` kiccha sudeepa - chitraloka.com | Kannada Movie News, Reviews | Image

kiccha sudeepa

  • ಮೊದಲ ದಿನವೇ 10 ಕೋಟಿ ಕ್ಲಬ್ ಸೇರಿದ ಪೈಲ್ವಾನ್

    pailwan joins 10 crore club on first day itself

    5 ಭಾಷೆಗಳಲ್ಲಿ ರಿಲೀಸ್ ಆಗಿ ಎಲ್ಲೆಡೆಯಿಂದ ಮೆಚ್ಚುಗೆ ಸ್ವೀಕರಿಸುತ್ತಿರುವ ಸಿನಿಮಾ ಪೈಲ್ವಾನ್. ಕ್ಲಾಸ್ ಮತ್ತು ಮಾಸ್.. ಎರಡೂ ವರ್ಗದ ಪ್ರೇಕ್ಷಕರಿಂದ ಹಾಗೂ ವಿಮರ್ಶಕರಿಂದ ಏಕಕಾಲಕ್ಕೆ ಶಹಬ್ಬಾಸ್ ಎನಿಸಿಕೊಂಡಿರುವ ಪೈಲ್ವಾನ್ ಮೊದಲ ದಿನವೇ ಭರ್ಜರಿ ಕಲೆಕ್ಷನ್ ಮಾಡಿದೆ. 10 ಕೋಟಿ ಕ್ಲಬ್ ಸೇರಿದೆ.

    ಇದು ಕನ್ನಡದ ಮಟ್ಟಿಗೆ ದಾಖಲೆಯೇ ಸರಿ. ಆದರೆ, ಮೊದಲ ದಿನದ ಅತೀ ಹೆಚ್ಚು ಕಲೆಕ್ಷನ್ ದಾಖಲೆ ಈಗಲೂ ಸುದೀಪ್-ಶಿವಣ್ಣ ನಟಿಸಿದ್ದ ದಿ ವಿಲನ್ ಚಿತ್ರದ ಹೆಸರಲ್ಲಿಯೇ ಇದೆ. ಅದು ಫಸ್ಟ್ ಡೇ 20 ಕೋಟಿ ಕಲೆಕ್ಷನ್ ಮಾಡಿತ್ತು.

    ಕಲೆಕ್ಷನ್ ಭರ್ಜರಿಯಾಗಿ ಆಗಿದೆ ಎನ್ನುವುದು ಸತ್ಯ. ಆದರೆ ಎಷ್ಟು ಎನ್ನುವುದನ್ನು ಈಗಲೇ ಹೇಳುವುದು ಸಾಧ್ಯವಿಲ್ಲ. ಪಕ್ಕಾ ಲೆಕ್ಕ ಸಿಗೋಕೆ ಇನ್ನೂ ಟೈಂ ಬೇಕು. ಎಲ್ಲ ಭಾಷೆಗಳಲ್ಲೂ ಪಾಸಿಟಿವ್ ರಿಯಾಕ್ಷನ್ ಸಿಕ್ಕಿದೆ. ಒಂದು ವಾರ ಹೀಗೆಯೇ ಕಂಟಿನ್ಯೂ ಆದರೆ, ಹಾಕಿದ ಬಂಡವಾಳ ನಮ್ಮ ಕೈ ಸೇರಲಿದೆ ಎಂದಿದ್ದಾರೆ ನಿರ್ದೇಶಕ ಕೃಷ್ಣ. ಚಿತ್ರಕ್ಕೆ ಅವರ ಪತ್ನಿ ಸ್ವಪ್ನಾ ಕೃಷ್ಣ ಅವರೇ ನಿರ್ಮಾಪಕಿ.

    ಅಂದಹಾಗೆ ಪೈಲ್ವಾನ್ ಚಿತ್ರಕ್ಕೆ ಸುಮಾರು 45 ಕೋಟಿ ಖರ್ಚಾಗಿದೆಯಂತೆ.

     

  • ಯಂಗ್ ಅಂಬಿಗೆ ಶೃತಿ ಹರಿಹರನ್ ಜೋಡಿ

    Ambi Ninge Vayassaitho

    ಅಂಬಿ ನಿಂಗೆ ವಯಸ್ಸಾಯ್ತೋ.. ಕಿಚ್ಚ ಕ್ರಿಯೇಷನ್ಸ್‍ನಲ್ಲಿ ಬರುತ್ತಿರುವ ಚಿತ್ರದಲ್ಲಿ ಕಿಚ್ಚ ಸುದೀಪ್, ಯಂಗ್ ಅಂಬರೀಷ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಯುವಕ ಅಂಬರೀಷ್ ಪಾತ್ರದಲ್ಲಿ ನಟಿಸುತ್ತಿರುವುದು ಸುದೀಪ್.

    ಸೀನಿಯರ್ ಅಂಬರೀಷ್‍ಗೆ ಸುಹಾಸಿನಿ ಜೋಡಿಯಾಗಿದ್ದರೆ, ಜ್ಯೂನಿಯರ್ ಅಂಬರೀಷ್‍ಗೆ ಯಾರು ಜೋಡಿ ಅನ್ನೋ ಪ್ರಶ್ನೆ ಇತ್ತು. ಆ ಪ್ರಶ್ನೆಗೆ ಈಗ ಉತ್ತರ ಸಿಕ್ಕಿದೆ. ಸುದೀಪ್‍ಗೆ ಜೋಡಿಯಾಗುತ್ತಿರುವುದು ಶೃತಿ ಹರಿಹರನ್.

    Related Articles :-

    Shruthi Haran In Ambi Ninge Vayassaitho

  • ಯೂ ಟ್ಯೂಬ್‍ನಿಂದ ಕೋಟಿಗೊಬ್ಬ 3 ಟೀಸರ್ ಡಿಲೀಟ್

    kotigobba 3 teaser removed from yourtube

    ಇತ್ತೀಚೆಗೆ ರಿಲೀಸ್ ಆಗಿ ಸುದೀಪ್ ಅಭಿಮಾನಿಗಳ ಜೋಶ್ ಹೆಚ್ಚಿಸಿದ್ದ ಕೋಟಿಗೊಬ್ಬ 3 ಚಿತ್ರದ ಟೀಸರ್ ಯೂಟ್ಯೂಬ್‍ನಿಂದ ನಾಪತ್ತೆಯಾಗಿದೆ. ಅರೆ.. ಏನಿದು.. ಏಕೆ ಹೀಗಾಯ್ತು.. ಎಂದು ಹುಡುಕಿದರೆ ಸಿಗುತ್ತಿರುವ ಉತ್ತರ ಮುಂಬೈನ ವೈಬ್ರೆಂಟ್ ಲಿಮಿಟಿಡ್ ಕಂಪೆನಿ.

    ಕೋಟಿಗೊಬ್ಬ 3 ಚಿತ್ರವನ್ನು ಪೋಲೆಂಡ್‍ನಲ್ಲಿ ಶೂಟಿಂಗ್ ಮಾಡಲಾಗಿದೆ. ಅಲ್ಲಿ ಶೂಟ್ ಮಾಡಿದ ದೃಶ್ಯಗಳ ಹಕ್ಕುಗಳು ವೈಬ್ರೆಂಟ್ ಕಂಪೆನಿ ಹೆಸರಲ್ಲಿವೆಯಂತೆ. ನಮಗೆ ಬಾಕಿ ಕೊಟ್ಟಿಲ್ಲ ಎಂದು ತಗಾದೆ ತೆಗೆದಿದ್ದ ಕಂಪೆನಿ, ಈಗ ಟೀಸರ್‍ಗೆ ಬ್ರೇಕ್ ಹಾಕಿಸಿದೆ.

    ಇದು ಹಣಕ್ಕಾಗಿ ನಡೆಯುತ್ತಿರುವ ಸಂಚು. ಕಂಪೆನಿಯ ಅಜಯ್ ಪಾಲ್ ನಮಗೇ ಮೋಸ ಮಾಡಿದ್ದಾನೆ. ಆತನ ವಿರುದ್ಧ ಕಾನೂನು ಹೋರಾಟ ನಡೆಸುತ್ತಿದ್ದೇವೆ. ಶೀಘ್ರದಲ್ಲೇ ಕೋಟಿಗೊಬ್ಬ 3 ಟೀಸರ್ ಮತ್ತೆ ಯೂಟ್ಯೂಬ್‍ಗೆ ಬರಲಿದೆ ಎಂದಿದ್ದಾರೆ ನಿರ್ಮಾಪಕ ಸೂರಪ್ಪ ಬಾಬು.

  • ರಕ್ತಬೀಜಾಸುರ ಪೈರಸಿ ವಿರುದ್ಧ ಪೈಲ್ವಾನ್ ಮಹಾಯುದ್ಧ

    pailwan movie producer files complaint against piracy criminals

    ಪೈರಸಿ ಕಾಟ ಸಿನಿಮಾ ರಂಗಕ್ಕೆ ಹೊಸದೇನಲ್ಲ. ಆದರೆ ಪೈಲ್ವಾನ್ ಎದುರಿಸುತ್ತಿರುವುದು ಅತಿ ದೊಡ್ಡ ಪೈರಸಿ ಯುದ್ಧ. ಎಷ್ಟರಮಟ್ಟಿಗೆ ಎಂದರೆ ಸಿನಿಮಾ ರಿಲೀಸ್ ಆದ ದಿನವೇ ರಾತ್ರಿ ಹೊತ್ತಿಗೆ 3 ಭಾಷೆಗಳಲ್ಲಿ ಪೈಲ್ವಾನ್ ಲೀಕ್ ಆಗಿತ್ತು. ಒನ್ಸ್ ಎಗೇಯ್ನ್ ಖಳನಾಯಕ ತಮಿಳು ರಾಕರ್ಸ್.

    ಇಷ್ಟಕ್ಕೂ ಇದನ್ನು ರಕ್ತಬೀಜಾಸುರ ಎಂದು ಕರೆದಿದ್ದಕ್ಕೆ ಕಾರಣವೂ ಇದೆ. ಇದುವರೆಗೆ ಪೈಲ್ವಾನ್ ಚಿತ್ರವನ್ನು ಅಪ್‍ಲೋಡ್ ಮಾಡಿದ್ದ 300ಕ್ಕೂ ಹೆಚ್ಚು ಲಿಂಕ್‍ಗಳನ್ನು ಡಿಲೀಟ್ ಮಾಡಲಾಗಿದೆ. ಕೋಟಿ ಕೋಟಿ ಸುರಿದು ಚಿತ್ರ ನಿರ್ಮಿಸಿದವರು ಪೈರಸಿ ವಿರುದ್ಧ ಹೋರಾಡಲೇಬೇಕಾದ ಅನಿವಾರ್ಯತೆ ಇದೆ.

    ಪೈರಸಿ ತಡೆಗಾಗಿ ಇಷ್ಟೆಲ್ಲ ಕ್ರಮ ಕೈಗೊಂಡಿದ್ದರೂ ಪೊಲೀಸರಿಗೂ ದೂರು ಕೊಟ್ಟಿದ್ದಾರೆ ನಿರ್ಮಾಪಕಿ ಸ್ವಪ್ನಾ ಕೃಷ್ಣ. ಅಷ್ಟೇ ಅಲ್ಲ, ಸೋಷಿಯಲ್ ಮೀಡಿಯಾದಲ್ಲಿ ನಡೆಯುತ್ತಿರುವ ಕೆಟ್ಟ ಯುದ್ಧಕ್ಕೂ ಫುಲ್ ಸ್ಟಾಪ್ ಇಡುವ ಪ್ರಯತ್ನ ಮಾಡಿದ್ದಾರೆ.

    `ದರ್ಶನ್ ಅಭಿಮಾನಿಗಳಿಗೂ ಸಿನಿಮಾ ಲೀಕ್ ಆಗಿದ್ದಕ್ಕೂ ಸಂಬಂಧವಿಲ್ಲ. ಪೈರಸಿ ಮಾಡಿದವರು ದರ್ಶನ್ ಅಭಿಮಾನಿಗಳಲ್ಲ' ಎಂದು ಸ್ಪಷ್ಟನೆ ಕೊಟ್ಟಿರುವ ಸ್ವಪ್ನಾ ಕೃಷ್ಣ, ಸೈಬರ್ ಪೊಲೀಸರಿಗೆ ದೂರನ್ನೂ ಕೊಟ್ಟಿದ್ದಾರೆ.

  • ರಿಲೀಸ್ ದಿನವೇ ದಾಖಲೆ ಬರೆಯಲಿದ್ದಾನೆ ಪೈಲ್ವಾನ್

    pailwan all set to write a record on release day

    ಸೆಪ್ಟೆಂಬರ್ 12ರಂದು ರಿಲೀಸ್ ಆಗುತ್ತಿರುವ ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್, ರಿಲೀಸ್ ದಿನವೇ ಹೊಸ ದಾಖಲೆ ಬರೆಯಲಿದೆ. 3000ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಲಿರುವ ಪೈಲ್ವಾನ್, ಅತೀ ಹೆಚ್ಚು ಥಿಯೇಟರುಗಳಲ್ಲಿ ಬಿಡುಗಡೆಯಾದ ಕನ್ನಡ ಸಿನಿಮಾ ಎಂಬ ದಾಖಲೆಗೆ ಪಾತ್ರವಾಗಲಿದೆ. ಸದ್ಯಕ್ಕೆ ಈ ದಾಖಲೆ ಕೆಜಿಎಫ್ ಹೆಸರಿನಲ್ಲಿದೆ.

    ಹಿಂದಿಯಲ್ಲಿ ಝೀ ಸ್ಟುಡಿಯೋಸ್ ವಿತರಣೆ ಮಾಡುತ್ತಿದ್ದು, 3000ಕ್ಕೂ ಹೆಚ್ಚು ಸ್ಕ್ರೀನ್ ಕೊಡುತ್ತಿದೆ. ತೆಲುಗು ಮತ್ತು ತಮಿಳಿನಲ್ಲಿವಾರಾಹಿ ಚಲನಚಿತ್ರಂ ಮತ್ತು ವೈನಾಟ್ ಸ್ಟುಡಿಯೋ ವಿತರಣೆ ಹಕ್ಕು ಪಡೆದುಕೊಂಡಿವೆ. ಮಲಯಾಳಂನಲ್ಲಿ ಪಲ್ಲವಿ ಸ್ಟುಡಿಯೋಸ್ ಡಿಸ್ಟ್ರಿಬ್ಯೂಟ್ ಮಾಡುತ್ತಿದೆ.

    ಕನ್ನಡದಲ್ಲಿ ಕೆಆರ್‍ಜಿ ಸ್ಟುಡಿಯೋಸ್ ಮೂಲಕ ಕಾರ್ತಿಕ್ ಗೌಡ ಸಿನಿಮಾ ಬಿಡುಗಡೆ ಮಾಡುತ್ತಿದ್ದಾರೆ. ಚಿತ್ರ ಸೆಟ್ಟೇರಿದ ದಿನವೇ ವಿತರಣೆ ಹಕ್ಕಿಗೆ ಬುಕ್ಕಿಂಗ್ ಮಾಡಿದ್ದ ಕಾರ್ತಿಕ್ ಗೌಡ ಕರ್ನಾಟಕದಲ್ಲಿ 400ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಭರ್ಜರಿಯಾಗಿ ರಿಲೀಸ್ ಮಾಡಲು ಸಿದ್ಧತೆ ನಡೆಸಿದ್ದಾರೆ.

    ಸುದೀಪ್, ಆಕಾಂಕ್ಷಾ ಸಿಂಗ್, ಸುನಿಲ್ ಶೆಟ್ಟಿ, ಕಬೀರ್ ದುಹಾನ್ ಸಿಂಗ್, ಶರತ್ ಲೋಹಿತಾಶ್ವ ಮೊದಲಾದವರು ನಟಿಸಿರುವ ಚಿತ್ರಕ್ಕೆ ಕೃಷ್ಣ ನಿರ್ದೇಶಕರಾದರೆ, ಸ್ವಪ್ನಾ ಕೃಷ್ಣ ನಿರ್ಮಾಪಕಿ.

  • ರೈಸನ್ ಟ್ರೇಲರ್ ಕಮಿಂಗ್.. ಸುದೀಪ್ ಮಿಸ್ಸಿಂಗ್

    risen trailer out

    ಹಾಲಿವುಡ್ ಸಿನಿಮಾ ರೈಸನ್ ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ಇದು ಸೈಂಟಿಫಿಕ್ ಥ್ರಿಲ್ಲರ್. ಕಿಚ್ಚ ಸುದೀಪ್ ಅಭಿನಯಿಸುತ್ತಿರುವ ಹಾಲಿವುಡ್ ಸಿನಿಮಾ. ಆದರೆ, ಟ್ರೇಲರ್‍ನಲ್ಲಿ ಕಿಚ್ಚ ಸುದೀಪ್ ಮಿಸ್ಸಿಂಗ್. ಇದು ಅಭಿಮಾನಿಗಳಿಗೆ ತೀವ್ರ ನಿರಾಸೆ ತಂದಿರೋದು ನಿಜ.

    ಪಟ್ಟಣವೊಂದರಲ್ಲಿ ವಿಷಗಾಳಿ ಹರಡಿ ಜನರೆಲ್ಲ ಸಾಯುತ್ತಾರೆ. ನಂತರ ಪಟ್ಟಣದ ನಡುವೆ ಮರವೊಂದು ವಿಷಗಾಳಿ ತಡೆಯುವ ಪ್ರಯತ್ನ ಮಾಡಿ ಗೆಲ್ಲುವ ವಿಭಿನ್ನ ಕಲ್ಪನೆಯ ಸಿನಿಮಾ ಇದು. ಯಡ್ಡಿ ಆರ್ಯ ನಿರ್ದೇಶನದ ಈ ಚಿತ್ರಕ್ಕೆ ನಾಗೇಂದ್ರ ಜಯರಾಂ ಎಕ್ಸಿಕ್ಯುಟಿವ್ ಪ್ರೊಡ್ಯೂಸರ್.

    ಟ್ರೇಲರ್‍ನಲ್ಲಿ ಸುದೀಪ್ ಮಿಸ್ ಆಗಿರುವುದಕ್ಕೆ ಕಾರಣಗಳೂ ಇವೆ. ಸಿನಿಮಾದ ಫೋಟೋಶೂಟ್ ಬಿಟ್ಟರೆ, ಶೂಟಿಂಗ್‍ನಲ್ಲಿ ಭಾಗವಹಿಸೋಕೆ ಸುದೀಪ್‍ಗೆ ಸಾಧ್ಯವಾಗಿಲ್ಲ. ದಿ ವಿಲನ್, ಕೋಟಿಗೊಬ್ಬ 3, ಪೈಲ್ವಾನ್, ಬಿಗ್‍ಬಾಸ್, ಸೈರಾ ರೆಡ್ಡಿ... ಹೀಗೆ ಸಾಲು ಸಾಲು ಸಿನಿಮಾ, ರಿಯಾಲಿಟಿ ಶೋಗಳಲ್ಲಿ ಬ್ಯುಸಿಯಾಗಿದ್ದ ಸುದೀಪ್, ಡಿಸೆಂಬರ್‍ವರೆಗೆ ಫ್ರೀ ಇಲ್ಲ. 

    ಡಿಸೆಂಬರ್‍ನಲ್ಲಿ ಸುದೀಪ್ ಡೇಟ್ಸ್ ಸಿಗುವ ನಿರೀಕ್ಷೆ ಇದೆ. ಉಳಿದಂತೆ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಗಿದಿದೆ. ಸುದೀಪ್ ದೃಶ್ಯಗಳಷ್ಟೇ ಪೆಂಡಿಂಗ್ ಇವೆ ಎಂದಿದ್ದಾರೆ ನಿರ್ಮಾಪಕ ನಾಗೇಂದ್ರ ಜಯರಾಂ.

  • ಲಾರ್ಡ್ಸ್​ನಲ್ಲಿ ಸುದೀಪ್ - ಟ್ರೋಫಿ ಗೆದ್ದಿದ್ದ ಸ್ಟೇಡಿಯಂನಲ್ಲಿ ಈ ಬಾರಿ ಪ್ರೇಕ್ಷಕರಾಗಿ ಕಿಚ್ಚ

    lourds stadium

    ಲಾರ್ಡ್ಸ್​​ನಲ್ಲಿ ಕ್ರಿಕೆಟ್ ಆಡುವ ಕನಸು ಪ್ರತಿಯೊಬ್ಬ ಕ್ರಿಕೆಟ್ ಆಟಗಾರನಿಗೂ ಇರುತ್ತೆ. ಕಾರಣ, ಲಾರ್ಡ್ಸ್​ ಕ್ರೀಡಾಂಗಣ ಕ್ರಿಕೆಟ್ ಕಾಶಿಯೆಂದೇ ಫೇಮಸ್. ಅಂತಾ ಲಾರ್ಡ್ಸ್​ನಲ್ಲಿ ಭಾರತ ಮಹಿಳಾ ಕ್ರಿಕೆಟ್ ತಂಡ ವಿಶ್ವಕಪ್ ಫೈನಲ್ ಆಡುತ್ತಿದೆ. ಆ ಆಟ ನೋಡಲು ಹೋಗುತ್ತಿದ್ದೇನೆ. ಮಿಸ್ ಮಾಡಿಕೊಳ್ಳಲ್ಲ ಎಂದು ಟ್ವೀಟ್ ಮಾಡಿದ್ದ ಸುದೀಪ್​ಗೆ ಲಾರ್ಡ್ಸ್​ ಕ್ರೀಡಾಂಗಣ ಇನ್ನೂ ಒಂದು ರೀತಿ ವಿಶೇಷ.

    lourds_stadium_sudeep1.jpgವೃತ್ತಿಪರ ಕ್ರಿಕೆಟ್ ಆಟಗಾರನಲ್ಲದಿದ್ದರೂ, ಲಾರ್ಡ್ಸ್​ನಲ್ಲಿ ಕ್ರಿಕೆಟ್ ಆಡಿದ್ದರು. ಕಾರ್ಪೊರೇಟ್ ಕ್ರಿಕೆಟ್ ಡೇ ಟೂರ್ನಿಯಲ್ಲಿ ವಿಜೇನರ್ ತಂಡದ ಕ್ಯಾಪ್ಟನ್ ಆಗಿದ್ದ ಸುದೀಪ್, ಪ್ರಶಸ್ತಿಯನ್ನೂ ಗೆದ್ದಿದ್ದರು.  ಸುದೀಪ್ ನೇತೃತ್ವದ ತಂಡ ಮೇ ತಿಂಗಳಲ್ಲಿ ನಡೆದಿದ್ದ ಟೂರ್ನಿಯಲ್ಲಿ ಆಡಿದ ಎಲ್ಲ ಪಂದ್ಯಗಳಲ್ಲೂ ಗೆಲುವು ಸಾಧಿಸಿತ್ತು. ಡೆಲೋಯಿಟ್ ತಂಡದ ವಿರುದ್ಧ ಫೈನಲ್ ಆಡಿತ್ತು. ಪ್ರಶಸ್ತಿಯನ್ನೂ ಗೆದ್ದಿತ್ತು.

    ಈಗ ತಾವು ಟ್ರೋಫಿ ಎತ್ತಿಕೊಂಡಿದ್ದ ಅದೇ ಕ್ರೀಡಾಂಗಣದಲ್ಲಿ ಸುದೀಪ್, ಭಾರತೀಯ ಕ್ರಿಕೆಟ್ ತಂಡವನ್ನು ಹುರಿದುಂಬಿಸುವ ಪ್ರೇಕ್ಷಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇಲ್ಲಿರುವುದು ಮೇ ತಿಂಗಳಲ್ಲಿ ಸುದೀಪ್ ಪ್ರಶಸ್ತಿ ಗೆದ್ದಿದ್ದ ಆ ಕ್ಷಣದ ಫೋಟೋಗಳು.

  • ವಿಕ್ರಾಂತ್ ರೋಣ 3D ಅವತಾರ..!

    ವಿಕ್ರಾಂತ್ ರೋಣ 3D ಅವತಾರ..!

    ಆಗಸ್ಟ್ 19. 2021. ಡೇಟ್ ನೋಟ್ ಮಾಡಿಟ್ಟುಕೊಳ್ಳಿ. ಆ ದಿನ ವಿಕ್ರಾಂತ್ ರೋಣ, ದೇಶ ವಿದೇಶಗಳಲ್ಲಿ ಏಕಕಾಲಕ್ಕೆ ಪ್ರತ್ಯಕ್ಷವಾಗ್ತಾನೆ. 2019ರಲ್ಲಿ ಬಂದ ಪೈಲ್ವಾನ್ ನಂತರ ಕಿಚ್ಚನ ಅಭಿಮಾನಿಗಳಿಗೆ ಸುದೀಪ್ ಹೀರೋ ಆಗಿ ಸಿಕ್ಕಿಲ್ಲ. ಅಭಿಮಾನಿಗಳ ಕಿಚ್ಚಿನಂತಾ ಬಯಕೆ ಈಡೇರುವ ಕಾಲ.. ಮುಹೂರ್ತ ಆಗಸ್ಟ್ 19. 2021.

    ರಿಲೀಸ್ ಡೇಟ್ ಅನೌನ್ಸ್ ಮಾಡಿರೋ VR ಟೀಂ, ಇದರ ಜೊತೆಯಲ್ಲೇ ಇನ್ನೊಂದು ಸರ್ಪ್ರೈಸ್ನ್ನೂ ಕೊಟ್ಟಿದೆ. ವಿಕ್ರಾಂತ್ ರೋಣ 3D ಅವತಾರದಲ್ಲಿ ಬರಲಿದ್ದಾನೆ. ಅನೂಪ್ ಭಂಡಾರಿ ನಿರ್ದೇಶನದ ವಿಕ್ರಾಂತ್ ರೋಣ ಚಿತ್ರದಲ್ಲಿ

    ಕಥೆ ಏನು ಎನ್ನುವುದೇ ಒಂದು ಸರ್ಪ್ರೈಸ್. ಕಿಚ್ಚನ ಜೊತೆಗೆ ನಿರೂಪ್ ಭಂಡಾರಿ ಕೂಡಾ ಇದ್ದಾರೆ. ನೀತಾ ಅಶೋಕ್ ಹೀರೋಯಿನ್.

    ಜಾಕ್ ಮಂಜು ನಿರ್ಮಾಣದ ಸಿನಿಮಾ ಆಗಸ್ಟ್ನಲ್ಲಿ ಸ್ವಾತಂತ್ರ್ಯೋತ್ಸವ ಮುಗಿದ 4ನೇ ದಿನಕ್ಕೆ ಸರಿಯಾಗಿ ಥಿಯೇಟರುಗಳಲ್ಲಿ ಕಾಣಿಸಲಿದೆ.

  • ವಿಕ್ರಾಂತ್ ರೋಣ ಆಡಿಯೋ ಕೂಡಾ ಲಹರಿ ಪಾಲು

    ವಿಕ್ರಾಂತ್ ರೋಣ ಆಡಿಯೋ ಕೂಡಾ ಲಹರಿ ಪಾಲು

    ಇತ್ತೀಚೆಗೆ ಲಹರಿ ಸಂಸ್ಥೆ ಕನ್ನಡದ ದೊಡ್ಡ ದೊಡ್ಡ ಚಿತ್ರಗಳನ್ನೆಲ್ಲ ತೆಕ್ಕೆಗೆ ಹಾಕಿಕೊಳ್ಳುತ್ತಿದೆ. ಕೆಜಿಎಫ್ ಚಾಪ್ಟರ್ 2, ಆರ್‍ಆರ್‍ಆರ್ ಚಿತ್ರಗಳ ಆಡಿಯೋ ರೈಟ್ಸ್ ಖರೀದಿಸಿದ್ದ ಲಹರಿ ಸಂಸ್ಥೆ ಈಗ ವಿಕ್ರಾಂತ್ ರೋಣ ಚಿತ್ರದ ಆಡಿಯೋ ಹಕ್ಕುಗಳನ್ನೂ ಖರೀದಿಸಿದೆ. ಅಲ್ಲಿಗೆ.. ಇನ್ನೊಂದು ಪ್ಯಾನ್ ಇಂಡಿಯಾ ಸಿನಿಮಾ ಲಹರಿ ತೆಕ್ಕೆಗೆ ಜಾರಿದೆ.

    ಹಾಗೆ ಆಡಿಯೋ ರೈಟ್ಸ್ ಖರೀದಿಸಿದ ಹಿಂದೆಯೇ ಸುದೀಪ್ ಬರ್ತ್ ಡೇ ಕೂಡಾ ಬಂದಿದೆ. ಸೆಪ್ಟೆಂಬರ್ 2ಕ್ಕೆ ಸುದೀಪ್ ಹುಟ್ಟುಹಬ್ಬ. ಅಭಿಮಾನಿಗಳ ಸೈನ್ಯವನ್ನು ಸುದೀಪ್ ಅಭಿಮಾನದಿಂದಲೇ ಕಟ್ಟಿಹಾಕಿದ್ದಾರೆ. ಅದ್ಧೂರಿತನಕ್ಕೆ ಬ್ರೇಕ್ ಹಾಕಿದ್ದಾರೆ. ಆದರೆ..  ಆ ದಿನ ವಿಕ್ರಾಂತ್ ರೋಣ ಚಿತ್ರತಂಡ ಹಬ್ಬವನ್ನಂತೂ ಮಾಡಲಿದೆ. ಸೆ.2ರಂದು ವಿಕ್ರಾಂತ್ ರೋಣ ಚಿತ್ರದ ಡೆತ್ ಮ್ಯಾನ್ ಆ್ಯಂಥಮ್ ಸಾಂಗ್ ರಿಲೀಸ್ ಆಗಲಿದೆ. ವಾಟ್ ಈಸ್ ದಿಸ್ ಎನ್ನುವಂತಿಲ್ಲ. ಡೈರೆಕ್ಟರ್ ಅನೂಪ್ ಭಂಡಾರಿ ಅವರಂತೂ ಈ ಬಾರಿ ಡಿಫರೆಂಟ್ ಗಿಫ್ಟ್‍ನ್ನು ಈ ಹಾಡಿನ ಮೂಲಕ ರೆಡಿ ಮಾಡಿಟ್ಟುಕೊಂಡಿದ್ದಾರೆ.

  • ವಿಕ್ರಾಂತ್ ರೋಣ ಡಬ್ಬಿಂಗ್`ನಲ್ಲಿ ಸುದೀಪ್ ಬ್ಯುಸಿ

    ವಿಕ್ರಾಂತ್ ರೋಣ ಡಬ್ಬಿಂಗ್`ನಲ್ಲಿ ಸುದೀಪ್ ಬ್ಯುಸಿ

    2021ರ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದಾದ ವಿಕ್ರಾಂತ್ ರೋಣ ಚಿತ್ರದ ಡಬ್ಬಿಂಗ್ ಶುರುವಾಗಿದೆ. ಸುದೀರ್ಘ ಅವಧಿಯ ಬಳಿಕ ಸಿನಿಮಾಗೆ ಧ್ವನಿ ನೀಡುತ್ತಿದ್ದೇನೆ. ಇದು ಹೊಸ ಅನುಭವದಂತೆ ಫೀಲ್ ಆಗುತ್ತಿದೆ. ಚಿತ್ರ ಅಂದುಕೊಂಡಂತೆಯೇ ಬರುತ್ತಿದೆ ಎನ್ನುವುದು ಖುಷಿಯ ವಿಚಾರ ಎಂದು ಡಬ್ಬಿಂಗ್ ಅನುಭವ ಹಂಚಿಕೊಂಡಿದ್ದಾರೆ ಕಿಚ್ಚ ಸುದೀಪ್.

    ಆಗಸ್ಟ್ 19ರಂದು ರಿಲೀಸ್ ಎಂದು ಘೋಷಿಸಿಕೊಂಡಿರುವ ವಿಕ್ರಾಂತ್ ರೋಣ, ಅದೇ ದಿನ ರಿಲೀಸ್ ಆಗುತ್ತದಾ..? ಇಲ್ಲವಾ..? ಎಂಬುದು ಗೊತ್ತಿಲ್ಲ. ಅನೂಪ್ ಭಂಡಾರಿ ನಿರ್ದೇಶನದ ವಿಕ್ರಾಂತ್ ರೋಣ ಚಿತ್ರ ಪ್ಯಾನ್ ಇಂಡಿಯಾ ಲೆವೆಲ್ಲಿನಲ್ಲಿ ರಿಲೀಸ್ ಆಗುತ್ತಿದೆ. ನಿರೂಪ್ ಭಂಡಾರಿ, ನೀತೂ ಅಶೋಕ್ ನಟಿಸಿರುವ ಚಿತ್ರಕ್ಕೆ ಜಾಕ್ ಮಂಜು ನಿರ್ಮಾಪಕ. ಚಿತ್ರ 2ಡಿ ಮತ್ತು 3ಡಿ ವರ್ಷನ್‍ನಲ್ಲಿ ಬರಲಿದೆ.

  • ವಿಲನ್ ಕ್ಯಾರೆಕ್ಟರ್ : ಕಿಚ್ಚನಿಗೆ ಹೊಸದಲ್ಲ.. ಚಾಲೆಂಜ್ ಆಗಲೇ ಗೆದ್ದಾಗಿದೆ..

    kiccha sudeep talks about the villain role in dabanng 3

    ಕಿಚ್ಚ ಸುದೀಪ್ ದಬಾಂಗ್ 3ಯಲ್ಲಿ ವಿಲನ್. ಸಲ್ಮಾನ್ ಖಾನ್ ಎದುರು ಖಳನಯಕನಾಗಿ ಅಬ್ಬರಿಸುತ್ತಿದ್ದಾರೆ. ಕನ್ನಡದಲ್ಲಿ ಇಷ್ಟು ದೊಡ್ಡ ಸ್ಟಾರ್ ಆಗಿ, ಬೇರೆ ಭಾಷೆಯಲ್ಲಿ ವಿಲನ್ ಆಗೋದೇಕೆ.. ಎನ್ನುವುದು ಹಲವರ ಪ್ರಶ್ನೆ. ಆದರೆ, ಅವುಗಳಿಗೆಲ್ಲ ಸುದೀಪ್ ಕೊಡುವ ಉತ್ತರವೇ ಬೇರೆ. ಒಬ್ಬ ಕಲಾವಿದ ಎಲ್ಲ ರೀತಿಯ ಪಾತ್ರಗಳನ್ನೂ ಮಾಡಬೇಕು ಅನ್ನೋದು ಅವರ ಮೊದಲ ವಾದ. ಎರಡನೆಯದು ತಮ್ಮೊಂದಿಗೆ ಕನ್ನಡವೂ ಅಲ್ಲಿಗೆ ತಲುಪಲಿದೆ ಎನ್ನುವ ದೂರಗಾಮಿ ಆಲೋಚನೆ.

    ಹಾಗೆ ನೋಡಿದರೆ ಸುದೀಪ್ ವಿಲನ್ ಅಥವಾ ನೆಗೆಟಿವ್ ಶೇಡ್ ಇರುವ ಪಾತ್ರ ಮಾಡಿರುವುದು ಇದೇ ಮೊದಲಲ್ಲ. ಸುದೀಪ್ ತಮ್ಮ ವೃತ್ತಿ ಜೀವನದ ಆರಂಭದ ದಿನಗಳಲ್ಲೇ ವಾಲಿ ಚಿತ್ರ ಮಾಡಿದ್ದರು. ತಮ್ಮನ ಪತ್ನಿಯನ್ನು ಮೋಹಿಸುವ ಅಣ್ಣನಾಗಿ ಎದೆ ಝಲ್ ಎನ್ನುವ ಅಭಿನಯ ನೀಡಿದ್ದರು.

    ಇನ್ನು ಸುದೀಪ್ ವೃತ್ತಿ ಜೀವನದ ಮೌಂಟ್ ಎವರೆಸ್ಟ್ ಈಗದಲ್ಲಿಯೂ ಅಷ್ಟೆ. ಆ ಚಿತ್ರದಲ್ಲಿ ಹೀರೋಗಿಂತ ಹೆಚ್ಚು ವಿಜೃಂಭಿಸಿದ್ದವರು ಸುದೀಪ್.

    ಹಿಂದಿಯಲ್ಲಿ ಸುದೀಪ್ ಕೇವಲ ವಿಲನ್ ಪಾತ್ರಗಳನ್ನಷ್ಟೇ ಮಾಡುತ್ತಿಲ್ಲ. ಬೇರೆ ರೀತಿಯ ಪಾಸಿಟಿವ್ ಪಾತ್ರಗಳನ್ನೂ ಆಯ್ಕೆ ಮಾಡಿಕೊಂಡಿದ್ದಾರೆ.

    ಈಗ ಸುದೀಪ್ ವಿಲನ್ ಆಗಿ ನಟಿಸಿರುವ ದಬಾಂಗ್ 3 ಬಾಕ್ಸಿಂಗ್ ಡೇಯಂದು ರಿಲೀಸ್ ಆಗುತ್ತಿದೆ. ಪ್ರಭುದೇವ ನಿರ್ದೇಶನ, ಸಲ್ಮಾನ್-ಸೋನಾಕ್ಷಿ ಸಿನ್ಹಾ ಅಭಿನಯದ ಚಿತ್ರದಲ್ಲಿ ಸುದೀಪ್ ವಿಲನ್.

  • ವಿಲನ್ ಚೆನ್ನಾಗಿಲ್ಲ ಎಂದವರಿಗೆ ಸುದೀಪ್ ಹೇಳಿದ್ದೇನು..?

    sudeep replies to people who disliked the villain

    ದಿ ವಿಲನ್. ರಾಜ್ಯಾದ್ಯಂತ ರಿಲೀಸ್ ಆಗಿ ಅಬ್ಬರಿಸಿ ಬೊಬ್ಬಿರಿಯುತ್ತಿದೆ. ಶಿವಣ್ಣ ಮತ್ತು ಸುದೀಪ್ ಅಭಿಮಾನಿಗಳಿಬ್ಬರೂ ಖುಷಿಯಾಗಿದ್ದಾರೆ. ತಾಯಿಯ ಸೆಂಟಿಮೆಂಟ್ ಪ್ಲೇ ಮಾಡಿರುವ ಜೋಗಿ ಪ್ರೇಮ್ ಗೆದ್ದುಬಿಟ್ಟಿದ್ದಾರೆ. ಸಿ.ಆರ್. ಮನೋಹರ್ ಮುಖದಲ್ಲಿ ಗೆಲುವಿನ ಸಂಭ್ರಮ. ಅಭಿಮಾನಿಗಳ ಶಿಳ್ಳೆ ಚಪ್ಪಾಳೆಯ ನಡುವೆ ವಿಲನ್ ಹ್ಯಾಪಿ ಹ್ಯಾಪಿ.

    ಹಾಗಂತ ಎಲ್ಲರೂ ಖುಷಿಯಾಗಿದ್ದಾರೆ ಎಂದರ್ಥವಲ್ಲ. ಇಡೀ ಸಿನಿಮಾ ಸ್ವಲ್ಪವೂ ಚೆನ್ನಗಿಲ್ಲ ಎಂದು ದೂರಿದವರೂ ಇದ್ದಾರೆ. ಅಂಥವರಿಗೆಲ್ಲ ಸುದೀಪ್ ಕೊಟ್ಟಿರೋ ಉತ್ತರ ಇದು.

    ಒಂದು ಹೋಟೆಲ್‍ಗೆ ಪ್ರತಿದಿನ ತುಂಬಾ ಜನ ಬರ್ತಾರೆ. ಕೆಲವರು ದೋಸೆ ಸರಿಯಿಲ್ಲ ಅಂತಾರೆ. ಇನ್ನೂ ಕೆಲವರು ಇಡ್ಲಿ ಸರಿಯಿಲ್ಲ ಅಂತಾರೆ. ಮತ್ತೂ ಕೆಲವರು ಚಟ್ನಿ ಸರಿಯಿಲ್ಲ ಅಂತಾರೆ. ಹಾಗೆ ಕಮೆಂಟ್ ಮಾಡುವವರ ಬಗ್ಗೆ ಹೋಟೆಲ್ ಮಾಲೀಕ ತಲೆಕೆಡಿಸಿಕೊಳ್ಳಲ್ಲ. ದಿನದ ಕೊನೆಗೆ ವ್ಯವಹಾರ ಎಷ್ಟಾಯ್ತು ಅಂತಾ ನೋಡ್ತಾನೆ. ಹಾಗೆ ಟೀಕಿಸುವವರು ಕೂಡಾ ಮತ್ತೊಮ್ಮೆ ಅದೇ ಹೋಟೆಲ್‍ಗೆ ಬರ್ತಾರೆ. ಹೀಗೆ ಹೇಳಿರುವ ಸುದೀಪ್, ಇದೇ ಚಿತ್ರದ ಬಗ್ಗೆ ಲಕ್ಷಾಂತರ ಜನ ನೋಡಿ ಥ್ರಿಲ್ಲಾಗಿರುವುದನ್ನು ಮರೆಯಬೇಡಿ. ಚಿತ್ರವನ್ನು ಮೆಚ್ಚಿಕೊಂಡಿರುವವರೇ ಹೆಚ್ಚು ಎಂದೂ ಹೇಳಿದ್ದಾರೆ.

  • ವಿಲನ್ ಬರೋದ್ಯಾವಾಗ..? ಚೌತಿಗೆ ಹೇಳ್ತಾರೆ

    the villain release date will be announced on ganesha festival

    ದಿ ವಿಲನ್. ಇಡೀ ಕನ್ನಡ ಚಿತ್ರರಂಗ, ಅಭಿಮಾನಿಗಳು ಕಾತುರದಿಂದ ಎದುರು ನೋಡುತ್ತಿರುವ ಸಿನಿಮಾ. ಶಿವರಾಜ್‍ಕುಮಾರ್, ಸುದೀಪ್ ಅಭಿಮಾನಿಗಳಂತೂ ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಈ ಕಾಯುವಿಕೆಗೆ ಗಣೇಶನ ಹಬ್ಬದ ದಿನ ಉತ್ತರ ಸಿಗಲಿದೆ. ಅಂದ್ರೆ, ಇನ್ನೇನಲ್ಲ, ಆ ದಿನ ಸಿನಿಮಾ ಬಿಡುಗಡೆ ಯಾವಾಗ ಅಂತಾ ಹೇಳ್ತಾರಂತೆ. ಅದನ್ನು ಹೇಳಿಕೊಂಡಿರೋದು ನಿರ್ದೇಶಕ ಪ್ರೇಮ್.

    ಸಿನಿಮಾ 2 ಗಂಟೆ, 55 ನಿಮಿಷ ಇದ್ಯಂತೆ. ಹಾಗಂತ ಸಿನಿಮಾ ಉದ್ದ ಅಂದ್ಕೋಬೇಡಿ. ಒಂದು ನಿಮಿಷವೂ ಸಿನಿಮಾ ಬೋರ್ ಹೊಡೆಸಲ್ಲ. ಫುಲ್ ಎಂಟರ್‍ಟೈನ್‍ಮೆಂಟ್ ಎಂದಿದ್ದಾರೆ ಪ್ರೇಮ್.

    ಸಿನಿಮಾದ ದೃಶ್ಯವೊಂದರಲ್ಲಿನ ಬ್ಲಡ್‍ಶೇಡ್ ಕಡಿಮೆ ಮಾಡಿ, ಒಂದ ಡೈಲಾಗ್‍ಗೆ ಮ್ಯೂಟ್ ಮಾಡಿಸಿ, ಯು/ಎ ಸರ್ಟಿಫಿಕೇಟ್ ಪಡೆದಿದ್ದೇವೆ. ಸಿನಿಮಾ ಸಂಪೂರ್ಣ ಸಿದ್ಧವಾಗಿದೆ. ಬಿಡುಗಡೆಗೆ ಸಿದ್ಧತೆಗಳು ನಡೆಯುತ್ತಿವೆ. ಗಣೇಶನ ಹಬ್ಬದ ದಿನ ಹೇಳ್ತೀವಿ ಅಂದಿದ್ದಾರೆ.

    ಗಣಪತಿ ಬಪ್ಪಾ ಮೋರಯಾ.. 

  • ವಿಲನ್ ಶೂಟಿಂಗ್ ಮುಗೀತು..!

    the villain shooting completed

    ಶಿವರಾಜ್‍ಕುಮಾರ್, ಸುದೀಪ್ ಕಾಂಬಿನೇಷನ್‍ನ ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಅದ್ದೂರಿ ಚಿತ್ರ ದಿ ವಿಲನ್ ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದೆ. ಹೆಚ್ಚೂ ಕಡಿಮೆ ಒಂದೂವರೆ ವರ್ಷ ಶೂಟಿಂಗ್ ನಡೆಸಲಾಗಿದೆ. ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದ್ದನ್ನು ಪ್ರೇಮ್ ಖುಷಿಯಿಂದ ಹೇಳಿಕೊಂಡಿದ್ದಾರೆ.

    ಚಿತ್ರಕ್ಕಾಗಿ 118 ದಿನಗಳ ಶೂಟಿಂಗ್ ಮಾಡಿದ್ದಾರೆ. ಅರಮನೆ ಮೈದಾನದಲ್ಲಿ ಕೊನೆಯ ದಿನದ ಶೂಟಿಂಗ್ ಮುಗಿಸಿದ ಪ್ರೇಮ್, ಶಿವಣ್ಣ ಡಾರ್ಲಿಂಗ್, ಸುದೀಪ್ ಹಾಗೂ ಆ್ಯಮಿ ಜಾಕ್ಸನ್‍ಗೆ ಧನ್ಯವಾದ ಹೇಳಿದ್ದಾರೆ. ಪ್ರೇಮ್ ಅವರನ್ನು ಫ್ಯಾಷನೇಟ್ ಡೈರೆಕ್ಟರ್ ಎಂದು ಹೊಗಳಿರುವ ಸುದೀಪ್, ಇಂಥಾದ್ದೊಂದು ಚಿತ್ರದಲ್ಲಿ ನಟಿಸಲು ಅವಕಾಶ ಕೊಟ್ಟಿದ್ದಕ್ಕೆ ಥ್ಯಾಂಕ್ಸ್ ಎಂದಿದ್ದಾರೆ.

    ಸಿನಿಮಾದ ಆಡಿಯೋ ಮುಂದಿನ ತಿಂಗಳು ರಿಲೀಸ್ ಆಗುವ ಸಾಧ್ಯತೆ ಇದೆ. ಸಿನಿಮಾ ಅಕ್ಟೋಬರ್‍ನಲ್ಲಿ ಬರಬಹುದು.

  • ವಿಲನ್‍ಗೆ ಟೀಂಗೆ ಈಗ ಆ್ಯಮಿಯೇ ವಿಲನ್..!

    prem disappointed over amy jackson

    ದಿ ವಿಲನ್ ಚಿತ್ರತಂಡ ಅದ್ಧೂರಿ ಬಿಡುಗಡೆಗೆ ಭರ್ಜರಿಯಾಗಿ ಸಿದ್ಧವಾಗುತ್ತಿರುವಾಗಲೇ, ಚಿತ್ರದ ನಾಯಕಿಯ ವಿರುದ್ಧ ಗರಂ ಆಗಿದ್ದಾರೆ ನಿರ್ದೇಶಕ ಜೋಗಿ ಪ್ರೇಮ್. ಕಾರಣ ಇಷ್ಟೆ, ಚಿತ್ರದ ಪ್ರಚಾರದಲ್ಲಿ ಆ್ಯಮಿ ಕಾಣಿಸಿಕೊಳ್ತಾನೇ ಇಲ್ಲ. ದುಬೈನಲ್ಲಿ ನಡೆದ ಆಡಿಯೋ ಬಿಡುಗಡೆ ಕಾರ್ಯಕ್ರಮವೊಂದನ್ನು ಬಿಟ್ಟರೆ, ಆ್ಯಮಿ ವಿಲನ್ ಪ್ರಚಾರದಿಂದ ದೂರವೇ ಉಳಿದಿದ್ದಾರೆ.

    ಆ್ಯಮಿ ಜಾಕ್ಸನ್, ಚಿತ್ರದ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ಆ ವಿಷಯದಲ್ಲಿ ನನಗೆ ಅವರ ಬಗ್ಗೆ ಗೌರವ ಇದೆ. ಆದ್ರೆ, ಸಿನಿಮಾ ಪ್ರಮೋಷನ್ ಬಗ್ಗೆ ತಲೆಕೆಡಿಸಿಕೊಳ್ತಿಲ್ಲ. ಪ್ರಚಾರದ ವಿಚಾರವಾಗಿ ಕಾಂಟ್ಯಾಕ್ಟ್ ಮಾಡಿದ್ರೆ, ಎಷ್ಟೋ ದಿನ ಆದ ಮೇಲೆ ಅಲ್ಲಿಂದ ರಿಯಾಕ್ಷನ್ ಬರುತ್ತೆ ಅನ್ನೋದು ಪ್ರೇಮ್ ಬೇಸರಕ್ಕೆ ಕಾರಣ.

    ಶಿವರಾಜ್‍ಕುಮಾರ್, ಸುದೀಪ್ ಕಾಂಬಿನೇಷನ್ ಎಂಬ ಕಾರಣಕ್ಕೆ ಇಡೀ ಚಿತ್ರರಂಗ, ಕೋಟ್ಯಂತರ ಕನ್ನಡಿಗರು ದಿ ವಿಲನ್ ಚಿತ್ರದ ಮೇಲೆ ಅಪಾರ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಸಿ.ಆರ್. ಮನೋಹರ್ ನಿರ್ಮಾಣದ ಬಹುಕೋಟಿ ವೆಚ್ಚದ ಸಿನಿಮಾ ಇದೇ ವಾರ ರಿಲೀಸ್ ಆಗುತ್ತಿದೆ.

  • ವಿಲನ್‍ಗೆ ಟೆರರಿಸ್ಟ್ ಚಾಲೆಂಜ್

    the terrorist release opposite the villain

    ದಿ ವಿಲನ್. ಶಿವರಾಜ್ ಕುಮಾರ್ ಮತ್ತು ಸುದೀಪ್ ಕಾಂಬಿನೇಷನ್‍ನ ಸಿನಿಮಾ. ಸಿ.ಆರ್.ಮನೋಹರ್ ನಿರ್ಮಾಣದ, ಜೋಗಿ ಪ್ರೇಮ್ ನಿರ್ದೇಶನದ ಚಿತ್ರಕ್ಕೆ ಹಲವಾರು ಸಿನಿಮಾಗಳು ದಾರಿ ಮಾಡಿಕೊಟ್ಟಿವೆ. ಆ ದಿನವೇ ರಾಗಿಣಿ ದ್ವಿವೇದಿ ಅಭಿನಯದ ದಿ ಟೆರರಿಸ್ಟ್ ಸಿನಿಮಾ ರಿಲೀಸ್ ಆಗುತ್ತಿದೆ.

    ನಾವು ಪ್ಲಾನ್ ಪ್ರಕಾರವೇ ಬರುತ್ತಿದ್ದೇವೆ. ಯಾವತ್ತೇ ರಿಲೀಸ್ ಮಾಡಿದ್ರೂ ಒಂದಲ್ಲ ಒಂದು ಸಿನಿಮಾ ಜೊತೆ ಸ್ಪರ್ಧೆ ಮಾಡಲೇಬೇಕು. ಅಕ್ಟೋಬರ್ 18 ಬಿಟ್ಟರೆ, ಮುಂದಿನ ದಿನಗಳಲ್ಲಿ ಸ್ಪರ್ಧೆ ಇನ್ನೂ ಹೆಚ್ಚಾಗಲಿದೆ. ಹೀಗಾಗಿ ಅಕ್ಟೋಬರ್ 18ಕ್ಕೆ ಸಿನಿಮಾ ರಿಲೀಸ್ ಮಾಡುತ್ತಿದ್ದೇವೆ ಎಂದಿದ್ದಾರೆ ನಿರ್ದೇಶಕ ಪಿ.ಸಿ.ಶೇಖರ್.

    ದಿ ಟೆರರಿಸ್ಟ್ ಸಿನಿಮಾ ಬೆಂಗಳೂರಿನಲ್ಲಿ ನಡೆಯುವ ಸ್ಫೋಟ, ಮುಸ್ಲಿಂ ಮಹಿಳೆಯೊಬ್ಬಳ ಕಥೆಯಾಗಿದ್ದು, ಯು ಸರ್ಟಿಫಿಕೇಟ್ ಪಡೆದಿರುವ ಚಿತ್ರ. 

  • ವಿಷ್ಣುವರ್ಧನ್ ರಾಷ್ಟ್ರೀಯ ಉತ್ಸವಕ್ಕೆ ಶುಭ ಕೋರಿದ ಕಿಚ್ಚ 

    sudeep

    ಆಗಸ್ಟ್ 27ರಂದು ನವದೆಹಲಿಯಲ್ಲಿ ಡಾ. ವಿಷ್ಣುವರ್ಧನ್ ರಾಷ್ಟ್ರೀಯ ಉತ್ಸವ ನಡೆಯುತ್ತಿದೆ. ದೇಶ ವಿದೇಶಗಳಿಂದ ನೂರಾರು ಅಭಿಮಾನಿಗಳು ಆ ಕಾರ್ಯಕ್ರಮಕ್ಕೆ ಆಗಮಿಸುತ್ತಿದ್ದಾರೆ. ಡಾ. ವಿಷ್ಣುವರ್ಧನ್ ಅವರ ಸಿನಿಮಾ, ಜೀವನ, ಕೊಡುಗೆ, ಅದರ್ಶಗಳ ಸ್ಮರಣೆ ನಡೆಯಲಿದೆ. ಚಿತ್ರರಂಗದ ಹಲವು ಕಲಾವಿದರು, ತಂತ್ರಜ್ಞರು ಆ ಕಾರ್ಯಕ್ರಮಕ್ಕೆ ತೆರಳುತ್ತಿರುವುದು ವಿಶೇಷ. ಕಾರ್ಯಕ್ರಮದಲ್ಲಿ ವಿಷ್ಣುವರ್ಧನ್ ಅವರ ಮೇಣದ ಪ್ರತಿಮೆಯೂ ಅನಾವರಣಗೊಳ್ಳಲಿದೆ. 

    ಈ ಕುರಿತು ಅಭಿಮಾನಿಯೊಬ್ಬರು ಮಾಡಿದ್ದ ಟ್ವೀಟ್​ಗೆ ಪ್ರತಿಕ್ರಿಯಿಸಿರುವ ಕಿಚ್ಚ ಸುದೀಪ್, ವಿಷ್ಣುವರ್ಧನ್ ನಮ್ಮ ಹೆಮ್ಮೆ. ನನ್ನ ಆದರ್ಶ. ವಿಷ್ಣು ರಾಷ್ಟ್ರೀಯ ಉತ್ಸವ ಯಶಸ್ವಿಯಾಗಲಿ ಎಂದು ಶುಭ ಹಾರೈಸಿದ್ದಾರೆ.

    Related Articles :-

    ರಾಷ್ಟ್ರ ರಾಜಧಾನಿಯಲ್ಲಿ ವಿಷ್ಣುವರ್ಧನ್

  • ಶಿವಣ್ಣ 124ನೇ ಚಿತ್ರಕ್ಕೆ ಕಿಚ್ಚ ಸುದೀಪ್ ಕ್ಲಾಪ್

    ಶಿವಣ್ಣ 124ನೇ ಚಿತ್ರಕ್ಕೆ ಕಿಚ್ಚ ಸುದೀಪ್ ಕ್ಲಾಪ್

    ಶಿವರಾಜ್ ಕುಮಾರ್ ಅವರ 124ನೇ ಸಿನಿಮಾ. ಟೈಟಲ್ `ನೀ ಸಿಗೋವರೆಗೂ..' ಟೈಟಲ್ ಕೊಟ್ಟಿದ್ದು ಸ್ವತಃ ಶಿವಣ್ಣ ಅವರೇ ಅಂತೆ. ರಾಮ್ ಧೂಲಿಪುಡಿ ನಿರ್ದೇಶನದ ಈ ಚಿತ್ರದಲ್ಲಿ ಮೆಹ್ರಿನ್ ಹೀರೋಯಿನ್. ಶಿವಣ್ಣನ ಚಿತ್ರಕ್ಕೆ ಕ್ಲಾಪ್ ಮಾಡಿದ್ದು ಕಿಚ್ಚ ಸುದೀಪ್.

    ನಾವು ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟಾಗ ಶಿವಣ್ಣ ನಮ್ಮ ಚಿತ್ರಕ್ಕೆ ಕ್ಲಾಪ್ ಮಾಡಿದರೆ, ಮುಹೂರ್ತಕ್ಕೆ ಬಂದರೆ ರೋಮಾಂಚನವಾಗುತ್ತಿತ್ತು. ಈಗ ಅವರ ಚಿತ್ರಕ್ಕೆ ಕ್ಲಾಪ್ ಮಾಡುತ್ತಿರುವುದು ಖುಷಿ ಕೊಡುತ್ತಿದೆ ಎಂದರು ಕಿಚ್ಚ ಸುದೀಪ್.

    ಇದೊಂದು ಲವ್ ಸ್ಟೋರಿ. ಆರ್ಮಿ ಆಫೀಸರ್ ಮತ್ತು ಲವ್ ಸ್ಟೋರಿ. ನನಗೆ ನಮ್ಮೂರ ಮಂದಾರ ಹೂವೆ, ಜನುಮದ ಜೋಡಿ ನೆನಪಾಗುತ್ತಿದೆ ಎಂದ ಶಿವಣ್ಣ ಇದು ನಮ್ಮೊಳಗೆ ಮತ್ತು ಹೊರಗೆ ನಡೆಯುವ ಎರಡು ಯುದ್ಧಗಳ ಕಥೆ ಎಂದರು.

    ಮುಹೂರ್ತದಲ್ಲಿ ನಾಯಕಿ ಮೆಹ್ರಿನ್ ಕೌರ್, ಗೀತಾ ಶಿವರಾಜ್ ಕುಮಾರ್, ರಾಮ್ ಧೂಲಿಪುಡಿ, ನಿರ್ಮಾಪಕರಾದ ನರಾಲ ಶ್ರೀನಿವಾಸ ರೆಡ್ಡಿ, ಸ್ವಾತಿ ವನಪಲ್ಲಿ, ಶ್ರೀಕಾಂತ್ ಧೂಲಿಪುಡಿ ಸೇರಿದಂತೆ ಆಲ್‍ಮೋಸ್ಟ್ ಫಿಲ್ಮ್ ಟೀಂ ಸೇರಿತ್ತು.

  • ಶಿವಣ್ಣ ಬೌಲಿಂಗ್.. ಕಿಚ್ಚ ಬ್ಯಾಟಿಂಗ್

    kcc 10 practice session

    ಕರ್ನಾಟಕ ಚಲನಚಿತ್ರ ಕ್ರಿಕೆಟ್ ಟೂರ್ನಿಗೆ ಕ್ಷಣಗಣನೆ ಶುರುವಾಗಿದೆ. ಕೆಸಿಸಿ-10 ನಾಳೆಯಿಂದ ಶುರುವಾಗಲಿದೆ. ಟೂರ್ನಿಗೆ ಪ್ರಾಕ್ಟೀಸ್ ನಡೆಯುತ್ತಿದ್ದು, 8 ತಂಡಗಳ ನಟರು ಪ್ರಾಕ್ಟೀಸ್ ಮಾಡುತ್ತಿದ್ದಾರೆ. 

    ಪ್ರಾಕ್ಟೀಸ್ ವೇಳೆ ಸುದೀಪ್‍ಗೆ ಶಿವರಾಜ್ ಕುಮಾರ್ ಬೌಲಿಂಗ್ ಮಾಡಿದ್ದು ವಿಶೇಷವಾಗಿತ್ತು. 

    ಅಂದಹಾಗೆ ಸುದೀಪ್ ಮತ್ತು ಶಿವರಾಜ್‍ಕುಮಾರ್ ಇಬ್ಬರೂ ತಮ್ಮ ಕಾಲೇಜು ದಿನಗಳಲ್ಲಿ ಕ್ರಿಕೆಟ್‍ನ್ನು ಇಷ್ಟಪಟ್ಟು ಆಡುತ್ತಿದ್ದವರು. ಸಿನಿಮಾಗೆ ಬಂದು ಸ್ಟಾರ್ ಆದ ಮೇಲೆ, ಇಂತಹ ವಿಶೇಷ ಟೂರ್ನಿಮೆಂಟ್‍ಗಳಲ್ಲಿ ಕ್ರಿಕೆಟ್ ಆಡಿ ಖುಷಿಪಡುತ್ತಾರೆ.

    ಸುದೀಪ್, ಶಿವರಾಜ್‍ಕುಮಾರ್, ಪುನೀತ್ ರಾಜ್‍ಕುಮಾರ್, ಯಶ್, ರಕ್ಷಿತ್ ಶೆಟ್ಟಿ, ದಿಗಂತ್ ಒಂದೊಂದು ತಂಡದ ನಾಯಕರಾಗಿದ್ದು, 10 ಓವರುಗಳ ಪಂದ್ಯ ನಡೆಯಲಿದೆ.

     

  • ಶಿವಣ್ಣದ ಫೇವರಿಟ್ ವಿಲನ್ ಡೈಲಾಗ್ ಯಾವ್ದು..?

    shivanna talks about his favourite the villain dialogue

    ದಿ ವಿಲನ್ ಚಿತ್ರ ಥಿಯೇಟರುಗಳಲ್ಲಿ ಅಬ್ಬರಿಸಿ ಬೊಬ್ಬಿರಿಯುತ್ತಿದ್ದರೆ, ವಿಲನ್ ತಂಡ ಸೆಲಬ್ರೇಷನ್‍ನಲ್ಲಿ ಮುಳುಗಿದೆ. ಚಿತ್ರದಲ್ಲಿ ಶಿವಣ್ಣನ ಫೇವರಿಟ್ ಡೈಲಾಗ್ ಯಾವ್ದು. ಶಿವಣ್ಣನ ಡೈಲಾಗ್ ಅಂದ್ಕೋಬೇಡಿ. ಶಿವಣ್ಣಂಗೆ ಸಿಕ್ಕಾಪಟ್ಟೆ ಇಷ್ಟ ಆಗಿರೋದು ಸುದೀಪ್ ಅವರು ಹೇಳೋ ಡೈಲಾಗ್.. ಓ..ಭ್ರಮೆ..

    ಮನೆಯಲ್ಲಿರೋವಾಗ, ವಾಕಿಂಗ್ ಮಾಡುವಾಗ..ಬೇರೆಯವರ ಜೊತೆ ಮಾತನಾಡುವಾಗ.. ಎಲ್ಲೆಲ್ಲೂ ಶಿವಣ್ಣ ಆ ಡೈಲಾಗ್ ಬಳಸ್ತಾನೇ ಇರ್ತಾರಂತೆ. ಅಷ್ಟರಮಟ್ಟಿಗೆ ಅದು ಇಷ್ಟವಾಗಿದೆ ಎಂದು ಹೇಳಿಕೊಂಡಿದ್ದಾರೆ ಶಿವಣ್ಣ. ಅದೂ ಬಿಗ್‍ಬಾಸ್ ಮನೆಯಲ್ಲಿ.

    ಬಿಗ್‍ಬಾಸ್ ಮನೆಗೆ ಅತಿಥಿಯಾಗಿ ಹೋಗಿದ್ದ ಶಿವರಾಜ್‍ಕುಮಾರ್, ಮುಂದಿನ ದಿನಗಳಲ್ಲಿ ಕೂಡಾ ಡೈರೆಕ್ಟರ್ ಪ್ರೇಮ್‍ಗೆ ಕಾಲ್‍ಶೀಟ್ ಕೊಡೋಕೆ ರೆಡಿ ಎಂದರು. ಪ್ರೇಮ್‍ಗೆ ತನ್ನ ತಪ್ಪನ್ನು ತಿದ್ದಿಕೊಳ್ಳೋ ಗುಣ ಇದೆ ಎಂದರು.

    ದಿ ವಿಲನ್ ಸಿನಿಮಾದ ನಿರ್ಮಾಪಕ ಸಿ.ಆರ್.ಮನೋಹರ್‍ಗೆ ಶಿವಣ್ಣ, ಸುದೀಪ್, ಪ್ರೇಮ್ ವಿಶೇಷ ಥ್ಯಾಂಕ್ಸ್ ಹೇಳಿದರು. ತೆಲುಗು ನಟ ಶ್ರೀಕಾಂತ್ ಕೂಡಾ ಸುದೀಪ್ ಅವರ ಆನೆ ಬಂತೊಂದಾನೆ ಡೈಲಾಗ್ ಹೇಳಿದ್ದು ಗಮನ ಸೆಳೆಯಿತು.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery