` ಶ್ರುತಿ ಹರಿಹರನ್ ಬಿಚ್ಚಿಟ್ಟ ಕಾಮುಕ ನಿರ್ಮಾಪಕರ ಕಥೆ - chitraloka.com | Kannada Movie News, Reviews | Image

User Rating: 1 / 5

Star activeStar inactiveStar inactiveStar inactiveStar inactive
 
sruthi hariharan talks about her casting couch experience
Sruthi Hariharan Image

ಅವಕಾಶ ಬೇಕಾ..? ನಾಯಕಿಯಾಗಬೇಕಾ..? ಹಾಸಿಗೆಗೆ ಬನ್ನಿ. ಇದು ಕೇವಲ ಬಾಲಿವುಡ್, ಹಾಲಿವುಡ್ ಕಥೆಯಲ್ಲ. ಸ್ಯಾಂಡಲ್‍ವುಡ್‍ನಲ್ಲೂ ಇಂಥಾ ನಿರ್ಮಾಪಕರು, ನಿರ್ದೇಶಕರು ಇದ್ದಾರೆ. ಇತ್ತೀಚೆಗೆ ಇಂಥವುಗಳನ್ನು ನಾಯಕಿಯರೂ ಬಹಿರಂಗಪಡಿಸುವ ಮೂಲಕ, ಅವುಗಳ ವಿರುದ್ಧ ಧ್ವನಿಯೆತ್ತುತ್ತಿದ್ದಾರೆ. ಈ ಬಾರಿ ಶ್ರುತಿ ಹರಿಹರನ್, ತಮಗೆ ಆಗಿದ್ದ ಅನುಭವವನ್ನು ಬಿಚ್ಚಿಟ್ಟಿದ್ದಾರೆ. ಹೈದರಾಬಾದ್‍ನಲ್ಲಿ ನಡೆಯುತ್ತಿರುವ `ಸಿನಿಮಾದಲ್ಲಿ ಸೆಕ್ಸಿಸಮ್' ಸಂಕಿರಣದಲ್ಲಿ ಶ್ರುತಿ ಸ್ವತಃ ತಾವು ಅನುಭವಿಸಿದ ಕಿರುಕುಳವನ್ನು ಹೇಳಿಕೊಂಡಿದ್ದಾರೆ.

ಆಗಿನ್ನೂ ನನಗೆ 18 ವರ್ಷ. ಚಿತ್ರವೊಂದರ ಆಯ್ಕೆಯಾಗಿ ಸಂದರ್ಶನಕ್ಕೆ ಹೋಗಿದ್ದೆ. ಆಗ ನಡೆದ ಘಟನೆ ನನ್ನನ್ನು ಬೆಚ್ಚಿಬೀಳಿಸಿತ್ತು. ಶಾಕ್ ಆಗಿದ್ದೆ. ಆ ಚಿತ್ರದಲ್ಲಿ ನಾನು ಅಭಿನಯಿಸಲಿಲ್ಲ ಎನ್ನವುದು ಬೇರೆ ಮಾತು.  ಅದಾದ ಕೆಲವು ವರ್ಷಗಳ ನಂತರ ಖ್ಯಾತ ನಿರ್ಮಾಪಕರೊಬ್ಬರು ಕರೆ ಮಾಡಿದರು. ನಾವು ನಾಲ್ಕೈದು ನಿರ್ಮಾಪಕರಿದ್ದೇವೆ. ನಾವು ನಿಮ್ಮನ್ನು ಉಪಯೋಗಿಸಿಕೊಳ್ಳುತ್ತೇವೆ ಮತ್ತು ಬೇಕಾದಂತೆ ಬದಲಾಯಿಸಿಕೊಳ್ಳುತ್ತೇವೆ ಎಂದು ಕೇಳಿದರು. ತಕ್ಷಣವೇ ನಾನು ಎದುರಿಗೆ ಬನ್ನಿ, ನಾನು ಚಪ್ಪಲಿಯಲ್ಲಿ ಹೊಡೆಯುತ್ತೇನೆ ಎಂದಿದ್ದೆ. ಇಂಥ ಘಟನೆಗಳನ್ನು ಸಮರ್ಥವಾಗಿ ಎದುರಿಸಿದ ಮೇಲೆ ನನಗೆ ಕನ್ನಡ ಮತ್ತು ತಮಿಳು ಚಿತ್ರರಂಗದಲ್ಲಿ ಒಳ್ಳೆಯ ಅವಕಾಶಗಳು ಸಿಕ್ಕವು ಎಂದು ಹೇಳಿಕೊಂಡಿದ್ದಾರೆ ಶ್ರುತಿ. 

ಈಗ ಶ್ರುತಿ ಹರಿಹರನ್, ಕನ್ನಡ ಚಿತ್ರರಂಗದ ಬಹುಬೇಡಿಕೆಯ ನಟಿಯರಲ್ಲಿ ಒಬ್ಬರು. ರಾಜ್ಯ ಪ್ರಶಸ್ತಿ ಪುರಸ್ಕøತರೂ ಹೌದು. 

#

16 Years To Majestic Gallery

Valentine Special Gallery