` dhanveer, - chitraloka.com | Kannada Movie News, Reviews | Image

dhanveer,

  • ಧನ್ವೀರ್ ಬಂಪರ್‍ಗೆ ದರ್ಶನ್ ಕ್ಲಾಪ್

    Darshan claps for Dhanveer movie bumper image

    ಬಜಾರ್ ಚಿತ್ರದ ಮೂಲಕ ಲಾಂಚ್ ಆದ ಹೀರೋ ಧನ್ವೀರ್. ಸಿಂಪಲ್ ಸುನಿ ಗರಡಿಯಲ್ಲಿ ಪಳಗಿದ ಹುಡುಗ ಈಗ 2ನೇ ಸಿನಿಮಾಗೆ ಹೀರೋ ಆಗಿದ್ದಾರೆ. ಚಿತ್ರದ ಟೈಟಲ್ ಬಂಪರ್. ಹರಿ ಸಂತೋಷ್ ನಿರ್ದೇಶನದ ಬಂಪರ್ ಚಿತ್ರ ಈಗ ಸೆಟ್ಟೇರಿದೆ.

    ಧನ್ವೀರ್, ದರ್ಶನ್ ಅವರ ಕಟ್ಟಾ ಅಭಿಮಾನಿ. ಅಭಿಮಾನಿಯೇ ಹೀರೋ ಆಗಿರುವ ಚಿತ್ರಕ್ಕೆ ದರ್ಶನ್ ಅವರೇ ಕ್ಲಾಪ್ ಮಾಡಿದ್ದು ವಿಶೇಷ. ಭರಾಟೆ ಚಿತ್ರದ ನಿರ್ಮಾಪಕ ಸುಪ್ರೀತ್, ಬಂಪರ್ ಚಿತ್ರಕ್ಕೆ ನಿರ್ಮಾಪಕರಾಗಿದ್ದಾರೆ.

  • ಧನ್ವೀರ್..ಶ್ರೀಲೀಲಾ ಬೈ ಟೂ ಲವ್ ಸ್ಟೋರಿ

    ಧನ್ವೀರ್..ಶ್ರೀಲೀಲಾ ಬೈ ಟೂ ಲವ್ ಸ್ಟೋರಿ

    ಬಜಾರ್ ಮೂಲಕ ಗಾಂಧಿನಗರಕ್ಕೆ ಬಂದ ಹೀರೋ ಧನ್ವೀರ್. ಕಿಸ್ ಮೂಲಕ ಭರಾಟೆ ಸೃಷ್ಟಿಸಿದ ಚೆಲುವೆ ಶ್ರೀಲೀಲಾ. ಇವರಿಬ್ಬರ ಮಧ್ಯೆ ಬೈ ಟು ಲವ್ ಸ್ಟೋರಿ ಇಟ್ಟರೆ ಹೇಗಿರುತ್ತೆ ಎಂದು ಕಥೆ ಸೃಷ್ಟಿಸಿದವರು ನಿರ್ದೇಶಕ ಹರಿ ಸಂತೋಷ್. ಆ ಕಥೆ ಸಿನಿಮಾ ಆಗುತ್ತಿದೆ. ಚಿತ್ರಕ್ಕೀಗ ಮುಹೂರ್ತವೂ ಆಗಿದೆ.

    ಕೆವಿಎಸ್ ಪ್ರೊಡಕ್ಷನ್ಸ್ ಮೂಲಕ ರಎಡಿಯಾಗುತ್ತಿರುವ ಚಿತ್ರಕ್ಕೆ ಸುಪ್ರೀತ್ ಮತ್ತು ನಿಶಾ ವೆಂಕಟ್ ನಿರ್ಮಾಪಕರು. ಜನವರಿ 4ರಿಂದ ಚಿತ್ರೀಕರಣ ಶುರುವಾಗಲಿದೆ. 

  • ಪಾರಿವಾಳಗಳ ರೇಸ್ ಜಗತ್ತಿಗೆ ಸ್ವಾಗತ..

    welcome to the world of pigeon racinf

    ಸಿಂಪಲ್ ಸುನಿ ನಿರ್ದೇಶನದ ಬಜಾರ್ ತೆರೆಗೆ ಬರುತ್ತಿದೆ. ಪಾರಿವಾಳಗಳ ರೇಸ್ ಜಗತ್ತಿಗೆ ಸ್ವಾಗತ ಕೋರುತ್ತಿದೆ. ನಿಜವಾದ ಪಾರಿವಾಳಗಳ ಜೊತೆ ಧನ್ವೀರ್ ಮತ್ತು ಆದಿತಿ ಪ್ರಭುದೇವ ಎಂಬ ಹೊಚ್ಚ ಹೊಸ ಪಾರಿವಾಳಗಳೂ ಇವೆ. ಒಂದು ನಾಯಕ ಪಾರಿವಾಳ. ಇನ್ನೊಂದು ನಾಯಕಿ ಪಾರಿವಾಳ.

    ಪಾರಿವಾಳಗಳ ರೇಸ್, ಬೆಟ್ಟಿಂಗ್ ಜಗತ್ತು, ಭೂಗತ ಲೋಕ ಎಲ್ಲವನ್ನೂ ಒಳಗೊಂಡಿರುವ ಕಥೆಯಲ್ಲಿ ನವಿರಾದ ಪ್ರೇಮಕಥೆಯೊಂದಿದೆ. ಇದು ಕನ್ನಡಕ್ಕೆ ಹೊಸತು. ಸ್ಟೋರಿಯನ್ನು ಹೇಳಿರುವ ಶೈಲಿಯೂ ಹೊಸತು ಎನ್ನುವ ಭರವಸೆ ಸಿಂಪಲ್ ಸುನಿ ಅವರದ್ದು.

    ಪಾರಿವಾಳಗಳ ರೇಸ್ ಮತ್ತು ಬೆಟ್ಟಿಂಗ್‍ನ ದುಷ್ಟ್ಪರಿಣಾಮಗಳ ಬಗ್ಗೆ ಚಿತ್ರದಲ್ಲೊಂದು ಅದ್ಭುತ ಸಂದೇಶವಿದೆ ಎಂದಿದ್ದಾರೆ ನಿರ್ಮಾಪಕ ತಿಮ್ಮೇಗೌಡ. ಮಾರಿ-2 ಚಿತ್ರದಲ್ಲಿ ಪಾರಿವಾಳಗಳ ಕಥೆಯಿದ್ದರೂ, ಅದೇ ಬೇರೆ.. ಇದೇ ಬೇರೆ. 

  • ಫೆ.1ಕ್ಕೆ ಬಜಾರ್ ನಲ್ಲಿಯೇ ಡವ್ ಹೊಡೀತಾರೆ ಸುನಿ

    bazaar all set to fly on jan 1st

    ಡವ್ ಮಾಡೋದು.. ಡವ್ ಹಾಕೋದು.. ಡವ್ ಡವ್ ಡವ್.. ಹೀಗೆಲ್ಲ ಪದಗಳು ಕಿವಿಗೆ ಬಿದ್ದರೆ ಅದರ ಅರ್ಥ ಏನು ಅನ್ನೊದನ್ನ ಬೇರೆ ಹೇಳಬೇಕಿಲ್ಲ. ಈ ಬಾರಿ ಬಜಾರ್‍ನಲ್ಲಿ ಡವ್ ಹಾಕೋಕೆ ರೆಡಿಯಾಗಿರೋದು ಬಜಾರ್ ಸುನಿ.

    ಅನಿಮಲ್ ಬೋರ್ಡಿನವರ ಕಾನೂನಿನಿಂದಾಗಿ ಮುಂದೆ ಮುಂದೆ ಹೋಗಿದ್ದ ಬಜಾರ್ ಸಿನಿಮಾದ ರಿಲೀಸ್ ಫೆಬ್ರವರಿ 1ಕ್ಕೆ ಮತ್ತೆ ಫಿಕ್ಸ್ ಆಗಿದೆ. ಧನ್ವೀರ್ ಮತ್ತು ಆದಿತಿ ಪ್ರಭುದೇವ ನಟಿಸಿರುವ ಚಿತ್ರದಲ್ಲಿ ಪಾರಿವಾಳಗಳು ಮತ್ತು ಅಂಡರ್‍ವಲ್ರ್ಡ್ ಕಥೆ ಇದೆ.

  • ಫೆಬ್ರವರಿ 18ಕ್ಕೇ ಬೈಟು ಲವ್

    ಫೆಬ್ರವರಿ 18ಕ್ಕೇ ಬೈಟು ಲವ್

    ಧನ್ವೀರ್ ಹಾಗೂ ಶ್ರೀಲೀಲಾ ಜೋಡಿ ಕ್ಯೂಟ್ ಲವ್ ಸ್ಟೋರಿ ಬೈ ಟು ಲವ್. ಮೊದಲಿನ ಪ್ಲಾನ್ ಪ್ರಕಾರ ಫೆಬ್ರವರಿ 25ಕ್ಕೆ ಬರಬೇಕಿದ್ದ ಸಿನಿಮಾ ಈಗ ಇನ್ನೂ ಒಂದು ವಾರ ಮುಂಚೆ ಬರುತ್ತಿದೆ. ಫೆಬ್ರವರಿ 18ಕ್ಕೇ ರಿಲೀಸ್ ಡೇಟ್ ಘೋಷಿಸಿದೆ ಬೈಟುಲವ್ ಟೀಂ. ಹರಿ ಸಂತೋಷ್ ನಿರ್ದೇಶನದ ಚಿತ್ರವಿದು.

    ನಿಶಾ ವೆಂಕಟ್ ಸೋಳಂಕಿ ನಿರ್ಮಾಣದ ಬೈ ಟೂ ಲವ್ ಚಿತ್ರಕ್ಕೆ ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದಾರೆ.

  • ಬಜಾರ್ ಧನ್ವೀರ್ ಈಗ ವಾಮನ..!

    ಬಜಾರ್ ಧನ್ವೀರ್ ಈಗ ವಾಮನ..!

    ಬಜಾರ್ ಚಿತ್ರದ ಮೂಲಕ ಭರವಸೆ ಹುಟ್ಟಿಸಿದ್ದ ನಟ ಧನ್ವೀರ್ ಈಗ ಮತ್ತೊಂದು ಚಿತ್ರಕ್ಕೆ ಓಕೆ ಎಂದಿದ್ದಾರೆ. ಚಿತ್ರದ ಟೈಟಲ್ ಅನೌನ್ಸ್ ಆಗಿದೆ. ವಾಮನ. ಸಂಕ್ರಾಂತಿ ಹಬ್ಬದ ಸ್ಪೆಷಲ್ ಆಗಿ ಚಿತ್ರದ ಪೋಸ್ಟರ್ ಬಿಟ್ಟಿದ್ದಾರೆ ವಾಮನ ಪ್ರೊಡ್ಯೂಸರ್ ಚೇತನ್ ಕುಮಾರ್ ಗೌಡ.

    ವಾಮನ ಚಿತ್ರದಲ್ಲಿ ಭೂಗತ ಲೋಕದ ಕಥೆ ಇದ್ದು, ಧನ್ವೀರ್ ರಗಡ್ ಲುಕ್ನಲ್ಲಿ ಕಾಣಿಸಿದ್ದಾರೆ. ಕನ್ನಡ ಮತ್ತು ತೆಲುಗಿನಲ್ಲಿ ಸ್ಕ್ರಿಪ್ಟ್ ರೈಟರ್ ಆಗಿದ್ದ ಶಂಕರ್ ರಾಮನ್ ಈ ಚಿತ್ರದ ಮೂಲಕ ನಿರ್ದೇಶಕರಾಗುತ್ತಿದ್ದಾರೆ. ಚಿತ್ರರಂಗದಲ್ಲಿ ಶಂಕರ್ ರಾಮನ್ ಅವರಿಗೆ 13 ವರ್ಷದ ಅನುಭವವಿದೆ.  ಮೊದಲ ಚಿತ್ರ ಬಜಾರ್ ನಂತರ 2ನೇ ಚಿತ್ರ ಬೈ ಟು ಲವ್ ಬಹುತೇಕ ಮುಗಿದಿದ್ದು, ರಿಲೀಸ್ ಆಗಬೇಕಿದೆ.

  • ಬಜಾರ್ ಧನ್ವೀರ್.. ಶೋಕ್ದಾರ್ ಆದ್ರು ಕಣ್ರಿ..

    bazaar fame dhanveer is now shokidhaar

    ಬಜಾರ್ ಚಿತ್ರದ ಮೂಲಕ ಭರ್ಜರಿ ಹವಾ ಎಬ್ಬಿಸಿದ್ದ ನಟ ಧನ್ವೀರ್, ಹೊಸ ಚಿತ್ರಕ್ಕೆ ರೆಡಿಯಾಗಿದ್ದಾರೆ. ಹೊಸ ಚಿತ್ರಕ್ಕೆ ಭರಾಟೆ ಸುಪ್ರೀತ್ ನಿರ್ಮಾಪಕರಾದರೆ, ಭರ್ಜರಿ ಚೇತನ್ ಅವರದ್ದೇ ಕಥೆ. ಸಿಂಪಲ್ ಸುನಿ ನಿರ್ದೇಶನದ ಬಜಾರ್ ಚಿತ್ರದಲ್ಲಿ ಆದಿತಿ ಪ್ರಭುದೇವ, ಪಾರಿವಾಳಗಳ ಜೊತೆ ಆಟವಾಡಿದ್ದ ಧನ್ವೀರ್, ಹೊಸ ಚಿತ್ರದಲ್ಲಿ ಫುಲ್ ರೊಮ್ಯಾಂಟಿಕ್ ಹೀರೋ ಅಗಿ ಮಿಂಚಲಿದ್ದಾರೆ.

