ಮರೀಬೇಡಿ ತಾಯಿ.. ಗೊತ್ತಲ್ಲ.. ನಮ್ದು.. ಗೌಡ್ರೇ.. ಅಯ್ನೋರೇ.. ಈ ಸರ್ತಿ ನಮ್ ಜೊತೆ ಇರ್ಬೇಕ್ ನೀವು.. ನಿಮ್ಮ ಆಶೀರ್ವಾದ ನಮ್ ಮೇಲಿರಲಿ.. ಏನ್ ಏಳಣ್ಣ.. ನೀವ್ ಎಡಗಾಲಲ್ಲಿ ತೋರ್ಸಿದ್‍ನ ನಾನು ಬಲಗೈಯ್ಯಾಗ್ ತಕ್ಕಂಡ್ ಮಾಡ್ತೀನಿ.. ಇಂಥಾ ಡೈಲಾಗುಗಳು ಖಾದಿಧಾರಿಗಳಿಂದ ಬರೋಕೆ ಶುರುವಾಗಿದೆ ಅಂದರೆ ಎಲೆಕ್ಷನ್ ಹತ್ತಿರ ಬಂದಿದೆ ಅಂಥಾನೇ ಅರ್ಥ. 

ಆದರೆ ನಮ್ ನೊಗರಾಜ್ ಹಾಗಲ್ಲ. ಅವರು ರಾಜಕಾರಣಿಯೇ ಇರಬಹುದು. ಆದರೆ, ಹಂಬಲ್ ರಾಜಕಾರಣಿ. ಹೀಗಾಗಿ ಅವರು ಮನೆ ಮನೆಗೆ ಹೋಗ್ತಾ ಇದ್ರು ವೋಟ್ ಕೇಳ್ತಿಲ್ಲ. ಬದಲಿಗೆ.. ಬನ್ನಿ ನಮ್ ಸಿನಿಮಾ ನೋಡಿ ಅಂತಿದ್ದಾರೆ. ಮನೆ ಮನೆ ಪ್ರಚಾರ ನಡೆಸುತ್ತಿರುವುದು ಡ್ಯಾನಿಶ್ ಸೇಟ್. ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ಇವರೇನೇ. 

ಮನೆ ಮನೆಗಲ್ಲ.. ದಾರಿಯಲ್ಲಿ ಕಂಡವರಿಗೆ, ಅಂಗಡಿಗಳಿಗೆ, ಬೇಕರಿಗೆ.. ಅಡುಗೆ ಮನೆಗೂ ನುಗ್ಗಿ ನಮ್ ಸಿನಿಮಾ ನೋಡಿ ಎನ್ನುತ್ತಿದ್ದಾರೆ. ನೊಗ್‍ರಾಜ್ ಪ್ರಚಾರದ ಸ್ಟೈಲ್ ನಿರ್ಮಾಪಕರಲ್ಲಿ ಒಬ್ಬರಾದ ರಕ್ಷಿತ್ ಶೆಟ್ಟಿ ಅವರನ್ನೂ ಗಾಬರಿ ಬೀಳಿಸಿದೆ. ಎಂಥ. ಶೂಟ್ ಮಾಡ್ಲ್ಯಾ ಎಂದಿಲ್ಲ.. ಸಿನಿಮಾ ಪ್ರಚಾರ ತಾನೇ.. ಬೊಂಬಾಟ್ ಆಗಿದೆ ಅಂತಾ ಹೊಗಳಿದ್ದಾರೆ. 

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ಇದೇ ಜನವರಿ 12ಕ್ಕೆ ತೆರೆಗೆ ಬರುತ್ತಿದೆ. ಚುನಾವಣೆ ಆಮೇಲಿರಲಿ. ರಾಜಕಾರಣಿಗಳು ಹೆಂಗಿರ್ತಾರೆ ಅನ್ನೋದನ್ನು ನೋಡೋಕೆ, ಒಂದ್ಸಲ ಸಿನಿಮಾಗೆ ಹೋಗಿಬನ್ನಿ.

ಪವರ್‍ಸ್ಟಾರ್ ಪುನೀತ್ ರಾಜ್‍ಕುಮಾರ್, ಪಿಆರ್‍ಕೆ ಬ್ಯಾನರ್ ಮೂಲಕ ಹೊಸ ಪ್ರತಿಭೆಗಳಿಗೆ, ಹೊಸ ವಿಭಿನ್ನ ಕಥೆಗಳ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಕವಲುದಾರಿ, ಮಾಯಾಬಜಾರ್ ಚಿತ್ರ ನಿರ್ಮಿಸುತ್ತಿರುವ ಪುನೀತ್, ಈಗ 3ನೇ ಸಿನಿಮಾಗೆ ಕೈ ಹಾಕಿದ್ದಾರೆ. ಪುನೀತ್ ಬ್ಯಾನರ್‍ನ 3ನೇ ಸಿನಿಮಾದ ಹೀರೋ ಡ್ಯಾನಿಷ್ ಸೇ

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ಸಿನಿಮಾ ಮೂಲಕ ಗಮನ ಸೆಳೆದಿದ್ದ ಡ್ಯಾನಿಷ್ ಸೇಠ್, ಈಗ ಪುನೀತ್ ಬ್ಯಾನರ್‍ನಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ನಿರ್ದೇಶಕ ಪನ್ನಗಾಭರಣ.

ಡ್ಯಾನಿಷ್‍ರನ್ನು ಇದುವರೆಗೆ ನೋಡಿರುವುದಕ್ಕಿಂತ ವಿಭಿನ್ನವಾಗಿ ಈ ಸಿನಿಮಾದಲ್ಲಿ ತೋರಿಸುತ್ತಿದ್ದೇವೆ. ಇದು ಪಕ್ಕಾ ಕಾಮಿಡಿ ಸಿನಿಮಾ. ನೊಗ್‍ರಾಜ್ ಪಾತ್ರದ ನೆರಳು ಕೂಡಾ ಡ್ಯಾನಿಷ್ ಪಾತ್ರದ ಮೇಲೆ ಇರುವುದಿಲ್ಲ. ಇದು ಡ್ಯಾನಿಷ್ ಇಮೇಜ್‍ಗೆ ಸೂಕ್ತವಾಗುವ ಚಿತ್ರ ಎಂದಿದ್ದಾರೆ ನಿರ್ದೇಶಕ ಪನ್ನಗಾಭರಣ.

ನೊಗ್‍ರಾಜ್ ಚಿತ್ರದಲ್ಲಿ ಪುನೀತ್ ಅತಿಥಿ ಪಾತ್ರದಲ್ಲಿ ನಟಿಸಿದ್ದರು. ಈಗ ಡ್ಯಾನಿಷ್ ಚಿತ್ರಕ್ಕೆ ಅವರೇ ನಿರ್ಮಾಪಕರು. ನಟಸಾರ್ವಭೌಮ ಚಿತ್ರದಲ್ಲಿ ಬ್ಯುಸಿಯಾಗಿರುವ ಪುನೀತ್, ಕೆಲವೇ ದಿನಗಳಲ್ಲಿ ಎಲ್ಲವನ್ನೂ ಫೈನಲ್ ಮಾಡಲಿದ್ದಾರಂತೆ.

ಶಾಕ್ ಆಯ್ತಾ..? ಆಗ್ಲೇಬೇಕು. ಆಗ್ಲಿ ಅಂಥಾ ತಾನೇ ನಾವ್ ಈ ತರಾ ಹೆಡ್‍ಲೈನ್ ಕೊಟ್ಟಿದ್ದು. ಆದರೆ, ಇದು ಶಾಕಿಂಗ್ ಏನೂ ಅಲ್ಲ. ಇವತ್ತು ಪುನೀತ್ ರಾಜ್‍ಕುಮಾರ್ ಸಿನಿಮಾ ರಿಲೀಸ್ ಆಗ್ತಿದೆ. ಅದು ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್.

ಅರೆ, ಆ ಸಿನಿಮಾ ಹೀರೋ ಡ್ಯಾನಿಶ್ ಸೇಟ್ ಅಲ್ವಾ..? ಸುಮ್ನೆ ಹುಳ ಬಿಡ್‍ಬ್ಯಾಡ್ರಿ ಅಂತಾ ಸುಮ್ಮನಾಗಬೇಡಿ. ಈ ಚಿತ್ರದಲ್ಲಿ ಪುನೀತ್ ರಾಜ್‍ಕುಮಾರ್ ಅಭಿನಯಿಸಿರೋದು ನಿಜ. ಅದು ಅತಿಥಿ ನಟನಾಗಿ. ಪುಟ್ಟ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಪುನೀತ್, ಅದಕ್ಕೆ ಸಂಭಾವನೆಯನ್ನೂ ಪಡೆದಿಲ್ಲ ಎಂಬ ಸುದ್ದಿ ಇದೆ. 

ಹೊಸಬರ ಪ್ರಯತ್ನಕ್ಕೆ ಸದಾ ಬೆನ್ನೆಲುಬಾರಿ ನಿಲ್ಲುವ ಪುನೀತ್ ರಾಜ್‍ಕುಮಾರ್, ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯನವರ ಈ ಸಾಹಸಕ್ಕೂ ಬೆನ್ನು ತಟ್ಟಿದ್ದಾರೆ. ರಾಜಕೀಯ ವಿಡಂಬನೆಯ ಕಥಾಹಂದರದ ಚಿತ್ರ, ಆನ್‍ಲೈನ್‍ನಲ್ಲಂತೂ ಭರ್ಜರಿ ಪ್ರಚಾರ ಗಿಟ್ಟಿಸಿದೆ. ಟ್ರೇಲರ್‍ನ್ನಂತೂ ಜನ ನೋಡಿ ನೋಡಿ ನಗುತ್ತಿದ್ದಾರೆ. ಥಿಯೇಟರ್‍ನಲ್ಲಿ ಆ ನಗೆ ಇನ್ನಷ್ಟು ಜೋರಾಗಿ ಕೇಳಿಸಿದರೆ ಅಚ್ಚರಿಯಿಲ್ಲ.

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್... ವಿಡಂಬನೆಯಿಂದಲೇ ಗಮನ ಸೆಳೆದಿದ್ದ ಚಿತ್ರ. ನೊಗ್‍ರಾಜ್ ಆಗಿ ನಟಿಸಿದ್ದ ಡ್ಯಾನಿಷ್ ಸೇಟ್ ಕೂಡಾ ಅಷ್ಟೆ.. ಕಾಮಿಡಿಯಿಂದಲೇ ಫೇಮಸ್. ಆದರೆ, ಅವರಿಗ ಇನ್ಸ್‍ಪೆಕ್ಟರ್ ರೋಲ್ ಮಾಡುತ್ತಿದ್ದಾರೆ. ಕಾಮಿಡಿಯಲ್ಲ. ಸೀರಿಯಸ್.

ಸೋಲ್ಡ್ ಅನ್ನೋ ಸಿನಿಮಾದಲ್ಲಿ ಡ್ಯಾನಿಷ್ ಅವರದ್ದು ಇನ್ಸ್‍ಪೆಕ್ಟರ್ ಪಾತ್ರ. ಅದು ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾ. ಪ್ರೇರಣಾ ನಿರ್ದೇಶನದ ಚಿತ್ರದಲ್ಲಿ ಕಾವ್ಯಾಶೆಟ್ಟಿ ನಾಯಕಿ. ಆ ಚಿತ್ರದಲ್ಲಿ ಡ್ಯಾನಿಷ್, ಇನ್ಸ್‍ಪೆಕ್ಟರ್. ಸೀರಿಯಸ್ ಇನ್ಸ್‍ಪೆಕ್ಟರ್.

ಕಥೆ ಇಷ್ಟವಾಯಿತು. ನನಗೆ ಒಪ್ಪುತ್ತೋ ಇಲ್ಲವೋ ಎಂಬ ಅನುಮಾನವೂ ಇತ್ತು. ಒಂದಿಷ್ಟು ದೃಶ್ಯಗಳ ರಶಸ್ ನೋಡಿದ ಮೇಲೆ ಕಾನ್ಫಿಡೆನ್ಸ್ ಬಂದಿದೆ ಎಂದು ಹೇಳಿಕೊಂಡಿದ್ದಾರೆ ಡ್ಯಾನಿಷ್.

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್. ವಿಡಂಬನೆಯ ಕಾಮಿಡಿಯ ವಿಭಿನ್ನ ಕಥಾಹಂದರದ ಈ ಚಿತ್ರ, ಚಿತ್ರಮಂದಿರಗಳಿಗೆ ಸೆಳೆಯುತ್ತಿರುವುದು ಕ್ಲಾಸ್ ವರ್ಗದ ಪ್ರೇಕ್ಷಕರನ್ನು. ಮಾಸ್ ಅಂಶಗಳಿದ್ದರೂ, ಚಿತ್ರವನ್ನು ಹೆಚ್ಚು ಹೆಚ್ಚಾಗಿ ನೋಡಿ ಎಂಜಾಯ್ ಮಾಡುತ್ತಿರುವುದು ಕ್ಲಾಸ್ ವರ್ಗದ ಪ್ರೇಕ್ಷಕರು. ಚಿತ್ರದ ಅಬ್ಬರ ಹೇಗಿದೆಯೆಂದರೆ, ತೆಲುಗಿನ ಪವರ್ ಸ್ಟಾರ್ ಕೂಡಾ ಅಲ್ಲಾಡಿ ಹೋಗುವಂತಿದೆ.

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ರಿಲೀಸ್ ಆದ ದಿನವೇ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅಭಿನಯದ ಅಜ್ಞಾತವಾಸಿ ಕೂಡಾ ರಿಲೀಸ್ ಆಗಿತ್ತು. ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಮತ್ತು ರಕ್ಷಿತ್ ಶೆಟ್ಟಿ ರಿಸ್ಕ್ ತೆಗೆದುಕೊಂಡರೇನೋ ಎಂದು ಗಾಂಧಿನಗರ ಮಾತನಾಡಿಕೊಂಡಿತ್ತು. ಈಗ ಗೆದ್ದಿರುವುದು ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್.

ಅಜ್ಞಾತವಾಸಿ ಚಿತ್ರದ ಓಪನಿಂಗ್ ಭರ್ಜರಿಯಾಗಿತ್ತಾದರೂ, ಚಿತ್ರದ ಬಗ್ಗೆ ಒಳ್ಳೆಯ ರಿಪೋರ್ಟ್ ಬಂದಿಲ್ಲ. ಹೀಗಾಗಿ ಬಿಡುಗಡೆಯಾದ 2ನೇ ದಿನದಿಂದಲೇ ಬ್ಯುಸಿನೆಸ್ ಡಲ್ ಹೊಡೆಯುತ್ತಿದೆ. ಅಜ್ಞಾತವಾಸಿಗಾಗಿ ಕನ್ನಡ ಚಿತ್ರಕ್ಕೆ ಥಿಯೇಟರು ಕೊಡದೆ ಕುಳಿತಿದ್ದವರು ಈಗ ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್‍ಗೆ, ಅಜ್ಞಾತವಾಸಿ ಥಿಯೇಟರು, ಶೋಗಳನ್ನು ಬಿಟ್ಟುಕೊಟ್ಟಿದ್ದಾರೆ. ಹೀಗಾಗಿ ರಿಲೀಸ್ ಆದ ಎರಡೇ ದಿನಗಳಲ್ಲಿ ಚಿತ್ರದ ಶೋ ಹಾಗೂ ಥಿಯೇಟರುಗಳ ಸಂಖ್ಯೆ ಹೆಚ್ಚಾಗಿದೆ.

ಅಜ್ಞಾತವಾಸಿಯಲ್ಲಿ ಹೀರೋ ಪವರ್ ಸ್ಟಾರ್ ಪವನ್ ಕಲ್ಯಾಣ್. ಅಂದಹಾಗೆ ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ಚಿತ್ರದಲ್ಲೂ ಪವರ್ ಸ್ಟಾರ್ ಇದ್ದಾರೆ. ಅದು ಕನ್ನಡದ ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್. ಏನೇ ಇರಲಿ.. ಕನ್ನಡ ಚಿತ್ರರಂಗ ಬಯಸುವುದು ಇಂಥ ಗೆಲುವುಗಳನ್ನೇ. ಪರಭಾಷೆಯ ಚಿತ್ರದ ಎದುರು ಅಬ್ಬರಿಸುವ ಕನ್ನಡದ ಗೆಲುವನ್ನು.

Related Articles :-

'Humble Politician Nograj' Replaces 'Agnatavasi'

ಪುನೀತ್ ರಾಜ್‍ಕುಮಾರ್ ನಿರ್ಮಾಣದ, ದಾನಿಶ್ ಸೇಠ್ ಅಭಿನಯದ ಹೊಸ ಚಿತ್ರದಲ್ಲಿ ಸ್ವತಃ ಪುನೀತ್ ಅತಿಥಿ ನಟನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದುವರೆಗೆ ಪುನೀತ್ ಯಾವುದೇ ಸಿನಿಮಾಗಳಲ್ಲಿ ಅತಿಥಿ ನಟನಾಗಿ ಕಾಣಿಸಿಕೊಂಡಿಲ್ಲ. ಬೇರೆಯವರ ಸಿನಿಮಾಗಳಲ್ಲಿ ಹಾಡಿದ್ದಾರೆ. ವಾಯ್ಸ್ ಓವರ್ ಕೊಟ್ಟಿದ್ದಾರೆ. ಅತಿಥಿ ನಟನಾಗಿರಲಿಲ್ಲ. ಅದನ್ನು ಈಗ ತಮ್ಮದೇ ನಿರ್ಮಾಣದ ಚಿತ್ರದಲ್ಲಿ ಬ್ರೇಕ ಮಾಡುತ್ತಿದ್ದಾರೆ ಪುನೀತ್.

ಪನ್ನಗಾಭರಣ ನಿರ್ದೇಶನದ ಚಿತ್ರದ ಚಿತ್ರೀಕರಣ ಈಗಾಗಲೇ ಶುರುವಾಗಿದೆ. ಹೊಸ ವರ್ಷ.. ಹೊಸ ಸಿನಿಮಾ.. ಹೊಸ ಜರ್ನಿ.. ಈ ಬಾರಿ ಪುನೀತ್ ಅಣ್ಣ ಹಾಗೂ ಪನ್ನಗಾಭರಣ ಜೊತೆ ಆರಂಭವಾಗಿದೆ. ಇದೊಂದು ವಿಶೇಷವಾದ ಸಿನಿಮಾ ಎಂದು ಹೇಳಿಕೊಂಡಿದ್ದಾರೆ ದಾನಿಶ್ ಸೇಠ್.

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್. ಸಾದ್ ಖಾನ್ ನಿರ್ದೇಶನದ ಈ ಚಿತ್ರದ ಹೀರೋ ದಾನಿಶ್ ಸೇಠ್. ಆರ್‍ಸಿಬಿಯ ಮಿಮಿಕ್ರಿ ಮೂಲಕ ದೇಶದ ಕ್ರಿಕೆಟ್ ಅಭಿಮಾನಿಗಳ ಫೇವರಿಟ್ ಆದ ದಾನಿಶ್ ಸೇಠ್ ಅವರನ್ನು ಡ್ಯಾನಿಶ್ ಸೇಠ್ ಎಂದು ಕರೆಯುವವರೂ ಇದ್ದಾರೆ. ಈಗ ನೊಗ್‍ರಾಜ್‍ಗೆ ಪ್ರಧಾನಿ ಮೋದಿ, ವಿರಾಟ್ ಕೊಹ್ಲಿ, ಉ.ಕೊರಿಯಾದ ಸರ್ವಾಧಿಕಾರಿ ಅಧ್ಯಕ್ಷ ಕಿಮ್ ಜಾಂಗ್ ಉನ್ ಸೇರಿದಂತೆ ಗಣ್ಯಾತಿಗಣ್ಯರೆಲ್ಲ ಶುಭ ಕೋರಿದ್ದಾರೆ.

ಇರಬಹುದು ಬಿಡಿ, ಆರ್‍ಸಿಬಿಯ ಸ್ಟಾರ್ ಅಲ್ಲವಾ..? ವಿಶ್ ಮಾಡಿದ್ದರೂ ಮಾಡಿರಬಹುದು ಎಂದುಕೊಳ್ಳಬೇಡಿ. ಇದು ಮಿಕ್ಸ್ ಮಸಾಲಾ. ಅಮೆರಿಕ ಅಧ್ಯಕ್ಷರ ಕೈಗೇ ಸಿಕ್ಕದ ಕಿಮ್ ಜಾಂಗ್ ಉನ್, ನೊಗ್‍ರಾಜ್‍ಗೆ ಸಿಕ್ತಾನಾ..? ರಾಜಕಾರಣಿಗಳು ಹೇಗೆಲ್ಲ ಗಿಮಿಕ್ ಮಾಡ್ತಾರೆ ಅನ್ನೋದಕ್ಕೆ ಈ ಫೋಟೋಗಳು ಸಾಕ್ಷಿ ನುಡಿಯುತ್ತವೆ.

ರಾಜಕೀಯ ವಿಡಂಬನೆಯ ಕಥೆ ಇಟ್ಟುಕೊಂಡಿರುವ ಹಂಬಲ್ ಪೊಲಿಟಿಷಿಯನ್, ಥಿಯೇಟರ್‍ಗೆ ಬರೋಕೆ ರೆಡಿಯಾಗಿದ್ದಾನೆ. ಯಾರಿಗೆ ಗೊತ್ತು..? ಅವನ ಜೊತೆ ಸ್ಟಾರ್, ಸೂಪರ್ ಸ್ಟಾರ್, ಮೆಗಾಸ್ಟಾರ್‍ಗಳೆಲ್ಲ ಬರಬಹುದು.  ಅಮೆರಿಕ ಅಧ್ಯಕ್ಷರೇ ನೊಗ್‍ರಾಜ್‍ಗೆ ಶುಭ ಕೋರಿದರೂ ಅಚ್ಚರಿ ಬೇಡ.

ನಮಸ್ಕಾರ್ ಡಿಯರ್ ಫ್ರೆಂಡ್ಸ್. ನನ್ನೆಸ್ರು ನೊಗ್‍ರಾಜ್ ಅಂತಾ.  ಐ ಆ್ಯಮ್ ಯುವರ್ ಹಂಬಲ್ ಹಂಬಲ್ ಹಂಬಲ್ ಪೊಲಿಟಿಷಿಯನ್. ನಾಟಕೀಯವಾಗಿ ಕೈ ಮುಗಿಯುತ್ತಾ ಕಾಣಿಸಿಕೊಳ್ಳುವ ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್, ನಮ್ಮ ರಾಜಕಾರಣಿಗಳ ಹಾಗಲ್ಲ. ಈ ಟ್ರೇಲರ್‍ನಲ್ಲಿ ನೋಡಿದವರಿಗೆ ನೊಗ್‍ರಾಜ್‍ನ ನಾಟಕೀಯತೆ, ಕಪಟತನ ಎಲ್ಲವೂ ಕಂಡುಬಿಡುತ್ತೆ.

ಇದು ಒಂದು ಸಕ್ಸಸ್‍ಫುಲ್ ಎಂಟರ್‍ಟೈನ್‍ಮೆಂಟ್ ಶೋ ಆಗ್ಬೇಕು ಎನ್ನುವ ಡೈಲಾಗ್ ಮೂಲಕ, ಸಿನಿಮಾ ಸಕ್ಸಸ್ ಆಗಲಿ ಎಂಬ ನಿರೀಕ್ಷೆಯೂ ಇದೆ. ಎಡಬಿಡಂಗಿ ಇಂಗ್ಲಿಷ್‍ನ್ನು ಕನ್ನಡದ ಜೊತೆ ಮಿಕ್ಸ್ ಮಾಡಿ ಮಾತನಾಡುವ ನೊಗ್‍ರಾಜ್, ವಟವಟ ಅಂತಾನೇ ಇರ್ತಾನೆ. ಇಡೀ ಚಿತ್ರದಲ್ಲಿ ಅವನದ್ದು ಪಕ್ಕಾ ರಾಜಕಾರಣಿಗಳಂತೆ ನಾಟಕಗಳ ಸರಮಾಲೆ.

ನೊಗ್‍ರಾಜ್ ಜೊತೆ ಶೃತಿ ಹರಿಹರನ್ ಎಂಬ ಚೆಲುವೆಯ ನಗುವೂ ಇದೆ. ಬಹಿರಂಗ ಪ್ರಚಾರ ಭಾರಿ ಜೋರಾಗಿ ಸಾಗುತ್ತಿದೆ. ಮನೆ ಮನೆ ಪ್ರಚಾರವೂ ನಡೆಯುತ್ತಿದೆ. ಥಿಯೇಟರುಗಳಲ್ಲಿ ಜನವರಿ 12ರಂದು ನಡೆಯಲಿರುವ ಬಿಡುಗಡೆಯ ಚುನಾವಣೆ ದಿನ, ಪ್ರೇಕ್ಷಕ ಮತದಾರರು ಎಷ್ಟು ಮತ ಹಾಕುತ್ತಾರೆ. ನೋಡೋಣ.

ಹಂಬಲ್ ಪೊಲಿಟಿಷಿಯನ್ ನೊಗ್ರಾಜ್ ಚಿತ್ರದ ಮೂಲಕ ತನ್ನದೇ ಆದ ವಿಭಿನ್ನ ಪ್ರೇಕ್ಷಕ ವರ್ಗ ಸಂಪಾದಿಸಿದ ದ್ಯಾನಿಷ್ ಸೇಠ್, ಆರ್‍ಸಿಬಿ ಪರ ಶೋ ಮಾಡುವ ಮೂಲಕ ಜಗತ್ತಿನಾದ್ಯಂತ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ನಟ, ನಿರೂಪಕ, ಸ್ಟಾಂಡ್ ಅಪ್ ಕಾಮಿಡಿಯನ್.. ಹೀಗೆ ಎಲ್ಲವೂ ಆಗಿರುವ ದಾನಿಷ್, ಈಗ ಗರ್ಲ್‍ಫ್ರೆಂಡ್‍ನ್ನೂ ಸಂಪಾದಿಸಿದ್ದಾರೆ.

ಅನ್ಯಾ ರಂಗಸ್ವಾಮಿ ಎಂಬ ಚೆಲುವೆ ದಾನಿಷ್ ಮದುವೆಯಾಗೋಕೆ ಓಕೆ ಎಂದಿದ್ದಾರಂತೆ. ಗ್ರಾಫಿಕ್ ಡಿಸೈನರ್ ಆಗಿರುವ ಅನ್ಯಾ ಜೊತೆ ಶೀಘ್ರದಲ್ಲೇ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ದಾನಿಷ್. ಈ ಖುಷಿಯನ್ನು ಅವರೇ ಖುಷಿ ಖುಷಿಯಾಗಿ ಹಂಚಿಕೊಂಡಿದ್ದಾರೆ.

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್, ರಾಜಕೀಯ ವಿಡಂಬನೆಯ ಸಿನಿಮಾ ರಿಲೀಸ್ ಆಗುವುದು ಜನವರಿ 12ಕ್ಕೆ. ರಿಲೀಸ್‍ಗೂ ಮುನ್ನವೇ ಆನ್‍ಲೈನ್‍ನಲ್ಲಿ ಯಾವ ಮಟ್ಟಿಗೆ ಅಬ್ಬರಿಸುತ್ತಿದೆಯೆಂದರೆ, ರಿಯಲ್ ರಾಜಕಾರಣಿಗಳೆಲ್ಲ ಸರ್‍ಪ್ರೈಸ್ ಆಗಿದ್ದಾರೆ. ಚುನಾವಣೆಗೆ ಇನ್ನೂ ಮೂರ್ನಾಲ್ಕು ತಿಂಗಳುಗಳಿರುವಾಗಲೇ ಈ ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ಕುಣಿದು ಕುಪ್ಪಳಿಸುತ್ತಿದ್ದಾನೆ.

ಇಷ್ಟಕ್ಕೂ ಈ ನೊಗ್‍ರಾಜ್ ಖುಷಿಗೆ ಕಾರಣ ಇಷ್ಟೆ.. ಚಿತ್ರದಲ್ಲಿ ಅಷ್ಟೆಲ್ಲ ರಾಜಕೀಯ ವಿಡಂಬನೆಯಿದ್ದರೂ ಚಿತ್ರಕ್ಕೆ ಯು ಸರ್ಟಿಫಿಕೇಟ್ ಸಿಕ್ಕಿದೆ. ಅದೂ ಕಟ್‍ಗಳಿಲ್ಲದೆ. ಚಿತ್ರತಂಡದ ಖುಷಿಗೆ ಅದೇ ಕಾರಣ. ಡ್ಯಾನಿಶ್ ಸೇಟ್ ಡ್ಯಾನ್ಸ್‍ಗೂ ಅದೇ ಕಾರಣ. ಜನವರಿ 12ಕ್ಕೆ ಥಿಯೇಟರುಗಳ ಮುಂದೆ ನೀವೂ ಸ್ಪೆಪ್ ಹಾಕಬಹುದು. ಆ ದಿನವೇ ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ಪಕ್ಷಕ್ಕೆ ಸೇರ್ಪಡೆಯಾಗಬಹುದು.

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್ ಅನ್ನೋ ಸಿನಿಮಾ ಬಂದಿದ್ದು 2018ರ ಆರಂಭದಲ್ಲಿ. ಕಂಗ್ಲಿಷ್ ಮಿಶ್ರಿತ ಸಂಭಾಷಣೆ, ರಾಜಕೀಯ ವಿಡಂಬನೆ ಎಲ್ಲವೂ ಇದ್ದ ನೊಗ್‍ರಾಜ್‍ನನ್ನು ಜನ ಮೆಚ್ಚಿದ್ದರು. ಗಲ್ಲಾ ಪೆಟ್ಟಿಗೆಯೂ ತುಂಬಿತ್ತು. ಮಾಮೂಲಿ ಜಾನರ್‍ನಿಂದ ಹೊರಗಿದ್ದ ಆ ಚಿತ್ರದ ಸೀಕ್ವೆಲ್ ರೆಡಿಯಾಗುತ್ತಿದೆ. ಹೌದು, ಅದನ್ನ ಹೇಳಿರೋದು ವಿಧೇಯ ರಾಜಕಾರಣಿಯಾಗಿ ನಟಿಸಿ, ಕನ್ನಡಿಗರ ಮನಸ್ಸು ಗೆದ್ದಿದ್ದ ಡ್ಯಾನಿಶ್ ಸೇಠ್. ಸೀಕ್ವೆಲ್ ಸ್ಕ್ರಿಪ್ಟ್ ಆಗಿದೆ ಎಂದಿದ್ದಾರೆ ಡ್ಯಾನಿಶ್.

ಮುಂದಾ.. ಆಗ ಪುಷ್ಕರ್ ಮಲ್ಲಿಕಾರ್ಜುನಯ್ಯ, ರಕ್ಷಿತ್ ಶೆಟ್ಟಿ ಮತ್ತು ಹೇಮಂತ್ ರಾವ್ ಚಿತ್ರವನ್ನು ನಿರ್ಮಿಸಿದ್ದರು. ಸೀಕ್ವೆಲ್‍ನ್ನೂ ಅವರೇ ನಿರ್ಮಾಣ ಮಾಡ್ತಾರಾ..? ಸ್ವಲ್ಪ ದಿನ ವೇಯ್ಟ್ ಮಾಡಿ.

ಹಂಬಲ್ ಪೊಲಿಟಿಷಿಯನ್ ನೊಗ್‍ರಾಜ್, ಈಗ ಗೆದ್ದ ಸಿನಿಮಾ. ಚಿತ್ರ ಬಿಡುಗಡೆಯಾದ ನಂತರ ತೆಲುಗಿನ ಅಜ್ಞಾತವಾಸಿಯನ್ನೂ  ಬಾಕ್ಸಾಫೀಸ್‍ನಲ್ಲಿ ಹಿಂದಿಕ್ಕಿದ್ದ ನೊಗ್‍ರಾಜ್, ಈಗ ನಿರ್ಮಾಪಕರ ಜೇಬನ್ನೂ ತುಂಬಿಸಿದ್ದಾನೆ. ಮಲ್ಪಿಪ್ಲೆಕ್ಸ್‍ಗಳಲ್ಲಿ ಮೋಡಿ ಮಾಡುತ್ತಿರುವ ನೊಗ್‍ರಾಜ್ ಸಿನಿಮಾ ಮೂರೇ ದಿನದಲ್ಲಿ ಚಿತ್ರದ ಬಜೆಟ್‍ನ್ನು ತೆಗೆದುಕೊಟ್ಟಿದೆ. ಈಗ ಬರೋದು ಬೋನಸ್ ಅಂದರೆ ಲಾಭ.

ಸ್ವತಃ ನಿರ್ಮಾಪಕ ಪುಷ್ಕರ್ ಮಲ್ಲಿಕಾಜುನಯ್ಯನವರ ಪ್ರಕಾರ, ಚಿತ್ರದ ಮೂರು ದಿನದ ಕಲೆಕ್ಷನ್‍ನಲ್ಲಿ ಬಂದ ಷೇರು 2 ಕೋಟಿ, 5 ಲಕ್ಷ. ಚಿತ್ರಕ್ಕೆ ಖರ್ಚಾಗಿದ್ದುದು 2 ಕೋಟಿ, 70 ಲಕ್ಷ. ಈಗ ಚಿತ್ರಮಂದಿರಗಳ ಸಂಖ್ಯೆ ಇನ್ನಷ್ಟು ಹೆಚ್ಚಿದೆ. ವಿದೇಶಗಳಲ್ಲಿ ಇನ್ನೂ ಬಿಡುಗಡೆಯಾಗಬೇಕಿದೆ. ಟಿವಿ ರೈಟ್ಸ್ ಇನ್ನೂ ನಿರ್ಮಾಪಕರ ಬಳಿಯೇ ಇದೆ. ಹೀಗಾಗಿ ಈ ಚಿತ್ರ ಭರ್ಜರಿ ಲಾಭ ಮಾಡುವುದರಲ್ಲಿ ಸಂದೇಹವಿಲ್ಲ.

ಸಾಮಾನ್ಯವಾಗಿ ಚಿತ್ರತಂಡದವರು ತಮ್ಮ ಚಿತ್ರದ ಬಗ್ಗೆ ಬಂದ ಒಳ್ಳೆಯ ಅಭಿಪ್ರಾಯಗಳನ್ನೇ ಹೇಳ್ತಾರೆ. ಆದರೆ, ನೊಗ್‍ರಾಜ್ ತಂಡದವರು ಹಾಗಲ್ಲ. ಚಿತ್ರವನ್ನು ನಗರ ಪ್ರದೇಶಗಳಲ್ಲಿ ಮೆಚ್ಚಿಕೊಂಡಿದ್ದನ್ನೂ, ಉ.ಕರ್ನಾಟಕ ಭಾಗದಲ್ಲಿ ಅಷ್ಟೇನೂ ಒಳ್ಳೆಯ ಪ್ರತಿಕ್ರಿಯೆ ಸಿಗಲಿಲ್ಲ ಎಂಬುದನ್ನೂ ಹೇಳಿಕೊಂಡರು. ಚಿತ್ರದಲ್ಲಿ ಇಂಗ್ಲಿಷ್ ಹೆಚ್ಚಿರುವ ಬಗ್ಗೆ ಹಲವರು ಅಸಮಾಧಾನ ವ್ಯಕ್ತಪಡಿಸಿದ್ದನ್ನೂ ಮುಚ್ಚಿಟ್ಟುಕೊಳ್ಳಲಿಲ್ಲ. 

ರಿಲೀಸ್ ಮಾಡೋದು ಪಕ್ಕಾ ಪ್ಲಾನ್. ಉ.ಕರ್ನಾಟಕ ಭಾಗದಲ್ಲಿ ಈಗ ಡಿಮ್ಯಾಂಡ್ ಕುದುರುತ್ತಿದೆ. ಹಾಗಾಗಿ ಇನ್ನು ಕೆಲವೇ ದಿನಗಳಲ್ಲಿ ಭಾಗದ ಎಲ್ಲ ಕಡೆ ಬಿಡುಗಡೆ ಮಾಡ್ತೆವೆ ಎಂದಿದ್ದಾರೆ ನಿರ್ಮಾಪಕರಲ್ಲಿ ಒಬ್ಬರಾದ ನಟ ರಕ್ಷಿತ್ ಶೆಟ್ಟಿ.