` kiccha sudeepa - chitraloka.com | Kannada Movie News, Reviews | Image

kiccha sudeepa

  • Yesterday 'Phailwan', today 'Robert', tomorrow 'Avane Srimannarayana'

    today robert poster to be launched by darshan

    Fans of Kannada films are sure in for a treat this week. The boxing poster of 'Phailwan' has been released and has been the talk of the town. To add an icing on the cake, the theme poster of 'Robert' and the second teaser of 'Avane Srimannarayana' will be releasing today and tomorrow.

    The boxing poster of Sudeep's 'Phailwan' was released on Tuesday and has been a huge hit. Director Tarun Sudhir had earlier announced that he will belaunching the theme poster of 'Robert' on Wednesday and fans are eagerly waiting for the release of the poster. Meanwhile, the team of 'Avane Srimannarayana' has announced that the second teaser called 'Rise of the hero' will be launched tomorrow (Thursday) on occasion of Rakshith's birthday.

    The theme poster of 'Robert' will be released today morning at 11 by Darshan through his twitter account, while the teaser of 'Avane Srimannarayana' will be released in You Tube via Rakshith's new account Team Rakshith.

  • ಅ ದೃಶ್ಯದಲ್ಲಿ ನಾಯಕಿ ಜಾಗದಲ್ಲಿ ನಾನಿರಬೇಕಿತ್ತು - ಪ್ರಿಯಾ ಸುದೀಪ್

    priya sudeep wished she was in that particular scene instaed of heroine

    ಪೈಲ್ವಾನ್ ಚಿತ್ರ ಪ್ರೇಕ್ಷಕರ ಮನ ಗೆದ್ದಿದೆ. ಇದೊಂದು ಸ್ಫೂರ್ತಿದಾಯಕ ಚಿತ್ರ ಎಂದು ಪ್ರೇಕ್ಷಕರು ಚಪ್ಪಾಳೆ ತಟ್ಟಿದ್ದಾರೆ. ಸುದೀಪ್-ಆಕಾಂಕ್ಷಾ ಜೋಡಿಯೂ ಇಷ್ಟವಾಗಿದೆ. ಆದರೆ ಇಡೀ ಚಿತ್ರದಲ್ಲಿ ಸುದೀಪ್ ಅವರ ಪತ್ನಿ ಪ್ರಿಯಾಗೆ ಇಷ್ಟವಾದ ದೃಶ್ಯ ಯಾವುದು ಗೊತ್ತೇ..?

    `ಪೈಲ್ವಾನ್ ಚಿತ್ರದಲ್ಲಿ ಮದುವೆ ಮನೆಗೆ ಸುದೀಪ್ ಎಂಟ್ರಿ ಕೊಡುವ ದೃಶ್ಯ ನನ್ನ ಫೇವರಿಟ್. ಏನ್ ಸ್ಟೈಲಿಷ್ ಆಗಿ ಎಂಟ್ರಿ ಕೊಡ್ತಾರೆ ಸುದೀಪ್. ನನಗಂತೂ ಆ ದೃಶ್ಯ ನೋಡುವಾಗ ನಾಯಕಿ ಅಂದರೆ ವಧು ಇದ್ದ ಜಾಗದಲ್ಲಿ ನಾನಿರಬೇಕಿತ್ತು ಎನ್ನಿಸಿಬಿಟ್ಟಿ' ಎಂದು ಹೇಳಿಕೊಂಡಿದ್ದಾರೆ.

    ಅಂದಹಾಗೆ ಸುದೀಪ್ ಮತ್ತು ಪ್ರಿಯಾ ಅವರದ್ದು ಲವ್ ಮ್ಯಾರೇಜ್. ಸಹಜವಾಗಿಯೇ ಪ್ರಿಯಾಗೆ ಅವರ ಪ್ರೀತಿಯ ದಿನಗಳು, ಮದುವೆಯ ದಿನಗಳು ನೆನಪಾಗಿದ್ದಾರೆ ಅಚ್ಚರಿಯಿಲ್ಲ. ಎಲ್ಲ ಓಕೆ.. ಚಿತ್ರದಲ್ಲಿ ನಿಮಗಿಷ್ಟವಾದ ಸೀನ್ ಯಾವುದು..? ಪ್ರಿಯಾ ಕೇಳುತ್ತಿದ್ದಾರೆ. ಹೇಳ್ತೀರಾ..

  • ಅಂಬಿ ಡೈರೆಕ್ಟರ್ ಜೊತೆ ಇನ್ನೊಬ್ಬ ಸ್ಪೆಷಲ್ ಹುಡುಗ

    one more special person in ambi ninge vaisitho

    ಅಂಬಿ ನಿಂಗ್ ವಯಸ್ಸಾಯ್ತೋ.. ಇದು 66ನೇ ವಯಸ್ಸಿನಲ್ಲಿ ಅಂಬಿ ಹೀರೋ ಆಗಿ ನಟಿಸಿರುವ ಸಿನಿಮಾ. ಅವರಿಗಿಂತ ಕರೆಕ್ಟ್ ಆಗಿ 30 ವರ್ಷ ಚಿಕ್ಕವರಾಗಿರೋ ಗುರುದತ್ ಗಾಣಿಗ ಚಿತ್ರದ ಡೈರೆಕ್ಟರ್. ಈ ಗುರುದತ್ ಜೊತೆ ಇನ್ನೊಬ್ಬ ಹುಡುಗನೂ ಚಿತ್ರದಲ್ಲಿ ಅಷ್ಟೇ ಸ್ಪೆಷಲ್. ಸಂಚಿತ್ ಸಂಜೀವ್. ಸುದೀಪ್ ಅವರ ಹತ್ತಿರದ ಸಂಬಂಧಿ.

    ಗುರು ಜೊತೆ ಕಿರುಚಿತ್ರಗಳಲ್ಲಿ ಕೆಲಸ ಮಾಡಿದ್ದ ಸಂಚಿತ್, ಸುದೀಪ್ ಜೊತೆಯಲ್ಲೇ ಇದ್ದವರು. ಗುರು ಮತ್ತು ಸಂಚಿತ್ ಕೆಲಸಗಳನ್ನು ಅಬ್ಸರ್ವ್ ಮಾಡುತ್ತಿದ್ದ ಸುದೀಪ್‍ಗೆ ಇಬ್ಬರೂ ಶೂಟಿಂಗ್‍ಗೆ ಪ್ಲಾನ್ ಮಾಡಿಕೊಂಡು ಹೋಗುತ್ತಿದ್ದ ರೀತಿ ಇಷ್ಟವಾಗಿದೆ. ಅದು ಇಷ್ಟವಾದ ನಂತರವೇ ಸುದೀಪ್ ಈ ಅವಕಾಶ ಕೊಟ್ಟಿರೋದು. 

    ಕೆಲಸದ ವಿಚಾರಕ್ಕೆ ಬಂದರೆ  ಶಿಸ್ತು ನಿರೀಕ್ಷಿಸುವ ಸುದೀಪ್‍ಗೆ ಇಬ್ಬರೂ ಕುಳಿತುಕೊಂಡು ಇಡೀ ಸಿನಿಮಾದ ಪ್ಲಾನ್‍ನ್ನು ಡೈಲಾಗ್, ಕಾಸ್ಟ್ಯೂಮ್, ಮ್ಯೂಸಿಕ್ ಎಲ್ಲವನ್ನೂ ಪ್ಲಾನ್ ಮಾಡಿ ಒಂದೇ ಫೈಲ್‍ನಲ್ಲಿ ಕೊಟ್ಟಿದ್ದಾರೆ. ಅದನ್ನು ಇಷ್ಟಪಟ್ಟ ಸುದೀಪ್, ಇಬ್ಬರನ್ನೂ ಕರೆದುಕೊಂಡು ಹೋಗಿ ಅಂಬರೀಷ್ ಎದುರು ನಿಲ್ಲಿಸಿದ್ದಾರೆ.

    ಸಿನಿಮಾ ನಿರ್ದೇಶಕ ಗುರುದತ್ ಗಾಣಿಗ ಅವರೊಂದಿಗೆ ಅವರಷ್ಟೇ ಸಿನ್ಸಿಯರ್ ಆಗಿ ಇಡೀ ಸಿನಿಮಾದಲ್ಲಿ ತೊಡಗಿಸಿಕೊಂಡಿರೋದು ಸಂಚಿತ್ ಸಂಜೀವ್. ಇಬ್ಬರೂ ಪರಸ್ಪರ ಜವಾಬ್ಧಾರಿಗಳನ್ನು ಹಂಚಿಕೊಂಡು ಸಿನಿಮಾವನ್ನು ಯಶಸ್ವಿಯಾಗಿ ಮುಗಿಸಿದ್ದಾರೆ. ಇಬ್ಬರು ಹೊಸ ಹುಡುಗರು ಇಡೀ ಸಿನಿಮಾದಲ್ಲಿ ಚಿತ್ರರಂಗದ ಲೆಜೆಂಡ್‍ಗಳನ್ನು ಮೊದಲ ಸಿನಿಮಾದಲ್ಲಿ ನಿಭಾಯಿಸಿರುವುದೇ ಅಚ್ಚರಿ. ಅಚ್ಚರಿಯ ಫಲಿತಾಂಶ ಗುರುವಾರ ಸಿಗಲಿದೆ.

  • ಅಂಬಿ ನಿಂಗ್ ವಯಸ್ಸಾಯ್ತೋ ಚಿತ್ರದ 10 ಸ್ಪೆಷಲ್ಲುಗಳು..!

    10 specialties of ambi ninge vaisaitho

    ಅಂಬಿ ನಿಂಗ್ ವಯಸ್ಸಾಯ್ತೋ.. 14 ವರ್ಷಗಳ ನಂತರ ಅಂಬರೀಷ್ ನಾಯಕರಾಗಿ ನಟಿಸಿರುವ ಸಿನಿಮಾ. ಮುಂದಿನ ವಾರ ರಿಲೀಸ್ ಆಗುತ್ತಿರುವ ಚಿತ್ರದಲ್ಲಿ ಅದೆಷ್ಟು ವಿಶೇಷಗಳಿವೆಯೆಂದರೆ ಅಭಿಮಾನಿಗಳು ಥ್ರಿಲ್ಲಾಗುವಂತಿದೆ.

    ಅಂಬಿ ಸ್ಪೆಷಲ್ ನಂ.1 - ರೆಬಲ್‍ಸ್ಟಾರ್ ಅಂಬರೀಷ್ 14 ವರ್ಷಗಳ ನಂತರ ಸೋಲೋ ಹೀರೋ ಆಗಿ ನಟಿಸಿದ್ದಾರೆ.

    ಅಂಬಿ ಸ್ಪೆಷಲ್ ನಂ.2 - ಒಂದೇ ಪಾತ್ರದಲ್ಲಿ ಇಬ್ಬರು ಸೂಪರ್ ಸ್ಟಾರ್‍ಗಳು ನಟಿಸಿದ್ದಾರೆ. ಅಂಬರೀಷ್ ಯಂಗ್ ಆಗಿರುವ ಪಾತ್ರದಲ್ಲಿ ಸುದೀಪ್ ನಟಿಸಿರುವುದು ಸ್ಪೆಷಲ್. 

    ಅಂಬಿ ಸ್ಪೆಷಲ್ ನಂ.3 - ಸುಹಾಸಿನಿಯೂ ಡಬಲ್ ಆಗಿದ್ದಾರೆ. ಅಂಬರೀಷ್ ಅವರಂತೆಯೇ ಸುಹಾಸಿನಿ ಅವರ ಯಂಗ್ ಪಾತ್ರದಲ್ಲಿ ಶೃತಿ ಹರಿಹರನ್ ನಟಿಸಿದ್ದಾರೆ. 

    ಅಂಬಿ ಸ್ಪೆಷಲ್ ನಂ.4 - ಒಂದು ಪಾತ್ರದಲ್ಲಿ ಇಬ್ಬರು ಕಲಾವಿದರು ನಟಿಸಿರುವುದು ಕನ್ನಡದಲ್ಲಿ ಮೊದಲ ಪ್ರಯೋಗ. 

    ಅಂಬಿ ಸ್ಪೆಷಲ್ ನಂ.5 - ಚಿತ್ರದ ನಿರ್ದೇಶಕ ಗುರುದತ್ ಗಾಣಿಗ. ಹೊಸ ಹುಡುಗ. ಅಂಬರೀಷ್ ಚಿತ್ರಗಳನ್ನು ನಿರ್ದೇಶಿಸಿರುವ ಅತ್ಯಂತ ಕಿರಿಯ ನಿರ್ದೇಶಕ. ಅಂಬರೀಷ್ ಪುತ್ರ ಅಮರ್‍ಗಿಂತಲೂ ಚಿಕ್ಕವರು ಗುರುದತ್ ಗಾಣಿಗ.

    ಅಂಬಿ ಸ್ಪೆಷಲ್ ನಂ.6 - ಮೊದಲ ಸಿನಿಮಾದಲ್ಲಿಯೇ ಪುಟ್ಟಣ್ಣ ಕಣಗಾಲ್‍ರಂಹ ಸ್ಟಾರ್ ನಿರ್ದೇಶಕರಿಂದ ಆ್ಯಕ್ಷನ್ ಕಟ್ ಹೇಳಿಸಿಕೊಂಡಿದ್ದ ಅಂಬರೀಷ್, ಗುರುದತ್ ಗಾಣಿಗ ಅವರ ಎದುರಲ್ಲೂ ಅಷ್ಟೇ ಪ್ರೀತಿಯಿಂದ ನಟಿಸಿರುವುದು ಇನ್ನೊಂದು ಸ್ಪೆಷಲ್.

    ಅಂಬಿ ಸ್ಪೆಷಲ್ ನಂ.7 - 14 ವರ್ಷಗಳ ಹಿಂದೆ ಅಂಬರೀಷ್ ಗೌಡ್ರು ಚಿತ್ರದಲ್ಲಿ ಹೀರೋ ಆಗಿ ನಟಿಸಿದ್ದರು. ಕರ್ಣನ ಸಂಪತ್ತು ಅದಾದ ಮೇಲೆ ತೆರೆಗೆ ಬಂದಿತಾದರೂ, ಅದು 90ರ ದಶಕದ ಸಿನಿಮಾ. ಹೀಗಾಗಿ ಗೌಡ್ರು, ಅಂಬಿ ಸೋಲೋ ಹೀರೋ ನಟಿಸಿದ್ದ ಕೊನೆಯ ಸಿನಿಮಾ. ಅದಾದ ಮೇಲೆ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು.

    ಅಂಬಿ ಸ್ಪೆಷಲ್ ನಂ.8 - ಅಂಬರೀಷ್ ಬಿಳಿ ಮೀಸೆ, ಗಡ್ಡದಲ್ಲಿ ನಟಿಸಿರುವುದು ಇದೇ ಮೊದಲು. ಅಂಬರೀಷ್ ಗಿರಿಜಾ ಮೀಸೆ ಸಖ್ಖತ್ತಾಗಿದೆ.

    ಅಂಬಿ ಸ್ಪೆಷಲ್ ನಂ.9 - ಅಂಬಿ ನಿಂಗ್ ವಯಸ್ಸಾಯ್ತೋ ಕಿಚ್ಚ ಸುದೀಪ್ ನಿರ್ಮಾಣದ ಸಿನಿಮಾ. ಒಬ್ಬ ಸ್ಟಾರ್ ಚಿತ್ರವನ್ನು ಇನ್ನೊಬ್ಬ ಸ್ಟಾರ್ ನಿರ್ಮಿಸಿರುವುದು ಕೂಡಾ ವಿಶೇಷ. ಜಾಕ್ ಮಂಜು ಚಿತ್ರದ ಇನ್ನೊಬ್ಬ ನಿರ್ಮಾಪಕ.

    ಅಂಬಿ ಸ್ಪೆಷಲ್ ನಂ.10 - ಅಂಬರೀಷ್‍ಗೆ ಈ ಪಾತ್ರ ಹಾಗೂ ಚಿತ್ರವನ್ನು ಮಾಡಿ ಎಂದು ಸಲಹೆ ನೀಡಿದವರು ರಜನಿಕಾಂತ್. 

  • ಅಂಬಿ ನಿಂಗ್ ವಯಸ್ಸಾಯ್ತೋ.. ಮತ್ತೆ ರಿಲೀಸ್

    ambi ninge vaisaitho to re release

    ಅಂಬಿ ನಿಂಗ್ ವಯಸ್ಸಾಯ್ತೊ. ಅಂಬರೀಷ್ ಪೂರ್ಣ ಪ್ರಮಾಣದ ನಾಯಕರಾಗಿ ನಟಿಸಿದ್ದ ಕೊನೆಯ ಚಿತ್ರ. ಈಗ ಚಿತ್ರವನ್ನು ಮತ್ತೆ ರಿಲೀಸ್ ಮಾಡಲು ಚಿತ್ರತಂಡ ಸಿದ್ಧತೆ ನಡೆಸಿದೆ. ಅಷ್ಟೇ ಅಲ್ಲ, ಮರು ಬಿಡುಗಡೆಯಿಂದ ಬರುವ ಹಣವನ್ನು ಬಡವರ ಕಲ್ಯಾಣಕ್ಕೆ ಬಳಸಲು ಚಿತ್ರದ ನಿರ್ಮಾಪಕ ಹಾಗೂ ವಿತರಕ ಜಾಕ್‍ಮಂಜು ನಿರ್ಧರಿಸಿದ್ದಾರೆ.

    ಸುದೀಪ್ ಹಾಗೂ ನಮ್ಮ ಮೇಲೆ ಅಪಾರ ವಿಶ್ವಾಸವಿಟ್ಟು ಅಂಬರೀಷ್ ಅಭಿನಯಿಸಿದ್ದ ಚಿತ್ರ ಇದು. ಆರೋಗ್ಯ ಕೈಕೊಟ್ಟರೂ ಚಿತ್ರೀಕರಣಕ್ಕೆ ಸಹಕರಿಸಿದ್ದರು. ತಂದೆ ಸಮಾನರಾದ ಅವರ ಆದರ್ಶವನ್ನು ಇಟ್ಟುಕೊಂಡೇ ಚಿತ್ರವನ್ನು ರಿ-ರಿಲೀಸ್ ಮಾಡುತ್ತಿದ್ದೇವೆ. ಅದರಿಂದ ಬಂದ ಹಣವನ್ನು ಸಮಾಜಸೇವೆಗೆ ನೀಡಲಿದ್ದೇವೆ ಎಂದು ತಿಳಿಸಿದ್ದಾರೆ ಜಾಕ್ ಮಂಜು.

  • ಅಂಬಿ ಮಾಮನಿಗೆ ಸುದೀಪ್ ಬರೆದ ಪತ್ರ

    sudeep pens down a letter for ambi

    ಕೆಲವೊಮ್ಮೆ ಕೆಟ್ಟ ಕನಸುಗಳು ಬಿದ್ದಾಗ, ನಿಮಗೆ ನೀವೇ ‘ಏಳಮ್ಮಾ.. ಮೇಲೇಳು.. ದುಃಸ್ವಪ್ನ ಕೊನೆಗೊಳ್ಳಲಿ’ ಎಂದು ಪ್ರಾರ್ಥಿಸುತ್ತೇವೆ.. ಈ ದಿನವೂ ಹಾಗೇನೇ..

    ಚಿತ್ರರಂಗ ಮತ್ತೊಂದು ದೊಡ್ಡ ಹೊಡೆತ ತಿಂದಿದೆ. ನಾವು ಮತ್ತೊಬ್ಬ ಲೆಜೆಂಡ್ನ ಕಳೆದುಕೊಂಡಿದ್ದೇವೆ. ನಾವು ಒಬ್ಬ ನಾಯಕ, ಒಬ್ಬ ಪೋಷಕ, ಒಬ್ಬ ಮಾರ್ಗದರ್ಶಕ, ಒಂದು ಆಶೀರ್ವಾದದ ಹಸ್ತ, ಒಂದು ಧ್ವನಿ, ಒಂದು ಶಕ್ತಿ, ಒಂದು ಹೆಗಲು, ಒಬ್ಬ ಗೆಳೆಯನಂತಹ ಸಹೃದಯಿಯನ್ನು ಕಳೆದುಕೊಂಡಿದ್ದೇವೆ.

    ಆ ಸುದ್ದಿಯೇ ನನಗೆ ಆಘಾತ. ಒಬ್ಬ ಲೆಜೆಂಡ್ ಆ ರೀತಿ ಮಲಗಿರುವುದನ್ನು ನೋಡಿ ನನ್ನ ಹೃದಯ ಕರಗಿತು. ನಮಗೆಲ್ಲರಿಗೂ ಅವರು ಗೊತ್ತು. ಅವರ ವರ್ಚಸ್ಸು ಹಾಗೂ ಅವರು ಹೋದ ಸ್ಥಳಗಳಲ್ಲಿ ಅವರಿಗೆ ಸಿಗುತ್ತಿದ್ದ ಗೌರವವನ್ನು ನಾವು ನೋಡಿದ್ದೇವೆ.

    ಅವರು ಎಲ್ಲರ ಆಶೀರ್ವಾದ ಪಡೆದರು ಎನ್ನುವುದು ನನ್ನ ನಂಬಿಕೆ. ಯಾಕೆಂದ್ರೆ, ಅವರಿಗೆ ದ್ವೇಷ ಮಾಡಿಯೇ ಗೊತ್ತಿಲ್ಲ. ಅವರನ್ನು ಬೇಡ ಎಂದವರನ್ನು ಇಲ್ಲಿವರೆಗೂ ನಾನು ನೋಡಿಯೇ ಇಲ್ಲ. ಅವರು ಹೋದ ಕಡೆಯಲ್ಲಾ ಸ್ನೇಹ ಗಳಿಸಿದ್ದರು. ಒಬ್ಬನೇ ಒಬ್ಬ ವೈರಿಯಿಲ್ಲದೆ ಹೇಗೆ ಅಷ್ಟೊಂದು ಸ್ನೇಹಿತರನ್ನು ಪಡೆದರು ಎನ್ನುವುದು ನನಗೆ ಈಗಲೂ ಅರ್ಥವಾಗದ ನಿಗೂಢ ರಹಸ್ಯ.

    ಹೇಳಬೇಕು ಅಂದ್ರೆ.. ಅವರದು ಅಂತಹ ವಿರಳ ವ್ಯಕ್ತಿತ್ವ.. ಆ ಮಾದರಿಯದ್ದು.

    ಕೆಲವೊಂದು ಕಥೆಗಳು ಹಾಗೂ ಕೆಲವೊಂದು ಜೀವಗಳು ಕೊನೆಯಾಗಬಾರದು ಅಂತಾ ನಮಗೆ ಯಾವಾಗಲೂ ಅನ್ನಿಸುತ್ತಿರುತ್ತದೆ. ಆ ವಿಷಯದಲ್ಲಿ ಇವರು ಎರಡೂ ಕಡೆ ಇರುತ್ತಾರೆ.

    ನಾನು, ಹಿಂದಿನ ಕೆಲ ಪರಿಸ್ಥಿತಿಗಳನ್ನು ನೋಡಬೇಕಾಗಿತ್ತು ಅಂದುಕೊಳ್ಳುತ್ತೇನೆ. ನಾನು, ಗಡಿಯಾರವನ್ನು ಹಿಂದಕ್ಕೆ ತಿರುಗಿಸ ಬೇಕಾಗಿತ್ತು ಅಂದುಕೊಳ್ಳುತ್ತೇನೆ. ನಾನು, ನನ್ನ ಮೊದಲ ಚಿತ್ರೀಕರಣದ ಮೊದಲ ಶೂಟ್ ದಿನಕ್ಕೆ ಹಿಂದಿರುಗ ಬೇಕಿತ್ತು ಅಂದುಕೊಳ್ಳುತ್ತೇನೆ.  ದಿನ ಅವರ ಕಾಲಿಗೆ ನಮಸ್ಕರಿಸಿದ್ದೆ. (ಸುದೀಪ್ ಬಣ್ಣ ಹಚ್ಚಿದ ಮೊದಲ ಸಿನಿಮಾ ಬ್ರಹ್ಮ. ಆ ಚಿತ್ರದಲ್ಲಿ ಅಂಬರೀಷ್ ಹೀರೋ. ಆ ಸಿನಿಮಾ ಸೆಟ್ಟೇರಿತ್ತು. ಕೆಲವು ದಿನ ಶೂಟಿಂಗ್ ನಡೆದು ಏನೇನೋ ಕಾರಣಗಳಿಂದ ನಿಂತು ಹೋಗಿತ್ತು. ಬಿಡುಗಡೆಯಾಗಲೇ ಇಲ್ಲ)  ನಾನು, ಮೊದಲ ಬಾರಿಗೆ ಅವರನ್ನು ನೋಡಿದ್ದು, ಅವರು ನಮ್ಮ ಶಿವಮೊಗ್ಗದ ನಮ್ಮ ಮನೆಯ ಬಾಗಿಲನ್ನು ಬೆಲ್ ಮಾಡಿದ ದಿನಕ್ಕೆ ಮತ್ತೆ ಹೋಗ ಬೇಕು ಅಂದೊಕೊಳ್ಳುತ್ತೇನೆ. ಆಗ ನಾನು ಓಡಿ ಹೋಗಿ ಬಾಗಿಲು ತಗೆದೆ. ಕುರ್ತಾ ಧರಿಸಿದ್ದ ಎತ್ತರದ ಮನುಷ್ಯ ಕೈಯಲ್ಲಿ ಜೋಳಿಗೆ ಹಿಡಿದು ನಿಂತಿದ್ರು. ಆಗ ನನ್ನ ಹಿಂಬದಿಯಿಂದ ನನ್ನ ತಂದೆ ಹೇಳಿದ್ದು ‘ಒಳಗೆ ಬಾರಯ್ಯ ಅಂಬಿ’

    ಮಿಸ್ ಯೂ ಮಾಮಾ

    -ದೀಪು

  • ಅಂಬಿ.. ಜಲೀಲ ಸಾಂಗ್ ಹಿಟ್ಟಾಗೋಯ್ತೋ.

    hey jalila song is a total hit

    ಅಂಬಿ ನಿಂಗ್ ವಯಸ್ಸಾಯ್ತೋ ಚಿತ್ರದ ಮೊದಲ ಹಾಡು ಹೊರಬಿದ್ದಿದೆ. ಅಭಿಮಾನಿಗಳ ಹೃದಯದಲ್ಲಿ ಹೇ ಜಲೀಲ.. ಖಾಯಂ ಸ್ಥಾನ ಗಿಟ್ಟಿಸಿಕೊಂಡಿದ್ದಾನೆ. ಹಾಡು ವೈರಲ್ ಆಗೋಕೆ ಶುರುವಾಗಿದೆ.

    ಫುಲ್ ಬಾಟ್ಲು ವಿಸ್ಕಿ ಈಗ ಕುಡ್ದಂಗಗಾಗದೆ ಎಂದು ಶುರುವಾಗುವ ಹಾಡಿನಲ್ಲಿ ಅಂಬರೀಷ್‍ರ ಜಲೀಲ ಮತ್ತು ಕನ್ವರ್‍ಲಾಲನನ್ನು ನೆನಪಿಸ್ತಾರೆ. ಅಂಬರೀಷ್‍ರ ಇಷ್ಟದ ಆಟೋಟಗಳನ್ನೂ ಸ್ಮರಿಸುತ್ತಾರೆ. ರೇಸು, ಇಸ್ಪೀಟು, ಗೌಡ್ರ ಗತ್ತು, ಅಂಬಿಯ ಬೈಗುಳ, ಆ ಬೈಗುಳದಲ್ಲಿರೋ ಪ್ರೀತಿ, ಕಷ್ಟದಲ್ಲಿದ್ದವರಿಗೆ ಸಹಾಯ ಮಾಡುವ ಗುಣ.. ಹೀಗೆ ಇಡೀ ಹಾಡಿನಲ್ಲಿರೋದು ಅಂಬರೀಷ್ ಗುಣಗಾನ. ಅಂಬಿಕಾ, ಚಳಿ ಚಳಿ ಹಾಡು, ಸುಮಲತಾ ಮದ್ವೆಯನ್ನೂ ಹಾಡಿನಲ್ಲಿ ನೆನಪಿಸ್ತಾರೆ ಜೋಗಿ ಪ್ರೇಮ್. ಅಂದಂಗೆ.. ಇಡೀ ಹಾಡಿಗೆ ಸಾಹಿತ್ಯ ಪೋಣಿಸಿರೋದು ಜೋಗಿ ಪ್ರೇಮ್ ಅವರೇ.

    ಹಾಡಿನ ಕಿಕ್ಕು ಹೆಚ್ಚಿಸಿರೋದು ವಿಜಯ್ ಪ್ರಕಾಶ್. ಆ ಕಿಕ್ ಹೆಚ್ಚೋಕೆ ಕಾರಣ, ಅರ್ಜುನ್ ಜನ್ಯರ ಮ್ಯೂಸಿಕ್ಕು. ಗುರುದತ್ ಗಾಣಿಗ ನಿರ್ದೇಶನದ ಚಿತ್ರಕ್ಕೆ ಕಿಚ್ಚ ಸುದೀಪ್ ಮತ್ತು ಜಾಕ್ ಮಂಜು ನಿರ್ಮಾಪಕರು. ಅಂಬರೀಷ್ ಹಲವು ವರ್ಷಗಳ ನಂತರ ಹೀರೋ ಆಗಿಯೇ ನಟಿಸುತ್ತಿರುವ ಚಿತ್ರವಾದ್ದರಿಂದ, ಕುತೂಹಲವಂತೂ ರಾಕೆಟ್ ರೇಂಜನ್‍ನಲ್ಲಿದೆ. ವಯಸ್ಸಾದ್ರೂ ನೋಡೋ ನೋಟ ರಾಕೆಟ್ಟಂಗಿದೆ ಅಂದ್ಮೇಲೆ ಅಷ್ಟು ನಿರೀಕ್ಷೆ ಇಟ್ಟುಕೊಳ್ಳೋದ್ರಲ್ಲಿ ತಪ್ಪೇನಿಲ್ಲ.

  • ಅಂಬಿ.. ಸಂಭ್ರಮಕ್ಕೆ ದಕ್ಷಿಣ ಚಿತ್ರರಂಗದ ಸೂಪರ್‍ಸ್ಟಾರ್ಸ್

    ambi ninge vaisaitho audio launch on aug 10th

    ಅಂಬಿ ನಿಂಗೆ ವಯಸ್ಸಾಯ್ತೋ.. ರೆಬಲ್‍ಸ್ಟಾರ್ ಅಂಬರೀಷ್ ಹಲವು ವರ್ಷಗಳ ನಂತರ ಹೀರೋ ಆಗಿ ನಟಿಸಿರುವ ಸಿನಿಮಾ. ಸುದೀಪ್ ಚಿತ್ರದಲ್ಲಿ ಯಂಗ್ ಅಂಬರೀಷ್ ಆಗಿ ನಟಿಸಿದ್ದಾರೆ. ಜಾಕ್ ಮಂಜು ನಿರ್ಮಾಣದ ಚಿತ್ರಕ್ಕೆ ಗುರುದತ್ ಗಾಣಿಗ ಎಂಬ ಹೊಸ ಪ್ರತಿಭೆಯ ನಿರ್ದೇಶನವಿದೆ. ಶೃತಿ ಹರಿಹರನ್, ಚಿತ್ರದಲ್ಲಿ ಯಂಗ್ ಸುಹಾಸಿನಿಯಾಗಿ ನಟಿಸಿದ್ದಾರೆ. ಇಷ್ಟೆಲ್ಲ ವಿಶೇಷಗಳಿರೋ ಚಿತ್ರದ ಆಡಿಯೋ ಬಿಡುಗಡೆಯನ್ನೂ ಅದ್ಧೂರಿಯಾಗಿಯೇ ಮಾಡೋಕೆ ನಿರ್ಧರಿಸಿದೆ ಚಿತ್ರತಂಡ.

    ಆಗಸ್ಟ್ 10ಕ್ಕೆ ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭ ಇಟ್ಟುಕೊಳ್ಳಲಾಗಿದೆ. ಆ ಸಮಾರಂಭಕ್ಕೆ ಸೂಪರ್ ಸ್ಟಾರ್ ರಜನಿಕಾಂತ್ ಸೇರಿದಂತೆ ದಕ್ಷಿಣ ಭಾರತ ಚಿತ್ರರಂಗದ ಹಲವು ತಾರೆಯರು ಆಗಮಿಸುವ ನಿರೀಕ್ಷೆ ಇದೆ. 

    ಇನ್ನು ಕನ್ನಡ ಚಿತ್ರರಂಗದ ಬಹುತೇಕ ಎಲ್ಲ ಸ್ಟಾರ್‍ಗಳೂ, ಕಲಾವಿದರು, ತಂತ್ರಜ್ಞರು ತಂಡೋಪತಂಡವಾಗಿ ಅಂಬಿ.. ಹಾಡುಗಳ ಸಂಭ್ರಮಕ್ಕೆ ಸಾಕ್ಷಿಯಾಗಲಿದ್ದಾರೆ. 

    ಚಿತ್ರದ ಟೈಟಲ್ ನೋಡಿ, ನಂಗೆ ವಯಸ್ಸಾಯ್ತು ಅಂದ್ಕೋಬೇಡಿ. ಸಿನಿಮಾ ನೋಡಿ ಡಿಸೈಡ್ ಮಾಡಿ. ವಯಸ್ಸಾಗಿದ್ಯೋ ಇಲ್ವೋ ಅನ್ನೋದನ್ನ ಎಂದು ಅಂಬಿ ಸ್ಟೈಲ್‍ನಲ್ಲೇ ಚಾಲೆಂಜ್ ಹಾಕಿದ್ದಾರೆ ಅಂಬರೀಷ್. ಈ ಚಿತ್ರದ ಹಿಂದಿನ ಶಕ್ತಿ ಸುದೀಪ್. ಅವನಿಲ್ಲದಿದ್ದರೆ ಈ ಚಿತ್ರ ಬರುತ್ತಿರಲಿಲ್ಲ ಎಂದು ಸುದೀಪ್‍ರನ್ನು ಹೊಗಳಿದ್ದಾರೆ.

  • ಅಂಬಿ.. ಸಿನಿಮಾ.. ಕಿಚ್ಚ, ಶಿವಣ್ಣ, ಪ್ರೇಮ್ ಕಂಡಂತೆ..

    ambi ninge vaisiatho is awaited by film industry too

    ಅಂಬಿ ನಿಂಗ್ ವಯಸ್ಸಾಯ್ತೋ.. ಸಿನಿಮಾ ಮುಂದಿನ ವಾರ ರಿಲೀಸ್. ಅಂಬರೀಷ್ 14 ವರ್ಷಗಳ ನಂತರ ಮತ್ತೊಮ್ಮೆ ಹೀರೋ ಆಗಿ ನಟಿಸಿದ್ದಾರೆ ಎನ್ನುವುದೇ ಅಭಿಮಾನಿಗಳಲ್ಲಿ ಥ್ರಿಲ್. ಅಭಿಮಾನಿಗಳಂತೆಯೇ ಸ್ಯಾಂಡಲ್‍ವುಡ್ ತಾರೆಗಳೂ ಸಿನಿಮಾ ನೋಡಲು ತುದಿಗಾಲಲ್ಲಿ ನಿಂತಿದ್ದಾರೆ.

    ಶಿವರಾಜ್‍ಕುಮಾರ್ ಅವರಿಗೆ ಅಂಬಿ ನಿಂಗ್ ವಯಸ್ಸಾಯ್ತೋ.. ಚಿತ್ರದ ಟೈಟಲ್ ಹೇಳೋದು ಸ್ವಲ್ಪ ಕಷ್ಟ. ಯಾಕಂದ್ರೆ, ಅವರಿಗೆ ವಯಸ್ಸೇ ಆಗಲ್ಲ. ಈಗಾಗಲೇ ಹಾಡು ಕೇಳಿದ್ದೇನೆ. ಚೆನ್ನಾಗಿ ಬಂದಿದೆ. ಸಿನಿಮಾ ಕೂಡಾ ಚೆನ್ನಾಗಿ ಬಂದಿರುತ್ತೆ ಅನ್ನೋದು ನನ್ನ ನಂಬಿಕೆ. ನಿದೇಶಕ ಗುರುದತ್ ಗಾಣಿಗ ಅವರಿಗೆ ವಿಶ್ ಮಾಡಿದ್ದೇನೆ. ಸಿನಿಮಾ ನೋಡಲು ಕಾಯುತ್ತಿದ್ದೇನೆ ಎಂದಿದ್ದಾರೆ ಶಿವಣ್ಣ.

    ಈ ಸಿನಿಮಾದಲ್ಲಿ ಅಂಬರೀಷ್ ಅವರನ್ನು ನೋಡಿದ ಜನ ನಿಜಕ್ಕೂ ಖುಷಿ ಪಡ್ತಾರೆ. ಸಿನಿಮಾದಲ್ಲಿ ಅಂಬರೀಷ್ ಅಪ್ಪಟ ಮಗುವಿನಂತೆ ನಟಿಸಿದ್ದಾರೆ. ಅದರಲ್ಲೂ ಸುಹಾಸಿನಿಯವರನ್ನು ಭೇಟಿ ಮಾಡುವ ದೃಶ್ಯಗಳಲ್ಲಿ ಸುದೀಪ್ ಅಪ್ಪಟ ಮಗು. ಅದನ್ನು ಗುರುದತ್ ಗಾಣಿಗ ಅದ್ಭುತವಾಗಿ ಸೆರೆಹಿಡಿದಿದ್ದಾರೆ. ಇದು ಕಿಚ್ಚ ಸುದೀಪ್ ಮಾತು. ಸಿನಿಮಾದಲ್ಲಿ ಯಂಗ್ ಅಂಬರೀಷ್ ಆಗಿ ಕಾಣಿಸಿಕೊಂಡಿರೋ ಸುದೀಪ್ ಚಿತ್ರದ ನಿರ್ಮಾಪಕರೂ ಹೌದು.

    ನೆನಪಿರಲಿ ಪ್ರೇಮ್ ಅವರಂತೂ ಸಿನಿಮಾ ನೋಡೋಕೆ ಕಾಯುತ್ತಿದ್ದಾರೆ. ಅದಕ್ಕೆ ವಿಶೇಷ ಕಾರಣವೂ ಇದೆ. ಸಿನಿಮಾದಲ್ಲಿ ಸುದೀಪ್ ಮಾಡಿರುವ ಪಾತ್ರದಲ್ಲಿ ಮೊದಲು ಪ್ರೇಮ್ ನಟಿಸಬೇಕಾಗಿತ್ತಂತೆ. ಆಗ ನಿರ್ಮಾಪಕರು ಬೇರೆ ಇದ್ದರು. ಸುದೀಪ್ ಟೇಕ್ ಓವರ್ ಮಾಡಿದ ಮೇಲೆ ಬದಲಾವಣೆಗಳಾದವು. ಹೀಗಾಗಿ ಅಂಬಿಯಣ್ಣನ ಜೊತೆ ನಟಿಸೋ ಚಾನ್ಸ್ ಮಿಸ್ಸಾಯ್ತು ಎನ್ನುವ ಪ್ರೇಮ್, ಚಿತ್ರವನ್ನು ನೋಡೋಕೆ ತುದಿಗಾಲಲ್ಲಿ ನಿಂತಿದ್ದೇನೆ ಎಂದಿದ್ದಾರೆ.

  • ಅಂಬಿಗೆ 66.. ಡೈರೆಕ್ಟರ್‍ಗೆ 26.. ಹೇಗಾಯ್ತು ಇದೆಲ್ಲ..?

    gurudutt ganiga talks about ambi

    ರೆಬಲ್‍ಸ್ಟಾರ್ ಅಂಬರೀಷ್‍ಗೆ ಈಗಿನ್ನೂ ಜಸ್ಟ್ 66 ವರ್ಷ. ಅವರ ಸಿನಿಮಾ ಅಂಬಿ ನಿಂಗ್ ವಯಸ್ಸಾಯ್ತೋ ನಿರ್ದೇಶಕ ಗುರುದತ್ ಗಾಣಿಗಗೆ ವಯಸ್ಸು 26 ವರ್ಷ. ಬಹುಶಃ ಅಂಬರೀಷ್ ಅವರ ಸಿನಿಮಾ ನಿರ್ದೇಶಿಸಿರುವ ಅತ್ಯಂತ ಚಿಕ್ಕ ವಯಸ್ಸಿನ ಹುಡುಗ ಗುರುದತ್. ಕೆಲವರಿಗೆ ಮಾತ್ರವೇ ಅಂತಾದ್ದೊಂದು ಅದೃಷ್ಟವಿರುತ್ತೆ. ಮೊದಲ ಸಿನಿಮಾದಲ್ಲಿಯೇ ಅಂಬರೀಷ್, ಸುಹಾಸಿನಿ, ಸುದೀಪ್‍ರಂತಹ ನಟರನ್ನು ನಿಭಾಯಿಸುವ ಅದೃಷ್ಟ. ಹೇಗಾಯ್ತು ಇದೆಲ್ಲ.. ಅಂತಾ ಕೇಳಿದ್ರೆ ಅವರು ತೋರಿಸೋದು ಸುದೀಪ್ ಅವರತ್ತ.

    ಗುರುದತ್, ಕುಂದಾಪುರದ ಹುಡುಗ. ಯಕ್ಷಗಾನದಲ್ಲಿ ಆಸಕ್ತಿಯಿತ್ತು. ಆದರೆ ಕ್ರಮೇಣ ಟಿವಿ, ಸಿನಿಮಾ ಗೀಳು ಹತ್ತಿಸಿಕೊಂಡ ಗುರುದತ್ ಗಾಂಧಿನಗರಕ್ಕೆ ಬಂದ್ರು. ಅಪ್ಪ ಅಮ್ಮನ ಮಾತು ಧಿಕ್ಕರಿಸಿ ಬಂದಿದ್ದ ಕಾರಣ, ನಿತ್ಯ ಜೀವನಕ್ಕೂ ಪರದಾಟವಿತ್ತು. ಆಗ ಹೊಟ್ಟೆಪಾಡಿಗಾಗಿ ಎಲ್ಲ ಕೆಲಸವನ್ನೂ ಮಾಡಿದ ಗುರುದತ್, ಮೇಕಪ್ ಮ್ಯಾನ್‍ನಿಂದ ಹಿಡಿದು ಸೆಟ್ ಬಾಯ್‍ವರೆಗೆ ಎಲ್ಲ ಕೆಲಸವನ್ನೂ ಮಾಡಿದ್ದಾರೆ. ಹೀಗಿರುವಾಗಲೇ ಅವರು ಒಂದು ದಿನ ಸುದೀಪ್ ಕಣ್ಣಿಗೆ ಬಿದ್ದರು. ಅದೃಷ್ಟದ ಬಾಗಿಲು ತೆರೆದುಕೊಂಡಿತ್ತು.

    ನಿಂಗೆ ಒಳ್ಳೆ ಕಮ್ಯುನಿಕೇಷನ್ ಸ್ಕಿಲ್ ಇದೆ. ಏನ್ ಮಾಡಬೇಕು ಅಂದ್ಕೊಂಡಿದ್ದೀಯಾ ಅಂದ್ರಂತೆ ಸುದೀಪ್. ಡೈರೆಕ್ಟರ್ ಆಗುವ ಆಸೆಯನ್ನು ಬಿಚ್ಚಿಟ್ಟ ಗುರುದತ್ ಅವರನ್ನ ತಮ್ಮ ಜೊತೆಯಲ್ಲೇ ಅಸಿಸ್ಟೆಂಟ್ ಆಗಿ ಸೇರಿಸಿಕೊಂಡಿದ್ದಾರೆ. ಅದಕ್ಕೂ ಮೊದಲು ಸಂಜು ವೆಡ್ಸ್ ಗೀತಾಗೆ ನಾಗಶೇಖರ್ ಜೊತೆ ಹಾಗೂ ಎಸ್.ನಾರಾಯಣ್ ಜೊತೆ ಸ್ವಲ್ಪ ಸ್ವಲ್ಪ ಕೆಲಸ ಮಾಡಿದ್ದ ಗುರುದತ್, ಮಾಣಿಕ್ಯ ಚಿತ್ರದಲ್ಲಿ ಸಂಪೂರ್ಣವಾಗಿ ಅಸಿಸ್ಟೆಂಟ್ ಡೈರೆಕ್ಟರ್ ಆದ್ರು. ಸುದೀಪ್ ಅವರ ಸಂಬಂಧಿಯಾಗಿರೋ ಸಂಚಿತ್ ಎಂಬುವರ ಜೊತೆ ಕಿರುಚಿತ್ರಗಳಲ್ಲಿ ತೊಡಗಿಸಿಕೊಂಡ್ರು. ತಮ್ಮದೇ ಆದ ಒಂದು ಸ್ಕ್ರಿಪ್ಟ್ ಮಾಡಿಕೊಂಡು ನಿರ್ಮಾಪಕರ ಹುಡುಕಾಟದಲ್ಲಿದ್ದಾಗಲೇ.. ಅಂಬಿ ನಿಂಗ್ ವಯಸ್ಸಾಯ್ತೋ.. ಚಿತ್ರದ ಆಫರ್ ಸಿಕ್ಕಿದ್ದು. ಸುದೀಪ್ ಮತ್ತು ಜಾಕ್ ಮಂಜು ಅವರೇ ನಿರ್ಮಾಪಕರು.

    ಮೊದಲ ಚಿತ್ರದಲ್ಲಿಯೇ ದೊಡ್ಡ ದೊಡ್ಡ ಸ್ಟಾರ್‍ಗಳನ್ನು ನಿರ್ದೇಶಿಸುವ ಅವಕಾಶ ಬಿಡೋಕೆ ಸಾಧ್ಯನಾ..? ಜೊತೆಗೆ ಸುದೀಪ್ ಇದ್ದರು. ಈಗ ಚಿತ್ರ ಮುಗಿಸಿದ್ದೇವೆ. ಮನೆಯಲ್ಲಿ ನನ್ನ ಸಿನಿಮಾ ಕನಸನ್ನು ವಿರೋಧಿಸಿದ್ದವರೆಲ್ಲ ಈಗ ಒಪ್ಪಿಕೊಂಡಿದ್ದಾರೆ ಎಂದು ಹೇಳೋ ಗುರುದತ್, ಮೊದಲ ಚಿತ್ರವನ್ನು ಪ್ರೇಕ್ಷಕ ಹೇಗೆ ಸ್ವೀಕರಿಸುತ್ತಾನೆ ಎಂದು ತಿಳಿದುಕೊಳ್ಳೋ ಕುತೂಹಲದಲ್ಲಿದ್ದಾರೆ

  • ಅಂಬಿಗೆ ವಯಸ್ಸಾಗುವ ಮುನ್ನ.. ಹಳ್ಳಿ ಹೈದ ಕಿಚ್ಚ.. 

    ambi ninge vaisaitho shooting image

    ಅಂಬಿ ನಿಂಗೆ ವಯಸ್ಸಾಯ್ತೊ... ಬಹಳ ವರ್ಷಗಳ ನಂತರ ಅಂಬರೀಷ್ ಪೋಷಕ ಪಾತ್ರ ಬಿಟ್ಟು, ಮುಖ್ಯ ಪಾತ್ರದಲ್ಲಿ ನಟಿಸುತ್ತಿರುವ ಸಿನಿಮಾ. ಅಂಬರೀಷ್ ಅವರನ್ನು ಹೀರೋ ಮಾಡಿರುವ ಜಾಕ್ ಮಂಜು, ಯಂಗ್ ಅಂಬರೀಷ್ ಪಾತ್ರದಲ್ಲಿ ತೋರಿಸಿರೋದು ಸುದೀಪ್ ಅವರನ್ನ. 

    ಚಿತ್ರದಲ್ಲಿ ಸುದೀಪ್ ಹೇಗೆ ಕಾಣ್ತಾರೆ ಅನ್ನೋಕ್ಕೆ ಇನ್ನೊಂದು ಫೋಟೋ ಹೊರಗೆ ಬಿಟ್ಟಿದ್ದಾರೆ. ಅದರಲ್ಲಿ ಸುದೀಪ್ ಮತ್ತು ಶೃತಿ ಹರಿಹರನ್, ಅಪ್ಪಟ ಹಳ್ಳಿಯ ಪ್ರೇಮಿಗಳಾಗಿ ಕಾಣಿಸಿಕೊಂಡಿದ್ದಾರೆ. ಸುದೀಪ್ ಮತ್ತು ಶೃತಿ, ಇಬ್ಬರಿಗೂ ಇಂಥಾದ್ದೊಂದು ಲುಕ್ ಹೊಸದೇ.. ಹೀಗಾಗಿಯೇ ಪೋಸ್ಟರ್‍ನಲ್ಲಿ ಫ್ರೆಶ್‍ನೆಸ್ ಇದೆ.

    ಗುರುದತ್ ನಿರ್ದೇಶನದ ಚಿತ್ರದಲ್ಲಿ 2 ಕಥೆಗಳಿವೆ. ಒಂದು 70-80ರ ದಶಕದ ಕಥೆ. ಇನ್ನೊಂದು ಈಗಿನ ಕಥೆ. 70ರ ದಶಕಕ್ಕೆ ಸುದೀಪ್, ಈಗಿನ ಕಾಲಕ್ಕೆ ಅಂಬರೀಷ್. ಸ್ಸೋ.. ಅಂಬಿಗೆ ವಯಸ್ಸಾಗುವ ಮುನ್ನ.. ಸುಹಾಸಿನಿಗೂ ವಯಸ್ಸಾಗೋ ಮೊದಲು, ತೆರೆ ಮೇಲೆ ಕಾಣಿಸಿಕೊಳ್ಳೋದು ಸುದೀಪ್ ಮತ್ತು ಶೃತಿ. ಚಿತ್ರ ಆಗಸ್ಟ್‍ನಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.

  • ಅಂಬಿಗೆ ಸುಹಾಸಿನಿಯೇ ಜೋಡಿಯಾಗಿ ಬಂದರು..!

    suhasini to pair with ambi

    ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರದಲ್ಲಿ ರೆಬಲ್‍ಸ್ಟಾರ್ ಅಂಬರೀಷ್‍ಗೆ ಜೋಡಿ ಯಾರು ಎಂಬ ಕುತೂಹಲಕ್ಕೆ ಕೊನೆಗೂ ತೆರೆ ಬಿದ್ದಿದೆ. ಅಂಬರೀಷ್‍ಗೆ ಜೋಡಿ ಸುಮಲತಾ ಅಲ್ಲ, ರಮ್ಯಕೃಷ್ಣಾ ಅಲ್ಲ, ಖುಷ್‍ಬೂ ಕೂಡಾ ಅಲ್ಲ. ಮೊದಲೇ ನಿಗದಿಯಾಗಿದ್ದಂತೆ ಸುಹಾಸಿನಿ.

    ಈಗಾಗಲೇ ಸುಹಾಸಿನಿ ಶೂಟಿಂಗ್‍ಗೆ ಆಗಮಿಸಿದ್ದು, ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಜಾಕ್ ಮಂಜು ನಿರ್ಮಾಣದ ಈ ಚಿತ್ರಕ್ಕೆ ಬೆನ್ನೆಲುಬಾಗಿರುವುದು ಕಿಚ್ಚ ಸುದೀಪ್. ಗುರುದತ್ ಗಾಣಿಗ ಎಂಬ ಯುವ ಪ್ರತಿಭೆಗೆ ಚಿತ್ರ ನಿರ್ದೇಶನದ ಜವಾಬ್ದಾರಿ ನೀಡಲಾಗಿದೆ.

  • ಅಣ್ಣಾವ್ರನ್ನು ನೆನಪಿಸಿತು ದಿ ವಿಲನ್ 2ನೇ ಸಾಂಗ್

    the villain's second song

    ದಿ ವಿಲನ್ ಚಿತ್ರದ ಎರಡನೇ ಹಾಡನ್ನು ಪ್ರೇಮ್ ಹೊರಬಿಟ್ಟಿದ್ದಾರೆ. ನಿನ್ನೆ ಮೊನ್ನೆ ಬಂದೋರೆಲ್ಲ ನಂಬರ್ ಒನ್ ಅಂತಾರೆ ಹಾಡಿನಲ್ಲಿ ಮ್ಯಾಜಿಕ್ ಸೃಷ್ಟಿಸಿದ್ದ ಪ್ರೇಮ್, 2ನೇ ಹಾಡಿನಲ್ಲೂ ಮೋಡಿ ಮಾಡಿದ್ದಾರೆ. 2ನೇ ಹಾಡು ಅಣ್ಣಾವ್ರನ್ನು ನೆನಪಿಸುತ್ತಿರುವುದು ವಿಶೇಷ.

    ನಾನ್ ಸೈಲೆಂಟ್ ಆಗಿದ್ರೆ ರಾಮ.. ವಯೊಲೆಂಟ್ ಆದ್ನೋ.. ರಾವಣ.. ಎಂದು ಶುರುವಾಗುತ್ತೆ ಈ ಹಾಡು. ಅಣ್ಣಾ ನನ್ನ ಊರು.. ಅಣ್ಣಾ ನನ್ನ ಹೆಸರು.. ಅಣ್ಣಾ ನಾನು ಕೆಂಚನಳ್ಳಿ ಕೆಂಚ ಕಣಣ್ಣೊ.. ಎಂದು ಮುಂದುವರೆಯುತ್ತೆ. ನಂತರ ಬರುವ ಸಾಹಿತ್ಯವೇ ಇಫ್ ಯೂ ಕಂ ಟುಡೇ.. ಆ್ಯಮ್ ಸೋ ಹ್ಯಾಪಿ.. ಇಫ್ ಯೂ ಕಮ್ ಟುಮಾರೋ.. ಆ್ಯಮ್ ಟೂ ಬ್ಯಾಡ್.. ಯು ಪಿಕ್ ದ ಟೈಮ್.. ಟಿಕ್ ಟಿಕ್ ಟಿಕ್.. ಟಿಕ್ ಟಿಕ್ ಟಿಕ್ ಟಿಕ್.. ಟಿಕ್ 

    ಆಪರೇಷನ್ ಡೈಮಂಡ್ ರಾಕೆಟ್ ಚಿತ್ರದ ಹಾಡು ನೆನಪಾಯ್ತಾ..? ಅಣ್ಣಾವ್ರು ಓದಿದ್ದು 2ನೇ ಕ್ಲಾಸ್ ಆಗಿದ್ದರೂ, ಆ ಇಂಗ್ಲಿಷ್ ಹಾಡನ್ನ ಎಷ್ಟು ಅದ್ಭುತವಾಗಿ ಹಾಡಿದ್ದರು ಎಂದರೆ, ಯಾರೋ ವಿದೇಶಿ ಹಾಡುಗಾರನೇ ಹಾಡಿರಬೇಕು ಎನ್ನಿಸುವ ಹಾಗಿತ್ತು. ವಿದೇಶಿ ಇಂಗ್ಲಿಷರ ಆಕ್ಸೆಂಟ್‍ನಲ್ಲೇ ಹಾಡಿದ್ದ ಹಾಡು, ಮೋಡಿಯನ್ನೇ ಮಾಡಿತ್ತು. ಈಗ ಅರ್ಜುನ್ ಜನ್ಯ, ಆ ಹಾಡಿನ ಪಲ್ಲವಿಯನ್ನು ತಮ್ಮ ಹಾಡಿನಲ್ಲಿ ಮಿಕ್ಸ್ ಮಾಡಿದ್ದಾರೆ. ಹಾಡು ಅದ್ಬುತವಾಗಿದೆ.

    ಅಂದಹಾಗೆ ಇದು ಒಂದೇ ಹಾಡು. ಆದರೆ, ಈ ಒಂದೇ ಹಾಡಿಗೆ ನಾಲ್ವರು ಗಾಯಕರು ಧ್ವನಿ ನೀಡಿದ್ದಾರೆ. ವಿಜಯ್ ಪ್ರಕಾಶ್, ಕೈಲಾಶ್ ಕೇರ್, ಸಿದ್ದಾರ್ಥ ಬಸ್ರೂರು ಹಾಗೂ ಜೋಗಿ ಪ್ರೇಮ್ ಈ ಹಾಡು ಹಾಡಿದ್ದಾರೆ. 2ನೇ ಹಾಡನ್ನು ಕಂಠೀರವ ಸ್ಟುಡಿಯೋದಲ್ಲಿ ಬಿಡುಗಡೆ ಮಾಡಿರುವ ಪ್ರೇಮ್, ಮುಂದಿನ ಗೀತೆಗಳನ್ನು ಹುಬ್ಬಳ್ಳಿ, ದುಬೈನಲ್ಲಿ ರಿಲೀಸ್ ಮಾಡುವ ಆಲೋಚನೆಯಲ್ಲಿದ್ದಾರೆ. ಅದ್ಧೂರಿಯಾಗಿ ಮಾಡೋಕೆ ಬೆನ್ನಿಗೆ ನಿಂತಿರೋದು ನಿರ್ಮಾಪಕ ಸಿ.ಆರ್.ಮನೋಹರ್.

    ಈ ಹಾಡು ಕೇಳಿದರೆ, ಬಹುಶಃ ಈ ಹಾಡನ್ನು ಶಿವರಾಜ್ ಕುಮಾರ್ ಮೇಲೆಯೇ ಚಿತ್ರೀಕರಿಸಿದ ಹಾಗಿದೆ. ಆದರೆ, ಪ್ರೇಮ್ ಡೈರೆಕ್ಷನ್ ಮೂವಿ. ಕುತೂಹಲದಿಂದ ಕಾಯಲೇಬೇಕು.

  • ಅಭಿಮಾನಿಗಳಿಗೆ ಸುದೀಪ್ ಎಚ್ಚರಿಕೆ

    sudeep tweets on frauh account

    ‘‘ಕೆಲವರು ನನ್ನ ಹುಟ್ಟುಹಬ್ಬಕ್ಕಾಗಿ ಟಿ-ಶರ್ಟ್ ಹಾಗೂ ಐಡಿ ಕಾರ್ಡ್ ಮಾಡಿಸಲು ಹಣ ಕಲೆಕ್ಟ್ ಮಾಡುತ್ತಿರುವುದು ನನ್ನ ಗಮನಕ್ಕೆ ಬಂದಿದೆ. ಅಂಥವರ ಬಗ್ಗೆ ಮಾಹಿತಿ ಸಿಕ್ಕರೆ, ದಯವಿಟ್ಟು ನನಗೆ ತಿಳಿಸಿ’’ ಇದು ಸುದೀಪ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿರುವ ಸ್ಟೇಟಸ್.

    ಅದು ಅಭಿಮಾನಿಗಳಿಗೆ ಎಚ್ಚರಿಕೆಯೂ ಹೌದು. ಸೆಪ್ಟೆಂಬರ್ 2 ರಂದು ಸುದೀಪ್ ಹುಟ್ಟುಹಬ್ಬವಿದೆ. ಇನ್ನೂ ಒಂದೂವರೆ ತಿಂಗಳು ಟೈಮ್ ಇದೆ. ಹುಟ್ಟುಹಬ್ಬದ ನೆಪದಲ್ಲಿ ಹಣ ಹೊಡೆಯಲು ಕೆಲವು ಕಿಡಿಗೇಡಿಗಳು ಆಗಲೇ ಸಂಚು ಮಾಡಿಬಿಟ್ಟಿದ್ದಾರೆ. ಸುದೀಪ್ ಜನ್ಮದಿನ ಸೆಲೆಬ್ರೇಟ್ ಮಾಡಲು ಹಣ ವಸೂಲಿ ಮಾಡುವುದು, ಸುದೀಪ್ ಹೆಸರಿನಲ್ಲಿ  

    ಟಿ-ಶರ್ಟ್ ಹಾಗೂ ಐಡಿ ಕಾರ್ಡ್ ಮಾಡಿಸುವುದು ಹಾಗೂ ಅವುಗಳಿಗಾಗಿ ಹಣ ಕೇಳುತ್ತಿರುವುದು ಸ್ವತಃ ಸುದೀಪ್ ಗಮನಕ್ಕೆ ಬಂದಿದೆ. ತಕ್ಷಣವೇ ಎಚ್ಚೆತ್ತುಕೊಂಡಿರುವ ನಟ ಸುದೀಪ್, ಅಭಿಮಾನಿಗಳಿಗೆ ಎಚ್ಚರಿಕೆ ಕೊಟ್ಟಿದ್ದಾರೆ. ಸುದೀಪ್ ಫ್ಯಾನ್ಸ್ ಕ್ಲಬ್ಗಳು ಕೂಡಾ ಸುದೀಪ್ ಟ್ವೀಟ್ನ್ನು ರೀಟ್ವೀಟ್ ಮಾಡಿ, ಅಭಿಮಾನಿಗಳನ್ನು ಎಚ್ಚರಿಸುವ ಕೆಲಸ ಮಾಡುತ್ತಿವೆ.

    ನಿಮ್ಮ ಬೆವರಿನ ಹಣವನ್ನು ವಸೂಲಿಗಾರರಿಗೆ ನೀಡಬೇಡಿ. ಸುದೀಪ್ ಬಯಸುವುದು ಪ್ರೀತಿ ಮತ್ತು ಅಭಿಮಾನವನ್ನು ಮಾತ್ರ ಎಂದಿದ್ದಾರೆ.

  • ಅಭಿಮಾನಿಗಳು ಹೇಳಿದ್ದು.. ಶೋ ಎಲ್ಲ ನಂದೇ..

    the villain first days shows are booked by sudeep - shivanna fans

    ಶಿವರಾಜ್‍ಕುಮಾರ್ ಮತ್ತು ಸುದೀಪ್ ಅಭಿಮಾನಿಗಳ ದೊಡ್ಡ ಹಬ್ಬ ದಿ ವಿಲನ್. ಕನ್ನಡದಲ್ಲಿ ಹಿಂದೆಂದೂ ಕಂಡು ಕೇಳರಿಯದ ರೀತಿಯಲ್ಲಿ ದಿ ವಿಲನ್ ಸಡಗರ ಸದ್ದು ಮಾಡ್ತಿದೆ. ಹಲವಾರು ಕಡೆ ಥಿಯೇಟರುಗಳಿಗೆ ಥಿಯೇಟರುಗಳನ್ನು ಒಬ್ಬೊಬ್ಬರೇ ಅಭಿಮಾನಿಗಳು ಬುಕ್ ಮಾಡಿಸಿ, ಕುಟುಂಬದವರು, ಸ್ನೇಹಿತರಿಗೆ ಶೋ ತೋರಿಸುತ್ತಿದ್ದಾರೆ.

    ಬೆಂಗಳೂರಿನಲ್ಲಿ 9ಕ್ಕೂ ಹೆಚ್ಚು ಥಿಯೇಟರುಗಳಲ್ಲಿ ಒಂದೊಂದು ಶೋವನ್ನು ಒಬ್ಬೊಬ್ಬರೇ ಬುಕ್ ಮಾಡಿದ್ದಾರೆ. ತುಮಕೂರಿನಲ್ಲೂ ಅಷ್ಟೆ, ಪ್ರಶಾಂತ್ ಟಾಕೀಸ್‍ನ ಎಲ್ಲ ಸೀಟುಗಳನ್ನೂ ಒಬ್ಬರೇ ಬುಕ್ ಮಾಡಿಬಿಟ್ಟಿದ್ದಾರೆ. ಬೆಂಗಳೂರಿನಲ್ಲಿ ಕೆಜಿ ರಸ್ತೆಯ ನರ್ತಕಿ, ಗೌಡನಪಾಳ್ಯದ ಶ್ರೀನಿವಾಸ, ತಾವರೆಕೆರೆಯ ಲಕ್ಷ್ಮೀ, ಕಮಲಾನಗರದ ವೀರಭದ್ರೇಶ್ವರ, ಶಂಕರ್‍ನಗರದ ರಾಜ್‍ಮುರಳಿ, ದೊಡ್ಡಬಳ್ಳಾಪುರದ ಸೌಂದರ್ಯ ಮಹಲ್, ಮೈಸೂರಿನ ಡಿಸಿಆರ್ ಮಾಲ್, ವುಡ್‍ಲ್ಯಾಂಡ್ ಮೈಸೂರುಗಳಲ್ಲಿ ಒಬ್ಬೊಬ್ಬರೇ ಅಭಿಮಾನಿಗಳು ಇಡೀ ಶೋಗಳನ್ನೇ ಬುಕ್ ಮಾಡಿದ್ದಾರೆ.

    ತುಮಕೂರಿನಲ್ಲಿ ಶಿವಣ್ಣ ಮತ್ತು ಸುದೀಪ್ ಅಭಿಮಾನಿ ಸಂಘಟನೆಗಳ ಸದಸ್ಯರು ಒಟ್ಟಿಗೇ ಮೆರವಣಿಗೆ ನಡೆಸಲಿದ್ದಾರೆ. ಅಭಿಮಾನಿಗಳ ನಡುವೆ ಅತಿರೇಕವೇ ಹೆಚ್ಚುತ್ತಿದ್ದ ಈ ಸಮಯದಲ್ಲಿ ಸ್ಟಾರ್ ನಟರ ಅಭಿಮಾನಿಗಳೇ ಒಗ್ಗಟ್ಟಿನ ಅಭಿಮಾನ ಪ್ರದರ್ಶನ ಮಾಡ್ತಾ ಇರೋದು ಕಿಚ್ಚ ಮತ್ತು ಶಿವಣ್ಣ, ಇಬ್ಬರಿಗೂ ಖುಷಿ ಕೊಡೋದು ಖಂಡಿತಾ.

  • ಅರೆರೆ.. ಏನಿದು.. ಒಂದೇ ಕಡೆ ಕಿಚ್ಚ, ಶ್ರೀಮುರಳಿ, ಧ್ರುವ, ಮಹೇಶ್ ಬಾಬು, ಸುನಿಲ್ ಶೆಟ್ಟಿ..!

    stars come under one roof

    ಕಿಚ್ಚ ಸುದೀಪ್ ಜೊತೆ ಶ್ರೀಮುರಳಿ, ತಾರಾ, ಸುನಿಲ್ ಶೆಟ್ಟಿ ಜೊತೆ ಶ್ರೀಮುರಳಿ, ಧ್ರುವ ಸರ್ಜಾ ಜೊತೆ ರೋರಿಂಗ್ ಸ್ಟಾರ್, ಮಹೇಶ್ ಬಾಬು ಜೊತೆ, ಸುನಿಲ್ ಶೆಟ್ಟಿ ಜೊತೆ.. ಎಲ್ಲೆಲ್ಲೂ ಕನ್ನಡ ಸ್ಟಾರುಗಳೇ..

    ಏನಿದು.. ಇವರೆಲ್ಲ ಏನು ಒಟ್ಟಿಗೇ ಸಿನಿಮಾ ಮಾಡ್ತಿದ್ದಾರಾ.. ಅಂದ್ಕೋಬೇಡಿ. 

    ರಾಮೋಜಿ ಫಿಲಂ ಸಿಟಿಯಲ್ಲಿ ಕನ್ನಡ ಸ್ಟಾರ್ಸ್ ಸಮಾಗಮವಾಗಿದೆ. ಸುದೀಪ್ ಅಭಿನಯದ ಪೈಲ್ವಾನ್, ಶ್ರೀಮುರಳಿಯ ಭರಾಟೆ, ಧ್ರುವ ಸರ್ಜಾರ ಪೊಗರು, ಮಹೇಶ್ ಬಾಬುರ ಮಹರ್ಷಿ ಚಿತ್ರಗಳು ಅಕ್ಕ ಪಕ್ಕದಲ್ಲಿಯೇ ಶೂಟಿಂಗ್ ಆಗುತ್ತಿವೆ. ಅವರ ಬಳಿ ಇವರು, ಇವರ ಬಳಿ ಅವರು ಅಪ್ಪಟ ಗೆಳೆಯರಂತೆ ಒಡನಾಡಿಕೊಂಡು ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದಾರೆ. 

  • ಆಂಧ್ರ, ತೆಲಂಗಾಣ, ತಮಿಳುನಾಡಲ್ಲಿ ಪೈಲ್ವಾನ್ ಕ್ರೇಝ್

    pailwan craze in andhra, telangana and tmil nadu

    ಕಿಚ್ಚ ಸುದೀಪ್ ಅವರಿಗೆ ಕನ್ನಡದಲ್ಲಷ್ಟೇ ಅಲ್ಲ, ತೆಲುಗು, ತಮಿಳು, ಹಿಂದಿಯಲ್ಲೂ ಅಭಿಮಾನಿಗಳಿದ್ದಾರೆ. ಪೈಲ್ವಾನ್ ಸಿನಿಮಾ ಏಕಕಾಲಕ್ಕೆ 5 ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದೆ. ಅತ್ತ ಆಂಧ್ರಪ್ರದೇಶ, ತೆಲಂಗಾಣದಲ್ಲಿ ಪೈಲ್ವಾನನ ಕ್ರೇಝ್ ಶುರುವಾಗಿದೆ.

    ನಿರ್ದೇಶಕ ಕೃಷ್ಣ, ನಿರ್ಮಾಪಕಿ ಸ್ವಪ್ನಾ ಕೃಷ್ಣ ಚಿತ್ರದ ಪ್ರಚಾರವನ್ನು ಆಗಲೇ ಶುರು ಮಾಡಿದ್ದಾರೆ. ಪೈಲ್ವಾನನ ವ್ಯಾನ್‍ಗಳು ಸುತ್ತಾಟ ಆರಂಭಿಸಿವೆ. ಹೋದೆಡೆಯಲ್ಲೆಲ್ಲ ಅಭಿಮಾನಿಗಳು ಕಿಚ್ಚನ ದರ್ಶನಕ್ಕೆ ಮುಗಿ ಬೀಳುತ್ತಿದ್ದಾರೆ. ಜೈಕಾರ ಜೋರಾಗಿದೆ.

    ಸುದೀಪ್ ಜೊತೆ ಸುನಿಲ್ ಶೆಟ್ಟಿ ಕೂಡಾ ಪ್ರಮುಖ ಪಾತ್ರದಲ್ಲಿರುವ ಚಿತ್ರದಲ್ಲಿ ಆಕಾಂಕ್ಷಾ ಸಿಂಗ್ ನಾಯಕಿ. ತಮಿಳುನಾಡಿನಲ್ಲೂ ಪೈಲ್ವಾನ್ ಹವಾ ಶುರುವಾಗಿದ್ದು, ಅಭಿಮಾನಿಗಳೇ ಸ್ವತಃ ವಿಡಿಯೋ ಮಾಡಿ ಹಾಡು, ಟ್ರೇಲರ್ ಬಗ್ಗೆ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ. ಸೆಪ್ಟೆಂಬರ್ 12ರಿಂದ ಪೈಲ್ವಾನ್ ಹಬ್ಬ ಶುರುವಾಗಲಿದೆ.

     

  • ಆಯುಧಪೂಜೆಗೆ ದಿ ವಿಲನ್ ಹಬ್ಬ

    the villain to release on ayudha pooja

    ಅಕ್ಟೋಬರ್ 18ಕ್ಕೆ ಆಯುಧಪೂಜೆ. ಅದಾದ ಮರುದಿನ ವಿಜಯದಶಮಿ. ನಾಡಹಬ್ಬ ದಸರಾ ಸಂಭ್ರಮ. ಚಾಮುಂಡೇಶ್ವರಿ ನಾಡು ಮೈಸೂರಿನಲ್ಲಿ ಅದ್ಧೂರಿ ಅಂಬಾರಿ. ಹೀಗೆ.. ನಾಡಿಗೆ ನಾಡೇ ದಸರಾ ಸಂಭ್ರಮದಲ್ಲಿರುವಾಗ ಬರುತ್ತಾನೆ ದಿ ವಿಲನ್. ಅಕ್ಟೋಬರ್ 18ಕ್ಕೆ ದಿ ವಿಲನ್ ರಿಲೀಸ್.

    ಹಬ್ಬದ ದಿನ ರಿಲೀಸ್ ಡೇಟ್ ಹೇಳೋದಾಗಿ ಹೇಳಿದ್ದ ನಿರ್ದೇಶಕ ಪ್ರೇಮ್ ಮತ್ತು ನಿರ್ಮಾಪಕ ಸಿ.ಆರ್.ಮನೋಹರ್, ನುಡಿದಂತೆ ನಡೆದಿದ್ದಾರೆ. ಶಿವಣ್ಣ ಮತ್ತು ಸುದೀಪ್ ಅಭಿನಯದ ಸಿನಿಮಾ ಆದ ಕಾರಣ, ಎಲ್ಲೆಲ್ಲೂ ಅದ್ಧೂರಿ ಸಂಭ್ರಮವಿರುತ್ತೆ. ಹೀಗಾಗಿಯೇ ವಿತರಕರ ಜೊತೆ ಒಂದು ಸಭೆ ಮಾಡಿ ನಿರ್ಣಯ ಘೋಷಿಸಿದ್ದಾರೆ ನಿರ್ಮಾಪಕ ಸಿ.ಆರ್.ಮನೋಹರ್ ಮತ್ತು ನಿರ್ದೇಶಕ ಪ್ರೇಮ್. ನಿರೀಕ್ಷೆಯಂತೆ 1000 ಚಿತ್ರಮಂದಿರಗಳಲ್ಲಿ ಸಿನಿಮಾ ರಿಲೀಸ್ ಆಗುತ್ತಿದೆಯಾ..? ಕಾದು ನೋಡಿ.

  • ಇಂದು ದಿ ವಿಲನ್ ಟೀಸರ್ ಬಿಡುಗಡೆ ಹಬ್ಬ

    the villain teaser release festival today

    ದಿ ವಿಲನ್ ಚಿತ್ರದ ಬಿಡುಗಡೆ ಹತ್ತಿರವಾಗುತ್ತಿದ್ದಂತೆ, ಭರಾಟೆಯೂ ಜೋರಾಗುತ್ತಿದೆ. ಚಿತ್ರದ ಪ್ರತೀ ಹಂತವನ್ನು ಹಬ್ಬವಾಗಿಸಿದ ನಿರ್ದೇಶಕ ಜೋಗಿ ಪ್ರೇಮ್, ಇಂದು ಟೀಸರ್ ಬಿಡುಗಡೆ ಹಬ್ಬ ಇಟ್ಟುಕೊಂಡಿದ್ದಾರೆ.

    ಇಂದು ಸಂಜೆ 7 ಗಂಟೆಗೆ ಮೆರಿಡಿಯನ್ ಹೋಟೆಲ್‍ನಲ್ಲಿ ಟೀಸರ್ ಬಿಡುಗಡೆ ಹಬ್ಬವಿದೆ. ಒಂದಲ್ಲ..ಎರಡಲ್ಲ.. 4 ಟೀಸರ್‍ಗಳು ಬಿಡುಗಡೆಯಾಗಲಿವೆ. ಎಲ್ಲವೂ ತಲಾ 10 ಸೆಕೆಂಡ್‍ಗಳ ಟೀಸರ್‍ಗಳು. ಪ್ರೇಮ್ ಈ ದಿನ ಚಿತ್ರದಲ್ಲಿನ ವಿಲನ್ ಯಾರು ಅನ್ನೋ ಸುಳಿವು ಕೊಡ್ತಾರೆ ಅನ್ನೋ ಕುತೂಹಲವಿತ್ತು. ಪ್ರೇಮ್, ಆ ಸೀಕ್ರೆಟ್‍ನ್ನು ಬಹಿರಂಗಗೊಳಿಸೋಕೆ ಸಾಧ್ಯವೇ ಇಲ್ಲ ಎಂದು ಚಿತ್ರಲೋಕದ ಜೊತೆ ಬೆಟ್ ಕಟ್ಟಿದ್ದರು. ಆ ನಿರೀಕ್ಷೆ ಕೈಗೂಡುವ ದಿನ ಇವತ್ತು.

    ಶಿವರಾಜ್‍ಕುಮಾರ್, ಸುದೀಪ್, ಆ್ಯಮಿ ಜಾಕ್ಸನ್, ಅರ್ಜುನ್ ಜನ್ಯಾ ಸೇರಿದಂತೆ ಸಮಗ್ರ ವಿಲನ್ ಟೀಂ ಈ ದಿನ ಇರಲಿದೆ. ಸಿ.ಆರ್.ಮನೋಹರ್ ನಿರ್ಮಾಣದ ಸಿನಿಮಾ, ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ಅದ್ಧೂರಿ ಚಿತ್ರ. ಅಕ್ಟೋಬರ್ 18ಕ್ಕೆ ರಿಲೀಸ್ ಆಗುತ್ತಿದೆ.

  • ಇಂದು ಪೈಲ್ವಾನ್ ಟ್ರೇಲರ್ ಹಬ್ಬ

    pailwan trailer festival today

    ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರದ ಟ್ರೇಲರ್ ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ. ಆಗಸ್ಟ್ 22ರಂದು ಸಿನಿಮಾದ ಟ್ರೇಲರ್ ಹೊರ ಬರುತ್ತಿದೆ. ಇಂದು ಪೈಲ್ವಾನ್ ಹಬ್ಬ ಎನ್ನುವುದು ಫಿಕ್ಸ್ ಆಗಿದೆ. 

    ಕಿಚ್ಚ ಸುದೀಪ್, ಸುನಿಲ್ ಶೆಟ್ಟಿ, ಆಕಾಂಕ್ಷಾ ಸಿಂಗ್ ಅಭಿನಯದ ಪೈಲ್ವಾನ್ನಲ್ಲಿ ಸುದೀಪ್, ಕುಸ್ತಿ ಪಟುವಾಗಿ ನಟಿಸಿದ್ದಾರೆ. ಇದೇ ಮೊದಲ ಬಾರಿಗೆ ಸಿಕ್ಸ್ಪ್ಯಾಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಚಿತ್ರದ ಹಾಡುಗಳು ಹಿಟ್ ಆಗಿವೆ. ಕೃಷ್ಣ ನಿರ್ದೇಶನದ ಚಿತ್ರಕ್ಕೆ, ಸ್ವಪ್ನಾ ಕೃಷ್ಣ ನಿರ್ಮಾಪಕ.

    ಒಟ್ಟು 5 ಭಾಷೆಗಳಲ್ಲಿ ಪೈಲ್ವಾನ್ ತೆರೆ ಕಾಣುತ್ತಿದೆ. ಎಲ್ಲ ಭಾಷೆಗಳಲ್ಲಿಯೂ, ಜಗತ್ತಿನಾದ್ಯಂತ ಸಿನಿಮಾ ಸೆಪ್ಟೆಂಬರ್ 12ರಂದು ರಿಲೀಸ್ ಆಗಲಿದೆ. ಮೊನ್ನೆ ಮೊನ್ನೆ ತಾನೇ ಸೈರಾ ನರಸಿಂಹ ರೆಡ್ಡಿ ಟೀಸರ್ ರಿಲೀಸ್ ಆಗಿದ್ದು, ಇನ್ನು ಕಿಚ್ಚನ ಹಬ್ಬ ಶುರುವಾಗಲಿದೆ.

Babru Teaser Launch Gallery

Odeya Audio Launch Gallery