Bachchan fame producer Uday Mehta is starting a new untitled movie with Chiranjeevi Sarja which is going to start in December first week. RamLeela fame director Vijay is heading the team along with Rathacara fame cinematographer Dharma Vish. Search for heroine is going on. 

Uday Mehta is celebrating his 10th year in the industry and this is is 8the movie. He has produced Raavana, Krishnana Love Story, Bachchan, love in Mandya, Raja Rajendra, Krishna Rukku and has signed a movie with Druva Sarja which is going on floor in 2019.

Actress Varalakshmi Sharath Kumar, daughter of senior actor Sharath Kumar plays the role of a CBI officer in 'Aa Dinagalu' Chethan's new film 'Ranam'.

This is Varalakshmi Sharath Kumar's third film in Kannada. Earlier, she made her debut in Sudeep's 'Manikya'. After that she had acted in Arjun Sarja's bilingual 'Vismaya' which was released a couple of years back. Now Varalakshmi is acting in 'Ranam'.

'Ranam' stars Chiranjeevi Sarja and Chethan in pivotal roles. The film is directed by Telugu director Samudra and is being produced by Kanakapura Srinivas. Niranjan Babu is the cinematographer, while Ravishankar is the music director.

The coming together of director KM Chaitanya and actor Chiranjeevi Sarja in Aake after their success with Aatagara is nearing the theaters. The film starring Chiru and Sharmila Mandre is ready for release and the film team is considering two dates for release.

According to sources the film is scheduled for release in June but there is a tossup between two dates, June 9 and June 16. Which of these two dates will be chosen will be known in a few days. Half the film has been shot in London. The film takes it story from the Tamil film Maya. 

Related Articles :-

Aake Trailer Released

Eros International Presents Aake

Chaitanya - Chiru Film Titled Aake 

In spite of actor in many films, one actor who was noticed with any title was actor Chiranjeevi Sarja. Now Chiru has got a title called 'Yuva Samrat' from fans. This time it is not his fans but the fans of late Dr Vishnuvardhan.

During the audio release of Chiru's latest film 'Yuva Samrat' directed by Guru Deshpande, the title 'Yuva Samrat' was given to Chiru by Dr Vishnuvardhan's fans. The award was conferred in front of Dr Vishnuvardhan's potrait and Jnanapeeth Award Winner Dr Girish Karnad who introduced Dr Vishnuvardhan to Kannada cinema throug 'Vamshavriksha' was also present during the occasion.

Chiranjeevi Sarja who was overwhelmed by the title, thanked Dr Vishnuvardhan's fans for conferring him the title of 'Yuva Samrat'.

ಚಿರಂಜೀವಿ ಸರ್ಜಾ ಹಾಗೂ ಮೇಘನಾ ರಾಜ್ ದಾಂಪತ್ಯ ಜೀವನಕ್ಕೆ ಕಾಲಿಡುವ ದಾರಿಯಲ್ಲಿ ಮೊದಲ ಹೆಜ್ಜೆ ಇಡುತ್ತಿದ್ದಾರೆ. ಅಕ್ಟೋಬರ್ 22ಕ್ಕೆ ಚಿರು-ಮೇಘನಾ ಎಂಗೇಜ್​ಮೆಂಟ್ ನಿಶ್ಚಯವಾಗಿದೆ. ಅಂದು ಇಬ್ಬರೂ ಉಂಗುರ ಬದಲಿಸಿಕೊಳ್ಳಲಿದ್ದಾರೆ. ಆದರೆ, ಇಬ್ಬರ ನಿಶ್ಚಿತಾರ್ಥದ ವಿಚಾರವನ್ನು ಸುಂದರ್ ರಾಜ್-ಪ್ರಮೀಳಾ ಜೋಷಾಯ್ ಕುಟುಂಬವಾಗಲಿ, ಸರ್ಜಾ ಕುಟುಂಬವಾಗಲಿ ಸ್ಪಷ್ಟಪಡಿಸಿಲ್ಲ. ಆದರೆ, ಮೂಲಗಳ ಪ್ರಕಾರ, ಅಕ್ಟೋಬರ್ 22ಕ್ಕೆ ನಿಶ್ಚಿತಾರ್ಥ ನಡೆಯುವುದಂತೂ ನಿಜ. 

ಚಿರಂಜೀವಿ ಸರ್ಜಾ ಇದುವರೆಗೆ 14 ಚಿತ್ರಗಳಲ್ಲಿ ನಟಿಸಿದ್ದರೆ, ಮೇಘನಾ ರಾಜ್ 39 ಚಿತ್ರಗಳಲ್ಲಿ ನಟಿಸಿದ್ದಾರೆ. ಮೇಘನಾ ಅವರ ಪ್ರತಿಭೆ ಬೇರೆ ಭಾಷೆಗಳಲ್ಲಿಯೂ ಸದ್ದು ಮಾಡಿದೆ. ಇವರಿಬ್ಬರ ನಡುವೆ ಪ್ರೀತಿ ಇದೆ ಎಂಬ ಸುದ್ದಿ ಗಾಂಧಿನಗರಕ್ಕೆ ಹಳೆಯದೇನೂ ಅಲ್ಲ. ಆದರೆ, ಇಬ್ಬರೂ ಒಪ್ಪಿಕೊಂಡಿರಲಿಲ್ಲ. ಈಗಲೂ ಅಷ್ಟೆ.. ಖುದ್ದು ಚಿರಂಜೀವಿ ಸರ್ಜಾ, ನಿಶ್ಚಿತಾರ್ಥದ ಸುದ್ದಿ ನಿರಾಕರಿಸಿದ್ದಾರೆ. ಹಾಗೆಂದು, ಇಬ್ಬರ ಮಧ್ಯೆ ಏನೂ ಇಲ್ಲ ಎಂಬ ಮಾತನ್ನೂ ಹೇಳಿಲ್ಲ. ಚಿರು ಅವರ ಜಾಣ್ಮೆಯ ಉತ್ತರವೇ ಸುದ್ದಿಗೆ ಇನ್ನಷ್ಟು ರೆಕ್ಕೆ ಪುಕ್ಕ ನೀಡಿದೆ.

Related Articles :-

ಚಿರು ಮೇಘನಾ ಮದ್ವೆಯಂತೆ..! ನಿಜಾನಾ..?

ಅಣ್ಣನ ಪರ್ಫಾಮೆನ್ಸ್ ನೋಡಿ ಬೆರಗಾದೆ. ಹರಿಪ್ರಿಯಾ ಪರ್ಫಾಮೆನ್ಸ್ ಕೂಡಾ ಅದ್ಭುತ. ಸಂಹಾರ ನನಗೆ ನಿಜಕ್ಕೂ ಒಳ್ಳೆಯ ಅನುಭವ ಕೊಡ್ತು. ಎಲ್ಲರೂ ಒಮ್ಮೆ ನೋಡಲೇಬೇಕಾದ ಸಿನಿಮಾ. ಇಂಥದ್ದೊಂದು ಸಿನಿಮಾ ಮಾಡಿದ ಚಿತ್ರತಂಡಕ್ಕೆ ನನ್ನ ಅಭಿನಂದನೆಗಳು.

ಅಣ್ಣ ಚಿರಂಜೀವಿ ಸರ್ಜಾ ಚಿತ್ರಕ್ಕೆ ಧ್ರುವ ಸರ್ಜಾ ನೀಡಿರುವ ವಿಮರ್ಶೆ ಇದು. ಅಭಿಮಾನಿಗಳ ಮಧ್ಯೆ ತ್ರಿವೇಣಿ ಚಿತ್ರಮಂದಿರದಲ್ಲಿ ಸಿನಿಮಾ ನೋಡಿರುವ ಧ್ರುವ ಸರ್ಜಾ, ಅಭಿಮಾನಿಗಳ ನಡುವೆ ಅವರ ಜೊತೆಯಲ್ಲೇ ಖುಷಿಪಟ್ಟಿದ್ದಾರೆ. ಇದೇ ವಾರ ಬಿಡುಗಡೆಯಾಗಿರುವ ಸಿನಿಮಾಗೆ ಎಲ್ಲೆಡೆ ಉತ್ತಮ ಪ್ರಶಂಸೆ ವ್ಯಕ್ತವಾಗುತ್ತಿದ್ದು, ಸಿನಿಮಾ ಸಕ್ಸಸ್ ಹಾದಿಯಲ್ಲಿದೆ.

ಅಮ್ಮ ಐ ಲವ್ ಯೂ.. ಪ್ರೇಕ್ಷಕರ ಮನಸ್ಸು ಗೆದ್ದಿರುವ ಚಿತ್ರ ದಿನೇ ದಿನೇ ಪ್ರೇಕ್ಷಕರನ್ನು ಸೆಳೆಯುತ್ತಿದೆ. ಚಿತ್ರದ ಬಗ್ಗೆ ಮೌತ್ ಪಬ್ಲಿಸಿಟಿ ಹೆಚ್ಚುತ್ತಿರುವುದು ಚಿತ್ರತಂಡ ಸಂತಸ ಪಡಬೇಕಾದ ವಿಷಯ. ಚಿತ್ರ ನೋಡಿದವರ ಕಣ್ಣಂಚಲ್ಲಿ ನೀರು ಜಿನುಗಿಸಿರುವ ಅಮ್ಮ ಐ ಲವ್ ಯೂ ಚಿತ್ರದ ಕೆಲವೊಂದು ದೃಶ್ಯಗಳನ್ನು ನೋಡೋಕೆ ಧ್ರುವ ಸರ್ಜಾಗೆ ಕಷ್ಟವಾಯಿತಂತೆ. 

ಸಿನಿಮಾದಲ್ಲಿ ಚಿರು, ತಾಯಿಗಾಗಿ ಭಿಕ್ಷೆ ಬೇಡುತ್ತಾರೆ. ಭಿಕ್ಷುಕನಾಗಿ ನಟಿಸಿರುವ ಚಿರು ಅವರ ದೃಶ್ಯಗಳನ್ನು ನೋಡೋಕೆ ಕಷ್ಟವಾಯಿತು ಎಂದಿದ್ದಾರೆ ಧ್ರುವ. ಸಹಜವೇ.. ಒಡಹುಟ್ಟಿದ್ದ ಅಣ್ಣನನ್ನು ಹಾಗೆ ಕಲ್ಪಿಸಿಕೊಳ್ಳುವುದು ಪ್ರತಿಯೊಬ್ಬರಿಗೂ ಕಷ್ಟವೇ.

ಆದರೆ, ಸಿನಿಮಾದ ಹೈಲೈಟೇ ಅದು. ಕೋಟ್ಯಧಿಪತಿಯಾಗಿದ್ದರೂ, ತಾಯಿಯನ್ನು ಉಳಿಸಿಕೊಳ್ಳಲು ಬೇರೆ ಮಾರ್ಗವಿಲ್ಲದೆ ಮಗ ಭಿಕ್ಷುಕನಾಗುವುದೇ ಚಿತ್ರದ ಕಥೆ. ದ್ವಾರಕೀಶ್ ಬ್ಯಾನರ್‍ನ ಈ ಸಿನಿಮಾವನ್ನು ಪ್ರತಿಯೊಬ್ಬರೂ ಕುಟುಂಬ ಸಮೇತರಾಗಿ ಥಿಯೇಟರ್‍ಗೆ ಹೋಗಿ ನೋಡಿ ಎಂದಿದ್ದಾರೆ ಧ್ರುವ ಸರ್ಜಾ.

ಹುಟ್ತಾ ಹುಟ್ತಾ ಅಣ್ಣತಮ್ಮ.. ಬೆಳೀತಾ ಬೆಳೀತಾ ದಾಯಾದಿಗಳು ಅನ್ನೋದು ಗಾದೆ. ಆ ಗಾದೆಯನ್ನು ಸುಳ್ಳು ಮಾಡುವ ಹಲವು ಸೋದರರು ನಮ್ಮ ನಡುವೆ ಇದ್ದಾರೆ. ಅಂತಹ ಸೋದರರ ಲಿಸ್ಟಿನಲ್ಲಿರೋವ್ರಲ್ಲಿ ಚಿರಂಜೀವಿ ಸರ್ಜಾ ಮತ್ತು ಧ್ರುವ ಸರ್ಜಾ ಇನ್ನೂ ಒಂದು ಹೆಜ್ಜೆ ಮುಂದಿದ್ದಾರೆ.

ಇತ್ತೀಚೆಗೆ ತಮ್ಮ ಧ್ರುವನ ತಲೆಗೆ, ಅಣ್ಣ ಚಿರು ಆಯಿಲ್ ಮಸಾಜ್ ಮಾಡುತ್ತಿದ್ದ ವಿಡಿಯೋ ವೈರಲ್ ಆಗಿ, ಅಭಿಮಾನಿಗಳು ಖುಷಿಗೊಂಡಿದ್ದರು. ಈಗ ಅಣ್ಣ ಚಿರುಗೆ ತಮ್ಮ ಧ್ರುವ ಕೈತುತ್ತು ತಿನ್ನಿಸುತ್ತಿರುವ ವಿಡಿಯೋ ವೈರಲ್ ಆಗಿದೆ. 

ಅಣ್ಣ ತಮ್ಮ ಹೀಗೆಯೇ ನೂರ್ಕಾಲ ಚೆನ್ನಾಗಿರಲಿ ಎನ್ನುವುದೇ ಎಲ್ಲರ ಹಾರೈಕೆ.

ಇದು ನನ್ನ ಅತ್ತಿಗೆಯ ಸಿನಿಮಾ. ಖಂಡಿತಾ ಚೆನ್ನಾಗಿ ಬಂದಿರುತ್ತೆ. ಎಲ್ಲರೂ ನೋಡಿ, ಚಿತ್ರವನ್ನು ಬೆಂಬಲಿಸಿ.

ಅತ್ತಿಗೆ ಮೇಘನಾ ರಾಜ್ ನಟಿಸಿರುವ ಇರುವುದೆಲ್ಲವ ಬಿಟ್ಟು.. ಚಿತ್ರದ ಆಡಿಯೋ ಬಿಡುಗಡೆಯಲ್ಲಿ ಧ್ರುವ ಸರ್ಜಾ ಶುಭ ಹಾರೈಸಿದ್ದು ಹೀಗೆ. ಮದುವೆಯ ನಂತರ ಮೇಘನಾರಾಜ್ ಮತ್ತು ಚಿರಂಜೀವಿ ಸರ್ಜಾ ಒಟ್ಟಿಗೇ ಭಾಗವಹಿಸಿದ್ದ ಮೊದಲ ಕಾರ್ಯಕ್ರಮವೂ ಇದೇ ಆಗಿದ್ದುದು ವಿಶೇಷ.

ನನ್ನ ಪತ್ನಿ ನಟಿಸಿರುವ ಸಿನಿಮಾ ಇದು. ಸಿನಿಮಾ ತಂಡಕ್ಕೆ ಒಳ್ಳೆಯದಾಗಲಿ ಎಂದು ಹಾರೈಸಿದ್ದು ಚಿರಂಜೀವಿ ಸರ್ಜಾ.

ಸುಂದರ್‍ರಾಜ್, ಪ್ರಮೀಳಾ ಜೋಷಾಯ್, ಚಿರಂಜೀವಿ ಸರ್ಜಾ, ಧ್ರುವ ಸರ್ಜಾ, ಮೇಘನಾ ರಾಜ್.. ಎಲ್ಲರೂ ಭಾಗವಹಿಸಿದ್ದ ಕಾರ್ಯಕ್ರಮದಲ್ಲಿ ಮದುವೆ ಮನೆಯ ಸಂಭ್ರಮವೇ ಇತ್ತು.

ಚಿರಂಜೀವಿ ಸರ್ಜಾ ಅವರ ಅಕಾಲಿಕ ಮರಣ, ಅವರ ಕುಟುಂಬವನ್ನಷ್ಟೇ ಅಲ್ಲ, ಚಿತ್ರೋದ್ಯಮಿಗಳನ್ನೂ ಕಂಗೆಡಿಸಿರುವುದು ಸತ್ಯ. ಏಕೆಂದರೆ, ಚಿರು ಕೈತುಂಬಾ ಚಿತ್ರಗಳನ್ನಿಟ್ಟುಕೊಂಡಿದ್ದರು. ಕೆಲವು ಚಿತ್ರಗಳು ಚಿತ್ರೀಕರಣ ಮುಗಿಸಿದ್ದರೆ, ಇನ್ನೂ ಕೆಲವು ಪ್ರಿ-ಪ್ರೊಡಕ್ಷನ್ ಹಂತದಲ್ಲಿದ್ದವು. ಸಮಸ್ಯೆಯಾಗಿರುವುದು ಶೂಟಿಂಗ್ ಮುಗಿಸಿ, ಪೋಸ್ಟ್ ಪ್ರೊಡಕ್ಷನ್‍ನಲ್ಲಿರೋ ಚಿತ್ರಗಳಿಗೆ.

ರಾಮ್‍ನಾರಾಯಣ್ ನಿರ್ದೇಶನದ ರಾಜಮಾರ್ತಾಂಡ ಚಿತ್ರದ ಚಿತ್ರೀಕರಣ ಮುಗಿದು ಎಡಿಟಿಂಗ್ ಟೇಬಲ್ ಮೇಲಿತ್ತು. ಡಬ್ಬಿಂಗ್ ಬಾಕಿಯಿತ್ತು. ಈಗ ಚಿರು ಇಲ್ಲ. ಹೀಗಾಗಿ ಅಣ್ಣನ ಪಾತ್ರಕ್ಕೆ ಸ್ವತಃ ಡಬ್ಬಿಂಗ್ ಮಾಡಲು ಒಪ್ಪಿಕೊಂಡಿದ್ದಾರೆ ಧ್ರುವ ಸರ್ಜಾ.

ಈ ಹಿಂದೆ ಶಂಕರ್ ನಾಗ್ ಅಕಾಲಿಕ ಸಾವಿಗೀಡಾದಾಗಲೂ ಹೀಗೆಯೇ ಆಗಿತ್ತು. ಆಗ ಶಂಕರ್ ಅಭಿನಯಿಸಿದ್ದ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದ್ದ ನಿಗೂಢ ರಹಸ್ಯ ಮತ್ತು ಸುಂದರ ಕಾಂಡ ಚಿತ್ರಗಳನ್ನು ಅಣ್ಣ ಅನಂತ್ ನಾಗ್ ಮುಗಿಸಿಕೊಟ್ಟಿದ್ದರು. ಈಗ ಧ್ರುವ ಸರ್ಜಾ.

ಅತ್ತ ತಮ್ಮ ಅಭಿನಯದ ಪೊಗರು ಚಿತ್ರದ ಬ್ಯುಸಿ ಶೆಡ್ಯೂಲ್ ನಡುವೆಯೇ ಅಣ್ಣನ ಚಿತ್ರಗಳ ಡಬ್ಬಿಂಗ್ ಮುಗಿಸಿಕೊಡಲು ಒಪ್ಪಿಕೊಂಡಿದ್ದಾರೆ ಧ್ರುವ.

ಆಕೆ ಚಿತ್ರ ಇದೇ ಶುಕ್ರವಾರ, ಜೂನ್ 30ನೇ ತಾರೀಕು ಬರ್ತಾ ಇದೆ. ಚಿತ್ರದ ಟ್ರೇಲರ್ ಎಷ್ಟು ಕ್ರೇಜ್ ಸೃಷ್ಟಿಸಿದೆಯೆಂದರೆ, ಭಯ ಬೀಳೋಕೆ ಪ್ರೇಕ್ಷಕರು ಕಾದು ಕುಳಿತಿದ್ದಾರೆ. ದರ್ಶನ್, ಸುದೀಪ್, ಪುನೀತ್, ರಮ್ಯಾ ಮೊದಲಾದವರೆಲ್ಲ ಚಿತ್ರದ ಬಗ್ಗೆ ಕುತೂಹಲ ತಾಳಿರೋದು, ಪ್ರೇಕ್ಷಕರ ಕುತೂಹಲವನ್ನ ಇನ್ನಷ್ಟು ಹೆಚ್ಚಿಸಿದೆ. ಇದಕ್ಕೆಲ್ಲ ಕಳಶವಿಟ್ಟಂತೆ ಈಗ ಅಂಬರೀಷ್ ಕೂಡಾ ಚಿತ್ರವನ್ನು ಮೆಚ್ಚಿಕೊಂಡಿದ್ದಾರೆ. 

ಹೀಗೆ ಅಂಬರೀಷ್ ಕೂಡಾ ಮೆಚ್ಚಿಕೊಂಡಂತಹ ಆಕೆ ಚಿತ್ರದಲ್ಲಿ ಅಂಥಾದ್ದೇನಿದೆ ಅನ್ನೋ ಪ್ರಶ್ನೆ ಬರೋದು ಸಹಜ. ಇಡೀ ಟ್ರೇಲರ್‍ನಲ್ಲಿರೋದು ಭಯ. ಪುಟ್ಟ ಟ್ರೇಲರ್‍ನಲ್ಲೇ ಇಷ್ಟು ಭಯ ಹುಟ್ಟುವಾಗ, ಇಡೀ ಸಿನಿಮಾ ಹೇಗಿರಬಹುದು ಅನ್ನೋ ಕುತೂಹಲ ಪ್ರೇಕ್ಷಕರಲ್ಲಿ ಮೂಡಿದ್ದರೆ, ಅದರ ಕ್ರೆಡಿಟ್ ನಿರ್ದೇಶಕ ಚೈತನ್ಯಗೆ ಸಿಗಬೇಕು.

ಇನ್ನು ನಾಯಕ ಚಿರಂಜೀವಿ ಸರ್ಜಾ, ನಾಯಕಿ ಶರ್ಮಿಳಾ ಮಾಂಡ್ರೆ ಕೂಡಾ ಅಷ್ಟೆ. ಕಣ್ಣಲ್ಲೇ ಅಭಿನಯಿಸಿದ್ದಾರೆ ಎನ್ನುವಂತಿದೆ. ಚಿತ್ರದ ಬ್ಯಾಕ್‍ಗ್ರೌಂಡ್ ಮ್ಯೂಸಿಕ್, ದೃಶ್ಯಗಳ ತೀವ್ರತೆಯನ್ನು ಹೆಚ್ಚಿಸುತ್ತಿದೆ. ಹೀಗಾಗಿಯೇ ಚಿತ್ರದ ಟ್ರೇಲರ್ ನೋಡಿದ ಪ್ರತಿಯೊಬ್ಬರೂ, ಚಿತ್ರ ನೋಡಬೇಕು ಎಂಬ ಆಸೆ ಇಟ್ಟುಕೊಳ್ಳುತ್ತಿದ್ದಾರೆ. 

ಭಯ ಇರಲಿ..ಆಕೆ ಬರ್ತಾ ಇದ್ದಾಳೆ

ಅಮ್ಮ ಐ ಲವ್ ಯೂ.. ಮುಂದಿನ ವಾರ ರಿಲೀಸ್ ಆಗುತ್ತಿರುವ ಈ ಚಿತ್ರದಲ್ಲಿ ಹೀರೋ ಚಿರಂಜೀವಿ ಸರ್ಜಾ. ನಾಯಕಿ ನಿಶ್ವಿಕಾ ನಾಯ್ಡು. ತಾಯಿಯ ಪಾತ್ರದಲ್ಲಿ ನಟಿಸಿರೋದು ನಿಶ್ವಿಕಾ ನಾಯ್ಡು. ಚಿತ್ರದಲ್ಲಿ ನಿಶ್ವಿಕಾ ಅವರದ್ದು ಬೋಲ್ಡ್ & ಬ್ಯೂಟಿಫುಲ್ ಪಾತ್ರ. 

ವಾಸು ನಾನ್ ಪಕ್ಕಾ ಕಮರ್ಷಿಯಲ್ ಚಿತ್ರದಲ್ಲಿ ನಟಿಸುತ್ತಿರುವಾಗಲೇ ಅಮ್ಮ ಐ ಲವ್ ಯು ಚಿತ್ರದ ಅಡಿಷನ್‍ಗೆ ಹೋಗಿದ್ದರಂತೆ ನಿಶ್ವಿಕಾ. ಆಯ್ಕೆಯಾಗುವವರೆಗೆ ಪಾತ್ರದ ಬಗ್ಗೆ ಗೊತ್ತಿರಲಿಲ್ಲ. ನನ್ನ ವೃತ್ತಿ ಜೀವನಕ್ಕೆ ಅಮ್ಮ ಐ ಲವ್ ಯು ಒಳ್ಳೆಯ ಓಪನಿಂಗ್ ಎಂದಿದ್ದಾರೆ ನಿಶ್ವಿಕಾ.

ತಾಯಿ, ಮಗನ ಬಾಂಧವ್ಯವೇ ಪ್ರಧಾನವಾಗಿರುವ ಚಿತ್ರದಲ್ಲಿ ನಾಯಕಿಗೂ ಒಳ್ಳೆಯ ಪಾತ್ರವಿದೆ. ಚೈತನ್ಯ ನಿರ್ದೇಶನದ ಸಿನಿಮಾಗೆ ಯೋಗಿ ದ್ವಾರಕೀಶ್ ನಿರ್ಮಾಪಕ.

ಇತ್ತೀಚೆಗೆ ಅಮ್ಮ ಐ ಲವ್ ಯೂ ಚಿತ್ರದ ಆಡಿಯೋ ಬಿಡುಗಡೆ ಅದ್ಧೂರಿಯಾಗಿ ನೆರವೇರಿತು. ನೋಡೋಕೆ ಸಿಂಪಲ್ ಆಗಿದ್ದರೂ, ಇಡೀ ಕಾರ್ಯಕ್ರಮದಲ್ಲಿ ರಸಗಳಿಗೆಗಳೇ ತುಂಬಿದ್ದವು. 

ಇದು ದ್ವಾರಕೀಶ್ ಬ್ಯಾನರ್‍ನ ಸಿನಿಮಾ. ನಿರ್ಮಾಣದ ಹೊಣೆ ಹೊತ್ತಿರುವ ಯೋಗಿ ದ್ವಾರಕೀಶ್, ಚೌಕ ಚಿತ್ರದ ನಂತರ ನಿರ್ಮಿಸುತ್ತಿರುವ ಸಿನಿಮಾ ಇದು. ಚಿತ್ರ ಶುರುವಾಗುವ ಹೊತ್ತಿಗೆ ಚಿರಂಜೀವಿ ಸರ್ಜಾ ಬ್ಯಾಚುಲರ್ ಆಗಿದ್ದರು. ರಿಲೀಸ್‍ಗೆ ರೆಡಿಯಾಗುವ ಹೊತ್ತಿಗೆ ಮೇಘನಾ ಜೊತೆ ಸಪ್ತಪದಿ ತುಳಿದಾಗಿದೆ. ಮದುವೆಯಾದ ಮೇಲೆ ರಿಲೀಸ್ ಆಗುತ್ತಿರುವ ಚಿರಂಜೀವಿ ಸರ್ಜಾರ ಮೊದಲ ಸಿನಿಮಾ ಅಮ್ಮ ಐ ಲವ್ ಯೂ..

ಆಪ್ತಮಿತ್ರ ಚಿತ್ರದ ನಂತರ ಗುರುಕಿರಣ್, ದ್ವಾರಕೀಶ್ ಬ್ಯಾನರ್‍ಗೆ ಮ್ಯೂಸಿಕ್ ನೀಡಿರುವ ಚಿತ್ರ ಅಮ್ಮ ಐ ಲವ್ ಯೂ. ಇದು ಅವರ 51ನೇ ಸಂಗೀತ ನಿರ್ದೇಶನದ ಸಿನಿಮಾ.

ಇನ್ನು ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಸ್ಟಾರ್‍ಗಳ ಸಮಾಗಮವಾಗಿತ್ತು. ನಾಯಕ ಚಿರಂಜೀವಿ ಸರ್ಜಾ, ನಾಯಕಿ ನಿಶ್ವಿಕಾ ನಾಯ್ಡು, ನಿರ್ದೇಶಕ ಚೈತನ್ಯ, ಗುರುಕಿರಣ್ ಜೊತೆ ಶಿವರಾಜ್ ಕುಮಾರ್, ಪುನೀತ್ ರಾಜ್‍ಕುಮಾರ್, ದ್ವಾರಕೀಶ್, ಧ್ರುವ ಸರ್ಜಾ, ಉಪೇಂದ್ರ, ಪ್ರಿಯಾಂಕಾ ಉಪೇಂದ್ರ, ಪಲ್ಲವಿ ಗುರುಕಿರಣ್, ಭಾರ್ಗವ, ಸಾಧುಕೋಕಿಲ, ವಸಿಷ್ಠ ಸಿಂಹ, ತರುಣ್ ಸುಧೀರ್, ವಿ. ಮನೋಹರ್..ಹೀಗೆ ಅರ್ಧ ಚಿತ್ರರಂಗವೇ ಹಾಜರಿತ್ತು.

ಪತಿಯ ಸಿನಿಮಾದ ಆಡಿಯೋ ಬಿಡುಗಡೆ ರಸನಿಮಿಷಗಳನ್ನು ಕಣ್ತುಂಬಿಕೊಂಡರು ಮೇಘನಾ ರಾಜ್. ನಿರ್ಮಾಪಕರಾದ ಜಾಕ್‍ಮಂಜು, ಉದಯ್ ಮೆಹ್ತಾ.. ಮೊದಲಾದವರೆಲ್ಲ ಕುಟುಂಬ ಸಮೇತರಾಗಿ ಹಾಜರಿದ್ದು, ಚಿತ್ರತಂಡಕ್ಕೆ ಶುಭ ಕೋರಿದ್ರು.

ಮುಂದಿನ ವರ್ಷ ದ್ವಾರಕೀಶ್ ಬ್ಯಾನರ್‍ನಲ್ಲಿ ನಟಿಸೋದಾಗಿ ಹೇಳಿದ ಶಿವರಾಜ್ ಕುಮಾರ್, ಅಮ್ಮ ಐ ಲವ್ ಯೂ ಚಿತ್ರತಂಡಕ್ಕೆ ಶುಭ ಕೋರಿದ್ರು.

ಅಮ್ಮ ಐ ಲವ್ ಯೂ. ಈ ದಿನ ಬಿಡುಗಡೆಯಾಗಿರುವ ಸಿನಿಮಾ. ತಾಯಿ ಮತ್ತು ಮಗನ ಬಾಂಧವ್ಯದ ಕಥೆ ಹೊಂದಿರುವ ಚಿತ್ರವನ್ನು ಏಕೆ ನೋಡಬೇಕು ಅನ್ನೋಕೆ ಹಲವಾರು ಕಾರಣಗಳಿವೆ. ಚಿತ್ರ ರೀಮೇಕ್ ಆದರೂ, ಇದು ಪ್ರತಿಯೊಬ್ಬರೂ ನೋಡಲೇಬೇಕಾ ಸಿನಿಮಾ. ಕಾರಣಗಳನ್ನೆಲ್ಲ ಪಟ್ಟಿ ಮಾಡುತ್ತಾ ಹೋದರೆ, ಹಲವು ವಿಶೇಷಗಳು ಹೊಳೆಯುತ್ತವೆ.

ಈ ಸಿನಿಮಾ ಮಕ್ಕಳಿಗಾಗಿ. ತಾಯಿಯನ್ನು ಪ್ರೀತಿಸುವ ಮಕ್ಕಳಿಗಾಗಿ. ನೀವು ತಾಯಿಯನ್ನು ಪ್ರೀತಿಸುತ್ತಿದ್ದರೆ, ಈ ಸಿನಿಮಾ ನೋಡಿದ ಮೇಲೆ ಇನ್ನೂ ಇನ್ನೂ ಇನ್ನೂ ಹೆಚ್ಚು ಪ್ರೀತಿಸುತ್ತೀರಿ. ತಾಯಿಯನ್ನು ಮರೆತಿದ್ದರೆ, ಸಿನಿಮಾ ನೋಡಿ ಹೊರಬಂದ ಮೇಲೆ ತಕ್ಷಣ ತಾಯಿಯನ್ನು ನೋಡಲು ಹೊರಡುತ್ತೀರಿ. ನಿಮ್ಮ ತಾಯಿ ಮತ್ತು ನಿಮ್ಮ ನಡುವಿನ ಮಧುರ ಕ್ಷಣಗಳನ್ನು ಈ ಚಿತ್ರ ಖಂಡಿತಾ ನೆನಪಿಸುತ್ತೆ.

ಇದು ಚಿರಂಜೀವಿ ಸರ್ಜಾ ಸಿನಿಮಾ ಕೆರಿಯರ್‍ನ ಬೆಸ್ಟ್ ಸಿನಿಮಾ. ಸಿತಾರಾ ಅವರದ್ದು ಮನೋಜ್ಞ ಅಭಿನಯ. ಈ ಚಿತ್ರದ ಅಚ್ಚರಿ ನಿಶ್ವಿಕಾ ನಾಯ್ಡು. ಹೊಸಬಳು ಎಂದು ಅನ್ನಿಸುವುದೇ ಇಲ್ಲ. ಪ್ರಕಾಶ್ ಬೆಳವಾಡಿ, ಚಿತ್ರದ ಶಕ್ತಿ. ಚಿಕ್ಕಣ್ಣ, ಬಿರಾದಾರ್ ಅವರನ್ನು ನೀವಿಲ್ಲಿ ಬೇರೆಯೇ ರೀತಿ ನೋಡುತ್ತೀರಿ.

ಗುರುಕಿರಣ್ ಅವರ ಸಂಗೀತ ಚಿತ್ರದ ಆತ್ಮ ಎನಿಸುವುದು ಸುಳ್ಳಲ್ಲ. ಆಪ್ತಮಿತ್ರ ಚಿತ್ರದ ನಂತರ, ದ್ವಾರಕೀಶ್ ಬ್ಯಾನರ್‍ಗೆ ಮ್ಯೂಸಿಕ್ ಮಾಡಿರುವ ಸಿನಿಮಾ ಇದು. ನಿರ್ಮಾಪಕ ಯೋಗಿಗೂ ಅಷ್ಟೆ, ಅವರು ನಾಯಕರಾಗಿ ಎಂಟ್ರಿ ಕೊಟ್ಟಿದ್ದ ಮಜ್ನು ಚಿತ್ರಕ್ಕೂ ಗುರುಕಿರಣ್ ಅವರದ್ದೇ ಸಂಗೀತವಿತ್ತು. ಈಗ ಜೋಡಿ ಮತ್ತೊಮ್ಮೆ ಒಂದಾಗಿದೆ. ಚಿತ್ರೀಕರಣ ಮಾಡಿದ ನಂತರ, ದೃಶ್ಯಗಳಿಗೆ ತಕ್ಕಂತೆ ಮ್ಯೂಸಿಕ್ ನೀಡಿರುವುದು ಗುರುಕಿರಣ್ ಅವರ ಸಾಧನೆ.

ಚಿತ್ರದ ಮತ್ತೊಂದು ಸ್ಟ್ರೆಂಗ್ತ್ ಶೇಖರ್ ಚಂದ್ರ ಅವರ ಛಾಯಾಗ್ರಹಣ. ಚೈತನ್ಯ ಅವರ ನಿರ್ದೇಶನ. ಆಟಗಾರ ಚಿತ್ರದ ನಂತರ ಯೋಗಿ, ಚೈತನ್ಯ ಮತ್ತು ಚಿರಂಜೀವಿ ಸರ್ಜಾ ಮತ್ತೊಮ್ಮೆ ಜೊತೆಯಾಗಿರುವ ಸಿನಿಮಾ ಇದು. ಒಟ್ಟಿನಲ್ಲಿ ಟೆಕ್ನಿಕಲಿ ಸೌಂಡ್ ಆಗಿರುವ ಸಿನಿಮಾ ಅಮ್ಮ ಐ ಲವ್ ಯೂ.

ಇದಿಷ್ಟೂ ಅಮ್ಮ ಐ ಲವ್ ಯೂ ಚಿತ್ರ ನೋಡೋಕೆ ಕಾರಣಗಳು. ಇದೆಲ್ಲವನ್ನೂ ಬಿಡಿಸಿ ಬಿಡಿಸಿ ಹೇಳಿರುವುದು ನಿರ್ಮಾಪಕ ಯೋಗಿ ದ್ವಾರಕೀಶ್. ಅರೆ, ನಾಲ್ಕೇ ಕಾರಣಗಳನ್ನು ಹೇಳಿಬಿಟ್ಟಿರಿ. 5ನೇ ಕಾರಣ ಏನು ಅಂತೀರಾ..

ಅದು ಅಮ್ಮ. ಅದು ನಿಮ್ಮ ತಾಯಿಯೂ ಆಗಿರಬಹುದು. ನಮ್ಮ ತಾಯಿಯೂ ಆಗಿರಬಹುದು. ತಾಯಿಯನ್ನು ಪ್ರೀತಿಸುವವರು ಖಂಡಿತಾ ಈ ಸಿನಿಮಾ ನೋ

ದ್ವಾರಕೀಶ್ ಚಿತ್ರ ನಿರ್ಮಾಣದ ಅಮ್ಮ ಐ ಲವ್ ಯೂ ಚಿತ್ರದ ಫಸ್ಟ್‍ಲುಕ್, ಈ ಯುಗಾದಿಗೆ ಬಿಡುಗಡೆಯಾಗಿದೆ. ಇದು ದ್ವಾರಕೀಶ್ ಚಿತ್ರ ಸಂಸ್ಥೆಯ 51ನೇ ಹೆಮ್ಮೆಯ  ಕೊಡುಗೆ. 3 ದಶಕಗಳಿಗಿಂತಲೂ ಹೆಚ್ಚು ಕಾಲದಿಂದ ಚಿತ್ರೋದ್ಯಮದಲ್ಲಿರುವ ದ್ವಾರಕೀಶ್ ಚಿತ್ರ ಸಂಸ್ಥೆ, ಈಗಾಗಲೇ ಚಿತ್ರ  ನಿರ್ಮಾಣದಲ್ಲಿ ಅರ್ಧಶತಕ ಪೂರೈಸಿದೆ. ಇದು 51ನೇ ಸಿನಿಮಾ.

ಚಿರಂಜೀವಿ ಸರ್ಜಾ ಅಭಿನಯದ ಚಿತ್ರದಲ್ಲಿ ನಾಯಕಿ ನಿಶ್ವಿಕಾ ನಾಯ್ಡು ಹೊಸ ಮುಖ. ಸಿತಾರಾ, ಪ್ರಕಾಶ್ ಬೆಳವಾಡಿ, ರವಿ ಕಾಳೆ, ಚಿಕ್ಕಣ್ಣ, ಬಿರಾದಾರ್ ಮೊದಲಾದ ಕಲಾವಿದರು ನಟಿಸಿರುವ ಚಿತ್ರಕ್ಕೆ ಗುರುಕಿರಣ್ ಸಂಗೀತವಿದೆ.

ಶೇಖರ್ ಚಂದ್ರು ಸಿನಿಮಾಟೋಗ್ರಫಿ ಇರುವ ಸಿನಿಮಾಗೆ, ವಿಶ್ವ ಸಂಕಲನದ ಹೊಣೆ ನಿರ್ವಹಿಸಿದ್ದಾರೆ. ದ್ವಾರಕೀಶ್ ಮತ್ತು ಯೋಗಿ ದ್ವಾರಕೀಶ್ ಚಿತ್ರದ ನಿರ್ಮಾಪಕರು. ಅಮ್ಮ ಐ ಲವ್ ಯೂ ಚಿತ್ರಮಂದಿರಕ್ಕೆ ಬರಲು ಸಿದ್ಧವಾಗುತ್ತಿದೆ.

`ಅಮ್ಮ ಐ ಲವ್ ಯೂ' ದ್ವಾರಕೀಶ್ ಬ್ಯಾನರ್‍ನ ಸಿನಿಮಾ. ನಿರ್ಮಾಪಕ ಯೋಗಿ ದ್ವಾರಕೀಶ್. ಚಿತ್ರೀಕರಣವನ್ನು ಈಗಾಗಲೇ ಸದ್ದಿಲ್ಲದೆ ಮುಗಿಸಿರುವ ಯೋಗಿ ದ್ವಾರಕೀಶ್‍ಗೆ ಚಿತ್ರದ ಪ್ರಚಾರವನ್ನೇ ಮಾಡೋಕೆ ಆಗ್ತಿಲ್ಲ. ಚಿತ್ರದ ಪ್ರಚಾರಕ್ಕೆ ತೊಡಕಾಗಿ ಕಾಡುತ್ತಿರುವುದು ಅಮ್ಮ.

ಅಮ್ಮ ಐ ಲವ್ ಯೂ ಚಿತ್ರಕ್ಕೂ ಮೊದಲೇ, ಇನ್ಯಾರೋ ನಿರ್ಮಾಪಕರು ಅಮ್ಮ ಅನ್ನೋ ಟೈಟಲ್ ರಿಜಿಸ್ಟರ್ ಮಾಡಿಸಿಬಿಟ್ಟಿದ್ದಾರೆ. ಹೀಗಾಗಿ ಯೋಗೀಶ್‍ಗೆ ಇನ್ನೂ ಅಮ್ಮ ಐ ಲವ್ ಯೂ ಅನ್ನೋ ಟೈಟಲ್ಲೇ ಸಿಕ್ಕಿಲ್ಲ. ಚಿತ್ರವನ್ನು ಏಪ್ರಿಲ್‍ನಲ್ಲಿ ತೆರೆಗೆ ತರುವ ಸಿದ್ಧತೆಯಲ್ಲಿರುವ ಯೋಗಿ ದ್ವಾರಕೀಶ್, ಫಿಲಂ ಚೇಂಬರ್‍ಗೆ ಮತ್ತೊಮ್ಮೆ `ಅಮ್ಮ ಐ ಲವ್ ಯೂ' ಟೈಟಲ್ ಕೊಡಿ ಎಂದು ಮನವಿ ಮಾಡಿದ್ದಾರೆ.

ಈ ಮೊದಲು ಅಮ್ಮ ಟೈಟಲ್ ಪಡೆದಿದ್ದ ನಿರ್ಮಾಪಕರು ಅದನ್ನು ಬಳಸಿಕೊಂಡಿಲ್ಲ. ಅದರ ಅವಧಿಯೂ ಮುಗಿದಿದೆ. ಹೀಗಾಗಿ ನಮಗೆ ಟೈಟಲ್ ಕೊಡಿ ಎಂದು ಚೇಂಬರ್‍ಗೆ ಮನವಿ ಮಾಡಿದ್ದಾರಂತೆ. ಚಿರಂಜೀವಿ ಸರ್ಜಾ, ನಿಶ್ವಿಕಾ ನಾಯ್ಡು, ಸಿತಾರಾ ನಟಿಸಿರುವ ಚಿತ್ರಕ್ಕೆ ಕೆ.ಎಂ.ಚೈತನ್ಯ ನಿರ್ದೇಶಕ.

ಅಮ್ಮ ಐ ಲವ್ ಯೂ ಇದೇ ವಾರ ರಿಲೀಸ್ ಆಗುತ್ತಿದೆ. ಹೆಸರು ಹೇಳುವಂತೆ ಇದು ತಾಯಿ, ಮಗನ ಬಾಂಧವ್ಯದ ಚಿತ್ರ. ಈ ಹಿಂದೆ ತಾಯಿ ಪ್ರೀತಿ ಸಾರುವ ನೂರಾರು ಸಿನಿಮಾಗಳು ಬಂದಿರಬಹುದು. ಆದರೆ, ಈ ಚಿತ್ರ ಮಾತ್ರ ಈ ಹಿಂದಿನ ಯಾವ ತಾಯಿ ಸೆಂಟಿಮೆಂಟ್ ಚಿತ್ರಗಳಿಗೂ ಹೋಲಿಕೆ ಆಗೋದಿಲ್ಲ. ಆ ಕಾರಣಕ್ಕಾಗಿಯೇ ರೀಮೇಕ್ ಆದರೂ, ಈ ಚಿತ್ರವನ್ನು ತೋರಿಸಲೇಬೇಕೆಂದು ಹೊರಟಿದೆ ದ್ವಾರಕೀಶ್ ಪ್ರೊಡಕ್ಷನ್ಸ್. ಏಕೆಂದರೆ, ಇದು ತಮಿಳಿನ ಪಿಚ್ಚೈಕಾರನ್ ಚಿತ್ರದ ರೀಮೇಕ್.

ಅಪಘಾತದಲ್ಲಿ ಗಾಯಗೊಂಡು ಕೋಮಾದಲ್ಲಿರುವ ತಾಯಿ, ಚಿಕಿತ್ಸೆಗೆ ಸ್ಪಂದಿಸದೇ ಹೋದಾಗ, ಸ್ವಾಮೀಜಿಯೊಬ್ಬರ ಬಳಿ ಪರಿಹಾರ ಹುಡುಕಿಕೊಂಡು ಹೋಗುತ್ತಾನೆ ಮಗ. ಆಗ ಆ ಸ್ವಾಮೀಜಿ, 48 ದಿನಗಳ ಕಾಲ, ಭಿಕ್ಷುಕನಾಗಿ ಬದುಕಿದರೆ ತಾಯಿ ಬದುಕುತ್ತಾಳೆ ಎನ್ನುತ್ತಾರೆ. ಆದರೆ, ಅದು ಯಾರಿಗೂ ಗೊತ್ತಾಗುವಂತಿಲ್ಲ ಎಂದು ಷರತ್ತು ವಿಧಿಸುತ್ತಾರೆ. ಕೋಟ್ಯಧಿಪತಿಯಾಗಿದ್ದರೂ, ತಾಯಿಗಾಗಿ ಎಲ್ಲವನ್ನೂ ಬಿಟ್ಟು ಭಿಕ್ಷುಕನಾಗುತ್ತಾನೆ ನಾಯಕ. ಆಮೇಲೆ ಏನಾಗುತ್ತೆ..?

ತಾಯಿಯನ್ನು ಪ್ರೀತಿಯಿಂದ ನೋಡಕೊಳ್ಳುತ್ತಿರುವ ಮಕ್ಕಳು, ತಾಯಿಯನ್ನು ಕಸಕ್ಕಿಂತಲೂ ಕಡೆಯದಾಗಿ ನೋಡಿಕೊಳ್ಳುತ್ತಿರುವ ದ್ರೋಹಿಗಳು, ತಾಯಿಯನ್ನು ಕಳೆದುಕೊಂಡು ಕಣ್ಣೀರಿಡುತ್ತಿರುವ ಮಕ್ಕಳು, ತಾಯಿಯನ್ನೇ ಕಾಣದ ಅನಾಥರು..  ಹೀಗೆ ಪ್ರತಿಯೊಬ್ಬರ ಕಣ್ಣನ್ನೂ ಒದ್ದೆ ಮಾಡುವಂತ ಅದ್ಬುತ ಕತೆ, ಸಂದೇಶ ಸಿನಿಮಾದಲ್ಲಿದೆ.

ಆ ದಿನಗಳು ಚೇತನ್ ನಿರ್ದೇಶನದ ಸಿನಿಮಾದಲ್ಲಿ ಕೋಟ್ಯಧಿಪತಿ, ಭಿಕ್ಷುಕನಾಗಿ ನಟಿಸಿರುವುದು ಚಿರಂಜೀವಿ ಸರ್ಜಾ. ಸಿತಾರಾ ತಾಯಿಗಾಗಿ ನಟಿಸಿದ್ದರೆ, ನಿಶ್ವಿಕಾ ನಾಯ್ಡು ನಾಯಕಿ. ಯೋಗಿ ದ್ವಾರಕೀಶ್ ನಿರ್ಮಾಣದ ಚಿತ್ರಕ್ಕೆ ಸಂಗೀತ ನೀಡಿರುವುದು ಗುರುಕಿರಣ್.

ಚಿರಂಜೀವಿ ಸರ್ಜಾ ಫುಲ್ ಬ್ಯುಸಿಯಿದ್ದರು. ಬಹುಶಃ ಲಾಕ್ ಡೌನ್ ಸಮಯದಲ್ಲಿ ಮಾತ್ರವೇ ಕುಟುಂಬದವರ ಜೊತೆ ಹೆಚ್ಚು ಸಮಯ ಕಳೆದಿದ್ದರು ಎನಿಸುತ್ತದೆ. ಅಷ್ಟರಮಟ್ಟಿಗೆ ಬ್ಯುಸಿಯಿದ್ದರು. ಈ ವರ್ಷವನ್ನೇ ತೆಗೆದುಕೊಂಡರೆ, ಲಾಕ್ ಡೌನ್ ಆಗುವುದಕ್ಕೂ ಮುನ್ನ ಚಿರು ಅಭಿನಯದ 4 ಚಿತ್ರಗಳು ರಿಲೀಸ್ ಆಗಿದ್ದವು. ಸಿಂಗ, ಆದ್ಯ, ಶಿವಾರ್ಜುನ, ಖಾಕಿ ಚಿತ್ರಗಳು ರಿಲೀಸ್ ಆಗಿದ್ದವು. ಇನ್ನೂ ಹಲವು ಚಿತ್ರಗಳು ನಿರ್ಮಾಣದ ವಿವಿಧ ಹಂತದಲ್ಲಿದ್ದವು.

ರಾಜಮಾರ್ತಾಂಡ : ಇದು ರಾಮ್ ನಾರಾಯಣ್ ನಿರ್ದೇಶನದ ಸಿನಿಮಾ. ಚಿತ್ರೀಕರಣ ಮುಗಿದಿತ್ತು. ಪೋಸ್ಟ್ ಪ್ರೊಡಕ್ಷನ್ ಕೆಲಸವೂ ಶೇ.90ರಷ್ಟು ಮುಗಿದಿತ್ತು. ಒಂದು ಹಾಡಿನ ಚಿತ್ರೀಕರಣ ಬಾಕಿಯಿತ್ತು. ಈಗ ಆ ಹಾಡು ಇಲ್ಲದೆಯೇ ಸಿನಿಮಾ ರಿಲೀಸ್ ಆಗಬಹುದು.

ಕ್ಷತ್ರಿಯ : ಇದು ಹೊಸ ನಿರ್ದೇಶಕ ಅನಿಲ್ ಮಂಡ್ಯ ನಿರ್ದೇಶನದ ಸಿನಿಮಾ. ರಾಮ್ ನಾರಾಯಣ್ ಅವರಂತೆಯೇ ಇವರಿಗೂ ಅವಕಾಶ ಕೊಡಿಸಿದ್ದವರು ಸ್ವತಃ ಚಿರಂಜೀವಿ ಸರ್ಜಾ. 30 ದಿನಗಳ ಶೂಟಿಂಗ್ ಮುಗಿದಿತ್ತು. ಮುಂದೇನು ಅನ್ನೋದು ಇನ್ನೂ ನಿರ್ಧಾರವಾಗಿಲ್ಲ.

ಏಪ್ರಿಲ್ : ಹೆಚ್ಚೂ ಕಡಿಮೆ ನಿಂತೇ ಹೋಗಿದ್ದ ಸಿನಿಮಾ ಅದು. ಚಿರುಗೆ ಕಥೆ ಇಷ್ಟವಾಗಿ ಹಾಲಿವುಡ್ ಸ್ಟೈಲ್‍ನಲ್ಲಿದೆ. ಬ್ರೇಕ್ ಕೊಡುತ್ತೆ. ಮಾಡೋಣ ಎಂದು ತಂಡವನ್ನು ಹುರಿದುಂಬಿಸಿ ಹೊರಟಿದ್ದರು. ರಚಿತಾ ರಾಮ್ ನಾಯಕಿಯಾಗಿದ್ದ ಚಿತ್ರಕ್ಕೆ ಮುಹೂರ್ತವೂ ನೆರವೇರಿತ್ತು. ಚಿರು ಪಾತ್ರದ ಶೂಟಿಂಗ್ ಶುರು ಮಾಡುವ ಹೊತ್ತಿಗೆ ಲಾಕ್ ಡೌನ್ ಬಂತು. ಈಗ ಚಿರು ಜಾಗಕ್ಕೆ ಯಾರು ಸೂಟ್ ಆಗುತ್ತಾರೆ ಎಂದು ನಿರ್ದೇಶಕ ಸತ್ಯ ರಾಯಲ ತಲೆ ಕೆಡಿಸಿಕೊಂಡಿದ್ದಾರೆ. ಏಕೆಂದರೆ ಅವರಿಗೆ ಚಿರು ಸ್ಥಾನದಲ್ಲಿ ಇನ್ನೊಬ್ಬರನ್ನು ಕಲ್ಪಿಸಿಕೊಳ್ಳಲೂ ಸಾಧ್ಯವಾಗುತ್ತಿಲ್ಲ.

ಧೀರಂ : ಈ ಚಿತ್ರದ ಕಥೆಯನ್ನು ಲಾಕ್ ಡೌನ್ ಸಮಯದಲ್ಲಿ ಕೇಳಿ ಇಷ್ಟಪಟ್ಟಿದ್ದರು ಚಿರು. ರಮೇಶ್ ಬಾಬು ನಿರ್ದೇಶನದ ಈ ಚಿತ್ರ ನಿಲ್ಲಬಹುದು ಅಥವಾ ಬೇರೊಬ್ಬರೊಂದಿಗೆ ಟೇಕಾಫ್ ಕೂಡಾ ಆಗಬಹುದು.

ರಣಂ : ಇದು ಚಿರಂಜೀವಿ ಸರ್ಜಾ ಮತ್ತು ಆ ದಿನಗಳು ಚೇತನ್ ಒಟ್ಟಿಗೇ ನಟಿಸಿರುವ ಚಿತ್ರ. ಎಲ್ಲವೂ ಸಿದ್ಧವಾಗಿರುವ ಚಿತ್ರ, ಕೆಲವೇ ದಿನಗಳಲ್ಲಿ ರಿಲೀಸ್ ಆಗುವ ಸಾಧ್ಯತೆಗಳಿವೆ.

ಚಿರಂಜೀವಿ ಸರ್ಜಾ ನಿಧನರಾಗಿ ಒಂದು ವರ್ಷ. ಕಳೆದ ವರ್ಷ ಜೂನ್ 7ರಂದು ಇಹಲೋಕ ತ್ಯಜಿಸಿದ್ದರು ಚಿರು. ಅವರ ಕುಟುಂಬಕ್ಕೆ ಅದು ಅನಿರೀಕ್ಷಿತ ಆಘಾತ. ಚಿರು ಮೃತಪಟ್ಟಾಗ ಗರ್ಭಿಣಿಯಾಗಿದ್ದ ಮೇಘನಾ ರಾಜ್ ಮಡಿಲಲ್ಲಿ ಪುಟ್ಟ ಕಂದ ನಗುತ್ತಿದೆ. ಆ ನಗುವೇ ಮೇಘನಾಗೆ ಜೀವನದಲ್ಲಿ ಮರೆತುಹೋಗಿದ್ದ ಸಂಭ್ರಮಗಳೆಲ್ಲವನ್ನೂ ಹೊತ್ತು ತರುತ್ತಿದೆ. ಈ ವೇಳೆಯಲ್ಲಿಯೇ ಮೇಘನಾ ಚಿರು ಅಂತಿಮ ಕ್ಷಣಗಳನ್ನು ನೆನಪಿಸಿಕೊಂಡಿದ್ದಾರೆ.

ಅವತ್ತು ಕೂಡಾ ಎಂದಿನಂತೆಯೇ ದಿನ ಶುರುವಾಗಿತ್ತು. ನಾನು, ಪ್ರೇರಣಾ ಮತ್ತು ಚಿರು ಮನೆಯ ಹೊರಗೆ ನಿಂತು ಮಾತನಾಡುತ್ತಿದ್ದೆವು. ಆಗ ಚಿರು ಕುಸಿದು ಬಿದ್ದ ಸಂಗತಿಯನ್ನು ನಮ್ಮ ಮಾವ ಹೇಳಿದರು. ಹೋಗಿ ನೋಡಿದಾಗ ಪ್ರಜ್ಞೆ ಇರಲಿಲ್ಲ. ಕೆಲವೇ ಕ್ಷಣಗಳಲ್ಲಿ ಪ್ರಜ್ಞೆ ಬಂತು. ಆಂಬುಲೆನ್ಸ್‍ಗೆ ಕಾಯೋದು ಬೇಡ ಎಂದು ನಾವೇ ಕಾರಿನಲ್ಲಿ ಕರೆದುಕೊಂಡು ಹೊರಟೆವು. ಆಸ್ಪತ್ರೆಯವರು ತಕ್ಷಣ ಎಮರ್ಜೆನ್ಸಿ ರೂಂಗೆ ಕರೆದುಕೊಂಡು ಹೋದರು. ಕಾರ್ಡಿಯಾಕ್ ಅರೆಸ್ಟ್ ಆಗಿದೆ ಎಂದರು.

ಮನೆಯಲ್ಲಿ ಪ್ರಜ್ಞೆ ವಾಪಸ್ ಬಂದಾಗ ನೀನೇನೂ ಟೆನ್ಷನ್ ತಗೋಬೇಡ. ಏನಾಗಲ್ಲ ನನಗೆ ಎಂದಿದ್ದರಂತೆ ಚಿರು. ಅದೇ ಅವರು ಮೇಘನಾ ಜೊತೆ ಆಡಿದ ಕೊನೆಯ ಮಾತು. ಆಗ ಚಿರು ತುಂಬಾ ಬ್ಯುಸಿಯಿದ್ದರು. ಒಂದರ ಹಿಂದೊಂದು ಚಿತ್ರಗಳು. ಬಿಡುವೇ ಇಲ್ಲ. ಇದೇ ವೇಳೆ ಲಾಕ್‍ಡೌನ್ ಆಗಿ ನಾವಿಬ್ಬರೂ ಒಟ್ಟಿಗೇ ಸಮಯ ಕಳೆಯಲು ಅವಕಾಶ ಸಿಕ್ಕಿತ್ತು. ಆಗಲೇ ನಾನು ಗರ್ಭಿಣಿ ಎಂಬ ವಿಷಯವೂ ಗೊತ್ತಾಗಿ, ನಂತರ ಪ್ರತಿ ಕ್ಷಣವನ್ನೂ ನನ್ನೊಂದಿಗೆ ಕಳೆಯಲು ಇಚ್ಚಿಸಿದ್ದರು ಚಿರು. ಅವರ ಮುಖದಲ್ಲಿ ನಗು ಎಂದಿಗೂ ಮಾಸುತ್ತಿರಲಿಲ್ಲ. ಪ್ರತಿ ಕ್ಷಣವೂ ಸಂಭ್ರಮವೇ ಆಗಿತ್ತು ಎಂದು ನೆನಪಿಸಿಕೊಂಡಿರುವ ಮೇಘನಾ, ಮಗುವಿನ ಲಾಲನೆ ಪಾಲನೆಯಲ್ಲಿ ದುಃಖ ಮರೆಯುತ್ತಿದ್ದಾರೆ. 

ಆಕೆ, ಚೈತನ್ಯ ನಿರ್ದೇಶನದ ಸಿನಿಮಾ. ಆ ದಿನಗಳು, ಆಟಗಾರ..ದಂತಹ ಯಶಸ್ವಿ ಚಿತ್ರಗಳನ್ನು ಕೊಟ್ಟಿರುವ ಚೈತನ್ಯ, ಈಗ ಹೊಸ ಹಾರರ್ ಚಿತ್ರದೊಂದಿಗೆ ಬರುತ್ತಿದ್ದಾರೆ. ಚಿತ್ರದ ವಿಶೇಷವೆಂದರೆ, ಇದು ಅರ್ಧ ಸ್ಯಾಂಡಲ್​ವುಡ್, ಉಳಿದರ್ಧ ಹಾಲಿವುಡ್ ಚಿತ್ರ. 

ಅರ್ಧ ಭಾಗ ಲಂಡನ್​ನಲ್ಲೇ ಶೂಟಿಂಗ್ ಆಗಿದ್ದರೆ, ಉಳಿದರ್ಧ ಬೆಂಗಳೂರಿನಲ್ಲಿ ಚಿತ್ರೀಕರಣಗೊಂಡಿದೆ. ಚಿತ್ರಕ್ಕೆ ಕೆಲಸ ಮಾಡಿರುವವಱರೂ ಹೊಸಬರಲ್ಲ. ಆದರೆ, ಘಟಾನುಘಟಿಗಳು.  ಆಕೆ ಚಿತ್ರದ ಛಾಯಾಗ್ರಾಹಕ ಇಯಾನ್ ಹಾವ್ಸ್. ಹ್ಯಾರಿ ಪಾಟರ್ ಚಿತ್ರಕ್ಕೆ ಕೆಲಸ ಮಾಡಿದ್ದವರು. ಲಂಡನ್​ನಲ್ಲಿ ಶೂಟಿಂಗ್ ಆದ ಭಾಗದ ದೃಶ್ಯಗಳ ಛಾಯಾಗ್ರಹಣ ಮಾಡಿದ್ದಾರೆ.  ಭಾರತದಲ್ಲಿ ನಡೆದಿರುವ ಶೂಟಿಂಗ್​ನಲ್ಲಿ ಕ್ಯಾಮೆರಾ ಹಿಡಿದಿರೋದು  ಮನೋಹರ್‌ ಜೋಷಿ. 

ಕಲಾ ನಿರ್ದೇಶಕ ಪಾಲ್‌ ಬರ್ನ್ಸ್‌ ಕೂಡ ಹಾಲಿವುಡ್ ಚಿತ್ರ ‘ದ ನಾಟ್‌’ತಂಡದಲ್ಲಿ ಕೆಲಸ ಮಾಡಿದವರು. ಗೇಮ್ ಆಫ್ ದಿ ಥ್ರೋನ್ಸ್ ಚಿತ್ರದ ಪ್ರೊಡಕ್ಷನ್ ಮ್ಯಾನೇಜರ್ ಆಗಿದ್ದವರು. ಇಂಗ್ಲೆಂಡ್​ನಲ್ಲಿ ನಡೆದ ಶೂಟಿಂಗ್​ನಲ್ಲಂತೂ ಚೈತನ್ಯ ಜೊತೆಗಿದ್ದ ಇಬ್ಬರು ಅಸಿಸ್ಟೆಂಟ್​​ಗಳನ್ನು ಹೊರತುಪಡಿಸಿದರೆ, ಉಳಿದವರೆಲ್ಲ ಅಲ್ಲಿನವರೇ. 

ಚೈತನ್ಯ ಅವರಿಗೇನೂ ಬ್ರಿಟನ್​ ಹೊಸದಲ್ಲ. ಅಲ್ಲಿಯೇ ಸಾಕ್ಷ್ಯಚಿತ್ರ ತಯಾರಿಸಿದ ಅನುಭವವಿದೆ. 

ಇರೋಸ್ ಇಂಟರ್​ನ್ಯಾಷನಲ್ ನಿರ್ಮಿಸುತ್ತಿರುವ ಮೊದಲ ಕನ್ನಡ ಚಿತ್ರವೂ ಆಕೆ. 

ಆಟಗಾರದಲ್ಲಿ ಚೈತನ್ಯ ಕೊಟ್ಟಿದ್ದ ಹಾರರ್ ಅನುಭವಕ್ಕೆ ಬೆಚ್ಚಿ ಬಿದ್ದಿದ್ದವರು, ಈಗ ಮತ್ತೊಮ್ಮೆ ಬೆಚ್ಚಿ ಬೀಳೋಕೆ ಸಿದ್ಧರಾಗಿದ್ದಾರೆ. ಚೈತನ್ಯ ಹೆದರಿಸೋದು ಗ್ಯಾರಂಟಿ ಅನ್ನೋ ನಂಬಿಕೆ ಪ್ರೇಕ್ಷಕರು.