ಪೈಲ್ವಾನ್ ಚಿತ್ರ ಪ್ರೇಕ್ಷಕರ ಮನ ಗೆದ್ದಿದೆ. ಇದೊಂದು ಸ್ಫೂರ್ತಿದಾಯಕ ಚಿತ್ರ ಎಂದು ಪ್ರೇಕ್ಷಕರು ಚಪ್ಪಾಳೆ ತಟ್ಟಿದ್ದಾರೆ. ಸುದೀಪ್-ಆಕಾಂಕ್ಷಾ ಜೋಡಿಯೂ ಇಷ್ಟವಾಗಿದೆ. ಆದರೆ ಇಡೀ ಚಿತ್ರದಲ್ಲಿ ಸುದೀಪ್ ಅವರ ಪತ್ನಿ ಪ್ರಿಯಾಗೆ ಇಷ್ಟವಾದ ದೃಶ್ಯ ಯಾವುದು ಗೊತ್ತೇ..?

`ಪೈಲ್ವಾನ್ ಚಿತ್ರದಲ್ಲಿ ಮದುವೆ ಮನೆಗೆ ಸುದೀಪ್ ಎಂಟ್ರಿ ಕೊಡುವ ದೃಶ್ಯ ನನ್ನ ಫೇವರಿಟ್. ಏನ್ ಸ್ಟೈಲಿಷ್ ಆಗಿ ಎಂಟ್ರಿ ಕೊಡ್ತಾರೆ ಸುದೀಪ್. ನನಗಂತೂ ಆ ದೃಶ್ಯ ನೋಡುವಾಗ ನಾಯಕಿ ಅಂದರೆ ವಧು ಇದ್ದ ಜಾಗದಲ್ಲಿ ನಾನಿರಬೇಕಿತ್ತು ಎನ್ನಿಸಿಬಿಟ್ಟಿ' ಎಂದು ಹೇಳಿಕೊಂಡಿದ್ದಾರೆ.

ಅಂದಹಾಗೆ ಸುದೀಪ್ ಮತ್ತು ಪ್ರಿಯಾ ಅವರದ್ದು ಲವ್ ಮ್ಯಾರೇಜ್. ಸಹಜವಾಗಿಯೇ ಪ್ರಿಯಾಗೆ ಅವರ ಪ್ರೀತಿಯ ದಿನಗಳು, ಮದುವೆಯ ದಿನಗಳು ನೆನಪಾಗಿದ್ದಾರೆ ಅಚ್ಚರಿಯಿಲ್ಲ. ಎಲ್ಲ ಓಕೆ.. ಚಿತ್ರದಲ್ಲಿ ನಿಮಗಿಷ್ಟವಾದ ಸೀನ್ ಯಾವುದು..? ಪ್ರಿಯಾ ಕೇಳುತ್ತಿದ್ದಾರೆ. ಹೇಳ್ತೀರಾ..

ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರದ ಶೂಟಿಂಗ್ ಇನ್ನೂ ಶುರುವಾಗಿಲ್ಲ. ನಾಯಕಿಯ ಆಯ್ಕೆಯೇ ಆಗಿಲ್ಲ. ಚಿತ್ರತಂಡ ಇನ್ನೂ ಪ್ರಿ ಪ್ರೊಡಕ್ಷನ್ ಹಂತದಲ್ಲಿದೆ. ಅಭಿಮಾನಿಗಳಿಗೆ ಚಿತ್ರತಂಡ ಕೊಟ್ಟಿರೋದು ಒಂದೇ ಒಂದು ಫಸ್ಟ್ ಲುಕ್ ಪೋಸ್ಟರ್ ಮಾತ್ರ. ಹೀಗಿರುವಾಗ ಆಗಲೇ ರಿಲೀಸ್ ಡೇಟ್ ಫಿಕ್ಸಾಗೋಯ್ತಾ..? ಸಿನಿಮಾನ ಆಕ್ಟೋಬರ್​ನಲ್ಲೇ ರಿಲೀಸ್ ಮಾಡ್ತಾರಾ..? ಹೇಗೆ ಸಾಧ್ಯ..? ಸೆಪ್ಟೆಂಬರ್ ಮುಗಿಯೋಕೆ ವಾರವೂ ಇಲ್ಲ. ಹೇಗೆ..? ಹೇಗೆ..? ಹೇಗೆ..?

ಉತ್ತರ ಇಲ್ಲಿದೆ. ಸಿನಿಮಾ ಅಕ್ಟೋಬರ್​ನಲ್ಲೇ ರಿಲೀಸ್ ಅಂತಾ ಹೇಳಿರೋದು ಚಿತ್ರತಂಡ ಅಲ್ಲ. ನಿರ್ದೇಶಕ ಕೃಷ್ಣ ಅಥವಾ ನಾಯಕ ಸುದೀಪ್ ಸೇರಿದಂತೆ  ಯಾರೊಬ್ಬರೂ ಇನ್ನೂ ಚಿತ್ರದ ರಿಲೀಸ್ ಬಗ್ಗೆ ಮಾತನಾಡಿಯೇ ಇಲ್ಲ. ಇಂಥಾದ್ದೊಂದು ಎಡವಟ್ಟು ಮಾಡಿರೋದು ಬುಕ್ ಮೈ ಶೋ. 

ಬುಕ್ ಮೈ ಶೋನಲ್ಲಿ ಪೈಲ್ವಾನ್ ಚಿತ್ರ ಅಕ್ಟೋಬರ್​ನಲ್ಲಿ ರಿಲೀಸ್ ಎಂದು ಅನೌನ್ಸ್ ಮಾಡಲಾಗಿದೆ. ಇದು ಹೇಗಾಯ್ತು ಅನ್ನೋದು ಪೈಲ್ವಾನ್ ತಂಡಕ್ಕಂತೂ ಗೊತ್ತಿಲ್ಲ. ಬುಕ್ ಮೈ ಶೋದವರೇ ಉತ್ತರ ಕೊಡಬೇಕು.

ಪೈಲ್ವಾನ್ ಚಿತ್ರದ ಆಡಿಯೋ ರಿಲೀಸ್ ಅದ್ಧೂರಿಯೋ.. ಅದ್ಧೂರಿ. ಈ ಅದ್ಧೂರಿತನದಲ್ಲಿ ಅಭಿಮಾನಿಗಳ ಹೃದಯ ಕದ್ದ ಇನ್ನೊಂದು ದೃಶ್ಯ ಕಿಚ್ಚ ಸುದೀಪ್ ಮತ್ತು ಪುನೀತ್ ರಾಜ್‍ಕುಮಾರ್ ಅವರ ಅಪ್ಪುಗೆ.

ಸುದೀಪ್ ಮತ್ತು ಪುನೀತ್.. ಇಬ್ಬರೂ ಬಾಲ್ಯದ ಗೆಳೆಯರು. ಚಿತ್ರದ ಆಡಿಯೋ ಲಾಂಚ್‍ನಲ್ಲಿ ಅವರಿಬ್ಬರೂ ಚಿಕ್ಕ ವಯಸ್ಸಿನ ಹುಡುಗರಾಗಿದ್ದಾಗ ಅಪ್ಪಿಕೊಂಡಿದ್ದ ಫೋಟೋವೊಂದನ್ನು ಪ್ರದರ್ಶಿಸಲಾಯ್ತು. ಅದೇ ಸ್ಟೈಲಿನಲ್ಲಿ ಮತ್ತೆ ಸುದೀಪ್, ಅಪ್ಪು ಅಪ್ಪಿಕೊಂಡು ಖುಷಿಪಟ್ಟರು.

ಸುದೀಪ್ ನನ್ನ ಗೆಳೆಯ. ನಾನು ಈ ಆಡಿಯೋವನ್ನು ಒಬ್ಬ ಪ್ರೇಕ್ಷಕನಾಗಿ ರಿಲೀಸ್ ಮಾಡುತ್ತಿದ್ದೇನೆ ಎಂದು ಪುನೀತ್ ಹೇಳಿದರೆ, ಪುನೀತ್ ಜೊತೆ ನಟಿಸುವ ಆಸೆಯಿದೆ. ಆದರೆ.. ಅವರ ಜೊತೆ ಡ್ಯಾನ್ಸ್ ಮಾಡೋದೇ ಕಷ್ಟ ಎಂದು ಕಿಚಾಯಿಸಿದರು ಕಿಚ್ಚ ಸುದೀಪ್.

ಪುನೀತ್ ಮತ್ತು ಸುದೀಪ್ ಇಬ್ಬರೂ.. ಬಾನದಾರಿಯಲ್ಲಿ ಸೂರ್ಯ ಜಾರಿ ಹೋದ.. ಹಾಡನ್ನು ಒಟ್ಟಿಗೇ ಹಾಡಿ ರಂಜಿಸಿದರು. ಪೈಲ್ವಾನ್ ಸಿನಿಮಾ ಸೆಪ್ಟೆಂಬರ್ 12ರಂದು ರಿಲೀಸ್ ಆಗುತ್ತಿದೆ. ಸ್ವಪ್ನಾ ಕೃಷ್ಣ ನಿರ್ಮಾಣದ ಚಿತ್ರಕ್ಕೆ ಹೆಬ್ಬುಲಿ ಕೃಷ್ಣ ನಿರ್ದೇಶಕ. ಕನ್ನಡ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿಯಲ್ಲಿ ಏಕಕಾಲಕ್ಕೆ ಸಿನಿಮಾ ರಿಲೀಸ್ ಆಗುತ್ತಿದೆ.

ಕಿಚ್ಚ ಸುದೀಪ್ ಅವರಿಗೆ ಕನ್ನಡದಲ್ಲಷ್ಟೇ ಅಲ್ಲ, ತೆಲುಗು, ತಮಿಳು, ಹಿಂದಿಯಲ್ಲೂ ಅಭಿಮಾನಿಗಳಿದ್ದಾರೆ. ಪೈಲ್ವಾನ್ ಸಿನಿಮಾ ಏಕಕಾಲಕ್ಕೆ 5 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದೆ. ಅತ್ತ ಆಂಧ್ರಪ್ರದೇಶ, ತೆಲಂಗಾಣದಲ್ಲಿ ಪೈಲ್ವಾನನ ಕ್ರೇಝ್ ಶುರುವಾಗಿದೆ.

ನಿರ್ದೇಶಕ ಕೃಷ್ಣ, ನಿರ್ಮಾಪಕಿ ಸ್ವಪ್ನಾ ಕೃಷ್ಣ ಚಿತ್ರದ ಪ್ರಚಾರವನ್ನು ಆಗಲೇ ಶುರು ಮಾಡಿದ್ದಾರೆ. ಪೈಲ್ವಾನನ ವ್ಯಾನ್‍ಗಳು ಸುತ್ತಾಟ ಆರಂಭಿಸಿವೆ. ಹೋದೆಡೆಯಲ್ಲೆಲ್ಲ ಅಭಿಮಾನಿಗಳು ಕಿಚ್ಚನ ದರ್ಶನಕ್ಕೆ ಮುಗಿ ಬೀಳುತ್ತಿದ್ದಾರೆ. ಜೈಕಾರ ಜೋರಾಗಿದೆ.

ಸುದೀಪ್ ಜೊತೆ ಸುನಿಲ್ ಶೆಟ್ಟಿ ಕೂಡಾ ಪ್ರಮುಖ ಪಾತ್ರದಲ್ಲಿರುವ ಚಿತ್ರದಲ್ಲಿ ಆಕಾಂಕ್ಷಾ ಸಿಂಗ್ ನಾಯಕಿ. ತಮಿಳುನಾಡಿನಲ್ಲೂ ಪೈಲ್ವಾನ್ ಹವಾ ಶುರುವಾಗಿದ್ದು, ಅಭಿಮಾನಿಗಳೇ ಸ್ವತಃ ವಿಡಿಯೋ ಮಾಡಿ ಹಾಡು, ಟ್ರೇಲರ್ ಬಗ್ಗೆ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ. ಸೆಪ್ಟೆಂಬರ್ 12ರಿಂದ ಪೈಲ್ವಾನ್ ಹಬ್ಬ ಶುರುವಾಗಲಿದೆ.

ಪೈಲ್ವಾನ್ ಚಿತ್ರ ಒಂದು ಲೆಕ್ಕದ ಪ್ರಕಾರ ವಾರ ಮುಗಿಯುವ ಮೊದಲೇ 50 ಕೋಟಿಯ ಕಲೆಕ್ಷನ್ ದಾಟು ಮುನ್ನುಗ್ಗುತ್ತಿದೆ. ಅದರಲ್ಲಿ ನಿರ್ಮಾಪಕರ ಷೇರ್ ಎಷ್ಟು ಎನ್ನುವುದು ಬೇರೆಯದೇ ವಿಚಾರ. ಮತ್ತೊಂದೆಡೆ ಚಿತ್ರಕ್ಕೆ ಜನ ಇಲ್ಲ, ಥಿಯೇಟರು ಖಾಲಿ ಖಾಲಿ ಎಂಬ ಅಪಪ್ರಚಾರವೂ ನಡೆಯುತ್ತಿದೆ. ಅಫ್‍ಕೋರ್ಸ್.. ಅಪಪ್ರಚಾರ ಮಾಡುತ್ತಿರುವವರ ವಿರುದ್ಧ ಕಾದಾಡುತ್ತಿರುವುದು ಸುದೀಪ್ ಫ್ಯಾನ್ಸ್.

ಈ ಅಪಪ್ರಚಾರಗಳಿಗೆ ಸ್ವತಃ ಬೆಂಗಳೂರಿನ ಮಾಗಡಿ ರಸ್ತೆಯಲ್ಲಿರುವ ವೀರೇಶ್ ಚಿತ್ರಮಂದಿರದ ಮಾಲೀಕರಾದ ಕೆ.ವಿ.ಚಂದ್ರಶೇಖರ್ ಉತ್ತರ ಕೊಟ್ಟಿದ್ದಾರೆ.

ಮೊದಲ 4 ದಿನಗಳಲ್ಲಿ ವೀರೇಶ್ ಸಿನಿಮಾಸ್ ಚಿತ್ರಮಂದಿರದಲ್ಲಿ ಪೈಲ್ವಾನ್ ಚಿತ್ರದ ಗಳಿಕೆ 31 ಲಕ್ಷ. ಇದು ಅವರ ಥಿಯೇಟರಿನಲ್ಲಿ ಮಾತ್ರವೇ ಆದ ಕಲೆಕ್ಷನ್ ವಿವರ.

ಚಿತ್ರಕ್ಕೆ ಮೊದಲು ನಡೆಯುವ ಪ್ರಚಾರ ಮೊದಲ ಶೋಗಳಿಗಷ್ಟೇ ಸೀಮಿತ. ನಂತರದ್ದೇನಿದ್ದರೂ ಬಾಯಿ ಮಾತಿನ ಪ್ರಚಾರದಲ್ಲಿಯೇ ನಡೆಯಬೇಕು. ಅಪಪ್ರಚಾರದಿಂದ ಯಾವುದೇ ಚಿತ್ರವನ್ನು ಸೋಲಿಸಲು ಸಾಧ್ಯವಿಲ್ಲ. ಚಿತ್ರ ಚೆನ್ನಾಗಿದ್ದರೆ ಹೀರೋ ಯಾರೇ ಆಗಿದ್ದರೂ ಪ್ರೇಕ್ಷಕ ಪ್ರಭು ಕೈಬಿಡಲ್ಲ ಎಂದಿರುವ ಚಂದ್ರಶೇಖರ್, ಪ್ರೇಕ್ಷಕರನ್ನು ಚಿತ್ರಮಂದಿರದಿಂದ ದೂರ ತಳ್ಳುವ ಇಂತಹ ಕುತಂತ್ರಗಳನ್ನು ಕೈಬಿಡಿ, ಇದು ಚಿತ್ರರಂಗಕ್ಕೆ ಮತ್ತು ಕನ್ನಡಕ್ಕೆ ಒಳ್ಳೆಯದಲ್ಲ ಎಂದು ಮನವಿ ಮಾಡಿದ್ದಾರೆ.

ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರದ ಟ್ರೇಲರ್ ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ. ಆಗಸ್ಟ್ 22ರಂದು ಸಿನಿಮಾದ ಟ್ರೇಲರ್ ಹೊರ ಬರುತ್ತಿದೆ. ಇಂದು ಪೈಲ್ವಾನ್ ಹಬ್ಬ ಎನ್ನುವುದು ಫಿಕ್ಸ್ ಆಗಿದೆ. 

ಕಿಚ್ಚ ಸುದೀಪ್, ಸುನಿಲ್ ಶೆಟ್ಟಿ, ಆಕಾಂಕ್ಷಾ ಸಿಂಗ್ ಅಭಿನಯದ ಪೈಲ್ವಾನ್ನಲ್ಲಿ ಸುದೀಪ್, ಕುಸ್ತಿ ಪಟುವಾಗಿ ನಟಿಸಿದ್ದಾರೆ. ಇದೇ ಮೊದಲ ಬಾರಿಗೆ ಸಿಕ್ಸ್ಪ್ಯಾಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಚಿತ್ರದ ಹಾಡುಗಳು ಹಿಟ್ ಆಗಿವೆ. ಕೃಷ್ಣ ನಿರ್ದೇಶನದ ಚಿತ್ರಕ್ಕೆ, ಸ್ವಪ್ನಾ ಕೃಷ್ಣ ನಿರ್ಮಾಪಕ.

ಒಟ್ಟು 5 ಭಾಷೆಗಳಲ್ಲಿ ಪೈಲ್ವಾನ್ ತೆರೆ ಕಾಣುತ್ತಿದೆ. ಎಲ್ಲ ಭಾಷೆಗಳಲ್ಲಿಯೂ, ಜಗತ್ತಿನಾದ್ಯಂತ ಸಿನಿಮಾ ಸೆಪ್ಟೆಂಬರ್ 12ರಂದು ರಿಲೀಸ್ ಆಗಲಿದೆ. ಮೊನ್ನೆ ಮೊನ್ನೆ ತಾನೇ ಸೈರಾ ನರಸಿಂಹ ರೆಡ್ಡಿ ಟೀಸರ್ ರಿಲೀಸ್ ಆಗಿದ್ದು, ಇನ್ನು ಕಿಚ್ಚನ ಹಬ್ಬ ಶುರುವಾಗಲಿದೆ.

ಹತ್ತೂರ ಸರದಾರನಾದರೂ.. ಊರು ಕಾಯೋ ಪೈಲ್ವಾನ್ ಆದರೂ ಹೆಂಡತಿ ಎದುರು ಗಂಡ ಗಂಡಾನೇ.. ಅದಕ್ಕೆ ಸುದೀಪ್ ಅವರೂ ಹೊರತಲ್ಲ. ಪತಿ ಸುದೀಪ್ ಪೈಲ್ವಾನ್ ಆಗಿ.. ದೇಹವನ್ನೆಲ್ಲ ಹುರಿಗೊಳಿಸಿ.. ಮೈಕಟ್ಟು, ಮಾಂಸಖಂಡಗಳೆಲ್ಲ ಕಾಣುವಂತೆ ತೋರಿಸಿ.. ಅಭಿಮಾನಿಗಳೆಲ್ಲ ವ್ಹಾವ್ ಎನ್ನುವಂತೆ ಮಾಡಿದ್ದಾರೆ.

ಆದರೆ, ಇವರು ಅದೇ ಸುದೀಪ್ ಬೆನ್ನ ಹಿಂದೆ ನಿಂತು.. ಪೈಲ್ವಾನ್ ಸ್ಟೈಲಲ್ಲಿ ರೆಟ್ಟೆ ತೋರಿಸಿ.. ಹೆಂಗೆ ಎಂದಿದ್ದಾರೆ. ನಂಗಿಂತ ನೀನೇ ಪವರ್‍ಫುಲ್ ಎನ್ನಲೇಬೇಕು ಕಿಚ್ಚ. ಎಷ್ಟೆಂದರೂ.. ಅವರು ಪ್ರಿಯಾ ಸುದೀಪ್. 

ಈಗ, ಸುದೀಪ್ ವೃತ್ತಿ ಜೀವನದ ಮೈಲುಗಲ್ಲು. ರಾಜಮೌಳಿ ನಿರ್ದೇಶನದ ಈಗ ಜಗತ್ತಿನಾದ್ಯಂತ ಸುದ್ದಿ ಮಾಡಿತ್ತು. ಸುದೀಪ್, ಇಡೀ ಭಾರತದಲ್ಲಿ ಸ್ಟಾರ್ ಆದರು. ಆ ಚಿತ್ರದಲ್ಲಿ ಸುದೀಪ್ ಪ್ರತಿನಾಯಕನ ಪಾತ್ರ ಮಾಡಿ ಮಿಂಚಿದ್ದರು. ಈಗ ಚಿತ್ರದಲ್ಲಿ ಸುದೀಪ್ ವಿಲನ್ ಆದರೆ, ಈಗ ಆಗಿದ್ದುದು ನಾನಿ.ಅವರಿಬ್ಬರೂ ಈಗ 7 ವರ್ಷಗಳ ನಂತರ ಮತ್ತೊಮ್ಮೆ ಮುಖಾಮುಖಿಯಾಗುತ್ತಿದ್ದಾರೆ.

ಪೈಲ್ವಾನ್ ಬಿಡುಗಡೆ ಸಮಯದಲ್ಲೇ ನಾನಿ ನಟಿಸಿರುವ ಗ್ಯಾಂಗ್ ಲೀಡರ್ ರಿಲೀಸ್ ಆಗುತ್ತಿದೆ. ಪೈಲ್ವಾನ್ ತೆಲುಗಿನಲ್ಲೂ ಬರುತ್ತಿರುವುದರಿಂದ ಬಾಕ್ಸಾಫೀಸಿನಲ್ಲಿ ಸುದೀಪ್ ಪೈಲ್ವಾನ್ ಮತ್ತು ನಾನಿಯ ಗ್ಯಾಂಗ್ ಲೀಡರ್ ಸ್ಪರ್ಧಿಸಲೇಬೇಕು. ಸುದೀಪ್ ಅವರಂತೆಯೇ ನಾನಿಗೂ ತೆಲುಗಿನಲ್ಲಿ ದೊಡ್ಡ ಮಾರ್ಕೆಟ್ ಇದೆ. ಒನ್ಸ್ ಎಗೇಯ್ನ್ ಈಗ ಕೃಪೆ.

ಈ ಮುಖಾಮುಖಿಯಲ್ಲಿ ಯಾರು ಗೆಲ್ತಾರೆ..? ಪೈಲ್ವಾನ್ ಗೆಲ್ಲಲಿ ಎನ್ನುವುದು ಕಿಚ್ಚನ ಅಭಿಮಾನಿಗಳ ಆಸೆ. ಅದಕ್ಕೆ ತಕ್ಕಂತೆ ನಿರ್ದೇಶಕ ಕೃಷ್ಣ, ಚಿತ್ರದ ಟ್ರೇಲರ್, ಹಾಡುಗಳ ಮೂಲಕ ದೊಡ್ಡ ಸೆನ್ಸೇಷನ್ ಸೃಷ್ಟಿಸಿದ್ದಾರೆ. ನಿರ್ಮಾಪಕಿ ಸ್ವಪ್ನಾ ಕೃಷ್ಣ ಚಿತ್ರವನ್ನು ಅದ್ಭುತವಾಗಿ ಪ್ರಮೋಟ್ ಮಾಡಿದ್ದಾರೆ. ಇದೆಲ್ಲದರ ಜೊತೆಗೆ ಸುದೀಪ್ಗೆ ರಾಜಮೌಳಿ ಹಾರೈಕೆಯೂ ಇದೆ. ಪೈಲ್ವಾನ್ ಗೆಲ್ಲಲಿ.

ಪೈಲ್ವಾನ್‍ಗೂ ಮೊದಲು ಬಂದ ಸಿನಿಮಾಗಳಿಗೂ, ಪೈಲ್ವಾನ್‍ಗೂ ಇರುವ ಅತಿ ದೊಡ್ಡ ವ್ಯತ್ಯಾಸ ಸುದೀಪ್‍ರ ಫಿಟ್‍ನೆಸ್. ಹುರಿಗಟ್ಟಿದ ದೇಹ, ಕಟ್ಟುಮಸ್ತಾದ ತೋಳು, ಮೀನಖಂಡ ಉಬ್ಬಿರುವಂತ ಕಾಲು, ಅಗಲಗೊಂಡಿರುವ ಎದೆ, ಮಡಿಕೆಯಾಗಿರುವ ಹೊಟ್ಟೆ.. ಎಲ್ಲವೂ ಡಿಫರೆಂಟ್. ಅದೆಲ್ಲವನ್ನೂ ಸುದೀಪ್ ಏಕಾಏಕಿ ಸಾಧಿಸಿದ್ದಲ್ಲ. ಅದರ ಹಿಂದೆ ಸುದೀರ್ಘ ಶ್ರಮವಿದೆ.

`ವಿಲನ್ ಮಾಡುವಾಗ ಸ್ವಲ್ಪ ದಪ್ಪಗಾಗಿದೆ. ಓವರ್ ವೇಯ್ಟ್ ಎನ್ನಬಹುದು. ಆದರೆ, ಪೈಲ್ವಾನ್ ಒಪ್ಪಿಕೊಂಡಾಗ ದೈಹಿಕವಾಗಿ ಸಿದ್ಧವಾಗುವುದಕ್ಕಿಂತ ಮಾನಸಿಕವಾಗಿ ಸಿದ್ಧವಾಗಬೇಕು. ಪೈಲ್ವಾನ್‍ಗೆ ಮೊದಲು ಅನುಸರಿಸಿದ ಜಿಮ್, ಲೈಫ್‍ಸ್ಟೈಲ್ ಎಲ್ಲವೂ ಶಿಸ್ತುಬದ್ಧ. ಊಟದಲ್ಲಿ ಉಪ್ಪು, ಖಾರ ಇರಲಿಲ್ಲ. ಸ್ವೀಟ್ ಮುಟ್ಟುವಂತೆಯೇ ಇರಲಿಲ್ಲ. ಲಿಕ್ಕರ್ ದೂರ ದೂರ. ದಿನಕ್ಕೆ 5 ಹೊತ್ತು ಊಟ. ಆದರೆ, ಇಷ್ಟೇ ಗ್ರಾಂ ತಿನ್ನಬೇಕು ಎನ್ನುವ ಷರತ್ತು. ನಿದ್ದೆಯೂ ಅಷ್ಟೇ. ಟ್ರೈನರ್ ಹೇಳಿದ್ದಕ್ಕಿಂತ ನಿಮಿಷವೂ ಹೆಚ್ಚಾಗುವಂತಿಲ್ಲ. ಕಡಿಮೆಯೂ ಆಗುವಂತಿಲ್ಲ. ಹೀಗೆ ಅನುಸರಿಸಿದ ಶಿಸ್ತುಬದ್ಧ ಡಯಟ್ ಕೊಟ್ಟ ದೇಹ ಇದು' ಎನ್ನುತ್ತಾರೆ ಸುದೀಪ್.

ಪೈಲ್ವಾನ್ ಕನ್ನಡದ ಸಿನಿಮಾ ಎನ್ನುವುದಕ್ಕಿಂತ ಭಾರತೀಯ ಸಿನಿಮಾ ಎನ್ನುವ ಸುದೀಪ್, ಕೃಷ್ಣ ನಿರ್ದೇಶನದ ಈ ಚಿತ್ರದ ಮೇಲೆ ಭಾರಿ ಭರವಸೆ ಇಟ್ಟುಕೊಂಡಿದ್ದಾರೆ. ಇದೇ ವಾರ ರಿಲೀಸ್ ಆಗುತ್ತಿರುವ ಪೈಲ್ವಾನ್ ಹಬ್ಬದ ವಾತಾವರಣ ಸೃಷ್ಟಿಸಿದೆ.

ಅಂದಹಾಗೆ ಪೈಲ್ವಾನ್ ಶುರು ಮಾಡಿದಾಗ 89 ಕೆಜಿ ತೂಕವಿದ್ದ ಸುದೀಪ್, ತಮ್ಮ ದೇಹದ ತೂಕವನ್ನು 73 ಕೆಜಿಗೆ ಇಳಿಸಿಕೊಂಡರಂತೆ. ಅಂದ್ರೆ 16 ಕೆಜಿ ತೂಕ ಇಳಿಕೆ.

ಏನು ಮಾಡಲಿ ಹೊಡೀತು ಕಣ್ಣು.. ಎಂದು ಕಿಚ್ಚ ಹಾಡಿ ಕುಣಿಯುತ್ತಿದ್ದರೆ, ಕಣ್ಣು ಹೊಡೆಸಿಕೊಂಡ ಹುಡುಗಿ ಆಕಾಂಕ್ಷಾ ಸಿಂಗ್ ಕಣ್ಣು ಇರೋದೇ ಹೊಡೆಯೋಕೆ ಎಂಬಂತೆ ಹೆಜ್ಜೆ ಹಾಕಿದ್ದಾರೆ. ಇದು ಪೈಲ್ವಾನ್ ಚಿತ್ರದ ಐಟಂ ನಂಬರ್ ಪೆಪ್ಪಿ ನಂಬರ್ ಹಾಡು. ಮುಂಬೈನಲ್ಲಿ ಶೂಟಿಂಗ್ ಮುಗಿದಿದೆ.

ಬಾಲಿವುಡ್ ಸ್ಟಾರ್ ಕೊರಿಯೋಗ್ರಾಫರ್ ಗಣೇಶ್ ಆಚಾರ್ಯ, ಈ ಹಾಡಿಗೆ ನೃತ್ಯ ಸಂಯೋಜಿಸಿದ್ದಾರೆ. ಕೃಷ್ಣ ನಿರ್ದೇಶನದ ಸಿನಿಮಾದಲ್ಲಿ ಕುಸ್ತಿ ಮತ್ತು ಬಾಕ್ಸಿಂಗ್ ಎರಡೂ ಆಟದ ಕಥೆಯಿದೆ.

ಪೈಲ್ವಾನ್ ಚಿತ್ರದ ಕಣ್ಮಣಿಯೇ.. ಕಣ್ಣು ಹೊಡೆಯೇ.. ಹಾಡಿನ ಟೀಸರ್ ಹೊರಬಂದಿದೆ. ಇದು ಬಾಲಿವುಡ್ ಸ್ಟೈಲ್. ಬಾಲಿವುಡ್‍ನಲ್ಲಿ ಹಾಡಿನ ಲಿರಿಕಲ್ ವಿಡಿಯೋ ಬಿಟ್ಟ ನಂತರ ಹಾಡಿನ ಸಣ್ಣ ತುಣುಕಿನ ಟೀಸರ್ ಹೊರತರುತ್ತಾರೆ. ಅದೇ ಹೆಜ್ಜೆಯಲ್ಲಿ ಮುಂದುವರೆದಿದೆ ಪೈಲ್ವಾನ್ ಟೀಂ.

ಕಿಚ್ಚ ಸುದೀಪ್ ಇಲ್ಲಿ ಕಣ್ಣು ಹೊಡೆಯೋದು ಆಕಾಂಕ್ಷಾ ಸಿಂಗ್ ಅವರಿಗೆ. ಹಾಡಿನ ಮೇಕಿಂಗ್ ಅದ್ಧೂರಿಯಾಗಿದೆ ಅನ್ನೋದಕ್ಕೆ ಸಾಕ್ಷಿ ಟೀಸರ್. ಅರ್ಜುನ್ ಜನ್ಯಾ ಸಂಗೀತದಲ್ಲಿ ಸಂಚಿತ್ ಹೆಗ್ಡೆ ಹಾಡಿರುವ ಹಾಡು ಮಜಬೂತಾಗಿದೆ.

ಸ್ವಪ್ನಾ ಕೃಷ್ಣ ನಿರ್ಮಾಣದ ಪೈಲ್ವಾನ್‍ಗೆ ಕೃಷ್ಣ ನಿರ್ದೇಶಕ. ಕನ್ನಡ, ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂನಲ್ಲಿ ಏಕಕಾಲಕ್ಕೆ ರಿಲೀಸ್ ಆಗುತ್ತಿದೆ ಪೈಲ್ವಾನ್.

ಸಲ್ಮಾನ್ ಖಾನ್, ಬಾಲಿವುಡ್ ಸುಲ್ತಾನ್. ಜಗತ್ತಿನಾದ್ಯಂತ ಕೋಟಿ ಕೋಟಿ ಅಭಿಮಾನಿಗಳಿರೋ ಸಲ್ಮಾನ್, ಇದೇ ಮೊದಲ ಬಾರಿಗೆಕನ್ನಡ ಕಿರುತೆರೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಕಲರ್ಸ್ ವಾಹಿನಿಯ ಸೆನ್ಸೇಷನ್ ಬಿಗ್ ಬಾಸ್ ಶೋನಲ್ಲಿ ವಾರದ ಕಥೆ ಕಿಚ್ಚನಜೊತೆಯಲ್ಲಿ ಸಲ್ಮಾನ್ ಖಾನ್ ಈ ವಾರದ ಅತಿಥಿಯಾಗಿದ್ದರು. 

ಹಿಂದಿ ಬಿಗ್ ಬಾಸ್ ನಲ್ಲಿ ಬಳಸುವ ಕೆಲ ಪದಗಳನ್ನ ಕನ್ನಡದಲ್ಲಿ ಹೇಗೆ ಹೇಳುವಿರಿ ಎಂದು ಸುದೀಪ್ ಅವರಿಂದ ಕೇಳಿ ಅದನ್ನ ಪುನರ್ಉಚ್ಚರಿಸಿದರು ಮತ್ತು ಕನ್ನಡ ಇಷ್ಟು ಸುಲಭವಾಗಿ ಹೇಳಬಹುದು ಎಂದಾದರೆ ನಾನೇ ನಡೆಸಿಕೊಡುವೆ ಎಂದಾಗ ಸುದೀಪ್ ಕೂಡಲೆಸಂತೋಷದಿಂದ ಒಪ್ಪಿ ಆಹ್ವಾನಿಸಿದರು.

ಹಿಂದಿ ಬಿಗ್ ಬಾಸ್ ಶೋ ನಿರೂಪಕರೂ ಆಗಿರುವ ಸಲ್ಮಾನ್ ಖಾನ್ ಅವರ ದಬಾಂಗ್ 3 ಈ ಬಾರಿ ಕನ್ನಡದಲ್ಲಿ ಡಬ್ ಆಗಿ ಬರುತ್ತಿದೆ. ಇದೇ ಚಿತ್ರದಲ್ಲಿ ಕಿಚ್ಚ ಸುದೀಪ್ ಕೂಡಾ ನಟಿಸಿದ್ದಾರೆ. ದಬಾಂಗ್ 3 ಚಿತ್ರದ ಪ್ರಚಾರಕ್ಕಾಗಿ ಕರ್ನಾಟಕಕ್ಕೆ ಬಂದಿರುವ ಸಲ್ಮಾನ್, ಕನ್ನಡದಕಿರುತೆರೆಯ ಟಾಪ್ ಶೋ ಬಿಗ್ಬಾಸ್ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಸೆಪ್ಟೆಂಬರ್ 12ರಂದು ಕಿಚ್ಚ ಸುದೀಪ್ ಪೈಲ್ವಾನ್ ರಿಲೀಸ್ ಆಗುತ್ತಿದೆ. ಚಿತ್ರದ ಪ್ರಚಾರದಲ್ಲಿ ಫುಲ್ ಬ್ಯುಸಿಯಾಗಿರುವ ಸುದೀಪ್, ಹಿಂದಿ ಪೈಲ್ವಾನ್ ಪ್ರಚಾರಕ್ಕಾಗಿ ಮುಂಬೈನಲ್ಲಿದ್ದಾರೆ. ಹಿಂದಿಯ ಸೂಪರ್ ಹಿಟ್ ಶೋ ಕಪಿಲ್ ಶರ್ಮಾ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ.

ಕಪಿಲ್ ಶರ್ಮಾ ಶೋನಲ್ಲಿ ಸುದೀಪ್ ಭಾಗವಹಿಸುತ್ತಿರುವುದು ಇದು 2ನೇ ಸಲ. ಪತ್ನಿ ಪ್ರಿಯಾ ಮತ್ತು ಮಗಳು ಸಾನ್ವಿ ಜೊತೆ ಕಪಿಲ್ ಶೋನಲ್ಲಿ ಭಾಗಿಯಾಗಿ ಸಿನಿಮಾ ಪ್ರಚಾರ ಮಾಡಿದ್ದಾರೆ.

ಸುನಿಲ್ ಶೆಟ್ಟಿ, ಆಕಾಂಕ್ಷಾ ಸಿಂಗ್ ನಟಿಸಿರುವ ಚಿತ್ರಕ್ಕೆ ಕೃಷ್ಣ ನಿರ್ದೇಶಕರಾದರೆ, ಸ್ವಪ್ನಾ ಕೃಷ್ಣ ನಿರ್ಮಾಪಕಿ. 

ಪ್ರತಿಯೊಬ್ಬ ಸ್ಟಾರ್ ನಟನಿಗೂ ಒಂದಲ್ಲ ಒಂದು ಬಿರುದುಗಳಿದ್ದೇ ಇರುತ್ತವೆ. ಆ ಬಿರುದುಗಳನ್ನೆಲ್ಲ ಬದಿಗಿಟ್ಟು, ತಮ್ಮ ಚಿತ್ರದ ಪಾತ್ರದ ಹೆಸರಿನ ಮೂಲಕವೇ ಗುರುತಿಸಿಕೊಳ್ಳೋ ಅದೃಷ್ಟ ಎಲ್ಲರಿಗೂ ಇರೋದಿಲ್ಲ. ಸುದೀಪ್ ಅಂತಹ ಅದೃಷ್ಟವಂತ. ಅವರಿಗೆ ಅಭಿಮಾನಿಗಳು ಅಭಿನಯ ಚಕ್ರವರ್ತಿಯೆಂದರೂ, ಇಡೀ ಭಾರತೀಯ ಚಿತ್ರರಂಗ ಅವರನ್ನು ಗುರುತಿಸುವುದೇ ಕಿಚ್ಚ ಸುದೀಪ ಎಂದು. 

ಈಗ ಈ ಕಿಚ್ಚ ಸುದೀಪ್‍ಗೆ ಪೈಲ್ವಾನ್ ಟೀಂ ಹೊಸ ಬಿರುದನ್ನಿತ್ತಿದೆ. ಬಾದ್‍ಷಾ..! ಈ ಬಿರುದು ಕೊಟ್ಟೇ ಚಿತ್ರದ ಪೋಸ್ಟರ್ ರಿಲೀಸ್ ಮಾಡಿದೆ ಆರ್.ಆರ್.ಮೋಷನ್ ಪಿಕ್ಚರ್ಸ್. ಗರಡಿ ಮನೆಯ ಮಣ್ಣಿನಲ್ಲೇ ಮಿಂದೆದ್ದಂತಿರುವ ಸುದೀಪ್‍ರ ಲುಕ್ ಹಿಂದಿರೋದು ನಿರ್ದೇಶಕ ಕೃಷ್ಣ ಕೈಚಳಕ.

ಬಾಲಿವುಡ್‍ನಲ್ಲಿ ಬಾದ್‍ಷಾ ಎಂದು ಗುರುತಿಸಿಕೊಳ್ಳೋದು ಶಾರೂಕ್ ಖಾನ್. ಬಾದ್‍ಷಾ ಎಂದು ಕರೆಯಲ್ಪಡುತ್ತಿದ್ದ ದೊರೆ ದೆಹಲಿಯನ್ನಾಳಿದ ಅಕ್ಬರ್. ಈಗ ಪೈಲ್ವಾನ್ ಸುದೀಪ್, ಬಾದ್‍ಷಾ ಸುದೀಪ್ ಆಗಿದ್ದಾರೆ ಜಹಾಪನಾ..

ಕಿಚ್ಚ ಸುದೀಪ್, ಒಂದು ಲೆಕ್ಕಾಚಾರದಲ್ಲಿ  ಜಿಮ್ ದ್ವೇಷಿ ಎಂದರೂ ತಪ್ಪಲ್ಲ. ಫಿಟ್‍ನೆಸ್‍ಗೆ ಎಷ್ಟು ಬೇಕೋ ಅಷ್ಟು ವ್ಯಾಯಾಮ ಮಾಡಿದರೆ ಸಾಕು ಎನ್ನುತ್ತಿದ್ದ ಸುದೀಪ್, ಈಗ ಸಿಕ್ಸ್‍ಪ್ಯಾಕ್ ಬೆನ್ನು ಹತ್ತಿದ್ದಾರೆ. ಹಾಗಂತ ಸುದೀಪ್‍ರನ್ನು ಜಿಮ್‍ಗೆ ಹೋಗುವಂತೆ ಮಾಡಿದ್ದು ನಿರ್ದೇಶಕ ಕೃಷ್ಣ ಒಬ್ಬರೇ ಎಂದುಕೊಂಡರೆ ಅದು ತಪ್ಪಾದೀತು. ಪೈಲ್ವಾನ್ ಚಿತ್ರದ ಸ್ಕ್ರಿಪ್ಟ್‍ನ ಜೊತೆಯಲ್ಲೇ ಸುದೀಪ್‍ರನ್ನು ಜಿಮ್‍ಗೆ ಹೋಗುವಂತೆ ಪ್ರೇರೇಪಿಸಿದ ಇನ್ನೊಬ್ಬರು ವ್ಯಕ್ತಿಯೂ ಇದ್ದಾರೆ. 

ಸುದೀಪ್ ಅವರ ಪ್ರೀತಿಯ ಪತ್ನಿ ಪ್ರಿಯಾ ಅವರೇ ಸುದೀಪ್ ಅವರು ಜಿಮ್‍ಗೆ ಹೋಗುವಂತೆ ಮಾಡಿದವರು. ಇದನ್ನು ಸ್ವತಃ ಸುದೀಪ್ ಅವರೇ ಹೇಳಿಕೊಂಡಿರೋದು ವಿಶೇಷ. ತಮ್ಮ ಜಿಮ್ ಟ್ರೈನರ್ ಜೀತ್ ದೇವಯ್ಯ ಅವರನ್ನು ಅಭಿಮಾನಿಗಳಿಗೆ ಪರಿಚಯಿಸಿರುವ ಸುದೀಪ್, ತಮ್ಮನ್ನು ಜಿಮ್‍ಗೆ ಹೋಗುವಂತೆ ಮಾಡಲು ಪ್ರೇರೇಪಿಸಿದ ಪತ್ನಿ ಪ್ರಿಯಾಗೆ ಥ್ಯಾಂಕ್ಸ್ ಹೇಳಿದ್ದಾರೆ.

ತಮ್ಮ ಪರ್ಸನಲ್ ಟ್ರೈನರ್ ಜೀತ್ ದೇವಯ್ಯ ಅವರನ್ನು ಪರಿಚಯಿಸುತ್ತಲೇ, ಯಾಕೆ ಎಲ್ಲರೂ ತಮ್ಮ ತಮ್ಮ ಜಿಮ್ ಟ್ರೈನರ್‍ನ್ನು ಭೂತ, ದೆವ್ವಗಳಂತೆ ನೋಡುತ್ತಾರೆ ಅನ್ನೋದು ನನಗೂ ಸ್ವಲ್ಪ ಸ್ವಲ್ಪ ಅರ್ಥವಾಗುತ್ತಿದೆ ಎಂದಿದ್ದಾರೆ ಸುದೀಪ್.

ಅದಕ್ಕೆ ಜೀತ್ ದೇವಯ್ಯನವರು ಹೇಳಿರುವುದು ಇಷ್ಟು. ` ಒಳ್ಳೆಯ ವ್ಯಕ್ತಿತ್ವ ಇರುವ ಒಬ್ಬ ಜೆಂಟಲ್‍ಮ್ಯಾನ್ ಜೊತೆ ಕೆಲಸ ಮಾಡುತ್ತಿದ್ದೇನೆ. ನಿಧಾನವಾಗಿ ಕೆಲಸ ಶುರುವಾಗಿದೆ. ಗುರಿ ಮುಟ್ಟುತ್ತೇವೆ ಎಂಬ ನಂಬಿಕೆಯಿದೆ'.

ಕಿಚ್ಚ ಸುದೀಪ್ ಇದೇ ಮೊದಲ ಬಾರಿಗೆ ಪೈಲ್ವಾನ್ ಆಗಿ ನಟಿಸಿದ್ದಾರೆ. ಸಿನಿಮಾ ರಿಲೀಸ್ ಆಗಿದೆ. ಭರ್ಜರಿ ಹಿಟ್ ಆಗುವತ್ತ ದೊಡ್ಡ ಹೆಜ್ಜೆಯಿಟ್ಟಿದೆ. ಕನ್ನಡದಲ್ಲಿ ಕ್ರೀಡೆಯನ್ನೇ ಆಧರಿಸಿದ ಸಿನಿಮಾಗಳು ಅಪರೂಪದಲ್ಲಿ ಅಪರೂಪ. ಅದರಲ್ಲೂ ಕುಸ್ತಿ ಇದೆಯಲ್ಲ. ಈ ಆಟಕ್ಕೆ ಕೈ ಹಾಕಿದವರ ಸಂಖ್ಯೆ ಬಹಳ ಕಡಿಮೆ.

ಆದರೆ ಆಡು ಮುಟ್ಟದ ಸೊಪ್ಪಿಲ್ಲ.. ರಾಜ್ ಮಾಡದ ಪಾತ್ರವಿಲ್ಲ ಎಂಬ ಹಾಗೆ, ಪೈಲ್ವಾನನಾಗಿಯೂ ಕಂಗೊಳಿಸಿರುವ ಹಿರಿಮೆ ಅಣ್ಣಾವ್ರಿಗಿದೆ.

ಡಾ.ರಾಜ್ ಹಲವು ಚಿತ್ರಗಳಲ್ಲಿ ಕುಸ್ತಿ ಪಟುವಾಗಿ, ಜಟ್ಟಿಯಾಗಿ ನಟಿಸಿದ್ದಾರೆ. ಕನ್ನಡ ಚಿತ್ರರಂಗವನ್ನು ಕರ್ನಾಟಕಕ್ಕೆ ತರುವ ಸಲುವಾಗಿ ಅತಿ ದೊಡ್ಡ ಸಾಹಸಕ್ಕೆ ಕೈ ಹಾಕಿ ನಿರ್ಮಿಸಿದ್ದ ರಣಧೀರ ಕಂಠೀರವ ಚಿತ್ರದಲ್ಲಿಯೇ ಡಾ.ರಾಜ್ ಕುಸ್ತಿ ಮಾಡಿ ಗೆಲ್ಲುತ್ತಾರೆ. ಮಯೂರ ಚಿತ್ರದಲ್ಲಿ ರಾಜ್ ಎಂಟ್ರಿಯೇ ಕುಸ್ತಿ ಅಖಾಡದಲ್ಲಿ. ರಾಜ್ ಎದುರು ಲಂಗೋಟಿಯಲ್ಲಿ ಕುಸ್ತಿ ಆಡುವುದು ಟೈಗರ್ ಪ್ರಭಾಕರ್. ಶ್ರೀಕೃಷ್ಣದೇವರಾಯ ಚಿತ್ರದಲ್ಲೂ ಕುಸ್ತಿ ಪಟುವಾಗಿ ಗಮನ ಸೆಳೆಯುವ ರಾಜ್‍ಕುಮಾರ್ ಪೈಲ್ವಾನನಂತೆಯೇ ದೇಹದಾಢ್ರ್ಯ ಹೊಂದಿದ್ದರು. ಅದರಲ್ಲಿಯೂ ರಣಧೀರ ಕಂಠೀರವ ಚಿತ್ರದಲ್ಲಿ ರಾಜ್ ಅವರ ದೇಹ ಸೌಷ್ಟವ ಅದ್ಭುತವಾಗಿತ್ತು.

ಈಗ ಪೈಲ್ವಾನ್ ರೂಪದಲ್ಲಿ ಸುದೀಪ್ ಕುಸ್ತಿ ಪಟುವಾಗಿ, ಬಾಕ್ಸರ್ ಆಗಿ ಎಂಟ್ರಿ ಕೊಟ್ಟಿದ್ದಾರೆ. ಅಭಿಮಾನಿಗಳು ಅಣ್ಣಾವ್ರ ಆ ಕುಸ್ತಿ ಪಟ್ಟುಗಳನ್ನು ನೆನಪಿಸಿಕೊಂಡೇ ಕಿಚ್ಚನಿಗೆ ಜೈಜೈಜೈ ಎಂದಿದ್ದಾರೆ. ಪೈಲ್ವಾನ್ ಸೃಷ್ಟಿಕರ್ತ ಕೃಷ್ಣಗೆ ಮತ್ತೊಮ್ಮೆ ಗೆದ್ದ ಖುಷಿ. ಸ್ವಪ್ನಾ ಕೃಷ್ಣ ಅವರಿಗೆ ಮೊದಲ ಪ್ರಯತ್ನದಲ್ಲೇ ದಿಗ್ವಿಜಯ ಸಾಧಿಸಿದ ಸಂಭ್ರಮ.

ಯಾವಾಗ್ ಬರ್ತಾನ್ ಪೈಲ್ವಾನ್ ಎಂದು ವರ್ಷದಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ.. ಬಂದ ನೋಡೋ ಪೈಲ್ವಾನ್ ಎಂದು ಬಂದೇಬಿಟ್ರು ಕಿಚ್ಚ ಸುದೀಪ್. ಈಗ ಅದೇ ಅಭಿಮಾನಿಗಳು ಗೆದ್ದ ನೋಡೋ ಪೈಲ್ವಾನ್ ಎನ್ನುತ್ತಿದ್ದಾರೆ.

ಪೈಲ್ವಾನ್ ರಿಲೀಸ್ ಸಂಭ್ರಮ ಹೇಗಿದೆಯೆಂದರೆ, ಪೈಲ್ವಾನ್ ಕಟೌಟ್‍ಗೆ ಹಾಲಿನ ಅಭಿಷೇಕ ಮಾಡಿ ಹೂಮಳೆ ಸುರಿಸಿದ್ದಾರೆ. ಥಿಯೇಟರಿನಲ್ಲಿ ಕಿಚ್ಚನ ಎಂಟ್ರಿ ವೇಳೆ ಕರ್ಪೂರದಾರತಿ ಮಾಡಿ ಹಾರೈಸಿದ್ದಾರೆ. ಪೈಲ್ವಾನ್ ಚಿತ್ರದ ಪೋಸ್ಟರ್ ಎದುರು ಈಡುಗಾಯಿ ಹೊಡೆದಿದ್ದಾರೆ. ದೇವರಿಗೆ ಪೂಜೆ ಮಾಡಿಸಿ, ಪ್ರೇಕ್ಷಕರಿಗೆ ಪ್ರಸಾದ ಹಂಚಿದ್ದಾರೆ. ಸಿಹಿ ಹಂಚಿ ಸಂಭ್ರಮಿಸಿದ್ದಾರೆ. ಹೆಣ್ಣು ಮಕ್ಕಳಂತೂ ಜೊತೆ ಜೊತೆಯಾಗಿ ಯೂನಿಫಾರ್ಮಿನಲ್ಲಿ ಬಂದು ಕಿಚ್ಚನ ಸ್ಟೈಲಲ್ಲೇ ಪೋಸು ಕೊಟ್ಟು ಚಿತ್ರವನ್ನು ನೋಡಿ ಆನಂದಿಸಿದ್ದಾರೆ. ಕಿಚ್ಚ ಫುಲ್ ಹ್ಯಾಪಿ.

ಕಿಚ್ಚ ಸುದೀಪ್ ಪೈಲ್ವಾನ್ ಹಬ್ಬಕ್ಕೆ ಸಜ್ಜಾಗುತ್ತಿದ್ದಾರೆ. ಅಭಿಮಾನಿಗಳು ಈಗಾಗಲೇ ಬಾರೋ ಪೈಲ್ವಾನ್ ಎನ್ನುತ್ತಾ ಹಬ್ಬದ ತೋರಣ ಕಟ್ಟುತ್ತಿದ್ದಾರೆ. ಸಿನಿಮಾ ರಿಲೀಸ್ ಆಗುತ್ತಿರುವುದು ಸೆಪ್ಟೆಂಬರ್ 12ಕ್ಕೆ.

ಪೈಲ್ವಾನ್ ಹಬ್ಬದ ಹಿನ್ನೆಲೆಯಲ್ಲಿಯೇ ಪ್ರಚಾರ ಹಮ್ಮಿಕೊಂಡಿರುವ ಸುದೀಪ್, ಚಿತ್ರಲೋಕ ಡಾಟ್ ಕಾಮ್ ಮೂಲಕ ಅಭಿಮಾನಿಗಳ ಎದುರು ಒಂದು ಪ್ರಶ್ನೆ ಇಟ್ಟಿದ್ದಾರೆ.

ಎಲ್ಲ ನನ್ನ ಸ್ನೇಹಿತರೇ ಚೆನ್ನಾಗಿದ್ದೀರಾ..? ಚಿತ್ರಲೋಕದಲ್ಲಿ ಒಂದು ಪ್ರಶ್ನೆ ಕೇಳಿ ಎಂದು ವೀರೇಶ್ ಕೇಳಿದ್ರು. ಇದು ನನ್ನ ಪ್ರಶ್ನೆ. ಪೈಲ್ವಾನ್ ಸಿನಿಮಾನ ಯಾರು ಕೂಡಾ ಇನ್ನೂ ನೋಡಿಲ್ಲ. ಆದರೂ ಕೂಡಾ ಬಂದಿರುವಂತಹ ಚಿಕ್ಕ ಫೋಟೋ, ಮೋಷನ್ ಪೋಸ್ಟರ್, ಟೀಸರ್, ಸಾಂಗ್ ಬೈಟ್ಸ್.. ಇವುಗಳನ್ನೇ ನೋಡಿಕೊಂಡು.. ಅವುಗಳನ್ನೇ ಹೆಗಲ ಮೇಲೆ ಹೊತ್ತುಕೊಂಡು.. ಬೆಳೆಸಿ ಪ್ರೀತಿಸಿದ್ರಲ್ಲ.. ಯಾಕೆ..? ಉತ್ತರ ಕೊಡಿ. ಕಾಯ್ತಾ ಇರ್ತೀನಿ.

https://twitter.com/chitraloka/status/1170634507097034752?s=12

ಹೌದು.. ಯಾಕೆ.. ಸುದೀಪ್ ನಿಮಗೆ ಇಷ್ಟವಾಗೋದ್ಯಾಕೆ..? ಕನ್ನಡದ ನಂ.1 ಸಿನಿಮಾ ವೆಬ್ಸೈಟ್ ಚಿತ್ರಲೋಕ ಮೂಲಕ ಸುದೀಪ್ ಕೇಳುತ್ತಿರುವ ಈ ಪ್ರಶ್ನೆಗೆ ಉತ್ತರ ಕೊಡಿ.

ಕಿಚ್ಚ ಸುದೀಪ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಪೈಲ್ವಾನ್. ಕೃಷ್ಣ ನಿರ್ದೇಶನದ ಚಿತ್ರಕ್ಕೆ ಸುದೀಪ್ ತಮ್ಮ ದೇಹವನ್ನು ಹುರಿಗೊಳಿಸಿರುವುದೇ ಭರ್ಜರಿ ನಿರೀಕ್ಷೆ ಹುಟ್ಟುಹಾಕಿದೆ. ಇದುವರೆಗೆ ಚಿತ್ರದ ಫಸ್ಟ್ ಲುಕ್ ಬಿಟ್ಟರೆ ಬೇರೇನನ್ನೂ ಹೊರಬಿಡದೆ ಕುತೂಹಲ ಕಾಯ್ದಿಟ್ಟಿದೆ ಚಿತ್ರತಂಡ.

ಸುಮಾರು 40-50 ಕೋಟಿ ವೆಚ್ಚದಲ್ಲಿ ಅದ್ಧೂರಿಯಾಗಿ ತಯಾರಾಗುತ್ತಿರುವ ಪೈಲ್ವಾನ್ ಚಿತ್ರದ ಮೊದಲ ಟೀಸರ್ ಜನವರಿ 15ನೇ ತಾರೀಕು, 4 ಗಂಟೆ, 45 ನಿಮಿಷಕ್ಕೆ ಬಿಡುಗಡೆಯಾಗಲಿದೆ. ಅಭಿಮಾನಿಗಳೇ.. ಸಿದ್ಧರಾಗಿ.

ಕಿಚ್ಚ ಸುದೀಪ್ ಮತ್ತು ಸುನಿಲ್ ಶೆಟ್ಟಿ ಇಬ್ಬರಿಗೂ ಡ್ಯಾನ್ಸ್ ಎಂದರೆ ಅಷ್ಟಕ್ಕಷ್ಟೆ. ಅನಿವಾರ್ಯದ ಹೊರತಾಗಿ ಸ್ಟೆಪ್ಸ್ ಹಾಕಿದ್ದಿಲ್ಲ. ಈಗ ಅವರಿಬ್ಬರನ್ನೂ ಕುಣಿಸುತ್ತಿದ್ದಾರೆ ನಿರ್ದೇಶಕ ಕೃಷ್ಣ. ಪೈಲ್ವಾನ್ ಚಿತ್ರದ ಹಾಡಿನ ಶೂಟಿಂಗ್ ಶುರುವಾಗಿದ್ದು, ಸುನಿಲ್ ಶೆಟ್ಟಿ, ಟೀಂ ಸೇರಿಕೊಂಡಿದ್ದಾರೆ. ಹಾಡುಗಳ ಶೂಟಿಂಗ್ ನಡೆಯುತ್ತಿದೆ.

ಹೈದರಾಬಾದ್‍ನಲ್ಲಿ ಇದಕ್ಕಾಗಿಯೇ ದೊಡ್ಡ ಸೆಟ್ ಹಾಕಲಾಗಿದೆ. ಕುಸ್ತಿಯಲ್ಲಿ ಗೆದ್ದ ಬಳಿಕ ಸಂಭ್ರಮಿಸುವ ಹಾಡು ಇದಾಗಿದ್ದು, ಹಾಡಿಗೆ ಸಾಹಿತ್ಯ ಬರೆದಿದ್ದಾ ವಿ.ನಾಗೇಂದ್ರ ಪ್ರಸಾದ್.