` rishabh shetty - chitraloka.com | Kannada Movie News, Reviews | Image

rishabh shetty

  • Yogaraj Bhatt To Act In 'Bell Bottom'

    yogaraj bhatt to act in bell bottom

    Jayatheertha's 'Bell Bottom', which stars Rishab Shetty and Haripriya has now another directing acting in the film and it is none other than Yogaraj Bhatt. Yogaraj Bhatt will be playing the role of a retired dacoit in the film.

    One of the highlights of 'Bell Bottom' is four well known directors are working for this film. While, Jayatheertha is directing it, Rishab and Shivamani are acting in the film in main roles. The film is a periodic thriller set in the 1980s.

    'Bell Bottom' is written and directed by Jayatheertha. T K Dayanand has helped him in the screenplay an dialogues of the film. Ajaneesh Lokanath is the music director, while Santhosh Kumar K C is the producer.

     

  • ಅನಂತ್‍ಗೆ ಶಂಕರ್ ನಾಗ್ ನೆನಪಿಸಿದ ರಿಷಬ್ ಶೆಟ್ಟಿ

    ananth nag in rishab shetty's movie

    ಅನಂತ್‍ನಾಗ್‍ಗೆ ಶಂಕರ್ ನಾಗ್ ಎಂದೆಂದೂ ಮರೆಯಲು ಸಾಧ್ಯವೇ ಇಲ್ಲವೇನೊ.. ಅವರ ಜೀವನದ ಸ್ಫೂರ್ತಿ ಮತ್ತು ಬದುಕು ಎರಡೂ ಆಗಿದ್ದ ಶಂಕರ್‍ನಾಗ್‍ರನ್ನು ಅನಂತ್ ನೆನಪಿಸಿಕೊಳ್ಳುವುದೂ ಹೊಸದೇನಲ್ಲ. ಆದರೆ ರಿಷಬ್ ಶೆಟ್ಟಿಯವರ ಜೊತೆ ನಟಿಸುವಾಗ, ಅನಂತ್‍ಗೆ ಶಂಕರ್‍ನಾಗ್ ನೆನಪಾಗಿದೆ. ಅದರ ಕ್ರೆಡಿಟ್ಟು, ಸ್ವತಃ ರಿಷಬ್‍ಗೇ ಸಲ್ಲಬೇಕು. ಅದಕ್ಕೆ ಕಾರಣವಾಗಿರೋದು ಒಂದು ದೃಶ್ಯ.

    ರಿಷಬ್ ಅವರ, ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆ ಕಾಸರಗೋಡು ಚಿತ್ರದಲ್ಲಿ ಅನಂತ್‍ನಾಗ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಆ ಚಿತ್ರದಲ್ಲಿ 15 ನಿಮಿಷದ ಒಂದು ದೃಶ್ಯವನ್ನ ಒಂದೇ ಶಾಟ್‍ನಲ್ಲಿ ಚಿತ್ರೀಕರಿಸಲು ರಿಷಬ್ ನಿರ್ಧರಿಸಿದರಂತೆ. ಅವರಿಗೆ ಅನಂತ್‍ನಾಗ್ ಮೇಲೆ ವಿಶ್ವಾಸ. ಅದಕ್ಕೆ ಧಕ್ಕೆಯಾಗದಂತೆ ಅನಂತ್, ಇಡೀ ಶಾಟ್‍ನ್ನು ಒಂದೇ ಟೇಕ್‍ನಲ್ಲಿ ಮುಗಿಸಿಯೂಬಿಟ್ಟರಂತೆ. 

    ಆ ದೃಶ್ಯದ ಚಿತ್ರೀಕರಣ ನಡೆಯುವಾಗ ನನಗೆ ಶಂಕರ್ ನೆನಪಾಗಿದ್ದ. ಅವನೂ ಹೀಗೆಯೇ ಕೆಲವು ಶಾಟ್‍ಗಳನ್ನ ಇಡ್ತಾ ಇದ್ದ ಎಂದು ಗತಕಾಲಕ್ಕೆ ಜಾರುವ ಅನಂತ್‍ನಾಗ್, ಶಂಕರ್ ಜೊತೆ ಸ್ಟೇಜ್‍ನಲ್ಲಿ ಕಳೆದ ಕ್ಷಣಗಳನ್ನೂ ಮೆಲುಕು ಹಾಕುತ್ತಾರೆ. ಸಿನಿಮಾದಲ್ಲಿ ಅನಂತ್ ಅವರದ್ದು ಸೀರಿಯಸ್ ಮೇಷ್ಟ್ರ ಪಾತ್ರವಲ್ಲ, ತುಂಟ ಮೇಷ್ಟರ ಪಾತ್ರ. ಗೌರಿ ಗಣೇಶ, ಗಣೇಶನ ಮದುವೆಯ ತುಂಟ ಅನಂತ್‍ನಾಗ್‍ರನ್ನು ಸಿನಿಮಾದಲ್ಲಿ ನೋಡಬಹುದಂತೆ. ಮಕ್ಕಳ ನಡುವೆ ಮಕ್ಕಳಾಗಿ ನಟಿಸಿದ್ದಾರೆ ಅನಂತ್ ಎಂದು ಸರ್ಟಿಫಿಕೇಟ್ ಕೊಟ್ಟಿದ್ದಾರೆ ನಿರ್ದೇಶಕ ರಿಷಬ್ ಶೆಟ್ಟಿ.

  • ಅಮಿತಾಬ್, ಸುದೀಪ್, ರಿಷಬ್ ಶೆಟ್ಟಿ ಬಾಲಿವುಡ್ ಸಿನಿಮಾ..!

    is rishab shetty planning for bollywood movie

    ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ಮತ್ತು ಕಿಚ್ಚ ಸುದೀಪ್ ಒಂದೇ ಚಿತ್ರದಲ್ಲಿ ನಟಿಸಲಿದ್ದಾರೆ. ಆ ಚಿತ್ರಕ್ಕೆ ರಿಷಬ್ ಶೆಟ್ಟಿ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ. ವ್ಹಾವ್.. ಅದ್ಭುತ ಅಂದ್ರಾ.. ಅದ್ಭುತವೇ ಸರಿ. ಕಿರಿಕ್ ಪಾರ್ಟಿ ನಂತರ ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆ ಚಿತ್ರ ನಿರ್ದೇಶಿಸಿರುವ ರಿಷಬ್, ಬೆಲ್‍ಬಾಟಂ ಚಿತ್ರದಲ್ಲಿ ಹೀರೋ ಆಗಿ ನಟಿಸುತ್ತಿದ್ದಾರೆ. ಹೀಗಿರುವಾಗಲೇ ಅಮಿತಾಬ್ ಬಚ್ಚನ್ ಅವರಿಗೆ ಒಂದು ಕಥೆ ಹೇಳಿದ್ದಾರೆ. ಆ ಕಥೆ ಅಮಿತಾಬ್ ಅವರಿಗೂ ಇಷ್ಟವಾಗಿದೆ. ಚಿತ್ರಕಥೆ ಸಿದ್ಧ ಮಾಡುತ್ತಿದ್ದಾರೆ ರಿಷಬ್ ಶೆಟ್ಟಿ.

    `ಆ ಚಿತ್ರದ ಬಗ್ಗೆ ಈಗಲೇ ಮಾತನಾಡೋದು ತುಂಬಾ ಅವಸರ ಎನಿಸಬಹುದು. ಏಕೆಂದರೆ, ಕಥೆಯಷ್ಟೇ ಓಕೆ ಆಗಿದೆ. ಇಬ್ಬರು ಘಟಾನುಘಟಿ ಸ್ಟಾರ್‍ಗಳನ್ನು ಹಾಕಿಕೊಂಡು ಸಿನಿಮಾ ಮಾಡುವುದು ಸುಲಭದ ಮಾತಲ್ಲ. ಕಥೆ, ಅಮಿತಾಬ್ ಅವರ ಕಡೆಯಿಂದ ಓಕೆ ಆಗಿರುವುದು ನಿಜ. ಆದರೆ, ಇದುವರೆಗೆ ಸುದೀಪ್ ಅವರಿಗೆ ನಾನು ಕಥೆ ಹೇಳಿಲ್ಲ. ಸುದೀಪ್ ಅವರಿಗೂ ಕಥೆ ಹೇಳಿ, ಅವರಿಂದಲೂ ಸಮ್ಮತಿ ಸಿಕ್ಕರೆ ಮುಂದಿನ ಹಂತಕ್ಕೆ ತೊಡಗಿಕೊಳ್ಳುತ್ತೇನೆ' ಹೀಗೆಂದು ಹೇಳಿರುವುದು ರಿಷಬ್ ಶೆಟ್ಟಿ.

    ಅಮಿತಾಬ್ ಜೊತೆ ಸುದೀಪ್ ನಟಿಸಿರುವುದು ಇದೇ ಮೊದಲಲ್ಲ. ಈ ಹಿಂದೆ ರಣ್ ಚಿತ್ರದಲ್ಲಿ ಒಟ್ಟಿಗೇ ನಟಿಸಿದ್ದ ಸುದೀಪ್, ಅಮಿತಾಬ್ ಬಚ್ಚನ್‍ರಿಂದ ಬೆನ್ನು ತಟ್ಟಿಸಿಕೊಂಡಿದ್ದರು. ಈಗ ತೆಲುಗಿನಲ್ಲಿ ಸೈರಾ ನರಸಿಂಹ ರೆಡ್ಡಿ ಚಿತ್ರದಲ್ಲಿ ಬಚ್ಚನ್ ಜೊತೆ ನಟಿಸುತ್ತಿದ್ದಾರೆ. ಆದರೆ, ಕನ್ನಡದ ನಿರ್ದೇಶಕರೊಬ್ಬರ ಚಿತ್ರದಲ್ಲಿ ಅಮಿತಾಬ್ ಮತ್ತು ಸುದೀಪ್ ನಟಿಸಿದರೆ ಆ ಗಮ್ಮತ್ತೇ ಬೇರೆ. ಆ ಗಮ್ಮತ್ತಿಗಾಗಿ ಕನ್ನಡಿಗರು ಕಾಯುತ್ತಾರೆ

  • ಅವನೇ ಶ್ರೀಮನ್ನಾರಾಯಣ : ರಿಷಬ್ ಶೆಟ್ಟಿಯ ಈ ಮಾತು ಥ್ರಿಲ್ ಕೊಡೋದು ಪಕ್ಕಾ..!

    rishab shetty talks about vane srimnarayana

    ನಿರ್ದೇಶಕ, ನಟ ರಿಷಬ್ ಶೆಟ್ಟಿ ಮತ್ತು ರಕ್ಷಿತ್ ಶೆಟ್ಟಿ ಅದ್ಭುತ ಗೆಳೆಯರು. ಅದು ಇಡೀ ಚಿತ್ರರಂಗಕ್ಕೇ ಗೊತ್ತು. ಆದರೆ, ಅವನೇ ಶ್ರೀಮನ್ನಾರಾಯಣದಲ್ಲಿ ಅವರೂ ಇದ್ದಾರೆ ಎನ್ನುವ ಸತ್ಯ ಗೊತ್ತಾಗಿದ್ದು, ಟ್ರೇಲರ್ ರಿಲೀಸ್ ಆದ ಮೇಲೆ. ಅಂಥಾದ್ದೊಂದು ಅಚ್ಚರಿ ಕೊಟ್ಟ ರಿಷಬ್, ಗೆಳೆಯನ ಸಿನಿಮಾದ ಬಗ್ಗೆ ಹೇಳಿದ್ದು ಈ ಮಾತು.

    ‘ರಕ್ಷಿತ್ ಸಿನಿಮಾ ಅಂದ್ಮೇಲೆ ನಾನು ಇರಲೇ ಬೇಕು. ಅದು ನನ್ನ ಹಕ್ಕು. ನನ್ನ ಅಧಿಕಾರ’  ಎಂದಿದ್ದಾರೆ ರಿಷಬ್. ಗೆಳೆಯನ ಸಿನಿಮಾ ಸಕ್ಸಸ್ ಆಗಬೇಕು, ಅದಕ್ಕಾಗಿ ಕಾಯುತ್ತಿದ್ದೇನೆ ಎಂದಿರುವ ರಿಷಬ್ ಶೆಟ್ಟಿಯ ಈ ಮಾತು ಅಭಿಮಾನಿಗಳನ್ನು ಥ್ರಿಲ್ ಆಗಿಸಿದೆ.

    ರಿಷಬ್ ನಿರ್ದೇಶನದ ಮೊದಲ ಚಿತ್ರ ರಿಕ್ಕಿ. 2ನೇ ಸಿನಿಮಾ ಕಿರಿಕ್ ಪಾರ್ಟಿ. ಒಂದು ಌವರೇಜ್ ಹಿಟ್, ಇನ್ನೊಂದು ಭಯಂಕರ ಹಿಟ್. ಚಿತ್ರರಂಗದ ಹೊರಗೂ ಸ್ನೇಹ ಉಳಿಸಿಕೊಂಡಿರುವ ಇಬ್ಬರೂ.. ಹೀಗೆಯೇ ನೂರ್ಕಾಲ ಸ್ನೇಹಿತರಾಗಿರಲಿ.

  • ಆ ಆಕ್ಸಿಡೆಂಟ್ ಹೆಂಡತಿಗೂ ಗೊತ್ತಿರಲಿಲ್ಲ : ರಿಷಬ್ ಶೆಟ್ಟಿ

    ಆ ಆಕ್ಸಿಡೆಂಟ್ ಹೆಂಡತಿಗೂ ಗೊತ್ತಿರಲಿಲ್ಲ : ರಿಷಬ್ ಶೆಟ್ಟಿ

    ಹೀರೋ ಸಿನಿಮಾ ರಿಲೀಸ್ ಆಗುತ್ತಿರೋ ಹೊತ್ತಿನಲ್ಲಿ ಸದ್ದು ಮಾಡಿದ ವಿಡಿಯೋ ಅದು. ಬೆಳ್ಳೂರು ಬಳಿಯ ಕಾಡಿನಲ್ಲಿ ನಡೆಯುತ್ತಿದ್ದ ಚೇಸಿಂಗ್ ಸೀನ್ ಶೂಟಿಂಗ್ನಲ್ಲಿ ನಡೆದಿದ್ದ ಅಪಘಾತವದು. ಆ ಆಕಸ್ಮಿಕದಲ್ಲಿ ರಿಷಬ್ ಶೆಟ್ಟಿ ಬೆನ್ನಿಗೆ ಗಾಯವಾಗಿತ್ತು. ತಡೆಯಲಾಗದ ನೋವು. ಆದರೂ.. ಇದನ್ನು ರಿಷಬ್ ಶೆಟ್ಟಿ ಗುಟ್ಟಾಗಿಟ್ಟಿದ್ದರು. ಎಷ್ಟರಮಟ್ಟಿಗೆ ಎಂದರೆ, ರಿಷಬ್ ಶೆಟ್ಟಿಯವರಿಗೆ ಈ ಮಟ್ಟಿಗೆ ಗಾಯವಾಗಿದೆ ಅನ್ನೋದು ಸೆಟ್ಟಿನ ಅದೆಷ್ಟೋ ಹುಡುಗರಿಗೆ ಗೊತ್ತಿರಲಿಲ್ಲ.

    ಏನೂ ಆಗಲಿಲ್ಲವಲ್ಲ,  ದೇವರು ದೊಡ್ಡವನು ಎಂದುಕೊಂಡಿದ್ದ ಹುಡುಗರಿಗೆ ರಿಷಬ್ ಶೆಟ್ಟಿ ತಾವು ಅನುಭವಿಸುತ್ತಿದ್ದ ನೋವನ್ನು ಹೇಳಿಯೂ ಇರಲಿಲ್ಲ.  ಚಿತ್ರತಂಡದ ಕೆಲವರಿಗಷ್ಟೇ ಗೊತ್ತಿದ್ದ ವಿಷಯವನ್ನು ರಿಷಬ್ ಶೆಟ್ಟಿ ಮಚ್ಚಿಟ್ಟುಬಿಟ್ಟಿದ್ದರು. ಅದು ಎಷ್ಟರಮಟ್ಟಿಗೆ ಗೊತ್ತೇ..

    ಸಿನಿಮಾ ಶೂಟಿಂಗ್ ಒಟ್ಟಾರೆ ನಡೆದಿದ್ದು 43 ದಿನ. ಆ 43 ದಿನದಲ್ಲಿ ಕೆಲವು ಸಾಹಸ ದೃಶ್ಯಗಳನ್ನು ನಾನೇ ಕಂಪೋಸ್ ಮಾಡಿದ್ದೆ. ಸ್ಟಂಟ್ ಮ್ಯಾನ್ ಸೇರಿದಂತೆ ಒಂದು ರೆಗ್ಯುಲರ್ ಫೈಟಿಂಗ್ ಶೂಟಿಂಗ್ ವ್ಯವಸ್ಥೆ ಇರಲಿಲ್ಲ. ಕಾರಣ, ಲಾಕ್ ಡೌನ್ ನಿರ್ಬಂಧಗಳು. ಆದರೆ, ಸುರಕ್ಷತೆಯನ್ನು ಕೈಬಿಟ್ಟಿರಲಿಲ್ಲ. ಹೀಗಾಗಿಯೇ ಬಚಾವ್ ಆದೆವು. ಆ ಘಟನೆಯನ್ನು ನಾನು ಪ್ರಗತಿಗೂ ಹೇಳಿರಲಿಲ್ಲ. ಪ್ರಗತಿ ಶೂಟಿಂಗ್ ಸೆಟ್ಟಿಗೆ ಭೇಟಿ ಕೊಟ್ಟಿದ್ದೇ ಚಿತ್ರೀಕರಣದ ಕೊನೆಯ ದಿನ. ಆ ದಿನ ಅದು ಗೊತ್ತಾದಾಗ ಪ್ರಗತಿ ಕೂಗಾಡಿದ್ದರು ಎಂದು ಹೇಳಿಕೊಂಡಿದ್ದಾರೆ ರಿಷಬ್ ಶೆಟ್ಟಿ.

    ಪತ್ನಿಗೂ ಗೊತ್ತಾಗದಂತೆ ರಹಸ್ಯ ಕಾಪಾಡಿಕೊಳ್ಳೋಕೆ ಕಾರಣ ಬೇರೇನೂ ಇರಲಿಲ್ಲ. ಆಕೆ ಮಗುವಿನೊಂದಿಗೆ ಇದ್ದರು. ಹೀಗಾಗಿ ವಿಷಯ ಗೊತ್ತಾದರೆ ಟೆನ್ಷನ್ ಆಗುತ್ತಾರೆ ಎಂದು ಹೇಳೋಕೆ ಹೋಗಿರಲಿಲ್ಲ. ವಿಷಯ ಗೊತ್ತಾದ ದಿನವಂತೂ ಇಡೀ ದಿನ ಅತ್ತಿದ್ದರು. ತುಂಬಾ ಅಪ್ಸೆಟ್ ಆಗಿದ್ದರು ಎಂದು ಆ ದಿನವನ್ನು ನೆನಪಿಸಿಕೊಂಡಿದ್ದಾರೆ ರಿಷಬ್ ಶೆಟ್ಟಿ.

    ಹೀರೋ ಚಿತ್ರತಂಡ ಇಷ್ಟೆಲ್ಲ ಹೋರಾಟ ಮಾಡಿ ಮಾಡಿರುವ ಸಿನಿಮಾ ಇದೇ ಮಾರ್ಚ್ 5ಕ್ಕೆ ರಿಲೀಸ್ ಆಗುತ್ತಿದೆ. ರಿಷಬ್ ಶೆಟ್ಟಿ, ಗಾನವಿ ಲಕ್ಷ್ಮಣ್, ಪ್ರಮೋದ್ ಶೆಟ್ಟಿ ಪ್ರಧಾನ ಪಾತ್ರದಲ್ಲಿರೋ ಚಿತ್ರಕ್ಕೆ ಭರತ್ ರಾಜ್ ನಿರ್ದೇಶಕ.

  • ಇಂದಿನಿಂದ ತುಳು ಕಾಂತಾರ ಚಿತ್ರಮಂದಿರದಲ್ಲಿ..

    ಇಂದಿನಿಂದ ತುಳು ಕಾಂತಾರ ಚಿತ್ರಮಂದಿರದಲ್ಲಿ..

    ಅಭೂತಪೂರ್ವ ಯಶಸ್ಸು ಕಂಡ ಕಾಂತಾರ ಚಿತ್ರ ಈಗಾಗಲೇ ಬಿಡುಗಡೆಯಾದ ಎಲ್ಲ ಚಿತ್ರಮಂದಿರಗಳಲ್ಲಿ 50 ದಿನ ಪ್ರದರ್ಶನ ಕಂಡು ದಾಖಲೆ ಬರೆದಿದೆ. ಕನ್ನಡದಲ್ಲಿ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ, ಅತೀ ಹೆಚ್ಚು ಜನ ನೋಡಿದ ಸಿನಿಮಾ, ಅತೀ ಹೆಚ್ಚು ಶೋ ಕಂಡ ಸಿನಿಮಾ.. ಹೀಗೆ ಹಲವು ದಾಖಲೆಗಳನ್ನು ತನ್ನ ಮಡಿಲಿಗೆ ಹಾಕಿಕೊಂಡಿದೆ. ರಿಷಬ್ ಶೆಟ್ಟಿ ಡಿವೈನ್ ಸ್ಟಾರ್ ಆಗಿದ್ದರೆ, ಸಪ್ತಮಿ ಗೌಡ ಕರ್ನಾಟಕದ ಕ್ರಷ್ ಆಗಿದ್ದಾರೆ. ಹಿಂದಿಯಲ್ಲಿ ಕೂಡಾ ದಾಖಲೆ ಬರೆದು ಪುಷ್ಪ ದಾಖಲೆಯನ್ನೂ ಹಿಂದಿಕ್ಕಿದೆ. ಒಟಿಟಿಯಲ್ಲಿ ರಿಲೀಸ್ ಆಗಿದ್ದರೂ, ಚಿತ್ರಮಂದಿರದಲ್ಲಿ ಕ್ರೇಜ್ ಕಡಿಮೆಯಾಗಿಲ್ಲ.

    ಕನ್ನಡ ಭಾಷೆಯಲ್ಲಿ ಯಶಸ್ಸು ಗಳಿಸುತ್ತಿದ್ದಂತೆಯೇ ಹಿಂದಿ, ತೆಲುಗು, ತಮಿಳು ಮತ್ತು ಮಲಯಾಳಂ ಭಾಷೆಯಲ್ಲಿಯೂ ಕಾಂತಾರವನ್ನು ಬಿಡುಗಡೆ ಮಾಡಲಾಯಿತು. ಅಲ್ಲಿಯೂ ಸೂಪರ್ ಡ್ಯೂಪರ್ ಬಂಪರ್ ಸಕ್ಸಸ್. ಇದೀಗ ತುಳು ಆವೃತ್ತಿಯು ಕೂಡ ಕರ್ನಾಟಕದಾದ್ಯಂತ ಸುಮಾರು 50 ಕ್ಕೂ ಅಧಿಕ ಸ್ಕ್ರೀನ್ಗಳಲ್ಲಿ ಬಿಡುಗಡೆಯಾಗಲಿದೆ. ಜೊತೆಗೆ  ಕನ್ನಡ ಆವೃತ್ತಿಯಲ್ಲಿಯೂ 50 ಹೆಚ್ಚುವರಿ ಚಿತ್ರಮಂದಿರಗಳೊಂದಿಗೆ 250 ಥಿಯೇಟರ್ಗಳಲ್ಲಿ ಪ್ರದರ್ಶನ ಕಾಣಲಿದೆ.

    ಸಿನಿಮಾದಲ್ಲಿನ ವರಾಹ ರೂಪಂ ಹಾಡನ್ನು ಥಿಯೇಟರ್ ಮತ್ತು ಒಟಿಟಿ ಆವೃತ್ತಿಯಲ್ಲಿ ಬದಲಿಸಲಾಗಿದೆ. ಆದರೆ ಇದು ಚಿತ್ರದ ಕಲೆಕ್ಷನ್ ಮತ್ತು ಕ್ರೇಜ್ ಮೇಲೆ ಯಾವ ಪರಿಣಾಮವನ್ನೂ ಬೀರಿಲ್ಲ. ಜನ ಬೇಸರಗೊಂಡಿದ್ದರೂ ಕಾಂತಾರವನ್ನು ನೋಡುತ್ತಿದ್ದಾರೆ.

    ವಿಜಯ್ ಕಿರಗಂದೂರು ಅವರ ಹೊಂಬಾಳೆ ಫಿಲಂಸ್ ನಿರ್ಮಿಸಿರುವ ಈ ಚಿತ್ರದಲ್ಲಿ ಸಪ್ತಮಿ ಗೌಡ ನಾಯಕಿಯಾಗಿ ನಟಿಸಿದ್ದಾರೆ ಮತ್ತು ಕಿಶೋರ್, ಅಚ್ಯುತ್ ಕುಮಾರ್, ಪ್ರಮೋದ್ ಶೆಟ್ಟಿ, ಪ್ರಸಾದ್ ತೂಮಿನಾಡ್, ಸ್ವರಾಜ್ ಶೆಟ್ಟಿ ಮತ್ತು ಮಾನಸಿ ಸುಧೀರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ರಿಷಬ್ ಶೆಟ್ಟಿ ನಟಿಸಿ ನಿರ್ದೇಶಿರುವ ಕಾಂತಾರ ತುಳು ನಾಡಿನದ್ದೇ ಕಥೆ. ಈಗ ತುಳುವಿನಲ್ಲೇ ಬರುತ್ತಿದೆ.

  • ಈ ವರ್ಷದ ಮೊದಲ ಸೆಂಚುರಿ ಬೆಲ್‍ಬಾಟಂ

    bell bottom is the first movie to complete 100 days

    ಬೆಲ್‍ಬಾಟಂ, ಈ ವರ್ಷದ ಮೊದಲ ಶತದಿನೋತ್ಸವ ಕಂಡ ಚಿತ್ರವಾಗಿ ಹೊರಹೊಮ್ಮಿದೆ. 2019ರಲ್ಲಿ ಹಲವು ಚಿತ್ರಗಳು ರಿಲೀಸ್ ಆಗಿವೆ. ಯಶಸ್ಸನ್ನೂ ಕಂಡಿವೆ. ಆದರೆ, ಚಿತ್ರಮಂದಿರಗಳಲ್ಲಿ 100 ದಿನ ದಾಟಿದ ಮೊದಲ ಚಿತ್ರವಾಗಿರುವುದು ಬೆಲ್‍ಬಾಟಂ.

    ರಿಷಬ್ ಶೆಟ್ಟಿ ಅಭಿನಯದ ಮೊದಲ ಚಿತ್ರ ಬೆಲ್‍ಬಾಟಂ. ಸಹಜವಾಗಿಯೇ ರಿಷಬ್, ಸಂಭ್ರಮವನ್ನೆಲ್ಲ ಬೊಗಸೆಯಲ್ಲೇ ಹಿಡಿದಿಟ್ಟುಕೊಂಡು ಖುಷಿಪಟ್ಟಿದ್ದಾರೆ. ಚಿತ್ರದ ಗೆಲುವಿನ ಕ್ರೆಡಿಟ್‍ನ್ನು ನಿರ್ದೇಶಕ, ನಿರ್ಮಾಪಕ, ಸಹಕಲಾವಿದರು ಹಾಗೂ ಕಥೆಗಾರರಿಗೆ ಕೊಟ್ಟಿದ್ದಾರೆ.

    ರಿಷಬ್, ಜಯತೀರ್ಥ, ಹರಿಪ್ರಿಯಾ ಸೇರಿದಂತೆ ಇಡೀ ಚಿತ್ರತಂಡದ ಒಟ್ಟು ಶ್ರಮವೇ ಇವತ್ತಿನ ಗೆಲುವಿನ ಗುಟ್ಟು ಎನ್ನುವುದು ನಿರ್ಮಾಪಕ ಸಂತೋಷ್ ಕುಮಾರ್ ವಾದ.

    ಡಿಟೆಕ್ಟಿವ್ ದಿವಾಕರನಾಗಿ ರಿಷಬ್, ಕುಸುಮ ಪಾತ್ರದಲ್ಲಿ ಹರಿಪ್ರಿಯಾ ಪ್ರಧಾನ ಪಾತ್ರಗಳಲ್ಲಿದ್ದರೆ, ಅಚ್ಯುತ್ ಕುಮಾರ್, ಯೋಗರಾಜ್ ಭಟ್, ಶಿವಮಣಿ ಕೂಡಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಅಜನೀಶ್ ಲೋಕನಾಥ್ ನಿರ್ದೇಶನದ ಹಾಡುಗಳು ಮೋಡಿ ಮಾಡಿದ್ದವು.

  • ಒಂದು ಬೆಲ್‍ಬಾಟಂನಲ್ಲಿ ಐವರು ನಿರ್ದೇಶಕರು..!

    5 directors in one bellbottom movie

    ಬೆಲ್‍ಬಾಟಂ. ಬಿಡುಗಡೆಗೆ ಮುನ್ನವೇ ಕುತೂಹಲ ಹುಟ್ಟಿಸಿರುವ ಸಿನಿಮಾ. ಏಕೆಂದರೆ ಚಿತ್ರದ ನಾಯಕ ರಿಷಬ್ ಶೆಟ್ಟಿ. ಅವರು ಕಿರಿಕ್ ಪಾರ್ಟಿಯಂತಹ ಸೂಪರ್ ಹಿಟ್ ಸಿನಿಮಾ ಕೊಟ್ಟ ಡೈರೆಕ್ಟರ್. ಚಿತ್ರದ ನಿರ್ದೇಶಕ ಜಯತೀರ್ಥ. ಒಲವೇ ಮಂದಾರ ಕ್ಲಾಸಿಕ್ ಲವ್‍ಸ್ಟೋರಿ ಕೊಟ್ಟಿದ್ದ ಡೈರೆಕ್ಟರ್. ಸಿನಿಮಾದ ಬಗ್ಗೆ ಕುತೂಹಲ ಹುಟ್ಟೋಕೆ ಈ ಎರಡು ಕಾರಣಗಳು ಸಾಕು.

    ಆದರೆ, ಇಂತಹ ಕುತೂಹಲಗಳ ಗುಚ್ಛಕ್ಕೆ ಇನ್ನೂ ಒಂದು ವಿಷಯ ಸೇರ್ಪಡೆಯಾಗಿದೆ. ಸಿನಿಮಾದಲ್ಲಿ ಇಬ್ಬರಲ್ಲ.. ಒಟ್ಟು ಐವರು ನಿರ್ದೇಶಕರಿದ್ದಾರೆ.

    ಚಿತ್ರಕ್ಕೆ ಕಥೆ ಬರೆದಿರುವುದು ಟಿ.ಕೆ. ದಯಾನಂದ್. ಅವರೂ ನಿರ್ದೇಶಕರೇ. ಇನ್ನು ಚಿತ್ರದ ಪ್ರಮುಖ ಪಾತ್ರ ಮೋಡಿ ನಂಜಪ್ಪನಾಗಿ ನಟಿಸುತ್ತಿರುವುದು ಶಿವಮಣಿ. ಇವರ ಬಗ್ಗೆ ಹೇಳುವ ಅವಶ್ಯಕತೆಯೇ ಇಲ್ಲ. ಕನ್ನಡ ಚಿತ್ರರಂಗದ ಟ್ರೆಂಡ್‍ಸೆಟ್ಟರ್ ನಿರ್ದೇಶಕರಲ್ಲಿ ಒಬ್ಬರು ಶಿವಮಣಿ.

    ಇನ್ನು ಚಿತ್ರದಲ್ಲಿ ನಿವೃತ್ತ ದರೋಡೆಕಾರನ ಪಾತ್ರದಲ್ಲಿ ನಟಿಸುತ್ತಿರುವುದು ಯೋಗರಾಜ್ ಭಟ್. ಸದ್ಯಕ್ಕೆ ಕನ್ನಡ ಚಿತ್ರರಂಗದ ಸೆನ್ಸೇಷನಲ್ ಡೈರೆಕ್ಟರ್.

    ಇವರೆಲ್ಲರ ಸಮಾಗಮ ಬೆಲ್‍ಬಾಟಮ್‍ನಲ್ಲಿದೆ.  80ರ ದಶಕದ ಈ ಕಥೆಯಲ್ಲಿ ರಿಷಬ್ ಶೆಟ್ಟಿ ಹೀರೋ ಆಗಿದ್ದರೆ, ಹರಿಪ್ರಿಯಾ ನಾಯಕಿ. ಐವರು ಡೈರೆಕ್ಟರುಗಳು. ಕುತೂಹಲವೋ.. ಕುತೂಹಲ.

  • ಕಥಾ ಸಂಗಮದ ೭ ಸ್ವಾರಸ್ಯ

    interesting factors in kathe sangama

    ಕಥಾ ಸಂಗಮ, ೭ ನಿರ್ದೇಶಕರು, ೭ ಸಂಗೀತ ನಿರ್ದೇಶಕರು ಮತ್ತು ೭ ಕಥೆಗಳ ಸಂಗಮ. ಟ್ರೇಲರ್ ಹೊರಬಂದು ಕುತೂಹಲವನ್ನಂತೂ ಸೃಷ್ಟಿಸಿದೆ. ಇಷ್ಟಕ್ಕೂ ಇಂಥಾದ್ದೊAದು ಐಡಿಯಾ ಬರೋಕೆ ಕಾರಣ ಪುಟ್ಟಣ್ಣ ಕಣಗಾಲ್. ಚಿತ್ರದ ೭ ಮಂದಿ ನಿರ್ದೇಶಕರಿಗೂ ಪುಟ್ಟಣ್ಣ ಅವರೇ ಸ್ಫೂರ್ತಿಯಂತೆ. ಕಥಾ ಸಂಗಮಕ್ಕೆ ಅವರೇ ಪ್ರೇರಣೆ. ಕಥಾ ಸಂಗಮ ಅನ್ನೋ ಟೈಟಲ್ ಕೂಡಾ ಪುಟ್ಟಣ್ಣ ಚಿತ್ರದ ಟೈಟಲ್ಲೇ.

    ಚಿತ್ರದಲ್ಲಿ ಮಗಳ ಆಸೆ ಪೂರೈಸಲು ಶ್ರಮಿಸುವ ಅಪ್ಪ, ಸ್ವಾತಂತ್ರö್ಯ ಪೂರ್ವದ ಬ್ರಿಟಿಷ್ ಅಧಿಕಾರಿಯ ಕಥೆ, ತಾಯಿ ಮಗನ ಸೆಂಟಿಮೆAಟ್ ಕಥೆ, ನಿವೃತ್ತನಾಗುವ ಸರ್ಕಾರಿ ಅಧಿಕಾರಿಯ ಒಂಟಿತನದ ಕಥೆ, ಪ್ರೇಮಿಗಳ ಭಾವುಕತೆ ಎಲ್ಲವೂ ಇರುವ ಚಿತ್ರವಿದು.

  • ಕಥೆ, ಸೀನ್ ಬರೆಯಿರಿ - ರಿಷಬ್ ಶೆಟ್ಟಿ ಸ್ಪರ್ಧೆ

    rishab shetty's open invitation to writers

    ಒಂದು ವೇಳೆ ಕಿರಿಕ್ ಪಾರ್ಟಿ ಸಿನಿಮಾ, ಗ್ಯಾಂಗ್‍ಸ್ಟರ್ ಕಥೆಯಾಗಿದ್ದರೆ.. ಕಥೆ ಹೇಗಿರುತ್ತಿತ್ತು..?

    ಸಹಿಪ್ರಾಶಾಲೆಯ ಅನಂತ ಪದ್ಮನಾಭ್, ಬೆಲ್‍ಬಾಟಂನ ಕುಸುಮ, ಉಳಿದವರು ಕಂಡಂತೆ ಚಿತ್ರದ ರತ್ನಕ್ಕ, ರಂಗನಾಯಕಿ ಚಿತ್ರದ ಶೇಖರ್.. ಈ ನಾಲ್ಕು ಪಾತ್ರಗಳ ಪೈಕಿ, ಒಂದನ್ನ ಆಯ್ಕೆ ಮಾಡಿಕೊಳ್ಳಿ. ಆ ಪಾತ್ರದ ಚಿತ್ರಣ ಬರೆಯಿರಿ. ಅದು ಅವರವರ ದೃಷ್ಟಿಯಲ್ಲೇ ಇರಬೇಕು.

    ಅಂತ್ಯ ಸಂಸ್ಕಾರ ಸಂದರ್ಭದಲ್ಲಿ ನಡೆಯಬಹುದಾದ ಹಾಸ್ಯ ಸನ್ನಿವೇಶವನ್ನು ದೃಶ್ಯ ವಿವರ, ಸಂಭಾಷಣೆ ಸಹಿತ ಬರೆಯಿರಿ.

    ಇದು ನವನೀವನ ಕಲ್ಪನೆಯ ಬರಹಗಾರರಿಗೆ, ನಟ, ನಿರ್ದೇಶಕ ರಿಷಬ್ ಶೆಟ್ಟಿ ನೀಡಿರುವ ಪಂಥಾಹ್ವಾನ. ಕಥಾಸಂಗಮ ಚಿತ್ರದಲ್ಲಿ ಕಥೆಗಾರರಿಗೆ ಅವಕಾಶ ಕೊಟ್ಟಂತೆಯೇ, ಈಗ ಬರಹಗಾರರಿಗೆ, ಸನ್ನಿವೇಶ ವಿಸ್ತರಿಸುವ, ಮೆರುಗು ನೀಡುವವರಿಗೆ ಇಂತಹುದೊಂದು ಸ್ಪರ್ಧೆ ಮುಂದಿಟ್ಟಿದ್ದಾರೆ ರಿಷಬ್.

    ನೀವೂ ಬರೆಯಬಹುದು. ಎರಡು ಪುಟ ಮೀರಬಾರದು. ಮೇ 23ರೊಳಗೆ ಕಳುಹಿಸಿಕೊಟ್ಟರೆ ಸಾಕು.

     

  • ಕಳ್‍ಭಟ್ಟಿ ಕುಸುಮಾಗೆ ದಿವಾಕರನ ಪರದಾಟ ನೋಡಿ ಮಜಾ ಬಂತು..!

    bellbottom 50 days celebrations

    ಬೆಲ್‍ಬಾಟಂ ಸಿನಿಮಾ 50 ದಿನ ಪೂರೈಸಿ ಶತದಿನೋತ್ಸವದತ್ತ ಮುನ್ನುಗ್ಗುತ್ತಿರುವಾಗಲೇ ಚಿತ್ರತಂಡ 50ನೇ ದಿನದ ಸೆಲಬ್ರೇಷನ್ ಮಾಡಿದೆ. ಚಿತ್ರದ ಪಾತ್ರಧಾರಿಗಳಾದ ರಿಷಬ್ ಶೆಟ್ಟಿ ಹಾಗೂ ಹರಿಪ್ರಿಯಾಗೆ ಖುಷಿ ಕೊಟ್ಟಿರುವುದು ಚಿತ್ರ ನೋಡಿದವರೆಲ್ಲ ಅವರನ್ನು ಕಳ್‍ಭಟ್ಟಿ ಕುಸುಮ, ಡಿಟೆಕ್ಟಿವ್ ದಿವಾಕರ ಎಂಬ ಪಾತ್ರದ ಮೂಲಕವೇ ಗುರುತಿಸುತ್ತಿರುವುದು.

    ಆ ಖುಷಿಯನ್ನು ಹಂಚಿಕೊಳ್ಳುತ್ತಲೇ ಹರಿಪ್ರಿಯಾ, ಏತಕೆ.. ಹಾಡಿನ ಶೂಟಿಂಗ್ ವೇಳೆ ರಿಷಬ್ ಶೆಟ್ಟಿ ಡ್ಯಾನ್ಸ್ ಪ್ರಾಕ್ಟೀಸ್ ನೋಡಿ ಮಜಾ ತೆಗೆದುಕೊಂಡಿದ್ದನ್ನು ಹೇಳಿ ಖುಷಿ ಪಟ್ಟರು. ನಾನು ಅನಂತ್‍ನಾಗ್ ಅಭಿಮಾನಿ. ಡ್ಯಾನ್ಸ್ ಬರಲ್ಲ, ಅದಕ್ಕೇ ನಿರ್ದೇಶಕರಿಗೆ ಹೇಳ್ತೇನೆ, ಹೀರೋಯಿನ್ ಡ್ಯಾನ್ಸ್ ಮಾಡುವಾಗ ನಾನು ಬೇಕಾದರೆ ಪಂಚೆಯುಟ್ಟುಕೊಂಡು ಓಡಾಡಿಕೊಂಡಿರುತ್ತೇನೆ ಎಂದು ಹೇಳಿ ನಕ್ಕಿದ್ದಾರೆ.

  • ಕಾಂತಾರ : ನಮ್ಮ ಮಣ್ಣಿನ ಕಥೆ..

    ಕಾಂತಾರ : ನಮ್ಮ ಮಣ್ಣಿನ ಕಥೆ..

    ಕಂಬಳ. ನಮ್ಮ ಕನ್ನಡದ ಮಣ್ಣಿನ ಸಾಂಪ್ರದಾಯಿಕ ಕ್ರೀಡೆ. ನಮ್ಮ ನೆಲದ ಮಣ್ಣಿನ ಕಥೆ. ಆ ಕಥೆಯನ್ನು ಸಿನಿಮಾ ಮಾಡಿದ್ದಾರೆ ರಿಷಬ್ ಶೆಟ್ಟಿ. ಚಿತ್ರದಿಂದ ಚಿತ್ರಕ್ಕೆ ವಿಭಿನ್ನತೆಯನ್ನೇ ತೋರಿಸುತ್ತಿರೋ ರಿಷಬ್ ಶೆಟ್ಟಿ, ಇಲ್ಲಿ ಕಂಬಳ.. ಕಂಬಳದ ಸ್ಪರ್ಧಿ.. ಅದನ್ನು ನಿಲ್ಲಿಸಲು ನಡೆಯೋ ತಂತ್ರ.. ಹೋರಾಟ.. ಒಂದು ಲವ್ ಸ್ಟೋರಿ.. ಎಲ್ಲವನ್ನೂ ಇಟ್ಟುಕೊಂಡು ಚೆಂದದ ಕಥೆ ಹೇಳ್ತೇನೆ.. ನೋಡೋಕೆ.. ಕೇಳೋಕೆ ಸಿದ್ಧರಾಗಿ ಎನ್ನುತ್ತಿದ್ದಾರೆ. ಟೀಸರ್ ಕೊಡುತ್ತಿರುವ ಭರವಸೆ ಇದು.

    ರಿಷಬ್ ಶೆಟ್ಟಿ ಜೊತೆ ಸಪ್ತಮಿ ಗೌಡ ನಾಯಕಿಯಾಗಿದ್ದರೆ, ಕಿಶೋರ್, ಅಚ್ಯುತ್, ಪ್ರಮೋದ್ ಶೆಟ್ಟಿ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ವಿಜಯ್ ಕಿರಗಂದೂರು ನಿರ್ಮಾಣದ ಕಾಂತಾರಾ ಇದೇ ವರ್ಷದ ಕೊನೆಯಲ್ಲಿ ತೆರೆಗೆ ಬರೋ ಸಾಧ್ಯತೆ ಇದೆ. ಕಾಂತಾರಾ ಮೇಕಿಂಗ್ಸ್ ವಂಡರ್‍ಫುಲ್ ಆಗಿದೆ.

  • ಕಾಂತಾರ ಕರ್ನಾಟಕ ಯಾತ್ರೆ : ಇದು ನಮ್ಮ ಸಿನಿಮಾ

    ಕಾಂತಾರ ಕರ್ನಾಟಕ ಯಾತ್ರೆ : ಇದು ನಮ್ಮ ಸಿನಿಮಾ

    ಕಾಂತಾರ ಕರ್ನಾಟಕದ ಸಿನಿಮಾ ಪ್ರೇಮಿಗಳನ್ನೆಲ್ಲ ಬಡಿದೆಬ್ಬಿಸಿದೆ. ಲವ್, ರೌಡಿಸಂ, ಕಾಮಿಡಿ ಜಾನರ್ ಚಿತ್ರಗಳ ಮಧ್ಯೆ ಬಂದಿರೋ ಕಾಂತಾರ ಇದು ನಮ್ಮ ಸಿನಿಮಾ ಎಂಬ ಭಾವನೆ ಹುಟ್ಟಿಸಿದೆ. ಆ ಪ್ರೀತಿಯೇ ಹೊಸ ದಾಖಲೆ ಬರೆಯುವಂತೆ ಮಾಡುತ್ತಿದೆ. ಕಾಂತಾರ ಕನ್ನಡದ ಮಣ್ಣಿನ ಕಥೆ ಎನ್ನುವುದೇ ಚಿತ್ರದ ಒಂದು ಪ್ಲಸ್ ಪಾಯಿಂಟ್.

    ಹೊಂಬಾಳೆ ಫಿಲಮ್ಸ್ ಚಿತ್ರಕ್ಕೆ ಹಾಕಿದ ಬಜೆಟ್ ಸುಮಾರು 16 ಕೋಟಿ. ಚಿತ್ರದ ಆರಂಭದ ಎರಡು ದಿನಗಳಲ್ಲೇ ಚಿತ್ರಕ್ಕೆ ಹಾಕಿದ ಬಂಡವಾಳ ವಾಪಸ್ ಬಂದಿದೆ. ರಿಷಬ್ ಶೆಟ್ಟಿ ಹೀರೋ ಆಗಿ ಮತ್ತು ಡೈರೆಕ್ಟರ್ ಆಗಿ ಗೆದ್ದಿದ್ದಾರೆ. ರಿಷಬ್ ಮತ್ತು ಸಪ್ತಮಿ ತುಂಟಾಟಗಳು, ಕಿಶೋರ್ ಆರ್ಭಟ, ಅಚ್ಯುತ್, ಪ್ರಮೋದ್ ಶೆಟ್ಟಿ, ಮಾನಸಿ ಸುಧೀರ್ ಎಲ್ಲರದ್ದೂ ಅಮೋಘ ಅಭಿನಯ. ಅಜನೀಶ್ ಲೋಕನಾಥ್ ಸಂಗೀತ ಬೇರೆಯದೇ ಲೋಕಕ್ಕೆ ಕರೆದೊಯ್ಯುತ್ತಿದೆ.

    ಎಲ್ಲಕ್ಕಿಂತ ಹೆಚ್ಚಾಗಿ ಸಿನಿಮಾ ನೋಡುವುದನ್ನೇ ಬಿಟ್ಟಿದ್ದವರನ್ನೂ ಮತ್ತೆ ಚಿತ್ರಮಂದಿರಕ್ಕೆ ಕರೆತರುತ್ತಿರುವುದು ಕಾಂತಾರ ಹೆಗ್ಗಳಿಕೆ. ಕಾಂತಾರ ಈಗ ಹೊಂಬಾಳೆ ಅಥವಾ ರಿಷಬ್ ಶೆಟ್ಟಿ ಸಿನಿಮಾ ಅಲ್ಲ. ಇದು ನಮ್ಮ ಸಿನಿಮಾ ಎಂಬ ಭಾವನೆ ಮೂಡುವಂತೆ ಮಾಡಿದೆ. ಹೀಗಾಗಿಯೇ ಇನ್ನೊಂದು ವಾರ ಕಾಂತಾರ ಕರ್ನಾಟಕ ಯಾತ್ರೆ ಶುರು ಮಾಡುತ್ತಿದೆ. ನಿಮ್ಮ ಊರಿಗೂ ಬರ್ತಾರೆ..

  • ಕಾಂತಾರ ಮೆಚ್ಚಿದ ರಜನಿಕಾಂತ್

    ಕಾಂತಾರ ಮೆಚ್ಚಿದ ರಜನಿಕಾಂತ್

    ಕಾಂತಾರ ಚಿತ್ರವನ್ನು ನೋಡಿ ಮೆಚ್ಚಿದವರ ಸಾಲಿಗೀಗ ಸೂಪರ್ ಸ್ಟಾರ್ ರಜನಿಕಾಂತ್ ಕೂಡಾ ಸೇರಿದ್ದಾರೆ. ಸಿನಿಮಾ ನೋಡಿ ರೋಮಾಂಚನವಾಯಿತು ಎಂದು ಬರೆದುಕೊಂಡಿದ್ದಾರೆ.

    ಎಲ್ಲ ತಿಳಿದುಕೊಂಡಿರುವುದಕ್ಕಿಂತ ತಿಳಿದುಕೊಳ್ಳದೇ ಇರುವುದು ಹೆಚ್ಚಿರುತ್ತದೆ. ಬಹುಶಃ ಇದಕ್ಕಿಂತ ಒಳ್ಳೆಯ ಸಿನಿಮಾ ಮತ್ತೊಂದಿಲ್ಲ. ಇದಕ್ಕಾಗಿ ಹೊಂಬಾಳೆ ಫಿಲಂಸ್ ಹಾಗೂ ರಿಷಬ್ ಶೆಟ್ಟಿಯವರಿಗೆ ಧನ್ಯವಾದಗಳು.  ಈ ಚಿತ್ರ ಮೈ ನವಿರೇಳಿಸುವಂತೆ ಮಾಡಿದೆ. ರಿಷಬ್ ಅವರೇ, ಒಬ್ಬ ನಟನಾಗಿ, ಚಿತ್ರ ಸಾಹಿತಿಯಾಗಿ ಹಾಗೂ ಒಬ್ಬ ನಿರ್ದೇಶಕನಾಗಿ ನಿಮಗೆ ಹಾಗೂ ನಿಮ್ಮ ಇಡೀ ತಂಡಕ್ಕೆ ಹ್ಯಾಟ್ಸಾಫ್ ಎಂದಿದ್ದಾರೆ ರಜನಿಕಾಂತ್.

    ಸಹಜವಾಗಿಯೇ ರಿಷಬ್ ಶೆಟ್ಟಿಗೆ ರಜನಿಕಾಂತ್ ಮೆಚ್ಚುಗೆ ಖುಷಿ ಕೊಟ್ಟಿದೆ. ರಿಷಬ್ ಶೆಟ್ಟಿ, ಸಪ್ತಮಿಗೌಡ, ವಿಜಯ್ ಕಿರಗಂದೂರು, ಕಾರ್ತಿಕ್ ಗೌಡ, ಚೆಲುವೇಗೌಡ.. ಹೀಗೆ ಚಿತ್ರತಂಡದ ಪ್ರತಿಯೊಬ್ಬರೂ ರಜನಿಕಾಂತ್ ಮೆಚ್ಚುಗೆಗೆ ಸಂತೋಷ ವ್ಯಕ್ತಪಡಿಸಿದ್ದಾರೆ.

    ರಜನಿ ಸರ್, ನೀವು ಭಾರತದ ಸೂಪರ್ ಸ್ಟಾರ್. ನಾನು ಬಾಲ್ಯದಿಂದಲೂ ನಿಮ್ಮ ಅಭಿಮಾನಿ. ನಿಮ್ಮ ಈ ಮೆಚ್ಚುಗೆ ನನ್ನ ಬಹುದಿನದ ಕನಸೊಂದನ್ನು ನನಸು ಮಾಡಿಸಿದೆ. ಇನ್ನು ಮುಂದೆ ನಾನು ಮತ್ತಷ್ಟು ಸ್ಥಳೀಯ ಕಥೆಗಳನ್ನು ಆಧರಿಸಿದ ಚಿತ್ರಗಳನ್ನು ಮಾಡಲು, ಆ ಮೂಲಕ ನಮ್ಮ ಪ್ರೇಕ್ಷಕರನ್ನು  ಸ್ಫೂರ್ತಿಗೊಳಿಸುವ ಚಿತ್ರಗಳನ್ನು ಮಾಡುವಂತೆ ಸ್ಫೂರ್ತಿ ನೀಡಿದೆ ಎಂದಿದ್ದಾರೆ.

    ದೇಶದ ಅತಿದೊಡ್ಡ ಸೂಪರ್ ಸ್ಟಾರ್ ಮೆಚ್ಚುಗೆ ಸಿಕ್ಕಿದ್ದು ಎನರ್ಜಿ ಬೂಸ್ಟ್ ಕೊಟ್ಟಂತಾಗಿದೆ. ಅವರ ಬಗ್ಗೆ ಮಾತನಾಡಲು ನಾನು ಚಿಕ್ಕವಳು. ಥ್ಯಾಂಕ್ಯೂ ಸರ್ ಎಂದಿದ್ದಾರೆ ಸಪ್ತಮಿ ಗೌಡ.

    ನಿಮ್ಮ ಈ ಮೆಚ್ಚುಗೆ ನಮ್ಮ ಸಂಭ್ರಮವನ್ನು ಇಮ್ಮಡಿಗೊಳಿಸಿದವು ಎಂದು ಟ್ವೀಟ್ ಮಾಡಿದೆ ಹೊಂಬಾಳೆ ಸಂಸ್ಥೆ. ರಜನಿಕಾಂತ್ ಮೆಚ್ಚುಗೆ ಪಡೆಯಲು ನಾವು ಪುಣ್ಯ ಮಾಡಿದ್ದೆವು ಎನ್ನುವುದು ವಿಜಯ್ ಕಿರಗಂದೂರು ಮಾತು. ದಂತಕಥೆಗೆ ದಂತಕಥೆಯ ಮೆಚ್ಚುಗೆ ಸಿಕ್ಕಿದೆ ಎಂದಿದ್ದಾರೆ ಚೆಲುವೇಗೌಡ. ಥ್ರಿಲ್ಲಾಗಿದ್ದೇನೆ ಎಂದಿದ್ದಾರೆ ಕಾರ್ತಿಕ್ ಗೌಡ. ಒಟ್ಟಿನಲ್ಲಿ ದಂತಕಥೆಯ ಮೆಚ್ಚುಗೆಗೆ ದಂತಕಥೆ ಚಿತ್ರತಂಡವೇ ಪ್ರೀತಿಯಿಂದ ಶರಣಾಗಿದೆ.

  • ಕಾಂತಾರ ಹಿಂದಿಗೆ ರೆಡಿ : ನಾಳೆ ಟ್ರೇಲರ್

    ಕಾಂತಾರ ಹಿಂದಿಗೆ ರೆಡಿ : ನಾಳೆ ಟ್ರೇಲರ್

    ಸ್ಯಾಂಡಲ್ವುಡ್ನಲ್ಲಿ ಸಂಚಲನ ಮೂಡಿಸಿರುವ ಕಾಂತಾರಾ ಹಿಂದಿಗೆ ಹೊರಡೋಕೆ ಸಜ್ಜಾಗಿದೆ. ರಿಷಬ್ ಶೆಟ್ಟಿಯವರ ಕಾಂತಾರ ಯಾತ್ರೆ, ಥಿಯೇಟರ್ಗಳಲ್ಲಿ ಜಾತ್ರೆ ಸೃಷ್ಟಿಸಿದೆ. ಹೊಂಬಾಳೆ ಇದನ್ನು ಪ್ಯಾನ್ ಇಂಡಿಯಾ ಸಿನಿಮಾ ಮಾಡುವ ಯೋಜನೆ ಹೊಂದಿರಲಿಲ್ಲ. ರಿಷಬ್ ಶೆಟ್ಟಿಯವರಿಗೂ ಇದು ಕನ್ನಡದ ನೆಲದ ಸಂಸ್ಕೃತಿ ಸಿನಿಮಾ. ಬೇರೆಯವರಿಗೆ ರೀಚ್ ಆಗುವುದು ಕಷ್ಟ ಎಂದಿದ್ದರು. ಆದರೆ ಚಿತ್ರ ಇಲ್ಲಿ ಹಿಟ್ ಆಗುತ್ತಿದ್ದಂತೆಯೇ ಶುರುವಾದ ಬೇಡಿಕೆ ಕಾಂತಾರವನ್ನೂ ಈಗ ಪ್ಯಾನ್ ಇಂಡಿಯಾ ಸಿನಿಮಾ ಆಗಿಸಲು ಹೊರಟಿದೆ. ಬಹುಭಾಷೆಗಳಿಗೆ ಡಬ್ ಮಾಡಲು ಬೇಡಿಕೆ ಜಾಸ್ತಿಯಾಗಿದೆ. ಇದೀಗ ಕಾಂತಾರಾ ಹಿಂದಿ ಟ್ರೈಲರ್ ರಿಲೀಸ್ ಮಾಡಲು ಕೌಂಟ್ ಡೌನ್ ಶುರುವಾಗಿದೆ.

    ಸೆಪ್ಟೆಂಬರ್ 30ರಂದು ರಿಲೀಸ್ ಆಗಿರುವ `ಕಾಂತಾರಾ’ ಸಿನಿಮಾ ಎಲ್ಲ ಕಡೆಯಲ್ಲೂ  ಹೌಸ್ಫುಲ್ ಪ್ರದರ್ಶನ ಕಾಣುತ್ತಿದೆ. ಮೊದಲ ವಾರ ರಿಲೀಸ್ ಆದ ಚಿತ್ರಮಂದಿರಗಳಿಗಿಂತ ಮೂರು ಪಟ್ಟು ಹೆಚ್ಚು ಶೋ, ಥಿಯೇಟರುಗಳು ಸಿಕ್ಕಿವೆ. ಎಲ್ಲವೂ ಹೌಸ್ಫುಲ್. ಒಂದು ಮೂಲದ ಪ್ರಕಾರ ಮೊದಲ ವಾರದ ಕಲೆಕ್ಷನ್ 50 ಕೋಟಿ ದಾಟಿದೆ.

    ಕಾಂತಾರಾ’ ಚಿತ್ರದ ಹಿಂದಿ ಟ್ರೈಲರ್ ಅನ್ನು ಅಕ್ಟೋಬರ್ 9ರಂದು ಅಂದರೆ ನಾಳೆ ಬೆಳಗ್ಗೆ 9.10ಕ್ಕೆ ರಿಲೀಸ್ ಆಗಲಿದೆ. ನಂತರ ಹಂತ ಹಂತವಾಗಿ ತಮಿಳು, ತೆಲುಗು, ಮಲಯಾಳಂಗೂ ಡಬ್ ಆಗಲಿದೆ. 

  • ಕಿಚ್ಚ ಹೇಳಿದ್ದನ್ನು ಚಾಚೂ ತಪ್ಪದೆ ಪಾಲಿಸಿದ್ದಾರೆ ರಿಷಬ್ ಶೆಟ್ಟಿ..!

    rishab sheety sincerly followed sudeep's teachings

    ಕಿರಿಕ್ ಪಾರ್ಟಿ, ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆ ಚಿತ್ರಗಳ ಮೂಲಕ ಸ್ಟಾರ್ ನಿರ್ದೇಶಕರಾದ ರಿಷಬ್ ಶೆಟ್ಟಿ, ಬೆಲ್ಬಾಟಂ ಚಿತ್ರದ ನಂತರ ಸ್ಟಾರ್ ಹೀರೋ ಕೂಡಾ ಆಗಿದ್ದಾರೆ. ಕಾಮಿಡಿ ಮತ್ತು ಸೀರಿಯಸ್..ಎರಡನ್ನೂ ಅದ್ಭುತವಾಗಿ ನಿರ್ವಹಿಸುವ ರಿಷಬ್ ಶೆಟ್ಟಿಗೆ ಈಗ ಫುಲ್ ಡಿಮ್ಯಾಂಡ್ ಇದೆ. ಇದರ ನಡುವೆ ರುದ್ರಪ್ರಯಾಗ ಅನ್ನೋ ಚಿತ್ರಕ್ಕೆ ನಿರ್ದೇಶಕರಾಗಿರುವ ರಿಷಬ್ ಶೆಟ್ಟಿ, ಹೀರೋ ಆಗಿ 4 ಕಥೆಗಳನ್ನು ಒಪ್ಪಿಕೊಂಡಿದ್ದಾರಂತೆ. 

    ಮೊದಲ ಆದ್ಯತೆ ನಿರ್ದೇಶನ ಎನ್ನುವ ರಿಷಬ್ ಶೆಟ್ಟಿ, 4 ಕಥೆಗಳನ್ನು ಒಪ್ಪಿದ್ದರೂ ಯಾರಿಂದಲೂ ಅಡ್ವಾನ್ಸ್ ಪಡೆದಿಲ್ಲ. ಕಾರಣ ಇಷ್ಟೆ.. ಸುದೀಪ್ ಹೇಳಿದ್ದ ಮಾತು. ‘‘ನನಗೆ ಸುದೀಪ್‌ ಒಂದು ಪಾಠ ಹೇಳಿಕೊಟ್ಟಿದ್ದಾರೆ.  ಯಾರಿಂದಲೂ ಮೊದಲೇ ಅಡ್ವಾನ್ಸ್‌ ತೆಗೆದುಕೊಳ್ಳಬೇಡ. ಒಂದು ವೇಳೆ ಅಡ್ವಾನ್ಸ್‌ ತಗೊಂಡರೆ ಲಾಕ್‌ ಆದಂತೆ’’ ಎಂದು.. ಆ ನಿಯಮವನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿದ್ದೇನೆ ಎನ್ನುತ್ತಾರೆ ರಿಷಬ್ ಶೆಟ್ಟಿ.

  • ಗರಡು ಗಮನದ ಮಾದಪ್ಪನ ಹಾಡಿಗೆ ಸಾಲೂರು ಶ್ರೀಗಳ ಆಕ್ಷೇಪ

    ಗರಡು ಗಮನದ ಮಾದಪ್ಪನ ಹಾಡಿಗೆ ಸಾಲೂರು ಶ್ರೀಗಳ ಆಕ್ಷೇಪ

    ಗರುಡ ಗಮನ ವೃಷಭ ವಾಹನ ಚಿತ್ರದಲ್ಲಿ ಸೋಜುಗಾದ ಸೂಜುಮಲ್ಲಿಗೆ... ಹಾಡನ್ನು ಕೊಲೆ ಮಾಡಿದ ವ್ಯಕ್ತಿಯ ನೃತ್ಯಕ್ಕೆ ಬಳಸಿರುವುದಕ್ಕೆ ಸಾಲೂರು ಮಠದ ಶಾಂತ ಮಲ್ಲಿಕಾರ್ಜುನ ಸ್ವಾಮಿ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

    ಪುರಾಣದ ಐತಿಹ್ಯಗಳನ್ನು ರೂಪಕವಾಗಿಟ್ಟುಕೊಂಡು ನಿರ್ದೇಶಕರು ಈ ಚಿತ್ರದ ಕಥೆ ಮಾಡಿದ್ದಾರೆ ಎಂದು ಕೇಳಿದ್ದೇವೆ. ಅದಕ್ಕೆ ನಮ್ಮ ಆಕ್ಷೇಪವೇನೂ ಇಲ್ಲ. ಸೃಜನಾತ್ಮಕ ಚಟುವಟಿಕೆಗಳಲ್ಲಿ ಸಿನಿಮಾ ರಂಗ ರಚನಾತ್ಮಕವಾಗಿ ಹಾಗೂ ಸಮಾಜಮುಖಿಯಾಗಿ ನಡೆದುಕೊಳ್ಳುವುದು ಈಗಿನ ಅಗತ್ಯವೂ ಹೌದು. ಆದರೆ ಮೈಸೂರು ಸೀಮೆಯಲ್ಲಿ ಜನಪ್ರಿಯವಾಗಿರು ಮಾದೇವನನ್ನು ಸ್ತುತಿಸುವ ಹಾಡನ್ನು ಸೃಜನಶೀಲತೆ ಹೆಸರಲ್ಲಿ ಕೊಲೆಯಂತಾ ಹೀನಕೃತ್ಯಕ್ಕೆ ರೂಪಕವಾಗಿ ಬಳಸಿರುವುದು ಸರಿಯಲ್ಲ. ದಾಸಶ್ರೇಷ್ಟ ಪುರಂದರದಾಸರ ಚಂದ್ರಚೂಡ ಶಿವಶಂಕರ ಪಾರ್ವತಿ ಹಾಡನ್ನೂ ಇದೇ ಚಿತ್ರದಲ್ಲಿ ಇಂತಹುದೇ ಸನ್ನಿವೇಶಕ್ಕೆ ಬಳಸಿದ್ದಾರಂತೆ. ಸೃಜನಶೀಲತೆ ಎನ್ನುವುದು ಸಾಂಸ್ಕøತಿಕ ಪತನಕ್ಕೆ ಕಾರಣವಾಗಬಾರದು. ಸಮಾಜದ ಉನ್ನತಿಗೆ ಮಾರ್ಗವಾಗಬೇಕು.

    ಈ ಚಿತ್ರದ ನಿರ್ಮಾಣ ಸಂಸ್ಥೆಯ ಯಾರೊಬ್ಬರೂ ಕ್ಷಮೆ ಕೇಳಬೇಕಾದ ಅಗತ್ಯವಿಲ್ಲ. ಕ್ಷಮಾಭಾವ ವ್ಯಕ್ತಿಯ ಅಂತರಂಗದಲ್ಲಿ ಹುಟ್ಟಬೇಕೇ ಹೊರತು ಒತ್ತಡದಲ್ಲಿ ಬರಬಾರದು. ಇಂತಹ ದೃಶ್ಯ ರೂಪಿಸಿದ ನಿರ್ದೇಶಕರನ್ನೂ ಮಹದೇಶ್ವರರು ಹರಸಲಿ. ಇನ್ನು ಮುಂದೆ ಅವರಿಗೆ ಇಂತಹ ದುರ್ಬುದ್ದಿ ಬರದಂತೆ ಸದ್ಬುದ್ದಿ ನೀಡಲಿ ಎಂದಿದ್ದಾರೆ ಸ್ವಾಮೀಜಿ.

  • ಗರುಡ ಗಮನ ಪರಭಾಷೆ ವಾಹನ : ರಾಜ್ ಬಿ.ಶೆಟ್ಟಿ ರೂಪಾಂತರ

    ಗರುಡ ಗಮನ ಪರಭಾಷೆ ವಾಹನ : ರಾಜ್ ಬಿ.ಶೆಟ್ಟಿ ರೂಪಾಂತರ

    ರಾಜ್ ಬಿ.ಶೆಟ್ಟಿ ರೂಪಾಂತರಗೊಂಡಿದ್ದಾರೆ. ಅದು ಪರಭಾಷೆಗಳಲ್ಲಿ. ರಾಜ್ ಬಿ.ಶೆಟ್ಟಿಯವರ ಗರುಡ ಗಮನ ವೃಷಭ ವಾಹನ ಹಿಟ್ ಆದ ಬೆನ್ನಲ್ಲೇ ವೆರೈಟಿ ವೆರೈಟಿ ಪಾತ್ರಗಳು ಹುಡುಕಿಕೊಂಡು ಬರುತ್ತಿವೆ. ಇದರ ಜೊತೆಗೆ ಮಾರುಕಟ್ಟೆಯೂ ದೊಡ್ಡದಾಗುತ್ತಿದೆ. ಗರುಡ ಗಮನ ಚಿತ್ರವನ್ನು ತಮಿಳಿನಲ್ಲಿ ರೀಮೇಕ್ ಮಾಡಲು ಮಾತುಕತೆ ಶುರುವಾಗಿದೆ. ರೀಮೇಕ್ ಹಕ್ಕು ಕೇಳಿರುವುದು ತಮಿಳಿನ ಸ್ಟಾರ್ ಡೈರೆಕ್ಟರ್ ಗೌತಮ್ ವಾಸುದೇವ್ ಮೆನನ್. ಉಳಿದ ಭಾಷೆಗಳಲ್ಲಿಯೂ ಮಾತುಕತೆ ಪ್ರಗತಿಯಲ್ಲಿದೆ.

    ಇದರ ನಡುವೆ ಮಂಗಳೂರು ಡಾನ್ ಶೆಟ್ಟಿ,  ಬೆಂಗಳೂರು ಡಾನ್ ಆಗಿದ್ದಾರೆ. ರೂಪಾಂತರ ಅನ್ನೋ ಚಿತ್ರದಲ್ಲಿ ರಾಜ್ ಬಿ.ಶೆಟ್ಟಿ ನಟಿಸಿದ್ದು, ಚಿತ್ರೀಕರಣವೂ ಮುಗಿದಿದೆಯಂತೆ. ಮಿಥಿಲೇಶ್ ಕುಮಾರ್ ಎಡವಲದ್ ಎಂಬುವವರು ನಿರ್ದೇಶಿಸಿರುವ ಚಿತ್ರದಲ್ಲಿ  

    ಒಬ್ಬ ಮನುಷ್ಯ ಬೇರೆ ಬೇರೆ ಸಂದರ್ಭಗಳಲ್ಲಿ ಹೇಗೆಲ್ಲ ಬದಲಾಗುತ್ತಾನೆ ಎನ್ನುವ ಕಥೆ ಹೇಳಿದ್ದಾರಂತೆ. ಒಂದು ಮೊಟ್ಟೆಯ ಕಥೆ ನಿರ್ಮಾಪಕ ಸುಹಾಸ್ ಅವರೇ ಈ ಚಿತ್ರಕ್ಕೂ ಪ್ರೊಡ್ಯೂಸರ್.

  • ಗರುಡ ಗಮನ ವೃಷಭ ವಾಹನ ಯಶಸ್ವಿ 25ನೇ ದಿನ

    ಗರುಡ ಗಮನ ವೃಷಭ ವಾಹನ ಯಶಸ್ವಿ 25ನೇ ದಿನ

    ಸಿದ್ಧ ಸೂತ್ರಗಳಿಗಿಂತ ಹೊರತಾದ ಬೇರೆಯದೇ ರೀತಿಯ ಕಥೆ,  ನಿರೂಪಣೆಯಿಂದ ಗಮನ ಸೆಳೆದ ಗರುಡ ಗಮನ ವೃಷಭ ವಾಹನ ಯಶಸ್ವಿ 25ನೇ ದಿನ ಪೂರೈಸಿದೆ. ರಾಜ್ ಬಿ.ಶೆಟ್ಟಿ ನಿರ್ದೇಶನದ ಚಿತ್ರವಿದು. ರಿಷಬ್ ಶೆಟ್ಟಿ ಮತ್ತು ರಾಜ್ ಬಿ. ಶೆಟ್ಟಿ ಇಬ್ಬರೂ ಪ್ರಧಾನ ಪಾತ್ರದಲ್ಲಿದ್ದ ಚಿತ್ರ ಕರಾವಳಿ ಭಾಗದ ಅಂಡರ್‍ವಲ್ರ್ಡ್ ಕಥೆಯನ್ನು ವಿಭಿನ್ನವಾಗಿ ಹೇಳಿದ್ದ ಚಿತ್ರ.

    ಒಂದೆಡೆ ಕ್ರೌರ್ಯ ಅತಿಯಾಯಿತು, ದೇವರ ಹಾಡು ಬಳಸಬಾರದಿತ್ತು ಎಂದು ಕೆಲವರು ವಾದಿಸುತ್ತಿದ್ದಾರೆ. ಕೆಲವರು ಪೊಲೀಸ್ ಠಾಣೆ ಮೆಟ್ಟಿಲನ್ನೂ ಏರಿದ್ದಾರೆ. ಬೇರೆಯವರಾಗಿದ್ದರೆ ಅದನ್ನೂ ಪ್ರಚಾರಕ್ಕೆ ಬಳಸಿಕೊಳ್ಳುತ್ತಿದ್ದರೇನೋ.. ಆದರೆ ಈ ಶೆಟ್ಟಿ ಬ್ರದರ್ಸ್ ಆ ಕೆಲಸ ಮಾಡದೆ ಚಿತ್ರದ ಪಾಸಿಟಿವ್‍ಗಳನ್ನೇ ಪ್ರಚಾರ ಮಾಡಿ ಗೆದ್ದಿದ್ದಾರೆ.

  • ಗರುಡ ಗಮನ ವೃಷಭ ವಾಹನಕ್ಕೆ ಕೊರೊನಾ ವರವಾಗಿದ್ದು ಹೇಗೆ..?

    ಗರುಡ ಗಮನ ವೃಷಭ ವಾಹನಕ್ಕೆ ಕೊರೊನಾ ವರವಾಗಿದ್ದು ಹೇಗೆ..?

    ಗರುಡ ಗಮನ ವೃಷಭ ವಾಹನ. ಚಿತ್ರದ ಟ್ರೇಲರ್ ಮತ್ತು ಹಾಡು ನೋಡಿದವರಿಗೆ ಇದು ಕೊಡುತ್ತಿರೋ ಫೀಲಿಂಗೇ ಬೇರೆ. ರಿಷಬ್ ಶೆಟ್ಟಿ ಮತ್ತು ರಾಜ್ ಬಿ.ಶೆಟ್ಟಿ ಇಬ್ಬರೂ ಇಲ್ಲಿ ಬೇರೆಯದೇ ಶೇಡ್ನಲ್ಲಿ ಕಾಣಿಸಿಕೊಳ್ತಾರೆ. ರಿಷಬ್ ಇಷ್ಟೊಂದು ಸೀರಿಯಸ್ಸಾಗಿ ಕಾಣಿಸಿಕೊಂಡಿದ್ದೇ ಇಲ್ಲ. ರಾಜ್ ಬಿ.ಶೆಟ್ಟಿ ಇಷ್ಟೊಂದು ಉಗ್ರವಾಗಿ ಕಾಣಿಸ್ತಿರೋದು ಇದೇ ಮೊದಲು.

    ನಮಗೆ ಆಕ್ಚುಯಲಿ ವರವಾಗಿದ್ದು ಕೊರೊನಾ ಮತ್ತು ಲಾಕ್ ಡೌನ್. ಹೀಗಾಗಿ ಚಿತ್ರ ನಿರ್ಮಾಣದಲ್ಲಿ ಎಲ್ಲಿಯೂ ನಾವು ಅವಸರಕ್ಕೆ ಬೀಳಲಿಲ್ಲ. ನಿಧಾನವಾಗಿ ಮಾಡಿದೆವು. ಪ್ರತಿಯೊಂದನ್ನೂ ತಿದ್ದಿ ತಿದ್ದಿ ಸರಿ ಮಾಡಿಕೊಳ್ಳೋಕೆ ಸಾಕಷ್ಟು ಕಾಲಾವಕಾಶ ಸಿಗುತ್ತಾ ಹೋಯ್ತು. ನಡುವೆ ಪರಿಶೀಲಿಸಿ ಇಂಪ್ರೂವೈಸ್ ಮಾಡಿಕೊಳ್ಳೋಕೆ ಅವಕಾಶಗಳೂ ಸಿಕ್ಕವು. ಸಮಯವೂ ಸಿಕ್ಕಿತು. ಆ ದೃಷ್ಟಿಯಿಂದ ನೋಡಿದರೆ ಲಾಕ್ ಡೌನ್ ನಮಗೆ ವರವಾಯಿತು ಎನ್ನುತ್ತಾರೆ ಹೀರೋ ಕಂ ಡೈರೆಕ್ಟರ್ ರಾಜ್ ಬಿ.ಶೆಟ್ಟಿ.

    ಇಷ್ಟೆಲ್ಲ ಕುತೂಹಲ ಹುಟ್ಟಿಸಿರೋ ಚಿತ್ರ ಈಗ ರಿಲೀಸ್ ಆಗಿದ್ದು, ರಕ್ಷಿತ್ ಶೆಟ್ಟಿ ಚಿತ್ರವನ್ನು ವಿತರಣೆ ಮಾಡಿದ್ದಾರೆ. ಲಾಕ್ ಡೌನ್ ನಂತರ ಜಗತ್ತಿನ ಹಲವೆಡೆ ರಿಲೀಸ್ ಆಗುತ್ತಿರೋ ಮೊದಲ ಕನ್ನಡ ಸಿನಿಮಾ ಗರುಡ ಗಮನ ವೃಷಭ ವಾಹನ.