` umashri, - chitraloka.com | Kannada Movie News, Reviews | Image

umashri,

  • ಮತ್ತೆ ಒಂದಾಗುತ್ತಿದೆ ರವಿಚಂದ್ರನ್-ಉಮಾಶ್ರೀ ಜೋಡಿ

    umashree to act with ravichandran again

    ಉಮಾಶ್ರೀ, ಚಿತ್ರರಂಗದಲ್ಲಿ ಪುಟ್ಮಲ್ಲಿ ಎಂದೇ ಫೇಮಸ್. ಅವರಿಗೆ ಅಂಥಾದ್ದೊಂದು ಬಿರುದು ಸಿಗುವಂತೆ ಮಾಡಿದ್ದು ಕ್ರೇಜಿಸ್ಟಾರ್ ರವಿಚಂದ್ರನ್. ತಮ್ಮ ಪುಟ್ನಂಜ ಚಿತ್ರದಲ್ಲಿ ಉಮಾಶ್ರೀ ಅವರಿಗೆ ಅದುವರೆಗೆ ಇದ್ದ ಇಮೇಜನ್ನೇ ಬದಲಿಸಿಬಿಟ್ಟಿದ್ದರು ರವಿಚಂದ್ರನ್. ಅದಾದ ಮೇಲೆ ಮಲ್ಲ ಚಿತ್ರದಲ್ಲಿ ಉಮಾಶ್ರೀ ಮತ್ತೊಮ್ಮೆ ರವಿಚಂದ್ರನ್ ಅವರಿಗೆ ಅಮ್ಮನಾಗಿದ್ದರು. ಆ ಜೋಡಿ ಈಗ ಮತ್ತೆ ಒಂದಾಗುತ್ತಿದೆ.

    ರವಿಚಂದ್ರನ್ ಅಭಿನಯಿಸುತ್ತಿರುವ ಬ್ಯಾಟ್ರಾಯ ಚಿತ್ರದಲ್ಲಿ ಉಮಾಶ್ರೀ ನಟಿಸುತ್ತಿದ್ದಾರೆ. ಎಲೆಕ್ಷನ್‍ನಲ್ಲಿ ಸೋತ ಮೇಲೆ ಉಮಾಶ್ರೀ ಮತ್ತೊಮ್ಮೆ ಬೆಳ್ಳಿತೆರೆಗೆ ಬರುತ್ತಿದ್ದಾರೆ. ಮದನ್ ಮೋಹನ್ ರೆಡ್ಡಿ ನಿರ್ದೇಶನದ ಬ್ಯಾಟ್ರಾಯ ಚಿತ್ರ, ಆರ್.ಎಸ್. ಪ್ರೊಡಕ್ಷನ್ಸ್‍ನಲ್ಲಿ ನಿರ್ಮಾಣವಾಗುತ್ತಿದೆ.

  • ಮತ್ತೆ ಪುಟ್ಮಲ್ಲಿಯಾದ ಉಮಾಶ್ರೀ

    umashri makes a come back as puttamalli

    ಪುಟ್ನಂಜ ಚಿತ್ರದ ಪುಟ್ಮಲ್ಲಿ ಕ್ಯಾರೆಕ್ಟರ್, ಉಮಾಶ್ರೀ ವೃತ್ತಿ ಜೀವನದ ಅತಿದೊಡ್ಡ ಟರ್ನಿಂಗ್ ಪಾಯಿಂಟ್. ಅದುವರೆಗೆ ಡಬಲ್ ಮೀನಿಂಗ್ ಕಾಮಿಡಿಯಲ್ಲಿ ಕಳೆದುಹೋಗಿದ್ದ ಉಮಾಶ್ರೀಯೊಳಗಿನ ಕಲಾವಿದೆಯನ್ನು ಚಿತ್ರರಂಗ, ಪ್ರೇಕ್ಷಕರ ಎದುರು ಅದ್ಭುತವಾಗಿ ತೆರೆದಿಟ್ಟಿದ್ದರು ಕ್ರೇಜಿಸ್ಟಾರ್ ರವಿಚಂದ್ರನ್. ಅಲ್ಲಿಂದ ಉಮಾಶ್ರೀ ಸಿನಿ ಜರ್ನಿಯೇ ಬದಲಾಗಿದ್ದು ಸುಳ್ಳಲ್ಲ.

    ಇನ್ನು ಸಿದ್ದರಾಮಯ್ಯ ಕ್ಯಾಬಿನೆಟ್ಟಿನಲ್ಲಿ ಸಚಿವೆಯಾಗಿ 5 ವರ್ಷ ಕೆಲಸ ಮಾಡಿದ ಉಮಾಶ್ರೀ, 2018ರಲ್ಲಿ ಎಲೆಕ್ಷನ್ ಸೋತರು. ಈಗ ಮತ್ತೊಮ್ಮೆ ಬಣ್ಣ ಹಚ್ಚುತ್ತಿದ್ದಾರೆ. ಬೆಳ್ಳಿತೆರೆಯಲ್ಲಿ ಅಲ್ಲ, ಕಿರುತೆರೆಯಲ್ಲಿ.

    ಸ್ಟಾರ್ ಸುವರ್ಣ ವಾಹಿನಿಯ ಆರತಿಗೊಬ್ಬ ಕೀರ್ತಿಗೊಬ್ಬ ಧಾರಾವಾಹಿಯಲ್ಲಿ ಪುಟ್ಮಲ್ಲಿ ಪಾತ್ರ ಮಾಡುತ್ತಿದ್ದಾರೆ ಉಮಾಶ್ರೀ. ಈ ಹಿಂದೆ ಕಿರುತೆರೆಯಲ್ಲಿ ಅಮ್ಮ ನಿನಗಾಗಿ, ಕಿಚ್ಚು, ಮುಸ್ಸಂಜೆ ಧಾರಾವಾಹಿಗಳಲ್ಲಿ ನಟಿಸಿದ್ದ ಉಮಾಶ್ರೀಗೆ ಕಿರುತೆರೆಯೂ ಹೊಸದೇನಲ್ಲ.

  • ಸುದರ್ಶನ್​ಗೆ ನೆರವಾದ ಉಮಾಶ್ರೀ, ಜಯಮಾಲಾ

    umashree and jaimala helps sudharshan's family

    ಚಿತ್ರರಂಗದ ಹಿರಿಯ ಕಲಾವಿದ ಸುದರ್ಶನ್ ಅವರ ನಿಧನಕ್ಕೆ ಇಡೀ ಚಿತ್ರರಂಗ ಕಂಬನಿ ಮಿಡಿಯುತ್ತಿದೆ. ಆದರೆ ಕಂಬನಿ ಮಿಡಿಯುವುದಷ್ಟೇ ಅಲ್ಲ, ಕಣ್ಣೀರು ಒರೆಸುವ ಕೈಗಳೂ ಅದೇ ಚಿತ್ರರಂಗದಲ್ಲಿವೆ ಎಂಬುದನ್ನು ಇಂದು ಸಾಬೀತು ಮಾಡಿದ್ದು ಸಚಿವೆ ಉಮಾಶ್ರೀ ಮತ್ತು ಶಾಸಕಿ ಜಯಮಾಲಾ.

    ಸುದರ್ಶನ್ ಅವರ ಪಾರ್ಥಿವ ಶರೀರದ ಅಂತಿಮ ದರ್ಶನವನ್ನು ರವೀಂದ್ರ ಕಲಾಕ್ಷೇತ್ರದಲ್ಲಿ ನಡೆಸಬೇಕೇ ಬೇಡವೇ ಎಂಬ ಕಾನೂನು ಗೊಂದಲಗಳಲ್ಲಿ ಅಧಿಕಾರಿಗಳಿದ್ದಾಗ, ಅಲ್ಲಿಯೇ ಪಾರ್ಥಿವ ಶರೀರದ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಿಸಿಕೊಟ್ಟವರು ಸಚಿವೆ ಉಮಾಶ್ರೀ. ತಾವು ಸಚಿವರಾಗುವ ಮುನ್ನ, ರಾಜಕಾರಣಿಯಾಗುವ ಮುನ್ನ ಕಲಾವಿದೆ ಎಂಬುದನ್ನು ಸಾಬೀತು ಮಾಡಿದರು. 

    ಇನ್ನು ಆಸ್ಪತ್ರೆಯ ಬಿಲ್​ನ್ನು ಕಟ್ಟಲು ಪರದಾಡುತ್ತಿದ್ದ ಸುದರ್ಶನ್ ಕುಟುಂಬದ ನೆರವಿಗೆ ಧಾವಿಸಿದ್ದು ನಟಿ ಜಯಮಾಲಾ. ಅವರು ಶಾಸಕಿಯೂ ಅಲ್ಲದೆ ಇಬ್ಬರೂ ಕಲಾವಿದರು ಕುಟುಂಬಕ್ಕೆ ಸರ್ಕಾರದಿಂದ ಇನ್ನಷ್ಟು ನೆರವು ಒದಗಿಸುವ ಭರವಸೆಯನ್ನೂ ಕೊಟ್ಟಿದ್ದಾರೆ. ಸುದರ್ಶನ್ ಅವರ ಅಂತಿಮ ಕ್ಷಣದಲ್ಲಿ ಅವರ ಜೊತೆಗಿದ್ದ ಹಿರಿಯ ನಟಿ ಹೇಮಾಚೌಧರಿ ಈ ಎಲ್ಲ ವಿಷಯವನ್ನೂ ಚಿತ್ರಲೋಕಕ್ಕೆ ತಿಳಿಸಿದ್ದಾರೆ.

    ಕಲಾವಿದರ ಕಣ್ಣೊರೆಸುವ ಮೂಲಕ ನೆರವಿಗೆ ಬಂದ ಉಮಾಶ್ರೀ ಮತ್ತು ಜಯಮಾಲಾ ಅವರಿಗೆ ಕಲಾವಿದರು ಹಾಗೂ ಅಭಿಮಾನಿಗಳು ಕೃತಜ್ಞತೆ ಸಲ್ಲಿಸಿದ್ದಾರೆ.

    Related Articles :-

    ಅಪಾರ ಕೀರ್ತಿ ಮೆರೆದ ಮನೆತನದ ಕುಡಿ ಸುದರ್ಶನ್

    RN Sudarshan Expired

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery