` chiranjeevi sarja, - chitraloka.com | Kannada Movie News, Reviews | Image

chiranjeevi sarja,

  • ನಿರ್ದೇಶಕರ ಅನುಭವವೇ ಸಿನಿಮಾ ಸೀಜರ್

    ravichandra, chiru sarja, parul yadav in seizer

    ಅದು 2010ನೇ ಇಸವಿ. ಆಗ ವಿನಯ್ ಕೃಷ್ಣ ಅವರ ವಾಹನವನ್ನು ಸೀಜ್ ಮಾಡಲಾಗಿತ್ತು. ಆ ದಿನ ತಮ್ಮ ವಾಹವನ್ನು ಬಿಡಿಸಿಕೊಳ್ಳೋಕೆ ಪರದಾಡಿದ್ದರು ವಿನಯ್‍ಕೃಷ್ಣ. ಈ ವಿನಯ್ ಕೃಷ್ಣ ಬೇರ್ಯಾರೋ ಅಲ್ಲ, ಸೀಜರ್ ಚಿತ್ರದ ನಿರ್ದೇಶಕ.

    ಅಂದಿನ ಆ ಅನುಭವವನ್ನು ಸಿನಿಮಾ ಮಾಡಬೇಕು ಎಂದು ಆ ದಿನವೇ ನಿರ್ಧರಿಸಿದ್ದರಂತೆ ವಿನಯ್‍ಕೃಷ್ಣ. ಆಗ ಅವರು ಖ್ಯಾತ ನಿರ್ದೇಶಕರೊಬ್ಬರ ಬಳಿ ಅಸಿಸ್ಟೆಂಟ್ ಆಗಿ ಕೆಲಸ ಮಾಡುತ್ತಿದ್ದರು. 2010ರಲ್ಲಿ ಬಿತ್ತಿದ್ದ ಕನಸಿನ ಬೀಜ, ಹೆಮ್ಮರವಾಗಿ ಈಗ ಸಿನಿಮಾ ರೂಪದಲ್ಲಿ ನಿಂತಿದೆ.

    ಚಿತ್ರ ನಿಧಾನವಾಯಿತು ಎಂಬುದನ್ನು ಒಪ್ಪುವ ವಿನಯ್‍ಕೃಷ್ಣ, ಚಿತ್ರದ ಕ್ವಾಲಿಟಿ ನೋಡಿದಾಗ.. ಇಷ್ಟು ದಿನ ಕಾಯ್ದಿದ್ದಕ್ಕೂ ಸಾರ್ಥಕವಾಯಿತು ಎಂದೆನಿಸುತ್ತೆ ಅಂತಾರೆ. ಇಷ್ಟು ಟೈಮ್ ಕೊಟ್ಟ ನಿರ್ಮಾಪಕ ತ್ರಿವಿಕ್ರಮ್‍ಗೆ ಕೃತಜ್ಞತೆ ಹೇಳೋಕೆ ಮರೆಯೋದಿಲ್ಲ. ಸಿನಿಮಾ ಇದೇ ಶುಕ್ರವಾರ ತೆರೆಗೆ ಬರುತ್ತಿದೆ.

  • ನಿರ್ಮಾಪಕರ ಹೆಸರೇ ಚಿರು ಸಿನಿಮಾಗೆ ಟೈಟಲ್ಲು..!

    chiranjeeivi's next film titled shivarajun

    ಚಿರಂಜೀವಿ ಸರ್ಜಾ, ತಾನ್ಯಾ ಹೋಪ್ ನಟನೆಯ, ಶಿವತೇಜ ನಿರ್ದೇಶನದ ಹೊಸ ಸಿನಿಮಾಗೆ ಟೈಟಲ್ ಫಿಕ್ಸ್ ಆಗಿದೆ. ಶಿವಾರ್ಜುನ ಅನ್ನೋದು ಸಿನಿಮಾ ಟೈಟಲ್ಲು. ಈ ಶಿವಾರ್ಜುನ್ ಚಿತ್ರಕ್ಕೆ ಎಂ.ಬಿ.ಮಂಜುಳಾ ಶಿವಾರ್ಜುನ್ ನಿರ್ಮಾಪಕರು. ಅವರ ಹೆಸರನ್ನೇ ಚಿತ್ರದ ಟೈಟಲ್ ಮಾಡಲಾಗಿದೆ.

    ಅಫ್‍ಕೋರ್ಸ್.. ಚಿತ್ರದ ಟೈಟಲ್‍ನಲ್ಲಿ ಫೋರ್ಸ್ ಇದೆ. ಚಿತ್ರಕ್ಕೆ ಶಿವತೇ ಕಥೆ, ಚಿತ್ರಕಥೆ ಬರೆದಿದ್ದಾರೆ. 

  • ಪ್ರತ್ರಿಯೊಬ್ಬ ಹುಡುಗನ ಹಿಂದೆ ಹುಡುಗಿ ಇರ್ತಾಳಂತೆ.. ಖಾಕಿಯಲ್ಲಿ ಪ್ರೇಮದ ಖದರು

    khakii's new love song

    ಖಾಕಿ ಅನ್ನೋ ಸಿನಿಮಾದಲ್ಲಿ ಭ್ರಷ್ಟಾಚಾರದ ವಿರುದ್ಧ ಹೋರಾಟವೇ ಪ್ರಮುಖ ಕಥೆ ಅನ್ನೋದು ಸತ್ಯ. ಆದರೆ ಈ ಹೋರಾಟದ ಕಥೆಯಲ್ಲಿ ಒಂದು ಪ್ರೇಮಕಥೆಯೂ ಇದೆ. ಈಗಾಗಲೇ ತಾನ್ಯಾ ಹೋಪ್, ತನ್ನದು ಸ್ಟ್ರಾಂಗ್ ಹುಡುಗಿ ಪಾತ್ರ ಎಂದಿದ್ದಾರೆ. ಈ ಸ್ಟ್ರಾಂಗ್ ಹುಡುಗಿಯ ಬೆನ್ನು ಹತ್ತುವ ಚಿರು, ಆಕೆಗಾಗಿ ಹಾಡೋ ಹಾಡಿದು.

    ಪ್ರತ್ರಿಯೊಬ್ಬ ಹುಡುಗನ ಹಿಂದೆ ಹುಡುಗಿ ಇರ್ತಾಳಂತೆ..ಅವರಿಂದ ಹುಡುಗರ ಜೀವ್ನ ಚೆನ್ನಾಗಿರ್ತಾದಂತೆ.. ಯೋಗರಾಜ್ ಭಟ್ಟರ ಪೆನ್ನಿನಲ್ಲಿ ಅರಳಿರುವ ಈ ಗೀತೆ ಯುವಕರ ಪ್ರೇಮ ನಿವೇದನೆಯ ಗೀತೆಯಾಗಿದೆ. ಋತ್ವಿಕ್ ಮುರಳೀಧರ್ ಸಂಗೀತದಲ್ಲಿ ಸೃಷ್ಟಿಯಾಗಿರುವ ಹಾಡಿಗೆ, ನವೀನ್ ಸಜ್ಜು ತಮ್ಮ ತರಲೆ ಸ್ಟೈಲಲ್ಲಿಯೇ ಹಾಡಿದ್ದಾರೆ.

    ಭಟ್ಟರ ಶೈಲಿಯ ಉಡಾಫೆ ಮತ್ತೊಂದಿಷ್ಟು ಆಧ್ಯಾತ್ಮವೂ ಇರೋ ಗೀತೆಯಲ್ಲಿ ಚಿರು ಮತ್ತು ತಾನ್ಯಾ ಹೋಪ್ ರೊಮ್ಯಾಂಟಿಕ್ ಆಗಿ ಹೆಜ್ಜೆ ಹಾಕಿದ್ದಾರೆ. ನವೀನ್ ರೆಡ್ಡಿ ನಿರ್ದೇಶನದ ಚಿತ್ರಕ್ಕೆ ತರುಣ್ ಶಿವಪ್ಪ ನಿರ್ಮಾಪಕ. ಶಿವಮಣಿ ವಿಲನ್ ಆಗಿರೋ ಚಿತ್ರದಲ್ಲಿ ಛಾಯಾಸಿಂಗ್ ಪೊಲೀಸ್ ಆಫೀಸರ್ ಆಗಿ ನಟಿಸಿದ್ದಾರೆ. ಚಿತ್ರ ಜನವರಿ 24ರಂದು ರಿಲೀಸ್ ಆಗುತ್ತಿದೆ.

  • ಪ್ರೇಕ್ಷಕರಿಗಷ್ಟೇ ಅಲ್ಲ, ಸ್ಟಾರ್‍ಗಳಿಗೆಲ್ಲ ಮೆಚ್ಚಿದ ಅಮ್ಮ ಐ ಲವ್ ಯು

    amma i love you impresses stars and celebs

    ಅಮ್ಮ ಐ ಲವ್ ಯೂ. ಕನ್ನಡದಲ್ಲಿ ಬಹುದಿನಗಳ ನಂತರ ಬಂದಿರುವ ತಾಯಿಮಗನ ಸೆಂಟಿಮೆಂಟ್ ಕಥೆ. ಮಕ್ಕಳಿಗಾಗಿ ತ್ಯಾಗ ಮಾಡೋ ತಾಯಿಯ ಕಥೆ, ಹೊಸದೇನಲ್ಲ. ಆದರೆ, ಇದು ತಾಯಿಗಾಗಿ ಮಗನೊಬ್ಬ ತ್ಯಾಗ ಮಾಡುವ ಕಥೆ. ಚಿತ್ರದ ಸೆಂಟಿಮೆಂಟ್ ಪ್ರೇಕ್ಷಕರಿಗೆ ಇಷ್ಟವಾಗುತ್ತಿದೆ. ಸಿನಿಮಾ ನೋಡಿದವರು ತಾಯಿಯನ್ನು ಖಂಡಿತಾ ನೆನಪಿಸಿಕೊಳ್ಳುತ್ತಾರೆ. ತಾಯಿ ಇಲ್ಲದವರು ನೆನಪಿಸಿಕೊಂಡು ಕಣ್ಣೀರಾಗುತ್ತಾರೆ.

    ಈ ಸಿನಿಮಾವನ್ನು ಬಹುತೇಕ ಚಿತ್ರರಂಗದ ತಾರೆಗಳೆಲ್ಲ ಮೆಚ್ಚಿ ದಯವಿಟ್ಟು ಸಿನಿಮಾ ನೋಡಿ ಎನ್ನುತ್ತಿರುವುದು ವಿಶೇಷ. ಚಿತ್ರದ ಆಡಿಯೋ ಬಿಡುಗಡೆ ಮಾಡಿದ್ದ ಶಿವರಾಜ್‍ಕುಮಾರ್, ಧ್ರುವ ಸರ್ಜಾ.. ಚಿತ್ರವನ್ನು ವೇದಿಕೆಯಲ್ಲೇ ಮೆಚ್ಚಿದ್ದರು. ಕಿಚ್ಚ ಸುದೀಪ್, ವಿದೇಶದಲ್ಲಿದ್ದರೂ, ಚಿತ್ರದ ಬಗ್ಗೆ ಕೇಳಿದ್ದ  ವಿಮರ್ಶೆಗಳನ್ನು ನೋಡಿ, ಖುಷಿಯಾಗಿ ಸಿನಿಮಾ ನೋಡಿ ಎಂದಿದ್ದರು. ಈಗ ರಾಕಿಂಗ್ ಸ್ಟಾರ್ ಯಶ್, ಸಿನಿಮಾವನ್ನು ನೋಡಿ.. ಪ್ರತಿಯೊಬ್ಬರೂ ಈ ಸಿನಿಮಾ ನೋಡಲೇಬೇಕು ಎನ್ನುತ್ತಿದ್ದಾರೆ. 

    ನಟಿ ರಕ್ಷಿತಾ ಪ್ರೇಮ್, ಮೇಘನಾ ರಾಜ್ ಸೇರಿದಂತೆ ಹಲವರು ಚಿತ್ರವನ್ನು ನೋಡಿ ಮೆಚ್ಚಿ ಹೊಗಳುತ್ತಿದ್ದಾರೆ. ಚಿತ್ರವನ್ನು ನೋಡಿದ ಪ್ರೇಕ್ಷಕರೂ ಕೂಡಾ ಇಂಥಾ ಸಿನಿಮಾ ನಿರ್ಮಿಸಿದ ಯೋಗಿ ದ್ವಾರಕೀಶ್ ಅವರನ್ನು ಅಭಿನಂದಿಸುತ್ತಿರುವುದು ವಿಶೇಷ.

    ಚಿರಂಜೀವಿ ಸರ್ಜಾ, ನಿಶ್ವಿಕಾ ನಾಯ್ಡು, ಸಿತಾರಾ, ಚಿಕ್ಕಣ್ಣ, ಪ್ರಕಾಶ್ ಬೆಳವಾಡಿ ಪ್ರಮುಖ ತಾರಾಗಣದಲ್ಲಿರುವ ಸಿನಿಮಾಗೆ, ಗುರುಕಿರಣ್ ಸಂಗೀತವಿದೆ. ಅಮ್ಮಾ.. ನನ್ನ ಈ ಜನುಮ ಹಾಡು.. ಪ್ರೇಕ್ಷಕರ ಕಣ್ಣಂಚು ಒದ್ದೆ ಮಾಡುವಂತಿದೆ. ನಿರ್ದೇಶಕ ಚೈತನ್ಯ ಮತ್ತೊಮ್ಮೆ ಗೆದ್ದಿದ್ದಾರೆ.

  • ಮಕ್ಕಳ ಹಠದಿಂದಲೇ ಅಪ್ಪಳಿಸಿದ ಸಾವು..!

    raname shooting tragedy

    ರಣಂ ಚಿತ್ರದ ಚಿತ್ರೀಕರಣ ವೇಳೆ ಸಂಭವಿಸಿದ ದುರಂತದಲ್ಲಿ ಮೃತಪಟ್ಟ ದುರಂತದ;ಲ್ಲಿ ತಾಯಿ ಸಮೀರಾ ಬಾನು ಹಾಗೂ ಅವರ ಮಗಳು 5 ವರ್ಷದ ಆಯೇಷಾ ಸ್ಥಳದಲ್ಲೇ ಮೃತಪಟ್ಟರು. ಸಮೀರಾ ಬಾನು ಶವ ಛಿದ್ರ ಛಿದ್ರವಾಗಿ ಎಲ್ಲೆಂದರಲ್ಲಿ ಬಿದ್ದಿತ್ತು. ಸ್ಫೋಟದ ರಭಸಕ್ಕೆ ಪುಟ್ಟ ಕಂದಮ್ಮ ಆಯೇಷಾ ಶವವಾಗಿ ಬಸ್ಸೊಂದರ ಕೆಳಗೆ ಬಿದ್ದಿದ್ದಳು. ಇನ್ನೊಂದು ಮಗು 8 ವರ್ಷದ ಜೈನೇಬ್ ಗಾಯಗೊಂಡು ಒದ್ದಾಡುತ್ತಿದ್ದಳು. 

    ಸ್ಫೋಟದ ಶಬ್ಧ ಕೇಳಿ ಓಡಿ ಬಂದ ಸ್ಥಳೀಯರೇ ತಬ್ರೇಜ್ ಖಾನ್ ಹಾಗೂ ಇನ್ನೊಬ್ಬ ಮಗಳನ್ನು ಆಸ್ಪತ್ರೆಗೆ ಸೇರಿಸಿದ್ದಾರೆ. ದುರಂತವೆಂದರೆ, ಘಟನೆಯಲ್ಲಿ  ಪತ್ನಿ ಮತ್ತು ಒಬ್ಬ ಮಗಳನ್ನು ಕಳೆದುಕೊಂಡಿರುವ ತಬ್ರೇಜ್ ಖಾನ್, ಶುಕ್ರವಾರದ ನಮಾಜ್ ಮುಗಿಸಿ ಮನೆಗೆ ತೆರಳುತ್ತಿದ್ದರು. ಈ ವೇಳೆ ಮಕ್ಕಳು ಶೂಟಿಂಗ್ ನೋಡಲೆಂದು ಆಸೆ ಪಟ್ಟರು. ಬೇಡ ಬೇಡ ಎಂದರೂ ಮಕ್ಕಳಿಬ್ಬರೂ ಹಠ ಹಿಡಿದ ಕಾರಣ, ಅವರನ್ನು ಕರೆದುಕೊಂಡು ಶೂಟಿಂಗ್ ಸ್ಥಳಕ್ಕೆ ಬಂದಿದ್ದರು ತಬ್ರೇಜ್ ಖಾನ್. 

    ಬಹುಶಃ ಮಕ್ಕಳ ಹಠಕ್ಕೆ ಮಣಿಯದೇ ಇದ್ದಿದ್ದರೆ, ನೇರ ಮನೆಗೇ ಹೋಗಿದ್ದರೆ ಬಚಾವಾಗುತ್ತಿದ್ದರೇನೋ.. ಆದರೆ ಸಾವು ಎಳೆದುಕೊಂಡು ಬಂದಿತ್ತು.

  • ಮತ್ತೆ ಏಪ್ರಿಲ್ : ರಚಿತಾ ಜೊತೆ ಚಿರು

    chiranjeeivi joins rachita's april

    ಏಪ್ರಿಲ್ ಅನ್ನೋ ಹೆಸರಿನ ಚಿತ್ರದ ಪೋಸ್ಟರ್ ಕಳೆದ ವರ್ಷ ಭಾರಿ ಸದ್ದು ಮಾಡಿತ್ತು. ಪೋಸ್ಟರಿನಲ್ಲಿ ರಚಿತಾ ರಾಮ್ ಅವರನ್ನು ನೋಡಿದವರು ವ್ಹಾವ್.. ಎಂದಿದ್ದರು. ರಚಿತಾ ಕೂಡಾ ಸಖತ್ ಕಾನ್ಫಿಡೆನ್ಸಿನಲ್ಲಿದ್ದರು. ಆದರೆ, ಪೋಸ್ಟರಿಗೇ ಸುಮ್ಮನಾಗಿದ್ದ ಚಿತ್ರತಂಡ, ಸೈಲೆಂಟ್ ಆಗಿತ್ತು. ಕೊನೆಗೆ ರಚಿತಾ ಅವರೇ ಚಿತ್ರದಿಂದ ಹೊರಬಂದಿದ್ದೇನೆ ಎಂದಿದ್ದರು. ಆದರೆ, ಮುಗಿದೇ ಹೋಯ್ತು ಎಂದುಕೊಂಡಿದ್ದ ಸಿನಿಮಾ ಮತ್ತೆ ಶುರುವಾಗಿದೆ.

    8ಎಂಎಂ ಎಂಬ ಚಿತ್ರ ನಿರ್ಮಾಪಕರು ಚಿತ್ರವನ್ನು ಕೈಗೆತ್ತಿಕೊಂಡಿದ್ದು, ಸತ್ಯರಾಯಲ್ ನಿರ್ದೇಶಕ. ವಿಶೇಷವೆಂದರೆ, ಚಿತ್ರಕ್ಕೆ ಚಿರಂಜೀವಿ ಸರ್ಜಾ ಎಂಟ್ರಿ ಆಗಿದೆ. ಮಹಿಳಾ ಪ್ರಧಾನ ಥ್ರಿಲ್ಲರ್ ಚಿತ್ರವಾದರೂ, ಚಿರು ಪಾತ್ರದ ವಿಶೇಷತೆಗಾಗಿ ಓಕೆ ಎಂದಿದ್ದಾರೆ. ಡಿಸೆಂಬರ್‍ನಲ್ಲಿ ಶೂಟಿಂಗ್ ಶುರುವಾಗಬಹುದು.

  • ಮೇ 2ಕ್ಕೆ ಚಿರು-ಮೇಘನಾ ಮದುವೆ

    meghana raj chiu sarja on may 2nd

    ಚಿರಂಜೀವಿ ಸರ್ಜಾ ಹಾಗೂ ಮೇಘನಾ ರಾಜ್ ಅವರ ವಿವಾಹಕ್ಕೆ ಮೇ2ನೇ ತಾರೀಕು ಮುಹೂರ್ತ ಫಿಕ್ಸ್ ಆಗಿದೆ. ಆ ದಿನ ಬೆಳಗ್ಗೆ 10.30ಕ್ಕೆ ಬೆಂಗಳೂರಿನ ಮೈದಾನದಲ್ಲಿ ಚಿರು-ಮೇಘನಾ ಸತಿಪತಿಗಳಾಗುತ್ತಿದ್ದಾರೆ.

    ಅರಮನೆ ಮೈದಾನದ ವೈಟ್ ಪೆಟಲ್ಸ್ ಸಭಾಂಗಣದಲ್ಲಿ ಮದುವೆಗೆ ವೇದಿಕೆ ಸಿದ್ಧಗೊಳ್ಳಲಿದೆ. ಅದೇ ದಿನ ಸಂಜೆ 7 ಗಂಟೆಗೆ ಆರತಕ್ಷತೆ.

    ಈಗಾಗಲೇ ಎರಡೂ ಕುಟುಂಬಗಳು ಆಮಂತ್ರಣ ಪತ್ರಿಕೆ ಹಂಚುವಲ್ಲಿ ಬ್ಯುಸಿ. ಸರ್ಜಾ ಕುಟುಂಬ ಹಾಗೂ ಸುಂದರ್‍ರಾಜ್.. ಎರಡೂ ಕುಟುಂಬಗಳು ಬಣ್ಣದಲೋಕದ ನಂಟು ಹೊಂದಿವೆ. ಹೀಗಾಗಿ ಮೇ 2ನೇ ತಾರೀಕು, ಅರಮನೆ ಮೈದಾನದಲ್ಲಿ ಚಿತ್ರರಂಗದ ನಕ್ಷತ್ರಗಳೆಲ್ಲ ಹೊಳೆಯಲಿವೆ.

    Related Articles :-

    Chiru And Meghana Raj's Wedding On May 2nd

  • ಮೇಘನಾ ಸರ್ಜಾ 6 ತಿಂಗಳ ಗರ್ಭಿಣಿ 

    meghana raj 6 months pregnan

    ಮೇಘನಾ ರಾಜ್, ಚಿರಂಜೀವಿ ಸರ್ಜಾ ಅವರನ್ನು ಮದುವೆಯಾಗಿ 2 ವರ್ಷವಾಗಿತ್ತು. ಅವರದ್ದು ಲವ್ ಮ್ಯಾರೇಜ್. ಎರಡೂ ಕುಟುಂಬಗಳ ಜೊತೆ ಸ್ನೇಹ ಸಂಬಂಧವೂ ಉತ್ತಮವಾಗಿತ್ತು. ಹೀಗಾಗಿ ಮಕ್ಕಳ ಪ್ರೀತಿಗೆ ಅಡ್ಡಿ ಬರಲಿಲ್ಲ. ಪ್ರೀತಿಗೆ ಮದುವೆಯ ಮುದ್ರೆ ಬಿದ್ದಿತ್ತು.

    ಅವರ ದಾಂಪತ್ಯವೂ ಚೆನ್ನಾಗಿತ್ತು. ಮೇಘನಾ ರಾಜ್ ಈಗ 6 ತಿಂಗಳ ಗರ್ಭಿಣಿ. ಇತ್ತೀಚೆಗೆ ಪತ್ನಿಯ ಸೀಮಂತವನ್ನು ಹೇಗೆ ಮಾಡಬೇಕು ಎಂದು ಮನೆಯವರ ಜೊತೆ ಚರ್ಚೆ ಮಾಡಿಕೊಂಡಿದ್ದ ಚಿರು, ಅದನ್ನು ಬಹಿರಂಗ ಪಡಿಸಲು ಕಾಯುತ್ತಿದ್ದರು. ಮನೆಯವರಿಗೆ ಹಾಗೂ ಚಿತ್ರರಂಗದ ಕೆಲವೇ ಕೆಲವು ಆತ್ಮೀಯರಿಗೆ ಮಾತ್ರವೇ ಮೇಘನಾ ರಾಜ್ ಗರ್ಭಿಣಿ ಎಂಬ ವಿಷಯ ಗೊತ್ತಿತ್ತು. 

    ಈಗ ಪುಟ್ಟ ಕಂದನನ್ನು ನೋಡುವ ಮುನ್ನವೇ ಚಿರು ಇನ್ನಿಲ್ಲವಾಗಿದ್ದಾರೆ. ಮತ್ತೆ ಹುಟ್ಟಿ ಬಾ ಚಿರು..

  • ಮೇಘನಾ-ಚಿರು 10 ವರ್ಷದ ಲವ್ ಸ್ಟೋರಿ

    meghana reveals her 10 years love story

    ನಮ್ಮಿಬ್ಬರ ಪ್ರೀತಿ ವಿಚಾರ ಹೇಳೋವಾಗ ತಡವಾಯ್ತು. ಆದರೆ ಬೇಜಾರೇನಿಲ್ಲ. ಸಂಬಂಧ ಮುಚ್ಚಿಡುವ ಅವಶ್ಯಕತೆಯೆನೂ ಇರಲಿಲ್ಲ. ಅದನ್ನು ಜನರಿಗೆ ಹೇಳುವ ಸಂದರ್ಭ ಕೂಡಿ ಬಂದಿರಲಿಲ್ಲ ಅಷ್ಟೆ. ಹೀಗೆ ಹೆಳುತ್ತಾ ಮತ್ತು ಚಿರು ನಡುವಿನ 10 ವರ್ಷದ ಪ್ರೇಮಕಥೆ ಬಿಚ್ಚಿಟ್ಟಿದ್ದಾರೆ ಮೇಘನಾ. 

    ಅವರಿಬ್ಬರ ಪರಿಚಯವಾಗಿದ್ದು ಯಾವುದೋ ಕಾರ್ಯಕ್ರಮದಲ್ಲಿ. ಅಮ್ಮನೇ ಪರಿಚಯ ಮಾಡಿಸಿದರು. ಚಿರಂಜೀವಿ ಸರ್ಜಾ ನೋಡೋಕೆ ರಫ್ ಅಷ್ಟೆ. ನಾಚಿಕೆ ಸ್ವಭಾವದ ಕರುಣಾಮಯಿ. ಹೀಗಾಗಿಯೇ ಚಿರು ಇಷ್ಟವಾದರು ಎನ್ನುತ್ತಾರೆ ಮೇಘನಾ. ನಿಶ್ಚಿತಾರ್ಥದ ವಿಚಾರವನ್ನು ತಂದೆ ಮುಚ್ಚಿಟ್ಟಿದ್ದಕ್ಕೆ ಕಾರಣ, ಅದು ನಮ್ಮ ಖಾಸಗಿ ವಿಷಯ ಎಂಬುದಷ್ಟೆ.  ಅಲ್ಲದೆ ಆ ವಿಷಯವನ್ನು ಚಿರಂಜೀವಿ ಹುಟ್ಟುಹಬ್ಬದ ದಿನವೇ ಅನೌನ್ಸ್ ಮಾಡಬೇಕು ಎಂದು ನಿರ್ಧರಿಸಿದ್ದೆವು. ಇದರ ಹೊರತಾಗಿ ಬೇರೆ ಯಾವ ಕಾರಣವೂ ಇಲ್ಲ. ಇಷ್ಟನ್ನೂ ಹೇಳಿಕೊಂಡಿರುವ ಮೇಘನಾ, ಮದುವೆ ಯಾವಾಗ ಅನ್ನೋದು ಫಿಕ್ಸ್ ಆಗಿಲ್ಲ ಎಂದಿದ್ದಾರೆ.

    ನನ್ನದು ಕೋಪದ ಸ್ವಭಾವ. ನನಗೆ ವಿರುದ್ಧವಾದ ವ್ಯಕ್ತಿತ್ವ ಚಿರಂಜೀವಿಯದ್ದು. ಅವರು ಸಿಟ್ಟು ಮಾಡಿಕೊಳ್ಳಲ್ಲ ಎಂದು ಚಿರಂಜೀವಿ ವ್ಯಕ್ತಿತ್ವ ಹೊಗಳುವ ಮೇಘನಾಗೆ, ತನ್ನ ತಾಯಿ ಹುಷಾರಿಲ್ಲದಿದ್ದಾಗ, 200 ಕಿ.ಮೀ. ಡ್ರೈವ್ ಮಾಡಿಕೊಂಡು ಬಂದು ನನ್ನ ಜೊತೆ ಇದ್ದ ಚಿರಂಜೀವಿ ಬಗ್ಗೆ ವಿಶೇಷ ಅಕ್ಕರೆಯೂ ಇದೆ. 

    ಮದುವೆ ಯಾವಾಗ ಅಂತಾ ತಲೆ ಕೆಡಿಸಿಕೊಂಡ್ರೆ ಸೌಂದರ್ಯ ಹಾಳಾಗುತ್ತೆ. ಅದನ್ನೆಲ್ಲ ಹಿರಿಯರಿಗೆ ಬಿಟ್ಟಿದ್ದೇವೆ ಎಂದು ನಗುವ ಮೇಘನಾ, ಎಂಜೇಜ್‍ಮೆಂಟ್‍ಗೆ ರೆಡಿಯಾಗುತ್ತಿದ್ದಾರೆ.

    Related Articles :-

    ಮೇಘನಾಗೂ ನಂಗೂ ಮದ್ವೆ ಗ್ಯಾರಂಟಿ - ಚಿರಂಜೀವಿ

    Chiru Confirms His Engagement With Meghana Raj

    ಅ.22ಕ್ಕೆ ಚಿರು-ಮೇಘನಾ ನಿಶ್ಚಿತಾರ್ಥ

    ಚಿರು ಮೇಘನಾ ಮದ್ವೆಯಂತೆ..! ನಿಜಾನಾ..?

     

  • ಮೇಘನಾ-ಚಿರು ಮೊದಲ ಮದುವೆ ಆಯ್ತು..!

    chiranjeevi meghana first wedding completed

    ಮೇಘನಾ ರಾಜ್ ಮತ್ತು ಚಿರಂಜೀವಿ ಸರ್ಜಾ ಅವರ ಮೊದಲ ಮದುವೆ ನೆರವೇರಿದೆ. ಕ್ರೈಸ್ತ ಸಂಪ್ರದಾಯದಂತೆ ಚಿರು ಮತ್ತು ಮೇಘನಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇನ್ನು ಮೇ 2ರಂದು ಹಿಂದೂ ಸಂಪ್ರದಾಯದಂತೆ ಮತ್ತೊಮ್ಮೆ ಶಾಸ್ತ್ರೋಕ್ತವಾಗಿ ವಿವಾಹವಾಗಲಿದ್ದಾರೆ.

    ಕೋರಮಂಗಲದಲ್ಲಿರುವ ಸೆಂಟ್ ಆಂಥೋನಿ ಫ್ರೈರಿ ಚರ್ಚ್‍ನಲ್ಲಿ ಫಾದರ್ ಪ್ರವೀಣ್ ಕುಮಾರ್, ವಿವಾಹ ವಿಧಿ ನೆರವೇರಿಸಿಕೊಟ್ಟರು. ಕ್ರೈಸ್ತ ಸಂಪ್ರದಾಯದಂತೆ ಮೇಘನಾ ಶ್ವೇತಧಾರಿಣಿಯಾಗಿದ್ದರೆ, ಚಿರು ನೀಲಿ ಸೂಟ್‍ನಲ್ಲಿದ್ದರು. ಉಂಗುರ ಬದಲಾಯಿಸಿಕೊಂಡ ನಂತರ, ವಿವಾಹದ ನೋಂದಣಿಯನ್ನು ಮಾಡಿಕೊಳ್ಳಲಾಯ್ತು. ಬೈಬಲ್ ಮುಟ್ಟಿ ಪ್ರಮಾಣ ಸ್ವೀಕರಿಸಿ, ಉಂಗುರ ಬದಲಾಯಿಸಿ ಕೊಂಡರು.

    ಚಿರಂಜೀವಿ ಪರವಾಗಿ ಅರ್ಜುನ್ ಸರ್ಜಾ, ಆಶಾ ರಾಣಿ, ಧ್ರುವ ಸರ್ಜಾ ಸಹಿ ಹಾಕಿದರೆ, ಮೇಘನಾ ಅವರ ಪರವಾಗಿ ಸಂತೋಷ್ ಕೋಷಿ, ಸೋಫಿಯಾ ಕೋಷಿ ಸಹಿ ಹಾಕಿದರು. ಕಲಾವಿದರಾದ ತಾರಾ, ಪ್ರಜ್ವಲ್ ದೇವರಾಜ್ ನವವಧುವರರಿಗೆ ಶುಭ ಹಾರೈಸಿದ್ರು.

    ಮೇಘನಾ ಅವರ ತಾಯಿ ಪ್ರಮೀಳಾ ಜೋಷಾಯ್ ಕ್ಯಾಥೊಲಿಕ್ ಕ್ರೈಸ್ತರಾಗಿದ್ದರೆ, ಸುಂದರ್ ರಾಜ್ ಅಯ್ಯಂಗಾರ್ ಬ್ರಾಹ್ಮಣರು. ಮೇ 2ರಂದು ಅಯ್ಯಂಗಾರ್ ಸಂಪ್ರದಾಯದಂತೆ ಶಾಸ್ತ್ರೋಕ್ರವಾಗಿ ಮದುವೆ ನಡೆಯಲಿದೆ.

  • ಮೇಘನಾ-ಚಿರುಗೆ ಎರಡೆರಡು ಮದುವೆ..! 

    chiranjeeivi meghana raj to tie knot in two traditions

    ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ಸಪ್ತಪದಿ ತುಳಿಯುತ್ತಿದ್ದಾರೆ. ಮದುವೆ ಇರೋದು ಮೇ 2ನೇ ತಾರೀಕು. ಮೇಘನಾ ಅವರ ತಂದೆ ಸುಂದರ್ ರಾಜ್ ಹಿಂದೂ. ತಾಯಿ ಪ್ರಮೀಳಾ ಜೋಷಾಯ್ ಕ್ಯಾಥೊಲಿಕ್ ಕ್ರಿಶ್ಚಿಯನ್. ಹೀಗಾಗಿ ಎರಡೂ ಸಂಪ್ರದಾಯಗಳಲ್ಲಿ ಮದುವೆ ನಡೆಯಲಿದೆ.

    ಮೇಘನಾ ಮನೆಯಲ್ಲಿ ಈಗಾಗಲೇ ಅರಿಶಿಣ ಮತ್ತು ಚಪ್ಪರ ಶಾಸ್ತ್ರ ಮುಗಿದಿದೆ. ನಾಳೆ ಅಂದರೆ 27ನೇ ತಾರೀಕು ಚಿರಂಜೀವಿ ಸರ್ಜಾ ಮನೆಯಲ್ಲಿ ಚಪ್ಪರ ಶಾಸ್ತ್ರ. ಇದಾದ ಮೇಲೆ ಮದುವೆ.

    ಏಪ್ರಿಲ್ 29ನೇ ತಾರೀಕು ಅಂದ್ರೆ ಭಾನುವಾರ ಕೋರಮಂಗಲದ ಚರ್ಚ್‍ನಲ್ಲಿ ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ಮದುವೆಯಾಗಲಿದ್ದಾರೆ. ಅದು ಕ್ರೈಸ್ತ ಸಂಪ್ರದಾಯದಂತೆ. ಭಾನುವಾರ ಸಂಜೆ 4 ಗಂಟೆಗೆ ಸೆಂಟ್ ಬೆಸಲಿಕಾ ಥೀಮ್‍ನಲ್ಲಿ ನಡೆಯುವ  ಕಾರ್ಯಕ್ರಮಕ್ಕೆ ಬಂಧುಗಳು ಹಾಗೂ ಆಪ್ತರಿಗಷ್ಟೇ ಆಹ್ವಾನ ನೀಡಲಾಗಿದೆ.

    ಇದಾದ ಮೇಲೆ ಏಪ್ರಿಲ್ 30ನೇ ತಾರೀಕು ಸಂಗೀತ್ ಕಾರ್ಯಕ್ರಮ ಇದೆ. ಅದಾದ ಮೇಲೆ ಮೇ 1ಕ್ಕೆ ವರಪೂಜೆ. ಮೇ 2ಕ್ಕೆ ಮದುವೆ. ಬೆಳಗ್ಗೆ 10.30ರ ಮುಹೂರ್ತದಲ್ಲಿ ಮೇಘನಾಗೆ ಚಿರು ಮಾಂಗಲ್ಯ ಧಾರಣೆ ಮಾಡಲಿದ್ದಾರೆ. ಅದು 2ನೇ ಮದುವೆ.

  • ಮೇಘನಾಗೂ ನಂಗೂ ಮದ್ವೆ ಗ್ಯಾರಂಟಿ - ಚಿರಂಜೀವಿ

    meghana chiru engagement confirmed

    ಮೇಘನಾ ರಾಜ್ ಹಾಗೂ ಚಿರಂಜೀವಿ ಸರ್ಜಾಗೆ ಎಂಗೇಜ್‍ಮೆಂಟ್ ಫಿಕ್ಸ್ ಆಗಿದೆ ಎಂದು ಸುದ್ದಿಯಾದಾಗ, ನ್ಯೂಸ್ ಚಾನೆಲ್ಲುಗಳಲ್ಲಿ ಸ್ವತಃ ಮಾತನಾಡಿದ್ದ ಚಿರಂಜೀವಿ ಸರ್ಜಾ, ಮದುವೆಯ ಸುದ್ದಿ ನಿರಾಕರಿಸಿದ್ದರು. ಮೇಘನಾ ಸೈಲೆಂಟ್ ಆಗಿದ್ದುಬಿಟ್ಟಿದ್ದರು. ಸುಂದರ್‍ರಾಜ್-ಪ್ರಮೀಳಾ ಜೋಷಾಯ್ ಕೂಡಾ ಮದುವೆ ಸುದ್ದಿ ಒಪ್ಪಿಕೊಂಡಿರಲಿಲ್ಲ. 

    ಆದರೆ, ಈಗ ಚಿರಂಜೀವಿ ಸರ್ಜಾ ಅವರೇ ತಾನು ಮತ್ತು ಮೇಘನಾ ಮದುವೆಯಾಗುತ್ತಿರುವುದು ನಿಜ ಎಂದು ಒಪ್ಪಿಕೊಂಡಿದ್ದಾರೆ. ಹುಟ್ಟುಹಬ್ಬ ಆಚರಿಸಿಕೊಂಡ ಚಿರಂಜೀವಿ ಸರ್ಜಾರ, 22ಕ್ಕೆ ನಿಶ್ಚಿತಾರ್ಥ, ಆದರೆ, ಮದುವೆ ಡೇಟ್ ಫಿಕ್ಸ್ ಆಗಿಲ್ಲ ಎಂದಿದ್ದಾರೆ. 

    ಚಿತ್ರರಂಗದ ಮತ್ತೊಂದು ಜೋಡಿ, ಈಗ ಮದುವೆಯ ಬಂಧನಕ್ಕೆ ಸಿಲುಕಲು ಸಿದ್ಧವಾಗಿದೆ. ಹೊಸ ಬಾಳಿನ ಹೊಸಿಲಲಿ ನಿಂತಿರುವ ಹೊಸ ಜೋಡಿಗೆ ಶುಭವಾಗಲಿ..

    Related Articles :-

    Chiru Confirms His Engagement With Meghana Raj

    ಅ.22ಕ್ಕೆ ಚಿರು-ಮೇಘನಾ ನಿಶ್ಚಿತಾರ್ಥ

    ಚಿರು ಮೇಘನಾ ಮದ್ವೆಯಂತೆ..! ನಿಜಾನಾ..?

  • ರಣಂಗೆ ಮೇಘನಾ ರಾಜ್ ಪ್ರಮೋಷನ್

    ರಣಂಗೆ ಮೇಘನಾ ರಾಜ್ ಪ್ರಮೋಷನ್

    ರಣಂ, ಇದೇ ಮಾರ್ಚ್ 26ಕ್ಕೆ ರಿಲೀಸ್ ಆಗುತ್ತಿರೋ ಸಿನಿಮಾ. ಈ ಸಿನಿಮಾ ಪ್ರಚಾರವನ್ನು ಸ್ವತಃ ಮೇಘನಾ ರಾಜ್ ಮಾಡುತ್ತಿರೋದು ವಿಶೇಷ. ಎಲ್ಲವೂ ಕರೆಕ್ಟ್ ಆಗಿದ್ದರೆ, ಕೊರೊನಾ ಬಾರದೇ ಹೋಗಿದ್ದರೆ, ಕಳೆದ ವರ್ಷವೇ ರಿಲೀಸ್ ಆಗಬೇಕಿದ್ದ ಸಿನಿಮಾ ರಣಂ. ಈ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಜೊತೆಗೆ ಆ ದಿನಗಳು ಖ್ಯಾತಿಯ ಚೇತನ್, ವರಲಕ್ಷ್ಮಿ ಶರತ್ ಕುಮಾರ್ ಕೂಡಾ ಪ್ರಮುಖ ಪಾತ್ರದಲ್ಲಿದ್ದಾರೆ. ಮಾಣಿಕ್ಯ ಚಿತ್ರದ ನಂತರ ವರಲಕ್ಷ್ಮಿ ನಟಿಸಿರುವ ಸಿನಿಮಾ ರಣಂ. ಚಿತ್ರದಲ್ಲಿ ಚಿರು ದೇವದಾಸ್ ಅನ್ನೋ ಪೊಲೀಸ್ ಕ್ಯಾರೆಕ್ಟರ್ನಲ್ಲಿದ್ದಾರೆ.

    ಇದೊಂದು ಸ್ಪೆಷಲ್ ಕ್ಯಾಮಿಯೋ ಸಿನಿಮಾ. ನನಗೆ ಚಿರು ಈ ಚಿತ್ರದ ಕೆಲವು ಸ್ಟಂಟ್ಸ್ ತೋರಿಸಿದ್ದರು. ನನಗಂತೂ ಬಹಳ ಇಷ್ಟವಾಗಿತ್ತು ಎಂದು ಹೇಳಿಕೊಂಡಿದ್ದಾರೆ ಮೇಘನಾ. ಸಮುದ್ರ ನಿರ್ದೇಶನದ ಸಿನಿಮಾದಲ್ಲಿ ನಟಿಸಿರುವ ಇನ್ನೊಬ್ಬ ನಟ ಬುಲೆಟ್ ಪ್ರಕಾಶ್, ಅವರೂ ಕೂಡಾ ಈಗಿಲ್ಲ.  ಸಿನಿಮಾ 250ಕ್ಕೂ ಹೆಚ್ಚು ಸ್ಕ್ರೀನ್ಗಳಲ್ಲಿ ರಿಲೀಸ್ ಆಗುತ್ತಿದೆ.

  • ರಾಕ್ಷಸಿಯಾಗಿಬಿಟ್ಟಿದ್ದಾರೆ ಹರಿಪ್ರಿಯಾ

    haripriya in samhara

    ಪಾಪ.. ಎಷ್ಟು ಮುದ್ದಾಗಿದ್ದಾರೆ. ನಕ್ರೆ ನೋಡ್ಬೇಕು ಅನ್ಸತ್ತೆ. ನೋಡ್ತಾನೇ ಇರಬೇಕು ಅನ್ಸತ್ತೆ ಅಂತಾ ವಯಸ್ಸಿನ ಹುಡುಗ್ರು ಬೇಜಾರ್ ಮಾಡ್ಕಂಡ್ರೆ, ನಮ್ ಕರಾವಳಿ ಹುಡ್ಗಿ ಕಾಣಿ, ಹಿಂಗೆಲ್ಲ ರಾಕ್ಷಸಿ ಅನ್ನೋದು ತಪ್ಪುಂಟು ಅಂತಾರೆ ಕರಾವಳಿ ಮಂದಿ. ಆದರೆ, ಒಂದಂತೂ ಸತ್ಯ. ಹರಿಪ್ರಿಯಾ ರಾಕ್ಷಸಿಯಾಗಿಬಿಟ್ಟಿದ್ದಾರೆ.

    ನಗುವಲ್ಲೇ ಮನಸ್ಸುಗಳನ್ನು ದೋಚುವ ರಾಕ್ಷಸಿಯಾಗಿದ್ದಾರೆ. ಮಜವಾದ ರಸಕನ್ಯೆಯೋ.. ನಿಜವಾದ ವಿಷಕನ್ಯೆಯೋ.. ಧನದಾಹಯ ಶೃಂಗಾರ ಪ್ರೇಯಸಿ.. ನಗುತಾಳೆ ಪ್ರೇಮೀನಾ ಸಾಯಿಸಿ.. 

    ಅಬ್ಬಾ.. ಇದೆಲ್ಲ ಇರುವುದು ಸಂಹಾರ ಚಿತ್ರದ ಹಾಡುಗಳ ಸಾಹಿತ್ಯದಲ್ಲಿ. 

    ಚಿತ್ರದಲ್ಲಿ ಹರಿಪ್ರಿಯಾ ಅವರದ್ದು ಸಂಪೂರ್ಣ ನೆಗೆಟಿವ್ ಶೇಡ್ ಇರುವ ಪಾತ್ರ. ಅಭಿನಯದ ವಿಚಾರಕ್ಕೆ ಬಂದರೆ, ಹರಿಪ್ರಿಯಾ ನಿಜಕ್ಕೂ ರಾಕ್ಷಸಿಯೇ. ಹಾಡು ಹಿಟ್ ಆಗಿರುವುದಷ್ಟೇ ಅಲ್ಲ, ಚಿತ್ರದ ಬಗ್ಗೆ ವಿಪರೀತ ಎನ್ನುವಷ್ಟು ಕುತೂಹಲ ಸೃಷ್ಟಿಸಿಬಿಟ್ಟಿದೆ. 

    ಚಿರಂಜೀವಿ ಸರ್ಜಾ ನಾಯಕರಾಗಿರುವ ಚಿತ್ರದಲ್ಲಿ ಹರಿಪ್ರಿಯಾ ನಾಯಕಿಯೋ.. ಖಳನಾಯಕಿಯೋ.. ಗೊಂದಲವಿದೆ. ಮುಂದಿನ ವಾರ ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಸಿಕ್ಕೋದು ಖಚಿತ.

  • ರಾಜಾಹುಲಿ ಲುಕ್‍ನಲ್ಲಿ ಚಿಕ್ಕಣ್ಣನ ಸಂಹಾರ

    chikkanna in rajahuli style

    ಸಂಹಾರ. ಫೆಬ್ರವರಿ 9ಕ್ಕೆ ರಿಲೀಸ್ ಆಗುತ್ತಿರುವ ಚಿತ್ರದ ಹೀರೋ ಚಿರಂಜೀವಿ ಸರ್ಜಾ. ನಾಯಕಿಯರಾಗಿ ಹರಿಪ್ರಿಯಾ ಮತ್ತು ಕಾವ್ಯಾಶೆಟ್ಟಿ ಇದ್ದಾರೆ. ನಿರ್ದೇಶಕ ಗುರು ದೇಶ್‍ಪಾಂಡೆ. 

    ಗುರು ದೇಶಪಾಂಡೆ ತಮ್ಮ ರಾಜಾಹುಲಿ ಚಿತ್ರದ ನೆನಪನ್ನು ಇಲ್ಲಿ ಚಿಕ್ಕಣ್ಣನ ಮೂಲಕ ನೆನಪಿಸಿದ್ದಾರೆ. ರಾಜಾಹುಲಿಯಲ್ಲಿ ಯಶ್ ಗೆಳೆಯನಾಗಿ ಮಿಂಚಿದ್ದ ಚಿಕ್ಕಣ್ಣ ಅವರದ್ದು ಇದರಲ್ಲಿ ಪ್ರಮುಖ ಪಾತ್ರ. ಕಾನ್‍ಸ್ಟೇಬಲ್ ಪಾತ್ರದಲ್ಲಿ ನಟಿಸಿರುವ ಚಿಕ್ಕಣ್ಣ ಅವರಿಗೆ ರಾಜಾಹುಲಿ ಸ್ಟೈಲ್‍ನಲ್ಲೇ ಒಂದು ಡೈಲಾಗ್ ಕೂಡಾ ಇದೆ.

    ಹುಲಿ ಬೇಟೆ ಆಡೋವಾಗ ಡಿಸ್ಟರ್ಬ್ ಮಾಡಿದ್ರೆ, ನೀನೇ ಬೇಟೆ ಆಗಿಹೋಗ್ತೀಯ. ರಾಜಾಹುಲಿ ಬೇಟೆ ಆಡೋವಾಗ ಡಿಸ್ಟರ್ಬ್ ಮಾಡಿದ್ರೆ.. ಅನ್ನೋ ಫನ್ನಿ ಡೈಲಾಗು ಚಿಕ್ಕಣ್ಣಗಿದೆ. ಅದೂ ರಾಜಾಹುಲಿ ಮೀಸೆಯ ಜೊತೆ ಜೊತೆಗೇ.

    ಚಿತ್ರದ ಹೀರೋ, ಹೀರೋಯಿನ್‍ಗಳಷ್ಟೇ ಪ್ರಮುಖ ಪಾತ್ರ ಚಿಕ್ಕಣ್ಣ ಅವರಿಗೂ ಇದೆ ಎನ್ನುತ್ತಾರೆ ನಿರ್ದೇಶಕ ಗುರು ದೇಶಪಾಂಡೆ.

  • ಲವ್ವಿನಲ್ಲಿ ಬಿದ್ದವರು, ಮನೆಯವರಿಗೆ ಹೇಳಿದ್ದು ಹೇಗೆ..?

    meghana chiru says special thanks to media

    ಚಿರು, ಮೇಘನಾ ಎಂಗೇಜ್‍ಮೆಂಟ್ ಆಗಿಹೋಯ್ತು. ಇಬ್ಬರೂ ಪರಸ್ಪರ ಉಂಗುರ ಬದಲಿಸಿಕೊಂಡಿದ್ದೂ ಆಯ್ತು. ಅವರಿಬ್ಬರು 10 ವರ್ಷಗಳ ಲವ್‍ಸ್ಟೋರಿಯನ್ನು ಕೇಳಿ, ಖುಷಿಪಟ್ಟು ಶುಭ ಹಾರೈಸಿದ್ದೂ ಆಯ್ತು. ಆದರೆ, ಇವರಿಬ್ಬರ ಲವ್ ವಿಷಯವನ್ನು ಮನೆಯವರಿಗೆ ತಿಳಿಸಿದ್ದು ಹೇಗೆ..? 

    ಮೇಘನಾಗೆ ನೇರವಾಗಿ ಪ್ರಪೋಸ್ ಮಾಡಿದ್ದ ಚಿರುಗೆ, ಮನೆಯವರಿಗೆ ಹೇಳೋಕೆ ಸಂಕೋಚ. ಇತ್ತ ಮೇಘನಾಗೂ ಅಷ್ಟೆ.. ಅಪ್ಪಅಮ್ಮ, ಫ್ರೆಂಡ್ಸ್ ರೀತಿಯೇ ಇದ್ದರೂ, ಪ್ರೀತಿ ವಿಚಾರ ಹೇಳೋಕೆ ಹೆಜ್ಜೆ ಹಿಂದೆ ಹೋಗುತ್ತಿತ್ತು. ಆಗ ಅದನ್ನು ಸರಳ ಮಾಡಿದ್ದು, ಮೀಡಿಯಾಗಳಂತೆ. ಹೀಗಾಗಿ ಮೀಡಿಯಾಗಳಿಗೆ ಸ್ಪೆಷಲ್ ಥ್ಯಾಂಕ್ಸ್ ಹೇಳಿದ್ದಾರೆ ಚಿರು-ಮೇಘನಾ. ಚಿರು ತಮ್ಮ ಲವ್ ವಿಷಯವನ್ನು ಮೊದಲು ಹೇಳಿದ್ದು ತಮ್ಮ ಧ್ರುವ ಸರ್ಜಾಗಂತೆ.

    ಮೇಘನಾ, ಚಿರುಗೆ ಆಂಟಿಕ್ ರಿಂಗ್ ತೊಡಿಸಿದರೆ, ಸರ್ಜಾ ಮೇಘನಾಗೆ ನಕ್ಷತ್ರ ಮಾದರಿಯ ಡೈಮಂಡ್ ರಿಂಗ್ ತೊಡಿಸಿದರು. ಆ ರಿಂಗುಗಳಿಗಿಂತ ಮಿರಮಿರನೆ ಮಿಂಚುತ್ತಿದ್ದುದು ಇಬ್ಬರ ಮುಖದಲ್ಲಿದ್ದ ಮುಗುಳುನಗೆ..ಉಲ್ಲಾಸ..ಉತ್ಸಾಹ.. ಎರಡೂ ಕುಟುಂಬಗಳಲ್ಲಿ ಹೆಚ್ಚು ಕಡಿಮೆ 25 ವರ್ಷಗಳ ನಂತರ ನಡೆಯುತ್ತಿರುವ ಶುಭ ಕಾರ್ಯ. ಹೀಗಾಗಿ ಚಿರು-ಮೇಘನಾ ಎಂಗೇಜ್‍ಮೆಂಟ್ ಅದ್ದೂರಿಯಾಗಿ ನೆರವೇರಿತು.

  • ವಿಕ್ಟರಿ ನಿರ್ಮಾಪಕರ ಚಿತ್ರಕ್ಕೆ ಚಿರು ಹೀರೋ

    chiranjeeivi sarja's next is an action drama

    ಚಿರಂಜೀವಿ ಸರ್ಜಾ ಮತ್ತೊಂದು ಆ್ಯಕ್ಷನ್ ಚಿತ್ರಕ್ಕೆ ರೆಡಿಯಾಗುತ್ತಿದ್ದಾರೆ. ಮಾಸ್ ಲೀಡರ್, ವಿಕ್ಟರಿ-2 ಚಿತ್ರಗಳ ನಿರ್ಮಾಪಕ ತರುಣ್ ಶಿವಪ್ಪ ನಿರ್ಮಾಣದ ಸಿನಿಮಾಗೆ ಓಕೆ ಎಂದಿದ್ದಾರೆ ಚಿರು. ನವೀನ್ ರೆಡ್ಡಿ, ಚಿತ್ರದ ನಿರ್ದೇಶಕ.

    ಇದು ಪಕ್ಕಾ ಮಾಸ್ ಸಿನಿಮಾ. ಆ್ಯಕ್ಷನ್ ಚಿತ್ರದ ಜೀವಾಳ. ಎಲ್ಲರಿಗೂ ಸ್ಫೂರ್ತಿ ತುಂಬುವ ಯುವಕನಾಗಿ ಕಾಣಿಸಿಕೊಳ್ಳಲಿದ್ದಾರೆ ಚಿರು ಎಂದು ಮಾಹಿತಿ ಕೊಡ್ತಾರೆ ತರುಣ್ ಶಿವಪ್ಪ. ಅದಕ್ಕೆ ತಕ್ಕಂತೆ ಹಾಲಿವುಡ್ ಖ್ಯಾತಿಯ ಪೀಟರ್ ಹೆನ್ ಮತ್ತು ರವಿವರ್ಮ ಇಬ್ಬರೂ ಚಿತ್ರಕ್ಕೆ ಸಾಹಸ ಸಂಯೋಜಿಸುತ್ತಿದ್ದಾರೆ. 

    ಚಿತ್ರಕ್ಕೆ ನಾಯಕಿಯ ಆಯ್ಕೆ ಆಗಿಲ್ಲ. ಕ್ಯಾಮೆರಾ ಕೆಲಸಕ್ಕೆ ಬಾಲು ಆಯ್ಕೆಯಾಗಿದ್ದಾರೆ. ವಿದ್ಯಾಧರ್ ಎಂಬುವವರು ಕಥೆ ಬರೆದಿದ್ದಾರೆ. ಫೆಬ್ರವರಿ 12ಕ್ಕೆ ಮುಹೂರ್ತ ಫಿಕ್ಸ್.

  • ಶಟಪ್ & ಡೂ ಇಟ್ - ಚಿರುಗೆ ಹೇಳಿದ್ಯಾರು ಗೊತ್ತಾ..?

    shut up and do it who said this to chiru

    ಚಿರಂಜೀವಿ ಸರ್ಜಾ ಅಭಿಯನದ ಅಮ್ಮ ಐ ಲವ್ ಯೂ ಇದೇ ವಾರ ತೆರೆ ಕಾಣುತ್ತಿದೆ. ಈಗಾಗಲೇ ಗೊತ್ತಿರುವಂತೆ ಚಿತ್ರದಲ್ಲಿ ಚಿರು ಕೋಟ್ಯಧಿಪತಿ ಮತ್ತು ಭಿಕ್ಷುಕನಾಗಿ ಕಾಣಿಸಿಕೊಂಡಿದ್ದಾರೆ. ಕಥೆ ಕೇಳಿದಾಗ ಮತ್ತು ಮೂಲ ಚಿತ್ರವನ್ನು ನೋಡಿದಾಗ, ನಾನು ಭಿಕ್ಷುಕನ ಪಾತ್ರ ಮಾಡೋದಾ..? ಎನ್ನಿಸಿ ಮುಜುಗರಕ್ಕೊಳಗಾಗಿದ್ದರಂತೆ ಚಿರಂಜೀವಿ. 

    ಯೋಗಿ ಮತ್ತು ಚೈತನ್ಯ ಎಲ್ಲವನ್ನೂ ವಿವರಿಸಿದ ಮೇಲೆ ಕೂಡಾ ಸುಮಾರು 3 ತಿಂಗಳು ಪ್ರಾಜೆಕ್ಟ್‍ಗೆ ಓಕೆ ಎಂದಿರಲಿಲ್ಲ. 3 ತಿಂಗಳಾದ ಮೇಲೆ ಇಬ್ಬರೂ ಒಮ್ಮೆ ಬಂದು ಶಟಪ್ & ಡೂ ಇಟ್ ಅಂದ್ರು. ಅವರಿಗೇ ಅಷ್ಟು ಕಾನ್ಫಿಡೆನ್ಸ್ ಇರುವಾಗ, ನಾನು ಆ ಪಾತ್ರ ಮಾಡಬಲ್ಲೆ ಎನ್ನಿಸಿತು. ಅಮ್ಮ ಐ ಲವ್ ಯೂ ಚಿತ್ರವನ್ನು ಒಪ್ಪಿಕೊಂಡೆ. ಇದು ಚಿರಂಜೀವಿ ಸರ್ಜಾ ಪ್ರಾಜೆಕ್ಟ್ ಒಪ್ಪಿಕೊಂಡ ಕುರಿತಂತೆ ಹೇಳಿರುವ ಮಾತು.

    ಯೋಗಿ ಮತ್ತು ಚೈತನ್ಯ ಜೊತೆ ಚಿರು ಅವರದ್ದು ವೃತ್ತಿ ಬಾಂಧವ್ಯಕ್ಕಿಂತ ಮಿಗಿಲಾದ ಸ್ನೇಹವಿದೆ. ಹೀಗಾಗಿಯೇ ನಮ್ಮ ಜೋಡಿ ರಿಪೀಟ್ ಆಗುತ್ತಿದೆ ಎಂದು ಹೇಳಿಕೊಳ್ತಾರೆ ಚಿರು. ಎಂಗೇಜ್‍ಮೆಂಟ್ ಆದ ಮೇಲೆ ರಿಲೀಸ್ ಆಗುತ್ತಿರುವ ಮೊದಲ ಸಿನಿಮಾದ ಬಗ್ಗೆ ಚಿರು ಅವರಿಗೂ ನಿರೀಕ್ಷೆ ಇದೆ.

  • ಶಿವಾರ್ಜುನ ಟ್ರೇಲರ್ ಸೆನ್ಸೇಷನ್

    shivarjun trailer sensation

    ಶಿವಾರ್ಜುನ, ಚಿರಂಜೀವಿ ಸರ್ಜಾ ಅಭಿನಯದ ಹೊಸ ಸಿನಿಮಾ. ಈ ಚಿತ್ರಕ್ಕೆ ನಿರ್ಮಾಪಕ ಶಿವಾರ್ಜುನ್ ಮತ್ತು ಮಂಜುಳಾ ಶಿವಾರ್ಜುನ್. ನಿರ್ಮಾಪಕರ ಹೆಸರೇ ಚಿತ್ರದ ಟೈಟಲ್ ಎನ್ನುವುದು ವಿಶೇಷ. ಅರ್ಜುನ್ ಸರ್ಜಾ ಅವರ ಜೊತೆಯಲ್ಲಿಯೇ ಇದ್ದ, ನಿರ್ಮಾಣ ನಿರ್ವಾಹಕರಾಗಿ ಕೆಲಸ ಮಾಡಿ ಅನುಭವ ಇರುವ ಶಿವಾರ್ಜುನ್, ಈ ಚಿತ್ರದ ಮೂಲಕ ನಿರ್ಮಾಪಕರಾಗುತ್ತಿದ್ದಾರೆ.

    ಚಿರಂಜೀವಿ ಸರ್ಜಾ ಜೊತೆ ಮೂವರು ನಾಯಕಿಯರಿದ್ದಾರೆ. ಅಕ್ಷತಾ, ಅಕ್ಷಿತಾ ಮತ್ತು ಅಮೃತಾ. ತಾರಾ, ಸಾಧುಕೋಕಿಲ, ಕಿಶೋರ್, ನಯನಾ ಸೇರಿದಂತೆ ದೊಡ್ಡ ತಾರಾಗಣವೇ ಚಿತ್ರದಲ್ಲಿದೆ. ಶಿವತೇಜಸ್ ನಿರ್ದೇಶನದ ಚಿತ್ರಕ್ಕೆ ಸಾಧುಕೋಕಿಲ ಪುತ್ರ ಸುರಾಗ್ ಕೋಕಿಲ ಸಂಗೀತ ನೀಡಿದ್ದಾರೆ.

    ಚಿತ್ರದ ಟ್ರೇಲರ್‍ನ್ನು ಧ್ರುವ ಸರ್ಜಾ ರಿಲೀಸ್ ಮಾಡಿ, ಅಣ್ಣನ ಚಿತ್ರಕ್ಕೆ ಶುಭ ಕೋರಿದ್ದಾರೆ.

  • ಶಿವಾರ್ಜುನ'ನಿಗೊಬ್ಬ ಬಜಾರಿ ಹುಡುಗಿ

    shivarjuna heroine's role is more rugged

    ಶಿವಾರ್ಜುನ ಚಿತ್ರದ ಟ್ರೇಲರ್ ನೋಡಿದವರಿಗೆ ಇದೊಂದು ಆ್ಯಕ್ಷನ್ ಥ್ರಿಲ್ಲರ್ ಎನ್ನುವುದು ಗೊತ್ತಾಗಿರುತ್ತೆ. ಆದರೆ ಈ ಚಿತ್ರದ ನಾಯಕಿ ಇದ್ದಾಳಲ್ಲ.. ಆಕೆಯ ಕ್ಯಾರೆಕ್ಟರ್ ಹೀರೋ ಪಾತ್ರಕ್ಕಿಂತ ರಗಡ್ ಆಗಿದೆಯಂತೆ.

    ನಾನೊಬ್ಬಳು ಬಜಾರಿ. ಹಳ್ಳಿ ಹುಡುಗಿ. ಲಂಗ ದಾಣಿ ಹಾಕ್ಕೊಂಡು ಬೀಡಿ ಸೇದ್ಕೊಂಡು ಓಡಾಡುವ ಪಾತ್ರ.

    ಯಾರೇನೇ ಹೇಳಿದ್ರೂ ಡೋಂಟ್ ಕೇರ್ ಅನ್ನೋ ಸ್ವಭಾವ ನನ್ನದು. ಆಡಿಯನ್ಸ್‍ಗೆ ಸಖತ್ ಮಜಾ ಕೊಡುತ್ತೆ ಅನ್ನೋ ಕಾನ್ಫಿಡೆನ್ಸ್ ಕೊಡ್ತಾರೆ ನಾಯಕಿ ಅಮೃತಾ.

    ಚಿರಂಜೀವಿ ಸರ್ಜಾ ಹೀರೋ ಆಗಿರುವ ಚಿತ್ರದಲ್ಲಿ ಅವರಿಗೂ ಎರಡು ಕ್ಯಾರೆಕ್ಟರ್ ಇದೆಯಂತೆ. ಶಿವನೇ ಬೇರೆ.. ಅರ್ಜುನನೇ ಬೇರೆ.. ಇನ್ನು ಚಿತ್ರದ ಡೈರೆಕ್ಟರ್ ಶಿವತೇಜಸ್. ಚಿತ್ರದ ನಿರ್ಮಾಪಕರ ಹೆಸರೂ ಶಿವಾರ್ಜುನ್. ಒಟ್ಟಿನಲ್ಲಿ ಶಿವಾರ್ಜುನ ಚಿತ್ರದಲ್ಲಿ ಶಿವತಾಂಡವ..