    ಪಾತ್ರಕ್ಕಾಗಿ ಫುಲ್ ತಯಾರಿ ನಡೆಸಿರುವ ಧನ್ವೀರ್, ತಂದೆಯ ಹುಟ್ಟುಹಬ್ಬದ ಖುಷಿಯ ಜೊತೆ ಜೊತೆಗೇ ಶೋಕ್ದಾರ್ ಖುಷಿಯಲ್ಲಿದ್ದಾರೆ.

     

  • ಬಜಾರ್ ಧನ್ವೀರ್‍ಗೆ ಸಂತು ಬಂಪರ್

    santhu to direct dhanveer

    ಬಜಾರ್ ಮೂಲಕ ಚಿತ್ರರಂಗದ ಬಜಾರ್‍ಗೆ ಕಾಲಿಟ್ಟ ನಟ ಧನ್ವೀರ್. ಸಿಂಪಲ್ ಸುನಿ ನಿರ್ದೇಶನದ ಚಿತ್ರದಲ್ಲಿ ಗಮನ ಸೆಳೆದಿದ್ದ ಪ್ರತಿಭೆ. ಅವರ ಹೊಸ ಚಿತ್ರ ಬಂಪರ್ ಚಿತ್ರ ಶುರುವಾಗಿದೆ. ಭರ್ಜರಿ ಚೇತನ್ ಕುಮಾರ್ ಬರೆದಿರುವ ಕಥೆಯನ್ನು ಭರಾಟೆ ನಿರ್ಮಾಪಕ ಸುಪ್ರೀತ್ ನಿರ್ಮಿಸುತ್ತಿದ್ದಾರೆ. ನಿರ್ದೇಶಕರು ಯಾರು ಎನ್ನುವ ಸಸ್ಪೆನ್ಸ್‍ಗೆ ಈಗ ಉತ್ತರ ಸಿಕ್ಕಿದೆ. ಅಲೆಮಾರಿ ಸಂತು ಅಲಿಯಾಸ್ ಸಂತೋಷ್ ಕುಮಾರ್ ಚಿತ್ರದ ನಿರ್ದೇಶಕ.

    ತೆಲುಗಿನಲ್ಲಿ ತಮ್ಮದೇ ನಿರ್ದೇಶನದ ಕಾಲೇಜ್ ಕುಮಾರ ಚಿತ್ರವನ್ನು ನಿರ್ದೇಶಿಸಿ ಬಂದಿರುವ ಸಂತು, ಸದ್ಯಕ್ಕೆ ಐತಿಹಾಸಿಕ ಸಿನಿಮಾ ಬಿಚ್ಚುಗತ್ತಿಯಲ್ಲಿ ಬ್ಯುಸಿ. ಆ ಚಿತ್ರ ಒಂದು ಹಂತಕ್ಕೆ ಬಂದ ಕೂಡಲೇ ಬಂಪರ್ ಚಿತ್ರ ಕೈಗೆತ್ತಿಕೊಳ್ಳಲಿದ್ದಾರೆ ಸಂತು.

  • ಬಜಾರ್ ಬೆನ್ನು ಹತ್ತಿದ ಕಾಲಿವುಡ್

    taml producers wants to buy bazaar remake righs

    ಸಿಂಪಲ್ ಸುನಿ ನಿರ್ದೇಶನದ ಬಜಾರ್ ಚಿತ್ರ ಕಮರ್ಷಿಯಲ್ಲಾಗಿ ಹಿಟ್ ಆಗುತ್ತಿರುವಂತೆಯೇ, ಕಾಲಿವುಡ್ ನಿರ್ದೇಶಕರು, ನಿರ್ಮಾಪಕರು ಚಿತ್ರದ ಬಗ್ಗೆ ಆಸಕ್ತಿ ತೋರಿಸುತ್ತಿದ್ದಾರೆ. ಚಿತ್ರ ಬಿಡುಗಡೆಗೂ ಮೊದಲೇ ಕಥೆಯ ಒನ್‍ಲೈನ್ ಕೇಳಿ ಇಷ್ಟಪಟ್ಟಿದ್ದ ತಮಿಳು ನಿರ್ಮಾಪಕರು, ಚಿತ್ರದ ರೀಮೇಕ್ ಹಕ್ಕು ಖರೀದಿಗೆ ಮುಂದಾಗಿದ್ದಾರೆ.

    ಧನ್ವೀರ್, ಆದಿತಿ ಪ್ರಭುದೇವ, ಶರತ್ ಲೋಹಿತಾಶ್ವ, ಸಾಧುಕೋಕಿಲ ನಟಿಸಿರುವ ಚಿತ್ರದ ಹಿಂದಿ ಡಬ್ಬಿಂಗ್ ರೈಟ್ಸ್ ಈಗಾಗಲೇ ಸೇಲ್ ಆಗಿದೆ. ಚಿತ್ರವನ್ನು ನೋಡಿದ ಪ್ರೇಕ್ಷಕರಿಗೆ ಪಾರಿವಾಳಗಳ ಕಥೆ, ಭೂಗತ ಜಗತ್ತಿನ ಪ್ರೇಮಲೋಕದ ಕಥೆ ಇಷ್ಟವಾಗಿದೆ.

  • ಬಜಾರ್‍ಗೆ ಪಾರಿವಾಳಗಳೇ ವಿಲನ್..!

    bazar release postponed due to pigeons

    ಬಜಾರ್ ಚಿತ್ರದ ಬಿಡುಗಡೆ ಮುಂದಕ್ಕೆ ಹೋಗಿದೆ. ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ, ಜನವರಿ 11ರ ಹೊತ್ತಿಗೆ ಬಜಾರ್ ಸಿನಿಮಾ ಥಿಯೇಟರುಗಳಲ್ಲಿರಬೇಕಿತ್ತು. ಸಿನಿಮಾದ ಎಲ್ಲ ಕೆಲಸ ಮುಗಿಸಿ, ಪ್ರಚಾರದಲ್ಲಿ ತೊಡಗಿಸಿಕೊಂಡಿದ್ದ ಚಿತ್ರತಂಡ, ಸಿನಿಮಾ ಬಿಡುಗಡೆಯನ್ನೇ ಮುಂದಕ್ಕೆ ಹಾಕಿದೆ. ಕಾರಣ ಬೇರೇನಲ್ಲ. ಪಾರಿವಾಳಗಳು.

    ಈಗಾಗಲೇ ಚಿತ್ರತಂಡ ಹೇಳಿಕೊಂಡಿರೋ ಹಾಗೆ ಇಡೀ ಚಿತ್ರದ ಕಥೆ ಸುತ್ತುವುದೇ ಪಾರಿವಾಳಗಳ ಸುತ್ತ. ಪಾರಿವಾಳಗಳ ರೇಸ್ ಮತ್ತು ಭೂಗತ ಲೋಕದ ಕಥೆ ಇರುವ ಬಜಾರ್‍ನಲ್ಲಿ ನಿಜವಾದ ಪಾರಿವಾಳಗಳನ್ನು ಬಳಸಿಕೊಂಡಿರುವುದೇ ಚಿತ್ರತಂಡವನ್ನು ಕಾಡುತ್ತಿದೆ. 

    ವನ್ಯಜೀವಿ ಸಂರಕ್ಷಣಾ ಕಾಯಿದೆ ಎಷ್ಟು ಬಿಗಿಯಾಗಿದೆಯೆಂದರೆ, ಅದು ಬಜಾರ್ ಚಿತ್ರದ ಬಿಡುಗಡೆಯನ್ನೇ ತಡೆಹಿಡಿದಿದೆ. ಇನ್ನೊಂದು ಅರ್ಥದಲ್ಲಿ ಚಿತ್ರದ ಹೀರೋ ಆಗಿದ್ದ ಪಾರಿವಾಳಗಳೇ, ಈಗ ವಿಲನ್ ಆಗಿಬಿಟ್ಟಿವೆ.

    ಆಗಿರೋದು ಇಷ್ಟು. ಪಾರಿವಾಳಗಳನ್ನು ಸಿನಿಮಾಗಳಲ್ಲಿ ಬಳಸಿಕೊಳ್ಳೋದಕ್ಕೆ ಸೆಂಟ್ರಲ್ ಅನಿಮಲ್ ಬೋರ್ಡ್ ಅನುಮತಿ ಕೊಡಬೇಕು. ಇದಕ್ಕೆ ಚಿತ್ರತಂಡ ಪ್ರಕ್ರಿಯೆ ಆರಂಭಿಸಿತ್ತು. ಆದರೆ, ಅವರ ದುರದೃಷ್ಟ ನೋಡಿ. ಇನ್ನೇನು ಅಂತಿಮ ಅನುಮತಿ ಪತ್ರ ಸಿಗಬೇಕು ಎಂಬ ಹೊತ್ತಿನಲ್ಲಿ ಅನಿಮಲ್ ಬೋರ್ಡ್ ನಿರ್ದೇಶಕರು ಬದಲಾಗಿಬಿಟ್ಟರು. ಹೀಗಾಗಿ.. ಅನುಮತಿ ಪಡೆಯುವ ಪ್ರಕ್ರಿಯೆ ಮತ್ತೆ ಮೊದಲಿನಿಂದ ಶುರುವಾಯ್ತು. ಇದರಿಂದಾಗಿ ಸಿನಿಮಾವನ್ನು ಅನಿವಾರ್ಯವಾಗಿ ಬೇರೆ ದಿನಾಂಕದಲ್ಲಿ ರಿಲೀಸ್ ಮಾಡೋಕೆ ನಿರ್ಧರಿಸಿದೆ ಬಜಾರ್ ಟೀಂ.

    ತಿಮ್ಮೇಗೌಡ ನಿರ್ಮಾಣದ ಬಜಾರ್ ಚಿತ್ರದ ಮೂಲಕ ಧನ್ವೀರ್ ಚಿತ್ರರಂಗಕ್ಕೆ ಪರಿಚಯವಾಗುತ್ತಿದ್ದು, ಆದಿತಿ ನಾಯಕಿ. ಸಿಂಪಲ್ ಸುನಿ ನಿರ್ದೇಶನದ ಚಿತ್ರ ಎಂಬ ಕಾರಣಕ್ಕೆ ಭಾರಿ ಕುತೂಹಲ ಹುಟ್ಟಿಸಿರುವ ಸಿನಿಮಾ ಬಿಡುಗಡೆಯ ಮುಂದಿನ ದಿನಾಂಕ ಸದ್ಯಕ್ಕೆ ಸಸ್ಪೆನ್ಸ್.

  • ಬಜಾರ್‍ನಲ್ಲಿ ಲವ್ ಫೇಲ್ಯೂರ್ ಸೆಲಬ್ರೇಷನ್..! 

    love failure song in bazar

    ಬಜಾರ್. ಸಿಂಪಲ್ ಸುನಿ ನಿರ್ದೇಶನದ ಸಿನಿಮಾ. ಈ ಚಿತ್ರದಲ್ಲಿ ಧನ್‍ವೀರ್ ಎಂಬ ಹೊಸ ನಾಯಕನನ್ನು ಪರಿಚಯಿಸುತ್ತಿದ್ದಾರೆ ಸುನಿ. ಆದಿತಿ ಪ್ರಭುದೇವ ನಾಯಕಿ. ಈ ಚಿತ್ರದಲ್ಲೀಗ ಲವ್ ಫೇಲ್ಯೂರ್ ಆಗಿದೆ. ಅರ್ಥಾತ್.. ಮೊದಲ ಹಾಡು ರಿಲೀಸ್ ಆಗಿದೆ.

    ಲವ್ ಫೇಲ್ಯೂರ್ ಆಗೋಯ್ತು ನನಗೆ..  ಫೀಲ್ ಅಂತೂ ಸೂಪರು ಕಣ್ಣೀರ ಜೊತೆಗೆ.. ಏನೇನೋ ಬೈದ್ರೂ ಚೆಂದಾನೇ ನನಗೆ.. ದೂರಾನೇ ಆದ್ರೂ ನೀ ಕಣ್ಣ ಒಳಗೆ.. ಅನ್ನೋ ಹಾಡು.. ಬಿಟ್ಟಿದ್ದಾರೆ ಸುನಿ. ಸಂಗೀತ ನೀಡಿರುವುದು ರವಿ ಬಸ್ರೂರು. ಹಾಡಿರುವುದು ವಿಜಯ್ ಪ್ರಕಾಶ್.

    ಈ ಹಾಡಿನ ಸ್ಪೆಷಾಲಿಟಿ ಏನ್ ಗೊತ್ತಾ..? ಲವ್ ಫೇಲ್ಯೂರ್ ಅನ್ನು ಸೆಲಬ್ರೇಷನ್ ಮಾಡೋ ಹಾಡಿದು. ಭಗ್ನ ಪ್ರೇಮಿಗಳಿಗೆ ದುಃಖದ ಹಾಡಿದೆ. ಎಣ್ಣೆ ಹಾಡಿದೆ. ಫೀಲಿಂಗ್ ಸಾಂಗ್ ಇದೆ. ಆದರೆ, ಸೆಲಬ್ರೇಷನ್ ಸಾಂಗ್ ಇರಲಿಲ್ಲ. ಅಂಥಾದ್ದೊಂದು ಹಾಡು ಕೊಡೋ ಮೂಲಕ ಸುನಿ, ಒನ್ಸ್ ಎಗೇಯ್ನ್ ತಾವು ಡಿಫರೆಂಟ್ ಅಂತಾ ತೋರಿಸಿದ್ದಾರೆ.

  • ಬೈ ಟು ಲವ್ ಕಥೆಯೇನೊ  ಹೊಸದಾಗಿದೆ..

    ಬೈ ಟು ಲವ್ ಕಥೆಯೇನೊ  ಹೊಸದಾಗಿದೆ..

    ನಂಗೆ ಲವ್ ಅಂದ್ರೇನೇ ಆಗಲ್ಲ ಅಂತಾನೇ ಹೀರೋ ಲವ್ವು, ಮದ್ವೆ  ಎರಡೂ ಇಷ್ಟ ಇಲ್ಲ ಅಂತಾಳೆ ಹೀರೋಯಿನ್. ಅವರಿಬ್ಬರಿಗೂ ಲವ್ವಾಗುತ್ತೆ..

    ಮೂರು ಗಂಟು ಹಾಕು. 30 ವರ್ಷ ಜೊತೆಯಲ್ಲಿರು. ಜೊತೆಯಲ್ಲಿರೋ ಡಿಸೈಡ್ ಮಾಡಿದ್ಮೇಲೆ ಮದುವೆ ಆಗೋಕೇನು ಅಂತಾ ಯೋಚಿಸ್ತಾಳೆ ನಾಯಕಿ.

    ಜೊತೆಯಲ್ಲಿರ್ತೀವಿ ಅಂತಾ ಡಿಸೈಡ್ ಮಾಡಿದ್ಮೇಲೆ ಮದ್ವೆ ಅಂತಾ ಯಾಕಾಗ್ಬೇಕು ಅಂದ್ಕೋತಾನೇ ನಾಯಕ.

    ಅಪ್ಪನನ್ನು ಇಷ್ಟ ಪಡದ ನಾಯಕ. ಅಮ್ಮನನ್ನು ಇಷ್ಟಪಡದ ನಾಯಕಿ.. ಅಂತಹವರ ಮಧ್ಯೆ ಹುಟ್ಟುವ ಪ್ರೀತಿ..

    ಡೌಟೇ ಇಲ್ಲ.. ನಿರ್ದೇಶಕ ಹರಿ ಸಂತೋಷ್ ಈ ಬಾರಿ ಹೊಸದೇನೋ ಒಂದು ಕಥೆ ಹೇಳೋಕೆ ಹೊರಟಿದ್ದಾರೆ. ಅದಕ್ಕೆ ತಕ್ಕಂತೆ ಸಾಥ್ ಕೊಟ್ಟಿರೋದು ಶ್ರೀಲೀಲಾ ಮತ್ತು ಧನ್ವೀರ್. ಕಥೆಗೆ ಬೇಕಾದ ಫ್ರೆಶ್‍ನೆಸ್ ಇಬ್ಬರಲ್ಲೂ ಇದೆ. ನಿಶಾ ವೆಂಕಟ್ ಕೋಣಂಕಿ ಒಂದೊಳ್ಳೆ ಕಥೆಯ ಮೇಲೆ ಇನ್ವೆಸ್ಟ್ ಮಾಡಿರೋದು ಗೊತ್ತಾಗುತ್ತಿದೆ. ಸಿನಿಮಾ ಇದೇ ವಾರ ರಿಲೀಸ್.

  • ಬೈ ಟೂ ಲವ್ : ಅದು ಸ್ನೇಹನಾ..? ಪ್ರೀತಿನಾ..?

    ಬೈ ಟೂ ಲವ್ : ಅದು ಸ್ನೇಹನಾ..? ಪ್ರೀತಿನಾ..?

    ಪ್ರೇಮಿಗಳ ದಿನಕ್ಕೊಂದು ಚೆಂದದ ಹಾಡು ಬಂದಿದೆ. ಧನ್ವೀರ್, ಶ್ರೀಲೀಲಾ ನಟಿಸಿರೋ ಬೈ ಟು ಲವ್ ಚಿತ್ರದ ಯಾರು ಏನಾದ್ರೂ ಅಂದ್ಕೊಂಡ್ಲಿ ಏನಂತೆ.. ಹಾಡು ರಿಲೀಸ್ ಆಗಿದೆ.

    ಒಂದು ಕ್ಯೂಟ್ ಜೋಡಿ.. ಅವರು ಫ್ರೆಂಡ್ಸಾ..? ಫ್ರೆಂಡ್ಸ್ ಆಗಿದ್ದವರು ಆಮೇಲೆ ಲವ್ ಮಾಡ್ತಾರಾ..? ಅಂತಾದ್ದೊಂದು ಚೆಂದದ ಕುತೂಹಲ ಉಳಿಸಿ ಚಿತ್ರದ ಮೇಲೂ ನಿರೀಕ್ಷೆ ಹುಟ್ಟಿಸುವಂತೆ ಮಾಡಿದೆ ಹಾಡು. ಧನ್ವೀರ್ ಮತ್ತು ಶ್ರೀಲೀಲಾ ಅವರ ಮುದ್ದು ಮುದ್ದು ತುಂಟಾಟಗಳನ್ನೇ ಕೊರಿಯೋಗ್ರಫಿ ಮಾಡಲಾಗಿದೆ. ಹಾಡಿಗೆ ನಿರ್ದೇಶಕ ಹರಿ ಸಂತೋಷ್ ಅವರೇ ಸಾಹಿತ್ಯ ಬರೆದಿದ್ದಾರೆ. ಅಜನೀಶ್ ಲೋಕನಾಥ್ ಸಂಗೀತದಲ್ಲಿ ಹಾಡಿರೋದು ಮಾನೋ

  • ಮತ್ತೊಂದು ಕಿಕ್ ಕೊಟ್ಟ ಬಜಾರ್ ಸುನಿ

    bazaar second trailer is out

    ಸಿಂಪಲ್ ಸುನಿ, ಚಮಕ್ ಸುನಿ.. ಈಗ ಬಜಾರ್ ಸುನಿಯಾಗಿದ್ದಾರೆ. ಪಾರಿವಾಳಗಳ ರೇಸ್, ಭೂಗತ ಜಗತ್ತು ಮತ್ತು ಮಧ್ಯದಲ್ಲೊಂದು ನವಿರಾದ ಪ್ರೇಮಕತೆಯನ್ನಿಟ್ಟುಕೊಂಡು ಬಜಾರ್ ಅನ್ನೋ ಚಿತ್ರ ಸೃಷ್ಟಿಸಿರುವ ಸುನಿ, ಅದೇ ಚಿತ್ರದ ಮತ್ತೊಂದು ಕಿಕ್ ಕೊಟ್ಟಿದ್ದಾರೆ. 

    ಹೊಸ ಪ್ರತಿಭೆ ಧನ್‍ವೀರ್, ಆದಿತಿ, ಶರತ್ ಲೋಹಿತಾಶ್ವ ನಟಸಿರುವ ಚಿತ್ರದ 2ನೇ ಟ್ರೇಲರ್ ಹೊರಬಿಟ್ಟಿದ್ದಾರೆ ಸುನಿ. ಪಾರಿವಾಳ ಎಂದರೆ ಪ್ರೀತಿ.. ಪಾರಿವಾಳ ಎಂದರೆ ಶಾಂತಿ.. ಆ ಎರಡನ್ನೂ ಹೊರತುಪಡಿಸಿದ ಇನ್ನೊಂದು ಕಥೆ ಇಲ್ಲಿದೆ ಎನ್ನುತ್ತಲೇ ವಿಭಿನ್ನ ಕಥೆಯೊಂದನ್ನು ಹೊರತೆಗೆದಿದ್ದಾರೆ ಸುನಿ.

    ಚಿತ್ರಕ್ಕೆ ರವಿ ಬಸ್ರೂರು ಸಂಗೀತವಿದ್ದು, ಹಾಡು ಹೆಜ್ಜೆ ಹಾಕುವಂತಿವೆ. ಚಿಗುರು ಮೀಸೆ ಹುಡುಗನಾಗಿ ಧನ್‍ವೀರ್, ಚೆಂದೊಳ್ಳಿ ಚೆಲುವೆಯಾಗಿ ಆದಿತಿ ಇಷ್ಟವಾಗುವಂತಿದ್ದಾರೆ. ಜನವರಿ 11ಕ್ಕೆ ಚಿತ್ರಮಂದಿರದ ಬಜಾರುಗಳಲ್ಲಿರಲಿದೆ ಬಜಾರ್.

  • ಲವ್ ಫೇಲ್ಯೂರ್ ಆದ್ರೆ.. ಹಿಂಗೆಲ್ಲ ಎಂಜಾಯ್ ಮಾಡ್ತಾರಾ..?

    this hero is unque and enjoys break up

    ಲವ್ ಫೇಲ್ಯೂರ್ ಆದಾಗ ಹೀರೋಗಳು ಡಿಸೈನ್ ಡಿಸೈನಾಗಿ ಕಣ್ಣೀರು ಹಾಕೋದನ್ನ ಬೇಜಾನ್ ಸಿನಿಮಾಗಳಲ್ಲಿ ನೋಡಿದ್ದೇವೆ. ಆದರೆ, ಬಜಾರ್‍ನಲ್ಲಿ ನಿಮಗೆ ಬೇರೆಯದೇ ಸ್ಟೈಲ್ ಇದೆ. ಮುಂದಿನ ವಾರ ತೆರೆಗೆ ಬರ್ತಿರೋ ಸಿಂಪಲ್ ಸುನಿ ನಿರ್ದೇಶನದ ಬಜಾರ್‍ನಲ್ಲಿ ಹೀರೋ ಲವ್ ಫೇಲ್ಯೂರ್ ಆಗಲಿ ಎಂದು ಬಯಸಿ ಬಯಸೀ ಭಗ್ನ ಪ್ರೇಮಿಯಾಗ್ತಾನೆ.

    ಅಷ್ಟೇ ಅಲ್ಲ.. ಲವ್ ಫೇಲ್ಯೂರ್ ಆಗೋಯ್ತು ನನಗೆ.. ಫೀಲ್ ಅಂತೂ ಸೂಪರ್ ಕಣ್ಣೀರ ಜೊತೆಗೆ.. ಅನ್ನೋ ಹಾಡೂ ಇದೆ. ಧನ್ವೀರ್ ಈ ಹಾಡು ಹಾಡಿ ಕುಣಿತಾರಂತೆ. ಹುಡುಗರಿಗೆಲ್ಲ.. ಅದರಲ್ಲೂ ಭಗ್ನಪ್ರೇಮಿಗಳಿಗೆಲ್ಲ ಹಾಡು ಸಿಕ್ಕಾಪಟ್ಟೆ ಇಷ್ಟವಾಗಿಬಿಟ್ಟಿದೆ.

    ಆದಿತಿ ಪ್ರಭುದೇವ ನಾಯಕಿಯಾಗಿರುವ ಚಿತ್ರದಲ್ಲಿ ಪಾರಿವಾಳ ಮತ್ತು ಭೂಗತ ಲೋಕದ ನಂಟಿನ ಕಥೆಯಿದೆ. ಇದುವರೆಗಿನ ಸುನಿ ಚಿತ್ರಗಳ ಸ್ಟೈಲೇ ಬೇರೆ.. ಈ ಚಿತ್ರದ ಸ್ಟೈಲೇ ಬೇರೆ ಎನ್ನುತ್ತಿದೆ ಸ್ಯಾಂಡಲ್‍ವುಡ್.

  • ವಾಮನ ಚಿತ್ರಕ್ಕೆ ಮುಹೂರ್ತ

    ವಾಮನ ಚಿತ್ರಕ್ಕೆ ಮುಹೂರ್ತ

    ಬೈಟುಲವ್ ಸಕ್ಸಸ್ ನಂತರ ಧನ್ವೀರ್ ನಟಿಸುತ್ತಿರೋ ಹೊಸ ವಾಮನ. ಚಿತ್ರದ ಟೈಟಲ್ ಘೋಷಣೆಯಾಗಿತ್ತೇ ಹೊರತು, ಚಿತ್ರೀಕರಣ ಶುರುವಾಗಿರಲಿಲ್ಲ. ಒಂದು ಕಡೆ ಬೈಟುಲವ್ ಸಕ್ಸಸ್ ಮುಗಿಸಿಕೊಂಡ ಧನ್ವೀರ್ ವಾಮನ ಚಿತ್ರದ ಚಿತ್ರೀಕರಣಕ್ಕೆ ಹಾಜರಾಗಿದ್ದಾರೆ. ಚಿತ್ರಕ್ಕೆ ಮುಹೂರ್ತ ನೆರವೇರಿದೆ.

    ಕನ್ನಡ ಮತ್ತು ತೆಲುಗು ಚಿತ್ರಗಳಿಗೆ ಸ್ಕ್ರಿಪ್ಟ್ ರೈಟರ್ ಆಗಿದ್ದ ಶಂಕರ ರಾಮನ್ ಈ ಚಿತ್ರದ ಮೂಲಕ ಡೈರೆಕ್ಟರ್ ಆಗುತ್ತಿದ್ದಾರೆ. ಚೇತನ್ ಕುಮಾರ್ ಚಿತ್ರದ ನಿರ್ಮಾಪಕರು.

  • ವಾಮನನಿಗೆ ರಚನಾ : ಅರೆ.. ಇಷ್ಟೊಂದು ಟ್ಯಾಲೆಂಟ್ ಹುಡುಗಿನಾ..?

    ವಾಮನನಿಗೆ ರಚನಾ : ಅರೆ.. ಇಷ್ಟೊಂದು ಟ್ಯಾಲೆಂಟ್ ಹುಡುಗಿನಾ..?

    ನಿಮಗೆ ಎಬಿ ಡೆವಿಲಿಯರ್ಸ್ ಕಥೆ ಗೊತ್ತಿರಬಹುದು. ಆತ ಕ್ರಿಕೆಟ್ ಅಷ್ಟೇ ಅಲ್ಲ, ಇನ್ನೂ ಹಲವು ಕ್ರೀಡೆ, ಮ್ಯೂಸಿಕ್, ಅಥ್ಲೆಟಿಕ್ಸ್‍ಗಳಲ್ಲಿಯೂ ಸಾಧನೆ ಬರೆದಿದ್ದರು. ಬ್ರೆಟ್ ಲೀ ಕೂಡಾ ಅಷ್ಟೆ. ತುಂಬಾ ಅಪರೂಪಕ್ಕೆ ಬೇರೆ ಬೇರೆ ಕ್ಷೇತ್ರದಲ್ಲಿಯೂ ಗಟ್ಟಿ ಹೆಜ್ಜೆಯೂರಿದವರು ಸಿಗ್ತಾರೆ. ಅಂತಹವರ ಸಾಲಿಗೆ ನಿಲ್ಲುವ ಪ್ರತಿಭೆ ಈ ರಚನಾ ರೈ.

    ಧನ್ವೀರ್ ನಟಿಸುತ್ತಿರೋ ವಾಮನ ಚಿತ್ರಕ್ಕೆ ಇವರು ಹೀರೋಯಿನ್. ತುಳು ಚಿತ್ರರಂಗದ ಹುಡುಗಿ. ಈಗಾಗಲೇ ಸ್ವಾಗತ ನನ್ನ ಲೋಕಕ್ಕೆ ಅನ್ನೋ  ಚಿತ್ರದಲ್ಲಿ ನಟಿಸಿರುವ ರಚನಾ ರೈ, ರಾಷ್ಟ್ರೀಯ ಮಟ್ಟದ ಬ್ಯಾಡ್ಮಿಂಟನ್ ಆಟಗಾರ್ತಿ. ಓ ಮೈ ಡಾಗ್ ಅನ್ನೋ ಪುಸ್ತಕವನ್ನೂ ಬರೆದಿದ್ದಾರೆ. ಡ್ಯಾನ್ಸರ್ ಕೂಡಾ ಹೌದು. ಒಟ್ಟಿನಲ್ಲಿ ಹಲವು ಪ್ರತಿಭೆಗಳ ಸಂಗಮ. ಧನ್ವೀರ್ ಎದುರು ನಟಿಸುತ್ತಿರೋ ರಚನಾ ರೈ ಪಾತ್ರದ ಬಗ್ಗೆ ಥ್ರಿಲ್ ಆಗಿದ್ದಾರೆ.

    ಚಿತ್ರದಲ್ಲಿ ನನ್ನದು ಕಸ್ಟಮ್ಸ್ ಅಧಿಕಾರಿಯ ಮಗಳ ಪಾತ್ರ. ಫೈವ್ ಸ್ಟಾರ್ ಹೋಟೆಲ್ ಒಂದರಲ್ಲಿ ರಿಸೆಪ್ಷನಿಸ್ಟ್ ಆಗಿರುತ್ತೇನೆ. ಧನ್ವೀರ್‍ನನ್ನು ಲವ್ ಮಾಡುತ್ತೇನೆ. ಪ್ರೀತಿ ಉಳಿಸಿಕೊಳ್ಳೋಕೆ ಹೋರಾಡುವ ಪಾತ್ರ ನನ್ನದು ಎಂದಿದ್ದಾರೆ ರಚನಾ ರೈ.

    ಚೇತನ್ ಕುಮಾರ್ ಗೌಡ ನಿರ್ಮಾಣದ ಚಿತ್ರಕ್ಕೆ ಶಂಕರ್ ರಾಮನ್ ನಿರ್ದೇಶಕ. ತಾರಾ, ಅವಿನಾಶ್, ಅಚ್ಯುತ್ ಕುಮಾರ್ ಸೇರಿದಂತೆ ದೊಡ್ಡ ತಾರಾಗಣವೇ ಚಿತ್ರದಲ್ಲಿದೆ. ಸುಮಾರು 13 ವರ್ಷಗಳಿಂದ ಕನ್ನಡ ಮತ್ತು ತೆಲುಗು ಚಿತ್ರಗಳಿಗೆ ಸಂಭಾಷಣೆಕಾರರಾಗಿದ್ದ ಶಂಕರ್ ರಾಮನ್ ಅವರಿಗೆ ನಿರ್ದೇಶಕರಾಗಿ ಇದು ಮೊದಲ ಸಿನಿಮಾ.

  • ಸುನಿ ಅಂದ್ರೆ ಹೊಸಬರಿಗೆ ಲಕ್ಕಿ ಡೈರೆಕ್ಟರ್..!

    simple suni is a lucky charm to new comers

    ಸಿಂಪಲ್ ಸುನಿ ನಿರ್ದೇಶನದ ಬಜಾರ್ ಸಿನಿಮಾ ರಿಲೀಸ್‍ಗೆ ರೆಡಿಯಾಗಿದೆ. ಚಿತ್ರದ ಹೀರೋ ಧನ್‍ವೀರ್. ಅವರಿಗಿದು ಹೊಸ ಸಿನಿಮಾ. ಪಾರಿವಾಳದ ರೇಸ್, ರೌಡಿಸಂ, ಲವ್‍ಸ್ಟೋರಿ, ಮರ್ಡರ್ ಮಿಸ್ಟರಿ ಎಲ್ಲವೂ ಇರುವ ಸಿನಿಮಾ ಇದು. ಚಿತ್ರದ ಡೈರೆಕ್ಟರ್ ಸುನಿ. ಸಿಂಪಲ್ ಸುನಿ. ಲಾಂಚಿಂಗ್ ಸುನಿ. ಈ ಚಿತ್ರದೊಂದಿಗೆ ಸಿಂಪಲ್ ಸುನಿಗೆ ಇಂಥಾದ್ದೊಂದು ಬಿರುದು ಸಿಕ್ಕರೂ ಆಶ್ಚರ್ಯವಿಲ್ಲ. 

    ರಕ್ಷಿತ್ ಶೆಟ್ಟಿ ಎಂಬ ನಟ ಕನ್ನಡಿಗರಿಗೆ ಚಿರಪರಿಚಿತನಾಗಿದ್ದು ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಚಿತ್ರದ ಮೂಲಕ. ಆಪರೇಷನ್ ಆಲಮೇಲಮ್ಮ ಮೂಲಕ ರಿಷಿ, ಸಿಂಪಲ್ಲಾಗ್ ಇನ್ನೊಂದ್ ಲವ್ ಸ್ಟೋರಿ ಮೂಲಕ ಪ್ರವೀಣ್, ಈಗ ಬಜಾರ್ ಚಿತ್ರದ ಮೂಲಕ ಧನ್‍ವೀರ್.

    ವಿಶೇಷ ಅಂದ್ರೆ, ನಾನು ಹೊಸಬರನ್ನೇನೂ ಪರಿಚಯಿಸಲಿಲ್ಲ. ಅದಕ್ಕೂ ಮೊದಲೇ ನಟಿಸಿದ್ದ ಅವರಿಗೆ ನನ್ನ ಚಿತ್ರಗಳ ಮೂಲಕ ಹೆಸರೂ ಸಿಕ್ಕಿತು. ಹೀಗಾಗಿ ನಾನು ಲಾಂಚಿಂಗ್ ಡೈರೆಕ್ಟರ್ ಎನಿಸಿಕೊಂಡಿದ್ದೇನೆ ಅಂತಾರೆ ಸುನಿ. ಬಜಾರ್ ಚಿತ್ರದಲ್ಲಿ ಧನ್‍ವೀರ್ ಹಾಗೂ ಕಿರುತೆರೆ ಕಲಾವಿದೆ ಆದಿತಿಯನ್ನು ಲಾಂಚ್ ಮಾಡಿದ್ದಾರೆ ಸಿಂಪಲ್ ಸುನಿ.

     

  • ಸುನಿಗೆ ಬಜಾರ್ ಸಿಕ್ಸರ್

    bazar is sixth movie for suni

    ಬಜಾರ್. ಸಿಂಪಲ್ ಸುನಿ ನಿರ್ದೇಶನದ ಚಿತ್ರ ಎಂಬ ಕಾರಣಕ್ಕಾಗಿಯೇ ಕುತೂಹಲ ಹುಟ್ಟಿಸಿರುವ ಸಿನಿಮಾ. ಇದು ಅವರ ನಿರ್ದೇಶನದ ಆರನೇ ಸಿನಿಮಾ. ಹೀಗಾಗಿಯೇ ಭರ್ಜರಿ ಸಿಕ್ಸರ್ ನಿರೀಕ್ಷೆಯಲ್ಲಿದ್ದಾರೆ ಸುನಿ.

    2013ರಲ್ಲಿ ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಚಿತ್ರದ ಮೂಲಕ ರಕ್ಷಿತ್ ಶೆಟ್ಟಿ ಎಂಬ ಸ್ಟಾರ್ ಹುಟ್ಟಿಗೆ ಕಾರಣರಾದ ಸುನಿ, ಈಗ ಧನ್‍ವೀರ್ ಅವರನ್ನು ಈ ಚಿತ್ರದ ಮೂಲಕ ಪರಿಚಯಿಸುತ್ತಿದ್ದಾರೆ.

    ಬಜಾರ್, ಸುನಿ ಕೆರಿಯರ್‍ನಲ್ಲಿಯೇ ವಿಭಿನ್ನ ಕಥಾ ಹಂದರ ಹೊಂದಿರುವ ಸಿನಿಮಾ. ಪಾರಿವಾಳಗಳ ರೇಸ್‍ನ ಕಥೆ ಚಿತ್ರದಲ್ಲಿದೆ. ಪಾರಿವಾಳಗಳ ರೇಸ್, ಭೂಗತ ಜಗತ್ತಿನ ಕಥೆ ಹೇಳುತ್ತಿರುವ ಸುನಿ, ಫೈಟ್ಸ್, ರೊಮ್ಯಾನ್ಸ್, ಕಾಮಿಡಿಯನ್ನು ಹದವಾಗಿ ಬೆರೆಸಿ ತೆಗೆದಿರುವ ಪಾಕ ಬಜಾರ್.

    ಆದಿತಿ ಪ್ರಭುದೇವ ಚಿತ್ರದ ನಾಯಕಿ. ಚಿತ್ರದ 2ನೇ ಟ್ರೇಲರ್ 3ನೇ ತಾರೀಕು ರಿಲೀಸ್ ಆಗುತ್ತಿದ್ದು, ಸಿನಿಮಾ ಜನವರಿ 2ನೇ ವಾರದಲ್ಲಿ ತೆರೆಗೆ ಬರಲಿದೆ.

  • ಸೆನ್ಸಾರ್ ಗೆದ್ದ ಬಜಾರ್ 

    bazar wins censor war

    ಅನಿಮಲ್ ಬೋರ್ಡಿನಿಂದ ಅನುಮತಿ ಸಿಗದೆ, ಬಿಡುಗಡೆ ದಿನಾಂಕವನ್ನು ಘೋಷಿಸಿಯೂ ಸಂಕಷ್ಟಕ್ಕೆ ಸಿಲುಕಿದ್ದ ಬಜಾರ್ ಸಿನಿಮಾ, ಮೊದಲ ಯುದ್ಧ ಗೆದ್ದಿದೆ. ಪಾರಿವಾಳಗಳನ್ನು ಬಳಸಿಕೊಂಡಿದ್ದ ವಿಷಯಕ್ಕೆ ಅನಿಮಲ್ ಬೋರ್ಡಿನಿಂದ ಕ್ಲಿಯರೆನ್ಸ್ ಸಿಗದೆ ಜನವರಿ 11ಕ್ಕೆ ರಿಲೀಸ್ ಆಗಬೇಕಿದ್ದ ಚಿತ್ರವನ್ನು ಮುಂದೂಡಲಾಗಿತ್ತು.

    ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಸಿಕ್ಕಿದ್ದು, ಶೀಘ್ರದಲ್ಲೇ ಚಿತ್ರ ಬಿಡುಗಡೆ ದಿನಾಂಕ ಘೋಷಣೆಯಾಗಲಿದೆ. ಸಿಂಪಲ್ ಸುನಿ ನಿರ್ದೇಶನದ ಚಿತ್ರಕ್ಕೆ ಧನ್ವೀರ್ ಹೀರೋ. ನಾಗಕನ್ಯೆ ಖ್ಯಾತಿ ಆದಿತಿ ಪ್ರಭುದೇವ ನಾಯಕಿ.