` upendra, - chitraloka.com | Kannada Movie News, Reviews | Image

upendra,

  • ಹೋಮ್ ಮಿನಿಸ್ಟರ್' ಉಪ್ಪಿಗೆ `ಶಿವಲಿಂಗ'ನ ವೇದಿಕಾ ಜೋಡಿ

    uoendra in himeminister

    ಉಪೇಂದ್ರ ಅವರ ಹೊಸ ಚಿತ್ರ ಹೋಮ್ ಮಿನಿಸ್ಟರ್‍ಗೆ ನಾಯಕಿಯಾಗಿ ವೇದಿಕಾ ಆಯ್ಕೆಯಾಗಿದ್ದಾರೆ. ಸಂಗಮ, ಶಿವಲಿಂಗ ನಂತರ ವೇದಿಕಾ ನಟಿಸುತ್ತಿರುವ ಇನ್ನೊಂದು ಚಿತ್ರ ಹೋಮ್ ಮಿನಿಸ್ಟರ್. 

    ಚಿತ್ರದ ನಿರ್ದೇಶಕ ಯಾರು ಎಂಬುದು ಕೂಡಾ ಸಸ್ಪೆನ್ಸ್ ಆಗಿಯೇ ಇತ್ತು. ಚಿತ್ರದ ಡೈರೆಕ್ಟರ್ ಶ್ರೀಹರಿ. ಶ್ರೀಹರಿ, ಕನ್ನಡಕ್ಕೆ ಹೊಸಬರಾದರೂ, ತೆಲುಗಿನಲ್ಲಿ ಸ್ಟಾರ್ ಕಥೆಗಾರ. ಮಹೇಶ್ ಬಾಬು ನಟಿಸುತ್ತಿರುವ `ಭರತ್ ಆನೆ ನೇನು' ಚಿತ್ರದ ಕಥೆ ಇವರದ್ದೇ. ಮಹೇಶ್ ಬಾಬು ಅವರ ಮುಂದಿನ ಚಿತ್ರದ ಡೈರೆಕ್ಟರ್ ಆಗಿ ಫಿಕ್ಸ್ ಆಗಿರುವ ಶ್ರೀಹರಿ, ಕನ್ನಡದಲ್ಲಿ ನಿರ್ದೇಶಕರಾಗಿ ಪ್ರಥಮ ಪ್ರಯೋಗಕ್ಕಿಳಿದಿದ್ಧಾರೆ.

    ಚಿತ್ರದ ಸಂಗೀತ ನಿರ್ದೇಶಕ ಮಹಮದ್ ಗಿಬ್ರಾನ್. ಕಮಲ್ ಹಾಸನ್ ಅವರ ವಿಶ್ವರೂಪಂ-2 ಚಿತ್ರಕ್ಕೆ ಸಂಗಿತ ನೀಡಿರುವ ನಿರ್ದೇಶಕ. ಸದ್ಯದಲ್ಲೇ ಚಿತ್ರೀಕರಣ ಶುರುವಾಗಲಿದೆ.

    Related Articles :-

    ರಿಯಲ್ ಸ್ಟಾರ್ ಉಪ್ಪಿ ಈಗ ಹೋಮ್ ಮಿನಿಸ್ಟರ್ 

  • ಹೌರಾ..ಹೌರಾ.. ಪ್ರಿಯಾಂಕಾ ಉಪೇಂದ್ರ ಮಗಳು ಚಿತ್ರರಂಗಕ್ಕೆ.!

    upendra's daughter

    ಇತ್ತೀಚೆಗಷ್ಟೇ ಉಪೇಂದ್ರ ಅವರ ಅಣ್ಣನ ಮಗ, ಪ್ರಿಯಾಂಕಾ ಉಪೇಂದ್ರ ಅವರ ಜೊತೆ ಸಿನಿಮಾದಲ್ಲಿ ನಟಿಸುತ್ತಿರುವುದು ಸುದ್ದಿಯಾಗಿತ್ತು. ಈಗ ಉಪೇಂದ್ರ ದಂಪತಿಯ ಪುಟ್ಟ ಮಗಳ ಸರದಿ. ಉಪೇಂದ್ರ ಅವರ ಮಗಳು ಐಶ್ವರ್ಯಾ ಸಿನಿಮಾದಲ್ಲಿ ಬಣ್ಣ ಹಚ್ಚಲು ಸಿದ್ಧವಾಗಿದ್ದಾಳೆ. ಅದೂ, ತಾಯಿ ಪ್ರಿಯಾಂಕಾ ಅವರ ಜೊತೆಯಲ್ಲೇ.

    ಪ್ರಿಯಾಂಕಾ ಉಪೇಂದ್ರ, ಹೌರಾ ಬ್ರಿಡ್ಜ್ ಹೆಸರಿನ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ನಿರ್ದೇಶಕ ಲೋಹಿತ್. ಮಮ್ಮಿ ಚಿತ್ರದ ಭರ್ಜರಿ ಸುದ್ದಿ ಮಾಡಿದ್ದ ಲೋಹಿತ್, ಈಗ ಹೌರಾ ಬ್ರಿಡ್ಜ್ ಹೆಸರಿನಲ್ಲಿ ಸಿನಿಮಾ ಮಾಡಲು ಸಿದ್ಧರಾಗಿದ್ದಾರೆ.

    ಹಾಗೆ ನೋಡಿದ್ರೆ, ಐಶ್ವರ್ಯಾ, ಮಮ್ಮಿ ಚಿತ್ರದಲ್ಲೇ ಬಣ್ಣ ಹಚ್ಚಬೇಕಿತ್ತು. ಆದರೆ, ಇನ್ನೂ ಚಿಕ್ಕ ಹುಡುಗಿ ಎಂಬ ಕಾರಣಕ್ಕೆ ಪ್ರಿಯಾಂಕಾ ಅವರೇ ಬೇಡ ಎಂದಿದ್ದರಂತೆ. ಈಗ ಮತ್ತೊಮ್ಮೆ ಹೌರಾ ಬ್ರಿಡ್ಜ್ ಚಿತ್ರ ಶುರು ಮಾಡಿದಾಗ, ಇನ್ನೊಮ್ಮೆ ನಿರ್ದೇಶಕರು ಐಶ್ವರ್ಯಾಗೆ ಒಂದು ರೋಲ್ ನೀಡುವ ಪ್ರಸ್ತಾಪ ಮುಂದಿಟ್ಟರಂತೆ. ಈ ಬಾರಿ ಇಲ್ಲ ಎನ್ನಲು ಸಾಧ್ಯವಾಗಿಲ್ಲ. 

    ಅಲ್ಲದೆ, ಚಿತ್ರದ ಬಹುಪಾಲು ಚಿತ್ರೀಕರಣ ನಡೆಯುವುದು ಕೊಲ್ಕೊತ್ತಾದಲ್ಲಿ. ಅದು ಪ್ರಿಯಾಂಕಾ ಅವರ ತವರು ಮನೆಯೂ ಹೌದು. ಅಲ್ಲಿ ಮಗಳನ್ನು ನೋಡಿಕೊಳ್ಳಲು ತಾಯಿಯ ನೆರವೂ ಸಿಗುತ್ತೆ. ಹೀಗಾಗಿ ಒಪ್ಪಿಕೊಂಡೆ ಎಂದಿದ್ದಾರೆ ಪ್ರಿಯಾಂಕಾ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery