ಯಶ್ ಅಂದ್ರೆ ಹೆಣ್ಮಕ್ಕಳಿಗೆ ಒಂಥರಾ ಪ್ರೀತಿ. ಅದೇನೋ ಆಕರ್ಷಣೆ. ಏನೋ.. ಮದುವೆಗೆ ಮುಂಚೆ ಇತ್ತು ಬಿಡಿ ಅಂದುಕೊಳ್ಳೋ ಹಾಗಿಲ್ಲ. ಮದುವೆಯಾದ ಮೇಲೂ ಆ ಕ್ರಷ್ ಕಡಿಮೆಯಾಗಿಲ್ಲ.

ಪಲ್ಲವಿ ಎಂಬ ಅಭಿಮಾನಿಯೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಯಶ್ ಅವರ ಪತ್ನಿ ರಾಧಿಕಾ ಪಂಡಿತ್​ಗೇ ಈ ಪ್ರಶ್ನೆ ಕೇಳಿದ್ದಾರೆ. ಯಶ್ ಮತ್ತು ರಾಧಿಕಾರ ಫೋಟೋ ನೋಡಿ ಆ ಹುಡುಗಿ ಕೇಳಿದ ಪ್ರಶ್ನೆಗೆ ರಾಧಿಕಾ ಅಷ್ಟೇ ತಮಾಷೆಯ ಉತ್ತರ ಕೊಟ್ಟಿದ್ದಾರೆ. ಯಶ್ ಒಪ್ಪಿದರೆ, ಮದುವೆಯಾಗಿ ಎಂದಿದ್ದಾರೆ. ರಾಧಿಕಾ ಉತ್ತರ ಈಗ ವೈರಲ್ ಆಗುತ್ತಿದೆ.

ಪ್ರೀತಿಯ ಅತ್ತೆ ಮತ್ತು ಡಾರ್ಲಿಂಗ್ ಮಾವನಿಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು. ನನ್ನ ಬದುಕಿನಲ್ಲಿ ನಿಮ್ಮನ್ನು ಪಡೆದಿರುವುದಕ್ಕೆ ಸಂತೋಷವಿದೆ. ನೀವಿಬ್ಬರೂ ನನಗೆ ಬೆಸ್ಟ್ ಎನಿಸುವಂತ ನಿಮ್ಮ ಮಗನನ್ನು ಗಿಫ್ಟ್ ಆಗಿ ನೀಡಿದ್ದೀರಿ. ನೀವೇ ನನಗೆ ಪ್ರಪಂಚ...

ಹೀಗೆ ಪುಟ್ಟ ಸಾಲೊಂದನ್ನು ಬರೆದು ಅತ್ತೆ-ಮಾವನ ವಿವಾಹ ವಾರ್ಷಿಕೋತ್ಸವಕ್ಕೆ ಶುಭ ಹಾರೈಸಿದ್ದಾರೆ. ಎಲೆಕ್ಷನ್ ಪ್ರಚಾರದ ನಡುವೆಯೂ ಅಪ್ಪ-ಅಮ್ಮನ ವಿವಾಹ ವಾರ್ಷಿಕೋತ್ಸವಕ್ಕೆ ಬಂದು ವಿಷ್ ಮಾಡಿ ತೆರಳಿದ್ದಾರೆ ನಟ ಯಶ್.

ಯಶ್ ಮತ್ತು ರಾಧಿಕಾ ಪಂಡಿತ್ ಅವರ ದಾಂಪತ್ಯ ಜೀವನಕ್ಕೀಗ 5 ವರ್ಷ. 6ನೇ ವರ್ಷಕ್ಕೆ ಕಾಲಿಟ್ಟಿರೋ ಈ ರಾ.ಯ. ಜೋಡಿ 2016ರ ಡಿಸೆಂಬರ್ 9ರಂದು ಮದುವೆಯಾಗಿದ್ದರು. ಇಬ್ಬರು ಪುಟ್ಟ ಮಕ್ಕಳಾದ ಐರಾ ಮತ್ತು ಯಥರ್ವರೊಂದಿಗೆ ಪ್ರವಾಸದಲ್ಲಿದ್ದಾರೆ ರಾಧಿಕಾ ಮತ್ತು ಯಶ್. ಆದರೆ, ಯಶ್ ರಾಧಿಕಾಗೆ ಸತಾಯಿಸುತ್ತಿದ್ದಾರಂತೆ.

ಈ ಫೋಟೋ ತೆಗೆಸಿಕೊಳ್ಳೋಕೆ ಗಂಡಸರು ಯಾಕಿಂಗ್ ಮಾಡ್ತಾರೋ.. ನಮಗೀಗ ಟಾಸ್ಕ್ ಮಾಸ್ಟರ್ ಯಾರು ಅಂತಾ ಗೊತ್ತಾಗಿದೆ. ಒಂದು ಫೋಟೋ ತೆಗೆಸಿಕೊಳ್ಳೋಕೆ ಇಷ್ಟೆಲ್ಲ ಕಷ್ಟ ಪಡಬೇಕಾಯ್ತು ಎಂದು ರಾಧಿಕಾ ಪಂಡಿತ್ ಬರೆದುಕೊಂಡಿದ್ದಾರೆ.

ಲವ್ ಗುರು, 2009ರಲ್ಲಿ ರಿಲೀಸ್ ಆಗಿ ಹಿಟ್ ಆಗಿದ್ದ ಸಿನಿಮಾ. ಆ ಚಿತ್ರದ ಅಭಿನಯಕ್ಕೆ ರಾಧಿಕಾಗೆ ಫಿಲಂಫೇರ್ ಪ್ರಶಸ್ತಿಯೂ ಸಿಕ್ಕಿತ್ತು.

ಝೂಮ್, 2015ರಲ್ಲಿ ರಿಲೀಸ್ ಆಗಿದ್ದ ಸಿನಿಮಾ. ಒಂದು ಮಜಾ ಲವ್ ಸ್ಟೋರಿ.

ಈಗ ಆ ಎರಡೂ ಚಿತ್ರಗಳು ಹಿಂದಿಗೆ ರೀಮೇಕ್ ಆಗುತ್ತಿವೆ. ಎರಡೂ ಚಿತ್ರಗಳ ಹಿಂದಿ ಡೈರೆಕ್ಟರ್ ಪ್ರಶಾಂತ್ ರಾಜ್. ಯೆಸ್.. ಕನ್ನಡದಲ್ಲಿ ಈ ಎರಡೂ ಚಿತ್ರಗಳನ್ನು ನಿರ್ದೇಶಿಸಿದ್ದ ಅದೇ ಪ್ರಶಾಂತ್ ರಾಜ್, ಹಿಂದಿಯಲ್ಲಿ ಈ ಸಿನಿಮಾ ರೀಮೇಕ್ ಮಾಡುತ್ತಿದ್ದಾರೆ.

ಪ್ರಶಾಂತ್ ರಾಜ್ ಅವರ ಸಾಹಸಕ್ಕೆ ಬಾಲಿವುಡ್ಡಿನ ಫ್ಯಾಂಟಮ್ ಫಿಲಂಸ್ ಮತ್ತು ಟಿಪ್ಸ್ ಸ್ಟುಡಿಯೋ ಕೈ ಜೋಡಿಸಿವೆ. ಲವ್ ಗುರು ಹಿಂದಿ ಚಿತ್ರಕ್ಕೆ ನಾಯಕಿಯಾಗಿ ಕೃತಿ ಕರಬಂಧ ಆಯ್ಕೆಯಾಗಿದ್ದರೆ, ಝೂಮ್ ಹಿಂದಿ ವರ್ಷನ್ ನಾಯಕಿಯಾಗಿ ಪ್ರಿಯಾ ಆನಂದ್ ನಟಿಸಲಿದ್ದಾರೆ.

ಕೆಜಿಎಫ್ ಸಿನಿಮಾ ಟ್ರೇಲರ್ ರಿಲೀಸ್ ಸನಿಹವಾಗುತ್ತಿದ್ದಂತೆಯೇ ಚಿತ್ರದ ಕುರಿತು ನಿರೀಕ್ಷೆಗಳೂ ಗಗನಮುಖಿಯಾಗುತ್ತಿವೆ. ಸಿನಿಮಾದ ಬಗ್ಗೆ ಚಿತ್ರತಂಡದ ಕಾನ್ಫಿಡೆನ್ಸ್ ಅಮೋಘ. ಹೊಂಬಾಳೆ ಪ್ರೊಡಕ್ಷನ್ಸ್‍ನ ವಿಜಯ್ ಕಿರಗಂದೂರು, ನಿರ್ದೇಶಕ ಪ್ರಶಾಂತ್ ನೀಲ್, ಹೀರೋ ರಾಕಿಂಗ್ ಸ್ಟಾರ್ ಯಶ್ ಅವರಷ್ಟೇ ಆತ್ಮವಿಶ್ವಾಸ ಇರೋದು ಯಶ್ ಪತ್ನಿ ರಾಧಿಕಾ ಪಂಡಿತ್‍ಗೆ.

ನನಗೆ ಚಿತ್ರದ ಕಥೆ ಗೊತ್ತಿದೆ. ಚೆನ್ನಾಗಿದೆ. ಈ ಸಿನಿಮಾ ಬಂದ ಮೇಲೆ ಇಡೀ ಭಾರತೀಯ ಚಿತ್ರರಂಗ ಕನ್ನಡ ಚಿತ್ರರಂಗದತ್ತ ತಿರುಗಿ ನೋಡಲಿದೆ. ಹೇಗೆ ರೋಬೋ ನಂತರ ತಮಿಳು ಚಿತ್ರರಂಗ, ಬಾಹುಬಲಿ ನಂತರ ತೆಲುಗು ಚಿತ್ರರಂಗ ನಾವು ಯಾರ್ಗೂ ಕಮ್ಮಿ ಇಲ್ಲ ಎಂದು ತೋರಿಸಿಕೊಂಡವೋ.. ಹಾಗೆಯೇ ಈ ಸಿನಿಮಾ ಕೂಡಾ ಕನ್ನಡ ಚಿತ್ರರಂಗವನ್ನು ಆ ಮಟ್ಟಕ್ಕೆ ಕೊಂಡೊಯ್ಯಲಿದೆ. ಈ ಆತ್ಮವಿಶ್ವಾಸದ ಮಾತು ಹೇಳಿರೋದು ರಾಧಿಕಾ ಪಂಡಿತ್.

ನಾನು ಯಶ್ ಪತ್ನಿಯಾಗಿ ಅಷ್ಟೇ ಅಲ್ಲ, ಚಿತ್ರರಂಗದ ಒಬ್ಬ ನಟಿಯಾಗಿ ಕೂಡಾ ಈ ಚಿತ್ರ ಗೆಲ್ಲಬೇಕು. ಇಷ್ಟು ದೊಡ್ಡ ಸಿನಿಮಾ ಗೆದ್ದರೆ, ಅದು ಕನ್ನಡ ಚಿತ್ರರಂಗಕ್ಕೆ ದೊಡ್ಡ ಶಕ್ತಿ ತುಂಬಲಿದೆ ಅನ್ನೋದು ರಾಧಿಕಾ ಪಂಡಿತ್ ಭರವಸೆ.

ಕೆಜಿಎಫ್ ಚಿತ್ರದ ಟ್ರೇಲರ್ ನವೆಂಬರ್ 9ಕ್ಕೆ ರಿಲೀಸ್ ಆಗುತ್ತಿದೆ. ಡಿಸೆಂಬರ್ 21ಕ್ಕೆ ಸಿನಿಮಾ ಬಿಡುಗಡೆಯಾಗಲಿದೆ.

ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರವೇ ಕೊನೆ. ರಾಧಿಕಾ ಪಂಡಿತ್ ಅಭಿನಯದ ಯಾವ ಚಿತ್ರವೂ ಬಂದಿರಲಿಲ್ಲ. ಮದುವೆಯಾದ ನಂತರ ಚಿತ್ರರಂಗ ಬಿಟ್ಟರಾ ಎಂಬ ಪ್ರಶ್ನೆಗೆ ಮತ್ತೆ ನಟಿಸುತ್ತೇನೆ ಎನ್ನುತ್ತಿದ್ದರಾದರೂ, ಯಾವುದೇ ಹೊಸ ಚಿತ್ರ ಒಪ್ಪಿಕೊಂಡಿರಲಿಲ್ಲ. ಈಗ ಆ ಎಲ್ಲ ನಿರೀಕ್ಷೆಗಳಿಗೆ ಬ್ರೇಕ್ ಬಿದ್ದಿದೆ.

ರಾಧಿಕಾ ಪಂಡಿತ್ ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದ ಹೊಸ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಹೀರೋ ರಂಗಿತರಂಗ ಖ್ಯಾತಿಯ ನಿರೂಪ್ ಭಂಡಾರಿ. ರಂಗಿತರಂಗ ನಂತರ ನಿರೂಪ್ ಭಂಡಾರಿ ನಟಿಸುತ್ತಿರುವ ಎರಡನೇ ಚಿತ್ರವೂ ಇದಾಗಲಿದೆ.

ಚಿತ್ರದ ಟೈಟಲ್, ಕಥೆ, ಬೇರೆ ತಂತ್ರಜ್ಞರು, ಕಲಾವಿದರ ಬಗ್ಗೆ ಇನ್ನೂ ಗುಟ್ಟು ಬಿಟ್ಟುಕೊಟ್ಟಿಲ್ಲ.

ರಾಧಿಕಾ ಪಂಡಿತ್ ಮತ್ತೊಮ್ಮೆ ಗರ್ಭಿಣಿಯಾಗಿದ್ದಾರೆ. ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ರಾಧಿಕಾ ಪಂಡಿತ್ ಅವರ ಮೊದಲ ಮಗಳು ಐರಾಗೆ ಈಗಿನ್ನೂ 7 ತಿಂಗಳು. ಐರಾಗೆ ಒಂದು ವರ್ಷ, 2 ತಿಂಗಳಾಗುವಷ್ಟರಲ್ಲಿ ತಮ್ಮನೋ, ತಂಗಿಯೋ ಜೊತೆಯಾಗಲಿದ್ದಾರೆ. ರಾಧಿಕಾ ಪಂಡಿತ್, 4 ತಿಂಗಳ ಗರ್ಭಿಣಿ.

ಮೊನ್ನೆ ಮೊನ್ನೆಯಷ್ಟೇ ಮೊದಲ ಮಗಳಿಗೆ ಐರಾ ಎಂದು ನಾಮಕರಣ ಸಂಭ್ರಮಿಸಿದ್ದ ಯಶ್-ರಾಧಿಕಾ ದಂಪತಿ, ಮತ್ತೊಂದು ಸಂಭ್ರಮಕ್ಕೆ ಜೊತೆಯಾಗುತ್ತಿದ್ದಾರೆ. 

ರಾಧಿಕಾ ಪಂಡಿತ್ ಮತ್ತು ಯಶ್ ದಂಪತಿ ಮದುವೆಯಾಗಿದ್ದು ಡಿಸೆಂಬರ್ 9ರಂದು. 2 ವರ್ಷಗಳ ಹಿಂದೆ. ಅದೇ ದಿನ.. ಡಿಸೆಂಬರ್ 9ರಂದೇ ಮನೆಗೆ ಪುಟ್ಟ ಕಂದ ಬರಲಿದೆ. ಅದೇ ದಿನ ವೈದ್ಯರು ಡೇಟ್ಸ್ ಕೊಟ್ಟಿದ್ದಾರಂತೆ. 

ತಾಜ್ ವೆಸ್ಟ್ ಎಂಡ್ ಹೋಟೆಲ್‍ನಲ್ಲಿ ರಾಧಿಕಾ ಪಂಡಿತ್‍ಗೆ ಸಂಭ್ರಮದ ಸೀಮಂತ ಮಾಡಿದ್ದಾರೆ ಮೊಗ್ಗಿನ ಮನಸಿನ ಚೆಲುವ ಯಶ್. ಸೀಮಂತಕ್ಕಾಗಿಯೇ ಅರುಣ್ ಸಾಗರ್ ವಿಶೇಷ ಮಂಟಪ ಕಟ್ಟಿದ್ದರೆ, ಹಸಿರು ಚಪ್ಪರದ ನಡುವೆ ರಾಧಿಕಾ ಪಂಡಿತ್‍ಗೆ ಚಿತ್ರರಂಗದ ಕುಟುಂಬದ ಗಣ್ಯರು ಆಗಮಿಸಿ ಶುಭ ಹಾರೈಸಿದರು.

ಡಿಸೆಂಬರ್ 9ಕ್ಕೆ ಮದುವೆಯಾಗಿ 2 ವರ್ಷ. ಅದೇ ದಿನ ಪುಟ್ಟ ಕಂದನ ಆಗಮನ.. ಅದಾದ ಕೆಲವೇ ದಿನಗಳಲ್ಲಿ ಯಶ್ ವೃತ್ತಿ ಜೀವನದ ಮೌಂಟ್ ಎವರೆಸ್ಟ್ ಕೆಜಿಎಫ್ ರಿಲೀಸ್. ಡಿಸೆಂಬರ್ ಯಶ್ ಪಾಲಿಗೆ ಅದೃಷ್ಟದ ತಿಂಗಳಾಗಲಿ.

ರಾಧಿಕಾ ಪಂಡಿತ್ ಮದುವೆಯಾದ ಮೇಲೆ ಸಿಕ್ಕಾಪಟ್ಟೆ ಬದಲಾಗಿದ್ದಾರೆ. ಮೊದಲಿಗಿಂತ ಹೆಚ್ಚು ಗ್ಲಾಮರಸ್ ಆಗಿ ಕಾಣಿಸಿಕೊಳ್ತಾರೆ. ಸಿಕ್ಕಾಪಟ್ಟೆ ಟೂರ್ ಮಾಡ್ತಿದ್ದಾರೆ. ಸಿನಿಮಾಗಳಿಂದ 7 ತಿಂಗಳು ಬ್ರೇಕ್ ತೆಗೆದುಕೊಂಡಿದ್ದ ರಾಧಿಕಾ, ಈ ಗ್ಯಾಪ್‍ನಲ್ಲಿ ಏನೇನೋ ಕಲಿತಿದ್ದಾರೆ. ಹಾಗೆ ಕಲಿತ ವಿದ್ಯೆಯ ಪರಿಣಾಮ, ರಾಧಿಕಾ ಈಗ ಮುದ್ದೆ ಸ್ಪೆಷಲಿಸ್ಟ್.

ಮದುವೆಗೆ ಮುಂಚೆ ರಾಧಿಕಾಗೆ ಮಲಗಿದ್ದ ಜಾಗದಲ್ಲೇ ಕಾಫಿ ಬರ್ತಾ ಇತ್ತು. ಅಮ್ಮ ಕೊಡ್ತಾ ಇದ್ರು. ಮದುವೆಯಾದ ಮೇಲೆ ಯಶ್‍ಗೆ ಕಾಫಿ ಕೊಡೋ ಕೆಲಸವನ್ನು ರಾಧಿಕಾನೇ ವಹಿಸಿಕೊಂಡಿದ್ದಾರಂತೆ.. ಪ್ರೀತಿಯಿಂದ. ಅಡುಗೆ ಮಾಡೋಕೆ ಬರ್ತಾ ಇತ್ತು. ಆದರೆ, ರಾಗಿ ಮುದ್ದೆ ಮಾಡೋದು ಕಲಿತಿದ್ದು ಮದುವೆಯಾದ್ಮೇಲೆ ಎಂದು ಹೇಳಿಕೊಂಡಿದ್ದಾರೆ ರಾಧಿಕಾ. ಈಗ ರಾಧಿಕಾ ಮುದ್ದೆ ಮಾಡಿದರೆ, ಗುಂಡು ಗುಂಡಾಗಿ, ಒಂದೇ ಒಂದು ಗಂಟಿಲ್ಲದೆ ಮೃದುವಾಗಿ ಮಾಡ್ತಾರಂತೆ.

ಅಡುಗೆ ಮಾಡೋದು, ಬಡಿಸೋದು ಎರಡೂ ಖುಷಿ ಕೊಡುತ್ತೆ. ಮನೆಯಲ್ಲಿದ್ದಾಗ ಯಶ್, ನಾನು ರಾಜಾಹುಲಿ ಅಂದ್ರೆ, ನಾನು ದುರ್ಗಮ್ಮ ಅಂತೀನಿ ಅಂಥಾ ಹೇಳ್ಕೊಂಡು ನಗ್ತಾರೆ ರಾಧಿಕಾ. ಹುಲಿ ಮೇಲೆ ಸವಾರಿ ಮಾಡೋದು ದುರ್ಗಿ ಅನ್ನೊದನ್ನ ಅಭಿಮಾನಿಗಳಿಗೆ ನೆನಪಿಸಬೇಕಿಲ್ಲ ಅಲ್ವಾ..?

ಯಶ್ ಅವರೊಂದಿಗೇ ಹಲವು ವರ್ಷಗಳಿಂದ ಮ್ಯಾನೇಜರ್ ಆಗಿದ್ದ ಚೇತನ್ ಅವರ ಮದುವೆ ಮೈಸೂರಿನಲ್ಲಿ ನಡೆಯಿತು. ಕೆಜಿಎಫ್ ಯಶಸ್ಸಿನ ನಂತರ ಹೊರಗೆಲ್ಲೂ ಕಾಣಿಸಿಕೊಳ್ಳದೇ ಇದ್ದ ಯಶ್, ಪತ್ನಿ ರಾಧಿಕಾ ಪಂಡಿತ್ ಅವರೊಂದಿಗೆ ಚೇತನ್ ಅವರ ಮದುವೆಯಲ್ಲಿ ಭಾಗವಹಿಸಿದ್ದರು. ಚೇತನ್ ಅವರು ತ್ರಿವೇಣಿ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಕ್ಷಣಕ್ಕೆ ಸಾಕ್ಷಿಯಾದರು.

ಮೈಸೂರಿನ ಸಾ.ರಾ.ಕನ್ವೆನ್ಷನ್ ಹಾಲ್‍ನಲ್ಲಿ ನಡೆದ ಮದುವೆಗೆ ಯಶ್ ಬರಲಿದ್ದಾರೆ ಅನ್ನೋ ಸುದ್ದಿ ಸ್ಥಳೀಯರಿಗೆ ಹೇಗೋ ಸಿಕ್ಕಿಬಿಟ್ಟಿತ್ತು. ಹೀಗಾಗಿ.. ಮದುವೆ ಛತ್ರದ ಸುತ್ತ ಸಾವಿರಾರು ಅಭಿಮಾನಿಗಳು ಜಮಾಯಿಸಿದ್ದರು. ಯಶ್ ಜೊತೆ ಫೋಟೋ ಕ್ಲಿಕ್ಕಿಸಿಕೊಂಡು ಖುಷಿಪಟ್ಟರು.

ಇತ್ತ ಯಶ್ ಅವರ ಕೆಜಿಎಫ್ ಚಾಪ್ಟರ್ 2, ಯಶಸ್ವಿಯಾಗಿ 5ನೇ ವಾರಕ್ಕೆ ಕಾಲಿಟ್ಟಿದೆ. ದಾಖಲೆಗಳು ಧೂಳೀಪಟವಾಗುತ್ತಲೇ ಇವೆ.

ಸಿನಿಮಾಗಳಲ್ಲಿ ವಿಲನ್‍ಗಳನ್ನು ಚಚ್ಚಿ ಬಿಸಾಡುವ ರಾಕಿಂಗ್ ಸ್ಟಾರ್ ಯಶ್, ಕಣ್ಣೀರಿಟ್ಟಿದ್ದಾರೆ. ಯಶ್ ಕಣ್ಣೀರು ಕಂಡು ರಾಧಿಕಾ ಪಂಡಿತ್ ಕರಗಿ ಹೋಗಿದ್ದಾರೆ. ಇಷ್ಟಕ್ಕೂ ಯಶ್ ಕಣ್ಣೀರಿಗೆ ಕಾರಣ, ಮಗಳು ಐರಾ.

ಐರಾಗೆ ಕಿವಿ ಚುಚ್ಚಿಸಲಾಗಿದೆ. ಈ ಕಿವಿ ಚುಚ್ಚಿಸುವ ವೇಳೆ ಯಶ್ ಕಣ್ಣೀರಿಟ್ಟುಬಿಟ್ಟರಂತೆ. ಇದೇ ಮೊದಲ ಬಾರಿ ಯಶ್ ಕಣ್ಣೀರು ಹಾಕುವುದನ್ನು ನೋಡಿದೆ. ಈ ಬಂಧನ ಎಷ್ಟು ಬೆಲೆ ಬಾಳುವುದು ಎಂಬುದು ಮತ್ತೊಮ್ಮೆ ಭಾಸವಾಯ್ತು ಎಂದಿರುವ ರಾಧಿಕಾ ಪಂಡಿತ್, ಹೆತ್ತವರ ಅತ್ಯಂತ ಕಷ್ಟದ ದಿನಗಳಲ್ಲಿ ಇದೂ ಒಂದು ಎಂದಿದ್ದಾರೆ.

ಅಭಿಮಾನಿಗಳೇ ಡೋಂಟ್‍ವರಿ.. ಯಶ್ ಮತ್ತು ಐರಾ ಇಬ್ಬರೂ ಕ್ಷೇಮ ಎಂದಿದ್ದಾರೆ ರಾಧಿಕಾ ಪಂಡಿತ್.

ರಾಕಿಂಗ್ ಸ್ಟಾರ್ ಯಶ್ ಅವರಿಗೆ ಇಬ್ಬರು ಮಕ್ಕಳು. ಮೊದಲ ಮಗುವಿಗೆ ವರ್ಷ ತುಂಬಿದೆ. 2ನೇ ಮಗುವಿನ ವಯಸ್ಸಿನ್ನೂ ವರ್ಷ ದಾಟಿಲ್ಲ. ಆದರೆ.. ಅವರ ಮನೆಯ ದೊಡ್ಡ ಮಗುವಿಗೆ 36 ವರ್ಷ. ಆ ಮಗು ಇನ್ಯಾರೂ ಅಲ್ಲ, ಯಶ್ ಅವರ ಪತ್ನಿ ರಾಧಿಕಾ ಪಂಡಿತ್.

ಮಾರ್ಚ್ 7ರಂದು ಹುಟ್ಟುಹಬ್ಬ ಆಚರಿಸಿಕೊಂಡಿರುವ ರಾಧಿಕಾ ಪಂಡಿತ್ ಅವರಿಗೆ ಯಶ್ ವಿಶ್ ಮಾಡಿರುವುದು ಹೀಗೆ. ಕಣ್ಣಲ್ಲಿ ಕಣ್ಣಿಟ್ಟು ನೋಡುತ್ತಿರುವ ಫೋಟೋ ಹಾಕಿ ನಮ್ಮ ಮನೆಯ ದೊಡ್ಡ ಮಗುವಿಗೆ ಹುಟ್ಟುಹಬ್ಬವ ಶುಭಾಶಯ ಎಂದಿದ್ದಾರೆ ಯಶ್.

ರಾಕಿಂಗ್ ಸ್ಟಾರ್ ಯಶ್ ಮನೆಯಲ್ಲಿ ಗೀತಾ ಅವರ ಹುಟ್ಟುಹಬ್ಬ. ಅರೆ.. ಯಾರಿದು ಗೀತಾ ಎಂದು ತಲೆ ಕೆರೆದುಕೊಳ್ಳಬೇಡಿ. ಈ ಗೀತಾ ರಾಧಿಕಾ ಪಂಡಿತ್ ಅವರ ಮನೆಯಲ್ಲಿ ಸುಮಾರು 8 ವರ್ಷಗಳಿಂದ ಕೆಲಸ ಮಾಡುತ್ತಿರುವ ಮಹಿಳೆ. 8 ವರ್ಷದಿಂದ ಜೊತೆಯಲ್ಲಿರುವ ಇವರು ಈಗ ನಮ್ಮ ಕುಟುಂಬವೇ ಆಗಿದ್ದಾರೆ. ಈ ಸಂಕಷ್ಟದ ಸಮಯದಲ್ಲಿ ಅವರ ಬಗ್ಗೆ ಇನ್ನುಷ್ಟು ಹೆಚ್ಚಿನ ಕಾಳಜಿ ವಹಿಸುವುದು ನಮ್ಮ ಕರ್ತವ್ಯ ಎಂದಿದ್ದಾರೆ ರಾಧಿಕಾ ಪಂಡಿತ್.

ಗೀತಾ ಅವರ ಹುಟ್ಟುಹಬ್ಬವನ್ನು ಸೆಲಬ್ರೇಟ್ ಮಾಡಿರುವ ರಾಧಿಕಾ ಪಂಡಿತ್, ನಿಮ್ಮ ಮನೆಯ ಕೆಲಸದವರನ್ನು ನಿರ್ಲಕ್ಷಿಸಬೇಡಿ. ಇನ್ನಷ್ಟು ಕಾಳಜಿ ತೆಗೆದುಕೊಳ್ಳಿ ಎಂದು ಮನವಿ ಮಾಡಿದ್ದಾರೆ.

ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಜೋಡಿಯಾಗಿ ವರ್ಷವಾಗಿ ಹೋಯ್ತಾ..? ಇದು ಅಭಿಮಾನಿಗಳಿಗೂ ಅಚ್ಚರಿ. ಆ ಅಚ್ಚರಿಯ ಕ್ಷಣವನ್ನು ಶ್ರೀಮತಿ ರಾಧಿಕಾ ನೆನಪಿಸಿಕೊಂಡಿದ್ದನ್ನು ನೋಡಿ  ಅಭಿಮಾನಿಗಳು ಪುಳಕಗೊಂಡಿದ್ದಾರೆ. 

ಈ ಜೋಡಿ ಮದುವೆಯಾಗಿ 8 ತಿಂಗಳಷ್ಟೇ ಆಗಿರೋದು.ಆದರೆ, ನಿಶ್ಚಿತಾರ್ಥವಾಗಿ ಒಂದು ವರ್ಷವಾಗಿದೆ. ಕಳೆದ ವರ್ಷ ಆಗಸ್ಟ್ 12ರಂದು ಯಶ್ ಮತ್ತು ರಾಧಿಕಾ ಅವರಿಬ್ಬರ ಪ್ರೀತಿಯ ಬಂಧನಕ್ಕೆ ನಿಶ್ಚಿತಾರ್ಥದ ಉಂಗುರದ ಮುದ್ರೆ ಬಿದ್ದಿತ್ತು. ಆ ಸಂಭ್ರಮ ಕ್ಷಣಗಳನ್ನು ರಾಧಿಕಾ ಹಂಚಿಕೊಂಡಿದ್ದಾರೆ.

ವರ್ಷವಾಯಿತು. ಆ ನಗು, ಆ ಸಂಭ್ರಮ, ಆ ನಸುನಗೆ, ಆ ಹೂವಿನ ಪರಿಮಳ, ಕೇಕ್‌ನ ಸ್ವಾದ, ಸಂಭ್ರಮದ ಪುಳಕ, ತಳಮಳಗೊಂಡ ಕ್ಷಣಗಳನ್ನೂ ಇನ್ನೂ ಮರೆತಿಲ್ಲ ಎಂದಿದ್ದಾರೆ ರಾಧಿಕಾ. ಅವರ ಪ್ರೀತಿ ನೂರ್ಕಾಲ ಬಾಳಲಿ.

ಯಶ್ ಮತ್ತು ರಾಧಿಕಾ ಪಂಡಿತ್ ಅವರ ಮಗಳಿಗೆ ರೆಬಲ್‍ಸ್ಟಾರ್ ಅಂಬರೀಶ್, ವಿಶೇಷ ಗಿಫ್ಟ್ ಕೊಟ್ಟಿದ್ದಾರೆ. ಅದು ಬೇರೇನಲ್ಲ.. ಸಾಗುವಾನಿ ಮರದ ತೊಟ್ಟಿಲು. ಯಶ್, ರಾಧಿಕಾ ದಂಪತಿ ಮೇಲೆ ವಿಶೇಷ ಪ್ರೀತಿ ಇಟ್ಟುಕೊಂಡಿದ್ದ ಅಂಬಿ ಭಾಗವಹಿಸಿದ್ದ ಕೊನೆಯ ಕಾರ್ಯಕ್ರಮವೇ ರಾಧಿಕಾ ಪಂಡಿತ್ ಸೀಮಂತ.

ಹಾಗೆ ಬಂದು ದಂಪತಿಗೆ ಹಾರೈಸಿ ಹೋದ ಅಂಬಿ, ಒಂದು ಉಡುಗೊರೆ ಸಿದ್ಧ ಮಾಡಿದ್ದರು. ಸುಮಲತಾ ಅವರಿಗೂ ಗೊತ್ತಿಲ್ಲದಂತೆ ಬೆಳಗಾವಿಯ ಕಲಘಟಗಿಯಲ್ಲಿ ವಿಶೇಷ ತೊಟ್ಟಿಲೊಂದನ್ನು ಮಾಡಿಸಿದ್ದರು. ಅದೂ ಅಂತಿಂಥಾ ತೊಟ್ಟಿಲಲ್ಲ. ಸಾಗುವಾನಿ ಮರದಿಂದಲೇ ಮಾಡುವ, 100 ವರ್ಷ ಬಣ್ಣ ಹಾಳಾಗದ ವಿಶೇಷ ತೊಟ್ಟಿಲು. ಬೆಲೆ ಒಂದೂವರೆ ಲಕ್ಷಕ್ಕೂ ಹೆಚ್ಚು. ಕಲಘಟಗಿಯ ನಾರಾಯಣ ಕಲಾಲ್ ಎಂಬುವವರಿಗೆ ಹೇಳಿದ್ದರಂತೆ ಅಂಬಿ. ಅವರು ಕಲಘಟಗಿಯ ಹೆಸರುವಾಸಿ ತೊಟ್ಟಿಲು ಕಲಾವಿದ ಶ್ರೀಧರ್ ಸಾಹುಕಾರ್ ಎಂಬುವವರಿಗೆ ಹೇಳಿ ತೊಟ್ಟಿಲು ಮಾಡಿಸಿದ್ದರಂತೆ. 

ಸುಮಲತಾ ಅವರ ವಾಟ್ಸಪ್ ನಂಬರ್‍ಗೆ ಆ ತೊಟ್ಟಿಲಿನ ಚಿತ್ರ ಬಂದಾಗ ಅಚ್ಚರಿಗೊಳಗಾದ ಸುಮಲತಾ, ನಂತರ ಯಶ್‍ಗೆ ಫೋನ್ ಮಾಡಿ ಅಂಬಿ ಸ್ವರ್ಗದಿಂದಲೇ ನಿಮ್ಮ ಮಗುವಿಗೆ ತೊಟ್ಟಿಲು ಕಾಣಿಕೆ ಕೊಟ್ಟಿದ್ದಾರೆ. ನಿಮ್ಮ ಮಗಳು ಅದೃಷ್ಟವಂತೆ ಎಂದಿದ್ದಾರೆ. ಯಶ್ ಕೂಡಾ ಭಾವುಕರಾಗಿದ್ದಾರೆ.

ಅಕ್ಟೋಬರ್ 30ರಂದು 2ನೇ ಮಗುವಿಗೆ ಜನ್ಮ ನೀಡಿದ್ದ ರಾಧಿಕಾ ಪಂಡಿತ್, ಪತಿ ಯಶ್ ಅವರೊಂದಿಗೆ ಸುದ್ದಿಗೋಷ್ಟಿ ನಡೆಸಿ, ಮಗುವಿನ ಆರೋಗ್ಯದ ಮಾಹಿತಿ ನೀಡಿದ್ದಾರೆ. ನಟ ಯಶ್ ಅವರಂತೂ ‘ದೇವರ ದಯೆ, ಅಮ್ಮ, ಮಗು ಸೂಪರ್ ಆಗಿದ್ದಾರೆ. ಎರಡನೇ ಮಗುವಾಗಿದ್ದರಿಂದ ಸ್ವಲ್ಪ ಅನುಭವವೂ ಇತ್ತು. ನನ್ನ ಆಸೆಯಂತೆ ಹೆಣ್ಣು ಮತ್ತು ರಾಧಿಕಾ ಆಸೆಯಂತೆ ಗಂಡು ಮಗುವಾಗಿದೆ. ಅಕ್ಟೋಬರ್ 10ರಿಂದ ಯಾವುದೇ ಶೂಟಿಂಗ್‌ ಮಾಡಿಲ್ಲ. ರಜೆಯಲ್ಲಿದ್ದೆ. ರಾಧಿಕಾಗೆ ಪ್ರಾಮಿಸ್ ಮಾಡಿದ್ದೆ. ಅದರಂತೆ ತುಂಬಾ ಹೊತ್ತು ರಾಧಿಕಾ ಜೊತೆಯಲ್ಲಿದ್ದೆ. ಎರಡು ಮಕ್ಕಳ ಜನನದ ಹೊತ್ತಿನಲ್ಲೂ ನಾನು ಆಪರೇಷನ್ ಥಿಯೇಟರಿನಲ್ಲಿದ್ದೆ ಎಂದಿದ್ದಾರೆ.

ರಾಧಿಕಾ ಪಂಡಿತ್ ಮಾತನಾಡಿ ‘ಒಂಭತ್ತು ತಿಂಗಳು ಹೊತ್ತು ಜನ್ಮ ಕೊಟ್ಟರೂ ಇಬ್ಬರೂ ಮಕ್ಕಳು ಯಶ್ ರೀತಿಯಲ್ಲೇ ಇದ್ದಾರೆ. ನನ್ನ ರೀತಿ ಇಲ್ಲ’ ಎಂದು ಜೋಕ್ ಮಾಡಿದರು. ಶುಭಾಶಯ ಕೋರಿದವರಿಗೆ ಧನ್ಯವಾದ ತಿಳಿಸಿದರು. ನಾಮಕರಣ ಸದ್ಯಕ್ಕಿಲ್ಲ.

ಡಾಕ್ಟರ್ ಸ್ವರ್ಣಲತಾ ಮಗುವಿನ ಆರೋಗ್ಯ ಚೆನ್ನಾಗಿದೆ. ತೂಕ, ಬೆಳವಣಿಗೆ ಚೆನ್ನಾಗಿದೆ ಎಂದು ತಿಳಿಸಿದರೆ, ಡಾ. ಶ್ರೀನಾಥ್ ವೈದ್ಯರು ಹೇಳಿದ ಪ್ರತಿಯೊಂದನ್ನೂ ಚಾಚೂತಪ್ಪದೆ ಪಾಲಿಸಿದ ಯಶ್-ರಾಧಿಕಾ ದಂಪತಿಗೆ ಆದರ್ಶ ತಂದೆ ತಾಯಿ ಎಂದು ಕರೆದರು.

ಆದರೆ, ಇಡೀ ಸುದ್ದಿಗೋಷ್ಟಿಯುದ್ದಕ್ಕೂ ಅತಿ ಹೆಚ್ಚು ಮಾತನಾಡಿದ್ದು ಮಗಳು ಐರಾ. ಎಲ್ಲರೂ ಮಾತನಾಡುತ್ತಿರುವಾಗ ಪುಟ್ಟ ಕಂದ ತಂತಾನೇ ಆ..ಊ.. ಎಂದುಕೊಂಡು ಮುದ್ದು ಮುದ್ದಾಗಿ ಉಲಿಯುತ್ತಲೇ ಇತ್ತು. ಮಗು ಮುದ್ದಾಗಿದೆ.

ಯಶ್ ಮತ್ತು ರಾಧಿಕಾ ಪಂಡಿತ್ ದಾಂಪತ್ಯ ಜೀವನದಲ್ಲೀಗ ಸಂಭ್ರಮ, ಸಡಗರದ ಸಮಯ. ಇಬ್ಬರು ಈಗ ಮೂವರಾಗುತ್ತಿದ್ದಾರೆ. ಯಶ್ ತಾಯಿಯಾಗುತ್ತಿದ್ದಾರೆ. ಮದುವೆಯಾದ ಒಂದೂವರೆ ವರ್ಷದ ನಂತರ ಸಿಹಿ ಸುದ್ದಿ ಕೊಟ್ಟಿದ್ದಾರೆ ರಾಧಿಕಾ.

ತಂದೆಯಾಗುತ್ತಿರುವ ಸಂತೋಷವನ್ನು ಯಶ್ ವಿಶೇಷವಾಗಿ ಸೆಲಬ್ರೇಟ್ ಮಾಡಿದ್ದಾರೆ. ವೈಜಿಎಫ್ ಅನ್ನೋ ಪುಟ್ಟದೊಂದು ವಿಡಿಯೋ ರೆಡಿ ಮಾಡಿಬಿಟ್ಟಿರುವ ಯಶ್, ವೈಜಿಎಫ್‍ನ ಅರ್ಥ ವಿವರಿಸಿದ್ದಾರೆ. ವೈ ಅಂದ್ರೆ ಯಶ್, ಜಿ ಅಂದ್ರೆ ಗೋಯಿಂಗ್ ಟು ಬಿ, ಎಫ್ ಅಂದ್ರೆ ಫಾದರ್. ಡಿಸೆಂಬರ್‍ನಲ್ಲಿ ಸ್ಟಾರ್ ದಂಪತಿ ಮಡಿಲು ತುಂಬೋಕೆ ಮಗನೋ, ಮಗಳೋ ಬರಲಿದ್ಧಾರೆ.

Related Articles :-

Radhika Pandit Announces Birth Of Child 

ಆದಿಲಕ್ಷ್ಮಿ ಪುರಾಣ.. ಇದೇ ವಾರ ರಿಲೀಸ್ ಆಗುತ್ತಿರುವ ಸಿನಿಮಾ. ರಾಧಿಕಾ ಪಂಡಿತ್, ನಿರೂಪ್ ಭಂಡಾರಿ ನಟಿಸಿರುವ ಚಿತ್ರದ ನಿರ್ದೇಶಕಿ ಪ್ರಿಯಾ. ತಮಿಳುನಾಡಿನವರಾದ ಪ್ರಿಯಾ ಮಣಿರತ್ನಂ ಅವರ ಬಳಿ ಅಸಿಸ್ಟೆಂಟ್ ಆಗಿದ್ದವರು. ಮಣಿರತ್ನಂ ಅವರ ಪತ್ನಿ ಸುಹಾಸಿನಿ ಜೊತೆಯಲ್ಲೂ ಕೆಲಸ ಮಾಡಿದ್ದಾರೆ.

ತಮಿಳಿನಲ್ಲಿ ಕಂಡನಾಳ್ ಮುದುಲ್, ಕಣ್ಣಾಮೂಚಿ ಏನಡ ಎಂಬ ಎರಡು ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಮಣಿರತ್ನಂ ದೃಶ್ಯಗಳನ್ನು ಸೃಷ್ಟಿಸುವ ಕಲೆ ಮತ್ತು ಸುಹಾಸಿನಿಯವರ ಬರವಣಿಗೆಯನ್ನು ಇಷ್ಟಪಡುವ ಪ್ರಿಯಾಗೆ ಕನ್ನಡದಲ್ಲಿದು ಮೊದಲ ಚಿತ್ರ.

ಅಂದಹಾಗೆ ಚಿತ್ರಕ್ಕೆ ನಾಯಕ, ನಾಯಕಿಯ ಆಯ್ಕೆಯನ್ನು ರಾಕ್‍ಲೈನ್ ಅವರೇ ಮಾಡಿದ್ದರಂತೆ. ಹಾಗೆಂದು ಬೇಸರವೇನಿಲ್ಲ. ಅವರಿಬ್ಬರೂ ತಮ್ಮ ಪಾತ್ರಕ್ಕೆ ಅದ್ಭುತವಾಗಿ ನ್ಯಾಯ ಒದಗಿಸಿದ್ದಾರೆ. ಈಗ ಅವರ ಜಾಗದಲ್ಲಿ ಇನ್ನೊಬ್ಬರನ್ನು ಕಲ್ಪಿಸಿಕೊಳ್ಳುವುದೂ ಕಷ್ಟ ಎನ್ನುತಾರೆ ಪ್ರಿಯಾ.

ಪ್ರಿಯಾ ನಿರ್ದೇಶನದ ಮೊದಲ ಚಿತ್ರಕ್ಕೆ ಕ್ಯಾಮೆರಾಮನ್ ಆಗಿರುವುದು ಅವರ ಗೆಳತಿ ಪ್ರೀತಾ. ಕನ್ನಡದಲ್ಲಿ ಸಿನಿಮಾ ಯಶಸ್ವಿಯಾದರೆ ತಮಿಳಿನಲ್ಲೂ ರಿಲೀಸ್ ಮಾಡುವ ಆಲೋಚನೆ ಪ್ರಿಯಾ ಅವರಿಗೆ ಇದೆ.

ರವಿಚಂದ್ರನ್ ನಿರ್ದೇಶನದ 'ರಾಜೇಂದ್ರ ಪೊನ್ನಪ್ಪ' ಚಿತ್ರದಲ್ಲಿ ನಾಯಕಿಯಾಗಿ  ರಾಧಿಕಾ ಕುಮಾರಸ್ವಾಮಿ ನಟಿಸುತ್ತಿದ್ದಾರೆ. ಈ ಹಿಂದೆ ರವಿಚಂದ್ರನ್ - ರಾಧಿಕಾ 'ಹಠವಾದಿ' ಮತ್ತು 'ಒಡಹುಟ್ಟಿದವಳು' ಚಿತ್ರದಲ್ಲಿ ನಟಿಸಿದ್ದ ರಾಧಿಕಾ, ಸುಮಾರು 11 ವರ್ಷಗಳ ನಂತರ ಮತ್ತೊಮ್ಮೆ ರವಿಚಂದ್ರನ್ ಜೊತೆಯಾಗಿದ್ದಾರೆ.

ಈ ಚಿತ್ರಕ್ಕೆ ರವಿಚಂದ್ರನ್ ಬರೀ ನಾಯಕನಷ್ಟೇ ಅಲ್ಲ,  ಕಥೆ, ಚಿತ್ರಕಥೆಯೂ ಅವರದ್ದೇ. ನಿರ್ದೇಶಕರೂ ಅವರೇ. ಚಿತ್ರವನ್ನು ಈಶ್ವರಿ ಪ್ರೊಡಕ್ಷನ್ ಬ್ಯಾನರ್‌ನಡಿ ನಿರ್ಮಿಸುತ್ತಿದ್ದಾರೆ ಗೌತಮ್ ಶ್ರೀವತ್ಸ ಸಂಗೀತ ಮತ್ತು ಜಿ.ಎಸ್.ವಿ. ಸೀತಾರಾಂ ಛಾಯಾಗ್ರಹಣ ಚಿತ್ರಕ್ಕಿದೆ. ರವಿಚಂದ್ರನ್ ಈಗಾಗಲೇ 'ದಶರಥ' ಮತ್ತು 'ಬಕಾಸುರ' ಚಿತ್ರಗಳನ್ನು ಬಹುತೇಕ ಮುಗಿಸಿದ್ದಾರೆ.

Related Articles :-

Radhika Is The Heroine For Rajendra Ponnappa

ರಾಕಿಂಗ್ ಸ್ಟಾರ್ ಯಶ್, ರಾಧಿಕಾ ಪಂಡಿತ್ ಅವರ ಮನೆಗೀಗ ಮುದ್ದಾದ ರಾಜಕುಮಾರಿ ಬಂದಿದ್ದಾಳೆ. ಮಗಳನ್ನು ತಮ್ಮ ವಿವಾಹ ವಾರ್ಷಿಕೋತ್ಸವದ ದಿನವೇ ಮನೆದುಂಬಿಸಿಕೊಂಡಿದ್ದಾರೆ ಯಶ್ ದಂಪತಿ. ನಮ್ಮ ಮಗು, ನಮ್ಮ ವಿವಾಹ ವಾರ್ಷಿಕೋತ್ಸವದ ಉಡುಗೊರೆ ಎಂದು ಹೇಳಿದ್ದಾರೆ ರಾಧಿಕಾ. 

ಎಲ್ಲ ಓಕೆ.. ನಿಮ್ಮ ರಾಜಕುಮಾರಿಯ ಹೆಸರೇನು ಅಂದ್ರೆ ಅದರ ಹೊಣೆ ಇರೋದು ಯಶ್ ಮೇಲೆ. ಗಂಡು ಮಗು ಆಗಲಿದೆ ಎಂದು ರಾಧಿಕಾ, ಹೆಣ್ಣು ಮಗು ಆಗಲಿದೆ ಎಂದು ಯಶ್ ಬೆಟ್ ಕಟ್ಟಿದ್ದರಂತೆ. ಗಂಡು ಮಗು ಹುಟ್ಟಿದರೆ ಏನು ಹೆಸರಿಡಬೇಕು ಎಂದು ರಾಧಿಕಾ ಮೊದಲೇ ನಿರ್ಧರಿಸಿದ್ದರಂತೆ. ಹೆಣ್ಣು ಹುಟ್ಟಿದರೆ ಏನು ಹೆಸರಿಡಬೇಕು ಎಂದು ಯಶ್ ಫೈನಲ್ ಮಾಡಬೇಕಿತ್ತು.

ನಾನು ಕೆಲಸದ ಬ್ಯುಸಿಯಲ್ಲಿ ಹೆಸರು ಫೈನಲ್ ಮಾಡೋಕೆ ಆಗಲಿಲ್ಲ. ಇನ್ನು ಕೆಲವೇ ದಿನಗಳಲ್ಲಿ ಹೆಸರು ನಿರ್ಧರಿಸುತ್ತೇನೆ ಎಂದಿದ್ದಾರೆ ಯಶ್.

ಆಸ್ಪತ್ರೆಯಿಂದ ಮನೆಗೆ ಹೋಗುವ ಮುನ್ನ ಸುದ್ದಿಗೋಷ್ಟಿಯಲ್ಲಿ ಮಗುವಿನೊಂದಿಗೆ ಬಂದಿದ್ದ ಯಶ್ ದಂಪತಿ, ತಮ್ಮ ಬಗ್ಗೆ ಕಾಳಜಿ ತೋರಿಸಿದ ಎಲ್ಲರಿಗೂ ಧನ್ಯವಾದ ಎಂದರು.

ಅಂಬರೀಷ್ ಅವರು ನೀಡಿದ ತೊಟ್ಟಿಲು ಉಡುಗೊರೆಯನ್ನು ಪ್ರೀತಿಯಿಂದ ಸ್ಮರಿಸಿದ ಯಶ್, ನಮಗೆ ಅವರು ತಂದೆಯ ಸ್ಥಾನದಲ್ಲಿದ್ರು. ಮಗಳನ್ನು ನೋಡಲು ಅವರು ಇರಬೇಕಿತ್ತು ಎಂದು ಭಾವುಕರಾದರು ಯಶ್.