` kiccha sudeepa - chitraloka.com | Kannada Movie News, Reviews | Image

kiccha sudeepa

  • ಪೈಲ್ವಾನ್ ಫ್ಯಾನ್ಸ್ ಅಬ್ಬರಕ್ಕೆ ಥಿಯೇಟರೇ ನಾಪತ್ತೆ..!

    pailwan movie craze, flex and hoardings cover theaters

    ಕಿಚ್ಚ ಸುದೀಪ್ ಬಾಕ್ಸರ್ ಮತ್ತು ಕುಸ್ತಿ ಪಟುವಾಗಿ ನಟಿಸಿರುವ ಪೈಲ್ವಾನ್ ರಿಲೀಸ್ ಆಗುತ್ತಿದೆ. ಅದೂ 5 ಭಾಷೆಗಳಲ್ಲಿ.. 4000ಕ್ಕೂ ಹೆಚ್ಚು ಸ್ಕ್ರೀನ್‍ಗಳಲ್ಲಿ. ಸುದೀರ್ಘ ಗ್ಯಾಪ್ ನಂತರ ಬರುತ್ತಿರುವುದಕ್ಕೋ ಏನೋ.. ಅಭಿಮಾನಿಗಳ ಉತ್ಸಾಹ ಈ ಬಾರಿ ಮೇರೆ ಮೀರಿದೆ. ಸಂಭ್ರಮಕ್ಕೆ ಎಣೆಯೂ ಇಲ್ಲ.. ಮಿತಿಯೂ ಇಲ್ಲ.

    ರಾಜ್ಯದ ಹಲವು ಥಿಯೇಟರುಗಳಲ್ಲಿ ಅಭಿಮಾನಿಗಳು ವಾರಕ್ಕೆ ಮೊದಲೇ ಅಲಂಕಾರ ಆರಂಭಿಸಿದ್ದಾರೆ. ಕಟೌಟು, ಬ್ಯಾನರು, ಹಾರ, ಪೋಸ್ಟರು ಹಾಕಿದ್ದಾರೆ. ಎಷ್ಟರ ಮಟ್ಟಿಗೆ ಎಂದರೆ ಹಲವು ಥಿಯೇಟರುಗಳಲ್ಲಿ ಥಿಯೇಟರುಗಳ ಬೋರ್ಡು ಕೂಡಾ ಕಾಣುತ್ತಿಲ್ಲ. ಇದು ಥಿಯೇಟರ್ ಎಂದು ಗೊತ್ತಾಗುವುದು ಅದನ್ನು ಮುಚ್ಚಿರುವ ಪೋಸ್ಟರ್‍ಗಳಿಂದಲೇ.  ಕೃಷ್ಣ ನಿರ್ದೇಶನದ ಚಿತ್ರ ಪೈಲ್ವಾನ್ ಹಬ್ಬವಾಗುತ್ತಿದೆ.

  • ಪೈಲ್ವಾನ್ ಬಜೆಟ್ 45 ಕೋಟಿ..!

    what is pailwan movie budget

    ಕಿಚ್ಚ ಸುದೀಪ್ ತಮ್ಮ ಪೈಲ್ವಾನ್ ಚಿತ್ರದ ಬಜೆಟ್ ಸೀಕ್ರೆಟ್ ಹೊರಹಾಕಿದ್ದಾರೆ. ಅಷ್ಟೇ ಅಲ್ಲ, ತಮ್ಮ ಚಿತ್ರದ ಪೋಸ್ಟರ್, ಫೋಟೋ ಗ್ರಾಫಿಕ್ಸ್ ಸೃಷ್ಟಿ ಎನ್ನುವವರಿಗೂ ಉತ್ತರ ಕೊಟ್ಟಿದ್ದಾರೆ. ಚಿತ್ರದ ಕೆಲವು ಫೋಟೋಗಳನ್ನು ರಿಲೀಸ್ ಮಾಡಿರುವ ಪೈಲ್ವಾನ್ ಚಿತ್ರತಂಡ, ಸುದೀಪ್ ಅವರ ಡೆಡಿಕೇಷನ್ ಏನು ಅನ್ನೋದನ್ನು ಹೇಳಿಕೊಂಡಿದೆ. ಇದನ್ನೂ ಮೀರಿ ಟೀಕೆ ಮಾಡುವವರಿಗೆ ಉತ್ತರ ಕೊಡುವ ಅಗತ್ಯವಿಲ್ಲ ಎಂಬ ಸಂದೇಶವನ್ನೂ ಕೊಟ್ಟಿದೆ ಪೈಲ್ವಾನ್ ಟೀಂ.

    ಅಂದಹಾಗೆ ಕೃಷ್ಣ ನಿರ್ದೇಶನದ ಪೈಲ್ವಾನ್ ಚಿತ್ರದ ಬಜೆಟ್ 45 ಕೋಟಿಯಂತೆ. ಚಿತ್ರ ಫೆಬ್ರವರಿಯಲ್ಲಿ ತೆರೆಗೆ ಬರಲಿದ್ದು, ಈಗಾಗಲೇ 9 ಭಾಷೆಗಳಿಂದ ಚಿತ್ರಕ್ಕೆ 30 ಕೋಟಿ ಡಿಮ್ಯಾಂಡ್ ಬಂದಿದೆಯಂತೆ. ಪೈಲ್ವಾನ್ ಸಿನಿಮಾ, ತೆಲುಗು, ತಮಿಳು, ಮರಾಠಿ, ಬೆಂಗಾಳಿ, ಪಂಜಾಬಿ, ಭೋಜ್‍ಪುರಿಯಲ್ಲೂ ತೆರೆ ಕಾಣುತ್ತಿದೆ. 

  • ಪೈಲ್ವಾನ್ ಮೈಕಟ್ಟು.. ಆ ಬಾಯ್ ಫ್ರೆಂಡ್‍ಗೆ ಆಪತ್ತು..!

    interesting sory of husband and wife after watching pailwan

    ಪೈಲ್ವಾನ್ ಚಿತ್ರದಲ್ಲಿ ಎಲ್ಲರ ಕಣ್ಣು ಕುಕ್ಕಿರುವುದು ಸುದೀಪ್ ಅವರ ಮೈಕಟ್ಟು. ಪೈಲ್ವಾನ್‍ಗೆ ತಕ್ಕಂತೆ ಬಾಡಿ ಶೇಪ್ ಮಾಡಿಕೊಂಡಿರುವ ಸುದೀಪ್, ಅಭಿಮಾನಿಗಳ ಚಪ್ಪಾಳೆ ಗಿಟ್ಟಿಸಿದ್ದಾರೆ. ಕೃಷ್ಣ, ಸ್ವಪ್ನಾ ಕೃಷ್ಣ ಎಲ್ಲರೂ ಥ್ರಿಲ್ಲಾಗಿದ್ದಾರೆ. ಆದರೆ ಇಲ್ಲೊಬ್ಬ ಸ್ವತಃ ಸುದೀಪ್ ಅಭಿಮಾನಿಯಾಗಿರೋ ಯುವಕನೊಬ್ಬ ಯಾಕಪ್ಪಾ.. ಸುದೀಪಣ್ಣ ಹಿಂಗೆಲ್ಲ ಬಾಡಿ ಬಿಲ್ಡ್ ಮಾಡ್ಕೋಬೇಕಿತ್ತು ಅಂತಾ ಕಣ್ಣೀರು ಹಾಕ್ತಿದ್ದಾನೆ.

    ಸಿನಿಮಾ ನೋಡಿಕೊಂಡು ಮನೆಗೆ ಬಂದು ಹೆಂಡತಿಗೆ ಕಣ್ಣ ಮಣಿಯೇ.. ಕಣ್ಣು ಹೊಡೆಯೇ.. ಎಂದು ಹಾಡಲು ಹೋದವನಿಗೆ ಆತನ ಹೆಂಡತಿ.. ನೋಡಿ..ಆ ಸಿನಿಮಾಗಾಗಿ ಸುದೀಪ್ ಅದೆಷ್ಟು ವರ್ಕೌಟ್ ಮಾಡಿದ್ದಾರೆ. ಅವರು ಸಿನಿಮಾಗಾಗಿ ಅಷ್ಟೆಲ್ಲ ಕಷ್ಟಪಟ್ಟಿದ್ದಾರೆ. ನೀವು ಇದ್ದೀರ.. ಒಂದಿನವಾದ್ರೂ ಬೇಗ ಎದ್ದು ಜಾಗಿಂಗ್ ಮಾಡಿ, ವ್ಯಾಯಾಮ ಮಾಡ್ತೀರ. ದಿನಾ 10 ಗಂಟೆ ಗೊರಕೆ ಹೊಡ್ಕೊಂಡು ನಿದ್ದೆ ಮಾಡ್ತೀರಿ ಎಂದು ಸ್ವಾಟೆ ತಿವಿದಿದ್ದಾಳೆ. ಕಿಚ್ಚನ ಅಭಿಮಾನಿಯೊಬ್ಬ ತನ್ನ ಸ್ಟೇಟಸ್‍ನಲ್ಲಿ ಇದನ್ನು ಹಾಕಿಕೊಂಡು ಪ್ರತಿದಿನ ವ್ಯಾಯಾಮ ಮಾಡ್ತೀನಿ ಅಂತಾ ಪ್ರತಿಜ್ಞೆ ಮಾಡಿದ್ದಾನೆ.

  • ಪೈಲ್ವಾನ್ ರಿಲೀಸ್ ಮುಂದೆ ಹೋಗೋಕೆ ಕಾರಣ ಇಲ್ಲಿವೆ

    reasons why pailwan release got postponed

    ಈ ಮೊದಲು ಘೋಷಣೆ ಮಾಡಿದ್ದಂತೆ ಪೈಲ್ವಾನ್ ಸಿನಿಮಾ ಆಗಸ್ಟ್ 29ಕ್ಕೆ ರಿಲೀಸ್ ಆಗಬೇಕಿತ್ತು. ಆದರೆ ಈಗ ಸೆಪ್ಟೆಂಬರ್ 12ಕ್ಕೆ ಮುಂದೂಡಲ್ಪಟ್ಟಿದೆ. ಜುಲೈ 27ಕ್ಕೆ ಪ್ಲಾನ್ ಮಾಡಿಕೊಂಡಿದ್ದಂತೆ ಆಡಿಯೋ ರಿಲೀಸ್ ಕೂಡ ಆಗುತ್ತಿಲ್ಲ. ಅದೂ ಕೂಡಾ ಆಗಸ್ಟ್‍ಗೆ ಮುಂದೂಡಲ್ಪಟ್ಟಿದೆ. ಇದೆಲ್ಲದಕ್ಕೂ ಕಾರಣಗಳಿವೆ.

    ಮೊದಲನೆಯ ಕಾರಣ ಪ್ರಭಾಸ್ ಅಭಿಯನಯದ ಸಾಹೋ ರಿಲೀಸ್. ಸಾಹೋ ಆಗಸ್ಟ್ 15ಕ್ಕೆ ಬರಬೇಕಿತ್ತು. ಬದಲಿಗೆ 2 ವಾರ ಮುಂದಕ್ಕೆ ಹೋಯ್ತು. ಇದರಿಂದಾಗಿ ಪೈಲ್ವಾನ್ ರಿಲೀಸ್‍ಗೆ ದೊಡ್ಡ ಪ್ರಾಬ್ಲಂ ಎದುರಾಯ್ತು.

    ಕರ್ನಾಟಕದಲ್ಲಷ್ಟೇ ರಿಲೀಸ್ ಮಾಡುವುದಾಗಿದ್ದರೆ ಸಮಸ್ಯೆ ಇರಲಿಲ್ಲ. ತಮಿಳುನಾಡು ಹಾಗೂ ಕೇರಳದಲ್ಲೂ ನೋ ಪ್ರಾಬ್ಲಂ. ಆದರೆ, ಹಿಂದಿ ಹಾಗೂ ತೆಲುಗಿನಲ್ಲಿ ದೊಡ್ಡ ಸಮಸ್ಯೆ ಎದುರಾಗುತ್ತಿತ್ತು. ಥಿಯೇಟರುಗಳ ಪ್ರಾಬ್ಲಂ ಎದುರಾಯ್ತು ಎನ್ನುತ್ತಾರೆ ಕೃಷ್ಣ. ಹೀಗಾಗಿಯೇ ಎಲ್ಲ ಭಾಷೆಗಳ ವಿತರಕರ ಜೊತೆ ಡಿಸ್ಕಸ್ ಮಾಡಿಯೇ ಸೆಪ್ಟೆಂಬರ್ 12ನ್ನು ಫೈನಲೈಸ್ ಮಾಡಿದ್ದಾರೆ.

    ತೆಲುಗಿನಲ್ಲಿ ಮಿನಿಮಮ್ 400 ಥಿಯೇಟರ್ ಹಾಗೂ ಹಿಂದಿಯಲ್ಲಿ 1500 ಥಿಯೇಟರುಗಳಲ್ಲಿ ರಿಲೀಸ್ ಮಾಡುವ ಪ್ಲಾನ್ ಚಿತ್ರತಂಡಕ್ಕಿದೆ. ಒಟ್ಟಾರೆ 2500ಕ್ಕೂ ಹೆಚ್ಚು ಸ್ಕ್ರೀನ್‍ಗಳಲ್ಲಿ ಪೈಲ್ವಾನ್ ರಿಲೀಸ್ ಮಾಡುವ ಯೋಜನೆ ಹಾಕಿಕೊಂಡಿರು ಪೈಲ್ವಾನ್ ತಂಡ, ಇದಕ್ಕಾಗಿಯೇ ಬಿಡುಗಡೆಯನ್ನು ಎರಡು ವಾರಗಳ ಕಾಲ ಮುಂದೂಡಿದೆ.

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರದಲ್ಲಿ ಸುನಿಲ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿದ್ದಾರೆ. ಕೃಷ್ಣ ನಿರ್ದೇಶನದ ಚಿತ್ರಕ್ಕೆ ಅವರ ಪತ್ನಿ ಸ್ವಪ್ನ ಕೃಷ್ಣ ನಿರ್ಮಾಪಕಿ. ಕನ್ನಡದ ದುಬಾರಿ ಬಜೆಟ್‍ನ ಚಿತ್ರವನ್ನು ರಿಲೀಸ್ ಮಾಡಲು ಹೊರಟಾಗ ಬಿಸಿನೆಸ್ ದೃಷ್ಟಿಯಿಂದ ಎರಡು ಹೆಜ್ಜೆ ಹಿಂದೆ ಸರಿದು ಎಚ್ಚರಿಕೆಯ ಹೆಜ್ಜೆಯಿಟ್ಟಿದ್ದಾರೆ ಕೃಷ್ಣ.

  • ಪೈಲ್ವಾನ್‍ಗೆ ಮುಂಬೈ ಮಳೆಯೇ ಪ್ರಾಬ್ಲಂ..!

    mumbai rain disturba pailwan's work

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರ ಫೈನಲ್ ಟಚ್ ಹಂತದಲ್ಲಿದೆ. ಪ್ಲಾನ್ ಪ್ರಕಾರ ವರಮಹಾಲಕ್ಷ್ಮಿ ಹಬ್ಬಕ್ಕೆ ಬರುತ್ತಿಲ್ಲ. ಬದಲಿಗೆ ಕಿಚ್ಚನ ಹುಟ್ಟುಹಬ್ಬಕ್ಕೆ ಬರಲಿದೆ. ಸೆಪ್ಟೆಂಬರ್ 2ರಂದು ಸುದೀಪ್ ಹುಟ್ಟುಹಬ್ಬ. ಅದಕ್ಕೆ 3 ದಿನ ಮೊದಲು ಪೈಲ್ವಾನ್ ರಿಲೀಸ್ ಆಗಲಿದೆ. ಕುರುಕ್ಷೇತ್ರ ಚಿತ್ರವೂ ಹಬ್ಬಕ್ಕೆ ಬರುತ್ತಿರುವುದು ಚಿತ್ರವನ್ನು ಮುಂದೂಡಲು ಮತ್ತೊಂದು ಕಾರಣ.

    ಇಷ್ಟಕ್ಕೂ ಪೈಲ್ವಾನ್‍ಗೆ ತೊಡಕಾಗಿರುವುದು ಗ್ರಾಫಿಕ್ಸ್ ಕೆಲಸ. ಗ್ರಾಫಿಕ್ಸ್‍ಗೆ ತೊಡಕಾಗಿರುವುದು ಮುಂಬೈ ಮಳೆ. ಮುಂಬೈನಲ್ಲಿ ಸುರಿಯುತ್ತಿರೋ ಮಳೆಯಿಂದಾಗಿ ಗ್ರಾಫಿಕ್ಸ್ ಕೆಲಸಗಳು ಅಂದುಕೊಂಡಂತೆ ವೇಗವಾಗಿ ಆಗುತ್ತಿಲ್ಲ. ಗ್ರಾಫಿಕ್ಸ್‍ಗೆ ಟ್ರಾಫಿಕ್ ಪ್ರಾಬ್ಲಂ.

    ಹೀಗಾಗಿ ಈಗಲೇ ಇಂಥದ್ದೇ ದಿನ ರಿಲೀಸ್ ಎಂದು ಹೇಳುವುದು ಕಷ್ಟ. ಗ್ರಾಫಿಕ್ಸ್ ಕೆಲಸ ಮುಗಿದ ಮೇಲಷ್ಟೇ ಉಳಿದ ಮಾತು ಎನ್ನುತ್ತಾರೆ ನಿರ್ದೇಶಕ, ನಿರ್ಮಾಪಕ ಕೃಷ್ಣ.

  • ಪೈಲ್ವಾನ್‍ಗೆ ಶಾರೂಕ್ ಟಚ್, 1 ನಿಮಿಷಕ್ಕೆ 20 ಲಕ್ಷ..!!!

    pailwan's vfx at sharukhkhan;s red chillies studioes

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರ ರಿಲೀಸ್ ಆಗೋಕೆ ಸಿದ್ಧವಾಗುತ್ತಿದೆ. ಚಿತ್ರದ ಪೋಸ್ಟ್ ಪ್ರೊಡಕ್ಷನ್, ಡಬ್ಬಿಂಗ್ ಎಲ್ಲವೂ ಬಿಡುವಿಲ್ಲದೆ ನಡೆಯುತ್ತಿವೆ. ಇದರ ಜೊತೆ ಪೈಲ್ವಾನ್ ಚಿತ್ರಕ್ಕೆ ಶಾರೂಕ್ ಖಾನ್ ಟಚ್ ಸಿಕ್ಕಿದೆ. ಶಾರೂಕ್ ಒಡೆತನದ ರೆಡ್ ಚಿಲ್ಲೀಸ್‍ನಲ್ಲಿ ಪೈಲ್ವಾನ್ ಚಿತ್ರಕ್ಕೆ ಸ್ಪೆಷಲ್ ಎಫೆಕ್ಟ್ ಮಾಡಿಸಲಾಗುತ್ತಿದೆ.

    ಬಾಲಿವುಡ್‍ನಲ್ಲಿ ಶಾರೂಕ್ ಖಾನ್‍ರ ರೆಡ್ ಚಿಲ್ಲೀಸ್‍ಗೆ ಒಳ್ಳೆಯ ಹೆಸರಿದೆ. ದುಬಾರಿ ಎನ್ನುವುದು ನಿಜವಾದರೂ, ಕ್ವಾಲಿಟಿ ಹಾಗೆಯೇ ಇರುತ್ತೆ. ಹೀಗಾಗಿ, ಸ್ಪೆಷಲ್ ಎಫೆಕ್ಟ್‍ಗಳನ್ನು ರೆಡ್ ಚಿಲ್ಲೀಸ್‍ನಲ್ಲಿಯೇ ಮಾಡಿಸಲಾಗುತ್ತಿದೆ. ದುಬಾರಿ ಎಂದರೆ ಎಷ್ಟು ಗೊತ್ತೇ.. 1 ನಿಮಿಷದ ಸ್ಪೆಷಲ್ ಎಫೆಕ್ಟ್‍ಗೆ 20 ಲಕ್ಷ ರೂ.

    ಚಿತ್ರದ ಬಜೆಟ್ ದುಬಾರಿಯಾಯಿತು ಎನ್ನುವುದೇನೋ ನಿಜ. ಆದರೆ, ಕ್ವಾಲಿಟಿ ಮುಖ್ಯ. ಹೀಗಾಗಿ ಅಲ್ಲಿಯೇ ರೆಡಿ ಮಾಡಿಸುತ್ತಿದ್ದೇವೆ. ಎಲ್ಲ ಭಾಷೆಗಳ ಡಬ್ಬಿಂಗ್ ಕೂಡಾ ನಡೆಯುತ್ತಿದೆ. ವರಮಹಾಲಕ್ಷ್ಮಿ ಹಬ್ಬಕ್ಕೆ ರಿಲೀಸ್ ಮಾಡುವುದು ನಮ್ಮ ಪ್ಲಾನ್ ಎಂದಿದ್ದಾರೆ ನಿರ್ದೇಶಕ ಕೃಷ್ಣ.

  • ಪೈಲ್ವಾನ್‍ಗೆ ಹಾಲಿವುಡ್ ಸಾಹಸ ನಿರ್ದೇಶಕ

    phailwan gets hollywood stunt master

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರಕ್ಕೆ ಹಾಲಿವುಡ್ ಸ್ಟಂಟ್‍ಮಾಸ್ಟರ್ ಬರುತ್ತಿದ್ದಾರೆ. ಕ್ಯಾಪ್ಟನ್ ಅಮೆರಿಕ, ಸಿವಿಲ್ ವಾರ್, ಕಿಕ್ ಬಾಕ್ಸರ್, ಡ್ರ್ಯಾಗನ್ ಐಯ್ಸ್, ದಿ ಹಂಗರ್ ಗೇಮ್ಸ್.. ಮೊದಲಾದ ಸಿನಿಮಾ, ಟಿವಿ ಶೋಗಳ ಸ್ಟಂಟ್ ಡೈರೆಕ್ಟರ್ ಲಾರ್ನೆಲ್ ಸ್ಟೊವೆಲ್, ಪೈಲ್ವಾನ್‍ಗೆ ಸಾಹಸ ನಿರ್ದೇಶನ ಮಾಡಲಿದ್ದಾರೆ.

    ರಾಜಮೌಳಿಯ ಬಾಹುಬಲಿ, ಸಲ್ಮಾನ್ ಖಾನ್‍ರ ಸುಲ್ತಾನ್ ಚಿತ್ರಗಳಿಗೆ ಸ್ಟಂಟ್ ಮಾಸ್ಟರ್ ಆಗಿದ್ದ ಲಾರ್ನೆಲ್, ಅಕ್ಟೋಬರ್‍ನಲ್ಲಿ ನಿರ್ದೇಶಕ ಕೃಷ್ಣ ಜೊತೆಯಾಗಲಿದ್ದಾರೆ. ಅಲ್ಲಿಂದ ತಯಾರಿ ಶುರುವಾಗಲಿದೆ.

  • ಪೈಲ್ವಾನ್‍ನ ಈ ಪಟ್ಟು ಕುಸ್ತಿಪಟುಗಳೂ ಅಬ್ಬಾ ಎಂದರು..!

    pan india foes gaga over sudepp's pailwan

    ಎದುರಾಳಿಯ ಸೊಂಟಕ್ಕೆ ಕೈ ಹಾಕಿ, ಬೆನ್ನ ಹಿಂದಿನಿಂದ ಬಲವಾಗಿ ಹಿಡಿಯಬೇಕು. ಎದುರಾಳಿಯೂ ಅಷ್ಟೇ ಎತ್ತರದವನಾಗಿದ್ದರೆ, ಅದು ಇನ್ನೂ ಕಷ್ಟ. ಆತನನ್ನು ಬಲವಾಗಿ ಮಿಸುಕಲೂ ಸಾಧ್ಯವಾಗದಂತೆ ಹಿಡಿದು, ಬಲವಾಗಿ ಮೇಲೆತ್ತಿ, ನಮ್ಮ ಬೆನ್ನನ್ನೂ ಹಿಂದಕ್ಕೆ ಬಾಗಿಸಿ ಎದುರಾಳಿಯನ್ನು ಕೆಡವಬೇಕು. ಅಪ್ಪಿತಪ್ಪಿಯೂ ಆ ಹಂತದಲ್ಲಿ ನಮ್ಮ ಬೆನ್ನು ನೆಲಕ್ಕೆ ಸೋಕಬಾರದು. ಇದು ಕುಸ್ತಿಯ ಪಟ್ಟುಗಳಲ್ಲಿ ಒಂದು. ಅದನ್ನು ಭೀಮಪಟ್ಟು ಎನ್ನುತ್ತಾರೆ. ಕುಸ್ತಿಯಲ್ಲಿ ಪ್ರಧಾನ ಹಂತಗಳಲ್ಲಿರುವವರು ಮಾತ್ರವೇ ಬಳಸುವ ಬಿಗಿಯಾದ ಪಟ್ಟು ಅದು. ಅದನ್ನು ಸುದೀಪ್ ಪೈಲ್ವಾನ್ ಚಿತ್ರದಲ್ಲಿ ಮಾಡಿದ್ದಾರೆ. ಕುಸ್ತಿಪಟುಗಳೂ ಅಬ್ಬಾ ಎಂದಿರುವುದು ಈ ಕಾರಣಕ್ಕೆ. ಈ ಸ್ಟಂಟ್ ಹಿಂದಿರುವ ಶ್ರಮ, ಪರಮ ರೋಚಕ ಕಥೆ ಅಂಥದ್ದು.

    ಅದಕ್ಕಾಗಿ ಸುದೀಪ್ 9 ತಿಂಗಳು ತಯಾರಿ ಮಾಡಿದ್ದಾರೆ. ಅಷ್ಟೇ ಅಲ್ಲ, ಆ ಸ್ಟಂಟ್‍ಗೆ ಸುದೀಪ್ ಡ್ಯೂಪ್ ಬಳಸಿಲ್ಲ. ಆದರೆ, ಬಾಲಿವುಡ್‍ನಲ್ಲಿ ಅಂತಹ ದೃಶ್ಯಗಳಿಗೆ ಡ್ಯೂಪ್ ಬಳಸಲಾಗಿದೆ. ಸುದೀಪ್ ತಮ್ಮ ಇಡೀ ಶ್ರಮವನ್ನು ಆ ಪಾತ್ರ ಮತ್ತು ಕುಸ್ತಿಯ ಮೇಲೆ ಹಾಕಿದ್ದಾರೆ ಎಂದು ಪೈಲ್ವಾನ್‍ನ ಆ ಪಟ್ಟಿನ ಕಥೆ ಹೇಳಿದ್ದಾರೆ ನಿರ್ದೇಶಕ ಕೃಷ್ಣ.

    ಚಿತ್ರದಲ್ಲಿ ದೇಸಿ ಕುಸ್ತಿ ಮತ್ತು ಬಾಕ್ಸಿಂಗ್ ಎರಡೂ ಇದ್ದು, ಎರಡನ್ನೂ ಮಾಡಿದ್ದಾರಂತೆ ಬಾದ್‍ಷಾ ಪೈಲ್ವಾನ್ ಕಿಚ್ಚ.

  • ಪ್ರಭಾಸ್‍ಗೆ ದರ್ಶನ್ ಅಲ್ಲ, ಪೈಲ್ವಾನ್ ಎದುರಾಳಿ..!

    pailwan vs saaho at box office

    ಕುರುಕ್ಷೇತ್ರ ಸಿನಿಮಾ ಆಗಸ್ಟ್ 2ನೇ ತಾರೀಕು ರಿಲೀಸ್ ಆಗುತ್ತಿದೆ. ವರಮಹಾಲಕ್ಷ್ಮಿ ಹಬ್ಬಕ್ಕೆ ರಿಲೀಸ್ ಆಗಬೇಕಿದ್ದ ಸಿನಿಮಾ ಒಂದು ವಾರ ಹಿಂದಕ್ಕೆ ಹೋಗಿ ಪ್ರೇಕ್ಷಕರ ಎದುರು ಬರುತ್ತಿದೆ. ಮೊದಲಿನಂತೆ ಆಗಿದ್ದರೆ ಕುರುಕ್ಷೇತ್ರಕ್ಕೆ ಪ್ರಭಾಸ್ ಅಭಿನಯದ ಸಾಹೋ ಫೈಟ್ ಕೊಡಬೇಕಿತ್ತು. ಒಂದೇ ವಾರದ ಗ್ಯಾಪಲ್ಲಿ ಸಾಹೋ ಎದುರಾಗುತ್ತಿತ್ತು. ಆಗಸ್ಟ್ 15ಕ್ಕೆ ಪ್ರಭಾಸ್ ಅಭಿನಯದ ಸಾಹೋ ರಿಲೀಸ್ ಆಗುತ್ತಿತ್ತು.

    ಆದರೆ ಈಗ ಸಾಹೋ ರಿಲೀಸ್ ಮುಂದಕ್ಕೆ ಹೋಗಿದೆ ಎಂಬ ಸುದ್ದಿಗಳಿವೆ. ಆಗಸ್ಟ್ 15ರ ಬದಲು 29ಕ್ಕೆ ರಿಲೀಸ್ ಆಗಬಹುದು ಎನ್ನಲಾಗುತ್ತಿದೆ.

    ಹಾಗೇನಾದರೂ ಆದರೆ, ಪ್ರಭಾಸ್ ಚಿತ್ರಕ್ಕೆ ಸುದೀಪ್‍ರ ಪೈಲ್ವಾನ್ ಮುಖಾಮುಖಿಯಾಗಲಿದೆ. ಬಾಹುಬಲಿ 2 ನಂತರ ಪ್ರಭಾಸ್ ನಟಿಸಿರುವ ಯಾವುದೆ ಚಿತ್ರ ತೆರೆಕಂಡಿಲ್ಲ. ಸುದೀಪ್ ಕೂಡ ದೊಡ್ಡ ಗ್ಯಾಪ್ ನಂತರವೇ ತೆರೆಗೆ ಬರುತ್ತಿದ್ದಾರೆ. ಅದರಲ್ಲೂ ವಿಶೇಷ ಪಾತ್ರ, ಗೆಟಪ್‍ನಲ್ಲಿ. ಹೀಗಾಗಿ ಪೈಲ್ವಾನ್ ವರ್ಸಸ್ ಸಾಹೋ ವಾರ್ ಹೇಗಿರಲಿದೆ ಎಂಬ ಕುತೂಹಲ ಪ್ರೇಕ್ಷಕರಿಗಂತೂ ಇದೆ.

  • ಪ್ರೇಮಂ ಮಡೋನ್ನಾ.. ಕೋಟಿಗೊಬ್ಬಳು 3

    madonna sebastian for kotigobba 3

    ಕೋಟಿಗೊಬ್ಬ 3 ಚಿತ್ರತಂಡ ಜೂನ್ 10ರಿಂದ ವಿದೇಶಗಳಲ್ಲಿ ನಿರಂತರ 40 ದಿನ ಶೂಟಿಂಗ್‍ಗೆ ಸಿದ್ಧವಾಗಿದ್ದರೂ, ಚಿತ್ರದ ಹೀರೋಯಿನ್ ಅಂತಿಮವಾಗಿರಲಿಲ್ಲ. ಸುದೀಪ್‍ಗೆ ಜೋಡಿ ಯಾರು ಅನ್ನೋ ಕುತೂಹಲ ಹಾಗೆಯೇ ಇತ್ತು. ಈಗ ಆ ಕುತೂಹಲಕ್ಕೆ ಉತ್ತರ ಸಿಕ್ಕಿದೆ. ಕಿಚ್ಚನ ಜೋಡಿಯಾಗುತ್ತಿರುವುದು ಮಡೋನಾ ಸೆಬಾಸ್ಟಿಯನ್. ಪ್ರೇಮಂ ಖ್ಯಾತಿಯ ಬೆಡಗಿ.

    ಮಲಯಾಳಂನಿಂದ ಕನ್ನಡಕ್ಕೆ ಬರುತ್ತಿರುವ ಮಡೋನ್ನಾ ಪವರ್‍ಪಾಂಡಿ, ಜುಂಗ ಮೊದಲಾದ ಚಿತ್ರಗಳಲ್ಲೂ ನಟಿಸಿದ್ದಾರೆ. ಮಡೋನಾ ಕನ್ನಡಕ್ಕೆ ಬರುತ್ತಿರುವುದಕ್ಕೆ ಕಾರಣ, ಪವರ್‍ಪಾಂಡಿ ಚಿತ್ರ. ಪವರ್‍ಪಾಂಡಿಯನ್ನ ಸುದೀಪ್ ಕನ್ನಡದಲ್ಲಿ ಅಂಬಿ ನಿಂಗೆ ವಯಸ್ಸಾಯ್ತೋ ಹೆಸರಿನಲ್ಲಿ ಮಾಡುತ್ತಿದ್ದಾರೆ. ತಮಿಳಿನಲ್ಲಿ ಧನುಷ್ ಮಾಡಿದ್ದ ಪಾತ್ರವನ್ನ ಸುದೀಪ್ ಮಾಡುತ್ತಿದ್ದಾರೆ. ಆ ಚಿತ್ರದಲ್ಲಿ ಮಡೋನಾ ಮಾಡಿದ್ದ ಪಾತ್ರವನ್ನ ಕನ್ನಡದಲ್ಲಿ ಶೃತಿ ಹರಿಹರನ್ ಮಾಡುತ್ತಿದ್ದಾರೆ. ಆ ಸಿನಿಮಾ ನೋಡುವಾಗ ಕೋಟಿಗೊಬ್ಬ3ಗೆ ಈಕೆಯೇ ಹೀರೋಯಿನ್ ಆದರೆ ಚೆಂದ ಎಂದು ನಿರ್ದೇಶಕ ಕಾರ್ತಿಕ್, ಸೂರಪ್ಪ ಬಾಬು ಅವರಿಗೂ ಅನ್ನಿಸಿದೆ. 

    ಕಥೆಗೆ ಸೂಕ್ತವಾದ ಫೇಸ್ ಇದೆ. ಹೋಮ್ಲಿನೆಸ್ ಇದೆ. ಸುದೀಪ್ ಅವರಿಗೆ ಒಳ್ಳೆಯ ಜೋಡಿ ಆಗ್ತಾರೆ. ಈಕೆಯ ನಟನೆಯೂ ಚೆನ್ನಾಗಿದೆ. ನಿರ್ದೇಶಕರು ಹಾಗೂ ಸುದೀಪ್ ಒಪ್ಪಿದ ಮೇಲೆಯೇ ನಾಯಕಿಯನ್ನು ಫೈನಲ್ ಮಾಡಿದೆವು ಎಂದಿದ್ದಾರೆ ಸೂರಪ್ಪ ಬಾಬು.

  • ಪ್ರೇಮ್ ಹೇಳಿದ ಆ್ಯಮಿಯ ಸಿಂಪಲ್ ಸ್ಟೋರಿ

    prem talks about amy jackson

    ದಿ ವಿಲನ್ ಚಿತ್ರದ ನಾಯಕಿ ಆ್ಯಮಿ ಜಾಕ್ಸನ್. ಇದಕ್ಕೂ ಮೊದಲು ಜಾನ್ ಅಬ್ರಹಾಂ, ವಿಕ್ರಂ, ರಾಮ್‍ಚರಣ್ ತೇಜ, ಅಕ್ಷಯ್ ಕುಮಾರ್, ಪ್ರಭುದೇವ, ರಜನಿಕಾಂತ್‍ರಂತಹ ಸ್ಟಾರ್‍ಗಳ ಜೊತೆ ನಟಿಸಿರುವವರು. ಸೂಪರ್ ಸ್ಟಾರ್ ರಜನಿ ಜೊತೆ ನಟಿಸಿರುವ 2.0 ಇನ್ನೂ ರಿಲೀಸ್ ಆಗಬೇಕಿದೆ. ಮೂಲತಃ ಬ್ರಿಟನ್ನಿನವರಾದ ಆ್ಯಮಿ ಜಾಕ್ಸನ್ ಅವರನ್ನು ಆಯ್ಕೆ ಮಾಡಿಕೊಳ್ಳೋಕೆ ಕಾರಣವೇ ಆಕೆಯ ಬ್ರಿಟಿಷ್ ಲುಕ್. ಪಾತ್ರಕ್ಕೆ  ಹೇಳಿ ಮಾಡಿಸಿದಂತಿರುವ ಆ ಲುಕ್‍ನಿಂದಾಗಿಯೇ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಯ್ತು ಎಂದಿದ್ದಾರೆ ಪ್ರೇಮ್.

    ಸೆಟ್‍ನಲ್ಲಿ ಸಿಂಪಲ್ ಆಗಿರುತ್ತಿದ್ದ ಆ್ಯಮಿ ಜಾಕ್ಸನ್, ಮೇಕಪ್ ಹಾಕಿಕೊಂಡ ಮೇಲೆ ಸೆಟ್ ಬಿಟ್ಟು ಕದಲುತ್ತಲೇ ಇರಲಿಲ್ಲವಂತೆ. ಕ್ಯಾರವಾನ್‍ಗೂ ಹೋಗದೆ ಸೆಟ್‍ನಲ್ಲಿದ್ದವರ ಜೊತೆ ಬೆರೆಯತ್ತಿದ್ದರಂತೆ ಆ್ಯಮಿ ಜಾಕ್ಸನ್. 

    ಲಂಗ ದಾವಣಿಯಲ್ಲೂ ಆ್ಯಮಿ ಜಾಕ್ಸನ್ ಚೆಂದ ಕಾಣಿಸ್ತಾರೆ ಎಂದಿರುವ ಪ್ರೇಮ್, ಮೈಸೂರಿನಲ್ಲಿ ಆ್ಯಮಿ ಜಾಕ್ಸನ್‍ಗೆ ಮೈಸೂರು ಪಾಕ್ ತಿನ್ನಿಸಿದ ಕಥೆ ಹೇಳಿಕೊಂಡು ನಗುತ್ತಾರೆ. ಸರಳತೆ ವಿಚಾರಕ್ಕೆ ಬಂದ್ರೆ, ಶಿವಣ್ಣ ಹೇಗೋ.. ಆ್ಯಮಿ ಜಾಕ್ಸನ್ ಕೂಡಾ ಹಾಗೆ ಅಂತಾರೆ ಪ್ರೇಮ್.

    ಚಿತ್ರದ ಪ್ರಚಾರಕ್ಕೆ ಕೈ ಕೊಡುತ್ತಿದ್ದಾರೆ ಎಂದು ಬೇಸರಿಸಿಕೊಂಡಿದ್ದ ಪ್ರೇಮ್, ಆ್ಯಮಿ ಜಾಕ್ಸನ್ ಶೂಟಿಂಗ್ ವೇಳೆ ತುಂಬಾ ಕೋ ಆಪರೇಟ್ ಮಾಡಿದ್ದರು ಎನ್ನುವುದನ್ನು ಮರೆಯೋದಿಲ್ಲ.

  • ಫೇಸ್ ಬುಕ್ಕಿಗೆ ಎಂಟ್ರಿ ಕೊಟ್ಟ ಕಿಚ್ಚ

    sudeep enters facebook

    ಕಿಚ್ಚ ಸುದೀಪ್ ಟ್ವಿಟರ್‌ನಲ್ಲಿ ಸದಾ ಸಕ್ರಿಯ. ಇನ್‌ಸ್ಟಾಗ್ರಾಮ್‌ನಲ್ಲಿ ಕೂಡಾ ಫುಲ್ ಆಕ್ಟಿವ್. ಸೋಷಿಯಲ್ ಮೀಡಿಯಾ ಮೂಲಕ ಅಭಿಮಾನಿಗಳ ಜೊತೆ ನಿರಂತರ ಟಚ್‌ನಲ್ಲಿರೋ ಸುದೀಪ್, ಈಗ ಫೇಸ್‌ಬುಕ್ಕಿಗೆ ಎಂಟ್ರಿ ಕೊಟ್ಟಿದ್ದಾರೆ.

    ಟ್ವಿಟರಿನಲ್ಲಿ 2.3 ಮಿಲಿಯನ್ ಹಾಗೂ ಇನ್‌ಸ್ಟಾಗ್ರಾಮ್‌ನಲ್ಲಿ 5 ಲಕ್ಷಕ್ಕೂ ಹೆಚ್ಚು ಫಾಲೋರ‍್ಸ್ ಹೊಂದಿರುವ ಸುದೀಪ್‌ಗೆ ಫೇಸ್‌ಬುಕ್ಕಿನಲ್ಲೂ ಅಭೂತಪೂರ್ವ ಸ್ವಾಗತ ಸಿಕ್ಕಿದೆ.

    ಸುದೀಪ್ ತಮ್ಮ ಫೇಸ್ ಬುಕ್ ಪೇಜ್‌ಗೆ ಐ ಆ್ಯಮ್ ಕೆ ಹೆಸರಿಟ್ಟಿದ್ದು, ತಮ್ಮ ಫೋಟೋ ಹಾಕಿದ್ದಾರೆ.

  • ಫ್ಯಾಂಟಮ್ ಪೋಸ್ಟರ್ ಕ್ರೇಜ್

    phantom poster crae

    ಕಿಚ್ಚ ಸುದೀಪ್ ಅವರ ಹೊಸ ಸಿನಿಮಾ ಫ್ಯಾಂಟಮ್. ಒಂದೆಡೆ ಕೋಟಿಗೊಬ್ಬ 3 ಮುಗಿಸಿದವರೇ, ಹೊಸ ಚಿತ್ರಕ್ಕೆ ಶ್ರೀಕಾರ ಹಾಡಿದ್ದಾರೆ ಕಿಚ್ಚ ಸುದೀಪ. ರಂಗಿತರಂ ಖ್ಯಾತಿಯ ಅನೂಪ್ ಭಂಡಾರಿ ನಿರ್ದೇಶನದ ಚಿತ್ರ ಫ್ಯಾಂಟಮ್. ಹೀಗಾಗಿ ಕುತೂಹಲವೂ ಹೆಚ್ಚು. ನಿರೀಕ್ಷೆಯೂ ಹೆಚ್ಚು. ಚಿತ್ರದ ಚಿತ್ರೀಕರಣ ಶುರುವಾಗಿದೆ.

    ಚಿತ್ರದ ಹೆಸರೊಂದು ಬಿಟ್ಟರೆ, ಮಿಕ್ಕ ಯಾವುದರ ಗುಟ್ಟನ್ನೂ ಬಿಟ್ಟುಕೊಡದ ಅನೂಪ್, ಚಿತ್ರದ ಒಂದು ಪೋಸ್ಟರ್ ರಿಲೀಸ್ ಮಾಡಿದ್ದಾರೆ. ಶೂಟಿಂಗ್ ಶುರು ಎಂಬ ಮೆಸೇಜ್ ಕೊಟ್ಟು ಪೋಸ್ಟರ್ ಕೊಟ್ಟಿದ್ದಾರೆ ಅನೂಪ್. ಕಿಚ್ಚನ ಕೈಲಿ ಬಂದೂಕು. ಸಖತ್ ಸ್ಟೈಲಿಷ್ ಆಗಿರೋ ಫ್ಯಾಂಟಮ್ ಪೋಸ್ಟರ್ ಕ್ರೇಜ್ ಸೃಷ್ಟಿಸಿದೆ. ಈ ಚಿತ್ರದಲ್ಲಿ ನಿರೂಪ್ ಭಂಡಾರಿ ಕೂಡಾ ನಟಿಸುತ್ತಿದ್ದಾರೆ.

  • ಬಂದ ನೋಡು ಪೈಲ್ವಾನ್..

    banda nodo pailwan song

    ಪೈಲ್ವಾನ್ ತೋಳು ನೋಡು ಉಕ್ಕು.. ಒಂದೇ ಏಟು ಸಾಕು.. ದೇವ್ರೇ ನಿಂಗೆ ದಿಕ್ಕು..  ಬಂದ ನೋಡು ಪೈಲ್ವಾನ್..

    ಪೈಲ್ವಾನ್ ಚಿತ್ರದ ಥೀಮ್ ಮ್ಯೂಸಿಕ್ ಇರುವ ಹಾಡಿದು. ಹಾಡಿನ ಲಿರಿಕಲ್ ವಿಡಿಯೋ ರಿಲೀಸ್ ಮಾಡಿ, ಮೊದಲ ಖುಷಿ ಕೊಟ್ಟಿದೆ ಪೈಲ್ವಾನ್ ಟೀಂ. ಪೋಸ್ಟರುಗಳು ಹಾಗೂ ಟೀಸರ್ ಮೂಲಕ ನಿರೀಕ್ಷೆ ಹುಟ್ಟಿಸಿದ್ದ ಪೈಲ್ವಾನ್ ಚಿತ್ರದ ಲಿರಿಕಲ್ ವಿಡಿಯೋ ಭಾರಿ ಸದ್ದು ಮಾಡುತ್ತಿದೆ.

    ಕಿಚ್ಚ ಸುದೀಪ್ ಹುರಿಗಟ್ಟಿದ ದೇಹ ಇಡೀ ಹಾಡಿನಲ್ಲಿ ಎದ್ದು ಕಂಡರೆ, ಬ್ಯಾಕ್‍ಗ್ರೌಂಡ್‍ನಲ್ಲಿ ಭರ್ಜರಿ ಸ್ಕೋರ್ ಮಾಡಿದ್ದಾರೆ ಅರ್ಜುನ್ ಜನ್ಯ. ಮ್ಯೂಸಿಕ್ಕು ಕಿಕ್ಕೇರಿಸುತ್ತಿದೆ ಎನ್ನುವುದು ಅಭಿಮಾನಿಗಳ ಒನ್‍ಲೈನ್ ಕಾಂಪ್ಲಿಮೆಂಟ್.

    ಕೃಷ್ಣ ನಿರ್ದೇಶನದ ಚಿತ್ರದ ಈ ಹಾಡಿಗೆ ಸಾಹಿತ್ಯ ಬರೆದಿರುವುದು ನಾಗೇಂದ್ರ ಪ್ರಸಾದ್. ಇಡೀ ಚಿತ್ರದಲ್ಲಿ ಈ ಹಾಡು ಪದೇ ಪದೇ ಬರಲಿದ್ದು, ಇಡೀ ಚಿತ್ರದ ಥೀಮ್ ಸಾಂಗ್ ಇದು ಎಂದಿದ್ದಾರೆ ನಿರ್ದೇಶಕ ಕೃಷ್ಣ. ಐದೂ ಭಾಷೆಯಲ್ಲಿ ಲಿರಿಕಲ್ ವಿಡಿಯೋ ಬಂದಿದೆ.

  • ಬಾರೋ ಪೈಲ್ವಾನ.. ಹಾಡು ಸೂಪರೋ ಅಣ್ಣಾ

    baro pailwan creates sensation

    ಪೈಲ್ವಾನ್ ಚಿತ್ರದ ಮತ್ತೊಂದು ಸಾಂಗ್ ಇದು. ಬಾರೋ ಪೈಲ್ವಾನ.. ಹಾಡಿದು. ಗೆದ್ದ ಗೆದ್ದ ಕುಸ್ತಿಯ ಗೆದ್ದ ಎದುರಿಲ್ಲ ಈ ಪೈಲ್ವಾನ್‍ಗೆ.. ಎದ್ದ ಮಣ್ಣಲಿ ಎದ್ದ ಎದುರಾದ ಬಿರುಗಾಳಿಗೆ.. ಎಂದು ಶುರುವಾಗುವ ಹಾಡು ತಾರಕಕ್ಕೆ ಹೋಗುವುದು ಬಾರೋ ಪೈಲ್ವಾನ್ ಎಂಬ ಬ್ಯಾಕ್‍ಗ್ರೌಂಡ್ ಸೌಂಡ್ ಶುರುವಾದಾಗ..

    ಇದು ಪೈಲ್ವಾನ್‍ನ ಇಂಟ್ರೊಡಕ್ಷನ್ ಸಾಂಗ್. ಹೆಜ್ಜೆ ಹಾಕಿರೋದು ಸುದೀಪ್ ಒಬ್ಬರೇ ಅಲ್ಲ, ಸುನಿಲ್ ಶೆಟ್ಟಿ ಕೂಡಾ ಸ್ಟೆಪ್ಪು ಹಾಕಿದ್ದಾರೆ. ಐದೂ ಭಾಷೆಯಲ್ಲಿ ಹಾಡಿನ ಲಿರಿಕಲ್ ವಿಡಿಯೋ ಹೊರಬಿದ್ದಿದ್ದು, ಕನ್ನಡವೊಂದರಲ್ಲೇ ಈಗಾಗಲೇ 10 ಲಕ್ಷಕ್ಕೂ ಹೆಚ್ಚು ಮಂದಿ ನೋಡಿ ಮೆಚ್ಚಿದ್ದಾರೆ.

    ಅರ್ಜುನ್ ಜನ್ಯ ಮ್ಯೂಸಿಕ್ಕು ಒನ್ಸ್ ಎಗೇಯ್ನ್ ಕಿಕ್ಕೇರಿಸುತ್ತಿದ್ದರೆ, ವಿಜಯ್ ಪ್ರಕಾಶ್, ಕೈಲಾಷ್ ಖೇರ್ ಮತ್ತು ಚಂದನ್ ಶೆಟ್ಟಿಯವರ ವಾಯ್ಸ್ ಕಿವಿಯಲ್ಲಿ ಮಾರ್ದನಿಸುವಂತಿದೆ. ಸಾಹಿತ್ಯ ಕೃಪೆ ನಾಗೇಂದ್ರ ಪ್ರಸಾದ್ ಅವರದ್ದು.

    ಕೃಷ್ಣ ನಿರ್ದೇಶನದ ಚಿತ್ರಕ್ಕೆ ಅವರ ಪತ್ನಿ ಸ್ವಪ್ನಾ ಕೃಷ್ಣಾ ಅವರೇ ನಿರ್ಮಾಪಕಿ. ಹಾಡಿನ ಜೋಷ್ ಮತ್ತು ಫೋರ್ಸ್ ಬಗ್ಗೆ ಸೆಲಬ್ರಿಟಿಗಳು ಮತ್ತು ಫ್ಯಾನ್ಸ್ ಫಿದಾ ಆಗಿದ್ದಾರೆ. ಅರ್ಜುನ್ ಜನ್ಯಾಗೆ ಹೆಚ್ಚು ಸ್ಕೋರ್ ಕೊಟ್ಟಿದ್ದಾರೆ.

  • ಬಾಲಕಿಯ ವಿದ್ಯಾಭ್ಯಾಸದ ಕನಸಿಗೆ ಶಕ್ತಿ ತುಂಬಿದ ಕಿಚ್ಚ

    sudeep lights up an under privileged girl's education dream

    ಕಿಚ್ಚ ಸುದೀಪ್ ಮತ್ತೊಮ್ಮೆ ಹೃದಯವಂತಿಕೆ ಮೆರೆದಿದ್ದಾರೆ. ಬೆಂಗಳೂರಿನ ನಾಗದೇವನಹಳ್ಳಿಯ ಬಾಲಕಿ ಕನೀಷಾ, 6ನೇ ತರಗತಿ ವಿದ್ಯಾರ್ಥಿನಿ. ಚೆನ್ನಾಗಿ ಓದುತ್ತಿದ್ದ ಹುಡುಗಿಗೆ ತಂದೆಯಿಲ್ಲ. ಇತ್ತ ಕೊರೊನಾ ವೈರಸ್ ಎಫೆಕ್ಟ್‍ನಿಂದಾಗಿ ತಾಯಿಗೆ ದುಡಿಮೆಯೂ ಇಲ್ಲದೆ ಪರದಾಡುವಂತಾಗಿತ್ತು. ಏನು ಮಾಡುವುದೋ ಗೊತ್ತಾಗದೆ, ಬಾಲಕಿಯ ತಾಯಿ ಕಿಚ್ಚ ಸುದೀಪ್ ಚಾರಿಟಬಲ್ ಟ್ರಸ್ಟ್‍ನ್ನು ಸಂಪರ್ಕಿಸಿದರು.

    ತಕ್ಷಣ ಸುದೀಪ್ ಟ್ರಸ್ಟ್ ವಿದ್ಯಾರ್ಥಿನಿಯ ಸ್ಕೂಲ್ ಫೀಸ್ ಕಟ್ಟಿದ್ದಷ್ಟೆ ಅಲ್ಲ, ವಿದ್ಯಾರ್ಥಿನಿಯ ಶಿಕ್ಷಣದ ಸಂಪೂರ್ಣ ಹೊಣೆ ಹೊತ್ತುಕೊಂಡಿದೆ. ಕನೀಷಾ ಸಂದೀಪಿನಿ ಹೈಟೆಕ್ ಸ್ಕೂಲ್‍ನಲ್ಲಿ ಓದುತ್ತಿದ್ದಾಳೆ. ಕಾನಿಷಾ ಭವಿಷ್ಯ ಉಜ್ವಲವಾಗಲಿ.

  • ಬಿಗ್ ಹೌಸ್‍ಗೆ ವಿಜಯಲಕ್ಷ್ಮಿ, ಚಂದನ್ ಶೆಟ್ಟಿ ಮತ್ತು...

    big boss 5 enteries are

    ನಾಗಮಂಡಲ ಖ್ಯಾತಿಯ ವಿಜಯಲಕ್ಷ್ಮಿ, ರ್ಯಾಪ್ ಸಂಗೀತಗಾರ ಚಂದನ್ ಶೆಟ್ಟಿ, ಸಿಹಿಕಹಿ ಚಂದ್ರು, ರಾಜೇಶ್ ನಟರಂಗ, ಕಿರುತೆರೆ ಕಲಾವಿದರಾದ ಕವಿತಾ ಗೌಡ, ವರ್ಷಿಣಿ ಕುಸುಮಾ, ಗಾಯಕಿಯರಾದ ಅನುರಾಧ್ ಅಥವಾ ಸುಪ್ರಿಯಾ ಲೋಹಿತ್, ಆರ್‍ಜೆ ರಿಯಾಜ್.. ಹೀಗೆ ಪಟ್ಟಿ ದೊಡ್ಡದಾಗಿದೆ. ಇವರೆಲ್ಲ ಈ ಬಾರಿಯ ಬಿಗ್‍ಬಾಸ್ ಮನೆಯಲ್ಲಿ ಎದುರಾಗಬಹುದು. 

    ಇವರ ಹೆಸರುಗಳೆಲ್ಲ ಅಂತಿಮಗೊಂಡಿದೆ ಎಂಬ ಸುದ್ದಿಯಿದೆಯಾದರೂ, ಅಧಿಕೃತವಾಗೋದು ಬಿಗ್‍ಬಾಸ್ ಶುರುವಾದ ದಿನವೇ. ಅಂದಹಾಗೆ ಈ ಬಾರಿಯ ಬಿಗ್‍ಬಾಸ್‍ನಲ್ಲಿ ಕಿಚ್ಚನ ಇನ್ನೊಂದು ಝಲಕ್ ಕೂಡಾ ಇದೆ. ಸುದೀಪ್ ಈ ಬಾರಿ ಆಗಾಗ್ಗೆ ಬಿಗ್‍ಹೌಸ್‍ನ ಅಡುಗೆ ಮನೆಗೂ ಎಂಟ್ರಿ ಕೊಡ್ತಾ ಇರ್ತಾರಂತೆ. ಸುದೀಪ್ ಅಡುಗೆಯ ಟೇಸ್ಟ್ ನೋಡೋದು ಮಾತ್ರ ಬಿಗ್‍ಬಾಸ್ ಮನೆಯವರು. ವೀಕ್ಷಕರಿಗೇನಿದ್ದರೂ ನಾಲಿಗೆ ಚಪ್ಪರಿಸುವ ಕೆಲಸವಷ್ಟೇ.

  • ಬಿಗ್‍ಬಾಸ್ 7 ಬದಲಾವಣೆ ಗೊತ್ತಾಯ್ತಾ..?

    big boss 7 will have celeb format only

    ಬಿಗ್‍ಬಾಸ್ ರಿಯಾಲಿಟಿ ಶೋ 7ನೇ ಸೀಸನ್‍ಗೆ ಕಾಲಿಟ್ಟಿದೆ. ಒನ್ಸ್ ಎಗೇಯ್ನ್ ಸುದೀಪ್ ಅವರೇ ನಿರೂಪಕ. ಅದರಲ್ಲಿ ಮಾತ್ರ ಯಾವುದೇ ಬದಲಾವಣೆ ಇಲ್ಲ. ಉಳಿದಂತೆ ಕಾರ್ಯಕ್ರಮದಲ್ಲಿ ಸ್ವಲ್ಪ ಬದಲಾವಣೆಗಳಾಗಿವೆ.

    ಈ ಬಾರಿ ಬಿಗ್‍ಬಾಸ್ ಕಲರ್ಸ್ ಸೂಪರ್‍ನಲ್ಲಿ ಅಲ್ಲ, ಕಲರ್ಸ್‍ನಲ್ಲಿಯೇ ಪ್ರಸಾರವಾಗಲಿದೆ.

    ಕಳೆದ ಬಾರಿಯಂತೆ ಈ ಬಾರಿ ಕಾಮನ್ ಮ್ಯಾನ್ ಇರಲ್ಲ. ಜನಸಾಮಾನ್ಯರ ಬಗ್ಗೆ ವೀಕ್ಷಕರು ಹೆಚ್ಚು ಆಸಕ್ತಿ ತೋರದೇ ಇರುವ ಹಿನ್ನೆಲೆಯಲ್ಲಿ ಈ ಬದಲಾವಣೆ. ಅಂದರೆ 15ಕ್ಕೆ 15 ಜನರೂ ಸೆಲಬ್ರಿಟಿಗಳೇ ಆಗಿರುತ್ತಾರೆ.

    ಸೆ.11ರಂದು ಬಿಗ್‍ಬಾಸ್ ಪ್ರೋಮೋ ಶೂಟಿಂಗ್ ನಡೆಯಲಿದೆ. ಅಂದರೆ ಪೈಲ್ವಾನ್ ರಿಲೀಸ್ ಆಗುವ ಮುನ್ನಾ ದಿನ. ಸೆ.13ರಿಂದ ಪ್ರೋಮೋ ರಿಲೀಸ್ ಆಗಲಿದೆ. ಆಗಸ್ಟ್ 20ರಿಂದ ಬಿಗ್‍ಬಾಸ್ ಆರಂಭ.

  • ಬಿಗ್‍ಬಾಸ್ ಜೊತೆ ವಿಲನ್ ಟೀಂ..!

    the villain team in kiccha's big boss 6

    ಬಿಗ್‍ಬಾಸ್ ಜೊತೆ ವಿಲನ್ ಬರ್ತಾರೆ. ಬಿಗ್‍ಬಾಸೂ ಅವ್ರೇ.. ವಿಲನ್ನೂ ಅವ್ರೇ.. ರಾವಣಾನೂ ಅವ್ರೇ.. ನೋ ಡೌಟ್. ಬಿಗ್‍ಬಾಸ್ ಶೋನಲ್ಲಿ ವಿಲನ್ ಟೀಂ ಸಂಗಮವಾಗಿದೆ.

    ಕಿಚ್ಚ ಸುದೀಪ್ ನಡೆಸಿಕೊಡ್ತಿರೋ ಬಿಗ್‍ಬಾಸ್ ಶೋಗೆ, ಶಿವಣ್ಣ, ಪ್ರೇಮ್, ನಿರ್ಮಾಪಕ ಸಿ.ಆರ್.ಮನೋಹರ್ ಜೊತೆ ಜೊತೆಯಾಗಿ ಹೋಗಿದ್ದಾರೆ. ಇವರೆಲ್ಲರ ಜೊತೆ ಚಿತ್ರದಲ್ಲಿ ನಟಿಸಿರುವ ತೆಲುಗು ಸ್ಟಾರ್ ನಟ ಶ್ರೀಕಾಂತ್ ಕೂಡಾ ಇರಲಿದ್ದಾರೆ.

    ಶಿವಣ್ಣ ಮತ್ತು ಸುದೀಪ್ ಒಟ್ಟಿಗೇ ನಟಿಸಲಿದ್ದಾರೆ ಎಂಬ ಸುದ್ದಿ ಬ್ರೇಕ್ ಆಗಿದ್ದೇ ಕಿಚ್ಚ ಸುದೀಪ್‍ರ ಬಿಗ್‍ಬಾಸ್ ಶೋನಲ್ಲಿ. ಅದಾದ ನಂತರ ಕಲಿ ಚಿತ್ರ ಶುರುವಾಗಿತ್ತು. ಅದು ಆಗಲಿಲ್ಲ. ವಿಲನ್ ಆಯ್ತು. ಸೂಪರ್ ಹಿಟ್ ಆಯ್ತು. ಈಗ.. ಸೆಲಬ್ರೇಷನ್ ಟೈಂ.

  • ಬಿಗ್‍ಬಾಸ್ ಫಿನಾಲೆ ಶೋ - ಫ್ಯಾನ್ಸ್‍ಗೆ ನೋ ಎಂಟ್ರಿ

    fans entry restricted for the season's finale

    ಬಿಗ್‍ಬಾಸ್ ಶೋ ಫೈನಲ್ ಹಂತ ತಲುಪಿದೆ. ವಿನ್ನರ್ ಯಾರು ಎಂಬುದು ಮುಂದಿನ ವಾರ ಗೊತ್ತಾಗಲಿದೆ. ಸದ್ಯಕ್ಕೆ ಮನೆಯಲ್ಲಿರೋದು ಕಾರ್ತಿಕ್ ಮತ್ತು ಚಂದನ್ ಶೆಟ್ಟಿ. ಇವರಿಬ್ಬರೂ ಈಗಾಗಲೇ ಸೇಫ್. ಇನ್ನು ಉಳಿದಿರುವುದು ದಿವಾಕರ್, ನಿವೇದಿತಾ ಮತ್ತು ಶ್ರುತಿ. ಇವರಲ್ಲಿ ಯಾರು ಗೆಲ್ಲಬಹುದು..? ಅದು ಈಗ ಸಸ್ಪೆನ್ಸ್.

    ಆ ಸಸ್ಪೆನ್ಸ್‍ನ್ನು ಕಟ್ಟಕಡೆಯ ಕ್ಷಣದವರೆಗೆ ಉಳಿಸಿಕೊಳ್ಳುವ ಸಲುವಾಗಿ, ಈ ಬಾರಿಯ ಫಿನಾಲೆಯಲ್ಲಿ ಫ್ಯಾನ್ಸ್‍ನ್ನು ಹೊರಗಿಡಲು ನಿರ್ಧರಿಸಲಾಗಿದೆ. ಕಳೆದ ಎರಡೂ ಸೀಸನ್‍ಗಳಲ್ಲಿ ಬಿಗ್‍ಬಾಸ್ ವಿನ್ನರ್ ಹೆಸರು ಶೋ ಪ್ರಸಾರವಾಗುವುದಕ್ಕೆ ಮುನ್ನವೇ ಬಹಿರಂಗವಾಗಿತ್ತು. ಶೋಗೆ ವೀಕ್ಷಕರಾಗಿ ಹೋಗಿದ್ದ ಅಭಿಮಾನಿಗಳು, ಅದನ್ನು ಸೋಷಿಯಲ್ ಮೀಡಿಯಾಗೆ ಹರಿಯಬಿಟ್ಟಿದ್ದರು.

    ಹೀಗಾಗಿ ಈ ಬಾರಿ ಬಿಗ್‍ಬಾಸ್ ನಿರ್ಮಾಪಕರು, ಶೋದ ಕುತೂಹಲವನ್ನು ಕೊನೆಯವರೆಗೂ ಉಳಿಸಿಕೊಳ್ಳಲು ನಿರ್ಧರಿಸಿದ್ದಾರೆ. ಕಿಚ್ಚ ಸುದೀಪ್ ನಡೆಸಿಕೊಡುತ್ತಿರುವ ಬಿಗ್‍ಬಾಸ್ ಶೋ, ಕರ್ನಾಟಕದಲ್ಲಿನ ಜನಪ್ರಿಯ ರಿಯಾಲಿಟಿ ಶೋ.

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery