` upendra, - chitraloka.com | Kannada Movie News, Reviews | Image

upendra,

  • ಬುದ್ದಿವಂತ 2 ಡೈರೆಕ್ಟರ್ ಚೇಂಜ್

    buddhivantha 2 director replaced

    ಐ ಲವ್ ಯೂ ನಂತರ ಉಪೇಂದ್ರ ನಟಿಸುತ್ತಿರುವ ಚಿತ್ರಗಳಲ್ಲಿ ಅತೀ ಹೆಚ್ಚು ಗಮನ ಸೆಳೆದಿರುವ ಚಿತ್ರ ಬುದ್ದಿವಂತ 2. ಈಗ ಇದೇ ಚಿತ್ರ ವಿವಾದದಿಂದ ಸುದ್ದಿಯಾಗುತ್ತಿದೆ. ಚಿತ್ರದ ನಿರ್ದೇಶಕ ಮೌರ್ಯ ಮತ್ತು ಉಪೇಂದ್ರ ನಡುವೆ ಸ್ಕ್ರಿಪ್ಟ್ ವಿಚಾರದಲ್ಲಿ ಹೊಂದಾಣಿಕೆ ಆಗಿಲ್ಲವಂತೆ. ಈ ಭಿನ್ನಾಭಿಪ್ರಾಯದಿಂದಾಗಿ ನಿರ್ದೇಶಕ ಮೌರ್ಯ, ಹಿಂದೆ ಸರಿದಿದ್ದಾರೆ ಎಂಬ ಸುದ್ದಿಯಿದೆ.

    ಮೌರ್ಯ ಜಾಗಕ್ಕೆ ಆರ್.ಚಂದ್ರು ಬಳಿ ಕೆಲಸ ಮಾಡಿರುವ, ಐ ಲವ್ ಯೂ ಚಿತ್ರದ ಸಹ ನಿರ್ದೇಶಕ ಜಯರಾಮ್ ಎಂಟ್ರಿ ಕೊಟ್ಟಿದ್ದಾರೆ. ಚಿತ್ರವನ್ನು ಕೈಬಿಟ್ಟಿಲ್ಲ, ಕಥೆಯಲ್ಲಿ ಬದಲಾವಣೆ ಇಲ್ಲ ಎಂದು ಸ್ಪಷ್ಟನೆ ಕೊಟ್ಟಿದ್ದಾರೆ ನಿರ್ಮಾಪಕ ಟಿ.ಆರ್.ಚಂದ್ರಶೇಖರ್. ಟೈಟಲ್ ಕಾರ್ಡ್‍ನಲ್ಲಿ ಮೌರ್ಯ ಹೆಸರೂ ಇರಲಿದೆಯಂತೆ.

    ಉಪೇಂದ್ರ ಈ ಚಿತ್ರದಲ್ಲಿ ಡಬಲ್ ಆ್ಯಕ್ಟಿಂಗ್‍ನಲ್ಲಿ ನಟಿಸುತ್ತಿದ್ದು ಮೇಘನಾ ರಾಜ್ ಮತ್ತು ಸೋನಲ್ ಮಂಥೆರೋ ನಾಯಕಿಯರು.

  • ಬುಲ್‍ಬುಲ್‍ಗೆ ಉಪ್ಪಿ ಪ್ರೇಮಪಾಠ.. 

    uppi turns love guru

    ಈ ಪ್ರೀತಿ ಪ್ರೇಮ ಅನ್ನೋದೆಲ್ಲ ಪುಸ್ತಕದ್ ಬದ್ನೇಕಾಯ್ ಅಂದಿದ್ದ ಉಪ್ಪಿ, ಈಗ ರಚಿತಾರಾಮ್‍ಗೆ ಮೋಡಿಯನ್ನೇ ಮಾಡಿಬಿಟ್ಟಿದ್ದಾರೆ. ಉಪ್ಪಿಗಿಂತ ರುಚಿ ಬೇರೆಯಿಲ್ಲ, ಒಪ್ಪಿಕೊಂಡೋರೂ ದಡ್ಡರಲ್ಲ ಎಂದಿದ್ದಕ್ಕೋ ಏನೋ.. ತಾನು ದಡ್ಡಿ ಅಲ್ಲ ಅಂತಾ ತೋರಿಸಿದ್ದಾರೆ ಬುಲ್‍ಬುಲ್. ಅಂದ್ರೆ ಇಷ್ಟೆ, ಉಪ್ಪಿ ಹೇಳಿದ್ದು ನಮ್ಮ ಬುಲ್‍ಬುಲ್‍ಗೆ ಇಷ್ಟವಾಗಿ ಹೋಗಿದೆ.

    ಉಪ್ಪಿ ಸರ್ ಮಾತು ಕೇಳಿದ್ಮೇಲೆ ಪ್ರೀತಿ ಅನ್ನೋದು ಜೀವನದ ಒಂದು ಭಾಗ ಅಷ್ಟೆ ಅನ್ನಿಸೋಕೆ ಶುರುವಾಗಿದೆ. ಒಬ್ಬ ಹುಡುಗ ಒಂದು ಹುಡುಗಿಯನ್ನ ಪ್ರೀತಿಸ್ತಿದ್ದಾನೆ ಅಂದ್ರೆ, ಅದಕ್ಕೆ ಏನ್ ಕಾರಣ ಇರಬಹುದು ಅನ್ನೋದನ್ನ ತಿಳಿದುಕೊಳ್ಳುವಷ್ಟು ಶಕ್ತಳಾಗಿದ್ದೇನೆ ಎಂದಿರೋದು ರಚಿತಾ ರಾಮ್. 

    ರಚಿತಾ ರಾಮ್‍ಗೆ ಉಪ್ಪಿ ಇಷ್ಟೆಲ್ಲ ಪ್ರೇಮೋದಯ ಮಾಡಿಸಿರೋದು ಐ ಲವ್ ಯು ಚಿತ್ರದ ಸೆಟ್‍ನಲ್ಲಿ. ಉಪೇಂದ್ರ ಒಂಥರಾ ನಂಗೆ ಲವ್‍ಗುರು ಇದ್ದಂತೆ ಎಂದಿದ್ದಾರೆ ರಚಿತಾ.

    ಆರ್.ಚಂದ್ರು ನಿರ್ದೇಶನದ ಐ ಲವ್ ಯು ಚಿತ್ರ, ತೆಲುಗಿನ ಅರ್ಜುನ್ ರೆಡ್ಡಿ ಮಾದರಿಯಲ್ಲಿ ಇರಲಿದೆಯಂತೆ. ಆದರೆ, ಅಷ್ಟು ಬೋಲ್ಡ್ ದೃಶ್ಯಗಳಿರಲ್ಲ. ಕಥೆ ಹೊಸದಾಗಿದೆ ಎಂದಿದ್ದಾರೆ ರಚಿತಾ ರಾಮ್.

  • ಬೆಂಗಳೂರು ಪ್ರವಾಹ ನಿರ್ಮೂಲನೆಗೆ ಉಪ್ಪಿ ಐಡಿಯಾ

    upendra, benaluru drainage soultion

    ಬೆಂಗಳೂರು ನದಿಗಳಿಲ್ಲದ, ಸಮುದ್ರ ತೀರಕ್ಕೆ ಹತ್ತಿರವೂ ಇಲ್ಲದ, ಕೆರೆಗಳಿಂದಲೇ ತುಂಬಿಕೊಂಡಿದ್ದ ಊರು. ಆದರೆ, ಕೆರೆಗಳಲ್ಲಿ ಮನೆ, ಕಾಂಪ್ಲೆಕ್ಸು ಕಟ್ಟಿ, ಚರಂಡಿಗಳನ್ನು ಹಾಳು ಮಾಡಿಕೊಂಡ ತಪ್ಪಿಗೆ ಈಗ ಬೆಂಗಳೂರು ಬೆಲೆ ತೆರುತ್ತಿದೆ. ಸಣ್ಣದೊಂದು ಮಳೆ ಬಂದರೂ, ಬೆಂಗಳೂರಿನಲ್ಲಿ ಪ್ರವಾಹ ಗ್ಯಾರಂಟಿ. ರಸ್ತೆಗಳೇ ನದಿಗಳಾಗಿ ಬದಲಾಗುವ ವಿಚಿತ್ರ ರಾಜಧಾನಿ ಬೆಂಗಳೂರು. 

    ಇದಕ್ಕೆ ಪರಿಹಾರವೇ ಇಲ್ಲವೇ..? ಈ ಪ್ರಶ್ನೆಗೆ ಉಪೇಂದ್ರ ಒಂದು ಐಡಿಯಾ ಸಮೇತ ಬಂದಿದ್ದಾರೆ. ಹಾಗೆಂದು ಇದು ಅವರೇ ಅಧ್ಯಯನ ಮಾಡಿ ಕಂಡುಕೊಂಡ ಪರಿಹಾರವಲ್ಲ. ಸುಮಾರು 4 ವರ್ಷ ಈ ಕುರಿತು ಅಧ್ಯಯನ ಮಾಡಿರುವ ಸೌರವ್ ಬಾಬು ಎಂಬ ಯುವಕನ ಐಡಿಯಾ.

    ಇದರ ಪ್ರಕಾರ, ಬೆಂಗಳೂರಿನ ಸಮಸ್ಯೆಗಳಿಗೆ ಕಾರಣ, ಒಳಚರಂಡಿ ವ್ಯವಸ್ಥೆ ಸರಿಯಾಗಿಲ್ಲದಿರುವುದೇ. ಒಂದು ಚರಂಡಿ ನಿರ್ಮಾಣ ಮಾಡೋಕೆ ಹತ್ತಾರು ಕಾಂಟ್ರಾಕ್ಟುಗಳನ್ನು ಮಾಡಿ, ರಸ್ತೆಗೆ ಮಣ್ಣು ಸುರಿಯುತ್ತಿದ್ದಾರೆಯೇ ಹೊರತು, ಚರಂಡಿಗೆ ನೀರು ಹೋಗುತ್ತಿಲ್ಲ. ಬದಲಿಗೆ ಅವರೇ ಹೊರತೆಗೆದ ಮಣ್ಣು ಸೇರುತ್ತಿದೆ. ನೀರು ರಸ್ತೆಯಲ್ಲೇ ನಿಲ್ಲುತ್ತಿದೆ. ಇದಕ್ಕೆ ಸೌರವ್ ಬಾಬು ಕಂಡುಕೊಂಡಿರುವ ಪರಿಹಾರದ ಹೆಸರು  ರೋಡ್ ಸೈಡ್ ಪೈಪ್ ಡ್ರೇನೇಜ್ ಸಿಸ್ಟಮ್.

    ಸರಳವಾಗಿ ಹೇಳೋದಾದರೆ, ಪ್ರತಿ ರಸ್ತೆಗಳ ಪಕ್ಕ ಡ್ರೈನೇಜ್ ಪೈಪ್​ಗಳನ್ನು ಹಾಕಿ, ಆ ಪೈಪುಗಳಿಗೆ ರಸ್ತೆಯಲ್ಲಿ ಬಿದ್ದ ನೀರು ಹೋಗುವಂತೆ ಮಾಡುವುದು. ಮಧ್ಯೆ ಮಧ್ಯೆ ಚೇಂಬರ್ ಮಾಡಿ, ಅವುಗಳನ್ನು ಲಿಂಕ್ ಮಾಡಿದರೆ, ಬಿದ್ದ ನೀರು ಎಲ್ಲಿಯೂ ನಿಲ್ಲದೆ ಹರಿದು ಹೋಗುತ್ತೆ. ಅಕಸ್ಮಾತ್ ಕಸ ಕಟ್ಟಿಕೊಂಡರೂ, ಕ್ಲೀನ್ ಮಾಡುವುದು ಸುಲಭ.

    ಅಷ್ಟೇ ಅಲ್ಲ, ಈಗ ಬೆಂಗಳೂರಿನ ಒಳಚರಂಡಿ ವ್ಯವಸ್ಥೆಗೆ ಆಗುತ್ತಿರುವ ಖರ್ಚಿಗಿಂತ ಅರ್ಧಕ್ಕರ್ಧ ಕಡಿಮೆ ಬಜೆಟ್​ನಲ್ಲಿ ಇದನ್ನು ಮಾಡಲು ಸಾಧ್ಯ. ಖರ್ಚಿನ ಲೆಕ್ಕದಲ್ಲಷ್ಟೇ ಅಲ್ಲ, ಈಗ  ಮೂರು ತಿಂಗಳಲ್ಲಿ ಆಗುವ ಕೆಲಸವನ್ನು, ಡ್ರೈನೇಜ್ ಪೈಪ್ ಹಾಕಿದರೆ, ಏಳೇ ದಿನಗಳಲ್ಲಿ ಮಾಡಬಹುದು. 

    ಈ ಕುರಿತು ಪ್ರಾಜೆಕ್ಟ್​ವೊಂದನ್ನು ಸಿದ್ಧಮಾಡಿದ ಸೌರವ್ ಬಾಬು, ಬಿಬಿಎಂಪಿಯವರನ್ನು ಸಂಪರ್ಕಿಸಿದರೂ, ಸಕಾರಾತ್ಮಕ ಪ್ರತಿಕ್ರಿಯೆ ಸಿಕ್ಕಿಲ್ಲ. ಅವರಿಗೆ ವರ್ಷ ವರ್ಷ ಹೊಸ ಹೊಸ ಕಾಂಟ್ರಾಕ್ಟ್ ಕೊಡಬೇಕು. ಆದರೆ, ಈ ವ್ಯವಸ್ಥೆಯಲ್ಲಿ ಒಮ್ಮೆ ಸಿದ್ಧ ಮಾಡಿದರೆ, ನಿರ್ವಹಣೆಯದ್ದಷ್ಟೇ ಜವಾಬ್ದಾರಿ. ಹೊಸ ಕಾಂಟ್ರಾಕ್ಟ್ ಕೊಡುವ ಅಗತ್ಯ ಇರೋದಿಲ್ಲ. ಸರ್ಕಾರಿ ಕಚೇರಿಗಳನ್ನು ಅಲೆದು ಬೇಸತ್ತ ಸೌರವ್ ಬಾಬು ತಮ್ಮ ಐಡಿಯಾವನ್ನು ತೆಗೆದುಕೊಂಡು ಪ್ರಜಾಕೀಯದ ಉಪೇಂದ್ರ ಬಳಿ ಬಂದಿದ್ದಾರೆ. ಉಪೇಂದ್ರ ಅವರಿಗೆ ಈ ಐಡಿಯಾ ಇಷ್ಟವಾಗಿದೆ. ಅದನ್ನೀಗ ಅವರು ಜನರ ಮುಂದಿಟ್ಟಿದ್ದಾರೆ. ಸರ್ಕಾರಕ್ಕೆ ಕೇಳಿಸುತ್ತಾ..? ಅರ್ಥವಾಗುತ್ತಾ..? ಅಟ್​ಲೀಸ್ಟ್ ಚರ್ಚೆಯಾದರೂ ಶುರುವಾಗುತ್ತಾ..?

  • ಭಾರತಕ್ಕೆ ನರೇಂದ್ರ, ಕರ್ನಾಟಕಕ್ಕೆ ಉಪೇಂದ್ರ - ಅಭಿಮಾನಿಗಳ ಪಾಲಿಗೆ ಇಂದು ಉಪ್ಪಿ ಡೇ

    upendra image

    ಉಪೇಂದ್ರ ತಮ್ಮ ರಾಜಕೀಯ ಪ್ರವೇಶವನ್ನು ಘೋಷಿಸಿದ್ದೇ ತಡ. ಎಲ್ಲರೂ ಈಗ ಉಪ್ಪಿ ಬೆನ್ನು ಹತ್ತಿದ್ದಾರೆ. ಎಲ್ಲೆಲ್ಲೂ ಈಗ ಉಪ್ಪಿಯೇ ಹೆಡ್‍ಲೈನ್. ಕನ್ನಡದ ಪತ್ರಿಕೆ, ಟಿವಿಗಳಲ್ಲಷ್ಟೇ ಅಲ್ಲ, ಆಂಧ್ರ, ತಮಿಳುನಾಡು ಪತ್ರಿಕೆಗಳಲ್ಲಿ, ವೆಬ್‍ಸೈಟುಗಳಲ್ಲಿ, ಚಾನೆಲ್‍ಗಳಲ್ಲಿ ಉಪೇಂದ್ರ ಆಕರ್ಷಣೆಯ ಕೇಂದ್ರ ಬಿಂದು.

    ಅಭಿಮಾನಿಗಳಂತೂ ಚಿತ್ರ ವಿಚಿತ್ರ ಡೈಲಾಗ್‍ಗಳಲ್ಲೇ ಫೋಟೋ ಮಾಡಿ, ಉಪ್ಪಿಗೆ ಉಘೇ ಎನ್ನುತ್ತಿದ್ದರೆ, ಕೆಲವರಂತೂ ಭಾರತಕ್ಕೆ ನರೇಂದ್ರ, ಕರ್ನಾಟಕಕ್ಕೆ ಉಪೇಂದ್ರ ಎಂದು ಬರೆಯುವ ಮಟ್ಟಕ್ಕೆ ಹೋಗಿದ್ದಾರೆ. 

    ಒಟ್ಟಿನಲ್ಲಿ ಉಪೇಂದ್ರ ಮನಸ್ಸಿನ ಮಾತನ್ನು ಅರ್ಧ ಬಿಚ್ಚಿಟ್ಟಿದ್ದಾರೆ. ಇನ್ನರ್ಧ ಬೆಳಗ್ಗೆ 11 ಗಂಟೆಗೆ ರುಪೀಸ್ ರೆಸಾರ್ಟ್‍ನಲ್ಲಿ ಗೊತ್ತಾಗಲಿದೆ. ಅಲ್ಲಿ ಅವರು ನಮಗೆ, ನಿಮಗೆ ಎಲ್ಲರಿಗೂ ಗೊತ್ತಿರುವ ಆದರೆ, ಮರೆತು ಹೋಗಿರುವ ಸತ್ಯವನ್ನು ಹೇಳಲಿದ್ದಾರಂತೆ. 

    ಹಾಗೆಂದು ಎಲ್ಲರೂ ಉಪ್ಪಿಯನ್ನು ಹೊಗಳಿದ್ದಾರೆ ಎಂದೇನಲ್ಲ. ಕೆಲವರಿಗೆ ಅರವಿಂದ ಕೇಜ್ರಿವಾಲ್ ನೆನಪಾಗಿದ್ದಾರೆ. ಇನ್ನೂ ಕೆಲವರಿಗೆ ಚಿರಂಜೀವಿ ನೆನಪಾಗಿದ್ದಾರೆ. ಅಂಬರೀಷ್‍ರನ್ನು ನೆನಪಿಸಿಕೊಂಡವರೂ ಇದ್ದಾರೆ. ನಿಮ್ಮ ಕನಸು, ಪ್ರಾಮಾಣಿಕ ಪ್ರಯತ್ನಗಳ ಬಗ್ಗೆ ಅಭಿಮಾನವಿದೆ. ಆದರೆ, ಮೇಲ್ನೋಟಕ್ಕೇ ಇದು ಭ್ರಮೆ ಎನ್ನಿಸುವ ಹಾಗಿದೆ. ವಾಸ್ತವಕ್ಕೆ ದೂರವಾಗಿದೆ ಎಂದವರೂ ಇದ್ದಾರೆ.

    Related Articles :-

    ಬಿಜೆಪಿ ಅಲ್ಲ, ಕಾಂಗ್ರೆಸ್ ಅಲ್ಲ, ಜೆಡಿಎಸ್ ಅಲ್ಲ - ಉಪೇಂದ್ರ ಕಟ್ಟುತ್ತಿರುವುದು ಹೊಸ ಪಕ್ಷ

    ನಾನು.. ನನ್ನ ರಾಜಕೀಯ ಕನಸು - ಉಪೇಂದ್ರ ಹೇಳಿಕೊಂಡ ರಾಜಕೀಯ ಕಲ್ಪನೆ ಇದು

    ರಾಜಕೀಯಕ್ಕೆ ಬಂದರೆ, ನಿಜದಂತಿರುವಾ ಸುಳ್ಳಲ್ಲ.. ಸುಳ್ಳುಗಳೆಲ್ಲ ನಿಜವಲ್ಲ ಎನ್ನಲು ಸಾಧ್ಯವಿಲ್ಲ..! 

    ಉಪೇಂದ್ರ ರಾಜಕೀಯ ಪ್ರವೇಶ ನನಗೂ ಸರ್​ಪ್ರೈಸ್ - ಪ್ರಿಯಾಂಕಾ ಉಪೇಂದ್ರ ಫಸ್ಟ್ ರಿಯಾಕ್ಷನ್

    ಉಪೇಂದ್ರ ರಾಜಕೀಯ ಪ್ರವೇಶ - ಯಾಱರು ಏನೇನು ಹೇಳಿದ್ರು..?

    ರಿಯಲ್ ಪಾಲಿಟಿಕ್ಸ್​ಗೆ REAL STAR..?  ನಾಳೆ ಅಧಿಕೃತವಾಗುತ್ತಾ..?

    ರಾಜಕೀಯಕ್ಕೆ ಬರ್ತಾರಾ ಉಪೇಂದ್ರ..? ಯಾವಾಗ ಬರ್ತಾರೆ..? 

  • ಭೀಮನ ಅಮಾವಾಸ್ಯೆ ಪೂಜೆ - ಉಪ್ಪಿ ಇರೋದೇ ಹೀಗೆ..

    upendra, priyanka upendra

    ಭಾನುವಾರವಷ್ಟೇ ಭೀಮನ ಅಮಾವಾಸ್ಯೆ. ಪತಿಯನ್ನು ಪತ್ನಿ ಪೂಜಿಸುವ ದಿನ. ಪತಿಯ ಆಯುರಾರೋಗ್ಯ ಹೆಚ್ಚಲಿ ಎಂದು ಪ್ರಾರ್ಥಿಸಿ ಪೂಜಿಸುವ ದಿನ. ನಟ ಉಪೇಂದ್ರ ಮನೆಯಲ್ಲೂ ಪೂಜೆ ನಡೆದಿದೆ. 

    ಪತ್ನಿ ಪ್ರಿಯಾಂಕಾ ಉಪೇಂದ್ರ ಗೌರಮ್ಮನಂತೆ ಸರ್ವಾಲಂಕೃತಭೂಷಿತೆಯಾಗಿ ದೇವರ ಮನೆಯಲ್ಲಿ ಪೂಜೆ ಮಾಡುತ್ತಿದ್ದರೆ, ಪತಿ ಉಪೇಂದ್ರ ಅದೇ ಬರ್ಮುಡಾ, ಬಣ್ಣ ಬಣ್ಣದ ಅಂಗಿ ತೊಟ್ಟು ಪೂಜೆ ಮಾಡಿಸಿಕೊಂಡಿದ್ದಾರೆ. 

    ಶಾಸ್ತ್ರ ಸಂಪ್ರದಾಯಕ್ಕೂ ಉಪ್ಪಿಗೂ ಆಗಿ ಬರೋದಿಲ್ವೇನೋ..? ಆದರೆ, ಪೂಜೆಯ ಆ ಫೋಟೋದಲ್ಲಿ ಪತಿ, ಪತ್ನಿ ಇಬ್ಬರ ಮುಖದ ನಗು, ಸಡಗರ ನೋಡಿದವರಿಗೆ ಮಾತ್ರ, ನಮ್ಮ ಸಂಸಾರವೂ ಹೀಗೇ ಇರಲಿ ಎಂದು ಆಸೆಯಾಗೋದು ಸುಳ್ಳಲ್ಲ. 

  • ಮತ್ತೆ ತೆಲುಗಿಗೆ ರಿಯಲ್ ಸ್ಟಾರ್

    upendra in varun tej's tekugu film boxer

    ಬಹು ಭಾಷೆಯ ಕಬ್ಜ ಚಿತ್ರದಲ್ಲಿ ಬ್ಯುಸಿಯಾಗಿರುವ ರಿಯಲ್ ಸ್ಟಾರ್ ಉಪೇಂದ್ರ ಕೈಲಿ ಕೈತುಂಬಾ ಚಿತ್ರಗಳಿವೆ. ಆರ್.ಚಂದ್ರು ಸಿನಿಮಾ ಅಲ್ಲದೆ ಇನ್ನೂ ಕೆಲವು ಚಿತ್ರಗಳು ಕ್ಯೂನಲ್ಲಿವೆ. ಹೀಗಿರುವಾಗಲೇ ಉಪ್ಪಿ ಮತ್ತೊಮ್ಮೆ ತೆಲುಗಿನತ್ತ ಪ್ರಯಾಣ ಬೆಳೆಸಿದ್ದಾರೆ.

    ವರುಣ್ ತೇಜ್ ಅಭಿನಯಿಸುತ್ತಿರುವ ಬಾಕ್ಸರ್ ಚಿತ್ರದಲ್ಲಿ ಉಪ್ಪಿ ನಟಿಸಲಿದ್ದಾರಂತೆ. S/O ಸತ್ಯಮೂರ್ತಿ ಚಿತ್ರದಲ್ಲಿ ಅಲ್ಲು ಅರ್ಜುನ್ ಎದುರು ಅತ್ತ ವಿಲನ್ ಅಲ್ಲದ, ಪೋಷಕ ನಟನೂ ಅಲ್ಲದ ವಿಶಿಷ್ಟ ಪಾತ್ರದಲ್ಲಿ ಉಪ್ಪಿ ಮಿಂಚಿದ್ದರು. ಅದಾದ ಮೇಲೆ ಮತ್ತೆ ನಟಿಸಿರಲಿಲ್ಲ. ಈಗ ಮತ್ತೊಮ್ಮೆ ತೆಲುಗಿನತ್ತ ಹೊರಟಿದ್ದಾರೆ. ಮಾತುಕತೆ ಫೈನಲ್ ಹಂತದಲ್ಲಿದೆ.

  • ಮತ್ತೆ ತೆಲುಗಿನತ್ತ ಉಪೇಂದ್ರ - ಈ ಬಾರಿ ಚಿರಂಜೀವಿ ಜೊತೆ..

    upendra movie image

    ರಿಯಲ್ ಸ್ಟಾರ್ ಉಪೇಂದ್ರಗೆ ತೆಲುಗು ಚಿತ್ರರಂಗ ಹೊಸದೇನೂ ಅಲ್ಲ. ಓಂ, ಎ, ಉಪೇಂದ್ರ, ಸೂಪರ್ ಮೊದಲಾದ ಚಿತ್ರಗಳ ಮೂಲಕ ತೆಲುಗು ಚಿತ್ರರಂಗಕ್ಕೆ ಪರಿಚಿತರಾಗಿರುವ ನಟ. ಅಷ್ಟೇ ಅಲ್ಲ, ದೊಡ್ಡ ಫ್ಯಾನ್ ಫಾಲೋಯಿಂಗ್ ಕೂಡಾ ಇದೆ. ಉಪ್ಪಿಯ ಸಿನಿಮಾಗಳು ತೆಲುಗಿಗೆ ಡಬ್ ಆಗುತ್ತಲೇ ಇರುತ್ತವೆ. ಇತ್ತೀಚೆಗಷ್ಟೇ ಅಲ್ಲು ಅರ್ಜುನ್ ನಾಯಕತ್ವದ ಸನ್ ಆಫ್ ಸತ್ಯಮೂರ್ತಿ ಚಿತ್ರದಲ್ಲಿ ಉಪೇಂದ್ರ ನಟಿಸಿದ್ದರು. ಈಗ ಮತ್ತೊಮ್ಮೆ ತೆಲುಗಿಗೆ ಹೊರಟಿದ್ದಾರೆ ಉಪೇಂದ್ರ.

    ಈ ಬಾರಿ ಉಪೇಂದ್ರ ನಟಿಸಲಿರೋದು ಚಿರಂಜೀವಿ ಚಿತ್ರದಲ್ಲಿ. ಆಗಸ್ಟ್ 22ಕ್ಕೆ ಚಿರಂಜೀವಿ ಹುಟ್ಟುಹಬ್ಬವಿದೆ. ಆ ದಿನ ಉಯ್ಯಲವಾಡ ನರಸಿಂಹ ರೆಡ್ಡಿ ಎಂಬ ಚಿತ್ರ ಘೋಷಣೆಯಾಗುವ ಸಾಧ್ಯತೆಗಳಿವೆ. ಆ ಚಿತ್ರದಲ್ಲಿ ಉಪೇಂದ್ರ ನಟಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ಕರ್ನಾಟಕದಲ್ಲಲಿ ಸಂಗೊಳ್ಳಿ ರಾಯಣ್ಣ ಹೇಗೋ, ಆಂಧ್ರಪ್ರದೇಶದಲ್ಲಿ ಉಯ್ಯಲವಾಡ ನರಸಿಂಹ ರೆಡ್ಡಿ ಹಾಗೆ. ಎಲ್ಲವೂ ಪಕ್ಕಾ ಆದರೆ, ಚಿರಂಜೀವಿಯ 151ನೇ ಸಿನಿಮಾದಲ್ಲಿ ಉಪೇಂದ್ರ ಕೂಡಾ ಇರಲಿದ್ದಾರೆ.

  • ಮತ್ತೆ ಬರ್ತಾನೆ ಉಪೇಂದ್ರ

    upendra movie to re release

    20 ವರ್ಷಗಳ ಹಿಂದೆ ಭಾರತೀಯ ಚಲನಚಿತ್ರರಂಗದಲ್ಲೇ ಸೆನ್ಸೇಷನ್ ಸೃಷ್ಟಿಸಿದ್ದ ಸಿನಿಮಾ ಉಪೇಂದ್ರ. ಮಡಿವಂತರು ಮೂಗು ಮುರಿದಿದ್ದ, ಯುವಕರನ್ನು ಥ್ರಿಲ್ಲಾಗಿಸಿದ್ದ.. ಹೀಗೂ ಸಿನಿಮಾ ಮಾಡಬಹುದೇ ಎಂದು ಚಿತ್ರ ಪಂಡಿತರು ಹುಬ್ಬೇರುವಂತೆ ಮಾಡಿದ್ದ ಸಿನಿಮಾ ಉಪೇಂದ್ರ.

    ಉಪೇಂದ್ರ ಅವರೇ ನಿರ್ದೇಶಕ. ನಾಯಕ. ನಾಯಕನ ಹೆಸರು ನಾನು. ಪ್ರೇಮಾ, ರವೀನಾ ಟಂಡನ್, ದಾಮಿನಿ ನಟಿಸಿದ್ದ ಚಿತ್ರದ ಒಂದೊಂದು ದೃಶ್ಯವೂ ವಿವಾದ ಸೃಷ್ಟಿಸಿತ್ತು. ಈಗ ಆ ಚಿತ್ರವನ್ನು ಮತ್ತೊಮ್ಮೆ ರಿಲೀಸ್ ಮಾಡಲು ನಿರ್ಮಾಪಕ ಶಿಲ್ಪಾ ಶ್ರೀನಿವಾಸ್ ಮುಂದಾಗಿದ್ದಾರೆ.

    ಹಳೆಯ ಹಿಟ್ ಚಿತ್ರಗಳಿಗೆ ಸಿಗುತ್ತಿರುವ ಪ್ರತಿಕ್ರಿಯೆ, ಇತ್ತೀಚೆಗೆ ಉಪೇಂದ್ರ ಅವರ ಐ ಲವ್ ಯೂ ಚಿತ್ರ ಶತದಿನೋತ್ಸವ ಪೂರೈಸಿದ್ದು ಈ ಬಗ್ಗೆ ಯೋಚಿಸಲು ಕಾರಣವಂತೆ.

    ತಾವೇ ನಿರ್ಮಾಪಕರಾಗಿದ್ದರೂ, ನಿರ್ದೇಶಕ ಉಪೇಂದ್ರ ಅವರ ಅಭಿಪ್ರಾಯವನ್ನೂ ಪಡೆಯುತ್ತೇನೆ ಎಂದಿದ್ದಾರೆ ಶಿಲ್ಪಾ ಶ್ರೀನಿವಾಸ್. ಎಲ್ಲವೂ ಓಕೆ ಆದರೆ, ಕನ್ನಡ, ತೆಲುಗು ಅಷ್ಟೇ ಅಲ್ಲ, ತಮಿಳಿನಲ್ಲೂ ಉಪೇಂದ್ರ ದರ್ಶನವಾಗಲಿದೆ

  • ಮತ್ತೆ ಹೆಣ್ಣಾದರು ಉಪ್ಪಿ..!

    upendra image

    ರಿಯಲ್ ಸ್ಟಾರ್ ಉಪೇಂದ್ರ, ಚಿತ್ರ ವಿಚಿತ್ರ ಪಾತ್ರಗಳಿಂದಲೇ ಸುದ್ದಿ ಮಾಡಿ ಸದ್ದು ಮಾಡಿದ ನಟ. ಅವರೀಗ ಬ್ಯೂಟಿಫುಲ್ ಹುಡುಗಿಯಾಗುತ್ತಿದ್ದಾರೆ. ನೀವೀಗ ನೋಡುತ್ತಿರುವ ಫೋಟೋ ಬಿಲ್‍ಕುಲ್ ಅವರದ್ದೇ. ಹೋಮ್ ಮಿನಿಸ್ಟರ್ ಚಿತ್ರದ ದೃಶ್ಯವೊಂದರಲ್ಲಿ ಉಪೇಂದ್ರ ಈ ಗೆಟಪ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ.

    ಈ ಹಿಂದೆ ಗಾಡ್‍ಫಾದರ್ ಹಾಗೂ ಕಾಂಚನಾ ಚಿತ್ರಗಳಲ್ಲಿ ಮಂಗಳಮುಖಿಯಾಗಿ ನಟಿಸಿದ್ದ ಉಪೇಂದ್ರ, ಈ ಬಾರಿ ಸಂಪೂರ್ಣ ಸ್ತ್ರೀಯಾಗಿ ಬದಲಾಗಿದ್ದಾರೆ. ಕಣ್ಣು ಹೊಡೆಯೋಕೆ ಹೋಗಬೇಡಿ. ಇನ್ನೊಂದ್ಸಲ ಫೊಟೋ ಸರಿಯಾಗಿ ನೋಡಿ. ಜಿಮ್ ಮಾಡಿರುವ ತೋಳುಗಳು ಕೂಡಾ ಇವೆ. 

  • ಮಹದಾಯಿ ಸಮಸ್ಯೆಗೆ ಉಪ್ಪಿ ಹೇಳಿದ ಸಾಯಿಬಾಬಾ ಪರಿಹಾರವೇನು..?

    upendra suggests solution to mahadayi

    ಪ್ರಜಾಕೀಯದ ಮೂಲಕ ಹೊಸ ರಾಜಕೀಯ ಸೃಷ್ಟಿಸುತ್ತಿರುವ ಉಪೇಂದ್ರ, ಈಗ ರಾಜ್ಯದ್ಯಂತ ಕಿಚ್ಚು ಹಚ್ಚಿಸಿರುವ ಮಹದಾಯಿಗೆ ತಮ್ಮದೇ ಆದ ಪರಿಹಾರವೊಂದನ್ನು ಮುಂದಿಟ್ಟಿದ್ದಾರೆ. ಆ ಪರಿಹಾರದಲ್ಲಿ ಅವರು ಹೇಳಿರುವುದು ಎರಡು ಕಥೆಗಳನ್ನು. ಆ ಎರಡೂ ಕಥೆಗಳ ಹೀರೋ ಸಾಯಿಬಾಬಾ ಎನ್ನುವುದು ವಿಶೇಷ.

    ಕಥೆ 01 - ಆಂಧ್ರಪ್ರದೇಶದ ರಾಯಲಸೀಮೆಯಲ್ಲಿ ಕುಡಿಯುವ ನೀರಿಗೆ ಹಾಹಾಕಾರವಿತ್ತು. 1995ರಲ್ಲಿ ಪುಟ್ಟಪರ್ತಿಯ ಸತ್ಯಸಾಯಿಬಾಬಾ ಸತತ ಒಂದೂವರೆ ವರ್ಷ ಕೆಲಸ ಮಾಡಿದರು. 18 ತಿಂಗಳಲ್ಲಿ 2000 ಕಿ.ಮೀ. ಪೈಪ್‍ಲೈನ್ ಹಾಕಿಸಿ, 43 ನೀರಿನ ತೊಟ್ಟಿ ನಿರ್ಮಿಸಿದರು. ಒಂದೊಂದು ನೀರಿನ ತೊಟ್ಟಿಗೂ ಒಂದೂವರೆ ಲಕ್ಷ ಲೀ.ನಿಂದ ಎರಡೂವರೆ ಲಕ್ಷ ಲೀ. ಸಾಮಥ್ರ್ಯವಿತ್ತು. ಇದರಿಂದ ರಾಯಲಸೀಮೆಯ ಕುಡಿಯುವ ನೀರಿನ ಸಮಸ್ಯೆಯ ಪರಿಹಾರ ಶೇ.70ರಷ್ಟು ನಿವಾರಣೆಯಾಯ್ತು.

    ಕಥೆ 02 - ಚೆನ್ನೈನಲ್ಲಿಯೂ ಕೂಡಾ ಇದೇ ರೀತಿ ನೀರಿನ ಸಮಸ್ಯೆ ಎದುರಾದಾಗ ಕೃಷ್ನಾ ನದಿಯ ನೀರನ್ನು ಚೆನ್ನೈಗೆ ಹರಿಸಿ ಸಮಸ್ಯೆ ನೀಗಿಸಿದರು. ಆ ಕೆಲಸದಲ್ಲಿಯೂ ಸಾಯಿಬಾಬಾ ಅವರ ಪಾತ್ರ ದೊಡ್ಡದಾಗಿತ್ತು.

    ಈ ಎರಡು ಕಥೆಗಳಲ್ಲಿ ಪರಿಹಾರವಿದೆ. ಮಹದಾಯಿ ಹೋರಾಟದ ಜೊತೆಯಲ್ಲೇ, ಅದರ ಹೊರತಾದ ಪರ್ಯಾಯ ಮಾರ್ಗವೊಂದನ್ನು ಹುಡುಕಿಕೊಳ್ಳಬೇಕಾದ ಅಗತ್ಯವಿದೆ. ಉಪ್ಪಿ ಹೇಳುತ್ತಿರುವ ಪರಿಹಾರ ಇದೇ.

    Related Articles :-

    ಮಹದಾಯಿ - ಶಿವರಾಜ್ ಕುಮಾರ್ ಹೇಳಿದ ಜವಾಬ್ದಾರಿಯ ಪಾಠ

    KFCC Supports Mahadayi; To Hold A Meeting Today

  • ಮಾಸ್ಟರ್ ಪೀಸ್ ಡೈರೆಕ್ಟರ್ ಜೊತೆ ಉಪ್ಪಿ ಹೊಸ ಚಿತ್ರ

    upendra's next with master piece movie director

    ಅಣ್ಣಯ್ಯ, ಬಿಂದಾಸ್, ದೊರೆ ಹಾಗೂ ಇತ್ತೀಚೆಗಷ್ಟೇ ರನ್ನ ಚಿತ್ರ ನಿರ್ಮಿಸಿದ್ದ ಎಂ. ಚಂದ್ರಶೇಖರ್ ಹೊಸ ಚಿತ್ರ ಕೈಗೆತ್ತಿಕೊಂಡಿದ್ದಾರೆ. ಉಪೇಂದ್ರ ಹೀರೋ. ನಿರ್ದೇಶಕರಾಗಿರುವುದು ಮಾಸ್ಟರ್ ಪೀಸ್ ನಿರ್ದೇಶಕ ಮಂಜು ಮಾಂಡವ್ಯ.

    ನವೆಂಬರ್ ಹೊತ್ತಿಗೆ ಚಿತ್ರದ ಕಂಪ್ಲೀಟ್ ವಿವರ ಕೊಡುತ್ತೇನೆ. ಚಿತ್ರದ ಕಥೆಗೆ ಉಪೇಂದ್ರ ಓಕೆ ಎಂದಿದ್ದಾರೆ. ಸ್ಕ್ರಿಪ್ಟ್ ವರ್ಕ್ ನಡೆಯುತ್ತಿದೆ. ಸಂಕ್ರಾಂತಿಗೆ ಚಿತ್ರದ ಮುಹೂರ್ತ ನಡೆಯಲಿದೆ. ಇದು ನಮ್ಮ ಬ್ಯಾನರ್‍ನ 14ನೇ ಚಿತ್ರ ಎಂದು ಮಾಹಿತಿ ನೀಡಿದ್ದಾರೆ ಚಂದ್ರಶೇಖರ್.

  • ಮೋದಿ ಓಕೆ, ಆದರೆ ರಾಜ್ಯಕ್ಕೆ ಹೊಸ ಪ್ಲಾನ್ ಬೇಕು - ಖಾಕಿ ತೊಟ್ಟುಬಂದ ಉಪೇಂದ್ರ ಹೇಳಿದ ಹೊಸ ವಿಷಯ ಏನು..?

    upendra pressmeet highlight

    ನಿನ್ನೆಯಿಂದ ಇಡೀ ರಾಜ್ಯದಲ್ಲಿ ಉಪೇಂದ್ರ ಅವರದ್ದೇ ಸುದ್ದಿ. ಉಪೇಂದ್ರ ರಾಜಕೀಯಕ್ಕೆ ಬರುತ್ತಾರೆ. ಹೊಸ ಪಕ್ಷ ಕಟ್ಟುತ್ತಾರೆ ಎನ್ನುವುದು ಊಟ, ‘ಉಪ್ಪಿ’ನಕಾಯಿ ಎಲ್ಲವೂ ಆಗಿತ್ತು. ಅದೆಲ್ಲಕ್ಕೂ ಸುದ್ದಿಗೋಷ್ಟಿಯಲ್ಲಿ ಉತ್ತರ ನೀಡಿದ್ದಾರೆ ಉಪೇಂದ್ರ.  ಸುದ್ದಿಗೋಷ್ಟಿಗೆ ಖಾಕಿ ದಿರಿಸಿನಲ್ಲಿ ಬಂದ ಉಪೇಂದ್ರ, ಖಾಕಿ ಕಾರ್ಮಿಕರ ಸಂಕೇತ. ನಾನು ಕಾರ್ಮಿಕನಾಗಲು ಬಯಸುತ್ತೇನೆ ಎಂದರು.  ಉಳಿದಂತೆ ನಿನ್ನೆ ಫೇಸ್​ಬುಕ್​ನಲ್ಲಿ ಬಿಟ್ಟಿದ್ದ ಆಡಿಯೋದಲ್ಲಿ ಹೇಳಿದ್ದ ವಿಚಾರಗಳ ಬಗ್ಗೆಯೇ ಮಾತನಾಡಿದರು. ಪ್ರಾಮಾಣಿಕವಾಗಿ ಕೆಲಸ ಮಾಡುತ್ತೇನೆ. ನಾನು ಸಂಬಳ ತೆಗೆದುಕೊಂಡು, ಸಂಬಳಕ್ಕಾಗಿ ದುಡಿಯುತ್ತೇನೆ. ಲಂಚಕ್ಕಾಗಿ ದುಡಿಯುವುದಿಲ್ಲ ಎಂದರು.

    MAIL ಐಡಿ ಕೊಟ್ಟರು ಉಪೇಂದ್ರ

    This email address is being protected from spambots. You need JavaScript enabled to view it., This email address is being protected from spambots. You need JavaScript enabled to view it.,This email address is being protected from spambots. You need JavaScript enabled to view it. - ಈ ಮೂರು ಐಡಿಗಳನ್ನು ಕೊಟ್ಟಿರುವ ಉಪೇಂದ್ರ, ಈ ಮೇಯ್ಲ್ ಐಡಿಗಳಿಗೆ ಜನ ತಮ್ಮ ಐಡಿಯಾಗಳನ್ನು ಕಳುಹಿಸುವಂತೆ ಕೋರಿದ್ದಾರೆ. ಸೋಷಿಯಲ್ ಮೀಡಿಯಾ ಮೂಲಕವೇ ಹೊಸ ಪಕ್ಷ ಕಟ್ಟುವ ಇಂಗಿತ ವ್ಯಕ್ತಪಡಿಸಿದ್ದಾರೆ. 

    ಮೋದಿ ಓಕೆ.. ಆದರೆ..

    ಪ್ರಧಾನಿ ನರೇಂದ್ರ ಮೋದಿ ಒಳ್ಳೆಯ ಕೆಲಸ ಮಾಡುತ್ತಿದ್ದಾರೆ. ಆದರೆ, ರಾಜ್ಯ ರಾಜಕೀಯಕ್ಕೆ ಹೊಸ ಯೋಜನೆಗಳು, ಹೊಸ ಚಿಂತನೆಗಳು ಬೇಕು. ಪ್ರತ್ಯೇಕವಾಗಿ ಈ ಬಗ್ಗೆ ಚರ್ಚೆಯಾಗಬೇಕು. ನಾಡು, ನುಡಿ, ನೆಲ, ಜಲ ಮತ್ತು ಅಭಿವೃದ್ಧಿ ಕುರಿತಂತೆ ಪ್ರತ್ಯೇಕ ಯೋಜನೆಗಳು ರೂಪುಗೊಳ್ಳಬೇಕು ಎಂದಿದ್ದಾರೆ ಉಪ್ಪಿ. ಅಮಿತ್ ಶಾ ಬೆಂಗಳೂರಿಗೆ ಬರುವ ಬಗ್ಗೆ ಓದಿದ್ದೇನೆಯೇ ಹೊರತು, ಮಿಕ್ಕೇನು ಗೊತ್ತಿಲ್ಲ ಎಂದಿದ್ದಾರೆ.

    ಪ್ರಜಾಕೀಯ.. ಪ್ರಜಾಕಾರಣ 

    ಅಂಹಾಗೆ ಇದು ಉಪೇಂದ್ರ ಕಟ್ಟುತ್ತಿರುವ ಹೊಸ ಪಕ್ಷದ ಹೆಸರು

  • ರಚಿತಾ ಕಣ್ಣೀರು - ಉಪೇಂದ್ರ ಹೇಳಿದ್ದೇನು..?

    rachita ram cries, upendra replies

    ಇನ್ನು ಮುಂದೆ ಹೀಗೆಲ್ಲ ಮಾಡಲ್ಲ ಎನ್ನುತ್ತಲೇ ರಚಿತಾ ರಾಮ್, ನ್ಯೂಸ್ ಚಾನೆಲ್ಲೊಂದರಲ್ಲಿ ಕಣ್ಣೀರಿಟ್ಟಿದ್ದು ದೊಡ್ಡ ಸುದ್ದಿಯಾಗಿದೆ. ಐ ಲವ್ ಯೂ ಚಿತ್ರ ಸಕ್ಸಸ್ ಆಗಿರುವ ವೇಳೆಯಲ್ಲಿ ಚಿತ್ರದ ನಾಯಕಿ ಕಣ್ಣೀರಿಟ್ಟಿರುವುದು ಸಹಜವಾಗಿಯೇ ಚಿತ್ರತಂಡದವರಲ್ಲಿ ಸ್ವಲ್ಪ ಟೆನ್ಷನ್ ಸೃಷ್ಟಿಸಿದೆ. ಅದರಲ್ಲೂ ಚಿತ್ರದ ನಾಯಕ ಉಪೇಂದ್ರ ಅವರಿಗೆ. ಇದಕ್ಕೆ ಅವರು ನೀಡಿರುವ ಪ್ರತಿಕ್ರಿಯೆ ಇಷ್ಟು.

    ``ಹಾಗೇನಿಲ್ಲ, ತಪ್ಪು ಮಾಡಿದೆ ಎನ್ನುವಂತಹ ಯಾವುದೇ ಅಭಾಸ ಜರುಗಿಲ್ಲ. ಪ್ರಚೋದನಾತ್ಮಕವಾಗಿ ಪ್ರಶ್ನೆ ಕೇಳಿದಾಗ ಎಮೋಷನಲ್ ಆಗಿ ಹಾಗೆ ಹೇಳಿರಬಹುದು. ರಚಿತಾ ತುಂಬಾ ಎಮೋಷನಲ್ ಹುಡುಗಿ. ಅವರ ತಾಯಿಯೇ ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದಾರೆ. ಸಿನಿಮಾ ನೋಡಿ, ಇಡೀ ಸಿನಿಮಾ ಬಗ್ಗೆ ಕೇಳದೆ ಅದೊಂದು ದೃಶ್ಯದ ಬಗ್ಗೆಯೇ ಕೇಳುತ್ತಾ ಹೋಗಿದ್ದಕ್ಕೆ ಹೀಗೆಲ್ಲ ಆಗಿದೆ'' ಎಂದಿದ್ದಾರೆ ಉಪೇಂದ್ರ.

    ಇಡೀ ಸಿನಿಮಾದಲ್ಲಿ ರಚಿತಾ ರಾಮ್ ಅವರ ಪಾತ್ರ ಚೆನ್ನಾಗಿದೆ. ತೂಕದಿಂದ ಕೂಡಿದೆ. ಆದರೆ, ಅವರ ಇಡೀ ಪಾತ್ರವನ್ನು ಬಿಟ್ಟು ಅದೊಂದು ಹಾಡಿನ ಬಗ್ಗೆಯೇ ಕೇಳುತ್ತಾ ಹೋದಾಗ ರಚಿತಾ ಸ್ವಲ್ಪ ಕನ್‍ಫ್ಯೂಸ್ ಆಗಿರಬಹುದು ಎಂದಿದ್ದಾರೆ ಉಪೇಂದ್ರ.

  • ರಜನಿ 2.0 ಚಿತ್ರಕ್ಕೆ ಶಿವಣ್ಣ, ಉಪ್ಪಿ ಶುಭ ಹಾರೈಕೆ

    shivarajkumar and upendra wish rajinikanth for 2.0

    sಸೂಪರ್‍ಸ್ಟಾರ್ ರಜನಿಕಾಂತ್ ಅಭಿನಯದ 2.0 ಚಿತ್ರದ ಟ್ರೇಲರ್ ಅದ್ಧೂರಿಯಾಗಿ ಬಿಡುಗಡೆಯಾಗಿದೆ. ರಜನಿಕಾಂತ್, ಅಕ್ಷಯ್ ಕುಮಾರ್, ಆ್ಯಮಿ ಜಾಕ್ಸನ್ ಅಭಿನಯದ ಚಿತ್ರಕ್ಕೆ ಸ್ಟಾರ್ ಡೈರೆಕ್ಟರ್ ಶಂಕರ್ ನಿರ್ದೇಶನವಿದೆ. ಈ ಸಿನಿಮಾಗೆ ಶಿವರಾಜ್ ಕುಮಾರ್ ಮತ್ತು ಉಪೇಂದ್ರ ಶುಭ ಹಾರೈಸಿದ್ದು ವಿಶೇಷವಾಗಿತ್ತು.

    ನಿದೇಶಕ ಶಂಕರ್, ಉಪೇಂದ್ರ ಅವರ ಎ ಚಿತ್ರದಿಂದ ಸ್ಫೂರ್ತಿ ಪಡೆದಿದ್ದೇನೆ ಎಂದು ಹೇಳಿಕೊಂಡರೆ, ಶಿವಣ್ಣ ರಜನಿ ಚಿತ್ರಕ್ಕೆ ಕಾಯುತ್ತಿದ್ದೇನೆ ಎಂದು ಹೇಳಿಕೊಂಡರು.

  • ರಾಕಿಂಗ್ ಸ್ಟಾರ್ ಗೆ ಸಿಕ್ತು ರಿಯಲ್ ಸ್ಟಾರ್ ಶಹಬ್ಬಾಸ್‍ಗಿರಿ

    upendra appreciates yash's dediction

    ರಿಯಲ್ ಸ್ಟಾರ್ ಉಪೇಂದ್ರ, ತಮಗೆ ಇಷ್ಟವಾಗಿದ್ದನ್ನು ಹೇಳೋಕೆ, ಹಿಂದೆ ಮುಂದೆ ನೋಡುವವರಲ್ಲ. ಈಗ ಉಪೇಂದ್ರ, ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಒಂದು ಟ್ವೀಟ್ ಮಾಡಿದ್ದಾರೆ. ಉಪೇಂದ್ರ ಅವರಿಗೆ ಬಹಳ ಇಷ್ಟವಾಗಿರೋದು ಯಶ್ ಅವರ ಡೆಡಿಕೇಷನ್.

    ಕೆಜಿಎಫ್ ಸಿನಿಮಾಗಾಗಿ 2 ವರ್ಷ ಮೀಸಲಿಟ್ಟಿರುವ ಯಶ್ ಅವರ ಈ ಡೆಡಿಕೇಷನ್ ಅಮೋಘ. ಒಂದು ಸಿನಿಮಾಗಾಗಿ ನೀವು ಮಾಡಿರುವ ಈ ಸಮರ್ಪಣಾಮನೋಭಾವದಿಂದ ಕಲಿಯುವುದು ತುಂಬಾ ಇದೆ ಎಂದು ಹೊಗಳಿದ್ದಾರೆ ಉಪೇಂರ್ಧಋ>

    ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್, ಎರಡು ಭಾಗಗಳಲ್ಲಿ ತೆರೆಗೆ ಬರುತ್ತಿದ್ದು, ಮೊದಲನೇ ಭಾಗ ಈ ವರ್ಷ ಬಿಡುಗಡೆಯಾಗಲಿದೆ. ಹೊಂಬಾಳೆ ಬ್ಯಾನರ್‍ನ ಚಿತ್ರದ ಬಗ್ಗೆ ಭಾರಿ ನಿರೀಕ್ಷೆಗಳಿವೆ.

    ಉಪ್ಪಿ ಟ್ವೀಟ್‍ಗೆ ಪ್ರತಿಕ್ರಿಯೆ ನೀಡಿರುವ ಯಶ್, ನಿಮ್ಮ ಹೊಗಳಿಕೆಗೆ ನಾನು ಅಭಾರಿ. ನೀವು ನನಗೆ ಸದಾ ಸ್ಫೂರ್ತಿ. ನಮಗೆ ಇದೇ ರೀತಿ ಪ್ರೇರಣೆ ನೀಡುತ್ತಿರಿ ಎಂದು ಧನ್ಯವಾದ ಅರ್ಪಿಸಿದ್ದಾರೆ.

  • ರಾಜಕೀಯಕ್ಕೆ ಬಂದರೆ, ನಿಜದಂತಿರುವಾ ಸುಳ್ಳಲ್ಲ.. ಸುಳ್ಳುಗಳೆಲ್ಲ ನಿಜವಲ್ಲ ಎನ್ನಲು ಸಾಧ್ಯವಿಲ್ಲ..! 

    upendra in politics

    ‘‘A ಸ್ಟಾರ್ ಈಸ್ ಬಾರ್ನ್​’’. ಉಪೇಂದ್ರ ಅವರ A ಸಿನಿಮಾ ರಿಲೀಸ್ ಆದಾಗ ಚಿತ್ರಪ್ರಭದಲ್ಲಿ ಅಂಥಾದ್ದೊಂದು ಶೀರ್ಷಿಕೆ ನೀಡಲಾಗಿತ್ತು.

    a_launch_upendra_kashinath.jpgಆ ಲೇಖನ ಬರೆದಿದ್ದವರು ಹಿರಿಯ ಪತ್ರಕರ್ತ ಉದಯ ಮರಕಿಣಿ. ಆಗ ಹಲವರು ಅದನ್ನು ಉತ್ಪ್ರೇಕ್ಷೆ ಎಂದಿದ್ದರು. ಅತಿರಂಜಿತ ಎಂದಿದ್ದರು. ಆದರೆ, ಆ ಭವಿಷ್ಯ ಸುಳ್ಳಾಗಲಿಲ್ಲ. ಉಪೇಂದ್ರ ಎಂಬ ನಟ ಸ್ಟಾರ್ ಆಗಿಯೇಬಿಟ್ಟರು. ಅಭಿಮಾನಿಗಳು ಪ್ರೀತಿಯಿಂದ ರಿಯಲ್ ಸ್ಟಾರ್ ಎಂದು ಕರೆದರು.

    ಉಪೇಂದ್ರ ಅವರಷ್ಟೇ ಅಲ್ಲ, ಅವರ ಐಡಿಯಾಗಳೂ ವಿಚಿತ್ರವೇ. ಸಿನಿಮಾದಲ್ಲೂ ಅಷ್ಟೆ.. ಚಿತ್ರರಂಗದಲ್ಲೂ ಅಷ್ಟೆ. ಒಂದು ಕಥೆಯೊಳಗೆ ಹತ್ತಾರು ಕಥೆಗಳನ್ನು ಸೇರಿಸಿ, ಗೊಂದಲ ಸೃಷ್ಟಿಸುತ್ತಲೇ ಕಥೆ ಹೇಳುವ ಶೈಲಿಯನ್ನು ಪರಿಚಯಿಸಿದ್ದೇ ಉಪೇಂದ್ರ. ಕೆಲವರು ಅದನ್ನು ನಕಲು ಮಾಡುವ ಯತ್ನ ಮಾಡಿ ನಗೆಪಾಟಲಿಗೀಡಾದರು. ಒಂದೇ ಸಿನಿಮಾದಲ್ಲಿ ಹತ್ತಾರು ಫ್ಲ್ಯಾಶ್​ಬ್ಯಾಕ್​ಗಳನ್ನು, ಫ್ಲ್ಯಾಶ್​ಬ್ಯಾಕುಗಳ ಒಳಗೆ ಫ್ಲ್ಯಾಶ್​ಬ್ಯಾಕುಗಳನ್ನು ತೋರಿಸಿ ಗೆದ್ದಿದ್ದು ಉಪೇಂದ್ರ.

    a_upendra.jpgA ಸಿನಿಮಾದಲ್ಲಂತೂ ಸಿನಿಮಾ ಶುರುವಾದ ಹತ್ತೇ ನಿಮಿಷದಲ್ಲಿ THE END ಎಂದು ಕಾಣಿಸಿದಾಗ ಪ್ರೇಕ್ಷಕ ಗೊಂದಲಕ್ಕೆ ಬಿದ್ದಿದ್ದ.  ಕಡ್ಡಾಯವಾಗಿ ಬುದ್ದಿವಂತರಿಗೆ ಮಾತ್ರ ಎಂದು ಟ್ಯಾಗ್​ಲೈನ್ ಕೊಟ್ಟು, ಬುದ್ದಿವಂತರಲ್ಲದವರನ್ನೂ ಚಿತ್ರಮಂದಿರಕ್ಕೆ ಸೆಳೆದಿದ್ದ ಉಪೇಂದ್ರ ತಂತ್ರಕ್ಕೆ ಚಿತ್ರರಂಗ ಬೆರಗಾಗಿತ್ತು.

    ಹಾಗೆ ನೋಡಿದರೆ ನಟ ಉಪೇಂದ್ರಗಿಂತ ಪ್ರೇಕ್ಷಕರಿಗೆ ನಿರ್ದೇಶಕ ಉಪೇಂದ್ರ ಅವರೇ ಇಷ್ಟ. ಗುರು ಕಾಶೀನಾಥ್​ರ ಡಬಲ್ ಮೀನಿಂಗ್​ನ ಪರಾಕಾಷ್ಠೆ ತೋರಿಸಿದ್ದು ತರ್ಲೆ ನನ್ಮಗ ಉಪೇಂದ್ರ. ಅವರ 2ನೇ ಚಿತ್ರ ಶ್, ಇಂದಿಗೂ ಕನ್ನಡದ ಬೆಸ್ಟ್ ಹಾರರ್ ಮೂವಿಗಳಲ್ಲೊಂದು.

    upendra_om1.jpgಓಂ ಚಿತ್ರ ಶಿವರಾಜ್​ ಕುಮಾರ್​ ಚಿತ್ರಜೀವನದಲ್ಲಷ್ಟೇ ಅಲ್ಲ, ಕನ್ನಡ ಚಿತ್ರರಂಗದಲ್ಲೇ ಸಾಹಸೀ ಪ್ರಯತ್ನ. A ಚಿತ್ರದಲ್ಲಿ ಕೂಡಾ ರಾಜಕೀಯದ ಎಳೆಯಿತ್ತಾದರೂ, ಪ್ರೇಮಕಥೆಯ ಮಧ್ಯೆ ಅದು ಅಷ್ಟಾಗಿ ಗಮನ ಸೆಳೆದಿರಲಿಲ್ಲ. ತಮ್ಮ ಹೆಸರನ್ನೇ ಚಿತ್ರದ ಟೈಟಲ್ ಆಗಿಸಿ, ತಾವೇ ನಿರ್ದೇಶಿಸಿ, ನಟಿಸಿ ಗೆದ್ದ ಇನ್ನೊಬ್ಬ ನಟ, ನಿರ್ದೇಶಕ ಭಾರತೀಯ ಚಿತ್ರರಂಗದಲ್ಲೇ ಇಲ್ಲ. 

    ಅಂಥಾ ಉಪ್ಪಿ ಹೊಸ ‘ರಾಜಕೀಯ’ ಸಾಹಸಕ್ಕೆ ಕೈ ಹಾಕಿದ್ದಾರೆ. ಅದು ಅವರು ಇದುವರೆಗೆ ಸಕ್ರಿಯವಾಗಿ ತೊಡಗಿಕೊಳ್ಳದೇ ಇರುವ ಕ್ಷೇತ್ರ. ಸಿನಿಮಾಗಳಲ್ಲಿ ಸುಳ್ಳನ್ನು ಸುಳ್ಳು ಎಂದೇ ಹೇಳಿ ಜನರನ್ನು ಮೆಚ್ಚಿಸಬಹುದು. ರಾಜಕೀಯದಲ್ಲಿ ಹಾಗಲ್ಲ. ಅದಕ್ಕೆ ಉಲ್ಟಾ. ಅಲ್ಲಿ ಸುಳ್ಳನ್ನು ಸತ್ಯವೆಂದೇ ಸಾಧಿಸಬೇಕು. ಸಾಧಿಸಿ ಗೆಲ್ಲಬೇಕು.

    operation_antha_launch.jpgಫಿಲ್ಟರ್ ಇಲ್ಲದೆ ಮಾತನಾಡುತ್ತೇನೆ ಎನ್ನುವ ಉಪ್ಪಿ, ರಾಜಕೀಯದಲ್ಲಿ ಅದೆಷ್ಟು ಫಿಲ್ಟರ್​ ಹಾಕಿಕೊಳ್ಳಬೇಕೋ..ಗೊತ್ತಿಲ್ಲ. ಸಿನಿಮಾದಲ್ಲಿ ಸತ್ಯವನ್ನೇ ತೋರಿಸಿದರೂ, ಚಿತ್ರದ ಪ್ರಾರಂಭದಲ್ಲಿ ‘ಈ ಚಿತ್ರದಲ್ಲಿನ ಕಥೆ, ಪಾತ್ರ, ಸನ್ನಿವೇಶ ಎಲ್ಲವೂ ಕಾಲ್ಪನಿಕ. ಯಾವುದೇ ಸತ್ಯ ಘಟನೆ, ವ್ಯಕ್ತಿಗೆ ಇದು ಹೋಲಿಕೆಯಾದಲ್ಲಿ ಅದು ಕೇವಲ ಕಾಕತಾಳೀಯ’’ ಎಂದು ತೋರಿಸಿ ಬಚಾವ್ ಆಗಬಹುದು. 

    ಆದರೆ, ಅಲ್ಲಿಯೂ ಉಪೇಂದ್ರ ವಿಶಿಷ್ಟತೆ ಮೆರೆದುಬಿಟ್ಟಿದ್ದಾರೆ. ಉಪೇಂದ್ರ ಚಿತ್ರದಲ್ಲಿಯೇ ಪ್ರಾರಂಭದಲ್ಲಿ ‘ಈ ಚಿತ್ರದಲ್ಲಿ ಬರುವ ಪ್ರತಿ ಘಟನೆ, ಸನ್ನಿವೇಶವೂ ಸತ್ಯ’’ ಎಂದು ತೋರಿಸಿ ಗೆದ್ದಿದ್ದ ನಟ ಉಪೇಂದ್ರ. ಆದರೆ ರಾಜಕೀಯ ಹಾಗಲ್ಲ. ಅದರಲ್ಲೂ ಆದರ್ಶಗಳನ್ನೇ ಮೈತುಂಬಾ ಹೊದ್ದುಕೊಂಡಿರುವವರನ್ನು ರಾಜಕಾರಣ ಅಷ್ಟು ಸುಲಭವಾಗಿ ಒಳಗೆ ಬಿಟ್ಟುಕೊಳ್ಳುವುದಿಲ್ಲ. ಎಂಥ ಬುದ್ದಿವಂತರೇ ಆಗಿದ್ದರೂ, ಅರ್ಥವಾಗುವುದಿಲ್ಲ. 

    ಕರ್ನಾಟಕದಲ್ಲಿ ರಾಜಕೀಯಕ್ಕೂ, ಸಿನಿಮಾಗೂ ಸಂಬಂಧ ಅಷ್ಟಕ್ಕಷ್ಟೆ. ಸಿನಿಮಾದಿಂದ ರಾಜಕೀಯಕ್ಕೆ ಹೋಗಿ ಅತ್ಯುನ್ನತ ಸ್ಥಾನ ಅಲಂಕರಿಸಿದವರಲ್ಲಿ ನಂಬರ್ ಒನ್ ಎಂದರೆ ಅಂಬರೀಷ್ ಮಾತ್ರ. ರಾಜ್​ಕುಮಾರ್​ಗೆ ಅಂತಹ ಸ್ಥಾನ ಸಿಗುತ್ತಿತ್ತೇನೋ..

    upendra_stars_politics.jpgಆದರೆ, ರಾಜಕೀಯದ ಸಹವಾಸವೇ ಬೇಡ ಎಂದ ರಾಜ್, ಕನ್ನಡಿಗರ ಮನಸ್ಸಿನಲ್ಲಿ, ಹೃದಯದಲ್ಲಿ ರಾಜಕುಮಾರನಾಗಿಯೇ ಉಳಿದು ಹೋದರು. ಅವರನ್ನು ಬಿಟ್ಟರೆ ಅನಂತ್​ನಾಗ್, ಉಮಾಶ್ರೀ , ರಮ್ಯಾ, ಮುಖ್ಯಮಂತ್ರಿ ಚಂದ್ರು, ಬಿ.ಸಿ.ಪಾಟೀಲ್, ತಾರಾ ಅನುರಾಧ, ಜಯಮಾಲ, ಶ್ರೀನಾಥ್ ಮುಂತಾದವರು ಸಿಗುತ್ತಾರೆ. ಆದರೆ, ಅವರೆಲ್ಲ ಕಲಾವಿದರು ಎಂಬ ಕಾರಣಕ್ಕಷ್ಟೇ ಗೆದ್ದವರಲ್ಲ. ರಾಜಕೀಯದಲ್ಲಿ ಬೆವರು ಬಸಿದ ಮೇಲೇ ಗೆಲುವು ದಕ್ಕಿದ್ದು. ಮಾಳವಿಕಾ ಅವಿನಾಶ್, ಭಾವನಾ, ಶಿಲ್ಪಾ ಗಣೇಶ್, ಸಾಯಿಕುಮಾರ್, ಪೂಜಾ ಗಾಂಧಿ, ರಕ್ಷಿತಾ ಮೊದಲಾದವರು ಈಗಲೂ ಬೆವರು ಸುರಿಸುತ್ತಲೇ ಇದ್ದಾರೆ.

    ಅದಕ್ಕೆ ಕಾರಣ, ಕನ್ನಡಿಗರ ಮನಸ್ಥಿತಿ. ಆಂಧ್ರಪ್ರದೇಶ, ತಮಿಳುನಾಡಿನ ಕಥೆಯೇ ಬೇರೆ. ಕರ್ನಾಟಕವೇ ಬೇರೆ. ಕರ್ನಾಟಕದಲ್ಲಿ ಡೈಲಾಗುಗಳು, ಸಿನಿಮಾಗಳು ಆಕರ್ಷಣೆಗಳಷ್ಟೇ ಹೊರತು, ಮತಗಳಾಗುವುದಿಲ್ಲ. ಜನಪ್ರಿಯತೆಯ ಉತ್ತುಂಗದಲ್ಲಿದ್ದಾಗಲೇ ಅಂಬರೀಷ್, ರಮ್ಯಾರಂತಹ ಸ್ಟಾರ್​ಗಳನ್ನು ಮನೆಗೆ ಕಳಿಸಿದ ಇತಿಹಾಸ ಕರ್ನಾಟಕಕ್ಕಿದೆ.

    super_upendra1_hairstyle.jpgಅಂತಹ ರಾಜಕೀಯದ ಇತಿಹಾಸದ ಪುಟ ಸೇರುವ ಸುಳಿವು ನೀಡಿದ್ದಾರೆ ಉಪೇಂದ್ರ. ಗೆಲ್ಲಲಿ ಎಂಬುದು ಹಾರೈಕೆ. ಏಕೆಂದರೆ, ಅವರಲ್ಲಿ ಕನಸುಗಳಿವೆ. ಧ್ಯೇಯೋದ್ದೇಶಗಳಿವೆ. ಐಡಿಯಾಗಳಿವೆ. ಎಲ್ಲಕ್ಕಿಂತ ಮಿಗಿಲಾಗಿ ಈಗಿನ ರಾಜಕಾರಣದಲ್ಲಿ ಇಲ್ಲವೇ ಇಲ್ಲ ಎನ್ನುವಷ್ಟು ವಿರಳವಾಗಿರುವ ಪ್ರಾಮಾಣಿಕತೆಯಿದೆ.

  • ರಾಜಕೀಯಕ್ಕೆ ಬರ್ತಾರಾ ಉಪೇಂದ್ರ..? ಯಾವಾಗ ಬರ್ತಾರೆ..? 

    upendra still

    ನಟ ಉಪೇಂದ್ರ ಉಳಿದ ನಟರ ಹಾಗಲ್ಲ. ರಾಜಕೀಯವಾಗಿ ತಮ್ಮ ನಿಲುವುಗಳ ಬಗ್ಗೆ ಅತ್ಯಂತ ಸ್ಪಷ್ಟತೆ ಇಟ್ಟುಕೊಂಡಿರುವ ನಟ. ರಾಜಕೀಯದಲ್ಲಿ ಏನೇ ಬೆಳವಣಿಗೆಯಾಗಲಿ, ಅದು ನನಗೆ ಅರ್ಥವಾಗುವುದಿಲ್ಲ, ನನಗೆ ಗೊತ್ತಿಲ್ಲ ಎಂದು ಹೇಳಿಕೊಂಡು ಕೂರುವವರೂ ಅಲ್ಲ. ಅದು ಈಗಾಗಲೇ ಹಲವು ಬಾರಿ ಸಾಬೀತಾಗಿದೆ.

    ನೋಟ್​ಬ್ಯಾನ್ ಮಾಡುವ ವರ್ಷಕ್ಕೆ ಮುಂಚೆಯೇ, ಇಂಥಾದ್ದೊಂದು ಕ್ರಮದಿಂದ ಕಪ್ಪುಹಣವನ್ನು ಮಟ್ಟ ಹಾಕಬಹುದು ಎಂಬ ಚಿಂತನೆಯನ್ನು ಬಹಿರಂಗವಾಗಿಯೇ ಹೇಳಿದ್ದವರು ಉಪೇಂದ್ರ. ತಮ್ಮ ಸಿನಿಮಾಗಳಲ್ಲಿ ರಾಜಕೀಯ ಸಂದೇಶಗಳನ್ನು ಹೇಳುವಲ್ಲಿಯೂ ಅವರು ಹಿಂದೆ ಬಿದ್ದಿಲ್ಲ. ಕೆಲವು ಉತ್ಪ್ರೇಕ್ಷೆಯೆನಿಸಿದರೂ, ಅದನ್ನು ಸಿನಿಮಾದಲ್ಲಿ ಎಷ್ಟು ಬೇಕೋ ಅಷ್ಟು ಸ್ಪಷ್ಟವಾಗಿ, ಸಿನಿಮಾ ಆದ್ದರಿಂದ ತುಸು ರಂಜನಾತ್ಮಕವಾಗಿ ಹೇಳಿಕೊಂಡೇ ಬಂದವರು ಉಪೇಂದ್ರ. ಲೋಕಪಾಲ್​ ಚಳವಳಿ ಆರಂಭವಾದಾಗ, ಅಣ್ಣಾ ಹಜಾರೆಯವರ ಜೊತೆ ಬಹಿರಂಗವಾಗಿಯೇ ಗುರುತಿಸಿಕೊಂಡಿದ್ದವರು.

    ಇತ್ತೀಚೆಗೆ, ಜಿಎಸ್​ಟಿ ಬಗ್ಗೆ, ಐಟಿ ರೇಡುಗಳ ಬಗ್ಗೆ ತಮ್ಮದೇ ನಿಲುವು ವ್ಯಕ್ತಪಡಿಸಿದ್ದ ಉಪೇಂದ್ರ, ರಾಜಕೀಯಕ್ಕೆ ಬರುತ್ತಾರೆ ಎನ್ನುವ ಸುದ್ದಿ ತುಂಬಾ ವರ್ಷಗಳಿಂದ ಇದೆ. ಆದರೆ, ಇಂಥಾದ್ದೊಂದು ಪ್ರಶ್ನೆ ಕೇಳಿ ಬಂದಾಗಲೆಲ್ಲ, ನೋಡೋಣ ಎನ್ನುತ್ತ ಅಡ್ಡಗೋಡೆಯ ಮೇಲೆ ದೀಪವಿಡುತ್ತಿದ್ದ ಉಪೇಂದ್ರ, ಈಗ ರಾಜಕೀಯಕ್ಕೆ ಎಂಟ್ರಿ ಕೊಡುವ ಬಗ್ಗೆ ಗಂಭೀರವಾಗಿ ಆಲೋಚಿಸುತ್ತಿದ್ದಾರಂತೆ. ಆದರೆ, ರಾಜಕೀಯ ಮಾರ್ಗದಲ್ಲಿ ಬರಬೇಕೋ ಅಥವಾ ಸಮಾಜಮುಖಿ ಕೆಲಸಗಳ ಮೂಲಕ ಜನರಿಗೆ ಹತ್ತಿರವಾಗಬೇಕೋ ಎಂಬ ಬಗ್ಗೆ ಅವರಿಗೆ ಇನ್ನೂ ಸ್ಪಷ್ಟತೆ ಸಿಕ್ಕಿಲ್ಲ.

    ಸದ್ಯಕ್ಕಂತೂ ಉಪೇಂದ್ರ ಎಂದಿನಂತೆ ನಿಗೂಢತೆ ಕಾಯ್ದುಕೊಂಡಿದ್ದಾರೆ. ಕೆಲವೇ ದಿನಗಳಲ್ಲಿ ಸ್ಪಷ್ಟ ಉತ್ತರ ಸಿಕ್ಕರೂ ಸಿಗಬಹುದು. ಇಂಥ ಪ್ರಶ್ನೆಗಳ ಮಧ್ಯೆ ಉಪೇಂದ್ರ ಸ್ಪಷ್ಟವಾಗಿ ಹೇಳಿರುವ ಒಂದೇ ಒಂದು ಮಾತೆಂದರೆ, ಚಾಮರಾಜಪೇಟೆಯಿಂದ ಅವರು ಕಣಕ್ಕಿಳಿಯುತ್ತಿಲ್ಲ. ಅಂದಹಾಗೆ ರಾಜಕೀಯಕ್ಕೆ ಬಂದರೆ ಯಾವ ಪಕ್ಷದಿಂದ ಬರಬೇಕು ಎಂಬ ಬಗ್ಗೆ ಕೂಡಾ ಉಪೇಂದ್ರ ಅವರಿಗೆ ಇನ್ನೂ ಸ್ಪಷ್ಟತೆ ಇದ್ದ ಹಾಗಿಲ್ಲ.

    ಇತ್ತೀಚೆಗೆ ಕೆಲವು ತಿಂಗಳಿಂದ  ರಾಜಕೀಯ ಹಾಗೂ ಸಾಮಾಜಿಕ ವಿಷಯಗಳಲ್ಲಿ ತಮ್ಮ ಸ್ಪಷ್ಟ ನಿಲುವುಗಳನ್ನು ಟ್ವೀಟರ್ ಹಾಗೂ ಸುದ್ದಿ ವಾಹಿನಿಗಳ ಮೂಲಕ ಬಹಿರಂಗಪಡಿಸು ತ್ತಲೇ ಇರುವ ಉಪೇಂದ್ರ, ಅವುಗಳನ್ನು ರಿಯಲ್ ಮಾಡುವ ಚಿಂತನೆಯಲ್ಲಿರುವುದಂತೂ ಹೌದು. ಅದಕ್ಕಾಗಿ ಅವರು ರಾಜಕೀಯ ರಂಗ ಪ್ರವೇಶಿಸುವ ಚಿಂತನೆಯಲ್ಲಿ ಇದ್ದಾರೆ ಎನ್ನುತ್ತಾರೆ ಉಪೇಂದ್ರ ಅವರ ಒಬ್ಬ ರಾಜಕೀಯ ಚಿಂತನ ಸಹವರ್ತಿ. ಇಷ್ಟಕ್ಕೂ ಉಪೇಂದ್ರ ರಿಯಲ್ಲಾಗಿ ರಾಜಕೀಯ ಪ್ರವೇಶ ಮಾಡುತ್ತಾರಾ? ಬಹುಶಃ ಒಂದೆರಡು ತಿಂಗಳಲ್ಲಿ ಉತ್ತರ ಸಿಗಬಹುದು.

  • ರಾಜ್-ಪಾರ್ವತಮ್ಮ ಪ್ರೀತಿಗೆ ಉಪ್ಪಿ ಹೇಳಿದ್ದೇನು..?

    upendra talks about rajkumar parvathamma love story

    ಬೇರೆಯದ್ದೇ ರೀತಿಯಲ್ಲಿ ಲವ್ ಸ್ಟೋರಿ ಹೇಳಲು ಬರುತ್ತಿರುವ ಐ ಲವ್ ಯೂ ಚಿತ್ರದ ಪ್ರಚಾರದ ವೇಳೆ, ಉಪೇಂದ್ರ ರಾಜ್‍ಕುಮಾರ್ ಮತ್ತು ಪಾರ್ವತಮ್ಮನವರ ಲವ್ ಬಗ್ಗೆ ಒಂದು ಕಥೆ ಹೇಳಿದ್ದಾರೆ. ಎಲ್ಲವೂ ಪ್ರೀತಿಸಿದವರಿಗೆ ಐ ಲವ್ ಯೂ ಅನ್ನೋಕಾಗಲ್ಲ ಎಂದಿರುವ ಉಪ್ಪಿ ರಾಜ್-ಪಾರ್ವತಮ್ಮ ನಡುವಿನ ಪ್ರೀತಿಯ ಬಗ್ಗೆ ತಾವು ಕೇಳಿರುವ ಕಥೆಯೊಂದನ್ನು ಹೇಳಿದ್ದಾರೆ.

    ರಾಜ್ ಯಾವಾಗಲೂ ಶೂಟಿಂಗಿನಲ್ಲಿರುತ್ತಿದ್ದರು. ಐ ಲವ್ ಯೂ ಹೇಳೋದು ಅಷ್ಟು ಸುಲಭವಾಗಿರಲಿಲ್ಲ. ಆದರೆ, ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರು. ಆಗೆಲ್ಲ ರಾಜ್ ಅವರ ಪಂಚೆಯ ತುದಿಯನ್ನು ಬೆರಳಿಗೆ ಸುತ್ತಿಕೊಂಡು ಒಂಟಿತನ ಮರೆಯುತ್ತಿದ್ದರಂತೆ. ಅದು ಗ್ರೇಟ್ ಲವ್ ಎಂದಿದ್ದಾರೆ ಉಪ್ಪಿ.

    ಈಗ ಉಪೇಂದ್ರ-ರಚಿತಾ ರಾಮ್-ಸೋನುಗೌಡ ನಡುವಿನ ಲವ್‍ಸ್ಟೋರಿ ಗ್ರೇಟ್ ಲವ್ ಸ್ಟೋರಿನಾ..? ಆರ್.ಚಂದ್ರು ಸೃಷ್ಟಿಸಿರುವ ಪ್ರೀತಿಯ ಮಾಯಾಜಾಲ ಹೇಗಿದೆ ಅನ್ನೋದನ್ನ ಥಿಯೇಟರಿನಲ್ಲಿ ನೋಡಿ, ಖುಷಿಪಡಿ. 

     

  • ರಿಯಲ್ ಕ್ರೇಜಿ ಕಾಂಬಿನೇಷನ್‍ಗೆ ಅಣ್ಣಾವ್ರ ಸಿನಿಮಾ ಟೈಟಲ್

    ravi chandran movie title

    ಕ್ರೇಜಿ ಸ್ಟಾರ್ ರವಿಚಂದ್ರನ್ ಮತ್ತು ರಿಯಲ್ ಸ್ಟಾರ್ ಉಪೇಂದ್ರ ಕಾಂಬಿನೇಷನ್‍ನ ಸಿನಿಮಾ ಆಗಸ್ಟ್ 20ಕ್ಕೆ ಸೆಟ್ಟೇರುತ್ತಿದೆ. ಇದು ಓಂಪ್ರಕಾಶ್ ರಾವ್ ನಿರ್ದೇಶನದ ಚಿತ್ರ. ಚಿತ್ರ ತೆಲುಗಿನ ಬಲುಪು ಚಿತ್ರದ ರೀಮೇಕ್ ಎನ್ನಲಾಗಿದ್ದು, ರವಿತೇಜ ಪಾತ್ರದಲ್ಲಿ ಉಪೇಂದ್ರ ಹಾಗೂ ಪ್ರಕಾಶ್ ರೈ ಪಾತ್ರದಲ್ಲಿ ರವಿಚಂದ್ರನ್ ನಟಿಸಲಿದ್ದಾರೆ. ಈಗ ಚಿತ್ರಕ್ಕೆ ರವಿಚಂದ್ರ ಅನ್ನೋ ಟೈಟಲ್ ಫೈನಲ್ ಮಾಡಿದ್ದಾರೆ.

    ರವಿಚಂದ್ರ, ಡಾ.ರಾಜ್ ಅಭಿನಯಿಸಿದ್ದ ಸಿನಿಮಾ. ಡಾ.ರಾಜ್, ಲಕ್ಷ್ಮಿ ನಟಿಸಿದ್ದ ಚಿತ್ರ. ರಾಜ್ ದ್ವಿಪಾತ್ರದಲ್ಲಿ ನಟಿಸಿದ್ದರು. ಸುಮಲತಾ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದು ಇದೇ ಸಿನಿಮಾದ ಮೂಲಕ. 1980ರಲ್ಲಿ ರಿಲೀಸ್ ಆಗಿದ್ದ ಆ ಚಿತ್ರಕ್ಕೆ ಎ.ವಿ.ಶೇಷಗಿರಿರಾವ್ ನಿರ್ದೇಶಕರು. ಈಗ.. 2018ರಲ್ಲಿ ಸೆಟ್ಟೇರುತ್ತಿರುವ ಈ ಚಿತ್ರಕ್ಕೆ ಓಂಪ್ರಕಾಶ್ ರಾವ್ ನಿರ್ದೇಶಕರು. ಕನಕಪುರ ಶ್ರೀನಿವಾಸ್ ನಿರ್ಮಾಣದ ಚಿತ್ರದಲ್ಲಿ ಶಾನ್ವಿ ಶ್ರೀವಾಸ್ತವ್ ನಾಯಕಿ.

  • ರಿಯಲ್ ಪಾಲಿಟಿಕ್ಸ್​ಗೆ REAL STAR..?  ನಾಳೆ ಅಧಿಕೃತವಾಗುತ್ತಾ..?

    upendra in brahma

    ರಿಯಲ್ ಸ್ಟಾರ್ ಎಂದೇ ಅಭಿಮಾನಿಗಳಿಂದ ಕರೆಸಿಕೊಳ್ಳುವ ನಟ ಉಪೇಂದ್ರ ರಾಜಕೀಯ ಪ್ರವೇಶ ಸುದ್ದಿ ಚರ್ಚೆಯಲ್ಲಿದೆ. ಫಿಲ್ಟರ್ ಇಲ್ಲದ ಮಾತುಗಳಿಗೆ ಫೇಮಸ್ ಆಗಿರುವ ಉಪೇಂದ್ರ, ರಾಜಕೀಯ ಪ್ರವೇಶ ವಿಚಾರದಲ್ಲಿ ಮಾತ್ರ ಹಾಗಿಲ್ಲ. ನೋಡೋಣ... ಎಲ್ಲ ದೇವರ ಇಚ್ಚೆ.. ಕಾಲ ಬಂದಾಗ ಉತ್ತರ ಸಿಗುತ್ತೆ.. ಇಂಥವೇ ಉತ್ತರಗಳ ಮೂಲಕ ನುಣುಚಿಕೊಳ್ಳುವುದೇ ಹೆಚ್ಚು.

    ಈಗ ಆ ಎಲ್ಲ ನಿಗೂಢ ಉತ್ತರಗಳಿಗೂ ಸ್ಪಷ್ಟತೆ ಸಿಗಲಿದೆಯಾ..? ಏಕೆಂದರೆ, ಸುದ್ದಿ ಬ್ರೇಕ್ ಆಗುತ್ತಿದ್ದಂತೆ ಉಪೇಂದ್ರ ಸುದ್ದಿಗೋಷ್ಟಿ ಕರೆದಿದ್ದಾರೆ. ನಾಳೆ 11 ಗಂಟೆಗೆ ನಡೆಯಲಿರುವ ಸುದ್ದಿಗೋಷ್ಟಿಯಲ್ಲಿ ರಾಜಕೀಯ ಪ್ರವೇಶದ ವಿಚಾರವನ್ನು ಉಪೇಂದ್ರ ಅಧಿಕೃತವಾಗಿ ಘೋಷಿಸುತ್ತಾರಾ..? ಉತ್ತರಕ್ಕೆ ನಿರೀಕ್ಷಿಸಿ. ನಾಳೆ (ಅಕ್ಟೋಬರ್ 12,2017)  11 ಗಂಟೆ.

    Related Articles :-

    ರಾಜಕೀಯಕ್ಕೆ ಬರ್ತಾರಾ ಉಪೇಂದ್ರ..? ಯಾವಾಗ ಬರ್ತಾರೆ..? 

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery