` ತಾರಕ್​ಗೂ ಪೈರಸಿ ಕಾಟ - chitraloka.com | Kannada Movie News, Reviews | Image

User Rating: 5 / 5

Star activeStar activeStar activeStar activeStar active
 
tarak movie image
Darshan In Tarak

ಚಾಲೆಂಜಿಂಗ್ ಸ್ಟಾರ್ ಅಭಿನಯದ ತಾರಕ್ ಚಿತ್ರ ರಿಲೀಸ್ ಆಗಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ದರ್ಶನ್​ರ ಲುಕ್ ಹಾಗೂ ಚಿತ್ರದ ಕಥೆ ಬಗ್ಗೆ ಎಲ್ಲ ಕಡೆ ಪಾಸಿಟಿವ್ ಅಭಿಪ್ರಾಯಗಳೇ ಬರತ್ತಿವೆ. ಚಿತ್ರ ದೊಡ್ಡ ಮಟ್ಟದ ಹಿಟ್ ಆಗುವ ಮುನ್ಸೂಚನೆ ಕೊಟ್ಟಿದೆ.

ಆದರೆ, ಚಿತ್ರಕ್ಕೆ ಆಗಲೇ ಪೈರಸಿ ಕಾಟ ಶುರುವಾಗಿದೆ. ಚಿತ್ರವನ್ನು ಮೊದಲ ದಿನವೇ ಚಿತ್ರಮಂದಿರಲದಲ್ಲಿ ನೋಡಿರುವ ಕೆಲವರು, ಚಿತ್ರದ ಕೆಲವು ದೃಶ್ಯಗಳನ್ನು ರೆಕಾರ್ಡ್ ಮಾಡಿ, ಫೇಸ್​ಬುಕ್​ಗೆ ಬಿಟ್ಟಿದ್ದಾರೆ. ಚಿತ್ರದ ಕೆಲವು ದೃಶ್ಯಗಳು, ರಗ್ಬಿ ಆಡುವ ದೃಶ್ಯಗಳ ತುಣುಕುಗಳು ಫೇಸ್​ಬುಕ್​ನಲ್ಲಿ ಹರಿದಾಡುತ್ತಿವೆ.

ಇದು ಈಗಾಗಲೇ ಚಿತ್ರತಂಡಕ್ಕೂ ಗೊತ್ತಾಗಿದೆ. ಲೀಕ್ ಮಾಡಿರುವುದು ಯಾರು ಎಂಬ ಬಗ್ಗೆ ಸ್ಪಷ್ಟ ಮಾಹಿತಿ ಸಿಕ್ಕಿಲ್ಲ. ಚಿತ್ರತಂಡದ ಹಾಗೂ ಚಿತ್ರಲೋಕದ ಮನವಿ ಇಷ್ಟೆ. ಒಂದು ಸಿನಿಮಾಗೆ ಕೋಟಿ ಕೋಟಿ ಖರ್ಚು ಮಾಡಿರುತ್ತಾರೆ. ಆದರೆ, ಈ ರೀತಿಯ ಘಟನೆಗಳು ಚಿತ್ರವನ್ನಷ್ಟೇ ಅಲ್ಲ, ಕನ್ನಡ ಚಿತ್ರರಂಗಕ್ಕೂ ಹಾನಿಕರ.  ಇಂತಹ ಘಟನೆಗಳು  ಅಭಿಮಾನದಿಂದ ನಡೆದಿರುತ್ತವೋ, ದುರುದ್ದೇಶದಿಂದಲೇ ನಡೆದಿರುತ್ತವೋ ಬೇರೆ ಮಾತು. ಅದರಿಂದ ಚಿತ್ರಕ್ಕೆ ಲಾಭಕ್ಕಿಂತ ಹಾನಿಯೇ ಹೆಚ್ಚು. ಕನ್ನಡ ಚಿತ್ರಗಳನ್ನು ಚಿತ್ರಮಂದಿರದಲ್ಲೇ ನೋಡಿ, ಚಿತ್ರರಂಗವನ್ನು ಬೆಳೆಸಿ, ಉಳಿಸಿ ಎಂಬುದಷ್ಟೇ ಎಲ್ಲರ ಮನವಿ.

Athiratha Movie Gallery

Rightbanner02_smuggler_inside

Uppu Huli Khara Movie Gallery