` dayal padmanabhan - chitraloka.com | Kannada Movie News, Reviews | Image

dayal padmanabhan

  • ಕರಾಳ ರಾತ್ರಿ ಸೈಲೆಂಟ್ ಸಕ್ಸಸ್

    karala ratri is a silent hit movie

    ಆ ಕರಾಳ ರಾತ್ರಿ. ಇದೇ ವಾರ ಬಿಡುಗಡೆಯಾದ ದಯಾಳ್ ಪದ್ಮನಾಭನ್‍ರ ಸಿನಿಮಾ, ಸದ್ದಿಲ್ಲದೆ ಹಿಟ್ ಆಗಿಬಿಟ್ಟಿದೆ. ಕಥೆ, ಚಿತ್ರಕಥೆಯೇ ಬಂಡವಾಳವಾಗಿರುವ ಸಸ್ಪೆನ್ಸ್, ಥ್ರಿಲ್ಲರ್ ಕತೆ ಪ್ರೇಕ್ಷಕರಿಗೆ ಇಷ್ಟವಾಗಿಹೋಗಿದೆ. ಚಿತ್ರದ ಬಗ್ಗೆ ಬಹುತೇಕ ಎಲ್ಲ ಪತ್ರಿಕೆ ಹಾಗೂ ಮಾಧ್ಯಮಗಳಲ್ಲಿ ಒಳ್ಳೆಯ ವಿಮರ್ಶೆಗಳೇ ಬಂದವು. ಇದೂ ಕೂಡಾ ಚಿತ್ರಕ್ಕೆ ನೆರವಾಗಿದೆ.

    ಮೊದಲ ವಾರದ ಕಲೆಕ್ಷನ್ 1 ಕೋಟಿಯ ಸಮೀಪ ಇದೆ. ಅಷ್ಟೇ ಅಲ್ಲ, ಚಿತ್ರಮಂದಿರಗಳ ಸಂಖ್ಯೆಯೂ ಹೆಚ್ಚುತ್ತಿದೆ. ಒಂದು ಚಿತ್ರ ಹಿಟ್ ಎನ್ನೋಕೆ ಇವಿಷ್ಟೇ ಕಾರಣಗಳು ಸಾಕೇನೋ..

    ನನ್ನ ಇದುವರೆಗಿನ ಸಿನಿಮಾಗಳಲ್ಲಿಯೇ ಅತೀ ಹೆಚ್ಚು ಮೊತ್ತದ ಟಿವಿ ರೈಟ್ಸ್ ಬರುತ್ತಿರುವ ಸಿನಿಮಾ ಇದು. ಈಗಾಗಲೇ ತಮಿಳು ಹಾಗೂ ತೆಲುಗಿಗೆ ರೀಮೇಕ್ ಹಕ್ಕುಗಳಿಗೆ ಬೇಡಿಕೆ ಬಂದಿದೆ. ರೀಮೇಕ್ ಯಾರೇ ಮಾಡಲಿ, ಅದನ್ನು ಕನ್ನಡದ ಕಥೆ ಎಂದು ಅವರ ಟೈಟಲ್ ಕಾರ್ಡ್‍ನಲ್ಲಿ ತೋರಿಸಬೇಕು. ಕಥೆ ಚಿತ್ರಕಥೆ ಬರೆದವರ ಹೆಸರು ಹಾಕಲೇಬೇಕು ಎನ್ನುವುದು ನನ್ನ ಕಂಡೀಷನ್. ಮಾತುಕತೆ ನಡೆಯುತ್ತಿವೆ ಎಂದಿದ್ದಾರೆ ದಯಾಳ್.

    ಜೆಕೆ, ಅನುಪಮಾ ಗೌಡ, ರಂಗಾಯಣ ರಘು, ವೀಣಾ ಸುಂದರ್, ನವೀನ್ ಕೃಷ್ಣ ಎಲ್ಲರಿಗೂ ಈಗ ಅಪರೂಪದ ಸಂಭ್ರಮ. ಸಿನಿಮಾ ರಿಲೀಸ್ ಆದ ಮೇಲೆ ಚಿತ್ರವನ್ನು ಪ್ರೇಕ್ಷಕರೇ ಪ್ರಚಾರ ಮಾಡುತ್ತಿರುವುದು ಚಿತ್ರತಂಡದ ಖುಷಿ ಇಮ್ಮಡಿಗೊಳ್ಳೋಕೆ ಕಾರಣ.

  • ಕರಾಳ ರಾತ್ರಿಯ ದಯಾಳ್‍ಗೆ ಜೆಕೆ ಥ್ಯಾಂಕ್ಸ್

    karala ratri actors praise dayal

    ಆ ಕರಾಳ ರಾತ್ರಿ. ಚಿತ್ರದ ಬಗ್ಗೆ ವ್ಯಕ್ತವಾಗುತ್ತಿರುವ ವಿಮರ್ಶೆಗಳನ್ನ ನೋಡಿ, ಥ್ರಿಲ್ಲಾಗಿರೋದು ಜೆಕೆ ಅಲಿಯಾಸ್ ಜಯ ಕಾರ್ತಿಕ್. ಈ ಚಿತ್ರದಲ್ಲಿ ತಾವು ನಟಿಸಿದ್ದರೂ, ಚಿತ್ರದ ಆತ್ಮ, ಹೃದಯ ಎಲ್ಲವೂ ದಯಾಳ್ ಅನ್ನೋದು ನಾಯಕ ನಟ ಜೆಕೆ ಸರ್ಟಿಫಿಕೇಟ್. ನಿರ್ದೇಶಕರಾಗಿ ದಯಾಳ್ ನನ್ನನ್ನೇ ಏಕೆ ಆಯ್ಕೆ ಮಾಡಿಕೊಂಡರು ಅನ್ನೋದು ಪಾತ್ರ ನೋಡಿದ ಮೇಲೆ ಗೊತ್ತಾಯ್ತು. ದಯಾಳ್‍ಗೆ ಅಂತಾದ್ದೊಂದು ದೃಷ್ಟಿಕೋನವಿದೆ ಅಂತಾರೆ ಜೆಕೆ.

    ಒಬ್ಬ ನಟನಾಗಿ ನಮಗೆ ಏನೇ ಕ್ರೆಡಿಟ್ ಸಿಕ್ಕರೂ, ಅದು ಸಲ್ಲಬೇಕಿರೋದು ನಿರ್ದೇಶಕರಿಗೆ. ಧಾರಾವಾಹಿಗಳಾದ ಅಶ್ವಿನಿ ನಕ್ಷತ್ರ, ಹಿಂದಿಯ ಸಿಯಾ ಕೆ ರಾಮ್, ಕೆಂಪೇಗೌಡ ಚಿತ್ರದ ಪುಟ್ಟ ಪಾತ್ರ.. ಹೀಗೆ ನಾನು ಮೆಚ್ಚುಗೆ ಗಳಿಸಿದ ಪ್ರತಿ ಚಿತ್ರದ ಹಿಂದೆಯೂ ಇರೋದು ನಿರ್ದೇಶಕರೇ. ಈ ಚಿತ್ರದಲ್ಲಂತೂ ದಯಾಳ್ ಅದ್ಭುತವಾಗಿ ಸಿನಿಮಾ ತೆರೆಗೆ ತಂದಿದ್ದಾರೆ ಅನ್ನೋದು ಜೆಕೆ ಮಾತು.

    ಚಿತ್ರದಲ್ಲಿ ಜೆಕೆಯವರದ್ದು ಶ್ರೀಮಂತನ ಪಾತ್ರ. ಸಿಕ್ಕಾಪಟ್ಟೆ ದುಡ್ಡಿರೋ, ಟ್ರಾವೆಲಿಂಗ್ ಮಾಡುತ್ತಾ ಜೀವನವನ್ನು ಎಂಜಾಯ್ ಮಾಡುವ ವ್ಯಕ್ತಿ. ಆಕಸ್ಮಿಕವಾಗಿ ಒಂದು ರಾತ್ರಿಯನ್ನು ರಂಗಾಯಣ ರಘು, ವೀಣಾ ಸುಂದರ್ ಹಾಗೂ ಅನುಪಮಾ ಗೌಡ ಅವರ ಮನೆಯಲ್ಲಿ ಕಳೆಯುತ್ತಾನೆ.ಆದರೆ, ಅದು ಕರಾಳ ರಾತ್ರಿಯಾಗುತ್ತೆ. ಹೇಗೆ... ಅದನ್ನು ದಯಾಳ್ ಸುಂದರವಾಗಿ ಕಟ್ಟಿಕೊಟ್ಟಿದ್ದಾರೆ. ಸಿನಿಮಾ ಥಿಯೇಟರ್‍ನಲ್ಲಿದೆ.

  • ಕರಾಳ ರಾತ್ರಿಯನ್ನು ಮೆಚ್ಚಿದ ಕಿಚ್ಚ, ಗೋಲ್ಡನ್ ಸ್ಟಾರ್

    aa karala ratri

    ಆ ಕರಾಳ ರಾತ್ರಿ. ದಯಾಳ್ ಪದ್ಮನಾಭನ್ ನಿರ್ದೇಶನದ ಚಿತ್ರ. ಚಿತ್ರವನ್ನು ಪ್ರೀಮಿಯರ್ ಶೋನಲ್ಲಿ ನೋಡಿದವರು ಚಿತ್ರದ ಬಗ್ಗೆ ಒಳ್ಳೆಯ ಮಾತನಾಡುತ್ತಿದ್ದಾರೆ. ದಯಾಳ್ ನಿರ್ದೇಶನದಲ್ಲಿ ಇದು ಅತ್ಯುತ್ತಮ ಸಿನಿಮಾ ಎನ್ನುತ್ತಿದ್ದಾರೆ. ಆ್ಯಕ್ಟರ್, ಹಗ್ಗದ ಕೊನೆ ಮೊದಲಾದ ಚಿತ್ರಗಳ ಮೂಲಕ ಅರ್ಟ್ ಮತ್ತು ಕಮರ್ಷಿಯಲ್ ಚಿತ್ರಗಳ ನಡುವೆ ಬ್ರಿಡ್ಜ್ ಕಟ್ಟುವ ಪ್ರಯತ್ನ ಮಾಡಿದ್ದ ದಯಾಳ್, ಈ ಚಿತ್ರದಲ್ಲಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ. ಕ್ರೈಂ ಥ್ರಿಲ್ಲರ್ ಕಥೆಯನ್ನು ಭಾವನೆಗಳೊಂದಿಗೆ ಹೆಣೆದಿದ್ದಾರೆ.

    ಸಿನಿಮಾ ದೊಡ್ಡದಲ್ಲ. 101 ನಿಮಿಷದ ಸಿನಿಮಾ. ಒಂದೇ ರಾತ್ರಿಯಲ್ಲಿ ನಡೆಯುವ ಕಥೆ. ಚಿತ್ರ ನೋಡುತ್ತಿರುವಷ್ಟೂ ನಿಮ್ಮ ಎದೆಬಡಿತದ ಸದ್ದು ನಿಮಗೆ ಕೇಳಿಸುತ್ತೆ ಅನ್ನೊದು ಚಿತ್ರದ ಥ್ರಿಲ್ಲರ್ ಕಸುಬುದಾರಿಕೆಗೆ ಸಾಕ್ಷಿ. ಚಿತ್ರವನ್ನ ಕಿಚ್ಚ ಸುದೀಪ್ ಮತ್ತು ಗೋಲ್ಡನ್ ಸ್ಟಾರ್ ಗಣೇಶ್ ಮೆಚ್ಚಿಕೊಂಡಿದ್ದಾರೆ.

    ದಯಾಳ್ ನಿರ್ದೇಶನ, ಜೆಕೆ, ಅನುಪಮಾ ಗೌಡ, ರಂಗಾಯಣ ರಘು, ವೀಣಾ ಸುಂದರ್ ಅಭಿನಯ, ಬಿಗಿಯಾದ ಚಿತ್ರಕಥೆ.. ಎಲ್ಲವೂ ಇಷ್ಟವಾಗಿದೆ. ಪ್ರೇಕ್ಷಕರಿಗೂ ಅದು ಮೆಚ್ಚುಗೆಯಾದರೆ, ದಯಾಳ್ ಗೆದ್ದಂತೆ. ಗೆಲ್ಲಲಿ.

     

  • ಗುರು ಶಿಷ್ಯರ ಜೊತೆ ಕರಾಳ ರಾತ್ರಿ

    aa karala ratri

    ಆ ಕರಾಳ ರಾತ್ರಿ.. ದಯಾಳ್ ಪದ್ಮನಾಭನ್ ನಿರ್ದೇಶನದ ಸಿನಿಮಾ. ಸಖಸಖಿ, ಆ್ಯಕ್ಟರ್ ಮೊದಲಾದ ವಿಭಿನ್ನ ಸಿನಿಮಾಗಳ ಮೂಲಕ ಹೆಸರಾಗಿರುವ ದಯಾಳ್ ಪದ್ಮನಾಭ್, ಈಗ ಆ ಕರಾಳ ರಾತ್ರಿ ಸಿನಿಮಾ ಮಾಡಿದ್ದಾರೆ. ಚಿತ್ರದ ಆಡಿಯೋ ಬಿಡುಗಡೆ ಮಾಡಿ ಸಂಭ್ರಮಿಸಿದ್ದಾರೆ. ಈ ಸಂಭ್ರಮದಲ್ಲಿ ದಯಾಳ್, ಗುರು ಶಿಷ್ಯರ ನಡುವೆ ಮಿನುಗಿದ್ದು ವಿಶೇಷ.

    ದಯಾಳ್ ಅವರ ಗುರು ಬೇರ್ಯೂರೂ ಅಲ್ಲ, ರಿಯಲ್ ಸ್ಟಾರ್ ಉಪೇಂದ್ರ. ಉಪೇಂದ್ರ ಅವರ ಜೊತೆ ಹೆಚ್2ಒನಲ್ಲಿ ಕೆಲಸ ಮಾಡುವ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದರು ದಯಾಳ್. ಇನ್ನು ನಿರ್ದೇಶಕ ಆರ್.ಚಂದ್ರು, ದಯಾಳ್ ಅವರ ಶಿಷ್ಯ. ದಯಾಳ್ ಅವರ ಸಖಸಖಿ ಚಿತ್ರದಲ್ಲಿ ಸಹ ನಿರ್ದೇಶಕರಾಗಿದ್ದವರು. 

    ಹೀಗೆ ಗುರು ಮತ್ತು ಶಿಷ್ಯರ ಪ್ರೀತಿಯ ನಡುವೆ ತಮ್ಮ ಆ ಕರಾಳ ರಾತ್ರಿಯ ಹಾಡು ಬಿಡುಗಡೆ ಸಂಭ್ರಮಿಸಿದರು ದಯಾಳ್

  • ಜಿಕೆ, ವೈಷ್ಣವಿ, ಅನುಪಮಾ, ದಯಾಳ್ ಬಿಗ್‍ಮಿಲನ

    big boss contestants reunite

    ಬಿಗ್‍ಬಾಸ್‍ನಲ್ಲಿ ಭಾಗವಹಿಸಿದ್ದ ಸ್ಪರ್ಧಿಗಳೆಲ್ಲ ಒಟ್ಟಿಗೇ ಸೇರುತ್ತಿದ್ದಾರೆ. ಇದೇ ಸೋಮವಾರ ಒಂದೇ ದಿನ ಎರಡು ಚಿತ್ರಗಳ ಮುಹೂರ್ತ ನಡೆಯುತ್ತಿದೆ. ಎರಡೂ ಚಿತ್ರಗಳಿಗೆ ಪದ್ಮನಾಭ್ ದಯಾಳ್ ನಿರ್ದೇಶಕ. ಒಂದು ಚಿತ್ರಕ್ಕೆ ಕೆ.ಮಂಜು ನಿರ್ಮಾಪಕರಾದರೆ, ಮತ್ತೊಂದು ಚಿತ್ರಕ್ಕೆ ಸೈಯದ್ ಸಲಾಮ್ ನಿರ್ಮಾಪಕರು. ಒಂದು `ಕರಾಳ ರಾತ್ರಿ' ಚಿತ್ರ, ಮತ್ತೊಂದು `ಪುಟ 109'.

    ಜೆಕೆ, ಅನುಪಮಾ ಹಾಗೂ ವೈಷ್ಣವಿ, ಬಿಗ್‍ಬಾಸ್‍ನಲ್ಲಿ ಸ್ಪರ್ಧಿಸಿದ್ದವರು. ನಿರ್ದೇಶಕ ದಯಾಳ್ ಕೂಡಾ  ಬಿಗ್‍ಬಾಸ್ ಮನೆಗೆ ಸ್ಪರ್ಧಿಯಾಗಿ ಹೋಗಿದ್ದವರೇ. ಅಲ್ಲಿಯೇ ಹೀರೋ, ಹೀರೋಯಿನ್‍ಗಳನ್ನು ಫಿಕ್ಸ್ ಮಾಡಿದ್ದ ದಯಾಳ್, ಈಗ ಮುಹೂರ್ತದ ಘಟ್ಟಕ್ಕೆ ಬಂದು ತಲುಪಿದ್ದಾರೆ. ನವೀನ್ ಕೃಷ್ಣ, ರಂಗಾಯಣ ರಘು, ವೀಣಾ ಸುಂದರ್ ಪ್ರಮುಖ ಪಾತ್ರದಲ್ಲಿರುತ್ತಾರೆ. ಒಟ್ಟಿನಲ್ಲಿ ಬಿಗ್‍ಬಾಸ್ ಸ್ಪರ್ಧಿಗಳೆಲ್ಲ ಒಟ್ಟಿಗೇ ಸೇರುತ್ತಿದ್ದಾರೆ.

     

  • ಡಾರ್ಕ್ ನೈಟ್‍ನಲ್ಲಿ.. ಜೆಕೆ, ಅನುಪಾಮಾ..

    jk, anupama in dark night

    ದಯಾಳ್ ಪದ್ಮನಾಭ್ ಹೊಸ ಚಿತ್ರಕ್ಕೆ ರೆಡಿಯಾಗುತ್ತಿದ್ದಾರೆ. ಬಿಗ್‍ಬಾಸ್ ಮನೆಯಿಂದ ಎರಡೇ ವಾರದಲ್ಲಿ ಎಲಿಮಿನೇಟ್ ಆಗಿ ಹೊರಬಿದ್ದ ದಯಾಳ್, ಈಗ ಡಾರ್ಕ್ ನೈಟ್ ಚಿತ್ರ ಮಾಡೋದಕ್ಕೆ ರೆಡಿಯಾಗುತ್ತಿದ್ದಾರೆ.

    ದಯಾಳ್ ಅವರು ಆಯ್ಕೆ ಮಾಡಿಕೊಂಡಿರೋದು ಮೋಹನ್ ಹಬ್ಬು ಅವರ ನಾಟಕ ಕರಾಳ ರಾತ್ರಿಯನ್ನ. ಆ ನಾಟಕಕ್ಕೆ ಒಪ್ಪಿಗೆ ಪಡೆದಿರುವ ದಯಾಳ್, ಚಿತ್ರದ ಚಿತ್ರಕಥೆ ರಚಿಸುವುದರಲ್ಲಿ ಬ್ಯುಸಿಯಾಗಿದ್ದಾರೆ. 

    ಬಿಗ್‍ಬಾಸ್ ಮನೆಯಲ್ಲಿದ್ದಾಗ ಜೆಕೆ ಹಾಗೂ ಅನುಪಮಾಗೆ ಕಥೆಯನ್ನೂ ಹೇಳಿದ್ದರಂತೆ. ಅವರು ಬಿಗ್‍ಬಾಸ್‍ನಿಂದ ಬಂದಮೇಲೆ ಮತ್ತೊಮ್ಮೆ ಭೇಟಿ ಮಾಡಿ ಫೈನಲ್ ಮಾಡತ್ತೇನೆ. ನನ್ನ ಪ್ರಕಾರ ಅವರು ಒಪ್ಪಿಯೇ ಒಪ್ಪುತ್ತಾರೆ ಎಂದು ವಿಶ್ವಾಸದಿಂದ ಹೇಳಿದ್ದಾರೆ ದಯಾಳ್.

  • ಡಿಟೆಕ್ಟಿವ್ ದಿವಾಕರ ಅಲ್ಲ.. ಇವನು ಡಿಟೆಕ್ಟಿವ್ ಓಂಕಾರ..

    meet detective omkar in trayambakam

    ಬೆಲ್‍ಬಾಟಂ ಸಿನಿಮಾದಲ್ಲಿ ಡಿಟೆಕ್ಟಿವ್ ದಿವಾಕರನಾಗಿ ರಿಷಬ್ ಶೆಟ್ಟಿ ಮಿಂಚು ಹರಿಸಿದ್ದರು. ಸಿನಿಮಾ ಹಿಟ್ ಆಗಿ, ದಿವಾಕರನೂ ಪ್ಯಾಪುಲರ್ ಆಗಿದ್ದ. ಈಗ ಇನ್ನೊಬ್ಬ ಡಿಟೆಕ್ಟಿವ್ ಬರುತ್ತಿದ್ದಾನೆ. ಇವನು ಡಿಟೆಕ್ಟಿವ್ ಓಂಕಾರ.

    ಓಂಕಾರನಾಗಿ ಬರ್ತಿರೋದು ಆರ್‍ಜೆ ರೋಹಿತ್. ಪಾತ್ರದ ಹೆಸರು ಓಂ ಅಲಿಯಾಸ್ ಓಂಕಾರ್. ಪ್ರಾಚ್ಯವಸ್ತು ಇಲಾಖೆಯ ಉದ್ಯೋಗಿಯೊಬ್ಬ ಅನುಮಾನಾಸ್ಪದವಾಗಿ ಸಾವಿಗೀಡಾಗುತ್ತಾನೆ. ಆತನದ್ದು ಕೊಲೆ ಎಂದು ಅನುಮಾನಗೊಂಡು ಬೆನ್ನು ಹತ್ತುವ ಓಂಕಾರ್ ಎದುರು, ನಿಗೂಢಗಳ ಪ್ರಪಂಚವೇ ತೆರೆದುಕೊಳ್ಳುತ್ತಾ ಹೋಗುತ್ತೆ. ಅವುಗಳೆಲ್ಲವನ್ನೂ ಆತ 3ನೇ ಕಣ್ಣಿನಿಂದ ನೋಡಬೇಕು. ಆ ಮೂರನೇ ಕಣ್ಣು ತ್ರಯಂಬಕಂ.

    ದಯಾಳ್ ನಿರ್ದೇಶನದ ಚಿತ್ರದಲ್ಲಿ ರಾಘವೇಂದ್ರ ರಾಜ್‍ಕುಮಾರ್, ಅನುಪಮಾ ಗೌಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

  • ತ್ರಯಂಬಂಕಂ ಥ್ರಿಲ್..

    thrayamabkam thrileer

    ತ್ರಯಂಬಂಕಂ. ದಯಾಳ್ ಪದ್ಮನಾಭ್ ಸಿನಿಮಾ. ಟ್ರೇಲರ್ ರಿಲೀಸ್ ಆಗಿದೆ. ಇದೊಂದು ಪಕ್ಕಾ ಸೈಕಲಾಜಿಕಲ್ ಥ್ರಿಲ್ಲರ್. ನೋ ಡೌಟ್. ವಿಜಯನಗರ ಕಾಲದ ಕಥೆಯಿಂದ ಶುರುವಾಗುವ ಕಥೆ, ಯಾವುದೋ ಪಾಷಾಣದ ಬೆನ್ನು ಹತ್ತುವ ಪತ್ರಕರ್ತೆ, ಮಗಳಿಗೆ ಆಕ್ಸಿಡೆಂಟ್ ಆಗಿಯೇ ಬಿಡುತ್ತೆ ಎಂದು ಭಾವಿಸಿ ಟೆನ್ಷನ್ ಆಗುವ ಅಪ್ಪ.. ಹೀಗೆ ಹೆಜ್ಜೆ ಹೆಜ್ಜೆಗೂ ತ್ರಯಂಬಕಂ ಸಿನಿಮಾ ಥ್ರಿಲ್ ಕೊಡುತ್ತಾ ಹೋಗುತ್ತೆ.

    ನಿರ್ದೇಶಕ ದಯಾಳ್, ಟ್ರೇಲರ್‍ನಲ್ಲಿ ಮೊದಲ ಗೆಲುವು ದಾಖಲಿಸಿದ್ದಾರೆ. ರಾಘವೇಂದ್ರ ರಾಜ್‍ಕುಮಾರ್, ಚಿತ್ರದ ಅತಿದೊಡ್ಡ ಅಟ್ರ್ಯಾಕ್ಷನ್. ಆರ್.ಜೆ.ರೋಹಿತ್ ಅವರಿಗೆ ಇಲ್ಲಿ ಡಿಟೆಕ್ಟಿವ್ ಪಾತ್ರವಿದೆ.

    ಇದು ಕಾಮನ್ ಸಿನಿಮಾ ಅಲ್ಲ. ಒಳ್ಳೆ ಘಟನೆಯನ್ನ ಚೆನ್ನಾಗಿ ತೋರಿಸಿದ್ದಾರೆ. ಥಿಯೇಟರಿನಿಂದ ಹೊರಬಂದ ಮೇಲೆ ಯಾರು ಹೀರೋ ಅನ್ನೋದು ನಿಮಗೆ ಗೊತ್ತಾಗಲ್ಲ. ಒಂದು ಹೊಸ ಅನುಭವ ಎಂದಿದ್ದಾರೆ ರಾಘವೇಂದ್ರ ರಾಜ್‍ಕುಮಾರ್.

  • ತ್ರಯಂಬಂಕಂ.. ರಿಲೀಸ್‍ಗೂ ಮೊದಲೇ ನಿರ್ಮಾಪಕರು ಸೇಫ್

    trayamabakam producers safe before movie release

    ಕಡಿಮೆ ಬಜೆಟ್, ಅದ್ಭುತ ಕಥೆ, ಕಡಿಮೆ ಸಮಯ, ಒಳ್ಳೆಯ ಸಿನಿಮಾ..ಇದು ದಯಾಳ್ ಪದ್ಮನಾಭನ್ ಸ್ಪೆಷಾಲಿಟಿ. ಆ್ಯಕ್ಟರ್ ಚಿತ್ರದ ನಂತರ ತಮ್ಮ ವರಸೆಯನ್ನೇ ಬದಲಿಸಿಕೊಂಡು ಒಳ್ಳೆಯ ಚಿತ್ರಗಳನ್ನು ನೀಡಿ ಗೆದ್ದ ದಯಾಳ್, ತ್ರಯಂಬಕಂನಲ್ಲೂ ಆ ಸಾಧನೆ ರಿಪೀಟ್ ಮಾಡಿದ್ದಾರೆ. ಇದೇ ವಾರ ರಿಲೀಸ್ ಆಗುತ್ತಿರುವ ತ್ರಯಂಬಕಂ ಚಿತ್ರದ ನಿರ್ಮಾಪಕರು, ಈಗಾಗಲೇ ಬಜೆಟ್ಟಿನ ಶೇ.50ರಷ್ಟನ್ನು ಪಡೆದುಕೊಂಡಿದ್ದಾರೆ. ಅಷ್ಟರಮಟ್ಟಿಗೆ ನಿರ್ಮಾಪಕರು ಸೇಫ್.

    ರಾಘವೇಂದ್ರ ರಾಜ್‍ಕುಮಾರ್, ಅನುಪಮಾ ಗೌಡ, ಆರ್‍ಜೆ ರೋಹಿತ್ ಪ್ರಮುಖ ಪಾತ್ರದಲ್ಲಿರೋ ಚಿತ್ರಕ್ಕೆ ನವೀನ್ ಕೃಷ್ಣ ಸಂಭಾಷಣೆ ಇದೆ. ವಿಶ್ವ ಮಾರುಕಟ್ಟೆಯ ಹಕ್ಕನ್ನು ಜಾಕ್ ಮಂಜು ಪಡೆದುಕೊಂಡಿದ್ದಾರೆ. ಇಂದು ಸಂಜೆ ಜಿಟಿ ಮಾಲ್‍ನಲ್ಲಿ ಚಿತ್ರದ ಪ್ರೀಮಿಯರ್ ಶೋ ಏರ್ಪಡಿಸಲಾಗಿದೆ.

  • ದಯಾಳ್ ಜೊತೆ ರಾಘವೇಂದ್ರ ರಾಜ್‍ಕುಮಾರ್ ಸಿನಿಮಾ

    dayal's next film is with raghavendra rajkumar

    ರಾಘವೇಂದ್ರ ರಾಜ್‍ಕುಮಾರ್ ಮತ್ತು ದಯಾಳ್ ಪದ್ಮನಾಭನ್ ಜೊತೆಯಾಗುತ್ತಿದ್ದಾರೆ. ಆ್ಯಕ್ಟರ್, ಆ ಕರಾಳ ರಾತ್ರಿ ಚಿತ್ರಗಳ ಮೂಲಕ ವಿಭಿನ್ನತೆಯ ಛಾಪು ಮೂಡಿಸಿರುವ ದಯಾಳ್ ಪದ್ಮನಾಭನ್, ಈ ಬಾರಿ ರಾಘವೇಂದ್ರ ರಾಜ್‍ಕುಮಾರ್‍ಗೆ ಸಿನಿಮಾ ಮಾಡಲು ಸಿದ್ಧರಾಗಿದ್ದಾರೆ.

    ತ್ರಯಂಬಕಮ್ ಅನ್ನೋದು ಈ ಸಿನಿಮಾದ ಹೆಸರು. ದಯಾಳ್ ಅವರ ಜೊತೆ ಸಂಭಾಷಣೆಕಾರರಾಗಿ ನವೀನ್ ಕೃಷ್ಣ ಇರುತ್ತಾರೆ. ರೋಹಿತ್ ಮತ್ತು ಅನುಪಮಾ ಗೌಡ ಚಿತ್ರದ ತಾರಾಗಣದಲ್ಲಿರುತ್ತಾರೆ. ನವೆಂಬರ್ 9ರಂದು ಚಿತ್ರ ಸೆಟ್ಟೇರಲಿದೆ. ದಯಾಳ್ ಪದ್ಮನಾಭನ್ ಅವರ ಪುಟ 109 ತೆರೆಗೆ ಸಿದ್ಧವಾಗಿದ್ದು, ಹೊಸ ಚಿತ್ರವೂ ಶೀಘ್ರದಲ್ಲೇ ಶುರುವಾಗಲಿದೆ.

  • ಪ್ರಯೋಗವೂ ಅಲ್ಲ.. ಕಮರ್ಷಿಯಲ್ಲೂ ಅಲ್ಲ.. ಬ್ರಿಡ್ಜ್ ಸಿನಿಮಾ ಪುಟ 109

    dayal's puta 109 rocks again

    ನಿರ್ದೇಶಕ ದಯಾಳ್ ಪದ್ಮನಾಭನ್‍ಗೆ ಪ್ರಯೋಗಾತ್ಮಕ, ವಿಭಿನ್ನ ಚಿತ್ರಗಳ ಭರ್ಜರಿ ಹಿಡಿತ ಸಿಕ್ಕಿಬಿಟ್ಟಿದೆ. ಆ್ಯಕ್ಟರ್ ಚಿತ್ರದಿಂದ ಶುರುವಾದ ವಿಭಿನ್ನ ಕಥೆಗಳನ್ನು ಹೇಳುವ ದಯಾಳ್ ಸೂತ್ರ, ಹಗ್ಗದ ಕೊನೆ, ಆ ಕರಾಳ ರಾತ್ರಿಯಲ್ಲೂ ಮುಂದುವರೆದಿತ್ತು. ಈಗ ಪುಟ 109ರಲ್ಲೂ ದಯಾಳ್ ಆ ವಿಷಯದಲ್ಲಿ ಗೆದ್ದಿದ್ದಾರೆ. ಚಿತ್ರವನ್ನು ನೋಡಿದವರು ಮತ್ತೊಮ್ಮೆ ಥ್ರಿಲ್ಲಾಗಿದ್ದಾರೆ.

    ಇದು ಅನ್‍ಯೂಷುಯಲ್ ಕ್ರೈಂ ಥ್ರಿಲ್ಲರ್. ಪ್ರಯೋಗಾತ್ಮಕ ಚಿತ್ರವೂ ಅಲ್ಲ, ಅತ್ತ ಕಮರ್ಷಿಯಲ್ ಚಿತ್ರವೂ ಅಲ್ಲ. ಬ್ರಿಡ್ಜ್ ಸಿನಿಮಾ ಎನ್ನುತ್ತಾರೆ ದಯಾಳ್. ಆರ್. ಅರವಿಂದ್ ಎಂಬುವವರು ಬರೆದ ಕಥೆಗೆ ಸಂಭಾಷಣೆ ಬರೆದಿರುವುದು ನವೀನ್ ಕೃಷ್ಣ. ಆ ಕರಾಳ ರಾತ್ರಿಯಲ್ಲಿ ಅಚ್ಚರಿ ಮೂಡಿಸಿದ್ದ ಜಿಕೆ, ಈ ಚಿತ್ರದಲ್ಲಿ ಇನ್ನೂ ಎತ್ತರಕ್ಕೇರಿದ್ದಾರೆ. ಜಿಕೆ ಮತ್ತು ನವೀನ್ ಕೃಷ್ಣ ನಡುವಣ ಜುಗಲ್‍ಬಂದಿ ಪ್ರೇಕ್ಷಕರನ್ನು ಥ್ರಿಲ್ಲಾಗಿಸಲಿದೆ ಎಂದಿದ್ದಾರೆ ದಯಾಳ್.

    ಸಿನಿಮಾದ ಹೈಲೈಟ್ ಏನ್ ಗೊತ್ತಾ..? 70 ನಿಮಿಷಗಳ ಒಂದೇ ದೃಶ್ಯ. ಆದರೆ ಒಂದು ಕ್ಷಣವೂ ಬೋರ್ ಆಗಲ್ಲ. ಪ್ರೇಕ್ಷಕ ಸೀಟಿನ ತುತ್ತತುದಿಯಲ್ಲಿ ಕುಳಿತು ಥ್ರಿಲ್ ಅನುಭವಿಸ್ತಾನೆ ಅನ್ನೋದು ದಯಾಳ್ ಭರವಸೆ. 

    ಚಿತ್ರದ ನಾಯಕಿ ವೈಷ್ಣವಿ ಮೆನನ್, ಈ ಚಿತ್ರದಲ್ಲಿ ಮಾರ್ಡನ್ ಹೆಂಡತಿಯಾಗಿ ಮಿಂಚಿದ್ದಾರೆ. ಅಂದಹಾಗೆ ಸಿನಿಮಾ ಶುರುವಾದ ಕೆಲವೇ ನಿಮಿಷಗಳಲ್ಲಿ ಅವರು ಕೊಲೆಯಾಗಿ ಹೋಗ್ತಾರೆ. ಥ್ರಿಲ್ ಶುರುವಾಗುವುದೇ ಆಗ. ಪುಟ 109 ಥಿಯೇಟರುಗಳಲ್ಲಿದೆ.

  • ಪ್ರಿಯಾಂಕಾ ಉಪೇಂದ್ರ ಸುಪಾರಿ ಕೊಲೆಗೆ ಜಾಕ್ ಮಂಜು, ದಯಾಳ್ 

    priyanka upendra aceepts supari kole

    ಪ್ರಿಯಾಂಕಾ ಉಪೇಂದ್ರ ಸುಪಾರಿ ಕೊಲೆಗೆ ದಯಾಳ್ ಪದ್ಮನಾಭನ್ ಮುಂದಾಗಿದ್ದಾರೆ. ಇದು ದಯಾಳ್ ನಿರ್ದೇಶಿಸಲು ಹೊರಟಿರುವ ಹೊಸ ಸಿನಿಮಾ. ಅದು ಶಿವಕುಮಾರ್ ಮಾವಲಿ ಎಂಬುವವರ ನಾಟಕ ಆಧರಿಸಿದ ಸಿನಿಮಾ. ಚಿತ್ರದ ಕಥೆ ಕೇಳಿ ಪ್ರಿಯಾಂಕಾ ಥ್ರಿಲ್ಲಾಗಿದ್ದಾರಂತೆ.

    ಆ್ಯಕ್ಟರ್ ಮತ್ತು ಕರಾಳ ರಾತ್ರಿ ಚಿತ್ರಗಳ ನಂತರ ದಯಾಳ್ ಪದ್ಮನಾಭನ್ ವಿಭಿನ್ನ ಕಥೆಗಳ ಮೂಲಕವೇ ಗಮನ ಸೆಳೆಯುತ್ತಿದ್ದಾರೆ. ಈ ಚಿತ್ರದಲ್ಲೂ ಅಷ್ಟೆ, ಗಂಡನ ಕೊಲೆಗೆ ಸುಪಾರಿ ನೀಡುವ ಪತ್ನಿ, ಜೊತೆಯಲ್ಲೇ ತನ್ನ ಕೊಲೆಗೂ ಸುಪಾರಿ ಕೊಡುತ್ತಾಳೆ. ಪ್ರಿಯಾಂಕಾ ಉಪೇಂದ್ರ ಅವರನ್ನು ಥ್ರಿಲ್ಲಾಗಿಸಿರುವುದೇ ಅದು.

    ದಯಾಳ್ ನಿರ್ದೇಶನದ ಚಿತ್ರಕ್ಕೆ ನಿರ್ಮಾಪಕರಾಗುತ್ತಿರುವುದು ಜಾಕ್ ಮಂಜು. ಅಂಬಿ ನಿಂಗ್ ವಯಸ್ಸಾಯ್ತೋ ಚಿತ್ರದ ನಂತರ ಜಾಕ್ ಮಂಜು ನಿರ್ಮಿಸುತ್ತಿರುವ ಸಿನಿಮಾ, ಮುಂದಿನ ವರ್ಷ ಸೆಟ್ಟೇರಲಿದೆ.

  • ಬಿಗ್‍ಬಾಸ್ ಮನೆಯಲ್ಲಿ ಬಿತ್ತಿದ ಬೀಜ ಕರಾಳ ರಾತ್ರಿ

    karala ratri started in big boss house

    ಆ ಕರಾಳ ರಾತ್ರಿ. ಈ ಚಿತ್ರ ಮೊಳಕೆಯೊಡೆದಿದ್ದೇ ಬಿಗ್‍ಬಾಸ್ ಮನೆಯಲ್ಲಿ. ಬಿಗ್‍ಬಾಸ್ ಮನೆಯಲ್ಲಿದ್ದಾಗ ದಯಾಳ್, ತಮ್ಮೊಂದಿಗಿದದ ಅನುಪಮಾ ಮತ್ತು ಜಯಕೀರ್ತಿಗೆ ಈ ಕಥೆ ಹೇಳಿದ್ದರಂತೆ. ಬಿಗ್‍ಬಾಸ್ ಮನೆಯಿಂದ ಹೊರಬಂದ ಮೇಲೆ ಚಿತ್ರಕ್ಕೆ ನೀವೇ ಹೀರೋ, ಹೀರೋಯಿನ್ ಎಂದಿದ್ದರಂತೆ. ಜೆಕೆಗೆ ಇಷ್ಟವಾಗಿದ್ದುದು ಆ ಕರಾಳ ರಾತ್ರಿ ಕಥೆ.

    ಕಥೆ ಡಿಫರೆಂಟ್ ಆಗಿತ್ತು. ಆದರೆ, ದಯಾಳ್ ಸಿನಿಮಾ ಮಾಡ್ತಾರಾ ಅನ್ನೋ ಅನುಮಾನವೂ ಇತ್ತು. ಆದರೆ, ಬಿಗ್‍ಬಾಸ್‍ನಿಂದ ಬಂದ ಮೇಲೆ ನನಗೇ ಗೊತ್ತಿಲ್ಲದಂತೆ ಸಿನಿಮಾ ಅನೌನ್ಸ್ ಮಾಡಿ ಸರ್‍ಪ್ರೈಸ್ ಕೊಟ್ಟರು ಎಂದಿದ್ದಾರೆ ಜೆಕೆ.

    ಚಿತ್ರಕ್ಕಾಗಿ ಇದೇ ಮೊದಲ ಬಾರಿಗೆ ಜೆಕೆ ಗೆಟಪ್ ಬದಲಾಗಿದೆ. ರೆಟ್ರೊ ಲುಕ್‍ನಲ್ಲಿ ಲಾಂಗ್ ಹೇರ್, ದಪ್ಪ ಮೀಸೆ, ಕಾಸ್ಟ್ಯೂಮ್ ಬದಲಿಸಿಕೊಂಡಿದ್ದಾರೆ. ಚಿತ್ರದ ಪ್ರತಿ ಡೈಲಾಗ್‍ನ್ನೂ ಎಂಜಾಯ್ ಮಾಡಿದ್ದೇನೆ. ಡೈಲಾಗುಗಳು ವಿಭಿನ್ನವಾಗಿವೆ. ದಯಾಳ್ ಚಿತ್ರದ ಸ್ಕ್ರಿಪ್ಟ್ ಕೊಟ್ಟಾಗ ನನ್ನಿಂದ ಇಂಥ ಸಿನಿಮಾ ಸಾಧ್ಯವಾ ಎಂಬ ಅನುಮಾನ ಮೂಡಿತ್ತು. ಆದರೆ, ಚಿತ್ರವನ್ನು ತುಂಬಾ ಇಷ್ಟಪಟ್ಟು ಮಾಡಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ ಕಿರುತೆರೆಯ ಸೂಪರ್‍ಸ್ಟಾರ್ ಜೆಕೆ ಅಲಿಯಾಸ್ ಜಯಕೀರ್ತಿ.

  • ಮಾರ್ಚ್ ಕೊನೆಗೆ ಮತ್ತೆ ರಾಘಣ್ಣ 

    raghavendra rajkumar in theaters this march

    ಅಮ್ಮನ ಮನೆ ಸಿನಿಮಾ ಮಾರ್ಚ್ ಆರಂಭದಲ್ಲಿ ರಿಲೀಸ್ ಆಗಿತ್ತು. ಮಹಿಳಾ ದಿನದಂದೇ ಬಿಡುಗಡೆಯಾಗಿರುವ ಅಮ್ಮನ ಮನೆ ಸಿನಿಮಾ ವಿಮರ್ಶಕರ ಮೆಚ್ಚುಗೆ ಗಳಿಸಿದೆ. ಚಿತ್ರದ ಟಾರ್ಗೆಟ್ ಪ್ರೇಕ್ಷಕರನ್ನು ಯಶಸ್ವಿಯಾಗಿ ರೀಚ್ ಆಗಿದೆ ಅಮ್ಮನ ಮನೆ. ಕ್ಲಾಸ್ ವರ್ಗದ ಪ್ರೇಕ್ಷಕರು ಚಿತ್ರವನ್ನು ಕಣ್ತುಂಬಿಕೊಳ್ಳುತ್ತಿದ್ದಾರೆ.

    14 ವರ್ಷಗಳ ನಂತರ ತೆರೆಗೆ ಬಂದಿರೋ ರಾಘವೇಂದ್ರ ರಾಜ್‍ಕುಮಾರ್, ಇದೇ ತಿಂಗಳ ಕೊನೆಗೆ ಮತ್ತೊಮ್ಮೆ ಬರುತ್ತಿದ್ದಾರೆ. ಡಫರೆಂಟ್ ಚಿತ್ರಗಳ ನಿರ್ದೇಶಕ ದಯಾಳ್ ಪದ್ಮನಾಭನ್ ನಿರ್ದೇಶನದ ತ್ರಯಂಬಕಂ ಸಿನಿಮಾ, ಮಾರ್ಚ್ 29ಕ್ಕೆ ಬಿಡುಗಡೆಯಾಗುತ್ತಿದೆ. 

    ಆ್ಯಕ್ಟರ್ ಚಿತ್ರದಿಂದ ವಿಭಿನ್ನ ಚಿತ್ರಗಳ ನಿರ್ದೇಶಕ ಎಂದೇ ಗುರುತಿಸಿಕೊಂಡ ದಯಾಳ್, ಅದಾದ ನಂತರ ಹಗ್ಗದ ಕೊನೆ, ಪುಟ 109, ಆ ಕರಾಳ ರಾತ್ರಿ ಚಿತ್ರಗಳ ಮೂಲಕ ನಿರೀಕ್ಷೆ ಹೆಚ್ಚಿಸುತ್ತಲೇ ಹೋಗಿದ್ದಾರೆ. ಇದೊಂದು ಮೈಥಾಲಜಿಕಲ್ ಥ್ರಿಲ್ಲರ್ ಸೈಕಲಾಜಿಕಲ್ ಚಿತ್ರ. 

  • ಮೂರನೇ ಕಣ್ಣು..ನವಪಾಶಾಣ..ಶ್ರೀಕೃಷ್ಣದೇವರಾಯ..5000 ವರ್ಷ.. ಏನಿದರ ರಹಸ್ಯ..?

    trayambakam has lot of thrilling elements

    ತ್ರಯಂಬಕಂ ಎಂದರೆ ಶಿವನ ಮೂರನೇ ಕಣ್ಣು ಎಂದರ್ಥ. ಅಮರಕೋಶ ಓದಿದವರಿಗೆ ಇದು ಖಂಡಿತಾ ಗೊತ್ತಿರುತ್ತೆ. ಚಿತ್ರದ ಹೆಸರು ಹೀಗಿದ್ದರೆ, ಚಿತ್ರದಲ್ಲಿರೋದು ನವಪಾಶಾಣದ ಕಥೆ. ಭಾರತದಲ್ಲಿ ಒಂದಾನೊಂದು ಕಾಲದಲ್ಲಿ ಅಸ್ಥಿತ್ವದಲ್ಲಿ ವೈದ್ಯಕೀಯ ಪದ್ಧತಿ ಮತ್ತು ಔಷಧದ ಕಥೆ. ಸುಮಾರು 5000 ವರ್ಷಗಳ ಹಿಂದಿನ ಕಥೆ. ಇದುವರೆಗೂ ಅದನ್ನು ಯಾರೂ ಟಚ್ ಮಾಡುವ ಸಾಹಸಕ್ಕೂ ಹೋಗಿರಲಿಲ್ಲ.

    ಆಗಿನ ಆ ಕಥೆಗೂ, ಈಗಿನ ಈ ನವಮಾನಸಕ್ಕೂ ಎತ್ತಣಿಂದೆತ್ತಣ ಸಂಬಂಧ..? ಚಿತ್ರದ ಹೆಸರಷ್ಟೇ ಅಲ್ಲ, ಇಡೀ ಚಿತ್ರ ನಿಮ್ಮನ್ನು ಸೀಟಿನ ತುದಿಯಲ್ಲಿಯೇ ಕೂರಿಸುತ್ತೆ. ಕೌತುಕ ಅಂಶಗಳಿವೆ. ಒಂದು ಪರಿಪೂರ್ಣ ಸಸ್ಪೆನ್ಸ್ ಥ್ರಿಲ್ಲರ್ ಅನ್ನೋ ಭರವಸೆ ಕೊಡ್ತಾರೆ ಅನುಪಮಾ ಗೌಡ.

    ಕರಾಳ ರಾತ್ರಿಯಲ್ಲಿ ಗಟ್ಟಿಗಿತ್ತಿಯಾಗಿ ನಟಿಸಿ ಮೆಚ್ಚುಗೆ ಗಿಟ್ಟಿಸಿದ್ದ ಅನುಪಮಾಗೆ ಇಲ್ಲಿ ಜರ್ನಲಿಸ್ಟ್ ಪಾತ್ರ. ಇವರ ತಂದೆಯಾಗಿ ನಟಿಸಿರೋದು ರಾಘವೇಂದ್ರ ರಾಜ್‍ಕುಮಾರ್. ರಾಘಣ್ಣನ 2ನೇ ಇನ್ನಿಂಗ್ಸ್‍ನಲ್ಲಿ ಬರುತ್ತಿರುವ 2ನೇ ಸಿನಿಮಾ ಇದು.

    ದಯಾಳ್ ಪದ್ಮನಾಭನ್ ಈ ನವಪಾಶಾಣದ ಕಥೆಯನ್ನು ಶ್ರೀಕೃಷ್ಣ ದೇವರಾಯನನ್ನು ಈಗಿನ ಕಾಲಕ್ಕೆ ತಂದಿದ್ದು ಹೇಗೆ ಅನ್ನೋದೇ ಒಂದು ದೊಡ್ಡ ರಹಸ್ಯ. ಆ ರಹಸ್ಯ ಥಿಯೇಟರುಗಳಲ್ಲಿ ಕೆಲವೇ ದಿನಗಳಲ್ಲಿ ಬಹಿರಂಗವಾಗಲಿದೆ.

  • ಯೋಗಿಯ ‘ಒಂಭತ್ತನೇ ದಿಕ್ಕು’ ಆದಿತಿಯೇ ಅಧಿಪತಿ

    arya claps for ombattane dikku movie

    ಲೂಸ್ ಮಾದ ಯೋಗಿ ದಯಾಳ್ ಪದ್ಮನಾಭನ್ ಇದೇ ಮೊದಲ ಬಾರಿಗೆ ಜೊತೆಯಾಗಿದ್ದಾರೆ. ನಾಯಕಿ ಆದಿತಿ ಪ್ರಭುದೇವ ರಂಗನಾಯಕಿ ಚಿತ್ರದ ನಂತರ ಮತ್ತೊಮ್ಮೆ ದಯಾಳ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಒನ್ಸ್ ಎಗೇಯ್ನ್ ಒಂದು ಥ್ರಿಲ್ಲರ್ ಕಥೆಯನ್ನಿಟ್ಟುಕೊಂಡೇ ಬಂದಿದ್ದಾರೆ ದಯಾಳ್. ಚಿತ್ರಕ್ಕೆ ಮುಹೂರ್ತ ನೆರವೇರಿದ್ದು, ತಮಿಳು ನಟ ಆರ್ಯ ಚಿತ್ರಕ್ಕೆ ಕ್ಲಾಪ್ ಮಾಡಿದ್ದಾರೆ.

    ಸರಳವಾದ ಕಥೆಗಳನ್ನು ಮನಮುಟ್ಟುವಂತೆ ಹೇಳೋದ್ರಲ್ಲಿ ಯಶಸ್ಸು ಕಂಡಿರುವ ದಯಾಳ್, ರಂಗನಾಯಕಿ ಚಿತ್ರವನ್ನು ಮುಗಿಸಿದ್ದಾರೆ. ಅದು ರಿಲೀಸ್ ಆಗುವ ಮೊದಲೇ ಎಂದಿನಂತೆ ಹೊಸ ಪ್ರಯೋಗಕ್ಕೆ ಕೈ ಹಾಕಿದ್ದಾರೆ. ಅಫ್ಕೋರ್ಸ್, ಈ ಚಿತ್ರದಲ್ಲೂ ದಯಾಳ್ ಜೊತೆ ನವೀನ್ ಕೃಷ್ಣ ಜೊತೆಯಾಗಿದ್ದಾರೆ.

  • ರಂಗನಾಯಕಿ ಚಾಲೆಂಜ್

    ranganayaki is an experiment

    ರಂಗನಾಯಕಿ, ಅತ್ಯಾಚಾರ ಸಂತ್ರಸ್ತೆಯೊಬ್ಬಳ ಕಾನೂನು ಹೋರಾಟದ ಸಿನಿಮಾ. ಬೆಳ್ಳಿತೆರೆಯ ಮೇಲೆ ಅತ್ಯಾಚಾರದ ಸೀನ್ ಹೊಸದಲ್ಲವಾದರೂ, ಅತ್ಯಾಚಾರ ಸಂತ್ರಸ್ತೆಯ ಹೋರಾಟವನ್ನೇ ಸಿನಿಮಾ ಮಾಡಿರುವುದು ಬಹುಶಃ ಬೆಳ್ಳಿತೆರೆಯ ಮೇಲೆ ಇದೇ ಮೊದಲು. ಅಂಥಾದ್ದೊಂದು ಸಾಹಸಕ್ಕೆ ಕೈ ಹಾಕಿ ಗೆಲುವಿನ ಹೆಜ್ಜೆ ಇಟ್ಟಿದ್ದಾರೆ ನಿರ್ದೇಶಕ ದಯಾಳ್ ಪದ್ಮನಾಭನ್.

    ಇದೊಂದು ಪ್ರಯೋಗಾತ್ಮಕ ಚಿತ್ರ. ಈ ತರಹದ ಸಬ್ಜೆಕ್ಟ್ ಇಟ್ಟುಕೊಂಡು ಸಿನಿಮಾ ಮಾಡುವವರೇ ಕಡಿಮೆ ಎನ್ನುವ ದಯಾಳ್, ಇಡೀ ಚಿತ್ರದ ಕತೆ, ಚಿತ್ರಕಥೆಯನ್ನು ಹತ್ತಾರು ಬಾರಿ ತಿದ್ದಿದ್ದಾರಂತೆ. ಗೋವಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕೆ ಪನೋರಾಮದಿಂದ ಆಯ್ಕೆಯಾಗಿರುವ ಏಕೈಕ ಕನ್ನಡ ಸಿನಿಮಾ ರಂಗನಾಯಕಿ. ಚಿತ್ರವನ್ನು ನೋಡಿದವರು ಆಡುತ್ತಿರುವ ಮೆಚ್ಚುಗೆ ಮಾತುಗಳು ದಯಾಳ್ ಅವರಿಗೆ ತೃಪ್ತಿ ಕೊಟ್ಟಿವೆ.

    ಎಸ್.ವಿ.ನಾರಾಯಣ್ ಎಂಟರ್‍ಟೈನ್‍ಮೆಂಟ್ ಬ್ಯಾನರ್‍ನಲ್ಲಿ ಎಸ್.ವಿ.ನಾರಾಯಣ್ ನಿರ್ಮಾಣ ಮಾಡಿರುವ ಚಿತ್ರ ರಂಗನಾಯಕಿ. ಆದಿತಿ ಪ್ರಭುದೇವ ಪ್ರಧಾನ ಪಾತ್ರದಲ್ಲಿದ್ದು, ಜೊತೆಯಲ್ಲಿ ಶ್ರೀನಿ, ತ್ರಿವಿಕ್ರಂ, ಸುಚೇಂದ್ರ ಪ್ರಸಾದ್, ಸಿಹಿಕಹಿ ಚಂದ್ರು, ಸುಂದರ್ ರಾಜ್, ರವಿಭಟ್ ಮೊದಲಾದವರು ನಟಿಸಿದ್ದಾರೆ.

  • ರಂಗನಾಯಕಿ ಜೊತೆ ದಯಾಳ್ ಒಂಭತ್ತನೇ ದಿಕ್ಕು

    dayal's nextis ombhathane dikku

    ದಯಾಳ್ ಪದ್ಮನಾಭನ್ ಇತ್ತೀಚೆಗೆ ತಾನೇ ರಂಗನಾಯಕಿ ಚಿತ್ರವನ್ನು ಕಂಪ್ಲೀಟ್ ಮಾಡಿದ್ದಾರೆ. ಆದಿತಿ ಪ್ರಭುದೇವ ಜೊತೆಗಿನ ರಂಗನಾಯಕಿ ಮುಗಿಸಿದ್ದೇ ತಡ.. ಮತ್ತೊಂದು ಚಿತ್ರವನ್ನು ಕೈಗೆತ್ತಿಕೊಂಡಿದ್ದಾರೆ. ಚಿತ್ರದ ಹೆಸರು ಒಂಭತ್ತನೇ ದಿಕ್ಕು.

    ಲೂಸ್ ಮಾದ ಯೋಗಿ ನಾಯಕರಾಗಿದ್ದು, ಆದಿತಿ ಪ್ರಭುದೇವ ನಾಯಕಿ. ಇದೊಂದು ಸಾಹಸ ಪ್ರಧಾನ ಕ್ರೈಂ ಥ್ರಿಲ್ಲರ್ ಸಿನಿಮಾ ಆಗಿದ್ದು, ಹಲವು ಸಾಹಸ ಸನ್ನಿವೇಶಗಳೂ ಇವೆ ಎಂದಿದ್ದಾರೆ ದಯಾಳ್ ಪದ್ಮನಾಭನ್. ಸೆಪ್ಟೆಂಬರ್ 12ರಂದು ಒಂಭತ್ತನೇ ದಿಕ್ಕು ಶೂಟಿಂಗ್ ಶುರುವಾಗಲಿದೆ.

  • ರಂಗನಾಯಕಿ ಬೆನ್ನು ಹತ್ತಿದ ದಯಾಳ್

    dayal's next film is ranganayaki

    ದಯಾಳ್ ಪದ್ಮನಾಭನ್, ಕಡಿಮೆ ಬಜೆಟ್‍ನ ಉತ್ತಮ ಕಥೆಯ ಚಿತ್ರಗಳಿಗೆ ಹೆಸರುವಾಸಿ. ಒಂದರ ಹಿಂದೊಂದು ವಿಭಿನ್ನ ಸಿನಿಮಾ ನೀಡುತ್ತಿರುವ ದಯಾಳ್ ಈ ಬಾರಿ ರಂಗನಾಯಕಿ ಬೆನ್ನು ಹತ್ತಿದ್ದಾರೆ.

    ರಂಗನಾಯಕಿ ಎಂದ ತಕ್ಷಣ ಕಣ್ಣ ಮುಂದೆ ಬರುವುದು ಆರತಿ ಮತ್ತು ಪುಟ್ಟಣ್ಣ ಕಣಗಾಲ್. ಕನ್ನಡದ ಮಾಸ್ಟರ್ ಪೀಸ್ ಚಿತ್ರಗಳಲ್ಲೊಂದು. ಆ ಟೈಟಲ್ ಇಟ್ಟುಕೊಂಡು ಹೊಸ ಸಿನಿಮಾ ಮಾಡಲು ರೆಡಿಯಾಗಿದ್ದಾರೆ ದಯಾಳ್.

    ರಂಗನಾಯಕಿಯಾಗಿ ಆದಿತಿ ಪ್ರಭುದೇವ ಅವರನ್ನು ಸೆಲೆಕ್ಟ್ ಮಾಡಿದ್ದಾರೆ. ಬಜಾರ್ ಚಿತ್ರದಿಂದ ಗುರುತಿಸಿಕೊಂಡ ಆದಿತಿ ಅವರಿಗೆ ಚಿತ್ರದಲ್ಲಿ ದಿಟ್ಟ ಹೆಣ್ಣುಮಗಳ ಪಾತ್ರ. 

    ಬಜಾರ್ ನಂತರ ಸಿಂಗ, ತೋತಾಪುರಿ ಚಿತ್ರಗಳಲ್ಲಿ ನಟಿಸುತ್ತಿರುವ ಆದಿತಿ, ಈಗ ನಾಯಕಿ ಪ್ರಧಾನ ಚಿತ್ರದಲ್ಲಿ ಬ್ಯುಸಿ. 

  • ರಂಗನಾಯಕಿ ಮೊದಲ ಸಕ್ಸಸ್ ; ಅಂ.ರಾ. ಚಿತ್ರೋತ್ಸವಕ್ಕೆ ಆಯ್ಕೆ

    ranganayaki gets its firs success at goa film festiva

    ದಯಾಳ್ ಪದ್ಮನಾಭನ್ ಬ್ರಿಡ್ಜ್ ಸಿನಿಮಾಗಳಲ್ಲಿ ಭರ್ಜರಿ ಸದ್ದು ಮಾಡುತ್ತಿರುವ ನಿರ್ದೇಶಕ. ಮತ್ತೊಮ್ಮೆ ಯಶಸ್ಸಿನ ಏಣಿ ಹತ್ತಿದ್ದಾರೆ. ದಯಾಳ್ ಅವರ ರಂಗನಾಯಕಿ ಸಿನಿಮಾ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕೆ ಆಯ್ಕೆಯಾಗಿದೆ. ಗೋವಾದಲ್ಲಿ ನಡೆಯಲಿರುವ 50ನೇ ಅಂ.ರಾ.ಚಲನಚಿತ್ರೋತ್ಸವಕ್ಕೆ ಪನೋರಮಾದಿಂದ ಅತ್ಯುತ್ತಮ ಕನ್ನಡ ಸಿನಿಮಾ ಆಗಿ ಆಯ್ಕೆಯಾಗಿದೆ ರಂಗನಾಯಕಿ.

    ರಂಗನಾಯಕಿ ಚಿತ್ರದಲ್ಲಿ ಆದಿತಿ ಪ್ರಭುದೇವ ನಾಯಕಿಯಾಗಿದ್ದು, ಗ್ಯಾಂಗ್ ರೇಪ್ ಕಥೆ ಚಿತ್ರದಲ್ಲಿದೆ. 76 ದೇಶಗಳ 200ಕ್ಕೂ ಹೆಚ್ಚು ಅತ್ಯುತ್ತಮ ಚಿತ್ರಗಳ ಪ್ರದರ್ಶನದಲ್ಲಿ ರಂಗನಾಯಕಿಯೂ ಇರಲಿದೆ. ರಂಗನಾಯಕಿ ನವೆಂಬರ್ 1ರಂದು ರಾಜ್ಯಾದ್ಯಂತ ರಿಲೀಸ್ ಆಗುತ್ತಿದೆ.

Babru Teaser Launch Gallery

Odeya Audio Launch Gallery