` sai pallavi, - chitraloka.com | Kannada Movie News, Reviews | Image

sai pallavi,

  • ಪ್ರಜ್ವಲ್‍ಗೆ ಪ್ರೇಮಂ ಪಲ್ಲವಿ

    premam fame sai pallavi

    ಸಾಯಿ ಪಲ್ಲವಿ, ಮಲಯಾಳಂನ ಪ್ರೇಮಂ ಚಿತ್ರದ ನಾಯಕಿ. ಕಣ್ಣುಗಳಲ್ಲಿಯೇ ಆಟವಾಡುವ, ಭಾವನೆಗಳನ್ನು ಮುಖಭಾವದಲ್ಲೇ ವ್ಯಕ್ತಪಡಿಸುವ ಅಪರೂಪದ ನೈಜ ಕಲಾವಿದೆ. ಇವರೀಗ ಕನ್ನಡಕ್ಕೆ ಬರುತ್ತಿದ್ದಾರೆ. ಪ್ರಜ್ವಲ್ ದೇವರಾಜ್‍ಗೆ ನಾಯಕಿಯಾಗುತ್ತಿದ್ದಾರೆ.  ಚಿತ್ರಕ್ಕಿನ್ನೂ ಹೆಸರಿಟ್ಟಿಲ್ಲ. 

    ಚಿತ್ರದ ನಿರ್ಮಾಪಕರು ವಿಖ್ಯಾತ್. ನಿರ್ದೇಶಕ ಶ್ರೀನರಸಿಂಹ ಹೇಳಿದ ಕಾಮಿಡಿ ಬ್ಯಾಕ್‍ಗ್ರೌಂಡ್‍ನ ಕಥೆ ಇಷ್ಟವಾಯಿತಂತೆ. ಬೇಜವಾಬ್ದಾರಿಯ ನಾಯಕ. ಪೊಲೀಸ್ ಆಗಿದ್ದರೂ ತಮಾಷೆಯಾಗಿ ವರ್ತಿಸುವ ಹೀರೋ ಪಾತ್ರದಲ್ಲಿ ಪ್ರಜ್ವಲ್ ಇರುತ್ತಾರೆ. ನಾಯಕಿ ಸಾಯಿಪಲ್ಲವಿ. 

    ಸಾಯಿ ಪಲ್ಲವಿಯವರದ್ದೂ ಫನ್ನಿ ಕ್ಯಾರೆಕ್ಟರ್ ಅಂತೆ. ಇಡೀ ಚಿತ್ರ ನಡೆಯುವುದೇ ಪ್ರಜ್ವಲ್ ಮತ್ತು ಸಾಯಿ ಪಲ್ಲವಿ ಅವರ ಪಾತ್ರದ ಮೇಲೆ ಎನ್ನುತ್ತಾರೆ ನಿರ್ದೇಶಕ ಶ್ರೀನರಸಿಂಹ. 

  • ಸಾಯಿಪಲ್ಲವಿಗೆ ಕನ್ನಡ ಕಲಿಸಿದ ಮಾಜಿ ನ್ಯೂಸ್ ಆಂಕರ್!

    ಸಾಯಿಪಲ್ಲವಿಗೆ ಕನ್ನಡ ಕಲಿಸಿದ ಮಾಜಿ ನ್ಯೂಸ್ ಆಂಕರ್!

    ಸಾಯಿ ಪಲ್ಲವಿ ಕನ್ನಡದಲ್ಲಿ ತಮ್ಮ ಗಾರ್ಗಿ ಚಿತ್ರದ ಪಾತ್ರಕ್ಕೆ ಸ್ವತಃ ಡಬ್ಬಿಂಗ್ ಮಾಡಿದ್ದು ಹಲವರಿಗೆ ಖುಷಿ ಕೊಟ್ಟಿದೆ. ಆದರೆ ಸಾಯಿಪಲ್ಲವಿಯ ಮಾತೃಭಾಷೆ ಕನ್ನಡ ಅಲ್ಲ. ಇದು ಹೇಗೆ ಸಾಧ್ಯವಾಯಿತು ಎಂದಾಗ ಸಿಕ್ಕ ಕುತೂಹಲದ ವಿಷಯಗಳಿವು.

    ಡಾಕ್ಟರ್ ಕೂಡಾ ಆಗಿರುವ ಸಾಯಿಪಲ್ಲವಿಗೆ ಐದಕ್ಕೂ ಹೆಚ್ಚು ಭಾಷೆಗಳು ಗೊತ್ತು. ಸಾಯಿಪಲ್ಲವಿಯ ಮನೆ ಮಾತು ಬಡಗ. ತಮಿಳು, ಮಲಯಾಳಂ, ಇಂಗ್ಲಿಷ್ ಚೆನ್ನಾಗಿಯೇ ಮಾತನಾಡುವ ಸಾಯಿಪಲ್ಲವಿಗೆ ಕನ್ನಡ ಮತ್ತು ಜಾರ್ಜಿಯಾ ಭಾಷೆ ಕೂಡಾ ಮ್ಯಾನೇಜ್ ಮಾಡುವಷ್ಟು ಗೊತ್ತಂತೆ. ಆದರೆ ಭಾಷೆ ಗೊತ್ತಿರೋದು ಬೇರೆ.. ಡಬ್ಬಿಂಗ್ ಮಾಡೋದು ಬೇರೆ. ಅಂತಹ ಡಬ್ಬಿಂಗ್‍ಗೆ ಸಹಾಯ ಮಾಡಿರುವುದು ಒಂದು ಕಾಲದ ನ್ಯೂಸ್ ಆಂಕರ್ ಶೀತಲ್ ಶೆಟ್ಟಿ.

    ಗಾರ್ಗಿ ಚಿತ್ರದ ಡೈರೆಕ್ಟರ್ ಗೌತಮ್ ರವಿಚಂದ್ರನ್ ಅವರಿಗೂ ಕನ್ನಡ ಚೆನ್ನಾಗಿ ಗೊತ್ತು. ಗಾರ್ಗಿ ಚಿತ್ರದ ಅವರ ಡೈಲಾಗ್‍ನ್ನು ತಮಿಳಿನಿಂದ ಕನ್ನಡಕ್ಕೆ ಭಾಷಾಂತರ ಮಾಡಿದ್ದು ನಿರ್ದೇಶಕ ಎ.ಆರ್.ಬಾಬು ಪುತ್ರ ಎ.ಆರ್.ಶಾನ್. ಹಾಗೂ ಅವರ ಗೆಳೆಯ ಸುಮುಖ್. ಶೀತಲ್ ಶೆಟ್ಟಿಯವರ ಶೀಟೇಲ್ಸ್ ಸಂಸ್ಥೆಯಲ್ಲಿ ಡಬ್ಬಿಂಗ್ ಆಗಿದ್ದು, ಇದು ಇವರ ಸಂಸ್ಥೆಯ ಮೊದಲ ಪ್ರಾಜೆಕ್ಟ್ ಅಂತೆ.

  • ಸಾಯಿಪಲ್ಲವಿಗೆ ಕಷ್ಟ ಎನ್ನಿಸಿದ ಆ 3 ಕನ್ನಡ ಪದಗಳು..!

    ಸಾಯಿಪಲ್ಲವಿಗೆ ಕಷ್ಟ ಎನ್ನಿಸಿದ ಆ 3 ಕನ್ನಡ ಪದಗಳು..!

    ತಮಿಳು ಬ್ಯೂಟಿ ಸಾಯಿ ಪಲ್ಲವಿ ಅಭಿನಯದ ಗಾರ್ಗಿ ಸಿನಿಮಾ ರಿಲೀಸ್ ಆಗೋಕೆ ಸಿದ್ಧವಾಗಿದೆ. ಆ ಚಿತ್ರ ಕನ್ನಡದಲ್ಲೂ ಬರುತ್ತಿದ್ದು, ಕನ್ನಡಕ್ಕೂ ಸ್ವತಃ ಡಬ್ಬಿಂಗ್ ಮಾಡಿದ್ದಾರೆ. ಕರ್ನಾಟಕದವರಾಗಿಯೇ ಕನ್ನಡ ವರ್ಷನ್‍ಗೆ ಡಬ್ ಮಾಡದ ನಾಯಕಿಯರಿರುವಾಗ, ಸಾಯಿ ಪಲ್ಲವಿ ಬೇರೆಯದೇ ಹಾದಿ ತುಳಿದಿದ್ದಾರೆ. ಡಬ್ಬಿಂಗ್‍ನ್ನೂ ಮುಗಿಸಿಕೊಟ್ಟಿದ್ದಾರೆ. ಹೇಗಿತ್ತು ಕನ್ನಡ ಡಬ್ಬಿಂಗ್ ಅನುಭವ ಎಂದರೆ ಸಾಯಿ ಪಲ್ಲವಿ ಉತ್ತರಿಸಿರೋದು ಹೀಗೆ..

    ಕನ್ನಡದಲ್ಲಿ ಡಬ್ ಮಾಡುವುದು ಆರಂಭದಲ್ಲಿ ಕಷ್ಟ ಎನ್ನಿಸೋಕೆ ಶುರುವಾಯ್ತು. ಅದರಲ್ಲೂ ಲ.. ನ.. ಣ.. ಪದಗಳ ಉಚ್ಚಾರಣೆ ತಪ್ಪಾಗುತ್ತಲೇ ಇತ್ತು. ಆದರೆ, ನಮ್ಮ ಟೀಮಿನ ಹುಡುಗರ ತಾಳ್ಮೆ ದೊಡ್ಡದು. ನಾನು ಸರಿಯಾಗಿ ಮಾಡುವವರೆಗೆ ಕಾಯ್ದರು. ಇಷ್ಟಿದ್ದರೂ ಹೇಳಿದ ಸಮಯಕ್ಕೇ ಡಬ್ಬಿಂಗ್ ಮುಗಿಸಿಕೊಟ್ಟಿದ್ದೇನೆ ಎನ್ನುತ್ತಾರೆ ಸಾಯಿ ಪಲ್ಲವಿ.

    ಕನ್ನಡದಲ್ಲಿ ಸಾಯಿಪಲ್ಲವಿ ನೋಡಿದ ಮೊದಲ ಸಿನಿಮಾ ಗಂಟುಮೂಟೆಯಂತೆ. ಅದಾದ ಮೇಲೆ ಯುಟರ್ನ್, ಲೂಸಿಯಾ, ಕೆಜಿಎಫ್ 1, ಕೆಜಿಎಫ್ 2.. ಸೇರಿದಂತೆ ಕೆಲವು ಚಿತ್ರಗಳನ್ನು ನೋಡಿದ್ದಾರೆ.

    ಭಾಷೆ ಅನ್ನೋದು ಕೇವಲ ಪದಗಳಲ್ಲ. ಡಬ್ಬಿಂಗ್ ಮಾಡಿ ಸಿನಿಮಾ ಮಾಡುವುದೆಂದರೆ ಅದರಲ್ಲಿ ಸ್ಥಳೀಯ ಭಾವನೆಗಳಿರುತ್ತವೆ. ಅವುಗಳ ಮೂಲಕವೇ ಜನರಿಗೆ ಹತ್ತಿರವಾಗಬೇಕು. ಆದರೆ, ಸಿನಿಮಾದಲ್ಲಿ ಕಥೆಗೆ ಬದ್ಧರಾಗಿರಬೇಕು ಅನ್ನೋದು ಸಾಯಿಪಲ್ಲವಿ ನಿಲುವು.

  • ಸೌಂದರ್ಯ ಆಗ್ತಾರಾ ಸಾಯಿ ಪಲ್ಲವಿ..?

    Will Sai Pallavi Star In Late Actor Soundarya's Biopic ?

    ದಕ್ಷಿಣ ಭಾರತ ಚಿತ್ರರಂಗದ 90ರ ದಶಕದ ಲೇಡಿ ಸೂಪರ್ ಸ್ಟಾರ್ ಸೌಂದರ್ಯ. 31ನೇ ವಯಸ್ಸಿನಲ್ಲೇ ಉತ್ತುಂಗದಲ್ಲಿದ್ದಾಗಲೇ ವಿಮಾನ ಅಪಘಾತದಲ್ಲಿ ಮೃತಪಟ್ಟ ಸೌಂದರ್ಯ ಅವರ ಜೀವನ ಚಿತ್ರ ಸಿದ್ಧವಾಗುತ್ತಿದೆ. ಕನ್ನಡದಲ್ಲಿ ಅಲ್ಲ, ತೆಲುಗಿನಲ್ಲಿ.

    ದಕ್ಷಿಣ ಭಾರತದ ಮೊದಲ ಲೇಡಿ ಸೂಪರ್ ಸ್ಟಾರ್ ಸಾವಿತ್ರಿ ಜೀವನ ಚಿತ್ರವನ್ನು ಮಹಾನಟಿಯಾಗಿ ತೆರೆಗೆ ತಂದಿದ್ದ ನಾಗ ಅಶ್ವಿನ್ ಅವರೇ ಈ ಚಿತ್ರಕ್ಕೂ ಡೈರೆಕ್ಟರ್. ಸಹಜ ಸುಂದರಿ ಎಂದೇ ಫೇಮಸ್ ಆಗಿರುವ ಸಾಯಿ ಪಲ್ಲವಿ ಸೌಂದರ್ಯ ಅವರ ಪಾತ್ರಕ್ಕೆ ಜೀವ ತುಂಬಲಿದ್ದಾರಂತೆ.

    ವಿಶೇಷವೇನು ಗೊತ್ತೇ.. ತೆಲುಗಿನವರು ಸೌಂದರ್ಯ ಅವರಲ್ಲಿ ಸಾವಿತ್ರಿಯನ್ನು ಕಂಡುಕೊಂಡಿದ್ದರು. ಈಗ ಸಾವಿತ್ರ ಜೀವನ ಚರಿತ್ರೆ ರೂಪಿಸಿದ್ದ ನಿರ್ದೇಶಕರೇ ಸೌಂದರ್ಯ ಜೀವನ ಚಿತ್ರವನ್ನೂ ನಿರೂಪಿಸುತ್ತಿದ್ದಾರೆ.

     

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery