` upendra, - chitraloka.com | Kannada Movie News, Reviews | Image

upendra,

  • ಆಪರೇಷನ್ ಅಂತ : ಅಭಿಷೇಕ್, ಅಂಬರೀಷ್, ಎಸ್‍ವಿಆರ್‍ಗೆ ನೆನಪುಗಳ ಆಪರೇಷನ್

    operation antha image

    ಅಂಬರೀಷ್ ಹಲವರ ಪಾಲಿಗೆ ನೆನಪು.. ಇನ್ನೂ ಕೆಲವರ ಪಾಲಿಗೆ ಅಂಬರೀಷ್ ಇವತ್ತಿಗೂ ಜೊತೆಯಲ್ಲಿರುವ ಗೆಳೆಯ.. ಮನೆಯವರ ಕಣ್ಣಲ್ಲಿ ಅಂಬಿ ಇವತ್ತಿಗೂ ಜೊತೆಯಲ್ಲೇ ಇದ್ದಾರೆ... ಇದು ಅಂತಹ ನೆನಪುಗಳ ಆಪರೇಷನ್ ಕಥೆ.

     #Antha #OperationAntha #Upendra #AbhishekhGowda #Ambareesh #Sumalatha #RajendraSinghBabu #SuperhitMovie

  • ಆಲ್ ದಿ ಬೆಸ್ಟ್ ಉಪ್ಪಿ - ಶಿವಣ್ಣ ಶುಭಾಶಯ

    shivarajkumar wishes upendra

    ಉಪ್ಪಿ ತುಂಬಾ ಬುದ್ಧಿವಂತರು. ಅಂಥವರು ರಾಜಕೀಯಕ್ಕೆ ಬರಬೇಕು. ಅವರಲ್ಲಿ ಒಳ್ಳೊಳ್ಳೆಯ ಆಲೋಚನೆಗಳಿವೆ. ಆಲ್ ದಿ ಬೆಸ್ಟ್ ಉಪ್ಪಿ. ಇದು ಉಪೇಂದ್ರ ರಾಜಕೀಯ ಪ್ರವೇಶಕ್ಕೆ ಶಿವರಾಜ್ ಕುಮಾರ್ ಶುಭಹಾರೈಕೆ.

    ನಮಗೆ ಎಂಥಹ ಜನಪ್ರತಿನಿಧಿಗಳು ಬೇಕು ಅನ್ನೋದನ್ನ ಜನರೂ ಅರ್ಥ ಮಾಡಿಕೊಳ್ಳಬೇಕು. ಪ್ರಜಾಪ್ರಭುತ್ವದಲ್ಲಿ ಜನರ ಪಾತ್ರವೇ ದೊಡ್ಡದು ಎಂದು ಅಭಿಪ್ರಾಯಟ್ಟಿದ್ದಾರೆ ಶಿವರಾಜ್ ಕುಮಾರ್.

    Related Articles :-

    ಉಪೇಂದ್ರ ರಾಜಕೀಯ ಪ್ರವೇಶಕ್ಕೆ ಯಶ್ ಶುಭ ಹಾರೈಕೆ

  • ಇತಿಹಾಸ ಸೃಷ್ಟಿಸಿದ್ದ ಓಂಗೆ 25 ವರ್ಷ

    Shivarajkumar In Om Movie

    ಓಂ. 1995ರಲ್ಲಿ ರಿಲೀಸ್ ಆದ ಸಿನಿಮಾ. ಕನ್ನಡದಲ್ಲಿ ರೌಡಿಸಂ ಚಿತ್ರಗಳಿಗೆ ಓಂಕಾರ ಹಾಕಿದ ಸಿನಿಮಾ. ಶಿವರಾಜ್ ಕುಮಾರ್ ಇಮೇಜ್ ಬದಲಿಸಿದ ಸಿನಿಮಾ. ಉಪೇಂದ್ರ ನಿರ್ದೇಶನದ ಸಿನಿಮಾ ಕೇವಲ ಕನ್ನಡದಲ್ಲಷ್ಟೇ ಅಲ್ಲ, ದಕ್ಷಿಣ ಭಾರತ ಚಿತ್ರರಂಗದಲ್ಲೇ ದಾಖಲೆ ಸೃಷ್ಟಿಸಿದ ಚಿತ್ರ. ಆ ಚಿತ್ರ ರಿಲೀಸ್ ಆಗಿ 25 ವರ್ಷಗಳಾಗಿವೆ. ಅಂದಹಾಗೆ ಅತೀ ಹೆಚ್ಚು ಬಾರಿ ರೀ-ರಿಲೀಸ್ ಆದ ಚಿತ್ರವೂ ಓಂ. ಅಷ್ಟೇ ಏಕೆ, ಪ್ರತಿ ಬಾರಿ ರಿಲೀಸ್ ಆದಾಗಲೂ ಬಾಕ್ಸಾಫೀಸ್‍ನಲ್ಲಿ ಯಶಸ್ಸು ಕಂಡ ಸಿನಿಮಾ ಓಂ.

     

    ಶಿವರಾಜ್ ಕುಮಾರ್, ಪ್ರೇಮಾ, ಶ್ರೀಶಾಂತಿ ಪ್ರಧಾನ ಪಾತ್ರದಲ್ಲಿ ಚಿತ್ರದಲ್ಲಿ ರಿಯಲ್ ರೌಡಿಗಳೂ ಕಾಣಿಸಿಕೊಂಡಿದ್ದರು. ಹೀಗೆ ಹಲವಾರು ಸಂಚಲನ ಸೃಷ್ಟಿಸಿದ್ದ ಚಿತ್ರದ ರಜತ ಮಹೋತ್ಸವನ್ನು ಚಿತ್ರತಂಡ ವಿಶೇಷವಾಗಿಯೇ ಆಚರಿಸುತ್ತಿದೆ.

    OM 550 Releases In 20 Years - Exclusive

    ಶಿವರಾಜ್ ಕುಮಾರ್ ಅಭಿಮಾನಿಗಳು ಮೇ 18ರಂದು ಟ್ವಿಟರ್‍ನಲ್ಲಿ ಕಾಮನ್ ಡಿಪಿ ಸೃಷ್ಟಿಸುತ್ತಿದ್ದಾರೆ. ಅಭಿಮಾನಿಗಳ ಜೊತೆ ಕೈ ಜೋಡಿಸಿರುವುದು ನಿರ್ದೇಶಕರಾದ ಸಂತೋಷ್ ಆನಂದ ರಾಮ್, ಸಿಂಪಲ್ ಸುನಿ, ಬಹದ್ದೂರ್ ಚೇತನ್, ಪವನ್ ಒಡೆಯರ್, ರಿಷಬ್ ಶೆಟ್ಟಿ, ಯೋಗಿ ಜಿ.ರಾವ್. ಇದೆಲ್ಲದರ ಜೊತೆ ಇನ್ನೂ ಹಲವು ಅಚ್ಚರಿಗಳಿವೆ.

    Om To Re-Release in New Technology - Exclusive

    OM 550 Releases In 20 Years - Exclusive

  • ಉಪೇಂದ್ರ ತಾಳಿ ಕಟ್ಟೋಕೆ ಅಡ್ಡಿಯಾದವರು ಚಿಂದಿ ಚಿಂದಿ

    buddivantha 2 specalty

    ಉಪೇಂದ್ರ ಇನ್ನೇನು ಆ ಶೃಂಗಾರದ ಹೊಂಗೆಮರದ ಚೆಲುವೆಗೆ ತಾಳಿ ಕಟ್ಟಬೇಕು... ಎಂಟ್ರಿಯಾಗೇಬಿಟ್ಟರು 40 ರೌಡಿಗಳು. ಮದುಮಗನ ಗೆಟಪ್ಪಿನಲ್ಲಿದ್ದ ಉಪ್ಪಿ ಮತ್ತೆ ರೌದ್ರಾವತಾರ ತಾಳಿಬಿಟ್ಟರು. ತಗೋ.. ತಗೋ.. ಎನ್ನುತ್ತಾ ರೌಡಿಗಳನ್ನು ಚಿಂದಿ ಉಡಾಯಿಸಿಬಿಟ್ಟರು.

    ಇದೆಲ್ಲ ನಡೆದಿದ್ದು ಚಿಕ್ಕಬಳ್ಳಾಪುರದ ರಂಗಸ್ಥಳದ ಶ್ರೀರಂಗನಾಥ ದೇವಸ್ಥಾನದಲ್ಲಿ. ಬುದ್ದಿವಂತ 2 ಚಿತ್ರಕ್ಕಾಗಿ.

    ಟಿ.ಆರ್.ಚಂದ್ರಶೇಖರ್ ನಿರ್ಮಾಣದ ಬುದ್ದಿವಂತ 2 ಚಿತ್ರದ ಕ್ಲೈಮಾಕ್ಸ್ ಚಿತ್ರೀಕರಣ ಈಗ ಚಿಕ್ಕಬಳ್ಳಾಪುರದಲ್ಲಿ ನಡೆಯುತ್ತಿದೆ. ಜಯರಾಂ ನಿರ್ದೇಶಕರಾಗಿರುವ ಚಿತ್ರವಿದು. ಚಿತ್ರದಲ್ಲಿ ಮೇಘನಾ ರಾಜ್ ಕೂಡಾ ಪ್ರಮುಖ ಪಾತ್ರದಲ್ಲಿದ್ದಾರೆ.

  • ಉಪೇಂದ್ರ ಬೆತ್ತಲೆ ಜಗತ್ತಿನ ಸೀಕ್ರೆಟ್

    upendra feels happy about i love you

    ರಿಯಲ್ ಸ್ಟಾರ್ ಉಪೇಂದ್ರ ಮತ್ತೊಮ್ಮೆ ಲುಕ್‍ನಿಂದಲೇ ಸದ್ದು ಮಾಡಿದ್ದಾರೆ. ಐ ಲವ್ ಯು ಚಿತ್ರದ ಪೋಸ್ಟರ್‍ನಲ್ಲಿ ಹುಟ್ಟುಡುಗೆಯಲ್ಲಿ ಕಾಣಿಸಿಕೊಂಡಿರುವ ಉಪೇಂದ್ರ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ. ಏನಿದರ ರಹಸ್ಯ ಅಂದ್ರೆ ಉಪೇಂದ್ರ ಹೇಳೋದು ``ನಾನಿಲ್ಲಿ ನಿರ್ದೇಶಕರ ಕೈಗೂಸು. ಇಡೀ ಸಿನಿಮಾ ಏನು ಅನ್ನೋದನ್ನ ಒಂದೇ ಲುಕ್‍ನಲ್ಲಿ ಹೇಳುವ ಪ್ರಯತ್ನ ಇಲ್ಲಿ ಆಗಿದೆ. ನನ್ನ ಪ್ರಕಾರ ಇದೊಂದು ಅತ್ಯುತ್ತಮ ಫಸ್ಟ್‍ಲುಕ್. ಇದು ಕನ್ನಡದ ಗೀತಾಂಜಲಿಯಾಗಲಿದೆ ಎಂದಿದ್ದಾರೆ ಉಪ್ಪಿ.

    ಚಿತ್ರದ ಕಥೆಯೇ ವಿಶೇಷವಾಗಿದೆ. ಹೀಗಾಗಿಯೇ ಉಪೇಂದ್ರ ಅವರನ್ನು ಈ ರೀತಿ ತೋರಿಸಲಾಗಿದೆ. ಅವರ ಪಾತ್ರವನ್ನು ಫಸ್ಟ್‍ಲುಕ್‍ನಲ್ಲೆ ವಿಭಿನ್ನವಾಗಿ ತೋರಿಸಬೇಕು ಎಂದುಕೊಂಡಿದ್ದೆ. ಅದಕ್ಕೆ ತಕ್ಕಂತೆ ಈ ಐಡಿಯಾ ಮಾಡಿದ್ದೇನೆ ಎಂದಿದ್ದಾರೆ ನಿರ್ದೇಶಕ ಆರ್.ಚಂದ್ರು.

  • ಉಪೇಂದ್ರ ಮಗಳು `ದೇವಕಿ'ಯಾಗಿ ಬಂದಳು

    aishwarya upendra is now devaki

    ಉಪೇಂದ್ರ ಅವರ ಮಗಳು ಐಶ್ವರ್ಯಾ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಹೌರಾ ಬ್ರಿಡ್ಜ್ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಎನ್ನುವುದು ನೆನಪಿದೆಯಷ್ಟೆ. ಈಗ ಹೌರಾ ಬ್ರಿಡ್ಜ್ ಚಿತ್ರದ ಹೆಸರು ಬದಲಾಗಿದೆ. ಆ ಚಿತ್ರದ ಹೆಸರೀಗ ದೇವಕಿ. ದೇವಕಿಯಾಗಿ ಕಾಣಿಸಿಕೊಂಡಿರೋದು ಉಪೇಂದ್ರ-ಪ್ರಿಯಾಂಕಾ ದಂಪತಿಯ ಮಗಳು ಐಶ್ವರ್ಯಾ.

    ಚಿತ್ರದ ಟೈಟಲ್ ಲಾಂಚ್ ಮಾಡಿದ್ದು ಬಟರ್‍ಫ್ಲೈ ಪಾರೂಲ್ ಯಾದವ್. ಅವರಿಗೆ ಪ್ರಿಯಾಂಕಾ ಇನ್ನೂ ಆ ಬ್ಯೂಟಿಯನ್ನು ಹೇಗೆ ಮೇಂಟೇನ್ ಮಾಡ್ತಿದ್ದಾರೆ ಅನ್ನೋದೇ ಅಚ್ಚರಿ. ಅದಕ್ಕೊಂದು ಮೆಚ್ಚುಗೆ ನೀಡಿದ ಪಾರೂಲ್, ಉಪ್ಪಿ-ಪ್ರಿಯಾಂಕಾ ಮಗಳಿಗೆ ಶುಭ ಹಾರೈಸಿದರು.

    ಚಿತ್ರದ ಕಥೆಗೆ ದೇವಕಿ ಅನ್ನೋ ಟೈಟಲ್ ಸೂಕ್ತವಾಗಿ ಹೊಂದುತ್ತೆ ಎಂಬ ಕಾರಣಕ್ಕೆ ದೇವಕಿ ಅನ್ನೋ ಟೈಟಲ್ ಇಟ್ಟೆವು ಎಂದವರು ನಿರ್ದೇಶಕ ಲೋಹಿತ್. ಮೂವರು ಸಾಫ್ಟ್‍ವೇರ್ ಇಂಜಿನಿಯರುಗಳು ನಿರ್ಮಿಸಿರುವ ದೇವಕಿ, ಮುಂದಿನ ತಿಂಗಳು ರಿಲೀಸ್ ಆಗುತ್ತಿದೆ.

  • ಉಪೇಂದ್ರ ಮತ್ತೆ ಬರ್ತಾನೆ - Exclusive

    upendra movie to re release

    ಉಪೇಂದ್ರ, 1999ರಲ್ಲಿ ರಿಲೀಸ್ ಆಗಿದ್ದ ಸಿನಿಮಾ. ಪ್ರೇಮಾ, ರವಿನಾ ಟಂಡನ್, ದಾಮಿನಿ ಉಪೇಂದ್ರ ಚಿತ್ರಕ್ಕೆ ನಾಯಕಿಯರಾಗಿದ್ದರು. ಉಪೇಂದ್ರ ಹೀರೋ ಆಗಿ ನಟಿಸಿದ್ದ 2ನೇ ಸಿನಿಮಾ ಉಪೇಂದ್ರ. ಚಿತ್ರದ ಹೀರೋ ಹೆಸರೇ ನಾನು. ವಿಭಿನ್ನ ಪೋಸ್ಟರ್, ವಿಚಿತ್ರ ಕಥೆ, ಚಿತ್ರ ವಿಚಿತ್ರ ನಿರೂಪಣೆ, ಅರ್ಥಗರ್ಭಿತ ಅರ್ಥವಾಗದ ಸಂದೇಶ.. ಹೀಗೆ ಎಲ್ಲವೂ ಉಪ್ಪಿ ಸ್ಟೈಲ್‍ನಲ್ಲಿಯೇ ಇದ್ದ ಸಿನಿಮಾ ಡಬಲ್ ಶತದಿನೋತ್ಸವ ಆಚರಿಸಿತ್ತು. ತೆಲುಗಿನಲ್ಲೂ ಭರ್ಜರಿ ಸಕ್ಸಸ್ ಕಂಡಿದ್ದ ಸಿ ನಿಮಾ, ಆಂಧ್ರದಲ್ಲಿ ಶತದಿನೋತ್ಸವ ಕಂಡಿತ್ತು. 

    ಈ ಸಿನಿಮಾ 20 ವರ್ಷಗಳ ನಂತರ ಮತ್ತೆ ರಿಲೀಸ್ ಆಗುತ್ತಿದೆ. ಹಾಗೆಂದು ಅದೇ ವರ್ಷನ್‍ನಲ್ಲಿ ಅಲ್ಲ, ಸಿನಿಮಾದ ಟೆಕ್ನಾಲಜಿಯನ್ನು ಅಪ್‍ಡೇಟ್ ಮಾಡಿಸಿ ರಿಲೀಸ್ ಮಾಡೋಕೆ ರೆಡಿಯಾಗಿದ್ದಾರೆ ನಿರ್ಮಾಪಕ ಶಿಲ್ಪ ಶ್ರೀನಿವಾಸ್. ಶೀಘ್ರದಲ್ಲೇ ರಿಲೀಸ್ ದಿನಾಂಕ ಘೋಷಿಸಲಿದ್ದಾರೆ ಶಿಲ್ಪ ಶ್ರೀನಿವಾಸ್.

  • ಉಪೇಂದ್ರ ರಾಜಕೀಯ ಪ್ರವೇಶ - ಯಾರು ಏನೇನು ಹೇಳಿದ್ರು..?

    celebrities react

    ಉಪೇಂದ್ರ ರಾಜಕೀಯ ಪ್ರವೇಶದ ಸುದ್ದಿ ಸಂಚಲನವನ್ನೇ ಸೃಷ್ಟಿಸಿದೆ. ಉಪೇಂದ್ರ ಈಗಾಗಲೇ ಇರುವ ಪಕ್ಷಗಳಲ್ಲೇ ಯಾವುದಾದರೂ ಒಂದು ಪಕ್ಷವನ್ನು ಆಯ್ಕೆ ಮಾಡಿಕೊಳ್ತಾರೋ..? ಹೊಸ ಪಕ್ಷ ಕಟ್ತಾರೋ..? ರಾಜಕೀಯ ಪಕ್ಷಗಳನ್ನೆಲ್ಲ ಬಿಟ್ಟು, ಸಮಾಜಮುಖಿ ಜನಜಾಗೃತಿಯಲ್ಲಿ ತೊಡಗಿಕೊಳ್ತಾರೋ..? ಯಾವುದೂ ಸ್ಪಷ್ಟವಿಲ್ಲ. ಆದರೆ, ಉಪೇಂದ್ರ ರಾಜಕೀಯ ಪ್ರವೇಶದ ಸುದ್ದಿಗೆ ರಾಜಕೀಯ ಮತ್ತು ಚಿತ್ರರಂಗದ ಕೆಲವು ಸೆಲಬ್ರಿಟಿಗಳು ಪ್ರತಿಕ್ರಿಯೆ ನೀಡಿದ್ದಾರೆ.

    ಸುರೇಶ್ ಕುಮಾರ್, ಬಿಜೆಪಿ ಮುಖಂಡ

    ಉಪೇಂದ್ರ ಅವರ ಬಳಿ ಒಳ್ಳೊಳ್ಳೆಯ ಆಲೋಚನೆಗಳಿವೆ. ಚಿಂತನೆಗಳಿವೆ. ಅಂತಹ ಹೊಸ ಆಲೋಚನೆಗಳಿರುವವರು ರಾಜಕೀಯಕ್ಕೆ ಬರಲಿ. ಬಿಜೆಪಿಗೆ ಸೇರ್ಪಡೆಯಾಗುತ್ತಾರೆ ಎಂಬ ವಿಚಾರ ನನ್ನ ಗಮನಕ್ಕೆ ಬಂದಿಲ್ಲ.

    ಟಿ.ಎನ್. ಸೀತಾರಾಮ್, ನಿರ್ದೇಶಕ, ಮಾಜಿ ರಾಜಕಾರಣಿ 

    ನಟ ಉಪೇಂದ್ರಗೆ ಆಲ್​ ದಿ ಬೆಸ್ಟ್​. ಹೊಸಪಕ್ಷ ಕಟ್ಟಿ ರಾಜಕೀಯಕ್ಕೆ ಬರುವುದಾದರೆ ಒಳ್ಳೆಯದೇ. ಆದರೆ ಇದು ಸವಾಲಿನ ಕೆಲಸ, ಅಗ್ನಿಪರೀಕ್ಷೆ. ಈ ಎಲ್ಲಾ ಅಗ್ನಿ ಪರೀಕ್ಷೆಯನ್ನು ಮೆಟ್ಟಿ ನಿಲ್ಲಬೇಕು. ಉಪೇಂದ್ರ ರಾಜಕೀಯಕ್ಕೆ ಬರಲು ಇದು ಸೂಕ್ತ ಕಾಲ. ರಾಜಕೀಯಕ್ಕೆ ಬಂದು ಪ್ರಾಮಾಣಿಕ ಸೇವೆ ಸಲ್ಲಿಸಲಿ. ರಾಜಕೀಯಕ್ಕೆ ಬರುವುದಾರೆ ಉಪೇಂದ್ರಗೆ ಶುಭ ಕೋರುವೆ.

    ಚಕ್ರವರ್ತಿ ಸೂಲಿಬೆಲೆ, ಚಿಂತಕ

    ಅವರ ಚಿತ್ರಗಳಲ್ಲಿ ದೇಶದ ಕುರಿತು ಹಲವು ಚಿಂತನೆಗಳನ್ನು ಹೊರಹಾಕಿದ್ಧಾರೆ. ಅವುಗಳನ್ನು ನಾನು ನೋಡಿದ್ದೇನೆ.. ಆದರ್ಶದ ಚಿಂತನೆಗಳಿವೆ. ಪ್ರಸ್ತುತ ರಾಜಕೀಯದಲ್ಲಿ ಸಮರ್ಥ ನಾಯಕತ್ವ ಇಲ್ಲ. ಅಂಥಾದ್ದೊಂದು ಸಾಮರ್ಥ್ಯ ಬೆಳೆಸಿಕೊಂಡು ಉಪೇಂದ್ರ ರಾಜಕೀಯಕ್ಕೆ ಬರುವುದಾದರೆ ನನ್ನ ಸ್ವಾಗತವಿದೆ. ಅವ ನಿರ್ಧಾರವನ್ನು ಎದುರು ನೋಡುತ್ತಿದ್ದೇನೆ.

    ಮಾಳವಿಕಾ ಅವಿನಾಶ್ - ನಟಿ, ಬಿಜೆಪಿ ಸದಸ್ಯೆ

    ಉಪೇಂದ್ರ ರಾಜಕೀಯಕ್ಕೆ ಬರುವುದಾದರೆ ಸ್ವಾಗತಿಸುತ್ತೇನೆ. ಅವರಿಗೆ ಜನಪರ ಕಾಳಜಿಯಿದೆ. ಸಿನಿಮಾಗಳಲ್ಲಿ ಅದು ವ್ಯಕ್ತವೂ ಆಗಿದೆ. ಆದರೆ, ರಾಜಕೀಯ ಪಕ್ಷಕ್ಕೆ ಬರುವುದಾದರೆ ಪಕ್ಷದ ಕೆಲವು ತತ್ವ ಸಿದ್ಧಾಂತಗಳನ್ನು ಅಳವಡಿಸಿಕೊಂಡು ಬರಬೇಕು. ಇಲ್ಲದೇ ಇದ್ದರೆ ಕಷ್ಟ.

    ಬಿ.ಸಿ. ಪಾಟೀಲ್, ನಟ, ಕಾಂಗ್ರೆಸ್ ಮುಖಂಡ

    ಉಪೇಂದ್ರ ರಾಜಕೀಯಕ್ಕೆ ಬರುವುದಾದರೆ ಸ್ವಾಗತ. ಅವರಿಗೆ ಒಳ್ಳೆಯ ಚಿಂತನೆಗಳಿವೆ. ಅಂತಹವರು ರಾಜಕೀಯಕ್ಕೆ ಬರಬೇಕು.

    ಇದೆಲ್ಲದರ ಮಧ್ಯೆ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ  ಅಮಿತ್ ಶಾ ಬೆಂಗಳೂರಿಗೆ ಬರುತ್ತಿದ್ದು, ಆ ಸಭೆಯಲ್ಲಿ ಭಾಗವಹಿಸಲು ಉಪೇಂದ್ರ ಅವರಿಗೆ ಆಹ್ವಾನ ನೀಡುವ ಬಗ್ಗೆ ಬಿಜೆಪಿಯಲ್ಲಿ ಚಿಂತನೆ ನಡೆಯುತ್ತಿದೆಯಂತೆ.

    Related Articles :-

    ರಿಯಲ್ ಪಾಲಿಟಿಕ್ಸ್​ಗೆ REAL STAR..?  ನಾಳೆ ಅಧಿಕೃತವಾಗುತ್ತಾ..?

    ರಾಜಕೀಯಕ್ಕೆ ಬರ್ತಾರಾ ಉಪೇಂದ್ರ..? ಯಾವಾಗ ಬರ್ತಾರೆ..? 

  • ಉಪೇಂದ್ರ ರಾಜಕೀಯ ಪ್ರವೇಶಕ್ಕೆ ಯಶ್ ಶುಭ ಹಾರೈಕೆ

    upendra, yash

    ಉಪೇಂದ್ರ ರಾಜಕೀಯ ಪ್ರವೇಶಕ್ಕೆ ರಾಕಿಂಗ್ ಸ್ಟಾರ್ ಯಶ್ ಶುಭ ಕೋರಿದ್ದಾರೆ. ನನ್ನ ಪ್ರಕಾರ ಉಪೇಂದ್ರ ತುಂಬಾ ಲೇಟ್ ಮಾಡಿದ್ರು. ಇನ್ನೂ ಬೇಗ ಬರಬೇಕಿತ್ತು.

    ಅವರ ಕನಸುಗಳ ಬಗ್ಗೆ ನಮಗೆಲ್ಲ ಚೆನ್ನಾಗಿ ಗೊತ್ತು. ಅವರಿಂದ ಸ್ಫೂರ್ತಿ ಪಡೆದು ಚಿತ್ರರಂಗಕ್ಕೆ ಬಂದವನು ನಾನು. ಜೊತೆಯಲ್ಲಿರುವವರನ್ನು `ಗೋ' ಎನ್ನುವವರು ಲೀಡರ್ ಆಗಲ್ಲ. `ಲೆಟ್ ಅಸ್ ಗೋ' ಎಂದು ಜೊತೆಯಲ್ಲಿ ಕರೆದುಕೊಂಡು ಹೋಗುವವರು ಲೀಡರ್ ಆಗ್ತಾರೆ.

    ಅವರಲ್ಲಿ ಲೀಡರ್ ಶಿಪ್ ಕ್ವಾಲಿಟಿ ಇದೆ. ಅವರ ಕನಸುಗಳು ನನಸಾಗಲಿ. ಅವರ ಜೊತೆ ಕೈಜೋಡಿಸೋಣ. ಅವರು ಹೋಗುತ್ತಿರುವ ಸರಿಯಾಗಿಯೇ ಇದೆ. ಪ್ರಜಾಕೀಯ ಎಂಬ ಹೊಸ ಹೆಸರನ್ನು ಕೊಟ್ಟಿದ್ದಾರೆ. ಅವರು ಒಳ್ಳೆಯದನ್ನೇ ಮಾಡುತ್ತಾರೆ. ಆ ನಂಬಿಕೆ ನನಗಿದೆ. ಅವರಿಗೆ ನನ್ನ ಬೆಂಬಲವಿದೆ ಎಂದಿದ್ದಾರೆ ಯಶ್.

  • ಉಪೇಂದ್ರ ವಿರುದ್ಧ ಬಿತ್ತು 2ನೇ ಕೇಸು

    2nd complaint aganist upendra

    ರಿಯಲ್ ಸ್ಟಾರ್ ಉಪೇಂದ್ರ ಕೆಪಿಜೆಪಿ ಘೋಷಣೆ ಮಾಡಿದ್ದೇ ಮಾಡಿದ್ದು, ಒಂದರ ಹಿಂದೊಂದರಂತೆ ಎರಡು ಕೇಸುಗಳು ಬಿದ್ದಿವೆ. ಕರ್ನಾಟಕ ಪ್ರಜ್ಞಾವಂತ ಜನತಾ ಪಕ್ಷದ ಅಧ್ಯಕ್ಷ ಉಪೇಂದ್ರ ವಿರುದ್ಧ ಮೊದಲ ಬೆಂಗಳೂರು ನಗರ ಜೆಡಿಯು ನಗರ ಪ್ರಧಾನ ಕಾರ್ಯದರ್ಶಿ ಎನ್. ನಾಗೇಶ್ ಎಂಬುವವರು ದೂರು ನೀಡಿದ್ದ ಬೆನ್ನಲ್ಲೇ, ಹೈಕೋರ್ಟ್ ವಕೀಲ ಎನ್.ಎಚ್.ಅಮೃತೇಶ್ ಉಪೇಂದ್ರ ವಿರುದ್ಧ ಇನ್ನೊಂದು ದೂರು ದಾಖಲಿಸಿದ್ದಾರೆ.

    ಉಪೇಂದ್ರ ಗಾಂಧಿ ಭವನದಲ್ಲಿ ತಮ್ಮ ರಾಜಕೀಯ ಪಕ್ಷ ಘೋಷಿಸುವ ಸುದ್ದಿಗೋಷ್ಟಿ ನಡೆಸಿದ್ದೇ ತಪ್ಪು ಎನ್ನುವುದು ಅಮೃತೇಶ್ ಅವರ ದೂರು. ಏಕೆಂದರೆ, ಗಾಂಧಿ ಭವನದಲ್ಲಿ ಗಾಂಧಿ ವಿಚಾರಧಾರೆ, ಚರ್ಚೆ, ಮತ್ತಿತರ ಚಟುವಟಿಕೆಗಳಷ್ಟೇ ನಡೆಯಬೇಕು. ಅದನ್ನು ಹೊರತುಪಡಿಸಿ ಯಾವುದೇ ರಾಜಕೀಯ ಪಕ್ಷಗಳ ನಾಯಕರಿಗೆ ಅದು ವೇದಿಕೆ ನೀಡುವುದಿಲ್ಲ. ಇದು ಕರ್ನಾಟಕ ಗಾಂಧಿ ಸ್ಮಾರಕ ನಿಧಿ ಟ್ರಸ್ಟ್ ತನಗೆ ತಾನೇ ವಿಧಿಸಿಕೊಂಡಿರುವ ನಿರ್ಬಂಧ. ಹೀಗಿರುವಾಗ ಹೊಸ ರಾಜಕೀಯ ಪಕ್ಷದ ಘೋಷಣೆಗೆ ಗಾಂಧಿ ಭವನದಲ್ಲಿ ಅವಕಾಶ ನೀಡಿದ್ದು ತಪ್ಪು ಎನ್ನವುದು ಅಮೃತೇಶ್ ವಾದ.

    ಇನ್ನು ಎನ್. ನಾಗೇಶ್ ಅವರು ಸಲ್ಲಿಸಿದ್ದ ದೂರಿನಲ್ಲಿದ್ದ ಮತದಾರರಿಗೆ ಹಣ ತೆಗೆದುಕೊಳ್ಳಿ, ವೋಟು ನನಗೆ ಹಾಕಿ ಎಂಬ ಹೇಳಿಕೆಯ ವಿರುದ್ಧವೂ ಅಮೃತೇಶ್ ದೂರು ನೀಡಿದ್ದಾರೆ. ಒಟ್ಟಿನಲ್ಲಿ ರಾಜಕೀಯ ಪ್ರವೇಶ ಘೋಷಣೆಯಾದ ನಂತರ, ಕೆಲವೇ ದಿನಗಳಲ್ಲಿ ಉಪೇಂದ್ರ ಮೇಲೆ ಕೇಸ್ ಮೇಲೆ ಕೇಸ್ ಬೀಳುತ್ತಿವೆ.

    Related Articles :-

    ಉಪೇಂದ್ರ ವಿರುದ್ಧ ಬಿತ್ತು ಮೊದಲ ಕೇಸು

    ಶೋಭಾ ಸಿಟ್ಟಾದರು..ಉಪ್ಪಿ ಅಂಥಾದ್ದೇನು ಹೇಳಿದರು..?

  • ಉಪೇಂದ್ರ ವಿರುದ್ಧ ಬಿತ್ತು ಮೊದಲ ಕೇಸು

    upendra to face first case in politics

    ರಿಯಲ್ ಸ್ಟಾರ್, ಕರ್ನಾಟಕ ಪ್ರಜ್ಞಾವಂತ ಜನತಾ ಪಕ್ಷದ ಅಧ್ಯಕ್ಷ ಉಪೇಂದ್ರ ವಿರುದ್ಧ ಮೊದಲ ದೂರು ದಾಖಲಾಗಿದೆ. ದೂರು ನೀಡಿರುವುದು ಉಪೇಂದ್ರ ವಿರುದ್ಧ ದೂರು ನೀಡುತ್ತೇನೆ ಎಂದಿದ್ದ ಶೋಭಾ ಕರಂದ್ಲಾಜೆ ಅಲ್ಲ. ಬೆಂಗಳೂರು ನಗರ ಜೆಡಿಯು ನಗರ ಪ್ರಧಾನ ಕಾರ್ಯದರ್ಶಿ ಎನ್. ನಾಗೇಶ್ ಎಂಬುವವರು.

    ಉಪೇಂದ್ರ ಕೆಪಿಜೆಪಿ ಕುರಿತ ಸುದ್ದಿಗೋಷ್ಟಿಯಲ್ಲಿ ಮಾತನಾಡುವಾಗ ಬೇರೆಯವರು ನಿಮಗೆ ಹಣ ಕೊಟ್ಟರೆ ತೆಗೆದುಕೊಳ್ಳಿ, ಆದರೆ, ವೋಟನ್ನು ನಮಗೇ ಹಾಕಿ ಎಂದಿದ್ದರು. ಇದು ಮತದಾರರನ್ನು ಲಂಚ ತೆಗೆದುಕೊಳ್ಳಲು ಪ್ರೋತ್ಸಾಹ ನೀಡಿದಂತೆ ಎನ್ನುವುದು ನಾಗೇಶ್ ಅವರ ದೂರು. ಉಪೇಂದ್ರ ವಿರುದ್ಧ ಕ್ರಮ ತೆಗೆದುಕೊಳ್ಳುವಂತೆ ನಾಗೇಶ್, ಶೇಷಾದ್ರಿಪುರಂ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.

    ಈ ಹಿಂದೆ ಅರವಿಂದ ಕೇಜ್ರಿವಾಲ್ ಇಂಥದ್ದೇ ಹೇಳಿಕೆ ನೀಡಿ, ನ್ಯಾಯಾಲಯದಿಂದ ಛೀಮಾರಿ ಹಾಕಿಸಿಕೊಂಡಿದ್ದರು. ಉಪೇಂದ್ರ ಅವರಿಗೆ ಇಂತಹವುಗಳ ಬಗ್ಗೆ ಮಾಹಿತಿಯೂ ಇರಬೇಕು.

  • ಉಪೇಂದ್ರ ಸೃಷ್ಟಿಸಿದ್ದ ಕ್ರೇಜ್ ಅಬ್ಬಬ್ಬಬ್ಬಾ..

    upendra movie image

    ಆ ಚಿತ್ರದಲ್ಲಿ ಏನಿರುತ್ತೆ..? ಕಥೆ ಏನಿರಬಹುದು..? ಇದನ್ನು ಇಡೀ ಭಾರತೀಯ ಚಿತ್ರರಂಗ ತಲೆಕೆಡಿಸಿಕೊಂಡು ಕಾಯುತ್ತಿತ್ತು. ಒಂದೊಂದು ಪೋಸ್ಟರ್ ಕೂಡಾ ಒಂದೊಂದು ಕಥೆ ಹೇಳುತ್ತಿತ್ತು. ಎಕ್ಸ್ಪೆರಿಮೆಂಟ್.. ಎಕ್ಸ್ಪೆರಿಮೆಂಟ್.. ಎಕ್ಸ್ಪೆರಿಮೆಂಟ್.. ಉಪೇಂದ್ರ ಕಂಪ್ಲೀಟ್ ಎಕ್ಸ್ಪೆರಿಮೆಂಟ್.. ಮಾಡಿ ಗೆದ್ದುಬಿಟ್ಟಿದ್ದರು.

     

    #UpendraMovie #Prema #Damini #RaveenaTandon #ChitralokaYouTube

     

  • ಉಪೇಂದ್ರರ ಆ ಎಲ್ಲ ಚಿತ್ರಗಳು ನಿಂತು ಹೋಗಿದ್ದೇಕೆ

    upendra image

    ಕನ್ನಡದಲ್ಲಷ್ಟೇ ಅಲ್ಲ.. ತೆಲುಗು, ತಮಿಳಿನಲ್ಲೂ ಉಪ್ಪಿಗೆ ಫ್ಯಾನ್ಸ್ ಇದ್ದಾರೆ. ಇಷ್ಟೆಲ್ಲ ಇದ್ದರೂ ಅವರ ಕನಸಿನ ಅದೆಷ್ಟೋ ಚಿತ್ರಗಳು ಸ್ಟಾರ್ಟಿಂಗ್ ಟ್ರಬಲ್ಲಿನ ಕಾರಣಕ್ಕೋ.. ಇನ್ಯಾವುದೋ ಕಾರಣಕ್ಕೋ ಅಲ್ಲಲ್ಲಿಗೇ ನಿಂತು ಹೋಗಿವೆ. 

    #Upendra #Superstar #UpendraStoppedMovies #Uppi #Prajakeya

     

  • ಉಪೇಂದ್ರರ ಪ್ರಜಾಕೀಯ ಗಿಮಿಕ್ ಅಷ್ಟೆ - ಡೈರೆಕ್ಟರ್ ಗುರುಪ್ರಸಾದ್

    upendra is only gimmick

    ಮಠ, ಎದ್ದೇಳು ಮಂಜುನಾಥ, ಡೈರೆಕ್ಟರ್ ಸ್ಪೆಷಲ್, ಎರಡನೇ ಸಲ.. ಮೊದಲಾದ ಚಿತ್ರಗಳನ್ನು ನಿರ್ದೇಶಿಸಿರುವ ಗುರುಪ್ರಸಾದ್, ಹರಿತ ಮಾತುಗಳಿಗೆ ಹೆಸರುವಾಸಿ. ಇಂತಹ ಗುರುಪ್ರಸಾದ್, ಉಪೇಂದ್ರ ಅವರ ಪ್ರಜಾಕೀಯದ ಬಗ್ಗೆ ಹಲವಾರು ಅನುಮಾನಗಳನ್ನೆತ್ತಿದ್ದಾರೆ. ಉಪೇಂದ್ರ ಅವರ ಎದುರು ನಾನಾ ಪ್ರಶ್ನೆಗಳನ್ನಿಟ್ಟಿದ್ದಾರೆ. ಉಪೇಂದ್ರ ಅವರ ಪ್ರಜಾಕೀಯ ಘೋಷಣೆಯೇ ಒಂದು ಗಿಮಿಕ್ ಎಂದಿದ್ದಾರೆ. ಅವರು ಎತ್ತಿರುವ ಪ್ರಶ್ನೆಗಳೇನು..? ಅವರ ಮಾತಲ್ಲೇ ಕೇಳಿ.

    ಉಪೇಂದ್ರ ಮೊದಲಿನಿಂದಲೂ ಗಿಮಿಕ್ ಮಾಡಿಕೊಂಡೇ ಬಂದವರು. ಇದೂ ಏಕೆ ಗಿಮಿಕ್ ಆಗಿರಬಾರದು. ಅವರೀಗ 50ನೇ ಚಿತ್ರದ ಹತ್ತಿರ ಇದ್ದಾರೆ. ಆ ಚಿತ್ರಕ್ಕೆ ಪ್ರಮೋಷನ್ ತೆಗೆದುಕೊಳ್ಳಲು ಯಾಕೆ ಈ ರೀತಿಯ ಗಿಮಿಕ್ ಸೃಷ್ಟಿಸಿರಬಾರದು. 

    ನಾಳೆ ಇದೇ ಪ್ರಜಾಕೀಯದ ಹೆಸರಲ್ಲಿ ಪ್ರಚಾರ ಗಳಿಸಿ, ನಾಳೆ ಯಾವುದಾದರೂ ಪಕ್ಷಕ್ಕೆ ಸೇರುವುದಿಲ್ಲ ಎನ್ನುವುದಕ್ಕೆ ಏನು ಗ್ಯಾರಂಟಿ..? ಹಣವೇ ಇಲ್ಲದೆ ಪಕ್ಷ ಕಟ್ಟುವ ನಿಮ್ಮ ಕನಸಿನ ಹಿಂದೆ, ಹಣ ಮಾಡುವ ಹುನ್ನಾರ ಇದೆ ಎಂಬುದು ನನ್ನ ಅನುಮಾನ. ಆಗ ನಲವತ್ತೋ.. ಐವತ್ತೋ ಕೋಟಿ ತೆಗೆದುಕೊಂಡು ಬೇರೆ ಪಕ್ಷಕ್ಕೆ ಸೇರೋದಿಲ್ಲ ಎಂದು ಪ್ರಮಾಣ ಮಾಡುತ್ತೀರಾ..? ಆಗ ನಿಮ್ಮನ್ನು ನಂಬುತ್ತೇನೆ.

    ನೀವು ಇದುವರೆಗೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದೀರಿ, ನಿರ್ದೇಶಿಸಿದ್ದೀರಿ. ಈ ಯಾವ ಚಿತ್ರಗಳಲ್ಲೂ ಪರೋಕ್ಷವಾಗಿಯಾಗಲೀ, ಪ್ರತ್ಯಕ್ಷವಾಗಿಯಾಗಲೀ.. ಬ್ಲಾಕ್ ಮನಿ ಬಳಸಿಯೇ ಇಲ್ಲವಾ..? ನಾನು ಬಳಸಿಲ್ಲ ಎಂದು ಭಗವದ್ಗೀತೆ ಮೇಲೆ ಪ್ರಮಾಣ ಮಾಡಿ ಹೇಳಿಬಿಡಿ. ನಾನು ನಿಮ್ಮನ್ನು ಮೋದಿಗಿಂತ ಹೆಚ್ಚಾಗಿ ಗೌರವಿಸುತ್ತೇನೆ.

    ಉಪೇಂದ್ರ ಮೊದಲಿನಿಂದ ನೆಗೆಟಿವ್ ಪಾತ್ರಗಳ ಮೂಲಕವೇ ಖ್ಯಾತಿ ಗಳಿಸಿದವರು. ಈಗ ಅವರಿಗೆ ಆ ಇಮೇಜ್‍ನಿಂದ ಹೊರಬರಬೇಕಾಗಿದೆ. ಹೀಗಾಗಿ ಅವರು ತಮ್ಮ ಇಮೇಜ್‍ನ್ನು ಬದಲಾಯಿಸಿಕೊಳ್ಳಲು ಈ ರೀತಿಯ ಗಿಮಿಕ್ ಮಾಡಿದ್ದಾರೆ.

    ಹೀಗೆ ಹಲವು ಪ್ರಶ್ನೆಗಳನ್ನು ಎತ್ತಿದ್ದಾರೆ ಗುರುಪ್ರಸಾದ್. ಉಪೇಂದ್ರ ಅವರ ಐಡಿಯಾ ಕೇಳಿದವರು, ಇಷ್ಟೊಂದು ಪ್ರಾಮಾಣಿಕತೆ ಇದ್ದರೆ ಇದು ವರ್ಕೌಟ್ ಆಗಲ್ಲ ಎಂದಿದ್ದರು. ಈಗ ಆ ಪ್ರಾಮಾಣಿಕತೆಯನ್ನೇ ಪ್ರಶ್ನಿಸಿದ್ದಾರೆ ಗುರುಪ್ರಸಾದ್.

    ಇಷ್ಟೆಲ್ಲ ಹೇಳಿದ ನಂತರ ಗುರುಪ್ರಸಾದ್ ಇನ್ನೊಂದು ಮಾತನ್ನೂ ಸೇರಿಸುತ್ತಾರೆ. ನಾನೂ ಉಪೇಂದ್ರ ಅವರ ಅಭಿಮಾನಿ. ಅವರ ಚಿತ್ರಗಳನ್ನು ನೋಡಿ ಬೆಳೆದವನು. ಈಗ ನಾನು ಎತ್ತಿರುವ ಪ್ರಶ್ನೆಗಳಿಗೆ ಅವರು ಉತ್ತರಿಸಬೇಕು. ಹೀಗೆ ಏಕಾಏಕಿ ನಾನು ರಾಜಕೀಯಕ್ಕೆ ಬರುತ್ತೇನೆ ಎಂದಾಗ ನನಗೂ ಹಲವು ಪ್ರಶ್ನೆಗಳು ಹುಟ್ಟುತ್ತವೆ. ಪ್ರಶ್ನೆ ಕೇಳುವುದು ನನ್ನ ಹಕ್ಕು ಕೇಳಿದ್ದೇನೆ. ಅನ್ಯಥಾ ಭಾವಿಸಬೇಡಿ ಎಂದಿದ್ದಾರೆ ಗುರು. 

  • ಉಪೇಂದ್ರರ ಪ್ರಜಾಕೀಯಕ್ಕೆ ಆಯೋಗದ ಮಾನ್ಯತೆ

    upendra gets prajakeeya

    ರಿಯಲ್ ಸ್ಟಾರ್ ಉಪೇಂದ್ರ ಅವರ ಪ್ರಜಾಕೀಯ ಪಕ್ಷಕ್ಕೆ ಕೊನೆಗೂ ಕೇಂದ್ರ ಚುನಾವಣಾ ಆಯೋಗದ ಮಾನ್ಯತೆ ಸಿಕ್ಕಿದೆ. `ಉತ್ತಮ ಪ್ರಜಾಕೀಯ ಪಕ್ಷ' ಹೆಸರಿನ ರಾಜಕೀಯ ಪಕ್ಷಕ್ಕೆ ಆಯೋಗ ಮಾನ್ಯತೆ ನೀಡಿದೆ. ಮತದಾನಕ್ಕೆ ಎರಡು ದಿನ ಮುಂಚಿತವಾಗಿ ಉಪೇಂದ್ರ ಅವರಿಗೆ ಈ ಪಕ್ಷದ ಮಾನ್ಯತೆ ಸಿಕ್ಕಿದೆ.

    ಇದಕ್ಕೂ ಮುನ್ನ ಕರ್ನಾಟಕ ಪ್ರಜ್ಞಾವಂತ ಜನತಾ ಪಕ್ಷ ಸ್ಥಾಪಿಸಿದ್ದ ಉಪೇಂದ್ರ, ಆ ಪಕ್ಷದ ಹೆಸರನ್ನು ಮತ್ತೊಬ್ಬರಿಂದ ಎರವಲು ಪಡೆದುಕೊಂಡಿದ್ದರು. ಎಲ್ಲವೂ ಉಪ್ಪಿ ಲೆಕ್ಕಾಚಾರದಂತೆಯೇ ಆಗಿದ್ದರೆ, ಈ ಬಾರಿಯ ಎಲೆಕ್ಷನ್‍ನಲ್ಲಿ ಕರ್ನಾಟಕ ಪ್ರಜ್ಞಾವಂತ ಜನತಾ ಪಕ್ಷ (ಕೆಪಿಜೆಪಿ) ಸ್ಪರ್ಧೆಯಲ್ಲಿರುತ್ತಿತ್ತು. ಆದರೆ, ಟಿಕೆಟ್ ಹಂಚಿಕೆ ವೇಳೆಯಲ್ಲಿ ಉದ್ಭವವಾದ ಗೊಂದಲದಿಂದಾಗಿ, ಕೆಪಿಜೆಪಿಗೂ ತಮಗೂ ಸಂಬಂಧವಿಲ್ಲ ಎಂದು ಘೋಷಿಸಿದ ಉಪೇಂದ್ರ, ಈಗ ಸ್ವತಂತ್ರವಾಗಿ ಪ್ರಜಾಕೀಯ ಎಂಬ ಪಕ್ಷವನ್ನೇ ಸ್ಥಾಪಿಸಿದ್ದಾರೆ. ಈಗಿಂದಗಲೇ ರಾಜಕೀಯ ಕಿತ್ತೊಗೆದು ಪ್ರಜಾಕೀಯ ಸ್ಥಾಪಿಸಲು ಮುಂದಾಗೋಣ ಎಂದು ಉಪೇಂದ್ರ ಸಂತಸ ಹಂಚಿಕೊಂಡಿದ್ದಾರೆ.

  • ಉಪ್ಪಿ 50ನೇ ಸಿನಿಮಾ ಫಿಕ್ಸ್..?

    upendra all set for his 50th film

    ರಿಯಲ್ ಸ್ಟಾರ್ ಉಪೇಂದ್ರ ನೋಡ ನೋಡುತ್ತಲೇ 50ನೇ ಸಿನಿಮಾದ ಹೆಬ್ಬಾಗಿಲಲ್ಲಿ ನಿಂತುಬಿಟ್ಟಿದ್ದಾರೆ. ಸದ್ಯಕ್ಕೆ ಆರ್.ಚಂದ್ರು ನಿರ್ದೇಶನದ ಐ ಲವ್ ಯೂ ಸಿನಿಮಾದಲ್ಲಿ ಬ್ಯುಸಿ ಇರುವ ಉಪೇಂದ್ರ, 50ನೇ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರಂತೆ. ಯುವ ನಿರ್ದೇಶಕ ಅಧಿರಾ ಸಂತು ಎನ್ನುವವರ ಕಥೆ ಇಷ್ಟವಾಗಿ ಓಕೆ ಎಂದಿದ್ದಾರಂತೆ ರಿಯಲ್ ಸ್ಟಾರ್.

    ಸಾಯಿ ಪ್ರಕಾಶ್ ಬಳಿ ಸಹನಿರ್ದೇಶಕರಾಗಿದ್ದ ಅಧಿರಾ, ಪೀರಿಯಡ್ ಡ್ರಾಮಾ ಕಥೆಯೊಂದನ್ನು ಸಿದ್ಧಪಡಿಸಿದ್ದಾರಂತೆ. ಕನಕಪುರ ಶ್ರೀನಿವಾಸ್ ನಿರ್ಮಾಣಕ್ಕೆ ರೆಡಿಯಿದ್ದಾರಂತೆ. ಆಗಸ್ಟ್‍ನಲ್ಲಿ ಚಿತ್ರದ ಮುಹೂರ್ತ ನಡೆಯಲಿದೆಯಂತೆ. ಸದ್ಯಕ್ಕೆ ಎಲ್ಲವೂ ಅಂತೆಕಂತೆ. ಕನ್‍ಫರ್ಮ್ ಸುದ್ದಿ ಬರೋದು ಮಾತ್ರ ಬಾಕಿ.

  • ಉಪ್ಪಿ ಅಣ್ಣನ ಮಗನ ಚಿತ್ರಕ್ಕೆ ಯಶ್ ವಾಯ್ಸ್

    yash image

    ರಿಯಲ್ ಸ್ಟಾರ್ ಉಪೇಂದ್ರ ಅವರ ಅಣ್ಣ ಸುಧೀಂದ್ರ ಅವರ ಪುತ್ರ ನಿರಂಜನ್, ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಿದ್ದಾರೆ. ಉಪೇಂದ್ರ ಅವರೇ ನಟಿಸಿದ್ದ ಸೂಪರ್ ಸ್ಟಾರ್ ಅನ್ನೋ ಚಿತ್ರ ನೆನಪಿದೆಯಲ್ವೇ..? ಅದೇ ಟೈಟಲ್‍ನ ಚಿತ್ರದಲ್ಲಿ ನಿರಂಜನ್ ನಟಿಸುತ್ತಿದ್ದಾರೆ. ಆಗಸ್ಟ್ 20ಕ್ಕೆ ಸೂಪರ್ ಸ್ಟಾರ್ ಚಿತ್ರದ ಟೀಸರ್ ರಿಲೀಸ್ ಆಗುತ್ತಿದೆ.

     

    ವಿಶೇಷವೆಂದರೆ ಆ ಟೀಸರ್‍ಗೆ ಧ್ವನಿ ನೀಡಿರುವುದು ರಾಕಿಂಗ್ ಸ್ಟಾರ್ ಯಶ್. ಸೂಪರ್ ಸ್ಟಾರ್ ಡೈರೆಕ್ಟರ್ ರಮೇಶ್ ವೆಂಕಟೇಶ್ ಬಾಬು ಈಗಾಗಲೇ ಯಶ್ ವಾಯ್ಸ್ ರೆಕಾರ್ಡಿಂಗ್ ಮಾಡಿಟ್ಟುಕೊಂಡಿದ್ದಾರೆ. 

     

  • ಉಪ್ಪಿ ಐ ಲವ್ ಯೂ ಕಥೆಯಲ್ಲೇನಿದೆ..?

    upendra hints about i love you story

    ಉಪೇಂದ್ರ ಮತ್ತು ಆರ್.ಚಂದ್ರು ಕಾಂಬಿನೇಷನ್‍ನ ಐ ಲವ್ ಯು ಸಿನಿಮಾ, ಕಾಂಬಿನೇಷನ್ ಕಾರಣಕ್ಕೇ ನಿರೀಕ್ಷೆ ಹುಟ್ಟಿಸಿರುವ ಚಿತ್ರ. ರಾಜಕೀಯಕ್ಕೆ ಎಂಟ್ರಿ ಕೊಡುವುದಾಗಿ ಘೋಷಿಸಿ ವಿರಾಮ ತೆಗೆದುಕೊಂಡಿದ್ದ ಉಪೇಂದ್ರ, ಕಮ್ ಬ್ಯಾಕ್ ಮಾಡುತ್ತಿರುವ ಸಿನಿಮಾ ಐ ಲವ್ ಯೂ. ಪ್ರಜಾಕೀಯದಲ್ಲಿಯೇ ಮುಳುಗಿ ಹೋಗಿದ್ದ ಉಪೇಂದ್ರ, ಐ ಲವ್  ಯಊ ಚಿತ್ರ ಒಪ್ಪಿಕೊಳ್ಳೋಕೆ ಕಾರಣವೇನು..? ಚಿತ್ರದಲ್ಲಿ ಅಂತಹುದ್ದೇನಿದೆ ಅನ್ನೋ ಗುಟ್ಟನ್ನು ಸ್ವತಃ ಉಪೇಂದ್ರ ಬಿಚ್ಚಿಟ್ಟಿದ್ದಾರೆ.

    ಸಿನಿಮಾದಲ್ಲಿ ಉಪ್ಪಿ ಸ್ಟೈಲ್ ಇದೆ. ಈಗಿನ ಜನರೇಷನ್‍ಗೆ ಒಗ್ಗುವಂತೆ ಕಥೆಯಿದೆ. ಚಿತ್ರದಲ್ಲಿ ಉಪೇಂದ್ರ ಅವರ ಸಿನಿಮಾಗಳನ್ನೇ ಬಳಸಿಕೊಂಡು ಕಥೆ, ಚಿತ್ರಕಥೆ ರೂಪಿಸಲಾಗಿದೆಯಂತೆ. ಇನ್ನು ಐ ಲವ್ ಯೂ ಶೀರ್ಷಿಕೆಯಲ್ಲಿ ತೋರಿಸಿರುವ ಕೈ ಸಿಂಬಲ್, ಡೆಫ್ & ಡಂಬರ್‍ನವರು ಬಳಸುವ ಲವ್ ಕೋಡ್ ಅಂತೆ.

    ಹಾಗಾದರೆ, ಸಿನಿಮಾದ ಕಥೆಯೇನು..? ಮೂಗ, ಕಿವುಡರ ಲವ್‍ಸ್ಟೋರಿನಾ..? ಪ್ರೀತಿ ಪ್ರೇಮ ಅನ್ನೋದೆಲ್ಲ ಪುಸ್ತಕದ ಬದನೆಕಾಯ್ ಅನ್ನೋ ಡೈಲಾಗ್ ಇಲ್ಲೂ ಇರುತ್ತಾ..? ಸಿನಿಮಾ ರಿಲೀಸ್ ಆಗುವವರೆಗೆ ಕಾಯಬೇಕಷ್ಟೆ. ಶೂಟಿಂಗ್ ಈಗತಾನೇ ಶುರುವಾಗಿದೆ. ಶಿವರಾಜ್‍ಕುಮಾರ್ ಕ್ಲಾಪ್ ಮಾಡೋದ್ರೊಂದಿಗೆ ಶುರುವಾದ ಸಿನಿಮಾಗೆ ಜಿ.ಟಿ.ದೇವೇಗೌಡ, ಹೆಚ್.ಎಂ.ರೇವಣ್ಣರಂತ ಹಿರಿಯರು ಶುಭ ಕೋರಿದ್ದಾರೆ.

  • ಉಪ್ಪಿ ಐ ಲವ್ ಯೂ ಹಾಡು ಬಿಡುಗಡೆಗೆ ರಾಜಮೌಳಿ

    rajamouli to release i love you songs

    ಉಪೇಂದ್ರ-ಆರ್.ಚಂದ್ರು-ರಚಿತಾ ರಾಮ್ ಕಾಂಬಿನೇಷನ್‍ನ ಐ ಲವ್ ಯೂ ಸಿನಿಮಾದ ಆಡಿಯೋ ಲಾಂಚ್‍ಗೆ ದಕ್ಷಿಣ ಭಾರತದ ಪ್ರಖ್ಯಾತ ನಿರ್ದೇಶಕ ರಾಜಮೌಳಿ ಬರುತ್ತಿದ್ದಾರೆ. ಕನ್ನಡ ಮತ್ತು ತೆಲುಗು ಎರಡೂ ಭಾಷೆಯಲ್ಲಿ ಸಿದ್ಧವಾಗುತ್ತಿರುವ ಐ ಲವ್ ಯೂ ಚಿತ್ರದ ಆಡಿಯೋ ಲಾಂಚ್‍ನ್ನೇ ಅದ್ಧೂರಿಯಾಗಿ ಮಾಡಲು ನಿರ್ಧರಿಸಿದ್ದಾರೆ ಚಂದ್ರು. ಜನವರಿ 12ರಂದು, ದಾವಣಗೆರೆಯಲ್ಲಿ ಆಡಿಯೋ ಲಾಂಚ್ ಆಗಲಿದೆ. 

    `ರಾಜಮೌಳಿ ಅವರನ್ನು ನಾನೇ ಕೇಳಿಕೊಂಡೆ. ಅವರು ಬಳ್ಳಾರಿಯಲ್ಲಿ ಇಟ್ಟುಕೊಳ್ಳಿ ಎಂದು ಸಲಹೆ ನೀಡಿದರು. ನಾನು ದಾವಣಗೆರೆಯಲ್ಲಿ ಮಾಡುತ್ತಿದ್ದೇವೆ ಎಂದಾಗ ಓಕೆ ಎಂದು ಒಪ್ಪಿಕೊಂಡರು' ಎಂದು ವಿವರ ನೀಡಿದ್ದಾರೆ ಆರ್.ಚಂದ್ರು.

    ಆಡಿಯೋ ಲಾಂಚ್‍ಗೆ ರಜನಿಕಾಂತ್ ಅವರನ್ನೂ ಆಹ್ವಾನಿಸಲು ಚಿಂತನೆ ನಡೆದಿದೆ. ಉಪೇಂದ್ರ ಅವರು ರಜನಿ ಸಂಪರ್ಕದಲ್ಲಿದ್ದಾರೆ. ಅದೇ ದಿನ ರಜನಿಕಾಂತ್‍ರ ಪೆಟ್ಟಾ ರಿಲೀಸ್ ಇದೆ. ಬರುತ್ತಾರೋ.. ಇಲ್ಲವೋ.. ಕನ್‍ಫರ್ಮ್ ಇಲ್ಲ ಎಂದಿದ್ದಾರೆ ಚಂದ್ರು. ಚಿತ್ರವನ್ನು ಪ್ರೇಮಿಗಳ ದಿನದಂದು ಅದ್ಧೂರಿಯಾಗಿ ತೆರೆಗೆ ತರಲು ಚಿತ್ರತಂಡ ಸಿದ್ಧಗೊಂಡಿದೆ.

  • ಉಪ್ಪಿ ಐ ಲವ್ ಯೂ.. ಇಲ್ಲಿ ಎಲ್ಲವೂ ಇರುತ್ತದೆ..!

    i love you censored u/a

    ಉಪೇಂದ್ರ, ಎ, ಉಪೇಂದ್ರ, ಪ್ರೀತ್ಸೆ ಚಿತ್ರದ ಸ್ಟೈಲ್‍ನಲ್ಲಿ ಬರ್ತಾರೆ. ರಚಿತಾ ರಾಮ್, ಸಿಕ್ಕಾಪಟ್ಟೆ ಹಾಟ್ ಹಾಟ್ ಆಗಿ ನಟಿಸಿದ್ದಾರೆ. ಆರ್.ಚಂದ್ರು, ಇದು ಕಂಪ್ಲೀಟ್ ನನ್ನ ಸಿನಿಮಾ ಅಲ್ಲ.. ಇದು ಪಕ್ಕಾ ಉಪ್ಪಿ + ಚಂದ್ರು ಸಿನಿಮಾ ಎಂದು ಘೋಷಿಸಿಬಿಟ್ಟಿದ್ದಾರೆ.

    ಇಲ್ಲಿ ಎಲ್ಲವೂ ಇರುತ್ತದೆ.. ಕಡ್ಡಾಯವಾಗಿ ಕುಟುಂಬ ಸಮೇತ ಬನ್ನಿ ಎಂದು ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಆಹ್ವಾನಿಸಿದ್ದಾರೆ ಆರ್.ಚಂದ್ರು.

    ಹೀಗೆ ಹಲವು ವಿಶೇಷಣ ಹೊತ್ತುಕೊಂಡಿರೋ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಯು/ಎ ಸರ್ಟಿಫಿಕೇಟ್ ನೀಡಿದೆ. ಇಲ್ಲಿ ಎಲ್ಲವೂ ಇರುತ್ತದೆ ಎನ್ನುತ್ತಿರುವ ಚಿತ್ರತಂಡ, ಶೀಘ್ರದಲ್ಲೇ ಚಿತ್ರವನ್ನು ತೆರೆ ಮೇಲೆ ತರುತ್ತಿದೆ. ಕನ್ನಡ ಮತ್ತು ತೆಲುಗು, ಎರಡೂ ಭಾಷೆಯಲ್ಲಿ ಏಕಕಾಲಕ್ಕೆ ರಿಲೀಸ್ ಆಗುತ್ತಿದೆ ಐ ಲವ್ ಯೂ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery