` dr rajkumar, - chitraloka.com | Kannada Movie News, Reviews | Image

dr rajkumar,

  • ನ.೨೨ಕ್ಕೆ ಅಣ್ಣಾವ್ರ ದಾರಿ ತಪ್ಪಿದ ಮಗ

    dr rajkumar's daari thappidha maga to re release

    ಡಾ.ರಾಜ್ ಚಿತ್ರಗಳೇ ಹಾಗೆ. ಕಸ್ತೂರಿ ನಿವಾಸ, ಬಭ್ರುವಾಹನ, ತಾಯಿಗೆ ತಕ್ಕ ಮಗ, ಸತ್ಯ ಹರಿಶ್ಚಂದ್ರ, ಆಪರೇಷನ್ ಡೈಮಂಡ್ ರ‍್ಯಾಕೆಟ್, ಗಂಧದ ಗುಡಿ, ಶಂಕರ್ ಗುರು.. ಮೊದಲಾದ ಚಿತ್ರಗಳು ಪದೇ ಪದೇ ರಿಲೀಸ್ ಆಗಿ ಗೆದ್ದಿವೆ. ಈಗ ದಾರಿ ತಪ್ಪಿದ ಮಗನ ಸರದಿ.

    ಡಾ.ರಾಜ್ ಕುಮಾರ್ ಈ ಚಿತ್ರದಲ್ಲಿ ಕಳ್ಳ ಮತ್ತು ಮರೆಗುಳಿ ಲೆಕ್ಚರರ್  ಎರಡೂ ಆಗಿ ನಟಿಸಿದ್ದಾರೆ. ವಿತರಕ ಎಂ.ಮುನಿರಾಜು ಚಿತ್ರವನ್ನು ೭.೧ ಡಿಟಿಎಸ್ ಹಾಗೂ ೨ಕೆ ರೆಸಲ್ಯೂಷನ್‌ನಲ್ಲಿ ಹೊಸ ರೂಪ ಕೊಟ್ಟಿದ್ದಾರೆ. ೧೯೭೫ರಲ್ಲಿ ರಿಲೀಸ್ ಆಗಿದ್ದ ಸಿನಿಮಾ ಆಗ ೧೨೫ ದಿನಗಳ ಯಶಸ್ವೀ ಪ್ರದರ್ಶನ ಕಂಡಿತ್ತು. ಈಗ ನವೆಂಬರ್ ೨೨ರಂದು ೧೨೦ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿದೆ.

    ಡಾ.ರಾಜ್ ಎದುರು ಕಲ್ಪನಾ, ಆರತಿ, ಮಂಜುಳಾ, ಜಯಮಾಲಾ ನಾಯಕಿಯರು. ನಾಲ್ಕು ಹಾಡುಗಳಿದ್ದು, ನಾಲ್ಕೂ ಹಾಡುಗಳು ಸೂಪರ್ ಹಿಟ್. ಪೇಕೇಟಿ ಶಿವರಾಜ್ ನಿರ್ದೇಶನದ ಚಿತ್ರಕ್ಕೆ ಜಿ.ಕೆ.ವೆಂಕಟೇಶ್ ಸಂಗೀತವಿದೆ.

  • ಪಠ್ಯ ಪುಸ್ತಕದಿಂದ ಡಾ.ರಾಜ್ ಪಠ್ಯವೂ ಹೊರಕ್ಕೆ : ಅನುಮತಿ ವಾಪಸ್ ಪಡೆದ ರುಕ್ಕೋಜಿ ರಾವ್

    ಪಠ್ಯ ಪುಸ್ತಕದಿಂದ ಡಾ.ರಾಜ್ ಪಠ್ಯವೂ ಹೊರಕ್ಕೆ : ಅನುಮತಿ ವಾಪಸ್ ಪಡೆದ ರುಕ್ಕೋಜಿ ರಾವ್

    ಶಾಲಾ ಪಠ್ಯ ವಿವಾದ ಯಾರನ್ನೂ ಬಿಡುತ್ತಿಲ್ಲ. ಜಾತಿ, ಮತ, ಧರ್ಮ, ಪಂಥ.. ಎಲ್ಲವನ್ನೂ ಮೀರಿದ್ದ ನಟ ಡಾ.ರಾಜ್ ಕುಮಾರ್ ಅವರಿಗೂ ಇದರ ಬಿಸಿ ತಟ್ಟಿದೆ. ಪ್ರಸಕ್ತ ವರ್ಷದ ಪಠ್ಯ ಪುಸ್ತಕ ಪರಿಷ್ಕೃತ ಕ್ರಮದಲ್ಲಿ ೭ ಸಾಹಿತಿಗಳ ಕೃತಿಯನ್ನು ವಾಪಸ್ ಪಡೆಯುವಂತೆ ಸರ್ಕಾರ ಸೂಚಿಸಿದೆ. ಅದರಲ್ಲಿ ಡಾ.ರಾಜ್ ಕುಮಾರ್ ಪಠ್ಯವೂ ಸೇರಿರುವುದು ವಿಶೇಷ.

    ದೇವನೂರು ಮಹಾದೇವ ಅವರ ಎದೆಗೆ ಬಿದ್ದ ಅಕ್ಷರ, ಡಾ.ಜಿ.ರಾಮಕೃಷ್ಣ ಅವರ ಭಗತ್ ಸಿಂಗ್, ರೂಪಾ ಹಾಸನ ಅವರ ಅಮ್ಮನಾಗುವುದೆಂದರೆ, ಈರಪ್ಪ ಎಂ.ಕAಬಳಿ ಅವರ ಹೀಗೊಂದು ಟಾಪ್ ಪ್ರಯಾಣ, ಸತೀಶ್ ಕುಲಕರ್ಣಿ ಅವರ ಕಟ್ಟತೇವು ನಾವು, ಸುಕನ್ಯಾ ಮಾರುತಿ ಅವರ ಏಣಿ ಹಾಗೂ ಎಂ.ರುಕ್ಕೋಜಿ ರಾವ್ ಅವರು ಬರೆದಿದ್ದ ಡಾ.ರಾಜ್ ಕುಮಾರ್ ಗದ್ಯವನ್ನು ವಾಪಸ್ ಪಡೆಯಲಾಗಿದೆ.

    ೬ನೇ ತರಗತಿ ಪ್ರಥಮ ಭಾಷೆ ಕನ್ನಡದಲ್ಲಿ ಡಾ.ರಾಜಕುಮಾರ್ ಅವರ ಗದ್ಯವನ್ನು ಸೇರಿಸಲಾಗಿತ್ತು. ರಾಜ್ಯ ಬಿಜೆಪಿ ಸರ್ಕಾರ ಪಠ್ಯ ಪುಸ್ತಕಗಳನ್ನು ಕೋಮುವಾದೀಕರಣ ಮಾಡುತ್ತಿದೆ ಎಂದು ಆರೋಪಿಸಿ ಹಲವು ಸಾಹಿತಿಗಳು ಪಠ್ಯವನ್ನು ವಾಪಸ್ ಪಡೆದಿದ್ದರು. ಅವರಲ್ಲಿ ರುಕ್ಕೋಜಿ ರಾವ್ ಕೂಡಾ ಸೇರಿದ್ದು, ಇದರಿಂದಾಗಿ ಡಾ.ರಾಜ ಕುಮಾರ್ ಪಠ್ಯವನ್ನು ಕೈಬಿಡಬೇಕಾದ ಪರಿಸ್ಥಿತಿ ಬಂದಿದೆ.

    ಸಾಮಾನ್ಯವಾಗಿ ಮೊದಲು ಅನುಮತಿ ನೀಡಲಾಗಿರುತ್ತದೆ. ಏಕೆಂದರೆ ಅನುಮತಿಯಿಲ್ಲದೆ ಪಠ್ಯ ಪುಸ್ತಕ ಮುದ್ರಿಸಲು ಬರುವುದಿಲ್ಲ. ಆದರೆ ವಿವಾದದ ಹಿನ್ನೆಲೆಯಲ್ಲಿ ಪುಸ್ತಕ ಮುದ್ರಣವಾದ ನಂತರ ಅನುಮತಿ ವಾಪಸ್ ಪಡೆದ ಹಿನ್ನೆಲೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಹೀಗಾಗಿ ಈ ಶೈಕ್ಷಣಿಕ ವರ್ಷದ ಪಠ್ಯ ಪರೀಕ್ಷೆಯಲ್ಲಿ ಈ ಕೃತಿಗಳಿಗೆ ಸಂಬAಧಿಸಿದ ಪ್ರಶ್ನೆಗಳೂ ಇರುವುದಿಲ್ಲ. ಶಿಕ್ಷಕರು ಪಾಠವನ್ನೂ ಮಾಡುವುದಿಲ್ಲ. ಮುಂದಿನ ವರ್ಷದಿಂದ ಪಠ್ಯ ಪುಸ್ತಕದಲ್ಲಿ ಮುದ್ರಣವೂ ಆಗುವುದಿಲ್ಲ.

  • ಬಂಗಾರದ ಮನುಷ್ಯನಿಗೆ ಬಂಗಾರದ ಲೋಟ

    mtr remembers golden coffee moments with dr raj

    ಡಾ.ರಾಜ್‍ಕುಮಾರ್.. ಕನ್ನಡ ಚಿತ್ರರಸಿಕರ ಎದೆಯಲ್ಲಿ ಬಂಗಾರದ ಮನುಷ್ಯ. ಅಂತಹ ಬಂಗಾರದ ಮನುಷ್ಯನಿಗೆ ಬಂಗಾರದ ಲೋಟದಲ್ಲೇ ಕಾಫಿ ಕೊಟ್ಟು ಧನ್ಯತೆ ಅನುಭವಿಸಿದ್ದು ಎಂಟಿಆರ್. ಬೆಂಗಳೂರಿನ ಎಂಟಿಆರ್ ಹೋಟೆಲ್ ಆಗಿನ ಕಾಲಕ್ಕೆ ಬಹಳ ಫೇಮಸ್.

    ಆ ಹೋಟೆಲ್‍ನಲ್ಲಿ ವಿಐಪಿಗಳಿಗೆ ಬೆಳ್ಳಿ ಲೋಟದಲ್ಲಿ ಕಾಫಿ ಕೊಡುವ ಪದ್ಧತಿ ಇತ್ತು. ಅದ್ಭುತ ಪ್ರತಿಕ್ರಿಯೆಯೂ ಸಿಕ್ಕಿತ್ತು. ಹೀಗಿರುವಾಗಲೇ ಎಂಟಿಆರ್ ಮಾಲೀಕ ಸದಾನಂದ ಮಯ್ಯರಿಗೆ ವಿವಿಐಪಿಗಳಿಗೆ ಚಿನ್ನದ ಲೋಟದಲ್ಲಿ ಕಾಫಿ ಕೊಡುವ ಐಡಿಯಾ ಬಂತು. ಅದನ್ನು ಅಣ್ಣಾವ್ರಿಂದಲೇ ಶುರು ಮಾಡಿದರೆ ಹೇಗೆ ಎಂದು ಆಹ್ವಾನಿಸಿಯೇಬಿಟ್ಟರು.

    ಎಂಟಿಆರ್‍ಗೆ ಸಾಕಷ್ಟು ಸಲ ಹೋಗಿದ್ದೀನಿ. ತಿಂಡಿ ಭಾಳ ಚೆನ್ನಾಗಿರುತ್ತೆ. ಇದೇ ನೆಪದಲ್ಲಿ ಹೋಗಿ ಬಾರಿಸೋಣ ಬಿಡಿ ಎಂದರು ರಾಜ್. 

    ಪಾರ್ವತಮ್ಮ ರಾಜ್‍ಕುಮಾರ್ ಅವರೊಂದಿಗೆ ಎಂಟಿಆರ್‍ಗೆ ಹೋದರು. ಚಿನ್ನದ ಲೋಟದಲ್ಲಿ ಕಾಫಿ ಕುಡಿದು, ಜಾಮೂನು ತಿಂದು.. ತಿಂಡಿಯನ್ನು  ಬಾರಿಸಿದರು.

  • ಮಾಗಡಿ ರಸ್ತೆ ಮೆಟ್ರೋ ಸ್ಟೇಷನ್`ಗೆ ಡಾ.ರಾಜ್ ಹೆಸರು

    magadi metro station to be renamed as dr rajkumar metro station

    ಕನ್ನಡದ ವರನಟ ಡಾ.ರಾಜ್ ಕುಮಾರ್ ಅವರಿಗೆ ಮೆಟ್ರೋ ನಿಲ್ದಾಣದಲ್ಲೂ ಗೌರವ ನೀಡಲು ಮುಂದಾಗಿದೆ ಬಿಬಿಎಂಪಿ. ಬೆಂಗಳೂರಿನ ಮಾಗಡಿ ರಸ್ತೆಯ ಮೆಟ್ರೋ ನಿಲ್ದಾಣಕ್ಕೆ ಡಾ.ರಾಜ್ ಹೆಸರಿಡಲು ಬಿಬಿಎಂಪಿ ಕೌನ್ಸಿಲ್ ಸಭೆ ನಿರ್ಧರಿಸಿದೆ.

    ಎನ್.ಆರ್.ರಮೇಶ್ ಅವರ ಮನವಿಯನ್ನು ಕೌನ್ಸಿಲ್ ಸಭೆ ಪುರಸ್ಕರಿಸಿದ್ದು, ಹೆಸರಿಗೆ ಅನುಮೋದನೆ ಸಿಕ್ಕಿದೆ. ಪ್ರಸ್ತಾವನೆಯನ್ನು ಸರ್ಕಾರಕ್ಕೆ ಕಳುಹಿಸಿಕೊಟ್ಟಿರುವ ಬಿಬಿಎಂಪಿ, ರಾಜ್ಯ ಸರ್ಕಾರದ ಸೂಚನೆ ಎದುರು ನೋಡುತ್ತಿದೆ. 

  • ರಾಘಣ್ಣನಿಗೆ ಇವರೇ ಅಪ್ಪ.. ಅವರೇ ಅಮ್ಮ..

    raghavendra rajkumar considers shivanna as dr rajkumar

    ರಾಘವೇಂದ್ರ ರಾಜ್‍ಕುಮಾರ್ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದು ಚಿರಂಜೀವಿ ಸುಧಾಕರ್ ಚಿತ್ರದ ಮೂಲಕ. ಚಿತ್ರ ಸಾಧಾರಣ ಯಶಸ್ಸು ಕಂಡಿತು. ಆದರೆ, 2ನೇ ಸಿನಿಮಾ ನಂಜುಂಡಿ ಕಲ್ಯಾಣ. ಕನ್ನಡ ಚಿತ್ರರಂಗದ ದಾಖಲೆಗಳನ್ನೆಲ್ಲ ಪುಡಿಪುಡಿ ಮಾಡಿತು. ಅದಾದ ನಂತರ ರಾಘವೇಂದ್ರ ರಾಜ್‍ಕುಮಾರ್ ಹಲವು ಹಿಟ್ ಕೊಟ್ಟಿದ್ದಾರೆ. ಸೋಲನ್ನೂ ಕಂಡಿದ್ದಾರೆ. ವಜ್ರೇಶ್ವರಿ ಕಂಬೈನ್ಸ್ ಜವಾಬ್ದಾರಿ ತೆಗೆದುಕೊಂಡು ಗೆದ್ದಿದ್ದಾರೆ. ಇಡೀ ಕುಟುಂಬದ ನೊಗ ಹೊತ್ತು ನಕ್ಕಿದ್ದಾರೆ. ಇಷ್ಟೆಲ್ಲದಕ್ಕೂ ರಾಘಣ್ಣನ ಜೊತೆ ಇರುತ್ತಿದ್ದವರು ಡಾ.ರಾಜ್ ಮತ್ತು ಪಾರ್ವತಮ್ಮ.

    ಈಗ ಅಮ್ಮನ ಮನೆ ರಿಲೀಸ್. ಆದರೆ, ಗೊತ್ತಿರಲಿ, ರಾಜ್-ಪಾರ್ವತಮ್ಮ ಇಲ್ಲದೆ ರಿಲೀಸ್ ಆಯ್ತು ರಾಘಣ್ಣನ ಮೊದಲ ಸಿನಿಮಾ ಅಮ್ಮನ ಮನೆ. `ಅದು ನನ್ನನ್ನು ಕಾಡುತ್ತಲೇ ಇದೆ. ಆದರೆ, ನಾನೀಗ ಅಪ್ಪಾಜಿಯನ್ನು ಅಣ್ಣನಲ್ಲಿ ನೋಡುತ್ತಿದ್ದೇನೆ. ಶಿವಣ್ಣ, ನನಗೆ ಅಪ್ಪನೂ ಆಗಿಬಿಟ್ಟಿದ್ದಾರೆ. ಅತ್ತಿಗೆ, ಹೆಂಡತಿಯಲ್ಲಿ ತಾಯಿಯನ್ನು ನೋಡುತ್ತಿದ್ದೇನೆ. ಹೆತ್ತವರು ಇದ್ದಿದ್ದರೆ ಕುಣಿದಾಡುತ್ತಿದ್ದರು'' ಎಂದು ಭಾವುಕರಾಗಿಯೇ ಹೇಳಿದ್ದಾರೆ ರಾಘಣ್ಣ.

    ನಿಖಿಲ್ ಮಂಜು ನಿರ್ದೇಶನದ, ಶ್ರೀಲಲಿತಾ ಬ್ಯಾನರ್‍ನ ಸಿನಿಮಾ, ಈಗ ರಾಜ್ಯಾದ್ಯಂತ ತೆರೆ ಕಂಡಿದೆ. 

  • ರಾಜ್ ಜಯಂತಿಗೆ ಈ ವರ್ಷವೂ ಇಲ್ಲ ಚಲನಚಿತ್ರ ಪ್ರಶಸ್ತಿ ಪ್ರದಾನ

    once again no state film awards on rajkumar birthday

    ಸಿದ್ದರಾಮಯ್ಯ ಮುಖ್ಯಮಂತ್ರಿಯಾಗಿದ್ದಾಗ, ಡಾ.ರಾಜ್ ಕುಮಾರ್ ಜಯಂತಿ ದಿನವೇ ರಾಜ್ಯ ಚಲನಚಿತ್ರ ಪ್ರಶಸ್ತಿ ಪ್ರದಾನ ಮಾಡೋದಾಗಿ ಘೋಷಿಸಿದ್ದರು. ಅದರಂತೆ, 2016ರಲ್ಲಿ ರಾಜ್ ಹುಟ್ಟುಹಬ್ಬದಂದೇ ಪ್ರಶಸ್ತಿ ಪ್ರದಾನವಾಗಿತ್ತು. ಆದರೆ, 2017ಕ್ಕೆ ಆ ಭಾಗ್ಯ ಇರಲಿಲ್ಲ. ಎಲೆಕ್ಷನ್ ಬಂತು. ನೀತಿ ಸಂಹಿತೆ ಅಡ್ಡಿಯಾಯ್ತು. ಮುಂದಕ್ಕೆ ಹೋಯ್ತು. ಅದೂ ಹೋಗಲಿ ಅಂದರೆ, ಅದಾದ ನಂತರ ನಿಗದಿಯಾದ ಕಾರ್ಯಕ್ರಮಕ್ಕೆ ಮಂಡ್ಯದ ದುರಂತದಿಂದಾಗಿ ಮತ್ತೆ ಮುಂದೂಡಲ್ಪಟ್ಟು, ಇದುವರೆಗೆ ಪ್ರಶಸ್ತಿ ಪ್ರದಾನ ಸಮಾರಂಭವೇ ನಡೆದಿಲ್ಲ. ಈ ಬಾರಿಯೂ ಹಾಗೆಯೇ ಆಗುವ ಎಲ್ಲ ಸಾಧ್ಯತೆಗಳೂ ಇವೆ.

    ಪ್ರಶಸ್ತಿ ಆಯ್ಕೆ ಸಮಿತಿಗೆ ನಿರ್ದೇಶಕಿ ಸುಮನಾ ಕಿತ್ತೂರು ಅವರನ್ನು ಸಮಿತಿ ಸದಸ್ಯರನ್ನಾಗಿ ಆಯ್ಕೆ ಮಾಡಲಾಗಿತ್ತು. ಈಗ ಸುಮನಾ ಕಿತ್ತೂರು ಹಾಗೂ ಇನ್ನೊಬ್ಬ ಸದಸ್ಯ ಯಾಕೂಬ್ ಖಾದರ್ ಗುಲ್ವಾಡಿ ಸಮಿತಿಯಿಂದ ಹೊರಬಂದಿದ್ದಾರೆ. 

    ಸುಮನಾ ಕಿತ್ತೂರು, ತಾವು ಸಿನಿಮಾ ಕೆಲಸದಲ್ಲಿ ಬ್ಯುಸಿ ಎನ್ನುತ್ತಿದ್ದರೆ, ಯಾಕೂಬ್ ಸಿನಿಮಾ ನಿರ್ದೇಶನ ಮಾಡ್ತಾರಂತೆ. ಹೀಗಾಗಿ ಸಮಿತಿ, ಸಿನಿಮಾಗಳನ್ನೇ ನೋಡೋಕೆ ಸಾಧ್ಯವಾಗ್ತಿಲ್ಲ. 

    ಇಷ್ಟೆಲ್ಲ ಆಗಿ, ಹೊಸ ಸಮಿತಿ ರಚನೆಯಾಗಿ, ಆಯ್ಕೆಯಾಗಿ ಪ್ರಶಸ್ತಿ ಪ್ರದಾನ ನಡೆಯುವ ಹೊತ್ತಿಗೆ ಲೋಕಸಭೆ ಎಲೆಕ್ಷನ್ ಘೋಷಣೆಯಾಗಿರುತ್ತೆ. ಅಲ್ಲಿಗೆ.. ಮತ್ತೆ ನೀತಿ ಸಂಹಿತೆ. ಇದರ ತಾತ್ಪರ್ಯ ಇಷ್ಟೆ, 2018ರ ರಾಜ್ಯ ಚಲನಚಿತ್ರ ಪ್ರಶಸ್ತಿ ಪ್ರದಾನ, ಏಪ್ರಿಲ್ 24ಕ್ಕೆ ನಡೆಯುವುದು ಸಾಧ್ಯವೇ ಇಲ್ಲ.

  • ರಾಜ್-ಪಾರ್ವತಮ್ಮ ಪ್ರೀತಿಗೆ ಉಪ್ಪಿ ಹೇಳಿದ್ದೇನು..?

    upendra talks about rajkumar parvathamma love story

    ಬೇರೆಯದ್ದೇ ರೀತಿಯಲ್ಲಿ ಲವ್ ಸ್ಟೋರಿ ಹೇಳಲು ಬರುತ್ತಿರುವ ಐ ಲವ್ ಯೂ ಚಿತ್ರದ ಪ್ರಚಾರದ ವೇಳೆ, ಉಪೇಂದ್ರ ರಾಜ್‍ಕುಮಾರ್ ಮತ್ತು ಪಾರ್ವತಮ್ಮನವರ ಲವ್ ಬಗ್ಗೆ ಒಂದು ಕಥೆ ಹೇಳಿದ್ದಾರೆ. ಎಲ್ಲವೂ ಪ್ರೀತಿಸಿದವರಿಗೆ ಐ ಲವ್ ಯೂ ಅನ್ನೋಕಾಗಲ್ಲ ಎಂದಿರುವ ಉಪ್ಪಿ ರಾಜ್-ಪಾರ್ವತಮ್ಮ ನಡುವಿನ ಪ್ರೀತಿಯ ಬಗ್ಗೆ ತಾವು ಕೇಳಿರುವ ಕಥೆಯೊಂದನ್ನು ಹೇಳಿದ್ದಾರೆ.

    ರಾಜ್ ಯಾವಾಗಲೂ ಶೂಟಿಂಗಿನಲ್ಲಿರುತ್ತಿದ್ದರು. ಐ ಲವ್ ಯೂ ಹೇಳೋದು ಅಷ್ಟು ಸುಲಭವಾಗಿರಲಿಲ್ಲ. ಆದರೆ, ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರು. ಆಗೆಲ್ಲ ರಾಜ್ ಅವರ ಪಂಚೆಯ ತುದಿಯನ್ನು ಬೆರಳಿಗೆ ಸುತ್ತಿಕೊಂಡು ಒಂಟಿತನ ಮರೆಯುತ್ತಿದ್ದರಂತೆ. ಅದು ಗ್ರೇಟ್ ಲವ್ ಎಂದಿದ್ದಾರೆ ಉಪ್ಪಿ.

    ಈಗ ಉಪೇಂದ್ರ-ರಚಿತಾ ರಾಮ್-ಸೋನುಗೌಡ ನಡುವಿನ ಲವ್‍ಸ್ಟೋರಿ ಗ್ರೇಟ್ ಲವ್ ಸ್ಟೋರಿನಾ..? ಆರ್.ಚಂದ್ರು ಸೃಷ್ಟಿಸಿರುವ ಪ್ರೀತಿಯ ಮಾಯಾಜಾಲ ಹೇಗಿದೆ ಅನ್ನೋದನ್ನ ಥಿಯೇಟರಿನಲ್ಲಿ ನೋಡಿ, ಖುಷಿಪಡಿ. 

     

  • ಶಂಕರ್‍ನಾಗ್ ಅಭಿಮಾನಿಗಳಿಂದ ಡಾ.ರಾಜ್ 3ಡಿ ಕೇಕ್ 

    shankar nag fans inaugurate 3d cake

    ಶಂಕರ್‍ನಾಗ್, ನಮ್ಮನ್ನಗಲಿ 42 ವರ್ಷಗಳಾಗಿವೆ. ಡಾ. ರಾಜ್ ಕೂಡಾ ನಮ್ಮನ್ನಗಲಿದ್ದಾರೆ. ಇಬ್ಬರೂ ಕನ್ನಡಿಗರ ಹೃದಯದಲ್ಲಿ ಜೀವಂತವಾಗಿದ್ದಾರೆ. ವಿಶೇಷ ಅದಲ್ಲ, ಈಗ ಶಂಕರ್‍ನಾಗ್ ಅಭಿಮಾನಿಗಳ ಸಂಘದ ವತಿಯಿಂದ ಡಾ.ರಾಜ್‍ಕುಮಾರ್ 3ಡಿ ಕೇಕ್ ಪ್ರದರ್ಶನಕ್ಕೆ ಯೋಜನೆ ರೂಪಿಸಲಾಗಿದೆ.

    ಶಂಕರ್‍ನಾಗ್ ಮೆಮೋರಿಯಲ್ ಟ್ರಸ್ಟ್ ವತಿಯಿಂದ ಈ ವರ್ಷ, ರಾಜ್ ಅವರಷ್ಟೇ ಎತ್ತರ ಮತ್ತು ಗಾತ್ರದ 3ಡಿ ಕೇಕ್ ಪ್ರದರ್ಶನ ಮಾಡಲು ಯೋಜನೆ ರೂಪಿಸಿದೆ. ಕಳೆದ ವರ್ಷ ಶಂಕರ್‍ನಾಗ್ 3ಡಿ ಕೇಕ್ ಪ್ರದರ್ಶನ ಮಾಡಲಾಗಿತ್ತು. ಈ ವರ್ಷ ಅಣ್ಣಾವ್ರ ಕೇಕ್ ಸಿದ್ಧಗೊಂಡಿದೆ. 

    ಕೇಕ್ ಪ್ರದರ್ಶನದಲ್ಲಿ ಪ್ರದರ್ಶನ ಮಾಡುವ ಮುನ್ನ ಡಿ.17ರಂದು ಡಾ.ರಾಜ್ ಸ್ಮಾರಕದಲ್ಲಿ ಮೊದಲ ಬಾರಿಗೆ ರಾಜ್ 3ಡಿ ಕೇಕ್ ಪ್ರಧರ್ಶನ ನಡೆಯಲಿದೆ. 3ಡಿ ಕೇಕ್ ಎಂದರೆ ಏನು..? ಹೇಗಿರುತ್ತೆ..? ಇಂತಹ ಹತ್ತು ಹಲವು ಕುತೂಹಲಗಳಿಗೆ ಡಿ.17ರಂದೇ ಉತ್ತರ ಸಿಗಲಿದೆ. ನಿರೀಕ್ಷಿಸಿ.

  • ಹಿರಣ್ಯಕಶಿಪು ಅವತಾರದಲ್ಲಿ ನವೀನ್ ಕೃಷ್ಣ

    naveen krishna to act as hiranyakashiphu

    ಆ್ಯಕ್ಟರ್ ಚಿತ್ರದ ನಂತರ ವಿಭಿನ್ನ ಪಾತ್ರ, ನಿರ್ದೇಶನ, ಸಂಭಾಷಣೆಯಲ್ಲಿ ಗುರುತಿಸಿಕೊಳ್ಳುತ್ತಿರುವ ಕಲಾವಿದ ನವೀನ್ ಕೃಷ್ಣ, ಈಗ ಹಿರಣ್ಯಕಶಿಪುವಾಗಿ ಆರ್ಭಟಿಸಲು ಸಿದ್ಧರಾಗಿದ್ದಾರೆ. ಹಿರಣ್ಯಕಶಿಪು ಎಂದರೆ ಥಟ್ಟನೆ ನೆನಪಾಗುವುದು ಡಾ.ರಾಜ್ ಕುಮಾರ್. ಅವರ ಆ ರಾಕ್ಷಸ ನಡಿಗೆ, ಬೆಂಕಿಯುಗುಳುವ ಕಣ್ಣುಗಳು, ಕಂಚಿನ ಕಂಠದಂತಹ ಧ್ವನಿ, ಹರಿಯನ್ನೇ ಕೊಲ್ಲುತ್ತೇನೆ ಎಂಬ ಆ ಹಠ, ಅಹಂಕಾರ.. ಹಿರಣ್ಯಕಶಿಪುವಿನ ಪಾತ್ರಕ್ಕೆ ಭಕ್ತ ಪ್ರಹ್ಲಾದ ಚಿತ್ರದಲ್ಲಿ ಪರಕಾಯ ಪ್ರವೇಶ ಮಾಡಿಬಿಟ್ಟಿದ್ದರು ಡಾ.ರಾಜ್.

    ಆ ಪಾತ್ರದಲ್ಲೀಗ ನವೀನ್ ಕೃಷ್ಣ ನಟಿಸುತ್ತಿದ್ದಾರೆ. ಕಿರುತೆರೆಯ ಶ್ರೀವಿಷ್ಣು ದಶಾವತಾರ ಧಾರಾವಾಹಿಯಲ್ಲಿ ಹಿರಣ್ಯ ಕಶಿಪು ಅವತಾರದಲ್ಲಿ ಘರ್ಜಿಸಲು ಸಿದ್ಧರಾಗಿದ್ದಾರೆ.

    `ಈ ಪಾತ್ರ ಮಾಡೋಕೆ ಅಣ್ಣಾವ್ರ ಪಾತ್ರವೇ ಸ್ಫೂರ್ತಿ ಎಂದಿದ್ದಾರೆ ನವೀನ್ ಕೃಷ್ಣ. ಪ್ರಹ್ಲಾದನ ಪಾತ್ರದಲ್ಲಿ ಡ್ರಾಮಾ ಜ್ಯೂನಿಯರ್ಸ್ ಖ್ಯಾತಿಯ ಅಚಿಂತ್ಯ ನಟಿಸುತ್ತಿದ್ದಾನೆ.