವಿಜಯ್ ಸೇತುಪತಿ ಅವರೊಂದಿಗೆ ತಮಿಳಿಗೆ ರೀಮೇಕ್ ಮಾಡುವ ಆಲೋಚನೆಯಲ್ಲಿ ಮುರಳಿ ಇದ್ದಾರೆ.  ಚಿತ್ರದ ರಿಮೇಕ್ ಹಕ್ಕುಗಳನ್ನು ಖರೀದಿಸುವುದಾಗಿಯೂ ಗುರುದೇಶಪಾಂಡೆ ಅವರಿಗೆ ಹೇಳಿದ್ದಾರೆ.‌ ಆದ್ದರಿಂದ ಚಿತ್ರ ಶೀಘ್ರವೇ ತಮಿಳಿಗೆ ರಿಮೇಕ್ ಆಗುವ ಸಾಧ್ಯತೆ ಹೆಚ್ಚಿದೆ.

    ಈ ಕುರಿತು ಚಿತ್ರದ ನಿರ್ಮಾಪಕ‌ ಗುರು ದೇಶಪಾಂಡೆ ಪ್ರತಿಕ್ರಿಯಿಸಿ, ಚಿತ್ರ ಯಶಸ್ಸು ಸಾಧಿಸುತ್ತದೆ. ಜನರ‌ ಮೆಚ್ಚುಗೆ ಪಡೆಯಲಿದೆ ಎಂಬ ದೃಢ ವಿಶ್ವಾಸ ನಮ್ಮಲ್ಲಿ ಮನೆಮಾಡಿತ್ತು. ಇದೀಗ ಚಿತ್ರ ಬಿಡುಗಡೆಯಾಗಿ, ಜನರಿಗೆ ಇಷ್ಟವಾಗಿದೆ. ತಮಿಳಿನ ಖ್ಯಾತ ನಿರ್ಮಾಪಕರಾದ ಮುರಳಿ ಚಿತ್ರವನ್ನು ವೀಕ್ಷಣೆ ಮಾಡಿದ್ದಾರೆ. ಚಿತ್ರವನ್ನು ತಮಿಳಿಗೆ ರಿಮೇಕ್ ಮಾಡಲು ಸಹ ಬಯಸಿದ್ದಾರೆ. ಚಿತ್ರದ ಹಕ್ಕುಗಳನ್ನು ಖರೀದಿಸುವುದಾಗಿ ಹೇಳಿದ್ದಾರೆ.  ಪ್ರೇಕ್ಷಕರ ಹಾಗೂ ವಿಮರ್ಶಕರ ಮೆಚ್ಚುಗೆಯಿಂದ ಖುಷಿಯಾಗಿತ್ತು. ಇದೀಗ ತಮಿಳಿಗೂ ರಿಮೇಕ್ ಆಗುತ್ತಿರುವ ವಿಷಯ ತಿಳಿದು ಸಂತಸ ಮತ್ತಷ್ಟು ಹೆಚ್ಚಾಯಿತು ಎಂದು ಹರ್ಷ ವ್ಯಕ್ತಪಡಿಸಿದರು.

     ಥೇನಾಂಡಾ ಮೂವೀಸ್  ರಾಮನಾರಾಯಣ್ ಅವರು ಕನ್ನಡದಲ್ಲಿ ಹಲವು ಚಿತ್ರಗಳನ್ನು ನಿರ್ಮಾಣ ಮಾಡಿದ್ದಾರೆ. ಅವರ ಪುತ್ರ ಮುರಳಿ ಸಹ ಚಿತ್ರ ನಿರ್ಮಾಣದಲ್ಲಿ ತೊಡಗಿದ್ದಾರೆ. ಮುರಳಿ ಅವರು ಇಳೈಧಳಪತಿ‌ ಖ್ಯಾತಿಯ ವಿಜಯ್ ನಟನೆಯ "ಮೆರ್ಸಲ್" ಸಿನಿಮಾ ಮಾಡಿದ್ದಾರೆ. ಆ ಚಿತ್ರ ದೊಡ್ಡ ಸಕ್ಸಸ್ ಸಾಧಿಸಿತ್ತು.

  • ಜೆಂಟಲ್ಮನ್ ಚಿತ್ರದಲ್ಲಿರೋದು ವೀರ್ಯಾಣು ದಂಧೆಯ ನಿಗೂಢ ಕಥೆ

    gentleman image

    ಅರೆ.. ಇಂಥಾದ್ದೊಂದು ದಂಧೆ ಇದೆಯಾ.. ಎಂದು ಅನುಮಾನಪಡುವ, ಆದರೆ, ಜಗತ್ತಿನಲ್ಲಿ ರಣಭಯಂಕರವಾಗಿ ನಡೆಯುತ್ತಿರುವ ವಿಚಿತ್ರ ದಂಧೆಯಿದು. ಅಂದರೆ ಮಕ್ಕಳು ಬೇಕಿರುವವರು ಐವಿಎಫ್ನಲ್ಲಿ ಮಕ್ಕಳು ಹಡೆಯುತ್ತಾರಲ್ಲ.. ಅಂತಹ ದಂಪತಿ ತಮಗೆ ಬೇಕಾದ ಮಾದರಿಯ ವ್ಯಕ್ತಿಯ ವೀರ್ಯಾಣು ಅಥವಾ ಅಂಡಾಣುವನ್ನು ಪಡೆಯಲು ಬಯಸುತ್ತಾರೆ. ಅಂತಹ ದಾನಿಗಳು ಸಿಕ್ಕದೇ ಹೋದಾಗ, ಅದಕ್ಕೆ ಸೂಟ್ ಆಗುವ ವ್ಯಕ್ತಿಗಳನ್ನು ಅಪಹರಿಸಿ ಅವರ ಮೂಲಕ ವೀರ್ಯಾಣು ಪಡೆದು ಸಾಗಿಸುವ ದಂಧೆಯಿದು. ಸದ್ಯಕ್ಕೆ ಜಗತ್ತಿನಲ್ಲಿ ನಡೆಯುತ್ತಿರುವ ಅತಿ ದೊಡ್ಡ ಭೂಗತ ಚಟುವಟಿಕೆಗಳಲ್ಲಿ ಇದೂ ಒಂದು.

    ಕನ್ನಡದಲ್ಲಿ ಬರುತ್ತಿರೋ ಜೆಂಟಲ್ಮನ್ ಸಿನಿಮಾ, ಇಂತಹ ಅಪರೂಪದ ಕಥೆಯನ್ನು ಆಯ್ಕೆ ಮಾಡಿಕೊಂಡಿದೆ. ದಿನಕ್ಕೆ 18 ಗಂಟೆ ನಿದ್ರಿಸುವ ಸ್ಲೀಪಿಂಗ್ ಬ್ಯೂಟಿ ಸಿಂಡ್ರೋಮ್ನಿಂದ ಬಳಲುವ ನಾಯಕನದ್ದೇ ಸ್ಪೆಷಲ್ ಎಂದರೆ, ಚಿತ್ರದ ಕಥೆ ಇನ್ನೂ ಸ್ಪೆಷಲ್.

    ಪ್ರಜ್ವಲ್ ದೇವರಾಜ್, ನಿಶ್ವಿಕಾ ನಾಯ್ಡು ಪ್ರಧಾನ ಪಾತ್ರದಲ್ಲಿರುವ ಚಿತ್ರಕ್ಕೆ ಜಡೇಶ್ ಕುಮಾರ್ ನಿರ್ದೇಶಕ. ಈ ಸಬ್ಜೆಕ್ಟ್ ಎಂದು ಡಿಸೈಡ್ ಆದ ಮೇಲೆ, ಇದರ ಮೇಲಿನ ಸಂಶೋಧನೆಗಾಗಿಯೇ 6 ತಿಂಗಳು ಕೆಲಸ ಮಾಡಿದೆ. ಮನರಂಜನೆಯ ಜೊತೆಯಲ್ಲೇ ಇದು ಕನ್ನಡ ಪ್ರೇಕ್ಷಕರಿಗೆ ವಿನೂತನ ಅನುಭವ ಕೊಡುತ್ತೆ ಎನ್ನುತ್ತಾರೆ ಜಡೇಶ್ ಕುಮಾರ್.

    ರಾಜಾಹುಲಿ ಗುರು ದೇಶಪಾಂಡೆ ನಿರ್ಮಾಣದ ಚಿತ್ರದ ಟ್ರೇಲರ್ ಈ ವಿಭಿನ್ನ ಕಾರಣಕ್ಕಾಗಿಯೇ ಟ್ರೆಂಡ್ ಆಗುತ್ತಿದೆ. ಸೆನ್ಸೇಷನ್ ಸೃಷ್ಟಿಸುತ್ತಿದೆ.

  • ಜೆಂಟಲ್‍ಮನ್ ಡೈನಮಿಕ್ ಪ್ರಿನ್ಸ್ ಆಟಕ್ಕೆ ಆ್ಯಕ್ಷನ್ ಪ್ರಿನ್ಸ್ ಪವರ್

    Dhruva Sarja To Release The Songs Of prajwal Devaraj's 'Gentleman'

    ಇವರು ಡೈನಮಿಕ್ ಪ್ರಿನ್ಸ್. ಅರ್ಥಾತ್ ಪ್ರಜ್ವಲ್‌ ದೇವರಾಜ್. ಅವರು ಆ್ಯಕ್ಷನ್  ಪ್ರಿನ್ಸ್. ಅಂದ್ರೆ ಧ್ರುವ ಸರ್ಜಾ. ಇವರಿಬ್ಬರೂ ಒಟ್ಟಿಗೇ ಌಕ್ಟ್ ಮಾಡುತ್ತಿದ್ದಾರಾ ಎಂದೆಲ್ಲ ಕೇಳಬೇಡಿ. ಆ ಶುಭ ಘಳಿಗೆ ಇನ್ನೂ ಬಂದಿಲ್ಲ. ಆದರೆ, ಡಿಫರೆಂಟ್ ಕಾನ್ಸೆಪ್ಟ್‌ ಮೂಲಕವೇ ಟ್ರೆಂಡ್ ಸೃಷ್ಟಿಸಿರುವ ಜಂಟಲ್‌ಮನ್‌ ಚಿತ್ರದ ಟ್ರೇಲರ್ ಬಿಡುಗಡೆಗೆ ಧ್ರುವ ಸರ್ಜಾ ಮುಖ್ಯ ಅತಿಥಿ.

    ಜನವರಿ 6ರಂದು ಬೆಳಗ್ಗೆ 11 ಗಂಟೆಗೆ ಆನಂದ್‌ ಆಡಿಯೋ ಯೂ ಟ್ಯೂಬ್‌ ಚಾನಲ್‌ನಲ್ಲಿ ಟ್ರೇಲರ್‌ ರಿಲೀಸ್ ಆಗುತ್ತಿದೆ. ಅದೇ ದಿನ 12 ಗಂಟೆಗೆ ಬೆಂಗಳೂರಿನ ಜಿಟಿ ಮಾಲ್‌ನಲ್ಲಿ ಟ್ರೇಲರ್‌ ಬಿಡುಗಡೆಯೂ ಇದೆ. ಆ ಕಾರ್ಯಕ್ರಮಕ್ಕೆ ಧ್ರುವ ಸರ್ಜಾ ಚೀಫ್ ಗೆಸ್ಟ್.

    ಸ್ಲೀಪಿಂಗ್‌ ಬ್ಯೂಟಿ ಸಿಂಡ್ರೋಮ್‌ ಎಂಬ ವಿಚಿತ್ರ ಕಾಯಿಲೆಯಿಂದ ಬಳಲುವ ನಾಯಕನಾಗಿ ನಟಿಸಿದ್ದಾರೆ ಪ್ರಜ್ವಲ್‌. ಅಂದರೆ ದಿನಕ್ಕೆ 18 ಗಂಟೆ ನಿದ್ರೆ, 6 ಗಂಟೆ ಮಾತ್ರ ಎಚ್ಚರ ಇರುವ ನಾಯಕ. ಆ 6 ಗಂಟೆಗಳಲ್ಲಿ ಹೀರೋ ಲವ್ ಮಾಡಬೇಕು, ಫೈಟ್ ಮಾಡಬೇಕು. ಅಕಸ್ಮಾತ್ ಆಗಿ ಸಿಲುಕಿಕೊಳ್ಳೋ ಸಮಸ್ಯೆಯಿಂದ ಹೊರಬರಬೇಕು. ಜಾಗ ಸಿಕ್ಕರೆ ಗೊರಕೆ ಹೊಡೆಯೋ ಹೀರೋ ಅದರಿಂದ ಹೇಗೆ ಹೊರಬರುತ್ತಾನೆ ಅನ್ನೋದೇ ಚಿತ್ರದ ಕಥೆ.

    ರಾಜಾಹುಲಿ ಖ್ಯಾತಿಯ ಗುರು ದೇಶಪಾಂಡೆ ಈ ಚಿತ್ರಕ್ಕೆ ನಿರ್ಮಾಪಕ. ಜಡೇಶ್‌ ಕುಮಾರ್‌ ನಿರ್ದೇಶಕ. ಐ ಲವ್ ಯೂ ಖ್ಯಾತಿಯ ನಿಶ್ವಿಕಾ ನಾಯ್ಡು ಹೀರೋಯಿನ್. ರಾಷ್ಟ್ರ ಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್‌ ಚಿತ್ರದಲ್ಲಿ ಪೊಲೀಸ್ ಆಫೀಸರ್. ಉಳಿದ ಡೀಟೈಲ್ಸ್.. ಏನಿದ್ದರೂ ಜನವರಿ 6ಕ್ಕೆ ಕೊಡ್ತಾರೆ.

  • ಡೈರೆಕ್ಟರ್ ದಿನಕರ್ ಜೊತೆ ಒಂದ್ ಸೆಲ್ಫಿ

    dinakar talks about life jothe ondu selfie

    ಲೈಫ್ ಜೊತೆ ಒಂದ್ ಸೆಲ್ಫಿ ಚಿತ್ರವನ್ನು ರಿಲೀಸ್‍ಗೆ ರೆಡಿ ಮಾಡಿರುವ ದಿನಕರ್ ತೂಗುದೀಪ್ & ಟೀಂ, ಚಿತ್ರದ ಪ್ರಚಾರವನ್ನು ವಿಭಿನ್ನವಾಗಿ ಮಾಡುತ್ತಿದೆ. 7 ವರ್ಷಗಳ ನಂತರ ಸಿನಿಮಾ ನಿರ್ದೇಶನಕ್ಕೆ ಇಳಿದಿರುವ ದಿನಕರ್, ಚಿತ್ರದ ಬಗ್ಗೆ ಮಾತನಾಡಿದ್ದಾರೆ.

    ಚಿತ್ರದಲ್ಲಿ 3 ಪಾತ್ರಗಳೇ ಹೈಲೈಟ್. ಪ್ರಜ್ವಲ್ ವಿರಾಟ್ ಎಂಬ ಹೆಸರಿನ ಮಲ್ಟಿಮಿಲಿಯನೇರ್ ಪಾತ್ರ. ಲೈಫಲ್ಲಿ ಎಲ್ಲ ಇದ್ದರೂ, ಏನೋ ಇಲ್ಲ ಎಂಬ ಕೊರಗಿನಲ್ಲಿರುವ ವ್ಯಕ್ತಿ.

    ಪ್ರೇಮ್ ಅವರದ್ದು ನಕುಲ್ ಎಂಬ ಎಂಎನ್‍ಸಿ ಉದ್ಯೋಗಿಯ ಪಾತ್ರ. ಅವರಿಗೆ ನಿರ್ದೇಶಕನಾಗಬೇಕು ಎಂಬ ಕನಸು.

    ಹರಿಪ್ರಿಯಾ ಅವರದ್ದೂ ಒಂದು ಸಮಸ್ಯೆ ಇರುತ್ತೆ. ಅವರೂ ಒಂದು ಕೊರಗಿನಲ್ಲೇ ಇರ್ತಾರೆ. 

    ಹೀಗೆ ಕೊರಗುವ ಜೀವಗಳೆಲ್ಲ ಒಂದು ಕಡೆ ಸೇರುತ್ತವೆ. ಗೋವಾದಲ್ಲಿ ಪರಿಚಯವಾಗೋ ಮೂವರನ್ನೂ ಕನ್ನಡಿಗರು ಎಂಬ ವಿಷಯ ಒಗ್ಗೂಡಿಸುತ್ತೆ. ಮೊದಲರ್ಧ ಸಮಸ್ಯೆಗಳಾದರೆ, ದ್ವಿತೀಯಾರ್ಧ ಪರಿಹಾರ. ಸಿನಿಮಾ ನೋಡುವಾಗ ಪ್ರತಿಯೊಬ್ಬರೂ ತಮ್ಮ ಜೊತೆ, ತಮ್ಮ ಲೈಫ್ ಜೊತೆ ಒಂದ್ ಸೆಲ್ಫಿ ತಗೋತಾರೆ ಅನ್ನೋ ಕಾನ್ಫಿಡೆನ್ಸ್ ದಿನಕರ್ ಅವರಿಗೆ ಇದೆ.

    ಸಮೃದ್ಧಿ ಮಂಜುನಾಥ್ ನಿರ್ಮಾಣದ ಚಿತ್ರಕ್ಕೆ ಹರಿಕೃಷ್ಣ ಸಂಗೀತ ನಿರ್ದೇಶನವಿದೆ.

  • ಡ್ರಗ್ಸ್ ಆಕ್ಸಿಡೆಂಟ್ - ಪ್ರಜ್ವಲ್, ದಿಗಂತ್ ಹೇಳಿದ್ದೇನು..?

    one accident two stars

    ಇಂದು ಬೆಳಗ್ಗೆಯಷ್ಟೇ ಬೆಂಗಳೂರಿನ ಸೌತ್ ಎಂಡ್ ಸರ್ಕಲ್​ನಲ್ಲಿ ಒಂದು ಅಪಘಾತವವಾಯ್ತು. ಖ್ಯಾತ ಉದ್ಯಮಿ ಆದಿಕೇಶವುಲು ಅವರ ಮೊಮ್ಮಗ ವಿಷ್ಣು ಅವರಿದ್ದ ಕಾರು, ಓಮ್ನಿ ಕಾರ್​ಗೆ ಡಿಕ್ಕಿ ಹೊಡೆದಿತ್ತು. ಆಗ ಕಾರ್​ನಲ್ಲಿ ವಿಷ್ಣು ಅವರ ಜೊತೆಗೆ ಇಬ್ಬರು ಸಿನಿಮಾ ಸ್ಟಾರ್​ಗಳಿದ್ದರು. ಅವರು ವಿಪರೀತ ಕುಡಿದಿದ್ದರು. ಹಾಗೂ ಡ್ರಗ್ಸ್​ ನಶೆಯಲ್ಲಿದ್ದರು ಎಂದು ಪೊಲೀಸ್ ಮೂಲಗಳು ಹೇಳಿದವು. ಕಾರ್​ನಲ್ಲಿ 200 ಗ್ರಾಂ ಗಾಂಜಾ ಕೂಡಾ ಸಿಕ್ಕಿತ್ತು.

    ಅಷ್ಟಾಗಿದ್ದೇ ತಡ, ಕೆಲವರು ಪ್ರಜ್ವಲ್ ದೇವರಾಜ್ ಮತ್ತು ದಿಗಂತ್ ಅವರ ಹೆಸರು ಹೇಳಿದವು. ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಇಬ್ಬರೂ ನಟರು ತಾವು ಕಾರ್​ನಲ್ಲಿ ಇರಲಿಲ್ಲ. ನಮಗೂ ಅದಕ್ಕೂ ಸಂಬಂಧವಿಲ್ಲ. ವಿಷ್ಣು ಸ್ನೇಹಿತ ಹೌದು. ಆದರೆ, ಕಾರ್​ನಲ್ಲಿ ನಾವಿರಲಿಲ್ಲ. ಸುಖಾಸುಮ್ಮನೆ ಸುಳ್ಳು ಸುದ್ದಿ ಹಬ್ಬಿಸಬೇಡಿ. ನಮಗೆ ಡ್ರಗ್ಸ್ ಚಟವೂ ಇಲ್ಲ. ನಮ್ಮ ಮರ್ಯಾದೆ ತೆಗೆಯಬೇಡಿ ಎಂದಿದ್ದಾರೆ. ಸುಮ್ಮ ಸುಮ್ಮನೆ ಸುಳ್ಳು ಸುದ್ದಿ ಹಬ್ಬಿಸದಂತೆ ಮಾಧ್ಯಮಗಳಿಗೆ ಕಿವಿಮಾತು ಹೇಳಿದ್ದಾರೆ.

  • ದರ್ಶನ್ ಅನುಪಸ್ಥಿತಿಯಲ್ಲಿ ಇನ್ಸ್‍ಪೆಕ್ಟರ್ ವಿಕ್ರಂ ಆಡಿಯೋ ರಿಲೀಸ್

    inspector vikram audio launch without darshan's presence

    ಡೈನಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ಅಭಿನಯದ ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರದ ಆಡಿಯೋ ಅದ್ಧೂರಿಯಾಗಿ ರಿಲೀಸ್ ಆಗಿದೆ. ಹುಬ್ಬಳ್ಳಿಯಲ್ಲಿ. ಪ್ಲಾನ್ ಪ್ರಕಾರ ಆಡಿಯೋ ಬಿಡುಗಡೆಗೆ ದರ್ಶನ್ ಅವರೂ ಕೂಡಾ ಹೋಗಬೇಕಿತ್ತು. ಆದರೆ ಕಡೆಯ ಗಳಿಗೆಯಲ್ಲಿ ಕಾರ್ಯಕ್ರಮ ತಪ್ಪಿಸಿಕೊಂಡಿದ್ದಾರೆ ದರ್ಶನ್.

    ನೆಹರೂ ಮೈದಾನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಚಿವ ಜಗದೀಶ್ ಶೆಟ್ಟರ್, ಆಡಿಯೋ ರಿಲೀಸ್ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು. ಆದರೆ.. ದರ್ಶನ್ ಆಗಮನದ ನಿರೀಕ್ಷೆಯಲ್ಲಿದ್ದ ಅಭಿಮಾನಿಗಳು ಕೂಗಾಟಕ್ಕೆ ಮುಂದಾದಾಗ ನಿರೂಪಕಿ ಅನುಶ್ರೀ ಅಭಿಮಾನಿಗಳನ್ನು ಸಮಾಧಾನಿಸಿದರು. ಅಂದಹಾಗೆ ಚಿತ್ರದಲ್ಲಿ ದರ್ಶನ್ ಅತಿಥಿ ನಟರಾಗಿ ಕಾಣಿಸಿಕೊಂಡಿದ್ದಾರೆ. ಅದೂ ಭಗತ್ ಸಿಂಗ್ ಪಾತ್ರದಲ್ಲಿ.

    ಪ್ರಜ್ವಲ್ ಜೊತೆಗೆ ಭಾವನಾ ಮೆನನ್ ನಾಯಕಿಯಾಗಿದ್ದಾರೆ. ನರಸಿಂಹ ಈ ಚಿತ್ರದ ನಿರ್ದೇಶಕ. ಚಿತ್ರತಂಡಕ್ಕೆ ನಟಿ ಅಶಿಕಾ ರಂಗನಾಥ್, ಡಾಲಿ ಧನಂಜಯ್, ದೀಪಿಕಾ ದಾಸ್, ಅನೂಪ್ ಸೀಳಿನ್ ಮೊದಲಾದವರು ಶುಭ ಕೋರಿದರು. ದೇವರಾಜ್ ಕುಟುಂಬವೇ ಕಾರ್ಯಕ್ರಮದಲ್ಲಿ ಹಾಜರಿತ್ತು.

  • ದಿನಕ್ಕೆ 18 ಗಂಟೆ ನಿದ್ರೆ ಮಾಡುವ ಪ್ರಜ್ವಲ್ ದೇವರಾಜ್

    prawal devaraj talks about his role in gentlaman

    ದಿನಕ್ಕೆ 18 ಗಂಟೆ ಕೆಲಸ ಮಾಡುವವರು ದೇಶದ ಪ್ರಧಾನಿ ಹುದ್ದೆಯಲ್ಲಿರೋವಾಗ 18 ಗಂಟೆ ಮಾಡುವ ನಿದ್ರೆ ಮಾಡುವ ಹೀರೋ ಬಂದಿದ್ದಾರೆ. ಹೀಗೆ 18 ಗಂಟೆ ನಿದ್ರೆ ಮಾಡೋ ದೊಡ್ಡ ಕಾಯಿಲೆಗೆ ತುತ್ತಾಗಿರುವುದು ಪ್ರಜ್ವಲ್ ದೇವರಾಜ್. ಗುರು ದೇಶಪಾಂಡೆ ನಿರ್ಮಾಣದ ಜಂಟಲ್‌ಮನ್ ಚಿತ್ರದಲ್ಲಿ ಪ್ರಜ್ವಲ್ ಅವರದ್ದು ನಿದ್ರೆ ಮಾಡುವ ಯುವಕನ ಪಾತ್ರ. ಹೈಪರ್ ಸೋಮ್ನಿಯಾ ಎಂಬ ಅಪರೂಪದ ಕಾಯಿಲೆಯಿಂದ ಬಳಲುವ ಯುವಕನಾಗಿ ಪ್ರಜ್ವಲ್ ದೊಡ್ಡದೊಂದು ಚಾಲೆಂಜಿAಗ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

    ನಿರ್ದೇಶನದಿAದ ನಿರ್ಮಾಣಕ್ಕೇ ಹೆಚ್ಚು ಹೆಚ್ಚು ವಾಲುತ್ತಿರುವ ಗುರು ದೇಶಪಾಂಡೆ, ಈ ಚಿತ್ರದಲ್ಲಿ ಜಡೇಶ್ ಕುಮಾರ್ ಹಂಪಿಗೆ ನಿರ್ದೇಶನದ ಅವಕಾಶ ಕೊಟ್ಟಿದ್ದಾರೆ.

    ದಿನಕ್ಕೆ 6 ಗಂಟೆ ಮಾತ್ರ ಎಚ್ಚರದಲ್ಲಿರುವ ನಾಯಕ, ಆ 6 ಗಂಟೆಯಲ್ಲೇ ದಿನದ ಎಲ್ಲ ಕೆಲಸಗಳನ್ನೂ ಮುಗಿಸಿಕೊಳ್ಳುವ ಅನಿವಾರ್ಯತೆಯಲ್ಲಿರುತ್ತಾನೆ. ಒಂದೇ ಸ್ಟೆçಚ್‌ನಲ್ಲಿ ಸತತ 48 ಗಂಟೆ ನಿದ್ರೆ ಮಾಡುವವರೂ ಇದ್ದಾರೆ ಎನ್ನುತ್ತದೆ ಸೈನ್ಸು. ಅಂಥಾದ್ದರಲ್ಲಿ 18 ಗಂಟೆ ನಿದ್ರೆ ಮಾಡುವ ಹೀರೋ ಸುತ್ತ ಕಮರ್ಷಿಯಲ್ ಕಥೆಯೇ ಇದೆ ಎನ್ನುತ್ತಾರೆ ಗುರು ದೇಶಪಾಂಡೆ. ಸಿನಿಮಾ ಹೆಚ್ಚೂ ಕಡಿಮೆ ಮುಕ್ತಾಯದ ಹಂತದಲ್ಲಿದ್ದು, ರಿಲೀಸ್ ಆಗೋಕೆ ಡೇಟ್ ಹುಡುಕಾಟದಲ್ಲಿದೆ.

  • ದೇವರಾಜ್ ಸೊಸೆ ವಿಜಯದಶಮಿಗೆ ಹೀರೋಯಿನ್

    prajwal devaraj's wife ragini

    ಡೈನಮಿಕ್ ಸ್ಟಾರ್ ದೇವರಾಜ್ ಕುಟುಂಬದಿಂದ ಮತ್ತೊಂದು ಪ್ರತಿಭೆ ಚಿತ್ರರಂಗ ಪ್ರವೇಶಿಸುತ್ತಿದೆ. ಈ ಬಾರಿ ಅವರ ಸೊಸೆ ರಾಗಿಣಿ ಚಂದ್ರನ್. ಪ್ರಜ್ವಲ್ ದೇವರಾಜ್ ಅವರ ಪತ್ನಿ ರಾಗಿಣಿ ಚಂದ್ರನ್, ಹೆಸರಾಂತ ಮಾಡೆಲ್. ಪತಿ ಪ್ರಜ್ವಲ್‍ರ ಚಿತ್ರದಲ್ಲಿ ಅತಿಥಿಯಾಗಿ ನಟಿಸುತ್ತಿರುವ ರಾಗಿಣಿ, ಈಗ ವಿಜಯದಶಮಿ ಹೆಸರಿನ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ.

    ರಘು ಸಮರ್ಥ್ ನಿರ್ದೇಶನದ ವಿಜಯದಶಮಿ, ನಾಯಕಿ ಪ್ರದಾನ ಚಿತ್ರ. ತನ್ನ ಗುರುವಿನ ಮಗಳಿಗೆ ಅನ್ಯಾಯವಾದಾಗ, ಅದನ್ನು ಸರಿಪಡಿಸುವುದಕ್ಕೆ ಹೋರಾಡುವ ದಿಟ್ಟ ಹೆಣ್ಣು ಮಗಳಾಗಿ ಕಾಣಿಸಿಕೊಳ್ಳಲಿದ್ದಾರೆ ರಾಗಿಣಿ ಚಂದ್ರನ್. ಹಾಗಂತ ಆ್ಯಕ್ಷನ್ ಓರಿಯಂಟೆಡ್ ಸಿನಿಮಾ ಅಲ್ಲ. ಮೈಂಡ್‍ಗೇಮ್ ಥ್ರಿಲ್ಲರ್.

    ಪ್ರೊಫೆಸರ್ ನಿರಂಜನವಾನಳ್ಳಿ ಪುತ್ರಿ ಸಿರಿ ವಾನಳ್ಳಿ, ರಾಗಿಣಿ ಚಂದ್ರನ್ ಗುರುಗಳ ಮಗಳಾಗಿ ನಟಿಸುತ್ತಿದ್ದಾರೆ. ಗುರುವಾಗುತ್ತಿರುವುದು ಅಚ್ಯುತ್ ಕುಮಾರ್. ಅವಿನಾಶ್, ಸಿನಿಮಾದಲ್ಲಿ ರಾಗಿಣಿಯ ಅಪ್ಪ. ವಾಸುಕಿ ವೈಭವ್ ಸಂಗೀತ ನಿರ್ದೇಶನದ ಚಿತ್ರಕ್ಕೆ ಅಕ್ಟೋಬರ್ 19ಕ್ಕೆ ಅಂದರೆ ವಿಜಯದಶಮಿಯಂದೇ ಮುಹೂರ್ತ.

  • ದೇವರಾಜ್-ದರ್ಶನ್ ಅಟ್ಯಾಚ್‍ಮೆಂಟ್ ಒಂದೊಂದ್ಸಲ ಅಸೂಯೆ ಹುಟ್ಟಿಸುತ್ತೆ - ಪ್ರಜ್ವಲ್ ದೇವರಾಜ್

    darshan and devaraj's attacthment is a must

    ಜಂಟಲ್‍ಮನ್ ಚಿತ್ರದ ಆಡಿಯೋ ರಿಲೀಸ್‍ಗೆ ಬಂದಿದ್ದ ದರ್ಶನ್, ಇಂಥಾದ್ದೊಂದು ವಿಭಿನ್ನ ಕಥೆಯ ವಿಶೇಷ ಚಿತ್ರವನ್ನು ನೋಡಿ ಎಂದು ಕನ್ನಡಿಗರಿಗೆ ಆದೇಶವನ್ನೇ ಕೊಟ್ಟುಬಿಟ್ಟರು. ಏಕೆಂದರೆ ಇದು ಸ್ಲೀಪಿಂಗ್ ಸಿಂಡ್ರೋಮ್ ಬ್ಯೂಟಿ ಅನ್ನೋ ರೋಗ ಇರುವ ಹೀರೋನ ಕಥೆ. ಅಲ್ಲಿ ವಿಭಿನ್ನ ಸ್ಮಗ್ಲಿಂಗ್ ಕಥೆಯೂ ಇದೆ. ಅಂಥಾದ್ದೊಂದು ಕಥೆಯನ್ನು ಸಿನಿಮಾ ಮಾಡಿರುವಾಗ ದರ್ಶನ್ ಹಾಗೆ ಹೇಳೋದು ಸಹಜವೇ ಬಿಡಿ.

    ಅಂದಹಾಗೆ ಇದೇ ವೇಳೆ ಪ್ರಜ್ವಲ್ ದೇವರಾಜ್ ದರ್ಶನ್ ಮತ್ತು ತಮ್ಮ ತಂದೆಯ ಸ್ನೇಹದ ಬಗ್ಗೆ ಮಾತನಾಡಿದ್ದಾರೆ. ದರ್ಶನ್, ನಮ್ಮ ಮನೆಯ ಸದಸ್ಯನೇ ಆಗಿಹೋಗಿದ್ದಾರೆ.

    ನನಗೆ ಹಿರಿಯಣ್ಣನಂತಿದ್ದಾರೆ. ಅಪ್ಪ ಮತ್ತು ದರ್ಶನ್ ಮಧ್ಯೆ  ಸಂಬಂಧ ಇನ್ನಷ್ಟು ಚೆನ್ನಾಗಿದ್ದು ತಾರಕ್ ಚಿತ್ರದ ನಂತರ. ಅದು ಎಷ್ಟರಮಟ್ಟಿಗೆ ಎಂದರೆ ಎಷ್ಟೋ ಬಾರಿ ನನಗೆ ದರ್ಶನ್ ಕಂಡರೆ ಅಸೂಯೆಯಾಗುವಷ್ಟು ಆತ್ಮೀಯತೆ ಅವರಿಬ್ಬರ ಮಧ್ಯೆ ಇದೆ ಎಂದು ಪ್ರೀತಿಯಿಂದಲೇ ಹೇಳಿದ್ದಾರೆ ಪ್ರಜ್ವಲ್.

    ಜಡೇಶ್ ಕುಮಾರ್ ನಿರ್ದೇಶನದ ಜಂಟಲ್‍ಮನ್ ಸಿನಿಮಾ ಇದೇ ವಾರ ರಿಲೀಸ್ ಆಗುತ್ತಿದ್ದು, ಗುರು ದೇಶಪಾಂಡೆ ನಿರ್ಮಾಪಕ. ನಿಶ್ವಿಕಾ ನಾಯ್ಡು ನಾಯಕಿಯಾಗಿರುವ ಚಿತ್ರದಲ್ಲಿ ಸಂಚಾರಿ ವಿಜಯ್ ಇನ್ಸ್‍ಪೆಕ್ಟರ್ ಪಾತ್ರದಲ್ಲಿ ನಟಿಸಿದ್ದಾರೆ.

  • ನಿದ್ದೆ ಮಾಡಿ.. ವಿಡಿಯೋ ಮಾಡಿ.. ಪ್ರಜ್ವಲ್ ಜೊತೆ ಸಿನಿಮಾ ನೋಡಿ

    a unique competition by gentleman team

    ಭೂಮಿ ಮೇಲಿರೋ ಯಾವ ಕೋಳಿ ಕೂಗಿದ್ರೂ ಇವನು ಎದ್ದೇಳಲ್ಲ.. ಇವನ ಹೆಸರೇ ಕುಂಭಕರ್ಣ...

    ಸತತವಾಗಿ 3 ಗಂಟೆ 49 ಸೆಕೆಂಡು ಸ್ಟಡಿ ಮಾಡಿದ ಪ್ರತಿಯೊಬ್ಬ ಕಾಲೇಜ್ ಸ್ಟೂಡೆಂಟೂ...  ಮುಂದಿರೋದು ಗೊರಕೆ ಹೊಡೆಯುತ್ತಿರೋ ಪ್ರಜ್ವಲ್ ಫೋಟೋ..

    ಸಾಂಗ್ಲಿಯಾನ ಚಿತ್ರದಲ್ಲಿ ನಿದ್ದೆ ಮಾಡೋ ವಿಲನ್ `ಕುಂಬಿ' ಆಗಿ ಅಬ್ಬರಿಸಿದ್ದ ಸುಧೀರ್, ಅಲ್ಲಿ ಸ್ವರ್ಗದಲ್ಲಿ ಕುಳಿತು ಟೆನ್ಷನ್ ಆಗಿ ಜಂಟಲ್‍ಮನ್ ಬಗ್ಗೆ ತಲೆಕೆಡಿಸಿಕೊಂಡಿದ್ದಾರೆ.

    ಇಂಥವು.. ಒಂದಲ್ಲ..ಎರಡಲ್ಲ.. ಹತ್ತಲ್ಲ.. ಹಲವಾರಿವೆ. ಇವೆಲ್ಲವೂ ಜೆಂಟಲ್‍ಮನ್ ಚಿತ್ರದ ಮೈಮ್ಸ್‍ಗಳು. ಏಕೆಂದರೆ, ಈ ಚಿತ್ರದ ಹೀರೋ ಭರತ್ ಅಲಿಯಾಸ್ ಪ್ರಜ್ವಲ್ ದೇವರಾಜ್‍ಗೆ ದಿನಕ್ಕೆ 18 ಗಂಟೆ ಮಲಗೋ ಕಾಯಿಲೆ. ಉಳಿದಿರೋ ಜಸ್ಟ್ 6 ಗಂಟೆ ಟೈಮಲ್ಲಿ ಅವನು ಕೆಲಸ ಮಾಡಬೇಕು, ಲವ್ ಮಾಡಬೇಕು, ವಿಲನ್‍ಗಳ ಜೊತೆ ಫೈಟ್ ಮಾಡಬೇಕು. ನಿತ್ಯ ಕರ್ಮಗಳನ್ನೂ ಮುಗಿಸಬೇಕು.

    ಇಂಥಾದ್ದೊಂದು ಸ್ಪೆಷಲ್ ಕಥೆ ಇಟ್ಟುಕೊಂಡು ಸಿನಿಮಾ ಮಾಡಿದ್ದಾರೆ ಜಡೇಶ್. ಸ್ಲೀಪಿಂಗ್ ಸಿಂಡ್ರೋಮ್ ಹುಡುಗನ ಕಥೆಯನ್ನೇ ಸಿನಿಮಾ ಮಾಡಿದ್ದಾರೆ ಜಡೇಶ್ ಕುಮಾರ್. ಚಿತ್ರದ ಕ್ರಿಯೇಟಿವ್ ಹೆಡ್ ಮತ್ತು ನಿರ್ಮಾಪಕ ಗುರು ದೇಶಪಾಂಡೆ. ಹೊಸ ಹೊಸ ಹುಡುಗರ ವಿಭಿನ್ನ ಪ್ರಯತ್ನಗಳಿಗೆ ಸಪೋರ್ಟ್ ಕೊಡುತ್ತಿದ್ದಾರೆ ಗುರು ದೇಶಪಾಂಡೆ.

    ಅಂದಹಾಗೆ ವಿಷಯ ಇದಲ್ಲ. ಇಲ್ಲೊಂದು ಸ್ಪರ್ಧೆಯಿದೆ. ನೀವು ಒಂದು ಕೆಲಸ ಮಾಡಬೇಕು. ನಿದ್ದೆ ಮಾಡುತ್ತಿರುವವರ ವಿಡಿಯೋ ಶೂಟ್ ಮಾಡಬೇಕು. ಅವರು ನಿದ್ದೆಯಲ್ಲಿ ಮಾಡಿಕೊಳ್ಳೋ ಎಡವಟ್ಟುಗಳನ್ನು ಶೂಟ್ ಮಾಡಿ ಜೆಂಟಲ್‍ಮನ್ ಟೀಂಗೆ ಕಳಿಸಿಕೊಡಬೇಕು. ಅಂದ್ರೆ ಪ್ರಜ್ವಲ್ ದೇವರಾಜ್ ಅವರಿಗೆ ಟ್ಯಾಗ್ ಮಾಡಿ. ಮುಂದಾ.. ಸಿನಿಮಾ ರಿಲೀಸ್ ಆಗುವ ಮೊದಲೇ ನೀವು ಪ್ರಜ್ವಲ್ ದೇವರಾಜ್ ಜೊತೆ ಸಿನಿಮಾ ನೋಡಬಹುದು.

  • ನಿದ್ದೆಯಿಂದ ಎದ್ದ ಜಂಟಲ್‍ಮನ್ ಕುಂಭಕರ್ಣ ಥಿಯೇಟರ್ ಎಂಟ್ರಿ

    gentleman has lot of specialities

    18 ಗಂಟೆ ನಿದ್ರೆ ಮಾಡಿ, 6 ಗಂಟೆಯಷ್ಟೇ ಎಚ್ಚರ ಇರುವ ಕುಂಭಕರ್ಣ ಭರತ್ ಅರ್ಥಾತ್ ಪ್ರಜ್ವಲ್ ದೇವರಾಜ್ ನಿದ್ದೆಯಿಂದ ಎದ್ದು ಬಂದು ಥಿಯೇಟರಿಗೆ ಎಂಟ್ರಿ ಕೊಟ್ಟಿದ್ದಾನೆ. ಅಂಡಾಣು ಕಳ್ಳಸಾಗಣೆ ಮತ್ತು ಸ್ಲೀಪಿಂಗ್ ಸಿಂಡ್ರೋಮ್ ಬ್ಯೂಟಿಯಂತಹ ವಿಭಿನ್ನ ಹೊಸತನದ ಕಥೆ ಇರುವ ಚಿತ್ರವಿದು. ಪ್ರೇಕ್ಷಕರಿಗೆ ಸಂಪೂರ್ಣ ಹೊಸದೇ ಎಂಬ ಫೀಲ್ ಕೊಡುವ ಜಂಟಲ್‍ಮನ್ ಚಿತ್ರದಲ್ಲಿ ಸಂಚಾರಿ ವಿಜಯ್ ಪೊಲೀಸ್ ಆಫೀಸರ್ ಆಗಿದ್ದರೆ, ಭರತ್‍ಗೆ ಚಿಕಿತ್ಸೆ ಕೊಡುವ ಡಯಟಿಷಿಯನ್ ಹಾಗೂ ಪ್ರೇಮಿಯಾಗಿ ನಟಿಸಿರುವುದು ತಪಸ್ವನಿ ಅರ್ಥಾತ್ ನಿಶ್ವಿಕಾ ನಾಯ್ಡು.

    ಪುಟ್ಟ ಹುಡುಗಿ ಬೇಬಿ ಆರಾಧ್ಯ, ಸೀನಿಯರ್ ಕಲಾವಿದರಿಗೂ ಚಾಲೆಂಜ್ ಹಾಕುವಷ್ಟು ಅದ್ಭುತವಾಗಿ ನಟಿಸಿದ್ದಾಳೆ ಎನ್ನುವುದು ಚಿತ್ರತಂಡದ ಕಾಂಪ್ಲಿಮೆಂಟು. ಸ್ವತಃ ನಿರ್ದೇಶಕರಾಗಿರುವ ಗುರು ದೇಶಪಾಂಡೆ, ಈ ಚಿತ್ರದ ನಿರ್ದೇಶಕ ಜಡೇಶ್ ಕುಮಾರ್ ಹೇಳಿದ ಕಥೆ ಕೇಳಿಯೇ ಥ್ರಿಲ್ ಆಗಿ ತಾವೇ ನಿರ್ಮಾಪಕರಾಗಿದ್ದಾರೆ ಎನ್ನುವುದು ಒನ್ಸ್ ಎಗೇಯ್ನ್ ಕಥೆಯ ಪವರ್.

    ಕನ್ನಡದಲ್ಲಿಯೇ ಅತ್ಯಂತ ಸ್ಪೆಷಲ್ ಎನಿಸುವ ಕಥೆ, ನಟನೆ, ಪ್ರೆಸೆಂಟೇಷನ್ ಇರುವ ಜಂಟಲ್‍ಮನ್ ಚಿತ್ರವನ್ನು ಪ್ರೇಕ್ಷಕರು ಹೇಗೆ ಸ್ವೀಕರಿಸಿದ್ದಾರೆ. ವೇಯ್ಟ್ & ಸೀ.

  • ಪುಷ್ಪಕ ವಿಮಾನದವರ ಜೊತೆ ಪ್ರಜ್ವಲ್ ದೇವರಾಜ್

    prajwal devaraj's new movie launched

    ಪ್ರಜ್ವಲ್ ದೇವರಾಜ್ ಅವರ ಹೊಸ ಚಿತ್ರವೊಂದು ಸದ್ದಿಲ್ಲದೆ ಶುರುವಾಗಿದೆ. ಪುಷ್ಕಕ ವಿಮಾನ ಚಿತ್ರ ನಿರ್ಮಿಸಿದ್ದ ಎ.ಆರ್.ವಿಖ್ಯಾತ್, ಪ್ರಜ್ವಲ್ ದೇವರಾಜ್ ಅಭಿನಯದ ಹೊಸ ಚಿತ್ರಕ್ಕೆ ಶ್ರೀಕಾರ ಹಾಕಿದ್ದಾರೆ. ನರಸಿಂಹ ಎಂಬ ಹೊಸಬರಿಗೆ ಚಿತ್ರದ ನಿರ್ದೇಶನದ ಜವಾಬ್ದಾರಿ ಹೊರಿಸಲಾಗಿದೆ. ನಾಯಕಿಯಾಗಿ ಸಾಯಿ ಪಲ್ಲವಿ ಅವರನ್ನು ಕರೆತರಲು ಚಿಂತನೆ ನಡೆಸಲಾಗಿದೆ.

    ಬಸವನಗುಡಿಯ ರಾಘವೇಂದ್ರ ಸ್ವಾಮಿ ದೇವಸ್ಥಾನದಲ್ಲಿ ಚಿತ್ರಕ್ಕೆ ಮುಹೂರ್ತ ನೆರವೇರಿತು. ಚಿತ್ರಕ್ಕಿನ್ನೂ ಹೆಸರಿಟ್ಟಿಲ್ಲ. ಫೆಬ್ರವರಿ ಮೊದಲ ವಾರದಲ್ಲಿ ಚಿತ್ರದ ಟೈಟಲ್ ಸಮೇತ ಟೀಸರ್‍ನ್ನು ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಹೇಳಿಕೊಂಡಿದೆ. ಅಂದಹಾಗೆ ಇದು ಪ್ರಜ್ವಲ್ ದೇವರಾಜ್ ಅಭಿನಯದ 30ನೇ ಚಿತ್ರ.

  • ಪ್ರಜ್ವಲ್ ಕುಂಭಕರ್ಣ ಅಲ್ಲ.. ಜಂಟಲ್‍ಮ್ಯಾನ್

    prajwal devaraj act as sleeping beauty

    ಪ್ರಜ್ವಲ್ ದೇವರಾಜ್ ಅಭಿನಯದ ಹೊಸ ಸಿನಿಮಾಗೆ ನಾಳೆ ಮುಹೂರ್ತ. ಚಿತ್ರದ ಮುಹೂರ್ತದ ದೃಶ್ಯಕ್ಕೆ ಕ್ಲಾಪ್ ಮಾಡಲಿರುವುದು ಚಾಲೆಂಜಿಂಗ್ ಸ್ಟಾರ್ ದರ್ಶನ್. ಚಿತ್ರದ ಹೆಸರು ಜಂಟಲ್‍ಮ್ಯಾನ್. ಈ ಮೊದಲು ಚಿತ್ರಕ್ಕೆ ಕುಂಭಕರ್ಣ ಅಥವಾ ಐ ಆ್ಯಮ್ ಕುಂಭಿ ಎಂಬ ಟೈಟಲ್ ಇಡುವ ನಿರ್ಧಾರ ಮಾಡಲಾಗಿತ್ತು. ಆದರೆ ಚಿತ್ರ ಬಿಡುಗಡೆ ವೇಳೆಗೆ ಚಿತ್ರದ ಟೈಟಲ್ ಬದಲಾಗಿದೆ. ಚಿತ್ರದ ಟೈಟಲ್ಲೇ ಈಗ ಜಂಟಲ್‍ಮ್ಯಾನ್.

    ಸ್ಲೀಪಿಂಗ್ ಬ್ಯೂಟಿ ಸಿಂಡ್ರೋಮ್‍ನಿಂದ ಬಳಲುವ ವ್ಯಕ್ತಿಯಾಗಿ ನಟಿಸಲಿದ್ದಾರೆ ಪ್ರಜ್ವಲ್. ಆಂದರೆ, ಪ್ರಜ್ವಲ್ ಒಂದು ದಿನದಲ್ಲಿ ಎಚ್ಚರ ಇರೋದು ದಿನದ ಏಳೆಂಟು ಗಂಟೆ ಮಾತ್ರ. ಉಳಿದಂತೆ ನಿದ್ರಾನಂದ. ಎದ್ದಿರುವ ಏಳೆಂಟು ಗಂಟೆ ಅವಧಿಯಲ್ಲಿ ನಾಯಕ ಏನೆಲ್ಲ ಮಾಡ್ತಾನೆ ಅನ್ನೋದೇ ಚಿತ್ರದ ಕಥೆ.

    ಜಡೇಶ್ ಕಥೆ, ಚಿತ್ರಕಥೆ ಹೊಣೆ ಹೊತ್ತಿದ್ದು, ನಿರ್ದೇಶನವೂ ಅವರದ್ದೇ. ಚಿತ್ರದ ನಿರ್ಮಾಪಕ ಗುರುದೇಶಪಾಂಡೆ. ತಮ್ಮದೇ ನಿರ್ಮಾಣದಲ್ಲಿ ತಮ್ಮ ಶಿಷ್ಯನನ್ನು ನಿರ್ದೇಶಕರಾಗಿ ಪ್ರಮೋಟ್ ಮಾಡುತ್ತಿದ್ದಾರೆ ಗುರು. ಅಂದಹಾಗೆ ನಾಳೆ ಪ್ರಜ್ವಲ್ ಹುಟ್ಟುಹಬ್ಬ. ಹುಟ್ಟುಹಬ್ಬದ ದಿನವೇ ಸೆಟ್ಟೇರಲಿದೆ ಪ್ರಜ್ವಲ್ ಹೊಸ ಸಿನಿಮಾ.

  • ಪ್ರಜ್ವಲ್ ಜೊತೆ ರಚಿತಾ ರಾಮ್

    rachita ram to pair opposite prajwal devaraj

    ಅರ್ಜುನ್ ಚಿತ್ರದ ಮೂಲಕ ಪ್ರಜ್ವಲ್ ದೇವರಾಜ್‍ಗೆ ವಿಭಿನ್ನತೆಯ ಟಚ್ ಕೊಟ್ಟ ನಿರ್ದೇಶಕ ಪಿ.ಸಿ.ಶೇಖರ್, ಹೊಸ ಚಿತ್ರಕ್ಕೆ ಕೈ ಹಾಕಿದ್ದಾರೆ. ಈ ಚಿತ್ರದಲ್ಲಿ ಪ್ರಜ್ವಲ್ ದೇವರಾಜ್ ಹೀರೋ. ಚಿತ್ರದ ಕಥೆಗೆ ಪ್ರಜ್ವಲ್ ದೇವರಾಜ್ ಓಕೆ ಎಂದಿದ್ದಾರೆ. ನಾಯಕಿಯಾಗಿ ಆಯ್ಕೆಯಾಗಿರೋದು ರಚಿತಾ ರಾಮ್.

    ರಚಿತಾ ರಾಮ್ ಕಥೆ ಕೇಳಿ ಇಂಪ್ರೆಸ್ ಆಗಿದ್ದಾರಂತೆ. ಆದರೆ, ಇನ್ನೂ ಅಧಿಕೃತಗೊಂಡಿಲ್ಲ. ಜೋಡಿ ಪಕ್ಕಾ ಆದರೆ, ಪ್ರಜ್ವಲ್-ರಚಿತಾ ರಾಮ್ ಜೋಡಿಯ ಪ್ರಥಮ ಚಿತ್ರವಾಗಲಿದೆ ಪಿ.ಸಿ.ಶೇಖರ್ ಸಿನಿಮಾ.

  • ಪ್ರಜ್ವಲ್ ದೇವರಾಜ್ ಪತ್ನಿ, ಅಪ್ಪು ಚಿತ್ರಕ್ಕೆ ನಾಯಕಿ

    puneeth rajkumar to produce movie for ragini chandran

    ಪ್ರಜ್ವಲ್ ದೇವರಾಜ್ ಪತ್ನಿ ರಾಗಿಣಿ ಚಂದ್ರನ್ ವೃತ್ತಿಪರ ಮಾಡೆಲ್. ಅವರೀಗ ಸಿನಿಮಾಗೆ ಎಂಟ್ರಿ ಕೊಡುತ್ತಿದ್ದಾರೆ. ಅದೂ ಪುನೀತ್ ರಾಜ್‍ಕುಮಾರ್ ನಿರ್ಮಾಣದ ಸಿನಿಮಾ ಮೂಲಕ. ರಘು ಸಮರ್ಥ ನಿರ್ದೇಶನದ ಚಿತ್ರದಲ್ಲಿ ರಾಗಿಣಿ ಚಂದ್ರನ್ ನಟಿಸಲಿದ್ದಾರೆ ಎಂಬ ಸುದ್ದಿಯನ್ನು ಈಗ ಪುನೀತ್ ಸ್ಪಷ್ಟಪಡಿಸಿದ್ದಾರೆ. ಇದೊಂದು ಮಹಿಳಾ ಪ್ರಧಾನ ಸಿನಿಮಾ.

    `ಸಿನಿಮಾದ ಕಥೆ ಇಷ್ಟವಾಯ್ತು. ಒಂದೊಳ್ಳೆ ಫ್ರೆಶ್ ಥಾಟ್ ಚಿತ್ರದಲ್ಲಿದೆ. ಹೀಗಾಗಿ ನಿರ್ಮಾಣಕ್ಕೆ ಒಪ್ಪಿಕೊಂಡೆ' ಎಂದಿದ್ದಾರೆ ಪುನೀತ್. ಅವಿನಾಶ್, ಪ್ರಕಾಶ್ ಬೆಳವಾಡಿ ಹಾಗೂ ಅಚ್ಯುತ್ ಕುಮಾರ್ ಚಿತ್ರದ ಪ್ರಧಾನ ಪಾತ್ರಗಳಲ್ಲಿದ್ದಾರೆ.

    ಪುನೀತ್ ನಿರ್ಮಾಣದಲ್ಲಿ 3 ಚಿತ್ರಗಳು ಶುರುವಾಗಿವೆ. ಕವಲುದಾರಿ, ಮಾಯಾಬಜಾರ್ ಹಾಗೂ ಪನ್ನಗಾಭರಣ ನಿರ್ದೇಶನದ ಇನ್ನೂ ಹೆಸರಿಡದ ಸಿನಿಮಾ. ಇದೂ ಶುರುವಾದರೆ 4ನೇ ಸಿನಿಮಾ ಆಗಲಿದೆ. 

  • ಪ್ರಜ್ವಲ್ ದೇವರಾಜ್ ಫುಲ್ ಹ್ಯಾಪಿ

    prajwal devaraj's new movie trailers r super hit

    ಪ್ರಜ್ವಲ್ ದೇವರಾಜ್ ಹುಟ್ಟುಹಬ್ಬಕ್ಕೆ ರಿಲೀಸ್ ಆದ ಅವರ ಅಭಿನಯದ ಎರಡು ಚಿತ್ರದ ಟೀಸರ್‍ಗಳು ಪ್ರಜ್ವಲ್ ಅವರ ಖುಷಿ ಹೆಚ್ಚಿಸಿವೆ. ಟೀಸರ್‍ಗಳು ಹಾಗೂ ಅವುಗಳಿಗೆ ಪ್ರೇಕ್ಷಕರು ಕೊಟ್ಟಿರುವ ರಿಯಾಕ್ಷನ್ಸ್ ಪ್ರಜ್ವಲ್ ಅವರನ್ನು ಕುಣಿದು ಕುಪ್ಪಳಿಸುವಂತೆ ಮಾಡಿವೆ.

    ಎ.ಆರ್.ವಿಖ್ಯಾತ್ ನಿರ್ಮಾಣದ ಇನ್ಸ್‍ಪೆಕ್ಟರ್ ವಿಕ್ರಂ ಚಿತ್ರದ 2ನೇ ಟೀಸರ್ 3 ಲಕ್ಷಕ್ಕೂ ಹೆಚ್ಚು ಹಿಟ್ಸ್ ಗಿಟ್ಟಿಸಿದೆ. ವಿಕ್ರಂಗೆ ಜಾಕಿ ಭಾವನಾ ನಾಯಕಿ. ನರಸಿಂಹ ಡೈರೆಕ್ಟರ್.

    ಇನ್ನು ಗುರು ದೇಶಪಾಂಡೆ ನಿರ್ಮಾಣದ ಜಂಟಲ್‍ಮನ್ ಚಿತ್ರವೂ 3 ಲಕ್ಷ ಹಿಟ್ಸ್ ದಾಟಿದೆ. ಜಡೇಶ್ ಕುಮಾರ್ ಹಂಪಿ ನಿರ್ದೇಶನದ ಈ ಚಿತ್ರಕ್ಕೆ ನಿಶ್ವಿಕಾ ನಾಯ್ಡು ನಾಯಕಿ.

    ಎರಡು ಟೀಸರ್‍ಗಳಿಗೆ ಸಿಕ್ಕಿರುವ ಪ್ರತಿಕ್ರಿಯೆಗೆ ಪ್ರಜ್ವಲ್ ಫುಲ್ ಹ್ಯಾಪಿ.

  • ಪ್ರಜ್ವಲ್'ರ ಇನ್ಸ್‍ಪೆಕ್ಟರ್ ವಿಕ್ರಂನಲ್ಲಿ ದರ್ಶನ್ ಪಾತ್ರ ಏನು..?

    ಪ್ರಜ್ವಲ್'ರ ಇನ್ಸ್‍ಪೆಕ್ಟರ್ ವಿಕ್ರಂನಲ್ಲಿ ದರ್ಶನ್ ಪಾತ್ರ ಏನು..?

    ಪ್ರಜ್ವಲ್ ದೇವರಾಜ್ ಅಭಿನಯದ ಇನ್ಸ್‍ಪೆಕ್ಟರ್ ವಿಕ್ರಂ ರಿಲೀಸ್`ಗೆ ರೆಡಿ. ಈ ಚಿತ್ರದಲ್ಲಿ ದರ್ಶನ್ ಅತಿಥಿ ನಟನಾಗಿ ನಟಿಸಿದ್ದಾರೆ. ಅದು ಪ್ರಜ್ವಲ್ ಮೇಲಿನ ಪ್ರೀತಿಗಾಗಿ. ಈ ಚಿತ್ರಕ್ಕೆ ಪ್ರಜ್ವಲ್ ಎದುರು ನಾಯಕಿಯಾಗಿರೋದು ಜಾಕಿ ಭಾವನಾ. ಇನ್ನೊಂದು ಪ್ರಮುಖ ಪಾತ್ರದಲ್ಲಿ ರಘು ಮುಖರ್ಜಿ ಇದ್ದಾರೆ. ಸಿನಿಮಾ ಫೆಬ್ರವರಿ 5ರಂದು ರಿಲೀಸ್ ಆಗುತ್ತಿದೆ.

    ಇದುವರೆಗೆ ದರ್ಶನ್ ಈ ಚಿತ್ರದಲ್ಲಿ ಭಗತ್ ಸಿಂಗ್ ಪಾತ್ರದಲ್ಲಿ ನಟಿಸಿದ್ದಾರೆ ಎಂದೇ ಎನ್ನಲಾಗುತ್ತಿತ್ತು. ಅದನ್ನ ಕೇಳಿಯೇ ಥ್ರಿಲ್ ಆಗಿದ್ದ ಅಭಿಮಾನಿಗಳಿಗೆ ಪ್ರಜ್ವಲ್ ಹೊಸ ಹುಳ ಬಿಟ್ಟಿದ್ದಾರೆ. ಅಭಿಮಾನಿಗಳ ಜೊತೆ ಲೈವ್‍ನಲ್ಲಿದ್ದ ಪ್ರಜ್ವಲ್ ದರ್ಶನ್ ಪಾತ್ರದ ಬಗ್ಗೆ ಹೇಳಿರೋದು ಇಷ್ಟೆ. `ದರ್ಶನ್ ಅಣ್ಣನ ಪಾತ್ರದ ಬಗ್ಗೆ ಏನೂ ಹೇಳಲ್ಲ. ದೊಡ್ಡ ಪರದೆ ಮೇಲೆ ನೋಡಿ. ಮಜಾ ಇರುತ್ತೆ. ಈಗಲೇ ಹೇಳಿದ್ರೆ ಕುತೂಹಲ ಇರಲ್ಲ ಎಂದಿದ್ದಾರೆ.

    ಹಾಗಾದರೆ ದರ್ಶನ್ ಮಾಡಿರೋ ಪಾತ್ರ ಎಂಥದ್ದು..? ಡೈರೆಕ್ಟರ್ ನರಸಿಂಹರೇ ಹೇಳಬೇಕು. ಇಲ್ಲವೇ ನಿರ್ಮಾಪಕರಾದ ವಿಖ್ಯಾತ್ ಹೇಳಬೇಕು. ಅವರಿಗೆ ಕೇಳಿದ್ರೆ ಫೆಬ್ರವರಿ 5ಕ್ಕೆ ಗೊತ್ತಾಗುತ್ತೆ. ವೇಯ್ಟ್ ಮಾಡಿ ಅಂದಾರು.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery