ನನಗೆ ಇದು ಬಿಗ್ ಕಮರ್ಷಿಯಲ್ ಮೂವಿ. ಬಿಗ್ ಪ್ರೊಡ್ಯೂಸರ್.. ಬಿಗ್ ಬ್ಯಾನರ್.. ದಕ್ಷಿಣ ಭಾರತದ  ಬಿಗ್ ಬಿಗ್ ತಾರಾಗಣ.. ಕನ್ನಡ ಚಿತ್ರರಂಗದ ಬಿಗ್ ಸ್ಟಾರ್ ಜೊತೆ ಸಿನಿಮಾ.. ನನಗಿದು ಎಲ್ಲವೂ ಹೊಸ ಅನುಭವ.. ಹೀಗೆ ಹೇಳುತ್ತಲೇ ಥ್ರಿಲ್ ಆಗುತ್ತಾರೆ ಅಶಿಕಾ ರಂಗನಾಥ್.

ಮದಗಜ ಚಿತ್ರಕ್ಕೆ ತಮ್ಮ ಎಂಟ್ರಿಯ ಬಗ್ಗೆ ರಿಲೀಸ್ ಆಗುವ ಸಮಯದಲ್ಲೂ ವಿಶೇಷ ಪ್ರೀತಿ ಇಟ್ಟುಕೊಂಡಿದ್ದಾರೆ ಅಶಿಕಾ. ಕನ್ನಡದಲ್ಲಿ ಕಮರ್ಷಿಯಲ್ ಚಿತ್ರವೊಂದರಲ್ಲಿ ನಾಯಕಿಯ ಪರಿಚಯವನ್ನು ಅಷ್ಟು ದೊಡ್ಡ ಮಟ್ಟದಲ್ಲಿ ಮಾಡುವುದೇ ಅಪರೂಪ. ಆ ಅನುಭವ ಇಡೀ ತಂಡದ ಜೊತೆ ಕೆಲಸ ಮಾಡಲು ಉತ್ಸಾಹವನ್ನು ತುಂಬಿದ್ದು ಸುಳ್ಳಲ್ಲ ಎನ್ನುವ ಅಶಿಕಾಗೆ ಶ್ರೀಮುರಳಿ, ಜಗಪತಿ ಬಾಬು ಅವರಂತ ದೊಡ್ಡ ನಟರ ಎದುರು ನಟಿಸಿರುವ ಖುಷಿಯಿದೆ. ಡೈರೆಕ್ಟರ್ ಮಹೇಶ್ ಕೆಲಸ ಮಾಡಿಸಿಕೊಳ್ಳುವ ಶೈಲಿ ಇಷ್ಟವಾಗಿದೆ.

ರ್ಯಾಂಬೋ 2 ಮತ್ತು ಚುಟುಚುಟು ಹಾಡು ಹಿಟ್ ಆದ ಬಳಿಕ ನನಗಿನ್ನು ಡ್ಯಾನ್ಸಿಂಗ್ ಪಾತ್ರಗಳೇ ಸಿಗುತ್ತವೆ ಎಂದುಕೊಂಡಿದ್ದೆ. ಆದರೆ, ಮದಗಜ ಚಿತ್ರದ ಪಾತ್ರ ನನ್ನನ್ನು ಬೇರೆಯೇ ರೀತಿಯಲ್ಲಿ ಪರಿಚಯಿಸಿತು ಎನ್ನುವ ಅಶಿಕಾಗೆ ತಮ್ಮನ್ನು ಜನ ಹೇಗೆ ಸ್ವೀಕರಿಸುತ್ತಾರೆ ಎಂದು ತಿಳಿದುಕೊಳ್ಳೋ ಕುತೂಹಲವಂತೂ ಇದೆ.

ಚುಟುಚುಟು ಕಾಂಬಿನೇಷನ್ ಶರಣ್-ಅಶಿಕಾ ರಂಗನಾಥ್, ಸಿಂಪಲ್ ಸುನಿ, ಪುಷ್ಕರ್ ಮಲ್ಲಿಕಾರ್ಜುನಯ್ಯ ಕಾಂಬಿನೇಷನ್ನಿನ ಅವತಾರ ಪುರುಷ ಸಿನಿಮಾದ ಶೂಟಿಂಗ್ ಕೇರಳದ ಪಾಲಕ್ಕಾಡ್‍ನಲ್ಲಿ ನಡೆಯುತ್ತಿದೆ. ವಿಶೇಷವೆಂದರೆ, ಶೂಟಿಂಗ್ ನಡೀತಿರೋದು 300 ವರ್ಷ ಹಳೆಯ ಪುರಾತನ ಬಂಗಲೆಯಲ್ಲಿ. ಅದು ಬಂಗಲೆಯಷ್ಟೇ ಅಲ್ಲ, ಅಲ್ಲಿ ತುಂಬಾ ಕಟ್ಟುನಿಟ್ಟಾಗಿರಬೇಕು.

ಆ ಶೂಟಿಂಗ್ ಸ್ಪಾಟ್‍ನಲ್ಲಿ ಬಂಗಲೆ ಒಳಗೆ ಹೋಗುವವರು ಶೂ, ಚಪ್ಪಲಿ ಹಾಕಿಕೊಂಡು ಹೋಗುವಂತಿಲ್ಲ. ಮಾಂಸ ತಿನ್ನುವಂತಿಲ್ಲ. ಕೆಲವು ಸಂಪ್ರದಾಯಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು. ಏಕೆಂದರೆ, ಬಂಗಲೆಯ ಒಳಗೆ ಪುಟ್ಟದೊಂದು ದೇವಸ್ಥಾನವೂ ಇದೆ. ನಾವು ಅವುಗಳನ್ನೆಲ್ಲ ಶಿಸ್ತುಬದ್ಧವಾಗಿ ಪಾಲಿಸುತ್ತಲೇ ಶೂಟಿಂಗ್ ಮಾಡಿದ್ದೇವೆ ಎಂದಿದ್ದಾರೆ ಪುಷ್ಕರ್.

ಸಿಂಪಲ್ ಸುನಿ ಈ ಚಿತ್ರದಲ್ಲಿ ಶರಣ್‍ರನ್ನು ಜೂನಿಯರ್ ಆರ್ಟಿಸ್ಟ್ ಮಾಡಿದ್ದಾರೆ. ಚಿತ್ರ ವಿಚಿತ್ರ ವೇಷಗಳನ್ನು ತೊಡಿಸಿ ಅವತಾರ ಪುರುಷನನ್ನಾಗಿಸಿದ್ದಾರೆ. ಚಿತ್ರದಲ್ಲಿ ಬ್ಲಾಕ್ ಮ್ಯಾಜಿಕ್ ಕಥೆ ಇದೆಯಂತೆ. ಹಾಗಾದರೆ, ಇದು ಮಾಟಮಂತ್ರ ಚಿತ್ರವಾ..? ಹಾರರ್ ಚಿತ್ರವಾ..? ದೆವ್ವದ ಚಿತ್ರವಾ..? ಥ್ರಿಲ್ಲರ್ ಸಿನಿಮಾನಾ..? ವೇಯ್ಟ್ ಮಾಡಿ ನೋಡಿ.

ಶ್ರೀಮುರಳಿ, ಅಯೋಗ್ಯ ಮಹೇಶ್, ಉಮಾಪತಿ ಶ್ರೀನಿವಾಸ ಗೌಡ ಕಾಂಬಿನೇಷನ್ ಸಿನಿಮಾ ಮದಗಜ. ಇದೇ ಡಿಸೆಂಬರ್ 4ಕ್ಕೆ ರಿಲೀಸ್ ಆಗುತ್ತಿರೋ ಮದಗಜ, ಈಗಾಗಲೇ ಸೆನ್ಸೇಷನ್ ಸೃಷ್ಟಿಸಿದೆ. ಚಿತ್ರದ ಟ್ರೇಲರ್, ಮೇಕಿಂಗ್ ವ್ಹಾರೆವ್ಹಾ ಎನ್ನಿಸುವಂತಿದೆ. ಕನ್ನಡದಲ್ಲಷ್ಟೇ ಅಲ್ಲದೆ ತೆಲುಗಿನಲ್ಲೂ ಬರುತ್ತಿದೆ ಮದಗಜ. ಈಗ ರಿಲೀಸ್ ಆಗುವುದಕ್ಕೂ ಮೊದಲೇ ಮದಗಜ ಚಿತ್ರದ ಡಬ್ಬಿಂಗ್ ರೈಟ್ಸ್ ಭಾರಿ ಮೊತ್ತಕ್ಕೆ ಸೇಲ್ ಆಗಿವೆ ಎನ್ನುತ್ತಿವೆ ಮೂಲಗಳು.

ಉಗ್ರಂ ನಂತರ ಶ್ರೀಮುರಳಿಯ ಹಿಂದಿ ಡಬ್ಬಿಂಗ್ ಸಿನಿಮಾಗಳಿಗೆ ಭಾರಿ ಬೇಡಿಕೆ ಇದೆ. ಹೀಗಾಗಿ ಮದಗಜ ಚಿತ್ರವೂ ಭಾರಿ ಮೊತ್ತಕ್ಕೆ ಸೇಲ್ ಆಗಿದೆ. ಒಂದು ಮೂಲದ ಪ್ರಕಾರ ಹಿಂದಿಯ ಡಬ್ಬಿಂಗ್ ಹಕ್ಕುಗಳು ಸುಮಾರು 8 ಕೋಟಿಗೆ ಸೇಲ್ ಆಗಿದೆ. ಡಿಸೆಂಬರ್ 4ರಂದು ಕನ್ನಡ, ತಮಿಳು ಹಾಗೂ ತೆಲುಗಿನಲ್ಲಿ ಏಕಕಾಲಕ್ಕೆ ರಿಲೀಸ್ ಆಗುತ್ತಿರುವ ಮದಗಜ, ಸುಮಾರು 1500 ಸ್ಕ್ರೀನ್ಗಳಲ್ಲಿ ಪ್ರದರ್ಶನವಾಗಲಿದೆ.

ಮದಗಜ ಚಿತ್ರದ ಮೊದಲೆರಡು ಟೀಸರ್ ನೋಡಿದ್ದವರಿಗೆ ಇದೊಂದು ಭರ್ಜರಿ ಆ್ಯಕ್ಷನ್ ಸಿನಿಮಾ ಎನಿಸಿದ್ದರೆ ತಪ್ಪಲ್ಲ. ಅಷ್ಟರಮಟ್ಟಿಗೆ ಪವರ್ ಫುಲ್ ಡೈಲಾಗ್ಸ್.. ಶ್ರೀಮುರಳಿಯ ಬೆಂಕಿ ಕಣ್ಣುಗಳಿದ್ದವು. ಆದರೆ.. ಯುಗಾದಿಗೆ ಬಿಟ್ಟಿರೋ ಇನ್ನೊಂದು ಟೀಸರ್‍ನಲ್ಲಿ ಬೇರೆಯದದ್ದೇ ಲೋಕ ತೋರಿಸಿದ್ದಾರೆ ಅಯೋಗ್ಯ ಮಹೇಶ್.

ಯುಗಾದಿಯ ಮದಗಜ ಟೀಸರ್‍ನಲ್ಲಿ ಹೈಲೈಟ್ ಆಗಿರೋದು ಆಶಿಕಾ ರಂಗನಾಥ್. ಅಪ್ಪಟ ರೈತ ಮಗಳಾಗಿ ಕಾಣಿಸಿರೋ ಆಶಿಕಾ, ಶ್ರೀಮುರಳಿಯ ಜೊತೆ ಮುದ್ದಾಗಿ ಕಾಣಿಸಿಕೊಳ್ತಾರೆ. ಹಾಗಾದರೆ.. ಇಲ್ಲೊಂದು ಚೆಂದದ ಲವ್ ಸ್ಟೋರಿ ಇದೆಯಾ..?

ಉಮಾಪತಿ ನಿರ್ಮಾಣದ ಚಿತ್ರ ಒಂದು ಪಕ್ಕಾ ಕಮರ್ಷಿಯಲ್ ಸಿನಿಮಾ ಅನ್ನೋದರ ಸುಳಿವಂತೂ ಇದುವರೆಗಿನ ಟೀಸರ್‍ಗಳು ಕೊಟ್ಟಿವೆ. 

ಶ್ರೀಮುರಳಿಯ ದರ್ಶನಕ್ಕೆ ಸಮಯ ಸನ್ನಿಹಿತವಾಗುತ್ತಿದೆ. ಡಿಸೆಂಬರ್ನಲ್ಲಿ ತೆರೆಯ ಮೇಲೆ ಬರೋ ಮದಗಜ ಚಿತ್ರದ ಟ್ರೇಲರ್ ಹೊರಬಿದ್ದಿದೆ. ರಕ್ತ ದೇಹದೊಳಗಿದ್ದರೆ ಸಂಬಂಧ.. ಅದೇ ರಕ್ತ ಹೊರಗೆ ಹರಿದರೆ ಕ್ರೌರ್ಯ ಅನ್ನೋ ಡೈಲಾಗು.. ಶ್ರೀಮುರಳಿಯ ಕಂಚಿನ ಕಂಠದಲ್ಲಿ ಕಿವಿಗೆ ಅಪ್ಪಳಿಸುತ್ತೆ.

ಅಯೋಗ್ಯ ಖ್ಯಾತಿಯ ನಿರ್ದೇಶಕ ಮಹೇಶ್ ಕುಮಾರ್ ನಿರ್ದೇಶಿಸಿರೋ ಚಿತ್ರದಲ್ಲಿ ಶ್ರೀಮುರಳಿ ಎದುರು ವಿಲನ್ ಆಗಿ ಅಬ್ಬರಿಸೋಕೆ ಸಿದ್ಧವಾಗಿರೋದು ಜಗಪತಿ ಬಾಬು. ಲುಕ್ಕು ಖಡಕ್ಕಾಗಿದೆ. ನಾಯಕಿಯಾಗಿ ಅಶಿಕಾ ರಂಗನಾಥ್ ನಟಿಸಿದ್ದಾರೆ. ಌಕ್ಷನ್ ಸೀಕ್ವೆನ್ಸ್ ಭರ್ಜರಿಯಾಗಿವೆ ಅನ್ನೋ ಸುಳಿವು ಟ್ರೇಲರ್ನಲ್ಲೆ ಸಿಕ್ಕಿದೆ. ಉಮಾಪತಿ ಶ್ರೀನಿವಾಸ್ ಗೌಡ ನಿರ್ಮಾಣದ ಚಿತ್ರವಿದು. ಅದ್ಧೂರಿತನಕ್ಕೆ ಬರವಿಲ್ಲ. ರವಿ ಬಸ್ರೂರು ಬಿಜಿಎಂ ವ್ಹಾವ್ ಎನ್ನುವಂತಿದೆ.

ಮಾಟ, ಮಂತ್ರ, ತಂತ್ರಗಳ ಬಗ್ಗೆ ಒಂದಷ್ಟು ಜನ ಭಯ ಪಡುವುದು ಸತ್ಯವಾದರೂ, ಬಹಳಷ್ಟು ಜನ ಕೇರ್ ಮಾಡೋದಿಲ್ಲ. ಆದರೆ, ಅಂತಹ ಸಿನಿಮಾಗಳಿಗೆ ಒಂದಷ್ಟು ಖಾಯಂ ಪ್ರೇಕ್ಷಕರಿದ್ದೇ ಇರುತ್ತಾರೆ. ಅವತಾರ್ ಪುರುಷ ಇದೇ ಜಾನರ್‍ನ ಸಿನಿಮಾ.

ಶರಣ್, ಶ್ರೀನಗರ ಕಟ್ಟಿ, ಅಶಿಕಾ ರಂಗನಾಥ್, ಸುಧಾರಾಣಿ, ಸಾಯಿ ಕುಮಾರ್, ಭವ್ಯಾ ಮೊದಲಾದ ಘಟಾನುಘಟಿ ಕಲಾವಿದರೇ ನಟಿಸಿರುವ ಅವತಾರ್ ಪುರುಷ ಚಿತ್ರದ ಚಿತ್ರೀಕರಣಕ್ಕೆ ಕುಂಭಳಕಾಯಿ ಬಿದ್ದಿದೆ.

ವಿಶೇಷವೆಂದರೆ ಇದನ್ನು ವೆಬ್ ಸಿರೀಸ್‍ಗಾಗಿ ಮಾಡಲಾಗಿತ್ತಂತೆ. ಆದರೆ, ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ, ನಿರ್ದೇಶಕ ಸಿಂಪಲ್ ಸುನಿಯವರನ್ನು ಒಪ್ಪಿಸಿ ಸಿನಿಮಾ ಮಾಡಿದ್ದಾರೆ. ಅಂದಹಾಗೆ ಅವತಾರ್ ಪುರುಷ, 2 ಭಾಗಗಳಲ್ಲಿ ಬರಲಿದೆ.

ಅವತಾರ್ ಪುರುಷ ಭಾಗ 1ಕ್ಕೆ ಅಷ್ಟದಿಗ್ಬಂಧನ ಮಂಡಲಕ ಅನ್ನೋ ಟ್ಯಾಗ್‍ಲೈನ್ ಕೊಟ್ಟಿದ್ದರೆ, 2ನೇ ಭಾಗಕ್ಕೆ ತ್ರಿಶಂಕು ಅನ್ನೋ ಟೈಟಲ್ ಕೊಡಲಾಗಿದೆ. ಎರಡೂ ಭಾಗಗಳ ಚಿತ್ರೀಕರಣ ಮುಗಿಸಿದೆ ಅವತಾರ್ ಟೀಂ. ಎರಡೂ ಭಾಗಗಳನ್ನು ಒಟ್ಟಿಗೇ ತರುವ ಯೋಜನೆ ಚಿತ್ರತಂಡಕ್ಕಿದೆ.

ಹೀಗಾಗಿಯೇ ಚಿತ್ರದ ಬಗ್ಗೆ ಟ್ವೀಟ್ ಮಾಡಿರುವ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ, ಮಾಟ, ಮಂತ್ರ ಅಂದ್ರೆ ಯಾರ್ಗೂ ನಂಬಿಕೆ, ಭಯ ಇಲ್ಲ. ಅಲ್ವಾ..? ಗೆಟ್ ರೆಡಿ ಫಾರ್ ದಿ ಸ್ಕೇರಿ ಡ್ರೈವ್ ಎಂದು ಟ್ವೀಟ್ ಮಾಡಿದ್ದಾರೆ.

ಕಳೆದ ವಾರ ರಿಲೀಸ್ ಆದ ಮದಗಜ ಹಿಟ್ ಚಿತ್ರಗಳ ಲಿಸ್ಟಿಗೆ ಸೇರಿದ್ದಾಯ್ತು. ಶ್ರೀಮುರಳಿ, ಉಮಾಪತಿ ಶ್ರೀನಿವಾಸ ಗೌಡ ಮತ್ತು ಮಹೇಶ್ ಕುಮಾರ್.. ಮೂವರೂ ಮತ್ತೊಮ್ಮೆ ಗೆದ್ದಿದ್ದಾಯ್ತು. ಹಾಗೆ ಗೆದ್ದಾದ ಮೇಲೆ ಚಿತ್ರದ ನಾಯಕಿ ಅಶಿಕಾ ರಂಗನಾಥ್ ಒಂದು ಫೋಟೋ ಹೊರಬಿಟ್ಟಿದ್ದಾರೆ.

ಅಶಿಕಾ ಮಿಲ್ಕಿ ಬ್ಯೂಟಿ. ಹಾಲಿನ ಕೆನೆ ಮೈಬಣ್ಣದ ಹುಡುಗಿ. ಆದರೆ, ಈ ಫೋಟೋದಲ್ಲಿ ಅವರ ಬೆನ್ನು ಕೆಂಪು ಕೆಂಪಾಗಿ ಹೋಗಿದೆ. ಸನ್ ಬರ್ನ್ ಆಗಿರೋದು ಎದ್ದು ಕಾಣುತ್ತಿದೆ. ಇದೆಲ್ಲ ಮದಗಜ ಕೊಟ್ಟಿದ್ದಂತೆ.

ಚಿತ್ರದ ಪಲ್ಲವಿ ಪಾತ್ರದಲ್ಲಿ ನಟಿಸಿ ಗೆದ್ದ ಹಳ್ಳಿ ಹುಡುಗಿಯಾಗಿ ಮಿಂಚಿದ ಅಶಿಕಾ, ಆ ಪಾತ್ರಕ್ಕೆ ವಹಿಸಿದ್ದ ಶ್ರಮದ ಪ್ರತಿಫಲ ಇದು. ಚಿತ್ರದಲ್ಲಿ ರೈತ ಮಗಳಾಗಿ ಕಳೆ ಕೀಳುವ, ಟ್ರ್ಯಾಕ್ಟರ್ ಓಡಿಸುವ, ಗದ್ದೆ ಉಳುವ ಕೆಲಸಗಳನ್ನೆಲ್ಲ ಮಾಡಿದ್ದಾರೆ ಅಶಿಕಾ. ಅದೆಲ್ಲದರ ರಿಸಲ್ಟ್ ಇದು. ಆದರೆ.. ಅದಕ್ಕಾಗಿ ನನಗೆ ಖುಷಿಯಿದೆ ಎಂದು ಹೇಳಿಕೊಂಡಿದ್ದಾರೆ ಅಶಿಕಾ.

ಫೆ.19ರಿಂದ ಶುರುವಾಗುತ್ತಿರೋ ಕನ್ನಡದ ಸ್ಟಾರ್ ನಟರ ಚಿತ್ರಗಳ ಜಾತ್ರೆ ಕಂಟಿನ್ಯೂ ಆಗಲಿದೆ. ಸರಾಸರಿ ಪ್ರತಿ 15 ದಿನಕ್ಕೊಂದು ಸ್ಟಾರ್ ಸಿನಿಮಾ ಆಗುತ್ತಿದೆ. ಮೇ 14ಕ್ಕೆ ಭಜರಂಗಿ 2 ಇದ್ದು, ಅದಾದ ನಂತರ ಮೇ 28ಕ್ಕೆ ಶರಣ್ ಎಂಟ್ರಿ ಕೊಡುತ್ತಿದ್ದಾರೆ.

ಶರಣ್, ಅಶಿಕಾ ರಂಗನಾಥ್, ಶ್ರೀನಗರ ಕಿಟ್ಟಿ ನಟಿಸಿರುವ ಅವತಾರ ಪುರುಷ ಅಷ್ಟಮಂಡಲಕ ದಿಗ್ಬಂಧನ ಮೇ 28ಕ್ಕೆ ರಿಲೀಸ್ ಆಗುತ್ತಿದೆ. ಕಾಮಿಡಿ ಲವ್ ಸ್ಟೋರಿಗಳಿಗೆ ಫೇಮಸ್ ಆಗಿರೋ ಸಿಂಪಲ್ ಸುನಿ, ಈ ಬಾರಿ ಸಿಂಪಲ್ಲಾಗ್ ಒಂದಿಷ್ಟು ಹಾರರ್ ಮಿಕ್ಸ್ ಮಾಡಿದ್ದಾರೆ. ಅದೂ 2 ಭಾಗಗಳಲ್ಲಿ. ಅವತಾರ ಪುರುಷ ಚಿತ್ರದ ಭಾಗ 1 ಮೇ 28ಕ್ಕೆ ರಿಲೀಸ್ ಆದರೆ, 2ನೇ ಭಾಗ ಅದಾದ 2 ತಿಂಗಳ ನಂತರ ಥಿಯೇಟರ್‍ಗೆ ಬರಲಿದೆ.

ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣದಲ್ಲಿ ಸಿಂಪಲ್ ಸುನಿ ನಿರ್ದೇಶನ ಮತ್ತು ಶರಣ್ ನಟನೆ. ಎಲ್ಲವೂ ಹೊಚ್ಚ ಹೊಸ ಕಾಂಬಿನೇಷನ್ ಎನ್ನುವುದು ವಿಶೇಷ.

ಅಶಿಕಾ ರಂಗನಾಥ್, ಸ್ಯಾಂಡಲ್‍ವುಡ್‍ನ ಮೋಸ್ಟ್ ಡಿಮ್ಯಾಂಡಿಂಗ್ ಹೀರೋಯಿನ್. ಈಗಾಗಲೇ ಕೈತುಂಬಾ ಚಿತ್ರಗಳಿರುವ ಅಶಿಕಾ ರಂಗನಾಥ್, ಮತ್ತೊಂದು ಹೊಸ ಚಿತ್ರಕ್ಕೆ ಸೆಲೆಕ್ಟ್ ಆಗಿದ್ದಾರೆ. ಪಿ.ಸಿ.ಶೇಖರ್ ನಿರ್ದೇಶನದ ಹೊಸ ಗ್ಯಾಂಗ್‍ಸ್ಟರ್ ಚಿತ್ರಕ್ಕೆ ಅಶಿಕಾ ರಂಗನಾಥ್ ಹೀರೋಯಿನ್.

ಪ್ಲಾನ್ ಪ್ರಕಾರ ಆ ರೋಲ್‍ನಲ್ಲಿ ರಚಿತಾ ರಾಮ್ ನಟಿಸಬೇಕಿತ್ತು.  ಆದರೆ ಡೇಟ್ಸ್ ಸಮಸ್ಯೆಯಿಂದಾಗಿ ರಚಿತಾ ಹಿಂದೆ ಸರಿದಿದ್ದಾರೆ. ಅಶಿಕಾ, ರಚಿತಾ ರಾಮ್ ಜಾಗ ತುಂಬುತ್ತಿದ್ದಾರೆ.

ನನ್ನ ಚಿತ್ರಕ್ಕೆ ಕಣ್ಣಿನಲ್ಲೇ ಭಾವನೆಗಳನ್ನು ವ್ಯಕ್ತಪಡಿಸಬಲ್ಲ ನಾಯಕಿ ಬೇಕಿತ್ತು. ಅಶಿಕಾ ಆ ರೋಲ್‍ಗೆ ತುಂಬಾ ಚೆನ್ನಾಗಿ ಸೂಟ್ ಆಗುತ್ತಾರೆ. ರಚಿತಾ ರಾಮ್ ಕೂಡಾ ಸೂಟ್ ಆಗುತ್ತಿದ್ದರು. ಆದರೆ, ಡೇಟ್ಸ್ ಮ್ಯಾಚ್ ಆಗಲಿಲ್ಲ ಎನ್ನುವ ಶೇಖರ್, ಅಶಿಕಾ ಪಾತ್ರ ಸವಾಲಿನದ್ದು. ಆ ಪಾತ್ರಕ್ಕೆ ಹೆಚ್ಚು ಡೈಲಾಗ್‍ಗಳಿಲ್ಲ. ಮೌನದಲ್ಲೇ ಮಾತನಾಡಬೇಕು. ಕ್ಯಾರೆಕ್ಟರ್ ಗೊತ್ತಾದ ಮೇಲೂ ಅಶಿಕಾ ಕಾನ್ಫಿಡೆನ್ಸ್‍ನಲ್ಲಿದ್ದಾರೆ ಎನ್ನುತ್ತಾರೆ ಶೇಖರ್.

ರೆಮೋ. ಪವನ್ ಒಡೆಯರ್ ನಿರ್ದೇಶನದ ಮ್ಯೂಸಿಕಲ್ ಲವ್ ಸ್ಟೋರಿ. ಇಶಾನ್ ಮತ್ತು ಆಶಿಕಾ ರಂಗನಾಥ್ ಜೋಡಿದ ರೇಮೋ ನವೆಂಬರ್‍ನಲ್ಲಿ ರಿಲೀಸ್ ಆಗುತ್ತಿದೆ. ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರ ಹಲವು ದೇಶಗಳಲ್ಲಿ ಚಿತ್ರೀಕರಣವಾಗಿರುವ ಅದ್ಧೂರಿ ಲವ್ ಸ್ಟೋರಿ. ಸಂಗೀತದ ಜೊತೆ ಜೊತೆಯಲ್ಲೇ ಸಾಗುವ ಪ್ರೇಮಕಥೆ. ಚಿತ್ರದ ಹಾಡು ಈಗ ರಿಲೀಸ್ ಆಗಿದೆ.

ಹೋದರೆ ಹೋಗು..

ಯಾರಿಗೆ ಬೇಕು..

ಪ್ರೀತಿಗೆ ನಂದೊಂದು..

ಶ್ರದ್ಧಾಂಜಲಿ..

ಜಾರದು ಒಂದು..

ಕಂಬನಿ ಬಿಂದು..

ಎಂದಿಗೂ ನಿನಗಾಗಿ..

ಕಣ್ಣಂಚಲಿ..

ಹಾಡಿಗೆ ಪ್ರತಿ ಪದಕ್ಕೂ ಭಾವ ತುಂಬಿ ಹಾಡಿದ್ದಾರೆ ಶ್ರೇಯಾ ಘೋಷಲ್. ಪ್ರೀತಿಯನ್ನು ತೊರೆದು ಹೋದ ಪ್ರೇಮಿಗೆ ಇನ್ನೆಂದೂ ನಿನಗಾಗಿ ಕಾಯಲಾರೆ. ನಿನಗಾಗಿ ಕಣ್ಣೀರು ಹಾಕಲಾರೆ ಎಂದು ಪ್ರಿಯತಮೆ ಹಾಡುವ ಹಾಡು. ಅರ್ಜುನ್ ಜನ್ಯ ಮ್ಯೂಸಿಕ್ ಹಾಡಿಗೆ ತಕ್ಕಂತೆ ಮೆಲೋಡಿಯಾಗಿಯೇ ಇದೆ. ಕವಿರಾಜ್ ಪ್ರೀತಿಯನ್ನೆಲ್ಲ ಪೆನ್ನಿಗೆ ತುಂಬಿ ಅಕ್ಷರರೂಪಕ್ಕಿಳಿಸಿದ್ದಾರೆ. ಡೊಳ್ಳು ಚಿತ್ರದ ಮೂಲಕ ಅಂತಾರಾಷ್ಟ್ರೀಯ ಖ್ಯಾತಿ ಪಡೆದ, ರಾಷ್ಟ್ರ ಪ್ರಶಸ್ತಿಯನ್ನೂ ಗೆದ್ದ ಪವನ್ ಒಡೆಯರ್ ಚಿತ್ರವಿದು. ನವೆಂಬರ್ 25ಕ್ಕೆ ರಿಲೀಸ್.

ರೆಮೋ. ಪವನ್ ಒಡೆಯರ್ ನಿರ್ದೇಶನದ ಸಿನಿಮಾ. ಕನ್ನಡ ಚಿತ್ರರಂಗದ ಎರಡು ನಕ್ಷತ್ರಗಳನ್ನು ಒಟ್ಟಾಗಿ ಸೇರಿಸಿ ವಿಲನ್ ಚಿತ್ರ ನಿರ್ಮಿಸಿದ್ದ ಸಿ.ಆರ್.ಮನೋಹರ್, ರೆಮೋ ಚಿತ್ರಕ್ಕೆ ನಿರ್ಮಾಪಕ. ನಾಯಕರಾಗಿರೋದು ಅವರ ಸಹೋದರ  ಇಶಾನ್. ನಾಯಕಿ ಅಶಿಕಾ ರಂಗನಾಥ್. ಈ ಚಿತ್ರದ ಟೀಸರ್ ಲಾಂಚಿಂಗ್‍ಗೆ ಮುಹೂರ್ತ ಫಿಕ್ಸ್ ಆಗಿದೆ. ನ.25ರಂದು ನಡೆಯುತ್ತಿರೋ ಟೀಸರ್ ಲಾಂಚ್ ಕಾರ್ಯಕ್ರಮಕ್ಕೆ ಇಡೀ ಚಿತ್ರರಂಗ ಒಂದಾಗುತ್ತಿರೋದು ಸಂಚಲನವನ್ನೇ ಸೃಷ್ಟಿಸಿದೆ.

ಏಕೆಂದರೆ ಟೀಸರ್ ಲಾಂಚ್‍ಗೆ ಕನ್ನಡ ಚಿತ್ರರಂಗದ ಸ್ಟಾರ್ ನಿರ್ಮಾಪಕ, ನಿರ್ದೇಶಕರೆಲ್ಲ ಒಂದೇ ವೇದಿಕೆಯಲ್ಲಿ ಸೇರುತ್ತಿದ್ದಾರೆ. ಪವನ್ ಒಡೆಯರ್ ಅವರೊಂದಿಗೆ ಯೋಗರಾಜ್ ಭಟ್, ಎ.ಹರ್ಷ, ಚೇತನ್ ಕುಮಾರ್, ಜೋಗಿ ಪ್ರೇಮ್, ತರುಣ್ ಸುಧೀರ್, ಎ.ಪಿ. ಅರ್ಜುನ್. ನಿರ್ಮಾಪಕರಾಗಿ ಕಾರ್ತಿಕ್ ಗೌಡ, ಜಯಣ್ಣ-ಭೋಗೇಂದ್ರ, ಕೆ.ಪಿ.ಶ್ರೀಕಾಂತ್, ಕೆ.ಮಂಜು  ವೇದಿಕೆಯಲ್ಲಿರುತ್ತಾರೆ. ಒಂದು ಸಿನಿಮಾ ಕಾರ್ಯಕ್ರಮಕ್ಕೆ ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ನಿರ್ಮಾಪಕರು, ನಿರ್ದೇಶಕರು ಒಟ್ಟಿಗೇ ಸೇರುತ್ತಿರುವುದು ಇದೇ ಮೊದಲು.

ರೇಮೋ. ಈ ಚಿತ್ರದಲ್ಲಿ ಇಶಾನ್ ರಾಕ್ ಸ್ಟಾರ್. ಒಬ್ಬ ಸಾಮಾನ್ಯ ಹುಡುಗ ರಾಕ್ ಸ್ಟಾರ್ ಆಗುವುದೇ ಒಂದು ಮ್ಯಾಜಿಕ್. ನಿರ್ದೇಶಕ ಪವನ್ ಅವರು ಈ ಪಾತ್ರಕ್ಕೆ ಯಾವುದೇ ರೆಫರೆನ್ಸ್ ಇಟ್ಟುಕೊಳ್ಳಬೇಡಿ. ನಾವು ಮಾಡಿದ್ದೇ ಸ್ಟೈಲ್ ಆಗಬೇಕು. ಯಾರನ್ನೂ ಅನುಕರಿಸಬೇಡಿ ಎಂದು ಹೇಳಿದ್ದರು. ಆದರೂ ನಾನು ಇಂಡಿಯನ್ ರಾಕ್ ಸ್ಟಾರ್ಸ್ ಸಿನಿಮಾ ನೋಡಿದೆ. ಆದರೆ ಖಂಡಿತವಾಗಿ ಯಾರನ್ನೂ ಅನುಕರಣೆ ಮಾಡಿಲ್ಲ ಎನ್ನುತ್ತಾರೆ ಇಶಾನ್.

ಶೂಟಿಂಗ್ ಶುರುವಾದ ಕೆಲವು ದಿನಗಳ ನಂತರ ಪವನ್ ಒಡೆಯರ್ ನನಗೆ ರಾಕ್ ಸ್ಟಾರ್ ಸಿಕ್ಕಾಯ್ತು ಎಂದಿದ್ದರು. ಡೈರೆಕ್ಟರ್ ಎದುರು ನಾನು ಗೆದ್ದಿದ್ದೆ. ಚಿತ್ರದ ಸ್ಕ್ರಿಪ್ಟ್ ಹಂತದಲ್ಲಿ ಜೊತೆಯಲ್ಲೇ ಇದ್ದೆ. ಹೀಗಾಗಿ ಪಾತ್ರ ಅರ್ಥ ಮಾಡಿಕೊಳ್ಳೋದು ನನಗೆ ಕಷ್ಟ ಆಗಲಿಲ್ಲ ಎಂದಿದ್ದಾರೆ ಇಶಾನ್. ಡೈರೆಕ್ಟರ್ ಹೇಳಿ ಆಕ್ಟಿಂಗ್ ಮಾಡಿಸುತ್ತಾರೆ. ಆದರೆ ನಟಿಸೋದು ನಾವೇ ಅಲ್ಲವೇ. ಪಾತ್ರದ ಮ್ಯಾನರಿಸಂ, ಎಮೋಷನ್, ಎನರ್ಜಿ ಎಲ್ಲವನ್ನೂ ಕೊಡಬೇಕಾದವರು ನಾವೇ. ಅದು ನಿರ್ದೇಶಕರಿಗೆ ಮೊದಲು ಇಷ್ಟವಾಗಬೇಕು. ನಂತರ ಪ್ರೇಕ್ಷಕರಿಗೆ ಇಷ್ಟವಾಗಬೇಕು ನನಗಂತೂ ಈ ಸಿನಿಮಾ ಟರ್ನಿಂಗ್ ಪಾಯಿಂಟ್ ಆಗುತ್ತೆ ಅನ್ನೋ ನಂಬಿಕೆ ಇದೆ ಎನ್ನುವ ವಿಶ್ವಾಸ ಇಶಾನ್ ಮಾತುಗಳಲ್ಲಿದೆ. ಪವನ್ ಒಡೆಯರ್  ನಿರ್ದೇಶನದ ರೇಮೋನಲ್ಲಿ ಇಶಾನ್ಗೆ ಆಶಿಕಾ ರಂಗನಾಥ್ ನಾಯಕಿ. ಸಿ.ಆರ್.ಮನೋಹರ್ ನಿರ್ಮಾಣದ ರೇಮೋ ಈಗ ಥಿಯೇಟರಲ್ಲಿದೆ.

ಅವನ ಹೆಸರು ರೇವಂತ್.. ಅವಳ ಹೆಸರು ಮೋಹನಾ.. ಅವರಿಬ್ಬರ ಹೆಸರಿನ ಮೊದಲ ಅಕ್ಷರ ಸೇರಿದರೆ ರೇಮೋ.. ಅಷ್ಟೇ ಅಲ್ಲ.. ನಾಯಕ ವಿಚಿತ್ರ ಸ್ವಭಾವದವನು. ಅದಕ್ಕೆ ತಕ್ಕಂತೆ ಅವನ ಹೆಸರು ರೇಮೋ..

ನಿಮಗೆ ಅನ್ನಿಯನ್ ಚಿತ್ರದ ಕ್ಯಾರೆಕ್ಟರ್ ನೆನಪಾಗಿದ್ದರೆ, ಆಶ್ಚರ್ಯವಿಲ್ಲ. ಅಲ್ಲಿ ವಿಕ್ರಂ ಅವತಾರದ ಮಾಡ್ ಪಾತ್ರದ ಹೆಸರು ರೇಮೋ.. 

ಇಷ್ಟೆಲ್ಲ ಇರೋ ಈ ಚಿತ್ರ ಈಗ ಶುರುವಾಗಿಯೇ ಬಿಟ್ಟಿದೆ. ರೋಗ್ ಮೂಲಕ ಗಮನ ಸೆಳೆದಿದ್ದ ನಟ ಇಶಾನ್, ಚುಟುಚುಟು ಚೆಲುವು ಅಶಿಕಾ ರಂಗನಾಥ್ ನಟಿಸುತ್ತಿರುವ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿರುವುದು ನಿರ್ದೇಶಕ ಪವನ್ ಒಡೆಯರ್.

ವಿಲನ್ ನಂತರ ಸಿ.ಆರ್. ಮನೋಹರ್ ನಿರ್ಮಿಸುತ್ತಿರುವ ಚಿತ್ರಿವಿದು. ಇಶಾನ್, ಮನೋಹರ್ ಫ್ಯಾಮಿಲಿ ಹುಡುಗ. ಚಿತ್ರದ ಮುಹೂರ್ತಕ್ಕೆ ಶಿವರಾಜ್‍ಕುಮಾರ್ ಮತ್ತು ಗೀತಾ ಆಗಮಿಸಿ ಶುಭ ಕೋರಿದರು.

ಪವನ್ ಒಡೆಯರ್ ಮತ್ತು ಇಶಾನ್ ಕಾಂಬಿನೇಶನ್ ನಲ್ಲಿ ಬರ್ತಿರುವ ರೆಮೋ ಸೌಂಡ್ ಸಿಕ್ಕಾಪಟ್ಟೆ ಜೋರಾಗಿದೆ. ನವೆಂಬರ್ 25ರಂದು ರಾಜ್ಯಾದ್ಯಂತ ತೆರೆ ಕಾಣುತ್ತಿದೆ. ಸಿನಿಮಾ ಬಿಡುಗಡೆಗೂ ಮುನ್ನವೇ ನಾಯಕ ನಟ ಇಶಾನ್ ಗೆ ಸ್ಟಾರ್ ನಿರ್ದೇಶಕರಿಂದ ಆಫರ್ ಮೇಲೆ ಆಫರ್ ಬರ್ತಿರುವುದು ವಿಶೇಷ. ಹ್ಯಾಂಡ್ಸಮ್ ಹಂಕ್ ಇಶಾನ್ ನಟಿಸಿರುವ ರೆಮೋ ಹಾಡು, ಟೀಸರ್, ಟ್ರೇಲರ್ ಎಲ್ಲವನ್ನು ಪ್ರೇಕ್ಷಕರು ಮೆಚ್ಚಿಕೊಂಡಿದ್ದಾರೆ. ಆದ್ರೆ ಅದಕ್ಕೂ ಮಿಗಿಲಾಗಿ ನಾಯಕ ನಟ ಇಶಾನ್ ನಟನೆ, ಲುಕ್, ಪರ್ಸನಾಲಿಟಿ, ಸ್ಕ್ರೀನ್ ಅಪಿಯರೆನ್ಸ್ ಎಲ್ಲ ಪ್ರೇಕ್ಷಕರು ಹಾಗೂ ಸ್ಟಾರ್ ನಿರ್ದೇಶಕರನ್ನು ಇಂಪ್ರೆಸ್ ಮಾಡಿದೆ.

ಜೇಮ್ಸ್ ಖ್ಯಾತಿಯ ಚೇತನ್ ಕುಮಾರ್ ಇಶಾನ್ ಜೊತೆ ಈಗಾಗಲೇ ಹೊಸ ಸಿನಿಮಾ ಘೋಷಿಸಿದ್ದಾರೆ. ಭಜರಂಗಿ ಖ್ಯಾತಿಯ ಎ ಹರ್ಷ, ರ್ಯಾಂಬೋ ಖ್ಯಾತಿಯ ಅನಿಲ್ ಹಾಗೂ ಯುವ ರಾಜ್ ಕುಮಾರ್ ಮೊದಲಸಿನಿಮಾ ಘೋಷಿಸಿದ್ದ ಪುನೀತ್ ರುದ್ರನಾಗ್ ಇಶಾನ್ ಜೊತೆ ಸಿನಿಮಾ ಮಾಡಲು ರೆಡಿಯಾಗಿದ್ದಾರೆ. ಈ ಬಗ್ಗೆ ನಾಯಕ ಇಶಾನ್ ಜೊತೆ ಒಂದು ಸುತ್ತಿನ ಮಾತುಕತೆಯನ್ನು ನಡೆಸಿದ್ದಾರಂತೆ.  ರೆಮೋ ಬಿಡುಗಡೆಯ ಮುನ್ನವೇ ಇಷ್ಟೊಂದು ನಿರ್ದೇಶಕರನ್ನು ಇಂಪ್ರೆಸ್ ಮಾಡಿರುವ ಇಶಾನ್, ಭರವಸೆಯ ನಾಯಕ ನಟನಾಗಿ ಹೊರಹೊಮ್ಮೋ ಸೂಚನೆ ಕೊಟ್ಟಿದ್ದಾರೆ.

ಪವನ್ಒಡೆಯರ್ನಿರ್ದೇಶನದ ಮ್ಯೂಸಿಕಲ್ ಲವ್ ಸ್ಟೋರಿಯಲ್ಲಿ ಇಶಾನ್ ಹೀರೋ. ಆಶಿಕಾ ರಂಗನಾಥ್ ನಾಯಕಿ. ಸಿ ಆರ್ಮನೋಹರ್ ನಿರ್ಮಾಣದ ಈ ಚಿತ್ರದಲ್ಲಿ ಬಹುಭಾಷಾ ನಟ ಶರತ್ಕುಮಾರ್, ರಾಜೇಶ್ನಟರಂಗ, ಮಧು ಶಾ ನಟಿಸಿದ್ದಾರೆ. ಅರ್ಜುನ್ಜನ್ಯಾ ಸಂಗೀತವಿದೆ.

ರೇವಂತ್ ದೇಶಪಾಂಡೆ. ಆಸೆ, ಆಕಾಂಕ್ಷೆ, ಚಟಗಳೇ ತುಂಬಿಕೊಂಡಿರೋ ಕೋಟ್ಯಧಿಪತಿಯ ಮಗ. ಮ್ಯೂಸಿಕ್ ಜಗತ್ತಿನಲ್ಲಿ ವಿಹರಿಸೋ ಈತನಿಗೆ ಅಪ್ಪ ಅಂದ್ರೇನೇ ಆಗಲ್ಲ. ಆತನ ಭಾವನೆಗಳಿಗೆ ತದ್ವಿರುದ್ಧವಾಗಿ ಹುಡುಗಿ ಮೋಹನ. ಸಂಪ್ರದಾಯಸ್ಥರ ಮನೆಯ ಶಾಸ್ತ್ರೀಯ ಸಂಗೀತ ಕಲಿತ ಹುಡುಗಿ. ಇಬ್ಬರಿಗೂ ಪ್ರೀತಿಯಾಗುತ್ತೆ. ಮೋಹವಾಗುತ್ತೆ. ಅನುಮಾನ ಮೂಡುತ್ತೆ. ಪ್ರೀತಿ ದ್ವೇಷವಾಗುತ್ತೆ. ರಾಕ್ ಸ್ಟಾರ್ ಮ್ಯೂಸಿಕ್ ಕಿವಿಯಲ್ಲಿ ಗುಂಯ್ ಅಂತಿರುತ್ತೆ. ಹಾಡುಗಳು ರೋಮಾಂಚಕ.. ಮನಮೋಹಕ.. ಕಣ್ಣು ತಂಪು ತಂಪು ಕೂಲ್ ಕೂಲ್. ಪವನ್ ಒಡೆಯರ್ ಮತ್ತೊಂದು ಪ್ರೇಮಕಥೆಯಲ್ಲಿ ಗೆದ್ದಿರೋದು ಸಾಬೀತಾಗುತ್ತೆ.

ಇಶಾನ್ ಸಖತ್ ಕಾನ್ಫಿಡೆನ್ಸ್‍ನಲ್ಲಿ ನಟಿಸಿದ್ದಾರೆ. ಆಶಿಕಾ ಮುದ್ದು ಮುದ್ದು ಚುಟುಚುಟು. ಇವರಿಬ್ಬರ ಲವ್ ಸ್ಟೋರಿಯಷ್ಟೇ ಅಲ್ಲ, ತಂದೆ ತಾಯಂದಿರ ವಾತ್ಸಲ್ಯದ ಕಥೆಯೂ ಚಿತ್ರದಲ್ಲಿದೆ. ನೋಡುಗರ ಕಣ್ಣನ್ನು ಪವನ್ ಒಡೆಯರ್ ಒದ್ದೆ ಮಾಡಿಸುತ್ತಾರೆ. ಎಲ್ಲ ಮೆಲೋಡ್ರಾಮಗಳ ನಡುವೆ ರಿಯಾಲಿಟಿಗೂ ಹತ್ತಿರದಲ್ಲಿರೋ ಸಿನಿಮಾ ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಅದರಲ್ಲೂ ಯುವ ಪ್ರೇಕ್ಷಕರನ್ನು ಸೆಳೆಯುತ್ತಿದೆ. ಅಂದಹಾಗೆ ಚಿತ್ರದ ಇನ್ನೊಬ್ಬ ಹೀರೋ ಅರ್ಜುನ್ ಜನ್ಯ. ಹಾಡುಗಳು ಮೋಡಿ ಮಾಡುತ್ತವೆ. ಸಿ.ಆರ್.ಮನೋಹರ್ ಅವರ ಕನಸಿಗೆ ಪವನ್ ಒಡೆಯರ್, ಅರ್ಜುನ್ ಜನ್ಯ, ಇಶಾನ್ ಹಾಗೂ ಆಶಿಕಾ ಜೀವ ತಂದುಕೊಟ್ಟಿದ್ದಾರೆ.

Rambo 2 ರಿಲೀಸ್ ಆದ ದಿನದಿಂದಲೂ ಬಾಕ್ಸಾಫೀಸ್‍ನಲ್ಲಿ ಚುಟುಚುಟು ಅಂತಾನೇ ಇದೆ. ಚುಮುಚುಮು ಮ್ಯಾಜಿಕ್ ಮಾಡಿರುವ ಸಿನಿಮಾ, 25 ದಿನ ಪೂರೈಸಿ 50ನೇ ದಿನಕ್ಕೆ ಮುನ್ನುಗ್ಗುತ್ತಿದೆ. ಇದು ಶರಣ್ ವೃತ್ತಿಜೀವನದಲ್ಲೇ ಅತಿದೊಡ್ಡ ಹಿಟ್ ಎನ್ನಲಾಗುತ್ತಿದೆ. ಸದ್ಯಕ್ಕೆ Rambo 2 ಹೋಗುತ್ತಿರುವ ಸ್ಪೀಡ್ ನೋಡಿದರೆ, 60ಕ್ಕೂ ಹೆಚ್ಚು ಕೇಂದ್ರಗಳಲ್ಲಿ 50 ದಿನ ಪೂರೈಸುವ ಸೂಚನೆ ಇದೆ.

ಸದ್ಯಕ್ಕೆ Rambo 2, 12 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆಯಂತೆ. ತಂತ್ರಜ್ಞರೇ ಬಂಡವಾಳ ಹೂಡಿ ನಿರ್ಮಿಸಿದ್ದ ಸಿನಿಮಾ ಇದಾಗಿತ್ತು. ನಾಯಕ ಶರಣ್, ಅಟ್ಲಾಂಟಾ ನಾಗೇಂದ್ರ, ತರುಣ್ ಸುಧೀರ್, ಅರ್ಜುನ್ ಜನ್ಯಾ, ಚಿಕ್ಕಣ್ಣ ಸೇರಿದಂತೆ.. ಎಲ್ಲರೂ ನಿರ್ಮಾಪಕರಾಗಿದ್ದರು. ಈಗ ಪ್ರತಿಯೊಬ್ಬ ನಿರ್ಮಾಪಕರ ಮೊಗದಲ್ಲೂ ನಗು.. ಚುಟುಚುಟು ಅನ್ನೋಕೆ ಶುರುವಾಗಿದೆ.

ಅಶಿಕಾ ರಂಗನಾಥ್ ಎಂದರೆ ಚುಟು ಚುಟು ಫೇಮ್ ಸುಂದರಿ ಎಂದು ಪ್ರತ್ಯೇಕವಾಗಿ ಹೇಳಬೇಕಿಲ್ಲ. ಈ ಚುಟು ಚುಟು ಸುಂದರಿ ಬಬ್ಲಿ ಬಬ್ಲಿ ಪಾತ್ರಗಳಲ್ಲಿ ಮಿಂಚಿದ್ದೇ ಹೆಚ್ಚು. ಮದಗಜದಲ್ಲಿ ಟ್ರೆಡಿಷನಲ್ ಸುಂದರಿಯಾಗಿಯೂ ವ್ಹಾವ್ ಎನಿಸಿದ್ದ ಚೆಲುವೆಯನ್ನು ದೇವಕನ್ನಿಕೆ ಮಾಡಲು ಹೊರಟಿದ್ದಾರೆ ಸಿಂಪಲ್ ಸುನಿ.

ಸಿಂಪಲ್ ಸುನಿ ನಿರ್ದೇಶನದ ಹೊಸ ಸಿನಿಮಾ ಗತವೈಭವ ಚಿತ್ರದಲ್ಲಿ ಅಶಿಕಾ ರಂಗನಾಥ್ ದೇವಕನ್ನಿಕೆಯ ಪಾತ್ರ ಮಾಡುತ್ತಿದ್ದಾರೆ. ನನ್ನ ಚಿತ್ರದ ಕಥೆ ಮತ್ತು ಪಾತ್ರಕ್ಕೆ ಅಪ್ಪಟ ಕನ್ನಡದ ಹುಡುಗಿ ಬೇಕಿತ್ತು. ಅಶಿಕಾ ಸೂಟ್ ಆಗುತ್ತಾರೆ. ಜೊತೆಗೆ ಚಿತ್ರದ ಹೀರೋ ದುಶ್ಯಂತ್. ಹೊಸಬರು. ಹೀಗಾಗಿ ಗುರುತಿಸಿಕೊಂಡಿರುವ ನಟಿಯೇ ಬೇಕಿತ್ತು. ಅಶಿಕಾ ರಂಗನಾಥ್ ಅವರಿಗೆ ದೇವಕನ್ನಿಕೆಯ ಪಾತ್ರಕ್ಕೆ ಸೂಟ್ ಆಗಬಲ್ಲ ಸೌಂದರ್ಯ ಮತ್ತು ಪ್ರತಿಭೆ ಎರಡೂ ಇದೆ ಎಂದಿದ್ದಾರೆ ಸುನಿ. ಸುನಿ ಜೊತೆ ಇದು ಅಶಿಕಾ ಅವರಿಗೆ 3ನೇ ಸಿನಿಮಾ. ಅವತಾರ ಪುರುಷ ಭಾಗ 1 ಮತ್ತು ಭಾಗ 2ರಲ್ಲಿ ಈಗಾಗಲೇ ಸುನಿ ಜೊತೆ ಕೆಲಸ ಮಾಡಿದ್ದಾರೆ. ದೇವಕನ್ನಿಕೆಯ ಲುಕ್ ಈ ದಿನ ಬಿಡುಗಡೆಯಾಗುತ್ತಿದೆ.

ಚುಟು ಚಟು ಅನ್ನಿಸುತ್ತಾ ತೆರೆಗೆ ರೆಡಿಯಾಗಿರುವ ಸಿನಿಮಾ ರ್ಯಾಂಬೋ 2. ಇದು ರ್ಯಾಂಬೋ ಚಿತ್ರದ ಮುಂದುವರಿದ ಭಾಗಾನಾ..? ಈ ಚಿತ್ರದಲ್ಲೂ ಹಂದಿ ಇರುತ್ತಾ..? ಹೀರೋ ಕಾರ್ ಬ್ರೋಕರ್ ಆಗಿರ್ತಾನಾ..? ಹೀಗೆ ಹಲವು ಪ್ರಶ್ನೆಗಳು ಮೂಡೋಕೆ ಕಾರಣ, ಚಿತ್ರದ ಟೈಟಲ್‍ನಲ್ಲೇ ರ್ಯಾಂಬೋ ಇರೋದು. ಆದರೆ, ಚಿತ್ರದ ಸಹನಿರ್ಮಾಪಕರೂ ಅಗಿರುವ ತರುಣ್ ಸುಧೀರ್ ಕ್ಲಿಯರ್ರಾಗಿ ಹೇಳಿಬಿಟ್ಟಿದ್ದಾರೆ. ಹೆಸರೊಂದು ಬಿಟ್ಟು, ಮಿಕ್ಕ ಎಲ್ಲವೂ ಹೊಸದು ಅಂತಾ.

ರ್ಯಾಂಬೋ 2 ಸಿನಿಮಾದಲ್ಲಿರೋದು ಕಾಮಿಡಿ ಥ್ರಿಲ್ಲರ್. ರೋಡ್ ಸಿನಿಮಾ. ಸಿನಿಮಾದ ಶೇ.80ರಷ್ಟು ಕಥೆ, ಜರ್ನಿಯಲ್ಲಿಯೇ ನಡೆಯುತ್ತೆ ಅಂತಾರೆ ತರುಣ್ ಸುಧೀರ್. ರ್ಯಾಂಬೋ ಸಿನಿಮಾ ಕೂಡಾ ಕಾಮಿಡಿ ಥ್ರಿಲ್ಲರ್ ಆಗಿತ್ತು. ಪ್ರೇಕ್ಷಕರನ್ನು ನಕ್ಕು ನಲಿಸಿತ್ತು. ಶರಣ್‍ರನ್ನು ಸ್ಟಾರ್ ಮಾಡಿತ್ತು. ಈಗ ಮತ್ತೊಮ್ಮೆ ಬರುತ್ತಿದೆ ರ್ಯಾಂಬೋ ಟೀಂ. ಶರಣ್‍ರನ್ನು ಸೂಪರ್‍ಸ್ಟಾರ್ ಮಾಡುತ್ತಾ..?

ತಾಯಿಗೆ ತಕ್ಕ ಮಗ. ಪಕ್ಕಾ ಕಮರ್ಷಿಯಲ್ ಎಂಟರ್‍ಟೈನರ್ ಸಿನಿಮಾ. ನಿರ್ದೇಶಕ ಶಶಾಂಕ್, ಇದೇ ಮೊದಲ ಬಾರಿಗೆ ನಿರ್ಮಾಣ ಮಾಡಿರುವ ಸಿನಿಮಾ, ಬಾಕ್ಸಾಫೀಸ್‍ನಲ್ಲಿ ಭರ್ಜರಿ ಸದ್ದು ಮಾಡುತ್ತಿದೆ. ಅಜಯ್ ರಾವ್‍ರ ಮಾಸ್ ಆ್ಯಕ್ಷನ್, ಸುಮಲತಾರ ಕಣ್ಣುಗಳಲ್ಲಿನ ಕಿಡಿ, ಅಶಿಕಾರ ಅದ್ಭುತ ಸೌಂದರ್ಯ ಪ್ರೇಕ್ಷಕರನ್ನು ಮೋಡಿ ಮಾಡಿದೆ. ಚಿತ್ರವನ್ನು ನೋಡಿದ ಸ್ಟಾರ್‍ಗಳು ಚಿತ್ರದ ಬಗ್ಗೆ ತಮ್ಮದೇ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಅಂಬರೀಷ್ : ನನಗೆ 40 ವರ್ಷಗಳ ಹಿಂದಿನ ಅಂತ ಸಿನಿಮಾ ನೆನಪಾಯ್ತು. ಆ್ಯಕ್ಷನ್ ಸೂಪರ್. ಕ್ಲೈಮಾಕ್ಸ್ ಡಿಫರೆಂಟ್ ಆಗಿದೆ. ಚಿತ್ರತಂಡ ಒಳ್ಳೆಯ ಸಿನಿಮಾ ಮಾಡಿದೆ.

ಉಪೇಂದ್ರ : ಕನ್ನಡ ಚಿತ್ರರಂಗಕ್ಕೆ ಮತ್ತೊಬ್ಬ ಆ್ಯಕ್ಷನ್ ಹೀರೋ ಸಿಕ್ಕಿದ್ದಾರೆ. ಚಿತ್ರದ ಸ್ಟೋರಿಲೈನ್ ಚೆಂದವಾಗಿದೆ. ತಾಯಿ, ಮಗನ ಕೆಮಿಸ್ಟ್ರಿ ಚೆನ್ನಾಗಿದೆ. ಕ್ಲೈಮಾಕ್ಸ್ ಅಂತೂ ಬಹಳ ಚೆನ್ನಾಗಿದೆ.

ಯಶ್ : ಮನರಂಜನೆ ಇಟ್ಟುಕೊಂಡೇ ಒಂದೊಳ್ಳೆ ಮೆಸೇಜ್ ಇರೋ  ಸಿನಿಮಾ ಕೊಟ್ಟಿದ್ದಾರೆ. ಅಜಯ್ ರಾವ್, ಸುಮ ಮೇಡಂ, ಅಶಿಕಾ, ಲೋಕಿ ಅಭಿನಯ ಅದ್ಭುತವಾಗಿದೆ. ಅಮ್ಮ ಮಗನ ಕಾಂಬಿನೇಷನ್ ಕೂಡಾ ಸಖತ್ ಆಗಿದೆ.

ಅಮೂಲ್ಯ : ಅಜಯ್ ರಾವ್ ಪಾತ್ರ ನೋಡ್ತಿದ್ರೆ ನನ್ನ ಅಣ್ಣ ನೆನಪಿಗೆ ಬರ್ತಿದ್ದ. ತುಂಬಾ ಫ್ರೆಶ್ ಸಿನಿಮಾ.

ಯಶ್ ಅಮ್ಮ : ಚಿಕ್ಕ ವಯಸ್ಸಿನಲ್ಲಿ ಯಶ್‍ಗೆ ಬೈತಾ ಇದ್ದದ್ದೆಲ್ಲ ನೆನಪಾಯ್ತು.