` sharmila mandre, - chitraloka.com | Kannada Movie News, Reviews | Image

sharmila mandre,

  • ಶರ್ಮಿಳಾ ಮಾಂಡ್ರೆ ಕಾರ್ ಆ್ಯಕ್ಸಿಡೆಂಟ್ : ಇನ್‍ಸೈಡ್ ಸ್ಟೋರಿ

    sharmeila mandra's car accident inside story

    ನಟಿ, ನಿರ್ಮಾಪಕಿ ಶರ್ಮಿಳಾ ಮಾಂಡ್ರೆ ಅವರ ಕಾರ್ ಅಪಘಾತಕ್ಕೀಡಾಗಿದ್ದರ ಹಿಂದಿನ ಕಥೆಯೇನು..? ಕಾರಿನಲ್ಲಿ ಶರ್ಮಿಳಾ ಅವರೊಬ್ಬರೇ ಇದ್ದರಾ ಅಥವಾ ಜೊತೆಯಲ್ಲಿ ಫ್ರೆಂಡ್ಸ್ ಇದ್ದರಾ..? ಇಷ್ಟಕ್ಕೂ ಲಾಕ್ ಡೌನ್ ಟೈಮಿನಲ್ಲಿ ಅವರು ಹೊರಬಂದಿದ್ದು ಏಕೆ..? ಎಲ್ಲ ಓಕೆ ಶರ್ಮಿಳಾ ಈಗ ಹೇಗಿದ್ದಾರೆ.. ಹೀಗೆ ಹತ್ತು ಹಲವು ಅನುಮಾನಗಳು ಕಾಡೋಕೆ ಶುರುವಾಗಿವೆ.

    ಮೂಲಗಳ ಪ್ರಕಾರ ಶರ್ಮಿಳಾ ಅವರು ಕಾರ್‍ನ್ನು ಡ್ರೈವ್ ಮಾಡುತ್ತಿರಲಿಲ್ಲ. ಆದರೆ ಜೊತೆಯಲ್ಲಿ ಫ್ರೆಂಡ್ಸ್ ಇದ್ದರು ಎನ್ನುವುದು ಸತ್ಯ. ಕಾರ್‍ನ ಓನರ್‍ನ ಹೆಸರು ಡಾನ್ ಥಾಮಸ್ ಎನ್ನಲಾಗಿದೆ. ಕಾರ್‍ನಲ್ಲಿ ಲೋಕೇಶ್ ಒಬ್ಬ ಇನ್ನೊಬ್ಬ ಗೆಳೆಯ ಹಾಗೂ ಇನ್ನೊಬ್ಬ ಯುವತಿಯೂ ಇದ್ದರು ಎನ್ನುವುದು ಸದ್ಯಕ್ಕಿರುವ ಮಾಹಿತಿ. ಅಲ್ಲಿಗೆ ಒಟ್ಟು 5 ಜನರಿದ್ದರು ಎನ್ನಲಾಗಿದೆ.

    ಪೊಲೀಸರ ಬಳಿ ಪಡೆದುಕೊಂಡಿದ್ದ ಎಮರ್ಜೆನ್ಸಿ ಪಾಸ್‍ನ್ನು ದುರುಪಯೋಗ ಪಡಿಸಿಕೊಂಡು ಪಾರ್ಟಿ ಮಾಡಿಕೊಂಡು ಬೇಕಾಬಿಟ್ಟಿ ಡ್ರೈವ್ ಮಾಡುತ್ತಿರುವಾಗ ಅಪಘಾತ ಸಂಭವಿಸಿದೆ ಎನ್ನುವುದು ಮಾಹಿತಿ. ಆದರೆ, ಆ ಪಾಸ್ ಶರ್ಮಿಳಾ ಮಾಂಡ್ರೆ ಅವರದ್ದಾ..? ಸ್ಪಷ್ಟ ಮಾಹಿತಿ ಇಲ್ಲ.

    ಶರ್ಮಿಳಾ ಮಾಂಡ್ರೆ ಅವರಿಗೆ ಗಂಭೀರ ಗಾಯಗಳೇನೂ ಆಗಿಲ್ಲದೇ ಹೋದರೂ, ಮುಖಕ್ಕೆ ಪೆಟ್ಟಾಗಿದೆಯಂತೆ. ಪೊಲೀಸರ ತನಿಖೆ ಮುಂದುವರೆದಿದೆ.

    Also Read :-

    Sharmiela Mandre Defies Lock down, Injured While On A Jolly Ride In Car

  • ಹೆಸರಷ್ಟೇ ಮೈಸೂರು ಮಸಾಲಾ.. ಕಥೆಯೆಲ್ಲ ವಿಜ್ಞಾನ

    mysore masala is a sci fi movie

    ಮೈಸೂರು ಮಸಾಲ. ಅನಂತ್‍ನಾಗ್,  ಶರ್ಮಿಳಾ ಮಾಂಡ್ರೆ ಅಭಿನಯಿಸುತ್ತಿರುವ ಸೈನ್ಸ್ ಫಿಕ್ಷನ್. ಕನ್ನಡದಲ್ಲಿ ಸೈನ್ಸ್ ಫಿಕ್ಷನ್ ಸಿನಿಮಾಗಳು ಬಂದಿರುವುದೇ ಅಪರೂಪ. ಅಂತಾದ್ದೊಂದು ಸಾಹಸಕ್ಕೆ ಕೈ ಹಾಕಿದ್ದಾರೆ ನಿರ್ದೇಶಕ ಅಜಯ್ ಸರ್ಪೇಶ್ವರ್. 

    ಚಿತ್ರದಲ್ಲಿ ಹಾರುವ ತಟ್ಟೆಗಳೂ ಇರುತ್ತವಂತೆ. ಹಾರುವ ತಟ್ಟೆಗಳ ಬಗ್ಗೆ ವಿಜ್ಞಾನದ ಬಗ್ಗೆ ಕುತೂಹಲ ಹೊಂದಿರುವ ಪ್ರತಿಯೊಬ್ಬರಿಗೂ ಅರಿವಿದೆ. ಅವು ನಿಜವೋ ಸುಳ್ಳೋ ಎನ್ನುವುದೇ ಗೊತ್ತಿಲ್ಲ. ಹೀಗಿರುವಾಗ ಅದನ್ನಿಟ್ಟುಕೊಂಡು ಸಿನಿಮಾ ಮಾಡೊಕೆ ಹೊರಟಿದ್ದಾರೆ ಅಜಯ್. 

    ಅಮೆರಿಕದಲ್ಲಿ ಇಂಜಿನಿಯರ್ ಆಗಿರುವ ಅಜಯ್ ಸರ್ಪೇಶ್ವರ್, ಈ ಸಿನಿಮಾ ಮಾಡಲೆಂದೇ ಕರ್ನಾಟಕಕ್ಕೆ ಬಂದಿಳಿದಿರುವುದು ವಿಶೇಷ. ಚಿತ್ರಕ್ಕೆ ಅಮೆರಿಕದವರೇ ಆದ ಜೆಸ್ಸಿ ಕ್ಲಿಂಟನ್ ಎಂಬುವವರು ಸಂಗೀತ ನೀಡುತ್ತಿದ್ದಾರೆ. ನಮ್ಮ ಸಿನಿಮಾಗೆ ಪಾಶ್ಚಾತ್ಯ ಶೈಲಿಯ ಮ್ಯೂಸಿಕ್ ಬೇಕು ಎಂದಿದ್ದಾರೆ ಅಜಯ್. ಚಿತ್ರದಲ್ಲಿ ಸೈನ್ಸ್, ಫಿಕ್ಷನ್, ಡ್ರಾಮಾ, ಅಡ್ವೆಂಚರ್ ಹಾಗೂ ಥ್ರಿಲ್ಲರ್ ಎಲ್ಲವೂ ಇರುತ್ತದಂತೆ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery