` censor natasha dsouza - chitraloka.com | Kannada Movie News, Reviews | Image

censor natasha dsouza

  • Censor Board Inside Story - 1 Writes SM Patil

    censor board member sm patil, natasha dsouza image

    ನಾನು ಇಲ್ಲಿ ಬರೆಯುತ್ತಿರುವುದಕ್ಕೆ ಕಾರಣ ನಾನು, 2008 ರಿಂದ 2010ರ ವರೆಗೆ ಮತ್ತು 2012 ರಿಂದ 2016ರ ವರೆಗೆ ಸುಮಾರು ಆರು ವರ್ಷಗಳು ಇದೇ ಸೆನ್ಸಾರ್ ಮಂಡಳಿಯಲ್ಲಿ ಸದಸ್ಯನಾಗಿದ್ದೆ. ಈ ಆರು ವರ್ಷಗಳಲ್ಲಿ ಮೂರು ಉತ್ತಮ ಅಧಿಕಾರಿಗಳನ್ನು ಕಂಡ ನನಗೆ ಈ ನತಾಷಾ ವಿಚಿತ್ರ ಅಧಿಕಾರಿಯಾಗಿ ಗೊಚರಿಸಿದ್ದು ಅದನ್ನು ನಿಮ್ಮ ಜೊತೆಗೆ ಹಂಚಿಕೊಳ್ಳುವ ಉದ್ದೇಶದಿಂದ ಈ ಲೇಖನ ಬರೆಯುತ್ತಿದ್ದೇನೆ. 

    ಅರ್ಧಮರ್ಧ ಜ್ನಾನ, ಹಗುರವಾಗಿ ತೆಗೆದುಕೊಂಡ ವೃತ್ತಿ, ಮೇಲಧಿಕಾರಿಗಳ ಬೆಂಬಲ, ಒಬ್ಬ ಅಧಿಕಾರಿಯನ್ನು ಪಬ್ಲಿಕ್ಕಿನಲ್ಲಿ ಹೇಗೆ ಅವಮಾನಕ್ಕೀಡು ಮಾಡುತ್ತದೆ ಎಂಬುದಕ್ಕೆ ಸಾಕ್ಷಿಯೇ ಇತ್ತೀಚೆಗೆ ಬಂದ ಸೆನ್ಸಾರ್ ಅಧಿಕಾರಿ ನತಾಶಾ ಡಿಸೋಜಾ. ಇದೀಗ ನತಾಶಾ ಸೆನ್ಸಾರ್ ಮಂಡಳಿಯ ಹಲವು ಸ್ವಾರ್ಥ ಅರೆಫಿರಂಗಿ ಸದಸ್ಯರ ಕೈಗೊಂಬೆಯಾಗಿದ್ದು ಅದರ ಪರಿಣಾಮ ಅವರ ವೃತ್ತಿ ಮತ್ತು ಅಧಿಕಾರ ಫುಟ್ಬಾಲಿನಂತಾಗಿದೆ, ಪ್ರೇಕ್ಷಕರ, ನಿರ್ಮಾಪಕರ ಮತ್ತು ಮಂಡಳಿಯ ಸದಸ್ಯರ ಕಾಲಿಗೆ ತುತ್ತಾಗಿ ಅತ್ತಿಂದಿತ್ತ ಜಿಗಿದಾಡುತ್ತಿದೆ. ಇವರ ಮಧ್ಯ ಅದೇ ಸೆನ್ಸಾರ್ ಬೋರ್ಡ ಕಚೇರಿಯ ಗುಮಾಸ್ತ ಕುಟ್ಟಿಯೊಬ್ಬ ಅಲ್ಲಲ್ಲಿ ಕಾಲು ತೂರಸಿ ಕೊಡುತ್ತಿರುವ ಒದೆ ಸಹಿಸಿಕೊಳ್ಳಲಾಗದೆ ‘ಮೇಡಂ’ ಈಗ ‘ಢಂ’ ಎನ್ನುವ ಸ್ಥಿತಿ ತಲುಪಿದ್ದು ವಿಶೇಷ.

    ಸಿನಿಮಾ ಪ್ರಭಾವಶಾಲಿ ಮಾಧ್ಯಮವಾದ್ದರಿಂದ ಜನಸಾಮಾನ್ಯರ ಮಾನಸಿಕ ಸ್ವಾಸ್ಥ್ಯ ಕೆಡೆಸುವುದಾಗಲಿ, ಯಾವುದೇ ವ್ಯಕ್ತಿಗೆ, ಸಮುದಾಯಕ್ಕೆ, ಹೆಣ್ಣು ಮಕ್ಕಳಿಗೆ  ಅವಮಾನಿಸುವುದಾಗಲಿ, ಹಾಗೆಯೇ ಮಕ್ಕಳ ಮನಸ್ಸಿನ ಮೇಲೆ ದುಶ್ಪರಿಣಾಮ ಬೀರುವಂಥದ್ದಾಗಲಿ ಮಾಡಬಾರದೆಂಬ ಕಾರಣಕ್ಕೆ ಸರಕಾರ ಸೆನ್ಸಾರ್ ಬೋರ್ಡ ಸಂಸ್ಥೆಯನ್ನು ಹುಟ್ಟು ಹಾಕಿದೆ, [ಇದೀಗ ಅದನ್ನು ಸಿ.ಬಿ.ಎಫ್.ಸಿ ಅಂದರೆ ಸೆಂಟ್ರಲ್ ಬೋರ್ಡ ಆಫ್ ಫಿಲಂ ಸರ್ಟಿಫಿಕೇಶನ್ ಎಂದು ಕರೆಯಲ್ಪಡುತ್ತದೆ] ಒಬ್ಬ ಜವಾಬ್ದಾರಿಯುತ ಅಧಿಕಾರಿ, ಮತ್ತು ಸಾಮಾಜಿಕ ಕಳಕಳಿ ಇರುವ ಇಬ್ಬರು ಮಹಿಳೆಯರು ಮತ್ತಿಬ್ಬರು ಪುರುಷರು ಚಿತ್ರ ವೀಕ್ಷಿಸಿ ಪ್ರಮಾಣ ಪತ್ರ ನೀಡಬೇಕು, ಹಿಂದೆ ಇದರ ಕುರಿತು ಇದೆ ಚಿತ್ರಲೋಕದಲ್ಲಿ ಮಾಹಿತಿ ಕೊಟ್ಟ ಹಾಗೆ ವಯಸ್ಕರು ಮಾತ್ರ ನೊಡುವ ಚಿತ್ರಗಳಿಗೆ ಮಾತ್ರ ಎ, ಮತ್ತು ವಯಸ್ಕರ ಒಪ್ಪಿಗೆ ಪಡೆದು ಮಕ್ಕಳು ನೋಡಬಹುದಾದ ಚಿತ್ರಕ್ಕೆ ಯೂಎ, ಮತ್ತು ಎಲ್ಲರೂ ನೋಡುವಂಥಾ ಚಿತ್ರಕ್ಕೆ ಯೂ ಸರ್ಟಿಫಿಕೇಟು [ಪ್ರಮಾಣ ಪತ್ರ] ನೀಡಬೇಕು. ಇನ್ನುಳಿದಂತೆ ಚಿತ್ರಕ್ಕೆ ಸಂಬಂಧ ಪಟ್ಟ ಕೆಲವು ಜನ ಮಾತ್ರ ವೀಕ್ಷಿಸಬಹುದಾದ ಚಿತ್ರಕ್ಕೆ ಎಸ್ ಸರ್ಟೀಫಿಕೇಟನ್ನು ನೀಡಲಾಗುತ್ತದೆ. [ಉದಾಹರಣೆ ಹೆರಿಗೆಯ ಬಗ್ಗೆ ವಿವರವಾಗಿ ಚಿತ್ರಿಸಿದ ಚಿತ್ರ ವೈದ್ಯಕೀಯ ವಿದ್ಯಾರ್ಥಿಗಳು ಮಾತ್ರ ನೋಡಬೇಕು.. ಇತ್ಯಾದಿ] 

    ಕೇಂದ್ರ ಸರಕಾರದ ಮಾಹಿತಿ ಮತ್ತು ಪ್ರಸಾರ ಖಾತೆಯ ಮಂತ್ರಿಗಳಿಂದ ನೇಮಿಸಲ್ಪಡುವ ಈ ಸೆನ್ಸಾರ್ ಮಂಡಳಿಯ ಸದಸ್ಯರುಗಳು ಚಿತ್ರ ವೀಕ್ಷಿಸಿದ ನಂತರ ತಾವು ತಾವೇ ಚರ್ಚಿಸಿ ಚಿತ್ರಕ್ಕೆ ಪ್ರಮಾಣ ಪತ್ರ ನಿರ್ಧರಿಸುತ್ತಾರೆ, ಈ ಹಂತದಲ್ಲಿ ಚಿತ್ರದ ಹಲವು ವಿವಾದಾಸ್ಪದ ದೃಷ್ಯ ಮತ್ತು ಸಂಭಾಷಣೆಗಳನ್ನು ತೆಗೆದು ಹಾಕುವಂತೆ ಸೂಚಿಸುತ್ತಾರೆ. ಇದನ್ನೇ ಕತ್ತರಿ ಪ್ರಯೊಗ ಎಂದು ಹೇಳುತ್ತೇವೆ. ಈ ಕತ್ತರಿ ಪ್ರಯೋಗ ಪ್ರಮಾಣ ಪತ್ರಕ್ಕೆ ಅನುಸಾರವಾಗಿ ಬದಲಾಗುತ್ತದೆ. 

    ಪ್ರಾದೇಶಿಕ ಅಧಿಕಾರಿ ಎಂದು ಕರೆಸಿಕೊಳ್ಳುವ ಈ ಹುದ್ದೆಗೆ ಪ್ರಾದೇಶಿಕ ಭಾಷೆಯ ಜ್ನಾನ ಮತ್ತು ಬಾಷೆಯ ಮೇಲೆ ಸ್ಪಷ್ಟವಾದ ಹಿಡಿತ ಇರಬೇಕು.

    (To be Continued)

    Pls Note

    The views expressed in this column are those of its author and Chitraloka or its publishers do not claim to endorse it. You can express your opinion to his e-mail - This email address is being protected from spambots. You need JavaScript enabled to view it.

    Also See

    Censor Officer's 6 Wrongs

    Censor Chief Walks Out of Chamber

    Kiragooru moves to KFCC on Monday

    Protest Against Censor over Kiragoorina Mutes

    Kiragoorina Gayyaligalu Movie Review - 4/5

    We Never Asked for Apology - Censor RO

    Did Censor Seek RGV's Apology? - Exclusive

    Revising Committee clears 3Bittawaru Oorige Doddawaru

    Anti Superstition Film Denied Censor Certificate - Exclusive

    Mumbai Censor Doors Closed For Kannada - Exclusive

    Kannada Films Affected With Censor New Rules - Exclusive

    Censor Guidelines

  • Censor Board Inside Story 2 - Writes SM Patil

    kiragoorina gayyaligalu image

    ಹಿಂದೆ ಸಿ.ಆರ್, ಚಂದ್ರಶೇಖರ್, ನಾಗರಾಜ್, ನಾಗೇಂದ್ರ ಸ್ವಾಮಿಯಂಥಾ ಸಾಹಿತ್ಯಾಸಕ್ತರು, ಕನ್ನಡವನ್ನು ಸ್ಪಷ್ಟವಾಗಿ ಬಲ್ಲವರು, ನಮ್ಮ ನಾಡಿನ ಪ್ರಾದೇಶಿಕ ಸಂಸ್ಕøತಿ, ಸಂಸ್ಕಾರ, ಪರಂಪರೆಯ ಜ್ನಾನವಿದ್ದವರು ಅಧಿಕಾರಿಗಳಾಗಿ ಬಂದು ಸೆನ್ಸಾರ್ ಬೋರ್ಡಿನ ಘನತೆ ಗೌರವ ಹೆಚ್ಚಿಸಿದ ಈ ಹುದ್ದೆಗೆ ಅದ್ಯಾವುದರ ಗಂಧ ಗಾಳಿಯೂ ಇಲ್ಲದೆ ಬಂದ ನತಾಷಾ ಊಟ ಊಟವೇ ತಿಥಿಯದಾದ್ರೇನು, ಮದ್ವೆಯದ್ದಾದರೇನು ಎಲ್ಲಾ ಒಂದೇ ಕೂತು ತಿಂದೆದ್ದು ಹೊಗಿ ಎಂಬಂತೆ ವರ್ತಿಸತೊಡಗಿದ್ದು ಚಿತ್ರರಂಗದ ಮಂದಿಯ ಹುಬ್ಬೇರಿಸುತ್ತಿದೆ. 

    Censor Board Inside Story - 1 Writes SM Patil

    ಸಿರಗೂರಿನ ಗಯ್ಯಾಳಿಗಳು ಎಂಬ ಚಿತ್ರಕ್ಕೆ ಸರ್ಟೀಫಿಕೇಟನ್ನು ನೀಡಿ ಗಯ್ಯಾಳಿಗಳು ಅಂದ್ರೇನೆಂದು ಇನ್ನೂ ತೆಲೆ ಕೆರೆದುಕೊಳ್ಳುತ್ತಿರುವ ನತಾಷಾಗೆ ಚಿತ್ರ ನಿರ್ದೇಶಕಿ ಸುಮನಾ ಕಿತ್ತೂರು ಮೆಡಂ ಅದು ಪೂರ್ಣಚೆಂದ್ರ ತೇಜಸ್ವಿಯವರ ಕಾದಂಬರಿ ಎಂದಾಗ ಇನ್ನೂ ಗಾಭರಿಯಾಗಿ ಇವಳು ಯಾರದ್ದೊ ಅಂಕಲ್ ಇನ್ಫ್ಲು ಯೆನ್ಸ್ ಬೇರೆ ಯೂಸ್ ಮಾಡುತ್ತಿದ್ದಾಳೆಂದು ಕೋಪಿಸಿಕೊಂಡು ‘ನೋ ಡಿಸ್ಕಶನ್’ ಎಂದುತ್ತರಿಸಿ ಎದ್ದು ಹೊಗಿದ್ದಾಗಿದೆ. ಕೆರಳಿ ಕೆಂಡಾಮಂಡಲವಾದ ಜನ ಈಗ ಚಡ್ಡಿ ತೋರಿಸುವ ತೀರ್ಮಾನ ಮಾಡಿದ್ದೂ ಆಗಿದೆ!  

    Censor Officer's 6 Wrongs

    censor_officers1.jpg

    ಇಷ್ಟೆಲ್ಲಾ ನಾನು ಬರೆಯುತ್ತಿರುವುದಕ್ಕೆ ಕಾರಣ ನಾನು, 2008 ರಿಂದ 2010ರ ವರೆಗೆ ಮತ್ತು 2012 ರಿಂದ 2016ರ ವರೆಗೆ ಸುಮಾರು ಆರು ವರ್ಷಗಳು ಇದೇ ಸೆನ್ಸಾರ್ ಮಂಡಳಿಯಲ್ಲಿ ಸದಸ್ಯನಾಗಿದ್ದೆ.

    ಈ ಆರು ವರ್ಷಗಳಲ್ಲಿ ಮೂರು ಉತ್ತಮ ಅಧಿಕಾರಿಗಳನ್ನು ಕಂಡ ನನಗೆ ಈ ನತಾಷಾ ವಿಚಿತ್ರ ಅಧಿಕಾರಿಯಾಗಿ ಗೊಚರಿಸಿದ್ದು ಅದನ್ನು ನಿಮ್ಮ ಜೊತೆಗೆ ಹಂಚಿಕೊಳ್ಳುವ ಉದ್ದೇಶದಿಂದ ಈ ಲೇಖನ ಬರೆಯುತ್ತಿದ್ದೇನೆ. 

    censor_patil_natasha.jpg

    ಹೊದವರ್ಷ 2015ರ ಡಿಸೆಂಬರ್ 9 ನೇ ತಾರೀಖಿಗೆ ಬಂದ ಈ ಸೌಮ್ಯ ಮುಖದ ಅಧಿಕಾರಿ ನನ್ನಲ್ಲಿ ಅಪಾರ ಗೌರವ ಹುಟ್ಟು ಹಾಕಿದ್ದು ಸತ್ಯ. ‘ಮೇಡಂ ಸಂಭಾವಿತೆ’ ಎಂಬ ಭಾವನೆ ಹುಟ್ಟುವಷ್ಟರಲ್ಲೇ ಕನ್ನಡವೇ ಗೊತ್ತಿಲ್ಲ ಎಂಬ ಗುಟ್ಟು ಗೊತ್ತಾಗಿ ಆ ಭಾವನೆ ಹಾಗೇ ಹೊಗೆ ಹಾಕಿಕೊಂಡಿದ್ದೂ ಅಷ್ಟೇ ದೊಡ್ಡ ಸತ್ಯ!

    ಅದು ಡಿಸೆಂಬರ್. ಪ್ರತೀ ವರ್ಷದಂತೆ ಆ ತಿಂಗಳೂ ಸೆನ್ಸಾರ್ ಮಾಡಬೇಕಾದ ಚಿತ್ರಗಳ ಸಂಖ್ಯ 50 ದಾಟಿತ್ತು. ಅದೇ ವರ್ಷದ ಸರ್ಟಿಫಿಕೇಟನ್ನು ತೆಗೆದುಕೊಳ್ಳಲು ನಿರ್ಮಾಪಕರು ಮುಗಿಬಿದ್ದಿದ್ದರು. ಗಾಭರಿಯಾದ ಮೆಡಂ, ದಿನವೊಂದಕ್ಕೆ ಐದು ಚಿತ್ರ ವೀಕ್ಷಣೆ ಅಸಾಧ್ಯ ಎಂದು ಹೆದರಿ ಕೆಲವಕ್ಕೆ ತಾವು ಮತ್ತು ಇನ್ನು ಕೆಲವು ಚಿತ್ರಗಳಿಗೆ ಕೇವಲ ಸದಸ್ಯರುಗಳನ್ನು ಕಳಿಸುವುದರ ಮುಖಾಂತರ ಸೆನ್ಸಾರ್ ಮಾಡಿ ಕೈ ತೊಳೆದುಕೊಂಡರು. ಇದೂ ಸಹ ಸೆನ್ಸಾರ್ ಮಂಡಳಿಯ ಕಾರ್ಯ ವೈಖರಿಗೆ ವಿರೋಧವಾಗಿದ್ದು ಪ್ರಶ್ನಿಸುವವರಿಲ್ಲದೆ ಮೆಡಂ ಪಾರಾದರು!

    chitraloka_group1.gif

    ಮಂಡಳಿ ಸದಸ್ಯರು ಯಾರೊಬ್ಬರೂ ಚಿತ್ರದ ನಿರ್ಮಾಪಕ ನಿರ್ದೇಶಕರ ಜೊತೆಗೆ ಚಿತ್ರದ ಬಗ್ಗೆ ಚೆರ್ಚಿಸುವ ಹಾಗಿಲ್ಲ. ಮೆಡಂಗೆ ಕನ್ನಡ ಬರದ ಕಾರಣ, ಎಷ್ಟೊ ನಿರ್ಮಾಪಕ, ನಿರ್ದೇಶಕರಿಗೆ ಇಂಗ್ಲೀಶು ಬರದ ಕಾರಣ ಇದೀಗ ಚಿತ್ರ ವೀಕ್ಷೆಣೆಯ ನಂತರ ಅವರ ಜೊತೆಗೆ ಚರ್ಚಿಸುವ ಹೊಣೆ ಸದಸ್ಯರ ಮೇಲೆ ಬಿದ್ದಿದೆ. ಕತ್ತರಿಸುವ ದೃಷ್ಯಗಳ ಬಗ್ಗೆ, ನೀಡುವ ಸರ್ಟಿಫಿಕೇಟಿನ ಬಗ್ಗೆ ಚಿತ್ರ ವೀಕ್ಷಣೆಯ ನಂತರ ಅಧಿಕಾರಿಯೇ ಸಂಬಂಧ ಪಟ್ಟ ನಿರ್ದೇಶಕ ನಿರ್ಮಾಪಕರಿಗೆ ತಿಳಿಸಬೇಕು. ಅವರ ಆಕ್ಷೇಪಣೆ ಆಲಿಸಿ, ಅವರ ವಾದ ಅರ್ಥೈಸಿಕೊಳ್ಳಬೇಕು. ಅದು ಸರಿ ಎನಿಸಿದಲ್ಲಿ ತಮ್ಮ ತೀರ್ಮಾನವನ್ನು ಬದಲಿಸಬೇಕು. ಇಲ್ಲವಾದಲ್ಲಿ ಅವರಿಗೆ ತಮ್ಮ ತೀರ್ಮಾನ ಮನವರಿಕೆ ಮಾಡಿಕೊಡಬೇಕು. ಇಲ್ಲೀಗ ಅದೆಲ್ಲಾ ನಿಂತು ಹೊಗಿದ್ದು ಕೊಟ್ಟದ್ನ ತಗೊಂಡು ಹೊಗಿ ಎಂದು ಹೇಳಿ ಕಳಿಸಲಾಗುತ್ತಿದೆ. ಅದರಿಂದಾಗ ಸದಸ್ಯರುಗಳಿಗೂ ನಿರ್ಮಾಪಕ ನಿರ್ದೇಶಕರುಗಳಿಗೂ ಜಟಾಪಟಿ ನಡೆಯುತ್ತಿದೆ. ಹಿಂದೆಂದೂ ಇಂಥಾ ಘಟನೆ ನಡೆದಿಲ್ಲ! 

    ಇದೆಲ್ಲಾ ನೋಡಿ ರೋಸಿದ ನಾನು ಗೌರವದಿಂದಲೇ ಹೇಳಿದ್ದೆ ‘ಮ್ಯಾಮ್ ಯಾಸ್ ಪಾಸಿಬಲ್ ಯಾಸ್ ಅರ್ಲಿ ಯೂ ಹ್ಯಾವ್ ಟು ಲರ್ನ್ ಟು ಸ್ಪೀಕ್ ಕನ್ನಡ. ಅದರ್ ವೈಸ್ ಇಟ್ ವಿಲ್ ಕ್ರಿಯೇಟ್ ಲಾಟ್ಸ್ ಆಫ್ ಪ್ರಾಬ್ಲಮ್ಸ್’ [ಮೆಡಂ, ಆದಷ್ಟು ಬೇಗ ನೀವು ಕನ್ನಡ ಮಾತಾಡುವುದನ್ನು ಕಲಿಯಿರಿ ಇಲ್ಲದಿದ್ದರೆ ಬಹಳಷ್ಟು ತೊಂದರೆಯಾಗುತ್ತದೆ] ಮೆಡಂ ಸಹ ಅದಕ್ಕೆ ‘ಎಸ್ ಎಸ್ ಐ ವಿಲ್’ ಅಂದಿದ್ದರು. ಆದದ್ದೇನು ಗೊತ್ತಾ? ನನಗೆ ಮತ್ತೆ ಕರೆಯಲೇ ಇಲ್ಲ. ತಿಂಗಳ ಬಳಿಕ ಅಚ್ಚರಿಗೊಂಡ ನಾನು ವಿಚಾರಿಸಿದಾಗ ಬಂದ ಉತ್ತರ ‘ಯೂ ಆರ್ ರಿಮೂವ್ಡ್’ ಅಂತ. ಎಲಾ ಇವಳ! ಎಂಬ ಕೋಪ ಭುಗಿಲೆದ್ದಿತ್ತು. ಹಿರಿಯ ಎಲ್ಲಾ ಸದಸ್ಯರನ್ನು ತೆಗೆದು ಹಾಕಲು ಮೇಲಿನಿಂದ ಆದೇಶ ಬಂದಿದೆ ಎಂದು ಹೇಳಿದ ಅವರ ಕ್ರಮವನ್ನು ವಿರೋಧಿಸಿದ ನಾನು ನನಗೆ ಮಾತಿನ ಮೂಲಕ ತಿಳಿಸಿದರೆ ನಡೆಯದು, ಲಿಖಿತ ಆದೇಶ ಕೊಡಿ ಅಥವಾ ತೋರಿಸಿ ಎಂದಾಗ ಆದೇಶ ಲಿಖಿತ ರೂಪದಲ್ಲಿ ನೀಡಿಲ್ಲ ಎಂದು ಹಾರಿಕೆಯ ಉತ್ತರ ಕೊಟ್ಟು ಪಾರಾದರು. ಆಗಲೇ ನನಗೆ ಗೊತ್ತಾಗಿದ್ದು ಇದೇ ರೀತಿ ನತಾಷಾ ಒಟ್ಟು ಆರು ಜನ ಸದಸ್ಯರನ್ನು ತೆಗೆದು ಹಾಕಿದ್ದಾರೆ ಎಂಬ ವಿಷಯ. 

    (To be Continued)

    Pls Note

    The views expressed in this column are those of its author and Chitraloka or its publishers do not claim to endorse it. You can express your opinion to his e-mail - This email address is being protected from spambots. You need JavaScript enabled to view it.

    Also See

    Censor Board Inside Story - 1 Writes SM Patil

     

    Censor certification Stops in Bengaluru? - Exclusive

    Censor Officer's 6 Wrongs

    Censor Chief Walks Out of Chamber

    Kiragooru moves to KFCC on Monday

    Protest Against Censor over Kiragoorina Mutes

    Kiragoorina Gayyaligalu Movie Review - 4/5

    We Never Asked for Apology - Censor RO

    Did Censor Seek RGV's Apology? - Exclusive

    Revising Committee clears 3Bittawaru Oorige Doddawaru

    Anti Superstition Film Denied Censor Certificate - Exclusive

    Mumbai Censor Doors Closed For Kannada - Exclusive

    Kannada Films Affected With Censor New Rules - Exclusive

    Censor Guidelines

  • Censor Board Inside Story 3 - Writes SM Patil

    censor natasha dsouza image

    ನಾನು ಪಟ್ಟು ಬಿಡಲಿಲ್ಲ, ಮಾಹಿತಿ ಹಕ್ಕು ಕಾಯ್ದೆಯ ಅಡಿ ಆದೇಶ ಪ್ರತಿ ಕೇಳಿದೆ. ಆಗ ನತಾಷೆ ನನಗೆ ಕೊಟ್ಟ ಉತ್ತರ ‘ನಿಮ್ಮ ಟರ್ಮ ಮುಗಿದು ಹೊಗಿದೆ’ ಅನ್ನೊದು. ಅದೂ ಸುಳ್ಳು. ಸತ್ಯ ಎಂದರೆ ನನ್ನ ಟರ್ಮ ಇನ್ನೂ ಮುಗಿದಿಲ್ಲ. ನಮ್ಮ ಜೊತೆಗಿದ್ದ ಇನ್ನುಳಿದ 16 ಸದಸ್ಯರು ಈಗಲೂ ಸದಸ್ಯರಾಗಿ ಮುಂದುವರೆದಿದ್ದಾರೆ. ನನಗೆ ಕಳೆದ ವರ್ಷ ಮಿನಿಸ್ಟರಿಯಿಂದ ಬಂದ ಆರ್ಡರ್ನ.ಲ್ಲಿ ‘ಮುಂದಿನ ಆಧೇಶದ ವರೆಗೆ ನಾವು ಮುಂದುವರೆಯಬೇಕು’ ಅಂತ ಇದೆ. ಅದನ್ನೂ ಸರಿಯಾಗಿ ಓದದೇ ಆದೇಶ ಬರುವುದಕ್ಕೂ ಮುನ್ನವೇ ‘ನಿಮ್ಮನ್ನು ತೆಗೆದು ಹಾಕಲಾಗಿದೆ ಎಂದು ನತಾಷಾ ಉಡಾಫೆಯಿಂದ ಉತ್ತರಿಸಿದ್ದಾರೆ! 

    ಹಿಂದಿನ ಅಧಿಕಾರಿಗಳಿಂದ ಭೇಷ್ ಎನಿಸಿಕೊಂಡಿರುವ ನಾನು ಯಾವುದೇ ಮಂತ್ರಿಗಳ ಮೂಲಕ ಸದಸ್ಯನಾಗಿ ಬಂದವನಲ್ಲ. ವಿದೇಶಿ ಚಿತ್ರಗಳ ಬಗ್ಗೆ ರೂಪತಾರಾದಲ್ಲಿ ನನ್ನ ಅಂಕಣ ಓದಿ ಆಗಿನ ಸಂಪಾದಕರಾಗಿದ್ದವರನ್ನು ವಿಚಾರಿಸಿ ನಾನು ಚಿತ್ರಗಳ ಬಗ್ಗೆ ಸಮರ್ಥವಾಗಿ ಮಾತಾನಾಡುತ್ತೇನೆ ಎಂಬ ಬಗ್ಗೆ ತಿಳಿದುಕೊಂಡು ನನ್ನನ್ನು ಸಿ.ಆರ್ ಚಂದ್ರಶೇಖರ್ ಸದಸ್ಯನಾಗಿ ಆಯ್ಕೆ ಮಾಡಿಕೊಂಡಿದ್ದರು. ನಂತರದ ಅಧಿಕಾರಿಗಳು ಸಹ ನನ್ನ ಕಾರ್ಯ ಮೆಚ್ಚಿಕೊಂಡಿದ್ದು ತಾವಾಗಿಯೇ ನನ್ನ ಸದಸ್ಯತ್ವವನ್ನು ಮುಂದುವರೆಸಿಕೊಂಡು ಬಂದಿದ್ದಾರೆ. ಆ ಹೆಮ್ಮೆ ನನಗಿದೆ, ಆದ್ದರಿಂದ ನಾನು ಹೋರಾಟ ಇನ್ನೂ ಬಿಟ್ಟಿಲ್ಲ, ಮುಂದುವರೆಸಿದ್ದೇನೆ. ಲಾಭ ನಷ್ಟದ ಪ್ರಶ್ನೆ ಇದರಲ್ಲಿಲ್ಲ. ಗೌರವ ಸ್ವಾಭಿಮಾನದ ಪ್ರಶ್ನೆ ಹೆಚ್ಚಾಗಿದೆ. ಕನ್ನಡ ಬರದೇ ಕನ್ನಡಿಗರನ್ನು ಆಟ ಆಡಿಸುತ್ತಿರುವ ನತಾಷಾ ಮೆಡಂಗೆ ತಕ್ಕ ಉತ್ತರ ಕೊಡಲು ನನ್ನ ಶಕ್ತಿಗನುಸಾರವಾಗಿ ಪ್ರಯತ್ನಿಸುತ್ತಿದ್ದೇನೆ. ಒಬ್ಬ ಕನ್ನಡಿಗನಾಗಿ ಅದು ನನ್ನ ಕರ್ತವ್ಯ ಎಂದೂ ಭಾವಿಸಿದ್ದೇನೆ.

    chitraloka_group1.gif

    ತನ್ನದೇ ದೊಣಿಗೆ ತೂತು ಹಾಕಿಕೊಂಡು ಪ್ರಯಾಣ ಹೊರಟಿರುವ ನತಾಷಾ ಡಿಸೊಜಾ ಎಂಬ ಈ ಅಧಿಕಾರಿಯ ಬಗ್ಗೆ ಹಲವಷ್ಟು ಅನುಮಾನಾಸ್ಪದ ಮಾಹಿತಿ ಕಲೆ ಹಾಕಿದ್ದೇನೆ, 

    1] ಇವರು ಅಧಿಕಾರಕ್ಕೆ ಬಂದಿದ್ದು ಮುಖ್ಯ ಕಾರ್ಯಾಲಯಕ್ಕೆ ‘ತನಗೆ ಕನ್ನಡ ಬರುತ್ತದೆ’ ಎಂಬ ಸುಳ್ಳು ಮಾಹಿತಿ ನೀಡಿ. ಇಲ್ಲವಾದಲ್ಲಿ ಕನ್ನಡ ಚಿತ್ರಗಳ ವೀಕ್ಷಣೆಗೆ ಕನ್ನಡವೇ ಬರದ ಅಧಿಕಾರಿಯನ್ನು ಕಳಿಸುವ ದಡ್ಡತನ ಯಾವ ಕೆಂದ್ರದ ಮಂತ್ರಿ ಕಾರ್ಯಾಲಯವೂ ಮಾಡಲಾರದು.

    2] ಹಲವು ಸದಸ್ಯರುಗಳನ್ನಷ್ಟೇ ಅನೇಕ ಚಿತ್ರಗಳಿಗೆ ಕರೆಯಲಾಗುತ್ತಿದ್ದು ಮತ್ತೆ ಕೆಲವು ಸದಸ್ಯರುಗಳಿಗೆ ನೆಪ ಮಾತ್ರಕ್ಕೆ ಕರೆಯುತ್ತಿದ್ದಾರೆ.

    3] ಚಿತ್ರರಂಗದ ಕೆಲವು ಮುಖಂಡರು ನತಾಷಾ ಮೇಡಂ ಬೆಂಬಲಕ್ಕೆ ನಿಂತಿದ್ದು ಅವರವರ ಸ್ವ ಹಿತಾಸಕ್ತಿ ಸಹ ಅದಕ್ಕೆ ಕಾರಣವಾಗಿದೆ. ಮುಂದೆ ಬರುವ ಚಿತ್ರಗಳನ್ನು ವೀಕ್ಷಿಸಿದಲ್ಲಿ ಇದರ ಪರಿಣಾಮ ಕಾಣಿಸುತ್ತದೆ. 

    5] ಬಾಬು ಎಂಬ ಮಲೆಯಾಳಿ ಸರಿಯಾಗಿ ಕೆಲಸ ನಿರ್ವಹಿಸದೆ ಅನೇಕರ ಜೊತೆಗೆ ಅನುಚಿತವಾಗಿ ವರ್ತಿಸುತ್ತಿದ್ದು ಸೆನ್ಸಾರ್ ಬೋರ್ಡ ಇವರಪ್ಪನ ಮನೆ ಎಂಬಂತೆ ವರ್ತಿಸುತ್ತಿದ್ದಾನೆ

    ಇಲ್ಲಿಯವರೆಗೆ ಘನತೆ ಗೌರವದಿಂದ ಚಿತ್ರರಂಗದ ಜೊತೆಗೆ ಸ್ಪಂಧಿಸುತ್ತಿದ್ದ ನಮ್ಮ ಸೆನ್ಸಾರ್ ಬೋರ್ಡ ಹೀಗೆ ಅಜ್ನಾನಿಯಂತೆ ವರ್ತಿಸುತ್ತಿದ್ದುದನ್ನು ಕಂಡು ಮನಸ್ಸು ಭಾರವಾಗಿದ್ದು, ಬಹಳಷ್ಟು ಬೇಸರವೂ ಮೂಡಿದೆ. 

    ಲೇಖನ ಅಲ್ಲಲ್ಲಿ ವಿಡಂಬನಾತ್ಮಕವಾಗಿ, ವ್ಯಂಗ್ಯವಾಗಿದ್ದರೂ ಸಹ ಆದಷ್ಟು ಬೇಗ ಇವರೆಲ್ಲಾ ತೊಲಗಿ ಸೆನ್ಸಾರ್ ಬೋರ್ಡ ಕಳೆದುಕೊಂಡ ತನ್ನ ಗೌರವ ಮತ್ತೆ ಸಂಪಾದಿಸಲಿ ಎಂಬ ಕಾಳಜಿ ಮಾತ್ರ ಈ ಲೇಖನದ ಹಿಂದಿದೆ. ದಯವಿಟ್ಟು ತಪ್ಪಾಗಿ ಭಾವಿಸಬೇಡಿ. 

    Censor Officer's 6 Wrongs

    ಸೆನ್ಸಾರ್ ಒಳ್ಳೆಯ ಚಿತ್ರಗಳಿಗೆ ಪರೋಕ್ಷವಾಗಿ ಹೇಗೆ ಸಹಾಯಕವಾಗಿ ಕೆಲಸ ಮಾಡುತ್ತದೆ ಎಂಬ ಬಗ್ಗೆ ಒಂದಷ್ಟು ಮಾಹಿತಿ. 

    1] ಸರಕಾರ ಒಂದು ಚಿತ್ರಕ್ಕೆ 10 ಲಕ್ಷದ ಸಬ್ಸಿಡಿ ನೀಡುತ್ತದೆ. ಇದನ್ನು ಪಡೆದುಕೊಳ್ಳಲು ಕೆಲವರು 4 ರಿಂದ 5 ಲಕ್ಷದಲ್ಲಿ ಚಿತ್ರವನ್ನು ಸುತ್ತಿಕೊಂಡು ಬರುತ್ತಾರೆ. ಇಂಥ ಚಿತ್ರ ವೀಕ್ಷಣೆಗೆ ಯೋಗ್ಯವಾಗಿರದೆ ಚಿತ್ರ ಸಿನಿಮಾ ರೂಪದಲ್ಲಿಯೇ ಇರೊದಿಲ್ಲ. ಇಂಥ ಚಿತ್ರಗಳು ಹೊರಬಂದು ಸಬ್ಸಿಡಿ ತೆಗೆದುಕೊಂಡಾಗ ಯೊಗ್ಯತೆ ಇರುವ ಚಿತ್ರಗಳು ಸಬ್ಸಿಡಿ ವಂಚಿತಗೊಳ್ಳುತ್ತವೆ, ಆಗ ಒಳ್ಳೆಯ ಚಿತ್ರ ನಿರ್ಮಾಪಕನಿಗೆ ಅನ್ಯಾಯವಾಗುತ್ತದೆ, ಇಂಥ ಚಿತ್ರಗಳನ್ನು ಸೆನ್ಸಾರ್ ರೆಫ್ಯೂಸಲ್ ಅಥವಾ ಅದರ್ಸ್ ಕೆಟೆಗರಿಯ ಸರ್ಟಿಫಿಕೇಟು ನೀಡುತ್ತದೆ.[ತಿರಸ್ಕರಿಸುತ್ತದೆ]

    2] ಮಕ್ಕಳ ಚಲನ ಚಿತ್ರಕ್ಕೆ ಸರಕಾರ 25 ಲಕ್ಷಗಳ ಸಬ್ಸಿಡಿ ನೀಡುತ್ತಿದ್ದು ವರ್ಷಕ್ಕೆ ನಾಲ್ಕು ಚಿತ್ರಗಳು ಮಾತ್ರ ಇದರ ಲಾಭ ಪಡೆಯಬಹುದಾಗಿದೆ. ಇಲ್ಲಿಯೂ ಕೆಲವು ನಿರ್ಮಾಪಕರು ಕೆಲವು ಮಕ್ಕಳನ್ನು ಇಟ್ಟುಕೊಂಡು ಕೆಲ ಲಕ್ಷಗಳಲ್ಲಿ ಕಳಪೆ ಚಿತ್ರ ತಯಾರಿಸಿಕೊಂಡು ಬರುತ್ತಾರೆ. ಅದರಿಂದ ಇತರ ಅತ್ಯುತ್ತಮ ಮಕ್ಕಳ ಚಿತ್ರಗಳ ನಿರ್ಮಾಪಕರಿಗೆ ಸಬ್ಸಿಡಿ ಸಿಕ್ಕದೆ ಅನ್ಯಾಯವಾಗುತ್ತದೆ. ಇಂಥಾ ಚಿತ್ರಗಳಿಗೆ ಸೆನ್ಸಾರ್ ಬೋರ್ಡ ಮಕ್ಕಳ ಚಿತ್ರ ಎಂಬ ಸರ್ಟಿಫಿಕೇಟನ್ನು ನೀಡಲು ನಿರಾಕರಿಸುತ್ತದೆ. ಅದರಿಂದ ಉತ್ತಮ ಮಕ್ಕಳ ಚಿತ್ರಗಳಿಗೆ ಸಬ್ಸಿಡಿ ಸಿಕ್ಕು ಮಕ್ಕಳ ಚಿತ್ರವನ್ನು ಸರಿಯಾಗಿ ನಿರ್ಮಿಸಿದ ನಿರ್ಮಾಕರಿಗೆ ನ್ಯಾಯ ಒದಗಿಸಿದಂತಾಗುತ್ತದೆ.

    3] ಯಾವುದೇ ಚಿತ್ರದಲ್ಲಿ ಪ್ರತಿಭೆ, ಕಲೆ, ಸಾಹಿತ್ಯ, ಸಾಮಾಜಿಕ ಹಿತಾಸಕ್ತಿ, ಮನೊರಂಜನೆ ಹಿನ್ನಲೆಯಾಗಿರಬೇಕೇ ಸ್ವಂತ ಹಿತಾಸಕ್ತಿ ಅದರಲ್ಲಿ ಇರಬಾರದು, ಒಬ್ಬ ಮಂತ್ರಿಯ ಬೆಂಬಲಿಗ ಚಿತ್ರ ನಿರ್ಮಿಸಿದರೆ ಅದರಲ್ಲಿ ಆತನ ವಿರೋಧಿಯನ್ನು ಹೀಯಾಳಿಸಿರುತ್ತಾನೆ, ಅದೇ ರೀತಿ ಒಬ್ಬ ನಟನ ಚಿತ್ರದಲ್ಲಿ ಮತ್ತೊಬ್ಬ ನಟನಿಗೆ ಅವಮಾನಿಸಲಾಗಿರುತ್ತದೆ, ಒಂದು ಜಾತಿಯವರು ಮತ್ತೊಂದು ಜಾತಿಯನ್ನೂ ಅವಮಾನಿಸಿರುತ್ತಾರೆ. ಅಷ್ಟೇ ಯಾಕೆ ದೇವರನ್ನೂ ಸಹ ನಿಂದಿಸಿದ ಉದಾಹರಣೆಗಳು ಇವೆ. ಅಂಗವಿಕಲರನ್ನು ಸಹ ಹೀನಾಯವಾಗಿ ಹಿಯಾಳಿಸಿದ್ದನ್ನೂ ನೊಡಿದ್ದೇನೆ. ಇತ್ತಿಚೆಗೆ ಒಂದು ಚಿತ್ರದಲ್ಲಿ ಅನಾಥಾಶ್ರಮದ ಮಕ್ಕಳಿಗೆ ಅ ಎಂದರೆ ಅಮ್ಮ ಎಂದು ಹೇಳಿಕೊಡುವುದಿಲ್ಲ ಯಾಕೆಂದರೆ ಮಕ್ಕಳಿಗೆ ಅಮ್ಮ ಇರೊದಿಲ್ಲ ಅಂತ ಎಂದು ಹೇಳಿಸಿದ್ದರು. ಕ್ರಿಯೇಟಿವಿಟಿ ಏನೇ ಇದ್ದರೂ ಇಂಥ ದೃಷ್ಯ ಕಂಡಾಗ ಅನಾಥಾಶ್ರಮದ ಮಕ್ಕಳಿಗೆ ನೋವಾಗುತ್ತದೆ ಆದ್ದರಿಂದ ಅದನ್ನು ತೆಗೆದುಹಾಕಲಾಯಿತು. ಚೆಕ್ಕಾ ಎಂಬ ಪದವನ್ನು ಬಯ್ಗಳಿನ ರೂಪದಲ್ಲಿ ಬಳಸಬಾರದೆಂದು ಮಂಗಳ ಮುಖಿಯರು ಸೆನ್ಸಾರ್ ಆಫಿಸಿಗೆ ಬಂದು ಕೊರಿಕೆ ಸಲ್ಲಿಸಿ ಅದರಿಂದ ತಮಗೆ ಅವಮಾನವಾಗುತ್ತಿದೆ ಎಂದು ಹೇಳಿಕೊಂಡಿದ್ದಾರೆ, ಆದ್ದರಿಂದ ಆ ಪದವನ್ನು ಈಗ ಬಿಡುತ್ತಿಲ್ಲ. ಅದರ ಬದಲು ಶಿಖಂಡಿ ಎಂದು ಬದಲಾಯಿಸಿಕೊಳ್ಳಲು ಸೂಚಿಸಲಾಗುತ್ತಿದೆ. ಅರ್ಥ ಒಂದೇ ಆದರೂ ಪರಿಣಾಮ ನೋಡಿ ಬಿಡಬೇಕಾದ್ದು ಸಹ ಸೆನ್ಸಾರ್ ಬೊರ್ಡಿನ ಹೊಣೆ ಆಗಿರುತ್ತದೆ. ಮುಂಡೆ ಎನ್ನುವ ಪದ ಆಗಲಿ, ಹಜಾಮ ಎನ್ನುವ ಪದವಾಗಲಿ ಬಯ್ಗುಳದ ರೂಪದಲ್ಲಿ ಬಳಸೊಹಾಗಿಲ್ಲ. ಆ ಪದಕ್ಕೆ ಸಂಬಂಧ ಪಟ್ಟ ಜನಕ್ಕೆ ನೋವಾಗುತ್ತದೆ ಎನ್ನುವುದು ಸರಕಾರದ ಉದ್ದೇಶ. ಹಣ ಕೊಟ್ಟು ಎಲ್ಲರೂ ನೊಡುತ್ತಾರಾದ್ದರಿಂದ ಯಾವುದೇ ವರ್ಗದ ಜನಕ್ಕೆ ಮುಜುಗರ ಅಥವಾ ನೊವಾಗಬಾರದೆಂಬ ಉದ್ದೆಶದಿಂದ ಸರಕಾರ ಕೈಗೊಂಡ ಕ್ರಮ ಇದು. ಹಾಗಂತ ಚಿತ್ರದ ನೈಜತೆಗೆ ಧಕ್ಕೆ ಸಹ ಆಗುವ ಹಾಗಿಲ್ಲ, ಆದ್ದರಿಂದಲೇ ಸರಕಾರ ಅನೇಕ ಪದಗಳ ಅಥವಾ ದೃಷ್ಯಗಳ ವಿಷಯದಲ್ಲಿ ರೂಲ್ಸು ಮಾಡಿಲ್ಲ. ಗೈಡ್ ಲೈನ್ ಮಾತ್ರ ಮಾಡಿದೆ. ಅಂದರೆ ಪದ ಪ್ರಯೊಗದ ಪರಿಣಾಮ ನೊಡಿಕೊಂಡು ಅದನ್ನು ಬಿಡಬೇಕೊ ಬೇಡವೊ ಎಂಬುದನ್ನು ಮಂಡಳಿ ನಿರ್ಧರಿಸಬೇಕು. ಇದಕ್ಕೆ ಭಾಷಾಜ್ನಾನ, ಅನುಭವ ಬಹಳ ಮುಖ್ಯ. ಇಂದಿನ ಅಧಿಕಾರಿಗೆ ಅದಿಲ್ಲ ಎನ್ನುವುದು ಸದ್ಯಕ್ಕೆ ನಮ್ಮ ಪಾಲಿನ ದುರಂತ. 

    ಒಂದು ಚಿತ್ರದಲ್ಲಿ ದೇವೇಗೌಡರನ್ನೂ ಮತ್ತೊಂದು ಚಿತ್ರದಲ್ಲಿ ಎಡೆಯೂರಪ್ಪನವರನ್ನೂ ಅವಮಾನಿಸಲಾಗಿತ್ತು, ಮತ್ತೊಂದು ಚಿತ್ರದಲ್ಲಿ ನಟ ಗಣೇಶರನ್ನೂ ಅವಮಾನಿಸಲಾಗಿತ್ತು. ಒಂದು ಕಡೆ ಸಿದ್ರಾಮಯ್ಯನವರನ್ನೂ ಸಹ ಪರೋಕ್ಷವಾಗಿ ಕಾಲೆಳೆಯಲಾಗಿತ್ತು. ಅಂಬೇಡ್ಕರ್ ಅವರನ್ನೂ ಸಹ ಅವಮಾನಿಸಿದ್ದಿದೆ. ಮಹಿಳೆಯರ ಅಂಗಾಂಗಳ ಬಗ್ಗೆ ಅವಹೇಳನ ಮಾಡಿದ ಚಿತ್ರಗಳೂ ಸಹ ಬಂದು ಹೋಗಿವೆ. ಇತಿಹಾಸ ತಿರುಚಿದ ಚಿತ್ರಗಳೂ ಸಹ ನಾನು ನೋಡಿದ್ದೇನೆ. ಇಂಥದ್ದಕ್ಕೆಲ್ಲಾ ಕತ್ತರಿ ಪ್ರಯೊಗ ಮಾಡಿ ಚಿತ್ರದಿಂದ ಅವನ್ನೆಲ್ಲಾ ತೆಗೆದು ಹಾಕಿದ್ದೇವೆ. ನನ್ನ ಆರು ವರ್ಷದ ಜರ್ನಿಯಲ್ಲಿ ಒಂದು ಚಲನ ಚಿತ್ರವನ್ನು ಕೆಲವೇ ಕೆಲವು ನಿರ್ಮಾಪಕರು ಹೇಗೆಲ್ಲಾ ಬಳಸಿಕೊಳ್ಳುತ್ತಾರೆ ಎಂದು ನೋಡಿ ‘ಥ್ಯಾಂಕ್ ಗಾಡ್! ಸೆನ್ಸಾರ್ ಮಂಡಳಿ ಅನ್ನೊದು ಇರೊದರಿಂದ ಇದ್ಯಾವದೂ ಆಚೆಗೆ ಬರದೆ ಹೊಯ್ತು’ ಎಂದು ಸಮಾಧಾನ ಪಟ್ಟುಕೊಂಡಿದ್ದೇನೆ. ಚಿತ್ರರಂಗಕ್ಕೆ ಸೆನ್ಸಾರ್ ಬೋರ್ಡ ತುಂಬಾ ಮುಖ್ಯ. ಇಲ್ಲದೆ ಹೋದಲ್ಲಿ ಹಣ ಕೊಟ್ಟ ಪ್ರೇಕ್ಷಕ ಮನೊರಂಜನೆಗಿಂತಾ ಮನೊ ವಿಕಲ್ಪಕ್ಕೆ ತುತ್ತಾಗಿ ಥೇಟರಿನಿಂದ ಹೊರಬರುವ ಸಾದ್ಯತೆ ಹೆಚ್ಚು. ‘ಹಣ ಹಾಕುವ ನಿರ್ಮಾಪಕನಿಗೆ ಅನ್ಯಾಯ ಎಸಗಬಾರದು,’ ‘ಹಣ ಹಾಕಿದ ನಿರ್ಮಾಪಕ ಎಲ್ಲಿ ಹೊಗ್ಬೇಕು’ ಎನ್ನುವ ಪದಗಳನ್ನ ಬಳಸಿ ಸೆನ್ಸಾರ್ ಬೋರ್ಡನ್ನು ನಿಂದಿಸುವುದನ್ನು ಬಿಟ್ಟು ಒಬ್ಬ ನಿರ್ಮಾಪಕನಿಂದ ಮತ್ತೊಬ್ಬ ನಿರ್ಮಾಪಕನಿಗೆ ಅನ್ಯಾಯ ಆಗೊದನ್ನ ತಪ್ಪಿಸುತ್ತಿರುವ ಸೆನ್ಸಾರ್ ಬೋರ್ಡನ್ನು ಅರ್ಥ ಮಾಡಿಕೊಳ್ಳುವ ಪ್ರಯತ್ನ ಚಿತ್ರರಂಗದ ಜನ ಮಾಡಬೇಕು. 

    ಹಾಗಂತ ಸೆನ್ಸಾರ್ ಬೋರ್ಡಿನಲ್ಲಿ ಎಲ್ಲೂವೂ ಸರಿಯಾಗಿದೆ ಎನ್ನಲಾಗದು, ಕೆಲವು ಪದಗಳಿಗೆ ಕತ್ತರಿ ಪ್ರಯೊಗ ಅನಾವಷ್ಯಕ. ಹಳ್ಳಿ ಸೊಗಡಿನ ಗ್ರಾಮೀಣ ಬಾಷೆಯ ಚಿತ್ರಗಳಲ್ಲಿ ನೈಜತೆ ಉಳಿಸಿಕೊಳ್ಳುವ ದೃಷ್ಟಿಯಿಂದ ಕೆಲವು ಪದಗಳನ್ನು ಬಿಡಬೇಕಾಗುತ್ತದೆ. ಆದರೆ ಅದನ್ನು ಚರ್ಚಿಸಿ ಸರಿಪಡಿಸಬಹುದು ಅಷ್ಟೆ. ಆ ಪ್ರಯತ್ನ ನಡೆದರೆ ಒಳ್ಳೆಯದು. ಓದಿದ್ದಕ್ಕೆ ಧನ್ಯವಾದಗಳು. 

    [ಸೆನ್ಸಾರ್ ಬೋರ್ಡ ಅನ್ನುವ ಪದ ಈಗ ತೆಗೆದು ಹಾಕಲಾಗಿದ್ದು ಸಿಬಿಎಫ್ಸಿಹ ಎಂದು ಕರೆಯಲ್ಪಡುತ್ತದೆ. ಓದುವ ಅನೇಕರಿಗೆ ಇದರ ಮಾಹಿತಿ ಇಲ್ಲದೆ ಇರುವುದರಿಂದ ನಾನು ಲೇಖನದ ಉದ್ದಕ್ಕೂ ಸೆನ್ಸಾರ್ ಬೋರ್ಡ ಎಂದೇ ಬಳಸಿದ್ದೇನೆ] 

    Pls Note

    The views expressed in this column are those of its author and Chitraloka or its publishers do not claim to endorse it. You can express your opinion to his e-mail - This email address is being protected from spambots. You need JavaScript enabled to view it.

    Also See

    Censor Board Inside Story 2 - Writes SM Patil

    Censor Board Inside Story - 1 Writes SM Patil

    Censor certification Stops in Bengaluru? - Exclusive

    Censor Officer's 6 Wrongs

    Censor Chief Walks Out of Chamber

    Kiragooru moves to KFCC on Monday

    Protest Against Censor over Kiragoorina Mutes

    Kiragoorina Gayyaligalu Movie Review - 4/5

    We Never Asked for Apology - Censor RO

    Did Censor Seek RGV's Apology? - Exclusive

    Revising Committee clears 3Bittawaru Oorige Doddawaru

    Anti Superstition Film Denied Censor Certificate - Exclusive

    Mumbai Censor Doors Closed For Kannada - Exclusive

    Kannada Films Affected With Censor New Rules - Exclusive

    Censor Guidelines

     
     
  • We Never Asked for Apology - Censor RO

    Tyson, Natasha Dsouza image

    Reacting to the report, 'Did Censor Seek RGV's Apology? - Exclusive' published in Chitraloka on 27/2/16, the Regional Censor Officer Mrs Natasha D'souza has said that she had never asked the producer and director of the movie Tyson for an apology.

    Speaking over phone, Mrs Natasha Dsouza says 'We do not know why the Tyson team has made this statement against the Censor which is false. When they came to us with the cuts there was some other movie which was scheduled for censor and next day. There was no member available to check the cuts from the CD. When they had announced the date of the movie in the newspaper, we asked them about the advertisements with the release date before obtaining a censor certificate. They themselves gave a letter to us after that. We have not objected for the advertisement nor sought any clarification from them. On Friday, 26th February, they had come to the office and we saw the film and on the same day we gave the certificate to them. For Tyson there was enough time for the release date.

    chitraloka_group1.gif

    The Censor officer said that there was pressure from producers. Mrs D'souza said, "We have written a letter to the KFCC informing that movie producers announce the date of the release before applying for the censor. But in the last moment they come and pressurise us for the censor certificate. We want everyone to follow the rules and that means they have to come in the queue. They cannot get preference just because they have announced the date. Films will be watched on first come first serve. Regarding Killing Veerappan issue I had just taken charge and I had not studied the process. Once they got all the NOCs, we issued the certificate to them one day before the release date."

    Also see

    Did Censor Seek RGV's Apology? - Exclusive

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery