` fatal accident, - chitraloka.com | Kannada Movie News, Reviews | Image

fatal accident,

  • Duniya Vijay Safe - Fatal Accident During Mastigudi Shooting

    duniya vijay safe

    Two stuntmen Anil and Uday are missing during an accident at the shooting of the film Mastigudi. The two stuntmen jumped from a helicopter into the waters of the Tippagondanahalli reservoir but did not surface. Search operations is underway to find the two men. The film directed by Nagshekar has Duniya Vijay in the lead. 

    Along with the two stuntmen, Duniya Vijay also jumped into the water but he managed to swim to the shore. However the two stuntmen did not surface after diving into the water. 

  • ಅಪಘಾತದಲ್ಲಿ ಮೃತಪಟ್ಟ ನಟಿ ರಚನಾ ಕನಸೇನಿತ್ತು..?

    rachana dream

    ರಚನಾ, ಶ್ರೀಮಂತರ ಮನೆ ಹುಡುಗಿಯೇನಲ್ಲ. ತಂದೆ ಕ್ಯಾಂಟೀನ್ ನಡೆಸುತ್ತಿದ್ದರು. ಕುಟುಂಬಕ್ಕೆ ಆಧಾರವಾಗಿದ್ದವರೇ ರಚನಾ. ಭರತನಾಟ್ಯ ಪ್ರವೀಣೆಯಾಗಿದ್ದ ನಟಿ ರಚನಾಗೆ, ಶಿವರಾಜ್ ಕುಮಾರ್ ಜೊತೆ ನಟಿಸುವ, ನೃತ್ಯ ಮಾಡುವ ಕನಸಿತ್ತು.

    ತ್ರಿವೇಣಿ ಸಂಗಮ, ಮಹಾನದಿ, ಮಧುಬಾಲಾ ಧಾರಾವಾಹಿಗಳು ಆಕೆಗೆ ಹೆಸರು ತಂದುಕೊಟ್ಟಿದ್ದವು. ಜೊತೆಯಲ್ಲಿದ್ದ ಗೆಳೆಯ ಕಾರ್ತಿಕ್ ಹುಟ್ಟುಹಬ್ಬದ ದಿನ, ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಪೂಜೆ ಮಾಡಿಸಬೇಕು ಎಂದು ಎಲ್ಲರೂ ಸೇರಿ ಕುಕ್ಕೆಗೆ ಹೊರಟಿದ್ದರು. ಮರುದಿನ ಹೈದರಾಬಾದ್​ಗೆ ಶೂಟಿಂಗ್​ವೊಂದಕ್ಕೆ ರಚನಾ ತೆರಳಬೇಕಿತ್ತು. ಹೀಗಾಗಿ ರಚನಾ ಅವರ ಸಲುವಾಗಿಯೇ ಗೆಳೆಯರೆಲ್ಲ ರಾತ್ರಿ ಪ್ರಯಾಣ ಹೊರಟಿದ್ದರು.

    ಸಫಾರಿಯಲ್ಲಿ ಡ್ರೈವರ್ ಪಕ್ಕದಲ್ಲಿ ರಚನಾ ಕುಳಿತಿದ್ದರೆ, ಅವರ ಹಿಂದೆಯೇ ಕುಳಿತಿದ್ದ ಮೃತಪಟ್ಟ ಇನ್ನೊಬ್ಬ ನಟ ಜೀವನ್. ಜೀವನ್​ಗೆ ಕಾಮಿಡಿ ನಟನಾಗುವ ಕನಸಿದ್ದರೆ, ರಚನಾಗೆ ಸಿನಿಮಾ ನಟಿಯಾಗುವ ಬಯಕೆಯಿತ್ತು. ಕೊರಿಯೋಗ್ರಫಿಯಲ್ಲಿ ಇಂಟ್ರೆಸ್ಟ್​ ಇದ್ದ ರಚನಾ, ಆ ನಿಟ್ಟಿನಲ್ಲಿ ಹೆಚ್ಚು ಶ್ರಮವಹಿಸುತ್ತಿದ್ದರು. 

    ಆದರೆ, ವಿಧಿಯಾಟ ಬೇರೆಯೇ ಇತ್ತು. ದೇವಸ್ಥಾನಕ್ಕೆ ಹೋಗಬೇಕಿದ್ದವರು ಸೇರಿದ್ದು ದೇವಸ್ಥಾನಕ್ಕಲ್ಲ. ಅಪಘಾತ ಹೇಗಾಯ್ತು ಅನ್ನೋದು ಇನ್ನೂ ಗೊತ್ತಾಗಿಲ್ಲ. ಸಫಾರಿ ಕಾರಂತೂ ನಜ್ಜುಗುಜ್ಜಾಗಿ ಹೋಗಿದೆ. ರಾತ್ರಿ 2 ಗಂಟೆ ವೇಳೆಯಲ್ಲಿ ಸಂಭವಿಸಿದ ಅಪಘಾತದಲ್ಲಿ ಕಾರ್​ನಲ್ಲಿದ್ದ ನಟಿ ರಚನಾ ಮತ್ತು ನಟ ಜೀವನ್ ಮೃತಪಟ್ಟಿದ್ದರೆ, ಬದುಕುಳಿದಿರುವ ಐವರೂ ಗೆಳೆಯರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

    Related Articles :-

    ಆ ನಟ ಬದುಕಿದ್ದರೆ ಬಿಗ್​ಬಾಸ್​ನಲ್ಲಿ ನೋಡಬಹುದಿತ್ತೇನೋ..?

    ಕುಕ್ಕೆಯಿಂದ ಬರುವಾಗ ಅಪಘಾತ - ಧಾರಾವಾಹಿ ನಟ, ನಟಿ ಸಾವು

  • ಆ ನಟ ಬದುಕಿದ್ದರೆ ಬಿಗ್​ಬಾಸ್​ನಲ್ಲಿ ನೋಡಬಹುದಿತ್ತೇನೋ..?

    actor jeevan image

    ರಾತ್ರಿ ಸಂಭವಿಸಿದ ಭೀಕರ ರಸ್ತೆ ಅಪಘಾತ, ಇಬ್ಬರು ಉದಯೋನ್ಮುಖ ಕಲಾವಿದರನ್ನು ಬಲಿ ಪಡೆದುಬಿಟ್ಟಿದೆ. ಒಬ್ಬರು ಮಹಾನದಿ ಧಾರಾವಾಹಿ ಖ್ಯಾತಿಯ ರಚನಾ. ಇನ್ನೊಬ್ಬರು ಜೀವನ್. ಆತ ಕೂಡಾ ಕಿರತೆರೆ ಕಲಾವಿದ. ಕಾಮಿಡಿಯನ್ ಆಗಬೇಕು ಎಂದು ದೊಡ್ಡ ಆಸೆ ಇಟ್ಟುಕೊಂಡಿದ್ದ ಹುಡುಗ. 

    ಧಾರಾವಾಹಿ, ಸಿನಿಮಾ, ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿದ್ದ ಜೀವನ್​ನ ಪೂರ್ತಿ ಹೆಸರು ಜೀವನ್ ಸುರೇಶ್. ಎಲ್ಲರೂ ಪ್ರೀತಿಯಿಂದ ಸುಜೀವ್ ಎಂದೇ ಕರೆಯುತ್ತಿದ್ದರು. ವಯಸ್ಸು ಕೇವಲ 25. ಸಾಯುವ ವಯಸ್ಸಲ್ಲ. ದೊಡ್ಡ ಬದುಕಿಗೆ ಮುನ್ನುಗ್ಗುವ ವಯಸ್ಸು. ಆದರೆ, ಸಾವು ಹೇಳಿ ಕೇಳಿ ಬರೋದಿಲ್ಲ.

    100 ಸಿನಿಮಾ, 40 ಧಾರಾವಾಹಿಯಲ್ಲಿ ಕೆಲಸ ಮಾಡಿದ್ದ ಜೀವನ್, ಇಂಡಸ್ಟ್ರಿಗೆ ಬಂದು ಆಗಲೇ 8 ವರ್ಷವಾಗಿತ್ತು. ಗುರುತಿಸಿಕೊಳ್ಳುವಂತಹ ದೊಡ್ಡ ಪಾತ್ರಗಳು ಸಿಕ್ಕಿರಲಿಲ್ಲ. ಕಲರ್ಸ್ ಕನ್ನಡ ವಾಹಿನಿಯ ಮಜಾಭಾರತದಲ್ಲಿ ಎಸ್. ನಾರಾಯಣ್, ಶೃತಿ, ಬುಲೆಟ್ ಪ್ರಕಾಶ್ ಹೊಗಳಿಕೆಯನ್ನು ಹೆಮ್ಮೆಯಿಂದ ಸಂಭ್ರಮಿಸಿದ್ದ ಹುಡುಗ ಜೀವನ್. ಕನ್ನಡ ಸಿನಿಮಾ ಲೋಕದಲ್ಲಿ ದೊಡ್ಡ ಹಾಸ್ಯನಟನಾಗಬೇಕು ಎಂದೇ ಕನಸು ಕಂಡಿದ್ದವ. 

    ದಢೂತಿ ದೇಹವಿದ್ದರೂ, ಅದನ್ನೇ ಪ್ಲಸ್ ಪಾಯಿಂಟ್ ಮಾಡಿಕೊಂಡು ಡ್ಯಾನ್ಸ್ ಮಾಡುತ್ತಿದ್ದ ಜೀವನ್, ಸ್ಕ್ರಿಪ್ಟ್ ಕೆಲಸ, ಡ್ರಾಯಿಂಗ್ ಕೂಡಾ ಮಾಡುತ್ತಿದ್ದ. ಗೆಳೆಯರಿಗೆ ನಾನ್​ವೆಜ್ ಮಾಡಿ ಸ್ವತಃ ಬಡಿಸುವುದೆಂದರೆ, ಆತನಿಗೆ ಅದೇನೋ ಅಕ್ಕರೆ. 

    ಬಿಗ್ ಬಾಸ್ ಕನ್ನಡ-5ನಲ್ಲಿ ಭಾಗವಹಿಸಬೇಕು ಎಂದು ಕನಸು ಕಂಡಿದ್ದ ಜೀವನ್, ಕಾಮನ್ ಮ್ಯಾನ್ ವಿಭಾಗದಲ್ಲಿ ಸ್ಪರ್ಧೆ ಮಾಡಲು ತಮ್ಮದೇ ವಿಡಿಯೋ ಒಂದನ್ನು ಕೂಡಾ ಮಾಡಿ ಕಳುಹಿಸಿದ್ದ. ವಿದ್ಯೆ ನೈವೇದ್ಯವಾಗಿತ್ತು. ಕಾಮಿಡಿಯೇ ಉಸಿರಾಗಿತ್ತು. ಕಾಮಿಡಿ ನಟನ ಸಾವು ಹೈವೇಯಲ್ಲಿ ಕಾಯುತ್ತಿತ್ತು.

    Related Articles :-

    ಕುಕ್ಕೆಯಿಂದ ಬರುವಾಗ ಅಪಘಾತ - ಧಾರಾವಾಹಿ ನಟ, ನಟಿ ಸಾವು

  • ಕುಕ್ಕೆಯಿಂದ ಬರುವಾಗ ಅಪಘಾತ - ಧಾರಾವಾಹಿ ನಟ, ನಟಿ ಸಾವು

    serial actress death

    ಮಾಗಡಿ ತಾಲೂಕಿನ ಸೋಲೂರು ಬಳಿ ಸಂಭವಿಸಿದ ಭೀಕರ ರಸ್ತೆ ಅಪಘಾತದಲ್ಲಿ ಕಿರುತೆರೆ ನಟಿ, ನಟ ಸಾವಿಗೀಡಾಗಿದ್ದಾರೆ. ಮಹಾನದಿ ಸೀರಿಯಲ್ ಖ್ಯಾತಿಯ ರಚನಾ ಹಾಗೂ ಸಹನಟ ಜೀವನ್ ಮೃತಪಟ್ಟಿದ್ದಾರೆ.

    ಗೌರಿ ಗಣೇಶ ಹಬ್ಬದ ಹಿನ್ನೆಲೆಯಲ್ಲಿ ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ವಿಶೇಷ ಪೂಜೆ ಮುಗಿಸಿಕೊಂಡು ಬೆಂಗಳೂರಿಗೆ ವಾಪಸಾಗುತ್ತಿದ್ದರು. ಗೆಳೆಯ ಕಾರ್ತಿಕ್ ಹುಟ್ಟುಹಬ್ಬವೂ ಜೊತೆಯಲ್ಲೇ ಬಂದಿದ್ದರಿಂದ ಹುಟ್ಟುಹಬ್ಬವನ್ನೂ ಆಚರಿಸಿಕೊಂಡು ಹಿಂದಿರುಗುತ್ತಿದ್ದರು. ಸಫಾರಿಯಲ್ಲಿ ಬರುತ್ತಿದ್ದವರು ನಿಂತಿದ್ದ ಟ್ಯಾಂಕರ್‍ಗೆ ಡಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲೇ ಇಬ್ಬರೂ ಸಾವನ್ನಪ್ಪಿದ್ದಾರೆ. ಕಾರ್‍ನಲ್ಲಿದ್ದ ಇತರೆ ಗೆಳೆಯರಾದ ರಂಜಿತ್, ಎರಿಕ್, ಉತ್ತಮ್, ಹೊನ್ನೇಶ್, ಕಾರ್ತಿಕ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. 

    ನಟಿ ರಚನಾ, ಮಹಾನದಿ, ತ್ರಿವೇಣಿ ಸಂಗಮ, ಮಧುಬಾಲಾ ಮೊದಲಾದ ಧಾರಾವಾಹಿಗಳಲ್ಲಿ ನಟಿಸಿದ್ದರು. ಮಹಾನದಿ ಸೀರಿಯಲ್ ರಚನಾಗೆ ಖ್ಯಾತಿ ತಂದುಕೊಟ್ಟಿತ್ತು.

Matthe Udbhava Trailer Launch Gallery

Maya Bazaar Pressmeet Gallery