` kiccha sudeepa - chitraloka.com | Kannada Movie News, Reviews | Image

kiccha sudeepa

  • ದಿಗ್ಗಜರ ನಡುವೆ ಪೈಲ್ವಾನ್ ಸುದೀಪ್

    sudeep's phailwam photos

    ಪೈಲ್ವಾನ್.. ಸುದೀಪ್ ಬಾಕ್ಸರ್ ಆಗಿ ನಟಿಸುತ್ತಿರುವ ಚಿತ್ರ, ದಿನೇ ದಿನೇ ಕುತೂಹಲ ಹುಟ್ಟಿಸುತ್ತಿದೆ. ಚಿತ್ರದಲ್ಲಿ ಸುನಿಲ್ ಶೆಟ್ಟಿ ಕೂಡಾ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಕೃಷ್ಣ ನಿರ್ದೇಶನದ ಸಿನಿಮಾದಲ್ಲಿ ಸುದೀಪ್ ಅವರ ಪಾತ್ರ, ಚಿತ್ರದ ಕಥೆಯ ಕುರಿತು ನಿರೀಕ್ಷೆ ಹೆಚ್ಚುತ್ತಿದೆ.

    ಅದಕ್ಕೆ ಕಾರಣವಾಗಿರೋದು ಚಿತ್ರತಂಡದಿಂದ ಹೊರಬಿದ್ದ ಫೋಟೋಗಳು. ಮೊದಲು ಬಿಡುಗಡೆಯಾಗಿದ್ದ ಪೋಟೋದಲ್ಲಿ ಆಟೋರಾಜ ಶಂಕರ್‍ನಾಗ್ ಅಭಿಮಾನಿಗಳ ಬಳಗ ಅನ್ನೋ ಫೋಟೋ ಕಾಣಿಸಿಕೊಂಡಿತ್ತು. ಹಾಗಿದ್ದರೆ ಸುದೀಪ್ ಶಂಕ್ರಣ್ಣನ ಫ್ಯಾನ್ ಆಗಿರ್ತಾರೆ ಅನ್ನೋ ನಿರೀಕ್ಷೆ ಹುಟ್ಟಿಸಿತ್ತು. ಈಗ ಇನ್ನೊಂದು ಫೋಟೋ ಹೊರಬಿದ್ದಿದೆ.

    ಈ ಫೋಟೋದಲ್ಲಿ ಡಾ.ರಾಜ್, ವಿಷ್ಣು, ಅಂಬಿ, ರವಿಚಂದ್ರನ್, ಶಂಕರ್‍ನಾಗ್, ವಜ್ರಮುನಿ ಸೇರಿದಂತೆ ಕನ್ನಡ ಚಿತ್ರರಂಗದ ದಿಗ್ಗಜರ ಪೋಸ್ಟರ್‍ಗಳಿವೆ. ಆ ಪೋಸ್ಟರ್‍ಗಳ ಮುಂದೆ ನಿಂತು ಚಿತ್ರತಂಡದೊಂದಿಗೆ ಫೋಸ್ ಕೊಟ್ಟಿರೋದು ಕಿಚ್ಚ ಸುದೀಪ್.

    ಹಾಗಾದರೆ, ಚಿತ್ರದ ಕಥೆ, ಸುದೀಪ್ ಪಾತ್ರ ಹೇಗಿರಬಹುದು. ನಿಮ್ಮ ಊಹೆಗೆ ಬಿಟ್ಟಿದ್ದು.

  • ದೆವ್ವಗಳನ್ನೇ ಹೆದರಿಸುವ ಐಡಿಯಾಗೆ ಕಿಚ್ಚನ ಮೆಚ್ಚುಗೆ

    sudeep praises mane maratakkidhe

    ದೆವ್ವ ಎಂದರೆ ಮನುಷ್ಯರು ಹೆದರಬೇಕು, ಆದರೆ, ಮನೆ ಮಾರಾಟಕ್ಕಿದೆ ಚಿತ್ರದಲ್ಲಿ ಎಲ್ಲವೂ ಉಲ್ಟಾ. ಅಲ್ಲಿ ಆಗಾಗ್ಗೆ ದೆವ್ವಗಳನ್ನೇ ಮನುಷ್ಯರು ಹೆದರಿಸುವ ಕಥೆ, ಸನ್ನಿವೇಶಗಳಿವೆ. ಪ್ರೇಕ್ಷಕರಿಗೆ ಇಷ್ಟವಾಗಿರುವುದೇ ಅದು. ಕಿಚ್ಚ ಸುದೀಪ್ ಅವರಿಗೂ ಕೂಡಾ.

    ದೆವ್ವಗಳನ್ನೇ ಹೆದರಿಸುವ ಐಡಿಯಾ ಹೊಸದು. ಕುರಿ ಪ್ರತಾಪ್, ರವಿಶಂಕರ್ ಗೌಡ, ಸಾಧು ಕೋಕಿಲ, ಚಿಕ್ಕಣ್ಣ ಅಭಿನಯ ಅತ್ಯುತ್ತಮವಾಗಿದೆ. ಶ್ರುತಿ ಹರಿಹರನ್ ಅವರನ್ನಂತೂ ತೆರೆಯ ಮೇಲೆ ನೋಡುವುದೇ ಚೆಂದ ಎಂದು ಇಡೀ ಚಿತ್ರತಂಡವನ್ನೇ ಹೊಗಳಿದ್ದಾರೆ ಕಿಚ್ಚ ಸುದೀಪ್.

    ಸ್ವಲ್ಪ ಹೊತ್ತು ಸಿನಿಮಾ ನೋಡುತ್ತೇನೆ. ಇಷ್ಟವಾದರೆ ಮಾತ್ರ ಪೂರ್ತಿ ಸಿನಿಮಾ ನೋಡುತ್ತೇನೆ ಎಂದು ಷರತ್ತು ಹಾಕಿ ಕುಳಿತ ಸುದೀಪ್, ಇಡೀ ಚಿತ್ರ ನೋಡಿ, ಮೆಚ್ಚಿದ್ದಾರೆ. ನಿರ್ದೇಶಕ ಮಂಜು ಸ್ವರಾಜ್ ಅವರ ಬೆನ್ನು ತಟ್ಟಿದ್ದಾರೆ. ನಿರ್ಮಾಪಕ ಎಸ್.ವಿ.ಬಾಬು ಫುಲ್ ಹ್ಯಾಪಿ.

  • ದೇಸಾಯಿ ಉದ್ಘರ್ಷಕ್ಕೆ ಕಿಚ್ಚನ ಸ್ಪರ್ಶ

    sudeep dubs for desai's udgarsha trailer

    ಸುನೀಲ್ ಕುಮಾರ್ ದೇಸಾಯಿ, ಕಿಚ್ಚ ಸುದೀಪ್ ಅವರನ್ನು ಚಿತ್ರರಂಗ ಗುರುತಿಸುವಂತೆ ಮಾಡಿದ ನಿರ್ದೇಶಕ. ಸ್ಪರ್ಶ ಚಿತ್ರಕ್ಕೆ ಮುನ್ನ ಸುದೀಪ್ ನಟಿಸಿದ್ದರೂ, ಸುದೀಪ್ ಅವರೊಳಗೊಬ್ಬ ಅದ್ಭುತ ಕಲಾವಿದ ಇದ್ದಾನೆ ಎಂದು ಪರಿಚಯಿಸಿಕೊಟ್ಟವರು ದೇಸಾಯಿ. ದೇಸಾಯಿ ಅವರನ್ನು ಗುರುವಿನಂತೆ ಕಾಣುವ ಕಿಚ್ಚ ಸುದೀಪ್, ಈಗ ನ್ಯಾಷನಲ್ ಸ್ಟಾರ್.

    ಈಗ ದೇಸಾಯಿ ಅವರ ಪಂಚಭಾಷಾ ಸಿನಿಮಾಗೆ ಸುದೀಪ್ ಬಲ ತುಂಬಿದ್ದಾರೆ. ಉದ್ಘರ್ಷ ಚಿತ್ರದ ಟ್ರೇಲರ್‍ಗೆ ಧ್ವನಿ ನೀಡಿದ್ದಾರೆ ಸುದೀಪ್. ವಿಶೇಷವೆಂದರೆ, ಕನ್ನಡ ಅಷ್ಟೇ ಅಲ್ಲ, ತೆಲುಗು, ತಮಿಳು, ಮಲಯಾಳಂಗೂ ಸುದೀಪ್ ಅವರದ್ದೇ ಧ್ವನಿ ಇರಲಿದೆ. ಆರ್.ದೇವರಾಜ್ ನಿರ್ಮಾಣದ ಸಿನಿಮಾದಲ್ಲಿ ಕಬಾಲಿ ಖ್ಯಾತಿಯ ಧನ್ಸಿಕಾ, ಅನೂಪ್ ಸಿಂಗ್ ಠಾಕೂರ್, ತಾನ್ಯಾ ಹೋಪ್, ಕಬೀರ್ ಸಿಂಗ್, ಬಾಹುಬಲಿ ಪ್ರಭಾಕರ್ ಇದ್ದಾರೆ. ಅತಿಥಿ ಪಾತ್ರದಲ್ಲಿ ಹರ್ಷಿಕಾ ಪೂಣಚ್ಚ ಕಾಣಿಸಿಕೊಂಡಿದ್ದಾರೆ. 

  • ದೊಡ್ಡ ಸಿನಿಮಾ.. ದೊಡ್ಡ ಟಿಕೆಟ್ಟು..

    the villain movie on oct 18th

    ದಿ ವಿಲನ್ ಸಿನಿಮಾ ಮುಂದಿನ ವಾರ ರಿಲೀಸ್ ಆಗ್ತಿದೆ. ಈ ಚಿತ್ರ ನೋಡೋಕೆ ನೀವು ಥಿಯೇಟರ್‍ಗೆ ಹೋದರೆ ಮಾಮೂಲಿ ಬೆಲೆಗಿಂತ ಹೆಚ್ಚಿನ ಬೆಲೆ ಕೊಡಬೇಕು. ಹೇಗಿರುತ್ತೆ ದಿ ವಿಲನ್ ಚಿತ್ರದ ಟಿಕೆಟ್ ಬೆಲೆ..? ಇಲ್ಲಿದೆ ನೋಡಿ ವಿವರ.

    ಸಿಂಗಲ್ ಸ್ಕ್ರೀನ್ ಥಿಯೇಟರುಗಳಲ್ಲಿ - ಬಾಲ್ಕನಿ ದರ 50 ರೂ. ಏರಿಕೆ. ಸೆಕೆಂಡ್ ಕ್ಲಾಸ್ 18 ರೂ. ಏರಿಕೆ. ಹೀಗಾಗಿ ಬಾಲ್ಕನಿಗೆ 200 ರೂ. ಹಾಗೂ ಸೆಕೆಂಡ್ ಕ್ಲಾಸ್ ಟಿಕೆಟ್‍ಗೆ 118 ರೂ. ಕೊಡಬೇಕು. ಮಲ್ಟಿಪ್ಲೆಕ್ಸ್‍ಗಳಲ್ಲಿ ಟಿಕೆಟ್ ದರ - 400 ರೂ. ಇರಲಿದೆಯಂತೆ. 

    ಇಷ್ಟೆಲ್ಲ ಆಗಿಯೂ ಈ ದರ ಇರುವುದು ಆರಂಭದ 4 ದಿನ ಮಾತ್ರ. ನಂತರ ಟಿಕೆಟ್ ದರ ಹಳೆಯ ದರಕ್ಕೆ ಮರಳಲಿದೆ.

    ಪರಭಾಷೆಯ ಚಿತ್ರಗಳಿಗೆ ಸಡ್ಡು ಹೊಡೆಯಲೆಂದು ಕನ್ನಡದ ನಿರ್ಮಾಪಕರೊಬ್ಬರು ಅದ್ಧೂರಿಯಾಗಿ ಸಿನಿಮಾ ಮಾಡಿದಾಗ, ನಿರ್ಮಾಪಕರನ್ನೂ ಉಳಿಸಿಕೊಳ್ಳಬೇಕು. ಬೇರೆ ಭಾಷೆ ಚಿತ್ರಗಳಿಗೆ ದುಬಾರಿ ದರ ಕೊಟ್ಟು ಸಿನಿಮಾ ನೋಡುವ ಕನ್ನಡಿಗರು ಕನ್ನಡ ಸಿನಿಮಾವನ್ನೂ ನೋಡಿ ಪ್ರೋತ್ಸಾಹಿಸಲಿ ಎನ್ನುವುದು ವಿತರಕ ಜಾಕ್ ಮಂಜು ಮಾತು.

  • ನಟನ ಚತುರಾಧಿಪತಿ : ಕಿಚ್ಚನಿಗೆ ಹೆಬ್ಬುಲಿ ಹುಡ್ಗೀರ ಬಿರುದು

    kiccha gets new title from hebbuli hudgiru

    ಕಿಚ್ಚ, ಅಭಿನಯ ಚಕ್ರವರ್ತಿ ಸುದೀಪ್ ಈಗ ಅಭಿಮಾನಿಗಳ ಪಾಲಿಗೆ ಹೆಬ್ಬುಲಿ, ರನ್ನ, ಪೈಲ್ವಾನ್, ಮಾಣಿಕ್ಯ.. ಎಲ್ಲವೂ ಆಗಿದ್ದಾರೆ. ಈ ಎಲ್ಲದರ ಸಾಲಿಗೆ ಸೇರಿಕೊಂಡಿದೆ ಹೊಸ ಬಿರುದು. ಅದು ನಟನ ಚತುರಾಧಿಪತಿ.

    ಕಿಚ್ಚನಿಗೆ ಈ ಬಿರುದು ಕೊಟ್ಟಿರೋದು ಹುಡ್ಗೀರು. ಅದರಲ್ಲೂ ಹೆಬ್ಬುಲಿ ಹುಡ್ಗೀರು. ಕಿಚ್ಚನ ಮಹಿಳಾ ಅಭಿಮಾನಿ ಸಂಘವಿದು. ಇವರು ಕೊಟ್ಟಿರುವ ಬಿರುದು ನಟನ ಚತುರಾಧಿಪತಿ

  • ನಾಡಧ್ವಜಕ್ಕೆ ಪೈಲ್ವಾನ್ ನಮಸ್ಕಾರ - ಅಭಿಮಾನಿಗಳ ಜೈಕಾರ

    sudeep's gesture wins many hearts

    ರಾಜ್ಯಾದ್ಯಂತ ನವೆಂಬರ್ 1ರಂದು ರಾಜ್ಯೋತ್ಸವ ಸಂಭ್ರಮ. ಪೈಲ್ವಾನ್ ಚಿತ್ರದ ಶೂಟಿಂಗ್‍ಗಾಗಿ ಹೈದರಾಬಾದ್‍ನಲ್ಲಿರುವ ಕಿಚ್ಚ ಸುದೀಪ್ ಮತ್ತು ಪೈಲ್ವಾನ್ ಚಿತ್ರತಂಡ, ಅಲ್ಲಿಯೇ ಕನ್ನಡ ರಾಜ್ಯೋತ್ಸವವನ್ನು ಆಚರಿಸಿದೆ. ಚಿತ್ರೀಕರಣದ ಜಾಗದಲ್ಲೇ ಪೈಲ್ವಾನ್ ಚಿತ್ರತಂಡದ ಸದಸ್ಯರೆಲ್ಲ ಸೇರಿ, ಧ್ವಜಾರೋಹಣ ಮಾಡಿದ್ದಾರೆ. ತಾಯಿ ಭುವನೇಶ್ವರಿ ಭಾವಚಿತ್ರವನ್ನು ಪೂಜಿಸಿದ್ದಾರೆ.

    ಈ ಸಂದರ್ಭದಲ್ಲಿ ಸುದೀಪ್, ನಾಡಧ್ವಜದ ಎದುರು ಬರಿಗಾಲಿನಲ್ಲಿ ವಿನೀತರಾಗಿ ನಿಂತು ಕೈ ಮುಗಿಯುತ್ತಿರುವ ಫೋಟೋ ಅಭಿಮಾನಿಗಳ ಸಂಭ್ರಮಕ್ಕೆ ಕಾರಣವಾಗಿದೆ. 

  • ನಾನಿದ್ದೇನೆ.. ನಾನಿರುತ್ತೇನೆ.. - ಕಿಚ್ಚನ ಆ ಮಾತೇ ಪೈಲ್ವಾನ್ ನಿರ್ಮಾಪಕಿಯ ತಾಕತ್ತು

    sudeep is the ultimate power who stood with us says swapna krishna

    ಪೈಲ್ವಾನ್, ಕನ್ನಡದ ಅದ್ದೂರಿ ಸಿನಿಮಾ. ಮುಂದಿನ ವಾರ ಪ್ರಪಂಚದಾದ್ಯಂತ 5 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿರುವ ಸಿನಿಮಾ ಇದು. ಅದ್ದೂರಿ ಸಿನಿಮಾ.. ಅದ್ದೂರಿ ಬಜೆಟ್.. ಅದ್ದೂರಿ ತಾರಾಗಣ. ಚಿತ್ರಕ್ಕೆ ನಿರ್ಮಾಪಕಿ ಸ್ವಪ್ನಾ ಕೃಷ್ಣ. ನಿರ್ದೇಶಕ ಕೃಷ್ಣ.

    ಇಂಥಾದ್ದೊಂದು ದುಬಾರಿ ಬಜೆಟ್‍ನ ಚಿತ್ರಕ್ಕೆ ನಿರ್ಮಾಪಕಿಯಾಗುವ ಧೈರ್ಯ ಮಾಡಿದ್ದು ಹೇಗೆ..? ಎಂಬ ಪ್ರಶ್ನೆಯನ್ನು ಸ್ವಪ್ನಾ ಮುಂದಿಟ್ಟರೆ ಅವರ ಕೊಡುವ ಉತ್ತರ `ಸುದೀಪ್'.

    ನಿರ್ದೇಶಕ ಕೃಷ್ಣ, ಪೈಲ್ವಾನ್ ಕಥೆಯನ್ನು ಸುದೀಪ್ ಅವರಿಗೆ ಹೇಳಿದಾಗ ಮೊದಲು ಇದು ನನಗಲ್ಲ ಎಂದು ವಾಪಸ್ ಕಳಿಸಿದ್ದ ಸುದೀಪ್, ಮತ್ತೆ ಕೃಷ್ಣ ಅವರನ್ನು ಕರೆಸಿಕೊಂಡರಂತೆ. ಸ್ವಪ್ನಾ ಅವರು ಕೂಡಾ ಪತಿಯ ಜೊತೆಗಿದ್ದರು.

    `ಈ ಸಿನಿಮಾವನ್ನು ನಾನು ಮಾಡುತ್ತೇನೆ. ಆದರೆ, ಚಿತ್ರದಲ್ಲಿ ದೇಹಪ್ರದರ್ಶನದ ದೃಶ್ಯಗಳ ಚಿತ್ರೀಕರಣವನ್ನು ಕೊನೆಯಲ್ಲಿಟ್ಟುಕೊಳ್ಳಬೇಕು. ಅಷ್ಟು ಹೊತ್ತಿಗೆ ನಾನು ತಯಾರಾಗಿರುತ್ತೇನೆ' ಎಂದರಂತೆ ಸುದೀಪ್. ಓಕೆ ಎಂದ ನಂತರ ಸುದೀಪ್ ಹಾಕಿದ 2ನೇ ಕಂಡೀಷನ್ ನೀವೇ ಪ್ರೊಡ್ಯೂಸ್ ಮಾಡಬೇಕು ಅನ್ನೋದು.

    ಏನು ಮಾಡೋದು ಎಂಬ ಗೊಂದಲದಲ್ಲಿದ್ದ ಸ್ವಪ್ನಾ ಕೃಷ್ಣ ತಾವೂ ಒಂದು ಷರತ್ತು ಹಾಕಿದರು. ಜೊತೆಯಲ್ಲಿರುತ್ತೇನೆ ಎಂಬ ಧೈರ್ಯ ನೀಡಿದರೆ ರೆಡಿ ಎಂದರು. ನಾನಿದ್ದೇನೆ ಅನ್ನೋ ಮಾತು ಕೊಟ್ಟರು ಸುದೀಪ್. ಅದರಂತೆಯೇ ನಡೆದುಕೊಂಡರು ಕೂಡಾ.

    ಈಗ ಪೈಲ್ವಾನ್ ಸಿನಿಮಾ ರಿಲೀಸ್ ಆಗೋಕೆ ರೆಡಿಯಾಗಿ ನಿಂತಿದೆ. ಚಿತ್ರದ ಪ್ರತಿ ಹಂತದಲ್ಲೂ ಸುದೀಪ್ ಬೆನ್ನೆಲುಬಾಗಿದ್ದಾರೆ. ಅವರು ನೀಡಿದ ಧೈರ್ಯವೇ ಇಷ್ಟು ದೊಡ್ಡ ಚಿತ್ರಕ್ಕೆ ನಿರ್ಮಾಪಕಿಯಾಗಲು ಪ್ರೇರಣೆ ಎಂದಿದ್ದಾರೆ ಸ್ವಪ್ನಾ ಕೃಷ್ಣ.

    ಸ್ವಪ್ನಾ ಕೃಷ್ಣ ಅವರಿಗೆ ನಿರ್ಮಾಣ ಹೊಸದೇನಲ್ಲ. ಅವರ್ ಆರ್‍ಆರ್‍ಆರ್ ಪ್ರೊಡಕ್ಷನ್ಸ್‍ನಲ್ಲಿ ಸೀರಿಯಲ್ ನಿರ್ಮಾಣ ಮಾಡಿದ ಅನುಭವ ಇದೆ. ನಟಿಯಾಗಿದ್ದ ಅವರಿಗೆ ಸಿನಿಮಾ ಕೂಡಾ ಹೊಸದಲ್ಲ. ಆದರೆ ಇಷ್ಟು ದೊಡ್ಡ ಕ್ಯಾನ್‍ವಾಸ್‍ನ ಪೈಲ್ವಾನ್ ಹೊಸದು. ಸುದೀಪ್ ಜೊತೆಗಿದ್ದ ಕಾರಣ ಎಲ್ಲವೂ ಸಲೀಸಾಯ್ತು ಎನ್ನುತ್ತಾರೆ ಸ್ವಪ್ನಾ.

  • ನಾಳೆಯಿಂದ ಅಂಬಿ ನಿಂಗ್ ವಯಸ್ಸಾಯ್ತೋ..

    ambi ninge vaisaitho to release tomorrow in abroad

    ರೆಬಲ್‍ಸ್ಟಾರ್ ಅಂಬರೀಷ್ ಅಭಿನಯದ ಕೊನೆಯ ಚಿತ್ರ (ಕುರುಕ್ಷೇತ್ರ ಇನ್ನೂ ಬಿಡುಗಡೆಯಾಗಿಲ್ಲ) ಅಂಬಿ ನಿಂಗ್ ವಯಸ್ಸಾಯ್ತೋ.. ನಾಳೆ ವಿದೇಶಗಳಲ್ಲಿ ರಿಲೀಸ್ ಆಗುತ್ತಿದೆ. ಅಂಬರೀಷ್ ನಿಧನದ ಬೆನ್ನಲ್ಲೇ ಚಿತ್ರವನ್ನು ಮತ್ತೊಮ್ಮೆ ಬಿಡುಗಡೆ ಮಾಡೋದಾಗಿ ಹೇಳಿದ್ದ ನಿರ್ಮಾಪಕ ಜಾಕ್ ಮಂಜು, ವಿದೇಶಗಳಲ್ಲಿಯೇ ಚಿತ್ರ ಬಿಡುಗಡೆಗೆ ಮುಂದಾಗಿದ್ದಾರೆ. 

    ಕೆನಡಾದ ಅಟ್ಲಾಂಟಾ, ಮಿಲ್ಪಿಟಾಸ್, ಐರ್ಲೆಂಡ್,ಅಮೆರಿಕದ ಚಿಕಾಗೋ, ಡಲ್ಲಾಸ್ ಸೇರಿದಂತೆ ಹಲವು ಕಡೆಗಳಲ್ಲಿ ಸಿನಿಮಾ ರಿಲೀಸ್ ಆಗಲಿದೆ.ಸೀಟಲ್, ಸ್ಯಾಂಡಿಯಾಗೋ, ತಂಪಾ, ಲಾಸ್‍ಏಂಜಲೀಸ್, ಸ್ಯಾನ್‍ಜೋಸ್‍ಗಳಲ್ಲಿ ಬಿಡುಗಡೆ ಮಾಡುವ ಪ್ಲಾನ್ ಚಿತ್ರತಂಡಕ್ಕಿದೆ.

    ಇನ್ನೊಂದು ವಿಶೇಷವೆಂದರೆ, ಈ ಪ್ರದರ್ಶನದಿಂದ ಬರುವ ಸಂಪೂರ್ಣ ಲಾಭಾಂಶ ಅಂಬರೀಷ್ ನಿಧನರಾದ ದಿನವೇ ಮಂಡ್ಯದಲ್ಲಿನ ಕನಗನ ಮರಡಿ  ಬಸ್  ದುರಂತದಲ್ಲಿ ಮೃತಪಟ್ಟವರ ಕುಟುಂಬಗಳಿಗೆ ನೀಡಲು ಚಿತ್ರತಂಡ ನಿರ್ಧರಿಸಿದೆ.

  • ನಿರ್ದೇಶಕರಿಗೆ ಅಂಬಿಯೇ ಧೈರ್ಯ ತುಂಬಿದ್ದರು..!

    ambi talks about ambi ninge vaiaitho

    ಅಂಬಿ ನಿಂಗ್ ವಯಸ್ಸಾಯ್ತೋ ಚಿತ್ರದ ನಿರ್ದೇಶಕ ಗುರುದತ್ ಗಾಣಿಗ, ಅಂಬರೀಷ್‍ರ ವಯಸ್ಸಿನ ಅರ್ಧಕ್ಕಿಂತ ಚಿಕ್ಕ ವಯಸ್ಸಿನ ಹುಡುಗ. ಸುದೀಪ್ ಅಂಬರೀಷ್ ಬಳಿ `ಮಾಮ, ನನ್ನ ಬಳಿ ಒಬ್ಬ ಹುಡುಗ ಇದ್ದಾನೆ. ತುಂಭಾ ಟ್ಯಾಲೆಂಟೆಡ್ ಫೆಲೋ. ನೋಡಿದ್ರೆ ಚಿಕ್ಕ ಹುಡುಗನ ಥರಾ ಕಾಣ್ತಾನೆ. ಆದರೆ ಒಳ್ಳೆಯ ಕೆಲಸಗಾರ' ಎಂದು ಹೇಳಿ ಗುರುದತ್‍ನನ್ನು ಕಳಿಸಿಕೊಟ್ಟಿದ್ದರಂತೆ. ಮೇಲಿಂದ ಕೆಳಗೆ ನೋಡಿದ ಅಂಬರೀಷ್, ಇವನ್ಯಾರೋ.. ಒಳ್ಳೆ ಮಗು ಥರಾ ಇದ್ದಾನೆ. ಹೇಗಪ್ಪ ಎಂದುಕೊಂಡಿದ್ದರಂತೆ.

    ಮೊದಲನೇ ದಿನ ಸೆಟ್‍ಗೆ ಹೋದರೆ, ಏನಾದರೂ ಹೇಳಿಕೊಳ್ಳೋಕೂ ಹೆದರುತ್ತಿದ್ದ ಹುಡುಗನಿಗೆ ನಂತರ ಅಂಬರೀಷ್ ಅವರೇ ಧೈರ್ಯ ಹೇಳಿದ್ರಂತೆ. ಡೈರೆಕ್ಟರೇ.. ಹೆದರಿಕೊಳ್ಳಬೇಡಿ. ನಾನು ಹೊರಗೆ ಮಾತ್ರ ಅಂಬರೀಷ್. ಸೆಟ್‍ನಲ್ಲಿ ಡೈರೆಕ್ಟರ್ ಹೇಳಿದಂತೆ ಕೇಳುವ ನಟ ಅಷ್ಟೆ ಎಂದು ಧೈರ್ಯ ತುಂಬಿದರಂತೆ. ಅದಾದ ಮೇಲೆ ಸರಿ ಹೋಯ್ತು ಎಂದು ಹೇಳಿಕೊಂಡಿದ್ದಾರೆ ಅಂಬಿ. ಎಷ್ಟೆಂದರೂ ಪುಟ್ಟಣ್ಣ ಗರಡಿಯಲ್ಲಿ ಬೆಳೆದವರು. ನಿರ್ದೇಶಕರನ್ನು ಗೌರವಿಸುವ ಗುಣ, ಸಹಜವಾಗಿಯೇ ಬಂದಿದೆ.

    ಅಷ್ಟೇ ಅಲ್ಲ, ದಿಲೀಪ್ ರಾಜ್‍ಗೆ ಚಿತ್ರದಲ್ಲಿ ಅಂಬರೀಷ್‍ರನ್ನು ಬೈಯ್ಯುವ ದೃಶ್ಯಗಳಿವೆ. ಆ ದೃಶ್ಯಗಳನ್ನು ಮಾಡೋಕೆ ಹೆದರುತ್ತಿದ್ದ ದಿಲೀಪ್ ರಾಜ್‍ಗೆ `ನೀನು ಬೈತಿರೋದು ಅಂಬರೀಷ್‍ಗೆ ಅಲ್ಲ, ಸಿನಿಮಾದಲ್ಲಿರೋ ಅಂಬಿಯ ಪಾತ್ರಕ್ಕೆ' ಎಂದು ಹೇಳಿ ಧೈರ್ಯ ತುಂಬಿದರಂತೆ.

    ಹೀಗೆ ಕಿರಿಯರ ಜೊತೆ ಪ್ರೀತಿಯಿಂದ ಕೆಲಸ ಮಾಡಿಸಿ ತಂದಿರುವ ಸಿನಿಮಾ ಈಗ ಥಿಯೇಟರಿನಲ್ಲಿದೆ. ಜಾಕ್ ಮಂಜು ನಿರ್ಮಾಣದ ಚಿತ್ರದಲ್ಲಿ ಸುದೀಪ್ ನಿರ್ಮಾಪಕರೂ ಹೌದು. ಕಲಾವಿದರೂ ಹೌದು. ಶೃತಿ ಹರಿಹರನ್, ಯಂಗ್ ಸುಹಾಸಿನಿಯಾಗಿ ನಟಿಸಿದ್ದಾರೆ. 

    ನನ್ನ ವಯಸ್ಸಿಗೆ ತಕ್ಕಂತೆ ಕಥೆ, ಸ್ಕ್ರಿಪ್ಟ್ ಬಂದರೆ ನಟಿಸೋಕೆ ಸಿದ್ಧ ಎಂದಿರೋ ಅಂಬರೀಷ್, ಹೊಸ ಪ್ರತಿಭೆಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

  • ನಿರ್ಮಾಪಕರ ಪಾಲಿಗೆ ಹೀರೋ ಆಗ್ತಾನಾ ವಿಲನ್..?

    the villain demands more share from multiplex

    ದಿ ವಿಲನ್ ಚಿತ್ರ, ಕನ್ನಡ ಚಿತ್ರರಂಗದ ಎಲ್ಲ ನಿರ್ಮಾಪಕರ ಪಾಲಿಗೆ ಹೀರೋ ಆಗುತ್ತಾ..? ಅಂಥದ್ದೊಂದು ಚರ್ಚೆಗೆ ನಾಂದಿ ಹಾಡಿದೆ ವಿಲನ್ ಸಿನಿಮಾ. ದಿ ವಿಲನ್ ಚಿತ್ರ ಅಕ್ಟೋಬರ್ 18ಕ್ಕೆ ಬಿಡುಗಡೆಯಾಗುತ್ತಿದ್ದು, ಮಲ್ಟಿಪ್ಲೆಕ್ಸ್‍ಗಳು ಸಿನಿಮಾ ಲಾಭಾಂಶದ ಷೇರ್‍ನ್ನು 50:50 ಅನುಪಾತಕ್ಕಿಂತ ಹೆಚ್ಚು ಕೊಡುವಂತೆ ಚಿತ್ರ ತಂಡ ಫಿಲಂ ಚೇಂಬರ್‍ಗೆ ಮನವಿ ಮಾಡಿದೆ.

    ಈಗ ಇರುವ ನಿಯಮಗಳ ಪ್ರಕಾರ, ಮಲ್ಟಿಪ್ಲೆಕ್ಸ್‍ಗಳು ಸಿನಿಮಾ ಪ್ರದರ್ಶನದಿಂದ ಲಾಭದಲ್ಲಿ ನಿರ್ಮಾಪಕರಿಗೆ ಶೇ.50ರಷ್ಟು ಮೊತ್ತ ನೀಡಿ, ಉಳಿದ ಶೇ.50ರಷ್ಟನ್ನು ತಾವು ಪಡೆದುಕೊಳ್ಳುತ್ತಿವೆ. ಇರಿಂದ ದೊಡ್ಡ ದೊಡ್ಡ ಸಿನಿಮಾಗಳಿಗೆ ನಷ್ಟವೇ ಹೆಚ್ಚು ಅನ್ನುವುದು ದಿ ವಿಲನ್ ತಂಡದ ವಾದ. ಅಲ್ಲದೆ ಆಂಧ್ರಪ್ರದೇಶದಲ್ಲಿ ನಿರ್ಮಾಪಕರಿಗೆ ಶೇ.55 ಮತ್ತು ಮಲ್ಟಿಪ್ಲೆಕ್ಸ್‍ನವರಿಗೆ ಶೆ.45 ಲಾಭಾಂಶ ಹಂಚಿಕೆ ಸೂತ್ರವಿದೆ. ಕರ್ನಾಟಕದಲ್ಲಿ 60:40 ಹಂಚಿಕೆ ಸೂತ್ರ ಮಾಡುವಂತೆ ಚಿತ್ರತಂಡ ಮನವಿ ಮಾಡಿದೆ.

    ಈ ಕುರಿತು ಫಿಲಂ ಚೇಂಬರ್ ಅಧ್ಯಕ್ಷ ಚಿನ್ನೇಗೌಡ ಮಲ್ಟಿಪ್ಲೆಕ್ಸ್ ಮಾಲೀಕರೊಂದಿಗೆ ಸಭೆ ನಡೆಸಿದ್ದಾರೆ. ಮಲ್ಟಿಪ್ಲೆಕ್ಸ್ ಮಾಲೀಕರಿಂದಲೂ ಸಕಾರಾತ್ಮಕ ಪ್ರತಿಕ್ರಿಯೆ ಸಿಕ್ಕಿದೆ. ಸಭೆಯಲ್ಲಿ ನಿರ್ದೇಶಕ ಪ್ರೇಮ್, ನಿರ್ಮಾಪಕರು ಮತ್ತು ವಿತರಕರೂ ಆಗಿರುವ ಜಾಕ್ ಮಂಜು, ಜಯಣ್ಣ, ಕೆ.ಮಂಜು, ರಮೇಶ್ ಯಾದವ್, ಎನ್.ಕುಮಾರ್ ಮೊದಲಾದವರು ಭಾಗವಹಿಸಿದ್ದರು.

  • ನೇಪಾಳ, ಭೂತಾನ್‍ಗೂ ಪೈಲ್ವಾನ್..!

    pailwan to release in nepal and bhutan

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾ ಏಕಕಾಲಕ್ಕೆ ಇಂಡಿಯಾ ಹಾಗೂ ಹೊರದೇಶಗಳಲ್ಲಿ ರಿಲೀಸ್ ಆಗುತ್ತಿದೆ. ಈ ಬಾರಿಯ ವಿಶೇಷವೆಂದರೆ, ಪಕ್ಕದ ನೇಪಾಳ ಹಾಗೂ ಭೂತಾನ್‍ನಲ್ಲೂ ಸಿನಿಮಾ ರಿಲೀಸ್ ಆಗುತ್ತಿರುವುದು. ಇಡೀ ಉತ್ತರ ಭಾರತದ ಕನ್ನಡೇತರ ಪೈಲ್ವಾನ್ ಡಿಸ್ಟ್ರಿಬ್ಯೂಷನ್ ಹೊಣೆಯನ್ನು ಜೀ ಸ್ಟುಡಿಯೋಸ್ ಹೊತ್ತುಕೊಂಡಿದ್ದರೆ, ಕನ್ನಡದ ಪೈಲ್ವಾನ್ ವಿತರಣೆ ಹೊಣೆಯನ್ನು ಕೆಆರ್‍ಜಿ ಸ್ಟುಡಿಯೋಸ್ ನಿರ್ವಹಣೆ ಮಾಡುತ್ತಿದೆ. ಜೀ ಸ್ಟುಡಿಯೋಸ್‍ನವರೇ ಚಿತ್ರವನ್ನು ನೇಪಾಳ ಹಾಗೂ ಭೂತಾನ್‍ಗೆ ಒಯ್ಯುತ್ತಿದ್ದಾರೆ.

    `ನನ್ನ ಕುಟುಂಬ ಈಗ ಇನ್ನಷ್ಟು ದೊಡ್ಡದಾಗುತ್ತಿದೆ. ನಮ್ಮ ಸಿನಿಮಾದಲ್ಲಿ ಯೂನಿವರ್ಸಲ್ ಸಬ್ಜೆಕ್ಟ್ ಇದೆ. ಜವಾಬ್ದಾರಿಯೂ ಹೆಚ್ಚಿದೆ' ಎಂದು ಖುಷಿಯಾಗಿದ್ದಾರೆ ನಿರ್ದೇಶಕ ಕೃಷ್ಣ.

    ಪೈಲ್ವಾನ್ ಬಹುತೇಕ ಆಗಸ್ಟ್ 29ರಂದು ರಿಲೀಸ್ ಆಗುವ ಪ್ಲಾನ್ ಮಾಡಿಕೊಂಡಿದ್ದು, ಅಮೆರಿಕ, ಆಸ್ಟ್ರೇಲಿಯಾ, ಬ್ರಿಟನ್, ಸೌದಿ ರಾಷ್ಟ್ರಗಳು, ಆಫ್ರಿಕಾ.. ಹೀಗೆ ವಿದೇಶಗಳಲ್ಲಿಯೂ ತೆರೆ ಕಾಣಲಿದೆ.

  • ನೈಟಿ ಹಾಕ್ಕೊಬೇಡ ಮೇನಕ.. ಕಿಚ್ಚ ಹಾಡವ್ರೆ ರೆಡಿಯಾಗಿ ಕೇಳಲಿಕ್ಕ..

    sudeep to sing a song for krishna talkies

    ಕಿಚ್ಚ ಸುದೀಪ್ ಒಳ್ಳೆಯ ನಟ, ಅಡುಗೆ ಭಟ್ಟ ಅಷ್ಟೇ ಅಲ್ಲ, ಸಿಂಗರ್. ಗಿಟಾರ್ ವಾದಕ. ಈಗ ಕೃಷ್ಣ ಟಾಕೀಸ್ ಚಿತ್ರದಲ್ಲಿ ಹಾಡೊಂದನ್ನು ಹಾಡಲು ರೆಡಿಯಾಗಿದ್ದಾರೆ. `ನೈಟಿ ಮಾತ್ರ ಹಾಕ್ಕೊಬೇಡ ಮೇನಕ.. ನಮಗೆ ನೈಂಟಿ ಹೊಡದಂಗಾಗ್ತದೆ ಜೀವಕ.. ಅನ್ನೋ ಹಾಡಿದು.

    ಪ್ರಮೋದ್ ಮರವಂತೆ, ಅಭಿ ಎಸ್. ಬರೆದಿರುವ ಹಾಡಿದು. ಈಗಾಗಲೇ ಹಾಡಿನ ಶೂಟಿಂಗ್ ಆಗಿದೆ. ಸುದೀಪ್ ಕೂಡಾ ಶ್ರೀಧರ್ ಸಂಭ್ರಮ್ ಕಳಿಸಿದ್ದ ಹಾಡಿನ ಟ್ರಾö್ಯಕ್ ಕೇಳಿ ಇಷ್ಟಪಟ್ಟು ಹಾಡಲು ಓಕೆ ಎಂದಿದ್ದಾರೆ.

    ಕೃಷ್ಣ ಅಜೇಯ್ ರಾವ್, ಸಂಜನಾ ಆನಂದ್ ನಟಿಸುತ್ತಿರುವ ಚಿತ್ರಕ್ಕೆ ವಿಜಯ್ ಆನಂದ್ ನಿರ್ದೇಶಕ. ಗೋವಿಂದ ರಾಜು ನಿರ್ಮಾಪಕ.

  • ಪಟಾಕಿ ಪೋರಿಯೋ.. ಕೋಟಿಗೊಬ್ಬನ ಚಕೋರಿಯೋ..

    Kotgobba 3 'Pataki' Special

    ಪಟಾಕಿ ಪೋರಿಯೋ.. ನಾಟಿ ನಾಟಿ ಚೋರಿಯೋ.. ಡಬಲ್ ಬ್ಯಾರಲ್ ಕೋವಿಯೋ.. ಎಂದು ಬರೋ ಹಾಡು.. ಪಡ್ಡೆಗಳ ಎದೆಯೊಳಗೆ ಬುಲೆಟ್ಟ್ ಇಟ್ಟಂತಾಗಿಬಿಟ್ಟಿದೆ. ವಿಜಯ್ ಪ್ರಕಾಶ್ ಮತ್ತು ಅನುರಾಧಾ ಭಟ್ ಧ್ವನಿ, ಕಿಚ್ಚ ಸುದೀಪ್ ಮತ್ತು ಅಶಿಕಾ ರಂಗನಾಥ್ ಮೋಷನ್ ಫೋಟೋಗಳು, ಅರ್ಜುನ್ ಜನ್ಯಾರ ಕಿಕ್ಕು ಕೊಡೋ ಮ್ಯೂಸಿಕ್ಕಿನ.. ಉಪ್ಪು.. ಹುಳಿ.. ಖಾರ ಹೆಚ್ಚಿಸೋದು ಅನೂಪ್ ಭಂಡಾರಿಯವರ ಸಾಹಿತ್ಯ.

    ಸೂರಪ್ಪ ಬಾಬು ಪ್ರೊಡಕ್ಷನ್, ಶಿವ ಕಾರ್ತಿನ್ ಡೈರೆಕ್ಷನ್ ಇರೋ ಕೋಟಿಗೊಬ್ಬ 3 ಚಿತ್ರದ ಪೆಪ್ಪಿ ಸಾಂಗ್ ಇದು. ಈ ಚಿತ್ರದಲ್ಲಿ ಮಡೋನ್ನಾ ಸೆಬಾಸ್ಟಿಯನ್, ರವಿಶಂಕರ್, ಅಫ್ತಾಬ್ ಶಿವದಾಸನಿ, ಶ್ರದ್ಧಾ ದಾಸ್ ಪ್ರಮುಖ ಪಾತ್ರದಲ್ಲಿದ್ದಾರೆ.

  • ಪುನರ್ ಪರಿಶೀಲನಾ ಸೆನ್ಸಾರ್‍ಗೆ ದಿ ವಿಲನ್ 

    the villain goes to revising committeee

    ಶಿವರಾಜ್‍ಕುಮಾರ್ ಮತ್ತು ಕಿಚ್ಚ ಸುದೀಪ್ ಅಭಿನಯದ ದಿ ವಿಲನ್ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಎ ಸರ್ಟಿಫಿಕೇಟ್ ಪ್ರಮಾಣಪತ್ರ ನೀಡುತ್ತೇವೆ ಎಂದಿದ್ದಾರೆ. ಈ ಸರ್ಟಿಫಿಕೇಟ್ ಕೊಡೋಕೆ ಅವರು ನೀಡುತ್ತಿರುವ ಕಾರಣಗಳಿವೆ. ಚಿತ್ರದಲ್ಲಿ ಆ್ಯಕ್ಷನ್ ದೃಶ್ಯಗಳಿವೆ. ಭಾರತೀಯರು ಬ್ರಿಟಿಷರ ಬಗ್ಗೆ ಮಾತನಾಡುವ ಡೈಲಾಗ್‍ಗಳಿವೆ. ಅಂಡರ್‍ವಲ್ರ್ಡ್ ಸಬ್ಜೆಕ್ಟ್. ಹೀಗಾಗಿ ಎ ಪ್ರಮಾಣ ಪತ್ರ ಎನ್ನುತ್ತಿದ್ದಾರೆ ಸೆನ್ಸಾರ್ ಅಧಿಕಾರಿಗಳು.

    ನಾವು ಮಾಡಿರುವು ಫ್ಯಾಮಿಲಿ ಓರಿಯಂಟೆಡ್ ಕಮರ್ಷಿಯಲ್ ಸಿನಿಮಾ. ಚಿತ್ರದಲ್ಲಿ ಮದರ್ ಸೆಂಟಿಮೆಂಟ್ ಕೂಡಾ ಇದೆ. ಎ ಸರ್ಟಿಫಿಕೇಟ್ ಕೊಟ್ಟರೆ, ಮಲ್ಟಿಪ್ಲೆಕ್ಸ್‍ಗಳಲ್ಲಿ ಪ್ರಾಬ್ಲಂ ಆಗುತ್ತೆ. ಯು/ಎ ಪ್ರಮಾಣ ಪತ್ರವನ್ನಾದರೂ ಕೊಟ್ಟರೆ ಒಳ್ಳೆಯದು. ಹೀಗಾಗಿ ಚಿತ್ರವನ್ನು ರಿವೈಸಿಂಗ್ ಕಮಿಟಿಗೆ ಒಯ್ಯುವುದಾಗಿ ತಿಳಿಸಿದ್ದಾರೆ ನಿರ್ದೇಶಕ ಪ್ರೇಮ್.

    ಸಿ.ಆರ್.ಮನೋಹರ್ ನಿರ್ಮಾಣದ ಚಿತ್ರವನ್ನು ಗೌರಿಗಣೇಶ ಹಬ್ಬಕ್ಕೆ ಬಿಡುಗಡೆ ಮಾಡಲು ಸಿದ್ಧತೆ ನಡೆದಿದೆ. ರಿವೈಸಿಂಗ್ ಕಮಿಟಿ ನಿರ್ಧಾರ ಏನಾಗಲಿದೆಯೋ.. ಕಾಯಬೇಕಷ್ಟೆ.

  • ಪೈರಸಿಯಿಂದ ಪೈಲ್ವಾನ್ ಕಳೆದುಕೊಂಡಿದ್ದು 5 ಕೋಟಿಗೂ ಹೆಚ್ಚು..!

    pailwan looses more than 5 crores

    ಪೈಲ್ವಾನ್ ಚಿತ್ರ 100 ಕೋಟಿ ಕ್ಲಬ್ ಸೇರಿತಾ..? ಅಷ್ಟೊಂದು ಭರ್ಜರಿ ಪ್ರದರ್ಶನ ಕಾಣುತ್ತಿರೋ ಚಿತ್ರ ಈವರೆಗೆ ಗಳಿಸಿರೋ ಹಣ ಎಷ್ಟು..? ಹೀಗೆ ಪ್ರೇಕ್ಷಕರದ್ದು ಹತ್ತಾರು ಪ್ರಶ್ನೆ. ಪೈಲ್ವಾನ್ ನಿರ್ಮಾಪಕರು ಸೇಫ್ ಹಂತ ದಾಟಿ, ಲಾಭ ನೋಡುತ್ತಿದ್ದಾರೆ. ಒಂದು ಮೂಲದ ಪ್ರಕಾರ ಚಿತ್ರದ ಗಳಿಕೆ 85 ಕೋಟಿ ದಾಟಿದೆ. ಆದರೆ ಅಧಿಕೃತವಾಗಿ ಹೇಳಿಕೊಳ್ಳುತ್ತಿಲ್ಲ. ಇದು ಒಂದು ವಿಷಯವಾದರೆ, ಪೈರಸಿಯಿಂದಾಗಿ ಚಿತ್ರತಂಡ ಕಳೆದುಕೊಂಡಿರೋದು 5 ಕೋಟಿಗೂ ಹೆಚ್ಚು ಎನ್ನುವ ಸುದ್ದಿ ಬಹಿರಂಗವಾಗಿದೆ.

    ಒಬ್ಬ ಆರೋಪಿಯನ್ನು ಅರೆಸ್ಟ್ ಮಾಡಲಾಗಿದ್ದು, ಇನ್ನೂ ಹಲವು ಕ್ರಿಮಿನಲ್‍ಗಳ ಹುಡುಕಾಟ ನಡೆಯುತ್ತಿದೆ. ಸೋಷಿಯಲ್ ಮೀಡಿಯಾದಲ್ಲಿ ಏನು ಮಾಡಿದರೂ ಗೊತ್ತಾಗಲ್ಲ ಎಂದುಕೊಂಡಿದ್ದವರನ್ನು ಸುಮ್ಮನೆ ಬಿಡಲ್ಲ ಎಂದು ಸುದೀಪ್ ಗುಡುಗಿರುವುದಷ್ಟೇ ಅಲ್ಲ, ಸೀರಿಯಸ್ಸಾಗಿ ಹೆಜ್ಜೆಯಿಟ್ಟಿದ್ದಾರೆ.

    ಪ್ರತಿದಿನವೂ 100ಕ್ಕೂ ಹೆಚ್ಚು ಪೈರಟ್ ಸಿನಿಮಾ ಲಿಂಕ್ ಡಿಲೀಟ್ ಮಾಡುತ್ತಿರುವ ಚಿತ್ರತಂಡ, ಪೈರಸಿಯಿಂದಾಗಿಯೇ ಕಳೆದುಕೊಂಡಿರುವ ಮೊತ್ತ 5 ಕೋಟಿಗೂ ಹೆಚ್ಚು. ಇದರಿಂದಾಗಿ ಕೋಟಿ ಕೋಟಿ ಸುರಿದು ಸಿನಿಮಾ ನಿರ್ಮಿಸಿದ ನಿರ್ಮಾಪಕರಿಗೆ ಬರಬೇಕಾದ ಹಣ, ಎಲ್ಲೋ ಕತ್ತಲಲ್ಲಿ ಕುಳಿತು ಕದ್ದು ಸಿನಿಮಾ ಮಾಡಿದವನಿಗೆ ಹೋಗುತ್ತಿದೆ. ಇದುವರೆಗೆ ಹೆಚ್ಚೂ ಕಡಿಮೆ 1 ಸಾವಿರ ಪೈರಸಿ ಲಿಂಕ್ ಡಿಲೀಟ್ ಮಾಡಲಾಗಿದೆ.

  • ಪೈಲ್ವಾನ ಟ್ರೇಲರ್ ಪ್ರತಾಪ

    pailwan trailer creates sensation

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರದ ಟ್ರೇಲರ್ ಹೊರಬಿದ್ದಿದೆ. ಸುನಿಲ್ ಶೆಟ್ಟಿ, ಆಕಾಂಕ್ಷಾ ಸಿಂಗ್ ನಟಿಸಿರುವ ಚಿತ್ರಕ್ಕೆ ಗಜಕೇಸರಿ ಕೃಷ್ಣ ಅಲಿಯಾಸ್ ಹೆಬ್ಬುಲಿ ಕೃಷ್ಣ ಅಲಿಯಾಸ್ ಪೈಲ್ವಾನ್ ಕೃಷ್ಣ ನಿರ್ದೇಶಕ. ನಿರ್ಮಾಪಕಿ ಸ್ವಪ್ನಾ ಕೃಷ್ಣ. ಚಿತ್ರದ ಟ್ರೇಲರ್ ದೊಡ್ಡ ಹವಾ ಎಬ್ಬಿಸಿದೆ.

    ಬಲ ಇದೆ ಅಂತಾ ಹೊಡೆದಾಡೋನು ರೌಡಿ, ಬಲವಾದ ಕಾರಣಕ್ಕೆ ಹೊಡೆದಾಡೋದು ಯೋಧ ನಮ್ಮ ಕಿಚ್ಚ ಕಣಕ್ಕಿಳಿದ ಅಂದ್ರೆ ಸಿಂಹ ಸಾರ್ ಸಿಂಹ ನಾನು ಗೆಲ್ತೀನೋ.. ಇಲ್ವೋ ಗೊತ್ತಿಲ್ಲ. ಆದರೆ ಸೋಲನ್ನ ಅಷ್ಟು ಸುಲಭವಾಗಿ ಒಪ್ಪಿಕೊಳ್ಳಲ್ಲ ಟ್ರೇಲರ್‍ನಲ್ಲಿರೋ ಡೈಲಾಗ್‍ಗಳ ಸ್ಯಾಂಪಲ್ ಇವು. ಶಿಳ್ಳೆ ಹೊಡೆಯುವಂತಿವೆ. 

    ಸೆಪ್ಟೆಂಬರ್ 12ಕ್ಕೆ ಸಿನಿಮಾ ರಿಲೀಸ್ ಆಗುತ್ತಿದ್ದು, ಶರತ್ ಲೋಹಿತಾಶ್ವ, ಕಬೀರ್ ದುಹಾನ್ ಸಿಂಗ್, ಸುಶಾಂತ್ ಸಿಂಗ್ ಚಿತ್ರದ ಇನ್ನಿತರ ಪಾತ್ರಗಳಲ್ಲಿದ್ದಾರೆ. ಅರ್ಜುನ್ ಜನ್ಯಾ ಸಂಗೀತ ನೀಡಿದ್ದಾರೆ.

  • ಪೈಲ್ವಾನನ ಗರಡಿಯಲ್ಲಿ ಜೈ ಆಂಜನೇಯ

    phailwan sets in hyderabad

    ಕಿಚ್ಚ ಸುದೀಪ್, ಕೃಷ್ಣ ಕಾಂಬಿನೇಷನ್‍ನ ಪೈಲ್ವಾನ್ ಚಿತ್ರದ ಶೂಟಿಂಗ್ ಭರ್ಜರಿಯಾಗಿ ನಡೆಯುತ್ತಿದೆ. ಚಿತ್ರದ ಕುಸ್ತಿ ದೃಶ್ಯಗಳ ಶೂಟಿಂಗ್‍ಗೆಂದೇ 8 ಸೆಟ್ ಹಾಕಲಾಗಿದೆ. ಒಂದೊಂದು ಸೆಟ್ ಕೂಡಾ ಅದ್ಭುತ.. ಅದ್ಧೂರಿ.. 

    ಕುಸ್ತಿಯ ಅಖಾಡ, ಗರಡಿ ಮನೆಯ ಅಖಾಡ, ಆಂಜನೇಯದ ವಿಗ್ರಹ, ಅರಮನೆಯ ಎದುರಿನ ಅಖಾಡ, ಬಾಕ್ಸಿಂಗ್ ರಿಂಗ್.. ಹೀಗೆ ತರಹೇವಾರಿ ಸೆಟ್‍ಗಳು ಸಿದ್ಧವಾಗಿವೆ. ಸೆಟ್‍ಗಳನ್ನು ನೋಡುತ್ತಿದ್ದರೆ ಚಿತ್ರದ ದೃಶ್ಯಗಳು ಹೇಗಿರಬಹುದು ಎಂಬ ಕಲ್ಪನೆ ಪ್ರೇಕ್ಷಕರ ಕಣ್ಣೆದುರು ಸುಳಿದು ಹೋಗುವುದು ಖಂಡಿತಾ.

  • ಪೈಲ್ವಾನನ ಚೆಲುವೆಗೆ ಕಣ್ಣಲ್ಲೇ ಚಪ್ಪಾಳೆ ಹೊಡೆದ ಪ್ರೇಕ್ಷಕ..!

    pailwan heroine impresses audience

    ಪೈಲ್ವಾನ್ ಸಿನಿಮಾ ನೋಡಿದವರಿಗೆ ಸುದೀಪ್, ಸುನಿಲ್ ಶೆಟ್ಟಿ ಅಚ್ಚರಿ ಎನಿಸಿಲ್ಲ. ಕಾರಣ ಸಿಂಪಲ್, ಅವರು ಈಗಾಗಲೇ ತಮ್ಮ ಪ್ರತಿಭೆಯನ್ನು ಪ್ರೂವ್ ಮಾಡಿಕೊಂಡಿರುವವರು. ಅದ್ಭುತವಾಗಿ ನಟಿಸುತ್ತಾರೆ ಎಂಬ ಬಗ್ಗೆ ಯಾವ ಅನುಮಾನವೂ ಇರಲಿಲ್ಲ. ಆದರೆ, ಪ್ರೇಕ್ಷಕರು ಕಣ್ಣಲ್ಲೇ ಚಪ್ಪಾಳೆ ಹೊಡೆದಿರುವುದು ನಾಯಕಿ ಆಕಾಂಕ್ಷಾ ಸಿಂಗ್ ಅಭಿನಯ ಪ್ರತಿಭೆಗೆ.

    ಸೋಷಿಯಲ್ ಮೀಡಿಯಾದಲ್ಲಂತೂ ಪೈಲ್ವಾನ್ ಚಿತ್ರದ ಸರ್ಪ್ರೈಸ್ ಆಕಾಂಕ್ಷಾ ಎಂದು ಹೊಗಳಿಕೆಯ ಸುರಿಮಳೆ ಸುರಿಸಿದ್ದಾರೆ ಸಿನಿಮಾ ನೋಡಿದವರು. ಚಿತ್ರದ ' ಕಣ್ಣ ಮಣಿಯೇ, ಕಣ್ಣು ಹೊಡಿಯೇ', 'ಕಣ್ಣು ಚಪ್ಪಾಳೆ' ಹಾಡು ರಿಲೀಸ್ ಆದಾಗ ಮೆಚ್ಚಿದ್ದ ಪ್ರೇಕ್ಷಕರು, ಈಗ ಆಕೆಯ ಅಭಿನಯಕ್ಕೆ ಕಣ್ಣಲ್ಲೆ ಚಪ್ಪಾಳೆ ಹೊಡೆದಿದ್ದಾರೆ.

    ಆಕಾಂಕ್ಷಾ ಸಿಂಗ್ ಚಿತ್ರದಲ್ಲಿ ಗ್ಲಾಮರ್ ಮತ್ತು ಅಭಿನಯ ಎರಡರದಲ್ಲೂ ಸೈ ಎನಿಸಿಕೊಂಡಿದ್ದಾರೆ. ಅದೂ ಸುದೀಪ್ ಎದುರು. ಆಕಾಂಕ್ಷಾ ಪಂಜಾಬಿ ಬೆಡಗಿ. ಬದ್ರಿನಾಥ್ ಕಿ ದುಲ್ಹನಿಯಾ ಚಿತ್ರದಲ್ಲಿ ಪೋಷಕ ನಟಿಯಾಗಿದ್ದವರು, ತೆಲುಗಿನ ಮಲ್ಲಿ ರಾವಾ, ದೇವದಾಸ ಚಿತ್ರಗಳಲ್ಲಿ ನಾಯಕಿಯಾಗಿದ್ದವರು. ಮಿಕ್ಕಂತೆ ಆಕೆ ಕಿರುತೆರೆಯಲ್ಲಿ ಜನಪ್ರಿಯ ನಟಿ. ಪೈಲ್ವಾನ್ 4ನೇ ಸಿನಿಮಾ. 28 ವರ್ಷದ ಆಕಾಂಕ್ಷಾ ಅವರಿಗೆ ಮದುವೆಯೂ ಆಗಿದೆ. ಆದರೆ, ಪೈಲ್ವಾನ್ ಚಿತ್ರದಲ್ಲಿನ ಆಕೆಯ ಚೆಂದದ ಅಭಿನಯ ಮತ್ತು ಚೆಂದಕ್ಕೆ ಪ್ರೇಕ್ಷಕರು ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ.

     

  • ಪೈಲ್ವಾನನ ಶೂಟಿಂಗ್ ಶುರು

    phailwan shooting starts

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಸಿನಿಮಾದ ಶೂಟಿಂಗ್ ಶುರುವಾಗಿದೆ. ಚಿತ್ರದ ಶೂಟಿಂಗ್‍ನ ಒಂದಷ್ಟು ಫೋಟೋಗಳನ್ನು ಸ್ವತಃ ಕಿಚ್ಚ ಸುದೀಪ್ ಅಭಿಮಾನಿಗಳ ಮುಂದಿಟ್ಟಿದ್ದಾರೆ. ಫೋಟೋಗಳನ್ನು ನೋಡಿದ್ರೆ, ಸುದೀಪ್ ಚಿತ್ರದಲ್ಲಿ ಶಂಕರ್‍ನಾಗ್ ಅಭಿಮಾನಿಯಾಗಿರಬಹುದಾ ಅನ್ನೋ ಅನುಮಾನ ಬರೋದು ಸುಳ್ಳಲ್ಲ. ಏಕೆಂದರೆ ಆ ಬೋರ್ಡ್‍ನಲ್ಲಿ ಆಟೋರಾಜ ಶಂಕರ್‍ನಾಗ್ ಗೆಳೆಯರ ಬಳಗ ಅನ್ನೋ ಬೋರ್ಡ್ ಇದೆ. ಭುವನೇಶ್ವರಿ ನಗರದ ಅಡ್ರೆಸ್ ಇದೆ. ಉಳಿದದ್ದು ಸಿನಿಮಾ ನೋಡಿದ ಮೇಲೆ ಹೇಳಬೇಕು.

    ನಾಯಕಿಯಾಗಿ ಆಕಾಂಕ್ಷಾ ಸಿಂಗ್ ಎಂಬ ನಟಿ ನಟಿಸುತ್ತಿದ್ದಾರೆ. ನಾನು ಮೂಲತಃ ಮುಂಬೈನವಳು. ಕನ್ನಡದ ನಟರ ಬಗ್ಗೆ ಗೊತ್ತಿರಲಿಲ್ಲ. ಆದರೆ, ಸುದೀಪ್ ಬಗ್ಗೆ ತಿಳಿದ ಮೇಲೆ ಖುಷಿಯಾಯಿತು. ಅವರಿಂದ ಕಲಿಯುವುದು ತುಂಬಾ ಇದೆ ಎಂದು ಹೇಳಿಕೊಂಡಿದ್ದಾರೆ ಆಕಾಂಕ್ಷಾ. ನಮ್ಮಂತಹವರ ಕೆರಿಯರ್‍ಗೆ ಸುದೀಪ್ ಅವರ ಜೊತೆ ನಟಿಸುವುದರಿಂದ ಪ್ಲಸ್ ಆಗುತ್ತೆ ಎಂದು ಹೇಳಿಕೊಂಡಿದ್ದಾರೆ ಆಕಾಂಕ್ಷಾ.

  • ಪೈಲ್ವಾನನಿಗೆ ಆಕಾಂಕ್ಷಾ ಜೋಡಿ

    phialwan gets his heroine

    ಕಿಚ್ಚ ಸುದೀಪ್ ಅಲ್ಲಲ್ಲ ಪೈಲ್ವಾನ್ ಸುದೀಪ್‍ಗೆ ತಕ್ಕ ಜೋಡಿ ಕೊನೆಗೂ ಸಿಕ್ಕಾಗಿದೆ. ರಾಜಸ್ಥಾನ ಮೂಲದ ಆಕಾಂಕ್ಷಾ ಸಿಂಗ್ ಎಂಬ ಸುಂದರಿ, ಕಿಚ್ಚನಿಗೆ ಜೊತೆಗಾತಿಯಾಗಿದ್ದಾರೆ. ಮುಂಬೈನಲ್ಲಿ ನೆಲೆಸಿರುವ ಆಕಾಂಕ್ಷಾ ವೃತ್ತಿಯಲ್ಲಿ ಮಾಡೆಲ್. ಈಗಾಗಲೇ ಕೆಲವು ಹಿಂದಿ ಹಾಗೂ ತೆಲುಗು ಚಿತ್ರಗಳಲ್ಲಿ ನಟಿಸಿದ್ದಾರೆ. ಪೈಲ್ವಾನ್ ಚಿತ್ರದ ಮೂಲಕ ಕನ್ನಡಕ್ಕೆ ಬರುತ್ತಿದ್ದಾರೆ.

    ಹಿಂದಿಯಲ್ಲಿ ಬದ್ರಿನಾಥ್ ಕಿ ದುಲ್ಹನಿಯಾ ಚಿತ್ರದಲ್ಲಿ ಅಲಿಯಾ ಭಟ್ ಗೆಳತಿಯಾಗಿ, ತೆಲುಗಿನ ಮಳ್ಳಿರಾವ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಹಿಂದಿಯಲ್ಲಿ ನಾ ಬೋಲೇ ತುಮ್ ನ ಮೈನೇ ಕುಚ್ ಕಹಾ ಧಾರಾವಾಹಿ ಮೂಲಕ ತೆರೆಗೆ ಬಂದ ಆಕಾಂಕ್ಷಾ ಕೆಲವು ರಿಯಾಲಿಟಿ ಶೋಗಳಲ್ಲೂ ಮಿಂಚಿದ್ದಾರೆ. ಈಗ ಪೈಲ್ವಾನನಿಗೆ ಜೊತೆಯಾಗಲು ಕನ್ನಡಕ್ಕೆ ಬರುತ್ತಿದ್ದಾರೆ.

    ಆಕಾಂಕ್ಷಾ ಅವರನ್ನು ಅಡಿಷನ್ ಮೂಲಕ ಆಯ್ಕೆ ಮಾಡಿದ್ದೇವೆ. ನಮ್ಮ ಚಿತ್ರದ ಪಾತ್ರಕ್ಕೆ ಹೊಂದಿಕೆಯಾಗುತ್ತಾರೆ ಎಂಬ ನಂಬಿಕೆ ನಮಗಿದೆ ಎಂದು ತಿಳಿಸಿದ್ದಾರೆ ನಿರ್ದೇಶಕ ಕೃಷ್ಣ.

     

     

     

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery