` narthan, - chitraloka.com | Kannada Movie News, Reviews | Image

narthan,

  • ಭೈರತಿ ರಣಗಲ್ಲು ಪಾತ್ರ ಸೃಷ್ಟಿಯಾಗಿದ್ದು ಹೇಗೆ..?

    story behinf byrathi ranagallu

    ಭೈರತಿ ರಣಗಲ್ಲು. ಶಿವಣ್ಣ ತಮ್ಮ ಚಿತ್ರಜೀವನದಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಿದ್ದು ಬಹುಶಃ ಇದೇ ಮೊದಲಿರಬೇಕು. ರೌಡಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರಾದರೂ, ಅವುಗಳಲ್ಲಿ ಶಿವರಾಜ್ ಕುಮಾರ್ ಹೀರೋ ಆಗಿದ್ದರು ಅನ್ನೋದು ವಿಶೇಷ. ಆದರೆ, ಮಫ್ತಿ ಹಾಗಲ್ಲ. ಶಿವರಾಜ್ ಕುಮಾರ್ ವಿಲನ್. ಆದರೆ, ಒಳ್ಳೆಯ ವಿಲನ್, ಅಷ್ಟೆ.

    ಚಿತ್ರದ ಕಥೆ ಹಾಗೂ ಚಿತ್ರಕಥೆ ಬರೆಯುವಾಗ, ಭೈರತಿ ರಣಗಲ್ಲು ಪಾತ್ರಕ್ಕೆ ಕಣ್ಣುಗಳಲ್ಲೇ ಅಭಿನಯಿಸಬಲ್ಲ, ಕಣ್ಣಿನಲ್ಲೇ ಪವರ್ ಇರುವ ನಟ ಬೇಕು ಎನಿಸಿತು. ಆ ನಂತರ ನನ್ನ ಕಣ್ಣ ಮುಂದೆ ಬಂದಿದ್ದು ಶಿವರಾಜ್ ಕುಮಾರ್ ಮಾತ್ರ. ನನ್ನ ಅದೃಷ್ಟ, ಕಥೆ ಕೇಳಿದ ತಕ್ಷಣ ಒಪ್ಪಿಕೊಂಡುಬಿಟ್ಟರು ಎಂದು ಹೇಳಿಕೊಂಡಿದ್ದಾರೆ ನಿರ್ದೇಶಕ ನರ್ತನ್.

    ವಿಲನ್ ಒಳ್ಳೆಯವನಾದರೆ, ಜನ ಬೇಗ ಒಪ್ಪಿಕೊಳ್ಳಲ್ಲ. ಆದರೆ ಹೀರೋ ವಿಲನ್ ಆಗಿ ನಟಿಸಿ, ನಂತರ ಒಳ್ಳೆಯವನಾಗಿ ಬದಲಾದರೆ, ಅದು ಜನರಿಗೆ ಇಷ್ಟವಾಗುತ್ತೆ. ಹೀಗಾಗಿಯೇ ಆ ಪಾತ್ರಕ್ಕೆ ಶಿವಣ್ಣ ಅವರನ್ನು ಆಯ್ಕೆ ಮಾಡಿಕೊಂಡೆವು ಎಂದಿದ್ದಾರೆ ನರ್ತನ್.

  • ಮಫ್ತಿ ಡೈರೆಕ್ಟರ್ ಜೊತೆ ಯಶ್

    yash and mufti director narthan to team up

    ರಾಕಿಂಗ್ ಸ್ಟಾರ್ ಯಶ್ ಇಡೀ ವರ್ಷ ಕೆಜಿಎಫ್‍ನಲ್ಲೇ ಮುಳುಗಿಬಿಟ್ಟರು. 2017ರಲ್ಲಿ ಯಶ್ ಅವರ ಚಿತ್ರ ತೆರೆಗೆ ಬರಲೇ ಇಲ್ಲ. ಕೆಜಿಎಫ್ ಕೂಡಾ ರಿಲೀಸ್ ಆಗುವುದು 2018ರಲ್ಲಿ. ಅದು ಮುಗಿದ ನಂತರ ಯಶ್ ಅವರ ಮುಂದಿನ ಚಿತ್ರ ಯಾವುದು ಅನ್ನೋ ಪ್ರಶ್ನೆಗೆ, ಯಶ್ ಉತ್ತರ ಕಂಡುಕೊಂಡಿರುವುದು ನರ್ತನ್ ಅವರಲ್ಲಿ.

    ಮಫ್ತಿ ಸಿನಿಮಾ ಮೂಲಕ ಮೊದಲ ಚಿತ್ರದಲ್ಲೇ ಭರ್ಜರಿ ಹಿಟ್ ಕೊಟ್ಟ ನಿರ್ದೇಶಕ ನರ್ತನ್, ಶಿವರಾಜ್ ಕುಮಾರ್ ಅವರನ್ನು ವಿಭಿನ್ನವಾಗಿ ತೋರಿಸಿ ಗೆದ್ದರು. ಈಗ ಮುಂದಿನ ಚಿತ್ರಕ್ಕೆ ಸಿದ್ಧರಾಗುತ್ತಿದ್ದಾರೆ. ನರ್ತನ್ ಅವರ ಹೊಸ ಚಿತ್ರಕ್ಕೂ ಜಯಣ್ಣ-ಭೋಗೇಂದ್ರ ಅವರೇ ನಿರ್ಮಾಪಕರು. ಯಶ್ ಹೀರೋ.

    ಈಗಾಗಲೇ ಕಥೆ ಸಿದ್ಧಪಡಿಸುವಂತೆ ಯಶ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರಂತೆ. ಕೆಜಿಎಫ್ ಮುಗಿಯುವ ವೇಳೆಗೆ ನರ್ತನ್ ಹೊಸ ಸ್ಕ್ರಿಪ್ಟ್‍ನೊಂದಿಗೆ ಸಿದ್ಧರಾಗಿರುತ್ತಾರೆ. ಈ ಹಿಂದೆ ಮಾಸ್ಟರ್ ಪೀಸ್‍ನಲ್ಲಿ ಯಶ್ ಅವರ ಜೊತೆ ಕೆಲಸ ಮಾಡಿದ್ದ ನರ್ತನ್‍ಗೆ, ಯಶ್ ಅವರ ಜೊತೆ ಉತ್ತಮ ಸ್ನೇಹವೂ ಇದೆ. 

#

Tagaru Movie Gallery

Prema Baraha Success Meet Gallery