` kiccha sudeepa - chitraloka.com | Kannada Movie News, Reviews | Image

kiccha sudeepa

  • ತೆಲುಗಿನಲ್ಲಿ ಕೋಟಿಗೊಬ್ಬ-3ಯ ಪಟಾಕಿ

    ತೆಲುಗಿನಲ್ಲಿ ಕೋಟಿಗೊಬ್ಬ-3ಯ ಪಟಾಕಿ

    ಕೋಟಿಗೊಬ್ಬ 3 ಭರ್ಜರಿಯಾಗಿಯೇ ಸದ್ದು ಮಾಡುತ್ತಿದೆ. ಸುದೀಪ್ ಅವರ ಹಿಂದಿನ ಚಿತ್ರಗಳಂತೆ ಕೋಟಿಗೊಬ್ಬ 3 ಕೂಡಾ ಬಹುಭಾಷೆಗಳಿಗೆ ಹೋಗುತ್ತಿದೆ. ಇದರ ಮೊದಲ ಹೆಜ್ಜೆಯಾಗಿ ಚಿತ್ರದ 3 ಹಾಡುಗಳನ್ನು ತೆಲುಗಿನಲ್ಲೂ ರಿಲೀಸ್ ಮಾಡಲಾಗಿದೆ.

    ಕನ್ನಡದಲ್ಲಿ ಹಲ್‍ಚಲ್ ಎಬ್ಬಿಸಿರುವ ಪಟಾಕಿ ಪೋರಿಯೋ ಹಾಡು ತೆಲುಗಿನಲ್ಲೂ ಹಬ್ಬ ಮಾಡಲು ಸಿದ್ಧವಾಗುತ್ತಿದೆ. ಕಿಚ್ಚ ಮತ್ತು ಆಶಿಕಾ ರಂಗನಾಥ್ ಕಿಚ್ಚು ಹಚ್ಚುತ್ತಿದ್ದಾರೆ. ಶಿವ ಕಾರ್ತಿಕ್ ನಿರ್ದೇಶನದ ಚಿತ್ರದಲ್ಲಿ ಸುದೀಪ್ ಎದುರು ಮಡೋನ್ನಾ ಸೆಬಾಸ್ಟಿಯನ್ ನಾಯಕಿ. ಸೂರಪ್ಪ ಬಾಬು ನಿರ್ಮಾಣದ ಚಿತ್ರ, ಶೂಟಿಂಗ್ ಮತ್ತು ಡಬ್ಬಿಂಗ್ ಎಲ್ಲವನ್ನೂ ಮುಗಿಸಿದ್ದು ರಿಲೀಸ್ ಆಗೋಕೆ ರೆಡಿಯಾಗಿದೆ. ವೇಯ್ಟಿಂಗ್ ಫಾರ್ ಕೊರೊನಾ ಗೋಯಿಂಗ್.

  • ದಬಾಂಗ್ 3 ಕನ್ನಡಿಗರ ಸಿನಿಮಾ - ಸಲ್ಮಾನ್

    dabanng 3 is kannadiga's movie

    ಚಿತ್ರದ ಡೈರೆಕ್ಟರ್ ಕನ್ನಡಿಗ, ಪ್ರಭುದೇವ. ಚಿತ್ರದ ವಿಲನ್ ಕನ್ನಡಿಗ ಸುದೀಪ್. ಜೊತೆಗೆ ಸಲ್ಮಾನ್ ಖಾನ್ ಚಿತ್ರವೊಂದು ಇದೇ ಮೊದಲ ಬಾರಿಗೆ ಕನ್ನಡದಲ್ಲಿ ಬರುತ್ತಿದೆ. ಹೀಗಾಗಿ ಇದು ಕನ್ನಡ ಸಿನಿಮಾ. ಕನ್ನಡಿಗರ ಸಿನಿಮಾ ಎಂದರು ಸಲ್ಲು.

    ಸುದೀಪ್ ನನ್ನ ಸಹೋದರನಿದ್ದಂತೆ ಎಂದು ಹೊಗಳಿದ್ದ ಸಲ್ಮಾನ್, ಇದು ಸುದೀಪ್ ಸಿನಿಮಾ. ಅವರು ನಿಜವಾದ ಸೂಪರ್ ಸ್ಟಾರ್ ಎಂದು ಹೊಗಳಿದರು. ತಾರೀಕು ನಂದು, ಟೈಮೂ ನಂದು ಎಂದು ಕನ್ನಡದಲ್ಲೇ ಹೇಳಿದ ಸಲ್ಮಾನ್ ಕನ್ನಡ ನಂಗೂ ಬರುತ್ತೆ ಎಂದು ಹೇಳಿ ಚಪ್ಪಾಳೆ ಗಿಟ್ಟಿಸಿಕೊಂಡರು. ನಾಯಕಿ ಸೋನಾಕ್ಷಿ ಸಿನ್ಹಾ, ನಿರ್ದೇಶಕ ಪ್ರಭುದೇವ ಕೂಡಾ ಚಿತ್ರದ ಪ್ರಚಾರ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

  • ದಬಾಂಗ್ ೩ ಸಲ್ಲು ಹಾಡಿದ ಕನ್ನಡ ಪ್ರೇಮಗೀತೆ ಕೇಳಿದ್ರಾ..?

    dabang 3 kannada song wins hearts

    ಸೀರೇಲಿ ಬಳುಕುತ್ತಾ ಬಂದೆ.. ನೀನು ಬಿಚ್ಚೋಲೆ ಗೌರಮ್ಮನಂತೆ.. ನೀ ಏನೇ ಕೇಳು ಹೂ ಅನುವೆ..

    ಇದು ದಬಾಂಗ್ ೩ ಚಿತ್ರದ ಯುಗಳ ಗೀತೆ. ಹಾಡಿಗೆ ಬಿಂದಾಸ್ ಆಗಿ ಕುಣಿದಿರೋದು ಸಲ್ಮಾನ್ ಖಾನ್ ಮತ್ತು ಸೋನಾಕ್ಷಿ ಸಿನ್ಹಾ. ಹಿಂದಿ ಹಾಡನ್ನು ಯಥಾವತ್ ಇಳಿಸದೆ, ಹೊಸದೇ ಎನ್ನುವ ರೀತಿಯಲ್ಲಿ ಸಾಹಿತ್ಯ ಬರೆದಿರುವುದು ರಂಗಿತರAಗದ ಅನೂಪ್ ಭಂಡಾರಿ.

    ವಿಜಯ ಪ್ರಕಾಶ್ ಮತ್ತು ಐಶ್ವರ್ಯ ರಂಗರಾಜನ್ ಹಾಡು ಹಾಡಿದ್ದು, ಹಾಡು ಕಿಕ್ಕೇರಿಸಿದೆ. ಸಲ್ಮಾನ್ ಖಾನ್ ಜೊತೆಗೆ ಕಿಚ್ಚ ಸುದೀಪ್ ನೆಗೆಟಿವ್ ಶೇಡ್ ಪಾತ್ರದಲ್ಲಿ ನಟಿಸಿದ್ದು, ಕ್ರಿಸ್‌ಮಸ್‌ಗೆ ರಿಲೀಸ್ ಆಗುತ್ತಿದೆ. ಹೀಗಾಗಿಯೇ ದಬಾಂಗ್ ೩ ಸೆನ್ಸೇಷನ್ ಸೃಷ್ಟಿಸಿದೆ. ಇದರಂತೆಯೇ ಹಾಡು ಕೂಡಾ.

  • ದಬಾಂಗ್ 3ಯನ್ನೂ ಬಿಡಲಿಲ್ಲ ತಮಿಳು ರಾರ‍್ಸ್

    tamil rockers haunt dabanng 3 as well

    ಯಾವುದೇ ಭಾಷೆಯ ಚಿತ್ರರಂಗಕ್ಕೆ ವಿಲನ್ ಆಗಿರುವ ತಮಿಳು ರಾರ‍್ಸ್ ಸಲ್ಮಾನ್ ಖಾನ್ ಅಭಿನಯದ ದಬಾಂಗ್ 3ಗೂ ಖಳನಾಯಕರಾಗಿ ಕಾಡಿದ್ದಾರೆ. ಚಿತ್ರ ರಿಲೀಸ್ ಆದ ದಿನವೇ ತಮಿಳು ರಾರ‍್ಸ್ ಚಿತ್ರದ ಪೈರಸಿ ವಿಡಿಯೋ ರಿಲೀಸ್ ಮಾಡಿದೆ. ಅದೂ ಹೆಚ್‌ಡಿ ವರ್ಷನ್‌ನಲ್ಲಿ.

    ಬಾಲಿವುಡ್ ಮಂದಿ ಸಿನಿಮಾವನ್ನು ಎಲ್ಲ ಸುರಕ್ಷತಾ ಕ್ರಮಗಳನ್ನಿಟ್ಟುಕೊಂಡೇ ರಿಲೀಸ್ ಮಾಡುತ್ತಾರೆ. ಆದರೂ ತಮಿಳು ರಾರ‍್ಸ್, ಅವರಿಗಿಂತ ಒಂದು ಹೆಜ್ಜೆ ಮುಂದಿರುತ್ತಾರೆ. ಒಂದು ಕಡೆ ಸಲ್ಮಾನ್, ಸುದೀಪ್ ಕಾಂಬಿನೇಷನ್ನಿನ ಸಿನಿಮಾ ಬಾಕ್ಸಾಫೀಸನ್ನು ಚಿಂದಿ ಉಡಾಯಿಸುತ್ತಿದ್ದರೆ, ತಮಿಳು ರಾರ‍್ಸ್ ನಿರ್ಮಾಪಕರಿಗೆ ಟೆನ್ಷನ್ ತಂದಿಟ್ಟಿದ್ದಾರೆ

  • ದಬಾಂಗ್ ಕನ್ನಡ.. ಸಲ್ಮಾನ್ ಕನ್ನಡ.. ಬಂದೇ ಬಿಡ್ತು..!

    salman khan speaks kannada in dabaang 3 motion poster

    ದಬಾಂಗ್ 3, ಸಲ್ಮಾನ್ ಖಾನ್ ಅಭಿನಯದ ಪ್ರಭುದೇವ ನಿರ್ದೇಶನದ ಸಿನಿಮಾ. ಕಿಚ್ಚ ಸುದೀಪ್, ಸಲ್ಮಾನ್ ಎದುರು ಪ್ರತಿನಾಯಕನಾಗಿ ನಟಿಸಿರುವ ಚಿತ್ರವಿದು. ಸ್ವತಃ ಸಲ್ಮಾನ್ ಖಾನ್, ಅರ್ಬಾಜ್ ಖಾನ್, ನಿಖಿಲ್ ದ್ವಿವೇದಿ ಚಿತ್ರದ ನಿರ್ಮಾಪಕರು. ಈ ಚಿತ್ರ ಡಿಸೆಂಬರ್ 20ರಂದು ರಿಲೀಸ್ ಆಗುತ್ತಿದ್ದು, ಕನ್ನಡದಲ್ಲೂ ಬರಲಿದೆ.

    ಪೈಲ್ವಾನ್ ರಿಲೀಸ್ ಆಗುವುದಕ್ಕೆ 2 ದಿನ ಮೊದಲು ಕನ್ನಡದ ದಬಾಂಗ್ 3 ಟೀಸರ್ ಬಿಟ್ಟಿರುವ ಸಲ್ಮಾನ್, ಸ್ವತಃ ಕನ್ನಡದಲ್ಲಿಯೇ ಡಬ್ ಮಾಡಿದ್ದಾರೆ. ಟೈಮೂ ನಂದು..ತಾರೀಕೂ ನಂದು ಎನ್ನುವ ಸಲ್ಮಾನ್ ವಾಯ್ಸ್ ಇರುವ ಮೋಷನ್ ಪೋಸ್ಟರ್ ಹವಾ ಎಬ್ಬಿಸಿದೆ. ದಬಾಂಗ್ 3 ಒಟ್ಟು 4 ಭಾಷೆಗಳಲ್ಲಿ ಬರಲಿದೆ. ಒನ್ಸ್ ಎಗೇಯ್ನ್, ಇಲ್ಲಿಯೂ ಸಲ್ಮಾನ್ಗೆ ಸೋನಾಕ್ಷಿ ಸಿನ್ಹಾ ನಾಯಕಿ. ಒಟ್ಟಿನಲ್ಲಿ ಈ ಮೂಲಕ ಸಲ್ಮಾನ್  ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.

  • ದಬಾಂಗ್ ಕ್ಲೈಮಾಕ್ಸ್ ಲೀಕ್ : ಕಿಚ್ಚನ ಹೊಡೆದಾಟ ಬಿಚ್ಚಿಟ್ಟ ಸಲ್ಲು

    dabanng 3 climax video leaked

    ಯಾವುದೇ ಚಿತ್ರದ ಜೀವಾಳವೇ ಕ್ಲೈಮಾಕ್ಸ್. ಅಂಥಾದ್ದರಲ್ಲಿ ಬಾಲಿವುಡ್ಡಿನ ಬಹುನಿರೀಕ್ಷಿತ ಚಿತ್ರ ದಬಾಂಗ್ 3 ಚಿತ್ರದ ಕ್ಲೈಮಾಕ್ಸ್ ಲೀಕ್ ಆಗಿದೆ. ವಿಶೇಷ ಅಂದ್ರೆ, ಈ ಕ್ಲೈಮಾಕ್ಸ್ ದೃಶ್ಯದ ತುಣುಕುಗಳನ್ನು ಲೀಕ್ ಮಾಡಿರುವುದು ಸ್ವತಃ ಸಲ್ಮಾನ್ ಖಾನ್.

    ಕ್ಲ್ಯೈಮ್ಯಾಕ್ಸ್ ಸೀನ್‌ನಲ್ಲಿ ಸಿಕ್ಕಾಪಟ್ಟೆ ಆ್ಯಕ್ಷನ್ ಇದ್ದು, ಬಲಿ ಸಿಂಗ್ ಆಗಿ ಸುದೀಪ್ ನಟಿಸಿದ್ದಾರೆ. 23 ದಿನ ಶೂಟಿಂಗ್ ಆದ ಕ್ಲೈಮಾಕ್ಸ್ ಇದು. ಸಲ್ಮಾನ್ 500 ಜನರ ವಿರುದ್ಧ ಫೈಟ್ ಮಾಡ್ತಾರಂತೆ. 00 ಕಾರ್‌ಗಳು ಕ್ಲ್ಯೈಮ್ಯಾಕ್ಸ್ ಸೀನ್‌ನಲ್ಲಿವೆಯಂತೆ. ಬ್ಲಾಸ್ಟ್ ಆಗ್ತವಾ..?

    ಅಲ್ಲೇ ಇರೋದು ಟ್ವಿಸ್ಟು. ಸಲ್ಮಾನ್ ಖಾನ್ ಅಣ್ಣ ಅರ್ಬಾಜ್ ಖಾನ್ ಚಿತ್ರದ ನಿರ್ಮಾಪಕ. ಅಷ್ಟು ಸುಲಭವಾಗಿ ಬಿಟ್ಟು ಬಿಡ್ತಾರಾ..? ಪ್ರಭುದೇವ ನಿರ್ದೇಶನದ ಈ ಸಿನಿಮಾ ಡಿಸೆಂಬರ್ 20ಕ್ಕೆ ರಿಲೀಸ್ ಆಗ್ತಿದೆ. ಅಲ್ಲಿಯವರೆಗೂ ಚುಲ್ ಬುಲ್ ಪಾಂಡೆ ಇಂತಹ ಮಜಾ ಕೊಡ್ತಾನೇ ಇರ್ತಾರೆ. ಫುಲ್ ಮಜಾ ಸಿಗೋದೇನಿದ್ರೂ ಆವತ್ತೇ..

  • ದಬಾಂಗ್ ಬಾಕ್ಸಾಫೀಸ್ ಬೊಂಬಾಟ್

    dabanng 3 box office report

    ಕಿಚ್ಚ ಸುದೀಪ್ ವಿಲನ್ ಆಗಿ ನಟಿಸಿರುವ ದಬಾಂಗ್ 3, ಕನ್ನಡದಲ್ಲಿ ಕಮಾಲ್ ಮಾಡುತ್ತಿದೆ. ಸಲ್ಮಾನ್ ಖಾನ್, ಸೋನಾಕ್ಷಿ ಸಿನ್ಹ ನಟಿಸಿರುವ ದಬಾಂಗ್ 3 ಕನ್ನಡದಲ್ಲಿ 4 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಡಬ್ಬಿಂಗ್ ಸಿನಿಮಾವೊಂದು ಕನ್ನಡದಲ್ಲಿ ಗಳಿಸಿರುವ ಅತಿ ದೊಡ್ಡ ಕಲೆಕ್ಷನ್ ಇದು. ಹೀಗಾಗಿಯೇ ವಿತರಕ ಜಾಕ್ ಮಂಜು ಖುಷಿಯಾಗಿದ್ದಾರೆ.

    ಚಿತ್ರಕ್ಕೆ ಉತ್ತರ ಕರ್ನಾಟಕದಲ್ಲಿ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ. ರಾಜ್ಯದ ಹಲವು ಕಡೆ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದೆ. ಹಿಂದಿಗಿAತಲೂ ಕನ್ನಡಕ್ಕೆ ಒಳ್ಳೆಯ ರೆಸ್ಪಾನ್ಸ್ ಸಿಗುತ್ತಿದೆ ಎಂದಿದ್ದಾರೆ ಜಾಕ್ ಮಂಜು. ಚಿತ್ರಮಂದಿರಗಳ ಸಂಖ್ಯೆ ಹೆಚ್ಚುತ್ತಿರುವುದು ಚಿತ್ರದ ಸಕ್ಸಸ್ ತೋರಿಸುತ್ತಿದೆ.

  • ದಬಾಂಗ್ ಸ್ಟರ‍್ಸ್ ಇಷ್ಟದ ಕ್ರಿಕೆರ‍್ಸ್ ಯಾರು..?

    dabanng 3 promotions reaches cricket stadium too

    ದಬಾಂಗ್ 3 ರಿಲೀಸ್ ಹತ್ತಿರವಾದಂತೆ ಚಿತ್ರದ ಪ್ರಮೋಷನ್ ಕೆಲಸದಲ್ಲಿ ಬ್ಯುಸಿಯಾಗಿದ್ದಾರೆ ಸಲ್ಮಾನ್ ಮತ್ತು ಸುದೀಪ್. ಈಗ ನಡೆಯುತ್ತಿರುವ ವೆಸ್ಟ್ಇಂಡೀಸ್ ವಿರುದ್ಧದ ಸರಣಿಯಲ್ಲೂ ಪ್ರಚಾರದಲ್ಲಿ ತೊಡಗಿಸಿಕೊಂಡಿದ್ದಾರೆ ಸಲ್ಲು ಮತ್ತು ಕಿಚ್ಚ. ಪಂದ್ಯದ ನೇರಪ್ರಸಾರದ ವೇಳೆ ಸ್ಟುಡಿಯೋಗೆ ತೆರಳಿದ್ದ ಸಲ್ಮಾನ್ ಮತ್ತು ಸುದೀಪ್ ಕ್ರಿಕೆಟ್ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದಾರೆ.

    ಇದೇ ವೇಳೆ ತಮಗಿಷ್ಟವಾದ ಆಟಗಾರರು ಯಾರು ಎಂಬ ಪ್ರಶ್ನೆಗೆ ಸಲ್ಮಾನ್ ವೈಯಕ್ತಿಕವಾಗಿ ನನಗೆ ಕೇದಾರ್ ಜಾಧವ್ ಗೊತ್ತು, ಆದರೆ ನನಗೆ ಧೋನಿ ಫೇವರಿಟ್ ಸ್ಟಾರ್ ಎಂದಿದ್ದಾರೆ.

    ಸ್ವತಃ ಕ್ರಿಕೆಟರ್ ಆಗಿರುವ ಸುದೀಪ್ ಅವರು ಆ ದಿನ ಚೆನ್ನಾಗಿ ಆಡುವವನೇ ನಿಜವಾದ ಸ್ಟಾರ್ ಎಂದರಾದರೂ ತಮ್ಮ ಅಚ್ಚುಮೆಚ್ಚಿನ ಆಟಗಾರ ಅನಿಲ್ ಕುಂಬ್ಳೆ, ಪ್ರಸ್ತುಟ ಟೀಂನಲ್ಲಿರುವವರಲ್ಲಿ ರೋಹಿತ್ ಶರ್ಮಾ ಇಷ್ಟ ಎಂದಿದ್ದಾರೆ.

  • ದಯವಿಟ್ಟು ಕ್ಷಮಿಸಿ. ಕೋಟಿಗೊಬ್ಬ -3 ಇಂದಲ್ಲ.. ನಾಳೆ ರಿಲೀಸ್ : ಸೂರಪ್ಪ ಬಾಬು

    ದಯವಿಟ್ಟು ಕ್ಷಮಿಸಿ. ಕೋಟಿಗೊಬ್ಬ -3 ಇಂದಲ್ಲ.. ನಾಳೆ ರಿಲೀಸ್ : ಸೂರಪ್ಪ ಬಾಬು

    ಆಯುಧಪೂಜೆಯ ದಿನವೇ ರಿಲೀಸ್ ಆಗಬೇಕಿದ್ದ ಕೋಟಿಗೊಬ್ಬ 3 ಚಿತ್ರದ ಬಿಡುಗಡೆ ಒಂದು ದಿನ ಮುಂದಕ್ಕೆ ಹೋಗಿದೆ.  ಚಿತ್ರ ಇಂದು ಬಿಡುಗಡೆಯಾಗುತ್ತಿಲ್ಲ. ಬೆಳಗ್ಗೆಯಿಂದಲೇ ಶುರುವಾದ ಗೊಂದಲಕ್ಕೆ ನಿರ್ಮಾಪಕ ಸೂರಪ್ಪ ಬಾಬು ತೆರೆ ಎಳೆದಿದ್ದಾರೆ. ಅತ್ತ ಕಿಚ್ಚ ಸುದೀಪ್ ಕೂಡಾ ಟ್ವೀಟ್ ಮೂಲಕ ಅಭಿಮಾನಿಗಳಿಗೆ ಶಾಂತಿಯಿಂದಿರಲು ಮನವಿ ಮಾಡಿದ್ದಾರೆ.

    ಕೆಲವರ ಬೇಜವಾಬ್ದಾರಿತನದಿಂದಾಗಿ ಕೋಟಿಗೊಬ್ಬ- 3 ಚಿತ್ರ ರಿಲೀಸ್ ಆಗಲಿಲ್ಲ. ಚಿತ್ರಮಂದಿರಗಳ ಮಾಲೀಕರ ತಪ್ಪು ಏನೂ ಇಲ್ಲ. ದಯವಿಟ್ಟು ಶಾಂತಿಯಿಂದಿರಿ. ಚಿತ್ರಮಂದಿರದವರ ಜೊತೆ ಗಲಾಟೆ ಮಾಡಬೇಡಿ ಎಂದು ಸುದೀಪ್ ಮನವಿ ಮಾಡಿದ್ದಾರೆ.

    ಕೆಲವರ ಷಡ್ಯಂತ್ರದಿಂದಾಗಿ ಚಿತ್ರ ಬಿಡುಗಡೆ ಸಾಧ್ಯವಾಗಲಿಲ್ಲ. ಈಗ ಎಲ್ಲವನ್ನೂ ಬಗೆಹರಿಸಿಕೊಳ್ಳುತ್ತಿದ್ದೇವೆ. ಸಂಜೆಯೊಳಗೆ ವಿವಾದ ಇತ್ಯರ್ಥವಾಗಲಿದ್ದು, ನಾಳೆ ಬೆಳಗ್ಗೆಯೇ ಶೋ ಶುರುವಾಗಲಿದೆ. ಸುದೀಪ್ ಅಭಿಮಾನಿಗಳು ಹಾಗೂ ಪ್ರೇಕ್ಷಕರಲ್ಲಿ ಆಗಿರುವ ಗೊಂದಲಕ್ಕೆ ಕ್ಷಮೆ ಕೇಳುತ್ತಿದ್ದೇನೆ. ದಯವಿಟ್ಟು ಸಹಕರಿಸಿ ಎಂದು ಕೇಳಿಕೊಂಡಿದ್ದಾರೆ ನಿರ್ಮಾಪಕ ಸೂರಪ್ಪ ಬಾಬು.

  • ದರ ಹೆಚ್ಚಾದ್ರೂ ದಿ ವಿಲನ್ ಹೌಸ್‍ಫುಲ್..!

    the villain advance booking craze begins

    ದಿ ವಿಲನ್ ರಿಲೀಸ್ ಆಗೋಕೆ ಕೆಲವೇ ದಿನಗಳಿವೆ. ಶಿವಣ್ಣ ಮತ್ತು ಸುದೀಪ್ ಕಾಂಬಿನೇಷನ್ ಸಿನಿಮಾ. ಜೋಗಿ ಪ್ರೇಮ್ ನಿರ್ದೇಶನದ ಚಿತ್ರಕ್ಕೆ ಟಿಕೆಟ್ ದರ ಹೆಚ್ಚಿಸಿಯೇ ಅಡ್ವಾನ್ಸ್ ಬುಕಿಂಗ್ ಶುರು ಮಾಡಲಾಗಿದೆ. ಟಿಕೆಟ್ ದರ ಹೆಚ್ಚಾದರೂ ಹಲವು ಥಿಯೇಟರುಗಳು ಈಗಾಗಲೇ ಹೌಸ್‍ಫುಲ್ ಆಗಿವೆ.

    ಬಾಹುಬಲಿ ಬಂದಾಗ ಇದೇ ರೀತಿ ಟಿಕೆಟ್ ದರ ಏರಿಸಲಾಗಿತ್ತು. ಈಗ ಕನ್ನಡದ ಸಿನಿಮಾಗೂ ಇದೇ ರೀತಿ ದರ ಹೆಚ್ಚಿಸಿದ್ದೇವೆ. ವಿಶೇಷವೆಂದರೆ ಯಾರೊಬ್ಬರೂ ಟಿಕೆಟ್ ದರ ಹೆಚ್ಚಳದ ವಿರುದ್ಧ ಮಾತನಾಡುತ್ತಿಲ್ಲ. ಬಹುತೇಕ ಕಡೆ ಈಗಾಗಲೇ ಹೌಸ್‍ಫುಲ್ ಆಗಿದೆ ಎಂದು ಖುಷಿ ಹಂಚಿಕೊಂಡಿದ್ದಾರೆ ನಿರ್ದೇಶಕ ಪ್ರೇಮ್.

    ಇದೇ ಗುರುವಾರ ತೆರೆಗೆ ಬರುತ್ತಿರುವ ದಿ ವಿಲನ್ ಟಿಕೆಟ್ ದರ  ಗರಿಷ್ಟ 400 ರೂ. ಹಾಗೂ ಕನಿಷ್ಟ 150 ರೂ. ಇದೆ. 

  • ದರ್ಶನ್ ಮದಕರಿಯಾದರೆ ಕಾನೂನು ಹೋರಾಟ - ವಾಲ್ಮೀಕಿ ಸ್ವಾಮೀಜಿ

    madakri issue turns into cast fight

    ಮದಕರಿ ನಾಯಕ ಸಿನಿಮಾ ವಿವಾದ ದಿನದಿಂದ ದಿನಕ್ಕೆ ತಾರಕಕ್ಕೇರುತ್ತಿದೆ. ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣದಲ್ಲಿ, ದರ್ಶನ್ ಮದಕರಿ ನಾಯಕನ ಪಾತ್ರ ಮಾಡಲಿದ್ದಾರೆ ಎನ್ನುವುದು ಒಂದು ಕಡೆಯಾದರೆ, ಇನ್ನೊಂದು ಕಡೆ ಸುದೀಪ್ ಕೂಡಾ ವೀರ ಮದಕರಿ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ಇನ್ನೊಂದು ಸುದ್ದಿ. ಇವೆರಡರ ನಡುವೆ ಚಿತ್ರದ ವಿವಾದಕ್ಕೆ ಜಾತಿಯ ಬಣ್ಣವೂ ಅಂಟಿಕೊಂಡಿದೆ. ವಾಲ್ಮೀಕಿ ಸಮುದಾಯದ ಸ್ವಾಮೀಜಿ ಈಗ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ.

    ನಮ್ಮ ಸಮುದಾಯದ ನಾಯಕ ಮದಕರಿ ನಾಯಕನ ಪಾತ್ರವನ್ನು ಕಿಚ್ಚ ಸುದೀಪ್ ಅವರೇ ಮಾಡಬೇಕು. ಅವರ ಬದಲಿಗೆ ಆ ಪಾತ್ರವನ್ನು ದರ್ಶನ್ ಮಾಡುತ್ತಾರೆ ಎನ್ನುವುದಾದರೆ ಅದಕ್ಕೆ ನಮ್ಮ ಸಮ್ಮತಿ ಇಲ್ಲ. ನಾವು ಕಾನೂನು ಹೋರಾಟಕ್ಕೂ ಸಿದ್ಧ ಎಂದಿದ್ದಾರೆ ವಾಲ್ಮೀಕಿ ಸಮುದಾಯದ ಪ್ರಸನ್ನಾನಂದಪುರಿ ಸ್ವಾಮೀಜಿ.

    ಸುದೀಪ್ ಅವರು ವಾಲ್ಮೀಕಿ ಸಮುದಾಯದವರು. 2010ರಲ್ಲಿಯೇ ಮದಕರಿ ನಾಯಕನ ಪಾತ್ರ ಮಾಡುವುದಾಗಿ ನನಗೆ ಭರವಸೆ ನೀಡಿದ್ದರು. ಆ ಪಾತ್ರವನ್ನು ಸುದೀಪ್ ಅವರೇ ಮಾಡಬೇಕು. ಬೇರೆಯವರು ಆ ಪಾತ್ರ ಮಾಡಿದರೆ ಕಾನೂನು ಹಾಗೂ ಸಾಂಘಿಕ ಹೋರಾಟಕ್ಕೆ ಸಿದ್ಧ ಎಂದು ಘೋಷಿಸಿದ್ದಾರೆ ಪ್ರಸನ್ನಾನಂದ ಪುರಿ ಸ್ವಾಮೀಜಿ.

  • ದರ್ಶನ್ ಹೀರೋಯಿನ್ ಆಗಿದ್ದವರೀಗ ಸುದೀಪ್'ಗೆ ಅಮ್ಮ

    ದರ್ಶನ್ ಹೀರೋಯಿನ್ ಆಗಿದ್ದವರೀಗ ಸುದೀಪ್'ಗೆ ಅಮ್ಮ

    ದರ್ಶನ್ ಚಿತ್ರಗಳಲ್ಲಿ ಮ್ಯೂಸಿಕಲಿ ಹಿಟ್ ಸಾಲಿನಲ್ಲಿರುವ ಚಿತ್ರ ಲಾಲಿಹಾಡು. ಆ ಚಿತ್ರದಲ್ಲಿ ದರ್ಶನ್‍ಗೆ ನಾಯಕಿಯಾಗಿದ್ದ ಅಭಿರಾಮಿ ಮತ್ತೊಮ್ಮೆ ವಾಪಸ್ ಬಂದಿದ್ದಾರೆ. ಸುದೀಪ್‍ಗೆ ತಾಯಿಯಾಗಿ.

    ಕೋಟಿಗೊಬ್ಬ 3 ಚಿತ್ರದಲ್ಲಿ ಅಭಿರಾಮಿ ಸುದೀಪ್ ಅವರಿಗೆ ತಾಯಿಯಾಗಿ ನಟಿಸಿದ್ದಾರೆ. ಮಲಯಾಳಂ ಮೂಲದ ಅಭಿರಾಮಿ ವಿದೇಶದಲ್ಲಿ ಸೆಟಲ್ ಆಗಿದ್ದರು. ಕನ್ನಡದಲ್ಲಿ ಅಭಿರಾಮಿ ಕಡೆಯದಾಗಿ ದಶರಥ ಚಿತ್ರದಲ್ಲಿ ನಟಿಸಿದ್ದರು. ಈಗ ಕೋಟಿಗೊಬ್ಬ 3 ಚಿತ್ರದಲ್ಲಿ ನಟಿಸುತ್ತಿದ್ದು, ಸುದೀಪ್ ಅವರ ತಾಯಿಯ ಪಾತ್ರ ಮಾಡಿದ್ದಾರಂತೆ.

  • ದಿ ವಿಲನ್ 3ನೇ ಹಾಡು ಆಗಸ್ಟ್ 4ಕ್ಕೆ

    the villain 4th song on saturday

    ಒಂದೊಂದೇ ಹಾಡಿನ ಮೂಲಕ ವಿಲನ್ ಹವಾ ಎಬ್ಬಿಸುತ್ತಿರುವ ಜೋಗಿ ಪ್ರೇಮ್, ಈಗ 3ನೇ ಹಾಡು ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಮಾಡಿದ್ದಾರೆ. 3ನೇ ಹಾಡು ಆಗಸ್ಟ್ 4ನೇ ತಾರೀಕು ಅಂದರೆ ಇದೇ ಶನಿವಾರ ಬಿಡುಗಡೆಯಾಗಲಿದೆ. ಮೊದಲ ಎರಡೂ ಹಾಡುಗಳು ಹೀರೋ ಇಮೇಜ್ ಸುತ್ತಮುತ್ತ ಇದ್ದಂಥವು. ಆದರೆ, 3ನೇ ಹಾಡು ಪಕ್ಕಾ ಲವ್ ಸಾಂಗ್ ಎನ್ನುವ ಸುಳಿವು ಸಿಕ್ಕಿದೆ.

    ಲವ್ ಆಗೋಯ್ತು ನಿನ್ನ ಮ್ಯಾಲೆ.. ಅನ್ನೋ ಹಾಡದು. ಅಫ್‍ಕೋರ್ಸ್... ಹುಳ ಬಿಡುವ ಟೆಕ್ನಾಲಜಿಯನ್ನು ಪ್ರೇಮ್ ಇಲ್ಲೂ ಬಿಟ್ಟಿಲ್ಲ. ಹಾಡು ರಿಲೀಸ್ ಆಗಲಿದೆ ಎಂದು ಹೇಳಿ ಶಿವರಾಜ್ ಕುಮಾರ್ ಮತ್ತು ಸುದೀಪ್ ಇಬ್ಬರೂ ಆ್ಯಮಿ ಜಾಕ್ಸನ್ ಜೊತೆ ಇರುವ ಎರಡು ಪೋಸ್ಟರ್ ಬಿಟ್ಟಿದ್ದಾರೆ ಪ್ರೇಮ್. ಹಾಗಾದರೆ, ಹಾಡು ಯಾರ ಮೇಲೆ..? ಹೋಗಲಿ.. ಇದು ತ್ರಿಕೋನ ಪ್ರೇಮಕಥೆನಾ..?

    ನಿಮ್ಮ ತಲೆಯಲ್ಲಿ ಪ್ರಶ್ನೆ ಹುಟ್ಟಿದವು ತಾನೇ. ಪ್ರೇಮ್‍ಗೆ ಬೇಕಾಗಿರುವುದೂ ಅದೇ.. ಹೋಗ್ಲಿಬಿಡಿ.. ಆಗಸ್ಟ್ 4ಕ್ಕೆ ಹೊಸ ಹಾಡು ಕೇಳೋಕೆ ರೆಡಿಯಾಗಿ.

  • ದಿ ವಿಲನ್ ಆ್ಯಮಿ ಜಾಕ್ಸನ್ ಪ್ರಾಬ್ಲಂ

    the villain has new villain

    ಶಿವರಾಜ್ ಕುಮಾರ್ ಮತ್ತು ಸುದೀಪ್ ಒಟ್ಟಿಗೇ ನಟಿಸುತ್ತಿರುವ `ದಿ ವಿಲನ್' ಚಿತ್ರಕ್ಕೆ ಹೊಸ ವಿಲನ್ ಸೃಷ್ಟಿಯಾಗಿದ್ದಾರೆ. ಕನ್ನಡ ಚಿತ್ರರಂಗದ ಅದ್ದೂರಿ ಚಿತ್ರಕೆಕ ವಿಲನ್ ಆಗಿರೋದು ಭಾರತೀಯ ವಿದೇಶಾಂಗ ಇಲಾಖೆ ಮತ್ತು ರಜಿನಿ ಅಭಿನಯದ ರೋಬೋ 2.0 ಚಿತ್ರ.

    ಆ್ಯಮಿ ಜಾಕ್ಸನ್‍ಗೆ ವೀಸಾ ಸಿಗುತ್ತಿಲ್ಲ. ಹೀಗಾಗಿ ಸುದೀಪ್ ಅವರ ಇಂಟ್ರೊಡಕ್ಷನ್ ಸಾಂಗ್‍ನ ಶೂಟಿಂಗ್‍ನಿಂದ ಆ್ಯಮಿ ದೂರವೇ ಉಳಿಯುವಂತಾಗಿದೆ. ಶೂಟಿಂಗ್ ಕೂಡಾ ಸಮಸ್ಯೆಯಾಗಿದೆ. ಇದರ ಜೊತೆಗೆ ರೋಬೋ 2.0 ಚಿತ್ರ ವಿಳಂಬವಾಗುತ್ತಿದ್ದು, ಡೇಟ್ ಕ್ಲಾಷ್ ಆಗುತ್ತಿದೆ. 

    ಈಗ ಪ್ರೇಮ್‍ಗೆ ಆಗಿರುವ ಸಮಸ್ಯೆಯೆಂದರೆ, ಆ್ಯಮಿ ಡೇಟ್ಸ್‍ಗೆ ಉಳಿದವರ ಡೇಟ್ಸ್ ಹೊಂದಿಸುವುದು. ಆದರೆ, ಚಿತ್ರದಲ್ಲಿ ನಟಿಸುತ್ತಿರುವ ಶಿವಣ್ಣ ಹಾಗೂ ಸುದೀಪ್, ಆ್ಯಮಿಗಿಂತಾ ಬ್ಯುಸಿ. ಪ್ರೇಮ್ ತಲೆ ಕಾದಹೆಂಚಿನಂತಾಗಿರುವುದಂತೂ ನಿಜ.

  • ದಿ ವಿಲನ್ ಕಥೆ ಇದೇ.

    fans started guessing the villain story

    ದಿ ವಿಲನ್ ಚಿತ್ರದ ಕಥೆ ಕೊನೆಗೂ ಗೊತ್ತಾಗಿ ಹೋಗಿದೆ. ಒಂದಲ್ಲ.. ಎರಡಲ್ಲ.. ಇದುವರೆಗೆ ಆರು ಟೀಸರ್ ಬಿಟ್ಟಿರುವ ಪ್ರೇಮ್, ಕಥೆಯನ್ನು ಗುಟ್ಟಾಗಿಯೇ ಇಟ್ಟುಕೊಂಡಿದ್ದರೂ, ಸಿನಿಮಾ ಕಥೆ ಗೊತ್ತಾಗಿಬಿಟ್ಟಿದೆ. ವಿಲನ್ ಕಥೆಯನ್ನು ಬಹಿರಂಗಪಡಿಸಿರುವುದು ಬೇರೆ ಯಾರೂ ಅಲ್ಲ, ವಿಲನ್‍ಗಾಗಿ ಕಾಯ್ತಿರೋ ಅಭಿಮಾನಿಗಳು. ಟೀಸರ್‍ಗಳನ್ನು ನೋಡಿ, ಕಥೆ ಹೀಗೆಯೇ ಇರಬಹುದು ಎಂಬ ಕಲ್ಪನೆಯನ್ನು ಹರಿಬಿಟ್ಟಿದ್ದಾರೆ ಫ್ಯಾನ್ಸ್.

    ಕಥೆ ನಂ.1 - ಸುದೀಪ್ ಮತ್ತು ಶಿವರಾಜ್‍ಕುಮಾರ್, ಇಬ್ಬರೂ ಚಿತ್ರದಲ್ಲಿ ರೌಡಿ ಅಥವಾ ವಿಲನ್‍ಗಳು. ಇಬ್ಬರೂ ಕೂಡಾ ಒಬ್ಬರನ್ನು (ಆ್ಯಮಿ ಜಾಕ್ಸನ್)ರನ್ನು ಹುಡುಕುತ್ತಿರುತ್ತಾರೆ. ಆ ಬೇಟೆಯನ್ನು ನಾನೇ ಆಡಬೇಕು ಎಂದು ಹಠಕ್ಕೆ ಬೀಳ್ತಾರೆ. ಅಲ್ಲಿ ಹೋರಾಟ ನಡೆಯುತ್ತೆ. ಮಧ್ಯೆ ಮದರ್ ಸೆಂಟಿಮೆಂಟ್ ಕೂಡಾ ಇದೆ.

    ಕಥೆ ನಂ.2 - ಸುದೀಪ್ ವಿಲನ್. ಶಿವಣ್ಣ ರಾವಣ. ಇಬ್ಬರೂ ನೆಗೆಟಿವ್ ಶೇಡ್ ಕ್ಯಾರೆಕ್ಟರ್‍ಗಳೇ. ಒಬ್ಬರು ಲೋಕಲ್, ಇನ್ನೊಬ್ಬರು ಇಂಟರ್‍ನ್ಯಾಷನಲ್. ಇಬ್ಬರ ನಡುವೆ ಪರಸ್ಪರ ಬೇಟೆಯಾಡುವ ಕಥೆ ಇದೆ. ಇಬ್ಬರ ನಡುವೆ ಟ್ವಿಸ್ಟ್ ಕೊಡೋದು ಆ್ಯಮಿ ಜಾಕ್ಸನ್. 

    ಕಥೆ ನಂ. 3 - ಇದು ಅಂಡರ್‍ವಲ್ರ್ಡ್ ಸ್ಟೋರಿ. ಡಾನ್ ಯಾರಾಗಬೇಕು ಎಂದು ಇಬ್ಬರ ನಡುವೆ ಫೈಟ್ ಶುರುವಾಗುತ್ತೆ. ಅಥವಾ ಇಬ್ಬರೂ ತಮ್ಮ ತಮ್ಮ ಬಾಸ್‍ಗಳಿಗಾಗಿ ಫೈಟ್ ಶುರು ಮಾಡ್ತಾರೆ. ಆ್ಯಮಿ ಜಾಕ್ಸನ್ ತನಿಖಾಧಿಕಾರಿಯಾಗಿ ಇಬ್ಬರ ನಡುವೆ ದ್ವೇಷ ತಂದಿಟ್ಟು, ಗೇಮ್ ಆಡ್ತಾರೆ. 

    ಸದ್ಯಕ್ಕೆ ಅಭಿಮಾನಿಗಳಿಂದ ಹೊರಬಿದ್ದಿರುವ ಕಥೆಗಳು ಈ ಮೂರು. ಜೋಗಿ ಪ್ರೇಮ್ ಈ ಕಥೆಗಳಲ್ಲೇ ಹೊಸದೊಂದು ಕಥೆ ಸೃಷ್ಟಿಸಿದರೂ ಆಶ್ಚರ್ಯ ಪಡಬೇಡಿ. ನಿಜವಾದ ಕಥೆ ಏನು ಅನ್ನೋದನ್ನು ಪ್ರೇಮ್ ಇದುವರೆಗೂ ಸೀಕ್ರೆಟ್ ಆಗಿಯೇ ಇಟ್ಟಿದ್ದಾರೆ. ಆದರೆ, ಸಿನಿಮಾವೊಂದರ ಕಥೆಯ ಬಗ್ಗೆ ಅಭಿಮಾನಿಗಳಲ್ಲಿ ಈ ರೀತಿಯ ಕುತೂಹಲ ಮೂಡಿರುವುದು, ತಮ್ಮ ತಮ್ಮಲ್ಲೇ ಕಥೆ ಹೀಗೂ ಇರಬಹುದು ಎಂಬ ಚರ್ಚೆ ಶುರುವಾಗಿರೋದು ಚಿತ್ರದ ಮೇಲಿನ ನಿರೀಕ್ಷೆಗೆ ಒಂದು ಪುಟ್ಟ ಸಾಕ್ಷಿ.

  • ದಿ ವಿಲನ್ ಟಿಕೆಟ್ ರೇಟ್.. 400-1000 ರೂ...? 

    will the villain's ticket price go up

    ಶಿವಣ್ಣ ಮತ್ತು ಕಿಚ್ಚ ಸುದೀಪ್ ಜೋಡಿಯ ದಿ ವಿಲನ್ ಇದೇ ಕ್ಟೋಬರ್ 18ಕ್ಕೆ ಬಿಡುಗಡೆಯಾಗುತ್ತಿದೆ. ಬಿಡುಗಡೆಯ ದಿನವನ್ನು ಅಭಿಮಾನಿಗಳು ಕಾತುರದಿಂದ ಎದುರು ನೋಡುತ್ತಿದ್ದಾರೆ. ಈಗಾಗಲೇ ಮಲ್ಟಿಪ್ಲೆಕ್ಸ್ ಮಾಲೀಕರೊಂದಿಗೆ ಹೆಚ್ಚುವರಿ ಲಾಭಾಂಶಕ್ಕೆ ಮನವಿ ಮಾಡಿದ್ದ ಚಿತ್ರತಂಡ, 60:40 ಲಾಭಾಂಶಕ್ಕೆ ಒಪ್ಪಿಸಿದೆ. 

    ವಿಲನ್ ನಿರ್ಮಾಪಕರಿಗೆ ಶೇ.60ರಷ್ಟು ಪಾಲು ನೀಡಲು ಮಲ್ಟಿಪ್ಲೆಕ್ಸ್ ಮಾಲೀಕರು ಬಹುತೇಕ ಒಪ್ಪಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಚಿತ್ರದ ಅವಧಿ 3 ಗಂಟೆ ಇರುವುದರಿಂದ, ಜಾಹೀರಾತು ಅವಧಿ ಕಡಿಮೆ ಮಾಡುವಂತೆಯೂ ಚಿತ್ರತಂಡ ಮನವಿ ಮಾಡಿದೆ. ಸಾಮಾನ್ಯವಾಗಿ ಮಲ್ಟಿಪ್ಲೆಕ್ಸ್‍ಗಳಲ್ಲಿ 15ರಿಂದ 20 ನಿಮಿಷ ಜಾಹೀರಾತುಗಳಿರುತ್ತವೆ. ಇದೆಲ್ಲದರ ಜೊತೆಗೆ ದಿ ವಿಲನ್ ಟಿಕೆಟ್ ದರ ಮೊದಲ ವಾರದಲ್ಲಿ 400 ರೂ. 500 ರೂ. 1000 ರೂ. ಆಗುವ ಸಾಧ್ಯತೆ ಇದೆ.

    ದೊಡ್ಡ ಬಜೆಟ್‍ನಲ್ಲಿ ಸಿನಿಮಾ ನಿರ್ಮಾಣವಾಗಿರುವುದು ಕೂಡಾ ಟಿಕೆಟ್ ದರ ಹೆಚ್ಚಳಕ್ಕೆ ಕಾರಣ ಎನ್ನಲಾಗುತ್ತಿದೆ. ಹಾಗೆಂದು ಇದು ಮೊದಲೇನೂ ಅಲ್ಲ. ಹಿಂದಿ, ತೆಲುಗು, ತಮಿಳು ಚಿತ್ರಗಳು ರಿಲೀಸ್ ಆದಾಗ ಮೊದಲ ವಾರ ಮಲ್ಟಿಪ್ಲೆಕ್ಸ್‍ಗಳಲ್ಲಿ ಇದೇ ರೀತಿ ಟಿಕೆಟ್ ದರ ಹೆಚ್ಚಿಸುವ ಸಂಪ್ರದಾಯವೇ ಇದೆ. ಒಟ್ಟಿನಲ್ಲಿ ದಿ ವಿಲನ್ ಚಿತ್ರವನ್ನು ಮೊದಲ ವಾರವೇ ನೋಡಬೇಕು ಎನ್ನುವ ಪ್ರೇಕ್ಷಕರು ಹೆಚ್ಚುವರಿ ಮೊತ್ತವನ್ನು ನೀಡಬೇಕಾಗಬಹುದು.

  • ದಿ ವಿಲನ್ ಹಬ್ಬಕ್ಕೆ ಟಿಕ್ ಟಿಕ್ ಟಿಕ್ ಟಿಕ್

    count down for the villain begins

    ದಿ ವಿಲನ್ ಹಬ್ಬಕ್ಕೆ ಟಿಕ್ ಟಿಕ್ ಶುರುವಾಗಿದೆ. ಶಿವಣ್ಣ ಮತ್ತು ಸುದೀಪ್ ಅಭಿಮಾನಿಗಳಂತೂ ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಇದೆಲ್ಲವನ್ನೂ ನೋಡುತ್ತಾ ಎಂಜಾಯ್ ಮಾಡ್ತಿರೋದು ಪ್ರೇಮ್. ಇಡೀ ಸಂಭ್ರಮದಲ್ಲಿ ಖುಷಿ ಖುಷಿಗೊಂಡಿರೋದು ನಿರ್ಮಾಪಕ ಸಿ.ಆರ್. ಮನೋಹರ್. 

    ನಿರ್ಮಾಪಕರು ಖುಷಿ ಪಡೋದಕ್ಕೆ ಕಾರಣಗಳಿವೆ. ದಿ ವಿಲನ್ ಶೋನ ಮೊದಲ ದಿನದ ಎಲ್ಲ ಶೋಗಳೂ ಈಗಾಗಲೇ ಹೌಸ್‍ಫುಲ್ ಆಗಿವೆ. ಸತತ ರಜೆಗಳಿರೋದ್ರಿಂದ ಉಳಿದ ಶೋಗಳೂ ತುಂಬಿಕೊಳ್ಳೋದ್ರಲ್ಲಿ ನೋ ಡೌಟ್. ರಾಜ್ಯದಲ್ಲಿ ಹೆಚ್ಚೂಕಡಿಮೆ 450+ ಥಿಯೇಟರುಗಳಲ್ಲಿ ಸಿನಿಮಾ ರಿಲೀಸ್ ಆಗ್ತಿದೆ. ಮುಂಬೈ, ಆಂಧ್ರ, ತೆಲಂಗಾಣ, ಚೆನ್ನೈ, ಕೇರಳದಲ್ಲೂ 80ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ ರಿಲೀಸ್ ಆಗುತ್ತಿದೆ. ಉತ್ತರ ಅಮೆರಿಕದಲ್ಲಿ ನಾಳೆಯಿಂದಲೇ ಶೋ ಶುರುವಾಗಲಿದ್ದು, ಉಳಿದ ಕಡೆ 2 ವಾರಗಳ ಬಳಿಕ ಸಿನಿಮಾ ರಿಲೀಸ್ ಆಗಲಿದೆ. ಮುಂಜಾಗ್ರತೆ ಕ್ರಮವಾಗಿ ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಎಲ್ಲ ಚಿತ್ರಮಂದಿರಗಳಿಗೂ ಪೊಲೀಸ್ ಭದ್ರತೆ ಒದಗಿಸಲಾಗಿದೆ. 

  • ದಿ ವಿಲನ್.. ರಿಲೀಸ್‍ಗೂ ಮೊದಲೇ 50 ಕೋಟಿ ಬ್ಯುಸಿನೆಸ್..?

    the villain does 50 crore business ?

    ಶಿವರಾಜ್‍ಕುಮಾರ್, ಕಿಚ್ಚ ಸುದೀಪ್ ಅಭಿನಯದ ದಿ ವಿಲನ್ ಬಿಡುಗಡೆಗೆ ಇನ್ನೂ ಒಂದು ತಿಂಗಳು ಬಾಕಿಯಿದೆ. ಸಿನಿಮಾ ಶುರುವಾದಾಗಿನಿಂದ ಸದ್ದು ಮಾಡುತ್ತಲೇ ಇದ್ದ ದಿ ವಿಲನ್, ಈಗ ರಿಲೀಸ್‍ಗೂ ಮೊದಲೇ ದಾಖಲೆ ಬರೆದಿದೆ. ಚಿತ್ರದ ಆಡಿಯೋ, ವಿಡಿಯೋ, ಸ್ಯಾಟಲೈಟ್, ಡಬ್ಬಿಂಗ್ ಹಾಗೂ ಹಂಚಿಕೆಯಲ್ಲಿ ಈಗಾಗಲೇ 50 ಕೋಟಿ ಬ್ಯುಸಿನೆಸ್ ಮಾಡಿದೆಯಂತೆ ದಿ ವಿಲನ್ ಟೀಂ.

    ಇದು ಕನ್ನಡ ಚಿತ್ರರಂಗದಲ್ಲಿ ದಾಖಲೆಯೇ ಸರಿ. ಜೋಗಿ ಪ್ರೇಮ್ ನಿರ್ದೇಶನದ ಸಿನಿಮಾದಲ್ಲಿ ಕನ್ನಡದ ಎರಡು ಧೃವತಾರೆಗಳು ಕಾಣಿಸಿಕೊಂಡಾಗಲೇ ಇದು ದಾಖಲೆ ಬರೆಯಲಿರುವ ಚಿತ್ರ ಎಂಬ ನಿರೀಕ್ಷೆಯಿತ್ತು. ಅದು ಹುಸಿಯಾಗುತ್ತಿಲ್ಲ. ಸಿ.ಆರ್.ಮನೋಹರ್ ನಿರ್ಮಾಣದ ದಿ ವಿಲನ್, 100 ಕೋಟಿ ಬ್ಯುಸಿನೆಸ್ ಮಾಡಿ ದಾಖಲೆ ಬರೆದರೂ ಅಚ್ಚರಿಯಿಲ್ಲ.

  • ದಿ ವಿಲನ್‍ಗೆ 50 ದಿನ.. ಸಂಭ್ರಮವೇ ಮಿಸ್ಸಿಂಗ್

    the villain completes 50 days

    ದಿ ವಿಲನ್. ಶಿವಣ್ಣ, ಸುದೀಪ್ ಕಾಂಬಿನೇಷನ್ ಎಂಬ ಕಾರಣಕ್ಕಾಗಿಯೇ ಭರ್ಜರಿ ನಿರೀಕ್ಷೆ ಹುಟ್ಟಿಸಿದ್ದ ಸಿನಿಮಾ. ಬಿಡುಗಡೆಯ ನಂತರ ಮಿಶ್ರ ಪ್ರತಿಕ್ರಿಯೆ ಬಂದವಾದರೂ, ಬಾಕ್ಸಾಫೀಸ್‍ನಲ್ಲಿ ಚೆನ್ನಾಗಿಯೇ ಸದ್ದು ಮಾಡಿತು. ಈಗ ಸಿನಿಮಾ 50 ದಿನ ಪೂರೈಸಿದೆ. ಆದರೆ, ಎಲ್ಲಿ ನೋಡಿದರೂ ಸಂಭ್ರಮವೇ ಕಾಣುತ್ತಿಲ್ಲ.

    ಸಿನಿಮಾ ರಿಲೀಸ್ ಆದ 4 ದಿನಗಳ ನಂತರ ಸಿನಿಮಾ ಬಗ್ಗೆ ಚಿತ್ರತಂಡ ಮಾತನಾಡುವುದನ್ನೇ ಮರೆತುಬಿಟ್ಟಿತು. ಸ್ವತಃ ಕಿಚ್ಚ ಸುದೀಪ್, ಎಲ್ಲಿ ವಿಲನ್ ಟೀಂ ಎಂದು ಪ್ರಶ್ನಿಸುವವರೆಗೆ ಚಿತ್ರ ಯಾವ್ಯಾವ ಚಿತ್ರಮಂದಿರಗಳಲ್ಲಿದೆ ಎಂಬ ಜಾಹೀರಾತೂ ಕಾಣಿಸಲಿಲ್ಲ. ಚಿತ್ರದ ಬಗ್ಗೆ ವಿಶೇಷ ಪ್ರೀತಿ ಇಟ್ಟುಕೊಂಡಿದ್ದ ಕಿಚ್ಚ ಸುದೀಪ್ ಆಗಾಗ್ಗೆ ಚಾಟಿ ಬೀಸುತ್ತಲೇ ಹೋದರಾದರು, ದಿ ವಿಲನ್ ಟೀಂ.. ಅದೇಕೋ ಸೈಲೆಂಟ್ ಆಗಿಬಿಡ್ತು. ಈಗಲೂ ಅಷ್ಟೆ.. ಸ್ವತಃ ಸುದೀಪ್, ಚಿತ್ರ 50 ದಿನ ಪೂರೈಸಿದೆ ಅನ್ನೋದನ್ನು ನೆನಪಿಸಿದ್ದಾರೆ. ಅದಾದ ಮೇಲೆ ನಿರ್ದೇಶಕ ಪ್ರೇಮ್ ಖುಷಿ ಹಂಚಿಕೊಂಡಿದ್ದಾರೆ. ಆದರೂ.. ಸಂಭ್ರಮವೇ ಮಿಸ್ಸಿಂಗ್.

    ಹೀಗಾಗೋಕೆ ಏನು ಕಾರಣ..? ಗೊತ್ತಿಲ್ಲ. ಸಮ್‍ಥಿಂಗ್ ಈಸ್ ರಾಂಗ್.

  • ದಿ ವಿಲನ್‍ಗೆ ಟೆರರಿಸ್ಟ್ ಎದುರಾಳಿಯಾಗೋಕೆ ಇದೇ ಕಾರಣ

    why is the villain and the terrorist releasing on same day

    ದಿ ವಿಲನ್. ಶಿವಣ್ಣ ಮತ್ತು ಸುದೀಪ್ ಅಭಿನಯದ ಸಿನಿಮಾ. ಈ ಸಿನಿಮಾದ ಹವಾ ಹೇಗಿತ್ತೆಂದರೆ, ಹಿಂದಿನ ವಾರವೇ ಯಾವುದೇ ಹೊಸ ಸಿನಿಮಾ ಥಿಯೇಟರ್‍ಗೆ ಬರಲಿಲ್ಲ. ಆದರೆ, ದಿ ವಿಲನ್ ರಿಲೀಸ್ ದಿನವೇ ದಿ ಟೆರರಿಸ್ಟ್ ಸಿನಿಮಾ ಬರುತ್ತಿದೆ. ರಾಗಿಣಿ ದ್ವಿವೇದಿ ಪ್ರಧಾನ ಪಾತ್ರದಲ್ಲಿರುವ ಚಿತ್ರಕ್ಕೆ ಪಿ.ಸಿ.ಶೇಖರ್ ನಿರ್ದೇಶಕ. ಅಲಂಕಾರ್ ಸಂತಾನ ನಿರ್ಮಾಪಕ.

    ಇಬ್ಬರು ಸೂಪರ್‍ಸ್ಟಾರ್‍ಗಳು, ಸ್ಟಾರ್ ಡೈರೆಕ್ಟರ್, ಸ್ಟಾರ್ ಪ್ರೊಡ್ಯೂಸರ್ ಕಾಂಬಿನೇಷನ್‍ನ ಸಿನಿಮಾದ ಎದುರು ಬರೋಕೆ ಏನು ಕಾರಣ ಎಂದರೆ, ನಿರ್ಮಾಪಕ ಅಲಂಕಾರ್ ಉತ್ತರ ಇಷ್ಟೆ. ನಾವು ಮೊದಲೇ ಅಕ್ಟೋಬರ್ 18ಕ್ಕೆ ರಿಲೀಸ್‍ಗೆ ಪ್ಲಾನ್ ಮಾಡಿಕೊಂಡಿದ್ವಿ. ಯೋಜನೆ ಪ್ರಕಾರವೇ ಎಲ್ಲವೂ ನಡೆಯುತ್ತಿದ್ದಾಗ.. ಅದೇ ದಿನ ವಿಲನ್ ರಿಲೀಸ್ ಅಂತಾ ಗೊತ್ತಾಯ್ತು. ಹಾಗಂತ ನಾವು ನಮ್ಮ ಪ್ಲಾನ್ ಬದಲಿಸಿಕೊಳ್ಳಲಿಲ್ಲ. ನನಗೆ ಕಥೆ ಮೇಲೆ ಕಾನ್ಫಿಡೆನ್ಸ್ ಇದೆ ಅಂತಾರೆ ಅಲಂಕಾರ್.

    ಚಿತ್ರದ ಕಂಟೆಂಟ್ ಚೆನ್ನಾಗಿದ್ದರೆ, ಕನ್ನಡ ಪ್ರೇಕ್ಷಕರು ಯಾವತ್ತೂ ಒಳ್ಳೆಯ ಸಿನಿಮಾವನ್ನು ಕೈಬಿಡೋದಿಲ್ಲ. ಅದೊಂದೇ ನಂಬಿಕೆ ಮೇಲೆ ಚಿತ್ರವನ್ನು ತೆರೆಗೆ ತರುತ್ತಿದ್ದೇನೆ. ವಿತರಕ ಜಯಣ್ಣ ಕೂಡಾ ಚಿತ್ರಕ್ಕೆ ಸಪೋರ್ಟ್ ಕೊಟ್ಟಿದ್ದಾರೆ ಎಂದು ಖುಷಿಯಾಗಿ ಹೇಳಿಕೊಳ್ತಾರೆ ಅಲಂಕಾರ್.

    140 ಥಿಯೇಟರುಗಳಲ್ಲಿ ದಿ ಟೆರರಿಸ್ಟ್ ಸಿನಿಮಾ ರಿಲೀಸ್ ಆಗುತ್ತಿದೆ. ದಸರಾ ಹಬ್ಬದ ಸಂಭ್ರಮದ ನಡುವೆಯೇ ದಿ ವಿಲ

Amitab Bachchan Helps Film Workers On Labours Day

Food Kits Distribution To Media Personnel By Ministers Bc Patil Gallery