` jogi prem, - chitraloka.com | Kannada Movie News, Reviews | Image

jogi prem,

  • ದರ ಹೆಚ್ಚಾದ್ರೂ ದಿ ವಿಲನ್ ಹೌಸ್‍ಫುಲ್..!

    the villain advance booking craze begins

    ದಿ ವಿಲನ್ ರಿಲೀಸ್ ಆಗೋಕೆ ಕೆಲವೇ ದಿನಗಳಿವೆ. ಶಿವಣ್ಣ ಮತ್ತು ಸುದೀಪ್ ಕಾಂಬಿನೇಷನ್ ಸಿನಿಮಾ. ಜೋಗಿ ಪ್ರೇಮ್ ನಿರ್ದೇಶನದ ಚಿತ್ರಕ್ಕೆ ಟಿಕೆಟ್ ದರ ಹೆಚ್ಚಿಸಿಯೇ ಅಡ್ವಾನ್ಸ್ ಬುಕಿಂಗ್ ಶುರು ಮಾಡಲಾಗಿದೆ. ಟಿಕೆಟ್ ದರ ಹೆಚ್ಚಾದರೂ ಹಲವು ಥಿಯೇಟರುಗಳು ಈಗಾಗಲೇ ಹೌಸ್‍ಫುಲ್ ಆಗಿವೆ.

    ಬಾಹುಬಲಿ ಬಂದಾಗ ಇದೇ ರೀತಿ ಟಿಕೆಟ್ ದರ ಏರಿಸಲಾಗಿತ್ತು. ಈಗ ಕನ್ನಡದ ಸಿನಿಮಾಗೂ ಇದೇ ರೀತಿ ದರ ಹೆಚ್ಚಿಸಿದ್ದೇವೆ. ವಿಶೇಷವೆಂದರೆ ಯಾರೊಬ್ಬರೂ ಟಿಕೆಟ್ ದರ ಹೆಚ್ಚಳದ ವಿರುದ್ಧ ಮಾತನಾಡುತ್ತಿಲ್ಲ. ಬಹುತೇಕ ಕಡೆ ಈಗಾಗಲೇ ಹೌಸ್‍ಫುಲ್ ಆಗಿದೆ ಎಂದು ಖುಷಿ ಹಂಚಿಕೊಂಡಿದ್ದಾರೆ ನಿರ್ದೇಶಕ ಪ್ರೇಮ್.

    ಇದೇ ಗುರುವಾರ ತೆರೆಗೆ ಬರುತ್ತಿರುವ ದಿ ವಿಲನ್ ಟಿಕೆಟ್ ದರ  ಗರಿಷ್ಟ 400 ರೂ. ಹಾಗೂ ಕನಿಷ್ಟ 150 ರೂ. ಇದೆ. 

  • ದರ್ಶನ್ 52ನೇ ಚಿತ್ರಕ್ಕೆ ಜೋಗಿ ಪ್ರೇಮ್ ನಿರ್ದೇಶನ..?

    prem darshan team up after 14 years

    ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 50ನೇ ಚಿತ್ರ ಶೂಟಿಂಗ್​ನಲ್ಲಿ ಬ್ಯುಸಿ. ದರ್ಶನ್ 50ನೇ ಚಿತ್ರ ಎನ್ನುವುದಷ್ಟೇ ಅಲ್ಲ, ಅದ್ಧೂರಿ ಪೌರಾಣಿಕ ಚಿತ್ರ ಎಂಬ ಕಾರಣದಿಂದಲೂ ಅದು ಕನ್ನಡ ಚಿತ್ರರಂಗದಲ್ಲಿ ಭಾರಿ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ. 

    ಇನ್ನು 49ನೇ ಚಿತ್ರ ತಾರಕ್ ಬಿಡುಗಡೆಗೆ ಸಿದ್ಧವಾಗಿದೆ. 51ನೇ ಸಿನಿಮಾದಲ್ಲಿ ದರ್ಶನ್ ಬಾಕ್ಸರ್ ಆಗಿ ನಟಿಸುತ್ತಿದ್ದಾರೆ. ಆ ಚಿತ್ರಕ್ಕೆ ಪವನ್ ಒಡೆಯರ್ ನಿರ್ದೇಶನವಿದೆ. ಹೀಗಿರುವಾಗಲೇ ದರ್ಶನ್ ಅವರ 52ನೇ ಚಿತ್ರದ ಸುದ್ದಿ ಸದ್ದು ಮಾಡುತ್ತಿದೆ.

    ದರ್ಶನ್ 52ನೇ ಸಿನಿಮಾಗೆ ಜೋಗಿ ಪ್ರೇಮ್ ನಿರ್ದೇಶನದಲ್ಲಿ ಮೂಡಿ ಬರಲಿದೆ. ಇದನ್ನು ಖುದ್ದು ರಕ್ಷಿತಾ ಅವರೇ ಬಹಿರಂಗಪಡಿಸಿದ್ದಾರೆ. ಟಿವಿ ಚಾನೆಲ್​ನ ರಿಯಾಲಿಟಿ ಶೋನಲ್ಲಿ ರಕ್ಷಿತಾ ಈ ವಿಷಯ ಬಹಿರಂಗಪಡಿಸಿದ್ದಾರೆ. ದರ್ಶನ್ ಮತ್ತು ರಕ್ಷಿತಾ ಈಗಲೂ ಬೆಸ್ಟ್ ಫ್ರೆಂಡ್ಸ್. ಕನ್ನಡ ಚಿತ್ರರಂಗದ ಯಶಸ್ವಿ ಜೋಡಿಗಳಲ್ಲಿ ದರ್ಶನ್ ರಕ್ಷಿತಾ ಜೋಡಿ ಕೂಡಾ ಒಂದು. ಆ ಸ್ನೇಹವೇ ದರ್ಶನ್ ಅಭಿನಯದ ಚಿತ್ರವನ್ನು ನಿರ್ದೇಶಿಸುವ ಅವಕಾಶವನ್ನು ಪ್ರೇಮ್​ಗೆ ಒದಗಿಸುತ್ತಿದೆ. ಆದರೆ, ಅದು ಸಾಧ್ಯವಾಗಲು ದರ್ಶನ್ ಕೈಲಿರುವ ಎರಡು ಚಿತ್ರಗಳು ಕಂಪ್ಲೀಟ್ ಆಗಬೇಕು. ಅತ್ತ ಪ್ರೇಮ್ ಕೂಡಾ ದಿ ವಿಲನ್ ಚಿತ್ರವನ್ನು ಮುಗಿಸಬೇಕು.

     

  • ದಿ ವಿಲನ್ - ಒಂದು ಸೀನ್‍ಗೇ ಮೂರೂವರೆ ಕೋಟಿ..!

    the villain

    ದಿ ವಿಲನ್. ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೇ ನಟಿಸುತ್ತಿರುವ ಈ ಸಿನಿಮಾ, ಕನ್ನಡ ಚಿತ್ರರಂಗದಲ್ಲಿ ಭರ್ಜರಿ ನಿರೀಕ್ಷೆ ಹುಟ್ಟಿಸಿರುವ ಚಿತ್ರ. ಇಬ್ಬರು ದೊಡ್ಡ ಸ್ಟಾರ್‍ಗಳು ಒಟ್ಟಿಗೇ ನಟಿಸುತ್ತಿರುವ ಕಾರಣಕ್ಕೆ ಇಷ್ಟು ದೊಡ್ಡ ನಿರೀಕ್ಷೆ ಮೂಡಿಸಿರುವ ಚಿತ್ರದ ಇನ್ನೊಂದು ಹೈಲೈಟ್ ಇಲ್ಲಿದೆ ನೋಡಿ.

    ದಿ ವಿಲನ್ ಚಿತ್ರದ ಒಂದು ಚೇಸಿಂಗ್ ಸೀನ್‍ಗೇ ಮೂರೂವರೆ ಕೋಟಿ ಖರ್ಚಾಗುತ್ತಿದೆಯಂತೆ. ಅದು ಕನ್ನಡದ ಸಣ್ಣ ಬಜೆಟ್ ಸಿನಿಮಾಗಳ ಒಟ್ಟು ಬಜೆಟ್ ಎಂಬುದು ನಿಮಗೆ ಗೊತ್ತಿರಲಿ. ಚಿತ್ರದ ಈ ಚೇಸಿಂಗ್ ಸೀನ್‍ನ ಚಿತ್ರೀಕರಣ ನಡೆಯುತ್ತಿರುವುದು ಬ್ಯಾಂಕಾಕ್‍ನಲ್ಲಿ. ಆ ದೃಶ್ಯದ ಚಿತ್ರೀಕರಣ ನೋಡಲು ಶಿವಣ್ಣನ ಮಗಳು ನಿವೇದಿತಾ ಕೂಡಾ ಬ್ಯಾಂಕಾಕ್‍ಗೆ ಹೋಗಿದ್ದಾರೆ.

    ಈ ದೃಶ್ಯದಲ್ಲಿ ಸುದೀಪ್, ಶಿವಣ್ಣ ಜೊತೆ ತಿಲಕ್ ಕೂಡಾ ಕಾಣಿಸಿಕೊಳ್ಳಲಿದ್ದಾರೆ. ಸಾಹಸ ದೃಶ್ಯ ಸಂಯೋಜಿಸಿರುವುದು ಮಾಸ್ ಮಾದ. ವಿದೇಶಿ ಸಾಹಸ ಕಲಾವಿದರೂ ಕೂಡಾ ಈ ಸಾಹಸ ದೃಶ್ಯದಲ್ಲಿ ನಟಿಸಲಿದ್ದು, ದುಬಾರಿ ಕಾರುಗಳ ಬಳಕೆಯಾಗುತ್ತಿದೆ. 

    ಈ ಮೂರೂವರೆ ಕೋಟಿ ವೆಚ್ಚದ ದೃಶ್ಯದ ಚಿತ್ರೀಕರಣ ನಡೆಯಲಿರುವುದು 2 ದಿನ. ಒಂದು ದೃಶ್ಯಕ್ಕೆ ಇಷ್ಟು ಖರ್ಚು ಮಾಡಲಿರುವ ಚಿತ್ರದ ಒಟ್ಟಾರೆ ಬಜೆಟ್ ಎಷ್ಟಿರಬಹುದು..? ನಮಗೂ ಗೊತ್ತಿಲ್ಲ. ನೀವೇ ಲೆಕ್ಕ ಹಾಕಿ.

    Related Articles :-

    ರಿಲೀಸ್‍ಗೂ ಮೊದಲೇ ದುಬೈಯಲ್ಲಿ ವಿಲನ್ ಅಬ್ಬರ

    ಇಂದಿನಿಂದ ಚಿಕ್ಕಮಗಳೂರಿನಲ್ಲಿ ವಿಲನ್ ಟೀಂ

    ದಿ ವಿಲನ್ ಚಿತ್ರದ ಸೀಕ್ರೆಟ್ ಹೇಳಿದ ಕಿಚ್ಚ

    ವಿಲನ್ ಚಿತ್ರದ ಕಾನ್ಸೆಪ್ಟ್ - ಹೀಗೂ ಉಂಟೆ..?

    Motion poster Of 'The Villain' Released!

  • ದಿ ವಿಲನ್ ಆ್ಯಮಿ ಜಾಕ್ಸನ್ ಪ್ರಾಬ್ಲಂ

    the villain has new villain

    ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೇ ನಟಿಸುತ್ತಿರುವ `ದಿ ವಿಲನ್' ಚಿತ್ರಕ್ಕೆ ಹೊಸ ವಿಲನ್ ಸೃಷ್ಟಿಯಾಗಿದ್ದಾರೆ. ಕನ್ನಡ ಚಿತ್ರರಂಗದ ಅದ್ದೂರಿ ಚಿತ್ರಕೆಕ ವಿಲನ್ ಆಗಿರೋದು ಭಾರತೀಯ ವಿದೇಶಾಂಗ ಇಲಾಖೆ ಮತ್ತು ರಜಿನಿ ಅಭಿನಯದ ರೋಬೋ 2.0 ಚಿತ್ರ.

    ಆ್ಯಮಿ ಜಾಕ್ಸನ್‍ಗೆ ವೀಸಾ ಸಿಗುತ್ತಿಲ್ಲ. ಹೀಗಾಗಿ ಸುದೀಪ್ ಅವರ ಇಂಟ್ರೊಡಕ್ಷನ್ ಸಾಂಗ್‍ನ ಶೂಟಿಂಗ್‍ನಿಂದ ಆ್ಯಮಿ ದೂರವೇ ಉಳಿಯುವಂತಾಗಿದೆ. ಶೂಟಿಂಗ್ ಕೂಡಾ ಸಮಸ್ಯೆಯಾಗಿದೆ. ಇದರ ಜೊತೆಗೆ ರೋಬೋ 2.0 ಚಿತ್ರ ವಿಳಂಬವಾಗುತ್ತಿದ್ದು, ಡೇಟ್ ಕ್ಲಾಷ್ ಆಗುತ್ತಿದೆ. 

    ಈಗ ಪ್ರೇಮ್‍ಗೆ ಆಗಿರುವ ಸಮಸ್ಯೆಯೆಂದರೆ, ಆ್ಯಮಿ ಡೇಟ್ಸ್‍ಗೆ ಉಳಿದವರ ಡೇಟ್ಸ್ ಹೊಂದಿಸುವುದು. ಆದರೆ, ಚಿತ್ರದಲ್ಲಿ ನಟಿಸುತ್ತಿರುವ ಶಿವಣ್ಣ ಹಾಗೂ ಸುದೀಪ್, ಆ್ಯಮಿಗಿಂತಾ ಬ್ಯುಸಿ. ಪ್ರೇಮ್ ತಲೆ ಕಾದಹೆಂಚಿನಂತಾಗಿರುವುದಂತೂ ನಿಜ.

  • ದಿ ವಿಲನ್ ಟೀಸರ್‍ಗೇ 500 ರೂ. ಟಿಕೆಟ್.. ಯಾಕೆ ಗೊತ್ತಾ..?

    the villain teaser on june 28th

    ದಿ ವಿಲನ್. ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ. ಶಿವರಾಜ್‍ಕುಮಾರ್, ಸುದೀಪ್ ಮತ್ತು ಪ್ರೇಮ್ ಹಾಗೂ ಸಿ.ಆರ್.ಮನೋಹರ್ ಕಾಂಬಿನೇಷನ್ ಚಿತ್ರದ ಬಗ್ಗೆ ಗೌರಿಶಂಕರದಷ್ಟು ನಿರೀಕ್ಷೆ ಹುಟ್ಟಿಸಿದೆ. ಚಿತ್ರದ ಬಿಡುಗಡೆ ಯಾವಾಗ ಎಂಬ ಪ್ರಶ್ನೆಗೆ ಉತ್ತರ ಇನ್ನೂ ಸಿಕ್ಕಿಲ್ಲವಾದರೂ, ಹೇಳಿದಂತೆ ಜೂನ್ ತಿಂಗಳಲ್ಲೇ ಚಿತ್ರದ ಟೀಸರ್ ಹೊರತರುತ್ತಿದ್ದಾರೆ ನಿರ್ದೇಶಕ ಪ್ರೇಮ್. ಜೂನ್ 28ರಂದು ಬೆಂಗಳೂರಿನ ಜಿ.ಟಿ.ಮಾಲ್‍ನಲ್ಲಿ ಚಿತ್ರದ ಟೀಸರ್ ಬಿಡುಗಡೆಯಾಗಲಿದೆ. 

    ಕನ್ನಡ ಚಿತ್ರರಂಗದಲ್ಲಿ ಹಲವು ಹೊಸತುಗಳಿಗೆ ಮುನ್ನುಡಿ ಬರೆಯುತ್ತಿರುವ ಚಿತ್ರ, ಟೀಸರ್ ಬಿಡುಗಡೆಯಲ್ಲೂ ವಿಭಿನ್ನ ಹಾದಿ ತುಳಿದಿದೆ. ಚಿತ್ರದ ಟೀಸರ್ ಪ್ರದರ್ಶನಕ್ಕೂ ಟಿಕೆಟ್ ನೀಡಲಾಗುತ್ತಿದೆ. ಒಂದು ಟಿಕೆಟ್‍ಗೆ 500 ರೂ.

    ಶಿವಣ್ಣ ಮತ್ತು ಸುದೀಪ್ ಇಬ್ಬರಿಗೂ ಪ್ರತ್ಯೇಕ ಟೀಸರ್ ರೆಡಿ ಮಾಡಲಾಗಿದೆಯಂತೆ. ಅಂದಹಾಗೆ ಟೀಸರ್ ನೋಡೋಕೆ ನೀವು ಕೊಡೋ 500 ರೂ. ವ್ಯರ್ಥವಾಗುವುದಿಲ್ಲ. ಆ ಹಣ ಕನ್ನಡ ಚಿತ್ರರಂಗದಲ್ಲಿ ಸಂಕಷ್ಟದಲ್ಲಿರುವ ನಿರ್ದೇಶಕರ ನೆರವಿಗಾಗಿ ನೀಡಲು ಚಿತ್ರತಂಡ ನಿರ್ಧರಿಸಿದೆ. ಅದೇ ದಿನ ಹಣವನ್ನು ಮುಖ್ಯಮಂತ್ರಿ ಕುಮಾರಸ್ವಾಮಿಯವರಿಗೆ ತಲುಪಿಸಲು ಚಿತ್ರತಂಡ ಪ್ಲಾನ್ ಮಾಡಿದೆ. ಸಿಎಂ ಮೂಲಕವೇ ಸಂಕಷ್ಟದಲ್ಲಿರುವ ಆಯ್ದ ನಿರ್ದೇಶಕರಿಗೆ ಈ ಮೊತ್ತ ತಲುಪಲಿದೆ ಎಂದು ಹೇಳಿಕೊಂಡಿದೆ ಚಿತ್ರತಂಡ. 

  • ದಿ ವಿಲನ್ ಡಬ್ಬಿಂಗ್ ಶುರು

    the villain dubbing starts

    ಕಿಚ್ಚ ಸುದೀಪ್ ಮತ್ತು ಶಿವರಾಜ್‍ಕುಮಾರ್ ಒಟ್ಟಿಗೇ ನಟಿಸುತ್ತಿರುವ ಸ್ಯಾಂಡಲ್‍ವುಡ್‍ನ ಬಹುನಿರೀಕ್ಷಿತ ಚಿತ್ರ ದಿ ವಿಲನ್. ಪ್ರೇಮ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಚಿತ್ರದ ಡಬ್ಬಿಂಗ್ ಈಗ ಶುರುವಾಗಿದೆ. ಹಾಗೆಂದು ಶೂಟಂಗ್ ಮುಗಿದಿದೆ ಎಂದುಕೊಳ್ಳಬೇಡಿ. ಇನ್ನೂ ಎರಡು ಹಾಡುಗಳ ಶೂಟಿಂಗ್ ಕೆಲಸ ಬಾಕಿಯಿದೆ.

    ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರ ವರಮಹಾಲಕ್ಷ್ಮಿ ಹಬ್ಬಕ್ಕೆ ತೆರೆಯ ಮೇಲೆ ಬರಲಿದೆ. ರಿಲೀಸ್ ಡೇಟ್ ಫಿಕ್ಸ್ ಮಾಡಿಕೊಂಡೇ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಶುರು ಮಾಡಲಾಗಿದೆ. ಎಲ್ಲವೂ ನಿರೀಕ್ಷೆಯಂತೆಯೇ ಆದರೆ, ಆಗಸ್ಟ್ 24ರಂದು ಚಿತ್ರ ತೆರೆಗೆ ಬರಲಿದೆ.

    ಅಂದಹಾಗೆ.. ಸುದೀಪ್ ಅವರೇ ಹೀರೋ ಆಗಿರುವ ಚಿತ್ರವೊಂದು ತೆರೆಯ ಮೇಲೆ ಒಂದು ವರ್ಷ 2 ತಿಂಗಳಾಗಿದೆ.

  • ದಿ ವಿಲನ್ ಹಬ್ಬಕ್ಕೆ ಟಿಕ್ ಟಿಕ್ ಟಿಕ್ ಟಿಕ್

    count down for the villain begins

    ದಿ ವಿಲನ್ ಹಬ್ಬಕ್ಕೆ ಟಿಕ್ ಟಿಕ್ ಶುರುವಾಗಿದೆ. ಶಿವಣ್ಣ ಮತ್ತು ಸುದೀಪ್ ಅಭಿಮಾನಿಗಳಂತೂ ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಇದೆಲ್ಲವನ್ನೂ ನೋಡುತ್ತಾ ಎಂಜಾಯ್ ಮಾಡ್ತಿರೋದು ಪ್ರೇಮ್. ಇಡೀ ಸಂಭ್ರಮದಲ್ಲಿ ಖುಷಿ ಖುಷಿಗೊಂಡಿರೋದು ನಿರ್ಮಾಪಕ ಸಿ.ಆರ್. ಮನೋಹರ್. 

    ನಿರ್ಮಾಪಕರು ಖುಷಿ ಪಡೋದಕ್ಕೆ ಕಾರಣಗಳಿವೆ. ದಿ ವಿಲನ್ ಶೋನ ಮೊದಲ ದಿನದ ಎಲ್ಲ ಶೋಗಳೂ ಈಗಾಗಲೇ ಹೌಸ್‍ಫುಲ್ ಆಗಿವೆ. ಸತತ ರಜೆಗಳಿರೋದ್ರಿಂದ ಉಳಿದ ಶೋಗಳೂ ತುಂಬಿಕೊಳ್ಳೋದ್ರಲ್ಲಿ ನೋ ಡೌಟ್. ರಾಜ್ಯದಲ್ಲಿ ಹೆಚ್ಚೂಕಡಿಮೆ 450+ ಥಿಯೇಟರುಗಳಲ್ಲಿ ಸಿನಿಮಾ ರಿಲೀಸ್ ಆಗ್ತಿದೆ. ಮುಂಬೈ, ಆಂಧ್ರ, ತೆಲಂಗಾಣ, ಚೆನ್ನೈ, ಕೇರಳದಲ್ಲೂ 80ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ ರಿಲೀಸ್ ಆಗುತ್ತಿದೆ. ಉತ್ತರ ಅಮೆರಿಕದಲ್ಲಿ ನಾಳೆಯಿಂದಲೇ ಶೋ ಶುರುವಾಗಲಿದ್ದು, ಉಳಿದ ಕಡೆ 2 ವಾರಗಳ ಬಳಿಕ ಸಿನಿಮಾ ರಿಲೀಸ್ ಆಗಲಿದೆ. ಮುಂಜಾಗ್ರತೆ ಕ್ರಮವಾಗಿ ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಎಲ್ಲ ಚಿತ್ರಮಂದಿರಗಳಿಗೂ ಪೊಲೀಸ್ ಭದ್ರತೆ ಒದಗಿಸಲಾಗಿದೆ. 

  • ದಿ ವಿಲನ್ ಹಾಡನ್ನು ಕೇಳಿ.. ಒಂದ್ಸಲ ಓದ್ಕೊಂಡ್ ಬಿಡಿ

    the villain lyrics

    ನಾನ್ ಸೈಲೆಂಟ್ ಆಗಿದ್ರೆ ರಾಮ

    ವಯಲೆಂಟ್ ಆದ್ರೆ.. ರಾವಣಾ...

    ರಾವಣಾ... ರಾವಣಾ...

    ಅಣ್ಣಾ ನನ್ನ ಊರು..

    ಅಣ್ಣಾ ನನ್ನ ಹಎಸರು..

    ಅಣ್ಣಾ ನಾನು ಕೆಂಚಹಳ್ಳಿ ಕೆಂಚ ಕಾಣಣ್ಣೋ..

    ಇಫ್ ಯೂ ಕಮ್ ಟುಡೇ..

    ಐ ಆ್ಯಮ್ ಸೋ ಹ್ಯಾಪಿ

    ಇಫ್ ಯೂ ಕಮ್ ಟುಮಾರೋ..

    ಐ ಆ್ಯಮ್ ಟೂ ಬ್ಯಾಡ್

    ಯೂ ಪಿಕ್ ದ ಟೈಂ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಧಗ ಧಗ ಧಗ ಧಗ

    ರಾಜರ ಹಿರಿ ಮಗ..

    ಬಿಟ್ಟ ನೋಡು ಮೂರನೇ ಕಣ್ಣ

    ಶಂಕರಾ.. ಶಿವಶಂಕರಾ..

    ತಗ ತಗ ತಗ ತಗ

    ಮಚ್ಚೇಟು ಬೀಳುವಾಗ

    ಕೈಕಾಲು ಲ್ಯಾಪ್ಸು

    ಶಿವಶಂಕರಾ.. ಅಯ್ಯೋ ಶಂಕರಾ..

    ಮಚ್ಚು ಹಿಡಿದು ನಿಂತ್ರೆ ನೀನು ಹುಚ್ಚೆದ್ದು ಕುಣೀತಾರೋ..

    ನಿನ್ನ ಮುಂದೆ ಎಲ್ರೂ ಬಚ್ಚ ಕಾಣಣ್ಣ..

    ಇಫ್ ಯೂ ಕಮ್ ಟುಡೇ..

    ಐ ಆ್ಯಮ್ ಸೋ ಹ್ಯಾಪಿ

    ಇಫ್ ಯೂ ಕಮ್ ಟುಮಾರೋ..

    ಐ ಆ್ಯಮ್ ಟೂ ಬ್ಯಾಡ್

    ಯೂ ಪಿಕ್ ದ ಟೈಂ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ರಾಜಾಧಿರಾಜನೇ.. 

    ರಾಕ್ಷಸರ ರಾಜನೇ..

    ಹೇಳಿ ಹೇಳಿ ಹೇಳ್ರಪ್ಪಾ..

    ಎಲ್ರೂ ಒಟ್ಟಿಗೆ ಹೇಳ್ರಪ್ಪಾ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಬಿಡು ಬಿಡು ಬಿಡು ಬಿಡು 

    ನಾನು ಅನ್ನದ್ ಮೊದ್ಲು ಬಿಡು

    ನಾವು ಅಂತಾ ಬಾಳೋದು ಕಲಿ ಶಂಕರಾ..

    ಶಿವಶಂಕರಾ..

    ಕೊಡು ಕೊಡು ಕೊಡು ಕೊಡು 

    ಕೈಲಾದಷ್ಟು ದಾನ ಕೊಡು

    ಸ್ವರ್ಗ ನರ್ಕ ಎಲ್ಲ ಇಲ್ಲೇ.. ಶಂಕರಾ..

    ಶಿವಶಂಕರಾ..

    ನಿನ್ನೆ ಮೊನ್ನೆ ಬಂದೋರೆಲ್ಲ ನಂಬರ್ ಒನ್ ಅಂತಾರೋ..

    ಅವ್ರವ್ರೆ ಸಂಘ ಕಟ್ಕೊಂಡು ಬಿರುದು ಇಟ್ಕೊಂಡ್ ನಿಂತವ್ರೋ..

    ನಿಂಗೆ ನಂಬರ್‍ಗಳ ಲೆಕ್ಕ ಇಲ್ಲಣ್ಣ..

    ಇಫ್ ಯೂ ಕಮ್ ಟುಡೇ..

    ಐ ಆ್ಯಮ್ ಸೋ ಹ್ಯಾಪಿ

    ಇಫ್ ಯೂ ಕಮ್ ಟುಮಾರೋ..

    ಐ ಆ್ಯಮ್ ಟೂ ಬ್ಯಾಡ್

    ಯೂ ಪಿಕ್ ದ ಟೈಂ..

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

    ಟಿಕ್ ಟಿಕ್ ಟಿಕ್ ಟಿಕ್ ಟಿಕ್

  • ದಿ ವಿಲನ್.. ಹಾಡು, ಟೀಸರ್ ನೋಡೋಕೆ ರೆಡಿಯಾಗಿ

    the villain audio and teaser soon

    ದಿ ವಿಲನ್.. ಭರ್ಜರಿ ಕಾಂಬಿನೇಷನ್‍ನಿಂದಾಗಿಯೇ ಮೌಂಟ್ ಎವರೆಸ್ಟ್‍ನಷ್ಟು ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ. ಶಿವರಾಜ್‍ಕುಮಾರ್, ಸುದೀಪ್ ಜೋಡಿಯಾಗಿರುವುದು, ಪ್ರೇಮ್ ನಿರ್ದೇಶನ, ಬಾಲಿವುಡ್ ಸ್ಟಾರ್‍ಗಳ ನಟನೆ, ಸಿ.ಆರ್.ಮನೋಹರ್ ನಿರ್ಮಾಣ.. ಹೀಗೆ ವಿಶೇಷತೆಗಳೋ ವಿಶೇಷತೆಗಳು. ಹೀಗಾಗಿಯೇ ಚಿತ್ರದ ಒಂದೊಂದು ಸಣ್ಣ ಸುದ್ದಿಯನ್ನೂ ಪ್ರೇಕ್ಷಕರು, ಅಭಿಮಾನಿಗಳು ಉತ್ಸಾಹದಿಂದ ಗಮನಿಸುತ್ತಿರುತ್ತಾರೆ. 

    ಈಗ ಚಿತ್ರದ ಟೀಸರ್, ಹಾಡು ನೋಡುವ ಸಮಯ ಹತ್ತಿರವಾಗಿದೆ. ಚಿತ್ರದ ಆಡಿಯೋ ಹಕ್ಕುಗಳನ್ನು ಆನಂದ್ ಆಡಿಯೋ ಖರೀದಿಸಿದೆ. ಜೂನ್ ಮೊದಲ ವಾರದಲ್ಲಿ ಚಿತ್ರದ ಟೀಸರ್ ಹೊರಬರುವ ನಿರೀಕ್ಷೆ ಇದೆ. ಜೂನ್ ಅಂತ್ಯದೊಳಗೆ ಹಾಡುಗಳನ್ನು ಕಣ್ತುಂಬಿಕೊಳ್ಳಬಹುದು. ಗೆಟ್ ರೆಡಿ.

     

  • ದಿ ವಿಲನ್‍ನ ಹಾಡುಗಳೆಲ್ಲ `ಪ್ರೇಮ್'ಮಯ..!

    prem's magic in the villain's magic

    ದಿ ವಿಲನ್ ಚಿತ್ರದ ಹಾಡುಗಳು ರಿಲೀಸ್ ಆಗಿವೆ. ವಿಡಿಯೋ ಟ್ರ್ಯಾಕ್ ಬಿಡದೆ, ಕೇವಲ ಲಿರಿಕಲ್ ವಿಡಿಯೋ ಬಿಟ್ಟು ಮೋಡಿ ಸೃಷ್ಟಿಸಿದ್ದಾರೆ ಪ್ರೇಮ್. ದಿನೇ ದಿನೇ ಹಾಡುಗಳ ಹಿಟ್ಸ್ ಹೆಚ್ಚುತ್ತಲೇ ಇದೆ. ಚಿತ್ರದ ಹಾಡುಗಳ ಸ್ಪೆಷಾಲಿಟಿ ಏನ್ ಗೊತ್ತಾ..? ಚಿತ್ರದ ಎಲ್ಲ ಹಾಡುಗಳಲ್ಲೂ ಪ್ರೇಮ್ ಇದ್ದಾರೆ. 

    ಚಿತ್ರದ ಎಲ್ಲ ಹಾಡುಗಳನ್ನೂ ಬರೆದಿರುವುದು ಜೋಗಿ ಪ್ರೇಮ್. ದಲೇರ್ ಮೆಹಂದಿಯಂತಹವರಿಂದ ಹಾಡಿಸಿದರೂ ಅದು ಪ್ರೇಮ್‍ಗೆ ಇಷ್ಟವಾಗಲಿಲ್ಲ. ಆಡು ಭಾಷೆಯನ್ನು ಹೆಚ್ಚಾಗಿ ಬಳಸಿದ್ದ ಪ್ರೇಮ್‍ಗೆ, ಆ ಆಡುಭಾಷೆಯ ಉಚ್ಛಾರಣೆ ಹಿಂದಿ ಗಾಯಕರಿಂದ ಸರಿ ಕಾಣಲಿಲ್ಲ. ಹೀಗಾಗಿ ಹಾಡುಗಳಲ್ಲಿ ಪ್ರೇಮ್ ಅವರ ಧ್ವನಿ ಖಾಯಂ ಆಗಿದೆ ಎನ್ನುತ್ತಾರೆ ಅರ್ಜುನ್ ಜನ್ಯ.

    ಅರ್ಜುನ್ ಜನ್ಯ ಅವರಿಗೆ ದಿನಗಟ್ಟಲೆ ಕಾಟ ಕೊಟ್ಟಿದ್ದೇನೆ. ಈಗ ಒಳ್ಳೆಯ ಹಾಡುಗಳು ಬಂದಿವೆ. ನನ್ನ ಚಿತ್ರದಲ್ಲಿ ಹಾಡುಗಳಿಗೂ ಅಷ್ಟೇ ಪ್ರಾಮುಖ್ಯತೆ ಕೊಡುತ್ತೇನೆ. ಪ್ರತಿಯೊಂದು ಹಾಡು, ಚಿತ್ರದ ಕಥೆಗೆ ಪೂರಕವಾಗಿವೆ ಎಂದು ಹೇಳಿಕೊಂಡಿದ್ದಾರೆ ನಿರ್ದೇಶಕ ಪ್ರೇಮ್.

    ಶಿವರಾಜ್‍ಕುಮಾರ್, ಸುದೀಪ್, ಆ್ಯಮಿ ಜಾಕ್ಸನ್, ಮಿಥುನ್ ಚಕ್ರವರ್ತಿ, ಶ್ರೀಕಾಂತ್ ಅಭಿನಯದ ಸಿನಿಮಾ, ಅಕ್ಟೋಬರ್‍ನಲ್ಲಿ ತೆರೆಕಾಣುವ ಸಾಧ್ಯತೆ ಇದೆ.

  • ದೊಡ್ಡ ಸಿನಿಮಾ.. ದೊಡ್ಡ ಟಿಕೆಟ್ಟು..

    the villain movie on oct 18th

    ದಿ ವಿಲನ್ ಸಿನಿಮಾ ಮುಂದಿನ ವಾರ ರಿಲೀಸ್ ಆಗ್ತಿದೆ. ಈ ಚಿತ್ರ ನೋಡೋಕೆ ನೀವು ಥಿಯೇಟರ್‍ಗೆ ಹೋದರೆ ಮಾಮೂಲಿ ಬೆಲೆಗಿಂತ ಹೆಚ್ಚಿನ ಬೆಲೆ ಕೊಡಬೇಕು. ಹೇಗಿರುತ್ತೆ ದಿ ವಿಲನ್ ಚಿತ್ರದ ಟಿಕೆಟ್ ಬೆಲೆ..? ಇಲ್ಲಿದೆ ನೋಡಿ ವಿವರ.

    ಸಿಂಗಲ್ ಸ್ಕ್ರೀನ್ ಥಿಯೇಟರುಗಳಲ್ಲಿ - ಬಾಲ್ಕನಿ ದರ 50 ರೂ. ಏರಿಕೆ. ಸೆಕೆಂಡ್ ಕ್ಲಾಸ್ 18 ರೂ. ಏರಿಕೆ. ಹೀಗಾಗಿ ಬಾಲ್ಕನಿಗೆ 200 ರೂ. ಹಾಗೂ ಸೆಕೆಂಡ್ ಕ್ಲಾಸ್ ಟಿಕೆಟ್‍ಗೆ 118 ರೂ. ಕೊಡಬೇಕು. ಮಲ್ಟಿಪ್ಲೆಕ್ಸ್‍ಗಳಲ್ಲಿ ಟಿಕೆಟ್ ದರ - 400 ರೂ. ಇರಲಿದೆಯಂತೆ. 

    ಇಷ್ಟೆಲ್ಲ ಆಗಿಯೂ ಈ ದರ ಇರುವುದು ಆರಂಭದ 4 ದಿನ ಮಾತ್ರ. ನಂತರ ಟಿಕೆಟ್ ದರ ಹಳೆಯ ದರಕ್ಕೆ ಮರಳಲಿದೆ.

    ಪರಭಾಷೆಯ ಚಿತ್ರಗಳಿಗೆ ಸಡ್ಡು ಹೊಡೆಯಲೆಂದು ಕನ್ನಡದ ನಿರ್ಮಾಪಕರೊಬ್ಬರು ಅದ್ಧೂರಿಯಾಗಿ ಸಿನಿಮಾ ಮಾಡಿದಾಗ, ನಿರ್ಮಾಪಕರನ್ನೂ ಉಳಿಸಿಕೊಳ್ಳಬೇಕು. ಬೇರೆ ಭಾಷೆ ಚಿತ್ರಗಳಿಗೆ ದುಬಾರಿ ದರ ಕೊಟ್ಟು ಸಿನಿಮಾ ನೋಡುವ ಕನ್ನಡಿಗರು ಕನ್ನಡ ಸಿನಿಮಾವನ್ನೂ ನೋಡಿ ಪ್ರೋತ್ಸಾಹಿಸಲಿ ಎನ್ನುವುದು ವಿತರಕ ಜಾಕ್ ಮಂಜು ಮಾತು.

  • ಪುನರ್ ಪರಿಶೀಲನಾ ಸೆನ್ಸಾರ್‍ಗೆ ದಿ ವಿಲನ್ 

    the villain goes to revising committeee

    ಶಿವರಾಜ್‍ಕುಮಾರ್ ಮತ್ತು ಕಿಚ್ಚ ಸುದೀಪ್ ಅಭಿನಯದ ದಿ ವಿಲನ್ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಎ ಸರ್ಟಿಫಿಕೇಟ್ ಪ್ರಮಾಣಪತ್ರ ನೀಡುತ್ತೇವೆ ಎಂದಿದ್ದಾರೆ. ಈ ಸರ್ಟಿಫಿಕೇಟ್ ಕೊಡೋಕೆ ಅವರು ನೀಡುತ್ತಿರುವ ಕಾರಣಗಳಿವೆ. ಚಿತ್ರದಲ್ಲಿ ಆ್ಯಕ್ಷನ್ ದೃಶ್ಯಗಳಿವೆ. ಭಾರತೀಯರು ಬ್ರಿಟಿಷರ ಬಗ್ಗೆ ಮಾತನಾಡುವ ಡೈಲಾಗ್‍ಗಳಿವೆ. ಅಂಡರ್‍ವಲ್ರ್ಡ್ ಸಬ್ಜೆಕ್ಟ್. ಹೀಗಾಗಿ ಎ ಪ್ರಮಾಣ ಪತ್ರ ಎನ್ನುತ್ತಿದ್ದಾರೆ ಸೆನ್ಸಾರ್ ಅಧಿಕಾರಿಗಳು.

    ನಾವು ಮಾಡಿರುವು ಫ್ಯಾಮಿಲಿ ಓರಿಯಂಟೆಡ್ ಕಮರ್ಷಿಯಲ್ ಸಿನಿಮಾ. ಚಿತ್ರದಲ್ಲಿ ಮದರ್ ಸೆಂಟಿಮೆಂಟ್ ಕೂಡಾ ಇದೆ. ಎ ಸರ್ಟಿಫಿಕೇಟ್ ಕೊಟ್ಟರೆ, ಮಲ್ಟಿಪ್ಲೆಕ್ಸ್‍ಗಳಲ್ಲಿ ಪ್ರಾಬ್ಲಂ ಆಗುತ್ತೆ. ಯು/ಎ ಪ್ರಮಾಣ ಪತ್ರವನ್ನಾದರೂ ಕೊಟ್ಟರೆ ಒಳ್ಳೆಯದು. ಹೀಗಾಗಿ ಚಿತ್ರವನ್ನು ರಿವೈಸಿಂಗ್ ಕಮಿಟಿಗೆ ಒಯ್ಯುವುದಾಗಿ ತಿಳಿಸಿದ್ದಾರೆ ನಿರ್ದೇಶಕ ಪ್ರೇಮ್.

    ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರವನ್ನು ಗೌರಿಗಣೇಶ ಹಬ್ಬಕ್ಕೆ ಬಿಡುಗಡೆ ಮಾಡಲು ಸಿದ್ಧತೆ ನಡೆದಿದೆ. ರಿವೈಸಿಂಗ್ ಕಮಿಟಿ ನಿರ್ಧಾರ ಏನಾಗಲಿದೆಯೋ.. ಕಾಯಬೇಕಷ್ಟೆ.

  • ಪ್ರೇಮ್ ಅಂದ್ರೇನೇ ಟೆನ್ಷನ್.. ಹೀಗಂದಿದ್ದು ರಕ್ಷಿತಾ ಮೇಡಂ

    prem didnt miss the date says rakshitha

    ಪ್ರೇಮ್ ಅಂದ್ರೆ ಕ್ರೇಜ್.. ಪ್ರೇಮ್ ಅಂದ್ರೆ ಅದ್ಭುತ ಸಾಂಗ್ಸ್.. ಪ್ರೇಮ್ ಅಂದ್ರೆ ಚೆಂದದ ಮೇಕಿಂಗ್.. ಹ್ಯಾಟ್ರಿಕ್ ಹಿಟ್ ಕೊಟ್ಟ ಡೈರೆಕ್ಟರ್. ಜೋಗಿ ಪ್ರೇಮ್ ಎಂದೇ ಫೇಮಸ್. ಕನ್ನಡದ ಕೆಲವು ವಂಡರ್ ಡೈರೆಕ್ಟರ್ಸ್‍ಗಳಲ್ಲಿ ಪ್ರೇಮ್ ಒಬ್ಬರು. ಇಂತಹ ಪ್ರೇಮ್ ಅಂದ್ರೆ ಟೆನ್ಷನ್ನೋ ಟೆನ್ಷನ್ನು ಅಂದಿರೋದು ಶ್ರೀಮತಿ ರಕ್ಷಿತಾ ಪ್ರೇಮ್.

    ರಕ್ಷಿತಾ ಅವರ ಸೋದರ ರಾಣಾ ಅವರನ್ನು ಚಿತ್ರರಂಗಕ್ಕೆ ಪರಿಚಯಿಸುತ್ತಿರುವ ಪ್ರೇಮ್ ಏಕ್ ಲವ್  ಯಾ ಚಿತ್ರದ ಮೋಷನ್ ಪೋಸ್ಟರ್ ಮತ್ತು ಟೀಸರ್ ರಿಲೀಸ್ ಮಾಡೋಕೆ ರೆಡಿಯಾಗಿದ್ದಾರೆ. ಪ್ರೇಮ್ ಅಂದ್ರೇನೇ ಟೆನ್ಷನ್ ಡೈರೆಕ್ಟರ್ ಎಂದಿರೋ ರಕ್ಷಿತಾ, ಪ್ರೇಮ್ ಇದೇ ಮೊದಲ ಬಾರಿಗೆ ಹೇಳಿದ ದಿನಾಂಕಕ್ಕೆ ಮೋಷನ್ ಪೋಸ್ಟರ್ ಮತ್ತು ಟೀಸರ್ ರಿಲೀಸ್ ಮಾಡುತ್ತಿದ್ದಾರೆ ಎಂದಿದ್ದಾರೆ.

    ಫೆಬ್ರವರಿ 8ಕ್ಕೆ ಮೋಷನ್ ಪೋಸ್ಟರ್ ಬಂದರೆ, ಪ್ರೇಮಿಗಳ ದಿನ ಫೆ.14ಕ್ಕೆ ಟೀಸರ್ ಬರುತ್ತಿದೆ. ರಾಣಾ ಎದುರು ರೀಷ್ಮಾ ನಾಯಕಿಯಾಗಿದ್ದರೆ, ರಚಿತಾ ರಾಮ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಶಶಿಕುಮಾರ್, ಚರಣ್ ರಾಜ್ ಪೋಷಕ ಪಾತ್ರದಲ್ಲಿರೋ ಚಿತ್ರಕ್ಕೆ ಅರ್ಜುನ್ ಜನ್ಯಾ ಮ್ಯೂಸಿಕ್ ಇದೆ.

     

  • ಪ್ರೇಮ್ ಜೊತೆ ಸಿನಿಮಾಗೆ ನಾನು ಎವರ್ ರೆಡಿ - ಸುದೀಪ್

    i am always ready to act in prem's film

    ದಿ ವಿಲನ್, ಶಿವರಾಜ್‍ಕುಮಾರ್ ಮತ್ತು ಸುದೀಪ್ ಒಟ್ಟಿಗೇ ನಟಿಸಿದ್ದ ಚಿತ್ರ. ಜೋಗಿ ಪ್ರೇಮ್ ನಿರ್ದೇಶನದ ವಿಲನ್ ಹಿಟ್ ಆದರೂ ಪ್ರೇಮ್ ಅವರ ಬಗ್ಗೆ ಟೀಕೆಗಳ ಸುರಿಮಳೆಯೇ ಆಗಿತ್ತು. ಪ್ರತಿಯೊಂದನ್ನೂ ಸಹಜವಾಗಿ ಸ್ವೀಕರಿಸುವ ಪ್ರೇಮ್, ತಮ್ಮನ್ನು ಟೀಕಿಸಿದವರ ವಿರುದ್ಧ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರು. ಇದೆಲ್ಲ ಆದಾಗ ಇನ್ನು ಮುಂದೆ ಸುದೀಪ್ ಪ್ರೇಮ್ ಜೊತೆ ಸಿನಿಮಾ ಮಾಡಲ್ಲ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ, ಅದಕ್ಕೆಲ್ಲ ಕಿಚ್ಚ ಫುಲ್‍ಸ್ಟಾಪ್ ಇಟ್ಟಿದ್ದಾರೆ.

    `ಪ್ರೇಮ್ ಒಬ್ಬ ಅದ್ಬುತ ಟೆಕ್ನಿಷಿಯನ್. ಅವರಿಗೆ ಸಿನಿಮಾ ಕಟ್ಟುವ ಕಲೆ ಕರಗತ. ಸಿನಿಮಾ ಬಗ್ಗೆ ಅವರಿಗೆ ಇರುವ ಪ್ಯಾಷನ್ ಇಷ್ಟವಾಗುತ್ತೆ. ಸ್ಕ್ರಿಪ್ಟ್ ವಿಚಾರದಲ್ಲಿ ಅವರು ಸೋತಿರಬಹುದು. ಅದೇ ಪ್ರೇಮ್ ಜೋಗಿ, ಎಕ್ಸ್‍ಕ್ಯೂಸ್ ಮಿಯಂತಹ ಹಿಟ್ ಕೊಟ್ಟಿದ್ದರು ಎನ್ನುವುದನ್ನು ಮರೆಯಬಾರದು. ಅವರು ಒಳ್ಳೆ ಕಥೆ ತಂದರೆ ಅವರೊಂದಿಗೆ ಸಿನಿಮಾ ಮಾಡಲು ನಾನು ಸದಾ ಸಿದ್ಧ' ಎಂದಿದ್ದಾರೆ ಸುದೀಪ್.

    ಸುದೀಪ್ ಅವರನ್ನು ಡಾರ್ಲಿಂಗ್ ಎಂದೇ ಕರೆಯುವ ಪ್ರೇಮ್, ಸುದೀಪ್ ತಮ್ಮ ಮೇಲಿಟ್ಟಿರುವ ಅಭಿಮಾನ, ನಂಬಿಕೆ ಮತ್ತು ಪ್ರೀತಿ ಅವರ ಮೇಲಿನ ಗೌರವವನ್ನು ಮತ್ತಷ್ಟು ಹೆಚ್ಚಿಸಿದೆ ಎಂದಿದ್ದಾರೆ

  • ಪ್ರೇಮ್ ಹೇಳಿದ ಆ್ಯಮಿಯ ಸಿಂಪಲ್ ಸ್ಟೋರಿ

    prem talks about amy jackson

    ದಿ ವಿಲನ್ ಚಿತ್ರದ ನಾಯಕಿ ಆ್ಯಮಿ ಜಾಕ್ಸನ್. ಇದಕ್ಕೂ ಮೊದಲು ಜಾನ್ ಅಬ್ರಹಾಂ, ವಿಕ್ರಂ, ರಾಮ್‍ಚರಣ್ ತೇಜ, ಅಕ್ಷಯ್ ಕುಮಾರ್, ಪ್ರಭುದೇವ, ರಜನಿಕಾಂತ್‍ರಂತಹ ಸ್ಟಾರ್‍ಗಳ ಜೊತೆ ನಟಿಸಿರುವವರು. ಸೂಪರ್ ಸ್ಟಾರ್ ರಜನಿ ಜೊತೆ ನಟಿಸಿರುವ 2.0 ಇನ್ನೂ ರಿಲೀಸ್ ಆಗಬೇಕಿದೆ. ಮೂಲತಃ ಬ್ರಿಟನ್ನಿನವರಾದ ಆ್ಯಮಿ ಜಾಕ್ಸನ್ ಅವರನ್ನು ಆಯ್ಕೆ ಮಾಡಿಕೊಳ್ಳೋಕೆ ಕಾರಣವೇ ಆಕೆಯ ಬ್ರಿಟಿಷ್ ಲುಕ್. ಪಾತ್ರಕ್ಕೆ  ಹೇಳಿ ಮಾಡಿಸಿದಂತಿರುವ ಆ ಲುಕ್‍ನಿಂದಾಗಿಯೇ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಯ್ತು ಎಂದಿದ್ದಾರೆ ಪ್ರೇಮ್.

    ಸೆಟ್‍ನಲ್ಲಿ ಸಿಂಪಲ್ ಆಗಿರುತ್ತಿದ್ದ ಆ್ಯಮಿ ಜಾಕ್ಸನ್, ಮೇಕಪ್ ಹಾಕಿಕೊಂಡ ಮೇಲೆ ಸೆಟ್ ಬಿಟ್ಟು ಕದಲುತ್ತಲೇ ಇರಲಿಲ್ಲವಂತೆ. ಕ್ಯಾರವಾನ್‍ಗೂ ಹೋಗದೆ ಸೆಟ್‍ನಲ್ಲಿದ್ದವರ ಜೊತೆ ಬೆರೆಯತ್ತಿದ್ದರಂತೆ ಆ್ಯಮಿ ಜಾಕ್ಸನ್. 

    ಲಂಗ ದಾವಣಿಯಲ್ಲೂ ಆ್ಯಮಿ ಜಾಕ್ಸನ್ ಚೆಂದ ಕಾಣಿಸ್ತಾರೆ ಎಂದಿರುವ ಪ್ರೇಮ್, ಮೈಸೂರಿನಲ್ಲಿ ಆ್ಯಮಿ ಜಾಕ್ಸನ್‍ಗೆ ಮೈಸೂರು ಪಾಕ್ ತಿನ್ನಿಸಿದ ಕಥೆ ಹೇಳಿಕೊಂಡು ನಗುತ್ತಾರೆ. ಸರಳತೆ ವಿಚಾರಕ್ಕೆ ಬಂದ್ರೆ, ಶಿವಣ್ಣ ಹೇಗೋ.. ಆ್ಯಮಿ ಜಾಕ್ಸನ್ ಕೂಡಾ ಹಾಗೆ ಅಂತಾರೆ ಪ್ರೇಮ್.

    ಚಿತ್ರದ ಪ್ರಚಾರಕ್ಕೆ ಕೈ ಕೊಡುತ್ತಿದ್ದಾರೆ ಎಂದು ಬೇಸರಿಸಿಕೊಂಡಿದ್ದ ಪ್ರೇಮ್, ಆ್ಯಮಿ ಜಾಕ್ಸನ್ ಶೂಟಿಂಗ್ ವೇಳೆ ತುಂಬಾ ಕೋ ಆಪರೇಟ್ ಮಾಡಿದ್ದರು ಎನ್ನುವುದನ್ನು ಮರೆಯೋದಿಲ್ಲ.

  • ಪ್ರೇಮ್‍ನ ಯಾರಾದ್ರೂ ಬೈದ್ರೆ ತಡೆದುಕೊಳ್ಳೋಕೆ ಆಗಲ್ಲ - ರಕ್ಷಿತಾ 

    rakshitha talks about her possessiveness over prem

    ಪ್ರೇಮ್ ಮತ್ತು ರಕ್ಷಿತಾ ಅವರ ಅನ್ಯೋನ್ಯ ದಾಂಪತ್ಯದ ಬಗ್ಗೆ ಬಹುತೇಕ ಚಿತ್ರರಂಗದವರಿಗೆ ಚೆನ್ನಾಗಿ ಗೊತ್ತು. ಈ ದಾಂಪತ್ಯದ ಒಂದು ವಿಶೇಷ ಕಥೆ ಹೇಳಿಕೊಂಡಿದ್ದಾರೆ ರಕ್ಷಿತಾ ಪ್ರೇಮ್. ತಮ್ಮ ಸೋದರ ರಾಣಾನನ್ನು ಚಿತ್ರರಂಗಕ್ಕೆ ಪರಿಚಯಿಸುವ ಹೊಣೆಯನ್ನು ತಮ್ಮ ಪತಿಗೇ ವಹಿಸಿರುವ ರಕ್ಷಿತಾ ಏಕ್ ಲವ್ ಯಾ ಚಿತ್ರ ಆರಂಭಿಸಿದ್ದಾರೆ. ಆ ವೇಳೆಯಲ್ಲೇ ಅವರು ಪ್ರೇಮ್ ಕುರಿತಂತೆ ತಮ್ಮ ಪ್ರೀತಿಯನ್ನು ಹೊರಗಿಟ್ಟಿದ್ದು.

    ನಾನು ಪ್ರೇಮ್‍ನನ್ನು ತುಂಬಾ ಬೈಯ್ಯುತ್ತೇನೆ. ನನಗೆ ಯಾವುದನ್ನೂ ಮುಚ್ಚಿಟ್ಟುಕೊಂಡು ಗೊತ್ತಿಲ್ಲ. ಅದಕ್ಕೆ ಪ್ರೇಮ್ ತಲೆಕೆಡಿಸಿಕೊಳ್ಳಲ್ಲ. ಆದರೆ, ಪ್ರೇಮ್‍ನನ್ನು ಯಾರಾದರೂ ಬೇರೆಯವರು ಬೈದರೆ, ಟೀಕಿಸಿದರೆ ನನಗೆ ತುಂಬಾ ಕೋಪ ಬರುತ್ತೆ. ತಡೆದುಕೊಳ್ಳೋಕೆ ಆಗಲ್ಲ. ಸೋಷಿಯಲ್ ಮೀಡಿಯಾಗಳಲ್ಲಿ ಹಾಗೆಲ್ಲ ಬೈದವರನ್ನು ಬ್ಲಾಕ್ ಮಾಡು ಎಂದು ಪ್ರೇಮ್‍ಗೆ ಹೇಳ್ತೇನೆ. ಅವರು ತಲೆ ಕೆಡಿಸಿಕೊಳ್ಳಲ್ಲ. ನಕ್ಕು ತಮ್ಮ ಪಾಡಿಗೆ ತಾವು ಕೆಲಸ ಮಾಡಿಕೊಂಡು ಹೋಗ್ತಾರೆ' ಎಂದು ಹೇಳಿದ್ದಾರೆ ರಕ್ಷಿತಾ.

    ಅಫ್‍ಕೋರ್ಸ್, ಇತ್ತೀಚೆಗೆ ದಿ ವಿಲನ್ ಚಿತ್ರದ ಕುರಿತಂತೆ ಪ್ರೇಮ್ ವಿವಾದಕ್ಕೆ ಗುರಿಯಾಗಿದ್ದರು. ಕೆಲವರು ಪ್ರೇಮ್‍ರನ್ನು ಬೈದಿದ್ದಕ್ಕೆ, ಟೀಕಿಸಿದ್ದಕ್ಕೆ ರಕ್ಷಿತಾ ಕೆಂಡಾಮಂಡಲವಾಗಿದ್ದರು. 

    ಅಂತಹ ಟೀಕೆಗಳನ್ನು ಎದುರಿಸಿಕೊಂಡು ಪ್ರೇಮ್ ಸ್ಟಾರ್ ನಿರ್ದೇಶಕರಾಗಿದ್ದಾರೆ. ಅವನು ಅದಕ್ಕೆಲ್ಲ ತಲೆಕೆಡಿಸಿಕೊಳ್ಳಲ್ಲ ಎಂದಿದ್ದಾರೆ ರಕ್ಷಿತಾ.

  • ಫಸ್ಟ್ ಲುಕ್ ತೋರಿಸಿ ಮತ್ತೆ ಹುಳ ಬಿಟ್ಟ ಪ್ರೇಮ್

    the villain first look

    ನಿರ್ದೇಶಕ ಪ್ರೇಮ್ ಪ್ರೇಕ್ಷಕರ ತಲೆಗೆ ಹುಳ ಬಿಟ್ಟು, ಕುತೂಹಲ ಹುಟ್ಟಿಸೋದ್ರಲ್ಲಿ ನಂಬರ್ ಒನ್. ಅದು ದಿ ವಿಲನ್ ಚಿತ್ರದಲ್ಲೂ ಕಂಟಿನ್ಯೂ ಆಗಿದೆ. ಚಿತ್ರದ ಟೀಸರ್ ಬಿಟ್ಟಾಗಲೂ ಶಿವರಾಜ್ ಕುಮಾರ್ ಮತ್ತು ಸುದೀಪ್, ಹೀರೋಗಳಾ..? ವಿಲನ್ನಾ ಎಂಬ ಕುತೂಹಲ ಸೃಷ್ಟಿಸಿದ್ದ ಪ್ರೇಮ್, ಈ ಬಾರಿ ಸುದೀಪ್ & ಶಿವರಾಜ್‍ಕುಮಾರ್ ಅವರ ಇನ್ನೊಂದು ಲುಕ್ ಬಹಿರಂಗಪಡಿಸಿದ್ದಾರೆ.

    ಶಿವರಾಜ್‍ಕುಮಾರ್ ನಿರೂಪಣೆಯ ಯಾರೀ ವಿತ್ ಶಿವಣ್ಣ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಪ್ರೇಮ್, ಅಲ್ಲಿಯೇ ದಿ ವಿಲನ್ ಚಿತ್ರದ ಇನ್ನೊಂದು ಪೋಸ್ಟರ್ ತೋರಿಸಿದ್ದಾರೆ. ಇವುಗಳನ್ನು ನೋಡಿದರೆ, ಒನ್ಸ್ ಎಗೇಯ್ನ್ ಅದೇ ಕುತೂಹಲ. ಅದೇ ಪ್ರಶ್ನೆ. 

    ಸಿನಿಮಾ ಮತ್ತು ಪಾತ್ರದ ಬಗ್ಗೆ ಏನನ್ನೂ ಹೇಳಲ್ಲ. ಮೇಕಿಂಗ್ ವಿಡಿಯೋ ಮತ್ತು ಚಿತ್ರದ ಸ್ಟಿಲ್‍ಗಳೇ ಪಾತ್ರದ ಪರಿಚಯ ಮಾಡಿಕೊಡಬೇಕು ಎಂದು ನಂಬಿಕೊಂಡವರನು ನಾನು. ಈಗಲೇ ಹೇಳಿಬಿಟ್ಟರೆ ಕುತೂಹಲ ಹೊರಟು ಹೋಗುತ್ತೆ. ಒಂದಂತೂ ನಿಜ, ಇದೊಂದು ಹೊಸ ರೀತಿಯ ಪರಿಚಯ. ಅಂತಿಮವಾಗಿ ಸಿನಿಮಾ ನೋಡಿ ಅಂತಾರೆ ಪ್ರೇಮ್.

    ಶಿವರಾಜ್‍ಕುಮಾರ್ ಮತ್ತು ಸುದೀಪ್, ಆ್ಯಮಿ ಜಾಕ್ಸನ್, ಪ್ರೇಮ್ ಕಾಂಬಿನೇಷನ್, ರಕ್ಷಿತಾ ಕಮ್‍ಬ್ಯಾಕ್ ಹೀಗೆ.. ಆರಂಭದಿಂದಲೂ ಸದ್ದು ಮತ್ತು ಸುದ್ದಿ ಮಾಡುತ್ತಲೇ ಇರುವ ಸಿನಿಮಾ. ಸಿ.ಆರ್.ಮನೋಹರ್ ನಿರ್ಮಾಣದ ಸಿನಿಮಾ ಅಬ್ಬರದ ಕುತೂಹಲವನ್ನಂತೂ ಸೃಷ್ಟಿಸಿದೆ.

  • ಬಿಡು..ಬಿಡು.. ನಾನು ಅನ್ನೋದು ಮೊದಲು ಬಿಡು.. ವಿಲನ್‍ನ 2ನೇ ಸಾಂಗ್

    the villain second song coming soon

    ದಿ ವಿಲನ್ ಚಿತ್ರದ ಮೊದಲ ಹಾಡಿನಲ್ಲೇ ದೂಳೆಬ್ಬಿಸಿದ್ದ ಜೋಗಿ ಪ್ರೇಮ್, ದಿ ವಿಲನ್ ಚಿತ್ರದ 2ನೇ ಹಾಡನ್ನೂ ಬಿಡುಗಡೆ ಮಾಡೋಕೆ ರೆಡಿಯಾಗಿದ್ದಾರೆ. ಬಿಡುಗಡೆ ಮಾಡುವ ಮುನ್ನವೇ ಹಾಡಿನ ಒಂದೇ ಒಂದು ಲೈನ್‍ನ್ನು ಹೊರಬಿಟ್ಟು, ಎದೆಬಡಿತ ಹೆಚ್ಚಿಸಿದ್ದಾರೆ.

    ಬಿಡು ಬಿಡು.. ನಾನು ಅನ್ನೋದು ಮೊದಲು ಬಿಡು.. ನಾವು ಅಂತಾ ಬಾಳೋದು ಕಲಿ ಶಂಕರಾ.. ಎನ್ನುವುದು ಹಾಡಿನ ಮೊದಲ ಸಾಲು. ಈ ಭಾನುವಾರ ಬಿಡುಗಡೆಯಾಗುತ್ತಿದೆ.

    ನಿನ್ನೆ ಮೊನ್ನೆ ಬಂದವರೆಲ್ಲ ನಂಬರ್ ಒನ್ ಅಂತಾರೋ ಹಾಡಿನಲ್ಲಿ ಅಭಿಮಾನಿಗಳ ಹೃದಯಗಳಲ್ಲಿ ಸಡಗರದ ಪಟಾಕಿ ಸಿಡಿಸಿದ್ದ ಪ್ರೇಮ್, ಈ ಹಾಡಿನಲ್ಲೇನು ಮೋಡಿ ಮಾಡಿದ್ದಾರೋ.. ಶಿವಣ್ಣ ಮತ್ತು ಸುದೀಪ್ ಅಭಿಮಾನಿಗಳ ಎದೆಬಡಿತ ಲಬ್ ಡಬ್..ಲಬ್ ಡಬ್..

  • ಭಟ್ಟರ ಪಂಚತಂತ್ರಕ್ಕೆ ಜೋಗಿ ಪ್ರೇಮ್ ಜಬರ್ದಸ್ತ್ ಹಾಡು

    panchatantra title rack gets prem's voice

    ಯೋಗರಾಜ್ ಭಟ್ಟರ ಬಹುನಿರೀಕ್ಷಿತ ಚಿತ್ರ ಪಂಚತಂತ್ರಕ್ಕೆ ಜೋಗಿ ಪ್ರೇಮ್ ಹಾಡು ಬರೆದಿದ್ದಾರೆ. ಇದು ಎಂತಹ ಕಾಂಬಿನೇಷನ್ ಗೊತ್ತಾ..? ಪ್ರೇಮ್ ಅಂದ್ರೆ ರಾ.. ಕಾಯ್ಕಿಣಿ ಅಂದ್ರೆ ಕಾವ್ಯ. ಭಟ್ಟರು ಉಪ್ಪಿನಕಾಯ್ ಆದ್ರೆ ಹರಿಕೃಷ್ಣ ಮಸಾಲೆ.. ಹೀಗೆ.. ವಿಭಿನ್ನ ಶೈಲಿಯವರೆಲ್ಲ ಒಟ್ಟಿಗೇ ಮಿಕ್ಸ್ ಆಗಿ ಪಂಚತಂತ್ರದ ಟೈಟಲ್ ಸಾಂಗ್ ಆಗಿದೆ. ಆ ಹಾಡನ್ನು ಹಾಡಿರೋದು ಜೋಗಿ ಪ್ರೇಮ್ ಅನ್ನೊದೇ ವಿಶೇಷ.

    ಅಲೆಲೆಲಾ.. ಆಮೆ ಮೊಲ.. ಓಡ್ತಾವ್ ನೋಡ್ಲಾ.. ಎಂದು ಶುರುವಾಗೋ ಹಾಡಿನಲ್ಲಿ ಫುಲ್ ಜೋಶ್ ತುಂಬಿದ್ದಾರೆ ಪ್ರೇಮ್ ಮತ್ತು ಹರಿಕೃಷ್ಣ. ಇದು ಪಂಚತಂತ್ರದ ಥೀಮ್ ಸಾಂಗ್ ಎಂದೂ ಹೇಳಬಹುದು. 

    ವಿಹಾನ್, ಸೋನಲ್ ಜೋಡಿಯಾಗಿ ನಟಿಸಿರುವ ಚಿತ್ರದಲ್ಲಿ ಈಗಾಗಲೇ ಶೃಂಗಾರದ ಹೊಂಗೇ ಮರ ಹಾಡು ಚಳಿ ಬಿಡಿಸಿದ್ದರೆ, ಈ ಹಾಡು ಹುಚ್ಚೆಬ್ಬಿಸುತ್ತಿದೆ.

  • ಭಲ್ಲೇ ಭಲ್ಲೇ.. ದಿ ವಿಲನ್‍ಗೆ ದಲೇರ್ ಮೆಹಂದಿ

    daler mehandi sings for the villain

    ತುಣಕ್ ತುಣಕ್ ತುಣು ತುಣಕ್ ತುಣಕ್ ತುಣು ದಾದಾದಾದಾದಾ.. ಬಲ್ಲೇ ಬಲ್ಲೇ.. ಅನ್ನೋ ಸೌಂಡು ಕಿವಿಗೆ ಬಿದ್ದರೆ, ತಕ್ಷಣ ಕಣ್ಣೆದುರು ಪ್ರತ್ಯಕ್ಷವಾಗೋದು ದಲೇರ್ ಮೆಹಂದಿ ಅನ್ನೋ ಸಿಖ್ ಗಾಯಕ. ಈಗಾಗಲೇ ಕನ್ನಡದಲ್ಲಿ ಕೆಲವು ಚಿತ್ರಗಳಿಗೆ ಹಾಡಿರುವ ದಲೇರ್ ಮೆಹಂದಿ, ದಿ ವಿಲನ್ ಚಿತ್ರದ ಹಾಡಿಗೆ ಧ್ವನಿ ಕೊಟ್ಟಿದ್ದಾರೆ.

    ಅರ್ಜುನ್ ಜನ್ಯ ಸಂಗೀತ ನಿರ್ದೇಶನದ ಹಾಡನ್ನು ದಲೇರ್ ಮೆಹಂದಿ ಹಾಡಿದ್ದಾರೆ. ಮೊದಲೇ ವಿಲನ್ ಚಿತ್ರ ಕನ್ನಡ ಚಿತ್ರರಂಗದ ದಿಗ್ಗಜರ ಸಮಾಗಮವಾಗಿರುವ ಚಿತ್ರ. ಶಿವರಾಜ್‍ಕುಮಾರ್, ಸುದೀಪ್, ಪ್ರೇಮ್, ಸಿ.ಆರ್.ಮನೋಹರ್, ಆ್ಯಮಿ ಜಾಕ್ಸನ್, ಮಿಥುನ್ ಚಕ್ರವರ್ತಿ, ಶ್ರೀಕಾಂತ್.. ಹೀಗೆ ಚಿತ್ರದ ತುಂಬಾ ದೊಡ್ಡ ದೊಡ್ಡವರೇ ಇದ್ದಾರೆ. ಈಗ ದಲೇರ್ ಮೆಹಂದಿ ಸೇರ್ಪಡೆಯಾಗಿದೆ.

    ಆಂದಹಾಗೆ ದಿ ವಿಲನ್ ಚಿತ್ರದ ಬಾಕಿಯಿರುವ ಏಕೈಕ ಹಾಡಿನ ಶೂಟಿಂಗ್, ಇದೇ ಹಾಡಿನದ್ದಂತೆ. ಗೆಟ್ ರೆಡಿ.

    Related Articles :-

    After 'Namo Bhootatma', Daler Mehandi sings for 'The Villain'

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery