` kiccha sudeepa - chitraloka.com | Kannada Movie News, Reviews | Image

kiccha sudeepa

  • ಬಿಗ್‍ಬಾಸ್ ಫಿನಾಲೆ ಶೋ - ಫ್ಯಾನ್ಸ್‍ಗೆ ನೋ ಎಂಟ್ರಿ

    fans entry restricted for the season's finale

    ಬಿಗ್‍ಬಾಸ್ ಶೋ ಫೈನಲ್ ಹಂತ ತಲುಪಿದೆ. ವಿನ್ನರ್ ಯಾರು ಎಂಬುದು ಮುಂದಿನ ವಾರ ಗೊತ್ತಾಗಲಿದೆ. ಸದ್ಯಕ್ಕೆ ಮನೆಯಲ್ಲಿರೋದು ಕಾರ್ತಿಕ್ ಮತ್ತು ಚಂದನ್ ಶೆಟ್ಟಿ. ಇವರಿಬ್ಬರೂ ಈಗಾಗಲೇ ಸೇಫ್. ಇನ್ನು ಉಳಿದಿರುವುದು ದಿವಾಕರ್, ನಿವೇದಿತಾ ಮತ್ತು ಶ್ರುತಿ. ಇವರಲ್ಲಿ ಯಾರು ಗೆಲ್ಲಬಹುದು..? ಅದು ಈಗ ಸಸ್ಪೆನ್ಸ್.

    ಆ ಸಸ್ಪೆನ್ಸ್‍ನ್ನು ಕಟ್ಟಕಡೆಯ ಕ್ಷಣದವರೆಗೆ ಉಳಿಸಿಕೊಳ್ಳುವ ಸಲುವಾಗಿ, ಈ ಬಾರಿಯ ಫಿನಾಲೆಯಲ್ಲಿ ಫ್ಯಾನ್ಸ್‍ನ್ನು ಹೊರಗಿಡಲು ನಿರ್ಧರಿಸಲಾಗಿದೆ. ಕಳೆದ ಎರಡೂ ಸೀಸನ್‍ಗಳಲ್ಲಿ ಬಿಗ್‍ಬಾಸ್ ವಿನ್ನರ್ ಹೆಸರು ಶೋ ಪ್ರಸಾರವಾಗುವುದಕ್ಕೆ ಮುನ್ನವೇ ಬಹಿರಂಗವಾಗಿತ್ತು. ಶೋಗೆ ವೀಕ್ಷಕರಾಗಿ ಹೋಗಿದ್ದ ಅಭಿಮಾನಿಗಳು, ಅದನ್ನು ಸೋಷಿಯಲ್ ಮೀಡಿಯಾಗೆ ಹರಿಯಬಿಟ್ಟಿದ್ದರು.

    ಹೀಗಾಗಿ ಈ ಬಾರಿ ಬಿಗ್‍ಬಾಸ್ ನಿರ್ಮಾಪಕರು, ಶೋದ ಕುತೂಹಲವನ್ನು ಕೊನೆಯವರೆಗೂ ಉಳಿಸಿಕೊಳ್ಳಲು ನಿರ್ಧರಿಸಿದ್ದಾರೆ. ಕಿಚ್ಚ ಸುದೀಪ್ ನಡೆಸಿಕೊಡುತ್ತಿರುವ ಬಿಗ್‍ಬಾಸ್ ಶೋ, ಕರ್ನಾಟಕದಲ್ಲಿನ ಜನಪ್ರಿಯ ರಿಯಾಲಿಟಿ ಶೋ.

  • ಬಿಗ್‍ಬಾಸ್ ಮನೆಯಲ್ಲಿರೋರು ಇವರೇ..

    the contestants of big boss 6 are

    ಬಿಗ್‍ಬಾಸ್ ರಿಯಾಲಿಟಿ ಶೋ ಶುರುವಾಗಿದೆ. ಈ ಬಾರಿ 18 ಸ್ಪರ್ಧಿಗಳನ್ನು ಬಿಗ್‍ಹೌಸ್‍ಗೆ ಕಳಿಸಿದ್ದಾರೆ ಕಿಚ್ಚ ಸುದೀಪ್. ಚಿತ್ರನಟಿ ಸೋನು ಪಾಟೀಲ್, ಕಿರುತೆರೆಯಲ್ಲಿ ಹೆಸರು ಮಾಡಿರುವ ಜಯಶ್ರೀ ರಾಜ್, ಒಗ್ಗರಣೆ ಡಬ್ಬಿ ಮುರಳಿ, ರಂಗಭೂಮಿ ನಟಿ ಅಕ್ಷತಾ ಪಾಂಡವಪುರ, ಲಕ್ಷ್ಮೀ ಬಾರಮ್ಮ ಖ್ಯಾತಿಯ ಕವಿತಾ ಗೌಡ, ಆರ್‍ಜೆ ರ್ಯಾಪಿಡ್ ರಶ್ಮಿ, ಹಿನ್ನೆಲೆ ಗಾಯಕ ನವೀನ್ ಸಜ್ಜು, ಕಾಮಿಡಿ ಕಿಲಾಡಿಗಳು ಖ್ಯಾತಿಯ ನಯನಾ ಪುಟ್ಟಸ್ವಾಮಿ ಸೇರಿದಂತೆ ಒಟ್ಟು 18 ಸ್ಪರ್ಧಿಗಳು ಬಿಗ್‍ಬಾಸ್ ಮನೆಗೆ ಹೋಗಿದ್ದಾರೆ.

  • ಬಿಗ್‍ಬಾಸ್ ಲಾಸ್ಟ್ ಮಿನಿಟ್ ಸಸ್ಪೆನ್ಸ್

    big boss 5

    ಬಿಗ್‍ಬಾಸ್ ಶುರುವಾಗಲಿದೆ ಎನ್ನುವುದು ಸುದ್ದಿಯಾಗುವುದೇ ತಡ, ಸ್ಪರ್ಧಿಗಳು ಯಾರಿರಬಹುದು ಎಂಬ ಕುತೂಹಲ ಎಲ್ಲರಲ್ಲೂ ಶುರುವಾಗುತ್ತೆ. ಆದರೆ, ಈ ಬಾರಿಯ ಬಿಗ್‍ಬಾಸ್ ಕೊನೆಯ ಕ್ಷಣದವರೆಗೂ ಸಸ್ಪೆನ್ಸ್ ಕಾಯ್ದುಕೊಂಡಿದ್ದು ದೊಡ್ಡದು. ಒಂದೆರಡು ಹೆಸರುಗಳು ಹೊರಬಿದ್ದಿದ್ದವಾದರೂ, ಒಟ್ಟು 17 ಸ್ಪರ್ಧಿಗಳಲ್ಲಿ ಬಹಿರಂಗವಾದ ಸ್ಪರ್ಧಿಗಳ ವಿವರ 5ನ್ನೂ ಮುಟ್ಟಿರಲಿಲ್ಲ. ಈಗ ಬಿಗ್‍ಬಾಸ್ ಶುರುವಾಗಿದೆ. ಬಿಗ್‍ಬಾಸ್ ಮನೆ ಸೇರಿದವರ ಪಟ್ಟಿ ಈ ಬಾರಿ ನಿಜಕ್ಕೂ ಇಂಟ್ರೆಸ್ಟಿಂಗ್.

    ಸಿಹಿಕಹಿ ಚಂದ್ರು - ನಟ, ನಿರ್ದೇಶಕ, ದಯಾಳ್ ಪದ್ಮನಾಭನ್ - ನಿರ್ದೇಶಕ, ನಿರ್ಮಾಪಕ, ಕಾರ್ತಿಕ್ ಜಯರಾಂ (ಜೆಕೆ) - ನಟ, ತೇಜಸ್ವಿನಿ ಪ್ರಕಾಶ್ - ನಟಿ, ಅಶಿತಾ, ಕೃಷಿ ತಾಪಂಡಾ, ಅನುಪಮಾ (ಅಕ್ಕ ಧಾರಾವಾಹಿ ಖ್ಯಾತಿ), ರ್ಯಾಪರ್ ಚಂದನ್ ಶೆಟ್ಟಿ, ಸ್ಟೇಜ್ ಆ್ಯಂಕರ್ ರಿಯಾಜ್ ಬಾಷಾ ಇವರೆಲ್ಲರೂ ಒಂದಲ್ಲ ಒಂದು ರೀತಿಯಲ್ಲಿ ಬಣ್ಣದ ಲೋಕದವರು. ಇನ್ನು ಸಂಖ್ಯಾಶಾಸ್ತ್ರಜ್ಞ ಜಯಶ್ರೀನಿವಾಸನ್ ಇದ್ದಾರೆ.

    ಜನಸಾಮಾನ್ಯರ ಕೋಟಾದಲ್ಲಿ ಮೇಘಾ, ನಿವೇದಿತಾ ಗೌಡ, ಸಮೀರ್ ಆಚಾರ್ಯ, ಜಗನ್, ದಿವಾಕರ್, ಸುಮಾ ರಾಜ್‍ಕುಮಾರ್ ಬಿಗ್‍ಬಾಸ್ ಪ್ರವೇಶಿಸಿದ್ದಾರೆ.

    ಇನ್ನು 100 ದಿನ.. 17 ಸ್ಪರ್ಧಿಗಳು.. 47 ಕ್ಯಾಮೆರಾಗಳು.. ಬಿಗ್‍ಬಾಸ್ ಮನೆಯಲ್ಲಿನ ಚಿತ್ರ ವಿಚಿತ್ರ ಕಥನಾವಳಿ.. ವಾರಕ್ಕೆರಡು ಬಾರಿ ಕಿಚ್ಚನ ಜೊತೆ.. ಮನರಂಜನೆ ಭರಪೂರ ಸಿದ್ಧವಾಗಲಿದೆ.

  • ಬಿಲ್ಲ ರಂಗ ಬಾಷಾ.. ಕಿಚ್ಚನ ಚಿತ್ರಕ್ಕೆ ತಲೈವಾ ಟೈಟಲ್

    kiccha's new movie title is billa ranga basha

    ಬಿಲ್ಲಾ ರಂಗಾ.. ಈ ಹೆಸರು ಕೇಳಿದರೆ ಥಟ್ಟನೆ ನೆನಪಿಗೆ ಬರೋದು ರಜನಿಕಾಂತ್. ಅದು 1980ರಲ್ಲಿ ತಮಿಳಿನಲ್ಲಿ ರಿಲೀಸ್ ಆಗಿದ್ದ ಸಿನಿಮಾ. ಡಾನ್ ಚಿತ್ರದ ರೀಮೇಕ್ ಆಗಿದ್ದರೂ, ಅದನ್ನು ತಮ್ಮ ಸ್ಟೈಲ್‍ನಿಂದಲೇ ಮರೆಮಾಚಿಸಿಬಿಟ್ಟಿದ್ದರು ರಜನಿ. ತೆಲುಗಿನಲ್ಲಿ ಬಿಲ್ಲಾ ರಂಗಾ ಅನ್ನೋ ಹೆಸರಲ್ಲಿ ಚಿರಂಜೀವಿ ನಟಿಸಿದ್ದರು. 

    ಕೆಲವು ವರ್ಷಗಳ ಹಿಂದೆ ಅದೇ ಚಿತ್ರವನ್ನು ತೆಲುಗಿನಲ್ಲಿ ಪ್ರಭಾಸ್, ತಮಿಳಿನಲ್ಲಿ ಅಜಿತ್ ಮತ್ತೊಮ್ಮೆ ಮಾಡಿದ್ದರು. ಆಗಲೂ ಚಿತ್ರಗಳು ಸೂಪರ್ ಹಿಟ್. ಇನ್ನು ಭಾಷಾ ಎಂದರೆ, ಅದು ರಜನಿಕಾಂತ್ ಮಾತ್ರ. 

    ಈಗ ಈ ಮೂರು ಹೆಸರುಗಳನ್ನೂ ಸೇರಿಸಿ ಹೊಸ ಚಿತ್ರದ ಟೈಟಲ್ ರೆಡಿಯಾಗಿದೆ. ಬಿಲ್ಲ ರಂಗ ಭಾಷಾ.

    ಇದು ರಂಗಿತರಂಗ ಖ್ಯಾತಿಯ ಅನೂಪ್ ಭಂಡಾರಿ ನಿರ್ದೇಶನದ ಸಿನಿಮಾ. ಹೀರೋ ಕಿಚ್ಚ ಸುದೀಪ್. ನಿರ್ಮಾಪಕರೂ ಅವರೇ. ಪೈಲ್ವಾನ್, ಕೋಟಿಗೊಬ್ಬ 3 ಮುಗಿದ ನಂತರ ಬಿಲ್ಲ ರಂಗ ಭಾಷಾ ಚಿತ್ರದ ಚಿತ್ರೀಕರಣ ಶುರುವಾಗಲಿದೆ.

    Related Articles :-

    ರಂಗಿತರಂಗ ನಿರ್ದೇಶಕರ ಜೊತೆ ಸುದೀಪ್ ಸಿನಿಮಾ

  • ಮತ್ತೊಮ್ಮೆ ಬಚ್ಚನ್ ಜೊತೆ ಸುದೀಪ್

    amitab bachchan and sudeep to act again

    ಕಿಚ್ಚ ಸುದೀಪ್ ಮತ್ತೊಮ್ಮೆ ಅಮಿತಾಬ್ ಬಚ್ಚನ್ ಜೊತೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಅದು ಆಂಖೇ-2 ಚಿತ್ರದಲ್ಲಿ. ರಣ್ ಚಿತ್ರದಲ್ಲಿ ಒಟ್ಟಿಗೇ ನಟಿಸಿದ್ದ ಅಮಿತಾಬ್ ಮತ್ತು ಸುದೀಪ್, ತೆಲುಗಿನ ಸೈರಾ ಚಿತ್ರದಲ್ಲೂ ನಟಿಸಿದ್ದಾರೆ. ಈಗ.. ಮತ್ತೊಮ್ಮೆ ಆಂಖೇ-2 ನಲ್ಲಿ ಒಟ್ಟಿಗೇ ಕಾಣಿಸಿಕೊಳ್ಳುತ್ತಿದ್ದಾರೆ.

    ಅಷ್ಟೇ ಅಲ್ಲ, ದಬಾಂಗ್-3 ಚಿತ್ರದಲ್ಲಿ ಸಲ್ಮಾನ್ ಖಾನ್ ಸಿನಿಮಾದಲ್ಲಿ ನಟಿಸಲಿದ್ದಾರೆ.  ನವೆಂಬರ್‍ನಲ್ಲಿ ಹಾಲಿವುಡ್ ಸಿನಿಮಾದಲ್ಲಿ ಬ್ಯುಸಿಯಾಗಲಿರೋ ಸುದೀಪ್, ಜನವರಿಗೆಯಲ್ಲಿ ದಬಾಂಗ್-3 ಟೀಂ ಜೊತೆಯಾಗಲಿದ್ದಾರೆ. ಮುಂದಿನ ವರ್ಷ ಸೈರಾ ನರಸಿಂಹ ರೆಡ್ಡಿ ತೆಲುಗಿನಲ್ಲಿ, ಹಿಂದಿಯಲ್ಲಿ, ಇಂಗ್ಲಿಷ್‍ನಲ್ಲಿ.. ಒಟ್ಟಿನಲ್ಲಿ.. 2019ರಲ್ಲಿ ಸುದೀಪ್ ಅಭಿಮಾನಿಗಳಿಗೆ ವರ್ಷಪೂರ್ತಿ ಹಬ್ಬ.

  • ಮತ್ತೊಮ್ಮೆ ಹೃದಯವಂತಿಕೆ ಮೆರೆದ ಕಿಚ್ಚ

    sudeep's heartwarming act

    ಕಿಚ್ಚ ಸುದೀಪ್ ಕೋಟಿಗೊಬ್ಬರಷ್ಟೇ ಅಲ್ಲ, ಹೃದಯವಂತರೂ ಹೌದು ಅನ್ನೋದಕ್ಕೆ ಈ ಪ್ರಕರಣ ಇನ್ನೊಂದು ಸಾಕ್ಷಿ ಅನ್ನೋಕೆ ಅಡ್ಡಿಯಿಲ್ಲ. ಬಳ್ಳಾರಿ ಮೂಲದ ವಿನುತಾ, ಸುದೀಪ್ ಅವರ ಅಪ್ಪಟ ಅಭಿಮಾನಿ. ಕ್ಯಾನ್ಸರ್ 4ನೇ ಹಂತದಲ್ಲಿರುವ ವಿನುತಾ ಅವರಿಗೆ ಒಮ್ಮೆಯಾದರೂ ಸುದೀಪ್ ಅವರನ್ನು ನೋಡಬೇಕು, ಮಾತನಾಡಿಸಬೇಕು ಎಂಬ ಆಸೆ. 

    ತಮ್ಮ ಅಭಿಮಾನಿ ಸಂಘ ಕಿಚ್ಚ ಸುದೀಪ್ ಸೇನಾ ಸಮಿತಿಯಿಂದ ವಿಷಯ ತಿಳಿದುಕೊಂಡ ಸುದೀಪ್, ಮನೆಗೇ ಸ್ವತಃ ತೆರಳಿ ವಿನುತಾ ಅವರನ್ನು ಭೇಟಿಯಾಗಿದ್ದಾರೆ. ಅಭಿಮಾನಿಯ ಜೊತೆ ಗಂಟೆಗೂ ಹೆಚ್ಚು ಕಾಲ ಕಳೆದು ಅಭಿಮಾನಿಯ ಅಂತಿಮ ಆಸೆ ಈಡೇರಿಸಿದ್ದಾರೆ.

  • ಮದಕರಿ ಜಾತಿ ವಿವಾದ - ಕಲಾ ದೇವಿಗೇಕೆ ಜಾತಿ..?

    caste ism is non sense to film industry

    ಚಿತ್ರದುರ್ಗದ ಕೋಟೆಯನ್ನು ನೋಡಲು ಹೋಗುವವರು ಮದಕರಿ ನಾಯಕನ ಜಾತಿ ನೋಡಿ ಹೋಗ್ತಾರಾ..? ಓಬವ್ವನ ಕಥೆ ಕೇಳಿ ಹೆಮ್ಮೆ ಪಟ್ಟುಕೊಂಡವರಿಗೆ ಆಕೆಯ ಜಾತಿ ಯಾವುದೆಂದು ಗೊತ್ತಾ..? ಅನಗತ್ಯವಾಗಿದ್ದ ವಿವಾದವೊಂದನ್ನು ಸೃಷ್ಟಿಸಿದ ವಾಲ್ಮೀಕಿ ಸ್ವಾಮೀಜಿ, ಪದೇ ಪದೇ ವಿವಾದದ ಬೆಂಕಿ ಹಚ್ಚುತ್ತಲೇ ಹೋಗಿಬಿಟ್ಟರು. ಕಲಾದೇವಿಗೊಂದು ಜಾತಿಯ ಕಳಂಕ ಅಂಟಿಸಿಬಿಟ್ಟರು.

    ನಿರ್ಮಾಪಕರ ಸಂಘದ ಅಧ್ಯಕ್ಷ ಮುನಿರತ್ನ ಹೇಳಿದ್ದೂ ಇದನ್ನೇ. ಎಲ್ಲವನ್ನೂ ಜಾತಿ ನೋಡಿಕೊಂಡು ಮಾಡಿದ್ದರೆ, ಡಾ.ರಾಜ್ ಒಂದೇ ಒಂದು ಐತಿಹಾಸಿಕ ಪಾತ್ರವನ್ನೂ ಮಾಡುವಂತಿರಲಿಲ್ಲ. ಕನಕದಾಸ ಎನ್ನಿ, ಪುರಂದರದಾಸ ಎನ್ನಿ, ಶ್ರೀಕೃಷ್ಣ ದೇವರಾಯ ಎನ್ನಿ, ಮಯೂರ ಎನ್ನಿ, ಬಭ್ರುವಾಹನ ಎನ್ನಿ, ಭಕ್ತ ಕುಂಬಾರ ಎನ್ನಿ, ಭಕ್ತ ಚೇತ ಎನ್ನಿ, ಸರ್ವಜ್ಞಮೂರ್ತಿ ಎನ್ನಿ, ರಾಘವೇಂದ್ರ ಸ್ವಾಮಿ ಎನ್ನಿ, ರಣಧೀರ ಕಂಠೀರವ ಎನ್ನಿ.. ಕಣ್ಣ ಮುಂದೆ ಬರುವುದು ಡಾ.ರಾಜ್‍ಕುಮಾರ್. ರಾಜಕೀಯದಲ್ಲಿ ಜಾತಿಯಿಲ್ಲದೆ ಏನೂ ನಡೆಯಲ್ಲ. ಜಾತ್ಯತೀ ಪಕ್ಷ ಎಂದು ಕರೆಸಿಕೊಳ್ಳುವವರೂ ಜಾತಿ ರಾಜಕೀಯವನ್ನೇ ಮಾಡೋದು. ಅದು ದೇಶದ ಜನರಿಗೆಲ್ಲ ಗೊತ್ತಿರುವ ಬಹಿರಂಗ ಗುಟ್ಟು. ಆದರೆ, ಚಿತ್ರರಂಗದಲ್ಲಿ ಜಾತಿ ಇರಲಿಲ್ಲ. 

    ಒಬ್ಬ ಕಲಾವಿದನನ್ನು ಆತನ ಶ್ರೇಷ್ಟತೆಯಿಂದಲೇ ಗೌರವಿಸುತ್ತಿದ್ದರು. ಗೌರವಿಸುತ್ತಿದ್ದಾರೆ. ಕನ್ನಡದಲ್ಲಿ ಕೆಲವು ಹಿರಿಯ ನಿರ್ದೇಶಕರು, ಕಲಾವಿದರಿಗೆ.. ಕಣ್ಣಿಗೆ ಕಂಡ ತಕ್ಷಣ ಕಾಲು ಮುಟ್ಟಿ ನಮಸ್ಕರಿಸುತ್ತಾರೆ ಚಿತ್ರರಂಗದ ಕಿರಿಯರು. ಅಲ್ಲಿ ಜಾತಿ ನೋಡುವುದಿಲ್ಲ. ಕಾಣುವುದು ಕಲಾ ಸರಸ್ವತಿ. ಡಾ.ರಾಜ್, ವಿಷ್ಣು, ಪುಟ್ಟಣ್ಣನಂತಹವರಿಗೆ ಆ ಗೌರವ ಸಿಗುತ್ತಿತ್ತು. ಈಗಲೂ.. ಅಂಬಿ, ರವಿಚಂದ್ರನ್, ಶಿವಣ್ಣ, ಭಾರ್ಗವ, ಭಗವಾನ್.. ರಂತಹ ಹಿರಿಯರಿಗೆ ನಮಸ್ಕರಿಸುವಾಗ.. ಅವರ ಜಾತಿ ಯಾವುದೆಂದು ನಮ್ಕಸರಿಸುವವರು ನೆನಪಿಸಿಕೊಳ್ಳಲ್ಲ. ಇಷ್ಟಕ್ಕೂ ಅವರಿಗೆ ಆ ಗೌರವ ಸಿಕ್ಕಿದ್ದೇ ಕಲಾದೇವಿ ಒಲಿದ ಮೇಲೆ. ಕಲಾದೇವಿ ಒಲಿಯುವುದೇ ಜಾತಿಯ ಅರಿವು ಸತ್ತ ಮೇಲೆ. 

    ಜಗ್ಗೇಶ್ ಹೇಳಿದ ಮಾತಿನಲ್ಲಿ ಅರ್ಥವಿದೆ ಎನಿಸುವುದು ಆಗಲೇ. ಕಲೆಗೆ ಜಾತಿ ಎಲ್ಲಿಯದು..? ಇಷ್ಟಕ್ಕೂ ಮದಕರಿ ನಾಯಕನನ್ನು ಒಬ್ಬ ಜಾತಿಯ ನಾಯಕ ಎಂದು ಸೀಮಿತಗೊಳಿಸುವುದೇ ನಮಗೆ ನಾವು ಮಾಡಿಕೊಳ್ಳುವ ಅವಮಾನ. ಈಗ ಈ ಸ್ವಾಮೀಜಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ.. ಆ ಪಾತ್ರದಲ್ಲಿ ನಟಿಸುವ ಕಲಾವಿದನ ಜಾತಿಯನ್ನೂ ಎತ್ತಿಬಿಟ್ಟಿದ್ದಾರೆ.

    ಒಬ್ಬ ಸ್ವಾಮೀಜಿಯ ಅತಿರೇಕದಿಂದ ಒಬ್ಬ ಕಲಾವಿದನ ಜಾತಿ ಗೊತ್ತಾಗುವಂತಾಯ್ತೇ ಹೊರತು, ಮತ್ತೇನಲ್ಲ. ಸುದೀಪ್‍ರನ್ನು ಕನ್ನಡಿಗರು ಪ್ರೀತಿಸುವುದು ಆತ ಒಬ್ಬ ಕಲಾವಿದ. ಕನ್ನಡದ ಕೀರ್ತಿಯನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲೂ ಬೆಳಗಲು ಪ್ರಯತ್ನಿಸುತ್ತಿರುವ ಸಾಹಸಿ ಎಂಬ ಕಾರಣಕ್ಕೆ. ಜಾತಿ ಕಟ್ಟಿಕೊಂಡು ಆಗಬೇಕಾದ್ದೇನು..? ದರ್ಶನ್ ಜಾತಿಯೂ ಎಷ್ಟೋ ಜನರಿಗೆ ಗೊತ್ತಿಲ್ಲ. ಗೊತ್ತಾಗುವ ಅಗತ್ಯವೂ ಇಲ್ಲ. ಕಲಾವಿದರ ಜಾತಿ ಕಟ್ಟಿಕೊಂಡು ನಮಗೇನಾಗಬೇಕು..? 

    ಇಷ್ಟಕ್ಕೂ ಮದಕರಿ ನಾಯಕನ ಎರಡು ಸಿನಿಮಾ ಬರುತ್ತವಾ..? ಬರಲಿ ಬಿಡಿ. ನಮ್ಮ ಮದಕರಿ ನಾಯಕನ ಇತಿಹಾಸ ಮನೆ ಮನೆಗೂ ತಲುಪಲಿ. ಅದಕ್ಕೆ ಹೆಮ್ಮೆ ಪಡೋಣ.

    ಕೆ.ಎಂ.ವೀರೇಶ್

    ಸಂಪಾದಕರು

    ಚಿತ್ರಲೋಕ.ಕಾಮ್

  • ಮಲ್ಟಿಪ್ಲೆಕ್ಸ್ ವಿವಾದ - ನಿರ್ದೇಶಕ ಪ್ರೇಮ್ ಅಕ್ರೋಶ

    prem expresses his anger against multiplexes

    ಜೋಗಿ ಪ್ರೇಮ್ ನಿರ್ದೇಶನದ ದಿ ವಿಲನ್ ಚಿತ್ರದ ಬುಕಿಂಗ್ ಇಂದಿನಿಂದ ಶುರುವಾಗಲಿದೆ. ಶಿವಣ್ಣ-ಸುದೀಪ್ ಕಾಂಬಿನೇಷನ್‍ನ ಈ ಸಿನಿಮಾ, ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಚಿತ್ರ. ದೊಡ್ಡ ಬಜೆಟ್ ಚಿತ್ರವೂ ಆಗಿರೋದ್ರಿಂದ ಮಲ್ಟಿಪ್ಲೆಕ್ಸ್‍ಗಳಲ್ಲಿ ನಿರ್ಮಾಪಕರು ಮತ್ತು ಮಲ್ಟಿಪ್ಲೆಕ್ಸ್ ಷೇರು ಬದಲಾವಣೆಯಾಗಬೇಕು ಎಂದು ಪಟ್ಟು ಹಿಡಿದಿದ್ದರು ನಿರ್ದೇಶಕ ಪ್ರೇಮ್. ಬೇರೆ ಭಾಷೆಯ ನಿರ್ಮಾಪಕರಿಗೆ ನೀಡುವಂತೆ ಕನ್ನಡ ನಿರ್ಮಾಪಕರಿಗೂ 60:40 ಷೇರು ನೀಡುವಂತೆ ಮನವಿ ಮಾಡಿದ್ದರು. ಈ ಕುರಿತು ಫಿಲಂ ಚೇಂಬರ್‍ನಲ್ಲಿ ಸಭೆಯನ್ನೂ ನಡೆಸಲಾಗಿತ್ತು.

    ಆದರೆ, ಬುಕ್ಕಿಂಗ್ ಶುರುವಾಗುತ್ತಿದ್ದರೂ ಮಲ್ಟಿಪ್ಲೆಕ್ಸ್ ಮಂಡಳಿ ಯಾವುದೇ ನಿರ್ಣಯ ತೆಗೆದುಕೊಂಡಿಲ್ಲ. ಪ್ರತಿಕ್ರಿಯೆಯನ್ನೂ ಕೊಟ್ಟಿಲ್ಲ. ಸಭೆಯಲ್ಲಿ ಬಹುತೇಕ ಒಪ್ಪಿಕೊಂಡಂತೆ ಕಾಣಿಸಿದ್ದ ಮಲ್ಟಿಪ್ಲೆಕ್ಸ್ ಮಾಲೀಕರು ನಂತರ ಬೇರೆಯೇ ಮಾತನಾಡುತ್ತಿದ್ದಾರೆ. ಈ ಕುರಿತು ಆಕ್ರೋಶಗೊಂಡಿರುವ ನಿರ್ದೇಶಕ ಪ್ರೇಮ್, ವಾಣಿಜ್ಯ ಮಂಡಳಿ ಈ ನಿಟ್ಟಿನಲ್ಲಿ ಹೆಜ್ಜೆಯಿಡಬೇಕು ಎಂದು ಮನವಿ ಮಾಡಿದ್ದಾರೆ.

  • ಮುದ್ದಿನ ಸೊಸೆಗೆ ಕಿಚ್ಚನ ಕಾಣಿಕೆ

    kichcha sudeep gists his neice a jeep

    ಕಿಚ್ಚ ಸುದೀಪ್ ತಮ್ಮ ಜೀವನದಲ್ಲಿ ತಾಯಿಯಷ್ಟೇ ಗೌರವಿಸುವ ವ್ಯಕ್ತಿ ಅವರ ಅಕ್ಕ ಸುಜಾತ. ಸುಜಾತ ಅವರ ಮಗಳು ಶ್ರೇಯಾಗೆ ಈ ಬಾರಿ ಕಿಚ್ಚ ಸುದೀಪ್ ಒಂದು ಭರ್ಜರಿ ಗಿಫ್ಟ್ ಕೊಟ್ಟಿದ್ದಾರೆ. ಅದು ಕಪ್ಪು ಬಣ್ಣದ ಜೀಪ್.

    ಅಕ್ಕನ ಮಗಳನ್ನು ತಮ್ಮ ಮಗಳಂತೆಯೇ ಪ್ರೀತಿಸುವ ಸುದೀಪ್, ಈ ಬಾರಿ ಮುದ್ದಿನ ಸೊಸೆಗೆ ದೊಡ್ಡ ಕಾಣಿಕೆಯನ್ನೇ ಕೊಟ್ಟಿದ್ದಾರೆ. ಮೊದ ಮೊದಲು ಇದನ್ನು ಸುದೀಪ್ ತಮಗಾಗಿ ಖರೀದಿಸಿದ ಹೊಸ ಜೀಪ್ ಎನ್ನಲಾಗಿತ್ತು. ಆದರೆ, ಅಂತಹ ಕ್ರೇಜ್‍ಗಳಿಂದ ಸ್ವಲ್ಪ ಸ್ವಲ್ಪವೇ ದೂರವಾಗುತ್ತಿರುವ ಸುದೀಪ್, ಈ ಬಾರಿ ಅಕ್ಕನ ಮಗಳಿಗೆ ಉಡುಗೊರೆ ಕೊಟ್ಟಿರುವುದು ವಿಶೇಷ.

  • ಮುಮ್ಮಟ್ಟಿ ಜೊತೆ ಸುದೀಪ್

    sudeep ready to act with mamoothy

    ಕಿಚ್ಚ ಸುದೀಪ್, ಪರಭಾಷೆಯ ಚಿತ್ರಗಳಲ್ಲಿ ನಟಿಸುವುದು ಹೊಸದೇನೂ ಅಲ್ಲ. ಈಗವರು ಮುಮ್ಮಟ್ಟಿ ಜೊತೆ ಮಲಯಾಳಂ ಚಿತ್ರವೊಂದರಲ್ಲಿ ನಟಿಸಲು ಒಪ್ಪಿದ್ದಾರೆ. ಅದು ಐತಿಹಾಸಿಕ ಕಥೆ. ಮಮಂಗಮ್ ಮೇಳ ಅನ್ನೋ ಮಧ್ಯಕಾಲೀನ ಯುಗದ ಸಮರಕಲೆಯನ್ನಾಧರಿಸಿದ ಕಥೆ. ಝಾಮೊರಿನ್ ದೊರೆಗಳ ವಿರುದ್ಧ ಹೋರಾಡುವ ಯೋಧನ ಕಥೆ. ಚಿತ್ರದ ಹೀರೋ ಮುಮ್ಮಟ್ಟಿ. 

    ಇದು ಮಲಯಾಳಂನಲ್ಲಷ್ಟೇ ಬರುತ್ತಿಲ್ಲ. ಎಲ್ಲ ಭಾಷೆಯಲ್ಲೂ ಬರುತ್ತಿದೆ. ಅಡೂರು ಗೋಪಾಲಕೃಷ್ಣನ್ ಅವರ ಬಳಿ ಸಹನಿರ್ದೇಶಕರಾಗಿದ್ದ ಸಂಜೀವ್ ಪಿಳ್ಳೈ ಚಿತ್ರಕ್ಕೆ ನಿರ್ದೇಶಕ.

    ಬಾಹುಬಲಿ ಚಿತ್ರಕ್ಕೆ ಕೆಲಸ ಮಾಡಿದ್ದ ಕೈಚಾ, ಈ ಚಿತ್ರಕ್ಕೆ ಕೊರಿಯಾಗ್ರಾಫರ್. ಬಹುಭಾಷೆಯಲ್ಲಿ ಬರುತ್ತಿರುವ ಚಿತ್ರದಲ್ಲಿ ಸುದೀಪ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

  • ಮುಮ್ಮಡಿ ಚುಲ್‍ಬುಲ್ ಪಾಂಡೆಗೆ ಕಿಚ್ಚನೇ ಎದುರಾಳಿ..!

    sudeep all set to fight chulbul pandey

    ದಬಂಗ್ ಮತ್ತೊಮ್ಮೆ ಬರುತ್ತಿದೆ. ಅದೇ ಸಲ್ಮಾನ್ ಖಾನ್, ಚುಲ್‍ಬುಲ್ ಪಾಂಡೆಯಾಗಿ ಬರುತ್ತಿದ್ದಾರೆ. ಈ ಬಾರಿ ಚುಲ್‍ಬುಲ್ ಪಾಂಡೆಗೆ ಸ್ಟಾರ್ಟ್.. ಕ್ಯಾಮೆರಾ.. ಆ್ಯಕ್ಷನ್ ಎನ್ನುತ್ತಿರುವುದು ಡ್ಯಾನ್ಸಿಂಗ್ ಸ್ಟಾರ್ ಪ್ರಭುದೇವ. ಈ ಬಾರಿ ಚುಲ್‍ಬುಲ್ ಪಾಂಡೆಗೆ ಸವಾಲು ಹಾಕೋಕೆ ರೆಡಿಯಾಗಿರುವುದು ನಮ್ಮ ಕಿಚ್ಚ ಸುದೀಪ್.

    ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ, ಟೈಗರ್ ಜಿಂದಾ ಹೈ ಚಿತ್ರದಲ್ಲೇ ಸಲ್ಮಾನ್ ಜೊತೆ ಸುದೀಪ್ ನಟಿಸಬೇಕಿತ್ತು. ಅದು ಈಗ ದಬಂಗ್ 3 ಮೂಲಕ ಈಡೇರುತ್ತಿದೆ. ನಿರ್ದೇಶಕ ಪ್ರಭುದೇವ ಈಗಾಗಲೇ ಸುದೀಪ್ ಅವರಿಗೆ ಕಥೆ, ಪಾತ್ರದ ಕುರಿತು ವಿವರ ಕೊಟ್ಟಿದ್ದಾರಂತೆ. ಸುದೀಪ್ ಕೂಡಾ ಓಕೆ ಎಂದಿದ್ದಾರೆ.

    ಒಂದು ಸುತ್ತಿನ ಮಾತುಕತೆ ನಡೆದಿದೆ. ಆದರೆ, ಅಧಿಕೃತವಾಗಿ ಇನ್ನೂ ಫೈನಲ್ ಆಗಿಲ್ಲ. ನಾನು ಯೆಸ್ ಎಂದಿರುವುದು ನಿಜ ಎಂದಿದ್ದಾರೆ ಸುದೀಪ್.ಬಹುಶಃ ಏಪ್ರಿಲ್‍ನಲ್ಲಿ ದಬಂಗ್ 3 ಶುರುವಾಗೋ ಚಾನ್ಸ್ ಇದೆ.

  • ಯಂಗ್ ಅಂಬಿಗೆ ಶೃತಿ ಹರಿಹರನ್ ಜೋಡಿ

    Ambi Ninge Vayassaitho

    ಅಂಬಿ ನಿಂಗೆ ವಯಸ್ಸಾಯ್ತೋ.. ಕಿಚ್ಚ ಕ್ರಿಯೇಷನ್ಸ್‍ನಲ್ಲಿ ಬರುತ್ತಿರುವ ಚಿತ್ರದಲ್ಲಿ ಕಿಚ್ಚ ಸುದೀಪ್, ಯಂಗ್ ಅಂಬರೀಷ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಯುವಕ ಅಂಬರೀಷ್ ಪಾತ್ರದಲ್ಲಿ ನಟಿಸುತ್ತಿರುವುದು ಸುದೀಪ್.

    ಸೀನಿಯರ್ ಅಂಬರೀಷ್‍ಗೆ ಸುಹಾಸಿನಿ ಜೋಡಿಯಾಗಿದ್ದರೆ, ಜ್ಯೂನಿಯರ್ ಅಂಬರೀಷ್‍ಗೆ ಯಾರು ಜೋಡಿ ಅನ್ನೋ ಪ್ರಶ್ನೆ ಇತ್ತು. ಆ ಪ್ರಶ್ನೆಗೆ ಈಗ ಉತ್ತರ ಸಿಕ್ಕಿದೆ. ಸುದೀಪ್‍ಗೆ ಜೋಡಿಯಾಗುತ್ತಿರುವುದು ಶೃತಿ ಹರಿಹರನ್.

    Related Articles :-

    Shruthi Haran In Ambi Ninge Vayassaitho

  • ರೈಸನ್ ಟ್ರೇಲರ್ ಕಮಿಂಗ್.. ಸುದೀಪ್ ಮಿಸ್ಸಿಂಗ್

    risen trailer out

    ಹಾಲಿವುಡ್ ಸಿನಿಮಾ ರೈಸನ್ ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ಇದು ಸೈಂಟಿಫಿಕ್ ಥ್ರಿಲ್ಲರ್. ಕಿಚ್ಚ ಸುದೀಪ್ ಅಭಿನಯಿಸುತ್ತಿರುವ ಹಾಲಿವುಡ್ ಸಿನಿಮಾ. ಆದರೆ, ಟ್ರೇಲರ್‍ನಲ್ಲಿ ಕಿಚ್ಚ ಸುದೀಪ್ ಮಿಸ್ಸಿಂಗ್. ಇದು ಅಭಿಮಾನಿಗಳಿಗೆ ತೀವ್ರ ನಿರಾಸೆ ತಂದಿರೋದು ನಿಜ.

    ಪಟ್ಟಣವೊಂದರಲ್ಲಿ ವಿಷಗಾಳಿ ಹರಡಿ ಜನರೆಲ್ಲ ಸಾಯುತ್ತಾರೆ. ನಂತರ ಪಟ್ಟಣದ ನಡುವೆ ಮರವೊಂದು ವಿಷಗಾಳಿ ತಡೆಯುವ ಪ್ರಯತ್ನ ಮಾಡಿ ಗೆಲ್ಲುವ ವಿಭಿನ್ನ ಕಲ್ಪನೆಯ ಸಿನಿಮಾ ಇದು. ಯಡ್ಡಿ ಆರ್ಯ ನಿರ್ದೇಶನದ ಈ ಚಿತ್ರಕ್ಕೆ ನಾಗೇಂದ್ರ ಜಯರಾಂ ಎಕ್ಸಿಕ್ಯುಟಿವ್ ಪ್ರೊಡ್ಯೂಸರ್.

    ಟ್ರೇಲರ್‍ನಲ್ಲಿ ಸುದೀಪ್ ಮಿಸ್ ಆಗಿರುವುದಕ್ಕೆ ಕಾರಣಗಳೂ ಇವೆ. ಸಿನಿಮಾದ ಫೋಟೋಶೂಟ್ ಬಿಟ್ಟರೆ, ಶೂಟಿಂಗ್‍ನಲ್ಲಿ ಭಾಗವಹಿಸೋಕೆ ಸುದೀಪ್‍ಗೆ ಸಾಧ್ಯವಾಗಿಲ್ಲ. ದಿ ವಿಲನ್, ಕೋಟಿಗೊಬ್ಬ 3, ಪೈಲ್ವಾನ್, ಬಿಗ್‍ಬಾಸ್, ಸೈರಾ ರೆಡ್ಡಿ... ಹೀಗೆ ಸಾಲು ಸಾಲು ಸಿನಿಮಾ, ರಿಯಾಲಿಟಿ ಶೋಗಳಲ್ಲಿ ಬ್ಯುಸಿಯಾಗಿದ್ದ ಸುದೀಪ್, ಡಿಸೆಂಬರ್‍ವರೆಗೆ ಫ್ರೀ ಇಲ್ಲ. 

    ಡಿಸೆಂಬರ್‍ನಲ್ಲಿ ಸುದೀಪ್ ಡೇಟ್ಸ್ ಸಿಗುವ ನಿರೀಕ್ಷೆ ಇದೆ. ಉಳಿದಂತೆ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಗಿದಿದೆ. ಸುದೀಪ್ ದೃಶ್ಯಗಳಷ್ಟೇ ಪೆಂಡಿಂಗ್ ಇವೆ ಎಂದಿದ್ದಾರೆ ನಿರ್ಮಾಪಕ ನಾಗೇಂದ್ರ ಜಯರಾಂ.

  • ಲಾರ್ಡ್ಸ್​ನಲ್ಲಿ ಸುದೀಪ್ - ಟ್ರೋಫಿ ಗೆದ್ದಿದ್ದ ಸ್ಟೇಡಿಯಂನಲ್ಲಿ ಈ ಬಾರಿ ಪ್ರೇಕ್ಷಕರಾಗಿ ಕಿಚ್ಚ

    lourds stadium

    ಲಾರ್ಡ್ಸ್​​ನಲ್ಲಿ ಕ್ರಿಕೆಟ್ ಆಡುವ ಕನಸು ಪ್ರತಿಯೊಬ್ಬ ಕ್ರಿಕೆಟ್ ಆಟಗಾರನಿಗೂ ಇರುತ್ತೆ. ಕಾರಣ, ಲಾರ್ಡ್ಸ್​ ಕ್ರೀಡಾಂಗಣ ಕ್ರಿಕೆಟ್ ಕಾಶಿಯೆಂದೇ ಫೇಮಸ್. ಅಂತಾ ಲಾರ್ಡ್ಸ್​ನಲ್ಲಿ ಭಾರತ ಮಹಿಳಾ ಕ್ರಿಕೆಟ್ ತಂಡ ವಿಶ್ವಕಪ್ ಫೈನಲ್ ಆಡುತ್ತಿದೆ. ಆ ಆಟ ನೋಡಲು ಹೋಗುತ್ತಿದ್ದೇನೆ. ಮಿಸ್ ಮಾಡಿಕೊಳ್ಳಲ್ಲ ಎಂದು ಟ್ವೀಟ್ ಮಾಡಿದ್ದ ಸುದೀಪ್​ಗೆ ಲಾರ್ಡ್ಸ್​ ಕ್ರೀಡಾಂಗಣ ಇನ್ನೂ ಒಂದು ರೀತಿ ವಿಶೇಷ.

    lourds_stadium_sudeep1.jpgವೃತ್ತಿಪರ ಕ್ರಿಕೆಟ್ ಆಟಗಾರನಲ್ಲದಿದ್ದರೂ, ಲಾರ್ಡ್ಸ್​ನಲ್ಲಿ ಕ್ರಿಕೆಟ್ ಆಡಿದ್ದರು. ಕಾರ್ಪೊರೇಟ್ ಕ್ರಿಕೆಟ್ ಡೇ ಟೂರ್ನಿಯಲ್ಲಿ ವಿಜೇನರ್ ತಂಡದ ಕ್ಯಾಪ್ಟನ್ ಆಗಿದ್ದ ಸುದೀಪ್, ಪ್ರಶಸ್ತಿಯನ್ನೂ ಗೆದ್ದಿದ್ದರು.  ಸುದೀಪ್ ನೇತೃತ್ವದ ತಂಡ ಮೇ ತಿಂಗಳಲ್ಲಿ ನಡೆದಿದ್ದ ಟೂರ್ನಿಯಲ್ಲಿ ಆಡಿದ ಎಲ್ಲ ಪಂದ್ಯಗಳಲ್ಲೂ ಗೆಲುವು ಸಾಧಿಸಿತ್ತು. ಡೆಲೋಯಿಟ್ ತಂಡದ ವಿರುದ್ಧ ಫೈನಲ್ ಆಡಿತ್ತು. ಪ್ರಶಸ್ತಿಯನ್ನೂ ಗೆದ್ದಿತ್ತು.

    ಈಗ ತಾವು ಟ್ರೋಫಿ ಎತ್ತಿಕೊಂಡಿದ್ದ ಅದೇ ಕ್ರೀಡಾಂಗಣದಲ್ಲಿ ಸುದೀಪ್, ಭಾರತೀಯ ಕ್ರಿಕೆಟ್ ತಂಡವನ್ನು ಹುರಿದುಂಬಿಸುವ ಪ್ರೇಕ್ಷಕರಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇಲ್ಲಿರುವುದು ಮೇ ತಿಂಗಳಲ್ಲಿ ಸುದೀಪ್ ಪ್ರಶಸ್ತಿ ಗೆದ್ದಿದ್ದ ಆ ಕ್ಷಣದ ಫೋಟೋಗಳು.

  • ವಿಲನ್ ಚೆನ್ನಾಗಿಲ್ಲ ಎಂದವರಿಗೆ ಸುದೀಪ್ ಹೇಳಿದ್ದೇನು..?

    sudeep replies to people who disliked the villain

    ದಿ ವಿಲನ್. ರಾಜ್ಯಾದ್ಯಂತ ರಿಲೀಸ್ ಆಗಿ ಅಬ್ಬರಿಸಿ ಬೊಬ್ಬಿರಿಯುತ್ತಿದೆ. ಶಿವಣ್ಣ ಮತ್ತು ಸುದೀಪ್ ಅಭಿಮಾನಿಗಳಿಬ್ಬರೂ ಖುಷಿಯಾಗಿದ್ದಾರೆ. ತಾಯಿಯ ಸೆಂಟಿಮೆಂಟ್ ಪ್ಲೇ ಮಾಡಿರುವ ಜೋಗಿ ಪ್ರೇಮ್ ಗೆದ್ದುಬಿಟ್ಟಿದ್ದಾರೆ. ಸಿ.ಆರ್. ಮನೋಹರ್ ಮುಖದಲ್ಲಿ ಗೆಲುವಿನ ಸಂಭ್ರಮ. ಅಭಿಮಾನಿಗಳ ಶಿಳ್ಳೆ ಚಪ್ಪಾಳೆಯ ನಡುವೆ ವಿಲನ್ ಹ್ಯಾಪಿ ಹ್ಯಾಪಿ.

    ಹಾಗಂತ ಎಲ್ಲರೂ ಖುಷಿಯಾಗಿದ್ದಾರೆ ಎಂದರ್ಥವಲ್ಲ. ಇಡೀ ಸಿನಿಮಾ ಸ್ವಲ್ಪವೂ ಚೆನ್ನಗಿಲ್ಲ ಎಂದು ದೂರಿದವರೂ ಇದ್ದಾರೆ. ಅಂಥವರಿಗೆಲ್ಲ ಸುದೀಪ್ ಕೊಟ್ಟಿರೋ ಉತ್ತರ ಇದು.

    ಒಂದು ಹೋಟೆಲ್‍ಗೆ ಪ್ರತಿದಿನ ತುಂಬಾ ಜನ ಬರ್ತಾರೆ. ಕೆಲವರು ದೋಸೆ ಸರಿಯಿಲ್ಲ ಅಂತಾರೆ. ಇನ್ನೂ ಕೆಲವರು ಇಡ್ಲಿ ಸರಿಯಿಲ್ಲ ಅಂತಾರೆ. ಮತ್ತೂ ಕೆಲವರು ಚಟ್ನಿ ಸರಿಯಿಲ್ಲ ಅಂತಾರೆ. ಹಾಗೆ ಕಮೆಂಟ್ ಮಾಡುವವರ ಬಗ್ಗೆ ಹೋಟೆಲ್ ಮಾಲೀಕ ತಲೆಕೆಡಿಸಿಕೊಳ್ಳಲ್ಲ. ದಿನದ ಕೊನೆಗೆ ವ್ಯವಹಾರ ಎಷ್ಟಾಯ್ತು ಅಂತಾ ನೋಡ್ತಾನೆ. ಹಾಗೆ ಟೀಕಿಸುವವರು ಕೂಡಾ ಮತ್ತೊಮ್ಮೆ ಅದೇ ಹೋಟೆಲ್‍ಗೆ ಬರ್ತಾರೆ. ಹೀಗೆ ಹೇಳಿರುವ ಸುದೀಪ್, ಇದೇ ಚಿತ್ರದ ಬಗ್ಗೆ ಲಕ್ಷಾಂತರ ಜನ ನೋಡಿ ಥ್ರಿಲ್ಲಾಗಿರುವುದನ್ನು ಮರೆಯಬೇಡಿ. ಚಿತ್ರವನ್ನು ಮೆಚ್ಚಿಕೊಂಡಿರುವವರೇ ಹೆಚ್ಚು ಎಂದೂ ಹೇಳಿದ್ದಾರೆ.

  • ವಿಲನ್ ಬರೋದ್ಯಾವಾಗ..? ಚೌತಿಗೆ ಹೇಳ್ತಾರೆ

    the villain release date will be announced on ganesha festival

    ದಿ ವಿಲನ್. ಇಡೀ ಕನ್ನಡ ಚಿತ್ರರಂಗ, ಅಭಿಮಾನಿಗಳು ಕಾತುರದಿಂದ ಎದುರು ನೋಡುತ್ತಿರುವ ಸಿನಿಮಾ. ಶಿವರಾಜ್‍ಕುಮಾರ್, ಸುದೀಪ್ ಅಭಿಮಾನಿಗಳಂತೂ ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಈ ಕಾಯುವಿಕೆಗೆ ಗಣೇಶನ ಹಬ್ಬದ ದಿನ ಉತ್ತರ ಸಿಗಲಿದೆ. ಅಂದ್ರೆ, ಇನ್ನೇನಲ್ಲ, ಆ ದಿನ ಸಿನಿಮಾ ಬಿಡುಗಡೆ ಯಾವಾಗ ಅಂತಾ ಹೇಳ್ತಾರಂತೆ. ಅದನ್ನು ಹೇಳಿಕೊಂಡಿರೋದು ನಿರ್ದೇಶಕ ಪ್ರೇಮ್.

    ಸಿನಿಮಾ 2 ಗಂಟೆ, 55 ನಿಮಿಷ ಇದ್ಯಂತೆ. ಹಾಗಂತ ಸಿನಿಮಾ ಉದ್ದ ಅಂದ್ಕೋಬೇಡಿ. ಒಂದು ನಿಮಿಷವೂ ಸಿನಿಮಾ ಬೋರ್ ಹೊಡೆಸಲ್ಲ. ಫುಲ್ ಎಂಟರ್‍ಟೈನ್‍ಮೆಂಟ್ ಎಂದಿದ್ದಾರೆ ಪ್ರೇಮ್.

    ಸಿನಿಮಾದ ದೃಶ್ಯವೊಂದರಲ್ಲಿನ ಬ್ಲಡ್‍ಶೇಡ್ ಕಡಿಮೆ ಮಾಡಿ, ಒಂದ ಡೈಲಾಗ್‍ಗೆ ಮ್ಯೂಟ್ ಮಾಡಿಸಿ, ಯು/ಎ ಸರ್ಟಿಫಿಕೇಟ್ ಪಡೆದಿದ್ದೇವೆ. ಸಿನಿಮಾ ಸಂಪೂರ್ಣ ಸಿದ್ಧವಾಗಿದೆ. ಬಿಡುಗಡೆಗೆ ಸಿದ್ಧತೆಗಳು ನಡೆಯುತ್ತಿವೆ. ಗಣೇಶನ ಹಬ್ಬದ ದಿನ ಹೇಳ್ತೀವಿ ಅಂದಿದ್ದಾರೆ.

    ಗಣಪತಿ ಬಪ್ಪಾ ಮೋರಯಾ.. 

  • ವಿಲನ್ ಶೂಟಿಂಗ್ ಮುಗೀತು..!

    the villain shooting completed

    ಶಿವರಾಜ್‍ಕುಮಾರ್, ಸುದೀಪ್ ಕಾಂಬಿನೇಷನ್‍ನ ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಅದ್ದೂರಿ ಚಿತ್ರ ದಿ ವಿಲನ್ ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದೆ. ಹೆಚ್ಚೂ ಕಡಿಮೆ ಒಂದೂವರೆ ವರ್ಷ ಶೂಟಿಂಗ್ ನಡೆಸಲಾಗಿದೆ. ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದ್ದನ್ನು ಪ್ರೇಮ್ ಖುಷಿಯಿಂದ ಹೇಳಿಕೊಂಡಿದ್ದಾರೆ.

    ಚಿತ್ರಕ್ಕಾಗಿ 118 ದಿನಗಳ ಶೂಟಿಂಗ್ ಮಾಡಿದ್ದಾರೆ. ಅರಮನೆ ಮೈದಾನದಲ್ಲಿ ಕೊನೆಯ ದಿನದ ಶೂಟಿಂಗ್ ಮುಗಿಸಿದ ಪ್ರೇಮ್, ಶಿವಣ್ಣ ಡಾರ್ಲಿಂಗ್, ಸುದೀಪ್ ಹಾಗೂ ಆ್ಯಮಿ ಜಾಕ್ಸನ್‍ಗೆ ಧನ್ಯವಾದ ಹೇಳಿದ್ದಾರೆ. ಪ್ರೇಮ್ ಅವರನ್ನು ಫ್ಯಾಷನೇಟ್ ಡೈರೆಕ್ಟರ್ ಎಂದು ಹೊಗಳಿರುವ ಸುದೀಪ್, ಇಂಥಾದ್ದೊಂದು ಚಿತ್ರದಲ್ಲಿ ನಟಿಸಲು ಅವಕಾಶ ಕೊಟ್ಟಿದ್ದಕ್ಕೆ ಥ್ಯಾಂಕ್ಸ್ ಎಂದಿದ್ದಾರೆ.

    ಸಿನಿಮಾದ ಆಡಿಯೋ ಮುಂದಿನ ತಿಂಗಳು ರಿಲೀಸ್ ಆಗುವ ಸಾಧ್ಯತೆ ಇದೆ. ಸಿನಿಮಾ ಅಕ್ಟೋಬರ್‍ನಲ್ಲಿ ಬರಬಹುದು.

  • ವಿಲನ್‍ಗೆ ಟೀಂಗೆ ಈಗ ಆ್ಯಮಿಯೇ ವಿಲನ್..!

    prem disappointed over amy jackson

    ದಿ ವಿಲನ್ ಚಿತ್ರತಂಡ ಅದ್ಧೂರಿ ಬಿಡುಗಡೆಗೆ ಭರ್ಜರಿಯಾಗಿ ಸಿದ್ಧವಾಗುತ್ತಿರುವಾಗಲೇ, ಚಿತ್ರದ ನಾಯಕಿಯ ವಿರುದ್ಧ ಗರಂ ಆಗಿದ್ದಾರೆ ನಿರ್ದೇಶಕ ಜೋಗಿ ಪ್ರೇಮ್. ಕಾರಣ ಇಷ್ಟೆ, ಚಿತ್ರದ ಪ್ರಚಾರದಲ್ಲಿ ಆ್ಯಮಿ ಕಾಣಿಸಿಕೊಳ್ತಾನೇ ಇಲ್ಲ. ದುಬೈನಲ್ಲಿ ನಡೆದ ಆಡಿಯೋ ಬಿಡುಗಡೆ ಕಾರ್ಯಕ್ರಮವೊಂದನ್ನು ಬಿಟ್ಟರೆ, ಆ್ಯಮಿ ವಿಲನ್ ಪ್ರಚಾರದಿಂದ ದೂರವೇ ಉಳಿದಿದ್ದಾರೆ.

    ಆ್ಯಮಿ ಜಾಕ್ಸನ್, ಚಿತ್ರದ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ಆ ವಿಷಯದಲ್ಲಿ ನನಗೆ ಅವರ ಬಗ್ಗೆ ಗೌರವ ಇದೆ. ಆದ್ರೆ, ಸಿನಿಮಾ ಪ್ರಮೋಷನ್ ಬಗ್ಗೆ ತಲೆಕೆಡಿಸಿಕೊಳ್ತಿಲ್ಲ. ಪ್ರಚಾರದ ವಿಚಾರವಾಗಿ ಕಾಂಟ್ಯಾಕ್ಟ್ ಮಾಡಿದ್ರೆ, ಎಷ್ಟೋ ದಿನ ಆದ ಮೇಲೆ ಅಲ್ಲಿಂದ ರಿಯಾಕ್ಷನ್ ಬರುತ್ತೆ ಅನ್ನೋದು ಪ್ರೇಮ್ ಬೇಸರಕ್ಕೆ ಕಾರಣ.

    ಶಿವರಾಜ್‍ಕುಮಾರ್, ಸುದೀಪ್ ಕಾಂಬಿನೇಷನ್ ಎಂಬ ಕಾರಣಕ್ಕೆ ಇಡೀ ಚಿತ್ರರಂಗ, ಕೋಟ್ಯಂತರ ಕನ್ನಡಿಗರು ದಿ ವಿಲನ್ ಚಿತ್ರದ ಮೇಲೆ ಅಪಾರ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಸಿ.ಆರ್. ಮನೋಹರ್ ನಿರ್ಮಾಣದ ಬಹುಕೋಟಿ ವೆಚ್ಚದ ಸಿನಿಮಾ ಇದೇ ವಾರ ರಿಲೀಸ್ ಆಗುತ್ತಿದೆ.

  • ವಿಲನ್‍ಗೆ ಟೆರರಿಸ್ಟ್ ಚಾಲೆಂಜ್

    the terrorist release opposite the villain

    ದಿ ವಿಲನ್. ಶಿವರಾಜ್ ಕುಮಾರ್ ಮತ್ತು ಸುದೀಪ್ ಕಾಂಬಿನೇಷನ್‍ನ ಸಿನಿಮಾ. ಸಿ.ಆರ್.ಮನೋಹರ್ ನಿರ್ಮಾಣದ, ಜೋಗಿ ಪ್ರೇಮ್ ನಿರ್ದೇಶನದ ಚಿತ್ರಕ್ಕೆ ಹಲವಾರು ಸಿನಿಮಾಗಳು ದಾರಿ ಮಾಡಿಕೊಟ್ಟಿವೆ. ಆ ದಿನವೇ ರಾಗಿಣಿ ದ್ವಿವೇದಿ ಅಭಿನಯದ ದಿ ಟೆರರಿಸ್ಟ್ ಸಿನಿಮಾ ರಿಲೀಸ್ ಆಗುತ್ತಿದೆ.

    ನಾವು ಪ್ಲಾನ್ ಪ್ರಕಾರವೇ ಬರುತ್ತಿದ್ದೇವೆ. ಯಾವತ್ತೇ ರಿಲೀಸ್ ಮಾಡಿದ್ರೂ ಒಂದಲ್ಲ ಒಂದು ಸಿನಿಮಾ ಜೊತೆ ಸ್ಪರ್ಧೆ ಮಾಡಲೇಬೇಕು. ಅಕ್ಟೋಬರ್ 18 ಬಿಟ್ಟರೆ, ಮುಂದಿನ ದಿನಗಳಲ್ಲಿ ಸ್ಪರ್ಧೆ ಇನ್ನೂ ಹೆಚ್ಚಾಗಲಿದೆ. ಹೀಗಾಗಿ ಅಕ್ಟೋಬರ್ 18ಕ್ಕೆ ಸಿನಿಮಾ ರಿಲೀಸ್ ಮಾಡುತ್ತಿದ್ದೇವೆ ಎಂದಿದ್ದಾರೆ ನಿರ್ದೇಶಕ ಪಿ.ಸಿ.ಶೇಖರ್.

    ದಿ ಟೆರರಿಸ್ಟ್ ಸಿನಿಮಾ ಬೆಂಗಳೂರಿನಲ್ಲಿ ನಡೆಯುವ ಸ್ಫೋಟ, ಮುಸ್ಲಿಂ ಮಹಿಳೆಯೊಬ್ಬಳ ಕಥೆಯಾಗಿದ್ದು, ಯು ಸರ್ಟಿಫಿಕೇಟ್ ಪಡೆದಿರುವ ಚಿತ್ರ. 

  • ವಿಷ್ಣುವರ್ಧನ್ ರಾಷ್ಟ್ರೀಯ ಉತ್ಸವಕ್ಕೆ ಶುಭ ಕೋರಿದ ಕಿಚ್ಚ 

    sudeep

    ಆಗಸ್ಟ್ 27ರಂದು ನವದೆಹಲಿಯಲ್ಲಿ ಡಾ. ವಿಷ್ಣುವರ್ಧನ್ ರಾಷ್ಟ್ರೀಯ ಉತ್ಸವ ನಡೆಯುತ್ತಿದೆ. ದೇಶ ವಿದೇಶಗಳಿಂದ ನೂರಾರು ಅಭಿಮಾನಿಗಳು ಆ ಕಾರ್ಯಕ್ರಮಕ್ಕೆ ಆಗಮಿಸುತ್ತಿದ್ದಾರೆ. ಡಾ. ವಿಷ್ಣುವರ್ಧನ್ ಅವರ ಸಿನಿಮಾ, ಜೀವನ, ಕೊಡುಗೆ, ಅದರ್ಶಗಳ ಸ್ಮರಣೆ ನಡೆಯಲಿದೆ. ಚಿತ್ರರಂಗದ ಹಲವು ಕಲಾವಿದರು, ತಂತ್ರಜ್ಞರು ಆ ಕಾರ್ಯಕ್ರಮಕ್ಕೆ ತೆರಳುತ್ತಿರುವುದು ವಿಶೇಷ. ಕಾರ್ಯಕ್ರಮದಲ್ಲಿ ವಿಷ್ಣುವರ್ಧನ್ ಅವರ ಮೇಣದ ಪ್ರತಿಮೆಯೂ ಅನಾವರಣಗೊಳ್ಳಲಿದೆ. 

    ಈ ಕುರಿತು ಅಭಿಮಾನಿಯೊಬ್ಬರು ಮಾಡಿದ್ದ ಟ್ವೀಟ್​ಗೆ ಪ್ರತಿಕ್ರಿಯಿಸಿರುವ ಕಿಚ್ಚ ಸುದೀಪ್, ವಿಷ್ಣುವರ್ಧನ್ ನಮ್ಮ ಹೆಮ್ಮೆ. ನನ್ನ ಆದರ್ಶ. ವಿಷ್ಣು ರಾಷ್ಟ್ರೀಯ ಉತ್ಸವ ಯಶಸ್ವಿಯಾಗಲಿ ಎಂದು ಶುಭ ಹಾರೈಸಿದ್ದಾರೆ.

    Related Articles :-

    ರಾಷ್ಟ್ರ ರಾಜಧಾನಿಯಲ್ಲಿ ವಿಷ್ಣುವರ್ಧನ್

Trayambakam Movie Gallery

Rightbanner02_butterfly_inside

Paddehuli Movie Gallery